10.07.2012 နေ့ဖတ်ရန်သတင်းများ

by Myanmar Journal on Monday, July 9, 2012 at 6:31pm

အီဂျစ် သမ္မတ မိုဟာမက် မော်ဆီ

အီဂျစ်သမ္မတက ပါလီမန်ပြန်စဖို့ အမိန့်ထုတ်

အီဂျစ် နိုင်ငံမှာတော့ မကြာခင်ကမှ ရွေးကောက် တင်မြှောက် ခံခဲ့ရတဲ့ အစ္စလာမ်မစ် သမ္မတ မိုဟာမက် မော်ဆီက ပါလီမန်ကို ပြန်စဖို့ အတွက် အမိန့်ထုတ် ပြန်လိုက်ပါတယ်။

ဒါဟာ အင်အားကြီးမား တဲ့ အီဂျစ် စစ်တပ်ကို စိန်ခေါ်လိုက် သလိုလဲ ဖြစ်သွားပါတယ်။

သူရဲ့ အမိန့်က အရင်လက အစ္စလာမ်မစ်တွေ ကြီးစိုးနေတဲ့ ပါလီမန်ဟာ တရားမဝင်ဘူး ဆိုပြီး အခြေခံ ဥပဒေ ခုံရုံး က ဆုံးဖြတ်ခဲ့တာ နဲ့လည်း သွားပြီး ဆန့်ကျင် နေပါတယ်။

ဒီလို ခုံရုံးက ဆုံးဖြတ်လိုက် တာကို စစ်ကောင်စီဘက်က အကောင်အထည် ဖော်ပေးပြီး ပါလီမန်ကို ဖျက်သိမ်း ပစ်ခဲ့တဲ့ အပြင် ဥပဒေပြုရေး အာဏာကို ပါလွှဲပြောင်း ယူထားခဲ့ ပါတယ်။

ဒီလို အမိန့် ထုတ်လိုက် တဲ့ကိစ္စကို မွတ်စလင် ညီအစ်ကိုများ အဖွဲ့က ပြောခွင့်ရ အမျိုးသမီးကတော့ ဒါဟာ သမ္မတ ရဲ့ အခွင့် အာဏာကို ပြသ လိုက်တာ ဖြစ်တဲ့ အကြောင်း၊ အခြေခံ ဥပဒေ ခုံရုံးက ပါလီမန်ကို ပြန်စဖို့ ပြောခွင့် မရှိကြောင်း၊ သမ္မတ ကသာလျှင် ပြန်ခေါ် နိုင်တဲ့ အခွင့် အရေး ရှိတဲ့ အကြောင်း နဲ့ အီဂျစ် ပြည်သူတွေ အတွက် ဥပဒေ ပြုပေးနိုင်မယ့် ပါလီမန် ရှိဖို့ လိုအပ် တဲ့ အတွက် အခုလို သမ္မတ က ဆုံး ဖြတ်ခဲ့တာ ဖြစ်တယ်လို့ ပြောပါတယ်။

အခုတော့ စစ်ကောင်စီက ဒီလို သမ္မတ မော်ဆီက အမိန့်ထုတ် လိုက်တာနဲ့ ပတ်သက်လို့ အရေးပေါ် အစည်းအဝေး ပြုလုပ်နေတယ်လို့ နိုင်ငံပိုင် သတင်းဌာနက ပြောပါတယ်။

ဝင်ဘယ်လ်ဒန် ချန်ပီယံ ဖက်ဒရာ

ဖက်ဒရာ ဝင်ဘယ်လ်ဒန် ဗိုလ်စွဲ

ဝင်ဘယ်လ်ဒန် တင်းနစ် ပြိုင်ပွဲရဲ့ အမျိုးသား တဉီးချင်း နောက်ဆုံး ဗိုလ်လု ပွဲစဉ်မှာတော့ ဆွစ်ဇာလန်က ရော်ဂျာ ဖဒ်ဒရာက ဗြိတိန်က အဲန်ဒီ မာရေးကို အနိုင်ရ ဗိုလ်စွဲ သွားပါတယ်။

ဒါဟာ သူ့အတွက် ဝင်ဘယ်လ်ဒန်မှာ သတ္တမ အကြိမ်မြောက် ဗိုလ်စွဲခဲ့ခြင်းလည်း ဖြစ်ပြီး အရင်က ၇ ကြိမ် ချန်ပီယံ ဖြစ်ဖူးတဲ့ အမေရိကန်က ပိ ဆမ်းပရပ်စ် နဲ့ စံချိန်တူ ဖြစ်သွား ပါတယ်။

ဒီပွဲ နိုင်လိုက်တဲ့ အတွက် သူဟာ ကမ္ဘာ့ နံပါတ် ၁ နေရာကိုလည်း ရောက်ရှိ သွားခဲ့ ပါတယ်။

စကော့ လူမျိုး အဲန်ဒီ မာရေး ကတော့ အနိုင်ရခဲ့ရင် နှစ် ၇၀ ကျော်မှာ ပထမဆုံး ဗိုလ်စွဲတဲ့ ဗြိတိသျှ ကစားသမား တယောက် ဖြစ်နိုင်မယ့် အခွင့်အရေး ဆုံးရှုံးသွား ခဲ့ရပါတယ်။

အဲဒီပွဲမှာ ပထမဆုံး ပွဲကြီးကို မာရေး အနိုင်ရခဲ့ပေမယ့် နောက် ပွဲကြီး ၃ ပွဲကို ဖက်ဒရာက ဆက်တိုက် နိုင်သွားတဲ့ အတွက် ၄-၆၊ ၇-၅၊ ၆-၃၊ ၆-၄ နဲ့ အနိုင်ရ ဗိုလ်စွဲ သွား ခဲ့တာ ဖြစ်ပါတယ်။

