ပညာရေးအတွက်စဉ်းစားချက် (သို့မဟုတ်) ပညာရေးပြဿနာ နှင့် အဖြေများ
|
9:01 AM |
No မှတ်ချက် |
၁ ။ မျှော်လင့်ခြင်း
မတူကွဲပြားခြင်း နှင့် ငြိမ်းချမ်းရေးပါတီသည် လစဉ်ထုတ်စာစဉ်ထုတ်ဝေပြီး နိုင်ငံရေးတာဝန် သုံးရပ်ကို ထမ်းဆောင်နေပါသည် ။ ထိုတာဝန်တို့သည်ကား -
(၁) စာဖတ်သူမိဘပြည်သူများ နှင့် ပါတီဝင်ထုကို နိုင်ငံရေးအတွေးအမြင်များဖလှယ်ခြင်း ။
ဤတာဝန်အမှတ် (၁)သည် လွန်စွာထိရောက်လိမ့်မည်ဟု မမျှော်လင့်ပါ ။ စာစဉ်ကို ဖတ်ရှု သူအများစုသည် လက်ခံစဉ်းစားခြင်း၊ တွေးတောခြင်း၊ ပြန်လှန်တုံ့ပြန်ခြင်း ပြုလုပ်ကောင်း ပြုလုပ်မည်မဟုတ်ဟု မျှော်လင့်ထားခဲ့ပါသည် ။ လူနည်းစုသည်သာ အလေးအနက်ထား ပေလိမ့်မည်ဟုမျှော်လင့်ထားခဲ့ပါသည် ။သို့သော်ထုတ်ဝေရေးသားဖြန့်ဝေခြင်းဖြင့် လူထုသဘော ရေရှည်သဘောကိုဆောင်၍နိုင်ငံရေးစိတ်ဝင်စားရန်လှုံ့ဆော်ခြင်း တည်းဟူသော တာဝန် တစ်ရပ်ကိုမဖြစ်မနေထမ်း ဆောင်ခြင်းဖြစ်ပါသည် ။
(၂) နိုင်ငံရေးသမားများ နှင့် ပြည်တွင်းပြည်ပမီဒီယာများသို့တင်ပြနေခြင်း ။
ဤတာဝန်အမှတ်(၂) သည် နိုင်ငံရေးမိတ်ဆွေလုပ်ဖော်ကိုင်ဘက်များ နှင့် ပြည်တွင်းပြည်ပ မီဒီယာများကို ကျွန်ုပ်တို့ ဘာလုပ်နေသည် ။ ကျွန်ုပ်တို့ ဘယ်လိုအမြင်များရှိနေသည်ကို သတင်းစကားပါးနေခြင်းတည်းဟူသော ဒုတိယတာဝန်တစ်ရပ်ကို ထမ်းဆောင်နေခြင်းဖြစ်ပါ ပေသည် ။
(၃) လွှတ်တော်နိုင်ငံရေးကို ဖော်ဆောင်နေခြင်း ။
ဤတာဝန်အမှတ်(၃)သည် လွှတ်တော်တွင်းရောက် နိုင်ငံရေးသမားများ နှင့် လွှတ်တော်ကို ကူညီနေခြင်းဖြစ်ကာ လွှတ်တော်နိုင်ငံရေးကို ၀ိုင်းဝန်း အသက်သွင်းပေးနေခြင်းတည်းဟူသော တတိယမြောက်နိုင်ငံရေးတာဝန်ကို ထမ်းဆောင်နေခြင်း ဖြစ်ပါသည် ။
ဤတာဝန်သုံးရပ်ထမ်းဆောင်သည့်အနေဖြင့် ဤမည်သော ပညာရေးဆိုင်ရာ ပြဿနာများ နှင့် ဖြေရှင်းရန် စဉ်းစားထားချက်များကို တင်ပြလိုက်ရပါသတည်း ။
၂ ။ ပညာရေးဆိုင်ရာ ပြဿနာများ ကိုချဉ်းကပ်ခြင်း
ဤပညာရေးပြဿနာများသည် ကျွန်ုပ်တို့ပါတီမှရှုမြင်ခြင်းသာဖြစ်ပြီး အမှန်တကယ် ပြဿနာ များဟုတ်မဟုတ် စာဖတ်သူဆင်ခြင်ရန်သာဖြစ်ပါသည် ။
တစ်နိုင်ငံလုံးအတိုင်းအတာအထိ လေ့လာသုံးသပ်နိုင်စွမ်းကျွန်ုပ်တို့တွင် မရှိကြောင်းဦးစွာ ၀န်ခံလိုသည် ။ သို့သော် ကျွန်ုပ်တို့ အာရုံစူးစိုက်လေ့လာနိုင်သော ဒေသအချို့ကို (အင်တီဂရိတ်) အကြီးချဲ့ကြည့်သော်တစ်နိုင်ငံလုံးအတိုင်းအတာကို ဆ၀ါး/ခံစား ရှုမြင်နိုင်မည်ဟု ယုံကြည်ပါသည် ။
၃ ။ ပြဿနာအရင်းအမြစ်
ပညာရေးပြဿနာသည် (က)။ ဒေသသုံးမျိုး / (ခ) ။ အခြေခံအဆင့် နှင့် အဆင့်မြင့် ပညာအဆင့် ဟူသောပညာရည်အဆင့်နှစ်မျိုး /(ဂ)။နိုင်ငံတော်ကဏ္ဍနှင့် ပုဂ်္ဂလိကကဏ္ဍဟူသော လုပ် ဆောင်မှုကဏ္ဍနှစ်မျိုး /(ဃ) ဘာသာရပ် နှင့် သင်ရိုးညွှန်းတမ်း / (င)။ သင်ပြပုံသင်ပြနည်းစနစ် / (စ)။ စာမေးပွဲ ၊ မေးခွန်းပုံစံ နှင့် အမှတ်ပေးစည်းမျဉ်း/ (ဆ)။ နိုင်ငံတော်ဘက်မှရွေးချယ်မှု နှင့် ကျောင်းသား နှင့်မိဘ ဘက်မှ ရွေးချယ်မှုဟူသော - - - ပြဿနာကြီး (၇) မျိုးကို အခြေခံ စဉ်းစားဖော်ထုတ် အဖြေရှာကြည့်မည် ။ ထိုပြဿနာ (၇) ရပ်ပေါ် တည်မှီနေသည်ဟု သုံးသပ်ပါ သည် ။ ထိုသည့် ( ၇ ) မျိုးကို အခြေခံ၍ တည်ဆဲ ပညာရေး ပေါ်လစီ နှင့် ဥပဒေများကိုက်ညီမှုရှိမရှိ ပြင်ရန်ပြောင်းရန်လိုမလို ဆင်ခြင်သုံးသပ်ကြရန်ဖြစ်ပါသည် ကျွန်ုပ်တို့ နှင့် သဘောညီ ရန်မလိုပါ ။
( က ) ဒေသ သုံးမျိုး ပြဿနာ
ဒေသသုံးမျိုး ဟူသည်မှာ ကျောင်းမရှိ/ကျောင်းမရောက်သော တောရပ်ကျေးလက်ဒေသ ၊ ဆင်ခြေဖုံးဝင်ငွေနည်း မိသားစုများနေထိုင်ရာဒေသ ၊ ပညာတတ်နှင့် ငွေကြေးကုံလုံသော မြို့ပြဖွံ့ဖြိုးရာဒေသတို့ဖြစ်လေသည် ။
(ကက)ကျေးလက်တောရွာ ပညာရေး
ဤရောဂါသည် ကျွန်ုပ်တို့နိုင်ငံ၏ အသက်မွေးမှု လုပ်ငန်းပုံစံ လူနေမှုစရိုက်တို့ နှင့်ပတ်သက် လေသည် ။ ပြန့်ကျဲဖြစ်စဉ်ကိုရှင်းလင်းမည် ။ ကျွန်ုပ်တို့ နိုင်ငံသည် မိရိုးဖလာ လယ်ယာ စိုက်ပျိုး ထုတ်လုပ်မှုအပေါ်အခြေခံသောစိုက်ပျိုးရေးနိုင်ငံအဆင့်မှာ ပင်ရှိလေသည် ။
မိရိုးဖလာဟူသော စကားရပ်ပါလေသည် ။ ၁၉၅၃ ခု နှစ်က လယ်ယာမြေ နိုင်ငံပိုင်ပြုလုပ်ခဲ့လေသည် ။ ထိုနိုင်ငံပိုင်လယ်ယာမြေစနစ်ကို ၁၉၆၃ ခုနှစ်က ဆိုရှယ်လစ် အစိုးရမှ နိုင်ငံတော်က သီးစားချထားခြင်း နှင့် တပြိုင်နက် ပုဂ်္ဂလိကအချင်းချင်း သီးစားချထားခြင်းကိုတား မြစ်သော ဥပဒေကို ထုတ်ပြန်ခဲ့လေသည် ။
ထိုဥပဒေနှစ်ခု၏ အကျိုးဆက်အဖြစ် လယ်ယာမြေကို သီးစားချထားခြင်း နှင့် လက်လွှဲ လက်ပြောင်းလုပ်ခွင့်မရှိတော့သဖြင့် လယ်ယာမြေအမြောက်အများ ပိုင်ဆိုင် သူတို့မပေါ်ပေါက်ခဲ့ ပေ ။ ကောင်းမွန်သည့် အမြင်ဘက်တွင် လယ်လုပ်သူတို့ လယ်ယာ မြေလုပ်ကိုင်ခွင့် (တရားမ၀င်နှင့်မလျှော်သြဇာသုံးစွဲပြီးမြေယာလက်လွှဲမှုအချို့မှအပ) ရရှိခဲ့ပြီး၊ ဆိုးသွမ်းမှုအနေဖြင့် လယ်မြေဧက အနည်းငယ် ( ဆိုလိုသည်မှာ - ၃ ဧကမှ ၁၅ ဧက ခန့် ) ပိုင်ဆိုင်သော တောင်သူလယ်သမားများ အလွန်များပြားလာခဲ့လေသည် ။
ထိုလယ်သမားများသည် မိမိတို့ လုပ်ငန်းဖြစ်သော လယ်ယာမြေတည်ရှိရာတွင် မိသားစုပါ အခြေချနေထိုင်လာခဲ့လေသည် ။ ထိုမြေယာပြဿနာသည် ပညာရေး ပြဿနာ ၊ ကျန်းမာရေးပြဿနာ နှင့် လူမှုအသိုင်းအ၀န်း နှင့်ကင်းပြတ်မှုပြဿနာ တို့ ကိုမွေးထုတ်လေတော့ သည် ။
( ဤနေရာတွင်ပညာရေးပြဿနာကိုသာတင်ပြမည် )
မြန်မာနိုင်ငံတခွင်တပြင်တွင် ““ရှုမဆုံးတော့သည် - - - လယ်ကွင်းတွေက တစ်မျှော်တခေါ် ”” ဟူသော စာသားနှင့် အတူ ရှုမဆုံးသော လယ်ကွင်းတွေ ၏နောက်ကွယ်တွင် ရှုမမြင်နိုင်သော လယ်သမားမိသားစုများရှိနေလေသည် ။ ထိုလယ်ကွင်းတွေသည် သူချည်းသာ ရှိနေသည်မဟုတ် စီမံကွပ်ကဲလုပ်အားစိုက်ထုတ် ထားသော လယ်သမားမိသားစုများ မှိတ်တုတ်မှိတ်တုတ် တည်ရှိနေကြခြင်းဖြစ်လေသည် ။ လူနေကျဲပါးပြီး တမျှော်တခေါ် လယ်ကွင်းတွေ နှင့် နီးစပ်ရာ အနီးဆုံးမှာ လယ်ဧက အနည်းငယ်ပိုင်သော လယ်သမား မိသားစုများသည် အကွဲကွဲအပြားပြား ပြန့်ကျဲတည်ရှိနေလေသည် ။
