06.06.2012 နေ့ဖတ်ရန်သတင်းများ

by Myanmar Journal on Tuesday, June 5, 2012 at 4:48pm ·

သတင်းစာပါ အသုံး အနှုန်း မစိစစ်ဘဲ ဖော်ပြမိ

ပြီးခဲ့တဲ့ ရက်ပိုင်းက တောင်ကုတ်မြို့မှာ ခရီးသွား အစ္စလာမ် ဘာသာဝင် ၁၀ ယောက် အသတ် ခံရမှုနဲ့ ပတ်သက်ပြီး ပြန်ကြားရေး ဝန်ကြီး ဌာန ရဲ့ သတင်း ထုတ်ပြန်ချက်ပါ အသုံး အနှုံးတွေ အပေါ် မကျေနပ် ကြတဲ့ ရန်ကုန် မြို့နေ မြန်မာ မွတ်ဆလင်တွေ အင်္ဂါ နေ့က ဆန္ဒပြခဲ့ကြ ပါတယ်။

သံတွဲ ခရီးသည် တင်ကား ပေါ်မှာ လိုက်ပါ လာကြသူတွေကို တိုက်ခိုက် သတ်ဖြတ် ခဲ့ကြတဲ့ သတင်း ဖော်ပြရာမှာ သေဆုံးသူ တွေကို မွတ်ဆလင် ကုလားလို့ အစိုးရ သတင်း ဌာနတွေက သုံးနှုန်း ခဲ့တဲ့အတွက် ရန်ကုန် ဆူးလေ ဗလီနားမှာ အစ္စလာမ် ဘာသာဝင်တွေ မကျေမနပ် ဖြစ်ခဲ့ကြ တာဖြစ် ပါတယ်။

အစိုးရ သတင်းစာတွေ ထဲမှာ ဖော်ပြတဲ့ မွတ်ဆလင် ကုလား ဆိုတဲ့ ခေါ်ဝေါ် သုံးနှုန်း မှုဟာ သူတို့ကို နှိမ့်ချ ခေါ်ဝေါ်တာလို့ မွတ်ဆလင် တွေက ယူဆကြ ပါတယ်။

အခြေ အနေတွေ ပိုဆိုး မလာရအောင် ၈၈ မျိုးဆက် ကျောင်းသား ခေါင်းဆောင် တစ်ယောက်ဖြစ်သူ ကိုမြအေးက သွားရောက် ဖြန်ဖြေ ပေးခဲ့ ပါတယ်။

မြန်မာ နိုင်ငံမှာ ထုတ်ဝေတဲ့ နေ့စဉ် သတင်းစာတွေဟာ စစ်အစိုးရ ခေတ် အဆက်ဆက်မှာ အစိုးရ ရဲ့ အာဘော်ကို ထင်ဟပ်စေတဲ့ သတင်းတွေကိုသာ ရေးသား လေ့ ရှိတယ်လို့ အများက ယူဆခဲ့ကြတာပါ။

သတင်းစာ တွေမှာ စကားလုံး အသုံး အနှုန်း တွေကို အမြဲတမ်း အသေ အချာ စိစစ် ပြီးမှ ရေးသား ထုတ်ပြန်လေ့ ရှိတယ် ဆိုတာလည်း အများ အသိ ဖြစ်ပါတယ်။

ပြန်ကြားရေး ဝန်ကြီး ဌာန ပြန်ကြားရေးနဲ့ ပြည်သူ့ ဆက်ဆံရေး ဦးစီးဌာန ညွှန်ကြား ရေးမှူးချုပ် ဦးရဲထွဋ် ကတော့ သူတို့ အနေနဲ့ တမင် ရည်ရွယ် ရေးတာ မဟုတ်ကြောင်းနဲ့ ဖြစ်ပျက်ပုံကို ပြည်သူတွေ ချက်ချင်း သိအောင် သတင်း ထုတ်ပြန်ဖို့ ကြိုးပမ်း ရာမှာ အချိန် မရတဲ့ အတွက် စကားလုံးတွေကို တိတိကျကျ စိစစ်ဖို့ အားနည်း သွားခဲ့ရတယ် ဆိုတာ ဝန်ခံ ပြောဆို ပါတယ်။

အရင်ကဆို အခုလို သတင်းမျိုးကို အချိန်ယူပြီးမှ ထုတ်ပြန်လေ့ ရှိတာ ဖြစ်ပြီး အခုလို ချက်ချင်း ထုတ်ပြန်တဲ့ နေရာမှာ အတွေ့အကြုံ အားနည်းလို့ ဖြစ်ရတဲ့ အကြောင်းနဲ့ နောက်နေ့ထုတ် သတင်းစာတွေမှာ ပြင်ဆင်ချက် ထုတ်ပြန်သွားမယ်၊ အခုလည်း ဝက်ဘ်ဆိုက်မှာ ပြင်ဆင်ချက် ထုတ်ပြန် ထားတယ်လို့ ဦးရဲထွဋ်က ပြောပါတယ်။

အခု လောလောဆယ် တောင်ကုတ်မြို့မှာ အခြေ အနေ ပုံမှန် အတိုင်း အေးချမ်းချမ်း ရှိနေတယ်လို့ သိရပါတယ်။

တနိုင်ငံလုံး ၂၄ နာရီ မီးပေးနိုင်

မိုးရာသီ ရောက်လို့ လျှပ်စစ် အတွက် စိတ်မပူရတော့

ဇွန် ၅ ရက်က စပီး ရန်ကုန် အပါအဝင် တနိုင်ငံလုံး နီးပါး လျှပ်စစ်မီး ၂၄ နာရီ ပြန်ပေးနိုင်ပီလို့ ရန်ကုန် တိုင်း ဒေသကြီး လျှပ်စစ်မီး ဖြန့်ဖြူးရေး အဖွဲ့ ဥက္ကဋ္ဌ ဦးအောင်ခိုင်က ဘီဘီစီကို ပြောပါတယ်။

စက်မှုဇုန် တွေကိုတော့ နှစ်အုပ်စု ခွဲပီး ၅ နာရီစီ အလှည့်ကျ ပေးနေဆဲ ဖြစ်ပါတယ်။

ဒါပေမယ့် မနက် ၁၁ နာရီက မနက် ၅ နာရီ ထိ လည်ချင်တဲ့ စက်ရုံတွေ ကိုလဲ လည်ခွင့်ပြုတယ် လို့ ဆိုပါတယ်။

ကျိုးသွားတဲ့ ရွှေလီ တာဝါတိုင်က ဇွန်လ ၁ ရက်ထဲက မဂ္ဂါဝပ် ၂ဝဝ ပြန်ရနေပီး ရဲရွာနဲ့ ပေါင်းလောင်း ရေလှောင်တမံ တွေမှာလဲ ရေပြန်ဝင် နေပီလို့ ဆိုပါတယ်။

မိုးရာသီ ရောက်နေပီ ဖြစ်လို့ လျှပ်စစ် အတွက် စိတ်ပူစရာ မရှိတော့ဘူးလို့ ဆိုပါတယ်။

နောက်နှစ် တွေမှာလဲ လျှပ်စစ်မီး ဖြတ်တောက်မှုတွေ မရှိအောင် အမှတ် ၂ လျှပ်စစ် စွမ်းအား ဝန်ကြီးဌာနက ပုဂ္ဂလိက လုပ်ပိုင်ခွင့် ပေးဖို့ ဖိတ်ခေါ် ထားသလို သဘာဝ ဓာတ်ငွေ့သုံး လျှပ်စစ် ထုတ်ဖို့နဲ့ နိုင်ငံခြားက မီးစက်ကြီး တွေ သွင်းဖို့လဲ ရှိပါတယ်။