အာဖဂန်နစ္စတန်က နေတိုး တပ်ဖွဲ့ဝင်များ

အာဖဂန်မှာ တိုက်ခိုက်မှုတွေ ဖြစ်ပွား

အာဖဂန်နစ္စတန် နိုင်ငံ အနှံ့မှာ ဖြစ်ပွားခဲ့တဲ့ တိုက်ခိုက်မှု တွေကြောင့် လူပေါင်း ၃၅ ဉီးထက် မနည်း အသက် ဆုံးရှုံး ခဲ့ရပါတယ်။

နိုင်ငံရဲ့ အရှေ့ပိုင်းမှာ လမ်းဘေးမှာ ထောင်ထားတဲ့ ဗုံးတလုံး ပေါက်ကွဲ ခဲ့တဲ့ အတွက် အမေရိကန် စစ်သား ၆ ဉီး သေဆုံး ခဲ့ရပါတယ်။ နိုင်ငံ တောင်ဘက်မှာ ဖြစ်ပွား ခဲ့တဲ့ အလားတူ တိုက်ခိုက် မှုတွေ ကြောင့်လည်း နေတိုး တပ်ဖွဲ့ဝင် တဉီး သေဆုံး ခဲ့ရသလို အာဖဂန် ရဲ တပ်ဖွဲ့ဝင် တွေနဲ့ အရပ်သား တွေ အပါအဝင် ကျေးလက် ပြည်သူ ၁၈ ဉီးလည်း သေဆုံး ခဲ့ရပါတယ်။

တိုကျို မြို့မှာ ကျင်းပနေတဲ့ နိုင်ငံတကာ ညီလာခံကနေ အာဖဂန် နစ္စတန် နိုင်ငံကို နိုင်ငံတကာ အလှူရှင် တွေက ဒေါ်လာ ၁၆ ဘီလီယံ လောက် အကူအညီ ပေးဖို့ အတွက် ကတိတွေ ပြုခဲ့ကြတဲ့ အချိန်မှာ အခုလို တိုက်ခိုက်မှု တွေ ဖြစ်ခဲ့တာ ဖြစ်ပါတယ်။

ဒီ အလှူငွေ တွေက လည်း ၂၀၁၄ မှာ နေတိုး ဉီးဆောင်တဲ့ နိုင်ငံတကာ တပ်ဖွဲ့တွေ အာဖဂန်က ထွက်သွား ပြီးတဲ့ နောက်မှာ လိုအပ်လာမယ့် လုံခြုံရေး နဲ့ ဖွံ့ဖြိုး တိုးတက်ရေး တွေဘက်မှာ သုံးစွဲ နိုင်ဖို့ အတွက် ဖြစ်ပါတယ်။

 ပုဂ္ဂလိကဘဏ်တွေမှာ နိုင်ငံခြားငွေ စာရင်းဖွင့်ခွင့်ရ

ပုဂ္ဂလိကဘဏ်တွေမှာ နိုင်ငံခြားငွေ စာရင်း ဖွင့်ခွင့်ရတဲ့အတွက် ပိုအဆင်ပြေ မြန်ဆန်လာ

မြန်မာနိုင်ငံမှာ ဇွန်လ ၉ရက်ကစလို့ ပုဂ္ဂလိကဘဏ်တွေမှာ နိုင်ငံခြားငွေ စာရင်းဖွင့်ခွင့် ပေးလိုက်ပြီ ဖြစ်ပါတယ်။

အရင်ကတော့ အစိုးရဘဏ်တွေမှာပဲ နိုင်ငံခြားငွေ စာရင်းဖွင့်ခွင့် ရှိခဲ့တာပါ။

အခုလို နိုင်ငံခြားငွေ စာရင်း ဖွင့်ရာမှာ အမေရိကန် ဒေါ်လာ၊ ဥရောပ ယူရို၊ စင်္ကာပို ဒေါ်လာနဲ့ FEC နိုင်ငံခြားသုံးငွေ လက်မှတ်တွေ နဲ့ စာရင်း ဖွင့်နိုင်မယ်လို့ သိရပါတယ်။

မြန်မာနိုင်ငံသား ဖြစ်ရင် ဘယ်သူမဆို နိုင်ငံခြား ငွေစာရင်း ဖွင့်ခွင့် ရှိပြီး ထည့်ဝင်တဲ့ ငွေဟာ တရားဝင် ရတဲ့ ငွေ ဖြစ်ဖို့ လိုအပ်ပါတယ်။

အရင်က အစိုးရဘဏ်တွေမှာပဲ နိုင်ငံခြားငွေ စာရင်း ဖွင့်ခွင့် ရှိခဲ့တာမို့ ကြန့်ကြာမှုတွေ၊ အဆင်မပြေမှုတွေ ဖြစ်ခဲ့ပေမယ့် အခုလို ပုဂ္ဂလိက ဘဏ်တွေမှာ ဖွင့်ခွင့် ရတဲ့အတွက် ပိုမြန်ဆန်လာမယ်၊ ပို့ကုန် သွင်းကုန်တွေ သွင်းပို့ရာမှာ အဆင်ပြေလာမယ်၊ ကုန်သွယ်မှု သွက်လက်လာမယ် လို့ နိုင်ငံခြားငွေ စာရင်း ဖွင့်ခွင့် ရခဲ့တဲ့ ပုဂ္ဂလိက ဘဏ်တခုဖြစ်တဲ့ ကမ္ဘောဇ ဘဏ်ရဲ့ ဒုတိယ ဥက္ကဌလည်း ဖြစ် ဗဟိုဘဏ်မှာ ဒုတိယ ဥက္ကဌ အဖြစ် ဆောင်ရွက်ခဲ့ဖူးသူလည်း ဖြစ်တဲ့ ဦးသန်းလွင်က ဘီဘီစီကို ပြောပြပါတယ်။

