မိတ်ဆွေရင်းချာရဲ့ ရင်တွင်းမှရင်ဖွင့်စကားများ

Ko Thann Htun Oo

"ကျွန်တော့်အသည်း မာခဲ့ဖူးပါတယ် "

ဒီဘက်နှစ်တွေမှာ အသည်းရောဂါနဲ့ ပတ်သက်လို့ အသံတွေကျယ်ကျယ်လောင်လောင် ကြားလာရတယ်။ ဘီပိုး၊ စီပိုးနဲ့ အသည်းခြောက်တာတဲ့။ ခန္ဓာရှိရင် ရောဂါရှိမယ်ဆိုတာ သိပါတယ်။ အရင်တုန်းကတော့ အရက်သောက်ရင် အသည်းရောဂါဖြစ်တတ်တယ်လို့ ကြားဖူးခဲ့ပါတယ်။
အခု ဒီရောဂါတွေက အဖြစ်များလွန်းလာပြီး အရက်၊ ကွမ်း၊ ဆေးလိပ်တွေနဲ့ ဘာမှမပတ်သက် ဘာမှမသောက်စားတဲ့သူတွေလည်း ဖြစ်လာကုန်ကြတယ်။ ဖြစ်ပြီးရင်လဲ အများစုက အသက်ဆုံးပါးကြရတယ်။ ဒါကိုမစဉ်းစားဘဲ မနေသင့်တော့ဘူး။
ကျွန်တော် ဆရာဝန်မဟုတ်ပါဘူး။ စာရေးဆရာလဲ မဟုတ်ပါဘူး။ ကျွန်တော် ဒီရောဂါကို မလိုချင်ဘဲ လက်ခံလိုက်ရတဲ့သူပါ။ ကျွန်တော့်ရဲ့အတွေးအခေါ်နဲ့ ကျွန်တော့်ရဲ့စိတ်ခံစားချက်တွေကို မျှဝေရုံသက်သက်ဖြင့်သာ ရေးလိုက်ခြင်းဖြစ်ပါတယ်။
ကျွန်တော် လွန်ခဲ့တဲ့ ၂၀၀၇ ခုနှစ်လောက်မှာ ခြေထောက်တွေ စရောင်လာပါတယ်။ ဒါနဲ့ပဲ ညီအစ်ကိုလိုနေတဲ့ ဆရာဝန်ဆီကို သွားပြီးပြပါတယ်။ ဒီဆရာဝန်က ဂရုတစိုက်ကြည့်ပြီး X-rays, Ultra-sound နဲ့လိုအပ်တဲ့ သွေးစစ်ခြင်းတို့ကို စစ်ခိုင်းလိုက်ပါတယ်။ စစ်ဆေးချက်တွေကို ပြန်ပြတော့ အားလုံးကောင်းပါတယ်ဆိုပြီး လိုအပ်တဲ့ဆေးတွေ ပေးလိုက်ပါတယ်။ ဒီလိုနဲ့ပဲ ခြေထော်ကတွေက ရောင်လိုက်၊ ကျလိုက်နဲ့နေခဲ့တာ (၂၀၁၀)ရောက်တော့ ခေါင်းတွေမူးပြီး မလှုပ်ချင်၊ မကိုင်ချင်ဖြစ်လာတာပါပဲ။ ဒီတစ်ခါတော့ စစ်စရာရှိတာတွေ အကုန်ပြန်စစ်ပြီးမှ အရင်ဆရာဝန်ဆီ ပြန်သွားပါတယ်။ ဆရာကလည်း ကြည့်ပြီးတော့ ကောင်းပါတယ်။ ဒါပေမယ့် ပိုသေချာအောင်ဆိုပြီး အထူးကုဆရာဝန်မကြီးဆီကို လွှတ်လိုက်ပါတယ်။ ဆရာဝန်မကြီးဆီရောက်တော့ ဆေးရုံတက်ပါဆိုပြီး အဲဒီနေ့မှာပဲ ကျွန်တော့်ကို ဆေးရုံတင်လိုက်ပါတော့တယ်။ ဆရာဝန်မကြီးနဲ့ ဆရာမတွေကလည်း အစွမ်းကုန် ကုသကြပါတယ်။ နှလုံးသိပ်မကောင်းဘူးလို့ ပြောပါတယ်။ ကျွန်တော် နည်းနည်းသက်သာတာနဲ့ ပြန်ဆင်းလာခဲ့တယ်။ ၂၀၁၁ မှာမသက်သာလို့ ဆေးရုံတစ်ခါ ပြန်တက်ရတယ်။ ဒီတစ်ကြိမ်မှာ မသင်္ကာလို့ စစ်ကြည့်တော့မှ C positive တဲ့။ ကျွန်တော် ဒီလောက်ကြာအောင် ဒုက္ခဖြစ်ပြီး ခံစားနေခဲ့ရတာက ဘီပိုးနဲ့စီပိုးကို မစစ်ခဲ့ရလို့ပါဘဲ။
