09.06.2012 နေ့ဖတ်ရန်သတင်းများ

by Myanmar Journal on Friday, June 8, 2012 at 4:55pm ·

ဘန်နဲ့ အာနန် လုံခြုံရေး ကောင်စီမှာ တင်ပြဆီးရီးယားမှာ စစ်ရိပ်တွေသမ်း

ဆီးရီးယား မှာ ပြည်တွင်း စစ်မီးကြီး တောက်တော့မယ့် အန္တရာယ်နဲ့ ရင်ဆိုင် နေရပီမို့ လူမဆန်တဲ့ စစ် ရာဇဝတ်မှုတွေ ဖြစ်ပွား မှာကို ဘန်ကီမွန်က သတိပေး ခဲ့ပါတယ်။

ဆီးရီးယား အစိုးရကို ဖိအား ဒိထက် တိုးပေးဖို့လဲ နိုင်ငံတကာ အထူး ကိုယ်စားလှယ် ကိုဖီအာနန် က ဆော်သြ ထားပါတယ်။

ပဋိပက္ခ အရှိန် မြှင့်လာတာ နဲ့ ပတ်သက်ပီး လုံခြုံရေး ကောင်စီမှာ ဆွေးနွေး နေကြပေမယ့် အဖွဲ့ဝင် နိုင်ငံတွေ အကြားမှာ ကွဲလွဲမှု တွေ ရှိနေတာက ထင်ရှားတယ်လို့ ဘီဘီစီ သတင်းထောက်က ဆိုပါတယ်။

အမေရိကန်က တိတိကျကျ အရေးယူဖို့ ပြောနေချိန်မှာ ရုရှနဲ့ တရုတ် တို့ကတော့ ပြည်ပက ဝင်စွက်ဖက်မှာကို ဆက်လက် ဆန့်ကျင် နေတုန်း ဖြစ်ပါတယ်။

 မောင်တောမြို့မှာ ဆန္ဒပြ တိုက်ခိုက်မှု ဖြစ်

တောင်ကုတ်မြို့မှာ မူဆလင်တွေ အသတ်ခံခဲ့ရမှု အပေါ် ရန်ကုန်မှာလည်း မကြာသေးခင်က ကန့်ကွက် ဆန္ဒပြခဲ့ကြ

ဘင်္ဂလားဒေ့ရှ် မြန်မာ နယ်စပ် မောင်တော မြို့မှာ အစ္စလာမ် ဘာသာဝင်တွေက သောကြာနေ့ မနက်ပိုင်းက လူအုပ်နဲ့ ဆန္ဒပြပြီး နေအိမ် တချို့ကို မီးရှို့ တာကြောင့် ဒေသခံ ရဲလုံခြုံရေးတွေ ထိန်းမနိုင်တဲ့ အခြေ အနေ ထိ ဖြစ်သွားခဲ့ ပါတယ်။

အခု တိုက်ခိုက်မှု တွေကြောင့် ဒဏ်ရာရသူ တချို့ ရှိခဲ့ပြီး တစ်ယောက် သေဆုံးခဲ့တယ်လို့ လည်း သိရ ပါတယ်။

ညနေ နှောင်းပိုင်း မှာတော့ အခြေ အနေတွေ တည်တည် ငြိမ်ငြိမ် ပြန်ဖြစ် သွားခဲ့ပြီလို့ ဒေသခံ တွေက ဘီဘီစီကို ပြောပါတယ်။

နယ်မြေခံ လုံခြုံရေး ရဲတပ်ဖွဲ့ အပြင် မောင်တောမြို့က စစ်တပ် တွေလည်း လုံခြုံရေးကို ကူညီ ထိန်းသိမ်း ပေးတဲ့ အတွက် မြို့ထဲမှာ လူစုကွဲသွား ခဲ့ပြီလို့ ဘီဘီစီ သတင်းထောက်က ပြောပါတယ်။

ဒေသခံတွေ က စိုးရိမ်ပူပန်နေကြတယ် လို့လည်း ဘီဘီစီကို ပြောပါတယ်။

ဖြစ်ပွားခဲ့ပုံ

မောင်တောမြို့မှာ သောကြာနေ့ ဗလီဆင်းချိန်က ရာနဲ့ချီတဲ့ အစ္စလာမ် ဘာသာဝင်တွေဟာ ဇွန်လ ၃ ရက်နေ့က တောင်ကုတ်မှာ အစ္စလာမ် ဘာသာဝင် ၁၀ ယောက် အသတ်ခံရတဲ့ ကိစ္စကို မကျေမနပ် ဖြစ်ပြီးတော့ ဆန္ဒပြရာ ကနေ သဇင် တည်းခိုခန်းကို မီးရှို့ဖျက်ဆီး တာကြောင့် ဒေသခံရဲက သေနတ်မိုးပေါ်ထောင် ဖေါက်ပြီး လူစုခွဲ ခဲ့ရပါတယ်။

အဲဒီနောက် လူစုကွဲသွားတဲ့ အစ္စလာမ် ဘာသာဝင်တွေဟာ မြို့အစွန်မှာ ရှိတဲ့ ဗိုလ်မှူးရွာနဲ့ အနီးက အိမ်တွေကိုပါ မီးရှို့ ဖျက်ဆီးခဲ့တယ်လို့ မျက်မြင် သက်သေတွေက ပြန်ပြောပါတယ်။

မောင်တောမြို့လယ်မှာရှိတဲ့ ကမ္ဘောဇ ဘဏ် ပတ်ဝန်းကျင်က ဆိုင်ခန်း အတော်များများလည်း ဖျက်ဆီးခံရတယ်လို့ ဒေသခံ တွေက ပြောပါတယ်။

ဖျက်ဆီးသူတွေ ထောင်ဂဏန်းလောက်ရှိတယ် လို့လည်း ဆိုပါတယ်။

သောကြာနေ့က ဖြစ်ခဲ့တဲ့ ပြဿနာကြောင့် အစ္စလာမ် ဘာသာဝင်တွေနဲ့ ရခိုင် တိုင်းရင်းသားတွေ အတူ ယှဉ်တွဲ နေထိုင်ကြရာ နေရာတွေမှာ အလားတူ ဖြစ်ရပ်မျိုး ဖြစ်လာ မှာကို ဒေသခံတွေ စိုးရိမ်နေကြပါတယ်။

အတင်းအကျပ် အိမ်ထောင်ချပေးမှုဟာ ရာဇဝတ်မှု မြောက်

အတင်းအကျပ် အိမ်ထောင်ချပေးမှုဟာ ရာဇဝတ်မှု မြောက် တယ်ဆိုတဲ့ ဥပဒေ တရပ်ကို အင်္ဂလန်၊ ဝေးလ်စ် နဲ့ မြောက်အိုင်ယာလန် နိုင်ငံတွေမှာ ပြဌာန်းလိုက်ပြီ ဖြစ်တယ်ဆိုတာကို ဗြိတိသျှဝန်ကြီးချုပ် ဒေးဗစ်ကင်မရွန်းက ကြေညာ ပြောဆိုလိုက် ပါတယ်။

တစုံတဦးကို သူ့ရဲ့ စိတ်ဆန္ဒမပါပဲ အတင်းအကျပ် အိမ်ထောင်ချထားပေးမယ်ဆိုရင် ကျွန်အဖြစ်ခိုင်းစေတာထက်ကို ပိုဆိုးပြီး၊ ရာဇဝတ်မှုမြောက် တာကြောင့် ဒါကို ကာကွယ်တားဆီးရမယ်လို့ မစ္စတာကင်မရွန်းက ပြောပါတယ်။

