31.07.2012 နေ့ဖတ်ရန်သတင်းများ
|
11:54 PM |
No မှတ်ချက် |
by Myanmar Journal on Monday, July 30, 2012 at 4:37pm
အဆင့်သတ်မှတ်တဲ့ ပွဲမှာ အဆင့် ၅၆ သာရရှိခဲ့တဲ့ မြားပစ်ပြိုင်ပွဲက နေမျိုးအောင်ကတော့ ဒီကနေ့ ရှုံးထွက်ပွဲမှာ ယူကရိန်းက ပြိုင်ဖက်ကိုရှုံးပြီး ပြိုင်ပွဲကနေ ထွက်သွားပြီ ဖြစ်ပါတယ်။
ကိုနေမျိုးအောင်ဟာ ယူကရိန်းက Markiyan Ivashko နဲ့ နောက်တဆင့် တက်ဖို့ ယှဉ်ပြိုင် ကစားတာမှာ ၁၀ မှတ် ရတဲ့ ပစ်မှတ် အလယ် တည့်တည့်ကို သုံးကြိမ်သာ မှန်အောင် ပစ်နိုင်ခဲ့ပြီး၊ ပြိုင်ဘက်က ပစ်မှတ် အလယ် တည့်တည့်ကို ၇ ကြိမ် ထိအောင် ပစ်နိုင်ခဲ့လို့ ကိုနေမျိုးအောင် ရှုံးနိမ့်သွားပြီး ပြိုင်ပွဲက ထွက်သွားခဲ့ရတာ ဖြစ်ပါတယ်။
ပထမပွဲမှာတော့ ကိုနေမျိုးအောင်ဟာ ပြင်သစ်က ပြိုင်ဖက်ကို အနိုင်ရရှိခဲ့ပါတယ်။ နေမျိုးအောင်ဟာ အရင်တုန်းက ကမ္ဘာ့အဆင့် ၈၀၊ ၉၀ နေရာမှာ ရှိခဲ့ရာကနေ အခုတော့ အဆင့် ၃၂ နေရာကို ရရှိခဲ့တဲ့ အတွက် မြန်မာနိုင်ငံ အတွက် စံချိန်တခု ရလိုက်တာ ဖြစ်ပါတယ်။
သြဂုတ်လ ၂ ရက်နေ့ ဂျူဒို ကစားမယ့် မအေးအေးအောင်ကို အားထားရမှာဖြစ်တယ်။ အခုလက်ရှိ မြန်မာ အားကစားသမားတွေထဲမှာ ဂျူဒို၊ မာရသွန်နဲ့ အမျိုးသား မီတာ ၄၀၀ ပြေးပွဲတွေ ပဲ ပြိုင်ဖို့ ကျန်ပါတော့တယ်။
ကျန်ရှိနေသေးတဲ့ ပြိုင်ပွဲတွေထဲမှာ သြဂုတ်လ ၂ ရက်နေ့ ဂျူဒို ကစားမယ့် မအေးအေးအောင်ကို အားထားရမှာ ဖြစ်တယ်လို့ အားကစားဝန်ကြီးဌာန ဒုတိယ ညွှန်ကြားရေးမှူးချုပ် ဦးနောတောင်က ပြောပါတယ်။
အပြေးပြိုင်ပွဲတွေ အတွက်တော့ မျှော်လင့်ချက် မထားကြောင်းလည်း သူက ဆက်ပြောပါတယ်။
ဒီကနေ့မှာ အမျိုးသမီး ၅၈ ကီလို အလေးမနဲ့ အမျိုးသားနှစ်ယောက်တွဲ ၁၀ မီတာ ဒိုင်ဗင်ပြိုင်ပွဲတွေအတွက် တရုတ်က ရွှေတံဆိပ်တွေ ဆွတ်ခူးပြီး၊ စုစုပေါင်း ရွှေ ၈ ခုက ဇယား ထပ်မှာ ဦးဆောင်နေပါတယ်။
နေပြည်တော် ပျဉ်းမနားမြို့ရဲ့ အရှေ့ဘက် ၂၆ မိုင် အကွာမှာ အထက်ပေါင်းလောင်း ရေကာတာ စီမံကိန်းကြောင့် ရှမ်းပြည်တောင်ပိုင်း ပင်လောင်းမြို့နယ်ရှိ ပေါင်းလောင်းမြစ်ဘေး တလျှောက် က ကျေးရွာပေါင်း ၂၂ ရွာ၊ အိမ်ခြေ နှစ်ထောင် နဲ့ ဒေသခံ ရှစ်ထောင်ကျော်ဟာ တခြား နေရာ ကို ပြောင်းရွှေ့ပေး ရမယ့် အနေအထား ဖြစ်နေပါတယ်။
ပေါင်းလောင်းရေကာတာ စီမံကိန်းဟာ ၂ဝဝ၅ ခုနှစ် က စတင်ခဲ့ ပြီး ဒီနှစ် ၂၀၁၂ ခု ဇူလိုင်လ မှာ တည်ဆောက်မှု အပိုင်းအရ ၉ဝ ရာခိုင်နှုန်း ပြီးနေပါပြီ။ ဒီစီမံကိန်းပြီးရင် ကျေးရွာတွေ ပြောင်းရွှေ့ ပေးရမယ်လို့ အာဏာပိုင် တွေ က ၂ဝ၁၁ ခု က အကြောင်းကြားထားပေမယ့် အခု အချိန်ထိ ပြောင်းရွှေ့ လုပ်ကိုင် စားရမယ့် နေရာ ကို သတ်မှတ် မပေးသေးတဲ့ အတွက် ရွာခံ တွေဟာ ရှေ့ရေး အတွက် စိုးရိမ် ပူပန်နေကြောင်း ရွာသား တဉီးက ဘီဘီစီ ကို ပြောပါတယ်။
ရွာခံတွေ ပိုင်ဆိုင်တဲ့ ဧကပေါင်း ၂ဝဝဝ ကျော်မှာ စပါးခင်း၊ မြေပဲခင်း နဲ့ နှစ်ရှည်ခြံ တွေ က ဧကပေါင်း ၁ဝဝဝ ကျော်ရှိပြီး လျော်ကြေးလည်း မရပဲ စွန့်လွှတ်ရမယ့် အနေ အထား ဖြစ်နေကြောင်း လည်း ရွာခံတွေ က ပြောပါတယ်။
