18.05.2012 နေ့ဖတ်ရန်သတင်းများ

by Myanmar Journal on Thursday, May 17, 2012 at 4:41pm ·

ဂျာမနီ ဝန်ကြီးချုပ်ကို ဂရိ လက်ဝဲခေါင်းဆောင်က ဝေဖန်လိုက်

တင်းကျပ်တဲ့ မူတွေ ဆက်ထားရင် ဥရောပ ဇုန်ကြီး ပျက်သွားမယ်လို့ Tsipras ပြော

ဂရိစ်နိုင်ငံမှာ လာမယ့်လမှာ ကျင်းပမယ့် ရွေးကောက်ပွဲမှာ အခြေအနေကောင်းမယ့် ပုံရှိနေတဲ့ လက်ဝဲပါတီရဲ့ ခေါင်းဆောင် ဖြစ်သူ Alexis Tsipras က ဂျာမနီ ဝန်ကြီးချုပ် Angela Merkel ဟာ တင်းကျပ်တဲ့ မူတွေ ချမှတ်ပြီး လူတွေရဲ့ ဘဝကို ဖဲချပ်လို အကွက်ချ ကစားနေတယ်လို့ စွပ်စွဲ ပြောဆိုလိုက်ပါတယ်။

ဂရိစ်နိုင်ငံကို ဥရောပဇုန်အတွင်းမှာပဲ သူ့အနေနဲ့ ရှိနေစေလိုတယ်လို့ မစ္စတာ Tsiparas က ဘီဘီစီကို ပြောပါတယ်။

တကယ်လို့သာ တင်းကျပ်တဲ့ မူတွေ ဆက်ထားမယ်ဆိုရင် ဥရောပ ဇုန် လည်း ပျက်စီးယိုယွင်းသွားမှာ ဖြစ်ပြီး ဥရောပ သမဂ္ဂနဲ့ ကမ္ဘာ့ နိုင်ငံတွေကြားမှာ တည်ငြိမ်မှု မရှိတဲ့ ဆိုးဝါးတဲ့ ပြဿနာတွေ ပေါ်ပေါက်လာမယ်ဆိုတာကို သူ့အနေနဲ့ အခိုင်အမာ ယုံကြည်ထားတယ်လို့ မစ္စတာ Tsipras က ပြောသွားပါတယ်။

ဂရိစ်နိုင်ငံရဲ့ ဥရောပ မဟာမိတ်နိုင်ငံတွေ ဆီက ငွေကြေး အကူအညီ အများအပြား ရရေးအတွက် အပြန်အလှန်အားဖြင့် ဂရိစ်အစိုးရက လုပ်ပေးဖို့ ရှိတဲ့ အစိုးရ အသုံးစားရိတ် ဖြတ်တောက်မှုတွေကို မစ္စတာ Tsipras က အဆုံးသတ်စေလို နေတာပါ။

ဒါပေမယ့်လည်း တကယ်လို့ သူ့ပါတီ အနိုင်ရမယ် ဆိုရင် ဂရိစ်နိုင်ငံကို ဥရောပ ဇုန်ထဲကနေ အတင်း ဆွဲထုတ်နိုင်ဘွယ် ရှိတယ် ဆိုတဲ့ ထင်ကြေးပေး ပြောဆိုမှုတွေလည်း တိုးပွားလာ နေပါတယ်။

ဂရိစ်နိုင်ငံမှာ ပြီးခဲ့တဲ့ သီတင်းပတ်က ကျင်းပခဲ့တဲ့ ရွေးကောက်ပွဲတွေမှာ ရလဒ်အဖြေ ရေရေရာရာ ထွက်ပေါ်မလာခဲ့တဲ့နောက်ပိုင်း အဓိက ပါတီကြီးတွေက ညွန့်ပေါင်းအစိုးရ အဖွဲ့ မဖွဲ့နိုင်ခဲ့တဲ့အတွက် အခု လောလောဆယ်မှာ ယာယီ အုပ်ချုပ်ရေး အဖွဲ့တဖွဲ့က အုပ်ချုပ်နေပါတယ်။