ဗြိတိန် နိုင်ငံမှာ ခန့်မှန်းချေ အရဆိုရင်၊ မိန်းကလေး အများစု ဖြစ်တဲ့ လူငယ် ၈ ထောင်လောက် ဟာ နှစ်စဉ်ဆိုသလို အတင်းအကျပ် အိမ်ထောင်ပြုခံ နေရတယ်လို့ ဆိုပါတယ်။

တခြားမသိရတဲ့ အတင်းအကျပ် အိမ်ထာင်ပြုခံရတာတွေလည်း ရှိနိုင်တယ်လို့ ဆိုပါ တယ်။

တချို့ဆိုရင် ဗြိတိန် ဥပဒေက သတ်မှတ်ထားတဲ့ အသက်အရွယ် ထက် ငယ်ပြီး ၁၆ နှစ်အောက် လူငယ်တွေ ဖြစ်တယ်လို့ ဆိုပါတယ်။

ဒီမိသားစု အများစုဟာ ပါကစ္စတန်၊ ဘင်ဂလားဒေ့ရှ် အိန္ဒိယ လူမှု အသိုင်းအဝိုင်းက ဖြစ်ကြတယ်လို့ ဆိုပါတယ်။

တီးတိန်မြို့ကို ခရိုင်အဆင့် မတိုးမြှင့်လို့ ဒေသခံတွေ ဆန္ဒပြ

၆၄ ကြိမ်မြောက် ချင်းပြည်နယ်နေ့ အခမ်းအနား ကိုတော့ တန်ဇွန်းမြို့မှာ ပြီးခဲ့တဲ့ ၄ လက ကျင်းပခဲ့ ပါတယ်

ချင်းပြည်နယ် တီးတိန်မြို့ကို ခရိုင်အဆင့် မတိုးမြှင့်ပေးတဲ့ အတွက် ဒေသခံတွေက မြို့လုံးကျွတ် ဈေးဆိုင်တွေ ပိတ်ပြီး ဆန္ဒပြခဲ့ကြ ပါတယ်။

ချင်းပြည်နယ် မြောက်ပိုင်း တီးတိန်မြို့က ဒေသခံ တွေဟာ သူတို့ တီးတိန်မြို့ကို ခရိုင်အဆင့် တိုးမြင့်ပေးဖို့ တောင်းဆိုတာ မရတဲ့ အတွက် မကျေမနပ် ဖြစ်ခဲ့ကြတာပါ။

ဒီအတွက် သောကြာနေ့မှာ ချင်းပြည်နယ် ဝန်ကြီးချုပ် ဦးဟုန်ငိုင်း လာရောက်မယ့် ခရီးစဉ်ကို ကန့်ကွက်တဲ့ အနေနဲ့ မြို့လုံးကျွတ် ဈေးဆိုင်တွေ ပိတ်ပြီး ဆန္ဒပြခဲ့ကြပါတယ်။

ဇွန်လ ၁ရက်နေ့က ပြုလုပ်တဲ့ ပြည်နယ် လွှတ်တော် အစည်းအဝေးမှာ ဟားခါးနဲ့ တီးတိန်ကို ခရိုင်အဆင့် သတ်မှတ်ပေးဖို့ အဆိုပြု တင်သွင်းခဲ့ တုန်းက တီးတိန် ဘက်က မဲရှုံးခဲ့တာဖြစ်ပြီး၊ ဟားခါးမြို့ ကိုတော့ ခရိုင်အဖြစ် သတ်မှတ် ပေးလိုက်တာ ဖြစ်တယ်လို့ သိရပါတယ်။

ဒါကြောင့် ဒီကနေ့ တီးတိန်မြို့ကနေရာ တချို့မှာ ခရိုင် မဖြစ်လို့ ဝမ်းနည်းစွာ ကြိုဆိုတယ် ဆိုတဲ့ ဆိုင်းဘုတ် တွေကို ဝန်ကြီးချုပ် လာရာ လမ်းတွေမှာ ကပ်ထားတယ်လို့ ဒေသခံ တွေက ပြောပါတယ်။

အရင်က ချင်းပြည်နယ်မှာ ဖလမ်းနဲ့ မင်းတပ်ကို ခရိုင်မြို့ အဖြစ် သတ်မှတ်ထားခဲ့တာ ဖြစ်ပါတယ်။ အခုအစိုးရသစ် လက်ထက်မှာ ချင်းပြည်နယ်ရဲ့ မြို့တော် ဟားခါး ကိုလည်း ခရိုင်အဆင့် တိုးမြင့် သတ်မှတ် ပေးလိုက်တာ ဖြစ်ပါတယ်။

ဒေသခံတွေရဲ့ နောက်ထပ် မကျေနပ်တာ တခုကတော့ ချင်းအမျိုးသား တပ်ဦးနဲ့ အစိုးရရဲ့ ငြိမ်းချမ်းရေး အဖွဲ့ သဘောတူညီမှု အရ CNF ရဲ့ ဆက်ဆံရေး ရုံးခွဲကို ဒေသခံတွေ ကန့်ကွက်တဲ့ကြားက တီးတိန်မြို့မှာ ဖွင့်ခွင့် ပေးလိုက်တာပဲ ဖြစ်တယ်လို့ ဆိုကြပါတယ်။

မောင်တောမူဆလင် အဓိကရုဏ်း ထိခိုက်မှုတချို့ရှိ

By မသင်းသီရိ

• ရခိုင်ပြည်နယ်အနောက်ဘက် မောင်တောမြို့မှာ အစ္စလာမ်ဘာသာဝင်တချို့ရဲ့ အကြမ်းဘက်ဆူပှုကြောင့် ၁ ယောက်သေဆုံးပြီး ၄ ယောက် ဒဏ်ရာရသွားပါတယ်။ လူနေအိမ်တချို့လည်း ပျက်စီး မီးလောင် သွားခဲ့ပါတယ်။ ပြည်နယ်ကွပ်ကဲရေးရုံးက VOA ကို ပြောပြချက်အရဆိုရင် အခုတော့ အခြေအနေကို ထိန်းထားနိုင်ပြီလို့ ဆိုပါတယ်။ ဒီကနေ့ မောင်တောမြို့မှာ ဖြစ်ခဲ့တဲ့ အခြေအနေနဲ့ နောက်ဆုံးဖြစ်နေတဲ့ အခြေအနေတွေကို စုံစမ်းထားတဲ့ မသင်းသီရိက တင်ပြပေးထားပါတယ်။

ဒီကနေ့ ဇွန်လ ၈ ရက်၊ သောကြာနေ့ နေ့လည်က မောင်တောမှာဖြစ်ခဲ့တဲ့ အကြမ်းဘက်မှုတွေက  ဒီကနေ့ ညနေပိုင်းထိသတင်းကတော့  သေဆုံးတဦး  ဒဏ်ရာရသူ ၄ ဦးအထိ ရှိခဲ့ပါတယ်။ ဒီပြဿနာတွေ အတွင်း နေအိမ်နဲ့တည်းခိုခန်းအပြင် ဗီဒိုယိုရုံတွေအပါအ၀င် ၁၈ အိမ်လောက်  မီးလောင်ပျက်စီးတာတွေ လည်း  ဖြစ်ခဲ့ပါတယ်။ အခု ညနေပိုင်းမှာတော့ နောက်ထပ် ဒီလို ပြဿနာတွေ ထပ် မဖြစ်ရအောင်  ဒေသဆိုင်ရာ လုံခြုံရေးတွေက ထိန်းထားတယ်ဆိုတဲ့ နောက်ဆုံးအခြေအနေကိုတော့ ရခိုင်ပြည်နယ်ကွပ်ကဲရေးရုံးက  ပြန်ကြားရေးတာဝန်ခံ ဦးဝင်းမြိုင်ကပြောပါတယ်။

