16.06.2012 နေ့ဖတ်ရန်သတင်းများ

by Myanmar Journal on Friday, June 15, 2012 at 8:12pm 

ဒုတိယ တော်လှန်ရေး ဖြစ်မယ်လို့ အီဂျစ် မူဆလင် ညီအစ်ကို များကပြော

အီဂျစ်မှာ ပြီးခဲ့တဲ့ နှစ်အတွင်း ဆန္ဒပြပွဲတွေ ဆက်တိုက် ဖြစ်နေ တာပါ

မနှစ်က ကျင်းပခဲ့တဲ့ အီဂျစ် ရွေးကောက်ပွဲဟာ အခြေခံ ဥပဒေနဲ့ မညီတဲ့ အတွက် ရွေးကောက်ပွဲ အသစ်လုပ်ဖို့ အီဂျစ် တရား လွှတ်တော်ချုပ်က အမိန့်ချ လိုက်ပါတယ်။

ဒီဆုံးဖြတ်ချက်က တရားဝင် ပေမယ့် လက်တွေ့ မှာတော့ အီဂျစ် နိုင်ငံရေးကို ပိုပြီး ရှုပ်ထွေး စေတယ်လို့ ဘီဘီစီ သတင်းထောက် John Leyne ကသုံးသပ် ပါတယ်။

သမ္မတ ရွေးကောက်ပွဲ ကျင်းပဖို့ နှစ်ရက် အလိုမှာ တရားရုံးကနေနဲ့ ဘာကြောင့် အခုလိုမျိုး ဆုံးဖြစ်ချက် ချရသလဲ ဆိုတာ မေးစရာ ဖြစ်နေပါတယ်။

ဘာလို့လဲ ဆိုတော့ လက်တွေ့မှာ ပါလီမန်ကို တရားဝင် ဖျက်သိမ်း ခဲ့တယ် ဆိုရင် ဥပဒေပြု အာဏာကို စစ်ကောင်စီ လက်ထဲ ပြန်အပ် လိုက်တာနဲ့ အတူတူ ဖြစ်နေလို့ပါ။

အဲဒီလို ဖြစ်ခဲ့ရင် တော့ စစ်ကောင်စီ ကလည်း အမိန့်ပြန်တမ်း ထုတ်ပြန် ရမယ်၊ နောက်ပြီး လွှတ်တော် အမတ်တွေကို မစုစည်း နိုင်ဖို့ လုံခြုံရေး တင်းကျပ် မှုတွေ လုပ်ရ ပါမယ်။

အခုလောလောဆယ် မှာတော့ စစ်တပ် ဘက်က ဘာမှ မပြောလာ သေးပါဘူး။ တကယ်လို့ လုပ်လာ ခဲ့ရင်တော့ အတိုက်အခံ နိုင်ငံရေး လှုပ်ရှားသူ တွေ ဘက်ကလည်း ငြိမ်နေမှာ မဟုတ်ပါဘူး။

ဒါဟာ စစ်တပ်က အာဏာသိမ်းတာ လို့ စောတက တက်မှာပါ။ အထူးသဖြင့် အငြိမ်းစား ဗိုလ်ချုပ်ဟောင်း အာမက် ရှာဖစ် သာ ဒီသမ္မတရွေးကောက်ပွဲမှာ အနိုင်ရ ခဲ့မယ်ဆိုရင် တော့ အတိုက် အခံဘက်က ပြောစရာတွေ ပိုရှိလာမှာပါ။

ဒါပေမယ့် အခုအခြေ အနေမှာ အဲဒီလို မဖြစ်လာ သေးတော့ အတိုက်အခံတွေ ဘက်က လည်း ဘာမှ သိပ် မပြောနိုင် သေးပါဘူး။

အထူးသဖြင့် ပါလီမန် ရွေးကောက်ပွဲမှာ အမတ်နေရာ အများဆုံးနဲ့ အနိုင်ရ ထားတဲ့ မွတ်စလင် ညီနောင် များ အဖွဲ့ရဲ့ ပြောဆိုတဲ့ အသုံးအနှုံး တွေက ပြေလည်ရာ ပြေလည်ကြောင်း ပြောဆို နေတာ တွေ့ရပါတယ်။

စစ်တပ် ကလည်း အခု အခြေအနေ မှာ ထိပ်တိုက် တွေ့ဖို့ထက် ညှိနိုင်း ဆောင်ရွက် သွားနိုင်ပါတယ်။ အထူးသဖြင့် ဒီလ အကုန်မှာ အရပ်သား အစိုးရကို အာဏာ လွှဲပြောင်း ပေးဖို့ ကတိပေး ထားတာတွေ ရှိတော့ လတ်တလော အခြေအနေက ပိုမို ရှုပ်ထွေးစေပါတယ်။

သမ္မတဟောင်း မူဘာရက် မနှစ်က ပြုတ်ကျခဲ့ပြီး နောက်ပိုင်း ကတည်းက အီဂျစ် နိုင်ငံဟာ နိုင်ငံရေး ပဋိပက္ခ တွေအကြားမှာ နေနေရတာ အသားကျ နေပြီလို့တော့ ပြောနိုင် တယ်လို့ ဘီဘီစီ သတင်းထောက် John Leyne ကသုံးသပ် ပါတယ်။ 

ရခိုင်ပြည်နယ်မှာ အခြေအနေ တည်ငြိမ်လာ

ဘင်္ဂလားဒေ့ရှ် နိုင်ငံကတော့ ဒုက္ခသည်တွေကို လုံးဝ လက်မခံနိုင်ဘူးလို့ ထပ်ပြီးအခိုင်အမာ ပြောဆိုပါတယ်

ရခိုင်ပြည်နယ် မောင်တောနဲ့ ဘူးသီးတောင်မြို့နယ်တွေမှာ အခြေအနေတွေ ကောင်းမွန်လာပြီ ဖြစ်တယ်ပေမယ့် ကြာသပတေးနေ့ ညကတော့ စစ်တွေမှာ မီးရှို့မှု တခုဖြစ်ခဲ့တယ်လို့ သတင်းရရှိပါတယ်။

စစ်တွေမြို့ ကွပ်ကဲရေး အဖွဲ့ရဲ့ ပြောခွင့်ရပုဂ္ဂိုလ် တာဝန်ခံ ဦးဝင်နိုင်က မီးရှို့ခဲ့မှုကို လုံခြုံရေးတွေက ဝိုင်းထိန်းနိုင်ခဲ့တဲ့အတွက် တခြား ကူးစက်မှုမရှိကြောင်းနဲ့ မကြာခင်မှာ အခြေအနေတွေ ပုံမှန်အတိုင်း ပြန်ဖြစ်တော့မှာ ဖြစ်တယ်လို့ ပြောပါတယ်။

ရခိုင်ပြည်နယ်မှာ အခုလို အဓိကရုဏ်းတွေ ဖြစ်ပွားခဲ့တာ ကြောင့် မေလ ၂၈ ရက်နေ့ကနေ ဇွန်လ ၁၄ ရက်နေ့အထိ သေဆုံးသူ ၅၀၊ ဒဏ်ရာရရှိသူ ၅၄ ဦးနဲ့ မီးရှို့ဖျက်ဆီးခံခဲ့ရတဲ့ အဆောက်အဦးပေါင်း ၂၂၃၀ ရှိကြောင်း မြန်မာ့အသံနဲ့ ရုပ်မြင်သံကြားကနေ ကြေညာသွားပါတယ်။