လျှပ်စစ်ဓါတ်အား မဂ္ဂါဝပ် ၁၄ဝ ထုတ်လုပ်နိုင်မယ့် အထက်ပေါင်းလောင်း ဆည်စီမံကိန်း ကို မြန်မာနိုင်ငံ အမှတ် ၁ လျှပ်စစ်စွမ်းအား ဝန်ကြီးဌာန နဲ့ ယူနန် စက်ယန္တယား သွင်းကုန် ထုတ်ကုန် ကုမ္ပဏီ တို့ ပူးပေါင်းလုပ်ကိုင် နေပြီး ဥရောပ ကုမ္ပဏီ တချို့ရဲ့ နည်းပညာပိုင်း ပါဝင်ကူညီနေပုံ ကို မြန်မာနိုင်ငံ မြစ်ချောင်းများ ဆိုင်ရာ ကွန်ယက် အဖွဲ့ရဲ့ ဝက်ဘ်ဆိုက် မှာ ဖေါ်ပြထားပါတယ်။
မြန်မာနိုင်ငံ တနိုင်ငံလုံးမှာ ရေအားလျှပ်စစ် စီမံကိန်း ၄ဂ ခု တည်ဆောက်ဖို့ အစိုးရ က လျာထားပြီး အကြီးဆုံးက ရှမ်းပြည် အရှေ့ပိုင်းက သံလွင်မြစ်ပေါ် တည်ဆောက် ထားတဲ့ တာဆန်းရေကာတာ စီမံကိန်း ဖြစ်ပါတယ်။
မစ္စတာ ကင်တားနား အင်္ဂါနေ့မှာ ရခိုင်ဒေသကို သွားရောက်မယ်
မြန်မာနိုင်ငံကို ရောက်ရှိနေတဲ့ လူ့အခွင့်အရေး အထူး ကိုယ်စားလှယ် တော်မတ်စ်အိုဟေး ကင်တားနားဟာ၊ အင်းစိန်ထောင်မှာ သေဒဏ် ချမှတ်ခံထားရတဲ့ ကိုဖြိုးဝေအောင်ကို သွားတွေ့ခဲ့ သလို ၈၈ ကျောင်းသားတွေ၊ ဗကသ အဖွဲ့ဝင်တွေနဲ့ တိုင်းရင်းသား အဖွဲ့တွေ အပါ အဝင် အဖွဲ့ တော်တော်များနဲ့ တွေ့ဆုံခဲ့ပါတယ်။
မစ္စတာ ကင်တားနားဟာ တနင်္လာနေ့ ညနေပိုင်းမှာ ၈၈ မျိုးဆက် ခေါင်းဆောင်တွေ ဖြစ်တဲ့၊ ကိုမင်းကိုနိုင်၊ ဦးကိုကိုကြီး၊ ကိုဌေးကြွယ်၊ ကိုမြအေး စတဲ့ သူတွေနဲ့ တွေ့ဆုံခဲ့ပါတယ်။
အဲဒီလို တွေ့ဆုံရာမှာ နိုင်ငံရေး အကျဉ်းသားတွေ ကျန်နေသေးတဲ့ ကိစ္စ၊ ရခိုင်ပြည်နယ်က အခြေအနေ၊ ကချင်ပြည်နယ် အပါအဝင် တိုင်းရင်းသား ဒေသတွေမှာ ဖြစ်နေတဲ့ အခြေ အနေတွေ၊ မြန်မာ နိုင်ငံက ပြုပြင်ပြောင်းလဲမှုတွေ နဲ့ ပတ်သက်ပြီးတော့ သူတို့ရဲ့ သဘောထား အမြင်တွေကို တင်ပြခဲ့တယ် ဦးကိုကိုကြီးပြောပါတယ်။
ရခိုင်ဒေသကနေ ပြီးခဲ့တဲ့ အပတ်ကမှ ပြန်ရောက်လာတဲ့ ဦးကိုကိုကြီးတို့က သူတို့ ကိုယ်တွေ့ အတွေ့အကြုံတွေကိုလည်း မစ္စတာ ကင်တားနားကို ပြောပြခဲ့ကြပါတယ်။
နောက်ပြီး မြန်မာနိုင်ငံကို ရင်းနှီးမြှုပ်နှံမှုတွေ၊ စီးပွားရေးလုပ်ငန်းတွေ ဝင်လာတဲ့ အခါ၊ သဘောတူ စာချုပ်တွေ ရင်းနှီးမြှုပ်နှံမှုတွေ လုပ်တဲ့ အခါမှာ လူ့အခွင့်အရေးနဲ့ ပတ်သက်တဲ့ စံချိန် စံညွှန်းတွေကို လိုက်နာဖို့ ဆိုတာကိုလည်း အချက်တချက် အနေနဲ့ အလေးထားသင့်တယ်ဆိုတဲ့ အကြောင်း ၈၈ မျိုးဆက် ကျောင်းသားတွေက အကြံပြုပြောဆိုခဲ့ပါတယ်။
၈၈ မျိုးဆက် ကျောင်းသားတွေက သူတို့ ပြုစုထားတဲ့ ကျန်ရှိနေသေးတဲ့ နိုင်ငံရေး အကျဉ်သားတွေ စာရင်းကိုလည်း တင်ပြခဲ့တယ်လို့ ဆိုပါတယ်။
၈၈ ကျောင်းသားတွေနဲ့ မတွေ့ခင် မြန်မာနိုင်ငံလုံးဆိုင်ရာ ကျောင်းသားများသမဂ္ဂက ကိုလင်းထိုက်နိုင်၊ မဖြိုးဖြိုးအောင်တို့နဲ့ တွေ့ဆုံခဲ့သလို Generation Wave က လူတွေနဲ့လည်း တွေ့ဆုံခဲ့ပြီး သူတို့ တွေ့ကြုံနေရတဲ့ လူ့အခွင့်အရေး ကိစ္စရပ်တွေကို မေးမြန်းသွားတယ်လို့ ဆိုပါတယ်။
မနက်ပိုင်းကတော့ အင်းစိန်ထောင်မှာ အကျဉ်းသားတွေနဲ့ တွေ့ဆုံခဲ့သလို၊ ၂၀၁၀ ရန်ကုန် ဗုံးခွဲမှုကြောင့် သေဒဏ်အပြစ် ကျခံနေရတဲ့၊ ကိုဖြိုးဝေအောင်ကို အင်းစိန် ဆေးရုံမှာ မစ္စတာ ကင်တားနား သွားတွေ့ခဲ့ပါတယ်။
