06.07.2012 နေ့ဖတ်ရန်သတင်းများ

by Myanmar Journal on Thursday, July 5, 2012 at 4:54pm ·

ဗြိတိသျှကာကွယ်ရေးဝန်ကြီး Philip Hammond

ဘတ်ဂျက်ကြောင့် ဗြိတိသျှစစ်တပ် အင်အားလျှော့မယ်

ဗြိတိသျှကာကွယ်ရေးဝန်ကြီး Philip Hammond က ဘတ်ဂျက်အသုံးစရိတ် လျှော့ချဖြတ်တောက်နိုင်ဖို့အတွက် ခြေလျင်တပ်မကြီး ငါးခုအပါအဝင် အဓိကကြည်းတပ် တပ်မ ၁၇ ခုကို ဖျက်သိမ်းသွားမယ်လို့ ထုတ်ဖော် ကြေညာလိုက်ပါတယ်။

အင်္ဂလိပ်စစ်တပ်ရဲ့ အင်အားဟာ ပြင်သစ်အင်ပိုင်ယာ နပိုလီယံနဲ့ ၁၈၀၃ ကနေ ၁၈၁၅ ခုနှစ်အတွင်း ဖြစ်ခဲ့တဲ့ စစ်ပွဲတွေကစလို့ တွက်မယ်ဆိုရင် အခုလို ဖြတ်တောက်ပြီး နောက်မှာ အရေအတွက် ရှစ်သောင်းလောက်နဲ့ အင်အားအနည်းဆုံးကို ရောက်သွားမှာ ဖြစ်ပါတယ်။

ဒီတော့ လာမယ့် အနာဂတ် ဗြိတိသျှကြည်းတပ်မှာဆိုရင် လက်ရှိ အမြဲတမ်းတပ်ဖွဲ့ဝင်တွေကို အခြေခံပြီး တန်ပြန်ထိုးစစ်တပ်ဖွဲ့နဲ့ အချိန်ပိုင်း တပ်ဖွဲ့ဝင်တွေ အခြေပြုပြီး ရွေ့လျားတပ်ဖွဲ့ဆိုပြီး နှစ်မျိုးရှိလာမှာ ဖြစ်ပါတယ်။

အတိုက်အခံလေဘာပါတီကတော့ အခုခေတ်လို ကမ္ဘာလုံးဆိုင်ရာ ခြိမ်းခြောက်မှုတွေ ရှိနေတဲ့ မတည်မငြိမ် ကာလမျိုးမှာ ဒီလို ဖြတ်တောက်မှုဟာ လုံးဝ မသင့်တော်ဘူးလို့ ထုတ်ဖော် ပြောဆိုလိုက်ပါတယ်။

ဖီဖာဂိုးစည်းနည်းပညာ ကျင့်သုံးမသုံး မဲခွဲမယ်

ဒိုင်လူကြီးတွေကြောင့် ဖီဖာဟာ အကြီးအကျယ် ဖိအားပေးခံရတယ်။

ဖီဖာ ကမ္ဘာ့ဘောလုံးအဖွဲ့ချုပ်က ဂိုးစည်း နည်းပညာကို သုံးဖို့ မသုံးဖို့ မဲခွဲ ဆုံးဖြတ်တော့မှာ ဖြစ်ပါတယ်။ စပိန်အသင်း ဗိုလ်စွဲခဲ့တဲ့ ပြီးခဲ့တဲ့ ဥရောပချန်ပီယံ ဖလားပြိုင်ပွဲ အပါအဝင် ဘောလုံးပွဲတချို့မှာ ဒိုင်လူကြီးတွေရဲ့ ဆုံးဖြတ်ချက်တွေ မှားယွင်းခဲ့တာနဲ့ ပတ်သက်ပြီး ဖီဖာဟာ အကြီးအကျယ် ဖိအားပေး ခံနေရပါတယ်။

ဥရောပချန်ပီယံဖလားပြိုင်ပွဲရဲ့ ယူကရိန်းနဲ့ အင်္ဂလန်အသင်းတို့ ကစားတဲ့ ပွဲမှာဆိုရင် ယူကရိန်းက ကန်သွင်းတဲ့ ဂိုးဟာ ဂိုးစည်းထဲ ဝင်သွားတာကို ရုပ်သံက ထင်ထင်ရှားရှား တွေ့ခဲ့ပေမယ့်လို့ ဒိုင်လူကြီးက ဂိုးအဖြစ် မသတ်မှတ်ခဲ့ပါဘူး။

မဲခွဲပြီး ဂိုးစည်းနည်းပညာကို သုံးကြမယ်ဆိုရင်တော့ ဖီဖာက ဂိုးတိုင်မှာ ကင်မရာတပ်မလား၊ ဘောလုံးမှာ ဆန်ဆာတပ်မလားဆိုတာကို စဉ်းစားနေကြပါတယ်။

ဂျပန် ဖူကူရှီးမား ပျက်စီးမှု မြင်ကွင်း

ဂျပန် နျူကလီးယားယိုဖိတ်မှု အစီရင်ခံစာထွက်

ဖူကူရှီးမားဓါတ်ပေါင်းဖိုနဲ့ ပတ်သက်တဲ့ အစီရင်ခံစာ ထွက်လာတဲ့အခါ စကားလုံးအသုံးအနှုန်းတွေ ပြင်းထန် လိမ့်မယ်လို့မျှော်လင့် ထားကြပေမယ့် ဒီလောက်အထိ ပြောလိမ့်မယ်လို့တော့ လူအတော်များများကထင်မထားပါဘူး။ ၂၀၁၁မတ်လ တုန်းကဖြစ်ခဲ့တဲ့နျူကလီးယား ဓါတ်ပေါင်းဖို ပျက်စီးရမှုဟာလုံးဝ လူကြောင့် ဖြစ်ရတာဖြစ်ပြီး ဒီလိုမဖြစ်အောင်ကြို တင်တားဆီးဖို့ဖြစ်နိုင်သလို၊ တကယ်ဖြစ်လာတဲ့ အချိန်မှာလည်းဒီထက်ပိုပြီး ထိထိရောက်ရောက် တုန့်ပြန်နိုင်တယ်လို့ ဂျပန် ပါလီမန်အစီရင်ခံစာက ဆိုပါတယ်။

ဖူကူရှီးမား ဓါတ်ပေါင်းဖိုကိုလုပ်ငန်းလည်ပတ်တဲ့ Tepco ကုမ္ပဏီနဲ့ ဂျပန် အစိုးရတို့ရဲ့ ဒီအရေးအပေါ်တုန့်ပြန်ဆောင်ရွက်မှုမှာ ဆိုးဆိုးရွားရွား အားနည်းချက်တွေရှိခဲ့တယ်လို့ အစီရင်ခံစာကဆိုပါတယ်။ ဒါ့အပြင် ယဉ်ကျေးမှုအရ အထက်လူကြီးတွေကို ပြန်ပြီး မေးခွန်းမထုတ်နိုင်ခဲ့တာဟာလည်း အကြောင်းတခုလို့ဆိုပါတယ်။ ဒီအဖြစ် အပျက်နဲ့ပတ်သက်ပြီး နျူကလီးယားမတော်တဆ ဖြစ်မှုဆိုင်ရာသီးခြား လွတ်လပ်တဲ့ကော်မရှင်ကို စုံစမ်းစစ်ဆေးဖို့ တာဝန် ပေးအပ်ခဲ့ရာမှာ လူပေါင်း ၁၀၀၀ ကျော်ရဲ့ ထွက်ဆိုချက်တွေကို နာရီပေါင်း ၉၀၀ ကြာအောင်ကြားနာပြီး အစီရင်ခံစာ ကိုရေးခဲ့တာပါ။

