28.07.2012 နေ့ဖတ်ရန်သတင်းများ

by Myanmar Journal on Saturday, July 28, 2012 at 3:06am ·

မြန်မာမှာ စီးပွားရေး လုပ်မယ့် ဂျပန်လုပ်ငန်းအဖွဲ့

မြန်မာနိုင်ငံက စီးပွားရေး ရင်းနှီးမြှုပ်နှံမှုတွေကို အထောက်အကူ ပြုဖို့ အတွက် ဂျပန် အစိုးရနဲ့ ပုဂ္ဂလိက အဖွဲ့အစည်းတွေ ပူးပေါင်း ဆောင်ရွက်မယ့် Task Force လုပ်ငန်း အဖွဲ့ တရပ်ကို ဂျပန်အစိုးရက သောကြာနေ့မှာ အတည်ပြုလိုက်ပါတယ်။

ဒီအဖွဲ့ကို မြန်မာနိုင်ငံက စီးပွားရေး လုပ်ငန်းတွေကို ဂျပန်အစိုးရနဲ့ ပုဂ္ဂလိက ကုမ္ပဏီတွေက ပူပေါင်း ကူညီနိုင်ဖို့ ဖွဲ့စည်းတာ ဖြစ်တယ်လို့ ဂျပန်နိုင်ငံခြားရေး ဌာန ပြောခွင့်ရ ပုဂ္ဂိုလ် မာအီဆာ ဆာတိုက ပြောပါတယ်။

တရုတ်က မြန်မာနိုင်ငံကို မဟာမိတ်အဖြစ် ဖမ်းဆုပ်ကိုင် ထားချင် နေတဲ့ အခုလို အချိန်မှာ ဂျပန်နိုင်ငံ ကလည်း မြန်မာနိုင်ငံမှာ အခြေချဖို့ ဝင်လာတာ ဖြစ်ကြောင်း ဂျပန်နိုင်ငံ ကန်ဒ တက္ကသိုလ်က ပါမောက္ခ ဒေါက်တာ အေးချမ်းက သုံးသပ်ပါတယ်။

ဂျပန်နိုင်ငံဟာ မြန်မာနိုင်ငံမှာ ရင်းနှီးမြှုပ်နှံဖို့အတွက် အတွေ့အကြုံ အများကြီး ရှိကြောင်းနဲ့ အာဆီယံ ဆယ်နိုင်ငံမှာလည်း ဂျပန်ဟာ အများဆုံး ရင်နှီးမြှုပ်နှံမှု လုပ်ခဲ့ဖူးကြောင်း သူက ဆက်ပြောပါတယ်။

အခုတော့ မြန်မာ နိုင်ငံမှာ ငွေရင်း ငွေနှီး အလုံးအရင်းနဲ့ အတတ် ပညာပိုင်းပါ အပါအဝင် ရင်းနှီးမြှုပ်နှံဖို့ လုပ်လာတာ ဖြစ်ကြောင်း သူကပြောပါတယ်။

သီလဝါဆိပ်ကမ်း ဖွံ့ဖြိုးရေးဆိုင်ရာ လုပ်ငန်းအဖွဲ့ တရပ်ကိုလည်း ဂျပန်အစိုးရက အတည်ပြုခဲ့ပါတယ်။

ဥရောပ သမဂ္ဂ ဆီက ဘဏ္ဍာရေး ကူငွေ ထပ်လို ချင်ရင် ဂရိ အစိုးရ ကတိပေး ထားတဲ့ အတိုင်း အကူအညီတွေ ဖြတ်တောက် ရလိမ့်မယ်လို့ ဥရောပ ကော်မရှင် ဥက္ကဋ္ဌ ဟိုဆေး မင်ညူရယ် ဘာရက်ဆိုက ဂရိ ဝန်ကြီးချုပ် အန်တိုနစ် ဆမားရပ်စ်ကို ပြောကြား လိုက်ပါတယ်။

အလုပ်နဲ့ သက်သေထူ ဖို့ မစ္စတာ ဘာရက်ဆိုက တောင်းဆို လိုက်ပါတယ်။

ယူရို ငွေကို ရတဲ့နည်းနဲ့ ထိန်းဖို့ ကြိုးစားမယ်လို့ ဥရောပ ဗဟိုဘဏ် အကြီးအကဲ မာရီယို ဒရာဂီ က ပြောကြား လိုက်ပြီးနောက် မနေ့က ဥရောပနဲ့ အမေရိကက စတော့ ဈေးတွေ ထိုးတက် သွားခဲ့ပါတယ်။

ခြိုးခြံရေး ဂရိကို အီးယူ ဖိအားပေး

ဥရောပ သမဂ္ဂ ဆီက ဘဏ္ဍာရေး ကူငွေ ထပ်လို ချင်ရင် ဂရိ အစိုးရ ကတိပေး ထားတဲ့ အတိုင်း အကူအညီတွေ ဖြတ်တောက် ရလိမ့်မယ်လို့ ဥရောပ ကော်မရှင် ဥက္ကဋ္ဌ ဟိုဆေး မင်ညူရယ် ဘာရက်ဆိုက ဂရိ ဝန်ကြီးချုပ် အန်တိုနစ် ဆမားရပ်စ်ကို ပြောကြား လိုက်ပါတယ်။

အလုပ်နဲ့ သက်သေထူ ဖို့ မစ္စတာ ဘာရက်ဆိုက တောင်းဆို လိုက်ပါတယ်။

ယူရို ငွေကို ရတဲ့နည်းနဲ့ ထိန်းဖို့ ကြိုးစားမယ်လို့ ဥရောပ ဗဟိုဘဏ် အကြီးအကဲ မာရီယို ဒရာဂီ က ပြောကြား လိုက်ပြီးနောက် မနေ့က ဥရောပနဲ့ အမေရိကက စတော့ ဈေးတွေ ထိုးတက် သွားခဲ့ပါတယ်။