ထိုသို့ ပြန့်ကျဲလျက် ဗြဲလယန်း လူနေမှုရပ်ဝန်းသို့ အခြေခံပညာကျောင်းများ ရောက်ရှိဖို့ မည်သူတတ်နိုင်မည်နည်း ။ ဘိုကလေးမြို့နယ်တစ်ခုတည်းတွင် ကျေးရွာပေါင်း ၅၆၂ ရွာ ရှိသည် လယ်မြေဧကပေါင်း ၃၀၇၈၂၉ ရှိသည် ။ ထိုရွာတွေမှာ ၅၀ ရာခိုင်နှုန်းက မူလတန်းကျောင်းပင်မရှိ ။ အခြားရွာတွေမှာပေါင်းတက်ရသည် ။ ပေါင်းတက်ရသည်ဆိုသည်မှာ အပြောလွယ်သလောက် အလုပ်ခက်လေသည် ။
အကြောင်းက ““ ရှု -- မဆုံး ------ တော့သည် ”” ဆိုသည့်ကိစ်္စဖြစ်လေသည် ထို ရှုမဆုံးတော့သည့် ဧရိယာကြီးဖြတ်သန်းပြီးမှ ကျောင်းကို လေနဲ့ မိုးနဲ့ ဗွက်နဲ့ ( အထက်ဘက်ဆိုလျှင် ဆူးနှင့် ဖုန်နှင့် / တောင်ပေါ် ဆိုလျှင် ကုန်း နှင့် ချောက်နှင့် ) ဖြတ်သန်းပြီးမှ မူလတန်းကျောင်း ကလေးသို့ ရောက်လာရတာ ဖြစ်သည် ။
ဒါသည် မူလတန်းကျောင်းကိစ်္စဖြစ်သည် ။ အလယ်တန်းဆိုလျှင်ဖြင့် ထိုရွာတွေ၏ ၃၀ ရာခိုင်နှုန်းမှာသာ ရှိတော့သည် ။ အတော်ပညာလိုလားလျှင်ဖြင့် နေ့ချင်းပြန် ကြိုးစားပမ်းစား တက်လာနိုင်သေးသည် ။
အထက်တန်းဆိုလျင်ဖြင့် ထိုရွာတွေ၏ ၁၀ ရာခိုင်နှုန်းလောက်သာ ရှိတော့ သည် ။ မြို့သား သူဌေးလို ငွေသုံးပြီး ဘော်ဒါမပို့နိုင်သမျှ အထက်တန်းပညာကို တီးမိခေါက်မိဖို့ မလွယ်တော့ ။ (နေ့ချင်းပြန်ကျောင်းမတက်နိုင်တော့ ဝေးနေလေပြီ)
ဒါသည် ပြဿနာကိုတင်ပြခြင်းဖြစ်လေသည် ။ တရားခံရှာလိုခြင်းမဟုတ် အရင်အစိုးရအဆက်ဆက်ကို တရားခံလုပ်ရန် ရည်ညွှန်းနေခြင်းမဟုတ် ။ စနစ်ဖြစ် လေသည် ။ မြေယာစနစ်သည် ပညာရေးပေါ်မှာ လာရောက်အကျိုး သက်ရောက်နေ ခြင်းကိုပြဆိုလိုတာဖြစ်လေ သည် ။
( ဒီနေရာမှာ ဘယ်လိုမြေယာစနစ်ပြောင်းလဲကျင့်သုံးမည်ဟု သုံးသပ်ပြဆို မည်မဟုတ် ပါ ။ ပညာရေးအပေါ် မြေယာစနစ်က ရိုက်ခတ်မှုကိုသာ တင်ပြလိုရင်း ဖြစ်လေ သည် ။ )
ပြဿနာ (ကက) ဒေသသုံးမျိုးပြဿနာ၏ ပထမပိုင်း တောရွာကျေးလက် ပညာရေး ရယူနိုင်မှုကို အနည်းငယ်ချဉ်းကပ်တင်ပြခြင်းကို အနှစ်ချုပ်ရသော် -
- မြေယာပိုင်ဆိုင်မှု ဆိုင်ရာ ဥပဒေကြောင့် ပြန့်ကျဲ -
- ပြန့်ကျဲသဖြင့် ကျောင်း နှင့် ဝေးကွာ -
- အခြေခံပညာရယူနိုင်မှု ဟူသောပညာရေးစောင့်ရှောက်မှုပြဿနာ ကြီးမား -
- ထိုသည့် လူဦးရေမှာ မနည်းလှ နိုင်ငံလူဦးရေ၏ ၃၀ ရာခိုင်နှုန်းခန့်ရှိနေ -
ဟူ၍ ပါတီမှသုံးသပ်ပါသည် ။
(ကခ)မြို့ပြဆင်ခြေဖုံး ပညာရေး
မြို့ပြဆင်ခြေဖုံး ပညာရေးအခြေအနေသည် တောရွာများနှင့်များစွာ ကွာခြားလေသည် ။ အခြေခံပညာရေးအဆင့်သည် မိသားစု စီးပွါးရေးအခြေအနေ ၊ မိဘ၏ (ပညာလိုလားမှု နှင့် အသိတရားရေချိန်) ပေါ်တွင်သာ မူတည်လေသည် ။
ပညာသင်ယူရန် အခြေအနေပေးလေသည် ။ အခြေခံပညာအဆင့်ကို ကုန်ဆုံး အောင်သင်နိုင်စွမ်းသော အခြေအနေပေးနေလေသည် ။ သို့သော် မိဘများ၏ စီးပွါးရေး အခြေအနေ နိမ့်ပါး ပါက သားသမီးများကို အခြေခံပညာဆုံးခန်းတိုင်အောင် သင်ကြားနိုင်စွမ်းမရှိကြပေ ။
မူလတန်းနှင့် ဆုံးခန်းတိုင်သူများမှာ အတော်ပင်ရာနှုန်းနည်းပါးပါသည် ။ သို့သော် အလယ်တန်း အထက်တန်းတွင် ဆုံးခန်းတိုင်သူ ကလေးများ ကတော့ အတော်ပင်ရှိလေသည် ။
မိဘကိုယ်တိုင် သားသမီးများ၏ လုပ်အားမှရရှိသော ၀င်ငွေကို မှီခိုရတာမျိုးပင် ရှိလေသည် ။ သို့သော် အများစုသည် တက်္ကသိုလ် ပညာရေးအထိ ( အနည်းဆုံး အဝေးသင် ) အထိ တက်လှမ်းနိုင်လေသည် ။
သို့သော်ထိုသည့် မိသားစုများဘ၀အခြေအနေပြောင်းလဲဖို့ရာမှာ အလုပ်ခွဲခြား လုပ်ကိုင်ခြင်းတည်းဟူသောစက်ရုံစီမံခန့်ခွဲမှု၏ အကျိုးကိုခံစားရသူများအဖြစ်ပေါ်ပေါက်လာရန် သာရှိလေသည် ။
ထို့အပြင် ထိုသည့် ဧရိယာမှ ထူးချွန်ထက်မြက်သူများကိုတော့ နိုင်ငံတော်မှ စရိတ်စက ကျခံသုံးစွဲကာ (နိုင်ငံတော်အကျိုး နှင့် ထိုသည့် ကလေးမျိုး၏ဘ၀ တည်းဟူသော) အကျိုးနှစ်ပါးကို ရည်မျှော်ဖြေရှင်းသင့်ပေသည် ။
ထိုဧရိယာရှိကလေးများ အခြေခံပညာဆုံးခန်းမတိုင်မှု၏ စနစ်ဆိုင်ရာ ပြဿနာ တစ်ခုမှာ ကျူရှင်ကိစ်္စ ဖြစ်လေသည် ။ အကြောင်းမှာ ကျောင်းမှ ဆရာ/ဆရာမများ ၏ လစာနည်းပါးခြင်း ကို အခြေခံ၍ ကျူရှင်သင်ခြင်းနှင့် ကျူရှင်လစာ ကိုမျှော်ကိုးသောအားဖြင့် ပေါ်ပေါက်လာသော ခွဲခြား ဆက်ဆံခံရခြင်း ( ဤနေရာတွင် ဆရာ/ဆရာမ များသည် ကျောသားရင်သားမခွဲခြားဘဲ ဆက်ဆံပါသည်။ ကျူရှင်တက်/မတက်နှင့် မဆိုင်ပါဟူသော ဆင်ခြေသည် မလုံလောက်ပေ ။ စာသင်သားကလေး ငယ်များ၏ နုနယ်သော နှလုံးသားနှင့် စိတ်တည်းဟူသော အခြေခံရှိနေသည့် စက် မဟုတ်သော လူသားကလေးငယ်များဖြစ်နေခြင်းကို အလေးထားရပေ မည် ။ ဥပမာ - ကျုရှင်တက်သော ကလေးကို ကျူရှင်နေ့ရက်/အချိန် အတွက် ဦးတည် ချိန်းဆိုခြင်း ကျုရှင်နေရာအတွက် စကားစမြည်ပြောဆိုခြင်း တို့ ပြုလုပ်ရပါသဖြင့် ကျုရှင်မယူသော ကလေးများသည် အလေးပေးမခံရသကဲ့သို့ ရှုမြင်ခံစား ရလေသည် ။ ) ဒါသည်ပင် နှုးညံ့သိမ်မွှေ့သော ခွဲခြားခံရခြင်းတစ်မျိုးဖြစ်လာလေသည် ဤဖြစ်စဉ်ကို နုနယ်သော ကလေးများ ခံနိုင်ရည်မရှိကြ မသိစိတ်တွင်ကိန်းအောင်းနေသော ““ဆရာစိမ်းစိတ်””သည် ပညာရေးတွင် ထိခိုက်လာလေသည် ။ စာသင်ကြားမှုကို မပျော်သော ရောဂါကို ရရှိခံစားလာရလေ သည် ။ ဤဖြစ်စဉ်များသည် ကလေးများ (ဆင်ခြေဖုံးအတွက်အဖြစ်များ၊ တောရွာတွေမှာတော့မရှိ တောရွာပြဿနာနှင့်မတူ) အခြေခံပညာ ဆုံးခန်း မတိုင် စေသော ပညာရေး ကွင်းပြင်ဖြစ်လေသည် ။
( လှေကြီးပေါ်လှေငယ်တင် ၊ အိမ်ကြီးပေါ်အိမ်ကလေးဆောက် ၊ ကျောင်းကြီးပေါ် ကျောင်းကလေး ဆောက်သော အဖွဲ့အစည်းကိုဖြိုခွဲသည့်လုပ်ရပ်တစ်ခုဖြစ်လေသည် ။ )
ပြသနာ (ကခ)မှ ဒုတိယပိုင်းဖြစ်သော မြို့ပြဆင်ခြေဖုံးပြဿနာများကို အနှစ်ချုပ်ရသော် -
- မိဘ၏ စီးပွါးရေး ပြဿနာ -
- မိဘ၏ ပညာလိုလားမှု ပြဿနာ ( ပညာတန်ဖိုးနားလည်မှု ယုံကြည်မှု ) -
- မိဘ၏ အသိတရားရေချိန် ပြဿနာ -
- အစိုးရကျောင်း ဆရာ/ဆရာမများ ကျူရှင်သင်မှု ပြဿနာ -
ပေါ်တွင် အခြေခံနေသည် ဟု ပါတီမှ သုံးသပ်ပါသည် ။
(ကဂ)ပညာတတ်နှင့် ငွေကြေးကုံလုံသော မြို့ပြဖွံ့ဖြိုးရာဒေသ ပညာရေး
ဤဧရိယာသည် အခြေခံပညာပြဿနာတွင်မရှိပေ ။ မိဘများသည်လည်း ပညာလိုလားသော အ၀န်းအ၀ိုင်းဖြစ်လေသည် ။ သားသမီး၏ ပညာရေးကို အစွမ်းကုန် အားထုတ်လုံးပန်းလေသည် ။