ကိုဖြိုးဝေးအောင်ဟာ အကျဉ်းကျနေစဉ်မှာ အသည်းကင်ဆာ ရောဂါ ခံစားခဲ့ရပြီး၊ အဲဒီရောဂါကြောင့် ကိုယ်အောက်ပိုင်းသေနေတဲ့ ဝေဒနာရှင် ဖြစ်ပါတယ်။
သူများကူညီပြီး ထူထရတဲ့ ကိုဖြိုးဝေအောင်ကို ခြေချင်း ခတ်ထားတာကိုလည်း မစ္စတာကင်တားနား တွေ့သွားခဲ့တယ်လို့ သူ့ဇနီးဖြစ်သူ မဌေးဌေးက ပြောပါတယ်။
ရခိုင်ပြည်နယ်ဟာ ပုံမှန် ပြန်ဖြစ်နေပြီး တည်ငြိမ် ငြိမ်းချမ်းမှု ရနေပြီ ဖြစ်ကြောင်း တနင်္လာနေ့က ရန်ကုန်မြို့မှာ ကျင်းပတဲ့ ရှင်းလင်းပွဲ တစ်ခုမှာ ပြည်ထောင်စု ဝန်ကြီး တချို့က ပြောပါတယ်။
လွန်ခဲ့တဲ့ ၂ လလောက်က ရခိုင်ပြည်နယ်တွင်းမှာ ဖြစ်ခဲ့တဲ့ အကြမ်းဖက်မှု ပဋိပက္ခတွေနဲ့ပတ်သက်လို့ နိုင်ငံခြားရေး ဝန်ကြီး ဦးဝဏ္ဏမောင်လွင်၊ နယ်စပ် လုံခြုံရေးဆိုင်ရာ ဝန်ကြီး ဒုတိယဗိုလ်ချုပ်ကြီး သိန်းဌေး၊ နဲ့ လူဝန်မှု ကြီးကြပ်ရေး ဆိုင်ရာ ပြည်ထောင်စု ဝန်ကြီး ဦးခင်ရီတို့က ဦးဆောင်ပြီး သတင်းစာ ရှင်းလင်းပွဲ ကျင်းပ ခဲ့ပါတယ်။
ရခိုင်ပြည်နယ်တွင်းမှာ အစိုးရအနေနဲ့ လောလောဆယ်မှာ ပြန်လည် ထူထောင်ရေး လုပ်ငန်းတွေကို လုပ်ဆောင်နေကြောင်း ဝန်ကြီးတွေက ပြောပါတယ်။
သတင်းစာရှင်းလင်းပွဲဆိုတာထက် နိုင်ငံတကာ သံတမန်တွေကို အဓိက ရှင်းလင်းဖို့ လုပ်တာ တွေ့ရပြီး အင်ဒိုနီးရှားနဲ့ ဘင်္ဂလားဒေ့ရှ် သံအမတ် ကြီးတွေက မေးမြန်းကြ တာတွေ ရှိကြောင်း သတင်းစာ ရှင်းလင်းပွဲ တက်ခဲ့တဲ့ Flower News အယ်ဒီတာချုပ် ကိုကျော်စွာမင်းက ပြောပါတယ်။
နိုင်ငံခြားသံတမန်တွေနဲ့ မြန်မာနိုင်ငံကို ရောက်နေတဲ့ ကုလသမဂ္ဂ လူ့အခွင့်အရေး အထူး ကိုယ်စားလှယ် မစ္စတာ တောမတ် အိုဟေး ကင်တားနားတို့လည်း တက်ရောက် ကြပါတယ်။
သတင်းစာ ရှင်းလင်းပွဲအတွင်း လူဝင်မှု ကြီးကြပ်ရေး ဝန်ကြီး ဦးခင်ရီကလည်း မြန်မာ တိုင်းရင်းသား တွေထဲမှာ ရိုဟင်ဂျာ ဆိုတာ မရှိကြောင်း ထပ်လောင်း ပြောကြားခဲ့ပါတယ်။
သံတမန်တွေနဲ့ မစ္စတာ ကင်တားနားတို့ဟာ ရခိုင်ပြည်နယ်ကို အင်္ဂါနေ့က သွားရောက် ကြတဲ့ အခါမှာလည်း အဖြစ်မှန်တွေကို လေ့လာ တွေ့ရှိနိုင်မယ်လို့ ဒုတိယဗိုလ်ချုပ်ကြီး သိန်းဌေးက ပြောပါတယ်။
ရခိုင်ပြည်နယ်တွင်း ဖြစ်ပွားခဲ့တဲ့ အရေးအခင်း ကြောင့် လူ ၇၇ ဦး သေဆုံးခဲ့ပြီး လောလောဆယ် ယာယီ စခန်းတွေမှာ ခိုလှုံ နေရသေးတဲ့သူ ၆ သောင်း ကျော် ရှိတယ်လို့ ပြောပါတယ်။
အရေးအခင်းမှာ ပါဝင် ပတ်သက်ခဲ့တဲ့ NGO ဝန်ထမ်း တချို့ကို ဖမ်းဆီး အရေးယူ ခဲ့ကြောင်းနဲ့ အဲဒီထဲမှာ UNHCR နဲ့ WFP ဝန်ထမ်း တွေလည်း ပါဝင်တယ်လို့ သိရပါတယ်။
အိန္ဒိယမှာ လျှပ်စစ်မီး ပြတ်တောက်မှုတွေကြောင့် လမ်းပန်း ဆက်သွယ်ရေး ထိခိုက်ပြီး ပြည်သူတွေ ဒုက္ခရောက်
အိန္ဒိယနိုင်ငံမြောက်ပိုင်းမှာ လျှပ်စီးမီး ပြတ်တောက်မှု အကြီးအကျယ် ဖြစ်ပွားခဲ့တဲ့အတွက် လူပေါင်း သန်း ၃၀၀ လောက် အခက်အခဲတွေနဲ့ ကြုံတွေ့နေရပြီး၊ လမ်းပန်း ဆက်သွယ်ရေးတွေလည်း ပျက်တောက်ကုန်ပါတယ်။
အခုလိုမီးပျက် တာကြောင့် နိုင်ငံမြောက်ပိုင်းဒေသ၊ အနောက်ဖက် ရာဂျက်စ်တန် ပြည်နယ်ကစလို့ အရှေ့ဘက် ဥတာပရာဒတ့်ရှ် ပြည်နယ်အထိ၊ နောက်တခါ မြောက်ဖက်စွန်းပိုင်း ဂျမူး နဲ့ ကက်ရ်ှမီးယား ပြည်နယ် ဒေသ အတော်များများမှာ လျှပ်စစ်မီး ပြတ်တောက် ခဲ့ပါတယ်။