ကျွန်တော်အကြံပေးပါ့ရစေ၊ ဘာမှမဖြစ်သေးလဲ ဘီပိုးနဲ့စီပိုးကိုတော့ စစ်ဖို့လုံးဝမမေ့ပါနဲ့၊ မပျင်းပါနဲ့၊ မကြောက်ပါနဲ့။ မေ့လိုက် ပျင်းလိုက် ကြောက်လိုက်မိရင် မဖြစ်ရင်တော့ ကောင်းတာပေါ့။ ဖြစ်လိုက်လို့ကတော့ ငွေကုန်မယ်၊ လူနာမယ်၊ ကံဆိုးရင် အသက်ပါပေးလိုက်ရလိမ့်မယ်။ ဘီပိုးက ကာကွယ်ဆေးထိုးလို့ရပါတယ်။ ထိုးဖြစ်အောင် ထိုးပါ။ စီပိုးကတော့ အနေအထိုင်နဲ့ ကာကွယ်ရမှာပါ။
ကျွန်တော့်မှာ (C)Positive ဆိုတော့ ကြောက်သွားတာပေါ့။ စိတ်ဓာတ်လဲ ကျသွားတယ်။ မကြာခင်ပဲ သေတော့မယ်လို့ ထင်တာပေါ့။ ကြောက်တော့ လူတကာ လျှောက်မေးဖြစ်တာပေါ့။ အဲဒီမှာ အသည်းဆိုတာ အသည်းအထူးကုနဲ့ပဲ ကုသင့်တယ်ဆိုလို့ အသည်းအထူးကုရှိတဲ့ နောက်ဆေးရုံတစ်ရုံကို ပြေးခဲ့ရပါတော့တယ်။
ကျွန်တော် ဒုတိယဆေးရုံကိုရောက်တော့ အထူးကုဆရာဝန်ကြီးက ဆေးရုံတက်စရာမလိုဘူး။ ပိုးသတ်ဆေး(အင်တာဖရွန်) ထိုးမယ် အသည်းအားဆေးစားထားဆိုပြီး ဆေးတွေပေးပါတယ်။ နောက် ၁၀ ရက်ခွာ ချိန်းပြီး ပြန်လွှတ်လိုက်တယ်။ သူငယ်ချင်း D Bio နဲ့ Eco အောင်ကြီးတို့ မိတ်ဆက်ပေးလို့လား မသိဘူး အတော်ဆက်ဆံရေးကောင်းတာပဲ။ တစ်လလောက်ကြာတော့မှ စထိုးပါပြီဗျာ။ ပိုးသတ်ဆေး (အင်တာဖရွန်) အပြောများသလောက် အခံရမဆိုးပါလားလို့ထင်ပြီး အေးအေးဆေးဆေးပဲ ပြန်လာခဲ့တယ်။ တစ်ပတ်ကို တစ်လုံးထိုးရမှာတဲ့။ တစ်လုံး နှစ်လုံးခံနိုင်ပါသေးတယ်။ ညအိပ်မရတာနဲ့ အစာမစားချင်တာကတော့ ဆိုးတယ်။ သုံးလုံးမှာ မခံနိုင်တော့ဘူး။ လေးလုံးထိုးမဲ့နေ့မှာ ခန္ဓာကိုယ်အပြင် စိတ်ပါမခံနိုင်တော့လို့ ကျွန်တော် စိတ်ကို မထိန်းလိုက်နိုင်ဘဲ ကြောင်ပြီး ဂရောင်ခြောက်ခြားတွေ လျှောက်ပြောပါတော့တယ်။ အဲဒီနေ့မှာပဲ ဆေးရုံကိုရောက်တော့ ဆရာဝန်ကြီးကို ပြောပြလိုက်တာ ဆေးရုံတက်ခိုင်းပြီး ကျွန်တော့်ကို