မိဘ၏ သားသမီးကို အလိုလိုက်မှုပြဿနာတစ်ခုသည်သာ သားသမီးများ၏ မိဘအားကိုးကျင့် မိမိကိုယ်ကို အားကိုးမှု ပပျောက်ခြင်း အကျင့်ကို ပေးပေသည် ။ အဆင့်မြင့် ပညာသင်ယူသော အခါ တွင်မှု ပညာရေး၏ မက်လုံးသည် ပပျောက် သကဲ့သို့ရှိပြီး မိဘနှင့် ကလေးများသည် မိမိတို့ ၏ ဘ၀နောင်ရေးအားမခံချက်ပေးသော အလုပ်အကိုင် အခွင့်အလမ်း လစာရိက်္ခာရှိရာ မွေးထုတ်နိုင်ရာ ကဏ္ဍများသို့ ချဉ်းကပ် ရွေးချယ်မှုဖြစ်လေသည်။ ထိုနေရာတွင်ကြီး မားသောအချိုးအကွေ့နှင့် ကြီးမားသော ပြိုင်ဆိုင်မှု တို့ကို ပြုလုပ်ကြရလေသည် ။
ဤပြဿနာသည် ပညာရေး၏ တိုက်ရိုက်ပြဿနာမဟုတ်ဘဲ မြန်မာနိုင်ငံအတွင်း လူသားအရင်းအမြစ်မျိုးစုံ ( ဆိုလိုသည်မှာ နားလည်တတ်ကျွမ်းမှုမျိုးစုံ ) အတွက် အလုပ်အကိုင် ကဏ္ဍစုံမဖန်တီးနိုင်သော နိုင်ငံလုံးဆိုင်ရာ စီးပွါးရေးကဏ္ဍမျိုးစုံ၏ ပြဿနာပေါ် အခြေခံလေသည် ။
မြို့ပြဧရိယာပေါ်တွင်ရှိသော ကလေးများသည် အလုပ်အကိုင်အခွင့်အလမ်း ပေါ်မူတည်ပြီး ပြည်တွင်း ပညာရေးနှင့် ပြည်ပ ပညာရေးဟူသော ရွေးချယ်မှုများပါ ဖြစ်ပေါ်လာလေ သည် ။
ထိုရွေးချယ်မှုသည်လည်း ဝေး၀ါးလျက်ရှိနေပေသည် ။ အကြောင်းမှာ နိုင်ငံတွင်းတွင် မည်သည့် ပညာရပ်မျိုး ကျွမ်းကျင်မှုမျိုးအတွက် လုပ်သား လိုအပ်ချက် မည်သည့် နေရာ တွင်ရှိသည် ဟူသော တွက်ချက်နိုင်သည့် အခြေအနေ မရှိသေးပေ။ ဒါသည်ပင် သွယ်ဝိုက်ပြဿနာဖြစ်လေ သည် ။
ထို့ကြောင့် -
ပြဿနာ (ကဂ) မှ တတိယပိုင်းဖြစ်သော ပညာတတ်နှင့် ငွေကြေးကုံလုံသော မြို့ပြဖွံ့ဖြိုးရာ ဒေသရှိပညာရေးပြဿနာကို အနှစ်ချုပ်သော် -
- အခြေခံပညာတွင် ပြဿနာရှိသော်လည်း ကျော်လွှားနိုင် -
- အဆင့်မြင့်ပညာတွင် ရွေးချယ်နိုင်စွမ်းရှိသော်လည်း အနာဂတ်အတွက်ပုံစံချနိုင်သော စိတ်ချရမှုမရှိ ( သွယ်ဝိုက်ပြဿနာ )
- ပြည်တွင်းပြည်ပ ပညာရေး နှစ်မျိုးလုံးသည် ပြည်တွင်း အလုပ်အကိုင်ပုံစံမျိုးစုံ ဖွံ့ဖြိုးမှုပေါ်တွင် သွယ်ဝိုက်မှီခိုနေသော သွယ်ဝိုက်ပြဿနာ -
စသော ပြဿနာများ ဆင်ခြင်ရန် ရှိပါကြောင်း ပါတီမှသုံးသပ်ပါသည် ။
(ခ) အခြေခံအဆင့်နှင့်အဆင့်မြင့်ပညာအဆင့် / အဆင့်နှစ်မျိုး ပြဿနာ
ပြဿနာပုံစံသည် အခြေခံအဆင့် နှင့် အဆင့်မြင့်ပညာအဆင့်တွင် ပုံသဏ္ဍာန် မတူဘဲပေါ် ပေါက်နေသည်ဟု လေ့လာတွေ့ရှိရပေသည် ။
အခြေခံပညာအဆင့်တွင် သင်ယူပြီးမြောက်နိုင်မှုပြဿနာ နှင့် သင်ပြပုံသင်ပြ နည်းစနစ် ပြဿနာ နှစ်မျိုးပေါ်ပေါက်သည် ။ ဤအခန်းတွင် သင်ယူပြီးမြောက်မှုပြဿနာကို အလေးပေး ဖော်မည်ဖြစ်ပြီး ခေါင်းစဉ် (င)တွင် သင်ပြပုံ သင်ပြနည်းစနစ်ပြဿနာကို အကျယ်ဖော်ပြပါမည် ။
( ခ က ) အခြေခံအဆင့် သင်ယူပြီးမြောက်မှုပြဿနာ
သင်ယူပြီးမြောက်နိုင်မှုတွင် အခြေခံပညာအဆင့်အနေဖြင့် နိုင်ငံသားအများစု သည်ဘာသာရပ်ဆိုင်ရာ အခြေခံအမြင်ရှိရန်လိုအပ်ပါသည် ။
ဘာသာရပ်ဆိုင်ရာ အခြေခံအမြင်ဟူသည်မှာ သမိုင်းကြောင်းဆိုင်ရာ ချဉ်းကပ် နိုင်စွမ်း (သမိုင်းဘာသာရပ်) ၊ စီးပွါးရေးဆိုင်ရာချဉ်းကပ်နိုင်စွမ်း (စီးပွါးရေး ပညာဆိုင်ရာဘာသာရပ်)၊ စီးပွါးရေးအမြင်ကို အထောက်အကူပြုစေနိုင်ရန် အတွက်သင်္ချာပညာဆိုင်ရာ ဘာသာရပ် ၊ ကျန်းမာရေး နှင့် စိုက်ပျိုး/မွေးမြူရေးဆိုင်ရာ ချဉ်းကပ်နိုင်မှု ကို အထောက်အကူပြုရန် ဇီဝဗေဒဆိုင်ရာ ဘာသာ ရပ် ၊ သဘာဝတရား/ နေ့စဉ်လူနေမှုပုံစံ နှင့် ကိုးကွယ်ယုံကြည်မှု ဆိုင်ရာ ချဉ်းကပ်ဆင်ခြင်နိုင်ရန်အတွက် ရူပဗေဒဘာသာရပ် ၊ ကျန်းမာရေး/အစာအဟာရ/စိုက်ပျိုးမွေးမြူရေးဆိုင်ရာ ချဉ်းကပ်ဆင်ခြင် သုံးသပ်နိုင်ရန်အတွက် ဓါတုဗေဒ ဘာသာရပ် ၊ ယဉ်ကျေးမှုအမျိုးမျိုး ကိုခံစားမျှဝေနိုင်ရန်အတွက် ယဉ်ကျေးမှုဆိုင်ရာဘာသာရပ် ၊ ပျှော်ရွှင်လွတ်မြောက် မှုတီထွင်ဆန်းသစ်ခံစားမှုကို ချဉ်းကပ်ခံစား နိုင်ရာအတွက် အနုပညာဘာသာရပ်မျိုးစုံ၊ ကျန်းမာကြံ့ခိုင်စေရန်အတွက် အားကစားပညာဘာသာရပ်၊ ဆင်ခြင်စဉ်းစား တွေးတောမှုကို လေ့ကျင့်စေရန်အတွက် အတွေးအခေါ်ပညာဘာသာရပ်၊ နိုင်ငံသား ကောင်းတစ်ယောက်ဖြစ်ရန်အတွက် ပြည်သူ့ရေးရာဘာသာရပ် စသဖြင့် လူကြီးဘ၀တွင် ကြုံတွေ့ နိုင်သော ပြဿနာမျိုးစုံအတွက် ချဉ်းကပ်အဖြေရှာနိုင်ရန် ရည်ရွယ်ချက်ဖြင့် အခြေခံပညာအဆင့်တွင် တို့ထိထားရပေမည် ။
ထိုသည့်ဘာသာရပ်များကို သင်ယူပြီးမြောက်မှု ( ကျွမ်းကျင်ပိုင်နိုင်မှုကိုမဆိုလိုပါ ဘ၀တစ်သက်တာ အရှည်သဖြင့် ချဉ်းကပ်ခံစားနိုင်မှုကိုသာ ဆိုလိုပါသည် ။ ) အတွက် အခြေခံပညာ အဆင့်တွင် တို့ထိထားဘူးပြီးသားဖြစ်ရမည် ။
( ယခု အခြေအနေတွင် ထိုသည့်ဘာသာရပ်များတို့ထိနိုင်မှုမရှိ )
( ဘာသာရပ်တွေများ၍ခက်ခဲလွန်းသည်ဟု မြင်လျင် ယခု သင်ကြားမှု စနစ်ကြောင့်သာ ဖြစ်မည် အမှန်က တို့ထိယုံသာဖြစ်ရမည် ၀န်ထုပ်ဝန်ပိုးသဖွယ် ကျက်မှတ်နေရန် မဟုတ် အချို့ဘာသာရပ်များအတွက် ပုံပြင်သဖွယ်သာဖြစ်၍ စာသင်သား အတွက်ဝန်ပေါ့ပြီး ဗဟု သုတ သာဖြစ်စေရမည် )
အခြေခံပညာအဆင့် သင်ယူပြီးမြောက်နိုင်မှုပြဿနာတွင် စာသင်ခန်းထဲ ရောက်ရှိမှုမရှိခြင်း နှင့် သင်ကြားသင့်သည်များ လိုအပ်ခြင်း ဟူသော ပြဿနာ နှစ်ရပ်ဖြစ်ပေါ်နေသည် ။
( ခ ခ ) အဆင့်မြင့်ပညာပြဿနာ
အဆင့်မြင့်ပညာတွင် အရည်အသွေး နှင့် လူစွမ်းအားအရင်းအမြစ်ပြဿနာ နှစ်မျိုး ပေါ်ပေါက်သည် ။ အဆင့်မြင့်ပညာဆိုသည်မှာ အမှန်တကယ်အဆင့်မြင့်ရန်လိုသည် ။ လူဦးရေးအမြောက် အများ မွေးထုတ်ရန်မလို ။ နိုင်ငံတွင်းရှိ စာသင်သားအားလုံး၏ ၂ ရာနှုန်းမှ ၅ ရာခိုင်နှုန်း အဆင့်မြင့်နေလျှင် လုံလောက်ပေပြီ ။
လူ့စွမ်းအားအရင်းအမြစ်အကြောင်းစကားစလျှင် စာသင်ဖို့ကို ပြေးမြင်ခြင်းသည် ဖြစ်ရိုးဖြစ်စဉ် အမှားအယွင်းတစ်ခုဖြစ်နေပေပြီ ။ လူစွမ်းအားအရင်းအမြစ်ဖွံ့ဖြိုးရေးသည် စာသင်ခြင်းနှင့် တိုက်ရိုက်မပတ်သက်ပေ ။ အလုပ်အကိုင်အခွင့်အလမ်းအမြောက်အများ ပေါ်ပေါက်နေမှုနှင့်သာ တိုက်ရိုက်ပတ်သက်လေသည် ။
လူ့စွမ်းအားအရင်းအမြစ်သည် အကယ်ဒမစ်ဟူသော ကျောင်းသင်ပညာရေးနှင့် တိုက်ရိုက်မပတ်သက်ပေ ။ အဆင့်မြင့်ပညာဟူသည်မှာ နိုင်ငံအနာဂတ်အတွက် ပညာရေး ကိုအခြေခံ သော တီထွင်ဆန်းသစ်နိုင်မှုများ အမှန်တကယ် နားလည် တတ်ကျွမ်းမှုများလိုအပ်သည်ဖြစ်ရာ သင်ထောက်ကူပစ်္စည်းများပြည့်စုံခြင်း အဆင့်မှီခြင်းသည် မရှိမဖြစ်အင်္ဂါရပ်ဖြစ်သည် ။