ဂျပန်အစိုးရက ဒီဓါတ်ပေါင်းဖိုမတော်တဆ ဖြစ်မှုဟာဆူနာမီရေလှိုင်းတွေ ရိုက်ခတ်တာကြောင့်လို့ပြောခဲ့ပေ မယ့် စုံစမ်းသူတွေရဲ့တွေ့ရှိချက်အရ ရေလှိုင်းမတိုင်ခင် ငလျင်လှုပ်ကတည်းက ဓါတ်ပေါင်းဖိုပျက်စီးသွားတာလို့ဆိုပါတယ်။ ခြောက်လကြာ စုံစမ်းစစ်ဆေးမှုတွေအရ ဒီပြဿနာမှာလူရဲ့အားနည်းချက်နဲ့ဂရုမစိုက်မှုတွေ၊ အစိုးရနဲ့ Tepco ကုမ္ပဏီ အကြား လက်သိပ်ထိုးဆက်ဆံ ဆောင်ရွက်မှုတွေနဲ့အဲဒီအချိန်က ဝန်ကြီးချုပ် Naoto Kan အစိုးရရဲ့လုပ်ငန်းဆောင်ရွက်မှု မမှန်ကန်တာတွေကြောင့် အခုလိုဓါတ်ပေါင်းဖိုဆိုးဆိုးရွားရွားပျက်စီးရတာတွေ့ရတယ်လို့ဆိုပါတယ်။

ဒါကြောင့်အနာဂတ် မှာနျူကလီးယား လုံခြုံရေးဆိုင်ရာအဖွဲ့ကို လွှတ်တော်ကအမြဲစောင့်ကြည့်ဖို့၊ အရေးပေါ်အခြေအနေကိုတုန့်ပြန်တဲ့စံနစ်ကို ပြုပြင်ပြောင်းလဲဖို့၊ ကမ္ဘာ့လုံခြုံရေး အဆင့်အတန်းနဲ့ ကိုက်ညီအောင်နျူကလီးယား စွမ်းအင်ဥပဒေကို ပြုပြင်ဖို့နဲ့ နျူကလီးယား ဓါတ်ပေါင်းဖို လည်ပတ်တဲ့ တာဝန်ယူသူတွေကို စောင့်ကြည့်တဲ့စံနစ် ထူထောင်ပြီး စုံစမ်းစစ်ဆေးတဲ့ အဖွဲ့လည်းဖွဲ့စည်း ဖို့တွေကိုအစီရင်ခံစာက အကြံပြုထားပါတယ်။ ဒီဓါတ်ပေါင်းဖိုကို အခင်းဖြစ်ပြီးတဲ့နောက် ပိတ်ထားခဲ့ရာကနေပြီးခဲ့တဲ့ တနင်္ဂနွေနေ့မှာ ပြန်ပြီးလည်ပတ်ခဲ့တဲ့အတွက် ဆန္ဒပြမှုတွေအကြီးအကျယ်ဖြစ်ခဲ့ပါတယ်။ ဂျပန်နိုင်ငံအနောက်ပိုင်းမှာ နောက်ထပ်ဓါတ်ပေါင်းဖိုနှစ်ခုကိုလည်း ပြန်ဖွင့်ဖို့ရှိနေတာမို့ဝန်ကြီးချုပ် Yoshihiko Noda ကဒီအတွက်ထောက်ခံကြဖို့ ဆော်သြနေပါတယ်။ အဲဒီဓါတ်ပေါင်းဖိုနှစ်ခုဟာလည်း ငလျင်ကြောပေါ်မှာတည်ရှိနေတာမို့ နျူကလီးယားစွမ်းအင်ဆိုင်ရာ လုံခြုံရေးဟာ ဂျပန်အစိုးရအတွက်အများကြီးပိုပြီး ကြပ်ကြပ်မတ်မတ် ဆောင်ရွက်ရမယ့်အရေး ဖြစ်ပါတယ်။

စစ်မက်ဖြစ်ပွားမှု စောင့်ကြည့်ရေးအဖွဲ့ ဖွဲ့မယ်

မီးရထားဝန်ကြီး ဦးအောင်မင်းဟာ ပြည်တွင်းငြိမ်းချမ်းရေး လုပ်ငန်းတွေကို တက်တက်ကြွကြွဆောင်ရွက်နေသူ ဖြစ်ပါတယ်။

တိုင်းရင်းသားလက်နက်ကိုင်တွေနဲ့ တိုက်ပွဲတွေ ဖြစ်ပွားနေတဲ့ အရပ်ဒေသတွေမှာ စောင့်ကြည့်ရေးအဖွဲ့ကို ဖွဲ့စည်းသွားမယ်လို့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းအဖွဲ့ရဲ့ ဒုတိယ ဥက္ကဌ မီးရထားဝန်ကြီး ဦးအောင်မင်းက ဇူလိုင် ၁ က နေပြည်တော်မှာ ပြောကြားခဲ့တဲ့အပေါ် တိုင်းရင်းသား လက်နက်ကိုင်တွေကလည်း ကြိုဆိုလိုက်ပါတယ်။

နှစ်ဘက်တိုက်ပွဲတွေ ဖြစ်တဲ့အခါ ဘယ်ဘက်ကစပြီး စည်းကမ်းချိုးဖောက်သလဲ ဆိုတာကို သိနိုင်ဖို့ မြန်မာ အစိုးရ တပ်တွေနဲ့ တိုင်းရင်းလက်နက်ကိုင် တပ်တွေကို ကိုယ်စားပြုသူတွေ၊ သတင်းသမားတွေနဲ့ ဂုဏ်သရေရှိတဲ့ ရပ်မိရပ်ဖတွေပါတဲ့ စောင့်ကြည့်ရေးအဖွဲ့ကို ပထမအဆင့် ဖွဲ့စည်းသွားဖို့ ရှိတယ်လို့ ဝန်ကြီးက ပြောခဲ့ပါတယ်။

ဒုတိယအဆင့်မှာတော့ နိုင်ငံတကာနဲ့ ကုလသမဂ္ဂ စစ်မြေပြင် စောင့်ကြည့်ရေးအဖွဲ့တွေက အဲဒီ စောင့်ကြည့်ရေးအဖွဲ့မှာ ပါလာမှာဖြစ်ပြီး တတိယအဆင့်မှာတော့ ဘယ်အဖွဲ့အစည်း၊ ဘယ်နိုင်ငံကမဆို စောင့်ကြည်မယ်ဆို စောင့်ကြည့်နိုင်မယ့် အနေအထား ဖြစ်သွားနိုင်တယ်လို့ ဝန်ကြီးရဲ့ ပြောဆိုချက်အရ သိရပါတယ်။

အခုရက်ပိုင်းအတွင်း အစိုးရတပ်တွေနဲ့ ရင်ဆိုင်တိုက်ပွဲ ဖြစ်နေတဲ့ ရှမ်းပြည်တောင်ပိုင်း တပ်မတော်ကတော့ အခုလို စောင့်ကြည့်ရေးအဖွဲ့တွေ ဖွဲ့စည်းသွားမယ်ဆိုတဲ့ သတင်းကို ကြိုဆိုလိုက်ပါတယ်။

အပြစ်ဖို့လိုက်၊ အကြောင်းပြလိုက် လုပ်နေတာထက်စာရင် အခုလို အဖွဲ့ဖွဲ့တာဟာ အလွန်ကောင်းတယ်၊ ဒါမှ ဘယ်သူက မှားသလဲ ဆိုတာကို ဖော်ထုတ်နိုင်လိမ့်မယ်လို့ ရှမ်းပြည်တောင်ပိုင်း တပ်မတော်က ပြောခွင့်ရ ပုဂ္ဂိုလ် စိုင်းလက ဘီဘီစီကို ပြောပါတယ်။

