ကံတို့၏အကြောင်း

Khin Maung Lwin-Asia Masters

၁။ အသုံးများတဲ့ စကားလုံးတွေထဲမှာ ကံဆိုတဲ့စကားလုံးပါဝင်တယ်။ မအောင်မမြင်ဖြစ်ရတဲ့ အခြေအနေမျိုးမှာ လူတစ်ချို့ ဟာ ကံပေါ့လေ လို့ပြောတတ်ကြပါတယ်။ တစ်ချို့ကလည်း ကံ ကံ၏အကျိုးပေါ့လေလို့ပြောတတ်ကြပါတယ်။ ကံကိုပါ မလာဘူးလို့ ပြောသူတွေလဲရှိကြပါတယ်။ ဆိုးရွားတဲ့အခြေအနေတွေနဲ့ တွေ့ကြုံရတဲ့ အခြေအနေမျိုးမှာတော့ ကံဆိုးလိုက်တာလို့ပြောတတ်ကြပါတယ်။ အခွင့် အရေးတွေရပြီး မမျှော်လင့်ပဲ အောင်မြင်မှုတွေ၊ ပစ္စည်းဥစ္စာတွေရရှိချိန်မှာတော့ ကံကောင်းလိုက်တာလို့ ပြောလေ့ရှိပါတယ်။ ကံ ဆိုတဲ့စကားလုံးလေးဟာ အလွန်သေးငယ်ပေမဲ့ ဒီစကားလုံးကို ဘယ်လိုနဲ့ ဘယ်လောက်နားလည်သလဲဆိုတာကတော့ လူသားအပေါ်မှာ အကျိုးသက်ရောက်မှုကအလွန်ကြီးပါတယ်။
နားလည်မှုလွဲမှားတဲ့လူတွေတစ်ချို့ဟာ လူပျင်းတွေဖြစ်လာပါတယ်။ တစ်ချို့၊ကလည်းဘ၀မှာ ဦးတည်ချက်ပျောက်ပြီး ရော့တိရော့ရဲနဲ့ ဇွဲလုံးလမရှိသေူတွေဖြစ်လာကြပါတယ်။ တစ်ချို့ကလည်း ဘယ်အရာမဆို အလကားလိုချင်ပြီး၊ အခွင့်အရေးကိုသာစောင့်သူတွေဖြစ်လာပါတယ်။ တစ်ချို့ကလာဘ်စားသူတွေဖြစ်လာကြပါတယ်။ ကံရဲ့အကြောင်းကို သေသေချာချာ နားလည်သဘောပေါက်သူတွေဟာ မဆုံ့မနစ်သော ဇွဲလုံးလရှိသူတွေဖြစ်လာပါတယ်။ ရေရှည်မှာ အောင်မြင်သူတွေဖြစ်လာပါတယ်။ ဒါကြောင့် ကံဆိုတဲ့ စကားလုံးအကြောင်းကို သေသေချာချာ နားလည်သဘောပေါက်ရန်လိုလာပါတယ်။ ကံဆိုတာကို အင်္ဂလိပ် ဘာသာစကားနဲ့ပြောရင် စကားလုံးတွေအများကြီးရှိပေမဲ့ အကြမ်းဖျင်းအားဖြင့် Karma , Destiny နဲ့ Luck ဆိုပြီး သုံးမျိုးပြောနိုင်ပါတယ်။

၂။ Karma ဆိုတဲ့ စကားလုံးဟာ Oxford Dictionary မှာသွင်းထားပြီးဖြစ်တဲ့စကားလုံးဖြစ်ပါတယ်။ အသံထွက်က ကာမဂုဏ်ကိုဆိုတဲ့ ကာမနဲ့ နဲနဲဆင်နေတော့မမှားဖို့တော့လိုပါတယ်။ Karma ဆိုတဲ့စကားလုံးကိုHindu နဲ့ Buddhist တွေ အသုံးပြုတဲ့ စကားလုံးဖြစ်ပါတယ်။ action & reactiion သဘောကိုပြောတာဖြစ်ပါတယ်။ သက်ရောက်မှုတိုင်းမှာ တန်ပြန်သက်ရောက်မှုရှိတယ်လို့ယုံကြည်ခြင်းဖြစ်ပါတယ်။ အကြောင်းရှိလို့ အကျိုးဖြစ်လာတယ်လို့ ယုံကြည်ကြပါတယ်။ ဒါကြောင့် မိမိတို့ရဲ့ ကိုယ်ခန္ဓာနဲ့ သော်လည်းကောင်း၊ နုတ်အား ဖြင့် သော်လည်းကောင်း၊ စိတ်အားဖြင့်သော်လည်းကောင်း ပြုကျင့်မိခဲ့အကြောင်းများအားလုံးဟာ မိမိထံသို့ အကျိုးများအဖြစ်နဲ့ တန်ပြန် သက်ရောက်တယ်ဆိုတဲ့အယူအဆပဲဖြစ်ပါတယ်။ action & reaction ဆိုတဲ့သဘောကို ယနေ့ခေတ် သိပ္ပံပညာရှင်များကလည်း ရှာဖွေတွေ့ရှိပြီး၊ လက်ခံယုံကြည်ပါတယ်။ Hindu တွေနဲ့ Buddhist တွေယုံကြည်တာကတော့ ဒီလို အကြောင်းများက အကျိုးကို ဖြစ်စေတဲ့နေရာမှာ ဒီဘ၀မှာ လက်ငင်း အကျိုးပေးတာတွေရှိတယ်။ ဒီဘ၀မှာပဲ နည်းနည်းကြာမှ အကျိုးပေးတတ်တာတွေရှိတယ်။ နောင်ဘ၀တွေမှာမှ အကျိုးပေးတတ်တယ်လို့ယုံကြည်ကြပါတယ်။ ယခုဘ၀မှာ ရရှိနေတဲ့ အခြေအနေတွေဟာ ယခင်ဘ၀ပေါင်းများစွာက ပြုလာခဲ့တဲ့ အကြောင်းများကြောင့် အကျိုးများဖြစ်နေကြောင်းယုံကြည်ကြပါတယ်။ ဒါတွေဟာ Karma ရဲ့သဘောဖြစ်ပါတယ်။