“အခုနောက်ပိုင်း အခြေအနေကတော့ ကောင်းသွားပြီလို့ သိရပါတယ်။ ကျနော်တို့ဆီမှာ တိုင်းရင်းသားက ဆရာဝန် ဓားထိုးခံရတဲ့သတင်းလောက်ပဲ ရှိပါတယ်ခင်ဗျ။ သူကတော့ ဝမ်းဗိုက်မှာ အထိုးခံရတယ်၊ ဆေးရုံမှာ ဆေးကုသဆဲရှိတယ်။ အဲလောက်ပဲ သိပါတယ်ခင်ဗျ။ လောလောဆယ် သတင်းရတာတော့ ဒေါက်တာခင်မောင်လတ်ရယ်၊ သူ့အမျိုးသမီးရယ်နဲ့ စုစုပေါင်း လေးယောက် ဒဏ်ရာရထားတာတော့ ရှိတယ်။ တိုင်းရင်းသားထဲက ဓားထိုးဒဏ်ရာနဲ့ ဆုံးသွားတာ တယောက်ပဲ ရှိပါသေးတယ်။ အခုတော့ အခြေအနေ ထိန်းထားနိုင်ပါပြီခင်ဗျ။”

ရုန်းရင်းဆန်ခတ်ဖြစ်နေပြီး တိုက်ခိုက်မှုတွေအထိ ဖြစ်နေတဲ့ ဒီအခြေအနေတွေကိုထိန်းနိုင်ဖို့ လုံခြုံရေး အဖွဲ့တွေက သေနတ်ကို မိုးပေါ်ထောင် ပစ်တာနဲ့ မီးသတ်ပိုက်သုံးပြီး လူစုခွဲထားတွေ လုပ်ခဲ့ပေမဲ့ လူစုလူဝေးထဲ သေနတ်နဲ့ပစ်တာမျိုး၊ သေနတ်ဒဏ်ရာရသွားတာမျိုး မရှိဘူးလို့လည်း ပြောပါတယ်။

“ကျနော်တို့ဆီမှာ ပစ်တယ်၊ ခတ်တယ်ဆိုတာတော့ မရှိသေးပါဘူး။ တခုတော့ရှိတာပေါ့။ လူစုကွဲအောင်လို့ မီးသတ်ကားနဲ့ရေပက်တာတို့၊ မိုးပေါ်ထောင်ဖောက်တာတို့ အဲလောက်တော့ ရှိတာပေါ့။ အိမ်မီးလောင် တာတွေ ငြိမ်းတာလေ။ အဲလောက်တော့ ရှိပါတယ်။ လူထုကို တည့်တည့်ပစ်ခတ်တာတော့ မရှိပါဘူးဗျ။ တယောက်နဲ့တယောက် ခုတ်ကြ၊ ဖြတ်ကြတာ ဒဏ်ရာရတဲ့လူလည်း ရှိပါတယ်။ သူတို့ဘက်က ဒဏ်ရာ ရတာတော့ ကျနော်တို့မှာ မသိနိုင်သေးဘူးဗျ။”

ရခိုင်ပြည်နယ်ကွပ်ကဲရေရုံးက  ပြန်ကြားရေးတာဝန်ခံ ဦးဝင်းမြိုင်က မောင်တောက နောက်ဆုံး အခြေအနေတွေ ပြောပြခဲ့တာပါ။ ဒီပြဿနာဟာ ရမ်းဗြဲမြို့နယ်၊ ကျောက်နီမော်ကျေးရွာမှာ ဖြစ်ခဲ့တဲ့ အခြေအနေပေါ် အခြေခံပြီး သောကြာနေ့မို့ ဗလီဘုရားကျောင်းကနေ ၀တ်ပြုပြီး ဆင်းလာကြတဲ့ မူဆလင်တချို့ရဲ့ မကျေနပ်မှုတွေက စခဲ့တာဖြစ်တယ်လို့လည်း ပြောပါတတယ်။

မကျေမနပ်ဖြစ်နေကြတဲ့ မူဆလင်တချို့ဟာ ရခိုင်တိုင်းရင်းသားတွေပိုင်တဲ့ အိမ်တွေ၊ ဆိုင်တွေကို စပြီးတိုက်ခိုက်ခဲ့တာဖြစ်တယ်လို့  တိုက်ခိုက်ဖျက်ဆီးတာခံလိုက်ရတဲ့ မောင်တော United တည်းခိုခန်းပိုင်ရှင် ဦးစံရွှေကလည်း ပြောပြပါတယ်။

“၁၂ နာရီခွဲလောက်မှာ ဆုတောင်းပွဲကအပြန်မှာ သွားဖြစ်တယ်။ လူအုပ်ကြီးကများတော့လည်း သွေးက နည်းနည်းပါးပါး ကြွလာတယ် ထင်ပါတယ်။ အဲဒါနဲ့ လမ်းကနေပြီးတော့မှ ဆီတွေ၊ ခဲတွေနဲ့ ပထမ United တည်းခိုခန်းကို စပြီးတော့ ခဲနဲ့ထုတာပေါ့။ ပြီးတာနဲ့ တည်းခိုခန်း ပိုင်ရှင်အိမ်ကို ထုတယ်။ လူအုပ်က များလာတော့ လမ်းမှာအပြည့်ပေါ့လေ- ကျနော်တို့အိမ်ရော တဆက်တည်းဆိုတော့ အိမ်ရော ပါသွားတာပေါ့။ အဲဒီကမှတဆင့် ဒီဘက် ဗိုလ်မှူးရွာမှာ ဒီဘက်က သဇင်တည်းခိုခန်းကို မီးရှို့တယ်။ ပြီးတာနဲ့ ဘေးနားကအိမ်ကို ဖျက်ဆီးတယ်။

နောက်ပြီးတော့ ဗိုလ်မှူးရွာအတွင်းမှာရှိတဲ့အိမ် ၇ လုံးလောက် မီးရှို့ပစ်တယ်။ ကျနော်ထင်တာ ကတော့ တောင်ကုတ်ကိစ္စနဲ့ ပတ်သက်ပြီးတော့  သူတို့ မကျေမနပ်ဖြစ်တာ ထင်ပါတယ်။ ဒေသခံတွေ ကကျတော့  စိုးရိမ်တာပေါ့။ တိုင်းရင်းသား ဒေသခံတွေက လူနည်းစု ၃၀၀ ကျော်လောက်ပဲ ရှိတာကို။ အခု ရဲတပ်ရင်း (၂) ကနေပြီးတော့မှ လုံခြုံရေးအင်အား ၁၅၀ လောက်နဲ့ နေရာ သုံးနေရာခွဲပြီး နေရာချ ထားတယ်လို့ သိရပါတယ်။

ဒါပေမဲ့ ဖြစ်တဲ့အချိန်ကတော့ သူတို့က မရှိဘူးလေ။ နေရာက လှမ်းနေတော့လည်း အချိန်မမီဘူးပေါ့။ အဲဒါ မီးရှို့တဲ့အချိန်မှာလည်းပဲ ဘာမှတော့ လုပ်လို့ မရဘူးပေါ့လေ။ နောက်တခါ ကျနော်တို့ ဒီဘက်မှာ ညနေ သုံးနာရီကျော်ကျော်လောက်မှာကျတော့ အနားမှာရှိတဲ့ ရခိုင်ရွာမှာလည်း ရခိုင်အိမ် ၄ လုံး ဗွီဒီယို ရုံတရုံ မီးရှို့ပစ်တယ်။”