ဝန်ကြီး ဦးအောင်မင်းဟာ ပြည်တွင်း ငြိမ်းချမ်းရေးအတွက် တိုင်းရင်းသား လက်နက်ကိုင်တွေနဲ့ ငြိမ်းချမ်းရေးရအောင် တက်တက်ကြွကြွ လုပ်ကိုင် ဆောင်ရွက်နေသူလည်း ဖြစ်ပါတယ်။

မြေတောင်းတဲ့ ဘုန်းကြီးကျောင်းတွေ မီးရှို့ခံရ

နေပြည်တော်က လမ်းကြီးတွေက အလွန်ကောင်းပေမယ့်လို့ ဘုန်းကြီးကျောင်းတွေတော့ မီးရှို့တယ်လို့ ဆိုပါတယ်။

နေပြည်တော် စည်ပင်သာယာက ကျူးကျော် ဘုန်းကြီးကျောင်းတွေကို လျော်ကြေးယူ ဖယ်ရှားပေးဖို့ တောင်းဆိုခဲ့ပေမယ့် မလိုက်နာဘဲ မြေအစားတောင်းလို့ဆိုပြီး မီးရှို့ပစ်ခဲ့တယ်လို့ ဘီဘီစီက စုံစမ်း သိရပါတယ်။

နေပြည်တော် မြို့ပတ်လမ်း ဖောက်လုပ်ဖို့အတွက် မလွတ်တဲ့ အဆောက်အဦတွေကို ဖျက်ဖို့ နေပြည်တော် စည်ပင်သာယာရဲ့ အမိန့်အရ ဖျက်ရမယ့် အဆောက်အဦတွေ ထဲမှာ ဘုန်းကြီးကျောင်း ၅၀ လောက် ပါဝင်ပါတယ်။ တချို့ ဘုန်းကြီးကျောင်းတွေက ပေးတဲ့ လျော်ကြေးငွေကို ယူပြီး ဖျက်ပစ်ဖို့ သဘောတူခဲ့ပေမဲ့ တချို့ကျောင်းတွေကတော့ ဖျက်လိုတဲ့ဆန္ဒ မရှိကြဘူးလို့ သိရပါတယ်။ မနေ့ကတော့ ဘုန်းကြီးကျောင်း ၂ ကျောင်း မီးရှို့ဖျက်ဆီး ခံခဲ့ရပါတယ်။

မီးရှို့ခံရတာဟာ နေပြည်တော်မှာ ဖြစ်တဲ့အတွက် လွှတ်တော်မှာ တင်ပြဖို့ ကြိုးစားသွားမယ်လို့ ဘုန်းကြီးတွေအတွက် အကျိုးဆောင်ပေးနေတဲ့ ရှေ့နေ ဒေါ်စန်းစန်းမြင့်က ဘီဘီစီကို ပြောပါတယ်။ မီးရှို့တာဟာ ပြစ်မှုမြောက်တဲ့ ကိစ္စရပ် ဖြစ်တယ်လို့လည်း သူက ဆိုပါတယ်။

ဒီကိစ္စတွေအတွက် တာဝန်ရှိတဲ့ နေပြည်တော်ကောင်စီ အတွင်းရေးမှူးကို ဆက်သွယ်ခဲ့ပေမဲ့ လက်ခံဖြေကြားခဲ့ခြင်း မရှိပါဘူး။ သာသနာရေး ဦးစီးဌာနက အရာရှိ တစ်ယောက်ကတော့ သာသနာ့မြေလို့ သတ်မှတ်ထားခြင်း မရှိတဲ့ ကျူးကျော် ဆောက်လုပ်ထားတဲ့ ဘုန်းကြီးကျောင်း တဲကျောင်းတွေကို ဖယ်ရှားခိုင်းတယ်လို့ သိရကြောင်း ဘီဘီစီကို ပြောပါတယ်။

ရခိုင် ဒုက္ခသည်စခန်း နိုင်ငံတကာ အန်ဂျီအိုအလှူ လက်မခံ

မဇ္ဈိမသတင်းဌာန | ကြာသပတေးနေ့၊ ဇူလိုင်လ ၀၅ ရက် ၂၀၁၂ ခုနှစ် ၁၉ နာရီ ၁၉ မိနစ်

ရခိုင်ပြည်နယ် မောင်တောမြို့ရှိ ဒုက္ခသည်စခန်း ကြီးကြပ်သူများက နိုင်ငံခြား အန်ဂျီအိုများ လာရောက်လှူဒါန်းခြင်းကို လက်မခံ ပဲ ငြင်းပယ်လိုက်ခြင်းမှာ မှားယွင်းသည့် လုပ်ရပ်တခု ဖြစ်ကြောင်း ရခိုင် တိုင်းရင်းသားများ တိုးတက်ရေး ပါတီက ပြောသည်။

မောင်တောမြို့ရှိ ဒုက္ခသည်စခန်း ၇ ခုက အင်္ဂါနေ့နှင့် ဗုဒ္ဓဟူးနေ့များတွင် Martayzar အပါအဝင် နိုင်ငံတကာ အန်ဂျီအို အချို့အား ငြင်းပယ်ခြင်းနှင့် ပတ်သက်ပြီး တုံ့ပြန် ပြောဆိုခြင်း ဖြစ်သည်။

“လက်မခံဘူးလို့ ကိုယ့်သဘောနဲ့ကိုယ် ပြောလို့ ဘယ်ရပါ့မလဲ။ လူတွေက အကူအညီ လိုအပ်နေပါတယ်။ အကူအညီ လိုအပ်နေတာကို လက်မခံဘူးဆိုတော့ မှားနေပြီလေ” ဟု ရခိုင် တိုင်းရင်းသားများ တိုးတက်ရေးပါတီမှ ဗဟိုကော်မတီ ဝင် ဦးစံကျော်လှ က ပြောသည်။

ရခိုင်ပြည်နယ် အခြေအနေမှာ တည်ငြိမ်မှုသို့ ပြန်လည် ရောက်ရှိနေပြီ ဖြစ်သော်လည်း ဒုက္ခသည်များမှာ ထိန့်လန့်နေ ကြဆဲ ဖြစ်ကြောင်းနှင့် ဒုက္ခသည်များအတွက် အစားအသောက်၊ အနေအထိုင်နှင့် ကလေးငယ်များ ကျောင်းတက်နိုင်ရေးအတွက် အကူအညီများစွာ လိုအပ်ဆဲ ဖြစ်ကြောင်း သူက ပြောသည်။

နိုင်ငံတကာ အန်ဂျီအိုများသည်  ဘင်္ဂါလီနှင့် ရခိုင်တိုင်းရင်းသားများကို ခွဲခြားဆက်ဆံခြင်း၊ ရိုးသားမှု မရှိခြင်းဟု ယူဆရ သည့်အတွက် ၎င်းတို့၏ အထောက်အပံ့ကို လက်မခံရခြင်း ဖြစ်ကြောင်း ဒုက္ခသည်များ ခိုလှုံရာ စခန်းတခု ဖြစ်သည့်မောင်တောမြို့ရှိ အလိုတော်ပြည့်ကျောင်း ဆရာတော် အရှင်မဏိသာရ က မိန့်သည်။