ဘဏ်လုပ်ငန်းစနစ် ပြုပြင် ပြောင်းလဲရေးတွေ လုပ်နေချိန်မျိုးမှာ ဘဏ်လုပ်ငန်းစနစ် ခေတ်မှီအောင် လုပ်ရမှာ ဖြစ်ကြောင်းနဲ့ နောက်ပိုင်းမှာ Debit ကဒ်၊ Credit ကဒ် သုံးစွဲတဲ့ စနစ်တွေ၊ ဗီဇာနဲ့ သုံးစွဲတဲ့ စနစ်တွေ သုံးလာဖို့ ရှိကြောင်းလည်း သူက ပြောပါတယ်။

အီဂျစ်သမ္မတသစ် လွှတ်တော်ခေါ်မိန့် ပယ်ချခံရ

အီဂျစ်ပါလီမန် ပြန်စတင်အသက်ဝင်ဖို့ သမ္မတသစ် Mohamed Morsiရဲ့ ထုတ်ပြန်လိုက်တဲ့ အမိန့်ဒီကရီကို အခြေခံဥပဒေဆိုင်ရာ အီဂျစ်တရားရုံးချုပ်က ပယ်ချလိုက်ပါတယ်။ ပြီးခဲ့တဲ့ လက ပါလီမန်ဖျက်သိမ်းဖို့ ထုတ်ပြန်တဲ့အမိန့်ဟာ ဆက်လက် အာဏာတည်နေပြီး အယူခံဝင်လို့မရဘူးလို့ ရုံးတော် ကဆုံးဖြတ်ချက်မှာ ဖေါ်ပြထားပါတယ်။

စောစောပိုင်းကတော့ ပါလီမန်ကို လုံခြုံရေး ယူထားတဲ့ စစ်တပ်ကဖယ်ပေးလိုက်လို့ အမတ်တွေအဆောက်အဦးထဲဝင်ခွင့်ရခဲ့ပါတယ်။ မနက်ဖန်အင်္ဂါနေ့ လွှတ်တော်ပြန်ကျင်းပဖို့ လွှတ်တော် သဘာပတိက တောင်းဆိုခဲ့ပါတယ်။ တရားရုံးချုပ်ဆုံးဖြတ်ချက်အရ လွှတ်တော်ကို ဖျက်သိမ်းလိုက်တဲ့ စစ်ကောင်စီနဲ့ သမ္မတသစ်တို့အကြား နိုင်ငံရေး ရင်ဆိုင်မှုသစ်တခုကို အီဂျစ်နိုင်ငံရေးမှာ ဦးတည်နေတဲ့သဘော ဖြစ်နေပြီလို့ ကိုင်ရိုရှိဘီဘီစီသတင်းထောက်က ပြောသွားပါတယ်။

ဆီးရီးယားက စစ်သားတွေ

အာဆတ်နဲ့ ဆွေးနွေးပွဲ ပွင့်လင်းမှုရှိ

ကုလသမဂ္ဂနဲ့ အာရပ်အဖွဲ့ချုပ်တို့ရဲ့ ဆီးရီးယားအရေးဆိုင်ရာ အထူးကိုယ်စားလှယ်ဖြစ်တဲ့ မစ္စတာ ကိုဖီ အာနန် ပြောတာကတော့ သမ္မတ အာဆတ်နဲ့ ဆွေးနွေးပွဲဟာ ပွင့်လင်းမှု ရှိသလို အပြုသဘောလည်း ဆောင်တယ်လို့ ဆိုပါတယ်။

အကြမ်းဖက်မှုတွေကို ရပ်တန့်နိုင်ဖို့အတွက် ချဉ်းကပ်မှုနည်းလမ်းတစ်ခုအပေါ်မှာလည်း သဘောတူခဲ့တယ်လို့ မစ္စတာ အာနန်က သတင်းထောက်တွေကို ပြောပါတယ်။ ဒီချဉ်းကပ်မှုနည်းလမ်းကို အတိုက်အခံ လက်နက်ကိုင်အဖွဲ့တွေဆီကိုလည်း ပေးပို့မယ်လို့ ဆိုပါတယ်။

တချိန်တည်းမှာပဲ နိုင်ငံရေး တွေ့ဆုံဆွေးနွေးမှု လုပ်ဖို့က အရေးကြီးတဲ့အကြောင်းကိုလည်း ဆီးရီးယား သမ္မတကို အလေးပေး ပြောကြားခဲ့ပြီး သမ္မတကလည်း လက်ခံတယ်လို့ မစ္စတာ အာနန်က ပြောပါတယ်။ မစ္စတာ အာနန်ဟာ ဆီးရီးယားက အကြမ်းဖက်မှုတွေ ရပ်တန့်အောင် နိုင်ငံတကာရဲ့ ကြိုးပမ်းမှုတွေ မအောင်မြင်သေးဘူးလို့လည်း သူက မကြာခင်ရက်ပိုင်းကပဲ ဝန်ခံ ပြောကြားခဲ့ပါတယ်။

သူ့ရဲ့ အချက် ၆ ချက်ပါ ငြိမ်းချမ်းရေး အစီအစဉ်ကို အနောက်နိုင်ငံတွေကတော့ အလုပ်မဖြစ်တဲ့ အစီအစဉ်အဖြစ် ယူဆထားလိုက်ကြပေမယ့် မစ္စတာ အာနန်ကတော့ ဒါကို ပြန်အသက်သွင်းဖို့ ကြိုးစားချင်ပုံ ရပါတယ်။ သူ့ရဲ့ငြိမ်းချမ်းရေး အစီအစဉ်အရဆိုရင် ဧပြီလကတည်းက အပစ်အခတ်တွေ ရပ်စဲရမှာ ဖြစ်ပေမယ့် အကြမ်းဖက် တိုက်ခိုက်မှုတွေက မရပ်တန့်ခဲ့ကြပါဘူး။