အိုလံပစ်ပွဲတော်ကြီး စတင်တော့မယ်

ဗြိတိန် ပြည်သူတွေအနေနဲ့ ဒီအားကစားပွဲ အခွင့်အရေးကို လက်လွတ် မခံ သင့်ဘူးလို့ မစ္စတာကင်မရွန်းက ပြော

၂၀၁၂ လန်ဒန် အိုလံပစ် အားကစားပွဲ ဖွင့်ပွဲအခမ်းအနား အခုညမှာ စတင်တော့ မှာ ဖြစ်တဲ့ အလျောက် ဗြိတိသျှ ဝန်ကြီးချုပ် ဒေးဗစ် ကင်မရွန်းက ကမ္ဘာပေါ်မှာ အကြီးကျယ်ဆုံးသော ပွဲကြီးတခု အတွက် ဗြိတိန် နိုင်ငံဟာ အဆင်သင့် ဖြစ်နေပြီ ဖြစ်ကြောင်း ပြောကြားလိုက်ပါတယ်။

အိုလံပစ် အားကစားပွဲတော်ဟာ ဗြိတိန်အတွက် အင်မတင်မှ ကြီးကျယ် ခမ်းနား လှကြောင်းနဲ့ ဒီအတွက် ဗြိတိန် ပြည်သူတွေအနေနဲ့ ဒီအခွင့်အရေးကို လက်လွတ် မခံ သင့်ဘူးလို့ မစ္စတာကင်မရွန်းက ပြောပါတယ်။

ဒီအိုလံပစ်ပွဲကို နိုင်ငံပေါင်း ၂၀၀ ကျော်က ပါဝင်ယှဉ်ပြိုင်ကြမှာ ဖြစ်ပါတယ်။ နိုင်ငံ ၉၅ ခုက ဘုရင် မိဖုရားနဲ့ တော်ဝင်မိသားသုတွေ၊ သမ္မတတွေ ဝန်ကြီးချုပ်တွေလဲ ရောက်နေကြပြီမို့ သူတို့ဟာ ဗြိတိသျှ ဘုရင်မကြီးနဲ့ မကြာခင် နာရီပိုင်းမှာ ဘတ်ကင်ဟမ် နန်းတော်မှာ တွေ့ဆုံကြဖို့ရှိနေပါတယ်။

မြားပစ် အဆင့်သတ်မှတ်ချက်ပွဲစဉ်

မြားပစ် လက်ရည်စစ်ပွဲတွေ စကျင်းပ

မနက်ပိုင်းမှာတော့ မြှားပစ် အဆင့် သတ်မှတ်တဲ့ ပွဲစဉ်တွေ စတင်ကျင်းပနေပါပြီ။ မြန်မာ အားကစားသမား နေမျိုးအောင်လည်း ပါဝင်ယှဉ်ပြိုင်နေပါတယ်။

အခု နောက်ဆုံးဝင်လာတဲ့ သတင်းအရ တောင်ကိုရီးယား မြားပစ်သမား နှစ်ယောက်က ကမ္ဘာ့စံချိန်သစ်တွေ တင်လိုက်နိုင်တယ်လို့ သိရပါတယ်။ ဒါပေမဲ့ အခုပွဲစဉ်ဟာ လက်ရည်အဆင့် သတ်မှတ်တဲ့ ပွဲပဲ ဖြစ်ပြီး ဆုတံဆိပ်ရတဲ့ တကဲ့ပြိုင်ပွဲ မဟုတ်သေးပါဘူး။

လန်ဒန် စံတော်ချိန် မနက်ပိုင်းမှာတော့ အိုလံပစ် မီးရှုးတိုင်ကို လန်ဒန်သိမ်းမြစ်ထဲမှာ ရေယာဉ်နဲ့ လှည့်လည် သယ်ဆောင်နေပါတယ်။

မနက် ၈ နာရီ ၁၂ မိနစ်မှာ လန်ဒန်က ဘစ်ဘင်နာရီစင်ကြီးက စလို့ တနိုင်ငံလုံး ခေါင်းလောင်းတွေ သုံးမိနစ်ကြာ ဆက်တိုက် ထိုးပြီး အိုလံပစ်ကို ကြိုဆိုကြပါတယ်။

လျှို့ဝှက်ချက်တွေနဲ့ ဖွင့်ပွဲ

အိုလံပစ် အားကစားပွဲတွေ လန်ဒန် စံတော်ချိန် ည ၉ နာရီမှာ ထူးထူးခြားခြား အစီအစဉ်တွေနဲ့ အိုလံပစ် အားကစားကွင်းကြီးထဲမှာ အခမ်းအနားတွေ စဖွင့်မှာပါ။

ဖွင့်ပွဲ အခမ်းအနားကို အကယ်ဒမီ ဆုရ ရုပ်ရှင်ဒါရိုက်တာ ဒင်နီ ဘွိုင်းက စီစဉ် တင်ဆက်မှာ ဖြစ်ပါတယ်။ အခမ်းအနားကို အစမ်းလေ့ကျင့်မှုတွေ နှစ်ကြိမ် လုပ်ခဲ့ပြီး ဖြစ်ပေမဲ့ ဘယ်လို အစီအစဉ်တွေပါမယ်ဆိုတာကို လုံးဝ လျှို့ဝှက်ထားပါတယ်။ အားကစားကွင်းအထဲက မီးရှုးတိုင်ကြီးကို ဘယ်သူ ထွန်းညှိပေးမှာလဲ ဆိုတာကိုလဲ အထူး လျှို့ဝှက် ထားပါတယ်။

