"ကျနော် နှင့် မန္တလေးရောက် အလွဲများ (၄)"

By Thanlay Ko

==========
အပေါ်ထပ်ကအရူး
==========
သူဌေးသမက် ကြည်ဆွေက သူအမွေရတဲ့ ၇၈ လမ်းက အိမ်ကို ရောင်းပြီး ၄၁ လမ်းဘက် ပြောင်းသွားတယ် ပြောတယ်။
သူ့ကလေးတွေအတွက် ချောကလက်ဝယ်လာတာ သွားပေးမလို့ လိပ်စာတောင်းတော့... ...
အမှတ် ၉၉၉. ၄၁ လမ်းကို လာခဲ့တဲ့။

ဒါနဲ့လိပ်စာအတိုင်း သွားရှာရတာပေ့ါ။

အင်း... ဒီအိမ်က ၉၉၇ ဆိုတော့ နောက်အိမ်က ၉၉၉ ဖြစ်ရမယ်။
မဂဏန်းတွေက တစ်ခြမ်း၊ စုံဂဏန်းတွေက တစ်ခြမ်းကိုး။

ခက်တာက အဲဒီ ၉၉၉ လို့ထင်ရတဲ့အိမ်က ဆောက်လက်စတိုက်၊ တစ်ထပ်ပဲ ပြီးသေးတယ်။
အောက်ထပ်မှာက လူနေနေပြီး အပေါ်ထပ်က ဆက်မဆောက်ပဲ တိုးလို့တန်းလန်းနဲ့ ရပ်ထားတာ။

အိမ်ထဲ လှမ်းကြည့်လိုက်တော့ လူတစ်ယောက် ထိုင်ခုံမှာ ငူငူကြီးထိုင်နေတာ တွေ့ရတယ်။

အင်း.... ဒီလူ့ကြည့်ရတာ ရုပ်ကတော့ ခပ်ဆိုးဆိုးထဲကပဲ၊ ဒါဆို ကြည်ဆွေ့အကို နေမှာ။ သူတို့အမျိုးက ရုပ်ဆိုးဆိုးတွေလို့ ဇော်ဝင်းနိုင်က ခဏခဏ ပြောဖူးတယ်။

ဒါနဲ့ သူ့မျက်နှာကို သေချာမကြည့်ဘဲ မျက်နှာလွဲပြီး မေးရတယ်... ...

"ကြည်ဆွေ ရှိလားဗျ"
"ရှိ"

ငင်... တုံးတိကြီး။ 'ရှိ' တဲ့။
ကတောက်စ်.... ရုပ်က ဆိုးရတဲ့အထဲ ဆက်ဆံရေးက ကျိုးတို့ကျဲတဲနဲ့
စိတ်ကိုလျှော့ပြီး ဆက်မေးလိုက်တယ်... ...

"ဘယ်မှာလဲဗျ"
"အပေါ်ထပ်မှာ နေတာ"

ငင်... လာပြန်ပြီ၊ အပေါ်ထပ်မှာ နေရအောင် အဲဒီအပေါ်ထပ်ကြီးက ပြီးမှ မပြီးသေးတာ... ...
အရဲစွန့်ပြီး ဆက်မေးရတယ်... ...

"ဟို... ဟိုလေ... အပေါ်ထပ်ကို ဘယ်က သွားရမလဲငင်"
"ဘေးမှာ လှေခါးရှိတယ်"

.... ဆိုပြီး သူက အိမ်ဘေးကို လက်ညိုးထိုးပြတယ်။

ဒါနဲ့ အိမ်ဘေးပတ်သွားပြီး ကြည့်လိုက်တော့... ...
ပရား... ပရား.... အဲလေ ဘုရားဘုရား... လှေခါးကလည်း ကြည့်ပါအုံး
ရေနံဂျီးသုတ်တဲ့ လှေခါးမျိုးကြီး
အိမ်နံရံကပ်ပြီး ထောင်ထားတာ