ဒါပေမယ့် အခုဆွေးနွေးပွဲမှာ သမ္မတ အာဆတ်က ဒီငြိမ်းချမ်းရေးအစီအစဉ်ကို အကောင်အထည်ဖော်ဖို့ ကတိထပ်ပေးတယ်လို့ ဆိုပါတယ်။ ဒါပေမယ့် အရင်ပုံစံအတိုင်း မဟုတ်ဘဲ ပိုမိုကောင်းမွန်တဲ့ ပုံစံနဲ့ သွားသင့်တယ်လို့ မစ္စတာ အာနန်က ပြောပါတယ်။ ဒါပေမယ့် ဘယ်လို အကောင်အထည်ဖော်ပြမလဲဆိုတဲ့ အသေးစိတ်ကိုတော့ မသိရသေးပါဘူး။

တချိန်တည်းမှာပဲ ဒီနေ့ တနင်္လာနေ့မှာတင် ဒမတ်စကတ်နဲ့ ဟုမ်း အပါအဝင်မြို့တချို့မှာ ဗုံးကြဲတိုက်ခိုက်မှုတွေ ရှိတယ်လို့ အတိုက်အခံတွေဘက်က ပြောပါတယ်။ တနင်္ဂနွေနေ့တုန်းကလည်း လူ ၁၀၀ လောက် သေကြေခဲ့တယ်လို့ ဆိုပါတယ်။

ငြိမ်းချမ်းစွာ ဆန္ဒပြခွင့် နည်းဥပဒေထွက်

နည်းဥပဒေကို လွှတ်တော်မှာ ဝေငှ

ငြိမ်းချမ်းစွာစုဝေးခွင့်၊ ငြိမ်းချမ်းစွာ စီတန်းလှည့်လည်ခွင့် နည်းဥပဒေ ကို လွှတ်တော်အမတ်တွေကို ဒီကနေ့ စတင် ဝေပေးခဲ့ပြီဖြစ်လို့ ဒီကနေ့က စပြီး ဥပဒေနဲ့ နည်းဥပဒေအတိုင်း ငြိမ်းချမ်းစွာ ဆန္ဒပြခွင့်ရသွားပြီဖြစ်ပါတယ်။

ဒီကနေ့ ထုတ်ပြန်လိုက်တဲ့ ဆန္ဒပြခွင့် နည်းဥပဒေ အဓိကအချက်တွေကို ပြည်သူ့လွှတ်တော်အမတ် ဦးသိန်းညွှန့်က ရှင်းပြရာမှာ ဘယ်လိုလျှောက်လွှာတင်ရမယ် ငြင်းပယ်ရင် ဘယ်လိုငြင်းပယ်နိုင်တယ် အယူခံဝင်နိုင်တယ် ဆိုတဲ့အချက်တွေ နောက်ပြီး လျှောက်ထားသူက စည်းကမ်းချက်တွေကို သဘောတူကြောင်း လက်မှတ်ထိုးဖို့လိုအပ်ပုံ ကြိုတင်ခွင့်ပြုချက်ယူရာမှာ လူအင်အား ဘယ်လောက်ရှိတယ် ပြမယ့်နေရာ ကြွေးကြော်သံ စတာတွေပါဝင်ကြောင်း ဘီဘီစီကို ပြောပါတယ်။

ဥပဒေထဲမှာ ပြဌာန်းထားတာတွေကတော့ ဆန္ဒပြခွင့်မရှိတဲ့ နေရာတွေကတော့ အစိုးရရုံး၊ စက်ရုံအလုပ်ရုံ၊ ဈေး၊ ဘာသာရေးနဲ့သက်ဆိုင်တဲ့နေရာ၊ ဘူတာရုံ၊ လေဆိပ်၊ သင်္ဘောဆိပ်၊ ဆေးရုံ စတဲ့ အများပြည်သူနဲ့ သက်ဆိုင်တဲ့နေရာတွေဖြစ်ပါတယ်။

ဆန္ဒပြဖို့အတွက် ခွင့်ပြုချက်ကို မြို့နယ်ရဲစခန်းမှာ ၅ ရက်ကြိုတင် တင်ရမယ်၊ခွင့်ပြုတာဘဲဖြစ်ဖြစ် မပြုဘူးတာဘဲဖြစ်ဖြစ် ၄၈ နာရီကြိုတင် အသိပေးရမှာဖြစ်တယ်။

ခွင့်ပြုချက်မရဘဲ ဆန္ဒပြရင် ထောင်ဒဏ် ၁ နှစ်အထိချနိုင်ပါတယ်။ ခွင့်ပြုချက်ရပေမယ့်လည်း သတ်မှတ်ထားတဲ့ စည်းမျဉ်းစည်းကမ်းတွေကို ဖေါက်ဖျက်ရင် ထောင်ဒဏ် ၆ လအထိ ပစ်ဒဏ်ပေးလို့ရပါတယ်။

ခွင့်ပြုချက်နဲ့အညီ ဆန္ဒပြတာကို အနှောက်အယှက်ပေးတဲ့သူ ဆိုရင် တော့ ထောင်ဒဏ် ၂ နှစ်အထိ ပစ်ဒဏ်ပေးနိုင်ပါတယ်။

ခွင့်ပြုချက်နဲ့ ဆန္ဒပြတာကို သက်ဆိုင်ရာ ရဲတပ်ဖွဲ့က လုံခြုံရေးယူပေးရမှာဖြစ်ပါတယ်။

ရေပိုင်နက် ပြဿနာ လွှမ်းမိုးနေတဲ့ အာဆီယံပွဲ

By ဗွီအိုအေ (မြန်မာဌာန)