ယနေ့တက်္ကသိုလ်များ အလွန်းများပြားစွာထူထောင်ထားပြီး စာရွက်တက်္ကသိုလ် ချည်းဖြစ် နေလေ သည် ။ တက်္ကသိုလ် အဆင့်ရောက်နေသူများ မိုက်ခရိုစကုပ်တစ်လုံး နှင့် အလုပ်မလုပ်ဘူး သေးပေ ။ ဆိုလိုသည်မှာ သင်ထောက်ကူပစ်္စည်း လုံးဝနတ်္ထိနီးပါးဖြစ်နေသည်ဟု ထောက်ပြလိုရင်းဖြစ်ပါသည် ။
ဓါတုဗေဒဓါတ်ဆေးတွေ မကြာခဏအရည်ဖျော်နိုင်ရမည်။ မီးရှို့နိုင်ရမည် ။ ဓါတ်စုကျည် တောက်ကို ဗဟိုခွါစက်နဲ့ ထည့်လှည့်နိုင်ရမည် ။ စတိမရ ။
““ ဆရာမတစ်ယောက်က ဆဲလ်တစ်ခုကို မှန်ပြားပေါ်တင်ထားပြီး တစ်ယောက် မှ မလှုပ်နဲ့ ငြိမ်ငြိမ်နေ ပုံပြောင်း သွားမယ် ။ အလှည့်ကျကြည့် ၊ ကြည့်ယုံကြည့် မထိနဲ့ ၁၅ ယောက် တန်းစီထား ခုံနံပတ်အစဉ်လိုက်ကြည့် ””
ဆိုသော လက်တွေ့ခန်းတွေ ဆိတ်သုဉ်းဖို့အချိန်တန်ပြီ။ မွှေဟယ်နှောက်ဟယ် ကျကွဲဟယ် နှင့် ကိုယ်ထူ ကိုယ်ထ စိတ်အေးလက်အေး ကိုင်တွယ်စမ်းသပ် အရည်ဖျော် ၊ မီးရှို့ ၊ ချောင်းကြည့်၊ မီးထိုး ၊ မှန်ဘီလူးတပ် ၊ ပုံရိပ်ဖော် ၊ ဆလိုက်ရှိုး ကိုယ်တိုင်ထိုး ၊ ၀င်းတန်နယ်မှာ လေမှုတ် ၊ ပရက်စ်နဲ့ဖိကြည့် ၊ ခွဲစိတ်ဖြတ်တောက် ၊ ချိတ်ဆက်ဂဟေဆော် ၊ စသော စသော ပြောမဆုံးပေါင် တောသုံးထောင် လက်တွေ့လုပ်ကိုင်ကြည့်စရာတွေ တပုံတပင်မရှိက တက်္ကသိုလ်ဟု မခေါ်သင့် ။
တက်္ကသိုလ်တွေများနေရမည်ဟု ဘယ်သူမျှတောင်းဆိုနေသည်လည်းမဟုတ်။ အသက်ရှင် ရပ်တည်ရေးအတွက် အလုပ်အကိုင်အခွင့်အလမ်းအတွက်သည် တော်ရုံ သင်တန်းနှင့် ပြေလည် ပြီးပြတ်စေရမည် ။
သင်တန်းတွေဆိုလျင်လည်း လုပ်ငန်းခွင်သင်တန်းတွေကိုဆိုလိုတာဖြစ်သည် ။ ဒီလို သင်တန်းတွေ ဖွံ့ဖြိုးဖို့ကလည်း အလုပ်အကိုင်များဖန်တီးထားနိုင်သော စီးပွါးရေးအခင်းအကျင်းရှိဖို့လို သည် ။
ဤတွင် စီးပွါးရေးမဖွံ့ဖြိုးမှု ဟူသော စီးပွါးရေးပြဿနာ၏ ဘေးထွက်ဆိုးကျိုး အဖြစ် အလုပ်အကိုင်အခွင့်အလမ်းအတွက်မျှော်လင့်နိုင်သည့် ကျောင်း/ သင်တန်း / ဘာသာရပ် စတာတွေ မဖွံ့ဖြိုးတော့ ။ စီးပွါးရေးလုပ်ငန်းဘက်က လုပ်သား ဆွဲအားရှိမှ ကျောင်းနဲ့ ဆရာနဲ့ နည်းပြတွေနဲ့ ကျောင်းသားတွေနဲ့ စည်စည်ကားကားကျောင်းတွေ မြင်ရမည် ။
အလုပ်အကိုင်အခွင့်အလမ်း မဖန်တီးထားနိုင်သမျှ ပညာရေးကွင်း၏ လက်တွေ့ပိုင်း လူ့စွမ်းအားဖွံ့ဖြိုးမှု ကိစ်္စ ပြေလည်မည်မဟုတ် ။
တစ်နှစ် တစ်နှစ် လူလားမြောက်လာသော ဆူကြုံနိမ့်မြင့် အလွှာစုံက ကလေးတွေ ကို အလုပ်အကိုင် အခွင့်အလမ်းတွေ ဖန်တီးပေးဖို့ တာဝန်သည် နိုင်ငံကို စီမံခန့်ခွဲနေသူတွေ၏ တာဝန်ဖြစ်သည် ။ ဒီတာဝန်သည်ကြီးလေးလွန်းသည် နယ်ပယ်စုံကအကြံပြုချက်တွေလက်ခံဖို့လိုသည်။
( အဆင့်မြင့်ပညာဟူသည်မှာ - လူ့အဖွဲ့အစည်း ထပ်ဆင့်တိုးတက်ဖို့ အတွက် ထူးချွန် ၊ဇွဲရှိ ၊ အမှန်တကယ်ဝါသနာပါသူ လူနည်းစု တို့ကို ရေရှည် မြုပ်နှံရသည့် နေရာ )
( အလုပ်အကိုင်အခွင့်အလမ်းဟူသည်မှာ - နိုင်ငံရေးရာ စီမံခန့်ခွဲခွင့်ရှိသူတို့၏ နေရာချထား ကြည့်ရှု စောင့်ရှောက်ခြင်းကို ငထူ လူများစုကြီးခံစား စံစားရခြင်းကိစ်္စ )
အမှတ်စဉ် (ခ)။ အခြေခံအဆင့်နှင့်အဆင့်မြင့်ပညာအဆင့်/
အဆင့်နှစ်မျိုး ပြဿနာကို အနှစ်ချုပ်ရသော် -
အခြေခံအဆင့်တွင် -
သင်ယူသင့်သည်များ မသင်ယူနိုင်ခြင်း -
ဆုံးခန်းတိုင်သင်ယူခွင့်မရခြင်း -
ဟူသော သင်ယူပြီးမြောက်မှု ပြဿနာနှစ်ရပ် ။
အဆင့်မြင့်ပညာအဆင့်တွင် -
စာရွက်တက်္ကသိုလ်များဖြစ်ပြီး သင်ထောက်ကူပစ်္စည်းမရှိခြင်း -
စာရွက်တက်္ကသိုလ်တွေပေါများနေခြင်း -
ဟူသော အရည်အသွေး ဆိုင်ရာ ပြဿနာ နှစ်ရပ် ။
ဘေးထွက်ပြဿနာ အားဖြင့် -
အလုပ်အကိုင်အခွင့်အလမ်း ဖန်တီးထားနိုင်စွမ်းမရှိသော နိုင်ငံလုံးဆိုင်ရာ စီးပွါးရေးဖွံ့ဖြိုးမှုပုံစံ ဆွဲအားမကောင်းမှု ပြဿနာ ဟူသော နိုင်ငံလုံးဆိုင်ရာ စီးပွါးရေးဘက်မှလာသော ဘေးထွက် ပြဿနာ -
ဤပြဿနာများသည် -
- အခြေခံပညာအဆင့်၏ လားရာ -
- အဆင့်မြင့်ပညာ၏ လားရာ -
- လူ့စွမ်းအားအရင်းအမြစ်ဟူသော အဓိပ်္ပါယ် - ကိုနားလည် ဖော်ဆောင်မှ ပြေလည်ပါလိမ့်မည် ။
(ဂ) နိုင်ငံတော်ကဏ္ဍနှင့် ပုဂ်္ဂလိကကဏ္ဍဟူသော ကဏ္ဍနှစ်မျိုး ပြဿနာ
မြန်မာနိုင်ငံ၏ပညာရေးသည် နှစ်ပေါင်းများစွာ အစိုးရပေါ်တွင် ၀န်ထုပ်ဝန်ပိုး ကြီးမားစွာ ဖိစီးခဲ့လေပြီ ။ ဆိုရှယ်လစ်အတွေးဖြင့် အရာရာတိုင်း နိုင်ငံတော်မှ တာဝန်ယူမည်။ အခက်အခဲ ပေါ်ပေါက်သော် နိုင်ငံတော်၏ နိုင်ငံရေးရာ စီမံခန့်ခွဲနေသူတွေကို အပြစ်ဖို့မည်ဟူသော အစဉ်ကြီး လည်ပတ်နေခဲ့သည်မှာကြာခဲ့ပြီ ။
ပုဂ်္ဂလိကပညာရေးဘက်သို့ စဉ်းစားလျှင်လည်း နိုင်ငံတော်မှ အလုံးစုံဆုတ်ခွါ ပေးလိုက်ခြင်း မဟုတ်ကြောင်းသတိမူရန်လိုသည် ။ နိုင်ငံတော် နှင့် ပုဂ်္ဂလိကကျောင်းများ အပြိုင်ထူထောင် ရေးသာဖြစ်ရမည် ။
ပြဿနာများကိုချဉ်းကပ်သော် -
ပုဂ်္ဂလိက လွတ်လွတ်ကျောင်း ဟူသည်ကို ရှေးဦးစွာပြဆိုမည် ။ အိုင်အယ်လ်ဘီစီ ကျောင်းလို ကျောင်းမျိုးဖြစ်သည် ။ ပုဂ်္ဂလိက ငွေကြေး ၊ ပုဂ်္ဂလိက စီမံခန့်ခွဲခွင့် ၊ ပုဂ်္ဂလိက သင်ရိုးညွှန်းတမ်း ၊ ပုဂ်္ဂလိကစံ ၊ ပုဂ်္ဂလိက ငွေကြေးနှုန်းထား စသဖြင့် နိုင်ငံတော်နှင့် အလုံးစုံကင်းပြတ်နေသည်ကိုတွေ့ရ မည် ။
အထူးသဖြင့် -
သင်ရိုးညွှန်းတမ်းတွေအလုံးစုံကင်းပြတ်နေသည် ။
ထိုမှတဆင့် - အစိုးရကျောင်းနှင့် အ၀င်အထွက် ကင်းပြတ်သည် ။
(ဆိုလိုသည်မှာ အိုင်အယ်လ်ဘီစီမှ နှုတ်ထွက်၍ အစိုးရကျောင်းသို့ မကူးပြောင်းနိုင်ခြင်း )
ထိုပြဿနာသည် သင်ရိုးညွှန်းတမ်းလုံးဝမတူညီခြင်းအပေါ်အခြေခံလေသည် ။
ထိုသို့ အစိုးရကျောင်း နှင့် အိုင်အယ်လ်ဘီစီ စုန်ချည်ဆန်ချည် မကူးပြောင်းနိုင်ခြင်းသည် အိုင်အယ်လ်ဘီစီအတွက်ပြဿနာမရှိ ။
ထို့အတူ အစိုးရကျောင်းအတွက်လည်းပြဿနာမရှိ ။
အိုင်အယ်လ်ဘီစီတွင်ကျောင်းတက်နေသူ ကျောင်းသားများနှင့်မိဘများတွင်ကား ပြဿနာရှိလေသည်။
အိုင်အယ်လ်ဘီစီကျောင်းမရှိသော အရပ်ဒေသသို့ မိဘများပြောင်းရွှေ့ရခဲ့လျှင် -
အိုင်အယ်လ်ဘီစီကျောင်းစရိတ်ကို မကျခံနိုင်တော့လျှင် -