စွယ်စုံ အနုပညာရှင် ဒေါ်မာမာအေးဒေါ်မာမာအေး ဗီဇာ လျှောက်ခွင့်ပြု

အမေရိကန်ပြည်ထောင်စု မှာ နေထိုင်တဲ့ စွယ်စုံအနုပညာရှင် ဒေါ်မာမာအေး ထံ သမ္မတ ဦးသိန်းစိန် ညွှန်ကြားမှု အရ သမ္မတ ရုံးမှ ပြည်ဝင်ခွင့် ဗီဇာ လျှောက်ထားဖို့ ခွင့်ပြုစာ ကို ၂၀၁၂ ခု မေလ ၉ ရက်နေ့စွဲ နဲ့ ပေးပို့လိုက်တာကို ကြားဝင် ပြုလုပ်ပေးတဲ့ အနုပညာရှင် က email မှ တဆင့် ပေးပို့ တဲ့ အကြောင်း ဒေါ်မာမာအေး က ဘီဘီစီ ကို ပြောပြပါတယ်။

ဒေါ်မာမာအေး အနေနဲ့ လည်း မြန်မာနိုင်ငံ ကို ခေတ္တ အလည်ပြန်လိုတဲ့ ဆန္ဒ ရှိပုံ၊ မြန်မာပြည်သူ တွေ ကို အနုပညာ နဲ့ ပြန်လည် နှစ်သိမ့် လိုစိတ်၊ အနုပညာ အသိုင်းအဝိုင်းကို လုပ်ကိုင်ပေးစရာ ဝိုင်းလုပ်ပေးလိုတဲ့ ဆန္ဒ တွေကြောင့် ဗီဇာ ဘယ်နှစ်ရက် ခွင့်ပြုမယ် ဆိုတာ မခန့်မှန်း နိုင်ပေမယ့် ဝါရှင်တန် မြန်မာသံရုံး မှာ လျှောက်မယ့် အကြောင်း ရှင်းပြပါတယ်။

မိမိ ကိုယ်တိုင် ပြည်ဝင်ခွင့် ဗီဇာ မလျှောက်ခဲ့ဖူး ပေမယ့် ၂ဝဝရ ခုက မြန်မာ ပါ့စ်ပို့ မှာ သက်တမ်းတိုးဖို့ လိုအပ်လို့ လျှောက်ထားရာမှာ အကြောင်းကြားစာ မရလို့ဆိုပြီး ဝါရှင်တန် မြန်မာသံရုံးက သက်တမ်းတိုးမပေးခဲ့ ကြောင်း၊ အဆိုပါ အချိန်မှာ ကိုယ်တိုင်လည်း နယူးယောက်မြို့မှာ နှလုံးခွဲစိတ် ကုသမှု ခံယူရချိန် ဖြစ်ပုံ ဒေါ်မာမာအေး ကရှင်းပြ ပါတယ်။

နောက်ပိုင်းမှာ မြန်မာနိုင်ငံတွင်း က ပရိတ်သတ် တဉီးကနေ ဒေါ်မာမာအေး ကို နိုင်ငံတော် က အပယ်ခံ စါရင်းထဲ သွင်းထားတဲ့ အကြောင်း အသိပေးတာကို ဘီဘီစီ ကို ပြောပြပါတယ်။ အခု ဗီဇာ လျှောက်ခွင့် ရပြီ ဆိုတဲ့တိုင်အောင် နှလုံးခွဲစိတ်မှု ခံထားရတဲ့ အတွက် သုံးလ တကြိမ် သက်ဆိုင်ရာ ဆရာဝန် ကို ပြသရဆဲ ဖြစ်တဲ့ အတွက်၊ ဆရာဝန်ရဲ့ ညွှန်ကြားချက် ယူရဉီးမှာ ဖြစ်သလို မြန်မာ ဌာန အတွက် ပေးပို့နေတဲ့ ပြောပြစရာတွေ တပုံကြီး အစီအစဉ် ကိုလည်း မြန်မာ နိုင်ငံတွင်းမှ ပို့ခွင့် ရမရ ဆိုတာတွေ စီစဉ်ရမယ့် အကြောင်းတွေ ဒေါ်မာမာအေး က ဘီဘီစီ ကို ပြောပြ ပါတယ်။