“အန်ဂျီအို အဖွဲ့အစည်းတွေဟာ လူသား ချင်း စာနာထောက်ထားခြင်း၊ လူမျိုးဘာသာမရွေး ကူညီပံ့ပိုးတယ်လို့ ပြောပါသော်လည်းပဲ အရင်က ရခိုင်တိုင်းရင်းသားတွေ ဘာတခုမှ မရခဲ့ပါဘူး၊ ဘင်္ဂလီတွေကိုပဲ ဆေးဝါး အခမဲ့၊ ပညာရေး အခမဲ့၊ ဆန်အခမဲ့ ပေးဝေနေတယ်၊ အခုအချိန်ကြမှ ပံ့ပိုးချင်တယ် ဆိုတာကတော့ စေတနာကော မှန်ရဲ့လား၊ ရိုးကော ရိုးသားရဲ့လား အဲဒီလို မေးခွန်းထုတ်စရာ လိုတယ်။ ဦးဇင်းတို့တော့ မလိုအပ်ဘူးလို့ ထင်တယ်” ဟု ဆရာတော်က မိန့်သည်။ 

ရခိုင် တိုင်းရင်းသားများ တိုးတက်ရေးပါတီ စစ်တွေမြို့ ဌာနချုပ်မှ ဦးစံလှကျော် ကမူ “ဟိုတုန်းကတော့ ရှိတယ်ခင်ဗျ၊ အဲဒီအန်ဂျီအိုတွေက မွတ်ဆလင်တွေနဲ့ ရခိုင်တွေ ဆိုရင် မွတ်ဆလင်ဘက်ကို အလေးသာမှာပဲ၊ ဒါလည်း သူတို့ရဲ့ သဘောသဘာဝပါ၊ မွတ်ဆလင်တွေဘက်ကို အလေးသာနေတဲ့အတွက် အခု ရခိုင်တွေကို ပေးနေတဲ့ အလှူကို လက်မခံဘူး ဆိုရင် ဒါက မဖြစ်သင့်တဲ့ကိစ္စပါ” ဟု ပြောသည်။ 

မောင်တောမြို့နယ် အကြမ်းဖက်မူ ဖြစ်ရပ်တွင် နိုင်ငံတကာ အန်ဂျီအိုမှ ဒေသခံ ဝန်ထမ်းအချို့ နောက်ကွယ်မှ ပါဝင်ပတ်သက်နေသည့် သတင်းများ ထွက်ပေါ်နေခြင်းကြောင့် ဒေသခံ ရခိုင်တိုင်းရင်းသားများက နိုင်ငံတကာ အန်ဂျီအိုများအပေါ် မကျေနပ်မှုများ ဖြစ်ပေါ်လျက် ရှိကြောင်း သိရသည်။

 ရခိုင်ပြည်နယ်အတွင်း မေလ ၂၈ ရက်နေ့မှ ဇွန်လ ၂၄ ရက်နေ့ထိ ဖြစ်ပျက်ခဲ့သည့် ဆူပူအကြမ်းဖက်မှုကြောင့် လူပေါင်း ၇၈ ဦး သေဆုံးပြီး၊ ၈၅ ဦး ဒဏ်ရာ ရရှိကာ၊ မီးလောင်ကျွမ်း ပျက်စီးခဲ့ရသည့် အဆောက်အဦး ၃,၁၅၈ လုံး ရှိကြောင်း အစိုးရ တရားဝင် ထုတ်ပြန်ချက်အရ သိရသည်။နိုင်ငံတကာ အန်ဂျီအိုအဖွဲ့ကမ္ဘာ့ စားနပ်ရိက္ခာ အစီအစဉ် (WFP) မှ ထုတ်ပြန်ချက်အရ ရခိုင်ပြည်နယ် တခုလုံးတွင် ဒုက္ခကြုံနေရသူပေါင်း ၉ဝ,ဝဝဝ ခန့် ရှိကြောင်း သိရသည်။

တိုင်းရင်းသားတန်းတူရေး လွှတ်တော်က ဥပဒေပြဋ္ဌာန်းပေးသင့်ဟု သမ္မတပြော

မျိုးသန့် | ကြာသပတေးနေ့၊ ဇူလိုင်လ ၀၅ ရက် ၂၀၁၂ ခုနှစ် ၂၀ နာရီ ၂၄ မိနစ်

ရန်ကုန် (မဇ္ဈိမ) ။         ။ သမ္မတ နှစ်ဦး ဦးဆောင်ပါဝင်ဖွဲ့စည်းထားသည့် ပြည်ထောင်စု ငြိမ်းချမ်းရေး ဖေါ်ဆောင်ရေး ဗဟိုကော်မတီ၏ ပထမဆုံး အစည်းအဝေးတွင် တိုင်းရင်းသားတို့ တန်းတူအခွင့်အရေးရရှိရန် လွှတ်တော်မှ ဥပဒေပြဋ္ဌာန်းဆောင်ရွက်ပေးသင့်ကြောင်း သမ္မတ ဦးသိန်းစိန်မှ မှာကြားသည်ကို နိုင်ငံတော် သမ္မတရုံး အင်တာနက် စာမျက်နှာတွင် ဖေါ်ပြထားသည်။

နေပြည်တော် သမ္မတ အိမ်တော်တွင် ဇွန်လ ၃ ရက်နေ့က ပြုလုပ်သည့် ပြည်ထောင်စုငြိမ်းချမ်းရေး ဖေါ်ဆောင်ရေး ဗဟိုကော်မတီနှစ်လပြည့် သည့်နေ့ ပထမဆုံးစည်းဝေးမှုတွင် တိုင်းရင်းသားများ အခွင့်အရေး အတွက် ဥပဒေ တရပ် ပြဋ္ဌာန်းမှသာ ငြိမ်းချမ်းရေး လုပ်ငန်းစဉ်များ ပိုမိုအောင်မြင်မည် ဟုလည်း သမ္မတ ဦးသိန်းစိန်က ပြောသွားသည်။

"တိုင်းရင်းသားများအတွက် အသက်တမျှ အရေးကြီးတဲ့ ဥပဒေတရပ်ပြဋ္ဌာန်းထားသော တန်းတူရည်တူ အခွင့်အရေးများနဲ့ အခြားသော တိုင်းရင်းသားများ အခွင့်အရေးများကို လွှတ်တော်မှ လေ့လာသုံးသပ်ပြီး ဥပဒေ ပြဋ္ဌာန်းပေးမယ်ဆိုရင် မိမိတို့ တာဝန်ယူ ဆောင်ရွက်နေတဲ့ ပြည်တွင်း ငြိမ်းချမ်းရေး ဗဟိုကော်မတီရဲ့ လုပ်ငန်းများ အလျင်အမြန် အောင်မြင်နိုင်မှာ ဖြစ်ပါတယ်။" ဟု သမ္မတက ပြောသွား သည်။

သမ္မတက "ပြည်ထောင်စု မြန်မာနိုင်ငံကို တိုင်းရင်းသားအားလုံး ပိုင်ဆိုင်ကြသည့်အတွက် တန်းတူရည်တူ ဆက်ဆံမှုနဲ့ တန်းတူရည်တူ အခွင့်အရေးရသင့်သူများ ဖြစ်ကြပါတယ်။ တိုင်းရင်းသားတို့ရဲ့ တူညီတဲ့ အဓိကဆန္ဒဟာ ပြည်ထောင်စု အတွင်း တိုင်းရင်းသား လူမျိုးစုအားလုံး တန်းတူရည်တူ ဆက်ဆံမှုနဲ့ တန်းတူရည်တူ ညီမျှစွာ အခွင့်အရေး ရရှိရေးပင်ဖြစ်ပါတယ်။" ဟုလည်း ပြောသွားသည်။

ယင်းအပြင် ဖွဲ့စည်းပုံအခြေခံဥပဒေ အပိုဒ် ၃၆၅ တွင်ပါရှိသည့် "နိုင်ငံသားတိုင်းသည် ဥပဒေနှင့်အညီ မိမိတို့အမြတ်တနိုး ထားရှိသော စာပေ၊ ယဉ်ကျေးမှု အနုပညာနှင့် ဓလေ့ထုံးတမ်းတို့ကို လွတ်လပ်စွာ ပြုစုပျိုးထောင် ဆောင်ရွက်ပိုင်ခွင့် ရှိသည်။" ဟူသည့် အပိုဒ်ကို ကိုးကားထည့်သွင်း ပြောကြားသွားသည်။