ကြာသပတေးနေ့ည ကလည်း လူစုလူဝေးနဲ့ အကြမ်းဖက်ဖို့ နှစ်ကြိမ် ကြိုးစားခဲ့ကြပေမယ့်လို့ လုံခြုံရေးတွေက အခြေအနေကို ထိန်းသိမ်းထားနိုင်တယ်လို့ လည်း သတင်းကနေ ဖေါ်ပြသွားပါတယ်။

ဒုက္ခသည်စခန်း ၃၇ ခုနဲ့ အစ္စလာမ်ဘာသာဝင်နဲ့ ဗုဒ္ဓဘာသာဝင် ဒုက္ခသည် ၃ သောင်း ၂ ထောင်ကျော်ရှိတယ်လို့ ပြောပါတယ်။ ဘင်္ဂလားဒေ့ရ်ှဘက်ကို လှေတွေနဲ့ ထွက်ပြေးလာနေသူတွေ ရှိတယ်လို့ လည်း သတင်းတွေ ထွက်ပေါ်နေပါတယ်။

ကြာသပတေးနေ့က ဘင်္ဂလားဒေ့ရှ် နိုင်ငံခြားရေးဝန်ကြီးက သူတို့အဆို ရိုဟင်ဂျာ ဒုက္ခသည်တွေကို လုံးဝ လက်မခံနိုင်ဘူးလို့ ထပ်ပြီးတော့ အခိုင်အမာ ပြောဆိုခဲ့ပါတယ်။

UNHCR ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး ကတော့ ရခိုင်ပြည်နယ်မှာ ဖြစ်ပွားနေတဲ့ အဓိကရုဏ်းတွေ ကနေ ထွက်ပြေး လာကြတဲ့ မွတ်ဆလင်တွေကို ဘင်ဂလားဒေ့ရ်ှနိုင်ငံက လက်ခံပေးဖို့ ဘင်ဂလားဒေ့ရ်ှကို တောင်းဆို လိုက်ပါတယ်။

ဆီးရီးယား ကုလစောင့်ကြည့်ရေးအဖွဲ့ အလုပ်မဖြစ်

အကြမ်းဖက်မှုတွေ ချက်ခြင်းအဆုံးသတ်ဖို့ ဗိုလ်ချုပ် ရောဘတ်မုဒ်က တောင်းဆိုလိုက်ပါတယ်

ဆီးရီးယား နိုင်ငံမှာ အကြမ်းဖက်မှုတွေ အရှိန် မြင့်တက် လာနေတာကြောင့် ကုလသမဂ္ဂရဲ့ ဆီးရီးယား ငြိမ်းချမ်းရေး စောင့်ကြည့်ရေး အဖွဲ့ရဲ့ လုပ်ငန်းတွေ လုပ်ဆောင်ဖို့ မဖြစ်နိုင်ပဲ အကန့် အသတ် ဖြစ်နေတယ်လို့ အဖွဲ့ရဲ့ အကြီးအကဲ ဖြစ်သူ ဗိုလ်ချုပ် ရောဘတ်မုဒ်က ပြောကြား လိုက်ပါတယ်။

ဆီးရီးယား ပဋိပက္ခမှာ ပါဝင်နေတဲ့ အစိုးရနဲ့ သူပန်နှစ်ဘက်စလုံးဟာ စစ်ရေးအရ အသာစီးရရေး အဓိက ထားနေကြတာဖြစ်လို့၊ ငြိမ်းချမ်းရေး ဖြစ်စဉ်ကို ကြိုးပမ်း ဆောင်ရွက်ကြဖို့ ဆန္ဒမရှိ ဖြစ်နေကြတယ်လို့ ဗိုလ်ချုပ် ရောဘတ်မုဒ်က ပြောပါတယ်။

ဒမားစကပ်စ်မြို့မှာ ပြောကြားရာမှာ ဗိုလ်ချုပ် ရောဘတ်မုဒ်က အကြမ်းဖက်မှုတွေ ချက်ခြင်း အဆုံးသတ်ဖို့ တောင်းဆိုလိုက်ပါတယ်။

အကြမ်းဖက်မှုတွေကြောင့် နှစ်ဘက်စလုံးမှာ ဆုံးရှုံးမှုတွေ ဖြစ်စေပြီး၊ အရပ်သားတွေလည်း အသက် ဆုံးရှုံးနေရတယ်လို့ သူက ပြောကြားသွားပါတယ်။

သက်ဆိုင်သူ အားလုံးအနေနဲ့ ကုလသမဂ္ဂရဲ့ ငြိမ်းချမ်းရေး အစီအစဉ်ကို အကောင် အထည်ဖေါ် ဆောင်ရွက်ကြဖို့ ဗိုလ်ချုပ် ရောဘတ်မုဒ်က တိုက်တွန်း လိုက်ပြီး သူ့အဆို ဒီအစီအစဉ်ဟာ ငြိမ်းချမ်းရေး အဖြေရှာဖို့ အတွက် အသုံးဝင်နေဆဲ ဖြစ်ပါတယ်လို့ ပြောပါတယ်။

ဟက်ဖာမှာ လူသတ်ပွဲ ဖြစ်ခဲ့သလား

အစုလိုက် အပြုံလိုက် သတ်ဖြတ် ခံရတယ်လို့ ယူဆ ထားကြတဲ့ အယ်လ် ဟက်ဖာ မြို့ထဲ ကုလ သမဂ္ဂ စောင့်ကြည့် သူတွေ ဝင် သွားလို့ ရတဲ့ အခါမှာ လူသေနံ့ ဆိုးဆိုး ရွားရွား ရနေတယ်လို့ ဆိုပါတယ်။

အစိုးရနဲ့ အတိုက်အခံ တပ်တွေ အပြင်းအထန် တိုက်ခိုက်ကြပီး ရက်အတော် အကြာမှာ တမြို့လုံး စွန့်ပစ် ခံထားရသလို ခြောက်ကပ် နေပါတယ်။

အစိုးရ အဆောက်အဦ အများစု မီးတိုက် ခံရထားပီး ဆိုင်တွေ အိမ်တွေလဲ လုယက် ဖျက်ဆီး ခံထား ရပါတယ်။

လူအသေ အပျောက် စာရင်း ကိုတော့ မသိရ သေးဘူးလို့ ဆိုပါတယ်။

ရန်ကုန်အခြေအနေငြိမ်သက်

By ဗွီအိုအေ (မြန်မာဌာန)

• ရန်ကုန်မြို့မှာတော့ ဒီကနေ့ သောကြာနေ့မှာ လှုပ်ရှားမှုတွေလုပ်ဖို့ လှုံ့ဆော်တဲ့ လက်ကမ်းစာရွက်တွေ ပြီင်္းခဲ့တဲ့ရက်ပိုင်းတွေက ပြန့်နေခဲ့ပြီးတော့ ကောဠာဟလသတင်းမျိုးစုံ ထွက်နေခဲ့ပါတယ်။ ဒါကြောင့် လူထုကြားမှာ စိုးရိမ်မှုတွေ ဖြစ်ပြီးတော့ မိဘတွေက ကလေးတွေကို ကျောင်းမလွှတ်တာ၊ ပုဂ္ဂလိက လုပ်ငန်းတွေက ဝန်ထမ်းတွေကို စောစောပြန်လွှတ်တာ၊ ဆိုင်ပိတ်ပြီး လူနဲ့ကား အသွားအလာ နည်းတာတွေ ဖြစ်ခဲ့ပါတယ်။