၃။ နောက်တစ်မျိုးက Destiny ဖြစ်ပါတယ်။ မြန်မာအဘိဓာန်အရ Destiny ကို ကံ၊ ကြမ္မာ လို့ပဲဘာသာပြန်ပါတယ်။ ဒီ Destiny ကိုတော့ထာဝရဘုရားကို ယုံကြည်တဲ့ဘာသာရေးများကို ကိုးကွယ်သူတွေသုံးတာများပါတယ်။ အဓိပ္ပာယ်ကတော့ လူသားတွေမှာ ပါလာပြီးဖြစ်တဲ့၊ လူသားတွေစွမ်းရည်နဲ့ မကျော်လွှားနိုင်တော့တဲ့ အခြေအနေမျိုးကို ဆိုလိုတာဖြစ်ပါတယ်။ ပြင်သစ် နိုင်ငံမှာ အင်ပါယာ ဘုရင်ဖြစ်ခဲ့တဲ့ နပိုလီယန် ဘိုနာဘတ် ( August 15th, 1769 to May 5th, 1821) ရှိခဲ့ဖူးပါတယ်။ နပိုလီယန်ကို ကော်ဆီကန်ကျွန်းမှာ မွေးခဲ့ပြီး ပြင်သစ်တပ်မတော်မှာ သာမန်အမြောင်တပ်သားလေးအနေနဲ့ ဘ၀ကိုစခဲ့ပါတယ်။ ရည်မှန်းချက် အလွန်ပြင်းထန်ပြီး ကြိုးစားလွန်းတဲ့ အတွက် ပြင်သစ်နိုင်ငံရဲ့ စစ်ရေးရော နိုင်ငံရေးမှာ ပါဦးစီးနိုင်သူဖြစ်လာခဲ့ပါတယ်။ ၁၉ ရာစုနှစ် ဥရောပတစ်ခွင်လုံးရဲ့ နိုင်ငံရေးအပြောင်းအလဲတွေအားလုံးလိုလိုမှာနပိုလီယန်ရဲ့လွှမ်းမိုးမှုရှိပါတယ်။ သူအင်အားတောင့်တင်းလာချိန်မှာ ရုရှားနိုင်ငံကို ကျူးကျော် ခဲ့ပါတယ်။ ဒီတိုက်ပွဲမှာ သူရှုံးပါတယ်။ သူ့ကို Elba လို့ခေါ်တဲ့ကျွန်းမှာ အကျဉ်းချထားခဲ့ပါတယ်။ သူဟာ ဒီကျွန်းက ထွက်ပြေး လွတ်မြောက်ခဲ့ပြီး၊ အင်အားပြန်လည် တည်ဆောက်ပါတယ်။ နောက်တစ်ခါတိုက်ပွဲဝင်ပြန်ပါတယ်။ ဒီတစ်ကြိမ်မှာ တော့ အင်္ဂလိပ်တွေနဲ့တိုက်တဲ့ Waterloo တိုက်ပွဲမှာ ထပ်ရှုံးပါတယ်။ ဒီအချိန်မှာတော့အင်္ဂလပ်တွေက Saint Helena ကျွန်းမှာ အကျဉ်းချထားခဲ့ပါတယ်။ ဒီကျွန်းမှာ ပဲသေပါတယ်။ သမိုင်းပညာရှင်တွေက နပိုလီယန်ဟာ အစာအိမ်ကင်ဆာနဲ့ သေတယ် ဆိုပါတယ်။ တစ်ချို့ကတော့ အာဆင်းနစ်လို့ခေါ်တဲ့အဆိပ်ခပ်သတ်ခဲ့တယ်လို့ဆိုပါတယ်။ သူသေခါနီးမှာ သူ့ဇနီးအတွက် လည်ဆွဲ Locket လေးတစ်လုံးပေးခဲ့ပါတယ်။ ဒီ Locket လေးထဲ့မှာစကားလုံးလေးတစ်လုံးရေးထားပါတယ်။ ဒီစကားလုံးလေးကတော့ Destiny ပဲဖြစ်ပါတယ်။ ငါဟာဘယ်လောက်ပဲကြိုးစားကြိုးစား နောက်ဆုံးတော့ ဒီလောက်ပဲရမယ်လို့ ဆိုသွားတာပါပဲ။