• ဒီသီတင်းပတ် ကမ္ဘောဒီးယားနိုင်ငံမှာ တွေ့ဆုံနေကြတဲ့ အရှေ့တောင် အာရှ နိုင်ငံများအဖွဲ့ ASEAN က အစိုးရအရာရှိတွေဟာ နိုင်ငံပေါင်း ၆ နိုင်ငံ အကြား သူပိုင်ငါပိုင် အငြင်းပွားနေတဲ့ တောင်တရုတ် ပင်လယ် ရေပိုင်နက်ပြဿနာ ဆွေးနွေး အဖြေရှာကြဖို့ တွန်းအားပေး ဆောင်ရွက်နေကြပါတယ်။

တောင်တရုတ်ပင်လယ်ပြင်မှာ တရုတ်က ကမ်းလွန်ရေနံရှာဖွေတဲ့နေရာတွေ သတ်မှတ်ပြီး လေလံတင် ရောင်း ချမယ့် ဆုံးဖြတ်ချက်ကို ဗီယက်နမ်နိုင်ငံက ပြီးခဲ့တဲ့လကပဲ ကန့်ကွက်ခဲ့ပါတယ်။ အဲဒီဒေသဟာ ဗီယက်နမ်နိုင်ငံ ရဲ့ စီးပွားရေးဇုံ ကမ်းဦးရေတိမ်ပိုင်းမှာ အပြည့်အ၀ ရှိနေတယ်။ အဲဒီနေရာကို သူ ပိုင်ဆိုင်ကြောင်းနဲ့ ပတ်သက် လို့ အမျိုးသားလွှတ်တော် မှာလည်း ဥပဒေတရပ် ပြဌာန်း အတည်ပြုထားတယ်လို့ ဗီယက်နမ်နိုင်ငံက ပြောပါ တယ်။

တရုတ်နိုင်ငံကတော့ ဗီယက်နမ်ရဲ့ အဲဒီဥပဒေကို ပြင်းပြင်း ထန်ထန် ဝေဖန် ရှုတ်ချပြီး တရားမ၀င်ဘူးလို့ လည်း ပြောထားပါတယ်။ ထိုင်ဝမ်၊ ဖိလစ်ပိုင်၊ ဘရူနိုင်းနဲ့ မလေးရှားနိုင်ငံတွေ ကလည်း တောင်တရုတ် ပင်လယ်ပြင်ထဲမှာ သူတို့ရဲ့ ရေမြေပိုင်ဆိုင်မှုကို အသီးသီး တောင်းဆိုနေကြတာ ရှိပါတယ်။

တနင်္လာနေ့က အာဆီယံ နိုင်ငံခြားရေးဝန်ကြီးတွေရဲ့ နှစ်ပတ်လည် အစည်းအဝေးအဖွင့်မှာတော့ ကမ္ဘောဒီး ယားနိုင်ငံ ၀န်ကြီးချုပ် ဟွန်ဆန်က လက်ရှိ ပဋိပက္ခတွေနဲ့ ပတ်သက်ပြီး သဘောတူညီချက်တရပ် ရယူဖို့ လို အပ်နေတဲ့အကြောင်း ထောက်ပြ ပြောဆိုသွားပါတယ်။ အာဆီယံနဲ့ တရုတ်နိုင်ငံတို့ဟာ လုပ်ထုံးလုပ်နည်း ဥပဒေတရပ်ကို ၂၀၀၂ ခုနှစ်က သဘော တူ လက်မှတ်ရေးထိုးခဲ့ကြတာပါ။ ဒီသဘောတူညီချက် အရ တောင်တရုတ် ပင်လယ်ပြင်မှာ လွတ်လပ်စွာ ရေကြောင်း သွားလာခွင့်၊ ပဋိပက္ခတွေကို ငြိမ်းချမ်းစွာ အဖြေရှာပြီး ကုလသမဂ္ဂရဲ့ ပင်လယ်ပြင် ဥပဒေဆိုင်ရာ သဘောတူ စာချုပ်အပါအ၀င် နိုင်ငံတကာ သတောတူစာချုပ်တွေ ကို လေးစား လိုက်နာဖို့ သဘောတူခဲ့ကြတာပါ။

နှစ်ပတ်ကြာ အာရှဒေသ ခရီး ရောက်ရှိနေတဲ့ အမေရိကန် နိုင်ငံခြားရေး ၀န်ကြီး ဟီလာရီကလင်တန်ဟာလည်း အာဆီယံ အစည်းအဝေးကို တက်ရောက်ဖို့ ရှိနေပါတယ်။ လွတ်လပ်စွာ ရေကြောင်းသွားလာခွင့်ရှိဖို့ နိုင်ငံ တိုင်းက လိုလားကြသလို တောင်တရုတ်ပင်လယ်ပြင်မှာ အဟန့်အတားကင်းပြီး တရားဥပဒေနဲ့ညီတဲ့ ကူးသန်းသွားလာခွင့်ရဖို့ အားလုံးက လိုလားကြတယ်လို့ တိုကျိုမြို့မှာရောက်တုန်း တနင်္ဂနွေနေ့က သတင်းထောက်တွေကို ပြောဆိုခဲ့ပါတယ်။

ဆီးရီးယားကို လက်နက်မရောင်းဖို့ ရုရှားကတိပေး

By ဗွီအိုအေ (မြန်မာဌာန)

• ဆီးရီးယားနိုင်ငံမှာ အခြေအနေတွေ အေးအေးဆေးဆေး ဖြစ်မသွားမခြင်း ရုရှားနိုင်ငံက ဆီးရီးယားကို လက်နက်ရောင်းချမှု မပြုလုပ်တော့ဘူးလို့ ရုရှားကာကွယ်ရေးဝန်ကြီးဌာန ထိပ်တန်းအရာရှိကြီးတဦးက ပြော ဆိုပါတယ်။

ရုရှားတပ်မတော် နည်းပညာပူးပေါင်းဆောင်ရွက်ရေးနဲ့ တပ်မတော် ဒုတိယအကြီးအကဲ Vyacheslav Dzirkaln က တနင်္လာနေ့မှာ အခုလိုပြောလိုက်တာပါ။