အစ္စလာမ်ဘာသာဝင်တွေရဲ့ သောကြာနေ့ ဝတ်ပြုဆုတောင်းပွဲတွေက ခါတိုင်းထက် စောပြီး အေးအေး ချမ်းချမ်း ပြီးဆုံးခဲ့ပြီးတော့ တမြို့လုံးကတော့ ခါတိုင်းထက် တိတ်ဆိတ်နေတယ်လို့ မြို့ခံတွေက ပြောပါတယ်။

ဘင်္ဂလားဒေ့ရှ်-ရခိုင် လုံခြုံရေးပူပန်

By ဦးစံမိုဝေ

• ရခိုင်ပြည်နယ်မှာဖြစ်ပွားနေတဲ့ ပဋိပက္ခတွေရဲ့နောက်ကွယ်မှာ အကြမ်းဖက်အဖွဲ့တွေ ပါဝင် ပတ်သက်နေ တယ်ဆိုတဲ့ သတင်းတွေကို ရနေတာကြောင့် နိုင်ငံထဲကို ပြဿနာတွေဝင်လာအောင်လုပ်တာ လက်မခံနိုင် ဘူးဆိုပြီးတော့ ဘင်္ဂလားဒေ့ရှ် နိုင်ငံခြားရေးဝန်ကြီးက ပြောလိုက်ပါ တယ်။ ဒီလို အခြေအနေမှာပဲ ဘင်္ဂလားဒေ့ရ်ှမှာ ရှိနေတဲ့ ရခိုင်လူမျိုးတွေမှာလည်း ကျီးလန့်စာစား နေနေကြရပါတယ်။ ဘင်္ဂလားဒေ့ရှ် ဘက်က အခြေအနေတွေကိုတော့ ဦးစံမိုဝေက တင်ပြပေးထားပါတယ်။

ရခိုင်ပြည်နယ်မှာ ပဋိပက္ခ၊ အဓိကရုဏ်းတွေဖြစ်ပြီး ထွက်ပြေးလာကြတဲ့ ရိုဟင်ဂျာတွေကို ဘင်္ဂ လားဒေ့ရ်ှနိုင်ငံက လက်ခံပေးဖို့အတွက် ကုလသမဂ္ဂလူ့အခွင့်အရေး ကော်မရှင်အပါအဝင် နိုင်ငံတကာ အဖွဲ့အစည်းတွေနဲ့ NGO တွေက ဘင်္ဂလားဒေ့ရ်ှအစိုးရကို တောင်းဆိုနေကြပေမဲ့ ဘင်္ဂလားဒေ့ရှ် အစိုးရ ကတော့ လုံးဝ လက်မခံနိုင်ဘူးလို့ ကြာသာပတေးနေ့မှာ ငြင်းဆိုလိုက်ပါတယ်။ ဘင်္ဂလားဒေ့ရှ် နိုင်ငံခြားရေးဝန်ကြီး Dipu Moni က လွှတ်တော်ကို တင်ပြခဲ့ရာမှာ မြန်မာနိုင်ငံ အတွင်း ဖြစ်ပွားနေတဲ့ ပြဿနာရဲ့နောက်ကွယ်မှာ ဂျမတ် အီး၊ အစ္စလာမ်အဖွဲ့ ပတ်သက်နေတယ်လို့ မြန်မာအစိုးရကနေ ဘင်္ဂလားဒေ့ရှ် သံအမတ်ကြီးကို ပြောပြခဲ့ကြောင်း၊ ဒါကြောင့် ဘင်္ဂလားဒေ့ရှ် နိုင်ငံအတွင်းကို ပြဿနာတွေ ဝင်လာတာ လက်မခံနိုင်တဲ့အတွက် ထွက်ပြေးလာသူတွေကို လက်မခံနိုင်ဘူးလို့ ပြောဆိုသွားတယ်ဆိုပြီးတော့ ဘင်္ဂလားဒေ့ရ်ှနိုင်ငံမှာ အခြေ စိုက်တဲ့ နေရဉ္ဇရာ သတင်းဌာနရဲ့အယ်ဒီတာ ဦးခိုင်မြတ်ကျော်က ပြောပြပါတယ်။

“ဂျမက်ကနေပြီးတော့ ဒီဟာတွေကို လှုံ့ဆော်ပေးတယ်၊ ပြီးတော့ လက်နက်တွေနဲ့ လူတွေလွှတ်ပြီးတော့ လုပ်တယ်ဆိုပြီးတော့ ဗမာပြည် အစိုးရက ပြောတယ်တဲ့။ အဲဒါကို သူက ပြောတာပါ။ အဲဒီက ပြဿနာ ဒီဘက်ကို ရောက်လာမယ်တဲ့။ ဒီပြဿနာ- သူများနိုင်ငံက ပြဿနာ ကိုယ့်ပြဿနာဖြစ်လာမယ်တဲ့။ အဲဒါကြောင့် သူတို့ လက်မခံနိုင်ဘူးလို့ ပြောတယ်။”

ဘင်္ဂလားဒေ့ရ်ှနဲ့ မြန်မာ နယ်စပ်တလျှောက်မှာလည်း တိုက်ခိုက်မှုတွေပြုလုပ်မယ်ဆိုပြီးတော့ သတင်းတွေရထားတာကြောင့် နယ်စပ် တလျှောက်မှာ လုံခြုံရေးတွေ တင်းတင်းကျပ်ကျပ် ချထားတယ်လို့ ပြောပြပါတယ်။

“လုံခြုံရေးကတော့ အပြည့်ချထားတာပေါ့။ ဗမာပြည်ကလူတွေ မဝင်ရအောင်၊ ပြီးတော့ ဒီကလူတွေရဲ့ အသက်၊ အိုးအိမ်ကို ကာကွယ် စောင့်ရှောက်တဲ့သဘောပေ့ါဗျာ။ နယ်စပ်မှာတော့ အများကြီး ချထားတာပေါ့။ ရဲတွေကို သိသိသာသာ အများကြီးချထားပါတယ်။ လူမြင်ကွင်း မှာကို ချထားပါတယ်။ ရဲတွေလည်းပါတာပေါ့ဗျာ။ RAB ပါတာပေါ့ဗျာ။ မြို့ထဲမှာတော့ ရဲတွေပေါ့။ နယ်တွေမှာတော့ BDR တို့ RAB တို့ ဆိုတာတော့ သူတို့က လုံခြုံရေးယူထားတာပေါ့။ RAB ဆိုတာကတော့ မှုခင်းနှိမ်နင်းရေး တပ်ဖွဲ့ပေါ့ဗျာ။”

နယ်စပ်မြို့ဖြစ်တဲ့ ကော့ဆက်ဘဇားအပါအဝင် နယ်စပ်တလျှောက်မှာရှိတဲ့ ရွာပေါင်း ၂၀ ကျော်မှာ ရွာတွေ ပြောင်းရွှေ့ကြတာ၊ ဆိုင်တွေပိတ်၊ လူတွေကလည်း အပြင်မထွက်ကြဘဲ စိုးရိမ်ထိတ်လန့်နေကြတယ်လို့ ပြောပြပါတယ်။