ဖွင့်ပွဲ အစမ်းလေ့ကျင့်ရာမှာ ပါခဲ့သူတွေကတော် သူတို့ အနေနနဲ့ အစီအစဉ် အကုန်မသိရသေးဘူးလို့ ဆိုကြပါတယ်။

ဒီကနေ့ နေ့လယ်ပိုင်းမှာ ကရစ်ကက် အကြို လက်ရည်စစ်ပွဲ တချို့လဲ ကစားဖို့ရှိပါတယ်။

နံမယ်ကြီး စပိန် ပွဲဉီးထွက် ရှုံး

ဂျပန်နဲ့ စပိန်တို့ အကြိတ်အနယ် ယှဉ်ပြိုင်

အိုလံပစ် ပွဲတော် တရားဝင် ဖွင့်လှစ်ဖို့ နာရီပိုင်းပဲ လိုတော့ပေမယ့် အားကစား ပွဲတွေကတော့ ဗုဒ္ဓဟူးနေ့က အမျိုးသမီး ဘောလုံးပွဲနဲ့ စပါတယ်။

မနေ့က ကြာသပတေးနေ့မှာ အမျိုးသား ဘောလုံးပွဲ အုပ်စုအဆင့် ပွဲတွေ ကစားခဲပြီး ရွှေရနိုင်တယ်လို့ နံမယ်ကြီးနေတဲ့ စပိန် အသင်းဟာ ပွဲဉီးထွက်နေ့မှာ ဂျပန်ကို မထင်မှတ်ဘဲ တဂိုးဂိုးမရှိနဲ့ အရေးနိမ့်ခဲ့ပါတယ်။

သုံးဆယ့်လေး မိနစ်မှာ ဂျာမန် ဘွန်ဒက်စလီဂါမှာ ကစားနေတဲ့ Yuki Otsu က ကော်နာကတဆင့် ပွဲရဲ့ တလုံးတည်းသော ဂိုးကိုသွင်းယူသွားခဲ့ပါတယ်။

ဒုတိယပိုင်း မကူးခင်လေးမှာ စပိန်က မာတီနက်ဇ အထုတ်ခံရတာမို့ ချေပဂိုး ဘယ်လိုမှ မသွင်းနိုင်တော့ပါဘူး။

တအုပ်စုထဲမှာ hondurus နဲ့ မော်ရိုကိုတို့ နှစ်ဂိုးစီ သရေကျတာမို့ အုပ်စုဒီမှာ ဂျပန်က သုံးမှတ်ရထားပြီး နံမယ်ကြီး စပိန်ကတော့ ဘဲဥမကွဲသေးဘဲ အောက်ဆုံးမှာ ထိုင်နေပါတယ်။

အိမ်ရှင် ဗြိတိန် ပွဲဉီးထွက် သရေနဲ့ကျေနပ်ရ

အိမ်ရှင် ဗြိတိန်အသင်းက ပွဲဉီးထွက်နေ့မှာ ဆီနီဂေါနဲ့ ကစားရာမှာ တဂိုးစီ သရေ ကျပါတယ်။

Craig Bellamy က ပွဲစပြီး မိနစ် နှစ်ဆယ်အကြာမှာ Giggs ရဲ့ ဖရီးကစ်ကတဆင့် ဗွေဆော်ဉီးဂိုး စရှုးပြီး ပွဲပြီးခါနီးဆယ်မိနစ်ပဲ ကျန်တော့တဲ့ထိ တဂိုး ဂိုးမရှိနဲ့ ဉီးဆောင် နေရာမှာ ဆယ်မိနစ် အလိုမှာ ဆီနီဂေါက ချေပဂိုး သွင်းပြီး တမှတ်ယူသွားပါတယ်။

တအုပ်စုထဲမှာ ဥရုဂွေးက ယူအေအီး အာရပ် စော်ဘွားများ ပြည်ထောင်စုကို နောက်ကနေ ပြန်လိုက်ပြီး နှစ်ဂိုး တဂိုးနဲ့ အနိုင်ရသွားတာမို့ ဥရုဂွေးနဲ့ အိမ်ရှင် ဗြိတိန်တို့ အုပ်စုဗိုလ်နေရာကို ပူးတွဲ ယူထားပါတယ်။

အုပ်စုဘီမှာတော့ မက္ကဆီကိုနဲ့ တောင်ကိုရီးယား ဂိုးမရှိရေ ကျပြီးGabon နဲ့ ဆွတ်ဇာလန်တို့လည်း တဂိုးစီသရေကျတာမို့ လေးသင်းလုံး တမှတ်စီပဲ ယူထားကြပါတယ်။

အိုလံပစ် သတင်းတွေကို ဆက်ရရင်တော့ အိုလံပစ်မှာ ဆုတံဆိပ်ရမယ် မှန်းထား ကြတဲ့ အားကစားသမား နှစ်ယောက်မှာ မနေ့က တားမြစ်ဆေး တွေ့ရှိခဲ့ပါတယ်။။

ဂရိက အမြင့်ခုန် အားကစားသမား Dimitrios Chondrokoukis နဲ့ အေသင် အိုလံပစ်တုန်းက ငွေရခဲ့တဲ့ ဟန်ဂေရီက သံပြားဝိုင်းပစ် အားကစားသမား ကိုဗားကိုးတို့နှစ်ယောက်မှာ တားမြစ်ဆေး စစ်ဆေးတွေ့ရှိခဲ့ပါတယ်။