ဆရာဝန်ကြီး လာကိုမကြည့်တော့တာပါဘဲ။ နှစ်ရက်လောက်နေတော့ ကျွန်တော့်မိသားစုကို ခေါ်ပြီး ကုလို့မရနိုင်တော့ဘူး။ ဒီတောင်က ကျော်နိုင်မှာမဟုတ်တော့ဘူး။ အသည်းခြောက်တာ လွန်နေပြီလို့ ပြောပါတော့တယ်။ ကျွန်တော့်အသည်း မာသွားခဲ့ပြီပေါ့။ နောက်တစ်ရက် သွင်းနေတဲ့ဆေးတွေအကုန်ရပ် အိမ်ကို ပြန်လာခဲ့ကြရပါတယ်။ ကျွန်တော်ကတော့ ဘာမှမသိဘူး။ အိမ်ရောက်တော့ လူနာလာမေးတဲ့သူတွေကတော့ များတယ်လို့တော့ ထင်သား။ အဲဒီထဲက နှစ်ယောက်ရဲ့စကားတွေက သိသင့်နေပြီ။ ပထ၀ီဦးကိုကိုက “ငါ့ညီ မင်းတာဝန်ကျေခဲ့ပါတယ်ကွာ”တဲ့။ လက်ကိုဆွဲပြီး နှုတ်ဆက်တယ်။ နောက်တစ်ယောက်က အမဒေါ်ခင်ဌေး (အရှေ့တိုင်းဇာတ်) “ငါ့မောင် သြစတြေးလျမှာ ဆရာတော်ဟောတဲ့ ခွေလေးဖွင့်ပြီး တရားမှတ်နေပါ”တဲ့။ သူတို့ ကျွန်တော့်ကို သတ်မှတ်လိုက်ကြပြီပေါ့။
အဲဒီအချိန်မှာ ကိုချစ်စရာ(လူရွှင်တော်)က ထိုင်းကိုသွားဖို့ အကြံပေးချိန်၊ မိသားစုကလည်း ထိုင်းမှာကုဖို့ အားသန်ကြတော့ ကျွန်တော် ဘန်ကောက်ဆေးရုံကြီးကို ကျွန်တော့်အမျိုးသမီးနဲ့ တပည့်ခင်မောင်တင့်တို့ အကူအညီနဲ့ ရောက်ခဲ့ရပါတယ်။ ကျွန်တော် သူတစ်ပါးတိုင်းပြည်ကို ရောက်လို့ ပြင်ပအသွင်သဏ္ဍာန်တွေ တိုးတက်လွန်းတော့ ကုသရေးမှာ အားကိုးမိတာ ၀န်ခံပါတယ်။ ဒါပေမယ့် သူတို့က စစ်ဆေးချက်တွေကို အဓိကထားပြီး ကုသချက်မှာတော့ ကျွန်တော့်ကို မြန်မာနိုင်ငံက ဆရာဝန်ကြီးများ ပေးတဲ့ဆေးသောက်ပါတဲ့။ အသည်းလဲဖို့ လိုသလားမေးတော့ အသည်းဟာ A,B,C အဆင့်တွေရှိတဲ့ထဲမှာ B နဲ့ C ကြားအဆင့်မှာ ရောက်နေပါတယ်တဲ့။ အခုမလဲပါနဲ့အုံး လိုအပ်လို့ လဲရင်လဲ ထိုင်းကိုမလာခဲ့ပါနဲ့ အဲဒီမှာက ထိုင်းလူမျိုးချင်းသာ ဖလှယ်ပေးတာပါတဲ့ဗျာ။ ကျွန်တော်ဘာမှမလုပ်ရဘဲ စစ်ဆေးရုံနဲ့ဘဲ အောင်မြင်စွာ ပြည်တော်ပြန်ခဲ့ရပါတယ်။
ကျွန်တော် ဘာလုပ်ရမှန်းမသိဘဲ အိမ်မှာ အသည်းအားဆေးလေးစားပြီး နားနေတုံး တွေ့ပါပြီ။ အသည်းရောဂါအကြောင်း စာအုပ်တွေရေးနေလို့ လူသိများနေတဲ့ သူငယ်ချင်းအသည်းဆရာဝန်၊ သူငယ်ချင်းမှ ငယ်သူငယ်ချင်းဗျ၊ ဒေသကောလိပ်မှာ တစ်နှစ်ထဲအတူတက်ခဲ့တာ။ အားရှိသွားတာပေါ့။