ပီးခဲ့တဲ့ ရက်တွေက လျှပ်စစ်မီး ဖြတ်တောက်မှု များတဲ့အတွက် ရန်ကုန် မန္တလေးနဲ့ မြို့ အတော်များများမှာ ဖယောင်းတိုင် ထွန်း ဆန္ဒပြ ခဲ့ကြတဲ့ အတွက် ဖမ်းဆီး စစ်ဆေးမှု တွေ ရှိခဲ့ပါတယ်။

တားမရတဲ့ဒီလှိုင်းလုံးများ။ ရေးသူ ရဲဘော်ဖိုးသံချောင်း

            ဗမာပြည်မှာ အလုပ်သမားသပိတ်၊ လယ်သမားတိုက်ပွဲနဲ့ လျှပ်စစ်ရရှိရေး မြို့နေလူထုလှုပ်ရှားမှုများ တခုပြီးတခု၊ တနေရာပြီး တနေရာ ပေါ်ပေါက်နေပါတယ်။ တားမနိုင်ဆီးမရ ဆိုရင်မမှားပါဘူး။ ဒါ့အပြင် ဖျောင်းဖျလို့လည်း မရဆိုတဲ့ စကားကိုတောင် ထပ်ဖြည့်လိုက်ဖို့ ကောင်းပါတယ်။ (လုပ်ငန်းရှင်တွေကို မဖျောင်းဖျဘဲ အလုပ်သမားတွေကိုပဲ ဖျောင်းဖျ နေသူတွေ ရှိနေလို့ပါ)။

            ဒါပေမဲ့ တကယ့်အခြေအနေက ကြည့်သောသူမြင်၏ လို့ပြောရမလိုဖြစ်နေပါတယ်။ ဗိုလ်ချုပ်သိန်းစိန်အစိုးရက မျက်နှာလွှဲနေပါတယ် (သူတို့နှင့်မဆိုင်လေဟန်)။ မကြည့်လို့ မမြင်ဘူးပေါ့။ တချို့ကတော့ မြင်ပါတယ်။ ဒါကြောင့် အဝေးက ရှောင်ကြပါတယ်။ တချို့ရဲ့ မျက်စိထဲမှာ မြင် မမြင်တော့ မသိရပါ။ သူတို့ ပြောတဲ့အထဲမှာတော့ ဒီအကြောင်းတွေ တခွန်းမှ မပါပါ၊ တချို့က မြင်လည်းမြင် ခေါင်းထဲမှာလည်း လက်ကနဲ အကြံပေါ်လာပါတယ်။ ထမင်းထုတ်ပေး၊ ရေသန့်ဘူးပေး ပရောဂျက် အမြတ်ထုတ်ကွက်လို့ တန်းမြင်တယ်။ အားလုံးနဲ့မတူ တချို့ ကတော့ ဒီလှုပ်ရှာားမှုတွေကို ဗမာပြည်ရဲ့ပစ္စုပ္ပန်၊ အနာဂတ်အဖြစ် ကြည့်မြင်ကြပါတယ်။ အားတက်ကြပါတယ်။ အားပေးကြပါတယ်။

            မှန်ပါတယ်။ ဒီတိုက်ပွဲတွေ အဆက်မပြတ် ပေါ်ပေါက်နေတာ အချို့သော မျက်စေ့ တိမ်ကွယ်နေသူ တွေအတွက်တော့ အရေးစိုက်စရာမလိုတဲ့ အသေးအမွှားတွေ ဖြစ်ပါတယ်။ ဒါပေမဲ့ မြင်တတ်သူတွေ အတွက်တော့ တကယ့်ကို အမှောင်ထဲမှာ ပေါ်ထွက်လာတဲ့ အားတက်စရာ အလင်းရောင်တွေဖြစ်နေပါတယ်။ ဒီလို အားတက်ကြတယ် ဆိုရာမှာ တို့အမျိုးသားတွေကို လိမ်ညာလို့မရဘူး၊ ခြောက်လှန့်လို့မရဘူး၊ ငါတို့ မျက်စေ့ မလည်ဘူးဆိုတဲ့ အသံများကိုပါ ကြားနေရ သကဲ့သို့ ရှိပါတယ်။

            တကယ်ကျတော့ အခု ဗမာပြည် တနံတလျားမှာ တွေ့မြင်နေရတာဟာ ဗမာပြည်မှာ နိုင်ငံရေးသင်တန်း တခုလို့  မှတ်သားသင့်တယ်လို့ ထင်ပါတယ်။     ဒီနေ့အခါ ဗမာပြည်နိုင်ငံရေးမှာ လမ်းမပေါ်တက်တဲ့ နိုင်ငံရေး ခေတ်ကုန်ပြီလို့ ဆိုချင် သူ၊ ငါတို့မှ ဦးမဆောင်ရင် လူထုလှုပ်ရှားမှု မပေါ်နိုင်ဘူးလို့ အထင်ရှိနေသူ၊ လူထုကြီးဟာ ကြောက်နေတယ်လို့ ထင်နေ၊ ပြောနေသူတွေကို လုံးဝမှားကြောင်း ဒီတိုက်ပွဲတွေက ထောက်ပြလိုက်တာဖြစ်ပါတယ်။ လူထုရဲ့ တကယ့်လက်တွေ့ အနေအထားကို ဆုပ်ကိုင်မိပါမှ လုပ်ငန်းစဉ်၊ လမ်းစဉ်တွေ ချမှတ်တာ မှန်ကန်နိုင်ပါတယ်။ ဒါတွေဟာ ဗိုလ်သိန်းစိန်အစိုးရ ဖန်တီးထားတဲ့ “အပြောင်းအလဲ” အောက်မှာ ပထမဆုံး ပေါ်ပေါက်တဲ့ လူထုတွေရဲ့ စိန်ခေါ်မှုဖြစ်ပါတယ်။

            ၂၀၀၇ခုနှစ် သံဃာ့အရေးအခင်းပေါ်လာတော့ ပြည်တွင်းပြည်ပ နိုင်ငံရေးသမားများရော မီဒီယာသမားများပါ အံ့အားသင့်ခြင်းမက သင့်သွားကြရပါတယ်။ နောက်ပြီး ကိုယ်မစဉ်းစားမိကြောင်းလည်း ၀န်ခံကြရပါတယ်။ အခုလည်း ”အပြောင်းအလဲ” ဖြစ်ပေါ်နေချိန်မှာ ၁၈ရာစုနှစ်က လစာအရေအတွက်မျိုး ကနေ မပြောင်းလဲတဲ့အတွက် ဆန္ဒပြပွဲတွေ ဆက်တိုက်ပေါ် လာမယ်လို့ မျှော်လင့်မထားကြောင်း ၀န်ခံရမယ်ထင်ပါတယ်။ တခြားမပြောနဲ့ ဗိုလ်သိန်းစိန်အစိုးရတောင်မှ ဒါလောက် ဇွဲနဲ့မာန်နဲ့ တိုက်ပွဲဝင်ကြလိမ့်မယ်လို့ မမျှော်မှန်းနိုင်ခဲ့လို့ ဘယ်လို အရေးယူလုပ်ကိုင်ရမှန်း မသိဘဲဖြစ်နေပြီး အကျပ်တွေ့ နေတယ် မဟုတ်ပါလား။ ဒီလို အနေအထားတွေမှာ ပြောလေ့ရှိတဲ့ သူတို့ရဲ့ လက်သုံးစကား “ဗကပလက်ချက်”  ဆိုတာမျိုးတောင် အခုမပြောနိုင်ဘူးဖြစ်နေပါတယ်။