ဂရိ အားကစား အဖွဲ့ကတော့ ဆေးပြန်စစ်ဖို့ တောင်းဆိုထားပါတယ်။

ပရဲမီးယားလိဂ် နောက်ဆုံးသတင်းများ

ပရဲမီးယားလိဂ်မှာတော့ ဒီနှစ်မှာ တန်းပြန်တက်လာတဲ့ West ham က လီဗာပူး တိုက်စစ်မှု အင်ဒီကာရိုးကို စတာလင်ပေါင် ဆယ့်ငါးသန်းနဲ့ တရားဝင်း ကမ်းလှမ်းလိုက်ပါတယ်။ ဒါပေမယ့် ကာရိုးက ဝက်စဟမ်းကို သွားဖို့ စိတ်ဝင်းစားပုံ မပြသေးပါဘူး။

တခါမနှစ်က ပရဲမီးယားလိဂ်ရဲ့ အကောင်းဆုံး ဘောလုံးသမားဆုရတဲ့ မန်စီးတီး ကပ္ပတိန် ဗင်းစင့်ကုမ်ပဏီဟာ စီးတီးနဲ့ ခြောက်နှစ်သက်တမ်း စာချုပ် ချုပ်ဆိုလိုက်ပါတယ်။ ၂၆ နှစ်အရွယ် ဘယ်လဂျီယံ လက်ရွေးစဉ် ကုမ်ပဏီဟာ ၂၀၀၈ မှာ စီးတီးကို ဟမ်းဘပ် ကလပ်အသင်းက ရောက်လာခဲ့ပါတယ်။

ဆီးရီးယားမြောက်ပိုင်း အလက်ပိုမြို့မှ ကြက်ခြေနီအဖွဲ့ရပ်ထား

အလက်ပိုမြို့မှ အတိုက်အခံတွေ အစိုးရကို ပြန်ခုခံနေစဉ်

ဆီးရီးယားနိုင်ငံမြောက်ပိုင်း Aleppo မြို့ကိုအစိုးရတပ်ဖွဲ့တွေက သောကြာနေ့မှာ ထိုးစစ်တွေစလုပ်နေပါတယ်။ အဲဒီစစ်ပွဲတွေအတွင်း ဆီးရီးယားတပ်တွေက လူတွေအစုလိုက်အပြုံလိုက်သတ်ပစ်မှာ စိုးရိမ်ရတယ်လို့ အမေရိကန် နိုင်ငံခြားရေးဌာနက ပြောပါတယ်။ အစိုးရကိုထောက်ခံတဲ့ သတင်းစာကတော့ အားလုံးထဲမှာ အကြီးဆုံးဖြစ်တဲ့ Aleppo မြို့သိမ်းစစ်ပွဲစတော့မယ်လို့ ရေးထားပါတယ်။ ကုလသမဂ္ဂလူ့အခွင့်အရေး ဆိုင်ရာ မဟာမင်းကြီး နာဗီ ပီလေးက အခုရင်ဆိုင်ရမယ့်တိုက်ပွဲတွေမှာ နှစ်ဖက်စလုံးက အရပ်သားတွေကို သက်ညှာကြဖို့ သီးခြားတိုက်တွန်း လိုက်ပါတယ်။

တူရကီနယ်စပ်မှာ ရောက်နေတဲ့ ဘီဘီစီ သတင်းထောက်ကတော့ Aleppo မြို့ပတ်ပတ်လည်ကို အစိုးရတပ်တွေဝိုင်းဖို့ ပြင်ဆင်နေတဲ့အတွက် အလွန် ဆိုးဝါးတဲ့အခြေအနေဖြစ်တယ်လို့ဆိုပါတယ်။ အခုအခါ တိုက်ပွဲတွေကြောင့် လခြမ်းနီအဖွဲ့ကလည်း သူ့လုပ်ငန်းတွေမြို့ပေါ်မှာ ရပ်ထားလိုက်ပါပြီ။ သူပုန်တွေက ထိုးစစ်ကို ပြန်ခုခံနိုင်အောင် လက်နက်စုတာ ဆေးဝါးစုဆောင်းတာတွေ ပြင်ဆင်နေပါတယ်။ အခုမနက်ပိုင်းမှာပဲ မြို့အနောက်တောင် ပတ်ဝန်းကျင်ကို အစိုးရရဲ့ စစ်ရဟတ်ယဉ်ကနေ ပစ်ခတ်နေတယ်လို့ ဆီးရီးယား လူ့အခွင့်အရေး အဖွဲ့က ပြောပါတယ်။ အခုအခါ အရပ်သားအများအပြား Aleppo ကနေထွက်ပြေးနေကြပြီး လူတွေကို အကြမ်းဖက် တိုက်ခိုက်တာ ရှုတ်ချတဲ့အနေနဲ့ Aleppo မြို့ကလွှတ်တော် အမတ်ဟာလည်း တူရကီနိုင်ငံကို ထွက်ခွာပြီးအစိုးရကို ဆန့်ကျင်တဲ့အနေနဲ့ ဘက်ပြောင်းသွားပါတယ်။

မြန်မာ အသင်း စတင် ယှဉ် ပြိုင်

အိုလံပစ် ဖွင့်ပွဲ နေ့မှာ မြှားပစ် ပြိင်ပွဲ ပထမဆုံး နေ့ စတင်ခဲ့ ပါတယ်။

လန်ဒန် အိုလံပစ် အားကစား ပွဲတော်ကြီး တရားဝင် ဖွင့်လှစ်ပွဲ အခမ်း အနား မတိုင်ခင် အားကစားပွဲ တချို့ကို စတင် ကျင်းပခဲ့ ရာမှာ မြန်မာ့ လက်ရွေးစင် အားကစား သမား တစ်ယောက် ဖွင့်ပွဲ ကျင်းပမယ့် သောကြာနေ့က စတင် ယှဉ်ပြိုင် ခဲ့ပါတယ်။