လိင်တူ ချစ်ကြိုက်သူတွေကို မုန်းတီးမှု ပပျောက်ရေးနေ့

လိင်တူချစ်ကြိုက်မှုအပေါ် ဆန့်ကျင်မှုတွေ ပပျောက်ရေးနေ့ကို ဘရာဇီးနိုင်ငံမှာ ကျင်းပခဲ့

မေလ ၁၇ရက် နေ့မှာ ကျရောက်တဲ့ လိင်တူ ချစ်ကြိုက်မှုအပေါ် ဆန့်ကျင် မုန်းတီးမှုတွေ ပပျောက်ရေး နိုင်ငံတကာ အထိမ်းအမှတ်နေ့ကို ကမ္ဘာတဝှမ်းမှာ ကျင်းပဖို့ ရှိပါတယ်။

လိင်တူ ချစ်ကြိုက်မှုကို စိတ်ပိုင်းဆိုင်ရာ ချို့ယွင်းမှု တခုအဖြစ် ယူဆထားခဲ့ကြတာကို ၁၉၉၀ ခုနှစ် မေလ ၁၇ရက်နေ့က စပြီး WHO ကမ္ဘာ့ ကျန်းမာရေး အဖွဲ့က ဒါဟာ ရောဂါ တခု မဟုတ်ကြောင်း အတိအလင်း ပယ်ဖျက်ပေး ခဲ့ပါတယ်။

ဒါကြောင့် အဲဒီနေ့ကို လိင်တူ ချစ်ကြိုက်မှုကို ဆန့်ကျင် မုန်းတီးမှုတွေ ပပျောက်ရေး နိုင်ငံတကာ အထိမ်းအမှတ်နေ့အဖြစ် သတ်မှတ်ပြီး ကမ္ဘာတဝှမ်းမှာ ကျင်းပလာခဲ့ကြတာပါ။

မြန်မာနိုင်ငံမှာတော့ အခုနှစ် ၂၀၁၂ခုနှစ် မှာမှ ပထမဆုံးအကြိမ် ကျင်းပမယ်လို့ သိရပါတယ်။

မြန်မာနိုင်ငံမှာ လိင်တူ ချစ်ကြိုက်မှုအပေါ် ဆန့်ကျင် မုန်းတီးမှုတွေ ဆက်ရှိနေဆဲ ဖြစ်ကြောင်း နဲ့ လိင်တူ ဆက်ဆံသူတွေကို ဘာသာရေး၊ လူမှုရေး အရ မိသားစု၊ ပတ်ဝန်းကျင် အသိုင်း အဝိုင်း၊ အာဏာပိုင်တွေ က ခွဲခြား ဆက်ဆံပြီး ပစ်ပယ်ထားမှုတွေ ရှိနေဆဲ ဖြစ်တယ်လို့ Human Rights Education Institute of Burma လူ့အခွင့်အရေး ပညာပေး အဖွဲ့ ညွန်ကြားရေးမှူး ဦးအောင်မျိုးမင်းက ဘီဘီစီကို ပြောပါတယ်။

ဒါ့အပြင် လိင်တူ ဆက်ဆံတာဟာ သဘာဝ မကျတဲ့ ဆက်ဆံမှုဆိုပြီး ထောင်ဒဏ် ချမှတ်နိုင်တဲ့ ဥပဒေတွေ ရှိနေသေးဆဲပဲလို့ ဆိုပါတယ်။

လိင်တူချင်း စိတ်ဝင်စားသူတွေဟာလည်း လူသားတွေ ဖြစ်တာမို့ ခွဲခြား ဆက်ဆံတာမျိုး၊ မုန်းတီး ပစ်ပယ်တာမျိုး မလုပ်သင့်ဘူးလို့ ဦးအောင်မျိုးမင်းက ပြောပါတယ်။