အင်း.... ကြည်ဆွေခမျာ သနားပါတယ်။
ယောက်ခမက သူ့ကို မျက်နှာမွဲမိုလို့ နှိမ်ထားတာနေမှာ
ကြည့်စမ်း.... အပေါ်ထပ်မှာ အမိုးမရှိ၊ အကာမရှိနဲ့ နေနေရရှာတယ်။ တက်စရာလှေခါးတောင် ဖြစ်ဖြစ်မြောက်မြောက်မရှိဘူး၊ ရေနံဂျီးသုတ်တဲ့ လှေခါးနဲ့

အေးလေ... သတ္တဝါတစ်ခု ကံတစ်ခုပေ့ါ။
ပါလာတဲ့ ချောကလက်လေးတွေကလည်း ပေးမှ ဖြစ်မှာဆိုတော့ အဲဒီအပေါ်ထပ်ကို တက်မှကို ဖြစ်တော့မှာကိုး... ...

ပုဆိုးခါးတောင်းကြိုက်ပြီး၊ ချောကလက်လေးတွေ ခါးပုံစထဲထည့်လို့ ရေနံဂျီးသုတ်တဲ့လှေခါးအတိုင်း တက်လိုက်တာ လမ်းတဝက်လောက်လည်း ရောက်ရောဗျာ.... ...
မိန်းမကြီးတစ်ယောက် အိမ်နောက်ဖေးက ထွက်လာပြီး လှေခါးတစ်ဝက်က ကျနော့်ကိုလည်း မြင်ရော... အော်ပါလေရော... ....

"ဟဲ့... ဟဲ့.... သခွီး သခွီး အဲလေ သခိုး သခိုး၊ အတင့်ရဲလိုက်တာ နေ့ခင်းကြောင်တောင် အိမ်ပေါ်တက်ခိုးနေတယ်"
"ဂျာ... အနော် သူခိုးမဟုတ်ဘူး၊ ကြည်ဆွေ့ဆီလာတာ၊ သူ့သူငယ်ချင်းပါ၊ ဂယ်ပြောတာ"
"ဒါဆို အဲဒီအပေါ်တက်ပြီး ဘာလုပ်နေတာလဲ"
"ကြည်ဆွေက အပေါ်ထပ်မှာ နေတာဆို...ဆို"
"အပေါ်ထပ်မှာ နေတာတော့ မှန်တယ်၊ ဒါပေမယ့် ဒီဘက်က အိမ်ဟဲ့"
"ငင်... အိမ်အမှတ်က ၉၉၉ ဆို"
"အိမ်အမှတ် ၉၉၉ လည်းမှန်တယ်၊ င့ါအိမ်ဝိုင်းကို ခြမ်းပြီး သူတို့ကို ရောင်းလိုက်တာ၊ ဦးပိုင် မခွဲရသေးတော့၊ သူ့အိမ်ရော င့ါအိမ်ရော ၉၉၉ ပဲ"
"ငင်... တိပေါင်၊ ဟို အိမ်ထဲမှာ ထိုင်နေတဲ့ အကိုကြီးက အပေါ်ထပ်မှာနေတာဆိုလို့ တားက... တားက အပေါ်ထပ်တက်ကြည့်နေတာ ဥစ္စာ"
"ဟဲ့... အဲဒါ င့ါမောင်၊ သူက ယဉ်ယဉ်လေးနဲ့ ရူးနေတာ"
"ဂျာ... ဂျာ"

လှည့်ထွက်သွားရင်း ပြောသွားတဲ့ အဒေါ်ကြီး စကားကို စိတ်အနာဆုံးပဲ... ...

"ဘယ့်နှယ့်တော်... ဖြစ်နိုင်မဖြစ်နိုင် မစဉ်းစားဘူး၊ အရူးပြော အရူးယုံ"... တဲ့။
"ဂိန် ... "

သန်၎ကို-ရူးပြီ။