ဒါကတော့ မောင်တောမြို့ခံ ဦးစံရွှေက ပြောပြခဲ့တာပါ။ အခုညပိုင်း နောက်ဆုံးအထိတော့ အခြေအနေတွေဟာ တည်ငြိမ်နေပြီဖြစ်ပြီး မောင်တော မြို့တ၀ိုက်မှာတော့ လုံခြုံရေးတွေ ချထားတာ တွေ့ရတယ်လို့ မြို့ခံတွေက ပြောပါတယ်။

ရခိုင်ပြည်နယ် ရမ်းဗြဲမြို့၊ ကျောက်နီမော်ရွာမှာ မလ ၂၈ ရက်နေ့က မသီတာထွေးကို လူငယ်သုံးဦးက ပစ္စည်းလုယူ၊ အဓမ္မပြုကျင့်ပြီးတော့ အကြမ်းဘက် သတ်ဖြတ်ခဲ့တဲ့ ဖြစ်ရပ်ကနေ အခုလို ပြဿနာတွေ စခဲ့တာဖြစ်ပါတယ်။ အဲဒီနောက် ဇွန်လ ၃ ရက်နေ့က တောင်ကုတ်မြို့မှာ အစ္စလာမ်ဘာသာဝင်တွေ စီးလာတဲ့ကားကို လူတစုက  အကြမ်းဘက် တားဆီးပြီး ရိုက်နှက်သတ်ဖြတ်ခဲ့တာကြောင့် ကားပေါ် ပါလာတဲ့ လူ ၁၀ ဦး သေဆုံးခဲ့တဲ့အထိ နောက်ဆက်တွဲဖြစ်ခဲ့ပြီးတဲ့နောက် အခုတကြိမ် မောင်တော မှာ ပြဿနာတွေ ထပ်ဖြစ်ခဲ့တာပါ။ အစိုးရကတော့ ရခိုင်ပြည်နယ်ထဲ မှာ ဖြစ်ခဲ့တဲ့ ပြဿနာတွေ ရဲ့ ဖြစ်ရပ်မှန်ကို ဖော်ထုတ်နိုင်ဖို့အတွက် စုံစမ်းစစ်ဆေးရေး အဖွဲ့တဖွဲ့ကို ဇွန်လ ၆ ရက်နေ့က ဖွဲ့စည်းခဲ့ပြီးဖြစ်ပါတယ်။

နောက်ဆုံးရတဲ့ သတင်းအရ မောင်တောနဲ့ ဗူးသီးတောင် မြို့ပေါ်ရပ်ကွက်တွေမှာ ပုဒ်မ ၁၄၄၊ ထုတ်ပြန်ထားတယ်လို့ သိရပါတယ်။

ဂျပန် နျူကလီယားစက်ရုံ ပြန်လည်မည်

By ဗွီအိုအေ (မြန်မာဌာန)

• ဂျပန်နိုင်ငံအနေနဲ့ နျူကလီယားစွမ်းအင်ကို အသုံးမပြုဘဲ မဖြစ်နိုင်တာကြောင့် ပိတ်ထားတဲ့ နျူကလီယား စက်ရုံကို ပြန်ဖွင့်ဖို့ ဝန်ကြီးချုပ်က ပြောလိုက်ပါတယ်။

ဂျပန်နိုင်ငံအနောက်ပိုင်းမှာရှိတဲ့ Ohi နျူကလီယားစက်ရုံ ပြန်လည်ဖို့အတွက်ဝန်ကြီးချုပ် Yoshihiko Noda က ဒီကနေ့ ပြုလုပ်တဲ့ သတင်းစာရှင်းလင်းပွဲအတွင်း ပြောလိုက်တာပါ။ လူထုရဲ့ လူနေမှုဘဝတွေ အဆင်ပြေအောင် နျူကလီယား စက်ရုံနှစ်ရုံကို ပြန်ပြီး လည်ပတ်သင့်တယ်လို့ ဝန်ကြီးချုပ်က ပြောခဲ့ပေမဲ့ အဲဒီ စက်ရုံတွေ ပြန်လည်ပတ်ဖို့ သူ့အနေနဲ့ အမိန့်ပေးညွှန်ကြားတာတော့ မလုပ်ခဲ့ပါဘူး။

နွေရာသီ လျှပ်စစ်မီးအသုံးများတဲ့ အချိန်မတိုင်ခင် လောင်စာစွမ်းအင် အလုံအလောက်ရနိုင်ဖို့ ဝန်ကြီးချုပ် နိုဒရဲ့ အစိုးရက ကြိုးပမ်းနေတာလည်း ဖြစ်ပါတယ်။ လောလောဆယ်မှာတော့ ဂျပန်နိုင်ငံက နျူကလီယား စက်ရုံတွေ အားလုံးကို ပိတ်ထားတာပါ။

နျူကလီယားစက်ရုံရဲ့ လုံခြုံစိတ်ချရမှုနဲ့ပတ်သက်လို့ ကျွမ်းကျင်ပညာရှင်တွေကသာ ဆုံးဖြတ်သင့်ပြီး နိုင်ငံရေး သမားတွေ ဆုံးဖြတ်ရမှာ မဟုတ်ဘူးလို့ Green Peace သဘာဝပတ်ဝန်းကျင် ထိန်းသိမ်းစောင့်ရှောက်ရေး အဖွဲ့ရဲ့ ဂျပန်နိုင်ငံဆိုင်ရာ ညွှန်ကြားရေးမှူး Junichi Sato က ကြေညာချက်ထုတ်ပြန်ပြောဆိုခဲ့ပါတယ်။ လိုအပ်တဲ့နည်းပညာပိုင်းဆိုင်ရာ ပြုပြင်မှုတွေ အလုံအလောက်လုပ်ဆောင်နိုင်ခြင်း မရှိသေးတဲ့အတွက် Ohi နျူကလီယားစက်ရုံ ပြန်ဖွင့်ဖို့ မသင့်သေးဘူးလို့ သူက ပြောပါတယ်။

အာဖဂန်နစ္စတန်ကို တရုတ်ကူညီမည်

By ဗွီအိုအေ (မြန်မာဌာန)

• တရုတ်နဲ့ အာဖဂန်နစ္စတန်နိုင်ငံအကြား ကုန်သွယ်ရေး၊ ရင်းနှီးမြှုပ်နှံမှု၊ လုံခြုံရေးနဲ့ ကူညီထောက်ပံ့ရေး ကိစ္စတွေအတွက် သဘောတူညီချက် အသစ်တွေ လုပ်ဆောင်နေချိန်မှာပဲ အာဖဂန်နိုင်ငံကို ကိုယ်ကျိုးမပါတဲ့ ကူညီ ထောက်ပံ့မှုတွေ ပေးသွားမယ်လို့ တရုတ်သမ္မတက ဒီကနေ့ ကတိပေးလိုက်ပါတယ်။

အခုအချိန်ဟာ အာဖဂန်နစ္စတန်နိုင်ငံမှာ အရေးပါတဲ့ အသွင်ပြောင်းကာလကို ဖြတ်သန်းနေတဲ့အချိန်ဖြစ်တာမို့  တရုတ်နိုင်ငံအနေနဲ့ အကူအညီတွေ ဆက်ပေးသွားမှာဖြစ်တယ်လို့ ဘေဂျင်းမြို့ ပြည်သူ့ခန်းမကြီးမှာ ပြု လုပ်တဲ့ တွေ့ဆုံဆွေးနွေးပွဲအတွင်း အာဖဂန်သမ္မတ Hamid Karzai ကို တရုတ် သမ္မတ ဟူဂျင်တောင်က အဲဒီလို ပြောလိုက်တာပါ။

