11.07.2012 နေ့ဖတ်ရန်သတင်းများ
|
11:10 AM |
No မှတ်ချက် |
by Myanmar Journal on Wednesday, July 11, 2012 at 8:12am ·
တရားရုံးချုပ် အမိန့်ထွက်လာပြီးနောက် စစ်တပ်ကို တာဟီယာ ရင်ပြင်မှာ ဆန္ဒပြကြ
။ အီဂျစ် သမ္မတ မာစီ မနေ့က လွှတ်တော်ကို ပြန်ခေါ်ခဲ့ပေမယ့် နာရီပိုင်း အတွင်းမှာ တရားရုံးချုပ်က လွှတ်တော် ခေါ်ယူမှုဟာ တရားမဝင်ဘူးလို့ အမိန့်ချလိုက်ပါတယ်။
ဒီနှစ်ဆန်းက လွှတ်တော် ရွေးကောက်ပွဲမှာ မွတ်စလင် ညီအကိုတော်များအဖွဲ့နဲ့ မဟာမိတ် ပါတီတွေက မဲအများစုရခဲ့ပြီး သူတို့က လွှတ်တော်ခေါ်ယူရမှာ ဖြစ်ပေမယ့် စစ်တပ်က အချိန်ဆွဲထားပြီး လွှတ်တော်ကိုလည်း ဖျက်သိမ်းထားခဲ့ပါတယ်။
စစ်ကောင်စီက လွှတ်တော်ကို ဖျက်သိမ်းခဲ့ပြီးနောက် တရားရုံးချုပ်က ပြီးခဲ့တဲ့လက စစ်ကောင်စီရဲ့ အမိန့်ကို တရားဝင် ဖြစ်အောင် လွှတ်တော်ကို ဆက်လက် ဖျက်သိမ်းထားဖို့ အမိန့်ချခဲ့ပါတယ်။
မနေ့ကတော့ တရားရုံးချုပ် အမိန့်ကို သမ္မတက အာခံပြီး တနည်းအားဖြင့် စစ်တပ်ကို အာခံပြီး လွှတ်တော် ခေါ်ခဲ့ပေမယ့် အာဏာဟာ တကယ်တမ်း ဘယ်သူ့လက်ထဲမှာ ရှိနေသလဲဆိုတာ နာရီပိုင်း အတွင်း အထင်အရှား ပေါ်ထွက်လာပါတယ်။
အပေါ်ယံ ကြည့်မယ့်ဆိုရင် အီဂျစ်က အာဏာ လွန်ဆွဲပွဲဟာ စစ်တပ်နဲ့ သမ္မတတို့ရဲ့ အာဏာ လွန်ဆွဲပွဲလို့ မြင်စရာ ရှိပေမယ့် တကယ်တမ်းမှာ စစ်တပ်နဲ့ ပြည်သူလူထုရဲ့ တိုက်ပွဲလို့ ပြောရမှာပါ။
တရားရုံးချုပ်ရဲ့ လွှတ်တော်ကို ဖျက်သိမ်းမိန့် ထွက်လာ ပြီးပြီးချင်းမှာ ကိုင်ရိုက တာဟီယာ ရင်ပြင်မှာ လူပေါင်း သိန်းချီ စုဝေးခဲ့ကြပြီး တရားရုံးချုပ် အမိန့်ကို တရားမဝင်ဘူးလို့ ကန့်ကွက် ဆန္ဒပြခဲ့ကြပြီး စစ်ကောင်စီကိုလည်း ပြစ်တင် ရှုံ့ချတဲ့ ကြွေးကြော်သံတွေ အော်ဟစ် ကြွေးကြော်ခဲ့ပါတယ်။
သိပ်မကြာခင်မှာ စစ်သားတွေလည်း ရင်ပြင်မှာ ပြန်ရောက်လာခဲ့ပါတယ်။
ညီလာခံ စပြီး ငါးမိနစ်အတွင်းမှာ လွှတ်တော် ခေါ်ယူမှုကို ရပ်ဆိုင်းလိုက်ရပေမယ့် သက်ဆိုင်ရာ အမတ်တွေက ဥပဒေကြောင်းအရ ဘာတွေ လုပ်နိုင်သလဲဆိုတာ လေ့လာပြီး စိန်ခေါ်မယ်လို့ ပြောကြောင်း ဘီဘီစီ သတင်းထောက်က အစောပိုင်းက သတင်းပို့ပါတယ်။
