ဆူဖီ၊ပရဝေဇီ နှင့် မူဂျာဟေဒင်

by Aungzaw Win on Friday, July 27, 2012 at 10:16am 

အစ္စလာမ်သာသနာဖွံ့ဖြိုးမှုသည် ဟေဂျားဇ်နယ် ကို ကျော်လွန်ပြန့်နှံ့သွားသောအခါ ခရစ်ယာန်ဘာသာဝင် များ အများအပြား အစ္စလာမ်ကိုကူးပြောင်းယုံကြည်ခဲ့ကြသည်၊၊ ယင်းတို့ထဲတွင် မြို့ပြဥပဒေရေးရာ ကျွမ်းကျင်သူ အများအပြားပါဝင်ခဲ့သည်၊၊ ယင်းတို့က အစ္စလာမ်ဘာသာကို ဥပဒေရှုဒေါင့်ဖြင့်ဖွင့်ဆိုရန် ထက်သန်ခဲ့ကြသည်၊၊ ဓမ္မသတ်၏ အရေးပါမှုစတင်ခဲ့သည်၊၊

   အယ်ဖါရူကီ၏အမြင်အရ ဆူဖီကျင့်သုံးမှုများသည်ကုရ်အာန်၏ ပါဒတော်များကို အခြေခံခဲ့သော်လည်း အခြားဝါဒတို့၏ရိုက်ခတ်မှု၊ တုံ့ပြန်မှုတို့ရှိခဲ့ကြောင်းသိရသည်၊၊

 ထင်ရှားကျော်ကြားသောပညာရှင်ကြီး အေမာမ် ဂဇာလီသည် ဂရိအတွေးခေါ်များ၊ ဒသနမျိုးစုံ၊ ဒဿနိကဗေဒ၊ သင်္ချာတို့မှရသော အတွေးခေါ်များကို လေ့လာပြီးသောအခါ တုံ့ပြန်ရရှိသည့် အတွေးခေါ်များပေါ်အခြေခံသော အစ္စလာမ်ဒဿနကို ဖွင့်ဆို ခဲ့ပါသည်၊၊

       အစ္စလာမ့် ဒဿန ပညာရှင်အဖြစ် အနောက်ကမ္ဘာက အသိမှတ်ပြုခံရသူ ဒေါက်တာအစ်က်ဘားရ်                                          သည်လည်းဂျာမန်တွင်ပါရဂူဘွဲ့ယူစဉ်ကာလတွင် ဖြစ်တည်မှုပဓါနဝါဒ ကျော်ကြားချိန်နှင့်ကြုံဆုံခဲ့ရသည်၊၊ ဖြစ်တည်မှုပဓါနဝါဒ ခေါ် အတ္တအမှန်ဝါဒ ကို တုံ့ပြန်၍ အစ္စရာရေ့ ခူဒီ ကို ဖေါထုတ်ခဲ့ရာ များစွာကျော်ကြားခဲ့ပါသည်၊၊ အတ္တအမှန် နှင့် လူ့ဘောင်စံ ကို ထိန်းညှိ၍ အတ္တကို အကျိုးရှိရှိဖွံဖြိုးစေရန် တိုက်တွန်းခဲ့ပါသည်၊၊

       ကွန်မြူနစ်ဝါဒ ထွန်းကား၍ ကမ္ဘာ့ပညာတတ်များထံအရှိန်ဟုန် နှင့်ရိုက်ခတ်ခဲ့သောကာလ တစ်ရပ်ရှိခဲ့ပါသည်၊၊ ဒါဝင်သီအိုရီ နှင့် ကားလ်မတ်က်စ် ၏ အနုပဋိလောမ ရုပ်ဝါဒ တို့သည် တက္ကသိုလ်ကျောင်းတော်ကြီးများ နှင့်ပညာတတ်တို့ကို အတွေးမြင်သစ်တစ်ရပ် ကို ပီပီပြင်ပြင်ပေးနိုင်ခဲ့ရာယိုင်နဲ့နဲ့ ဘာသာရေးခံယူချက်ရှိသူအများပြား ဘာသာတရားတို့ကို ကြောခိုင်းခဲ့ကြသည်၊၊ ကိုလိုနီစံနစ်၊လူတန်းစားခွဲခြားသည့်စံနစ်တို့ကို မုန်းတီးမနှစ်ြမို့သူ အင်ဒီယ လူငယ်အများပြားလည်းပါဝင်ခဲ့ပါသည်၊၊