သူငယ်ချင်း ကိုယ်ကုပေးပါမယ်ဆိုပြီး တစ်လလောက်ကုလိုက်တာ တစ်နေ့မှာတော့ သူငယ်ချင်း မပြောရင်လည်း ကိုယ့်အပြစ်ဖြစ်မှာစိုးလို့ မင်းကို ကုလို့မရနိုင်တော့ဘူးလို့ ပြောချတာ ကြားလိုက်ရပါတယ်။ အသည်းလဲလိုက်ရင်တော့ ရနိုင်သေးတယ်တဲ့။ ကျွန်တော် စိတ်တင်းပြီးတော့ ငါဘယ်လေက်နေရအုံးမလဲကွာလို့ မေးလိုက်တော့ ဒါလည်းမပြောနိုင်ဘူး။ မင်းအခုသွေးအန်ရင် အခုသွားတော့မှာတဲ့ ကျွန်တော်ဘာမှ မသိတော့ပါ။ ကျွန်တော် အိမ်ကိုဘယ်လိုပြန်ရောက်မှန်း မသိလိုက်တော့ပါ။ အဲဒီအချိန်ကစပြီး အိပ်ယာပေါ်မှာ အချိန်ပြည့်စိတ်ဖိစီးမှုနဲ့အတူ နေရပါတော့တယ်။ ကျွန်တော့်စိတ်ထဲမှာ ဘ၀ကို ဘယ်လိုကူးမလဲဆိုတာက လွဲလို့ ဘာမှမရှိတော့ပါ။ အိန္ဒိယက (Apolo) ဆေးရုံက Mr.ဂုတ်တားဆိုတဲ့ ဆရာဝန်ကြီးလာလို့ တစ်ခါပြလိုက်ပါသေးတယ်။ အသည်းကို ရက်ပိုင်းအတွင်း အမြန်ဆုံးလဲပါတဲ့။ (CT) ရိုက်ကြည့်တော့ ''Cirrhosis of Liver Portal Hypertension'' တဲ့။ အသည်းခြောက်လို့ Portal Vein ဆိုတဲ့အသည်းကို သွားတဲ့ အကြောကြီး ပိတ်ပြီးတော့ ရောင်နေပါပြီ။
ကျွန်တော် ဘာလုပ်ရမလဲ မသိတော့ပါ။ ကျွန်တော့်အိမ်က မိသားစုလည်း ငွေကုန်၊ လူပန်း၊ ဘာလုပ်ရမှန်း မသိကြတော့ပါ။ ဒါပေမယ့် သူတို့စေတနာ၊ သူတို့မေတ္တာက အိန္ဒိယကိုသွားပြီး အသည်းလဲပေးချင်သေးတယ်။ ဒါပေမယ့် အဲဒီလုပ်ငန်းက သိန်းတစ်ထောင်လောက်ကုန်မယ်၊ အောင်မြင်ရင်ကောင်းတယ်၊ မအောင်မြင်ရင် နှစ်နာမှုတွေ များလိမ့်မယ်။ ဒါပေမဲ့ လုပ်မှာပဲဆိုပြီး အသည်းအလှူခံတဲ့ စာရွက်တွေ လိုက်ကပ်ပါတော့တယ်။ ကျွန်တော့်ကို အကူအညီပေး စောင့်ရှောက်ဖို့ ညီမ ဘေဘီ၊ အမကြီး မဒေါ်လီနဲ့ တပည့်ကိုကျော်မြတို့ ရန်ကုန်ကို နိုင်ငံကူးလက်မှတ်လုပ်ဖို့ သွားကြပါပြီ။ ကံ အလွန်ကောင်းပါတယ်။ အသည်းအလှူရှင် ၁၀ ယောက်ထဲက ရမဲ့သူဆေးစစ်တာ ငါးယောက်တောင်ရတယ်။ ကျွန်တော့်မိန်းမ နန်းငွေကြည်ကလည်း မထိန်းနိုင်အောင် ပျာယာခတ်ပြီး ဗေဒင်ဆရာတွေဆီ သွားနေရရှာတယ်။