ဒါပေမယ့်လည်း အီဂျစ်မှာ ဥပဒေအရ အမြင့်ဆုံး တရားရုံးချုပ် ကိုယ်တိုင်က လွှတ်တော်ကို ဖျက်ခိုင်းတာမို့ ဥပဒေကြောင်းအရ ဘယ်လို စိန်ခေါ်မလဲဆိုတာ ရှင်းရှင်းလင်းလင်း မသိရပါဘူး။
ဒီတော့ လက်ရှိ အီဂျစ် နိုင်ငံရေး ဇာတ်ခုံမှာ လွှတ်တော်ရဲ့ ထောက်ခံမှု ရထားတဲ့ သမ္မတက တဘက်က စစ်ကောင်စီက တဘက် ရင်ဆိုင်တွေ့နေပါတယ်။
နေ့စဉ် အုပ်ချုပ်ရေး လုပ်ငန်းတွေကို ဘယ်သူက လုပ်နေလဲ။ ဘယ်ဥပဒေတွေကို ကိုးကားပြီး လုပ်ဆောင်နေသလဲ ဆိုတာ မေးစရာ ဖြစ်နေပါတယ်။
တကယ်က ဒီနှစ်ဆန်းက ကျင်းပတဲ့ လွှတ်တော် ရွေးကောက်ပွဲမှာ မွတ်စလင် ညီအကိုတော်များ အဖွဲ့နဲ့ တခြား အစ္စလာမ် ဝါဒီ ပါတီတွေက မဲအများစု ရခဲ့ပေမယ့် စစ်ကောင်စီက လွှတ်တော် ခေါ်ခွင့် ပိတ်ထားပါတယ်။
ဒါပေမယ့် စစ်တပ်က ဖွဲ့စည်းပုံကို ကိုယ်တိုင် ရေးဆွဲထားပြီး နေ့တဓူဝ အုပ်ချုပ်မှုတွေကိုလည်း စစ်တပ်က လုပ်ဆောင်နေတာလို့ အီဂျစ် ပြည်သူတွေက မြင်ကြပါတယ်။
အထူးသဖြင့် စစ်တပ်က ဥပဒေမှန်သမျှကို ဗီတို သုံးနိုင်အောင် သေချာ အကွက်ချထားသလို ဥပဒေ ပြုနိုင်တဲ့ အာဏာ အရပ်ရပ်ကို သူတို့ လက်ထဲ ထည့်ထားတာမို့ စစ်တပ်ဆီမှာ တကယ့် အာဏာ ရှိတယ်လို့ လူတွေက မြင်ကြပါတယ်။
အီဂျစ် ပြည်သူတွေဟာ သူတို့ ရွေးကောက် တင်မြှောက်လိုက်သူတွေ အုပ်ချုပ်မယ့် ရက်ကို စောင့်မျှော်နေတာ ဆယ်စုနှစ်ပေါင်း မျာစွာ ကြာမြင့်လာခဲ့ပြီ ဖြစ်ပါတယ်။
မျိုးရိုးနဲ့ ခန့်တဲ့ အမတ် တွေကို ရွေးကောက် ရတော့မယ်
ဗြိတိန် အထက်လွှတ်တော် ပြုပြင်ရေး အရေးနိမ့်
ဗြိတိသျှ အစိုးရရဲ့ အထက် လွှတ်တော် ပြုပြင် ပြောင်းလဲရေး စီမံကိန်း တွေ နှောင့်နှေး ခဲ့ရပါတယ်။
ဥပဒေ အချိန်ဇယား ဆွဲရေး မဲမခွဲခင် မှာ ညွန့်ပေါင်း အဖွဲ့ထဲက ကွန်ဆာဗေးတစ် အမတ် တွေက အတိုက်အခံ လေဘာ ပါတီ အမတ် တွေနဲ့ ပေါင်းပြီး ကန့်ကွက် မဲပေးမယ်လို့ ခြိမ်းခြောက် ကြပါတယ်။
ဒီဥပဒေ ကြောင့် မျိုးရိုးနဲ့ ခန့်တဲ့ လက်ရှိ အမတ် နေရာ အများစုကို ရွေးကောက် တင်မြှောက် ရတော့မှာ ဖြစ်ပါတယ်။
။
အထက် လွှတ်တော် ပြုပြင်ရေးဟာ ကွန်ဆာဗေးတစ် ပါတီရဲ့ ညွန့်ပေါင်း မဟာမိတ် လစ်ဘရယ် ဒီမိုကရက် တွေရဲ့ အဓိက မူဝါဒ ဖြစ်ပါတယ်။