မြန်မာ့ လက်ရွေးစင် မြားပစ် အားကစား သမား ကိုနေမျိုးအောင် စတင် ယှဉ်ပြိုင်ခဲ့တာ ဖြစ်ပါတယ်။

အခုပွဲစဉ်က လက်ရည် အဆင့် သတ်မှတ်တဲ့ ပွဲပဲ ဖြစ်ပြီး ဆုတံဆိပ် ပေးတဲ့ အဆင့် ပြိုင်ပွဲ မဟုတ်သေး ပါဘူး။

ကစားသမား ၆၄ ယောက်က မြား ၇၂ ချောင်းကို ပစ်ကြရာမှာ ကိုနေမျိုးအောင်က ၆၄၆ ချက်နဲ့ အဆင့် ၅၄ မှာ ချိတ်တယ်လို့ မြန်မာ နိုင်ငံ အိုလံပစ် ကော်မီတီ တွဲဘက် အထွေထွေ အတွင်းရေးမှူး ဦးခင်မောင်လွင်က ပြော ပါတယ်။

စနေနေ့မှာတော့ အခု ရထားတဲ့ ရလဒ်တွေပေါ် မူတည်ပြီး ရေးဆွဲ ထားတဲ့ ပွဲစဉ် တွေကို ယှဉ်ပြိုင်ကြရမှာ ဖြစ်တယ်၊ ရှုံးထွက် ပွဲတွေ ဖြစ်တယ်လို့ လည်း သူက ဆိုပါတယ်။

သေနတ်ပစ် အားကစားသမား ကိုမောင်ကြူနဲ့ တစ်ဦးချင်း လှေလှော် ကစားသမား မရွှေဇင်လတ် တို့လည်း စနေနေ့မှာ ပြိုင်ပွဲ ဝင်ကြ ရမှာဖြစ်ပါတယ်။

ဂျူဒို ကစားသမား မအေးအေးအောင်က သြဂုတ်လ ၂ ရက်နေ့မှာ ပတ်လည် ပွဲတွေ ကစားပြီး ပြေးခုန်ပစ် ပြိုင်ပွဲ မီတာ ၄၀၀ အပြေးသမား ကိုသက်ဇော်ဝင်းက သြဂုတ်လ ၄ ရက်မှာ ယှဉ်ပြိုင်ရမှာ ဖြစ်ပါတယ်။

မြန်မာ ကစား သမားတွေ အားလုံးက ပတ်လည် ပွဲတွေ၊ ရှုံးထွက်ပွဲ တွေကို အဆင့်ဆင့် ယှဉ်ပြိုင်ပြီး အကြို ဗိုလ်လုပွဲတွေ နဲ့ ဗိုလ်လုပွဲ အဆင့် အထိ တက်သွား ကြရမှာ ဖြစ်ပြီး မာရသွန် ပြေးပွဲ ဝင်မယ့် မနီလာစန်း ကတော့ သြဂုတ်လ ၅ ရက်နေ့ ကျမှ ပါဝင် ယှဉ်ပြိုင်ရမှာ ဖြစ်ပါတယ်။

ဇူလိုင် ၂၇ ရက် သောကြာနေ့ဆိုရင် လန်ဒန်အိုလံပစ်ပြိုင်ပွဲကြီး စတင်ဖွင့်လှစ်တော့ မှာပါ၊ ပွဲတော် ကာလတလျှောက် လုံခြုံရေး အတွက် စစ်ဖက်၊ ရဲ ဖက်နဲ့ အရပ်ဖက် လုံခြုံရေး ဝန်ထမ်း လေးသောင်း နီးပါး သုံး၊ လုံခြုံရေး အသုံး စရိတ် ဒေါ်လာ သန်း တစ်ထောင့်ငါးရာလောက် သုံးစွဲထားပါတယ်၊ ဖြစ်လာနိုင်မဲ့ အခြေအနေတွေကို တွက်ဆ ပြင်ဆင်မှုတွေလဲ အများကြီး လုပ်ထားပါတယ်၊ ဆိုတော့ အိုလံပစ်ပွဲတော်ကြီးရဲ့ လုံခြုံရေးလုံးဝ စိတ်ချထားလို့ ရပြီလား၊ နိုင်ငံတကာ သတင်းသုံးသပ်ချက် အစီအစဉ်မှာ ကိုမင်းထက်က ဆက်ပြောပြမှာပါ။

၂၀၁၂ ခုနှစ် လန်ဒန် အိုလံပစ်အားကစားပြိုင်ပွဲ တရားဝင် ဖွင့်လှစ်

ဇူလိုင်လ ၂၇ ရက်နေ့က လန်ဒန်မြို့တော် ဒေသစံတော်ချိန် ညနေ ၄ နာရီမှာ ၂၀၁၂ နွေရာသီ အိုလံပစ် အားကစားပွဲတော် ဖွင့်ပွဲကို စတင် ကျင်းပလိုက်ပါတယ်။ အ၀ါရောင် ၀တ်ဆင်ထားတဲ့ ပြင်သစ် Tour de France စက်ဘီးပြိုင်ပွဲ ချံပီယံ ဗြိတိသျှ စက်ဘီးအားကစားသမား ဘရက်ဒ်လီ ၀စ်ဂင်(စ်) (Bradley Wiggins) က၊ အိုလံပစ် အားကစားပွဲတော် ခေါင်းလောင်းကို ထိုးပြီး ၂၀၁၂ လန်ဒန်နွေရာသီ အိုလံပစ် အားကစားပွဲတော်ကြီးကို ဖွင့်လှစ်လိုက်ပါတယ်။