စသည့်ပြဿနာ နှစ်ခု ရှိနေလေသည် ။ ထိုပြဿနာနှစ်ခုသည် အိုင်အယ်လ်ဘီစီ ကျောင်းကို ထားရန် မိဘများ မဆုံးဖြတ်ရဲကြတော့ပေ ။ ( ယခု အိုင်အယ်လ်ဘီစီကျောင်း အရမ်း အောင်မြင်နေတယ်လေ ဟု စောဒကတက်လို့မရ ထိုသို့ကျောင်းမျိုး မြန်မာပြည် အနှံ့ ဖွံ့ဖြိုးပေါ်ပေါက်လာစရာမရှိဟု သုံးသပ်ပြနေခြင်း ဖြစ်ပါသည် ။ ထိုသို့ကျောင်းမျိုးများ ဖွံ့ဖြိုးပေါ်ပေါက်လာဖို့ နည်းလမ်းရှာပြနေခြင်းဖြစ်သည် ။ )
ထို့ကြောင့် ပုဂ်္ဂလိက လုံးဝ လွတ်လပ်သည့်ကျောင်းထူထောင်ခွင့်ရှိနေယုံမျှဖြင့် မလုံ လောက် ။ ပုဂ်္ဂလိကကျောင်းမှ အစိုးရကျောင်းသို့ ၊ အစိုးရကျောင်းမှ ပုဂ်္ဂလိက ကျောင်းသို့ စုန်ချည်ဆန်ချည် ကူးချည်သန်းချည် ပြောင်းရွှေ့ ပညာသင်ယူနိုင်သော သင်ရိုးညွှန်းတမ်းတူသည့် ပုဂ်္ဂလိကကျောင်းများပေါ်ပေါက်လာစေရေး ဥပဒေမျိုး လိုအပ်နေသောပြဿနာဖြစ်သည် ။
ပုဂ်္ဂလိကကျောင်းများအကြောင်းကိုပြောလျှင် အိုင်အယ်လ်ဘီစီ အပြင် ယနေ့ခေတ်စား နေသော ဘော်ဒါကျောင်းများကိုလည်း ပြေးမြင်တတ်ကြပြန်သည် ။
ဘော်ဒါကျောင်းများသည် ပုဂ်္ဂလိကကျောင်းဖြစ်ပြီး အစိုးရကျောင်းနှင့်သင်ရိုးညွှန်းတမ်း တူညီ သည် ။ စာမေးပွဲတူလေသည် ။ အစိုးရကျောင်းစာမေးပွဲကိုဖြေရလေသည် ။
သို့သော် ကျောင်းမှာနေရ ၊ စားရ ၊ အိပ်ရလေသည် ။ ထို့ကြောင့် စာသင်ခ ၊ စာအုပ်ဖိုး သာမက အိပ်ခ၊နေခ၊စားခ တွေပါပေးရလေသည် ။ ထို့ကြောင့် ဘော်ဒါ တစ်နှစ်ထားလျင်ဖြင့် သိန်း ဆယ်ဂဏန်းအထက်မှ သိန်း ၃၀ ကျော်အထိတွေ ဖြစ်ကုန်သည် ။
ဒါသည် ပိုက်ဆံမရှိသည့် မိဘ နှင့် သားသမီးများအနားမသီနိုင်သော ပုဂ်္ဂလိက ဘော်ဒါကျောင်းဖြစ်လေသည် ။
ဖြစ်သင့်သော ပုဂ်္ဂလိကကျောင်းဆိုသည်မှာ -
- အစိုးရကျောင်းနှင့် သင်ရိုးညွှန်းတမ်းတူ
- နီးစပ်ရာ အစိုးရကျောင်း၏ စာမေးပွဲကိုဖြေ
- မိမိနေအိမ်မှ တက်ရောက်သင်ကြားလိုလျှင်လည်းသင်ကြားခွင့်ရှိ
ယုံမျှမက မည်သည့်ဆရာက မည်သည့်နေရာမှာ သင်ကြားနေသည်ဟု အတိအလင်းရှိစရာမလို မိဘတွေက ကြိုက်သဖြင့် ( သို့မဟုတ် အဆင်ပြေသဖြင့် ဆရာကို ငှားထားကာမျှဖြင့် ) အစိုးရကျောင်း၏ စာမေးပွဲကို ဖြေဆိုအောင်မြင်လျှင် အတန်း တက်ခွင့်ရစေသော ဥပဒေမျိုး ရှိဖို့လိုနေတာဖြစ်သည် ။
ပြန့်ကျဲနေသော မိသားစုဘ၀များ ပြန်လည်လုံးစည်း နိုင်သည့် လူနေမှုစနစ် မရောက်မချင်း ရှိသင့်သည့် ပညာရေးဥပဒေမျိုးဖြစ်လေသည် ။
ဒီနေရာမှာ ““ စားသုံးသူ အခွင့်အရေး ”” ဆိုသည့် စကားရပ်ကို ရှင်းလင်းဖို့လိုလာသည် ။ အပေါ်စီးက ဖခင်သဖွယ် မိခင်သဖွယ်ရှုမြင်သောဘက်က -
““ ပုဂ်္ဂလိကဆရာတွေ တွေ့ကရာမှာ စာသင်ကြလို့ တကယ်မတတ်သူတွေ မွေးဖွါးလာကြ လျှင်မခက်ပါလား”” ဟူသည့် မေးခွန်းပြဿနာဖြစ်လေသည် ။ ထို့ကြောင့် ဘယ်လိုအရည်အချင်းမျိုး မရှိလျှင် စာမသင်ရဟု လက်မှတ်ကိုင် အရည်အချင်းနှင့် ဘယ်လိုစံမျိုးမရှိသည့် ကျောင်း မဟုတ်က မထောင်ရ ဟူသည့် အဆောက်အဦးလက်ညှိုးထိုးပြသည့် စံတွေ သတ်မှတ်လေသည် ။
ဒီနေရာမှာ စားသုံးသူအခွင့်အရေးကို နောက်တနည်း အောက်ခြေက ပြန်ကြည့်လျင် ( ပညာစားသုံးသူ မိဘ နှင့် ကလေးထုကြီးက မိမိတို့ ကြိုက်နှစ်သက်သည့် ဆရာ ( ဥပမာ - ခြေတပေါင်ကျိုး စစ်သားလူထွက်ကြီးဖြစ်ချင်ဖြစ်မည် နှင့် အဆောက်အဦး - ဥပမာ ထန်းပင်ရိပ်အောက် ကုက်္ကိုပင်ရိပ်အောက် ဖြစ်ချင်ဖြစ်မည် ။ သို့တည်းမဟုတ် အဆင့်မီကျောင်းတော်ကြီးဖြစ်ချင်ဖြစ် မည် ။ ) ရွေးချယ်ခွင့် ဆုံးရှုံးရပြီလား ။
အဆင့်မှီပုဂ်္ဂလိကကျောင်းတော်ကြီးကို မရွေးချယ်နိုင်လို့ ၊ နေ့ချင်းပြန် ခရီး အနီးဆုံးမှာ အစိုးရကျောင်း ( အခမဲ့ကျောင်း ) ကို သွားတက်စရာမရှိတဲ့ ကလေးတွေ အခြေခံပညာသင်ယူခွင့် တို့ထိခွင့် ဆုံးရှုံးရပြီလား ။
ထို့အပြင် အဆင့်မှီကျောင်းတော်ကြီးတွေမရောက်နိုင်သည့် ကျေးလက်တောရွာတွေမှာ မူလတန်း ၊ အလယ်တန်း လောက်ကိုဖြင့် သင်ကြားနိုင်သူတပုံတပင်ရှိပါလျှက် ထိုသူတွေက ထန်းပင်အောက်မှာ ကျောင်းနှင့်ဝေးသော ကလေးတွေကို စာသင်ပေးခွင့် မရှိတော့ဘူးလား ။
ထိုဆရာသင်ကြားပေးလိုက်သော ကလေးတွေ နီးစပ်ရာ အစိုးရ ကျောင်းတစ် ကျောင်းမှာ အစိုးရကျောင်းရဲ့ စာမေးပွဲကိုဖြေဆိုခွင့် ဘာ့ကြောင့် မပေးရဲရမည်နည်း။
ကျောင်းမရှိဘဲ ထန်းပင်အောက်က ဆရာ၏ တပည့်တွေ အစိုးရကျောင်းရဲ့ စာမေးပွဲကို ဖြေဆိုအောင်မြင်ခဲ့လျှင် ဘာ့ကြောင့် အတန်းတင်မပေး ရဲရပါသနည်း။
ထန်းပင်အောက် နှင့် ဓနိတဲထဲ က ကလေးတွေ စရိတ်ကျဉ်းကျဉ်းနှင့် အခြေခံပညာကို ရစေဖို့ ဥပဒေကြောင်းအရ ကာကွယ်ပံ့ပိုးပေးရပေလိမ့်မည် ။ အသက် ( ၁၈ ) နှစ်ပြည့်ပြီးချိန်တွင် မဲဆန်္ဒရှင်ဖြစ်လာမည့် ထိုကလေးတွေ အခြေခံပညာအဆင့် ကုန်စင်အောင်တို့ထိဘူးဖို့မလိုအပ်ဘူး လား ။
(အရည်အသွေးပြဿနာကို အစိုးရစစ် စာမေးပွဲနှင့်သာထိန်းကျောင်းရန်လိုသည်)
ထို့ကြောင့် အမှတ်စဉ်(ဂ) နိုင်ငံတော်ကဏ္ဍနှင့် ပုဂ်္ဂလိကကဏ္ဍဟူသော ကဏ္ဍနှစ်မျိုး ပြဿနာကို အနှစ်ချုပ်ရသော် -
- ပုဂ်္ဂလိကကျောင်းနှင့် အစိုးရကျောင်း ကူးချည်သန်းချည်လုပ်ခွင့် -
- သင်ရိုးညွှန်းတမ်းတူ -
- ဆရာနဲ့ကျောင်းအရည်အသွေးကို မကန့်သတ်ဘဲ အစိုးရကျောင်း၏
စာမေးပွဲကိုသာဖြေရန် နှင့် အောင်လျှင်အတန်းတက်ခွင့် -
- စားသုံးသူအခွင့်အရေးကိုထိန်းသိမ်းသည့်အနေဖြင့် ဆရာ နှင့်ကျောင်းအရည်အသွေးကို ဖော်ပြသည့်အတိုင်း နှစ်ဘက်သဘောတူညီတာဝန်ခံမှုရှိရန်ထိန်းသိမ်း -
ဟူသော အချက်အလက်များနှင့် ဆင်ခြင်ရန်လိုပါသည်ဟု မတူကွဲပြားခြင်းနှင့် ငြိမ်းချမ်းရေးပါတီက သုံးသပ်ပါသည် ။
(ဃ) ဘာသာရပ် နှင့် သင်ရိုးညွှန်းတမ်း
သင်ရိုးညွှန်းတမ်းအဆင့်မနိမ့်ပါ ။ ဘာသာရပ်သည်လည်း အဆင့်မြင့်ပညာ အဆင့်တွင် ပြောစရာမလိုပါ ။ အခြေခံပညာအဆင့်တွင်သာ လိုအပ်နေပါသည် ။ ရှေ့ခန်းတွင်ပြဆိုပြီး ။
ထို့ကြောင့် အမှတ်စဉ် (ဃ) ဘာသာရပ် နှင့် သင်ရိုးညွှန်းတမ်း ပြဿနာကို အကျဉ်းချုပ်ရသော် ဘာသာရပ် နှင့် သင်ရိုးညွှန်းတမ်း ပြဿနာသည်
အခြေခံပညာတွင် ရှိ -
အဆင့်မြင့်ပညာအဆင့်တွင် မရှိသလောက်နည်းပါး (သင်ထောက်ကူသာလို)-
(င) သင်ပြပုံသင်ပြနည်းစနစ်ပြဿနာ
လွန်ခဲ့သော ၂၀၀၈ ခုနှစ်ကတည်းကပင်ရန်ကုန် မြို့လယ်ဧရိယာတွင် စာသင်သား ဗဟိုပြု သင်ကြားရေးစနစ်ကိုစတင်ခဲ့သည် ။ သို့သော် ဦးဆောင်သူကိုယ်တိုင် စာသင်သားကို ဗဟိုပြုဖို့ လိုလေသည် ။ ထိုစနစ်၏ လှို့ဝှက်မျှော်လင့်ချက်တွေကို သိထားရလေမည် ။
