01.08.2012 နေ့ဖတ်ရန်သတင်းများ

by Myanmar Journal on Tuesday, July 31, 2012 at 6:20pm ·

အိုလံပစ် ဆုတံဆိပ် ၁၉ ခုနဲ့ ဆုတံဆိပ် အများဆုံး စံချိန်တင်ခဲ့တဲ့ မိုက်ကယ်ဖဲ့

မိုက်ကယ်ဖဲ့ အိုလံပစ် ဆုတံဆိပ် စံချိန်တင်ရ

အမေရိကန်က နံမယ်ကြီး ရေကူး သမား Michael Phelps ဟာ လန်ဒန် အိုလံပစ် စတုထ္ထနေ့မှာ ရွှေတခုနဲ့ ငွေတခု ထပ်ယူခဲ့ပြီး နောက် စုစုပေါင်း အိုလံပစ် ဆုတံဆိပ် ၁၉ ခုနဲ့ ဆုတံဆိပ် အများဆုံး ရတဲ့ အိုလံပစ် အားကစား သမား ဖြစ်လာခဲ့ပါတယ်။

Phelps ဟာ သူ့စိတ်ကြိုက် မီတာ နှစ်ရာ လိပ်ပြာ ကူးမှာ တောင်အာဖရိကက Chad La Clos ချတ်လကလော့စကို 0.05 စက္ကန့်နဲ့ ကပ် အရေးနိမ့်ခဲ့ပေမယ့် မိနစ်ပိုင်း အကြာမှာ မီတာ ၈၀၀ လက်ဆင့်ကမ်း လက်ပစ်ကူးမှာ အမေရိကန် အသင်းနဲ့ အတူ ရွှေတံဆိပ် ရရှိခဲ့ပါတယ်။

ဒီရွှေတံဆိပ်နဲ့ အတူ Phelps ဟာ လွန်ခဲ့တဲ့ နှစ်နှစ်ဆယ်ကျောက် ဆိုဗီယက် ကျွမ်းဘား အားကစားသမား လတ်တီညီနာ တင်ထားတဲ့ ဆုတံဆိပ် ၁၈ ခု စံချိန်ကို ကျော်ပြီး ဆုတံဆိပ် ၁၉ ခုနဲ့ စံချိန်သစ် တင်ခဲ့ပါတယ်။

စတုထ္ထနေ့မှာပေးတဲ့ ရေကူး ရွှေလေးခုမှာ အမေရိကန်တွေက နှစ်ခု ယူသွားပြီး တရုတ်နဲ့ တောင်အာဖရိကတို့က တခုစီ ထပ်ယူခဲ့ပါတယ်။

ယိရှိဝမ် မီတာ နှစ်ရာ တဉီးချင်း လေးမျိုးစုံမှာ အိုလံပစ် စံချိန်တင်

တရုတ်က အသက် ဆယ့်ခြောက်နှစ်အရွယ် ကမ္ဘာ့ စံချိန် လောလောလတ်လတ် တင်ထားတဲ့ အမျိုးသမီး ရေကူးသမား ယိရှိဝမ်က မီတာ နှစ်ရာ တဉီးချင်း လေးမျိုးစုံမှာ အိုလံပစ် စံချိန်တင်ပြီး ရွှေရပါတယ်။

ရေကူးက ကျန်တဲ့ ရွှေတခုကိုတော့ အမျိုးသမီး မီတာ နှစ်ရာ လက်ပစ်ကူးမှာ အမေရိကန်က အယ်လီဆင် ရှမစ်က ယူသွားပါတယ်။

စတုထ္ထနေ့က ပေးတဲ့ ရွှေတံဆိပ် အများစုကို တရုတ်နဲ့ အမေရိကန်တို့က ခွဲယူသွားကြပါတယ်။

ရေကူး အပြင် skeet လို့ခေါ်တဲ့ ရွှေ့လျားနေတဲ့ ပစ်မှတ်ကို မှန်အောင် ပစ်ရတဲ့ သေနတ်ပစ်နဲ့ အမျိုးသမီး အသင်းလိုက် အလှပြ ကျွမ်းဘာကနေ အမေရိကန်တွေ ရွှေတခုစီ ထပ်ယူခဲ့ကြသလို တရုတ်က အမျိုးသား အလေးမနဲ့ အမျိုးသမီး နှစ်ယောက်တွဲ ဒိုင်ဗင်ကနေ ရွှေတခုစီ ထပ်ယူသွားပါတယ်။

အိုလံပစ် ပြိုင်ပွဲ လေးရက်ရှိလာချိန်မှာ တရုတ်က ရွှေ ၁၃ ခု အပါအဝင် ဆုတံဆိပ် ပေါင်း ၂၃ ခုနဲ့ ထိပ်က ပြေးနေပြီး အမေရိကန်က ရွှေ ၉ ခုနဲ့ ဒုတိယ လိုက်နေပါ တယ်။

ပြင်သစ်က အမျိုးသား တဉီးချင်း ကနူးလှေလှော် ပြိုင်ပွဲကနေ ရွှေတံဆိပ်ထပ်ယူပြီး ရွှေ လေးခုနဲ့ တတိယနေရာမှာ ရှိပါတယ်။

တောင်မြောက် ကိုရီးယား နှစ်နိုင်ငံနဲ့ ကာဇက်စတန်တို့က ရွှေ သုံးခုစီနဲ့ နောက် ကနေ လိုက်နေပါတယ်။

အိမ်ရှင် ဗြိတိန်အသင်းကတော့ ပြိုင်ပွဲ လေးရက်ရှိလာချိန်ထိ ရွှေတံဆိပ်တခု မရသေးဘဲ ရှိနေပါတယ်။

မနေ့က အသင်းလိုက် မြင်းအလှစီး ပြိုင်ပွဲကနေ ဗြိတိန်က ငွေတခု ယူနိုင်ခဲ့ပြီး နိုင်ငံအလိုက် ဆုတံဆိပ်ရရှိမှု ဇယားမှာ နံပါတ် ၂၁ နေရာမှာ ရှိနေပါတယ်။

ဒီကနေ့မှာ စက်ဘီးပြိုင်ပွဲတွေ ပြန်စမှာဖြစ်ပြီး အိမ်ရှင် အသင်းအတွက် ပထမဆုံး ရွှေတံဆိပ်ကို ငါးရက်မြောက်နေ့မှာ မြင်ရနိုင်စရာ ရှိနေပါတယ်။

ယီ ရှီဝမ်ဟာ မီတာ ၄၀၀ မှာ ကမ္ဘာ့စံချိန်သစ် တင် နိုင်ခဲ့ပါတယ်

တားမြစ်ဆေး သံသယအပေါ် တရုတ်က ဒေါသတကြီးတုံ့ပြန်

အိုလံပစ် အမျိုးသမီး မီတာ ၄၀၀ ရေကူးပြိုင်ပွဲ မှာ ကမ္ဘာ့စံချိန်သစ် တင်ပြီး ရွှေတံဆိပ် ဆွတ်ခူးသွား တဲ့ တရုတ်နိုင်ငံက အသက် ၁၆ နှစ်အရွယ် အိုလံပစ် ရေကူး အားကစား သမား ယီရှီဝမ်ဟာ တားမြစ်ဆေးဝါး သုံးစွဲသလားဆိုတဲ့ သံသယ တွေ ထွက်ရှိလာတဲ့ အပေါ် တရုတ်နိုင်ငံကနေ ဒေါ်သတကြီး တုံ့ပြန် လိုက်ပါတယ်။