၂၀၁၄ ခုနှစ်မှာ အမေရိကန်နဲ့ နိုင်ငံတကာတပ်ဖွဲ့ အများစု ရုပ်သိမ်းသွားပြီးတဲ့နောက် တရုတ်နိုင်ငံအနေနဲ့ အာဖဂန်နိုင်ငံအတွင်း ပိုအရေးပါတဲ့ အခန်းကဏ္ဍမှာ ပါဝင်လုပ်ဆောင်နိုင်ဖို့ တရုတ်နိုင်ငံက ပြင်ဆင်နေတာပါ။

နှစ်နိုင်ငံအကြား ရရှိလိုက်တဲ့ ဗျူဟာမြောက် သဘောတူညီချက်အရ တရုတ်နိုင်ငံက အခုနှစ်အတွက် အမေရိကန် ဒေါ်လာ ၂၄ သန်း ကူညီပေးမှာ ဖြစ်သလို ရင်းနှီးမြှုပ်နှံမှုတွေ အာဖဂန်ထဲမှာ ပြုလုပ် လာအောင်၊ နောက် လမ်းပမ်းဆက်သွယ်ရေးဆိုင်ရာ အခြေခံ အဆောက်အဦးတွေ ကူညီ တည်ဆောက်ပေးဖို့၊ အာဖဂန်ကျောင်းသားတွေကို ပညာသင်ခွင့် Scholarship တွေ ပေးဖို့ စတာတွေကို သဘောတူခဲ့ကြပါတယ်။

ဒါ့အပြင် နှစ်နိုင်ငံစလုံးက အကြမ်းဖက်လုပ်ငန်း၊ အစွန်းရောက်လုပ်ရပ်တွေ၊ ခွဲထွက်ရေးနဲ့ အကွက်ကျကျလုပ်တဲ့ ရာဇ၀တ်မှုလုပ်ငန်းတွေကို ဆန့်ကျင်ကြောင်း တွေ့ဆုံပွဲအပြီး ပူးတွဲထုတ်ပြန်တဲ့ ကြေညာချက်ထဲမှာ ဖော်ပြထားပါ တယ်။

အာဏာပိုင်များ ထိန်းသိမ်းမှု နှောင့်နှေး၍ မောင်တော ပဋိပက္ခ ကြီးမားခဲ့ဟု RNDP ဝေဖန်

ဟင်္သာနီ (မွန်မြေ) | သောကြာနေ့၊ ဇွန်လ ၀၈ ရက် ၂၀၁၂ ခုနှစ် ၂၂ နာရီ ၄၁ မိနစ်

စံခလပူရီ (မဇ္ဈိမ)။     ။ သောကြာနေ့ နေ့လည် တနာရီခန့်မှ စတင်၍ မောင်တောမြို့တွင် ဖြစ်ပွားခဲ့သည့် အစ္စလာမ် ဘာသာဝင်များ၏ ဆူပူမှုများအား ကိုင်တွယ် ထိန်းသိမ်းရန် အာဏာပိုင်များမှ စီစဉ်ဆောင်ရွက်မှု နှောင့်နှေး ကြန့်ကြာခဲ့၍ ပဋိပက္ခ ကြီးမားခဲ့သည်ဟု ရခိုင် တိုင်းရင်းသားများ တိုးတက်ရေးပါတီ RNDP မှ ဝေဖန်လိုက်သည်။

“သက်ဆိုင်ရာက အရေးယူ ဆောင်ရွက်မှု တော်တော် နောက်ကျတယ်။ အဲဒီ မငြိမ်သက်မှုက နေ့လည် ၁ နာရီ ကတည်းက စဖြစ်တာ။ ညနေ ၄ နာရီထိ လုံခြုံရေး ချထားပေးခြင်း၊ အရေးယူ ဆောင်ရွက်ပေးခြင်း မရှိသေးတာကို ကျနော်တို့ တွေ့ရတယ်။ ရခိုင်ပြည်သူတွေရဲ့ အသက်အိုးအိမ် စည်းစိမ်တွေလည်း စိုးရိမ် ထိတ်လန့် နေရတဲ့ အခြေအနေ ဖြစ်နေတယ်” ဟု RNDP အတွင်းရေးမှူး ဦးခိုင်ကြည်စိုးက ပြောသည်။

အစ္စလာမ် ဘာသာဝင် ၁,ဝဝဝ ခန့်က ဘုန်းကြီးကျောင်းများ၊ နေအိမ်များ၊ ဈေးဆိုင်များအား ခဲများဖြင့် ပေါက်ခြင်း၊ လိုက်လံ ဖျက်ဆီး မီးရှိူ့ခြင်းများ ကျူးလွန်ခဲ့ကြသည်ဟု ဦးခိုင်ကြည်စိုး က ဆိုသည်။

ထိုအခြေအနေအား ထိန်းသိမ်းနိုင်ရန်အတွက် ကနဦး၌ လုံခြုံရေး ရဲအင်အား ၂ဝဝ ခန့်ဖြင့် ထိန်းသိမ်း နိုင်ရန် စီစဉ် ခဲ့ကြသည်။ ထိုအရေအတွက်ဖြင့် မလုံလောက်၍ နောက်ပိုင်းတွင် ပြည်နယ် ဝန်ကြီးချုပ်မှ စစ်တပ် တပ်ရင်း ၂ ရင်း ချထားရန် အမိန့်ပေးလိုက်ကြောင်း သိရှိရသည်။ သို့သော် လုံခြုံရေး အဖွဲ့ဝင်များအတွက် တာဝန်ထမ်းဆောင် သွားလာမှု အဆင်ပြေစေရန် သက်ဆိုင်ရာမှ ကားများ စီစဉ်ပေးထားခြင်း မရှိဘဲ ခြေလျင်ဖြင့်သာ သွားလာလှုပ်ရှားနေကြရသည်။

“အခု နောက်ဆုံး ဖြစ်နေတဲ့ အခြေအနေတွေကတော့ ကြိုကြား ကြိုကြား မီးလောင်မှုတွေ ဖြစ်ပွားနေတယ်။ ရခိုင်တွေလည်း အိမ်ထဲက အိမ်ပြင်ကို မထွက်ရဲကြဘူး။ ကျီးလန့်စာစား ဖြစ်နေတယ်။ မောင်တောမှာ ရှိတဲ့ ဗဟိုဘုန်းကြီးကျောင်း မှာလည်း ရခိုင်လူမျိုးပေါင်း ၂ဝဝ လောက် အိုးအိမ်များအား စွန့်ခွာကာ ရှောင်တိမ်း နေထိုင်ကြလျက် ရှိပါတယ်” ဟု ဦးခိုင်ကြည်စိုးက ည ၈ နာရီခန့်တွင် မဇ္ဈိမက မေးမြန်းစဉ် ပြောပြသည်။