အမေရိကန်နိုင်ငံနဲ့ တခြားနိုင်ငံတွေက မော်စကိုအနေနဲ့ အတိုက်အခံတွေအပေါ် ဖြိုခွဲနေတဲ့ ဆီးရီးယား အစိုးရကို လက်နက်မရောင်းချဖို့ တွန်းအားပေးပြောဆိုနေခဲ့တာပါ။

လတ်တလောဆီးရီးယားနိုင်ငံကိုရောက်နေတဲ့ နိုင်ငံတကာ ငြိမ်းချမ်းရေးသံတမန် မစ္စတာကိုဖီအာနန်ဟာ ဆီးရီးယားသမ္မတ ဘက်ရှာ အယ်လ် အာဆဒ်နဲ့ တွေ့ဆုံစကားပြောဆိုခဲ့ပြီး ဆွေးနွေးမှုဟာ အပြု သဘောဆောင်တယ်လို့ မစ္စတာအာနန်က ပြောပါတယ်။

အကြမ်းဖက်မှုတွေရပ်တန့်သွားအောင် ဘယ်လိုလုပ်သင့်တယ်ဆိုတာကို ဆွေးနွေးခဲ့တယ်လို့ မစ္စတာ အာနန်က ပြောပါတယ်။ သူ့အနေနဲ့ ဆွေးနွေးခဲ့တဲ့ အချက်တွေကို ဆီးရီးယားအတိုက်အခံတွေနဲ့ တွေ့တဲ့ အခါ ပြန်ပြီးတော့ ပြောပြ ဖလှယ်မယ်လို့လည်း ပြောပါတယ်။

မစ္စတာအာနန်ဟာ ဆီးရီးယားနိုင်ငံအတွင်း ပဋိပက္ခတွေ အဆုံးသပ်နိုင်ဖို့အတွက် ငြိမ်းချမ်းရေးအစီအစဉ် တခုကို ရေးဆွဲခဲ့ပြီး လအတန်ကြာအကောင်အထည်ဖေါ်နိုင်ဖို့ ကြိုးစားခဲ့ပါတယ်။ ဒါပေမယ့် အတိုက်အခံတွေနဲ့ အစိုးရ တို့ကြား တိုက်ရိုက် ဆွေနွေးညှိနှိုင်းဖို့ နိုင်ငံတကာဘက်က အားထုတ်ခဲ့မှုဟာ မအောင်မြင်ခဲ့ဘူးလို့ ထုတ်ဖော် ၀န်ခံပြောဆိုခဲ့ပါတယ်။

ရခိုင်မှာ ကျောင်းတွေ ပြန်ဖွင့်မည်

By မနန္ဒာချမ်း

• မြန်မာနိုင်ငံ အနောက်ဘက်ခြမ်း ရခိုင်ပြည်နယ်မှာ သွေးထွက်သံယို ပဋိပက္ခတွေ ဖြစ်ပွားရာက အရေးပေါ် အခြေအနေအထိ ကြေညာခဲ့ရပေမဲ့ အခုအခါ တည်ငြိမ်စပြုလာနေပြီလို့ ဒေသခံတွေနဲ့ တာဝန်ရှိသူတွေ က ပြောပါတယ်။ အခြေအနေတွေ တိုးတက်လာတဲ့အတွက် ကောလိပ်နဲ့ တက္ကသိုလ်တွေလည်း ပြန်ဖွင့်တော့ မှာ ဖြစ်သလို ဒုက္ခသည် အများအပြားလည်း နေရပ် ပြန်လာနေကြပြီလို့ ပြောပါတယ်။ ဒါပေမဲ့လည်း လုံခြုံရေး ကတော့ တင်းကြပ်ထားဆဲ ဖြစ်တဲ့အကြောင်း အသေးစိတ်ကိုတော့ ဆက်သွယ်စုံစမ်းထားတဲ့ မနန္ဒာချမ်း က တင်ပြပေးထားပါတယ်။

သီတင်းပတ်နဲ့ချီပြီးဖြစ်ခဲ့တဲ့ ရခိုင်ပြည်နယ် အဓိကရုဏ်းကြောင့်မို့ ပိတ်ခဲ့ရတဲ့ ကောလိပ်တွေနဲ့ တက္ကသိုလ် ကျောင်းတွေဟာ ဇူလိုင်လ ၁၆ ရက် နေ့မှာ ပြန် ဖွင့်တော့မယ်လို့ စစ်တွေ ထိန်းသိမ်းကွပ်ကဲရေး အဖွဲ့ ပြန်ကြားရေးအဖွဲ့ဝင် ဦးဝင်းမြိုင်က ပြောပါတယ်။ အခြေအနေတွေက အတော်လေး တည်ငြိမ်လာပြီ မို့လို့ အခုလို ကောလိပ်တွေနဲ့ တက္ကသိုလ်ကျောင်းတွေကို ပြန်ဖွင့်ဖို့ စီစဉ်တာဖြစ်သလို ဒီအဓိကရုဏ်းတွေကြောင့် ထွက်ပြေးလာကြတဲ့ စစ်တွေမြို့ပေါ်က ဒုက္ခသည်တွေအများစုဟာလည်း အခုဆိုရင် နေရပ်ကိုပြန်ကုန်ကြ ပြီ ဖြစ်တယ်လို့ သူက ပြောပါတယ်။ ဒါပေမဲ့လည်း အစိုးရက ထုတ်ပြန်ထားတဲ့ ညမထွက်ရ အမိန့်ကိုတော့ ချက်ချင်းကြီး ရုပ်သိမ်းဖို့ မဖြစ်နိုင်သေးဘူးလို့ ဦးဝင်းမြိုင် က ဆိုပါတယ်။