ပြင်သစ် ဝန်ကြီးချုပ်အဖြစ် Jean-Marc Ayrault ကို ခန့်အပ်လိုက်ပြင်သစ် အစိုးရသစ် အဖွဲ့ဝင်တွေကို ထုတ်ဖေါ်ကြေညာ

ပြင်သစ် သမ္မတ Francois Hollande က သူ့အစိုးရသစ် အဖွဲ့ဝင်တွေရဲ့ အမည်စာရင်းကို ထုတ်ဖေါ်ကြေညာလိုက်ပါတယ်။

ဝါရင့် ဝန်ကြီးချုပ်ဟောင်း Laurent Fabius ကို နိုင်ငံခြားရေး ဝန်ကြီး အဖြစ်၊ ဥရောပ ရေးရာ ဝန်ကြီးဟောင်း တဦး ဖြစ်သူ Pierre Moscovici ကို ဘဏ္ဍာရေး ဝန်ကြီး အဖြစ် ခန့်အပ်လိုက်ပါတယ်။

သမ္မတ ရွေးကောက်ပွဲ မဲဆွယ် စည်းရုံးမှုတွေကို ညွန်ကြား ဆောင်ရွက်ခဲ့သူ မစ္စတာ Moscoviciဟာ အလယ်အလတ် သဘောထား ရှိသူလို့ ယူဆကြပြီး မစ္စတာ Fabius ကိုတော့ လက်ဝဲ ဝါဒီ ပိုဆန်သူလို့ သတ်မှတ်ထားကြတာပါ။

ပထမဆုံးအကြိမ်အဖြစ် ပြင်သစ် ကက်ဘိနက် ဝန်ကြီး အဖွဲ့ဝင် တဝက်လောက်ကို အမျိုးသမီးတွေကို ခန့်အပ်ခဲ့ပါတယ်။

ဒါပေမယ့် ထိပ်ပိုင်း ရာထူး အနည်းအပါး လောက်ကိုပဲ အမျိုးသမီးတွေ ရတယ်လို့ အကဲခတ်သူတွေက ဝေဖန် ပြောဆိုလိုက်ပါတယ်။

ဝန်ကြီးချုပ် ရာထူးကိုတော့ Jean- Marc Ayrault ကို ခန့်အပ်ကြောင်း သမ္မတ Hollande က ထုတ်ဖေါ် ကြေညာထားပြီး ဖြစ်ပါတယ်။

ဗြိတိန် နိုင်ငံ ပင်လယ် ရပ်ခြား ဖွံ့ဖြိုးရေး ဝန်ကြီးမြန်မာ ဒုက္ခသည်တွေ အတွက် နယ်ခြားဖြတ် အကူအညီ ပိုပေးဖို့ တောင်းဆို

ဗြိတိန် နိုင်ငံ မှာ ပါတီ ပေါင်းစုံ ပါဝင်တဲ့ ပါလီမန် အမတ် ၆၆ ယောက်က မြန်မာ ဒုက္ခသည်တွေ အတွက် နယ်ခြားဖြတ် အကူအညီတွေ ပိုပေးဖို့ အဆိုပြုလွှာ တင်သွင်းချက်ကို Burma Campaign UK မြန်မာ့ အရေး လှုပ်ရှားမှု အဖွဲ့က ထောက်ခံ ကြိုဆိုလိုက် ပါတယ်။

ပါလီမန် အမတ်တွေ တင်သွင်းတဲ့ Early Day Motion ပါလီမန် ဆိုင်ရာ အဆိုပြုလွှာက ထိုင်းမြန်မာ နယ်စပ်မှာ ရှိတဲ့ ဒုက္ခသည်တွေ နဲ့ ပတ်သက်ပြီး DEFID ပင်လယ်ရပ်ခြား ဖွံ့ဖြိုး တိုးတက်ရေး ဌာနက လက်ရှိ ထောက်ပံ့ နေပေမဲ့ လုံလောက်မှု မရှိတဲ့ အတွက် ထပ်ပြီး ကူညီပေးဖို့ အဓိက တောင်းဆိုတာ ဖြစ်တယ်လို့ Burma Campaign UK က စည်းရုံးရေးမှူး မမေရီလှ က ပြောပါတယ်။