သုံးနာရီကြာ ဒီ လန်ဒန်နွေရာသီ အိုလံပစ် အားကစားပွဲတော် ဖွင့်ပွဲ အခမ်းအနားကို ကမ္ဘာတ၀န်းက ရုပ်မြင်သံကြားကြည့် ပရိဿတ် သန်းပေါင်းတစ်ထောင် ထက်မနည်း စောင်ကြည့်နေကြတာ ဖြစ်ပါတယ်။ ဘာကင်ဟမ် (Buckingham) နန်းတော်ကနေ  ဘုရင်မကြီး အယ်လိဇဘက်က ဒီဖွင့်ပွဲ အခမ်းအနား အတွက် သ၀ဏ်လွှာကို ဖတ်ကြားနေတာကို ရုပ်မြင်သံကြား တိုက်ရိုက် လွှင့်ထုတ်ပြသခဲ့ပါတယ်။

ဒါ့အပြင် ဗြိတိသျှရေတပ်ရဲ့ ထောက်လှမ်းရေးမှူး ဂျိမ်းစ်ဘွန်း (James Bond) ရုပ်ရှင်ထဲက ဂျိမ်းစ်ဘွန်းမင်းသား ဒယ်န်နီရယ်လ် ခရိတ်(ဂ်)( Danial Craig) က ဘာကင်ဟမ် (Buckingham) နန်းတော်ကနေ  ဘုရင်မကြီး အယ်လိဇဘက်ကို ပွေ့ယူပြီး၊ ရဟတ်ယာဉ်နဲ့ အိုလံပစ်ပွဲတော် ဖွင့်ပွဲ အခမ်းအနား ကျင်းပရာကို ပျံသန်းရောက်ရှိလာရာက နှစ်ဦးသား လေထီးနဲ့အတူ ခုန်ချပြီး၊ ဘုရင်မကြီးက အိုလံပစ် ပွဲတော်ကို ဖွင့်လှစ်ပေးလိုက်တဲ့ အော်စကာဆိုရှင် ဒါရိုက်တာ ဒယ်န်နီဘွိုင်းလ်(Danny Boyle) ရဲ့ နောက်ဆုံးဂျိမ်းစ်ဘွန်း ရုပ်ရှင်ထဲက ပြကွက်ကိုလည်း ပြသခဲ့တာကြောင့်၊ ကမ္ဘာ့ရုပ်မြင်သံကြား ပရိဿတ်တွေ သဘောတွေ့ခဲ့ကြပါတယ်။

၂၀၁၂ လန်ဒန် နွေရာသီ အိုလံပစ် အားကစားပွဲတော်ရဲ့ တာဝန်ခံ ဗြိတိသျှနိုင်ငံရေးသမားနဲ့ ပြေးခုန်ပစ် အားကစားသမားကြီး လော့ဒဆီဘက်စ် ရှယ်န် ခိုး (Lord Sebastian Coe) က ဒီနေ့ဒီရက်ရောက်အောင် ၈ နှစ် ကျော် စောင့်စားခဲ့ရတာကြောင့်၊ သူ့ရဲ့ ရင်ခုန်မှုဟာ ငရဲပွက်သလို ခံစားနေရတယ်လို့ တင်စားပြောဆိုခဲ့ပါတယ်။ လန်ဒန်နွေရာသီ အိုလံပစ် အားကစားပွဲ တော်ဖွင့်ပွဲ အထိမ်းအမှတ်အဖြစ် လန်ဒန်မြို့ရဲ့ ကျက်သရေ ဆောင် ဘစ်ဘင် (Big Ban) နာရီစင်ကြီးကလည်း သုံးမိနစ်ကြာ အဆက်မပြတ် ခေါင်းလောင်း ထိုးခဲ့ပြီးတော့၊ ဒါဟာ ၁၉၅၂ ခုနှစ်က ဂျော့ခ်ျဘုရင် နတ်ရွာစံချိန်က သုံးမိနစ်ကြာ အဆက်မပြတ် ခေါင်းလောင်းထိုးခဲ့တာရဲ့ နောက်ပိုင်း ပထမဆုံးအကြိမ် ဒီ ခေါင်းလောင်းကြီးကို သုံးမိနစ် ဆက်တိုက် ထိုးခဲ့တာ ဖြစ်ပါတယ်။

မြန်မာ့ငွေကြေးစနစ် ပြုပြင်ပြောင်းလဲဖို့ ပြင်ဆင်

မြန်မာနိုင်ငံရဲ့ ငွေကြေးစနစ် ပြုပြင် ပြောင်းလဲနိုင်ဖို့အတွက် အခုရက်ပိုင်းတွေ အတွင်း နေပြည်တော်မှာရှိတဲ့ အစိုးရ အရာရှိတွေ၊ မြန်မာနိုင်ငံ ဗဟိုဘဏ်က တာဝန်ရှိသူတွေနဲ့ နိုင်ငံတကာက ကျွမ်းကျင်သူ ပညာရှင်တွေတွေ့ဆုံပြီး အလုပ်ရုံဆွေးနွေးပွဲတွေ၊ အပြန်အလှန် ဆွေးနွေးမှုတွေ လုပ်ဆောင်နေကြပါတယ်။ ဒီကနေ့လည်း မြန်မာနိုင်ငံ ဗဟိုဘဏ်က လက်ရှိ တာဝန်ရှိသူတွေနဲ့ အကြံပေးအဖွဲ့ဝင်တွေဟာ IMF နိုင်ငံတကာ ငွေကြေး ရန်ပုံငွေအဖွဲ့က တာဝန် ရှိသူတွေ၊ အိမ်နီးချင်းနိုင်ငံတွေက ဘဏ်လုပ်ငန်းရှင်တွေနဲ့ နေပြည်တော်မှာ အလုပ်ရုံ ဆွေးနွေး ပွဲတခု ပြုလုပ်ခဲ့ကြပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ဘန်ကောက်ရောက် ၀ိုင်းတော်သား ကိုဇော်ဝင်းလှိုင်က တင်ပြထားပါတယ်။