            ဒီနေ့ အချိန်အခါမှာ ဒီ “အပြောင်းအလဲ” ကို အကြောင်းပြုပြီး တိုး၍ ချမ်းသာကြဦးမှာဟာ န၀တ-နအဖ လက်ထက်မှာ ကောင်းစားချမ်းသာနေခဲ့ သူတွေသာဖြစ်တယ်၊ တိုး၍ ဆင်းရဲဦးမှာဟာလည်း န၀တ-နအဖ လက်ထက်မှာ တလျှောက်လုံး ဆင်းရဲမွဲတေနေခဲ့ သူတွေသာဖြစ်တယ်ဆိုတာ သံသယဖြစ်စရာမလိုပါဘူး။ ဒါကို “အပြောင်းအလဲ” လို့ သမုတ်နေကြတာ သာဖြစ်ပါတယ်။ တကယ်ပြောင်းလဲတာက အဲဒီ တိုး၍ ဆိုတဲ့ စကားလုံးလေး တလုံးသာ ဖြစ်ပါတယ်။ နောက်မကြာခင် မှာဆိုရင် အနောက်နိုင်ငံက ရင်းနှီးမြှုပ်နှံမှုတွေ လှိမ့်ဝင်လာနိုင်စရာ အကြောင်းတွေရှိနေပါတယ်။ နောက်ပြီး အဲဒီလို ၀င်လာပြီဆိုရင် ဗမာပြည်သားတွေထဲက ဘယ်သူတွေသာ အကျိုးအမြတ်ရှိမယ်ဆိုတာ အထူးပြောနေစရာ မလိုပါဘူး။ အနောက်တိုင်းက လုပ်ငန်းရှင်တွေနဲ့ အလုပ်သမားတွေအကြား ပြဿနာပေါ်ရင်လည်း ဗိုလ်ချုပ်သိန်းစိန် စစ်အစိုးရက ဘယ်သူ့ဘက် ပါမယ်ဆိုတာ ဗေဒင် မေးစရာမလိုဘူးထင်ပါတယ်။ ဒါကြောင့် ဆန္ဒပြပွဲဇာတ်လမ်းဟာ ငွေရောင်ပိတ်ကား ကြီးပေါ်မှာ ဆက်လက်ရှုစားပါလို့ ပြောရမလိုဖြစ်ပါတယ်။

            မျက်မှောက် ဗမာပြည်ရဲ့ အဓိက ပဋိပက္ခဟာ ဒီ ဆန္ဒပြလူထုနဲ့ တပြေးတည်း ခံစားနေရတဲ့ ပြည်သူလူထုကြီးက တဖက်၊ ဗိုလ်ချုပ်သိန်းစိန် အစိုးရက တဖက်၊ ဒီနှစ်ဖက် အကြားက ပဋိပက္ခဖြစ်တယ် ဆိုတဲ့ အကြောင်း အခု ဒီအရေးအခင်းတွေက အတည်ပြု ဖော်ပြနေပါတယ်။ စစ်အစိုးရက ကျယ်ကျယ်လောင်လောင် ၀ါဒဖြန့်နေတဲ့ လွှတ်တော်ထဲက ပဋိပက္ခဆိုတာတွေဟာ အဓိက ပဋိပက္ခ မဟုတ်ပါဘူး။ စစ်အစိုးရဟာ အဲဒီလွှတ်တော်ထဲကအတိုက်အခံပြုမှုကို သေနတ်နဲ့ပစ်လူစုခွဲခဲ့တဲ့ ရခိုင်စစ်တွေက ဆန္ဒပြမှုလောက် မစိုးရွံ့တာလည်း သေချာပါတယ်။

            အခုအထိတော့ ဒီ သပိတ်တွေကို ဦးသိန်းစိန် စစ်အစိုးရက ဘယ်လို သဘောထားတယ်ဆိုတာ တခွန်းမှ တရားဝင် ပြောကြားခြင်း မရှိသေးပါဘူး။ နှာစေးဟန်ဆောင်နေခြင်းဟာ ဒီနေ့ သူတို့ရဲ့ နည်းဗျူဟာဖြစ်ပြီး နိုင်ငံရေးသမားတွေကို ဒီ လှုပ်ရှားမှုတွေထဲ ၀င်မပါဖို့သတိပေးတာ၊ တချို့နေရာတွေမှာ ဆန္ဒပြသူတွေကို ရိုက်တာ - ဖမ်းတာ တို့ကတော့ သူတို့ရဲ့ တကယ့် ပေါ်လစီ သဘောထားဖြစ်တယ်လို့ ဆိုရပါမယ်။ လက်ရှိ အချိန်မှာ ဖွတ်မြီးနဲ့ ဖွတ်ကို ချည်ထားသလို ဗိုလ်သိန်းစိန် စစ်အစိုးရကို သူ့ဝါဒဖြန့်ချက်တွေနဲ့ ပြန်တုပ်နှောင်ထားနိုင်တဲ့ အချိန်ဖြစ်ပါတယ်။ ဒင်းတို့တတွေ ငါးရိုးမျက်လက်တိုဖြစ်နေ တာအမှန်ပါပဲ။

            ဦးသိန်းစိန်စစ်အစိုးရက ဘယ်လိုပဲ အကြောင်းပြပြ ဒီနေ့ အလုပ်သမား၊ လယ်သမား၊ စားသုံးသူ ပြည်သူတွေ နစ်နာဆုံးရှုံးတာတွေ အားလုံးဟာ န၀တ-နအဖအပါ ဒီနေ့ ဗိုလ်သိန်းစိန်တို့ အထိ စစ်အစိုးရ အဆက်ဆက်ရဲ့ တာဝန်ဖြစ်တယ် ဆိုတာရှင်းပါတယ်။ နိုင်ငံရေးသာမက စီးပွားရေး၊ လူမှုရေး နယ်ပယ်တွေမှာပါ သူတို့ ထိပ်သီးတွေနဲ့ သူတို့နဲ့ အမြီးစား ခေါင်းစား မိုက်ဖော်ဆိုးဖက်တွေချည်း အခေါင် အညွန့်စားရအောင် ဖန်တီးထားတဲ့ စနစ်ကြောင့် ဒီနေ့ ဒီပြဿနာတွေပေါ်နေတာ ဖြစ်ပါတယ်။

            ဒီလို ဗိုလ်သိန်းစိန်အစိုးရ တဖြည်းဖြည်း ပွင့်သထက်ပွင့်ကျလာနေချိန်မှာ သူတို့ဟာ ပြည်သူလူထုအကြားမှာ လူမျိုးရေး ပဋိပက္ခတွေ၊ အဓိကရုဏ်းတွေ ဖန်တီးဖော်ထုတ်ပြီး ကိုယ်လွတ် ရုန်းထွက်သွားမယ့် အန္တရာယ်ကို သတိပြုရပါမယ်။ အားလုံးသိကြတဲ့အတိုင်း ဗိုလ်နေ၀င်းအပါ စစ်အစိုးရ အဆက်ဆက်ဟာ ဒီလို ညစ်တီးညစ်ပတ်လုပ်ကြတဲ့ အစဉ်အလာအထင်အရှား ရှိပါတယ်။

            ဒါပေမဲ့ တဖက်ကပြန်စဉ်းစားကြည့်လိုက်တော့ ရှစ်လေးလုံး အရေးတော်ပုံစတင် အရှိန်ယူနေချိန်မှာ စစ်အစိုးရက တောင်ကြီးလို မြို့တွေမှာ လူမျိုးရေး၊ ဘာသာရေး အဓိကရုဏ်းတွေ ဖန်တီးလိုက်တော့ ရှုပ်ထွေးမှုဟာ မဆိုစလောက် ခဏလေးသာ ဖြစ်ခဲ့ပြီး နောက်ပိုင်းမှာ အရေးအခင်းကြီး အရှိန်ရ ကြီးထွားခဲ့ပါတယ်။ ဗမာပြည်သားတွေရဲ့ နိုင်ငံရေးအသိကို ကျွန်တော်တို့ ယုံပါတယ်။

ရဲဘော်ဖိုးသံချောင်း

ရခိုင်ကိစ္စ ခံစားမှုထိန်းပြီး အမြော်အမြင်ရှိဖို့လို

ပြီးခဲ့တဲ့ ရက်ပိုင်းက ရခိုင်က မြို့ကြီးတချို့မှာ ဖြစ်ခဲ့တဲ့ ရာဇဝတ်မှုတွေဟာ လူမျိုးရေးနဲ့ ဘာသာရေး ဆက်နွယ်နေတာမို့ ဆိုင်သူများ အနေနဲ့ ခံစားမှုကို ထိန်းသိမ်းပြီး ဉာဏ် အမြော်အမြင်နဲ့ ဆောင်ရွက်ကြဖို့ ၈၈ ကျောင်းသား ခေါင်းဆောင်တွေက လူထုကို တိုက်တွန်း လိုက်ပါတယ်။