ဆူပူမှုကြောင့် ကမ္ဘောဇဘဏ်၊ သဇင် တည်းခိုခန်းတို့ မီးရှို့ဖျက်ဆီးခံရပြီး ဆုံးရှုံးမှု ပမာဏကိုမူ အတည်ပြုနိုင်ခြင်း မရှိသေးပေ။ ထို့အတူ ဗိုလ်မှူးရွာ၊ အောင်ဗလရွာနှင့် အခြားရွာ တရွာတို့၌လည်း အိမ်ထောင်စုအချို့ မီးရှိူ့ဖျက်ဆီးခံခဲ့ရပြီး အပျက်အစီးကို အတည်မပြု နိုင်သေးပေ။ ထိုနေရာများသို့ လူအများ မသွားလာရဲဘဲ ရှိနေသည်။

အဆိုပါ အဓိကရုဏ်းကြောင့် သေဆုံးမှုများရှိနေပြီး ဒဏ်ရာရှိသူ လေးဦး မောင်တော ဆေးရုံ၌ တက်ရောက် ကုသမှု ခံယူနေရကြောင်း ဦးခိုင်ကြည်စိုးက ပြောသော်လည်း သီးခြားအတည်ပြုချက် မရရှိသေးပေ။

မောင်တောမြို့အခြေအနေမှာ စိုးရိမ်စရာ အနေအထား၌ ရှိနေကာ အစ္စလာမ် ဘာသာဝင်များနှင့် ရခိုင် လူမျိုးများကြားတွင် မကျေနပ်မှုများ ဆက်လက် ကြီးထွား နေလျက်ရှိသည်။

အစ္စလာမ်ဘာသာဝင်များ အများစုနေထိုင်ကြသည့် မောင်တောနှင့် ဘူးသီးတောင် မြို့များတွင် အုပ်ချုပ်ရေးမှူးများက ပုဒ်မ ၁၄၄ ညမထွက်ရနှင့် ၅ ဦးနှင့် ၅ ဦးထက် လူမစုဝေးရ အမိန့်များ ညနေပိုင်းတွင် ထုတ်ပြန်လိုက်သည်။

မေလ ၂၈ ရက်နေ့က ရမ်းဗြဲမြို့နယ်တွင် ရခိုင်အမျိုးသမီးတဦး အဓမ္မပြုကျင့် သတ်ဖြတ်ခံခဲ့ရရာမှ စတင်ခဲ့သည့် လူမျိုးရေး တင်းမာမှုများမှာ ဇွန်လ ၃ ရက်နေ့တွင် တောင်ကုတ်မြို့၌ ခရီးသွား အစ္စလာမ်ဘာသာဝင် ၁ဝ ဦးအား ဒေသခံများက သတ်ဖြတ်မှုထိ ဖြစ်ပွားခဲ့သည်။

ရန်ကုန်မြို့တွင်လည်း ဇွန်လ ၅ ရက်နေ့က အစ္စလာမ်ဘာသာဝင်များ ဆန္ဒပြမှုဖြစ်ပွားခဲ့သေးသည်။

ရခိုင်ပြည်နယ်တွင်း ဖြစ်ပွားခဲ့သည့် ထိုသတ်ဖြတ်မှုများနှင့်ပတ်သက်၍ တရားဥပဒေအရ စုံစမ်းဖော်ထုတ် အရေးယူရန် စုံစမ်းရေးကော်မရှင်တရပ်ကို ပြည်ထဲရေး ဒု-ဝန်ကြီး ဦးဆောင်၍ ဇွန်လ ၇ ရက်နေ့တွင် ဖွဲ့စည်းခဲ့သော်လည်း ဇွန်လ ၈ ရက်နေ့တွင် ယခုကဲ့သို့ မောင်တောမြို့တွင် ဆူပူမှုများ ဖြစ်ပွားလာရပြန်ခြင်းဖြစ်သည်။

ထားဝယ်စီမံကိန်း ဆုံးဖြတ်ရန် အရေးကြီး အချိန်ရောက်ဟု ဝန်ကြီးပြော

မဇ္ဈိမသတင်းဌာန | သောကြာနေ့၊ ဇွန်လ ၀၈ ရက် ၂၀၁၂ ခုနှစ် ၂၀ နာရီ ၀၃ မိနစ်

မဇ္ဈိမသတင်းဌာန ။        ။ ထားဝယ် ရေနက်ဆိပ်ကမ်း စီမံကိန်းနှင့် ပတ်သက်၍ ဆုံးဖြတ်ရန် အလွန်အရေးကြီးသည့် အလှည့်အပြောင်း အခြေအနေသို့ ရောက်ရှိနေပြီဟု မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဋ္ဌ၊ စက်မှုဝန်ကြီး ဦးစိုးသိန်းက Bangkok Post သတင်းစာသို့ မကြာသေးခင်က ပြောကြားခဲ့ကြောင်း သိရသည်။

“တကယ်လို့ စီမံကိန်းကို လုပ်ကိုင်ဆောင်ရွက်နေတဲ့ Italian-Thai ကုမ္ပဏီ အနေနဲ့ အဲဒါကို လုပ်နိုင်စွမ်းရှိရင် သူတို့ လုပ်ကိုင်ဆောင်ရွက်သင့်ပါတယ်။ တကယ်လို့ မလုပ်နိုင်ဘူးဆိုရင်တော့ ကျနော်တို့ ပြန်လည် သုံးသပ်ရပါလိမ့်မယ်” ဟု ပြောကြားခဲ့သည်။

ရင်းနှီးမြှုပ်နှံမှု ကော်မရှင် ဥက္ကဋ္ဌ ဦးစိုးသိန်း က မြန်မာ့ ကမ်းရိုးတန်း ရှည်သည်နှင့်အမျှ ရေနက်ဆိပ်ကမ်းများ အများအပြား တည်ဆောက်နိုင်သေးကြောင်း Bangkok Post ကို ထပ်လောင်းပြောဆိုလိုက်သည်။“ထားဝယ်က အထူးစီးပွါးရေးဇုန် တခုပါ။ ပြီးတော့ ဧရိယာအသစ်ဖြစ်တဲ့ သီလဝါမှာလည်း ရေနက်ဆိပ်ကမ်း တခု ပါဝင်မှာ ဖြစ်ပေမယ့် (ထားဝယ်နဲ့တော့) ဘယ်လိုမှ ယှဉ်လို့ရမှာ မဟုတ်ပါဘူး။ ဒါပေမယ့် ကမ်းရိုးတန်းဟာ ကီလိုမီတာ ၁,၂၀၀ ကျော်တဲ့အတွက် ကျနော်တို့ဟာ ရေနက်ဆိပ်ကမ်းတွေ အများကြီး တည်ဆောက်နိုင်ပါတယ်” ဟု ဦးစိုးသိန်း က ဆိုသည်။

ထိုသတင်းသည် ဘန်ကောက်မြို့ရှိ သတင်းရပ်ကွက်များအား အနည်းငယ် အံ့အားသင့်စေခဲ့သည်။ ဘန်ကောက် ရပ်ဝန်းအနေဖြင့် ထားဝယ်စီမံကိန်း၏ အလားအလာကို သံသယ ရှိနေခဲ့ကြသည်။

စီမံကိန်းသည် တနင်္သာရီတိုင်း၊ သာဂရမြို့ဟောင်းအနီး တည်ရှိကာ ထားဝယ်မြို့ အနောက်မြောက်ဘက် မိုင် ၂ဝ ခန့်အကွာရှိ ရေဖြူမြို့နယ်၊ နဖူးလယ်ကျေးရွာအနီးတွင် ရှိသည်။ ၂ဝ၁ဝ ခုနှစ်တွင် ၇၅ နှစ် လုပ်ငန်း လုပ်ကိုင်ခွင့် သဘောတူစာချုပ် ချုပ်ဆိုထားခြင်း ဖြစ်သည်။ စီမံကိန်းကို ၂၀၁၄ ခုနှစ်အထိ ငါးနှစ်စီမံကိန်းအဖြစ် ပထမအဆင့်၊ ၂၀၁၄ မှ ၂၀၁၇ ထိ ဒုတိယအဆင့်၊ ၂၀၁၅ မှ ၂၀၁၉ ထိ တတိယအဆင့်ဟူ၍ သတ်မှတ် အကောင်အထည်ဖော်နေခြင်း ဖြစ်သည်။