ကျောင်းကဆရာမတွေ စာသင်သားဗဟိုပြုသင်ကြားရေးစနစ်ကို အောက်ပါ အတိုင်း ဆင်ခြေကန်လေသည် ။
ကလေးဗဟိုပြုသင်ကြားရေးနဲ့ပတ်သက်ပြီးကြားနေကျ ဆင်ခြေအချို့
(ဆရာမတွေကိုအင်တာဗျူးထားတာဖြစ်ပါသည်)
ဆင်ခြေ(၁) - ငါတို့က ဘာမှလုပ်ဖို့မလိုဘူး သင်ဖို့မလိုဘူး ထိုင်ကြည့်နေယုံဘဲ
ကလေးဗဟိုပြုသင်ကြားရေးကိုနားလည်မှုလွဲနေသော ဆင်ခြေဖြစ်ပါသည် ။ ကလေးတွေ နှင့်ပညာကြားမှာ ဆရာကဆက်စပ်ပေးရမည်လို့ ရည်ညွှန်းတာဖြစ်ပါ သည် ။ ကလေးတွေအနေနှင့် ပညာကိုချဉ်းကပ်တတ်စေရန် ဖေးကူရမည်ဟုဆိုလိုရင်းကို ထိုင်ကြည့်နေယုံဟု နားလည်မှုလွဲနေ သည် ။
ဆင်ခြေ(၂) - ကလေးတွေက အိမ်ကဖတ်လာပါဆို ဖတ်လာတယ်များမှတ်နေလို့လား
ဂရိနိုင်ငံအကြောင်းအိမ်ကဖတ်လာကြ ဟု ခိုင်းသော် အတန်းတွင်းရှိ ကလေး ၄၀ တွင် သုံးယောက်သာလျင်ဖတ်လာပါလိမ့်မည် ။ သို့သော် လုံလောက်ပါသည် ကလေးတိုင်းဖတ်လာစရာမလို ပါ ။ ဖတ်လာသော ကဏ္ဍနည်းခြင်းများခြင်း မလိုပါ ။ လှို့ဝှက်ရည်ရွယ်ချက်မှာ ဖတ်လာသော ကလေးသုံးယောက်မှ ပြန်လည်တင်ပြသောအခါ ကျန်ကလေးများကို ဝေမျှပြီးဖြစ်လေသည် ။ ဆရာမှ ဖြည့်စွက်တင်ပြလျှင်လုံလောက်ပြီ ။ (ဘာသာရပ်များ၏ဆင်ခြင်တွေးတောမှုဆိုင်ရာအပိုင်းများ )
ဆင်ခြေ (၃) - ဒီလိုကလေးတွေ လေး/ငါးဆယ်နဲ့ ဘယ်လိုဝိုင်းဖွဲ့မလဲ
ကလေးဗဟိုပြုသင်ကြားရေးဟုဆိုလျင် ၀ိုင်းဖွဲ့ရမည်ဟုနားလည်မှုလွဲနေတာဖြစ်ပါသည် ။ စကားဝိုင်း ဆိုသည်ကို နားလည်မှုလွဲနေတာဖြစ်ပါသည် ။ စကားဝိုင်း၏ အနှစ်သာရမှာ တန်းတူရည်တူဆွေးနွေးခွင့် ဆွေးနွေးနိုင်စွမ်း ကိုသာ ဆိုလိုပါသည် ။ လေးထောင့်လည်းရပါသည် ။ အပေါ်အောက်လည်းရပါ သည် ။ တစ်ယောက်က လန်ဒန် ၊ တစ်ယောက်ကနယူးယောက်၊ တစ်ယောက်ကရန်ကုန် လူချင်းမမြင်ရဘဲ ဂျီတော့နဲ့လည်းဆွေးနွေးနိုင်ပါသည် ။
( ၀ိုင်းဖွဲ့ ) ဆိုသည်မှာ ပုံသဏ္ဍန်အဓိက မဟုတ်ပါ ။ အနှစ်သာရအဓိက ဖြစ်ပါသည် ။
ဆင်ခြေ (၄) - အင်္ဂလိပ်စာမီးနင်းမကျက်ဘဲ ဘယ်လိုလုပ်ရမလဲ ကျက်ရတဲ့ဟာတော့ကျက်ကိုကျက်ရမယ်
အရာအားလုံးမကျက်ရဟုထင်နေတာကိုကမှားနေပါသည် ။ ဆင်ခြင်တုံတရားနှင့် စဉ်းစား တွေးခေါ်မှုကသပ်သပ် ၊ ဗဟုသုတ ( မြင်ဘူးကြားဘူးထိတွေ့ဘူးယုံက ) သပ်သပ်၊ မမှတ်ရင် အလုပ်လုပ်လို့မရလို့ ထပ်ကာထပ်ကာ လုပ်ရတာကသပ်သပ်၊ ဘာသာရပ်က သပ်သပ်၊ ဘာသာစကား ကသပ်သပ်ဆိုတာကို ဆရာကိုယ်တိုင် နားမလည်တာဖြစ်ပါသည် ။
ဆင်ခြေ(၅) - မရိုက်လို့ရမလား မျောက်ရှုံးအောင်ဆော့တာကိုး
ကျောင်းစာပေါ်မှာပရက်ရှာမပေးရတာကသပ်သပ် ၊ စည်းကမ်းကသပ်သပ် - - - - ဆိုတာကို ဆရာကိုယ်တိုင် နားမလည်တာဖြစ်ပါသည် ။
ဆင်ခြေ(၆) - တြိဂံရဲ့အတွင်းထောင့်သုံးထောင့်ပေါင်း ၁၈၀ ဒီဂရီပါဆို နေမှ ၁၅၀ ဒီဂရီ ဆိုရင်ရောမဖြစ်နိုင်ဘူးလား ဆိုပီး ကပ်နေတဲ့တပည့်ဆိုရင်ရော ဖောက်ထွက်တွေးနေရင်ကော -
ဆရာကိုယ်တိုင်ရှင်းပြဖို့တာဝန်ရှိတာက ဒီဂရီဆိုတာလည်းမရှိကြောင်း ၁၈၀ လည်းမ ဟုတ်ကြောင်း လူတွေသတ်မှတ်တဲ့စံဖြစ်ကြောင်း ၁၅၀ ဒီဂရီအဖြစ်သတ်မှတ်လို့ လည်းရကြောင်း အဲဒါဆိုရင် မျဉ်းဖြောင့်တကြောင်းဟာလည်း ၁၅၀ ဒီဂရီဘဲရှိ တော့မှာဖြစ်ကြောင်း ။
ဒီကိစ်္စဟာ နဂိုကတည်းက အများသဘောတူ သတ်မှတ်ထားတဲ့ အရာဖြစ် ကြောင်း ( တကယ်သာဆို အများသဘောတူတာလည်းမဟုတ်ကြောင်း လူလည်ကြီးအချို့သဘောတူတာကို ငထူတွေက လိုက်တူပေးရတာဖြစ်ကြောင်း) ဒီခွင်ထဲကသာ လေ့လာဖို့ဖြစ်လာတဲ့အကြောင်းကတော့ နဂိုကတည်းက ဖောက်ထွက် ထိုးထွင်းလုပ်ကြံဖန်းတီးတည်ဆောက်ထားတာဖြစ်လို့ဘဲ ၁၈၀ဒီဂရီဆိုတာ အမှန်မဟုတ်ကြောင်း ရှင်းပြနိုင်ခဲ့ရင် တြိဂံရဲ့ ထောင့်သုံးထောင့်အဖြေကို မှန်မှန် ကန်ကန်တွက်တက် တာထက်ပင် ပညာရေးခရီးပေါက်တယ်လို့ ခံယူရပါ့မယ် ။
ဆင်ခြေ(၇) - ဇာတ်မင်းသားကြီး ဦးဖိုးစိန်ရဲ့ မွေးနေ့သက်္ကရာဇ်ကို အလွတ်မကျက်ဘဲဘယ်လိုလုပ် ဖြေနိုင်မလဲ
ဇတ်မင်းသားကြီးဦးဖိုးစိန်ရဲ့ မွေးနေ့သက်္ကရာဇ်ကို မှတ်မိသူ ယနေ့နိုင်ငံတော်အကြီး အကဲတွေထဲမှာ တစ်ယောက်မှရှိလိမ့်မည်မဟုတ် ။ ပါရဂူဘွဲ့ရ ဆရာဝန်ကြီးတွေထဲမှာ တစ်ယောက်မှ မှတ်မိကြမည်မဟုတ် ။ ကလေးတစ်ယောက် ဇာတ်မင်းသားကြီးဦးဖိုးစိန်ရဲ့ မွေးနေ့သက်္ကရာဇ်ကို မှတ်မိနေစရာမလို ။
မှတ်ဥာဏ်အတွက်ပြုစုပျိုးထောင်ပေးသော လေ့ကျင့်ပေးသော ကဏ္ဍအဖြစ်တော့ ဦးဖိုးစိန်ရဲ့ မွေးနေ့သက်္ကရာဇ်ကို မေးမြန်းနိုင်ပါသေးသည် ။
သို့သော် ဦးဖိုးစိန်၏ မွေးနေ့သက်္ကရာဇ်ကို မမှတ်ခြင်းသည် ထိုကလေး ခေတ်သစ် အယ်ဒီဆင် တစ်ယောက် ဖြစ်လာဖို့ လမ်းစ မရှိတာတော့ မဟုတ်ပါ ။
ဆင်ခြေ(၈) - ဒီလိုသာ စကားတပြောပြောနဲ့ဆို သင်ခန်းစာဘယ်လိုပြီးတော့မလဲ
သင်ခန်းစာတွေ ပြီးဖို့လိုမလို နဲ့ ဘယ်လိုဆိုပြီးမလဲ ဆိုတာကို နားလည်ဖို့လိုပါတယ် ။
စာမေးပွဲ မေးခွန်းတွေ၏ ၀န်ထုပ်ဝန်ပိုးမရှိစေရပါ ။
ဟာမိုနီ (သို့မဟုတ်) သင်ပြပုံသင်ပြနည်းစနစ်ပြောင်းလျှင်
- လိုက်လျောညီထွေဖြစ်တဲ့ မေးခွန်းပုံစံဖြစ်ရမည်
- လိုက်လျောညီထွေဖြစ်တဲ့ အမှတ်ပေးစည်းမျဉ်းဖြစ်ရမည်
- လိုက်လျောညီထွေဖြစ်တဲ့ တက်္ကသိုလ်ဝင်ခွင့်ပုံစံဖြစ်ရမည်
ပြုပြင်ပြောင်းလဲရေးတွေသည် တစ်ခုချင်းသီးသန့်လုပ်ဆောင်လို့မရ ။ တစ်စုံလုံး ဟာမိုနီဖြစ်ရန် လဲလှယ်ရမည် ။
( ဈေးကွက်စီးပွါးရေးအကူးအပြောင်းပြဿနာတွင်လည်း တစ်စုံလုံးပြောင်းလဲရမည့် ကွင်းဆက်ကို ဗွီဒီယိုဖိုင်နှင့် စီဒီခွေတွင် ပြဆိုထားခဲ့ဘူးပါသည် ။ မတူကွဲပြားခြင်းနှင့်ငြိမ်းချမ်းရေးပါတီမှ မိဘပြည် သူများသို့တင်ပြသောနိုင်ငံရေးအဖွင့် ဟူသော နိုင်ငံရေးဘောဂဗေဒစာအုပ်တွင်လည်း ဖော်ပြခဲ့ပြီး ပါပြီ ။ )
စာသင်တော့ ( စီစီအေ ) ကလေးဗဟိုပြုနည်းဖြင့် သင်သည်
မေးခွန်းက အလွတ်ကျက်မှရမည့်ဟာတွေကို အမှတ် (၁၀၀) ဖိုး မေးမည် ။ အမှတ်ပေးစည်းမျဉ်းကလည်း
- သဘောတရားကိုအမှတ်ပေးနိုင်စွမ်းမရှိ
- ကြိုးစားတင်ပြဖြေရှင်းလိုစိတ်ကိုအမှတ်ပေးနိုင်စွမ်းမရှိ
- တင်ပြပုံတင်ပြနည်းကို အမှတ်ပေးနိုင်စွမ်းမရှိ
- တက်္ကသိုလ်ဝင်ခွင့်ကလည်း ဘာသာစုံအမှတ်အနည်းအများနဲ့ ခွဲခြားနေတုံး ဖြစ်လျှင် စီစိအေ အောင်မြင်မည်မဟုတ်ပေ ။