မြို့တော် ဒေလီမှာတော့ နေရာ အားလုံးနီးပါး လျှပ်စစ် မီးပြန်ရပြီ ဖြစ်တယ်လို့ အရာရှိတွေက ပြောပါတယ်။
မီးပျက်တဲ့ အတွက် ပန်ကာတွေ လေအေး ပေးစက်တွေ အလုပ် မလုပ်တော့ တာကြောင့် ညဖက်မှာ အလွန်ပူပြီး လူတွေဟာ အိပ်မရ ဖြစ်နေကြပါတယ်။
မနက် အလုပ်သွားတဲ့ အခါ မှာ ခရီးဖင့် တာကြောင့် နာရီနဲ့ချီ နောက်ကျပြီးမှ အလုပ်ကို ရောက်ကြပါတယ်။ အခုလို ဖြစ်ရတာဟာ သတ်မှတ် ပေးထားတဲ့ အတိုင်းအတာ ထက်ကို ပြည်နယ်က လျှပ်စစ်မီး ပိုသုံးခဲ့လို့ ဖြစ်တာလို့ အရာရှိတွေက ပြောပါတယ်။
မြန်မာဘဏ်တွေက နိုင်ငံခြား Credit Card အကြွေးစနစ်နဲ့ ၀ယ်လို့ရတဲ့ ကဒ်ပြားတွေကို ၂၀၁၃ ခုနှစ်ကစပြီး ငွေလွှဲ ငွေခြေ အတွက် လက်ခံပေးနိုင်တော့မယ်လို့ ရက်ကုန်ကလာတဲ့ AP သတင်းမှာ ဖော်ပြလိုက်ပါတယ်။ လောလောဆယ် ကမ္ဘောဇဘဏ်ရဲ့ ဒုတိယဥက္ကဋ္ဌ ဦးသန်းလွင်နဲ အကြွေးစနစ်အရ ငွေကြိုတင်ပေးချေတဲ့ VISA ဘဏ္ဍာရေးကုမ္မဏီတို့ အကြား ဆွေးနွေးနေကြပြီလို့ ဆိုပါတယ်။ အမေရိကန်ပြည်ထောင်စုကရော EU ဥရောပသမဂ္ဂကပါ မြန်မာနိုင်ငံနဲ့ ဘဏ္ဍာငွေကြေးဆိုင်ရာ ဆက်ဆံမှုတွေကို ၂၀၀၃ ခုနှစ်ကတည်းက ကန့်သတ်ထားခဲ့တဲ့ အတွက် မြန်မာနိုင်ငံမှာ ကမ္ဘာလှည့် ခရီးသည်တွေ Credit Card မသုံးနိုင်ခဲ့ကြပါဘူး။ မြန်မာအစိုးရရဲ့ ဖိနှိပ်ချုပ်ချယ်မှုတွေကြောင့် အနောက်နိုင်ငံတွေက မြန်မာနိုင်ငံအပေါ် ဒဏ်ခတ် ပိတ်ဆို့မှုတွေ ထားရှိခဲ့ပေမဲ့ သမ္မတဦးသိန်းစိန် လက်ထက်မှာ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေ စတင် ဆောင်ရွက်ခဲ့တဲ့ အတွက် ပိတ်ဆို့မှုတွေ လျော့ကျစ ပြုလာပါပြီ။ Visa အပြင် Master Card၊ China Union Pay နဲ့  Japan Credit Card တို့နဲ့ပါ ဆွေးနွေးမှုတွေ ရှိနေတယ်ဆိုတဲ့ အမည်မဖော်လိုသူ ဘဏ်အရာ ရှိတယောက်ရဲ့အပြောကို ကိုးကားပြီး ၂၀၁၃ ခုနှစ်လောက်ကစလို့ Credit Card အကြွေးစနစ်နဲ့ ငွေကြိုတင် ပေးချေတဲ့ လွှဲပြောင်းမှုတွေ စတင်နိုင်လိမ့်မယ်လို့ AP သတင်းမှာ ဖော်ပြထားပါတယ်။
အိုလံပစ်ပွဲ တတိယနေ့ အနိုင်ရသူများ
အိုလံပစ် အနိုင်ရသူများ (ဇူလိုင်လ ၃၀ ရက်၊ ၂၀၁၂)
တနင်္လာနေ့မှာ လန်ဒန် အိုလံပစ်ပြိုင်ပွဲရဲ့ တတိယနေ့ ပွဲစဉ်တွေကို ဆက်လက် ကျင်းပနေပါတယ်။
ရေကူးပြိုင်ပွဲအပါအ၀င် ပြိုင်ပွဲ ၁၀ ခုကျော်လောက်အတွက် နောက်ဆုံးပွဲစဉ်တွေကို ကျင်းပနေတာပါ။
အမေရိကန် ရေကူချန်ပီယံ ရိုင်ယင် လော့ခ်ျတေ (Ryan Lochte) ကတော့ ဒီနှစ် နွေရာသီပြိုင်ပွဲတွေမှာ သူ့ရဲ့ ဒုတိယမြောက် ရွှေတံဆိပ်ကို ဆွတ်ခူးနိုင်ဖို့ မျှော်လင့်ထားပါတယ်။
သူဟာ ဒီကနေ့ မီတာ ၂၀၀ အလွတ်ကူးပြိုင်ပွဲကို ၀င်ရောက်ယှဉ်ပြိုင်မှာ ဖြစ်ပါတယ်။
စိုင်းနော်ခမ်း လက်ထောက် လွှဲပေးဖို့ တရုတ်တောင်းဆို
