ကံကြမ္မာလား၊ တိုက်ဆိုင်မှုလား။
|
9:02 AM |
No မှတ်ချက် |
Myat Soe November 4, 2013 at 2:34pm
တယောက်ထဲနေခဲ့ရတဲ့နှစ်တွေရက်တွေလည်းမနဲတော့ပြီ၊ တစ်ယောက်ထဲနေရပေမဲ့
ကွန်ပျူတာမျက်နှာပြင်လေး ရှိနေလို့ သာအဆင်ပြေနေသေးသည်လို့လည်းစဉ်းစားမိသည်၊
မျက်စေ့ညောင်းခါးညောင်းလာတဲ့အခါမှာ ဆိုဖါမှာပက်လေးလှန်လိုက်တော့
စဉ်းစားစရာတွေခေါင်းထဲ တသီကြီးပေါ်လာပြန်သည်၊ စုံလို့ပါပဲ။
ရှည်ဝေးလှစွာသော အတိတ်ကအကြောင်းတွေ၊စိုင်းထီးဆိုင်ရဲ့ အတိတ်ကအကြောင်းတွေတရေးရေးမြင်လာဆဲဝယ်ဆိုတာလည်း ပြန်လည်ကြားယောင်နေမိပြန်သည်။ မဝေးသေးသော လွန်ခဲ့တဲ့ လအနည်းငယ်က တဒင်္ဂအကြောင်းလေးတွေလည်း စိတ်ထဲကိုမဖိတ်ခေါ်ပဲရောက်လာပြန်သည်။ လူ့ဘ၀ဆိုတာ ဒါပဲလား၊ဒီလိုပဲလား လို့လည်းတွေးနေမိပြန်သည်။
သတ္တလောက၊သင်္ခါရလောတည်းဟူသော သက်ရှိတို့နှင့်ပါတ်သက်ရာလောကတွင် လူဆိုသောသတ္တ၀ါနှင့်သက်ရှိတို့အား လုံးသည်၊ အတိတ်ရဲ့အရိပ်တွေနဲ့သက်ဆိုင်နေသလား၊အတိတ်ဆိုသည်မှာ၊ဗုဒ္ဓဘာသာရဲ့ယုံကြည်မှုထဲက ဘ၀သံသရာပေါ့။ ဒါမှမဟုတ်ယခုပစ္စုပ္ပန်ကာလရဲ့ထူးဆန်းသောတိုက်ဆိုင်မှုပေလားဆိုတာ လည်းစဉ်းစားရင်းအတွေးနယ်ချဲ့မိနေပြန်ပါသည်။
၁၃ ဂဏန်းဆိုဒါ လူအများပြောနေကြသော၊ တချို့လည်းယုံကြည်နေကြသော ဂဏန်း၊ ဒီဂဏန်းကြောင့်များလားလို့စဉ်းစား နေမိသည်၊ ရှေ့မှာလည်း ဟိုးလွန်ခဲ့သော ဆယ်စုနှစ်တခုကျော်၂ခုလောက်က၊ ၁၃ဂဏန်းနဲ့ တိုက်ဆိုင်ခဲ့ဖူးသည်မဟုတ်လား၊ အဲသည်တုံးက၊ထောင်ထဲမှာတိုက်ထဲမှာ၊ လူ၁၃ယောက်ကို၊ မတ်လ၁၃ရက်နေ့ ၁၃နာရီ(နေ့ခင်း ၁နာရီ)မှာထောင်အာဏာပိုင်တို့ကလာထုတ်သွားခဲ့သည်။ ပြီးတော့စစ်ခုံရုံးကိုပို့လိုက်သည်။ အဲသည်ထဲမှာမှ ကျတော့ကို ထောင်၁၃နှစ် (အလုပ်ကြမ်းနှင့်ထောင်ဒဏ်၁၃နှစ်)ပြစ်ဒဏ်ပေးတာခံခဲ့ရဖူးသည်။ အခုလည်း လာပြန်ပြီ၊ ဒီ၁၃ဂဏန်းကြောင့်များလားလို့လည်းစဉ်း စားနေမိသည်။၁၃ဂဏန်းကြောင့်လည်းမဟုတ်နိုင်သေးပါဘူးလေလို့၊ ကိုယ့်ဟာကိုယ်လည်းပြန်တွေးမိပြန်သည်။ ဘာ့ကြောင့်လည်းဆိုရင် ကံကောင်းခြင်းလည်းဖြစ်ခဲ့တာပဲ လို့ပြန်တွေးမိလို့ဖြစ်သည်။
ပြီးခဲ့တဲ့၂၀၁၂ ဒီဇင်ဘာအားလပ်ရက်သည် ဒီဇင်ဘာလကုန်ရက်အထိဖြစ်ပါသည်၊ အားလပ်ရက်မှာဘယ်ကိုမှမသွားဖြစ်ပါ၊ အိမ်မှာတယောက်ထဲ၊ ကွန်ပျူတာကိုဖွင့်ကာ ပရီးမီးယားလိခ်ဘောလုံးပွဲကို ဆက်တိုက်ထိုင်ကြည့်ဖြစ်နေခဲ့သည်။ တဆက်ထဲထိုင်ပါများ လာသောကြောင့် ကျတော့်ခါးသည် တစစ်စစ်ကိုက်ခဲလာနေသည်၊ အခုမှထိုင်တာများလို့တော့မဟုတ်ပါဘူး၊ ဟိုးငယ်စဉ်ကထဲက အိမ်အလုပ်တွေပင်ပင်ပန်းပန်း၊လုပ်ခဲ့ရ၊ ထမ်းခဲ့ပိုးခဲ့ရတဲ့ဒါဏ်တွေကြောင့်လည်းပါပါသည်။ နောက်တခါ အသက်၂၀ကျော်လောက်က အလေးမအားကစားကိုတနှစ်ခွဲနှစ်နှစ်လောက် ကစားခဲ့ဖူးသည်၊ အလေးထမ်းထိုင်ထတွေလုပ်ခဲ့ဖူးသည်။ နောက်တော့ ထောင်ထဲမှာ နောက်ပိုင်းနဲနဲလွတ်လပ်လာတဲ့အချိန်တွေမှာ ပိုက်ကျော်ခြင်းခတ်တဲ့အားကစားကို အချိန်ရတိုင်းမနားမနေကစားသည်၊ ကစားကာနီး အကြောလျော့တာမျိုးတောင်မလုပ်ဖြစ်ပဲ၊ ပုဆိုးခါးတောင်းကျိုက်ကာ ကစားကွင်းထဲဝင်ကစားသည်၊ ထောင်ထဲရောက်ကာစမှာလည်း၊ အောက်မှာသံပံတလင်း၊သံပံတလင်းရဲ့အပေါ်မှာ ၀ါးဖျာကြမ်းတချပ်၊ အဲဒီအပေါ်မှာစောင်ပါးပါးလေးတထည်ခင်းကာအိပ်ခဲ့ရသည်၊ အဲလိုအိပ်ခဲ့တဲ့ကာလသည် တနှစ်နီးပါးလောက်တော့ ရှိမည်ထင်သည်။ အဲသည်မှာ နောက်ကျောတွေထုံသလိုဖြစ်လာသည်၊ ခြေသလုံးကအရေဖျားတွေထုံလာသည်၊ တော်ရုံတန်ရုံဆိတ်ဆွဲ လို့သိပ်မနာတော့လောက်သည်အထိဖြစ်လာခဲ့သည်။ နောက်တခုက နှစ်တနှစ်ရဲ့ဇန္န၀ါရီလထဲမှာဖြစ်ပါသည်၊ ထောင်ထဲကတိုက်ဝန်းဧရိယာထဲမှာ ပိုက်ကျော်ခြင်းပြိုင်ပွဲတခုကိုကျင်းပကြသည်၊ ဆောင်းတွင်းလည်းဖြစ်ပြန်၊ အောက်ကသံပံတလင်းလည်းဖြစ်ပြန်၊ ကင်းဘတ်ဘိနပ်လိုမျိုးလည်း စီးထားတာမရှိပြန်ဆိုတော့၊ ခြေဖ၀ါးတွေတအားအေးလာသည်၊ ဒါပေမဲ့ခြင်းခတ်နေရသောကြောင့် အေးတယ်လို့မထင်မိဘူး၊ ခြေသလုံးထိအေးလာသည်ကိုသတိမပြုမိ၊ ခြင်းခတ်ပြီးတဲ့အခါ ခြေထောက်တွေ အတော်ကိုနာကျင်လာသည်၊ ငယ်ငယ်တုံးကလိုပဲ ကြွက်သားတွေနာတယ်လို့သာထင်ခဲ့သည်။ ဒါကြောင့်ညနေပိုင်းတခါထပ်ခတ်လိုက်ရင် သက်သာသွားမယ်လို့ထင်ခဲ့ပြီး၊ ညနေပိုင်းမှာတပွဲထပ်ဆင်နွဲလိုက်ပြန်ပါသည်။ မစဉ်းစားမိပါဘူး၊ ငယ်စဉ်က ကြွက်သားတွေနာတာ၊ အသက်၄၀ကျော်လာတဲ့အချိန်မှာနာလာတာက ကြွက်သားတွေတင်မဟုတ်တော့ဘူး၊ အကြောတွေပါအထဲက နာလာတာကိုသတိမထားမိဘူး၊ အဲလိုနဲ့ရှိတဲ့ပရုပ်ဆီတို့တေဇောဘမ်းတို့လိုပူတဲ့ဆေးတွေလိမ်းပြီး ညအိပ်လိုက်ပါတယ်၊ အဲသည်မှာမနက်မိုးလင်းလို့ အိပ်ယာကထတော့ ထလို့မရတော့ပါဘူး။ ခြေသလုံးနဲ့တခေါက်ကြောတွေကော၊ ခါးကပါတင်းပြီးတအားကိုနာလာပါတော့တယ်။ လူကပက်လက်ဆန့်ပြီးအိပ်နေရင်နေ၊ ဒါမှမဟုတ်မတ်တပ်မတ်မတ်ရပ်နေရင် နေလို့ရပါတယ်၊ ထိုင်လို့ကတော့ ဘယ်လိုထိုင်ထိုင် ထိုင်လို့မရတော့ပါဘူး၊ အဲသည်မှာ အခက်ခဲဆုံးရင်ဆိုင်ရတာက၊ အိမ်သာတက်တဲ့အခါဆိုရင် မနဲကိုကျိတ်မှိတ်ပြီး ထိုင်ရတယ်၊ ထိုင်ရင်းနဲ့မျက်ရည်ပါကျအောင်ခံစားရပါတော့တယ်၊ အဲသည်တော့ဘယ်လိုမှ မတတ်နိုင်တော့ပါဘူး။ ဆေးရုံတက်လိုက်ရပါတော့တယ်။ ဆေးရုံရောက်တဲ့အခါ ဆေးရုံမှာတာဝန်ကျတဲ့၊ ရဲဘော်ရဲဘက်ထဲက အောင်သူတို့၊ ကိုဇော်ကြီးတို့၊ ကက်တစိန်တို့ကလည်း ကူညီပေးကြပါတယ်၊ သူတို့တတ်နိုင်သလောက် ဆရာဝန်နဲ့ဆွေးပြီး ဆေးအမျိုးမျိုးလည်းထိုးပေးကြပါတယ်၊ ဒါပေမဲ့မသက်သာပါဘူး။ ဆေးရုံမှာအကျဉ်းသားတယောက်ကိုတွေ့တာ ကံကောင်းသွားပြန်ပါတယ်၊ အဲဒီအကျဉ်းသားက အသက်ငယ်ပါသေးတယ်၊ ဒါပေမဲ့သူဘယ်လိုဖြစ်လာတယ်တော့မသိပါဘူး၊ သူကလည်း ခါးကြီးကုန်းပြီးလမ်းလျှောက်သွားရတယ်၊သူ့ခါးကလည်း ပြန်မတ်လို့မရတော့ပါဘူး၊ သူခါးကုန်းနေတာက အသက်ကြီးလို့ ခါးကုန်းသွားတဲ့အဖိုးကြီးတယောက်လိုသွားနေရတာပါ။ ဒါပေမဲ့သူကစစ်ဆေးရုံကဆင်းလာတာလို့တော့ပြောတယ်၊ သူက တော်တော်နှိပ်တတ်တဲ့သူ၊ သူ့ကိုစစ်ဆေးရုံကပဲနှိပ်ပြီးကုပေးဖူးလားတော့မသိဘူး၊ သူကကျတော့်ကို နှိပ်ပေးမယ်လို့ပြောလာတယ်၊ အဲတော့ဘာလိုလည်းဆိုတော့၊ ပူတဲ့ဆေးဆီလိုချွဲတဲ့ဆေးလိုတယ်ပြောလို့၊ ကျတော့်မှာမုန်ညင်းဆီနဲ့ပငြုပ်ပြားကိုစိမ်ထားတဲ့လိမ်းဆေးရှိတယ်၊ အဲဒါနဲ့သူကတနေ့ကိုသုံးကြိမ်၊သုံးရက်လောက်နှိပ်ပေးလိုက်တာ အတော်ကိုသက်သာသွားတာ၊ ကောင်းသလောက်လည်းဖြစ်သွားခဲ့တယ်။ ပိုက်ကျော်ခြင်းကိုပြန်ခတ်ကြည့်တာတော်တော် ခတ်လို့ရသွားဖူးတယ်။
အဲသည်လိုနဲ့ထောင်ထဲကလွတ်သွားတဲ့အချိန်မှာ ဘောလုံးတွေလည်းကစားဖြစ်တာပေါ့၊ နောက်တော့ အလုပ်လုပ်တဲ့အခါ မှာခရီးဝေးဝေးတွေလည်းခြေလျင်သွားခဲ့ရတယ်၊ တောင်ပေါ်ခရီးတွေလည်းပါတယ်၊ အဲသည်မှာခြေသလုံးအတွင်းထဲက အကြောတွေတအားနာလာပြန်တယ်၊ ခရီးတခုသွားရင် လမ်းမှာ၁၀မိနစ်လောက်သွားလိုက် တခါနားလိုက် လက်နဲ့ပြန်နှိပ်နေလိုက် အဲလိုလုပ်ပြီးသွားနေရတယ်၊ အဲဒါနဲ့နောက်တော့ အလုပ်ကနေအိမ်ကိုပြန်လာပြီး အိမ်မှာပန်းပင်တွေစိုက်တဲ့အခါ ပန်းပင်ပေါက်တွေ ကိုရေလောင်းရပါတယ်၊ လေးဒေါင့်သံပုန်း၂လုံးထဲကိုရေခတ်ထည့်ပြီး လက်နှစ်ဘက်နဲ့ဆွဲဆွဲသွါးပြီး ပန်းပင်တွေကိုရေလောင်းလိုက်တာ၊ တပါတ်လောက်လည်းလောင်းပြီးရော၊ အဲဒီနာနေတဲ့ခြေသလုံးက လုံးဝမနာတော့ပါဘူးကောင်းသွားပြန်ပါတယ်။ အဲဒါနဲ့နောက်တော့ ထိုင်းကိုရောက်တော့ မဲဆောက်မှာဘောလုံးလည်းကစားဖြစ်ပါတယ်။ ပိုက်ကျော်ခြင်းလည်းကစားဖြစ်ပါတယ်။ အဆင်ပြေနေပြန်ပါတယ်။ နောက်တခါ ဒုက္ခသည်စခန်းထဲမှာလည်း အတူတူပါပဲ၊ ဘောလုံးလည်းတော်တော်ကစားဖြစ်တယ်၊ တခါတလေပိုက်ကျော်ခြင်းလည်းကစားဖြစ်တယ်၊ လမ်းလည်းညနေတိုင်းနီးပါးလျှောက်ဖြစ်တော့ ခါးနာတာတအားမဆိုးတော့ပါဘူး၊ ဒါပေမဲ့နဲနဲတော့နာနေပါသေးတယ်။ အဲလိုနဲ့ နော်ဝေကိုရောက်လာတဲ့အချိန်မှာလည်း၊ လမ်းလျှောက်ရတာတို့၊ ဘောလုံးကစားတာတို့ လုပ်ဖြစ်ပါတယ်။ ခါးနာတာတော့ နဲနဲနာမြဲနာနေတုံးပါပဲ၊ ဒါနဲ့တခါတလေ အတော်လေး နာလာတဲ့အခါ ဆေးခန်းကိုသွားပြီး၊ ဆရာဝန်ကိုပြောပြတဲ့အခါ ဆရာဝန်က သောက်ဆေးပေးပါတယ်။ သူပေးတဲ့သောက်ဆေးက ကြာကြာသောက်လာတဲ့အခါ အစာအိမ်အောင့်လာလို့ ဆက်မသောက်ဖြစ်တော့ပြန်ပါဘူး။ အဲလိုနဲ့ ပြီးခဲ့တဲ့နှစ် ၂၀၁၂ ဒီဇင်ဘာအားလပ်ရက်မှာ အိမ်မှာပဲနေရင်း ဘောလုံးပွဲထိုင်ကြည့်ဖြစ်နေခဲ့တာပါပဲ။ ကြည့်ရင်းနဲ့နဲနဲတော့ တစစ်စစ်ကိုက်ခဲနေတာသတိပြုမိပါတယ်။ ဒါနဲ့ မှတ်မှတ်ရရပါပဲ ဒီဇင်ဘာ၃၁ ရက်နေ့ ညနေပိုင်းလေးမှာ၊ အိမ်သန့်ရှင်းရေးလုပ်မယ်လို့စိတ်ကူးပြီး၊ သန့်ရှင်းရေးမလုပ်ခင်၊ တီဗွီတို့ ဆက်တီတို့စာပွဲတို့ကိုနေရာပြောင်းမယ်စိတ်ကူးပြီး၊ တီဗွီခုံလေးနဲ့တီဗွီကို တွန်းပြီးရွှေ့၊ ဆက်တီကလည်း အရှည်အ၀ိုင်းကြီးဆိုတော့ အဲဒါကိုဖြုတ်ပြီးမှမပြီးရွှေ့၊ စားပွဲကိုရွှေ့ လုပ်လိုက်တာ အဲဒီမှာ ခါးထဲမှာ မျက်ကနဲဖြစ်ပြီး တအားကို နာသွားတော့တာပဲ၊ နောက်တခါ ဖြစ်ချင်တော့၊ ဆက်တီမှာထိုင်ပြီး နံရံမှာကပ်ထားတဲ့မီးခလုတ်ကို ဘယ်ဘက်လက်နဲ့နောက်ပြန် လှန်းပြီးဖွင့်လိုက်တဲ့အချိန်မှာ ဘယ်ဘက်ခြေထောက်တချောင်းလုံးကော၊ ခါးထဲထိပါ ကျင်ကနဲခံစားရပြီး ဘယ်ဘက်ခြေထောက်က တအားကိုနာကျင်သွားလိုက်တာ၊ လှုပ်လို့လည်းမရတော့၊ ခြေထောက်လည်းထောက်လို့မရတော့ပဲနဲ့ ၊ လှုပ်တိုင်းနာနေလို့ ဆက်တီခုံရှည်ပေါ်မှာပဲ ပက်လက်လေးလှဲပြီး အိပ်နေလိုက်ရပါတော့တယ်၊ အိမ်သာကိုသွားရင်လည်း ခြေထောက်တဘက်ထဲထောက်ပြီး ဟိုကိုင်ဒီကိုင်နဲ့သွားနေရတယ်၊ အဲဒီညက ထမင်းလည်းချက်မစားဖြစ်တော့ပါဘူး၊ မီးဖိုခန်းထဲကိုလည်းမသွားနိုင်တော့ဘူး၊ စားပွဲပေါ်ကဓါတ်ဗူးထဲက ရှိတဲ့ရေနွေးနဲ့ ဘီစကစ်ထုတ်လေးထဲက ဘီစကစ်လေးကိုစားလိုက်ရေနွေးလေးသောက်လိုက်နဲ့ တညလုံးပါပဲ၊ အပေါ့သွားချင်လို့ သွားလိုက်တိုင်း မျက်ရည်ပါကျအောင်နာကျင်နေတော့တာပါပဲ၊ အဲဒါနဲ့ အရေးပေါ်ဌါနကိုဖုန်းဆက်ပြန်တော့ သူတို့ကလည်း “မင်းရဲ့မိသားစုဆရာဝန်ဆီကိုအရင်ဆက်ပါ”ချည်းပြန်ပြောနေလို့၊ထပ်မဆက်ဖြစ်တော့ပဲမိုးလင်းခဲ့ရပါတယ်။ မိုးလင်းလို့နေ့ခင်းဘက်ကိုရောက်တော့ မမျှော်လင့်ပဲနဲ့အရေးပေါ်ကား ရောက်လာပါတယ်၊ ကျတော်ကညကထဲက အိမ်ရှေ့ကတံခါးကို ပိတ်ထားပေမဲ့၊လော့ကိုဖွင့်ထားလိုက်ပါတယ်။ တခုခုဖြစ်လို့တယောက်ယောက်လာရင် ကျတော်ကထဖွင့်ပေးဘို့အခက်အခဲရှိလို့၊ အဲလိုဖွင့်ထားလိုက်တာပါ၊ အဲဒါက အဲဒီအရေးပေါ်ဌါနကို