စနေနေ့က မီတာ၄၀၀ အလွတ်ကူး ပြိုင်ပွဲမှာ ယီရှီဝမ်ဟာ နောက်ဆုံး ကူးဖို့ မီတာ ၅၀ သာ ကျန်တော့တဲ့အချိန်၊ သူတင်လိုက်တဲ့ အရှိန်ဟာ မြန်လွန်းတာကြောင့် ဖြစ်နိုင်ပါ့မလားဆိုပြီး အမေရိကန် ရေးကူး နည်းပြ ဂျွန် လီယိုနာ့ဒ်က မှတ်ချက်ပေး ပြောကြားခဲ့ပြီးနောက် အခုလို သံသယဖြစ်မှုတွေ ပေါ်ထွက်လာတာပါ။

မစ္စတာ လီယိုနာ့ဒ်ဟာ အမေရိကန် အိုလံပစ် အားကစား အဖွဲ့က မဟုတ်ဘဲ၊ သူ့ရဲ့ ပြောဆိုချက်တွေ ဟာလည်း သူတို့နဲ့ မသက်ဆိုင် ကြောင်း အမေရိကန် အိုလံပစ် ကော်မတီက ပြောပါတယ်။

တရုတ် အင်တာနက်လူမှုကွန်ယက် တွေမှာတော့ အခုလို သံသယ ဖြစ်မှုတွေဟာ မနာလိုပြီး ဝေဖန်တာတွေ ဖြစ်သလို၊ တရုတ်ဆန့်ကျင် ရေး သေဘာထားရှိသူတွေကြောင့် ဖြစ်တယ် ဆိုပြီး စွပ်စွဲရေးသား ကြပါတယ်။

တချို့သူတွေ ကလည်း တရုတ် ရေကူးအသင်းရဲ့ သမိုင်းကို ပြန်ကြည့်ရင် တားမြစ်ဆေး သုံးမသုံး ဆိုတာ ခွဲခြား သိမြင်နိုင်မှာ ဖြစ်တယ်လို့ ရေးသား ကြပါတယ်။

ယီရှီဝမ် ကတော့ သူ့အပေါ် သံသယရှိမှုတွေ အပေါ် ပြင်းပြင်း ထန်ထန် ငြင်းဆိုသွားပါတယ်။ သူဟာ ဒီကနေ့ နှောင်းပိုင်းမှာလည်း မီတာ ၂၀၀ ရေးကူး ပြိုင်ပွဲမှာ ဝင်ရောက် ယှဉ်ပြိုင် မှာ ဖြစ်ပါတယ်။

ဂျာနယ် နှစ်စောင် စာပေစိစစ်ရေးကပိတ်

ပြည်တွင်း ဂျာနယ် နှစ်စောင်ကို စိစစ်ရေးက ပိတ်

မြန်မာနိုင်ငံထုတ် အပတ်စဉ် သတင်းဂျာနယ် နှစ်စောင် ဖြစ်တဲ့ သည်ဗွိုက်စ် နဲ့ အင်ဗွိုင်း ဂျာနယ်တို့ကို စာပေ စိစစ်ရေး အဖွဲ့က ခေါ်ယူပြီး ထုတ်ဝေခွင့် ပိတ်ပင် ဆိုင်းငံ့ခဲ့ ပါတယ်။

စာပေ စိစစ် ရေး အဖွဲ့က ခေါ်ယူပြီး ထုတ်ဝေခွင့် ဆိုင်းငံ့ကြောင်း ပြောခဲ့ပေမဲ့ ဘာ့ကြောင့် ပိတ်ပင်တယ်ဆိုတာကိုတော့ တိတိကျကျ မပြောပါဘူး။

စည်းမျဉ်း စည်းကမ်းတွေကို မလိုက်နာလို့သာ ပိတ်ပင်တယ်လို့ ဆိုပါတယ်။

စည်းမျဉ်း စည်းကမ်းတွေ ဆိုတာကတော့ စာပေစိစစ် ရေးကို ထောက်လှမ်းရေးက ထိန်းချုပ်တဲ့ အရင် အစိုးရလက်ထက် ကတည်းက ထုတ်ပြန်ထားတဲ့ စည်းကမ်းတွေ ဖြစ်ပါတယ်။ ပုံနှိပ်ထုတ် ဝေသူများ လိုက်နာ ရမယ့် စည်းကမ်းချက်တွေလို့ ဆိုပြီး ဂျာနယ်တွေ မီဒီယာတွေ အတွက် သီးခြား ပြဌာန်းပြီး လိုက်နာဖို့ ညွှန်ကြား ထားတာမျိုးတော့ မရှိဘူးလို့ သည်ဗွိုက်စ် အယ်ဒီတာချုပ် ဦးကျော်မင်းဆွေက ပြောပါတယ်။

စည်းကမ်းချက်ဆိုရာမှာလည်း တခါတရံမှာ ထိုင်းနဲ့ အစိုးရ အဆင်မပြေရင် ထိုင်း အကြောင်း ဝေဖန်လို့ ရပေမဲ့၊ ထိုင်းနဲ့ အစိုးရ အဆင်ပြေရင် ဝေဖန်လို့ မရတာမျိုးလည်း ရှိတယ်လို့ ဆိုပါတယ်။

တခါတရံမှာ ဘာစည်းကမ်းချက်၊ ဥပဒေမှ မရှိဘဲ ဝန်ကြီးက မထည့်ဖို့ ပြောတာမျိုးလည်း ရှိတယ်လို့ ဆိုပါတယ်။

သည်ဗွိုက်စ် ဂျာနယ်ကို ဘာ့ကြောင့် ပိတ်ပင်တယ်ဆိုတာ အတိအကျ မပြောပေမဲ့ ဂျာနယ် မပိတ်ခင် ရက်ပိုင်းအတွင်းမှာ တုန်းက ဝန်ကြီးအပြောင်း အရွှေ့ သတင်းနဲ့ ကာတွန်း တပုဒ် အကြောင်း သတင်း ဓါတ်ပုံနဲ့ စပ်လျဉ်းပြီး တာဝန်ရှိ အယ်ဒီတာတွေကို ခေါ်ယူ သတိပေးခဲ့ တာမျိုး ရှိတဲ့ အတွက် အဲဒီ ကိစ္စ တွေနဲ့ သက်ဆိုင်လိမ့်မယ်လို့ ယူဆရ ကြောင်း ဦးကျော်မင်းဆွေက ပြောပါတယ်။

အပြောင်းအလဲ လုပ်နေပါတယ် ဆိုတဲ့ ကာလမှာ အခုလို ပိတ်ပင် ကန့်သတ်မှုတွေ ကြောင့် ခါတိုင်းထက် ပိုပြီး စိတ်ပျက်မိတယ်လို့လည်း ဦးကျော်မင်းဆွေက ပြောပါတယ်။