ထို့ကြောင့် တိုင်းရင်းသား စည်းလုံးညီညွတ်မှု မထိခိုက်အောင် လွှတ်တော်မှ ဥပဒေများ ပြဋ္ဌာန်းပေးပါက တိုင်းရင်းသား တို့၏ လိုအင်ဆန္ဒ ပြည့်ဝမည်ဖြစ်ပြီး အမျိုးသား ပြန်လည်ပေါင်းစည်းညီညွတ်ရေးနှင့် တိုင်းရင်းသား ပဋိပက္ခများပြေလည်သွားနိုင်သည်ဟုလည်း ပြောသွားသည်။

စစ်အစိုးရထံမှ ၂၀၁၁ ခုနှစ် မတ်လအတွင် အာဏာလွှဲပြောင်းရယူခဲ့သည့် ဗိုလ်ချုပ်ကြီးဟောင်း သမ္မတ ဦးသိန်းစိန်ကပြုပြင်ပြောင်းလဲမှုများနှင့် ပတ်သက်၍ "စနစ်ဟောင်းမှ စနစ်သစ်သို့ ကူးပြောင်းရာမှာ ပြည်သူတွေဟာ စာရွက်ပေါ် တွင်သာ ကူးပြောင်းခြင်းမျိုး မဟုတ်ဘဲ လက်တွေ့ကျတဲ့ အပြောင်းအလဲကို လိုလားနေခြင်းဖြစ်ပါတယ်။ " ဟုလည်း သမ္မတက ဖြည့်စွက်ပြောကြားသည်။

သမ္မတ ဦးသိန်းစိန် ဥက္ကဋ္ဌအဖြစ် တာဝန်ယူဆောင်ရွက်နေသည့် မေလ ၃ ရက်နေ့တွင် ဖွဲ့စည်းခဲ့သည့် ပြည်ထောင်စု ငြိမ်းချမ်းရေး ဖေါ်ဆောင်ရေး ဗဟိုကော်မတီတွင် ဒုသမ္မတ ရာထူးမှ အနားယူသွားပြီ ဖြစ်သည့် သူရသီဟ ဦးတင်အောင်မြင့်ဦး၊ ဒုတိယသမ္မတ ဒေါက်တာ စိုင်းမောက်ခမ်း၊ ပြည်သူ့လွှတ်တော်ဥက္ကဋ္ဌ သူရ ဦးရွှေမန်း၊ အမျိုးသား လွှတ်တော် ဥက္ကဋ္ဌ ဦးခင်အောင်မြင့်၊ တပ်မတော်ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင် ဒုတိယ ဗိုလ်ချုပ်ကြီးများ ဖြစ်ကြသည့် ဗိုလ်ချုပ်ကြီးလှမင်း၊ ဗိုလ်ချုပ်ကြီး သိန်းဋ္ဌေးနှင့် ပြည်ထောင်စု ရှေ့နေချုပ် ဒေါက်တာ ထွန်းရှင်တို့က အဖွဲ့ဝင်များအဖြစ် ပါဝင်ဖွဲ့စည်းထားသည်။

အကြမ်းဖက်သံသယရှိသူ ခြောက်ဦး ဗြိတိန် ဖမ်းဆီး

By ဗွီအိုအေ (မြန်မာဌာန)

• အကြမ်းဖက်သမားလို့ သံသယရှိသူ အမျိုးသားငါးဦးနဲ့ အမျိုးသမီးတဦး စုစုပေါင်း လူခြောက်ဦးကို ဖမ်းဆီးထားတယ်လို့ ဗြိတိန် အာဏာပိုင်တွေက ပြောပေမဲ့ ဒီဖမ်းဆီးမှုဟာ မကြာခင်ကျင်းပမယ့် အိုလံပစ် အားကစားပွဲတော်နဲ့ မဆက်စပ်ဘူးလို့ ဆိုပါတယ်။

ဖမ်းဆီးထားသူတွေဟာ အသက် ၁၈ နှစ်ကနေ ၃၀ ကြား လူတွေဖြစ်တယ်လို့ ရဲတပ်ဖွဲ့ကဆိုပြီး ကြာသာပတေးနေ့ အစောပိုင်းက လန်ဒန်မြို့တော် တ၀န်း ရှာဖွေဖမ်းဆီးမှုတွေလုပ်ခဲ့တာနဲ့အမျှ စီစဉ်ထားတဲ့ ထောက်လှမ်းရေး၊ စစ်ဆင်ရေး တစိတ်တပိုင်းဖြစ်တယ်လို့ ပြောပါတယ်။

လန်ဒန်မြို့တော် အရှေ့ပိုင်း၊ အနောက်ပိုင်းနဲ့ မြောက်ပိုင်းတို့မှာရှိတဲ့ လူနေအိမ်ရှစ်ခုနဲ့ စီးပွားရေးလုပ်ငန်း တခုတို့ကို ၀င်ရောက် ရှာဖွေခဲ့တယ်လို့ ရဲတပ်ဖွဲ့က ပြောပါတယ်။

စစ်ဆင်ရေးအတွင်း သံသယရှိသူတဦးကို လျှပ်စစ်ကျင်စက် သေနတ်နဲ့ ပစ်ခတ်ဖမ်းဆီးခဲ့ရပေမဲ့ ဒဏ်ရာတော့ မရခဲ့ဘူးလို့ ရဲတွေက ဆိုပါတယ်။ ဖမ်းဆီးမှုတွေလုပ်ခဲ့တဲ့ နေရာတချို့နားမှာ ကျင်းပဖို့ရှိတဲ့ အိုလံပစ် အားကစားပွဲတော်နဲ့ အခု ဖမ်းဆီးတာတွေ မဆက်စပ်ဘူးလို့ ရဲတပ်ဖွဲ့က ပြောပါတယ်။

လွန်ခဲ့တဲ့ခုနစ်နှစ် ဒီသီတင်းပတ်အချိန်တုန်းက လန်ဒန်မြို့တော်တ၀န်း အသေခံဗုံးခွဲ တိုက်ခိုက်မှုတွေကြောင့် လူ ၅၂ ယောက် သေဆုံးခဲ့ရပါတယ်။

NGO အထောက်အပံ့ ရခိုင်ဒုက္ခသည်စခန်းလက်မခံ

By နိုင်ကွန်းအိမ်

• နိုင်ငံခြား NGO အဖွဲ့တွေကနေ ရခိုင်ပြည်နယ်၊ မောင်တောမြို့မှာ ဆူပူအကြမ်းဖက်မှုဘေးကနေ တိမ်းရှောင်လာတဲ့ ဒုက္ခသည်စခန်း (၇) ခုကို လူသားချင်း စာနာထောက်ထားတဲ့ အကူအညီတွေပေးခဲ့ပေမဲ့ စခန်းကြီးကြပ်သူတွေက လက်မခံဘူးလို့ ဆိုပါတယ်။ နိုင်ငံခြား NGO အဖွဲ့တွေဟာ ယခင်က ဘင်္ဂါလီ ဒုက္ခသည်တွေကိုသာ ကူညီခဲ့တဲ့အနေအထားကြောင့် အခုလို လာရောက်လှူဒါန်းတာဟာလည်း သံသယဖြစ်စရာအနေအထားမှာ ရှိနေတယ်လို့လည်း စခန်းကြီးကြပ်သူ သံဃာတော်တွေက ပြောပါတယ်။ ရခိုင်နိုင်ငံရေးပါတီကတော့ ဒုက္ခသည်တွေ အကူညီလိုအပ်နေတဲ့ကာလမှာ အခုလို အကူအညီ ပေးတာကို ငြင်းပယ်လိုက်တာဟာ မဖြစ်သင့်ဘူးလို့လည်း ပြောဆိုမှုတွေ ရှိနေပါတယ်။