စခန်းက ချိုင့်ထဲမှာမို့ အနံ့အသက် မကောင်း
တရုတ် မြန်မာ နယ်စပ် တရုတ် ဘက်ခြမ်းက ကချင် စစ်ပြေး ဒုက္ခသည် စခန်း ၂ ခုမှာ ကူးစက် ရောဂါ ဖြစ်နေလို့ တရုတ် အာဏာပိုင် တွေက နေရပ် ပြန်ခိုင်း နေတယ်လို့ သိရ ပါတယ်။
ဒီ ယန်လု နဲ့ လာ့ဖိုင် စခန်း တွေဟာ တရုတ် လူနေရပ်ကွက် နဲ့ ကပ်နေလို့ ကူးမှာ စိုးပြီး ပြန်ခိုင်းတာလို့ သွားကူ ခဲ့တဲ့ အဖြူရောင် တွဲလက်များ အဖွဲ့က ကိုဘိုဘိုက ပြောပါတယ်။
တရုတ် အာဏာပိုင် တွေက ကျန်းမာရေး အခြေအနေ လာစုံစမ်း ပေမယ့် အခြေအနေ ဆိုးနေလို့ ပြန်ခိုင်းတယ် ထင်တယ်လို့ သူက ဆိုပါတယ်။
နေရပ် ရွာတွေမှာ မြန်မာ အစိုးရ တပ်က စခန်းချ ထားတာမျိုး၊ ထွက်ပြေး လာတာ တနှစ် ကျော်နေပြီမို့ အိမ်တွေ အဖျက်ခံရ၊ တောင်ယာ လုပ်ကိုင် စားစရာ မရှိတော့ တာမျိုး တွေကြောင့် မပြန် နိုင်ကြဘူး လို့လဲ သိရပါတယ်။
စခန်း ထဲမှာ ၉ ပေ ပတ်လည် အခန်း တွေမှာ မိသားစု ပြွတ်သိပ် နေရတဲ့ အတွက် ကျန်းမာရေး အတွက် မသင့်တော် ပါဘူး။
နေရာက လဲ ချိုင့်ထဲ ကျနေတာမို့ စခန်းထဲ ဝင်တာနဲ့ အနံ့အသက် တွေ ရပါတယ်။
ဟင်းရွက် ရိက္ခာ မရလို့ အလေ့ကျ ပေါက်တဲ့ မြင်းခွာ ရွက်တွေ သုပ်စား ရာကနေ ရေမသန့်လို့ ဝမ်းရောဂါ ဖြစ်ရာ က တခြား ရောဂါ တွေ ဝင်လာတယ်လို့ ဆိုပါတယ်။
ကလေး တယောက် သေဆုံးပြီး မူဆယ် ဆေးရုံမှာ ၅ ယောက် တင်ထား ရပါတယ်။
မြန်မာ အစိုးရ ကျန်းမာရေး ဘက်ကလဲ လာမကြည့်ပါဘူး။
မူဆယ် ပန်ဆန်းက ယစ်ခူး ရွာသား ၂၆ ယောက် ကို KIA နဲ့ ဆက်တယ်ဆိုပြီး ဖမ်းဆီး နှိပ်စက် စစ်ဆေးပြီး ပြန်လွှတ် တဲ့အခါမှာလဲ ခုထိ တယောက် သေသလား ရှင်သလား မသိ ပျောက်နေတယ် လို့ သိရပါတယ်။
စစ်ကောင်စီ ရဲ့ တားမြစ်မှုကြားက အီဂျစ် ပါလီမန် ပြန်စ
အီဂျစ် နိုင်ငံမှာ ပါလီမန် လွှတ်တော် ဖျက်သိမ်းဖို့ စစ်ကောင် စီက အမိန့် ပေးထား တဲ့ကြား ကပဲ အီဂျစ်သမ္မတ မော်စီက ပါလီမန် အစည်းအဝေး ပြန်ကျင်းပခဲ့ပါတယ်။ ဒါပေမယ့် လွှတ်တော် ကျင်းပ ချိန်က ၅မိနစ်လောက်ပဲ ကြာခဲ့ပါတယ်။