“ဒီနေ့ကျတော့ ရခိုင်တွေကို အပြင်မသွားနဲ့၊ အပြင်ကိုမထွက်နဲ့ဆိုပြီးတော့ အဲဒီလို အာဏာပိုင်တွေက သူတို့ဘက်ကလည်း လှုံ့ဆော်ထား တာတွေရှိတဲ့အတွက် လူတွေကတော့ အပြင်ကို သိပ်မသွားကြဘူး။ ကိုယ့်အိမ်ထဲမှာပဲ ကိုယ်နေကြတယ်။ ဆိုင်တွေလည်းမဖွင့်ဘူး။ ဘယ်မှ မသွားဘဲ နေနေကြတာပေါ့။ တချို့နေရာတွေမှာ ရွာလုံးကျွတ် လုံခြုံတဲ့နေရာတွေကို ပြောင်းရွှေ့တာတွေ ဒီဘက်မှာ ဖြစ်နေတယ်လေ။ အဲဒီတော့ လူတွေက ဘယ်လိုဖြစ်သလဲဆိုတော့ စိုးရိမ်နေကြတာပေါ့။ ကောဠာဟလတွေလည်း ပြန့်နေ တာပေါ့ဗျာ။ အဓိက-ကတော့ ကောဠာဟလတွေပေါ့။ အမျိုးမျိုး ပေါက်တတ်ကရသတင်းတွေ တက်နေ တယ်။ အဲဒီလိုဖြစ်တော့ ဒီမှာရှိတဲ့ တချို့လူတွေ ကလည်း အစ္စလာမ်ဘာသာဝင်တွေကလည်း ဒေါသထွက် တယ်။ အဲဒီလိုဖြစ်နေတော့ ဒီမှာ ပြဿနာတွေကတော့ ကောဠာဟလတွေနဲ့ ရှုပ်ယှက်ခတ်နေတော့ လူတွေကလည်း စိုးရိမ်နေကြတာပေါ့ဗျာ။”

ဘင်္ဂလားဒေ့ရှ် ရဲတပ်ဖွဲ့ကတော့ လူတွေရဲ့ အသက်၊ အိုးအိမ်၊ စည်းစိမ်တွေကို အကာအကွယ် အပြည့် အဝပေးမယ်ဆိုတဲ့ ပြောဆိုထားတယ်လို့ သိရပါတယ်။ တချို့ အစွန်းရောက် လှုံ့ဆော်သူတွေက  အရှေ့အလယ်ပိုင်းတို့၊ အင်ဒိုနီးရှားတို့မှာ ဖြစ်ပွားခဲ့တဲ့ ဓာတ်ပုံတွေ၊ ပိုစတာတွေကို မြန်မာနိုင်ငံမှာဖြစ်နေ ခဲ့သလို လိုက်လံကပ်ထားပြီးတော့ စာစောင်တွေထဲမှာထည့်တာ၊ အင်တာနက်၊ ဝဘ်ဆိုဒ်မှာတင်တာ စသဖြင့် ပြဿနာဖြစ်အောင် ပြုလုပ်နေတာကြောင့် အခြေအနေတွေက ပိုဆိုးနေတာလို့လည်း ဦးခိုင်မြတ်ကျော်က ပြောပြပါတယ်။

“ကော့ဆက်ဘဇားမှာ အာရပ်ကတက်တဲ့သတင်း ဓာတ်ပုံတွေဗျာ၊ ဆီးရီးယားက သေတဲ့ဓာတ်ပုံတွေ၊ အင်ဒို နီးရှားမှာသေတဲ့ ဓာတ်ပုံတွေကို ဒီမှာယူပြီးတော့ ရိုဟင်ဂျာတွေသေပါတယ်ဆိုပြီးတော့ သူတို့ စာတွေ လိုက်ကပ်တယ်လေ။ သတင်းစာတွေထုတ်တယ်။ အပြင်မှာ ပိုစတာတွေ လိုက်ကပ်တော့ ဒေသခံတွေက  တကယ်ထင်ပြီးတော့ အဲဒီလို ပြဿနာတက်လာတာပေါ့ဗျာ။”

ဘင်္ဂလားဒေ့ရှ်-မြန်မာ နယ်စပ်တလျှောက်မှာ ရခိုင်ရွာတွေ ရွာပေါင်း ၂၀ ကျော်ရှိသလို ဘင်္ဂလားဒေ့ရ်ှနိုင်ငံ အတွင်း မြန်မာနိုင်ငံသား၊ ရခိုင်လူမျိုး စုစုပေါင်း ၃ သိန်း ဝန်းကျင် နေထိုင်ကြတယ်လို့ သိရပါတယ်။

စစ်တွေဒုက္ခသည်စခန်း ဝမ်းလျှောရောဂါ စဖြစ်

By ကိုကျော်ကျော်သိန်း

• ရခိုင်ပြည်နယ်၊ စစ်တွေမြို့မှာ ဇွန်လ ၁၅ ရက်၊ သောကြာနေ့ လင်းအား ကြီး အချိန်မှာ မီးရှို့မှုတခုဖြစ်ခဲ့ပေမဲ့ အခုတော့ အခြေအနေတွေ တည်တည်ငြိမ်ငြိမ်ရှိနေပါတယ်။ မီးလောင်တဲ့အတွက်တော့ လူနေအိမ်တချို့ ပျက်စီးခဲ့ရပါတယ်။ အကြမ်းဖက် အဓိကရုဏ်းတွေ မရှိတော့ပေမဲ့ အရောင်းအ၀ယ်တွေ၊ စီးပွားရေး လုပ်ငန်းတွေနဲ့ အသွားအလာတွေကတော့ ပုံမှန် ပြန်မဖြစ် သေးဘူးလို့ မြို့ခံတွေက ပြောပါတယ်။ ဒီအတောအတွင်းမှာပဲ ဒုက္ခသည် စခန်းတွေမှာ ၀မ်းပျက် ၀မ်းလျှောဖြစ်တာတွေရှိနေပြီး သောက်ရေသန့်လုပ်တဲ့ ဆေးပြားတွေ အရေးပေါ်လိုအပ်နေတယ်လို့ ရခိုင်အမျိုးသားဖွံ့ဖြိုးတိုးတက်ရေးပါတီ တာဝန်ရှိသူတဦးက ဗွီအိုအေကို ပြောပါတယ်။ ဒီိအခြေအနေတွေ အပြည့်အစုံကို ဘန်ကောက်ကနေ ဆက်သွယ် မေးမြန်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။

စစ်တွေမြို့မှာ ဇွန်လ ၁၄ ရက်နေ့ တနေ့လုံးလိုလို ငြိမ်သက်နေခဲ့ပြီး အခြေအနေအရပ်ရပ်ကို ထိန်းသိမ်း ထားနိုင်ပြီလို့ ရခိုင် ပြည်နယ် နယ်စပ်ဒေသနဲ့ လုံခြုံရေးဝန်ကြီး ဗိုလ်မှူးကြီးထိန်လင်းက သတင်းထောက်တွေကို ပြောခဲ့ပါသေးတယ်။ ဒါပေမဲ့လည်း ၁၅ ရက်နေ့ လင်းအားကြီးအချိန်မှာပဲ ပိုက်သေရွာမှာ မနက် ၁ နာရီ ၄၅ ကစပြီး မီးလောင်ခဲ့တယ်လို့ ရခိုင်တိုင်းရင်းသားများ ဖွံ့ဖြိုး တိုးတက်ရေးပါတီ RNDP အတွင်းရေးမှူးတဦးဖြစ်သူ ဦးခိုင်ပြည်စိုးက ဗွီအိုအေကို ပြောပါတယ်။