ကျွန်တော့် ကျန်းမာရေးကတော့ တော်တော်ဆိုးလာပါတယ်။ ကျွန်တော့်မျက်နှာတွေက မဲပြီး အကွက်တွေဖြစ်လာပါပြီ။ အရေပြားတွေကလည်း ငါးတွေရဲ့အကြေးခွံတွေလို ဖြစ်လာပါပြီ။ ခြေထောက်တွေကလည်း ရောင်လိုက်တာ၊ ဆင်ခြေထောက်ရောဂါသည်တွေ အတိုင်းပဲ။ စကားလည်း ကောင်းကောင်းမပြောနိုင်တော့ပါ။ ကျွန်တော် လုပ်နိုင်တာလေးကတော့ ကျွန်တော့်ဖုန်းလေးထဲမှာ ဘောဇဉ်သုတ်ကိုထည့်ပြီး မပြတ်တမ်း ဖွင့်နေတော့တာပါပဲ။
အဲဒီအချိန်မှာ ကျွန်တော့်ကို အချိန်ပြည့်စောင့်ရှောက်နေတဲ့ ဦးသိန်းဆောင်ရဲ့ အစီအစဉ်နဲ့ ဦးစောဝင်းထွန်းတို့ ညလုံးပေါက် ပရိတ်တွေ လာရွတ်ပေးနေကြပါပြီ။ နောက်နေ့မနက်မှာ ရန်ကုန်က ပြန်လာတဲ့ မဒေါ်လီရဲ့ တိုက်တွန်းချက်နဲ့ ကျောက်ဆည်နားက တမုတ်ရွှေဂူကြီးဘုရားကို ကျွန်တော်အိပ်ပြီး လိုက်သွားပါတယ်။ ဟိုရောက်တော့ ဘုရားဆင်းတုတော်ရဲ့ ရှေ့မှာနံရံကိုမှီပြီး “တပည့်တော် ဒီနိုင်ငံမှာပဲ ကျန်းမာရေးနဲ့ပက်သတ်လို့ အဆင်ပြေပါစေဘုရား”လို့ နှုတ်က အသံထွက်လျှောက်ပြီး အာရုံပြုနေလိုက်ပါတယ်။ ပြီးတော့ အိမ်ပြန်လာခဲ့ကြပါတယ်။
အဲဒီနေ့မှာပဲ လွန်ခဲ့တဲ့နှစ်(၃၀)လောက်က စာသင်ပေးခဲ့ဘူးတဲ့ ယခုမိုးကောင်းတိုက် မြစိမ်းကျောင်းဆရာတော်က “ဒကာကြီးနေမကောင်းဘူးကြားလို့ လာကြည့်ချင်တယ်”လို့ ဖုန်းလှမ်းဆက်ပါတယ်။ “ကားလွှတ်ပေးပါ့မယ်ဘုရား”လို့လျှောက်တော့ “ကားမလိုဘူး ကိုယ့်ဟာကိုယ်လာမယ်”ဆိုပြီး ရောက်လာပါတယ်။ ဆရာတော် ကျွန်တော့်ကိုမြင်တော့ အတော်စိတ်မကောင်းစွားနဲ့ “မဖြစ်သေးပါဘူး၊ အားမလျှော့နဲ့၊ ကျုပ်စီစဉ်မယ်”ဆိုပြီး ကျွန်တော် တစ်ခါမှ မကြားဘူး၊ တစ်ခါမှ မသိဘူး၊ တစ်ခါမှ မမြင်ဘူးသော ဒေါက်တာအောင်မင်းဆိုသော ဆရာကို မန္တလေးအမြန်လာရန် ရန်ကုန်သို့ ဖုန်းနဲ့ဆက်၍ ခေါ်ပါတော့တယ်။