       တိုအခြေနေအောက်တွင် ပညာတတ်ထူးချွန်သူ ပရဝေ့ဇ် က ကုရ်အာန် ကလမ်း ညွှန်သော စံပြကွန်မြူးန် အမြင်ကို ဖေါ်ထုတ်ခဲ့ပါသည်၊၊ သူက ကုရ်အာန်ကို ဋီကာဖွင့်ရာတွင် စံပြလူ့အဖွဲ့စည်း တစ်ရပ်ဖြစ်ရေး လမ်းညွှန်ချက်များ အဖြစ် ဆွဲယူဖွင့်ဆိုခဲ့သည်၊၊ သဘောမတူသူ အခြားပညာရှင်တို့၏ ပြစ်တင်ရှုံချခြင်းခံခဲ့ရပါသည်၊၊

           စစ်အေးခေတ်ကာလ ဆိုဗီယက်အုပ်စု နှင့် အနောက်အုပ်စုအားပြိုင်မှုတွင်၊ဘုရင်စံနစ်ကို မကြိုက်သောမူစလင်လူငယ်များ၊အစ္စရေးကြူးကျော်မှုကို မနှစ်သက်သူများကို ဆိုဗီယက် အုပ်စုက ဆိုရှယ်လစ်နှင့်အသွင်တူသော အစ္စလာမ်ပုံစံကို ထောက်ပြ၍ စည်းရုံးခဲ့ကြသည်၊၊ထို ပုံစံကို ကာကွယ်ရန် ဆိုရှယ်လစ်တော်လှန်ရေး သဘောတရားများ အစား ဂျေဟာဒ် သဘောတရားကို အစားထိုး လမ်းညွှန်ပေး ခဲ့သည်၊၊ အနောက်အုပ်စုမုန်းတီးရေး နှင့် ဂျေဟာဒ် ကို မူစလင်လူငယ်တို့အကြားအောင်မြင်စွာမျိုးစေ့ ချနိုင်ခဲ့သည်၊၊ 

         အာဖဂန်ကို ဆိုဗီယက်တို့ကြူးကျော်ကျော်သောအခါ တွန်းလှန်သောမျိုးချစ်တို့ကို အမေရိကန်မှ ထောက်ပံ့ခဲ့သည်၊၊CIA ကပါ ပူးတွဲ၍အဖျက်အမှောက်သင်တန်းမျိုးစုံသင်ပေးခဲ့သည်၊၊အာမက်မာဆွတ်သည်ထင်ရှားသောအာဖဂန်မျိုးချစ်တစ်ဦးဖြစ်ခဲ့သည်၊

ဂျေဟာဒ် နှင့်မျိုးချစ်စိတ်ပေါင်းသောမူဂျာဟေဒင်များ ကို CIA ကကောင်းစွာမွေးထုတ်နိုင်ခဲ့သည်၊၊ CIA ပေးသော၊ KGB ပေးသော ပညာစုံတို့ဖြင့်စစ်အေးပြီးကာမူဂျာဟေဒင်တို့သည်ပစ်မှတ်သစ်မျိုးစုံရှာဖွေလာရာ၊အနောက်အုပ်စုအကျိုးစီးပွားကိုထိခိုက်လေသောကြောင့် အစွန်းရောက် အကြမ်းဘက်သမားများ အဖြစ်ပြောင်းလဲ အမည်တပ်ခံရတော့သည်၊၊

               အစ္စလာမ် ဘာသာ သက်ဝင်ယုံကြည်သူတို့သည်၊ သူတို့နှင့် ဆုံစည်းရင်ဆိုင် ရသော အတွေးခေါ်၊အကြပ်တည်းများ အတွက်အဖြေကို အစ္စလာမ်တွင်းမှပင်ရှာဖွေကြ၏၊၊ မိမိက ပြေလည်ဖြေ ရှင်းနိုင်သော အခါတွင် အခြားသူတို့ကို မျှဝေခြင်ကြသည်၊၊တစ်ခါတစ်ရံတွင် မျှဝေယုံမကဘဲ အတင်းကြပ်တိုက်တွန်းသော အခါတွင် ပြဿနာဖြစ်ပေါ်တော့သည်၊၊ နောင်တွင်လည်းဤ အဖြစ်မျိုးများစွာ ရှိလာမည်ဖြစ်လေရာ မိမိဆေးကို လူတိုင်းလိုက်တိုက်ခြင်သော အတ္တစွဲများကို လျော့ချနိုင်ကြမှသာ အတွင်းညီညွတ်ရေးဖြစ်ထွန်းမည် ဖြစ်ကြောင်း တိုက်တွန်းလိုက်ရပါသည်၊၊