အခုလို ပိတ်ပင် ချုပ်ချယ်မှုတွေကြောင့် အပြောင်းအလဲ လုပ်နေတယ်ဆိုတာကို လုံးဝ အယုံအကြည် မရှိသူတွေရဲ့ ထင်မြင်ချက်တွေ မှန်ကန်နေတယ်လို့ သက်သေပြပေးရာ ရောက်သွားတယ်လို့လည်း ဦးကျော်မင်းဆွေက ပြောပါတယ်။

 တက္ကသိုလ်ပညာရေး ဥပဒေ(မူကြမ်း)ကို အသစ် ပြန်ရေးမယ်

ပြင်ဆင် စရာတွေ များတဲ့ အတွက် အသစ် ပြန်ရေးဆွဲဖို့ ဒေါ်အောင်ဆန်းစုကြည်က အဆိုပြုခဲ့တာ ဖြစ်ပါတယ်

ဒီကနေ့ ကျင်းပတဲ့ ပြည်သူ့လွှတ်တော် အစည်းအဝေးမှာ ၂၀၁၂ ခုနှစ် တက္ကသိုလ် ပညာရေးဥပဒေ(မူကြမ်း) အပေါ် ပြင်ဆင် အတည်ပြုဖို့ ဆွေးနွေးကြရာ၊ ဒေါ်အောင်ဆန်း စုကြည် အပါအဝင် ပြည်သူ့ လွှတ်တော် အမတ်တွေရဲ့ တောင်းဆို တင်ပြ မှုတွေ ကြောင့် ဒီဥပဒေမူကြမ်းကို အသစ် ပြန်လည် ရေးဆွဲ တင်သွင်းဖို့ ဆုံးဖြတ်ခဲ့ ပါတယ်။

ဒေါ်အောင်ဆန်းစုကြည်က ၂၀၁၂ တက္ကသိုလ် ပညာရေးဥပဒေကြမ်းပါ အချက် တော်တော် များများကို ပြင်ဆင်ဖို့ ဆွေးနွေးခဲ့ရာ ကနေ ပြင်ဆင် စရာတွေ များတဲ့ အတွက် အသစ် ပြန်ရေးဆွဲဖို့ ဒေါ်အောင်ဆန်းစုကြည်က အဆိုပြုခဲ့တာ ဖြစ်ပါတယ်။

တခြားလွှတ်တော် အမတ်တွေကလည်း အလားတူ ဆွေးနွေး ထောက်ခံခဲ့ကြတဲ့အတွက် ပြည်သူ့လွှတ်တော် ဥက္ကဌ သူရဦးရွှေမန်းက တက္ကသိုလ် ဥပဒေကြမ်း အသစ် ပြန်ရေးဆွဲဖို့ ဆုံးဖြတ် လိုက်တယ်လို့ မြန်အောင် ပြည်သူ့ လွှတ်တော်အမတ် ဦးကျော်မြင့်က ဘီဘီစီကို ပြောပါတယ်။

ဒေါ်အောင်ဆန်းစုကြည်က တက္ကသိုလ် ပညာရေးကို လုံးဝ ပြောင်းလဲချင်တာ ဖြစ်ကြောင်း ဦးကျော်မြင့်က ပြောပါတယ်။

နောက်ပြီး တက္ကသိုလ်ကို ပညာရေးဝန်ကြီး ဌာနကနေ မထိန်းချုပ်ပဲ၊ တက္ကသိုလ် ကောင်စီရဲ့ အောက်မှာ ထားရှိဖို့ စတဲ့ အချက်တွေလည်း ပါဝင်တယ်လို့ ပြောပါတယ်။

တကယ်တန်းတော့ ၂၀၁၂ တက္ကသိုလ် ပညာရေး ဥပဒေကြမ်း ကို ဒေါ်အောင်ဆန်းစုကြည်နဲ့ အန်အဲလ်ဒီ အမတ်တွေ လွှတ်တော်ထဲ မရောက်ခင် ကာလက ပြည်သူ့ လွှတ်တော် ပညာရေး မြှင့်တင်မှု ကော်မတီက ရေးဆွဲခဲ့ကြ တာပါ။

အခု ဥပဒေကြမ်းကို အသစ်ပြန်ရေးဆွဲမယ်ဆိုတော့ ဟိုးအရင်ကလို နိုင်ငံကတာ စံမီ တက္ကသိုလ်ကြီး ပြန်ဖြစ်လာဖို့ တထစ် နီးလာပြီလို့ ပြောရမှာ ဖြစ်ပါတယ်။

လစ်သူယေးနီးယားရဲ့ ပထမဆုံး ရွှေကို ယူပေးခဲ့တဲ့ ဆယ့်ငါးနှစ်အရွယ် ရုတ

အိုလံပစ် တတိယနေ့ ရွှေ ၁၂ ခု ထပ်ယူကြ

လန်ဒန် အိုလံပစ် တတိယနေ့မှာ ရွှေ ၁၂ ခုထပ် ယူခဲ့ကြ

လန်ဒန် အိုလံပစ် တတိယနေ့မှာ အားကစား ဟဲဗီးဝိတ် တရုတ်နဲ့ အမေရိကန်တို့ ရွှေ တံဆိပ်တွေ ထပ်ယူခဲ့ကြပါတယ်။

ဒိုင်ဗင် အမျိုးသား ဆယ်မီတာ နှစ်ယောက်တွဲမှာ တရုတ်က ကောက်ယွမ်နဲ့ ကျန့်ယမ်ကွမ်းတို့ အတွဲက ရွှေတံဆိပ်ယူသွားပြီး မက္ကဆီကိုကငွေ၊ USA က ကြေးရပါတယ်။

ယူကေ ဝန်ကြီးချုပ် ဒေးဗစ်ကင်မရွန်ကိုယ်တိုင် ဗြိတိန်အသင်းက တွမ်ဒလေးနဲ့ ပီတာ ဝေါ်တာဖီးလတို့ အတွဲကို လာအားပေးပေမယ့် စတုထ္ထပဲ ရပြီး ဆုတံဆိပ်နဲ့ ကပ်လွဲခဲ့ပါတယ်။

တရုတ်အသင်းက အမျိုးသား အသင်းလိုက် အလှပြ ကျွမ်းဘားနဲ့ အလေးမ အားကစားတွေကနေလည်း ရွှေတခုစီ ယူခဲ့ပါတယ်။

အမျိုးသား အသင်းလိုက် အလှပြ ကျွမ်းဘားမှာ ဗြိတိန်အသင်းက တတိယ ကြေးတံဆိပ်ရပြီး နှစ်ပေါင်း တရာအတွင်းမှာ ဗြိတိန် ကျွမ်းဘား အားကစား သမားတွေ ပထမဆုံးအကြိမ် အဖြစ် ဆုတံဆိပ်တခု ရယူနိုင်တာ ဖြစ်ပါတယ်။

ဂျပန်က အမျိုးသမီး ဂျူဒို ၅၇ ကီလိုတန်းကနေ ခု အိုလံပစ်အတွက် ပထမဆုံး ရွှေတံဆိပ်တခု ယူနိုင်ခဲ့ပါတယ်။