အစိုးရ စစ်တပ်နဲ့ ကေအိုင်အေတို့ တိုက်ပွဲ ဖြစ်နေတဲ့ နိုင်ငံ မြောက်ပိုင်းက ကချင် ပြည်နယ် ဘက်က ဒုက္ခသည်တွေ၊ ရွာပုန်း ရွာရှောင်တွေ အရေး ကိုရော ထိုင်းနယ်စပ် ဘက်က ဒုက္ခသည်တွေ လောက် အကူအညီ လိုအပ်တယ် မထင် ဘူးလား ဆိုတာနဲ့ ပတ်သက်လို့တော့ ဗြိတိန် ပါလီမန် အမတ် တွေက အခုမှ ပထမဆုံး တောင်းဆိုတာ မဟုတ်ဘဲ အရင်က တည်းက အလားတူ တောင်းဆို ခဲ့မှုကို ထပ်လောင်း တောင်းဆို တာသာ ဖြစ်တယ်လို့ ဒေါ်မေရီလှက ပြောပါတယ်။

ပင်လယ်ရပ်ခြား ဖွံ့ဖြိုး တိုးတက်ရေး ဝန်ကြီး အန်ဒရူး မစ်ချဲလ် Andrew Mitchell မြန်မာ နိုင်ငံကို သွားရောက်ခဲ့တုန်းက မြန်မာ နိုင်ငံ ဖွံ့ဖြိုးတိုးတက်ရေး အတွက် ဗြိတိန်က ကူညီမယ်လို့ ပြောခဲ့ဖူးတာကြောင့် အခု လွှတ်တော် အမတ်တွေရဲ့ တောင်းဆိုမှုကို လိုက်လျောနိုင် လိမ့်မယ် လို့လည်း သူက မျှော်လင့် တယ်လို့ ပြော ပါတယ်။

မစ္စတာချန်း ဆေးကုသမှု ခံယူနေတဲ့ ဆေးရုံကို အရာရှိတွေလာရောက်တွေ့ဆုံချန်ဂွမ်ချန်း နိုင်ငံကူးလက်မှတ် ရတော့မယ်

တရုတ်နိုင်ငံက လူ့အခွင့်ရေး လှုပ်ရှားသူ မျက်မမြင် ရှေ့နေ ချန်ဂွမ်ချန်းနဲ့ သူ့မိသားစုကို လာမယ့် ၁၅ ရက်အတွင်း နိုင်ငံကူးလက်မှတ် ထုတ်ပေးဖို့ အာဏာပိုင်တွနဲ့ သဘောတူညီချက် ရရှိပြီလို့ မစ္စတာ ချန်းက ပြောကြားလိုက် ပါတယ်။

တရုတ်အရာရှိတွေဟာ သူဆေးကုသမှု ခံယူ နေတဲ့ ဆေးရုံကို လာရောက်ပြီး သူ့ကို တွေ့ဆုံခဲ့တယ်လို့ မစ္စတာချန်းက ပြောပါတယ်။

ဒါဟာ မစ္စတာချန်း အနေနဲ့ တိုင်းပြည်ကနေ မကြာခင် ထွက်ခွာနိုင်ငံတော့မယ် ဆိုတာကို ဖေါ်ပြနေတာ ဖြစ်တယ်လို့ ဘေဂျင်း ဘီဘီစီ သတင်းထောက်က ပြောပါတယ်။

မစ္စတာချန်းဟာ နေအိမ် အကျယ်ချုပ် ကနေ ပြီးခဲ့တဲ့လက ထွက်ပြေး လွတ်မြောက်ပြီး ဘေဂျင်းမြို့ အမေရိကန်သံရုံးမှာ သွားရောက် ခိုလှုံခဲ့တာ ဖြစ်ပါတယ်။ အဲဒီနောက် သူ့ကို အမေရိကန်မှာ ပညာ သင်ကြားခွင့်ပြုဖို့ တရုတ်နဲ့ အမေရိကန် အကြား သဘောတူခဲ့ ပြီးနောက် သံရုံးကနေ ပြန်လည် ထွက်ခွာလာခဲ့တာ ဖြစ်ပါတယ်။