တခါ ဒီအရေးဟာ စိတ်ပူစရာမို့ ဘာသာရေး ခေါင်းဆောင်တွေ ကလည်း ဝင်ရပ်ဖို့၊ ထိန်းသိမ်းပေးဖို့ လိုနေတဲ့ အကြောင်း ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်က မေတ္တာရပ်ခံ လိုက်ပါတယ်။ လူမျိုးရေးနဲ့ ဘာသာရေး အဓိကရုဏ်းတွေဟာ ဘယ်မြေမှာမှ မရှိသင့်ဘူး၊ လူမျိုး ဘာသာ ကွဲပေမယ့် ငြိမ်းငြိမ်းချမ်းချမ်း နေလာကြတာ ကြာလှပြီ၊ အခုတော့ လူများစုကြောင့် လူနည်းစုမှာ စိုးရိမ် ကြောင့်ကြမှုတွေ ခံစား နေရတယ်လို့ သူက ထောက်ပြပါတယ်။

ဘယ်လို အကြောင်းနဲ့ပဲဖြစ်ဖြစ် အပြစ်မဲ့ ပြည်သူတွေ ထပ်ပြီး သေဆုံးတာမျိုးတွေ မဖြစ်သင့်တာမို့ အားလုံး ဝိုင်းဝန်း ထိန်းသိမ်း ကြရမယ်၊ အန္တရာယ်ကို ကြိုတင် ကာကွယ်တဲ့ အနေနဲ့ လုပ်ဆောင် ကြရမယ်လို့ ကိုမင်းကိုနိုင်က ပြောပါတယ်။

အစိုးရကလည်း ဒီမိုကရေစီနဲ့ လူ့အခွင့်အရေးအရ ဥပဒေတွေ ပြဌာန်းပေးပြီးသား ဖြစ်တယ်၊ အခု ရခိုင်မှာ ဖြစ်ခဲ့တဲ့ ကိစ္စကတော့ ဥပဒေမဲ့ လုပ်ရပ်ဖြစ်လို့ စုံစမ်းမှုတွေ လုပ်မယ်၊ ဥပဒေနဲ့အညီ အရေးယူမှုတွေ လုပ်သွားမယ်လို့ အစိုးရပိုင် မီဒီယာတွေကနေ တဆင့် ထုတ်ပြန် ကြေညာခဲ့ပါတယ်။

ရခိုင်အရေးနဲ့ပတ်သက်ပြီး ဒေသခံ အာဏာပိုင်တွေ၊ နိုင်ငံရေး ပါတီတွေနဲ့ သက်ဆိုင်သူတွေကလည်း အရင်လို မဟုတ်ဘဲ သွက်သွက်လက်လက် တုန့်ပြန် ဆောင်ရွက်မှုတွေ လုပ်ခဲ့ပေမယ့်လို့ ဒေသခံ တချို့ကတော့ ဥပဒေမဲ့ ဆောင်ရွက်မှုတွေ ရှိခဲ့ပါတယ်။

VOA နဲ့ MRTV သဘောတူညီချက်

By အောင်လွင်ဦး

• မြန်မာနိုင်ငံမှာ ဗွီအိုအေ အမေရိကန်အသံရဲ့ သတင်းမီဒီယာ လုပ်ငန်းတွေ လုပ်ကိုင်နိုင်ဖို့ ခွင့်ပြု သွားမှာ ဖြစ်တဲ့အကြောင်း ပြန်ကြားရေး ၀န်ကြီး က ပြောလိုက်ပါတယ်။ ဗွီအိုအေ ညွှန်ကြားရေးမှူး ရဲ့ မြန်မာနိုင်ငံ ခရီးစဉ် ဒုတိယမြောက်နေ့အဖြစ် နေပြည်တော်မှာ ပြန်ကြားရေးဝန်ကြီး ဦးကျော်ဆန်း နဲ့ တွေ့ဆုံချိန်မှာ အခုလို လက်ခံသွားမယ့် အစီအစဉ်ကို လက်မှတ်ရေးထိုး သဘောတူလိုက်တာ ဖြစ်ပါ တယ်။ အပြည့်အစုံ ကိုတော့ ကိုအောင်လွင်ဦး ကပြောပြပေးမှာ ဖြစ်ပါတယ်။

မြန်မာနိုင်ငံက သတင်းအချက်အလက်တွေကို ပြည်တွင်းမှာ စုဆောင်း ရယူနိုင်ဖို့ ဗွီအိုအေ အမေရိကန် အသံ မြန်မာပိုင်းရဲ့ သတင်းထောက် တွေ ပြည်တွင်းမှာ သတင်းယူခွင့်ပြုဖို့နဲ့ ဗွီအိုအေ က ထုတ်လွှင့်တဲ့ အစီအစဉ် တချို့ကို မြန်မာနိုင်ငံမှာ ပြန်လည် ထုတ်လွှင့်ဖို့ စတာတွေကို မြန်မာ အစိုးရဘက်က လက်ခံ လိုက်တာ ဖြစ်ပါတယ်။ အစိုးရရုံးစိုက်ရာ နေပြည်တော်မှာ ပြန်ကြားရေး ၀န်ကြီးဌာန တာဝန်ရှိသူတွေနဲ့ အင်္ဂါ နေ့မှာ လက်မှတ်ရေးထိုး သဘောတူညီချက် ရရှိခဲ့တာလုိ့ ဗွီအိုအေ မြန်မာပိုင်းကို ညွှန်ကြားရေးမှူး David Ensor က ပြောပြပါတယ်။

“မြန်မာအစိုးရ ရုပ်မြင်သံကြားနဲ့ ရေဒီယိုဌာန ညွန်ကြားရေးမှူးချုပ်နဲ့အတူ ဒီကနေ့ လက်မှတ်ရေးထိုးကြ တာ ဖြစ်ပါတယ်။ သဘောတူညီချက် မှာတော့ ဗွီအိုအေက ထုတ်လုပ်တဲ့ အင်္ဂလိပ်စာ သင်ခန်းစာတို တချုို့ကို မြန်မာရေဒီယိုတွေကတဆင့် ပြန်လည် ထုတ်လွှင့်ဖို့နဲ့ ရုပ်မြင်သံကြား မှာလည်း အလားတူ ပြသနိုင်ဖို့တွေ ပါဝင်ပါတယ်။ ဒါဟာ တိုးတက်မှု တခုပါ၊ ကြီးကြီးမားမား မဟုတ်ပေမဲ့ အရေးကြီးတဲ့ ဖြစ်ထွန်းမှု တခု ဖြစ် သလို၊ ဒီထက် ကြီးကြီးမားမား အခြေအနေတွေ ပေါ်ပေါက်လာဖို့လည်း မျှော်လင့်ထားပါတယ်။ ဒုတိယ အနေနဲ့ကတော့ မြန်မာပြန်ကြားရေး ၀န်ကြီးနဲ့ တွေ့ချိန်မှာ ဗွီအိုအေ မြန်မာပိုင်းဌာန အနေနဲ့ ပြည်တွင်းကို အကြိမ်ကြိမ် ၀င်ပြီး အလုပ်လုပ်ခွင့် ရနိုင်မယ့် ပြည်ဝင်ခွင့်ဗီဇာ ထုတ်ပေး ရေး အစီအစဉ်ကို အားပေးတဲ့အကြောင်း ပြောကြားသွားတာ ဖြစ်ပါတယ်။”