မြန်မာနိုင်ငံမှာ သမ္မတ ဦးသိန်းစိန် ဦးဆောင်တဲ့ အစိုးရတက်လာပြီးနောက်ပိုင်း နိုင်ငံရေးနဲ့ စီးပွားရေး ပြုပြင် ပြောင်းလဲမှုတွေကို လုပ်ဆောင်လာခဲ့တာပါ။ ဒါပေမဲ့ မြန်မာနိုင်ငံရဲ့ စနစ် မကျတဲ့ နိုင်ငံခြားငွေ လဲလှယ်မှုစနစ်ကြောင့် ပြည်ပနိုင်ငံတွေနဲ့ စီးပွားလုပ်ကိုင်တဲ့နေရာမှာ အဆီအငေါ်မတဲ့မှုတွေ ဖြစ်နေတာကြောင့် ငွေကြေးနဲ့ဆိုင်တဲ့ ပြုပြင် ပြောင်းလဲမှုတွေလည်း လုပ်ဆောင်ဖို့ လိုအပ်တဲ့အကြောင်း အစောပိုင်းကတည်းက ပညာရှင်တွေက ထောက်ပြ ပြောဆို နေခဲ့တာ ဖြစ်ပါတယ်။

အခုအချိန်မှာတော့ အဲဒီလို ပြုပြင် ပြောင်းလဲမှုတွေ လုပ်ဆောင်နိုင်ဖို့အတွက် အစိုးရဘက်က ပြင်ဆင်မှုတွေ လုပ်နေတာကို တွေ့ရတယ်လို့ ဒီကနေ့ နေပြည်တော်မှာ ကျင်းပခဲ့တဲ့ အလုပ်ရုံ ဆွေးနွေးပွဲကို တက်ရောက်ခဲ့တဲ့ MDRI မြန်မာ့ ဖွံ့ဖြိုးတိုးတက်ရေး အရင်းအမြစ်အဖွဲ့က သုတေသီ ဦးတင်မောင်သန်းက ပြောပါတယ်။

“နားထောင်နေကြတာက နားထောင်နေကြတယ်ပေါ့။ ပြုပြင်ပြောင်းလဲရေးအတွက် စဉ်းစားဖို့ နားထောင်နေကြတယ်လို့ ယူဆပါတယ်။ အစိုးရဘက်က အရာရှိကြီးတွေရောပေါ့၊ အဲလို လာတဲ့ အခါတိုင်းမှာ ပညာရှင်တွေကလည်း သက်ဆိုင်ရာ အဆုံးအဖြတ်ပေးနိုင်တဲ့ ၀န်ကြီးတွေနဲ့လည်း တွေ့ကြပါတယ်။ ယေဘုယျအားဖြင့် ၀န်ကြီးတွေနဲ့ တွေ့ဆုံတဲ့အခါမှာ ပြုပြင်ပြောင်းလဲရေးကိစ္စ တွေကို ပြောကြတာများပါတယ်။”

အခုဆိုရင် အစိုးရသစ်တက်လာပြီးတာ ၁ နှစ်ခွဲကျော်၊ ၂ နှစ်နား ကပ်လာနေပြီဖြစ်တဲ့အတွက် ငွေကြေးဆိုင်ရာ ပြုပြင်ပြောင်းလဲမှုတွေ ဘယ်တော့ အကောင်အထည်ဖော်မလဲ ဆိုတဲ့အပေါ် မြန်မာနိုင်ငံတွင်းက စီးပွားရေးလုပ်ငန်းရှင်တွေက စောင့်မျှော်နေကြတာဖြစ်ပါတယ်။ငွေကြေးဆိုင်ရာ ပြုပြင်ပြောင်းလဲမှုတွေ လုပ်ဆောင်ဖို့အတွက်ကတော့ မြန်မာနိုင်ငံအတွင်းက လုပ်နိုင် ကိုင်နိုင်ရည်အပေါ်မှာလည်း မူတည်နေတာကြောင့် အခုလို ကြာနေတာဖြစ်နိုင်တယ်လို့ နိုင်ငံတကာပညာရှင်တွေက သုံးသပ်ကြတယ်လို့လည်း ဦးတင်မောင်သန်းက ဆက်ပြောပြပါ တယ်။

“အဲဒီကိစ္စတွေ တချို့ကို IMF က အရာရှိတချို့နဲ့ စကားပြောဖြစ်တယ်။ သူတို့ပြောတာကတော့ အဓိကပြဿနာက စွမ်းဆောင်နိုင်ရည်နဲ့ လုပ်နိုင်ကိုင်နိုင်ရည်ပေါ့။ စောစောက အကောင်အထည် ဖော်မယ့်ကိစ္စတွေကို လုပ်နိုင်ကိုင်ရည်ကို မြှင့်တင်ပေးဖို့ လိုတယ်ပေါ့လေ။ အဲဒီအတွက် အချိန်စောင့်ရတာတွေလည်းရှိတယ်လို့ သူတို့ကပြောတယ်။ တခါတလေကျတော့ နိုင်ငံရေးစိတ်ဆန္ဒ ဆိုတဲ့ပြဿနာထက် လုပ်ဖို့ကိုင်ဖို့အတွက် လုပ်တတ်ကိုင်တတ်ရှိဖို့၊ လုပ်ရည် ကိုင်ရည်ရှိဖို့ဆိုတဲ့ ပြဿနာတွေကလည်း မြန်မာပြည်က ရင်ဆိုင်နေရပုံရတယ်လို့ နားလည်ရတာပေါ့။ ကျနော်တို့ကတော့ ဘေးကနေ ကြည့်ရတဲ့ လူတယောက်အနေနဲ့ ပြောရ တာပါ။ ဒါ့ထက်ပိုတဲ့ ပြဿနာတွေလည်း ရှိရင်ရှိမှာပေါ့။”