“ပထမ မလောင်ခင်မှာ လူ ၃ ယောက် လှုပ်လှုပ် လှုပ်လှုပ်နဲ့ လှုပ်ရှားနေတာပေါ့ဗျာ။ အဲဒီဟာကို ကျေးရွာမှာနေတဲ့ လူငယ်တွေက အုပ်ချုပ်ရေးမှူးကို သွားပြီး သတင်းပို့တယ်။ ဒီနားမှာ လူ ၃ ယောက်တွေ့တယ်။ အဲဒါကို သက်ဆိုင်ရာအနေနဲ့ စစ်ဆေးပေးပါလို့ သွားပြောတဲ့အခါမှာ အုပ်ချုပ်ရေးမှူးကို လုံးဝ မလှည့်ကြည့်တဲ့အတွက်ကြောင့် မီးလောင်မှု ဖြစ်ပွားရတယ်။ ရခိုင်အဆောင် (ရခိုင်အိမ်)၂၀ ပါသွားတယ်။ မီးသတ်ကားတွေ ရောက်လာခါမှ မီးတွေက ငြိမ်းသွားတယ်။ ဒုတိယတကြိမ် ပြန်တိုက်တယ်။ ဒုတိယတကြိမ်ပြန်တိုက်တဲ့အခါမှာ မိုးနည်းနည်း ရွာလိုက်တဲ့အတွက်ကြောင့် ဘေးနားက ရခိုင်အိမ်တွေ သိပ်ပါမသွားဘူး။ ရခိုင် နှစ်ဆောင် (ရခိုင်အိမ် နှစ်လုံး) လောက်တော့ ပါသွားတယ်။”

ဒီမီးဟာ ရှို့မီးဖြစ်ပြီး မီးရှို့မှုအတွက် သံသယရှိသူတချို့ကိုလည်း ဖမ်းဆီးထားတယ်လို့ ဒေသခံ သတင်းထောက်တဦးက ပြောပါ တယ်။ မြို့ရဲ့အခြေအနေက အခုချိန်ထိ ပုံမှန်နီးပါးအခြေအနေကိုတောင် ပြန်မရောက်သေးဘူးလို့လည်း သူက ဆိုပါတယ်။

ရခိုင်ပြည်နယ်တွင်း မြို့နယ်အသီးသီးမှာ ဒုက္ခသည်တွေအတွက် ယာယီစခန်း ၃၇ ခု ဖွင့်ထားပြီး စုစုပေါင်း လူဦးရေ ၃၁,၀၀၀ ကျော်ရှိတယ်လို့ ပြည်နယ်အစိုးရက ပြောပါတယ်။

စစ်တွေမြို့မှာတော့ နှစ်ဘက်ဒုက္ခသည်တွေအတွက် စခန်း ၁၇ ခု ဖွင့်ထားပြီး လူဦးရေပေါင်း ၂၄,၀၀၀ ကျော်ရှိနေပါတယ်။ အခု စစ်တွေက စခန်းအတော်များများမှာ ၀မ်းပျက် ၀မ်းလျှောရောဂါတွေဖြစ်နေပြီး ပိုဆိုးလာမှာကို စိုးရိမ်ရတယ်လို့ RNDP ပါတီကပဲ ဗဟိုကော်မတီဝင်တဦးဖြစ်သူ ဦးစိန်ကျော်လှက ပြောပါတယ်။

“ကျနော်တို့ စစ်တွေမြို့နယ်ထဲမှာရှိတဲ့ စခန်းတော်တော်များများမှာ ဝမ်းလျှော၊ ဝမ်းပျက် အဲလိုဖြစ်တယ်။ ကျနော်တို့ဒေသမှာ ဆင်းရဲသားတွေ နေတဲ့  ရပ်ကွက်တွေမှာ ဆိုရင်တောင်မှ အဲဒီလို မိုးဦးကျရာသီဆိုရင် ကိုယ့်အိမ်မှာကိုယ် နေလို့တောင်မှ အဲလို ရောဂါတွေက အလိုလို ဖြစ်တာ။ အခုလို လူ အစုလိုက်၊ အပြုံလိုက် စုပေါင်းနေတဲ့ နေရာမှာကျတော့ ပိုဆိုးတာပေါ့။ ကြီးကြီး မားမားကြီး ဖြစ်နေတာတော့ မဟုတ်သေးပါဘူး။ သာမန်အစပြုတဲ့သဘောလောက်ပါပဲ။ ဒါတွေကို ကျနော်တို့က သတိမထားဘူး ဆိုရင် ဒီ ဝမ်းလျှော၊ ဝမ်းပျက်ရောဂါ ပိုပြီး ဖြစ်ပါလိမ့်မယ်။”

လူ ၁,၀၀၀ ရှိတဲ့စခန်းမှာ အိမ်သာက ၂ လုံး ၃ လုံးလောက်ပဲရှိနေတာကြောင့် နေရာမရွေး စွန့်ပစ်နေကြတဲ့ အတွက် အဲဒီအခြေ အနေက စိုးရိမ်စရာဖြစ်နေတယ်လို့ သူကဆိုပါတယ်။ အဲဒါကြောင့်လည်း လိုအပ် ချက်တွေ အများအပြားရှိတဲ့ထဲမှာ သောက်ရေ သန့်လုပ်တဲ့ ဆေးပြားတွေ အဓိကလိုနေတယ်လို့ ဦးစိန်ကျော်လှကပြောပါတယ်။

“အစားအသောက်၊ အစာရေစာ၊ နောက်ပြီးတော့ သောက်ရေ - သောက်ရေဆိုတာက ရေသန့်သောက် တာ မဟုတ်ဘူး။ ရေကို ကျိုချက်ပြီးတော့ သောက်နေတာမဟုတ်ဘူး။ သာမန်မိုးရေတွေ၊ ကန်ရေတွေ၊ တွင်းရေတွေ ဒါတွေကိုပဲ သောက်နေရတယ်။ ဖြစ်နိုင်ရင် အဲဒီလို ကန်ရေ၊ မိုးရေတွေမှာ ရေသန့်ဆေးပြားလေးတွေ ရှိတယ်မို့လား- အဲဒီလို ဆေးပြားလေးတွေ လုံလုံ လောက် လောက် ရှိတယ်ဆိုရင်တော့ မဆိုးဘူး။ စခန်းတိုင်း၊ စခန်းတိုင်းမှာ အဲဒီလိုသောက်ရေတွေ ကို ထည့်ပေးထားမယ်ဆိုရင် အဲဒါ ရေသန့်ဖြစ်သွားမယ်။ အဓိကလိုအပ်ချက်ထဲမှာ ”

ဒီအတောအတွင်းမှာပဲ ကျောက်ဖြူမြို့တရားရုံးမှာ ရမ်းဗြဲမြို့နယ်၊ သပြေချောင်းကျေးရွာသူ မသီတာထွေး အသတ်ခံခဲ့ရတဲ့အမှုကို ဇွန်လ ၁၅ ရက်နေ့မှာ ဆက်လက် စစ်ဆေးခဲ့ပါတယ်။ နှစ်ဘက်လျှောက်လဲ ချက်တွေ ပြီးသွားပြီဖြစ်ပြီး နောက်တကြိမ် ရုံးချိန်းမှာ ဆုံးဖြတ်တော့မယ်လို့ RNDP ပါတီက ကျောက်ဖြူမဲ ဆန္ဒနယ် ပြည်သူ့လွှတ်တော်ကိုယ်စားလှယ် ဦးဘရှင်က အခုလို ပြောပြ ပါတယ်။