ကျွန်တော့်ထံသို့ ဆရာ နောက်တစ်ရက်မှာ ဆရာတော်နဲ့အတူ ရောက်လာပါတယ်။ ဆရာပုံက ဆရာဝန်နဲ့လည်း မတူဘူး၊ အတော်ရိုးတယ်၊ လက်ကောက်ဝတ်မှာ စိတ်ပုတီးလေး ပတ်ထားတယ်။ ကန်တော့်နော် တောကျောင်းဆရာလေးအတိုင်းပဲ ရောက်တာနဲ့ ကျွန်တော့်ကို သွေးစစ်ထားတာတွေ (CT) ရိုက်ထားတာတွေကို အကုန်ယူကြည့်၊ စာရွက်ပေါ်မှာ (Graph) တွေဆွဲနဲ့ တော်တော်လေးကြာတော့ ကျွန်တော့်ကို ဆရာဒေါက်တာအောင်မင်းက ဆရာလို့ ပြန်ခေါ်ပါတယ်။ သူပြောတာက ဆရာမပူနဲ့ ဘာမှမဖြစ်စေရဘူး။ အိန္ဒိယမှာလည်း အသည်းသွားမလဲနဲ့၊ ကျွန်တော်ဆရာကို ကုမယ်၊ ငါးရက်နေရင် ဆရာသိသာမယ်၊ (၁၀)ရက်နေရင် ဘေးလူတွေပါသိမယ်။ တစ်လပြည့်ရင် သွေးပြန်စစ်ကြည့်လိုက်ပါတဲ့ပါဗျာ။
ကျွန်တော် ထခုန်ချင်လောက်အောင် ၀မ်းသာသွားခဲ့တာပေါ့။ သိန်းတစ်ထောင်လောက် အကုန်ခံ၊ အိန္ဒိယသွား၊ အသည်းလဲ အောင်မြင်၊ မအောင်မြင် ဘာမှန်းမသိဘဲ သေတော့မဲ့ဆဲဆဲ ဖြစ်နေတာ ၀မ်းမသာဘဲနေပါ့မလား။ ကျွန်တော်က အတွန့်တက်ပြီး ကျွန်တော်မသေဘို့ ဆရာတာဝန်ယူရဲလားလို့မေးတော့ ရယ်ပြီး ကျွန်တော် အာမခံပါတယ်ဗျာတဲ့။ ကျွန်တော် လူကြီးတွေ ပြောခဲ့တဲ့ အပျော်ဆုံးနေ့သုံးနေ့ကို ဖြတ်ကျော်ဘူးပါတယ်။ အဲဒီနေ့ကတော့ ဟိုသုံးနေ့ထက် ပိုမယ်လို့ထင်ပါတယ်။ ကျွန်တော့်ကို ဆရာဆေးစထိုးပါတယ်။ တစ်လုံးပဲ သူကိုယ်တိုင်ထိုးတာ ကျန်တာကို ကျွန်တော့်တူမ ဆရာမအေးဝင်းသန်းကို ခေါ်ပြီး ထိုးခိုင်းတာ။ မနက်တစ်လုံး၊ ညတစ်လုံး၊ လက်မောင်းမှာထိုးတာ (၅)ရက်ပြည့်တဲ့နေ့မှာ ကျွန်တော့်ခြံဝင်းထဲ ကျွန်တော်လမ်းလျှောက်နေပါပြီ။ (၁၀)ရက်ပြည့်တဲ့နေ့မှာ ကျွန်တော် မြို့ထဲမှာ ကိုယ်တိုင်မောင်းပြီး ကားနဲ့လျှောက်သွားနေတာကို သိတဲ့လူတိုင်း အံ့သြတဲ့အကြည့်နဲ့ ကြည့်နေကြပါပြီ။ (၂)လပြည့်တော့ ကျွန်တော့်ကို တစ်ရက်နှစ်လုံးထိုးရာကနေ တစ်ရက်တစ်လုံး လျှော့လိုက်ပါတယ်။ သွေးပြန်စစ်ခိုင်းပါတယ်။ (Ultra-sound) ပြန်ရိုက်ခိုင်းပါတယ်။ (Ultra-sound) မှာအသည်းခြောက်တာလည်း မတွေ့ရတော့ပါဘူး။ (Portal Vein) လည်းပိတ်ပြီး (21mm dilated) ရောင်နေရာကနေ (14mm dilated) ဆိုပြီး ရောင်တာလျော့သွားပါတယ်။ WBC(ဒဗလျူဘီစီ)၊ HGB (အိပ်ခ်ျဂျီဘီ)၊ PLT (ပလိပ်လက်)နဲ့ Albumin (အယ်ဗျူမင်)တွေအားလုံးလည်း (Normal) ဆိုပြီး သွေးအဖြေတွေ ထွက်လာခဲ့ပါပြီ။ သွေးအဖြေတွေလည်း ပြန်ကောင်းသွားပါပြီ။ ကျွန်တော့်အတန်းတွေမှာလည်း ပုံမှန်စာပြန်သင်နေပါပြီ။ မာခဲ့တဲ့အသည်းကြီးလည်း ပြန်ပျော့ပြီး သွေးကြောလည်းပုံမှန် ပွင့်ပြီး ဘယ်ခြေထောက်မှလည်း မရောင်တော့ပါဗျာ။