ကျတော့သမီးကမရရအောင် ဆက်သွယ်ပြီးလှန်းဖုန်းဆက်လို့ သူတို့ကရောက်လာကြတာပါ၊ သူတို့ရောက်လာတာနဲ့ ကျတော်လည်း အံ့အားသင့်ပြီး သတိမထားမိပဲနဲ့ ဆတ်ခနဲထထိုင်ပြီးမတ်တပ်ရပ်လိုက်တဲ့အချိန်မှာ ရပ်ပြီးတာနဲ့ချက်ချင်း ဖင်ထိုင်ကျသွားပါသေးတယ်၊ အဲသည်မှာပဲ ခုနနာနေတဲ့ခြေဖမိုးနဲ့ခြေဖျားတွေက တအားနဲ့နားပြီးတော့ ထုံသွားပါတော့တယ်၊ ခြေဖမိုးမှာလည်း လက်မသာသာလောက် အကြောထုံးကြီးဖြစ်သွားတာတွေ့လိုက်ပါတယ်။ အဲလိုထုံသွားတဲ့အခါမှာတော့ ခြေထောက်ကသိပ်မနာတော့ပဲနဲ့ ထော့နဲ့ထော့နဲ့ လမ်းလျှောက်လို့တော့ ဖြစ်သွားပါတယ်။ အဲလိုနဲ့ ခုနလာတဲ့အရေးပေါ်ဌါနကအမျိုးသမီး၂ယောက်က သူတို့ရဲ့အရေးပေါ်ကားနဲ့ ဆေးခန်းကိုပို့ပေးပါတယ်၊ လမ်းမှာလည်း သူတို့ကကျတော့ကိုမေးခွန်းတွေမေးလိုက်တာ၊အတော်များပါတယ်။ အားကစားလုပ်ဖူးလား၊ ဘောလုံးကစားးဖူးလား၊ လဲဖူးလား၊ အခုဒီကိုရောက်တော့ကော ကစားသေးလားစုံလို့ပဲ၊ ကျတော်လည်းကစားဖူးတဲ့အကြောင်း၊ ဒီကိုရောက်တော့လည်းးကစားကြောင်း ပြောပြတော့သူတို့အံ့သြနေကြတယ်၊ ဘာလို့လည်းဆိုတော့ ကျတော့်အသက်က ဒီမှာဘောလုံးကစားတဲ့အချိန်မှာ ၅၇ဖြစ်နေပါပြီ၊ အဲဒီမှာပဲ သူတို့မေးထားတာတွေကို ဆေးခန်းကဆရာဝန်ကိုပေးခဲ့တာတော့ တွေ့ပါတယ်။ ဒါနဲ့ဆေးခန်းလည်းရောက်ရော ဆရာဝန်မက လာကြည့်ပြီး၊ လူကိုနဲနဲမကျေမနပ်နဲ့ နဲနဲကောတဲ့သဘောမျိုးလုပ်နေပါသေးတယ်၊ သူပြောတာက“သူ့ဆီကိုအရင်ဖုန်းမဆက်ပဲနဲ့၊ ဘာလို့အရေးပေါ်ဌါနကိုဖုန်းဆက်တာလည်း”တဲ့၊ အဲဒါကို၂ခါလောက်လာမေးနေလို့၊ မသိဘူးလို့၊ ငါဆက်တာမဟုတ်ဘူးလို့ ပြန်ပြောလိုက်တော့မှ ထပ်မမေးတော့ဘူး၊ ဒါနဲ့သူက ဆေးခွင့်တပါတ်ရေးပေးတယ်၊ နောက်ပြီး ဆေးစာရေးပေးတယ်၊ ရေးပေးတဲ့ဆေးစာက Artrotec ၊နဲ့ ပါရာဆီတမော့၊ အဲဒါကိုအရင်ကလည်းသောက်ဖူးနေလို့၊ စဉ်းစားမိတာက ဘာလို့ဒီဆေးတွေပဲရေးပေးတာလည်းပေါ့၊ အဲဒါနဲ့သူရေးပေးတဲ့ဆေးကို မသောက်ဘူး၊ နောက်တရက်ကျော်သူကပြန်ချိန်းတော့ ၊သူ့ဆီကိုရောက်တော့ သူကမေးတယ်၊ ဆေးသောက်ခဲ့လားတဲ့၊ မသောက်ခဲ့ဘူးလို့ပြောလိုက်တယ်။ ဘာလို့မသောက်တာလည်းတဲ့၊ ဒါဆို ဒီည သုံးကြိမ်သောက်ပြီးမနက်ဖန်မှပြန်လာခဲ့လို့ထပ်ပြော ပြန်ပါရော၊ ဒါနဲ့သူ့ကိုလည်းပြန်မေးမနေတော့ဘူး၊ နော်ဝေလိုပြောရတာလည်း အဆင်ကသိပ်မပြေတော့ အိမ်ကိုပြန်လာခဲ့လိုက်တယ်၊ အဲဒီမှာသမီးကလည်းရောက်လာပြီး မြို့ထဲကသူ့အသိနော်ဝေတွေဆီလျှောက်လည်တယ်၊လည်ရင်းနဲ့သူသိခဲ့တာက၊ ကျောင်းကဆရာမကြီးကပြောပြလိုက်လို့၊ ခုနဆေး၂မျိုးကိုတွဲသောက်ခိုင်းတာက၊ ကျောက်ကပ်ရောဂါရှိမရှိသိချင်လို့သောက်ခိုင်းတာလို့ပြောပြတယ်၊ အဲဒီဆေး၂မျိုးတွဲသောက်ပြီး ဆီးသွားလို့မကောင်းရင် ကျောက်ကပ်ရောဂါရှိလို့၊လို့ပြောပြတယ်။ အဲဒါသမီးကပြန်ပြောပြတော့မှသဘောပေါက်ပြီး ဆေးသောက်လိုက်တယ်၊ ဒါပေမဲ့ဆီးသွားတာဘာမှမဖြစ်ဘူး၊ နောက်နေ့ဆရာဝန်နဲ့ တွေ့တော့ သူလည်းမေးတယ် ဆေးသောက်ပြီးဆီးသွားတာဘယ်လိုနေလည်းတဲ့၊ ဆီးသွားလို့ခက်လား၊ မခက်ဘူးလားတဲ့၊ ဆီးသွားရတာဘာမှမဖြစ်ပါဘူးလို့၊ အဆင်ပြေပါတယ်လို့ပြန်ပြောလိုက်တယ်။ ဒါနဲ့သူလည်း နောက်၃ရက်လောက်ခွါပြီးထပ်ချိန်းတယ်၊ ဒါပေမဲ့ကြားထဲမှာတအားနာရင်သူ့ဆီဖုန်းဆက်ပါလို့မှာလိုက်တယ်။ အဲဒါနဲ့သူချိန်းတဲ့ရက်မတိုင်ခင်တရက်မှာ တအားနာနေတာနဲ့ ဖုန်းဆက်လိုက်တော့သူက ဘယ်အချိန်လာခဲ့ပါဆိုပြီးပြန်ပြောပါတယ်။ အဲမှာသူ့ဆီကိုရောက်တော့ လာစစ်ဆေးတယ်၊ တအားနာနေလားလို့မေးတယ်၊ မေးပြီးတာနဲ့ တက္ကစီကားဆီဖုန်းလှန်းဆက်ပြီး၊ ဆေးရုံကြီးကိုသွားပါဆိုပြီးစာရေးပေးပြီး လွှတ်လိုက်တာပဲ။ ဆေးရုံကြီးကိုရောက်တော့ အလုပ်သင်ဆရာဝန်မက စစ်ဆေးတယ်၊ ဒါနဲ့နောက်တော့ ဆရာဝန်ကြီးတယောက်လာစစ်ဆေးတယ်၊ ခြေမကိုဖိခိုင်းတာတို့ဘာတို့လုပ်တယ်၊ လမ်းလျှောက်ခိုင်းတယ်၊ ခြေဖျားထောက်ပြီးလည်းလမ်းလျှောက်ခိုင်းတယ်၊ အဲဒီမှာဘယ်ဘက်ခြေဖျာထောက်ပြီးရပ်ခိုင်းတော့မရဘူး ပစ်လဲတာပဲဗျာ။ အဲတော့ ဆရာဝန်ကြီးကပြောတာက သူ့ခြေမကိုစမ်းကြည့်တော့ ခြေမအကြောကတော့ သန်မာနေတာပဲတဲ့၊ ဒါပေမဲ့ဓါတ်မှန်ရိုက်လိုက်တာကောင်းပါတယ်တဲ့၊ အဲလိုပြောပြီး ဓါတ်မှန်ရိုက်ဘို့ နောက်၃ရက်လောက်နေတော့မှ ရက်ချိန်းရပါတယ်။ အဲတော့ ဓါတ်မှန်ရိုက်လိုက်တာပေါ့၊ အဲဒါနဲ့မပြီးသေးဘူး တပါတ်တခါလောက်ချိန်းချိန်းပြီးစစ်ဆေးနေတာ တလလောက်ကြာတယ်။ ဘာတခုမှလည်းမလုပ်သေးဘူး၊ အဲဒီအချိန်မှာ သမီးကလည်း ပထမတခါဓါတ်မှန်ရိုက်ပြီးတာနဲ့ သူနေတဲ့မြို့ကိုပြန်သွားပြီ၊ သူကကျောင်းတက်နေရတာဆိုတော့အားရက်မရဘူးလေ၊ အဲတော့ကျတော်တယောက်ထဲပဲ ဘတ်စ်ကားနဲ့ဆေးရုံရှိတဲ့မြို့ကိုသွားနေရတာပေါ့၊ ဆေးရုံက ကျတော်နေတဲ့နေရာနဲ့ဆိုရင် တနာရီလောက်ဘတ်စ်ကားစီးရတယ်။ ဆေးရုံမှာလည်း ကိုယ့်နိုင်ငံသားကိုယ့်လူမျိုး၂ယောက်အလုပ်လုပ်နေလို့ တော်ပါသေးတယ်။ ဆေးရုံကလည်းစစ်လိုက်တာစုံနေတာပဲ၊ သွေးဖေါက်ရတာလည်းအကြိမ်ကြိမ်ပါပဲ၊