၎။ နောက်ကံကောင်းခြင်းလို့ လူသုံးများတဲ့ Luck ဆိုတာတစ်ခုရှိပါတယ်။ Luck ဆိုတဲ့အဓိပ္ပာယ်ကတော့ The power that make you good ဖြစ်ပါတယ်။ အနက်ကတော့ မိမိကို ကောင်းခြင်းဖြစ်စေတဲ အင်အားလို့ဆိုပါတယ်။ ဒါကြောင့်မို့ ကံကောင်း ပါစေတို့လိုဆုတောင်းတဲ့ကိစ္စမျိုးမှာ သုံးပါတယ်။

၅။ ဒါကြောင့်မိမိက ကံ ဆိုတဲ့အသုံးအနှုံး သုံးလိုက်တဲ့အချိန်တိုင်း၊ Karma ကိုသုံးတာလား၊ Destiny ကိုသုံးတာလား၊ Luck ကိုသုံးတာလားဆိုတာ ခွဲခွဲခြားခြားသိရန်လိုပါတယ်။ လူသားတွေဟာ ဘယ်လောက်အသက်ရှင်ခွင့်ရမယ်ဆိုတာမသိပေမဲ့ လက်ရှိ ဖြစ်နေတဲ့အခြေအနေတွေကနေ ကောင်းသထက်ကောင်းအောင်ကြိုးစားနေကြရမှာဖြစ်ပါတယ်။ ဒီနေ့ဖြစ်နေတာတွေဟာအတိတ်ကံသိုသာ ယိုးမယ်ချနေမယ်ဆိုရင် ကြိုးစားအားထုတ်မှုတွေယုတ်လျှော့သွားပါလိမ့်မယ်။ ကြိုးစားအားထုတ်မှုတွေမရှိရင် ကောင်းမွန်တဲ့ဘ၀ တစ်ခုကိုမရနိုင်တော့ပါဘူး၊ လူသားတွေဘယ်အချိန်မှာသေမယ်၊ ဘယ်လိုမျိုးလူ့ဘ၀ကနေထွက်ခွာသွားရမယ်ဆိုတာကို ဘယ်သူမှ မသိနိုင်ပါဘူး။ ဒါကတော့ လူသားတွေအကြီးမားဆုံး ပဟေဠိပါပဲ။ ချမ်းသာကြွယ်ဝတဲ့သူတွေမှာ အပြစ်ကင်းမဲ့ပြီး အလိုအလျှောက် ချမ်းသာလာသူတွေရှိတယ်။ မိမိရဲ့ ကိုယ်စွမ်းအား၊ ဥာဏ်စွမ်းအားနဲ့ ကြွယ်ဝချမ်းသာလာသူများရှိတယ်။ တစ်ချို့ ချမ်းသာလာသူ များကတော့အကျင့်စာရိတ္တ ဖေါက်ပြန်ပြီး၊ ကလိမ်ကကျစ်တွေနဲ့ ခေတ်ပျက်သူ ဌေးတွေ၊ ရာဇ၀တ်ကျူးလွန်သူတွေဖြစ်တယ်။ ဒီလိုချမ်းသာမှုမျိုးဟာ အတိတ်ကကံကောင်းလို့မဟုတ်ဘူး၊ တာဝန်ကင်းမဲ့မှုတွေဖြစ်တယ်။ လောဘတွေဖြစ်တယ်။ လူသားတွေမှာဘယ်လို Destiny မျိုးလည်းဆိုတာလည်းမသိနိုင်တဲ့အတွက် လူသားတွေဟာ ရှင်သန်ခွင့်ရတဲ့အချိန်အတွင်း မိမိ၏ရှင်သန်ဖွံ့ဖြိုးရာ အတွက်သော်လည်းကောင်း၊ မိမိရဲ့ လူအသိုင်းအ၀ိုင်းရှင်သန်ဖွံ့ဖြိုးရန်သော်လည်းကောင်း မဆုံမနစ်သော ဇွဲ၊ လုံးလများနှင့် နောက်ဆုံးထွက် သက်အထိကြိုးစားသွားရမည်ဖြစ်ပါကြောင်းရေးသားအပ်ပါတယ်။ မိမိအတွက်ကောင်းမွန်မဲ့ အရာတွေ၊ မျှတဲ့မှုတွေ၊ လူသားအများစု ကြီးထွားဖွဲ့ဖြိုးရှင်သန်စေမယ့် အကြောင်းတွေကို မရပ်မနားကြိုးစားသွားကြရမှာဖြစ်ကြောင်းရေးသားအပ်ပါတယ်။