ပါလီမန် လွှတ်တော် ဥက္ကဌ ဆာ့တ် အယ်လ် အာတာနီက တော့ အခုလို ပါလီမန် ခေါ်ယူတာဟာ တရားရုံးရဲ့ ဆုံးဖြတ်ချက်ကိုကန့်ကွက်ဖို့ မဟုတ်ပဲ ဒီဆုံးဖြတ်ချက်တွေကို အကောင်အထည် ဖေါ် ဆောင်ရွက်နိုင်မယ့် နည်းလမ်း တွေကို ဆွေးနွေး ဖို့သာ ဖြစ်တယ်လို့ ပြောသွားပါတယ်
အခြေခံ ဥပဒေ ဆိုင်ရာ တရားရုံး ချုပ်ရဲ့ အမိန့်နဲ့ ပါလီမန် ဖျက်သိမ်းဖို့ စစ်ကောင်စီက ညွန်ကြား ထားတာကို ဖီဆန်ပြီး အခုလို လွှတ်တော် ခေါ်ယူခဲ့ တာဟာ ဘယ်လောက် တရားဝင်သလဲ ဆိုတာနဲ့ ပတ်သက်လို့ နောက်ထပ် တရားရုံး ဆုံးဖြတ်ချက်တွေ ဒီကနေ့ နှောင်းပိုင်းမှာ ထပ်ထွက် လာမယ်လို့ ယူဆရပါတယ်။ ဒါဟာ သမ္မတ မော်စီ အာဏာ ရခဲ့ပြီး ကတည်းက စစ်တပ်နဲ့ သမ္မတ အကြား ပထမဆုံး အကြိမ် ထိပ်တိုက် တွေ့ကြ တာလည်း ဖြစ်ပါတယ်။
ဒီတော့ စစ်တပ်က အာဏာ လွှဲပေး အပြီး စစ်တပ်နဲ့ သမ္မတ မော်စီ ဦးဆောင်တဲ့ Muslim Brotherhood အစိုးရ အကြား အခု နောက်ဆုံး နိုင်ငံရေး အားပြိုင်မှုနဲ့ ပတ်သက်လို့ဘီဘီစီ အာရပ် ဌာနက အယ်ဒီတာ Akram Shaban Abdou ကတော့ အီဂျစ် နိုင်ငံမှာ အရေး ပါတဲ့ အာဏာ တွေကို စစ်ကောင်စီက ယူထား တယ် ဆိုတာ လူတိုင်း အသိပါလို့ ဆိုပါတယ်။
အခု အခါမှာ သမ္မတ မော်စီ အနေနဲ့ သူ့ရဲ့ Muslim Brotherhood ပါတီကရော ပြည်သူ အများစု ဆီကပါ ထောက်ခံ အားပေးမှုတွေ ရနေပြီး လုပ်ပိုင်ခွင့် အာဏာတွေကို ရနိုင်သမျှ ပြန်ရ နိုင်အောင် ကြိုးပမ်း နေတာ တွေ့ရပါတယ်။ အခုလို သမ္မတ မော်စီက ပါလီမန် လွှတ်တော် ပြန် ကျင်းပ ခဲ့တာဟာ တရားဝင်မှု အာဏာကို စစ်ကောင်စီ ဆီက နေ ပါလီမန်ကို ပြန်လွှဲ ပေးဖို့ လုပ်ခဲ့ တာလို့ အများက မြင်ကြတယ်လို့ ဘီဘီစီ အာရပ် ဌာနက အယ်ဒီတာ Akram Shaban Abdou က သုံးသပ်ပါတယ်။
တခါ အခုလို ပါလီမန် ပြန်ကျင်းပတာကို ထောက်ခံကြောင်း ပြသတဲ့အနေနဲ့ ဒီကနေ့ နှောင်းပိုင်းမှာပဲ တာဟီရာ ရင်ပြင်မှာ လူသန်းနဲ့ချီ လာရောက် စုဝေးဖို့ သမ္မတ မော်စီရဲ့ Muslim Brotherhood က စီစဉ်နေသလို ဒီကိစ္စကို ဆန့်ကျင် ကန့်ကွက်တဲ့ သူတွေကလည်း သမ္မတ အိမ်တော် အပြင်ဘက်မှာ စုဝေး ဆန္ဒပြကြဖို့ စီစဉ်နေတယ်လို့သိရပါတယ်။