ဒီအခြေအနေအပြည့်အစုံကိုတော့ ထိုင်းအခြေစိုက်သတင်းထောက် နိုင်ကွန်းအိန်ကနေ အခုလို သတင်း ပေးပို့ထားပါတယ်။

ရခိုင်ပြည်နယ်၊ မောင်တောမြို့နယ်မှာရှိတဲ့ ဒုက္ခသည်စခန်းတွေကို နိုင်ငံခြား NGOအဖွဲ့တွေကနေ လာရောက် လှူဒါန်းတဲ့အကူအညီတွေကို လက်မခံ ငြင်းပယ်လိုက်တယ်လို့ အလိုတော်ပြည့်ကျောင်း ဆရာတော် ဦးမဏိစာရက မြွက်ကြားခဲ့ပါတယ်။ အခုလို NGO တွေကနေ ပေးအပ်တဲ့ အကူ အညီ ငြင်းပယ်ရတဲ့ဖြစ်စဉ်တွေကိုတော့ မောင်တေမြို့နယ် ဒုက္ခသည်စခန်းကြီးကြပ်သူ ဆရာတော်ဦးမဏိစာရက ဗွီအိုအေကို အခုလိုပြောပါတယ်။

“NGO အဖွဲ့အစည်းတွေက ဟိုတုန်းက လူသားချင်းစာနာထောက်ထားခြင်း လူမျိုး၊ ဘာသာမရွေး ကူညီပံ့ပိုးတယ်လို့ ပြောပါသော်လည်းပဲ ဒီဒေသမှာ ဘာတခုမှလည်း မရရှိခဲ့ပါဘူး။ သူတို့ ဘင်္ဂါလီတွေကိုပဲ ဆေးဝါးအခမဲ့၊ ပညာရေးအခမဲ့ ပေးဝေနေတယ်။ ဘယ်အဖွဲ့တွေလဲဆိုရင် မာတေဇာတို့၊  တခြားအဖွဲ့အစည်းတွေလည်း အများကြီးရှိမှာပါ။ နောက်ကွယ်မှာတော့ ဘင်္ဂါလီ ဦးစားပေးတဲ့အဖွဲ့လို့ပဲ မြင်ပါတယ်။ သူတို့ရဲ့ ပံ့ပိုးချင်တဲ့စိတ်ဟာ စေတနာက မှန်ရဲ့လား၊ သူတို့က ရိုးသားလို့လားလို့ မေးခွန်းထုတ်စရာဆိုတော့ ဦးဇင်းတို့က မလိုအပ်ဘူးထင်တယ်။”

ဇူလိုင် (၄) ရက်နေ့ ညနေပိုင်းလောက်မှာ မာတေဇာအပါအ၀င် တခြား NGO အဖွဲ့တွေကနေ မောင်တောမြို့နယ်မှာရှိတဲ့ ဒုက္ခသည်စခန်းတွေကို သွားရောက်လှူဒါန်းစဉ်မှာ ခုလိုငြင်းပယ်ခဲ့တယ်လို့ ဆရာတော်က ပြောပါတယ်။

ဒီအခြေအနေနဲ့ပက်သက်လို့ မာတေဇောအပါအ၀င် NGO အဖွဲ့တွေကို ဆက်သွယ်ခဲ့ပေမဲ့ အဆက်အသွယ် မရရှိခဲ့ပါဘူး။

မောင်တောမြို့နယ်မှာ ဒုက္ခသည်စခန်း (၇) ခုရှိပြီး လူဦးရေ (၄,၀၀၀) ကျော်ရှိနေပါတယ်။ အခုလိုနိုင်ငံခြား NGO အကူအညီကို အလိုတော်ပြည့်ကျောင်း ဆရာတော်ဦးမဏိစာရကနေ လက်မခံတဲ့အပေါ် စစ်တွေမြို့မှာရှိတဲ့ ရခိုင်တိုင်းရင်းသားများတိုးတက်ရေးပါတီရုံးက ဗဟိုကော်မီတီတဦးဖြစ်သူ ဦးစံကျော်လှက အခုလိုပြောပါတယ်။

ဟောင်ကောင်မင်းသား Jackie Chan မြန်မာနိုင်ငံကို ရောက်ပြီ

By မစုမြတ်မွန်

• ဒီကနေ့ မြန်မာနိုင်ငံကို ရောက်လာတဲ့ ကမ္ဘာကျော်ရုပ်ရှင်မင်းသား Jakie Chan ဟာ မန္တလေးမြို့က မိဘမဲ့ ကလေးတွေကို စောင့်ရှောက်ထားတဲ့ ၅ စုတိုက် ဘုန်းတော်ကြီးသင် ပညာရေးကျောင်းကို သွားခဲ့ပါတယ်။ သူ့ကို ဧည့်ခံကြိုဆိုဖို့ ၅ စုတိုက်ကျောင်းမှာ အစီအစဉ်လုပ်ထားခဲ့ပေမဲ့ ခဏလေးပဲလာသွားခဲ့တာမို့ သူ့ကို တွေ့ဖို့ နာရီနဲ့ချီစောင့်ခဲ့ကြသူတွေက အားမရဘူးလို့ ပြောကြပါတယ်။ ကလေးငယ်တွေကို ရောင်း ချမှုတိုက်ဖျက်ရေးအတွက် မြန်မာနိုင်ငံမှာ ရောက်နေတဲ့ Jakie Chan ရဲ့ ခရီးစဉ်အကြောင်း စုံစမ်းထားတဲ့ မစုမြတ်မွန်က တင်ပြပေးထားပါတယ်။

ကုလကမဂ္ဂရဲ့ ကလေးများအရေးပေါ်ရန်ပုံငွေအဖွဲ့ UNICEF ရဲ့ အစီအစဉ်နဲ့ ၃ ရက်ခရီးနဲ့ ဒီကနေ့ ညနေ ပိုင်းမှာ မန္တလေးကို Jakie Chan ရောက်လာခဲ့တာဖြစ်ပါတယ်။ UNICEF အကျိုးဆောင် သံအမတ်ကြီး အဖြစ် Jakie Chan မန္တလေးမြို့ကို ရောက်ရောက်ချင်းမှာပဲ ချမ်းအေး သာဇံမြို့နယ်မှာရှိတဲ့ ၅ စုတိုက် ဘုန်းတော်ကြီးသင် ပညာရေးကျောင်းကို အရင်ဆုံးသွားခဲ့ပါတယ်။ အဲဒီမှာ သူ့ကို တွေ့ဆုံ နှုတ်ဆက်နိုင်ဖို့ ပရိတ်သတ်တွေ နာရီနဲ့ချီအောင် ဘုန်ကြီးကျောင်းရှေ့မှာ စောင့်နေခဲ့ကြပေမဲ့ ခဏလေးပဲတွေ့လိုက်ကြ ရတယ်လို့ မန္တလေးမြို့ခံ ကို ငြိမ်းချမ်းက ပြောပြပါတယ်။