ဂျပန်လိုပဲ မနေ့က ပထမဆုံး ရွှေတံဆိပ်တခု ယူနိုင်ခဲ့တဲ့ အသင်းက ရိုမေးနီးယားနဲ့ လစ်သူယေးနီးယားပါ။

အမျိုးသား ဆယ်မီတာ လေသေနတ်ပစ် ပြိုင်ပွဲမှာ ရိုမေးနီးယားက အာလင် မော်လဒိုဗီးနူးက ရွှေတံဆိပ်ယူပေးခဲ့ပြီး အီတလီက ငွေနဲ့ အိန္ဒိယက ကြေးတံဆိပ် ရပါတယ်။

ဒီကြေးတံဆိပ်ဟာ အိန္ဒိယ အသင်းရဲ့ ခုလန်ဒန် အိုလံပစ်မှာ ပထမဆုံးရတဲ့ ဆုတံဆိပ်လည်း ဖြစ်ပါတယ်။

နောက်တခါ လစ်သူယေးနီးယားအသင်းအတွက် ပထမဆုံး ရွှေကိုတော့ အမျိုးသမီး ရေကူး မီတာ တရာ ရင်ဘောင်တန်း ပြိုင်ပွဲမှာ အသက် ဆယ့် ငါးနှစ်အရွယ် ရူတာ မေလူတိုက်က ယူပေးခဲ့ပါတယ်။

မနေ့က ရေကူးကနေ ရွှေတံဆိပ် လေးခု ထွက်လာခဲ့ရာမှာ ကျန်တဲ့ သုံးခုကို အမေရိကန်က နှစ်ခုနဲ့ ပြင်သစ်က တခု ယူသွားပါတယ်။

အမျိုးသမီး မီတာ တရာ ပက်လက်ကူးမှာ အမေရိကန်က မစ်စီ ဖရန်ကလင်က USA အတွက် ရွှေတံဆိပ် ယူပေးခဲ့ပြီး အမျိုးသား မီတာ တရာ ပက်လက်ကူးမှာ အမေရိကန်က မက်သယူး ဂါဗာက ရွှေတခု ယူပေးခဲ့ပါတယ်။

နောက်ဆုံးကျန်တဲ့ ရွှေတခုကို ပြင်သစ်က ယန်းနစ် အက်ဂနဲလက ယူသွားပါတယ်။

ဒီရွှေဟာ ယန်းနစ် အက်ဂနဲလအတွက် ဒုတိယရွှေ ဖြစ်ပြီး ပထမရွှေကို တနင်္ဂနွေ နေ့က မီတာ လေးရာ လက်ဆင့်ကမ်းကနေ ယူခဲ့တာဖြစ်ပါတယ်။

မြန်မာ အားကစား သမားတွေရဲ့ အခြေအနေကို ကြည့်ရင် အမျိုးသား တဉီးချင်း မြှားပစ်မှာ နေမျိုးအောင်ဟာ ရိုမေးနီးယားက ပြိုင်ဘက်ကို အနိုင်ရခဲ့ပေမယ့် နောက်ဆုံး ဆယ့်ခြောက်နေရာ အတွက် လုရာမှ ယူကရိန်းက အိဗက်ရှကိုကို ရှုံးပြီး ပြိုင်ပွဲက ထွက်သွားရပါတယ်။

တတိယနေ့ ပွဲစဉ်တွေအပြီးမှာ တရုတ်အသင်းက ရွှေ ကိုးခု အပါအဝင် ဆုတံဆိပ် ပေါင်း ၁၇ ဆုနဲ့ ထိပ်ကပြေးနေပြီး USA က ရွှေ ငါးခုနဲ့ ဒုတိယနေရာမှာ ရှိပါတယ်။

ပြင်သစ်နဲ့ မြောက်ကိုရီးယားက ရွှေသုံးခုစီနဲ့ အမေရိကန်နောက်မှာ ကပ်လိုက်နေ ပါတယ်။

လယ်သိမ်းခံရပြီး နစ်နာကြေးမရတဲ့ လယ်သမားတွေ ဆန္ဒဖော်ထုတ်

စစ်ကိုင်းတိုင်း စစ်ကိုင်းမြို့နယ် အတွင်းက ရွာပေါင်း(၄)ရွာက လယ်ဧက(၄၀၀)ကျော် နှစ်နာကြေးမရဘဲ သိမ်းဆည်းခံထားရတဲ့ လယ်သမားတွေက လယ်ယာမြေပြန်ရရေးအတွက် မနေ့က လယ်သမား(၁၀၀)ကျော် ဆိုင်းဘုတ်ကိုင်ပြီး ပထမအ ကြိမ် ဆန္ဒပြခဲ့ကြပါတယ်။

စစ်ကိုင်း မြို့နယ်အတွင်းက ချောင်းပေါက်ကျေးရွာ-ပေါက်တော-မြေနိုင်-ကြောင်ချောင့်ကျေးရွာ- ရွာ (၄)ရွာက လယ်မြေဧက(၄၀၀)ကျော်ကို အစိုးရက(၁၉၉၈)ခုနှစ်က သိမ်းဆည်း သွားခဲ့တာ ဖြစ်ပါတယ်။

မနေ့တော့ လယ်သမား(၁၀၀)ကျော်က လယ်ယာမြေပြန်ရရေး အတွက် ဆိုင်းဘုတ်ကိုင် ကြွေးကျော်သံတွေနဲ့ ဆန္ဒထုတ် ဖော်ခဲ့ပြီး သိမ်းဆည်းစဉ် ကာလက နစ်နာကြေး မရခဲ့တဲ့ အကြောင်း လယ်ပိုင်ရှင် တဦးဖြစ်တဲ့ ဦးကျော်တင့်က ပြောပါတယ်။

စတင် သိမ်းဆည်းသွားထဲက အထက်ကို တောင်းဆို တိုင်တန်းတာတွေ လုပ်ခဲ့ပေမဲ့ မရတဲ့အပြင် ခြိမ်းခြောက် ထောင်ချတာခံခဲ့ရတဲ့ အကြောင်းလဲ ဦးကျော်တင့်က ရှင်းပြပါတယ်။

ခုဆန္ဒထုတ်ဖော် စီတန်းလှည့်လည်ခွင့်ကို ဇူလိုင်လ ၂၂ရက်နေ့က ကြိုတင် အကြောင်းကြား ခဲ့ရပြီး ၂၈ရက် နေ့မှာ လုပ်ခွင့်ရတာကြောင့် မနေ့က ဆန္ဒထုတ် ဖော်တာလို့သိရပါတယ်။

သိမ်းဆည်း မြေထက် ပိုသိမ်း ယူခံထားရပြီး လက်ရှိ လယ်သမားတွေ အလုပ်လက်မဲ့ဘ၀ ရောက်နေတယ် လို့ ပြောပါတယ်။

ဆန္ဒထုတ်ဖော်မှုနဲ့ ပတ်သက်လို့ နေပြည်တော် စက်မှု့(၁)၀န်ကြီးဌာန ရုံးအဖွဲ့မှူး ဦးတင်မြင့်က လောလောဆယ် ညှိနှိုင်းလို့ မရနိုင်သေးဘူးလို့ အကြောင်းပြန်ကြားခဲ့တယ်လို့ ပြောပါတယ်။