“လာမယ့်တနင်္လာနေ့မှာ သီးခြားဆုံးဖြတ်ချက်ချဖို့ ဆိုပြီးတော့ ရုံးချိန်းပေးလိုက်တယ်။ တရားလိုပြ သက်သေတွေက တနင်္လာ၊ အင်္ဂါ၊ ဗုဒ္ဓဟူး ၃ ရက်၊ တရားလိုပြသက်သေတွေ စစ်တယ်။ စွဲချက် ကိစ္စကို ဆောင်ရွက်တယ်။ ဒီနေ့မနက်ပိုင်းမှာ တရားခံ ၂ ယောက်ကို စစ်တယ်။ သူတို့က သက်သေ မပြဘူး။ အဲဒီတော့ ညနေပိုင်းမှာ လျှောက်လဲချက် ကြားနာတယ်။ တနင်္လာနေ့မှာ ဆုံးဖြတ်မယ်လို့ ပြော ပါတယ်။”

မသီတာထွေး အသတ်ခံရတဲ့အမှု၊ အဲဒါနဲ့နောက်ဆက်တွဲ တောင်ကုတ်မှာ လူ ၁၀ ဦး အသတ်ခံရတဲ့ဖြစ်ရပ် စတာတွေဟာ ရခိုင် ပြည်နယ်တွင်း ရုန်းရင်းဆန်ခတ်အခြေအနေတွေရဲ့ ကနဦး အစ အကြောင်းရင်းတွေ လို့ ဆိုရမှာပါ။ ရခိုင်ပြည်နယ် နယ်စပ်ဒေသနဲ့ လုံခြုံရေးဝန်ကြီး ဗိုလ်မှူးကြီးထိန်လင်းရဲ့ အဆိုအရဆိုရင်ဖြင့် ဇွန်လ ၈ ရက်နေ့ကနေ ၁၃ ရက်နေ့အထိ ရခိုင်ပြည်နယ်တ၀န်း သေဆုံးသူ ၂၉ ဦး၊ ဒဏ်ရာရသူ ၃၈ ဦး ရှိပြီး မီးလောင်ဖျက်ဆီးခံခဲ့ရတဲ့နေအိမ်ပေါင်း ၂,၅၂၈ လုံး၊ ဗလီဝတ်ပြုကျောင်း ၇ လုံး၊ ဘုန်းကြီးကျောင်း ၉ ကျောင်း၊ စာသင်ကျောင်းတကျောင်းတို့ ဖြစ်ပါတယ်ခင်ဗျား။

ရခိုင်ဒေသ ဒုက္ခသည်တွေကိုကူညီကြဖို့ အောက်လွှတ်တော်အမတ် Joseph Crowley တိုက်တွန်း

By ဗွီအိုအေ (မြန်မာဌာန)

မြန်မာနိုင်ငံအနောက်ဘက်ခြမ်းက ရခိုင်ပြည်နယ်မှာ ဖြစ်ပွားခဲ့တဲ့ အဓိကရုဏ်းတွေကြောင့် ထွက်ပြေး လာတဲ့ ဒုက္ခသည်တွေကို လက်မခံတဲ့ ဘင်္ဂလားဒေ့ရ်ှအစိုးရနဲ့ မြန်မာအစိုးရတို့ကို တုံ့ပြန်တဲ့ ကြေညာချက် တစ်ရပ်ကို အမေရိကန်ကွန်ဂရက်အောက် လွှတ်တော်က မြန်မာ့အရေး ဆောင်ရွက်တာမှာ ထင်ရှားသူ တစ်ဦးဖြစ်တဲ့ နယူးယောက် ပြည်နယ်ကိုယ်စားပြု ဒီမိုကရက်အမတ် ဂျိုးဇက် ခရော်လီ (Joseph Crowley) က ဇွန်လ (၁၅) ရက်နေ့က ထုတ်ပြန်လိုက်ပါတယ်။

နိုင်ငံတကာက လက်ခံထားတဲ့ တာဝန်ဝတ္တရားတွေကနေ ရှောင်လွှဲခြင်း မပြုဘဲ စောင့်ထိန်းလိုက်နာတဲ့ အနေနဲ့ မြန်မာနိုင်ငံက အဓိကရုဏ်းတွေကနေ ထွက်ပြေးလွတ်မြောက်ဖို့ ကြိုးစားနေသူတွေကို လိုအပ် တဲ့စောင့်ရှောက်မှုတွေ ရရှိရေး ခွင့်ပြုဖို့၊ ဘင်္ဂလားဒေ့ရ်ှအစိုးရကို သူ့အနေနဲ့ လေးလေးနက်နက် တိုက်တွန်း တယ်လို့ အောက်လွှတ်တော်အမတ် ခရော်လီက သူ့ရဲ့ ကြေညာချက်ထဲမှာ ဖော်ပြထားပါတယ်။ မြန်မာ အစိုးရအနေနဲ့လည်း တနိုင်ငံလုံးမှာ လူ့အခွင့်အရေးတွေကို ကာကွယ်စောင့်ရှောက်ပေးဖို့နဲ့ မြန်မာနိုင်ငံ မှာ ဖြစ်ပွားခဲ့တဲ့ အကြမ်းဘက်မှုတွေကို တရားဥပဒေစိုးမိုးမှုနဲ့ အခြေခံလွတ်လပ်ခွင့်တွေနဲ့ အညီ တုံ့ပြန်ဆောင်ရွက်ဖို့တွေကို သူ့အနေနဲ့ တိုက်တွန်းကြောင်းလည်း၊ ကြေညာချက်မှာ ဖေါ်ပြထားပါတယ်။

အခုဖြစ်ပွားခဲ့တဲ့ အကြမ်းဘက်တိုက်ခိုက်မှုတွေဟာ မြန်မာအစိုးရ ရင်ဆိုင်နေရတဲ့ စိန်ခေါ်မှုတွေအဖြစ် ထင်ထင်ရှားရှား ဖြစ်နေကြောင်း၊ နိုင်ငံ့ ခေါင်းဆောင်တွေအနေနဲ့ အားလုံးသော လူနည်းစုလူမျိုးစုတွေရဲ့ အခွင့်အရေးတွေကို အကာအကွယ်ပေးသင့်ကြောင်း၊ တိုင်းရင်းသား အဖွဲ့အစည်းတွေနဲ့ တွေ့ဆုံဆွေးနွေး မှုတွေကို ပိုမိုမြှင့်တင်ပေးသင့်ကြောင်း၊ အကြမ်းဘက်မှုတွေမှာ ပြစ်မှုကျူးလွန်ခဲ့သူတွေကို တရားမျှတပြီး ထင်သာမြင်သာရှိတဲ့ တရားစီရင်ရေး စနစ်တစ်ရပ်အောက်မှာ တာဝန်ခံမှုရှိရှိနဲ့ အရေးယူဆောင်ရွက် သွား သင့်ကြောင်းတွေကိုလည်း ဒီကြေညာချက်မှာ ဖေါ်ပြထားပါတယ်။ ဒါ့အပြင် မြန်မာအစိုးရအနေနဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် တောင်းဆိုနေတဲ့ ပဋိပက္ခကို အဆုံးသတ်စေဖို့ တရားဥပဒေစိုးမိုးရေးကို ခိုင်ခိုင်မာမာ တည်ဆောက်ဖို့ကို လုပ်ဆောင်သင့်ကြောင်းလည်း ကြေညာချက် မှာ ဖော်ပြထားပါတယ်။