မြန်မာနိုင်ငံမှာ ဗွီအိုအေ အနေနဲ့ တရားဝင် ရုံးခွဲတခု ဖွင့်လှစ်ပြီး လုပ်ငန်းတွေ လုပ်ကိုင်ခွင့် ရရှိရေးအတွက်လည်း မြန်မာအာဏာပိုင်တွေနဲ့ ဆွေးနွေးခဲ့တယ်လို့ ညွန်ကြားရေးမှူး David Ensor က ပြောပါတယ်။ ဒီလို အခြေအနေတွေ ပေါ်ပေါက်လာမယ် ဆိုရင်တော့ ဒါဟာ မီဒီယာ လုပ်ငန်း အပါအ၀င် မြန်မာနိုင်ငံ ဖွံ့ဖြိုးတိုးတက်ရေးမှာ အထောက်အကူ ဖြစ်စေလိမ့်မယ်လို့ မျှော်လင့်တဲ့ အကြောင်း လည်း သူက ပြောခဲ့တာပါ။ ခရီးစဉ်မှာ အတူလိုက်ပါသွားတဲ့ ဗွီအိုအေ မြန်မာပိုင်းရဲ့ ဌာနမှူး ဦးသန်းလွင်ထွန်း ကတော့ ရုံးခန်းဖွင့်လှစ်ပြီး လုပ်ကိုင်နိုင်ဖို့ ကိစ္စအတွက် လိုအပ်တဲ့ ဥပဒေရေးရာ ပြင်ဆင်မှုတွေ ရှိနေသေး တာမို့ လတ်တလောမှာ မဖြစ်နိုင်သေးတဲ့အကြောင်း ပြန်ကြားရေးဝန်ကြီးက ရှင်းပြတယ်လို့ ပြောပါတယ်။

“VOA ရုံးခန်းဖွင့်ဖို့ကိစ္စနဲ့ ပတ်သက်လို့ကတော့ ဒီ ၀န်ကြီး ဦးကျော်ဆန်းက ပြောတာက ပြန်ကြားရေး ၀န်ကြီးဌာနအနေနဲ့ အခု လာမယ့် လွှတ်တော်အစည်းအဝေးတွေမှာ အသံလွှင့်မီဒီယာ ဥပဒေကြမ်းတခုကို တင်သွင်းဖို့ ရှိတယ်၊ အဲဒါက ဇူလိုင်လထဲမှာ ဖြစ်မယ်လို့ သူတို့ ပြောပါတယ်။ အဲတော့ ဇူလိုင်လအတွင်းမှာ ဒီ အသံလွှင့်မီဒီယာဥပဒေကြမ်းကို လွှတ်တော်က အတည်ပြုပေးလိုက်ပြီးတဲ့အခါကျလို့ ရှိရင်တော့ VOA အပါအ၀င် တခြား မြန်မာ့မီဒီယာတွေ အနေနဲ့ ရုံးခန်းဖွင့်ဖို့ ကိစ္စတွေ အတော်လေး တရားဝင် အားဖြင့် ပြေပြေ လည်လည်ဖြစ်သွားမယ်လို့ ပြောပါတယ်။ သူ့အနေနဲ့ ပြောတဲ့သဘောက ဇူလိုင်၊ သြဂုတ် လ အလွန်ဆုံးပဲပေါ့။ အဲဒီနောက်ပိုင်းမှာတော့ ရုံးခန်းတွေ တရားဝင် ဖွင့်ဖို့ ကိစ္စ တွေက ဖြစ်လာနိုင် ပါတယ်လို့ သူ ပြောပါတယ်။ ကျနော်တို့ အနေနဲ့ကတော့ ခုလောလောဆယ်မှာ ၀န်ကြီးအနေနဲ့ အသေ အချာ ပြောလိုက်တဲ့ VOA သတင်းထောက်တွေ မြန်မာနိုင်ငံထဲကို အကြိမ်ကြိမ် ၀င်ခွင့်ရမယ့် ဗီဇာမျိုး ကို ပြန်ကြားရေးဝန်ကြီးဌာနကနေပြီးတော့ ထောက်ခံချက်နဲ့ ရရှိအောင် ဆောင်ရွက်ပေးမယ် ဆိုတာလောက်နဲ့ပဲ ကျနော်တို့အနေနဲ့ တော်တော်လေး ကျေနပ်ရမယ်ဆိုတဲ့ သဘော ရှိတာပေါ့။”

ဗွီအိုအေ တာဝန်ရှိသူတွေရဲ့ မြန်မာနိုင်ငံခရီးစဉ် ကြာသပတေးနေ့ အဆုံးမသတ်မီမှာတော့ နိုင်ငံရေး ပါတီတွေနဲ့လည်း ရန်ကုန်မြို့မှာ တွေ့ဆုံ သွားဖို့ ရှိသလို၊ အသံလွှင့်လုပ်ငန်းတွေနဲ့ မြန်မာနိုင်ငံက မီဒီယာ လုပ်ငန်းက သက်ဆိုင်သူတွေနဲ့လည်း တွေ့ဆုံဖို့ စီစဉ်ထားတယ်လို့ ဦးသန်းလွင်ထွန်း က ပြောပါတယ်။

မြန်မာနိုင်ငံမှာ ပြီးခဲ့တဲ့နှစ်က အရပ်သား အစိုးရတရပ်အဖြစ် တက်လာပြီးတဲ့နောက် နိုင်ငံရေး အပြောင်း အလဲတွေ နဲ့အတူ သတင်းမီဒီယာ အပေါ် ထိန်းချုပ်မှု တချို့ကိုလည်း လျှော့ပေါ့လာရာမှာတော့ ဗွီအိုအေ အပါအ၀င် ပြည်ပသတင်းဌာနတွေရဲ့ အင်တာနက် ၀ဘ်ဆိုဒ်တွေကို အရင်က ပိတ်ပင် ထားတာတွေကို လည်း ဖွင့်ပေးခဲ့တာ ဖြစ်ပါတယ်။

ရန်ကုန် မူစလင်တချို့ ဆန္ဒပြ

By ကျော်ကျော်သိန်း

• ရန်ကုန်မြို့မှာ ဇွန်လ ၅ ရက်၊ အင်္ဂါနေ့ နေ့လယ်ပိုင်းက အစ္စလာမ်ဘာသာဝင်တချို့ ဆန္ဒပြခဲ့ကြပါတယ်။ ဇွန်လ ၅ ရက်နေ့ထုတ် အစိုးရသတင်းစာတွေမှာ ဖော်ပြထားတဲ့ အသုံးအနှုန်းတခုအပေါ် မကျေနပ်ကြ တာကြောင့်ရယ်၊ တောင်ကုတ်နဲ့ ရမ်းဗြဲမြို့တွေမှာဖြစ်ခဲ့တဲ့ အကြမ်းဖက် သတ်ဖြတ်မှုတွေကို တရားဥပဒေ အရ စုံစမ်းစစ်ဆေးပြီး အပြစ်ပေး အရေးယူဖို့ရယ် တောင်းဆို ဆန္ဒပြခဲ့ကြတာဖြစ်တယ်လို့ ဆိုပါတယ်။ ဇွန်လ ၄ ရက်နေ့တုန်းကတော့ ပြည်ထောင်စုအစိုးရ သာသနာရေးဝန်ကြီးက အစ္စလာမ်ဘာသာရေး အဖွဲ့အစည်းတွေနဲ့ ရန်ကုန်မြို့မှာတွေ့ဆုံပြီး အကြမ်းဖက် သတ်ဖြတ်မှုတွေအတွက် ကော်မရှင်ဖွဲ့ပြီး စုံစမ်း စစ်ဆေးသွားမယ်လို့ ကတိပေးပြောဆိုခဲ့ပါတယ်။ အပြည့်အစုံကို ဘန်ကောက် VOA ရုံးခွဲကနေ မေးမြန်း စုံစမ်းထားတဲ့ ကိုကျော်ကျော်သိန်း က သတင်းပေးပို့ထားပါတယ်။