ကျွန်တော် အံ့သြလွန်းလို့ ဆရာ ဘယ်လိုကုတာလည်းလို့မေးကြည့်တော့ညီအစ်ကိုလို ဖြစ်နေတဲ့ဆရာက (Cell Therapy) ဆဲလ်ကုထုံးနဲ့ ကုတာပါတဲ့။ ပျက်နေတဲ့အသဲ (Cell) တွေကို ဖယ်ထုတ်ပြီး (Cell) အကောင်းတွေ အသစ်ဖန်တီးတာလို့ ပြောပါတယ်။ အသစ်ဖန်တီးတဲ့နေရာမှာ ကလေးအချင်းကို သုံးပြီးဖော်ထားတဲ့ဆေးကို သုံးကြောင်း (WHO) ကအသိအမှတ်ပြုတဲ့ဆေးဖြစ်ကြောင်း၊ကလေးတစ်ယောက်ကို မိခင်ရဲ့ဝမ်းတွင်းမှာ (၉)လ၊ (၁၀)လ ကာကွယ်စောင့်ရှောက်နိုင်သော အချင်းရဲ့တန်ဖိုးကြီးကြောင်း၊ ဆေးရဲ့အမည်က (LAENNEC) ဖြစ်ကြောင်း ရှင်းပြပါတော့တယ်။ ကျွန်တော် အလွန်ပဲ အံ့သြကျေးဇူးတင်မိနေပါတယ်။
ကျွန်တော် ကျေးဇူးတင်လွန်းလို့ တစ်ကြိမ်မှလည်း မကန်တော့ရသေးလို့ ဆရာဒေါက်တာအောင်မင်းကို ကန်တော့ပါရစေလို့ ပြောတော့ ဆရာက ကျွန်တော့်ကို ငှက်ပျောသီးနဲ့အုန်းသီး သွားဝယ်လိုက်ပါတဲ့။ အံ့ရောဗျာ….။ ဆရာဟာ ကျွန်တော် ဘယ်လိုမှ မထင်မှတ်ပါသော နောက်ထက်ဘယ်လိုမှတူတာမရှိနိုင်တော့ပါသော ကျွန်တော့်ကျေးဇူးရှင် အသက်သခင်ပါဘဲဗျာ။
ကျွန်တော့်လိုပဲ လူသားတိုင်း ဘုရားတန်ခိုး၊ တရားတန်ခိုး၊ သံဃာတန်ခိုးကြောင့် အစွမ်းထက်သော ဆရာများ၊ ဆေးဝါးများနဲ့ တွေ့ကြပါစေလို့ ဆန္ဒပြုလိုက်ပါတယ်။
အသည်းရောဂါဖြစ်တဲ့သူတိုင်း မသေစေရ

ကျေးဇူးမော်ကွန်း
ဤကိုယ်တွေ့ဖြစ်ရပ်မှန် စာတမ်းလေးနဲ့ ဦးဝါယမ (မိုးကောင်းတိုက်) နဲ့ ဒေါက်တာအောင်မင်းတို့အား ဦးညွှတ်ကန်တော့ အပ်ပါသည်။
ကျွန်တော် နေမကောင်းစဉ် လာရောက်အားပေးကြပါသော မန္တလေးကျူရှင်မိသားစုမှ လုပ်ဖေါ်ကိုင်ဘက်ဆရာ၊ ဆရာမများ၊ သဘင်လောကမှ လူရွှင်တော်ကြီးများ၊ ဆွေမျိုးမိတ်ဆွေများနဲ့ တပည့်များအားလုံးကို တသသအမှတ်ရ ကျေးဇူးတင်နေပါတယ်။ အားလုံးရဲ့မေတ္တာကြောင့် ကျွန်တော် မသေဘူး ရေကူးတတ်ပါပြီ။
နေ၀င်း(အိမ်တော်ရာ)
၀၉-၂၀၂၅၄၄၅