တရုတ်နိုင်ငံသား (၁၃) ဦး မဲခေါင်မြစ်တွင်း သတ်ဖြတ်ခံရမှုနဲ့ ဆက်နွယ်တယ်လို့ သံသယရှိသူ စိုင်းနော်ခမ်း ဦးဆောင်တဲ့ လက်နက်ကိုင်အဖွဲ့က လက်ထောက်တဦးကို လွှဲပြောင်းပေးဖို့ တရုတ် အာဏာပိုင်တွေက တောင်းခံ ခဲ့ပေမဲ့ မြန်မာနိုင်ငံက လက်မခံခဲ့ဘူးလို့ နီးစပ်သူ အသိုင်း အ၀ိုင်းက ပြောပါတယ်။ စိုင်းနော်ခမ်းကို လာအိုနိုင်ငံက လွှဲပြောင်းပေးခဲ့ပြီးတဲ့နောက် ဒီအမှုနဲ့ ပတ်သက်လို့ မြန်မာအာဏာပိုင်တွေနဲ့ ဒီသီတင်းပတ်တွင်း ဆွေးနွေးရာမှာ တရုတ်အာဏာပိုင်တွေက တောင်းဆိုခဲ့တာလို့ ဆိုပါတယ်။
ဒီသတင်းအပြည့်အစုံကိုတော့ ဗွီအိုအေ ထိုင်းအခြေစိုက်သတင်းထောက် နိုင်ကွန်းအိန်က သတင်းပေးပို့ထား ပါတယ်။
ရွှေတြိဂံနယ်မြေ မဲခေါင်မြစ်ကြောင်းမှာ တရုတ်သဘောင်္သား (၁၃) ဦး သတ်ဖြတ်ခံရမှုမှာ တာဝန် ရှိတယ်လို့ ယုံကြည်ထားတဲ့ စိုင်းနော်ခမ်း ဦးဆောင်တဲ့အဖွဲ့ရဲ့ ထိပ်တန်းလက်ထောက် တဦးဖြစ်ပြီး နောက်ပိုင်း မြန်မာ အာဏာပိုင်တွေထံ လက်နက်ချသွားတဲ့ စိုင်းအောင်မြတ်ကိုလွှဲပေးဖို့ တရုတ်ကိုယ်စားလှယ်အဖွဲ့က တောင်းဆို ခဲ့ပေမဲ့ မြန်မာဘက်က ငြင်းပယ်ခဲ့တာ ဖြစ်ပါတယ်။
ဒါပေမဲ့လည်း တရုတ် မူးယစ်ဆေးဝါး ထိန်းချုပ်ရေး ဗျူရို ညွှန်ကြားရေးမှူး Liu Yuejin ဦးဆောင်တဲ့ အဖွဲ့ကို ကျိုင်းတုံအကျဉ်းထောင်မှာ ထိန်းသိမ်းထားတဲ့ စိုင်းအောင်မြတ်ကို စစ်ဆေးခွင့်တော့ပေးခဲ့ တယ်လို့ ရှမ်းသံတော်ဆင့် သတင်းစဉ်အယ်ဒီတာ ဦးခွန်စိုင်းက ပြောပါတယ်။
“တရုတ်အာဏာပိုင်တွေက စစ်ဆေးပြီးတော့ ဒီနေ့ ကျိုင်းတုံကနေ သူတို့ယာဉ်နဲ့ ခရီးဆက်ပြီးတော့ မှ ပြန်သွား တယ်လို့ ပြောပါတယ်။ ဒီ တရုတ်အာဏာပိုင်တွေက နေပြည်တော်အာဏာပိုင်တွေနဲ့ သူတို့ ဆွေးနွေးတဲ့အခါကျ တော့ နေပြည်တော်ဘက်ကနေပြီးတော့ ဒီစိုင်းအောင်မြတ်ကို မပေးနိုင် ဘူး။ သူက အဖမ်းခံရတာ မဟုတ်ဘူး။ သူက လက်နက်လာချတဲ့သူ ဖြစ်တယ်။ ဒါကြောင့်မို့ မအပ်နိုင် ဘူးလို့ ပြောပါတယ်။ ဇူလိုင်လ (၂၇) ရက် သောကြာနေ့မှာ ကျိုင်းတုံမြို့ကို သူတို့ခရီးထွက်လာတယ်။ (၂၈) ရက်နဲ့ (၂၉) ရက်မှာ ဒီစိုင်းအောင်မြတ်ကို သူတို့ စစ်ဆေးမေးမြန်းတယ်လို့တော့ ကြားရတယ်။ တရက်ကို (၁၂) နာရီလောက် သူမေးတယ်လို့ ပြောတယ်။ နေ့လည် (၂) နာရီကနေ ညသန်းခေါင်ကျော် ည (၂) နာရီအထိ တနေ့ကို (၁၂) နာရီအထိ သူ့ကို စစ်ဆေး တာပေါ့နော်။”
အထူးစုံစမ်း စစ်ဆေးရေး အဖွဲ့တခုကို ဦးဆောင်လာတဲ့ တရုတ်မူးယစ်ဆေးဝါး ထိန်းချုပ်ရေးဗျူရို အကြီးအကဲနဲ့ အဖွဲ့ဟာ မြန်မာအစိုးရ တာဝန်ရှိသူတွေနဲ့လည်း တွေ့ဆုံပြီး အပြန်အလှန် သတင်း အချက်အလက်တွေ ဖလှယ် ခဲ့တဲ့အကြောင်း တရုတ်အစိုးရက ကြေညာချက် ထုတ်ပြန်ခဲ့ ပါတယ်။ ရွှေတြိဂံဒေသ မှာ မူးယစ်ရာဇာ တစ်ဦးလို့ လူသိများတဲ့ စိုင်းနော်ခမ်းရဲ့ လက်ထောက်ခေါင်းဆောင် တစ်ဦးဖြစ်ပြီးတော့ စိုင်းနော်ခမ်းကို ဧပြီလနှောင်းပိုင်း လာအိုအာဏာပိုင်တွေရဲ့ ဖမ်းဆီးခြင်းကိုခံရအပြီး မေလ (၁၅) ရက်နေ့မှာ အဖွဲ့ဝင် (၁၅) ယောက်နဲ့ တာချီ လိတ်မြို့ မြန်မာစစ်တပ်ထံမှာ လက်နက်ချခဲ့တာ ဖြစ်ပါတယ်။ စိုင်းအောင်မြတ်ကို တရုတ်အစိုးရကနေ အလိုရှိနေ တဲ့အကြောင်းအရင်းကိုတော့ ကျိုင်းတုံမြို့နယ် လုံခြုံရေး အာဏာပိုင်တွေနဲ့ နီးစပ်သူ ဒေသခံတဦးကလည်း အခု လို ပြောပြပါတယ်။