---à ပြီးခဲ့တဲ့တနင်္ဂနွေနေ့ညနေပိုင်းက တောင်ကုတ်မြို့မှာ အစ္စလာမ်ဘာသာဝင် ၁၀ ဦး အကြမ်းဖက် သတ်ဖြတ် ခံခဲ့ရပြီးတဲ့နောက် ဒီကနေ့ ရန်ကုန်မြို့မှာ ဆန္ဒပြခဲ့ကြတာပါ။ မေလ ၂၈ ရက်နေ့က ရမ်းဗြဲ မြို့နယ်၊ ကျောက်နီမော်ကျေးရွာသူ မသီတာထွေးကို လူငယ် ၃ ယောက်က အဓမ္မပြုကျင့်ပြီး သတ်ပစ်လိုက် တဲ့ဖြစ်ရပ်ရဲ့ နောက်ဆက်တွဲ တောင်ကုတ်က အကြမ်းဖက် သတ်ဖြတ်မှု ပေါ်ပေါက်ခဲ့တာဖြစ်ပါတယ်။ အဲဒီဖြစ်ရပ်နဲ့ပတ်သက်ပြီး ဇွန်လ ၅ ရက်နေ့ထုတ် အစိုးရသတင်းစာတွေမှာ ဖော်ပြထားတဲ့ သတင်း ခေါင်းစဉ်ပါ အသုံးအနှုန်း အပေါ် ရန်ကုန်မြို့ခံ အစ္စလာမ်ဘာသာဝင်တွေ မကျေမနပ်ဖြစ်ခဲ့ကြ တာပါ။ ဆန္ဒပြသူတွေက တရားဥပဒေ စိုးမိုးရေးဆိုတဲ့စာတမ်းတွေကို ကိုင်ဆောင်ပြီး ဆန္ဒပြခဲ့ကြတယ်လို့ ဆန္ဒပြရာနေရာဆီသွားရောက်ခဲ့တဲ့ ၈၈ မျိုးဆက် ကျောင်းသား များအဖွဲ့က ခေါင်းဆောင်တဦးဖြစ်သူ ကိုမြအေး က ဗွီအိုအေကိုပြောပါတယ်။

“ဒီနေ့ သတင်းစာအသုံးအနှုန်းမှာ မူစလင်ကုလားဆိုပြီး သုံးတာကိုဗျာ။ အဲဒါက နိုင်ငံတော် လ၀က ရဲ့ စည်းမျဉ်းဥပဒေမှာလည်း အဲလို အသုံးမျိုး ရှိမှ မရှိတာဗျ။ ခု သုံးတဲ့ အသုံးအနှုန်းက တမင်တကာ ချိုးဖဲ့ ချိုးနှိမ်ပြီး သုံးတဲ့အပေါ်မှာတော့ မကျေမနပ် ဖြစ် ကြတာပေါ့နော်။ တရားဥပဒေစိုးမိုးရေးဆိုတာက အစ္စလာမ် ဘာသာဝင် ၁၀ယောက် အသတ်ခံလိုက်ရတဲ့ကိစ္စကိုလည်း ဥပဒေ ကြောင်း အရ အရေးယူပေး ဖို့ပေါ့ဗျာ။ နောက်တခါ ဒီ ရခိုင်အမျိုးသမီးလေးကို မတရားကျင့်ပြီး စော်ကားသွားတဲ့ဟာကိုလည်း တိတိ ကျကျ အရေးယူဖို့ ဒါကို ပြောတာပါ။”

ဘာသာရေး၊ လူမျိုးရေးအဓိကရုဏ်းတွေ မဖြစ်ဖို့နဲ့ ခံစားမှုတွေကို ရှေ့တန်းတင်ပြီး လုပ်ကြမယ်ဆိုရင် ပြဿနာတွေကို ဖြေရှင်းနိုင် မှာမဟုတ်တဲ့အတွက် ဆန္ဒပြတာကို ရုပ်သိမ်းပေးဖို့ သွားရောက် မေတ္တာရပ်ခံခဲ့ပါတယ်လို့ ကိုမြအေးကပြောပါတယ်။

“အမုန်းတရားတွေကို ရှေ့တန်းတင်ပြီး ဒီပြဿနာတွေကို ဖြေရှင်းကြမယ်ဆိုရင် အမှန်တရားတခုကို ကျနော်တို့ ရနိုင်မှာ မဟုတ် ဘူးလေ၊ အဲဒါကြောင့် ကျနော်တို့အနေနဲ့ကတော့ ဆန္ဒပြတဲ့ဟာကို ရုပ်သိမ်းပေးဖို့ကို ကျနော်သွားပြီး မေတ္တာရပ်ခံတာပါ။”

ဇွန်လ ၄ ရက်နေ့မှာ တောင်ကုတ်က အကြမ်းဖက်သတ်ဖြတ်မှု ဖြစ်ခဲ့တဲ့ တနေ့တည်းမှာပဲ ပြည်ထောင်စု အစိုးရအဖွဲ့ သာသနာရေး ၀န်ကြီး သူရဦးမြင့်မောင်ဟာ သမ္မတရဲ့ညွှန်ကြားချက်အရ အစ္စလာမ် ဘာသာရေး အဖွဲ့အစည်းတွေက ခေါင်းဆောင်တွေနဲ့ ရန်ကုန် မြို့မှာ တွေ့ဆုံပြီး ရှင်းလင်းပြောဆိုခဲ့ပါ တယ်။ တွေ့ဆုံပွဲမှာ ကိုယ်တိုင်ပါဝင်ခဲ့တဲ့ အစိုးရအသိအမှတ်ပြု အစ္စလာမ်ဘာသာရေး အဖွဲ့က တာဝန်ရှိ ပုဂ္ဂိုလ်တဦးက သာသနာရေးဝန်ကြီး ပြောဆိုသွားတာတွေကို ဗွီအိုအေကို ပြန်ရှင်းပြပါတယ်။

“သူ့ပြောကြားချက်အရဆိုရင် သမ္မတကြီးက ဒီကိစ္စနဲ့ပတ်သက်လို့ အင်မတန်မှ စိတ်မကောင်းဖြစ်ပါတယ်၊ ဒါကြောင့် သူ့ကို နေပြည်တော်က ၃နာရီမှာ ချက်ချင်း ရန်ကုန်ကို စေလွှတ်ပါတယ်၊ ကျနော်တို့ အစ္စလာမ် ဘာသာရေး အဖွဲ့အစည်းများအားလုံးနဲ့ တခြားဘာသာရေးအသင်းအဖွဲ့များကို ခေါ်ပြီးတော့၊ ဒီဖြစ်စဉ်နဲ့ ပတ်သက်လို့ ရှင်းပြပြီးတော့ သမ္မတကြီးက စိတ်မကောင်း ဖြစ် တယ်ဆိုတဲ့အကြောင်း၊ ဒီကိစ္စနဲ့ ပတ်သက်ပြီးတော့ အသေးစိတ် စုံစမ်းစစ်ဆေးရေးကော်မရှင်ဖွဲ့ပြီးတော့ စုံစမ်းဖော်ထုတ်သွားမယ် ဆိုတဲ့ အကြောင်း၊ နောက် နိုင်ငံတော် အေးချမ်းသာယာရေးအတွက် ၀ိုင်းဝန်းကူညီ ပံ့ပိုး ဆောင်ရွက်ပေးဖို့ အကြောင်းတွေကို မှာကြား သွားပါတယ်။ အေးချမ်းသာယာရေးအတွက်ကတော့ နိုင်ငံသားတိုင်းမှာ တာဝန်ရှိသလို၊ အစ္စလာမ်အဖွဲ့အစည်းမှာလည်း တာဝန်ရှိတယ်လေ၊ အဲဒီအတွက်ကတော့ ကျနော်တို့ ဘယ်လိုနည်းနဲ့ပဲဖြစ်ဖြစ် အဖျက်အမှောက်ဖြစ်တာကိုတော့ လက်မခံဘူး လေ။ ဒီတော့ ကျနော်တို့ ဒါကို ထိန်းသိမ်းမှာပါ။ အဓိကကတော့ ကျနော်တို့က ကိုယ့်ဘာသာဝင်တွေကို အဓိကထားပြီး ထိန်းသိမ်းသွား မှာပါ”