လူသန်းနဲ့ချီ စုဝေး ဆန္ဒပြဖို့ စီစဉ်တာဟာ သမ္မတ မော်စီအနေနဲ့ သူ့ကို ထောက်ခံ အားပေးမှု ဘယ်လောက်ရှိသလဲဆိုတာကို ပြဖို့ လုပ်တာပါ။
ဒါပေမယ့် အီဂျစ်နိုင်ငံမှာ Muslim Brotherhood ပါတီကို မထောက်ခံတဲ့ ပျော့ပြောင်း လွတ်လပ်တဲ့ သဘောထား ရှိသူ တွေကလည်း အများကြီး ရှိနေပါတယ်။ဒီတော့ စီစဉ်ထား သလို ဒီစုဝေး ထောက်ခံပွဲမှာ လူသန်း နဲ့ချီ လာမယ် ဆိုရင်တော့ သမ္မတ အတွက် အတော့်ကို အားတောင့်တင်း သွားစေမှာ ဖြစ်ပါတယ် ဒါပေမယ့် တွက်ထား သလို လူတွေ မလာဘူး ဆိုရင်တော့ သမ္မတ အတွက် အတော်လေး သိက္ခာကျ စရာ ကောင်းမှာ ဖြစ်သလို သူ့အ ပေါ်လည်း အခြေခံ ဥပဒေ ဆိုင်ရာ တရားရုံးက ဖိအားပေး မှုတွေနဲ့ ပို ရင်ဆိုင်ရဖို့ ရှိပါတယ်။ ဒါကြောင့် လူဘယ်လောက် လာသလဲ ဆိုတာ စောင့်ကြည့် ရမှာပါလို့ အယ်ဒီတာ Akram Shaban Abdouက သုံးသပ် သွားပါတယ်။
ဒုတိယ ဗိုလ်ချုပ်ကြီးဟောင်း ဦးမြင့်ဆွေ
ဒုတိယသမ္မတအဖြစ် ဦးမြင့်ဆွေကို စစ်တပ်က လျာထား
ဒုတိယသမ္မတ သီဟ သူရ ဦးတင်အောင်မြင့်ဦး အနားယူသွားတဲ့ အတွက် လစ်လပ်သွားတဲ့ သူ့နေရာကို ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေကို စစ်တပ်ဘက်က လျာထားလိုက်ပြီလို့ သိရပါတယ်။
ဦးမြင့်ဆွေဟာ ဒုတိယ ဗိုလ်ချုပ်ကြီးဟောင်းလည်း ဖြစ်ပြီး အရင် စစ်အစိုးရ ခေါင်းဆောင်ဟောင်း ဗိုလ်ချုပ်မှူးကြီး သန်းရွှေနဲ့ နီးစပ်သူတစ်ဦးအဖြစ် လူသိများပါတယ်။
စစ်ထောက်လှမ်းရေးအကြီးအကဲ ဗိုလ်ချုပ်ကြီး ခင်ညွန့်ကို ဖယ်ရှားခံရပြီးနောက် စစ်ဘက် ရေးရာ လုံခြုံရေး (စရဖ) အကြီးအကဲ တာဝန်လည်း ယူခဲ့ဖူးသူ ဖြစ်ပါတယ်။
သီဟသူရ ဦးတင်အောင်မြင့်ဦးကတော့ ကျန်းမာရေးကြောင့် နှုတ်ထွက်ခဲ့တယ်လို့ သိရပါတယ်။
ဒုတိယသမ္မတအဖြစ် ဦးမြင့်ဆွေကို ပြည်ထောင်စု လွှတ်တော်ဘက်က အတည်ပြုပေးရမှာ ဖြစ်ပါတယ်။
ဦးတင်အောင် မြင့်ဦး ကျန်းမာရေး အကြောင်းပြပြီး ဒုသမ္မတ ရာထူးက နေ အနားယူ
ဒုသမ္မတ နေရာ ဦးမြင့်ဆွေကို ဘာကြောင့် ရွေးတာလဲ
လောလောဆယ် လစ်လပ် နေတဲ့ ပြည်ထောင်စု သမ္မတ မြန်မာ နိုင်ငံတော်ရဲ့ ဒုတိယ သမ္မတ ရာထူး နေရာမှာ တစ်ပြေး နေသူ အတော် များများ ထဲက ရန်ကုန်တိုင်း ဝန်ကြီးချုပ် ဗိုလ်ချုပ်ကြီးဟောင်း မြင့်ဆွေကို တပ်မတော်သား ကိုယ်စားလှယ်တွေ ဘက်က လျာထား တယ်လို့ သိရပါတယ်။