လယ်သမား တွေကတော့ ဆက်ပြီး ဆန္ဒပြမယ်လို့ ဆိုပါတယ် ။

အလားတူ ရန်ကုန်တိုင်း ၊ ဧရာဝတီတိုင်း ၊ ပဲခူးတိုင်း၊ မကွေးတိုင်း အပြင် မန္တလေးမြို့က တောင်သူလယ်သမား တွေဟာ အသိမ်းခံ လယ်မြေတွေ ပြန်ရဖို့ ဆန္ဒထုတ် ဖော်ဖို့ ပြင်နေတယ်လို့ သိရပါတယ်။

ကင်တားနား မောင်တောကို သွား

မြန်မာနိုင်ငံမှာ ရောက်ရှိနေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်စ်အိုဟေး ကင်တားနားဟာ ဇူလိုင်လ ၃၁ ရက်နေ့ မနက်ပိုင်းက စစ်တွေမြို့ကိုရောက်ရှိလာပြီး အဲဒီကမှ တဆင့် ရဟတ်ယာဉ်တွေနဲ့ မောင်တောမြို့ကို သွားရောက်ခဲ့ပါတယ်။

မောင်တောမြို့မှာတော့ သူဟာ ဌာနဆိုင်ရာ ဝန်ထမ်းအဖွဲ့အစည်း အကြီးအကဲတွေ၊ ဦးယာဆင်ခေါင်းဆောင်တဲ့ မူဆလင် လူကြီး ငါးဦးတို့နဲ့ တွေ့ဆုံပြီး အခြေအနေတွေကို မေးမြန်း စုံစမ်းခဲ့တယ်လို့ သိရပါတယ်။

နေ့လယ်ပိုင်းမှာတော့ ပြီးခဲ့တဲ့ လက ဖြစ်ခဲ့တဲ့ အကြမ်းဖက်မှုတွေကြောင့် နေအိမ်တွေကို စွန့်ခွာထွက်ပြေးနေရတဲ့ ဒုက္ခသည်တွေရှိရာ လေးမိုင်နဲ့ အလိုတော်ပြည့်ကျောင်းတွေကိုလည်း သွားရောက်ကြည့်ရှုခဲ့ပါတယ်။

မစ္စတာ ကင်တားနားရောက်နေတုန်းမှာ မောင်တောမြို့မှာ ရှိတဲ့ ရခိုင်လူမျိုး ၂၀၀ လောက်က နိုင်ငံတော်အလံတွေ၊ ပိုစတာတွေကိုင်ဆောင်ပြီး လမ်းဘေးမှာ စီတန်းရပ်လို့ ဆန္ဒထုတ်ဖော်ခဲ့ကြပါတယ်။

သူတို့ကိုင်ထားတဲ့ ပိုစတာတွေမှာ သမ္မတကြီးဆုံးဖြတ်ချက်ကို လေးစားပါ၊ အချုပ်အခြာ အာဏာကို လေးစားပါ၊ တိုင်းရင်းသားတို့ရဲ့ အခွင့်အရေးကို လေးစားပါ၊ မျှမျှတတ ဆက်ဆံပါ ဆိုတဲ့ စာသားတွေ ရေးထားတယ်လို့ မောင်တော မြို့ခံတယောက်က ဘီဘီစီကို ပြောပါတယ်။

မစ္စတာကင်တားနားနဲ့ အဖွဲ့ဟာ ညနေပိုင်းမှာ ရဟတ်ယာဉ်တွေနဲ့ မောင်တောမြို့ကတဆင့် ဘူးသီးတောင်မြို့ကို သွားရောက်ဖို့ ရှိပေမဲ့ မိုးတွေသည်းထန်နေတဲ့ အတွက် မသွားနိုင်ပဲ စစ်တွေကိုပဲ ပြန်လာပြီး ညအိပ်ရပ်နားခဲ့ပါတယ်။ မနက်ဖန် မနက်ပိုင်းမှာ ဘူးသီးတောင်ကို သွားရောက်ဖို့ ရှိတယ်လို့ စစ်တွေ မှာ ရောက်နေတဲ့ သတင်းထောက် တယောက်က ပြောပါတယ်။ 

မြန်မာ ဒုသမ္မတသစ် ဘယ်သူ ဖြစ်လာမလဲ

ရာထူးကနေ နှုတ်ထွက်သွားတဲ့ ဒုသမ္မတ ဦးတင်အောင်မြင့်ဦး နေရာအတွက် ဘယ်သူ့ကိုမှ အတည် မပြုနိုင်သေးပါ

ရာထူးကနေ နှုတ်ထွက်သွားတဲ့ ဒုတိယ သမ္မတ ဦးတင်အောင်မြင့်ဦး ရာထူးနေရာ အတွက် ဒုသမ္မတသစ် တဦးကို လွှတ်တော်က အတည်ပြုပေးဖို့ နောက်ဆုံးရက် ရောက်ပြီ ဖြစ်ပေမယ့် အတည်ပြု နိုင်ခြင်း မရှိခဲ့ပါ။

ပြီးခဲ့တဲ့ ၁ဝ ရက်နေ့ တုန်းကတော့ ရန်ကုန်တိုင်း ဝန်ကြီးချုပ် ဦးမြင့်ဆွေ နာမည်ကို ပြည်ထောင်စု လွှတ်တော် နာယက ဆီကို ပေးဖို့ထားပြီ ဖြစ်ပေမယ့် ဒီကနေ့ အင်္ဂါနေ့ အထိ အတည် ပြုမနိုင်ဘဲ ဒုတိယ သမ္မတ နေရာ အတွက် လူသစ်နဲ့ အစားထိုး လိုက်တယ် လို့လည်း သတင်းတွေ ထွက်လာပါတယ်။

ဒုတိယ သမ္မတသစ် တဦးကို ပြည်ထောင်စု လွှတ်တော်တင်သွင်းပြီး ၂၁ ရက် အတွင်း အတည်ပြုရမယ်လို့ ဖွဲ့စည်းအုပ်ချုပ်ပုံ အခြေခံ ဥပဒေမှာ ပြဌါန်း ထားပါတယ်။

ရန်ကုန်တိုင်း ဝန်ကြီးချုပ် ဦးမြင့်ဆွေ နာမည်ကို ပြီးခဲ့ ၁ဝ ရက်နေ့က ပြည်ထောင်စု လွှတ်တော် နာယက ဆီကို ပေးပို့ခဲ့ပြီး ဖြစ်ပါတယ်။ ဒီကနေ့ ဆိုရင် ၂၁ ရက် ပြည့်သွားပြီ ဖြစ်ပေမယ့် လည်း ပြည်ထောင်စု လွှတ်တော် ခေါ်တာ မရှိသလို ဒုတိယ သမ္မတကို အတည်ပြုဖို့ မလုပ်နိုင်သေးဘူး ဖြစ်နေပါတယ်။