“ယာဉ်တန်းက ၁၀ စီးလောက်ပါမယ်။ UNICEF အပြာရောင်တီရှပ်တွေနဲ့ ဗမာ ဝန်ထမ်းတွေရော၊ နိုင်ငံခြား သားဝန်ထမ်းတွေရောပါတယ်။ အဖွဲ့ ၁၊ ၂၊ ၃၊ ဆိုပြီး UN အဖြူရောင်ကားတွေနဲ့ ရောက်လာပါတယ်။ မီဒီယာတွေနဲ့ တရုတ်အမျိုးသားတွေကို အများဆုံးတွေ့ရတယ်။ ဝင်လာမယ် ဆိုကတည်းက တစောင့်စောင့်နဲ့ စောင့်နေကြတဲ့ပရိတ်သတ်ကတော့ ရာကြီးပိုင်းလောက် ရှိတယ်။

ယာဉ်တန်းလည်း ဝင်လာရော နောက်ဆုံး ကားမှာပါတဲ့ ဂျက်ကီချဲန်းကိုလည်းတွေ့ရော အကုန်လုံး ပြုံပြီးတော့ လိုက် သွားကြတယ်။ ကျောင်းဝန်းထဲ အရှေ့ဘက်ထိပ်စည်းကို ရောက်သွားပြီးတော့ ဆရာတော်ကြီးလည်း ရှိပါတယ်။ ဆရာတော်ကြီးနဲ့ ကြိုပြီးတော့မှ အတွင်းပိုင်းထဲဝင်မယ့် အချိန်မှာ ဘေး နားမှာ ပရိတ်သတ်ကတော့ များနေတာပေါ့။ အုံနေတယ်ဆိုပေမယ့် မန္တလေးပရိတ်သတ်အနေနဲ့ ဆိုရင်တော့ အဲဒီလောက်အုံနေတာ များလှတယ် လို့တော့ မယူဆပါဘူး။

ဂျက်ကီချဲန်းဆိုတာက ကမ္ဘာကျော်အနုပညာရှင်လည်းဖြစ်တယ်၊ နောက်ပြီးတော့ ဗမာပရိတ်သတ် အများဆုံး ထိ တွေ့ခဲ့ရတဲ့ မင်းသားလည်းဖြစ်တယ်၊ အခုလို ကုလသမဂ္ဂ အစီအစဉ်နဲ့ လာတယ်၊ နောက်ပြီးတော့ ဂျက်ကီချဲန်းကိုယ်တိုင်ကလည်း ကလေး ပရိတ်သတ်က ချစ်ကြတယ်လေ၊ အဲဒါမျိုးဆိုတော့ အုံကြမှာပေါ့ဗျာ။ သို့သော် UNICEF တာဝန်ရှိတဲ့သူတွေက ဘာများစိုးရိမ်ကြီးတယ် မသိဘူး၊ ဒါမှမဟုတ် ကာယကံရှင်ကိုယ်တိုင် စိုးရိမ်လို့လားတော့ မသိဘူး။ မဆင်းနိုင်ဘူးဖြစ်နေတယ်။ ကလေးတွေက တန်းစီပြီးကြို နေပါတယ်။ ဒါပေမဲ့ ကလေးတွေနဲ့ကို ကောင်းကောင်း နှုတ်မဆက် လိုက်ရ ပါဘူး။ သူက ထမင်းစားဆောင်အတွင်းထဲမှာပဲ ကလေးတွေနဲ့ နှုတ်ဆက်ဖို့အစီအစဉ်က လောလောဆယ် ယာယီရပ်ဆိုင်းသွားပြီးတော့ ကားပေါ်ကနေဆင်း၊ ဆင်းပြီး လက်ပြနှုတ်ဆက်ရင်းနဲ့ သူနဲ့ဆန့်ကျင်ဘက် ကားတစီးပေါ် အမြန်ပြေးတက်ပြီးတော့ အဲဒီကားက အသင့်ပြင်ထားတာပေါ့ဗျာ။ အဲဒီကားက အမြန်ပြန် ထွက်သွားတယ်။ အားလုံးနဲ့တွေ့လိုက်ရတာ ဝမ်းသာအားရ၊ အထူးသဖြင့်တော့ တရုတ်အမျိုးသားတွေပဲ။ တရုတ်လိုတွေ အော်ကြ၊ နှုတ်ဆက်ကြတာဆိုတော့ ကျနော်တို့လည်း သိပ်မသိရဘူး။ ”

၅ စုတိုက်ဘုန်းကြီးကျောင်းမှာ စောင့်ရောက် ပညာသင်ပေးနေတဲ့ မိဘမဲ့ ကလေးပေါင်းက ၂၇၀ လောက် ရှိပါတယ်။ အဲဒီထဲက ကိုခင်မောင်လုံး က သူမျှော်လင့်သလို တရုတ်သိုင်းကား ဟာသ Action ကားတွေ ရိုက်တဲ့ မင်းသား Jakie Chan ကို အားရပါးရ မတွေ့ခဲ့ရလို့ စိတ်မကောင်း ပါဘူးတဲ့။

“တွေ့ချင်လွန်းလို့ ဒီမှာ မျက်ရည်တောင် ၀ဲနေတာဗျ။ မြင်ဖူးချင်ကြတာပေါ့။ တချို့ ကလေးတွေ က ကောင်းကောင်းလည်း မမြင်ရဘူး။ လူကြီးတွေတောင် ကောင်းကောင်းမှ မမြင်ရတာဗျာ။ သူလာမယ့် အချိန်ကို ကျနော်တို့ နာရီကြည့်ပြီး စောင့်ပြီး မျှော်လင့်နေကြတာ။ ဂျက်ကီချမ်းကို တော်တော် ကြိုက်ကြ တယ်။ တအားကြိုက်တာ၊ ဂျက်ကီချဲန်း ကားတွေကို။ သူ့ဇာတ်ကားဆို အလွတ် မရှိဘူးပေါ့ဗျာ။ အကုန်လုံး ကြည့်တာပေါ့။ မကြည့်ဖူးတဲ့ကား မရှိဘူး။ အကုန်ကြည့်ဖူးတယ်။ အဲဒီလိုပေါ့။ သူ့ကိုတွေ့ရင် ဒီလို သူ့ဇာတ်လမ်းတွေ ကောင်းတဲ့အကြောင်းတွေပေါ့၊ ဖိုက်တင်ခန်း ကောင်းတဲ့အကြောင်းလေးတွေ၊ သိုင်း ကျွမ်းကျင်တဲ့ အကြောင်းလေးတွေ ပြောမှာပေါ့ဗျာ။”

ရုပ်ရှင်မင်းသား Jakie Chan ရဲ့ ၃ ရက် မြန်မာနိုင်ငံ ခရီးစဉ်အတွင်းမှာ ကုန်ကူးရောင်းချခံခဲ့ရတဲ့ ကလေးတွေကို စောင့်ရှောက်ထားတဲ့ UNICEF အထောက်အပံ့ပေးထားတဲ့ နေရာတွေဆီကိုလည်း သွားရောက်ကြည့်ရှုဖို့ အစီအစဉ်ရှိပါတယ်။ ကလေးတွေ ရောင်းချခံရမှုကို အထိရောက်ဆုံး ဘယ်လို ကာကွယ်နိုင်မလဲဆိုတာကိုလည်း မန္တလေးမြို့လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက တာဝန်ရှိသူတွေ၊ လူကုန်ကူးမှုတိုက်ဖျက်ရေး အထူးတပ်ဖွဲ့ဝင်တွေနဲ့လဲ Jakie Chan တွေ့ ဆုံဆွေးနွေးမှာဖြစ်ပါတယ်။ ကလေးငယ်တွေဟာ ရောင်းကုန်ပစ္စည်း မဟုတ်ပါဘူး၊ ရာသက်ပန် ထိခိုက် မှုတွေ ရသွားစေတဲ့ ရာဇဝတ်မှုကြီးကို အမြစ်ဖြတ်နိုင်ဖို့ ကမ္ဘာပေါ်က ကလေးတွေ အတွက် ကျွန်တော်တို့ ကြိုးစားဆောင်ရွက်ရမယ်လို့ မြန်မာနိုင်ငံကို မလာခင်မှာ Jakie Chan ကပြောခဲ့ပါတယ်။ မြန်မာနိုင်ငံက ကလေးတွေအနေနဲ့ ကိုယ့်ကိုကိုယ် ဘယ်လို ခုခံကာကွယ်လို့ ရနိုင်တယ်ဆိုတဲ့ အကြောင်းတွေကို လည်း မြန်မာနိုင်ငံခရီးစဉ်အတွင်းမှာ သင်ကြား ပြောပြမှာဖြစ်ပါတယ်။ သူဟာ မြန်မာနိုင်ငံက မပြန်ခင် July ၇ ရက် စနေနေ့မှာ ခရီးစဉ်အကြောင်း သတင်းစာရှင်းလင်းပွဲလုပ်ဖို့ အစီအစဉ်ရှိတယ်လို့ UNICEF တာဝန် ရှိသူက ပြောပါတယ်ရှင်။