သူဟာ သဘောထား တင်းမာသူ ဖြစ်တယ်၊ အရင် စစ်ခေါင်း ဆောင်ဟောင်း ဗိုလ်ချုပ်မှူးကြီး သန်းရွှေ နဲ့ အလွန် နီးစပ်သူ ဖြစ်တယ်လို့ လူသိများပါတယ်။
ထက်ပိုပြီး ရှေ့ကျတဲ့ ဝါရင့်တဲ့ စစ်ဗိုလ်ချုပ်ကြီး တွေကို ခန့်ထားမယ့် အစား ဦးမြင့်ဆွေကို ရွေးချယ် တာဟာ အကြောင်း အမျိုးမျိုး ရှိနိုင်တယ်လို့ NDD ဒီမိုကရေစီနဲ့ ဖွံ့ဖြိုး တိုးတက်ရေး အင်အားစုက သုတ သနမှူး ဦးဌေးအောင်က ပြောပါတယ်။
ဒုတိယ သမ္မတ ရာထူး နေရာ အတွက် ဦးမြင့်ဆွေဟာ သင့်တော်သူ ဖြစ်တာက တစ်ကြောင်း၊ ဗိုလ်ချုပ်မှူးကြီး သန်းရွှေရဲ့ မိသားစုနဲ့ နီးစပ် တာက တစ်ကြောင်းကြောင့် ရွေးတာ ဖြစ်နိုင် တယ်လို့ သူက ပြောပါတယ်။
စစ်တက္ကသိုလ် ဗိုလ်လောင်း သင်တန်း အပတ်စဉ် ၁၅ ဆင်းသူ ဖြစ်တဲ့ ဦးမြင့်ဆွေရဲ့ သင်တန်းဆင်း အပြီး စစ်မှုထမ်း ကာလ တစ်လျှောက်ကို ပြန်ကြည့်ရင် ရန်ကုန်တိုင်း တစ်ခုလုံးကို အနီးကပ် လုံခြုံရေး တာဝန်ယူရတဲ့ တပ်မ ၁၁ တပ်မမှူး၊ ရန်ကုန်တိုင်း တိုင်းမှူး၊ စစ်ဘက်ရေးရာ လုံခြုံရေး အကြီးအကဲ စတဲ့ အရေးပါတဲ့ ရာထူး နေရာတွေ ရယူခဲ့ပါတယ်။
အဲဒီလို ရာထူး မျိုးဟာ စစ်ခေါင်းဆောင်ဟောင်း ဗိုလ်ချုပ်မှူးကြီး သန်းရွှေက ယုံကြည် စိတ်ချသူ သူ့ရဲ့ လူယုံ လူရင်းတွေသာ ရလေ့ရှိတဲ့ နေရာမျိုးလို့ ဦးဌေးအောင်က ပြောပါတယ်။
ဒါကို ကြည့်ရင် လက်ရှိ အစိုးရ အဖွဲ့ အပေါ်ဗိုလ်ချုပ်မှူးကြီး သန်းရွှေရဲ့ သြဇာ လွှမ်းမိုးမှု ရှိနေသေးတယ် ဆိုတာ ပြသ နေတယ်လို့ လည်း သူက ပြောပါတယ်။
ဒုတိယ ဗိုလ်ချုပ်ကြီးဟောင်း မြင့်ဆွေဟာ သူ့ရဲ့ လုပ်ဖော်ကိုင်ဖက် ဗိုလ်ချုပ်ကြီးဟောင်း ခင်ညွန့် အပါအဝင် ကကလှမ်း ဌာနချုပ်ကို ဝင်စီးနင်းတဲ့ ကိစ္စ၊ ၂၀၀၇ သံဃာ့ လှုပ်ရှားမှုကို နှိမ်နင်းရာမှာ အမိန့်ပေးခဲ့တဲ့ ကိစ္စ၊ မကြာသေးခင်က သတင်းစာ ဂျာနယ် သမားတွေကို ခြိမ်းခြောက် သတိပေး ခဲ့တဲ့ ကိစ္စတို့ကို ကြည့်ရင် အထက်က ပေးခဲ့တဲ့ အမိန့်အတိုင်း လိုက်နာ လုပ်ဆောင်သူ တစ်ယောက် ဖြစ်တယ်လို့ ဦးဌေးအောင်က ပြော ပါတယ်။
0 comments:
Post a Comment