စစ်တွေမြို့မှာလည်း ဇွန်လ ၄ ရက် ညပိုင်းက အကြမ်းဖက်မှုဖြစ်နိုင်တဲ့ အခြေအနေတရပ်ကို ကာကွယ်နိုင် ခဲ့ပြီး အခြေအနေတွေ တည်ငြိမ်သွားတဲ့ထိ၊ အကြမ်းဖက်ဖြစ်ရပ်တွေကို တရားဥပဒေနဲ့အညီ ပြေလည် စွာ ဖြေရှင်းနိုင်တဲ့ အချိန်ထိ ရပ်မိရပ်ဖတွေနဲ့ တာဝန် ရှိသူတွေပူးပေါင်းပြီး လုံခြုံရေးအစီအမံတွေလုပ်သွားဖို့ စီစဉ်ထားတယ်လို့ စစ်တွေမှာရှိနေတဲ့ ရခိုင်ပြည်နယ်၊ အမှတ် (၁) မဲဆန္ဒ နယ်မြေရဲ့ အမျိုးသား လွှတ်တော် ကိုယ်စားလှယ်၊ ရခိုင်တိုင်းရင်းသားများ ဖွံ့ဖြိုးတိုးတက်ရေးပါတီ ဥက္ကဋ္ဌ ဒေါက်တာအေးမောင်က ဗွီအိုအေ ကို ပြောပါတယ်။

“မနေ့ညက အစ္စလာမ်ဘာသာဝင်တွေ နေတဲ့ နေရာတွေကို လုံခြုံရေးနည်းနည်း ထားပါတယ်။ ဗုဒ္ဓ ဘာသာဝင်တွေနေတဲ့နေရာနဲ့ အစ္စလာမ်ဘာသာဝင်တွေ နေတဲ့နေရာ အစပ်လေးတွေကို ချထားပါတယ်။ အစ္စလာမ်ဘာသာဝင်တွေဘက်က ဒီဘက်ကို တခုခု ကိုယ်ထိလက်ရောက် လုပ်မယ့် သဘောလေးတွေ၊ တွေ့တဲ့အခါကျတော့ လုံခြုံရေးအဖွဲ့အစည်းတွေက ကြိုတင်ပြီး တားဆီးနိုင်တဲ့ သဘောလေးတွေ ရှိတာပေါ့၊ အဲလိုမျိုး ထိစပ်တဲ့ ရပ်ကွက်လေးတွေ ရှိတယ်၊ အဲဒါတွေကိုတော့ ဒီကနေ့ ကျနော်တို့ အစည်းအဝေး လုပ်ကြတာ ရှိပါတယ်။ လုံခြုံရေးအရ ရှာဖွေတာတို့ တားဆီးကာကွယ်တာတို့ ဘာတို့ ရပ်မိ ရပ်ဖတွေနဲ့ လုပ်နိုင်အောင်ဆိုပြီးတော့ ညှိနှိုင်းနေကြတာ ရှိပါ တယ်။ စနစ်တကျကတော့ လုံခြုံရေးဖွဲ့စည်းတာတွေ လုပ်သွားမှာပါ”

ဇွန်လ ၅ ရက်နေ့ထုတ် အစိုးရသတင်းစာတွေထဲမှာတော့ ကျောက်နီမော်ရွာသူ မသီတာထွေးကို သတ်ဖြတ် မှု ကျူးလွန်ခဲ့သူတွေကို တရားဥပဒေနဲ့အညီ ထိရောက်တဲ့ ပြစ်ဒဏ် ချမှတ်နိုင်ရေး ဆောင်ရွက်လျက် ရှိတယ် လို့ ရေးထားသလို တောင်ကုတ်မှာ အစ္စလာမ် ဘာသာဝင်တွေ အသတ်ခံရတဲ့ဖြစ်ရပ်ကိုလည်း လိုအပ်တဲ့ စုံစမ်းစစ်ဆေးမှုတွေ လုပ်ဆောင်သွားမယ်လို့ ဖော်ပြထားပါတယ်။

ဒါကတော့ ဇွန်လ ၅ရက်နေ့ထုတ် အစိုးရ သတင်းစာတွေမှာ ဖော်ပြထားတဲ့ အသုံးအနှုန်းတခုအပေါ် မကျေနပ်ကြတာကြောင့် ရန်ကုန်မြို့မှာ အစ္စလာမ်ဘာသာဝင်တချို့ ဒီကနေ့ ဆန္ဒပြခဲ့တာနဲ့ ပတ်သက်ပြီး၊ VOA ဘန်ကောက်ရုံးခွဲကနေ ကိုကျော်ကျော်သိန်း ပြောပြခဲ့တာပါ။

နောက်ဆုံးရရှိတဲ့ သတင်းအရတော့ ဆန္ဒပြသူတွေ စုဝေးခဲ့ကြတဲ့ ဆူးလေဘုရားနဲ့ မြို့တော်ခန်းမ အနီး တ၀ိုက်က လမ်းတွေကို လုံခြုံရေးတပ်ဖွဲ့တွေက ညနေပိုင်းမှာ ပိတ်ပစ်ခဲ့ပြီးတော့ လူ အသွား အလာတွေ ကိုလည်း ဖြတ်တောက်ပစ်ခဲ့ပါတယ်။ ပြဿနာ မကြီးထွားစေဖို့နဲ့ ခရီးသွားအများပြည်သူ အနှောင့်အယှက် မဖြစ်စေဖို့ ဆောင်ရွက်တာဖြစ်တယ်လို့ ရန်ကုန်တိုင်း ဒုတိယရဲမှူးကြီး သက်လွင် ကို ကိုးကားပြီး ပြည်တွင်း သတင်းတွေမှာ ဖော်ပြခဲ့ကြပါတယ်။ အခု ဒီအသံလွှင့်ချိန် မတိုင်ခင်မှာတော့ ဆန္ဒပြသူတွေ လူစုကွဲ သွားပြီ ဖြစ်ပြီးတော့ အခြေအနေ တည်ငြိမ်သွားပြီး ပိတ်ထားတဲ့လမ်းတွေကိုလည်း ပြန်ဖွင့်ပေးလိုက်ပြီလို့ သိရပါတယ်။

အစ္စလမ်ဘာသာကိုးကွယ်သူများဟု ပြင်ဆင်

By သင်းသီရိ

• ရခိုင်ပြည်နယ်တွင်းမှာဖြစ်ခဲ့တဲ့ သတင်းနဲ့ ပတ်သက်လို့  အစိုးရ သတင်းစာထဲမှာ ဖော်ပြခဲ့တဲ့  အရေး အသားအချို့နှင့် ပတ်သတ်လို့ မကျေနပ်သံတွေ ထွက်ပေါ်လာတာကြောင့် အစိုးရဘက် က ပြန်လည် ပြင်ဆင် ပေးသွားဖို့  စီစဉ်နေတယ်လို့ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ရဲ့ တာဝန် ရှိသူ တဦးက ပြောပါတယ်။ ဒါပေမယ့် ဘယ်လိုအသုံးအနှုန်းနဲ့ ပြင်ဆင်မလဲ ဆိုတာကိုတော့ ဆွေးနွေးနေဆဲ လို့ ပြောပါတယ်၊ ဒီအကြောင်းကိုတော့  မသင်းသီရိက ပြောပြပေးမှာပါ၊