အဲဒါတွေက ကလေးဗဟိုပြုသင်ကြားရေးနဲ့ပတ်သက်ပြီး ကြားနေကျ ဆင်ခြေအချို့ ကိုဖြေရှင်းပြထားခြင်း ဖြစ်ပါသည် ။
ပြဿနာ အမှတ်စဉ် (င) သင်ပြပုံသင်ပြနည်းစနစ်ပြဿနာကို အကျဉ်းချုပ်ရသော် -
- ကလေးဗဟိုပြု သင်ပြပုံနည်းစနစ်ကို ဆရာတွေကြေလည်ရန်လို
- သင်ပြပုံပြောင်းလဲလျင် မေးခွန်းပုံစံ ၊ အမှတ်ပေးပုံစံ ၊ တက်္ကသိုလ်ရွေးချယ်ပုံစံ
စသဖြင့် တစ်စုံလုံး ပြောင်းလဲရန်လိုသည် ။
(စ) စာမေးပွဲ ၊ မေးခွန်းပုံစံ နှင့် အမှတ်ပေးစည်းမျဉ်း
အထက်ပါ သင်ပြပုံသင်ပြနည်းစနစ်နှင့် လိုက်လျောညီထွေဖြစ့်မည့် စာမေးပွဲ မေးခွန်းပုံစံ အမှတ်ပေးစည်းမျဉ်းတွေ ဖြစ်ရမည်ကို အသေးစိတ်ပြရလျှင် -
ကျောင်းဟူသည် လက်တွေ့ လူမှု ဘ၀သို့ရောက်ရှိလာမည့် လူကြီးလောင်းလေးများကို လေ့ကျင့်ပေးနေသောနေရာဖြစ်သည်ကိုမမေ့ရာ ။ လေ့ကျင့်ပေးနေသော ဆိုသည့်စကား ကိုမမေ့ ရာ ။ လေ့ကျင့်သည်ဟူသည်မှာ တကယ်လုပ်နေတာမဟုတ် ။
ကျွန်ုပ်တို့ သားသမီးများကျောင်းသို့ပို့လိုက်လျှင် ကျောင်းမှရလာစရာကို မျှော်လင့်ကြည့် မည် ။
- ဗဟုသုတ
- ကျွမ်းကျင်မှု
- ဆင်ခြင်စဉ်းစားနိုင်စွမ်း
- မိမိကိုယ်ကိုယုံကြည်မှု
- ပတ်ဝန်းကျင်ကိုလေးစားတတ်မှု
- လူမှုတာဝန်/နိုင်ငံတာဝန်/လူသားတာဝန်သိမှု
ထိုသည့်အရာတွေရဖို့ကို အခြေပြု၍ သင်ရိုးညွှန်းတမ်း ၊သင်ပြပုံသင်ပြနည်းစနစ်၊ မေးခွန်း ပုံစံ ၊ အမှတ်ပေး စည်းမျဉ်း တက်္ကသိုလ်ရွေးချယ်မှု စတာတွေ တည်ဆောက်ရမည် ။
ပြဿနာ အမှတ်စဉ် (စ) စာမေးပွဲ ၊ မေးခွန်းပုံစံ နှင့် အမှတ်ပေးစည်းမျဉ်းပြဿနာကို အကျဉ်းချုပ်ရသော် -
- အံချော်နေသည် ဟု ခပ်တိုတို သုံးသပ်ပါသည် ။
(ဆ)။ နိုင်ငံတော်ဘက်မှရွေးချယ်မှု နှင့်
ကျောင်းသား နှင့်မိဘ ဘက်မှ ရွေးချယ်မှုပြဿနာ
နိုင်ငံတော်ဘက်မှရွေးချယ်ရမည်မှာ - လူရည်လူသွေးအမျိုးမျိုးကို ထိုက်သင့်သည့် လုပ်ငန်းခွင်ပုံစံသွင်းရန်ရွေးချယ်ရမည် ။ ပညာရေးကဏ္ဍမှ စတင် ပုံလောင်းရလေသည် ။အာဏာနှင့် ပုံလောင်းခြင်းကိုဆိုလိုသည်မဟုတ်ပါ ဆွဲဆောင်မှုနှင့် နေရာချထားခြင်းကို သာရည်ညွှန်းပါသည် ။
မည်သည့် ကဏ္ဍတွေမှာမည်သည့် အလုပ်သမား မည်မျှလိုသနည်းဟူသော နိုင်ငံလုံးဆိုင်ရာ အတွက်အချက်သည် စီမံကိန်းဌာနလိုမျိုးတစ်ခုနှင့် ပညာရေးဌာန၊ စီးပွါးရေးပညာရှင်ကြီးတွေ ၊ စီးပွါးရေးလုပ်ငန်းရှင်ကြီးတွေ ပူးပေါင်းတွက်ချက်ရန်လိုသည် ။
ဒီနေရာမှာ မိဘနှင့်ကျောင်းသားများ၏ ရွေးချယ်မှုပုံစံကိုနားလည်ထားရမည် ။ လူထုသည် ဈေးကွက်ဘောင်ဝင်သည် ။ တွက်ချေကိုက်တာလုပ်မည် ။ တွက်ချေကိုက်တာကို တိုင်းတာသည့်စံကမူ အမျိုးမျိုးကွဲလွဲနေလိမ့်မည် ။ ကျောင်းရွေးချယ်မှုတွေသည် မည်သည့်အလုပ်အကိုင်ရမည်နည်း ၊ မည်မျှဝင်ငွေရမည်နည်း ဟု ရွေးချယ်သော မိဘနှင့်ကျောင်းသားကား ရာခိုင်နှုန်းများပေလိမ့်ဦးမည် ဟုဆိုသော် ကျွန်ုပ်တို့ ကို ရိုင်းသည်ဟုမမြင်သင့်ပေ ။
ထို့ကြောင့်နိုင်ငံလုံးဆိုင်ရာဖွံ့ဖြိုးတိုးတက်ဖို့ နေရာချခွင့်ရှိသူ ( အမိန့်နဲ့နေရာ ချတာကို ဆိုလိုသည်မဟုတ်ပါ ) က အလုပ်အကိုင်အခွင့်အလမ်း၏ဆွဲဆောင်မှုကို ပြသဖော်ဆောင်ပေးပါရ မည် ။
ပြဿနာအမှတ်စဉ် (ဆ) နိုင်ငံတော်ဘက်မှရွေးချယ်မှု နှင့် ကျောင်းသား နှင့်မိဘ ဘက်မှ ရွေးချယ်မှုပြဿနာကိုအကျဉ်းချုပ်ရသော် -
- အသက်ရှင်ရပ်တည်ရေးအတွက်အာမခံချက်ပေးနိုင်သော ပညာရေး/ကျောင်း (သို့) တက်္ကသိုလ် ကို မိဘများနှင့်ကျောင်းသားများဘက်မှ မမြင်နိုင်ပါ ။
- ၀ါသနာအရင်းခံ၍ ရွေးချယ်မှု စတင်ကာစပင်ရှိပါသေးသည် ။
ဟု ပီဒီပီမှ သုံးသပ်ပါသည် ။
ဖော်ပြပါ ပြဿနာများသည် ကျွန်ုပ်တို့၏ ရှုမြင်ခြင်းဖြစ်ပါသည် ။ ကျွန်ုပ်တို့ နှင့် အမြင်ကွဲလွဲ ခွင့်ရှိပြီး အထက်ပါပြဿနာများမရှိပါဟုရှုမြင်နိုင်ပါသည် ။ ရှုမြင်ခွင့်ရှိပါသည် ။ ဒီမိုကရေစီ လုပ်ထုံးလုပ်နည်းအရ ကျွန်ုပ်တို့ နှင့်အမြင်တူသူများ - အရေအတွက်များလာသောအခါ ကျွန်ုပ်တို့ ပြောင်းလဲလိုသည်များ ပြောင်းနိုင်ပြင်နိုင်ခွင့်ရှိလာပါလိမ့်မည် ။ ကျွန်ုပ်တို့နှင့် အမြင်တူသူများသည် ကျွန်ုပ်တို့ ပါတီဝင်ဖြစ်ရန်မလို မည်သည့်နေရာတွင် ရှိနေသည်ဖြစ်ပါစေ အမြင်တူဖို့သာဖြစ်လေ သည် ။ ယနေ့ကျွန်ုပ်တို့ နှင့် အမြင်တူသူများ လူနည်းစုဖြစ်နေသောကြောင့်သာ အထက်ပါ ပညာရေးပြဿနာများကို ကျယ်ကျယ်လောင်လောင်ပြောဆိုသံမကြားရခြင်းဖြစ်လေသည် ။
ကျေးလက်ဒေသ ပညာရေးအထူးဇုန် - ဥပဒေ ကိုမြင်မက်ခြင်း
မတူကွဲပြားခြင်းနှင့်ငြိမ်းချမ်းရေးပါတီအနေဖြင့် ပါတီစွဲ ၀ါဒစွဲ ရာထူးစွဲ ပုဂ်္ဂိုလ်စွဲ မရှိဘဲ မည်သူ လုပ်သည်ဖြစ်စေ လုပ်ကြဖို့ကို ရည်ရွယ်ပြီး မူဝါဒပိုင်းဆိုင်ရာပြဿနာများကို တင်ပြနေပါသည် ။ အဖြေရှာပေးနေပါသည် ။ ယခုတစ်လ ကျေးလက်ဒေသပညာရေးအထူးဇုန် ဥပဒေ ကို စိတ်ကူး ရုပ်လုံး ဖော်ထုတ်ရေးသားလိုက်ပါသည် ။
ပုဒ်မ (၁) အမည်သတ်မှတ်ပြဋ္ဌာန်းခြင်း
ဤဥပဒေအားကျေးလက်ဒေသပညာရေးအထူးဇုန်ဥပဒေဟုခေါ်တွင်စေရမည် ။
ပုဒ်မ (၂) နယ်နိမိတ်သတ်မှတ်ခြင်း
ဤဥပဒေအရ အာဏာတည်သောနယ်နိမိတ်ကိုသတ်မှတ်ရန်အောက်ပါအတိုင်းပြဋ္ဌာန်း လိုက်သည် ။
(က) မြန်မာနိုင်ငံတစ်ဝှမ်းလုံးရှိ မည်သည့်တိုင်းဒေသကြီးသို့မဟုတ်ပြည်နယ်တွင် တည်ရှိနေသည်ဖြစ်စေ - အခြေခံပညာ(မူလတန်းမှအထက်တန်းအထိ)ပညာသင် ကြားရန်ကလေးတစ်ယောက်အနည်းဆုံးရှိနေသောဒေသဖြစ်ခြင်း ။
(ခ) ထိုကျောင်းတက်မည့်ကလေး၏နေအိမ်မှ (ရာသီမရွေး) တစ်နာရီ အတွင်းပုံမှန် သွားရောက်နိုင်သော ခရီးအကွာအဝေးတွင်သက်ဆိုင်ရာ ကျောင်း မရှိသောဒေသဖြစ်ခြင်း ။
အထက်ဖော်ပြပါ အခြေအနေ နှစ်ရပ်နှင့် ကိုက်ညီသော မည်သည့်ဒေသတွင်မဆို ဤဥပဒေ ၏အကျိုး ကို ခံစားခွင့်/ရယူအသုံးချခွင့်ရှိရမည် ။
ပုဒ်မ (၃) အခွင့်အရေးလျှောက်ထားခြင်း
(က) ဤဥပဒေအရအကျိုးခံစားခွင့်ကိုရယူလျှောက်ထားလိုသူကျောင်းသား မိဘ သည်မိမိကိုယ်တိုင်သော်လည်းကောင်း/ လူမှုရေးအဖွဲ့အစည်း တစ်ခုခုမှတစ်ဆင့်သော် လည်းကောင်း/နိုင်ငံ့ ၀န်ထမ်းတစ်ဦးဦး ( ဥပမာ - ထွေအုပ်/စိုက်ပျိုးရေး/မြေစာရင်း/ ပညာရေး ၀န်ထမ်း)တစ်ဦးဦးမှတစ်ဆင့် သော်လည်းကောင်းလျှောက်ထားရယူနိုင် သည် ။