“အောက်တိုဘာလ (၅) ရက်နေ့တုန်းက မဲခေါင်မြစ်ထဲမှာ တရုတ် (၁၃) ဦး အသတ်ခံရတယ်။ အဲဒီ တရုတ် (၁၃) ဦး အသတ်ခံရတာက သူကိုယ်တိုင် ကွင်းဆင်းပြီးတော့မှ စီစဉ်တဲ့သူလို့ ထိုင်း ဘက်က ပြောတယ်လေ။ အဲဒီ စိုင်းအောင်မြတ်က သူကိုယ်တိုင် သေနတ်သမားတွေကို ဦးဆောင်ပြီးတော့မှ အဲဒီတရုတ်ကို သတ်ဖြတ်ခဲ့တာပေါ့။ အဲဒါကြောင့်တရုတ်(၁၃) ဦး သေဆုံးတဲ့ အမှုက သူနဲ့ တိုက်ရိုက် ပက်သက်တယ်။ သူက အားလုံးသိနိုင်တယ် ဆိုပြီးတော့မှ တရုတ်က သူ့ကို အလိုရှိနေတာ။”
စိုင်းအောင်မြတ်ဟာ မြန်မာစစ်တပ်မှာလက်နက်ချခဲ့ပေမဲ့လည်း လက်ရှိမှာတော့ ကျိုင်းတုံ အကျဉ်းထောင်မှာ အကျဉ်းချခံနေရသလို စစ်ဆေးမေးမြန်းတဲ့နေရာမှာ ညှင်းပမ်း နှိပ်စက်ခံနေရ တယ်လို့လည်း အဲဒီဒေသခံကပဲ ဆက် ပြောပါတယ်။
“ဒီစိုင်းအောင်မြတ်ကလည်း မြန်မာအစိုးရနဲ့ ဒီထောက်လှမ်းရေးတွေ၊ စစ်ဆေးတဲ့သူတွေက ရိုက်နှက်ပြီးတော့မှ စစ်ဆေးနေလို့ သူက ၀န်ခံလိုက်ပြီလို့ ပြောတယ်။ ဒါပေမဲ့ သူ့ရဲ့နီးစပ်တဲ့ အသိုင်းအ၀ိုင်းက အဲဒီလိုမျိုး မတရား အရမ်းရိုက်နှက် စစ်ဆေးလို့ သူက မခံမရပ်နိုင်ဖြစ်လို့ ၀န်ခံလိုက်ရတာတဲ့။ အမှန်တော့ သူက မသိဘူးလို့ အဲဒီလို မျိုး ပြောတယ်။”
တရုတ်လုံခြုံရေး အရာရှိယိုယွဲ့ကျင်း ဦးဆောင်တဲ့အဖွဲ့ဟာ ထိုင်းနိုင်ငံ၊ ရဲချုပ် ဖြိုးဖန်းဒါမားဖုန်းထံ လာရောက်လည် ပတ်ခဲ့စဉ်က ထိုင်းလူမျိုး (၁၃) ဦးကို သတ်ဖြတ်မှုမှာ ပါဝင်ခဲ့သူလို့ယူဆရတဲ့ စိုင်းအောင်မြတ်ကို မြန်မာ အစိုးရထံမှာ သွားရောက်လွှဲယူမယ်လို့ ပြောဆိုခဲ့ကြောင်း ဇွန်လ (၂၃) ရက်နေ့စွဲနဲ့ ထိုင်းနိုင်ငံထုတ် မတိချွန်း သတင်းစာမှာ ရေးသားဖော်ပြထားပါတယ်။ဒါ့အပြင် ပြီးခဲ့တဲ့ ဧပြီလထဲက လောနိုင်ငံမှာအဖမ်းဆီးခံခဲ့ရပြီး တရုတ်အစိုးရထံမှာ လွှဲအပ်ခြင်းခံရတဲ့ ခေါင်းဆောင် ဖြစ်သူ စိုင်းနော်ခမ်းကလည်း ဒီသတ်ဖြတ်မှုမှာ သူ့လက်ချက်ဖြစ်ကြောင်း ၀န်ခံထားတယ်လို့ ထိုင်းသတင်းစာတွေ ကနေ ရေးသားထားပါတယ်။
စိုင်းနော်ခမ်း ဦးဆောင်တဲ့ လက်နက်ကိုင်အဖွဲ့ဟာ ဦးခွန်ဆာဦးဆောင်တဲ့ မုန်တိုင်းအာမီတပ်ဖွဲ့မှာ ပါဝင်ခဲ့ပြီး (၁၉၉၆) ခုနှစ်မှာ မြန်မာအစိုးရထံ လက်နက်ချခဲ့ပြီးတော့ တာချီလိတ်မြို့နယ် ပြည်သူ့စစ် အဖြစ် ရပ်တည်ခဲ့ပါ တယ်။ ထိုင်းနိုင်ငံအတွင်းမှာ မူးယစ်ဆေးတင်သွင်တဲ့ အမှုတွေနဲ့ ပက်သက်ပြီး စိုင်းနော်ခမ်းတို့အဖွဲ့ရဲ့ လက်ချက် လို့လည်း ထိုင်းအစိုးရကနေ စွပ်စွဲထားပါတယ်။
ကင်တားနား နိုင်ငံရေး အကျဉ်းသားတွေနဲ့တွေ့
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားဟာ သူ့ရဲ့ခရီးစဉ် အစအဖြစ် တနင်္လာနေ့မှာပဲ နိုင်ငံရေး အကျဉ်းသား တချို့နဲ့ တွေ့ဆုံ ပါတယ်။ ရန်ကုန်၊ အင်းစိန်ထောင်မှာ နိုင်ငံရေးအကျဉ်းသားတွေနဲ့ တွေ့ဆုံရာမှာတော့ ကျန်းမာရေး ဆိုးရွားနေသူတွေလည်း ပါဝင်ခဲ့တယ်လို့ မိသားစုဝင်တွေက ပြောပါတယ်။ အပြည့်အစုံကိုတော့ ဗွီအိုအေ မြန်မာပိုင်း ထိုင်းအခြေစိုက် သတင်းထောက် မအေးအေးမာ ကပြောပြပေးမှာ ဖြစ်ပါတယ်။