 ဒုက္ခသည်များ ပြန်ပို့ရေး မရေရာ 

မြန်မာဘက်မှ ဘင်္ဂလာဒေခ်ျ့ရှိ ဒုက္ခသည်များကို ပြန်လည် လက်ခံရန် မူအားဖြင့် သဘောတူညီခဲ့သော်လည်း ဒုက္ခသည်များကို မြန်မာနိုင်ငံသို့ ပြန်ပို့ရေးမှာ မရေရာ မသေချာဘဲ ဖြစ်နေကြောင်း လေ့လာအကဲခတ်သူများက ပြောသည်။

ဇူလိုင်လ ၁ ရက်နေ့မှ ၂ ရက်နေ့ထိ ပြုလုပ်ခဲ့သော မြန်မာ-ဘင်္ဂလာ နိုင်ငံခြားရေး ၀န်ကြီးဌာန ဒုတိယ ၀န်ကြီးအဆင့် ပြုလုပ်ခဲ့သော ဆွေးနွေးပွဲတွင် မြန်မာဘက်မှ ဘင်္ဂလာဒေခ်ျ့သို့ ရောက်ရှိနေသော မြန်မာ နိုင်ငံမှ မွတ်ဆလင် ဒုက္ခသည်များကို ပြန်လည် လက်ခံရန် မူအားဖြင့် သဘောတူညီခဲ့သည်။

အဆိုပါ သဘောတူညီမူ အရ မြန်မာဘက်က ဒုက္ခသည်များကို ပြန်လည် လက်ခံမည် ဖြစ်သော်လည်း မြန်မာနိုင်ငံသား ဖြစ်ကြောင်း သက်သေ အထောက်အထား ခိုင်လုံစွာ တင်ပြနိုင်မှ လက်ခံမည် ဖြစ်ကြောင်း မြန်မာ ကိုယ်စားလှယ်များက ပြောကြားခဲ့သည်ဟု ဆိုသည်။

၎င်းပြင် လက်ရှိ အခြေအနေတွင် ရခိုင်ပြည်နယ် အတွင်း ဖြစ်ပေါ်နေသော ဆူပူ အကြမ်းဖက်မူများကြောင့် ဘင်္ဂလာဒေခ်ျ့သို့ ရောက်ရှိနေသော ဒုက္ခသည်များကို လောလောဆယ်တွင် လက်ခံနိုင်အုံးမည် မဟုတ်ကြောင်း မြန်မာဘက်က ပြောဆိုခဲ့သည်ဟု ဘင်္ဂလာဒေခ်ျ့ အရာရှိများက ပြောသည်။

ဘင်္ဂလာဒေခ်ျ့ကို ရောက်ရှိနေသော မြန်မာမှ မွတ်ဆလင် ဒုက္ခသည် အရေအတွက်မှာ ယူအန် အသိအမှတ်ပြု စခန်း (၂) ခုတွင် ၂၉၀၀၀ ခန့်ရှိပြီး စခန်းပြင်ပတွင် အထောက်အထား တစ်စုံတစ်ရာ မရှိဘဲ နေထိုင်သူ သုံးသိန်းခန့်ရှိကြောင်း ဘင်္ဂလာ အရာရှိများက ပြောသည်။

မန်မာ အနေဖြင့် ယူအန် အသိအမှတ်ပြု ဒုက္ခသည် ၂၉၀၀၀ထဲက ၉၀၉၅ ဦးကို မြန်မာနိုင်ငံသားများ ဖြစ်သဖြင့် ပြန်လည် လက်ခံရန် ၂၀၀၅ ခုနှစ်က သဘောတူညီခဲ့ပြီး ကျန်အထဲမှ ၂၄၁၅ ဦးကိုလည်း ၂၀၀၉ ခုနှစ်တွင် မြန်မာနိုင်ငံသား ဖြစ်သဖြင့် ပြန်လည် လက်ခံရန် သဘောတူညီခဲ့သည်ဟု ဆိုသည်။

သို့သော်လည်း မြန်မာဘက်က ပူးပေါင်းဆောင်ရွက်ရန် အားနည်းမူကြောင့် ဒုက္ခသည်များကို ပြန်ပို့နိုင်ခြင်း မရှိခဲ့ကြောင်း သိရသည်။

မြန်မာ အနေဖြင့် ကျန်ရှိနေသေးသော ဒုက္ခသည်များကို ပြန်လည် လက်ခံရန် အစည်းအဝေးတိုင်းတွင် ဂတိပြု ပြောကြားခဲ့သော်လည်း လက်တွေ့တွင်မူ ယူဆောင်ခြင်း မရှိကြောင်းသိရသည်။

နာယာပါရာနှင့် ကူတော့ ပလောင် ဒုက္ခသည် စခန်း (၂) ခုတွင် နေထိုင်သူများမှာ ၁၉၉၂ ခုနှစ်ကတည်းကပင် ရောက်ရှိလာခဲ့သူများ ဖြစ်ကြဟု ဆိုသည်။

ယခု ပြုလုပ်သော နှိုင်ငံခြားရေး ဒုဝန်ကြီး အဆင့် ဆွေးနွေးပွဲတွင် မြန်မာဘက်မှ ဒုတိယ နိုင်ငံခြားရေး ၀န်ကြီး ဦးမောင်မြင့် ဦးဆောင်သော ၆ ဦးပါ ကိုယ်စားလှယ် အဖွဲ့ တက်ရောက်ခဲ့ပြီး ဘင်္ဂလာဒေခ်ျ့ဘက်မှ နိုင်ငံခြားရေး ၀န်ကြီးဌာန အတွင်းဝင် မီဇရုလ် ကွာယက် ဦးဆောင်သော ကိုယ်စားလှယ် ၉ ဦး အဖွဲ့ တက်ရောက်ခဲ့သည်။

ဆွေးနွေးပွဲတွင် ပုံမှန် ဆွေးနွေးနေကျ ဖြစ်သည့် လမ်းတံတား ဖေါက်လုပ်ရေး ကိစ္စ၊ ကုန်သွယ် မြှင့်တင်ရေး ကိစ္စ၊ ရေကြောင်းလိုင်း လေကြောင်းလိုင်း ဖွင့်လှစ်ရေး ကိစ္စ၊ စိုက်ပျိုးရေး ပူးပေါင်းဆောင်ရွက်ရေး ကိစ္စ၊ စွမ်းအင်နှင့် ရေအားလျှပ်စစ် ၀ယ်ယူရေး ကိစ္စများကို အဓိကထား ဆွေးနွေးခဲ့ကြသည်ဟု သိရသည်။

http://www.narinjara.com/