အဲဒီမှာ တခါစစ်လိုက်တာတော့ တော်တော်မှတ်မှတ်ရရပါပဲ၊ ပထမသူတို့ကဆေးစာရေးပေးတယ်၊ ရေးပေးတဲ့ဆေးက ၀မ်းနှုတ်ဆေး၊ ည၁၀နာရီမှာတခါသောက်ရတယ်၊နောက်ပြီး၁၂နာရီမှာတခါသောက်ရတယ်၊ အဲလိုသောက်ပြီးတော့နောက်နေ့မနက် ၉နာရီမှာဆေးရုံမှာချိန်းတာပေါ့၊ ဆေးရုံလည်းရောက်ရော၊ ဆရာဝန်က ဖင်ထဲကိုသုံးမတ်လုံးလောက်တော့ရှိမယ်ထင်တယ် ပလပ်စတစ်ပိုက်အဖြူတချောင်း၊ တပေလောက်ရှည်မယ်ထင်တယ်၊ အဲဒါနဲ့ဖင်ထဲကိုထိုးထည့်ပြီး၊လေလည်းမှုတ်သွင်းသေးတယ်၊ ပြီးတော့ စအိုအထက်နားကအူမကြီးထဲကနံရံမှာကပ်နေတဲ့၊ သွေးစတွေကိုဆွဲထုတ်ယူတာ၊ မီးချစ်ဆံခေါင်းလောက်ရှိတဲ့အတုံး၃တုံးထုတ်ယူတယ်၊ သိပ်တော့မကြာပါဘူး၊ ၁၅မိနစ်လောက်ပဲဖြစ်မယ်ထင်တယ်၊ အဲလိုလည်းယူပြီးရော၊ဗိုက်ထဲမှာလေတွေထိုးတာ နာလိုက်တာလည်းမပြောပါနဲ့တော့၊ အိမ်သာတက်တော့လည်း မသွားဘူး၊ လေတွေလည်းမထွက်ဘူး၊ မတ်တပ်ရပ်လို့လည်းမရ၊ ထိုင်နေလို့လည်းမရ ဒုက္ခရောက်လိုက်တာသေတောင်သေချင်သွားတယ်၊ အဲဒါနဲ့ဘောင်းဘီကိုကျယ်သီးမတပ်ပဲနဲ့ခါးပါတ်နဲ့ထိန်းပြီဝတ်ထားရတယ်။ အဲလိုဖြစ်နေတော့ ပါလာတဲ့အဖေါ်ကိုပြောရတယ်၊ အဲဒီဆေးရုံမှာ အင်ဖေါ်မေးရှင်းဌါနလိုမျိုးအပေါက်ဝကအခန်းမှာ သွားပြောရတယ် တက္ကစီကားအမြန်ခေါ်ပေးပါလို့၊ ဗိုက်တအားနာနေပြီလို့ပြောတော့ သူတို့ကလည်းခေါ်ပေးပါတယ်။ အဲဒါနဲ့ အဲဒီဆေးရုံရှိတဲ့မြို့ကပါလာတဲ့အဖေါ်အိမ်ကိုပဲမောင်းခိုင်းပြီး၊ အဲဒီမှာအိမ်ကိုရောက်တော့မှ အိပ်ယာမှာတုံးလုံးလှဲ၊ စောင်ခြုံပြီးနွေးနွေးနေလိုက်တော့၊ သိပ်မကြာပါဘူး အိမ်သာတက်ချင်သလိုလိုဖြစ်လာတာနဲ့၊ အိမ်သာသွားတက်တော့ ခုနဆေးရုံမှာလေမှုတ်သွင်းထားတဲ့လေတွေ၊အူထဲကနေပြန်ထွက်ကုန်တော့မှ အတော်လေးသက်သာသွားတယ်ဗျာ။ အဲဒီမှာတခုပြောချင်တာက၊ သူတို့ဆီမှာဆေးကုတာ၊ ရောဂါတမျိုးကို တနှစ်ကို၂ထောင်လောက် ကုန်ထားပြီးရင်၊ အခမဲ့ကဒ်ထုတ်ပေးထားတယ်၊ ခုနဆရာဝန်ဆီတခါသွားရင် စမ်းသပ်ခ ၁၅၀လောက်၂၀၀လောက်တွေကော၊ ဆေးဝယ်တဲ့ဆေးဘိုးတွေကော၊ ခုနလိုတက္ကစီကားခတွေကောပေါင်းပြီး ၂ထောင်ကျော်လောက် ဖြစ်တာနဲ့အခမဲ့ကဒ်ထုတ်ပေးထားတယ်၊ နောက်ဆိုတနှစ်အတွင်း၊ အဲဒိရောဂါနဲ့ ဆရာဝန်ပဲပြပြ၊ ဆေးရုံမှာဓါတ်မှန်ရိုက်တာပဲဖြစ်ဖြစ်၊ ဆေးပဲဝယ်ဝယ်၊ တက္ကစီပဲခေါ်ခေါ် အခမဲ့ပါပဲ။ ဒါပေမဲ့တက္ကစီကိုတော့ဆေးရုံ၊ဆေးခန်းကိုအကြောင်းကြားရတယ်၊ သူတို့ကခေါ်ပေးတာပါ။ သူတို့ကခေါ်မပေးပဲကိုယ့်ဟာကိုယ်ခေါ်လို့တော့မရပါဘူး။ အဲလိုတွေပါ၊
အဲလိုနဲ့ဆေးရုံကခေါ်ပြီးစစ်နေတာ၊ တရက်ကျတော့ဘယ်လိုစစ်လည်းဆိုတော့၊ သူတို့က ၂နာရီလောက်ကြိုပြီးချိန်းတယ်၊ အဲဒီအချိန်မှာ သူတို့အရည်တမျိုးတိုက်တယ်၊အရည်ကတလီတာရှိတယ် အဲဒါကို၂နာရီနဲ့ကုန်အောင်သောက်ခိုင်းပါတယ်၊ အရသာလေးကနဲနဲလေးချိုသလိုလိုတော့ရှိတယ်။ အဲဒါကိုသောက်ပြီးတော့ ဗိုက်ကိုဓါတ်မှန်ရိုက်တာပါပဲ။ အဲလိုဓါတ်မှန်ရိုက်ပြီးလို့ ၃၊၄ ရက်လောက်ပဲကြာမယ်ထင်တယ်၊ သမီးဆီကိုဖုန်းလှန်းဆက်ပြီးပြောတော့တာပဲ၊ ဘယ်နေ့ဘယ်အချိန်၊ဘယ်ဌါနကိုအရောက် လာပါတဲ့၊ မလာလို့မဖြစ်ဘူးတဲ့၊ အဲတော့ကျတော်ထင်တာက ခါးကိုခွဲတော့မယ်လို့ထင်လိုက်တာ၊ အဲဒီနေ့မှာဆေးရုံကိုသွားလိုက်တာ သူတို့ပြောတဲ့ဌါနဘယ်ဌါနမှန်းလည်းမသိဘူး၊ လိုက်မေးတော့လည်း ဘယ်ဌါနကမှ သူတို့ချိန်းထားတယ်လို့မပြောကြဘူး၊ ဒါနဲ့စိတ်ပျက်ပျက်နဲ့၊ အိမ်ပြန်တော့မယ်ဆိုပြီးကားဂိတ်ကိုထွက်လာခဲ့လိုက်ပါတယ်။ ဒါပေမဲ့ပထမတခါသမီးဆီကိုဖုန်းဆက်တော့ စာသင်ချိန်ဖြစ်နေလို့ဖုန်းမကိုင်းဘူး၊ နောက်တခါပြန်ဆက်ကြည့်တော့ သမီးကဖုန်းကိုင်လာတယ်၊ အကျိုးအကြောင်းပြောပြတော့ သူကအတင်းအကြပ်ပဲ၊ အဖေမသွားလို့မဖြစ်ဘူး၊ မပြန်နဲ့အုန်းအခုဆေးရုံကိုပြန်သွားလိုက်အုန်းတဲ့၊ သမီးဆေးရုံကိုဖုန်းပြန်ဆက်အုန်းမယ်တဲ့၊ အဲဒါနဲ့ဆေးရုံကိုပြန်သွားပြီး အထဲကိုရောက်တော့ အင်ဖေါ်မေးရှင်းဌါနကိုပြောလိုက်တယ် ၊ ငါ့ကိုချိန်းထဲဌါနကိုလည်းငါမသိဘူးလို့၊ အဲဒါသမီးပြောတာလည်း အဲဒီနာမည်ကိုငါနော်ဝေလိုမခေါ်တတ်ဘူးလို့၊ အဲတော့ မင်းငါ့သမီးနဲ့စကားပြောပါဆိုပြီး၊ ကျတော့်ဖုန်းကို သူတို့လက်ထဲထည့်ပေးလိုက်တယ်။ အဲတော့မှသမီးနဲ့စကားပြောပြီးတော့၊ အင်ဖေါ်မေးရှင်းဌါနကအမျိုးသမီးက ငါလိုက်ပို့ပေးမယ်ဆိုပြီး ကျတော့ကိုလိုက်ပို့ပေးမှ ကျတော့ကိုချိန်းတဲ့ဌါနကိုရောက်ပါတော့တယ်။ ရောက်ပြီးသိပ်မကြာဘူး ၅မိနစ်လောက်ပဲထိုင်စောင့်ရတယ်၊ သူတို့ဆရာဝန်စမ်းသပ်ခန်းတခုထဲကို၊ ကျတော့ကိုခေါ်တော့တာပဲ၊ အဲဒီအခန်းထဲမှာ ဌါနတာဝန်ခံဆရာဝန်တယောက်၊ အလုပ်သင်ဆရာဝန်မတယောက်၊ နပ်စ်မအင်ချပ်တယောက်၊ အခြားနပ်စ်မတယောက်နဲ့၊သူတို့ကဖုန်းနဲ့ချိန်းထားတဲ့ စကားပြန်လည်းဖုန်းထဲကလှန်းပြောနေတယ်။ အဲမှာဆရာဝန်ပြောတာက၊ “မင်းရဲ့အူထဲမှာ ကင်ဆာကျိတ်တွေ့ပါတယ်”တဲ့၊ အဲဒီမှာ လူလည်းအတော်မျက်လုံးပြူးသွားတယ်။ စိတ်ထဲမှာလည်းအတော်စိုးရိမ်သွါးတယ်၊ ဒါပေမဲ့စိတ်ကိုထိန်းပြီး သူတို့ပြောပြတာကို နားလည်အောင်နားထောင်ရတယ်၊ပြောတာတော့ စကားပြန်နဲ့ဆိုတော့ အဆင်တော့ပြေပါတယ်။ အဲမှာသူတို့ထပ်ပြောတာက၊ ကင်ဆာကနုနုလေးပဲရှိသေးတယ်တဲံ့၊ ခွဲထုတ်လိုက်ရင်ကောင်းသွားမယ်တဲ့၊ မင်းခွဲမှဖြစ်မှာတဲ့၊ မင်းခွဲမယ်ဟုတ်လားတဲ့၊ ခွဲမယ်ဆို ဒီမှာလက်မှတ်ထိုးရမယ်ဆိုပြီး၊ လက်မှတ်ထိုးခိုင်းတာနဲ့ လက်မှတ်ထိုးပေးလိုက်ပါတယ်။