အစိုးရ အသိုင်းအဝိုင်းက သိရတာ ကတော့ ရန်ကုန်တိုင်း ဝန်ကြီးချုပ် ဦးမြင့်ဆွေကို ဒုတိယသမ္မတ အဖြစ် တင်သွင်းထားပေမယ့် ဖွဲ့စည်း အုပ်ချုပ်ပုံ အခြေခံဥပဒေ က သတ်မှတ် ထားတဲ့ အရည်အချင်းနဲ့ မညီညွှတ်တဲ့ အတွက် ပယ်လိုက်ပြီး နောက်ထပ် လူသစ်တဦး အမည်ကို ပြည်ထောင်စု လွှတ်တော်ကို ထပ်မံပေးပို့ ထားတယ်လို့ ဆိုပါတယ်။

ဦးမြင့်ဆွေဟာ ဘယ်လိုအချက်တွေနဲ့ မညီညွှတ်သလဲ ဆိုတာကို ဒုသမ္မတ ရွေးချယ်ရေး အဖွဲ့က ထုတ်ဖေါ် ပြောဆိုတာ မရှိပေမယ့်လည်း သူ့ရဲ့မိသားစု ဝင်ထဲမှာ နိုင်ငံခြားသား ခံယူ ထားတဲ့သူ ရှိတယ်ဆိုတဲ့ သတင်းတွေ စောစောပိုင်း တုန်းကတော့ ကျယ်ကျယ်ပြန့်ပြန့် ထွက်လာခဲ့ ပါတယ်။

အခုလက်ရှိ အချိန်မှာတော့ တပ်မတော်သားများ ကိုယ်စားလှယ် အဖွဲ့ကနေပြီး ရေတပ်ဦးစီးချုပ် ဒုတိယဗိုလ်ချုပ်ကြီး ဉာဏ်ထွန်းကို ဒုသမ္မတအဖြစ် အမည် တင်သွင်း ထားတယ်လို့ သိရပါတယ်။

ဒုတိယ ဗိုလ်ချုပ်ကြီး ဉာဏ်ထွန်းဟာ ဒီအက်စ်အေ အပတ်စဉ် ၁၆ က ဖြစ်ပါတယ်။

တရုတ်စစ်တပ် လွှမ်းမိုးလာမှု ဂျပန်သတိပေး

အာဏာရ တရုတ်ကွန်မြူနစ်ပါတီနဲ့ စစ်တပ်ကြား ဆက်ဆံရေးတွေဟာ တဖြည်းဖြည်း နီးစပ်ရှုပ်ထွေး လာနေရာက တိုင်းပြည်ရဲ့ နိုင်ငံခြားရေးရာ မူဝါဒတွေမှာ စစ်တပ်က သြဇာလွှမ်းမိုး လာနေတယ်လို့ ဂျပန်နိုင်ငံက သတိပေးလိုက်ပါတယ်။ တရုတ်နိုင်ငံက ပြောင်းလဲလာတဲ့ ပုံစံဟာ အန္တရာယ်ရှိတဲ့ အခြေအနေမှာ ရှိနေတယ်လို့လည်း ဂျပန်နိုင်ငံရဲ့ ကာကွယ်ရေးဆိုင်ရာ နှစ်စဉ် ဆန်းစစ်ချက်အဖြစ် ဒီကနေ့ ထုတ်ပြန်ရာမှာ ဖော်ပြခဲ့တာပါ။

လွန်ခဲ့တဲ့ ၂၄ နှစ်အတွင်း တရုတ်နိုင်ငံဟာ ကာကွယ်ရေး အသုံးစားရိတ်ကို အဆပေါင်း ၃၀ အထိ တိုးမြှင့် သုံးစွဲလာတာကိုလည်း ဆန်းစစ်ချက်က အလေးထား ဖော်ပြပါတယ်။ တခြား အရှေ့အာရှ နိုင်ငံတွေ အနေနဲ့ တရုတ်နိုင်ငံ ဦးတည်နေတဲ့ လမ်းကြောင်းအပေါ် သတိထားရလိမ့်မယ်လို့လည်း ဂျပန် ကာကွယ်ရေး ၀န်ကြီး Satoshi Morimoto က ဒီကနေ့ပဲ ပြောခဲ့တာပါ။

နှစ်စဉ် ဆန်းစစ်ချက်ထဲမှာတော့ ဂျပန်နိုင်ငံမှာ အမေရိကန် တပ်တွေ ရှိနေတဲ့အတွက် အခြေအနေကို ဟန့်တားနိုင်မယ့် လုပ်ရပ်အဖြစ်နဲ့ သာမက ဒေသတွင်းမှာ လုံခြုံမှုရှိသလို ခံစားချက်တွေ ဖန်တီးနိုင်တယ် လို့လည်း ဖော်ပြခဲ့ပါတယ်။ ဒေသတွင်းက ခြိမ်းခြောက်မှု နောက်တခု အနေနဲ့ကတော့ မြောက်ကိုရီးယား ရဲ့ နျူကလီးယား လက်နက် ထုတ်လုပ်ဖို့ ရည်မှန်းချက် ဖြစ်တယ်လို့လည်း ဂျပန်နိုင်ငံရဲ့ ကာကွယ်ရေး ဆိုင်ရာ နှစ်စဉ် ဆန်းစစ်ချက် ကဖော်ပြခဲ့တာ ဖြစ်ပါတယ်။

အိန္ဒိယနိုင်ငံထက်ဝက် လျှပ်စစ်ပြတ်တောက်

အိန္ဒိယနိုင်ငံမှာ လျှပ်စစ်မီးလိုင်းတွေ ပျက်ရာက လူဦးရေရဲ့ ထက်ဝက်ကျော် သန်းပေါင်း ၆၀၀ ကျော်ဟာ မီးမရပဲ နေထိုင် နေကြရပါတယ်။ ရက်ပေါင်း အတော်ကြာ မီးပျက်နေတဲ့ အထဲမှာ ဒုတိယ အဆိုးဆုံး အဖြစ် နယူးဒေလီ မြို့တော်၊ Kolkata စတဲ့မြို့ကြီးတွေ အပါအ၀င် နိုင်ငံ မြောက်ပိုင်းနဲ့ အရှေ့ ပိုင်း ဒေသတွေ က ပြည်နယ် ၁၂ ခုမှာ ဒီကနေ့ လျှပ်စစ်မီးတွေ ပြတ်တောက်နေတာပါ။

နယူးဒေလီ မြို့တော်မှာ မီးရထားတွေ မပြေးဆွဲနိုင်ဘဲ ရပ်ထားရသလို၊ လမ်းမီးပွိုင့်တွေလည်း မီး မလာ ဘဲ ဖြစ်နေပါတယ်။ အနောက်ဘန်ဂေါ ပြည်နယ်မှာ ဆိုရင်လည်း သတ္ထုတွင်းတူး လုပ်သား ရာပေါင်း များစွာဟာ မီးပျက်သွားတဲ့ အတွက် တွင်းထဲမှာ ပိတ်မိနေကြပါတယ်။ လူပေါင်း သန်း ၃၀၀ ကျော် မီးပျက်တဲ့ ဒဏ်ခံနေရတဲ့ မြောက်ပိုင်းဒေသမှာ လျှပ်စစ်မီး ကုမ္ပဏီတွေက မနေ့က နှောင်းပိုင်းမှာပဲ မီးတွေ ပြန်ပေးနိုင်ခဲ့ပေမဲ့ ဒီကနေ့ နေ့လယ်ပိုင်းမှာတော့ ဓာတ် မဟာလိုင်း ပြန်ပျက်သွားခဲ့တာပါ။