ဇွန်လ (၅) ရက် အင်္ဂါနေ့ထုတ် အစိုးရ သတင်းစာတွေထဲမှာ ရခိုင်ပြည်နယ်ထဲဖြစ်ခဲ့တဲ့ပြဿနာတွေနဲ့ ပတ်သက်လို့ ဖော်ပြတဲ့ သတင်းထဲ မူစလင်ကုလား ၁၀ ဦးအသတ်ခံရဆိုတဲ့အသုံးအနှုန်း အစား ပြည်တွင်းနေ အစ္စလမ်ဘာသာ ကိုးကွယ်သူ ၁၀ ဦး အသတ်ခံရ ဆိုပြီး  ပြန်လည်ပြင်ဆင်ဖတ်ရှု့ဖို့  ဆိုပြီး ပြန်ကြားရေး ၀န်ကြီးဌာနရဲ့  အင်တာနက် ၀က်ဆိုက်စာမျက်နှာမှာ အမှားပြင်ဆင်ချက် ဆိုပြီး ဖော်ပြထားပါတယ်၊

ဒီအသုံးအနှုန်း ပြန်လည်ပြင်ဆင်ချက်ကို လည်း  မနက်ဖန် ဇွန်လ ၆ ရက် ထုတ် သတင်းစာတွေထဲ ထည့်ဖို့ စီစဉ်နေတယ်လို့ ပြန်ကြားရေးနဲ့ ပြည်သူဆက်ဆံဦးစီးဌာနရဲံ ညွန်ကြားရေးမှူးချုပ် ဦးရဲထွဋ်ကပြောပါတယ်၊

“သေဆုံးသွားတဲ့သူတွေရဲ့ ဘာသာနဲ့ လူမျိုးရဲ့ အသုံးအနှုန်းကို ကျနော်တို့ ဒီနေရာမှာ ထပ်မသုံး ချင် ပါဘူး။ ဒီအသုံးအနှုန်းနဲ့ ပတ်သက်ပြီး ကျနော်တို့ ပြန်ပြင်ဖို့ပါ။ မနက်ဖန်ထွက်မယ့် သတင်းစာတွေမှာ ကျနော်တို့ ပြန်လည် ပြင်ဆင်ဖော်ပြဖို့ ရှိပါတယ်။ အသုံးအနှုန်းကတော့ သတင်းတပုဒ်မှာ သေဆုံးတဲ့ သူတွေနဲ့ ပတ်သက်ပြီး ရေးသားလိုက်တာမှာ ကျနော်တို့က မှုခင်းအစီရင်ခံစာမှာ ပါတဲ့အတိုင်း ရေး လိုက်တာ ဖြစ် ပါတယ်။ ဒါနဲ့ ပတ်သက်လို့ စိတ်မကောင်းဖြစ်တယ်၊ ထိခိုက်တယ်ဆိုတဲ့ အသံတွေ ကျနော်တို့ ပြန် ကြားတဲ့အတွက်ကြောင့်မို့လို့ သတင်းနဲ့ စာနယ်ဇင်းက တာဝန်ရှိသူတွေအနေနဲ့ ပြန်လည် သုံးသပ်ပြီး ပြင်ဆင် ဖော်ပြပေးဖို့ စီစဉ်နေပါတယ် ခင်ဗျ။”

ဇွန်လ ၃ရက် တနင်္ဂနွေနေ့က ရခိုင်ပြည်နယ်က နေရာ ၃ခုမှာ ဖြစ်ခဲ့တဲ့ ပြဿနာတွေရဲ့  သတင်းကို ဖော်ပြဖို့ အချိန်အတိုင်းအတာအရ ခက်ခဲမှုတွေဖြစ်သွားပြီး စီစစ်တာတွေမလုပ်နိုင်ခဲ့ဘူးလို့လည်း ရှင်းပြပါတယ်။

“တစ်ကတော့ ကျနော်တို့မှာ ဒါကို ရပြီးတဲ့အချိန်မှာ ၈နာရီသတင်း ထုတ်ရမယ်ဆိုတော့ အပြည့်အစုံ ရတဲ့အချိန်နဲ့ သတင်းထုတ်ရမယ့်အချိန်နဲ့က ကပ်သွားတော့ သူတို့ ကမန်းကတမ်း နဲ့ တော်တော် မြန်မြန်လေး ကျနော်တို့ ရေးရပါတယ်။ ဒါကြောင့်မို့လို့ သတင်းတောင်မှ ကျနော်တို့က အစပိုင်းမှာ မထည့်နိုင်ဘဲနဲ့ သတင်းကြေညာတာ ပြီးကာနီးမှ ထည့်နိုင်ခဲ့ပါတယ်။ ဒီတော့ ရေးတဲ့သူတွေ အနေနဲ့ အဲဒီအချိန်မှာ သေချာ ပြန်ပြီးတော့ စိစစ်ဖို့ အချိန် လုံလောက်စွာ မရလိုက်ဘဲနဲ့ ခုန မူလ ရထားတဲ့ ဒီဖြစ်စဉ်နဲ့ ပတ်သက်တဲ့ သတင်းအချက်အလက်တွေမှာ ပါတဲ့ စာသားတွေအတော်များများကို သွား သုံးလိုက်မိတဲ့သဘော ဖြစ်သွားတာပေါ့။ ချက်ချင်းဖြစ်လာတဲ့ဟာတွေကို ထုတ်တဲ့အခါမှာ အတွေ့အကြုံ သိပ်မရှိသေးတော့ ထုတ်တဲ့အခါမှာ ချို့ယွင်းချက် အားနည်းချက်တွေတော့ ရှိကောင်း ရှိနိုင်ပါတယ်ခင်ဗျာ”

အခုပြန်ကြားရေးက နောက်ဆုံးသိထားတဲ့ အခြေအနေတွေကတော့ ရခိုင်ပြည်နယ်ထဲမှာ တည်ငြိမ်မှု ရှိနေပြီးတော့ နောက်ထပ် ဒီလိုပြဿနာမျိုးတွေ ထပ်မဖြစ်ရအောင် သက်ဆိုင်ရာ ဒေသ အာဏာပိုင် တွေက ထိန်းသိမ်းဆွေးနွေးနေတယ်လို့လည်း ပြောပါတယ်၊

“ခုချိန်ထိတော့ ကျနော်တို့ သတင်း ထပ် ထုတ်ပြန်ဖို့ မရှိသေးပါဘူး။ တည်ငြိမ်အေးချမ်းအောင် ၀ိုင်းဝန်း ထိန်းသိမ်းတယ်ဆိုတာလောက်ပဲ ကျနော်တို့ သိပါသေးတယ်ခင်ဗျ။ ကျနော်တို့ သတင်းထဲ ဖော်ပြထားတဲ့ အတိုင်းပေါ့ဗျာ..  ပြစ်မှုကျူးလွန်သူတွေကို ကျောက်နီမှော်ကိစ္စမှာတော့ တရားခံလို့ ယူဆရသူ တွေကို မိ ထားတာ ရှိပါတယ်။ ကျန်တာကတော့ စုံစမ်းဆဲကိစ္စမို့ အသေးစိတ် မသိရသေး ပါဘူး။ သို့သော် သတင်းစာ ထဲမှာ ဖော်ပြထားတဲ့အတိုင်းပဲ ဒါတွေကတော့ ဥပဒေကို ချိုးဖောက်တယ် ဆိုလို့ရှိရင်တော့ တရားဥပဒေနဲ့ အညီ သက်ဆိုင်ရာက ဆက်လက်ပြီးတော့ အရေးယူသွားမှာ ဖြစ်ပါ တယ်။ ကျနော်တို့ လက်ထဲကို ရောက် လာတဲ့ သတင်းအားလုံးကိုတော့ ကျနော်တို့ ချက်ချင်း ပွင့်ပွင့် လင်းလင်းပဲ ထုတ်ပြန်ပါတယ်။ သတင်း ထုတ်ပြန်ဖို့ ရှိတဲ့ အခြေအနေတွေကိုလည်း ကျနော်တို့ Website မှာလည်း မနေ့က ညနေပိုင်းကတည်းက စပြီး တော့  အသိပေးတာတွေ လုပ်ပါတယ်”