(စာရိုက်ရတာခါးလည်းနဲနဲညောင်းကိုက်သွားလို့၊ ခနနားလိုက်ပါအုန်းမယ်၊ ကျန်တာလည်းဆက်ရေးပါအုန်းမယ်၊ သူတို့ဆေးရုံအကြောင်းလေးတွေ တတ်နိုင်သလောက်လေးရေးပါမယ်)
မြတ်စိုး
၀၄.၁၁.၁၃
ရှည်ဝေးလှစွာသော အတိတ်ကအကြောင်းတွေ၊စိုင်းထီးဆိုင်ရဲ့ အတိတ်ကအကြောင်းတွေတရေးရေးမြင်လာဆဲဝယ်ဆိုတာလည်း ပြန်လည်ကြားယောင်နေမိပြန်သည်။ မဝေးသေးသော လွန်ခဲ့တဲ့ လအနည်းငယ်က တဒင်္ဂအကြောင်းလေးတွေလည်း စိတ်ထဲကိုမဖိတ်ခေါ်ပဲရောက်လာပြန်သည်။ လူ့ဘ၀ဆိုတာ ဒါပဲလား၊ဒီလိုပဲလား လို့လည်းတွေးနေမိပြန်သည်။
သတ္တလောက၊သင်္ခါရလောတည်းဟူသော သက်ရှိတို့နှင့်ပါတ်သက်ရာလောကတွင် လူဆိုသောသတ္တ၀ါနှင့်သက်ရှိတို့အား လုံးသည်၊ အတိတ်ရဲ့အရိပ်တွေနဲ့သက်ဆိုင်နေသလား၊အတိတ်ဆိုသည်မှာ၊ဗုဒ္ဓဘာသာရဲ့ယုံကြည်မှုထဲက ဘ၀သံသရာပေါ့။ ဒါမှမဟုတ်ယခုပစ္စုပ္ပန်ကာလရဲ့ထူးဆန်းသောတိုက်ဆိုင်မှုပေလားဆိုတာ လည်းစဉ်းစားရင်းအတွေးနယ်ချဲ့မိနေပြန်ပါသည်။
၁၃ ဂဏန်းဆိုဒါ လူအများပြောနေကြသော၊ တချို့လည်းယုံကြည်နေကြသော ဂဏန်း၊ ဒီဂဏန်းကြောင့်များလားလို့စဉ်းစား နေမိသည်၊ ရှေ့မှာလည်း ဟိုးလွန်ခဲ့သော ဆယ်စုနှစ်တခုကျော်၂ခုလောက်က၊ ၁၃ဂဏန်းနဲ့ တိုက်ဆိုင်ခဲ့ဖူးသည်မဟုတ်လား၊ အဲသည်တုံးက၊ထောင်ထဲမှာတိုက်ထဲမှာ၊ လူ၁၃ယောက်ကို၊ မတ်လ၁၃ရက်နေ့ ၁၃နာရီ(နေ့ခင်း ၁နာရီ)မှာထောင်အာဏာပိုင်တို့ကလာထုတ်သွားခဲ့သည်။ ပြီးတော့စစ်ခုံရုံးကိုပို့လိုက်သည်။ အဲသည်ထဲမှာမှ ကျတော့ကို ထောင်၁၃နှစ် (အလုပ်ကြမ်းနှင့်ထောင်ဒဏ်၁၃နှစ်)ပြစ်ဒဏ်ပေးတာခံခဲ့ရဖူးသည်။ အခုလည်း လာပြန်ပြီ၊ ဒီ၁၃ဂဏန်းကြောင့်များလားလို့လည်းစဉ်း စားနေမိသည်။၁၃ဂဏန်းကြောင့်လည်းမဟုတ်နိုင်သေးပါဘူးလေလို့၊ ကိုယ့်ဟာကိုယ်လည်းပြန်တွေးမိပြန်သည်။ ဘာ့ကြောင့်လည်းဆိုရင် ကံကောင်းခြင်းလည်းဖြစ်ခဲ့တာပဲ လို့ပြန်တွေးမိလို့ဖြစ်သည်။
ပြီးခဲ့တဲ့၂၀၁၂ ဒီဇင်ဘာအားလပ်ရက်သည် ဒီဇင်ဘာလကုန်ရက်အထိဖြစ်ပါသည်၊ အားလပ်ရက်မှာဘယ်ကိုမှမသွားဖြစ်ပါ၊ အိမ်မှာတယောက်ထဲ၊ ကွန်ပျူတာကိုဖွင့်ကာ ပရီးမီးယားလိခ်ဘောလုံးပွဲကို ဆက်တိုက်ထိုင်ကြည့်ဖြစ်နေခဲ့သည်။ တဆက်ထဲထိုင်ပါများ လာသောကြောင့် ကျတော့်ခါးသည် တစစ်စစ်ကိုက်ခဲလာနေသည်၊ အခုမှထိုင်တာများလို့တော့မဟုတ်ပါဘူး၊ ဟိုးငယ်စဉ်ကထဲက အိမ်အလုပ်တွေပင်ပင်ပန်းပန်း၊လုပ်ခဲ့ရ၊ ထမ်းခဲ့ပိုးခဲ့ရတဲ့ဒါဏ်တွေကြောင့်လည်းပါပါသည်။ နောက်တခါ အသက်၂၀ကျော်လောက်က အလေးမအားကစားကိုတနှစ်ခွဲနှစ်နှစ်လောက် ကစားခဲ့ဖူးသည်၊ အလေးထမ်းထိုင်ထတွေလုပ်ခဲ့ဖူးသည်။ နောက်တော့ ထောင်ထဲမှာ နောက်ပိုင်းနဲနဲလွတ်လပ်လာတဲ့အချိန်တွေမှာ ပိုက်ကျော်ခြင်းခတ်တဲ့အားကစားကို အချိန်ရတိုင်းမနားမနေကစားသည်၊ ကစားကာနီး အကြောလျော့တာမျိုးတောင်မလုပ်ဖြစ်ပဲ၊ ပုဆိုးခါးတောင်းကျိုက်ကာ ကစားကွင်းထဲဝင်ကစားသည်၊ ထောင်ထဲရောက်ကာစမှာလည်း၊ အောက်မှာသံပံတလင်း၊သံပံတလင်းရဲ့အပေါ်မှာ ၀ါးဖျာကြမ်းတချပ်၊ အဲဒီအပေါ်မှာစောင်ပါးပါးလေးတထည်ခင်းကာအိပ်ခဲ့ရသည်၊ အဲလိုအိပ်ခဲ့တဲ့ကာလသည် တနှစ်နီးပါးလောက်တော့ ရှိမည်ထင်သည်။ အဲသည်မှာ နောက်ကျောတွေထုံသလိုဖြစ်လာသည်၊ ခြေသလုံးကအရေဖျားတွေထုံလာသည်၊ တော်ရုံတန်ရုံဆိတ်ဆွဲ လို့သိပ်မနာတော့လောက်သည်အထိဖြစ်လာခဲ့သည်။ နောက်တခုက နှစ်တနှစ်ရဲ့ဇန္န၀ါရီလထဲမှာဖြစ်ပါသည်၊ ထောင်ထဲကတိုက်ဝန်းဧရိယာထဲမှာ ပိုက်ကျော်ခြင်းပြိုင်ပွဲတခုကိုကျင်းပကြသည်၊ ဆောင်းတွင်းလည်းဖြစ်ပြန်၊ အောက်ကသံပံတလင်းလည်းဖြစ်ပြန်၊ ကင်းဘတ်ဘိနပ်လိုမျိုးလည်း စီးထားတာမရှိပြန်ဆိုတော့၊ ခြေဖ၀ါးတွေတအားအေးလာသည်၊ ဒါပေမဲ့ခြင်းခတ်နေရသောကြောင့် အေးတယ်လို့မထင်မိဘူး၊ ခြေသလုံးထိအေးလာသည်ကိုသတိမပြုမိ၊ ခြင်းခတ်ပြီးတဲ့အခါ ခြေထောက်တွေ အတော်ကိုနာကျင်လာသည်၊ ငယ်ငယ်တုံးကလိုပဲ ကြွက်သားတွေနာတယ်လို့သာထင်ခဲ့သည်။ ဒါကြောင့်ညနေပိုင်းတခါထပ်ခတ်လိုက်ရင် သက်သာသွားမယ်လို့ထင်ခဲ့ပြီး၊ ညနေပိုင်းမှာတပွဲထပ်ဆင်နွဲလိုက်ပြန်ပါသည်။ မစဉ်းစားမိပါဘူး၊ ငယ်စဉ်က ကြွက်သားတွေနာတာ၊ အသက်၄၀ကျော်လာတဲ့အချိန်မှာနာလာတာက ကြွက်သားတွေတင်မဟုတ်တော့ဘူး၊ အကြောတွေပါအထဲက နာလာတာကိုသတိမထားမိဘူး၊ အဲလိုနဲ့ရှိတဲ့ပရုပ်ဆီတို့တေဇောဘမ်းတို့လိုပူတဲ့ဆေးတွေလိမ်းပြီး ညအိပ်လိုက်ပါတယ်၊ အဲသည်မှာမနက်မိုးလင်းလို့ အိပ်ယာကထတော့ ထလို့မရတော့ပါဘူး။ ခြေသလုံးနဲ့တခေါက်ကြောတွေကော၊ ခါးကပါတင်းပြီးတအားကိုနာလာပါတော့တယ်။ လူကပက်လက်ဆန့်ပြီးအိပ်နေရင်နေ၊ ဒါမှမဟုတ်မတ်တပ်မတ်မတ်ရပ်နေရင် နေလို့ရပါတယ်၊ ထိုင်လို့ကတော့ ဘယ်လိုထိုင်ထိုင် ထိုင်လို့မရတော့ပါဘူး၊ အဲသည်မှာ အခက်ခဲဆုံးရင်ဆိုင်ရတာက၊ အိမ်သာတက်တဲ့အခါဆိုရင် မနဲကိုကျိတ်မှိတ်ပြီး ထိုင်ရတယ်၊ ထိုင်ရင်းနဲ့မျက်ရည်ပါကျအောင်ခံစားရပါတော့တယ်၊ အဲသည်တော့ဘယ်လိုမှ မတတ်နိုင်တော့ပါဘူး။ ဆေးရုံတက်လိုက်ရပါတော့တယ်။ ဆေးရုံရောက်တဲ့အခါ ဆေးရုံမှာတာဝန်ကျတဲ့၊ ရဲဘော်ရဲဘက်ထဲက အောင်သူတို့၊ ကိုဇော်ကြီးတို့၊ ကက်တစိန်တို့ကလည်း ကူညီပေးကြပါတယ်၊ သူတို့တတ်နိုင်သလောက် ဆရာဝန်နဲ့ဆွေးပြီး ဆေးအမျိုးမျိုးလည်းထိုးပေးကြပါတယ်၊ ဒါပေမဲ့မသက်သာပါဘူး။ ဆေးရုံမှာအကျဉ်းသားတယောက်ကိုတွေ့တာ ကံကောင်းသွားပြန်ပါတယ်၊ အဲဒီအကျဉ်းသားက အသက်ငယ်ပါသေးတယ်၊ ဒါပေမဲ့သူဘယ်လိုဖြစ်လာတယ်တော့မသိပါဘူး၊ သူကလည်း ခါးကြီးကုန်းပြီးလမ်းလျှောက်သွားရတယ်၊သူ့ခါးကလည်း ပြန်မတ်လို့မရတော့ပါဘူး၊ သူခါးကုန်းနေတာက အသက်ကြီးလို့ ခါးကုန်းသွားတဲ့အဖိုးကြီးတယောက်လိုသွားနေရတာပါ။ ဒါပေမဲ့သူကစစ်ဆေးရုံကဆင်းလာတာလို့တော့ပြောတယ်၊ သူက တော်တော်နှိပ်တတ်တဲ့သူ၊ သူ့ကိုစစ်ဆေးရုံကပဲနှိပ်ပြီးကုပေးဖူးလားတော့မသိဘူး၊ သူကကျတော့်ကို နှိပ်ပေးမယ်လို့ပြောလာတယ်၊ အဲတော့ဘာလိုလည်းဆိုတော့၊ ပူတဲ့ဆေးဆီလိုချွဲတဲ့ဆေးလိုတယ်ပြောလို့၊ ကျတော့်မှာမုန်ညင်းဆီနဲ့ပငြုပ်ပြားကိုစိမ်ထားတဲ့လိမ်းဆေးရှိတယ်၊ အဲဒါနဲ့သူကတနေ့ကိုသုံးကြိမ်၊သုံးရက်လောက်နှိပ်ပေးလိုက်တာ အတော်ကိုသက်သာသွားတာ၊ ကောင်းသလောက်လည်းဖြစ်သွားခဲ့တယ်။ ပိုက်ကျော်ခြင်းကိုပြန်ခတ်ကြည့်တာတော်တော် ခတ်လို့ရသွားဖူးတယ်။
အဲသည်လိုနဲ့ထောင်ထဲကလွတ်သွားတဲ့အချိန်မှာ ဘောလုံးတွေလည်းကစားဖြစ်တာပေါ့၊ နောက်တော့ အလုပ်လုပ်တဲ့အခါ မှာခရီးဝေးဝေးတွေလည်းခြေလျင်သွားခဲ့ရတယ်၊ တောင်ပေါ်ခရီးတွေလည်းပါတယ်၊ အဲသည်မှာခြေသလုံးအတွင်းထဲက အကြောတွေတအားနာလာပြန်တယ်၊ ခရီးတခုသွားရင် လမ်းမှာ၁၀မိနစ်လောက်သွားလိုက် တခါနားလိုက် လက်နဲ့ပြန်နှိပ်နေလိုက် အဲလိုလုပ်ပြီးသွားနေရတယ်၊ အဲဒါနဲ့နောက်တော့ အလုပ်ကနေအိမ်ကိုပြန်လာပြီး အိမ်မှာပန်းပင်တွေစိုက်တဲ့အခါ ပန်းပင်ပေါက်တွေ ကိုရေလောင်းရပါတယ်၊ လေးဒေါင့်သံပုန်း၂လုံးထဲကိုရေခတ်ထည့်ပြီး လက်နှစ်ဘက်နဲ့ဆွဲဆွဲသွါးပြီး ပန်းပင်တွေကိုရေလောင်းလိုက်တာ၊ တပါတ်လောက်လည်းလောင်းပြီးရော၊ အဲဒီနာနေတဲ့ခြေသလုံးက လုံးဝမနာတော့ပါဘူးကောင်းသွားပြန်ပါတယ်။ အဲဒါနဲ့နောက်တော့ ထိုင်းကိုရောက်တော့ မဲဆောက်မှာဘောလုံးလည်းကစားဖြစ်ပါတယ်။ ပိုက်ကျော်ခြင်းလည်းကစားဖြစ်ပါတယ်။ အဆင်ပြေနေပြန်ပါတယ်။ နောက်တခါ ဒုက္ခသည်စခန်းထဲမှာလည်း အတူတူပါပဲ၊ ဘောလုံးလည်းတော်တော်ကစားဖြစ်တယ်၊ တခါတလေပိုက်ကျော်ခြင်းလည်းကစားဖြစ်တယ်၊ လမ်းလည်းညနေတိုင်းနီးပါးလျှောက်ဖြစ်တော့ ခါးနာတာတအားမဆိုးတော့ပါဘူး၊ ဒါပေမဲ့နဲနဲတော့နာနေပါသေးတယ်။ အဲလိုနဲ့ နော်ဝေကိုရောက်လာတဲ့အချိန်မှာလည်း၊ လမ်းလျှောက်ရတာတို့၊ ဘောလုံးကစားတာတို့ လုပ်ဖြစ်ပါတယ်။ ခါးနာတာတော့ နဲနဲနာမြဲနာနေတုံးပါပဲ၊ ဒါနဲ့တခါတလေ အတော်လေး နာလာတဲ့အခါ ဆေးခန်းကိုသွားပြီး၊ ဆရာဝန်ကိုပြောပြတဲ့အခါ ဆရာဝန်က သောက်ဆေးပေးပါတယ်။ သူပေးတဲ့သောက်ဆေးက ကြာကြာသောက်လာတဲ့အခါ အစာအိမ်အောင့်လာလို့ ဆက်မသောက်ဖြစ်တော့ပြန်ပါဘူး။ အဲလိုနဲ့ ပြီးခဲ့တဲ့နှစ် ၂၀၁၂ ဒီဇင်ဘာအားလပ်ရက်မှာ အိမ်မှာပဲနေရင်း ဘောလုံးပွဲထိုင်ကြည့်ဖြစ်နေခဲ့တာပါပဲ။ ကြည့်ရင်းနဲ့နဲနဲတော့ တစစ်စစ်ကိုက်ခဲနေတာသတိပြုမိပါတယ်။ ဒါနဲ့ မှတ်မှတ်ရရပါပဲ ဒီဇင်ဘာ၃၁ ရက်နေ့ ညနေပိုင်းလေးမှာ၊ အိမ်သန့်ရှင်းရေးလုပ်မယ်လို့စိတ်ကူးပြီး၊ သန့်ရှင်းရေးမလုပ်ခင်၊ တီဗွီတို့ ဆက်တီတို့စာပွဲတို့ကိုနေရာပြောင်းမယ်စိတ်ကူးပြီး၊ တီဗွီခုံလေးနဲ့တီဗွီကို တွန်းပြီးရွှေ့၊ ဆက်တီကလည်း အရှည်အ၀ိုင်းကြီးဆိုတော့ အဲဒါကိုဖြုတ်ပြီးမှမပြီးရွှေ့၊ စားပွဲကိုရွှေ့ လုပ်လိုက်တာ အဲဒီမှာ ခါးထဲမှာ မျက်ကနဲဖြစ်ပြီး တအားကို နာသွားတော့တာပဲ၊ နောက်တခါ ဖြစ်ချင်တော့၊ ဆက်တီမှာထိုင်ပြီး နံရံမှာကပ်ထားတဲ့မီးခလုတ်ကို ဘယ်ဘက်လက်နဲ့နောက်ပြန် လှန်းပြီးဖွင့်လိုက်တဲ့အချိန်မှာ ဘယ်ဘက်ခြေထောက်တချောင်းလုံးကော၊ ခါးထဲထိပါ ကျင်ကနဲခံစားရပြီး ဘယ်ဘက်ခြေထောက်က တအားကိုနာကျင်သွားလိုက်တာ၊ လှုပ်လို့လည်းမရတော့၊ ခြေထောက်လည်းထောက်လို့မရတော့ပဲနဲ့ ၊ လှုပ်တိုင်းနာနေလို့ ဆက်တီခုံရှည်ပေါ်မှာပဲ ပက်လက်လေးလှဲပြီး အိပ်နေလိုက်ရပါတော့တယ်၊ အိမ်သာကိုသွားရင်လည်း ခြေထောက်တဘက်ထဲထောက်ပြီး ဟိုကိုင်ဒီကိုင်နဲ့သွားနေရတယ်၊ အဲဒီညက ထမင်းလည်းချက်မစားဖြစ်တော့ပါဘူး၊ မီးဖိုခန်းထဲကိုလည်းမသွားနိုင်တော့ဘူး၊ စားပွဲပေါ်ကဓါတ်ဗူးထဲက ရှိတဲ့ရေနွေးနဲ့ ဘီစကစ်ထုတ်လေးထဲက ဘီစကစ်လေးကိုစားလိုက်ရေနွေးလေးသောက်လိုက်နဲ့ တညလုံးပါပဲ၊ အပေါ့သွားချင်လို့ သွားလိုက်တိုင်း မျက်ရည်ပါကျအောင်နာကျင်နေတော့တာပါပဲ၊ အဲဒါနဲ့ အရေးပေါ်ဌါနကိုဖုန်းဆက်ပြန်တော့ သူတို့ကလည်း “မင်းရဲ့မိသားစုဆရာဝန်ဆီကိုအရင်ဆက်ပါ”ချည်းပြန်ပြောနေလို့၊ထပ်မဆက်ဖြစ်တော့ပဲမိုးလင်းခဲ့ရပါတယ်။ မိုးလင်းလို့နေ့ခင်းဘက်ကိုရောက်တော့ မမျှော်လင့်ပဲနဲ့အရေးပေါ်ကား ရောက်လာပါတယ်၊ ကျတော်ကညကထဲက အိမ်ရှေ့ကတံခါးကို ပိတ်ထားပေမဲ့၊လော့ကိုဖွင့်ထားလိုက်ပါတယ်။ တခုခုဖြစ်လို့တယောက်ယောက်လာရင် ကျတော်ကထဖွင့်ပေးဘို့အခက်အခဲရှိလို့၊ အဲလိုဖွင့်ထားလိုက်တာပါ၊ အဲဒါက အဲဒီအရေးပေါ်ဌါနကို ကျတော့သမီးကမရရအောင် ဆက်သွယ်ပြီးလှန်းဖုန်းဆက်လို့ သူတို့ကရောက်လာကြတာပါ၊ သူတို့ရောက်လာတာနဲ့ ကျတော်လည်း အံ့အားသင့်ပြီး သတိမထားမိပဲနဲ့ ဆတ်ခနဲထထိုင်ပြီးမတ်တပ်ရပ်လိုက်တဲ့အချိန်မှာ ရပ်ပြီးတာနဲ့ချက်ချင်း ဖင်ထိုင်ကျသွားပါသေးတယ်၊ အဲသည်မှာပဲ ခုနနာနေတဲ့ခြေဖမိုးနဲ့ခြေဖျားတွေက တအားနဲ့နားပြီးတော့ ထုံသွားပါတော့တယ်၊ ခြေဖမိုးမှာလည်း လက်မသာသာလောက် အကြောထုံးကြီးဖြစ်သွားတာတွေ့လိုက်ပါတယ်။ အဲလိုထုံသွားတဲ့အခါမှာတော့ ခြေထောက်ကသိပ်မနာတော့ပဲနဲ့ ထော့နဲ့ထော့နဲ့ လမ်းလျှောက်လို့တော့ ဖြစ်သွားပါတယ်။ အဲလိုနဲ့ ခုနလာတဲ့အရေးပေါ်ဌါနကအမျိုးသမီး၂ယောက်က သူတို့ရဲ့အရေးပေါ်ကားနဲ့ ဆေးခန်းကိုပို့ပေးပါတယ်၊ လမ်းမှာလည်း သူတို့ကကျတော့ကိုမေးခွန်းတွေမေးလိုက်တာ၊အတော်များပါတယ်။ အားကစားလုပ်ဖူးလား၊ ဘောလုံးကစားးဖူးလား၊ လဲဖူးလား၊ အခုဒီကိုရောက်တော့ကော ကစားသေးလားစုံလို့ပဲ၊ ကျတော်လည်းကစားဖူးတဲ့အကြောင်း၊ ဒီကိုရောက်တော့လည်းးကစားကြောင်း ပြောပြတော့သူတို့အံ့သြနေကြတယ်၊ ဘာလို့လည်းဆိုတော့ ကျတော့်အသက်က ဒီမှာဘောလုံးကစားတဲ့အချိန်မှာ ၅၇ဖြစ်နေပါပြီ၊ အဲဒီမှာပဲ သူတို့မေးထားတာတွေကို ဆေးခန်းကဆရာဝန်ကိုပေးခဲ့တာတော့ တွေ့ပါတယ်။ ဒါနဲ့ဆေးခန်းလည်းရောက်ရော ဆရာဝန်မက လာကြည့်ပြီး၊ လူကိုနဲနဲမကျေမနပ်နဲ့ နဲနဲကောတဲ့သဘောမျိုးလုပ်နေပါသေးတယ်၊ သူပြောတာက“သူ့ဆီကိုအရင်ဖုန်းမဆက်ပဲနဲ့၊ ဘာလို့အရေးပေါ်ဌါနကိုဖုန်းဆက်တာလည်း”တဲ့၊ အဲဒါကို၂ခါလောက်လာမေးနေလို့၊ မသိဘူးလို့၊ ငါဆက်တာမဟုတ်ဘူးလို့ ပြန်ပြောလိုက်တော့မှ ထပ်မမေးတော့ဘူး၊ ဒါနဲ့သူက ဆေးခွင့်တပါတ်ရေးပေးတယ်၊ နောက်ပြီး ဆေးစာရေးပေးတယ်၊ ရေးပေးတဲ့ဆေးစာက Artrotec ၊နဲ့ ပါရာဆီတမော့၊ အဲဒါကိုအရင်ကလည်းသောက်ဖူးနေလို့၊ စဉ်းစားမိတာက ဘာလို့ဒီဆေးတွေပဲရေးပေးတာလည်းပေါ့၊ အဲဒါနဲ့သူရေးပေးတဲ့ဆေးကို မသောက်ဘူး၊ နောက်တရက်ကျော်သူကပြန်ချိန်းတော့ ၊သူ့ဆီကိုရောက်တော့ သူကမေးတယ်၊ ဆေးသောက်ခဲ့လားတဲ့၊ မသောက်ခဲ့ဘူးလို့ပြောလိုက်တယ်။ ဘာလို့မသောက်တာလည်းတဲ့၊ ဒါဆို ဒီည သုံးကြိမ်သောက်ပြီးမနက်ဖန်မှပြန်လာခဲ့လို့ထပ်ပြော ပြန်ပါရော၊ ဒါနဲ့သူ့ကိုလည်းပြန်မေးမနေတော့ဘူး၊ နော်ဝေလိုပြောရတာလည်း အဆင်ကသိပ်မပြေတော့ အိမ်ကိုပြန်လာခဲ့လိုက်တယ်၊ အဲဒီမှာသမီးကလည်းရောက်လာပြီး မြို့ထဲကသူ့အသိနော်ဝေတွေဆီလျှောက်လည်တယ်၊လည်ရင်းနဲ့သူသိခဲ့တာက၊ ကျောင်းကဆရာမကြီးကပြောပြလိုက်လို့၊ ခုနဆေး၂မျိုးကိုတွဲသောက်ခိုင်းတာက၊ ကျောက်ကပ်ရောဂါရှိမရှိသိချင်လို့သောက်ခိုင်းတာလို့ပြောပြတယ်၊ အဲဒီဆေး၂မျိုးတွဲသောက်ပြီး ဆီးသွားလို့မကောင်းရင် ကျောက်ကပ်ရောဂါရှိလို့၊လို့ပြောပြတယ်။ အဲဒါသမီးကပြန်ပြောပြတော့မှသဘောပေါက်ပြီး ဆေးသောက်လိုက်တယ်၊ ဒါပေမဲ့ဆီးသွားတာဘာမှမဖြစ်ဘူး၊ နောက်နေ့ဆရာဝန်နဲ့ တွေ့တော့ သူလည်းမေးတယ် ဆေးသောက်ပြီးဆီးသွားတာဘယ်လိုနေလည်းတဲ့၊ ဆီးသွားလို့ခက်လား၊ မခက်ဘူးလားတဲ့၊ ဆီးသွားရတာဘာမှမဖြစ်ပါဘူးလို့၊ အဆင်ပြေပါတယ်လို့ပြန်ပြောလိုက်တယ်။ ဒါနဲ့သူလည်း နောက်၃ရက်လောက်ခွါပြီးထပ်ချိန်းတယ်၊ ဒါပေမဲ့ကြားထဲမှာတအားနာရင်သူ့ဆီဖုန်းဆက်ပါလို့မှာလိုက်တယ်။ အဲဒါနဲ့သူချိန်းတဲ့ရက်မတိုင်ခင်တရက်မှာ တအားနာနေတာနဲ့ ဖုန်းဆက်လိုက်တော့သူက ဘယ်အချိန်လာခဲ့ပါဆိုပြီးပြန်ပြောပါတယ်။ အဲမှာသူ့ဆီကိုရောက်တော့ လာစစ်ဆေးတယ်၊ တအားနာနေလားလို့မေးတယ်၊ မေးပြီးတာနဲ့ တက္ကစီကားဆီဖုန်းလှန်းဆက်ပြီး၊ ဆေးရုံကြီးကိုသွားပါဆိုပြီးစာရေးပေးပြီး လွှတ်လိုက်တာပဲ။ ဆေးရုံကြီးကိုရောက်တော့ အလုပ်သင်ဆရာဝန်မက စစ်ဆေးတယ်၊ ဒါနဲ့နောက်တော့ ဆရာဝန်ကြီးတယောက်လာစစ်ဆေးတယ်၊ ခြေမကိုဖိခိုင်းတာတို့ဘာတို့လုပ်တယ်၊ လမ်းလျှောက်ခိုင်းတယ်၊ ခြေဖျားထောက်ပြီးလည်းလမ်းလျှောက်ခိုင်းတယ်၊ အဲဒီမှာဘယ်ဘက်ခြေဖျာထောက်ပြီးရပ်ခိုင်းတော့မရဘူး ပစ်လဲတာပဲဗျာ။ အဲတော့ ဆရာဝန်ကြီးကပြောတာက သူ့ခြေမကိုစမ်းကြည့်တော့ ခြေမအကြောကတော့ သန်မာနေတာပဲတဲ့၊ ဒါပေမဲ့ဓါတ်မှန်ရိုက်လိုက်တာကောင်းပါတယ်တဲ့၊ အဲလိုပြောပြီး ဓါတ်မှန်ရိုက်ဘို့ နောက်၃ရက်လောက်နေတော့မှ ရက်ချိန်းရပါတယ်။ အဲတော့ ဓါတ်မှန်ရိုက်လိုက်တာပေါ့၊ အဲဒါနဲ့မပြီးသေးဘူး တပါတ်တခါလောက်ချိန်းချိန်းပြီးစစ်ဆေးနေတာ တလလောက်ကြာတယ်။ ဘာတခုမှလည်းမလုပ်သေးဘူး၊ အဲဒီအချိန်မှာ သမီးကလည်း ပထမတခါဓါတ်မှန်ရိုက်ပြီးတာနဲ့ သူနေတဲ့မြို့ကိုပြန်သွားပြီ၊ သူကကျောင်းတက်နေရတာဆိုတော့အားရက်မရဘူးလေ၊ အဲတော့ကျတော်တယောက်ထဲပဲ ဘတ်စ်ကားနဲ့ဆေးရုံရှိတဲ့မြို့ကိုသွားနေရတာပေါ့၊ ဆေးရုံက ကျတော်နေတဲ့နေရာနဲ့ဆိုရင် တနာရီလောက်ဘတ်စ်ကားစီးရတယ်။ ဆေးရုံမှာလည်း ကိုယ့်နိုင်ငံသားကိုယ့်လူမျိုး၂ယောက်အလုပ်လုပ်နေလို့ တော်ပါသေးတယ်။ ဆေးရုံကလည်းစစ်လိုက်တာစုံနေတာပဲ၊ သွေးဖေါက်ရတာလည်းအကြိမ်ကြိမ်ပါပဲ၊