ပြုပြင်ပြောင်းလဲမှုကို နိုင်ငံရေးအရ ကြည့်မယ်ဆိုရင်တော့ လက်ရှိသွားနေတဲ့အရှိန်ဟာ အားရ စရာ မရှိဘူးလို့ ထင်မြင် ယူဆနိုင်ပေမဲ့လည်း လက်ရှိ မြန်မာနိုင်ငံအတွင်းမှာ ပြုလုပ်နေတဲ့ ပြုပြင်ပြောင်းလဲမှု အရှိန်ဟာ နိုင်ငံတကာ စံချိန် စံညွှန်းတွေနဲ့ ကြည့်မယ်ဆိုရင် အတော်လေး မြန်နေတာကို တွေ့ရတယ်လို့ တချို့ ကျွမ်းကျင်သူတွေက သုံးသပ်ကြတယ်လို့ ဆိုပါတယ်။ 

နေပြည်တော်မှာ ကျင်းပခဲ့တဲ့ အလုပ်ရုံ ဆွေးနွေးပွဲကိုတော့ IMF နိုင်ငံတကာ ငွေကြေး ရန်ပုံငွေ အဖွဲ့က တာဝန်ရှိသူတွေအပြင် ဒေသတွင်းနိုင်ငံတွေက ဘဏ်လုပ်ငန်းရှင်တွေ၊ ကျွမ်းကျင်သူတွေ တက်ရောက် ဆွေးနွေးခဲ့ကြတာပါ။

“IMF က ပညာရှင်တွေပါတယ်၊ မလေးရှားဗဟိုဘဏ်က ပညာရှင်တွေပါတယ်၊ ထိုင်းဗဟိုဘဏ် နဲ့ ထိုင်းနိုင်ငံ ငွေကြေး အဖွဲ့အစည်းတွေက အရာရှိကြီးတွေ ပါကြတယ်။ ဦးဆောင်နေကြတဲ့သူ တွေ တော်တော်များများ ပါကြတယ်။ သူတို့က သူတို့အတွေ့အကြုံတွေ ပြောတယ်။ မြန်မာနိုင်ငံ နဲ့ ပတ်သက်ပြီးတော့ ဘာတွေ စဉ်းစားသင့်သလဲ ဆိုတာကို ပြောသွားတာတွေရှိပါတယ်။

“ရှေ့ကို ဘယ်လိုဆက်သွားရင် ကောင်းမယ်ဆိုပြီးတော့ ပြောတဲ့အချက်တွေ ရှိပါတယ်။ ဒီမှာ တော့ ဗဟိုဘဏ်က အရာရှိတွေ တော်တော်များများ တက်ကြတယ်။ နောက်ပြီးတော့ ဗဟို ဘဏ်ရဲ့ အကြံပေးအဖွဲ့က ပညာရှင်တွေ တော်တော်များများလည်း၊ အရင်တုန်းက ဗဟိုဘဏ် မှာ တာဝန်ထမ်းဆောင်ခဲ့ဖူးတဲ့၊ တချို့ကလည်း စီးပွားရေး တက္ကသိုလ်တွေမှာ တာဝန်ထမ်း ဆောင်ခဲ့ကြဖူးတဲ့ ပညာရှင်တွေပေါ့၊ သူတို့လည်း တော်တော်များများ တက်တာကို တွေ့ရတယ်။ အထူးသဖြင့် သူတို့လည်း ပါဝင်ဆွေးနွေးကြတာ တွေ့ရတယ်။”

MDRI မြန်မာ့ဖွံ့ဖြိုးတိုးတက်ရေး အရင်းအမြစ်အဖွဲ့က သုတေသီ ဦးတင်မောင်သန်း ပြောပြခဲ့တာ ပါ။လက်ရှိသမ္မတ ဦးသိန်းစိန်အစိုးရက ဦးဆောင် ပြုလုပ်နေတဲ့ နိုင်ငံရေးနဲ့ စီးပွားရေးဆိုင်ရာ ပြုပြင်ပြောင်းလဲမှုတွေအပေါ် ယေဘုယျအားဖြင့် ပြည်တွင်းမှာရှိတဲ့ အတိုက်အခံ နိုင်ငံရေး အသိုင်းအ၀ိုင်းက ထောက်ခံထားကြတာပါ။ ဒါပေမဲ့ တဘက်မှာ ပြုပြင်ပြောင်းလဲမှု အရှိန်နှေးနေ တာနဲ့ သတင်း မီဒီယာ လွတ်လပ်ခွင့်ဆိုင်ရာ ကဏ္ဍတွေမှာ ပြုပြင် ပြောင်းလဲမှု သိသိသာသာ ဖြစ်မလာသေးတဲ့အပေါ် ပြည်တွင်း ပြည်ပက ထောက်ပြ ဝေဖန်တာတွေလည်း ရှိနေဆဲဖြစ်ပါတယ်။