“နောက်တပတ် ၁၆ ရက်နေ့မှာ ဖွင့်ပါမယ်။ သံတွဲမြို့နယ်တွေမှာလည်း ဖွင့်မှာပါခင်ဗျ။ စိတ်ချရပါတယ်။ ရသေ့တောင်ဆိုရင် ကယ်ဆယ်ရေးစခမ်းတောင် မရှိတော့ပါဘူးခင်ဗျ။ အကုန်လုံး သက်ဆိုင်ရာ ကျေး ရွာတွေ ပြန်သွားကြပါပြီ။ စစ်တွေမြို့လည်မှာတော့ အိမ်မီးလောင်တဲ့ဟာတွေတော့ ကျန်ပါသေးတယ် ခင်ဗျ။ ကျန်တဲ့ အနီးအနားရွာတွေ၊ မီးမလောင်တဲ့ရွာတွေကတော့ ပြန်သွားကြပါပြီခင်ဗျ။ ရခိုင်ရော မူဆလင်တွေရော ဆိုရင် ၄ သောင်းကျော် လောက်ရှိပါတယ်ခင်ဗျ။ ရခိုင်တပြည်နယ်လုံးဆိုရင် မောင်တော၊ စစ်တွေ မြို့ပေါ်ရောပေါ့။ ၄ သောင်းကျော်လောက်တော့ ကျန်ပါသေးတယ်။ ညမထွက်ရ အမိန့်ကတော့ လောလော ဆယ်တော့ မရုပ်သေးပါဘူးခင်ဗျ။ တဆင့်ပြီးတဆင့်ပေါ့။ ပထမ ၆ နာရီမထွက်ရ ကနေပြီး ၈ နာရီမထွက်ရ။ ၈ နာရီမထွက်ရကနေ မနက် ၅ နာရီ။ ပြီးတော့မှ တဆင့်ပြီးတဆင့်နဲ့ အားလုံးကို ရုပ်သိမ်းဖို့ စီစဉ်ထားပါ တယ်။ နောက်တလအတွင်းမှာတော့ ဖြစ်နိုင်ခြေ ရှိတယ်လို့ ယူဆရပါတယ်။ ကျောင်းတွေတောင် ပြန်ဖွင့်ပြီ ဆိုတော့ လုံခြုံရေးက အခြေအနေကောင်းပါတယ်။ နောက်တလအတွင်းမှာ အကုန်လုံး ပြန်ရုပ်ဖို့ ဖြစ်ပါလိမ့် မယ်ခင်ဗျ။”

ဒေသတွင်းမှာရှိတဲ့ အခြေခံပညာစာသင်ကျောင်းတွေကိုတော့ ဖွင့်ထားခဲ့တာ သီတင်းပတ်အတန်ကြာခဲ့ပြီဖြစ် ပါတယ်။ ဒါပေမဲ့လည်း မိဘတွေက သားသမီးတွေကို ကျောင်းလွှတ်ဖို့ စိုးရိမ်နေဆဲဖြစ်တဲ့အတွက် ကျောင်းတွေ ဖွင့်ထားပေမဲ့ ကျောင်းသားအများစုက ကျောင်းမလာကြဘူးလို့လည်း ဦးဝင်းမြိုင်က ပြောပါတယ်။ ကျောင်း တက်ချိန်နဲ့ ကျောင်းဆင်းချိန်တွေကိုလည်း ပြောင်းလဲသတ်မှတ်ထားပြီး ကျောင်းချိန်တွင်းမှာလည်း ဆရာ- ဆရာမတွေရော ကလေး တွေရော အခါတိုင်းလို ကျောင်းဝင်းအပြင် မထွက်ကြဘူးလို့ စစ်တွေမြို့ခံ ကိုခိုင်သောင်းစံက ပြောပြပါတယ်။

“စာသင်ကျောင်းတွေကိုလည်း ပြန်ဖွင့်နေပါပြီ။ ကျောင်းပြန်တက်တာကတော့ အရင်တုန်းကလိုတော့ မဖြစ် ဘူးပေါ့။ မိဘတွေက စိုးရိမ်ပြီးတော့မှ မပို့ကြတော့ပါဘူး။ နောက်တော့ ကျောင်းက ခါတိုင်းဆို ၁၀ နာရီကနေ ၄ နာရီအထိပေါ့ ကျောင်းတက်ရပါတယ်။ အခုကျတော့ မနက် ၁၀ နာရီကနေ ၂ နာရီအထိ တောက်လျှောက်ပြ ပါတယ်။ ၁၀ မိနစ် နားချိန်မှာ အဲဒီ ကျောင်းဝန်းထဲမှာပဲ နားခွင့်ပေးပါတယ်။”

အလားတူ စစ်တွေမြို့ပေါ်က ဈေးတွေကိုလည်း ပြန်ဖွင့်နိုင်ပြီဖြစ်ပေမဲ့ တင်းကြပ်ထားတဲ့ လုံခြုံရေးကြောင့် အရင်တုန်းကလိုတော့ လူတွေအနေနဲ့ လွတ်လွတ်လပ်လပ် ၀င်ထွက်ရောင်းဝယ်တာမျိုး မလုပ်နိုင်ကြဘူးလို့ ဆိုပါတယ်။