ဇွန်လ (၁၅) ရက်နေ့က အမေရိကန် နိုင်ငံခြားရေးဝန်ကြီးဌာနရဲ့ ပုံမှန်သတင်းထောက်တွေနဲ့ တွေ့ဆုံပွဲ မှာလည်း တောင်အာရှနဲ့ ဗဟိုအာရှရေးရာ လက်ထောက်နိုင်ငံခြားရေးဝန်ကြီး Robert Blake က ဘင်္ဂလားဒေ့ရ်ှနိုင်ငံအနေနဲ့ ဆင်းရဲတဲ့နိုင်ငံ ဖြစ်တာကြောင့် မြန်မာနိုင်ငံက ထွက် ပြေးလာတဲ့သူတွေကို ဒုက္ခသည်များဆိုင်ရာ ကုလသမဂ္ဂမဟာမင်းကြီး (UNHCR) ရုံးက အကူအညီတွေပေးရေးကို အမေရိကန် အစိုးရက မေတ္တာရပ်ခံထားပြီးတော့ ဒီပြဿနာကို ဘင်္ဂလားဒေ့ရှ် တစ်နိုင်ငံထဲရင်ဆိုင်ရတော့မှာ မဟုတ် ဘူးလို့ ပြောကြားသွားပါတယ်။

ဆယ်တန်းအောင်ချက် မွန်ပြည်နယ် လေးနှစ်ဆက်တိုက် အကောင်းဆုံး

ကွန်းချမ်း | သောကြာနေ့၊ ဇွန်လ ၁၅ ရက် ၂၀၁၂ ခုနှစ် ၁၈ နာရီ ၂၄ မိနစ်

စံခလပူရီ (မဇ္ဈိမ) ။       ။ မြန်မာနိုင်ငံ စာစစ်အဖွဲ့၏ ၂ဝ၁၁-၂ဝ၁၂ ပညာသင်နှစ် တက္ကသိုလ်ဝင်တန်း စာမေးပွဲအောင်စာရင်းများ ထုတ်ပြန်ချက်အရ မွန်ပြည်နယ်သည် အောင်ချက်အကောင်းဆုံး ရရှိပြန်သဖြင့် လေးနှစ်ဆက် တိုက် အောင်ချက်အကောင်းဆုံး ရရှိခြင်း ဖြစ်ကြောင်း မွန်ပြည်နယ် ပညာရေးမှူး ဦးမင်းထွန်းတင်က ပြောသည်။

ဇွန်လ ၉ ရက်နေ့က ပြည်နယ်နှင့် တိုင်းအလိုက် အောင်စာရင်များ ထုတ်ပြန်ချက်တွင် မွန်ပြည်နယ်မှ ဖြေဆိုသူ ၁၃,၇၉၆ ဦး ရှိသည့်အနက် ၇,၂ဝ၂ ဦး အောင်မြင်ခဲ့၍ အောင်ချက် ၅၂ ဒဿမ ၂ ရာခိုင်နှုန်းဖြင့် ပထမ ရရှိခြင်း ဖြစ်သည်။

“အောင်ချက် မြင့်မားရေးအတွက် အကြမ်းဖျဉ်း ပြောရရင် ကျနော်တို့ အချိန်ပိုတွေ ခေါ်တယ်။ ည စာဖတ်စခန်း သွင်းတယ်၊ အစမ်းစားမေးပွဲတွေ လုပ်တယ်။ အဲဒါ အဓိကပဲ” ဟု ဦးမင်းထွန်းတင် က ရှင်းပြသည်။

ဒုတိယနှင့် တတိယ အောင်ချက် အကောင်းဆုံးအဖြစ် တနင်္သာရီတိုင်းနှင့် ကရင်ပြည်နယ် တို့က အသီးသီး ရရှိ သွားကြသော်လည်း ရာခိုင်နှုန်း မည်မျှရှိသည်ကို မသိရသေးကြောင်း မွန်ပြည်နယ် ပညာရေးမှူးရုံးက ပြောသည်။မြန်မာနိုင်ငံ စာစစ်အဖွဲ့သို့ မဇ္ဈိမက ဆက်သွယ် မေးမြန်းသော်လည်း ၎င်းတို့ဌာန အနေနှင့် အောင်ချက်စာရင်းကို သတင်းဌာနများသို့ ပြောခွင့် မရှိကြောင်း ပြန်လည်ဖြေကြားသည်။

မွန်ပြည်နယ်မှ အောင်မြင်သူများအနက် ခြောက်ဘာသာ ဂုဏ်ထူးရှင် ၁၃ ဦး၊ ငါးဘာသာ ဂုဏ်ထူးရှင် ၂၆ ဦး၊လေးဘာသာ ဂုဏ်ထူးရှင် ၁၇၉ ဦး၊ သုံးဘာသာ ဂုဏ်ထူးရှင် ၂၆၈ ဦး၊ နှစ်ဘာသာ ဂုဏ်ထူးရှင် ၃ဝ၈ ဦးနှင့် တဘာသာ ဂုဏ်ထူးရှင် ၁,၃၈၁ ဦး ရှိပြီးသည်ဟု ပြည်နယ် ပညာရေးရေးမှူးရုံးမှ တာဝန်ရှိသူတဦးက ပြောသည်။

“မွန်ပြည်နယ်က နှစ်တိုင်းလိုလို အောင်ချက် အကောင်းဆုံးပဲ၊ ၂ဝဝ၇ - ၂ဝဝ၈ ပညာသင်နှစ် တခုပဲ တနင်္သာရီတိုင်းနောက် ကပ်ပြီး ပထမနဲ့ လွဲသွားတယ်” ဟု သူက ပြောသည်။

မွန်ပြည်နယ်သည် ၂ဝ၁ဝ-၂ဝ၁၁ ပညာသင်နှစ်တွင် အောင်ချက် ၄၃ ဒဿမ ၃၃ ရာနှုန်းဖြင့် လည်းကောင်း၊ ၂ဝဝ၉-၂ဝ၁ဝ ပညာသင်နှစ်တွင် ၄၂ ဒဿမ ဝ၈ ရာနှုန်းဖြင့် လည်းကောင်း၊ ၂ဝဝ၈-၂ဝဝ၉ ပညာသင်နှစ်တွင် ၄၂ ဒဿမ ၅ဝ ရာနှုန်းဖြင့်လည်းကောင်း တနိုင်ငံလုံးတွင် မွန်ပြည်နယ်က အောင်ချက်အကောင်းဆုံး ရရှိခဲ့သည်။

ကျေးလက်ဒေသရှိ ကျောင်းများနှင့် မြို့ပေါ်ကျောင်းများ နှိုင်းယှဉ်ချက်အရ မြို့ပေါ်ကျောင်းများရှိ ကျောင်းသူကျောင်းသားများမှာ ဘော်ဒါဆောင်များ၊ ကျူရှင်များတွင် သင်ကြားခြင်းကြောင့် ကျေးလက်ကျောင်းများထက်အောင်ချက်ကောင်းကြောင်း မုဒုံမြို့ပေါ်မှ ကျောင်းသားမိဘများက ပြောသည်။

ကျောင်းသားတဦး၏ တနှစ်တာ ဘော်ဒါဆောင်ကြေးမှာ မွန်ပြည်နယ်တွင် အနည်းဆုံး ၁၆ သိန်းမှ ၂၅ သိန်းထိ ရှိပြီး တပြည်နယ်လုံးတွင် ဘော်ဒါဆောင် တရာကျော် ရှိကြောင်း မော်လမြိုင်မြို့မှ တက္ကသိုလ်ကျောင်းသား တဦးက ခန့်မှန်းထားသည်။