အိန္ဒိယနိုင်ငံမှာ လျှပ်စစ်မီး အလုံအလောက် မရတာဟာ မဆန်းလှပေမဲ့ အခုလို လူပေါင်းသန်းနဲ့ချီ မီးပျက်တဲ့ အဖြစ်မျိုးကြောင့် စီးပွားရေးမှာ မဟာအင်အားကြီး တိုင်းပြည်တခုဖြစ်ဖို့ ကြိုးစားနေတဲ့ နိုင်ငံ တခုအဖြစ် အခြေခံ အဆောက်အအုံ လိုအပ်ချက်တွေ ရှိနေတာကို ထောက်ပြရာ ရောက်နေတယ်လို့ ဆန်းစစ်သူတွေက မြင်ကြပါတယ်။

လူဦးရေ သန်းပေါင်း ၁,၂၀၀ ကျော်ရှိတဲ့ အိန္ဒိယမှာ လျှပ်စစ်မီးရဖို့ ကျောက်မီးသွေးကနေ အဓိကထား ထုတ်လုပ် နေတာလည်း ဖြစ်ပါတယ်။

အရာရှိကြီးများ ပစ္စည်းဥစ္စာ ပိုင်ဆိုင်မှု ကြေညာရမည်

နိုင်ငံတော် တရားစီရင်ရေးနဲ့ အုပ်ချုပ်ရေးဆိုင်ရာ အရာရှိကြီးတွေအားလုံးရဲ့ ပိုင်ဆိုင်မှုတွေကို စာရင်းပြုစု တင်ပြရန် ညွန်ကြားချက် ထုတ်ပြန် လိုက်ပါတယ်။ သမ္မတ ဦးသိန်းစိန် က သမ္မတရုံးက ပိုင်ဆိုင်မှုစာရင်းတွေ ပြုစုပြီး တင်ပြဖို့ အခုလို အမိန့်ကြေငြာစာထုတ်ပြန်လိုက်တာဟာ ကောင်းတဲ့ လက္ခဏာတခုဖြစ်ပေမဲ့ ပိုင်ဆိုင်မှုတွေကို မှန်မှန်ကန်ကန် တင်ပြခြင်း ရှိမရှိကိုတော့ မေးခွန်း ထုတ်စရာရှိတယ် လေ့လာသူတွေက ပြောပါတယ်။ အပြည့်အစုံကိုတော့ ဘန်ကောက် VOA ရုံးခွဲကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။ ဒီညွန်ကြားချက်ကတော့ လွှတ်တော်အတည်ပြုချက်နဲ့ နိုင်ငံတော်သမ္မတက ခန့်အပ်ထားတဲ့ တရားစီရင်ရေးနဲ့ အုပ်ချုပ်ရေးအဖွဲ့ဝင် ၀န်ကြီးတွေ အပါ အ၀င်၊ အရာကြီးတွေအနေနဲ့ တစီးပွား တည်းဖြစ်တဲ့ စီးပွားရေးလုပ်ငန်းတွေနဲ့ ပိုင်ဆိုင်မှုတွေ အားလုံးကို တန်ဖိုးနဲ့တကွ စာရင်း ပြုစု ပြီး နိုင်ငံတော် သမ္မတထံ ပေးပို့ရမည်ဆိုတဲ့ ညွန်ကြားချက် အမိန့်ဖြစ်ပါတယ်။ သမ္မတဦးသိန်းစိန် သမ္မတရာထူးကို လက်ခံရယူတဲ့ မိန့်ခွန်းထဲမှာလည်း ကောင်းမွန် သန့်ရှင်းတဲ့ အစိုးရတရပ်ဖြစ်ဖို့ ကြိုးစား လုပ်ဆောင်သွားမယ်လို့ ပြောထားခဲ့တဲ့ကတိရှိတာကြောင့် ပြည်သူလူထုရဲ့ ကိုယ်စားလှယ်တယောက်အနေနဲ့ ကြိုဆိုပါတယ်လို့ ပုသိမ်မဲဆန္ဒနယ်မြေကိုယ်စားပြု NLD လွှတ်တော်အမတ် ဦးဝင်းမြင့်က ပြောပါတယ်။ “ကျနော်တို့ကတော့ တိုင်းသူပြည်သားတွေအတွက် ကောင်းမွန်တဲ့ အုပ်ချုပ်ရေးဖြစ်မယ်၊ တကယ် သန့်ရှင်းတဲ့ အစိုးရဖြစ်ဖို့ လုပ်တာဆိုလို့ ရှိရင် ကျနော်တို့ကတော့ ကျေနပ်တာပေါ့၊ ပြည်သူလူထုရဲ့ ကိုယ်စားလှယ်တွေအနေနဲ့ ဒါကတော့ ၀မ်းသာတာပေါ့.. ကြိုဆိုပါတယ်” ဦးဝင်းမြင့်ဟာ အစိုးရသစ်လက်ထက်မှာ Good Governance လို့ခေါ်တဲ့ ကောင်းမွန်သော အုပ်ချုပ်ရေး၊ Clean Government လို့ခေါ်တဲ့ သန့်ရှင်းသော   အစိုးရ ဖြစ်ပေါ်လာဖို့ အတွက် ပြည်ထောင်စု အစိုးရ အဖွဲ့ဝင်၊ တိုင်းဒေသကြီး အစိုးရ အဖွဲ့ဝင်၊ ပြည်နယ်အစိုးရ အဖွဲ့ဝင်တွေအဖြစ် တာဝန်ပေးအပ်ခံရသူတွေ အနေနဲ့ မိမိတို့ရဲ့ ရွှေ့ပြောင်းနိုင်သော ပစ္စည်း၊ မရွှေ့ ပြောင်းနိုင်သော ပစ္စည်းတွေနဲ့ အကျိုးစီးပွားတွေကို ထုတ်ဖော်ကြေညာပြီးတော့ မှတ်တမ်း တင် ထားသင့်တယ် ဆိုတဲ့ အဆိုကို ဇွန်လ ၁၆ ရက်နေ့မှာ တင်သွင်းခဲ့သူ ဖြစ်ပါတယ်။ အဲဒီ အဆို ကို ဆွေးနွေးဖို့အတွက်ကိုတော့ လွှတ်တော်က ဇူလိုင်လ ၂၅ ရက်နေ့မှာ အတည်ပြုပေးခဲ့တာပါ။ တကယ်တော့ ပြည်ထောင်စုအစိုးရအဖွဲ့ ဥပဒေ ပုဒ်မ ၁၀၁ အရ တနှစ်အတွင်း ဒီပိုင်ဆိုင်မှုတွေကို တင်ပြရမယ်ဆိုတဲ့ ပြဋ္ဌာန်းချက် ပါရှိထားပေမဲ့ အခု အစိုးရဖွဲ့ပြီး ၂နှစ် နီးပါးကြာလာတဲ့အထိ ပိုင်ဆိုင်မှုတွေကို တင်ပြခြင်း မရှိသေးဘူးလို့ လေ့လာသူတွေက ထောက်ပြ ပြောဆိုကြ တာ ဖြစ်ပါတယ်။ ဒီညွန်ကြားချက်ကို ဇူလိုင်လ ၂၆ ရက်နေ့မှာ ထုတ်ပြန်ပြီး သြဂုတ်လ ၁ ရက်နေ့မှာ အပြီး တင်ရမယ် လို့ ဖော်ပြထားတာကြောင့် ဒါဟာ မြန်ဆန်လွန်းပြီး တိကျမှု ရှိနိုင်ပါ့မလားလို့ ပြည်တွင်း သတင်း အယ်ဒီတာ ဦးကျော်ရင်မြင့် က ထောက်ပြ ပြောဆိုပါတယ်။ “ကျနေယ့်အမြင်ကတော့ လုပ်တာ ကောင်းပါတယ်၊ ကြိုဆိုပါတယ်၊ ဒီလောက် မြန်တာကတော့ မဖြစ်နိုင်ဘူး၊ မြန်တာက မမှန်နိုင်ဘူးလေ၊ မှန်ချင်ရင် မမြန်နိုင်ဘူး၊ သူတို့ လူကြီးတွေ ကျတော့ မြို့ တော်တော် များများမှာကို ပိုင်ဆိုင်ထားတဲ့ တိုက်တွေကို အကုန်စုံအောင် သတိရကြပါ့မလား မသိဘူး၊ အတွင်းပစ္စည်းတွေက ရှိသေးတယ်၊ အဲဒီတော့ အချိန် တစုံ တခု ပေးပြီးတော့မှ တကယ်ကိုပဲ မှန်မှန်ကန်ကန် တင်ပြဖို့ အလေ့အကျင့်လေးတော့ အရင် လုပ်ယူ ရမှာပေါ့လေ၊ ခုကတော့ အလေ့အကျင့် စလုပ်တဲ့အဆင့်လောက်ပဲ လုပ်လို့ ရမယ်ထင်တယ်” NLD လွှတ်တော်အမတ် ဦးဝင်းမြင့်ကတော့ သူတင်ထားတဲ့အဆိုကို လွှတ်တော်အမတ် အတော်များများက ထောက်ခံပြီး ဆွေးနွေးကြဖို့ အလားအလာ ရှိနေတာကြောင့် ပိုင်ဆိုင်မှု တင်ပြလာတဲ့ စာရင်းဇယား မှန်ကန်မှု ရှိမရှိဆိုတာကို စောင့်ကြည်တဲ့ လွှတ်တော် ကော်မီတီတရပ် ပေါ်ထွက်လာနိုင်ခြေ ရှိတယ်လို့ မြင်ပါတယ်။ “ စောင့်ကြည့်ရမှာပေါ့လေ၊ စောင့်ပြီး အကဲခတ်ကြည့်ရမှာပေါ့၊ အဲဒီအဆိုနဲ့ ပတ်သက်လို့ ခု လွှတ်တော်ထဲမှာ ၁၀ယောက်ကျော်လောက် ဆွေးနွေးဖို့ ရှိတယ်၊ ဆွေးနွေးပြီးတဲ့အခါကျတော့ ကျနော်တို့က အဆို အတည်ပြုသွားရင် ဒါ ဘယ်လို စောင့်ကြည့်မယ့်အဖွဲ့တွေ ပေါ်လာမလဲဆိုတာ၊ အဲဒီ အဆုံး အဖြတ်ပေါ်မှာ ကြည့်ရမှာပါ။ ခုဆိုရင် ၁၀ယောက်ကျော်လောက် ဆွေးနွေးမယ်ဆိုတော့ သူတို့လည်း ဒါကို ၀မ်းသာ ကြိုဆိုကြတယ်လေ၊ တခြား အဖွဲ့ တွေက ဘာပြောကြလဲဆိုတော့ သူတို့ ဖြစ်စေချင်တာ ကြာပြီပေါ့နော်၊ အဲဒီအဆိုကို လုပ်ချင်တာ ကြာပြီလို့ အားလုံး ကလည်း ၀မ်းပန်း တသာနဲ့ ကြိုဆိုကြပါတယ်။ အဲဒီအခါကျတော့ ဆွေးနွေးတဲ့ အပေါ်မှာ စောင့်ကြည့်လေ့လာတဲ့ အဖွဲ့တွေ ပေါ်လာမှာပေါ့၊ တဘက်ကလည်း ဒီလိုတော့ လုပ်နိုင် စရာတွေ ရှိတာပေါ့၊ ဒီ အဆို အတည်ပြုပြီ ဆိုရင်တော့ လွှတ်တော်ကလည်း စောင့်ကြည့်လေ့လာနေမှာပါ” NLD လွှတ်တော်အမတ် ဦးဝင်းမြင့် ပြောပြခဲ့တာပါ။ သမ္မတရုံးက အခု ထုတ်ပြန်လိုက်တဲ့ စာထဲမှာ တရား စီရင်ရေးနဲ့ အုပ်ချုပ်ရေးပိုင်းဆိုင်ရာ အရာရှိတွေ ပါဝင်ပေမဲ့လည်း တပ်မတော် အရာရှိတွေရဲ့ ပိုင်ဆိုင်မှုတွေနဲ့ ပတ်သက်တဲ့ ညွန်ကြားချက်တော့ ပါဝင်ခြင်း မရှိဘူးလို့ လေ့လာသူတွေ က ထောက်ပြ ပြောဆို ကြပါတယ်။ ဥပဒေပြဋ္ဌာန်းချက်အရ လွှတ်တော်ရဲ့ အတည်ပြုချက်နဲ့ နိုင်ငံတော်သမ္မတက ခန့်အပ်ထားသူတွေ ကတော့ ပြည်ထောင်စု တရားသူကြီးချုပ်နဲ့ ပြည်ထောင်စု တရားလွှတ်တော်ချုပ် တရားသူကြီး များ၊ နိုင်ငံတော်ဖွဲ့စည်းပုံ အခြေခံဥပဒေဆိုင်ရာ ခုံရုံးဥက္ကဌနဲ့ အဖွဲ့ဝင်များ၊ ပြည်ထောင်စု ၀န်ကြီး များ၊ ပြည်ထောင်စု ရှေ့နေချုပ်၊ ပြည်ထောင်စု စာရင်းစစ်ချုပ်၊ တိုင်းဒေသကြီး၊ ဒါမှမဟုတ် ပြည်နယ် အစိုးရအဖွဲ့ ၀န်ကြီးချုပ်နဲ့ ၀န်ကြီးများ၊ တိုင်းဒေသကြီး၊ ဒါမှမဟုတ် ပြည်နယ် ဥပဒေချုပ်များ၊ တရားသူကြီးချုပ်များနဲ့ တရားသူကြီးတွေ ပါဝင်တယ်လို့ သိရပါတယ်ခင်ဗျား။