(ခ) လျှောက်လွှာကို မြို့နယ်ပညာရေးမှူးသို့ လိပ်မူ၍ပေးပို့ရမည် ။
(ဂ) မြို့နယ်ပညာရေးမှူးအနေဖြင့် ပုဒ်မ(၃) ပုဒ်မခွဲ(က)အရတင်ပြချက်ကို ပုဒ်မ(၂) နှင့်မညီညွတ်ကြောင်းအထောက်အထားမပြနိုင်ပါကငြင်းပယ်ခြင်းမပြုရ ။
(ဃ) မြို့နယ်ပညာရေးမှူးအနေဖြင့် လျှောက်ထားလာသာကျောင်းသား၏ လိုအပ်သော အချက်အလက်များကို ရယူပြီး တိုင်းဒေသကြီးအဆင့်ပညာရေးဝန်ကြီးထံသို့ပေး ပို့ရမည် ။
(င) တိုင်းဒေသကြီးအဆင့် ပညာရေးဝန်ကြီးအနေဖြင့် လိုအပ်သော နည်းဥပဒေများကို သတ်မှတ်ပြဌာန်းပြီး မြို့နယ်ပညာရေးမှူးထံသို့ လိုအပ်သလိုလမ်းညွှန်နိုင်သည် ။
(စ) အခွင့်အရေးလျှောက်ထားသူကျောင်းသားအနေဖြင့် စာရွက်စာတမ်းနှင့်အခြား ရုံးလုပ်ငန်း ကုန်ကျ ငွေအမျိုးမျိုးအတွက် ၀န်ထမ်းစရိတ်(ကျပ်ငါးထောင်) ထက်မပို စေရန် မြို့နယ်အဆင့်ပညာရေးမှူးမှတာဝန်ယူရမည် ။
(ဆ) အခွင့်အရေးလျှောက်ထားရယူသူကျောင်းသားအနေဖြင့် ရုံးလုပ်ငန်းဆိုင်ရာအ ကြောင်းကြောင့် ပညာသင်နှစ်တစ်နှစ်မဆုံးရှုံးစေရန်တိုင်းဒေသကြီး အဆင့်ပညာရေး ၀န်ကြီး မှတာဝန်ယူရမည် ။
(ဇ) အခွင့်အရေးရယူခံစားလိုသော ကျောင်းသားသည် နှစ်စဉ်ပညာသင်နှစ်၏ ပထမ သုံးလအတွင်းစတင်လျှောက်ထားရမည် ။ ပထမသုံးလကျော်လွန်ပြီး မှလျှောက်ထား သူနှင့်ပတ်သက်သော အခွင့်အရေးချထားပေးခြင်းကိစ်္စများ ရရှိခြင်း/မရရှိခြင်းသည်
မြို့နယ်ပညာရေးမှူး၏ တာဝန်နှင့်ပတ်သက်ခြင်းမရှိစေရ ။
ပုဒ်မ (၄) ပညာသင်ယူခွင့်နှင့်စာမေးပွဲဖြေဆိုခွင့်သတ်မှတ်ခြင်း
(က) ဤဥပဒေအရ အခွင့်အရေးရရှိသော ကျောင်းသားသည် အစိုးရအသိအမှတ်ပြု ထားသော ( အစိုးရကျောင်း/ပုဂ်္ဂလိကကျောင်း/ဘကကျောင်း ) စသောကျောင်း များတွင် တက်ရောက်ရန်မလိုဘဲ မိမိတို့ နှစ်သက်ရာ ( အိမ် / တဲ / ဇရပ် / ဘုန်းတော်ကြီးကျောင်း ) တို့တွင် မိမိတို့ နီးစပ်ရာ ပညာရှာမှီးသင်ယူခွင့်ရှိသည် ။
(ခ) ဤဥပဒေအရ အခွင့်အရေးရရှိသောကျောင်းသားသည် အစိုးရအသိအမှတ်ပြု ထားသော သင်ကြားခွင့်ရှိသူဆရာဖြစ်စေ သို့တည်းမဟုတ် ကျောင်းသားနှင့် မိဘတို့ ညှိနှိုင်းထားသောဈေးနှုန်းအရနားလည်သင်ကြားနိုင်သူဖြစ်စေသို့တည်းမဟုတ် အစိုးရ အသိအမှတ်ပြုလက်မှတ်မရှိသောအခမဲ့သင်ကြားပေးသူဖြစ်စေကို ငှားရမ်း သင်ကြား ခွင့်ရှိသည် ။
(ဂ) ဤဥပဒေအရ အခွင့်အရေးရရှိသော ကျောင်းသားသည် မြို့နယ်ပညာရေးမှူးမှ သတ်မှတ်ညွှန်ပြသောအနီးဆုံးအစိုးရကျောင်းတွင်စာရင်း ရေးသွင်းဖြေဆိုခွင့်ရရှိစေရ
မည် ။
ပုဒ်မ (၅) စားမေးပွဲနှင့်အတန်းတက်ခွင့်
(က) ဤဥပဒေအရအကျိုးခံစားခွင့်ရသောကျောင်းသား/သူအနေဖြင့် အခြားအစိုးရ ကျောင်းတက် ကျောင်းသား/သူများနှင့် တန်းတူသော စာမေးပွဲစည်းမျဉ်း ၊ အမှတ် ပေးစည်းမျဉ်း ၊ အတန်းတက်ခွင့် / တက်္ကသိုလ်ရွေးချယ်ခွင့် တို့ကို ရရှိစေရမည် ။
(ခ) ဤဥပဒေအရအကျိုးခံစားခွင့်ရသောကျောင်းသား/သူအနေဖြင့် လစဉ်စာမေး ပွဲမှကင်းလွတ်သောအခြေအနေဖြစ်သဖြင့် အတန်းတင်စာမေးပွဲ၏ရမှတ်ကိုသာအောင် မှတ် အဖြစ်သတ်မှတ်ပြဋ္ဌာန်းရမည် ။
(ဂ) ဤဥပဒေအရအကျိုးခံစားခွင့်ရသောကျောင်းသား/သူအနေဖြင့် သင်ရိုးညွှန်းတမ်း စာအုပ်များ / သင်ထောက်ကူပြုပစ်္စည်းများရယူခွင့်ကို ( နိုင်ငံတော်အစိုးရထံမှဖြစ်စေ/ အခြားအဖွဲ့အစည်းများထံမှဖြစ်စေ လူမှုရေးနည်းလမ်းအရ အလှူခံခြင်း၊ မေတ်္တာရပ်ခံ ခြင်းနည်းလမ်းမှအပ ဥပဒေကြောင်းအရတောင်းခံရယူပိုင်ခွင့်မရှိစေရ ။
(ဃ) ဤဥပဒေအရအကျိုးခံစားခွင့်ရသောကျောင်းသား/သူအနေဖြင့် ဤဥပဒေမှအပ ဖြစ်သော အခြားအကျိုးစီးပွါး အထူးအခွင့်အရေးများတောင်းဆိုပိုင်ခွင့်မရှိစေရ ။
ပုဒ်မ (၆) ပြစ်မှုနှင့်ပြစ်ဒဏ်များ
(က) ဤဥပဒေပြဋ္ဌာန်းချက်များကိုချိုးဖောက်သော ကျောင်းသား/သူအနေဖြင့် ထိုနှစ်၏ ပညာသင်နှစ်တွင် စာမေးပွဲဖြေဆိုခွင့်ကို ပိတ်ပင်ရမည် ။
(ခ) ဤဥပဒေပြဋ္ဌာန်းချက်များကိုချိုးဖောက်သော နိုင်ငံ့ဝန်ထမ်းကို (၁၀၀၀၀၀ိ/-) ထက်မပိုသော ငွေဒဏ်ကိုချမှတ်ရမည် ။
(ဂ) ဤဥပဒေပါ ပြစ်မှုပြစ်ဒဏ်များသည် အဂတိလိုက်စားမှုတားမြစ်ရေးဥပဒေများနှင့် သီးခြားစီဖြစ်သည် ။ ဤဥပဒေပါ ပြစ်ဒဏ်များစီရင်ခံရခြင်းသည် အဂတိလိုက်စားမှု တားမြစ်ရေးဥပဒေများနှင့်စီရင်ခံရခြင်းဟုမမှတ်ယူစေရ ။ အဂတိလိုက်စားမှုများပေါ် ပေါက်ပါက အဂတိလိုက်စားမှု တားမြစ်ရေး အက်ဥပဒေအရ သီးခြားစီရင်ခြင်းခံရ မည် ။
ဤဥပဒေ၏ရည်ရွယ်ချက်
(၁) ကျေးလက်ဒေသများသည် လူနေကျဲပါးပြီး တည်ဆဲလုပ်ထုံးလုပ်နည်းများအရ အစိုးရကျောင်း ထူထောင်ရန်အခြေအနေမပေးပေ ။ အဓိကပြဿနာမှာ ကျောင်းတစ်ခုဖြစ်ရန် ကျောင်းသားအရေ အတွက်မပြည့်မှီခြင်းဖြစ်ပေသည် ။ သတ်မှတ်ကျောင်းသားဦးရေမပြည့်မှီဟုဆိုသော်ငြား ထိုသို့ တည်ရှိနေသော ကျေးရွာများမှာ သောင်းဂဏန်းပမာဏတည်ရှိနေပြီး ကျောင်းသားအရွယ်ကလေးများ သိန်းနှင့်ချီတည်ရှိနေခြင်းသည်အရေးကြီးသောပြဿနာဖြစ်ပေသည် ။ ထိုသည့်ဒေသမျိုးမှကလေးများ နှစ်စဉ် ပညာရေးနှင့်ကင်းကွာလာခြင်းသည် နိုင်ငံတည်ဆောက်ရေးအတွက် ကြီးမားသောပြဿနာ ဖြစ်ပေသည် ။ တစ်နေ့သောအခါ အိမ်ထောင်ဦးစီးများဖြစ်လာကြမည့်ထိုကလေးများသည် ကျောင်းပြင်ပ ဗဟုသုတရှာဖွေရန် အခြေခံပညာအားနည်းလျှင်မဖြစ်နိုင်ပေ ။ ထိုသည့်ကလေးများအဆင့်မြင့်တက်္ကသိုလ် ပညာရေးထိတက်လှမ်းရန် ရည်ရွယ်သည်မဟုတ်ဘဲ ကျောင်းပြင်ပ ပညာရေး/ဗဟုသုတရှာမှီးနိုင်ရေး စာဖတ်စွမ်းရည်တိုးတက်စေရေး နားလည်သဘောပေါက်နိုင်စွမ်းတိုးတက်စေရေးသို့ ဦးတည်ပါသည် ။
ထိုသည့်ကလေးများကို အိမ်မှာပညာရှာမှီးနိုင်သောအခွင့်အရေးပေးခြင်းသာဖြစ်ပါသည် ။ ထိုကလေးများဧရိယာသည် တီဗီမရှိ လျှပ်စစ်မရှိပေ ။ ဂျာနယ်မရောက် ၊ သတင်းစာမရောက်ပေ ။ ထိုကလေးများကို အခြေခံပညာအဆင့်ထိ ဗဟုသုတပေးခြင်းမရှိပါက စာဖတ်စွမ်းရည်နိမ့်ကျပြီး ဂျာနယ် ဈေး ကွက်ပင်ဖြစ်လာမည်မဟုတ်ပေ ။
ထို့ပြင် လူနေကျဲပါးပြီး ကျောင်းထောင်ဖို့ မဖြစ်နိုင်ခြင်းအတွက် အစိုးရအားအပြစ်ဖို့၇န်မဖြစ်နိုင် ပေ ။ ယခုအချိန်တွင်လည်း မိဘများကသာ ပြင်ပဆရာငှားရမ်းပြီးတရားမ၀င် ခိုးကြောင်ခိုးဝှက် စာသင်နေရ ကြောင်းကိုသက်သေ သာဓကများ များစွာရှိပါသည် ။
0 comments:
Post a Comment