မြန်မာနိုင်ငံတွင် နှစ်စဉ် တက္ကသိုလ်ဝင်တန်း စာမေးပွဲ ဝင်ရောက်ဖြေဆိုသည့် ကျောင်းသူ/ကျောင်းသား ခြောက်သိန်းခန့် ရှိပြီး တနိုင်ငံလုံးအတိုင်းအတာအရ နှစ်စဉ် အောင်ချက် ရာနှုန်း ၃၀ ကျော် ရှိကြောင်း သိရသည်။

မသီတာထွေးအမှု ဇွန် ၁၈ ရက်တွင် စီရင်ချက် ချဖွယ်ရှိ

နေမျိုး | သောကြာနေ့၊ ဇွန်လ ၁၅ ရက် ၂၀၁၂ ခုနှစ် ၂၁ နာရီ ၁၁ မိနစ်

နယူးဒေလီ (မဇ္ဈိမ) ။       ။ ရမ်းဗြဲမြို့နယ်၊ သပြေချောင်းကျေးရွာမှ မသီတာထွေး အား အဓမ္မပြုကျင့်၍ ပစ္စည်းလုယက် သတ်ဖြတ်ခံခဲ့ရသည့် အမှုအား ရက်ရွှေ့ဆိုင်းခြင်းမရှိဘဲ ဆက်တိုက် စစ်ဆေးနေခဲ့ရာ တနင်္လာနေ့တွင် စီရင်ချက် ချနိုင်လိမ့်မည် ဖြစ်ကြောင်း သိရသည်။

သောကြာနေ့ရုံးချိန်းတွင် ကျောက်ဖြူမြို့ခရိုင်တရားရုံး၌ စွပ်စွဲခံရသူ နှစ်ဦးအား စစ်ဆေးပြီး ၎င်းတို့ရှေ့နေ၏ လျှောက်လဲ ချက်အား ကြားနာပြီးနောက် တရားသူကြီး ဒေါ်ဌေးဌေးကြည် က ဆုံးဖြတ်ချက်ချရန် တနင်္လာနေ့သို့ ချိန်းဆိုလိုက်ကြောင်း လွှတ်တော် ကိုယ်စားလှယ် ဦးဘရှိန်က ပြောသည်။

“မနက်ပိုင်းမှာ တရားခံ နှစ်ယောက်ကို စစ်တယ်။ ညနေပိုင်းမှာ လျှောက်လဲချက် ကြားနားတယ်။ လာမယ့် ၁၈ ရက်နေ့မှာ ဆုံးဖြတ်ချက် ချမယ်ဆိုပြီး ရုံးချိန်းလိုက်တယ်။ ဖြစ်နိုင်တယ်လို့ ကျနော်တို့က မှတ်ယူရမှာပေါ့။ များသောအားဖြင့် တရားသူကြီးတွေက ဘယ်နေ့ ဆုံးဖြတ်မယ်လို့ ရက်ချိန်းပေးလိုက်ရင် အဲဒီနေ့တွေမှာ ဆုံးဖြတ်တတ်တယ်။ အကြောင်း တစုံတရာ ထူးထူးခြားခြားရှိမှ နောက်နေ့တွေကို ရက်ချိန်း ရွှေ့တာတွေ လုပ်တတ်တယ်” ဟု ကိုယ်တိုင် ရှေ့နေကြီး တဦးလည်းဖြစ်သည့် ဦးဘရှိန်က မဇ္ဈိမကို ပြောသည်။

ထိုအမှုနှင့်ပတ်သက်၍ စွပ်စွဲခံရသူ ရော့ပီးနှင့် ခိုချီး တို့ နှစ်ဦးက အဓမ္မပြုကျင့်မှု ကျူးလွန်ခဲ့ကြောင်း ဇွန် ၁၄ ရက်နေ့က ဝန်ခံဖြောင့်ချက် ပေးသော်လည်း လူသတ်မှုနှင့် လုယက်မှုကိုမူ မကျူးလွန်ခဲ့ကြောင်း ရုံးတော်တွင် ငြင်းဆိုထား၍ ၎င်းတို့ရှေ့နေမှ လျှောက်လဲချက် ပေးရခြင်းဖြစ်သည်။

“အလေးက ဘယ်ဘက်က သာမလဲ။ မှန်မှန်ကန်ကန် သက်သေ ထင်ထင်ရှားရှားပြနိုင်တဲ့ ဘက်ကတော့ ထင်ရှားကြောင်း သက်သေပြပြီးပြီ။ တဘက်ကလည်း သူပြောတာ ထင်ရှားကြောင်း ပြနိုင်မှ တရားခံရဲ့ သက်သေပြမှုက ထင်ရှားမှာပေါ့။ တရားသူကြီးက ဘယ်လိုဆုံးဖြတ်မယ်ဆိုတာ ကျနော်မပြောနိုင်ဘူး။ ပြစ်ဒဏ်တွေကတော့ သေဒဏ် အထိ စီရင်နိုင်တဲ့ ပြစ်မှုတွေပဲ။ မုဒိန်းမှုကတော့ တသက်တကျွန်းလောက်ပဲ ရှိတယ်။ လူသတ်မှုကတော့ သေဒဏ်အထိ စီရင်နိုင်တာပေါ့ဗျာ” ဟု ဦးဘရှိန် က ပြောသည်။

သောကြာနေ့ ရုံးတော်သို့ အရပ်ဘက်အုပ်ချုပ်ရေးမှ လူကြီးအချို့ လာရောက် နားထောင်ခဲ့ကြောင်း သိရသည်။

ထိုအမှုတွင် စွပ်စွဲခံရသူ သုံးဦးအနက် ထက်ထက် (ခ) ယော်ရှီး (ခ) ဖြိုးဇေယျာကျော် သည် ဇွန်လ ၉ ရက်နေ့ ညနေပိုင်းက ကျောက်ဖြူအကျဉ်းထောင်တွင် မိမိကိုယ်ကို အဆုံးစီရင်သွားခဲ့၍ ရော့ပီးနှင့် ခိုချီး တို့ဦး နှစ်ဦးသာ အမှုကို ဆက်လက်ရင်ဆိုင် သွားရန်ရှိသည်။

ယင်းအမှုတွင် တရားလိုဘက်မှ သက်သေ ၂၄ ဦး၏ သက်သေထွက်ဆိုချက်များ ရှိပြီး စွပ်စွဲခံရသူများဘက်မှ လိုက်ပါ သည့် သက်သေ မရှိသေးကြောင်း သိရသည်။

မေလ ၂၈ ရက်နေ့က မသီတာထွေး အဖြစ်အပျက်မှ စတင်၍ ရခိုင်ပြည်နယ်တွင်းတွင် လက်စားချေ သတ်ဖြတ်မှုများ၊ လူမျိုးရေး အမုန်းပွားမှုများ၊ ဆူပူအကြမ်းဖက်မှုများ ဖြစ်ပေါ်လာကာ လူပေါင်း ၃၉ ဦး အသက်ဆုံးရှုံးရသည်အထိ ဆိုးရွားလာခဲ့သည်။

ဇွန်လ ၁၀ ရက်နေ့တွင် “အရေးပေါ် အခြေအနေ” ကို နိုင်ငံတော်သမ္မတ က ရခိုင်တပြည်နယ်လုံးအား ရက် အကန့်အသတ်မရှိ ထုတ်ပြန်ကြေညာထားသော်လည်း အခြေအနေမှာ ပုံမှန် တည်ငြိမ်ခြင်း မရှိသေး၍ ပြည်သူများနှင့် မီဒီယာများ ပူးပေါင်း လက်တွဲကြပါရန် အာဏာပိုင်များက နှိုးဆော်ထားသည်။