“ဈေးတွေလည်း ပုံမှန်ပြန်ဖွင့်နေပါပြီ။ ဒါပေမဲ့ နဂိုရ်အတိုင်းတော့ ပုံမှန် ပြန်မဖြစ်သေးဘူး ခင်ဗျ။ ဈေးလေးတွေ ကို သွားဝယ်လို့ရှိရင် ဈေးဝယ်တဲ့ ကဒ်တွေ ထုတ်ပေးထားပါတယ်။ ဈေးလာဝယ်တဲ့သူက အဝါရောင်ကဒ် ပါ။ ဈေးရောင်းချတဲ့သူက အပြာရောင်ကဒ်ပါ။ ဈေးမှာ အလုပ်လုပ်တဲ့သူတွေက အစိမ်းရောင်ကဒ် ဆိုပြီး ကဒ် သုံးမျိုး ခွဲထားပြီး ဝင်ပေါက်၊ ထွက်ပေါက် ဆိုပြီးတော့မှ ကုန်တိုက်တွေလိုမျိုး လုပ်ထားတယ်။ နောက် လုံခြုံရေး ရဲနဲ့ စစ်တပ်ပေ့ါလေ၊ အဓိက ရဲတွေအတော်များများက လုံခြုံရေးယူပြီးတော့ ဈေးတွေကို ဖွင့်ပြီး ရောင်းချနေ တာ တွေ့ရပါတယ်။ နောက်ပြီး ဈေးက မနက်ဖွင့်ပြီး ညနေပိုင်းဆို ၃ နာရီ နေက်ဆုံး ဈေးပိတ်ပါတယ် ခင်ဗျ။”

ရခိုင်ပြည်နယ်မှာ ဇွန်လဆန်းက ဖြစ်ခဲ့တဲ့ သွေးထွက်သံယို ပဋိပက္ခတွေကြောင့် သေဆုံးသူ ၈၀ လောက်ရှိပြီး ဒဏ်ရာရသူတွေလည်း တော်တော်များများ ရှိခဲ့တယ်လို့ အစိုးရပိုင် သတင်းတွေမှာ ဖော်ပြခဲ့တာပါ။ ကုလသမဂ္ဂ ကတော့ ဒီပဋိပက္ခတွေအတွင်း သေကျေ ထိခိုက်မှုတွေနဲ့ အိမ်ခြေ ၂ ထောင်ကျော် မီး ရှို့ဖျက်ဆီးခံရတာ အပါအ၀င် ပျက်စီးဆုံးရှုံးမှုတွေ အကြီးအကျယ်ရှိခဲ့ပြီး ထွက်ပြေးကြရတဲ့ ဒုက္ခသည် အရေအတွက်ဟာလည်း တစ်သိန်းနီးပါး ရှိခဲ့တယ် လို့ ပြောဆိုခဲ့ပါတယ်။

အခုလို ရခိုင်ပြည်နယ်မှာ သွေးထွက်သံယို အဓိကရုဏ်းတွေဟာ ရမ်းဗြဲမြို့နယ် ကျော်နီမော်ကျေးရွာသူ မသီတာထွေးကို မူဆလင် ၃ ဦးကနေ အဓမ္မပြု ကျင့် သတ်ဖြတ်မှု ဖြစ်ခဲ့ပြီး လက်တုံ့ပြန်တဲ့အနေနဲ့ တောင် ကုတ်မှာ မူဆလင် ၁၀ ဦး အသတ်ခံခဲ့ရာကနေ စတင်ခဲ့တာပါ။ မသီတာထွေးအမှု ကျူးလွန်သူ ၃ ဦးထဲက ၁ ဦးကတော့ ဖမ်းဆီးခံထားရစဉ်မှာတင် ကိုယ့်ကိုယ်ကို လုပ်ကြံပြီး သေဆုံးသွားတဲ့အတွက် ကျန် ၂ ဦး ကိုတော့ ကျောက်ဖြူမြို့နယ်တရားရုံးက ပြီးခဲ့တဲ့လကပဲ သေဒဏ်စီရင်ချက်ချခဲ့ပါတယ်။

အာဖဂန်ထူထောင်ရေး ဒေါ်လာသန်းပေါင်း ၁၆,၀၀၀ ကူညီဖို့ အလှူရှင်တွေကတိပြု

By ဗွီအိုအေ (မြန်မာဌာန)

• ဂျပန်နိုင်ငံ တိုကျို မြို့တော်မှာ ကျင်းပတဲ့ အာဖဂန်နစ္စတန်နိုင်ငံကို ကူညီရေး အစိုးရများနဲ့ အဖွဲ့အစည်းများက လာမယ့် လေးနှစ်အတွင်း အာဖဂန် ပြန်လည် ထူထောင်ရေးအတွက် ဒေါ်လာ သန်းပေါင်း တသောင်းခြောက်ထောင် ကူညီကြဖို့ သဘောတူ ဆုံးဖြတ်ကြပါတယ်။ အာဖဂန်သမ္မတ ဟာမစ်ခါဇုိုင်းရဲ့ မေတ္တာရပ်ခံချက်အရ တနှစ်ကို ဒေါ်လာ သန်းပေါင်း လေးထောင် ကူညီသွားကြဖို့ တနင်္ဂနွေနေ့က သဘောတူညီကြပါတယ်။

ယခင်က အာဖဂန်နစ္စတန်နိုင်ငံမှာ အကျင့်ပျက်မှုတွေ အလွန်ကြီးမားနေတဲ့အတွက် အကူအညီပေးခဲ့တဲ့ ရန်ပုံငွေတွေ သုံးစွဲရာမှာ အလေအလွင့် များခဲ့ရတဲ့အကြောင်း၊ ဒါကြောင့် အကျင့်ပျက်မှုတွေကို အပြင်းထန်ဆုံး တိုက်ဖျက်သွားမှာဖြစ်ကြောင်း သမ္မတ ခါဇိုင်းက သတိပေး ပြောဆိုသွားပါတယ်။

လာမယ့် လေးနှစ်အတွင်း အာဖဂန်နစ္စတန် အုပ်ချုပ်စီမံရေး အရပ်ရပ် စံပြုထားတာနဲ့အညီ အောင်မြင်အောင် မဆောင်ရွက်နိုင်ခဲ့ရင် ထောက်ပံ့မှု ရန်ပုံငွေတွေကို ရပ်ဆိုင်း ထိန်းချုပ်ခံရမယ် ဆိုတဲ့ သဘောတူညီမှုလည်း ပါဝင်ပါတယ်။