ဇူလိုင်လ ၃၀ ရက်နေ့၊ နေလည်ပိုင်းမှာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ တောမတ်စ်၊ အိုဟေးကင်တားနားက အင်းစိန်ထောင်က နိုင်ငံရေး အကျဉ်းသားတွေ နဲ့ တွေဆုံခဲ့တာပါ။ မစ္စတာကင်တာနားနဲ့ တွေ့ဆုံခွင့်ရလိုက်တဲ့အထဲမှာ ခန္ဓာကိုယ်အောက်ပိုင်း လှုပ်ရှားလို့မရတဲ့ ဝေဒနာနဲ့အသည်းကင်ဆာ နောက်ဆုံးအဆင့် ဖြစ်နေတဲ့ နိုင်ငံရေးအကျဉ်းသား ကိုဖြိုးဝေအောင်လည်း ပါဝင်ခဲ့ပါ တယ်။ အင်စိန်းဆေးရုံမှာ ကိုဖြိုးဝေအောင်နဲ့ တွေ့ဆုံချိန်မှာ မစ္စတာကင်တားနားကို ကျန်းမာရေး အခြေအနေ အကြောင်း ပြောခွင့်ရခဲ့တယ်လို့ ကိုဖြိုးဝေအောင်ရဲ့ ဇနီး မဌေးဌေးက ပြောပါတယ်။
“ကျန်းမာရေးအကြောင်းကတော့ သူ ဘာပြောလဲ ဆိုတော့ - စဖြစ်တာက ဘယ်နှစ်လပိုင်း ကတည်း က စဖြစ်တယ်၊ ပြီးတော့ အသည်းမှာ အကြိတ်တွေ တွေ့တယ်ဆိုတာ ၃ လပိုင်းမှာ သိပြီပေါ့နော်။ သိပြီးတဲ့အချိန်မှာလည်း ထောင်ကနေပြီးတော့ အသည်းအထူးကုနဲ့ မပြပေးဘူး၊ အပြင်ဆေးရုံ ထုတ်မပြဘူးပေါ့။ မပြပေးဘဲနဲ့ ၂ လကျော်ကြာပြီးတော့မှ ထုတ်ပြတဲ့အချိန်မှာ အသည်းမှာ အကြိတ်တွေ အများကြီး ဖြစ်သွားပြီပေါ့။ ပြီးတော့ အောက်ပိုင်း သေသွားတယ်ပေါ့။ အဲဒါနဲ့ပတ်သက် လို့ သူပြောတာကတော့ အသည်းကင်ဆာဆိုတာတော့ သူ့ကုသိုလ်ကံအရ ဖြစ်တာ သူ ဘာမှ မပြောလိုဘူးပေါ့။ အောက်ပိုင်းသေတဲ့ ကိစ္စကတော့ ဆေးကုပေးတာ နောက်ကျတဲ့အတွက် ကင်ဆာဆဲလ်က ကျောရိုးကိုပြန့်ပြီး သေသွားတာကို၊ အဲဒါ သူ့ဘဝတခုလုံး ပေးလိုက်ရတယ်ပေါ့။ ကျမ အမျိုးသားက အဲလိုမျိုး ပြောတယ်ရှင့်။”
ကုလသမဂ္ဂရဲ့ လူအခွင့်အရေး ကိုယ်စားလှယ်ဟာ နိုင်ငံရေးအကျဉ်းသားတွေ လွတ်မြောက်ရေး အတွက် မြန်မာအာဏာပိုင်တွေကို ထပ်မံ ဖိအားပေးပြောဆိုသွားအုံးမှာ ဖြစ်တဲ့အကြောင်း နိုင်ငံရေး အကျဉ်းသာေးတွရဲ့ ကျန်းမာရေးအခြေအနေကို နိုင်ငံတကာသိအောင် ပြောပြပေးသွားမယ်လို့ ဆိုပါတယ်။
“သူကတော့ ဘာပြောလဲဆိုတော့ပေါ့နော်။ သူ အပါအဝင် နိုင်ငံတကာက အဖွဲ့အစည်းတွေ ကနေပြီးတော့ လူသားချင်း စာနာမှုအရ လွှတ်ပေးဖို့ ဆိုပြီးတော့ ဒီက အာဏာပိုင်တွေကို တောင်းဆိုထားတာကို သိလား၊ ပြုလား၊ ကျမယောက်ျားကို မေးတယ်ပေါ့နော်။ ကျမတို့ကလည်း သိပါတယ်။ ကျေးဇူးတင်ပါတယ်ပေါ့နော်။ ဒါပေမဲ့ အခုထိ မလွှတ်ဘူးပေါ့။ မလွှတ်တဲ့ အပေါ်မှာ အဲဒီကိစ္စကို သူထပ်ပြီး လုပ်နေတယ်၊ ပြီးတော့ ကျမ အမျိုးသားက လိုအပ်တဲ့ ဆေးကုသမှု မရလို့ အခုလို အောက်ပိုင်းသေတယ်၊ အသည်းကင်ဆာ ဆဲလ် ပြန့်သွားတဲ့ အပေါ်မှာ နိုင်ငံတကာ သိအောင် သူလုပ်ပေးပါ့မယ်၊ ဆက်ပြီးတော့လည်း သူ လုပ်သင့်တာ လုပ်မယ်၊ ပြီးတော့ လတ်တလော ဘာလုပ်ပေးဖို့လိုလဲ၊ လိုအပ်တာရှိရင် လုပ်ပေးမယ်ပြောပါတယ်။ ကျမတို့အနေနဲ့ ကတော့ လတ်တလောကတော့ ဘာမှ လုပ်လို့ မရဘူးပေါ့နော်။ ဆေးတွေနဲ့ပဲ သူ အဲလိုမျိုး ထိန်းပြီးတော့ နေရတဲ့ကာလဆိုတော့ အခု ဒီ ခြေထောက်ကြီး အောက်ပိုင်း သေသွားတာကလည်း ခွဲလို့လည်း ပြန်မှ မကောင်းတော့တာ။ အသည်းမှာ အကြိတ်တွေ ပြန့်နေတာလည်း မပျောက်တော့ တဲ့ဟာ - အဲဒီတော့ အခု လတ်တလောတော့ မလိုပါဘူးပေါ့နော်။ ကျေးဇူးတင်ပါတယ်။ ကျနော် ဒီအတိုင်းလေးပဲ နေပါ့မယ်လို့ သူက ပြောလိုက်တယ်။”