အဲဒီမှာ တခါစစ်လိုက်တာတော့ တော်တော်မှတ်မှတ်ရရပါပဲ၊ ပထမသူတို့ကဆေးစာရေးပေးတယ်၊ ရေးပေးတဲ့ဆေးက ၀မ်းနှုတ်ဆေး၊ ည၁၀နာရီမှာတခါသောက်ရတယ်၊နောက်ပြီး၁၂နာရီမှာတခါသောက်ရတယ်၊ အဲလိုသောက်ပြီးတော့နောက်နေ့မနက် ၉နာရီမှာဆေးရုံမှာချိန်းတာပေါ့၊ ဆေးရုံလည်းရောက်ရော၊ ဆရာဝန်က ဖင်ထဲကိုသုံးမတ်လုံးလောက်တော့ရှိမယ်ထင်တယ် ပလပ်စတစ်ပိုက်အဖြူတချောင်း၊ တပေလောက်ရှည်မယ်ထင်တယ်၊ အဲဒါနဲ့ဖင်ထဲကိုထိုးထည့်ပြီး၊လေလည်းမှုတ်သွင်းသေးတယ်၊ ပြီးတော့ စအိုအထက်နားကအူမကြီးထဲကနံရံမှာကပ်နေတဲ့၊ သွေးစတွေကိုဆွဲထုတ်ယူတာ၊ မီးချစ်ဆံခေါင်းလောက်ရှိတဲ့အတုံး၃တုံးထုတ်ယူတယ်၊ သိပ်တော့မကြာပါဘူး၊ ၁၅မိနစ်လောက်ပဲဖြစ်မယ်ထင်တယ်၊ အဲလိုလည်းယူပြီးရော၊ဗိုက်ထဲမှာလေတွေထိုးတာ နာလိုက်တာလည်းမပြောပါနဲ့တော့၊ အိမ်သာတက်တော့လည်း မသွားဘူး၊ လေတွေလည်းမထွက်ဘူး၊ မတ်တပ်ရပ်လို့လည်းမရ၊ ထိုင်နေလို့လည်းမရ ဒုက္ခရောက်လိုက်တာသေတောင်သေချင်သွားတယ်၊ အဲဒါနဲ့ဘောင်းဘီကိုကျယ်သီးမတပ်ပဲနဲ့ခါးပါတ်နဲ့ထိန်းပြီဝတ်ထားရတယ်။ အဲလိုဖြစ်နေတော့ ပါလာတဲ့အဖေါ်ကိုပြောရတယ်၊ အဲဒီဆေးရုံမှာ အင်ဖေါ်မေးရှင်းဌါနလိုမျိုးအပေါက်ဝကအခန်းမှာ သွားပြောရတယ် တက္ကစီကားအမြန်ခေါ်ပေးပါလို့၊ ဗိုက်တအားနာနေပြီလို့ပြောတော့ သူတို့ကလည်းခေါ်ပေးပါတယ်။ အဲဒါနဲ့ အဲဒီဆေးရုံရှိတဲ့မြို့ကပါလာတဲ့အဖေါ်အိမ်ကိုပဲမောင်းခိုင်းပြီး၊ အဲဒီမှာအိမ်ကိုရောက်တော့မှ အိပ်ယာမှာတုံးလုံးလှဲ၊ စောင်ခြုံပြီးနွေးနွေးနေလိုက်တော့၊ သိပ်မကြာပါဘူး အိမ်သာတက်ချင်သလိုလိုဖြစ်လာတာနဲ့၊ အိမ်သာသွားတက်တော့ ခုနဆေးရုံမှာလေမှုတ်သွင်းထားတဲ့လေတွေ၊အူထဲကနေပြန်ထွက်ကုန်တော့မှ အတော်လေးသက်သာသွားတယ်ဗျာ။ အဲဒီမှာတခုပြောချင်တာက၊ သူတို့ဆီမှာဆေးကုတာ၊ ရောဂါတမျိုးကို တနှစ်ကို၂ထောင်လောက် ကုန်ထားပြီးရင်၊ အခမဲ့ကဒ်ထုတ်ပေးထားတယ်၊ ခုနဆရာဝန်ဆီတခါသွားရင် စမ်းသပ်ခ ၁၅၀လောက်၂၀၀လောက်တွေကော၊ ဆေးဝယ်တဲ့ဆေးဘိုးတွေကော၊ ခုနလိုတက္ကစီကားခတွေကောပေါင်းပြီး ၂ထောင်ကျော်လောက် ဖြစ်တာနဲ့အခမဲ့ကဒ်ထုတ်ပေးထားတယ်၊ နောက်ဆိုတနှစ်အတွင်း၊ အဲဒိရောဂါနဲ့ ဆရာဝန်ပဲပြပြ၊ ဆေးရုံမှာဓါတ်မှန်ရိုက်တာပဲဖြစ်ဖြစ်၊ ဆေးပဲဝယ်ဝယ်၊ တက္ကစီပဲခေါ်ခေါ် အခမဲ့ပါပဲ။ ဒါပေမဲ့တက္ကစီကိုတော့ဆေးရုံ၊ဆေးခန်းကိုအကြောင်းကြားရတယ်၊ သူတို့ကခေါ်ပေးတာပါ။ သူတို့ကခေါ်မပေးပဲကိုယ့်ဟာကိုယ်ခေါ်လို့တော့မရပါဘူး။ အဲလိုတွေပါ၊
အဲလိုနဲ့ဆေးရုံကခေါ်ပြီးစစ်နေတာ၊ တရက်ကျတော့ဘယ်လိုစစ်လည်းဆိုတော့၊ သူတို့က ၂နာရီလောက်ကြိုပြီးချိန်းတယ်၊ အဲဒီအချိန်မှာ သူတို့အရည်တမျိုးတိုက်တယ်၊အရည်ကတလီတာရှိတယ် အဲဒါကို၂နာရီနဲ့ကုန်အောင်သောက်ခိုင်းပါတယ်၊ အရသာလေးကနဲနဲလေးချိုသလိုလိုတော့ရှိတယ်။ အဲဒါကိုသောက်ပြီးတော့ ဗိုက်ကိုဓါတ်မှန်ရိုက်တာပါပဲ။ အဲလိုဓါတ်မှန်ရိုက်ပြီးလို့ ၃၊၄ ရက်လောက်ပဲကြာမယ်ထင်တယ်၊ သမီးဆီကိုဖုန်းလှန်းဆက်ပြီးပြောတော့တာပဲ၊ ဘယ်နေ့ဘယ်အချိန်၊ဘယ်ဌါနကိုအရောက် လာပါတဲ့၊ မလာလို့မဖြစ်ဘူးတဲ့၊ အဲတော့ကျတော်ထင်တာက ခါးကိုခွဲတော့မယ်လို့ထင်လိုက်တာ၊ အဲဒီနေ့မှာဆေးရုံကိုသွားလိုက်တာ သူတို့ပြောတဲ့ဌါနဘယ်ဌါနမှန်းလည်းမသိဘူး၊ လိုက်မေးတော့လည်း ဘယ်ဌါနကမှ သူတို့ချိန်းထားတယ်လို့မပြောကြဘူး၊ ဒါနဲ့စိတ်ပျက်ပျက်နဲ့၊ အိမ်ပြန်တော့မယ်ဆိုပြီးကားဂိတ်ကိုထွက်လာခဲ့လိုက်ပါတယ်။ ဒါပေမဲ့ပထမတခါသမီးဆီကိုဖုန်းဆက်တော့ စာသင်ချိန်ဖြစ်နေလို့ဖုန်းမကိုင်းဘူး၊ နောက်တခါပြန်ဆက်ကြည့်တော့ သမီးကဖုန်းကိုင်လာတယ်၊ အကျိုးအကြောင်းပြောပြတော့ သူကအတင်းအကြပ်ပဲ၊ အဖေမသွားလို့မဖြစ်ဘူး၊ မပြန်နဲ့အုန်းအခုဆေးရုံကိုပြန်သွားလိုက်အုန်းတဲ့၊ သမီးဆေးရုံကိုဖုန်းပြန်ဆက်အုန်းမယ်တဲ့၊ အဲဒါနဲ့ဆေးရုံကိုပြန်သွားပြီး အထဲကိုရောက်တော့ အင်ဖေါ်မေးရှင်းဌါနကိုပြောလိုက်တယ် ၊ ငါ့ကိုချိန်းထဲဌါနကိုလည်းငါမသိဘူးလို့၊ အဲဒါသမီးပြောတာလည်း အဲဒီနာမည်ကိုငါနော်ဝေလိုမခေါ်တတ်ဘူးလို့၊ အဲတော့ မင်းငါ့သမီးနဲ့စကားပြောပါဆိုပြီး၊ ကျတော့်ဖုန်းကို သူတို့လက်ထဲထည့်ပေးလိုက်တယ်။ အဲတော့မှသမီးနဲ့စကားပြောပြီးတော့၊ အင်ဖေါ်မေးရှင်းဌါနကအမျိုးသမီးက ငါလိုက်ပို့ပေးမယ်ဆိုပြီး ကျတော့ကိုလိုက်ပို့ပေးမှ ကျတော့ကိုချိန်းတဲ့ဌါနကိုရောက်ပါတော့တယ်။ ရောက်ပြီးသိပ်မကြာဘူး ၅မိနစ်လောက်ပဲထိုင်စောင့်ရတယ်၊ သူတို့ဆရာဝန်စမ်းသပ်ခန်းတခုထဲကို၊ ကျတော့ကိုခေါ်တော့တာပဲ၊ အဲဒီအခန်းထဲမှာ ဌါနတာဝန်ခံဆရာဝန်တယောက်၊ အလုပ်သင်ဆရာဝန်မတယောက်၊ နပ်စ်မအင်ချပ်တယောက်၊ အခြားနပ်စ်မတယောက်နဲ့၊သူတို့ကဖုန်းနဲ့ချိန်းထားတဲ့ စကားပြန်လည်းဖုန်းထဲကလှန်းပြောနေတယ်။ အဲမှာဆရာဝန်ပြောတာက၊ “မင်းရဲ့အူထဲမှာ ကင်ဆာကျိတ်တွေ့ပါတယ်”တဲ့၊ အဲဒီမှာ လူလည်းအတော်မျက်လုံးပြူးသွားတယ်။ စိတ်ထဲမှာလည်းအတော်စိုးရိမ်သွါးတယ်၊ ဒါပေမဲ့စိတ်ကိုထိန်းပြီး သူတို့ပြောပြတာကို နားလည်အောင်နားထောင်ရတယ်၊ပြောတာတော့ စကားပြန်နဲ့ဆိုတော့ အဆင်တော့ပြေပါတယ်။ အဲမှာသူတို့ထပ်ပြောတာက၊ ကင်ဆာကနုနုလေးပဲရှိသေးတယ်တဲံ့၊ ခွဲထုတ်လိုက်ရင်ကောင်းသွားမယ်တဲ့၊ မင်းခွဲမှဖြစ်မှာတဲ့၊ မင်းခွဲမယ်ဟုတ်လားတဲ့၊ ခွဲမယ်ဆို ဒီမှာလက်မှတ်ထိုးရမယ်ဆိုပြီး၊ လက်မှတ်ထိုးခိုင်းတာနဲ့ လက်မှတ်ထိုးပေးလိုက်ပါတယ်။
(စာရိုက်ရတာခါးလည်းနဲနဲညောင်းကိုက်သွားလို့၊ ခနနားလိုက်ပါအုန်းမယ်၊ ကျန်တာလည်းဆက်ရေးပါအုန်းမယ်၊ သူတို့ဆေးရုံအကြောင်းလေးတွေ တတ်နိုင်သလောက်လေးရေးပါမယ်)
မြတ်စိုး
၀၄.၁၁.၁၃
0 comments:
Post a Comment