ထားဝယ်ဖွံ့ဖြိုးရေး စီမံကိန်းတွင် ရေနက်ဆိပ်ကမ်း၊ သင်္ဘောတည်ဆောက်ရေး လုပ်ငန်းများ၊ သင်္ဘော ပြုပြင်ထိန်းသိမ်းရေးလုပ်ငန်းများနှင့် စက်ပစ္စည်းများ၊ ရေနံချက်စက်ရုံ နှင့် ဓာတ်ငွေ့သန့်စင်စက်ရုံ အပါအဝင် ရေနံဓာတုလုပ်ငန်းများ၊မော်တော်ကားနှင့် အထည်ချုပ်စက်ရုံကဲ့သို့ အလတ်စားနှင့် အသေးစား စက်မှုလုပ်ငန်းများပါဝင်မည် ဖြစ်သည်။

ထားဝယ်ရေနက်ဆိပ်ကမ်း တည်ဆောက်ရေးနှင့် စက်မှုဇုံတည်ဆောက်ရေးတွင် အဆင့် ၃ ဆင့် ပါဝင်မည် ဖြစ်သည်။ ပထမအဆင့်တွင် ထားဝယ်မှ အခြား အရှေ့တောင်အာရှ နိုင်ငံများသို့ ဆက်သွယ်မည့် ၈ လမ်းသွား လမ်းမကြီး နှင့် ထိုင်းနိုင်ငံ ကန်ချနဘူရီ ပြည်နယ်ကို ဆက်သွယ်ပေးမည့် ရထားလမ်း ဖောက်လုပ်ရေးတို့ ပါဝင်သည်။ ဗီယက်နမ် နိုင်ငံ ဟိုချီမင်းမြို့မှ မြန်မာနိုင်ငံအထိရောက်မည့် တိုးချဲ့မဲခေါင်ဒေသ စီမံကိန်း (Greater Mekong Subregion) တောင်ဘက် စီးပွားရေးစင်္ကြံ လမ်းမကြီး၏ တစိတ်တပိုင်း ဖြစ်လာပေတော့မည်။ဒုတိယနှင့် တတိယအဆင့်များတွင် ရေနက်ဆိပ်ကမ်း တည်ဆောက်ရေးနှင့် စက်မှုလုပ်ငန်းများ ထူထောင်ရေးတို့ ပါဝင်မည် ဖြစ်သည်။ ဤသို့ဆိပ်ကမ်းအ ဆင့်မြှင့်တင်မှုလုပ်ငန်းများပြီးလျှင် ထိုင်း၊ တရုတ်၊ ဗီယက်နမ် နှင့် လာအိုသို့ ကုန်စည်တင်ပို့ရာတွင်  မလက္ကာရေလက်ကြားဖြတ်ရန် မလိုတော့၍ ပျမ်းမျှ ၁၀ ရက်ခန့် အချိန်သက်သာသွားမည်ဖြစ်သည်။

ITD ကုမ္ပဏီက ၎င်းတို့၏ ရေရှည်ဘဏ္ဍာရေး စီမံကိန်းများကို ၂၀၁၂ ခုနှစ် မကုန်မီ အပြီးသတ် ရေးဆွဲနိုင်တော့မည်ဟု ကုမ္ပဏီ ဥက္ကဋ္ဌ Premchai Karnasuta က ဧပြီလကုန်ပိုင်းတွင် ပြောကြားခဲ့သည်။

စီမံကိန်းအတွက် ITD က ဒေါ်လာသန်းပေါင်း ၈,၅၀၀ ရင်းနှီးမြှုပ်နှံ သွားမည်ဟု ဇန်နဝါရီလပိုင်းက ပြောဆိုခဲ့သော် လည်း မဂ္ဂါဝပ် ၄,၀၀၀ ထုတ်လုပ်မည့် ကျောက်မီးသွေးသုံး ဓါတ်အားပေး စက်ရုံအား မြန်မာအစိုးရက ရုတ်ချည်း ရပ်ဆိုင်းလိုက်သည်။

စင်္ကာပူနိုင်ငံတွင် ပြုလုပ်သည့် ကွန်ဖရင့်တခုတွင် ခရီးသွားလုပ်ငန်းနှင့် သဘာဝသယံဇာတ ကဏ္ဍများရင် ရင်းနှီးမြှုပ်နှံကြရန် စက်မှုဝန်ကြီးက ဖိတ်ခေါ်လိုက်သည်။

“ကျနော်တို့အနေနဲ့ နိုင်ငံခြားရင်းနှီးမြှုပ်နှံမှုတွေကို အလေးအနက်ကို ဖိတ်ခေါ်လိုပါတယ်။ ရင်းနှီးမြှုပ်နှံမှုတွေကို ချစ်ကြည်တဲ့ ဥတုအနေအထားဖြစ်ဖို့ လိုအပ်တဲ့ ခြေလှမ်းတွေကိုလည်း” ဟု ဦးစိုးသိန်း က ရုပ်သံမိန့်ခွန်းတွင် ပြောကြား သွားသည်။

ဧပြီလအတွင်း ဂျပန်နိုင်ငံသို့ ရောက်ရှိနေစဉ် သမ္မတ ဦးသိန်းစိန်က မြန်မာ့ အထူးစီးပွားရေးဇုန်များတွင် လာရောက် ရင်းနှီးမြှုပ်နှံကြရန် ဂျပန်ကုမ္ပဏီကြီးများအား ဖိတ်ခေါ်ခဲ့သည်။

မြန်မာအစိုးရသည် သဘာဝဓါတ်ငွေ့ တင်ပို့ရောင်းချရာမှ ၂၀၁၂ ခုနှစ်တွင် ဒေါ်လာ သန်းပေါင်း ၃,၀၀၀ ရရှိခဲ့ပြီး ၂၀၁၃ ခုနှစ်တွင် သဘာဝဓါတ်ငွေ့လုပ်ငန်းများနှင့် ပိုက်လိုင်းများ ပိုမိုလည်ပတ်နိုင်မည်ဖြစ်၍ ထို့ထက်ပို၍ သိသိသာသာ တိုးတက် ရရှိနိုင်ဖွယ်ရှိသည်ဟု အာရှဖွံ့ဖြိုးရေးဘဏ် ADB က ဆိုသည်။ ထို ရေနံနှင့်သဘာဝဓါတ်ငွေ့ လုပ်ငန်းများကိုမြန်မာနိုင်ငံတွင် Chevron ၊ Total နှင့် CNPC ကုမ္ပဏီကြီးများက လုပ်ကိုင်လျက်ရှိကြသည်။

ထားဝယ် ရေနက်ဆိပ်ကမ်း စီမံကိန်း ပွင့်လင်းမှု မရှိဟု စစ်တမ်းဆို

ဖနိဒါ | ကြာသပတေးနေ့၊ ဇွန်လ ၀၇ ရက် ၂၀၁၂ ခုနှစ် ၁၉ နာရီ ၂၆ မိနစ်

ချင်းမိုင်(မဇ္စျိမ) ။       ။ ထားဝယ် ရေနက်ဆိပ်ကမ်း စီမံကိန်းကြောင့် ပြောင်းရွှေ့ခံရမည့် ဒေသခံများအား လျော်ကြေး များ ပေးရာတွင် ပွင့်လင်းမရှိကြောင်း ထားဝယ် ဖွံ့ဖြိုး တိုးတက်ရေးအဖွဲ့ DDA က ပြောဆိုလိုက်သည်။   