မစ္စတာကင်တာနားဟာ ကိုဖြိုးဝေအောင်အပြင် အင်းစိန်ထောင်က နိုင်ငံရေးအကျဉ်းသား ၂ ဦးကိုလည်း တွေ့ဆုံခဲ့တယ်လို့ ဆိုပါတယ်။
နိုင်ငံရေးအကျဉ်းသား ကူညီစောင့်ရှောက်ရေးအသင်း မြန်မာနိုင်ငံကတော့ မြန်မာနိုင်ငံမှာ နိုင်ငံရေး ယုံကြည်ချက်ကြောင့် အကျဉ်းကျသူပေါင်း ၄၄၀ ကျော် ရှိနေသေးတယ်လို့ ဆိုပါတယ်။ ဒီအထဲက ကျန်းမာရေးဆိုးနေသူတွေ အများအပြားရှိနေသေးကြောင်း၊ အင်းစိန်ထောင်တွင်းက ကျန်းမာရေး ဆိုးဝါးနေတဲ့ နိုင်ငံရေးအကျဉ်းသား ၅ ဦးခန့်နဲ့ တွေဆုံဖို့ကိုတော့ မစ္စတာကင်တာနားကို စာရေးသား မေတ္တာရပ်ခံခဲ့တယ်လို့ ဆိုပါတယ်။ နိုင်ငံရေးအကျဉ်းသားများ ကူညီစောင့်ရှောက်ရေး အသင်းရဲ့ အထွေထွေအတွင်းရေးမှူး ကိုတိတ်နိုင် ပြောပြတာက -
“ကိုဖြိုးဝေအောင်၊ ကိုစံရှား၊ ကိုအောင်ကျော်မင်းတို့ ဆိုလို့ရှိရင် ကျန်းမာရေး တော်တော်ကို မကောင်းတဲ့ အထဲမှာ ပါပါတယ်။ ဆေးရုံ ခဏ ခဏ တက်နေရတဲ့ အနေအထားမျိုး ရှိပါတယ်။ အဲဒီလူတွေကိုတော့ အဓိကထား တွေ့ဖို့ပေါ့လေ။ ကျန်ရှိနေတဲ့ နိုင်ငံရေး အကျဉ်းသား လွတ်မြောက်ရေးနဲ့ ပတ်သက်ပြီးတော့ မစ္စတာကင်တားနားအနေနဲ့ လက်ရှိအစိုးရကို ပြတ်ပြတ်သားသားလုပ်ဖို့ ပြောပြခဲ့ပါတယ်။”
မစ္စတာကင်တားနားရဲ့ခရိးစဉ်အတွင်းမှာ နိုင်ငံရေး အကျဉ်းသားတွေ လွတ်မြောက်ရေးအတွက် ကြိုစား ဆောင်ရွက်မှုတွေအပေါ်မှာ နိုင်ငံရေး အကျဉ်းသားတွေရဲ့ မိသားစုတွေက အကျဉ်းသားတွေ ပြန်လွတ်မြောက်ရေးအတွက် မျှော်လင့်နေကြတာလည်း ဖြစ်ပါတယ်ရှင်။
အိန္ဒိယရထားမီးလောင်မှု လူ ၅၀ ခန့်သေ
မီးလောင်ကျွမ်းသွားတဲ့ အိန္ဒိယ ခရီးသည်တင် ရထား (ဇူလိုင်လ ၃၀၊ ၂၀၁၂)
အိန္ဒိယနိုင်ငံတောင်ပိုင်းမှာ တနင်္လာနေ့က ခရီးသည်တင် မီးရထားတစ်စီး ခုတ်မောင်းနေစဉ်မှာ မီးလောင်မှုဖြစ်ပွာခဲ့ပြီး လူပေါင်း ၅၀ နီးပါး သေဆုံးသွားပါတယ်။
မီးရထားဟာ မြို့တော် နယူးဒေလီကနေ နိုင်ငံရဲ့အရှေ့တောင်ပိုင်းမှာရှိတဲ့ ချန်နိုင်းမြို့ကို သွားနေ တာဖြစ်ပြီး မီးလောင်မှု ဖြစ်ပွားတဲ့အချိန်ဟာ ခရီးသည်အများစု အိပ်မောကျ နေတဲ့ နံနက်ပိုင်း ၄ နာရီခန့်မှာ ဖြစ်ပွားခဲ့တာလို့ ဒေသခံ တာဝန်ရှိသူ တဦးက ပြောပါတယ်။
စုစုပေါင်း ခရီးသည် ၄၇ ဦး သေဆုံးသွားတယ်လို့ ဒေသရဲ့ မီးရထားဌာန မန်နေဂျာ အန်နေးလ် ကူးမား က AP သတင်းဌာနကို ပြောပါတယ်။
ဒဏ်ရာရသူအရေတွက်ကတော့ ၃၀ ၀န်းကျင်ရှိတယ်လို့ ပြောပါတယ်။ မီးရထားဟာ နယ်လိုရီးမြို့ ဘူတာကို ဖြတ်ပြီးမောင်းနှင်သွားစဉ်မှာ ရထားတွဲတတွဲ အတွင်းမှာ မီးလောင်နေတာကို တွေ့ရကြောင်း ဘူတာအမှုထမ်းတဦးကနေ လှမ်းပြီးတော့ အသိပေးခဲ့တယ်လို့ ဆိုပါတယ်။
မီးလောင်တဲ့ အချက်ပေးသံ ထွက်ပေါ်လာပြီးတဲ့နောက် ရထားကိုရပ်ပစ်လိုက်ပြီး တခြားတွဲတွေကို မီးမစွဲနိုင်အောင် မီးလောင်နေတဲ့ တွဲကို ဖြုတ်ပစ်လိုက်ရတယ်လို့ ပြောပါတယ်။
မီးလောင်မှုဖြစ်ပွားရတဲ့ အကြောင်းအရင်းကို စုံစမ်းစစ်ဆေးနေဆဲဖြစ်ပြီး ခရီးသည်တင် တွဲအတွင်းက လျှပ်စစ်ဝိုင်ယာ ရှော့ဖြစ်ရာကနေ ဖြစ်ပွားတာ ဖြစ်နိုင်ကြောင်းလည်း မီးရထားဌာန တာဝန်ရှိသူက ပြော ပါတယ်။
0 comments:
Post a Comment