“ထားဝယ် အထူးစီးပွားရေးဇုန် ဒေသခံများ၏ နားလည်သဘောပေါက်မှု” (Local People’s Understandings of the Dawei Special Economic Zone) အမည်ရ သုတေသန စစ်တမ်းမှ ရရှိချက်များကို ရန်ကုန်မြို့တွင် DDA က သတင်းစာရှင်းလင်းပွဲ ပြုလုပ်၍ ပြောဆိုလိုက်ခြင်း ဖြစ်သည်။

“အဓိက မြေယာကိစ္စနဲ့ ပတ်သက်ပြီးတော့ ပြောတယ်။ တချို့နေရာမှာ လျော်ကြေး မပေးတာတွေ ရှိတယ်။ အဓိကတော့ ပွင်းလင်းမြင်သာမှု မရှိဘူး ဒီပရောဂျက်က။ ဘယ်အချိန်မှာ ဘယ်သူ့ကို လျော်ကြေး ဘယ်လောက် ပေးတယ် ဆိုတာ သေသေချာချာ မပြောဘူး” ဟု DDA ရန်ကုန်မြို့ ညွန်ကြားရေးမှူး ကိုဘိုဘိုအောင် က မဇ္ဈိမကို ပြောသည်။ဒေသခံ ရွာသားများနှင့် ကုမ္ပဏီတို့အကြား ညှိနှိုင်းဖြေရှင်းပေးရန် မက်စ်မြန်မာနှင့် ITD ကုမ္ပဏီတို့ ပူးပေါင်းထားသည့် ထားဝယ်အထူးစီးပွားရေးဇုံ အထောက်ကူပြု ကော်မတီ (Dawei Special Economic Zone Suporting Committee) က ဒေသခံများအား ဆုံးရှုံးမြေယာအတွက် ၁ဝ ရာခိုင်နှုန်း လျော်ကြေး ပေးပြီးဖြစ်ကြောင်း ပြီးခဲ့သည့် တလခန့်ကပြောဆိုသော်လည်း ပွင့်လင်းမှု မရှိကြောင်း ကိုဘိုဘိုအောင် က ပြောသည်။

“ကျနော်တို့ မေးထားတာ၊ ဒေသခံတွေကို။ ဘာမှ မသိကြဘူး။ စိုးရိမ်နေတယ်။ ကုမ္ပဏီတွေက သူတို့ လုပ်ချင်သလို လုပ်တယ်။ ပွင့်ပွင့်လင်းလင်း မရှိဘူး။ တချို့ ပိုင်ရှင်နဲ့ ရုံးကို ခေါ်ပြီးတော့ တယောက်ချင်း ပေးတာတွေ ရှိတယ်။ တယောက်နဲ့တယောက် ဘယ်လောက်ပေးတယ်ဆိုတာ မသိကြဘူး” ဟု ကိုဘိုဘိုအောင်က ဆက်ပြောသည်။

ထုတ်ဝေသော စစ်တမ်းမှာ ၂ဝ၁၁ ခုနှစ် ဒီဇင်ဘာမှစတင်၍ ၂ဝ၁၂ ခုနှစ် မတ်လထိ၊ လေးလကြာ ထားဝယ်ရေနက်ဆိပ်ကမ်း စီမံကိန်းနေရာဒေသအတွင်း ကွင်းဆင်း မေးမြန်း လေ့လာခဲ့ခြင်းမှ ရရှိချက်များ ဖြစ်သည်။

လောကအလင်းအဖွဲ့နှင့် DDA အဖွဲ့တို့မှ လူငယ် ၂ဝ ကျော်အား သုတေသန ပညာရပ် သင်ကြားပေးခဲ့ပြီး ထိုစီမံကိန်း အတွင်း နေရာ ခုနှစ်ခုတွင် ဒေသခံ ရွာသားများနှင့် တွေ့ဆုံ ဆွေးနွေးပွဲများ၊ ဒေသခံ ၁၅ဝ ကျော်နှင့် အင်တာဗျုးမေးမြန်းထားထားသည်ဟု ဆိုသည်။

ထားဝယ် ရေနက်ဆိပ်ကမ်း စီမံကိန်းကြောင့် ပြောင်းရွှေ့ရမည့် ဒေသခံများအတွက် ဆောက်လုပ်ရေး ကုမ္ပဏီ ကိုးခုက အိမ်ခြေ ၃ဝဝ ကျော်ဆောက် လုပ်ပေးနေပြီ ဖြစ်ပြီး လာမည့် စက်တင်္ဘာလတွင် ရွာ ခြောက်ရွာ ပထမဆုံး ပြောင်းရွှေ့ ဖွယ်ရှိကြောင်း သိရသည်။

စီမံကိန်းကြောင့် ကျေးရွာပေါင်း ၁၉ ရွာ လူဦးရေ ၃၂,၂၇၉ ဦး၊ စာသင်ကျောင်း ၂၁ ကျောင်းနှင့် ဘာသာရေး အဆောက်အအုံ ၂၃ ခု ဖယ်ရှားခံရမည် ဖြစ်ကြောင်း ထားဝယ်ဒေသ DDA အဖွဲ့က ပြုစုထားသော စာရင်းများအရ သိရသည်။

စီမံကိန်းသည် တနင်္သာရီတိုင်း၊ သာဂရမြို့ဟောင်းအနီး တည်ရှိကာ ထားဝယ်မြို့ အနောက်မြောက်ဘက် မိုင် ၂ဝ ခန့်အကွာရှိ ရေဖြူမြို့နယ်၊ နဖူးလယ်ကျေးရွာအနီးတွင် ရှိသည်။

နအဖ အစိုးရလက်ထက် ၂ဝဝ၈ ခုနှစ်က ထိုင်းနိုင်ငံ Italian-Thai Development Public Co.Ltd နှင့် နားလည်မှု စာချွန်လွာ လက်မှတ်ရေးထိုးခဲ့ပြီး ၂ဝ၁ဝ ခုနှစ်တွင် ၇၅ နှစ် လုပ်ငန်း လုပ်ကိုင်ခွင့် သဘောတူစာချုပ် ချုပ်ဆိုထားခြင်းဖြစ်သည်။ စီမံကိန်းကို ၂ဝ၁၄ ခုနှစ်အထိ ငါးနှစ်စီမံကိန်းအဖြစ် ပထမအဆင့်၊ ၂ဝ၁၄ မှ ၂ဝ၁၇ ထိ ဒုတိယအဆင့်၊ ၂ဝ၁၅ မှ ၂ဝ၁၉ ထိ တတိယအဆင့်ဟူ၍ သတ်မှတ် အကောင်အထည်ဖော်နေခြင်း ဖြစ်သည်။

ITD ကုမ္ပဏီက ၎င်းတို့၏ ရေရှည်ဘဏ္ဍာရေး စီမံကိန်းများကို ၂ဝ၁၂ ခုနှစ် မကုန်မီ အပြီးသတ် ရေးဆွဲနိုင်တော့မည်ဟု ကုမ္ပဏီ ဥက္ကဋ္ဌ Premchai Karnasuta က ဧပြီလကုန်ပိုင်းတွင် ပြောကြားခဲ့သည်။