အမေရိကန် တက္ကသိုလ်တခုမှာ ပညာသင်ကြားဖို့ အတွက် ပညာသင်ဆု ရရှိထားတဲ့ မစ္စတာချန်းကို တိုင်းပြည်ကနေ ထွက်ခွာခွင့်ပြုဖို့ တရုတ်အာဏာပိုင်တွေကို အမေရိကန်က တိုက်တွန်းနေခဲ့တာ ဖြစ်ပါတယ်။

တရားလိုဘက်က သက်သေ အချက်အလက် တွေကို ထုတ်မပေးနိုင်ခဲ့ရက်ကို မလာဒစ်ရှ် အမှုကို ဆိုင်းငံ့ထား

ဘောစနီးယား ဆာ့ဘ် စစ်ခေါင်းဆောင် ဟောင်း ရက်ကို မလာဒစ်ရ်ှကို စစ်ရာဇဝတ် မှုတွေနဲ့ အိုင်စီစီ နိုင်ငံတကာ ရာဇဝတ်မှု ခုံရုံးမှာ ကြားနား စစ်ဆေး နေရာမှာ တရားလို ရှေ့နေတွေ ဘက်ကနေ တရာခံနဲ့ ပတ်သက်တဲ့ သက်သေ အထောက်ထားတွေ ထုတ်ပေးဖို့ ပျက်ကွက်ခဲ့တာ ကြောင့် အမှုကို ဆိုင်းငံ့ထားလိုက်ပါတယ်။

တရားခံ ရက်ကို မလာဒစ်ရ်ှရဲ့ရှေ့နေတွေကို ပေးရမယ့် စာမျက်နှာ ၇၀၀၀ လောက်ရှိတဲ့ သက်သေ အချက်အလက်တွေကို တရားလို ဘက်ကနေ မှာယွင်းမှု တချို့ကြောင့် လွှဲပြောင်းမပေးနိုင်ဘဲ ဖြစ်ခဲ့ရတာပါ။

ဒါဟာ ရုံးလုပ်ငန်းပိုင်း မှားယွင်းမှုကြောင့် အခုလို ဖြစ်ခဲ့ရပုံ ပေါ်တယ်လို့ ဘီဘီစီ သတင်းထောက်က ပြောပါတယ်။

တရားခံဘက် ကတော့ ဒီအထောက်အထားတွေကို ဖတ်ရှုပြီး ပြန်လည်ချေပနိုင်ဖို့ အတွက် ၆ လ အချိန်တောင်းထားပါတယ်။

ဒါပေမယ့်လည်း ဦးဆောင် တရားသူကြီးကတော့ ကြန့်ကြာမှုတွေ အချိန်အကြာကြီး ဖြစ်စေမှာ ကြောင့် အကြီးအကျယ် အကျပ်ရိုက်နေ ပါတယ်။

ဘော့စနီးယား ပဋိပက္ခအတွင်း ရက်ကို မလာဒစ်ရ်ှဟာ စစ်ရာဇဝတ်မှု ၁၁ ခု နဲ့ လူသားတွေကို လူမဆန်စွာ အစုလိုက် သတ်ဖြတ်မှုတွေ ကျူးလွန်ခဲ့တယ်ဆိုတဲ့ စွဲချက်တွေနဲ့ တရား ရင်ဆိုင် နေရတာ ဖြစ်ပါတယ်။

မလာဒစ်ရ်ှကတော့ စွဲချက်အားလုံးကို ငြင်းဆိုထားပါတယ်။

မြန်မာအပေါ် ဒဏ်ခတ်ပိတ်ဆို့ထားမှု အမေရိကန် သက်တမ်းတိုး

ပြုပြင်ပြောင်းလဲမှုတွေဟာ အခြေတည်စ အခြေ အနေ မျိုးမှာသာ ဆက်လက်ရှိနေသေးတယ်

အမေရိကန်က မြန်မာအပေါ် အရေးယူ ဒဏ်ခတ် ထားတာတွေကို သမ္မတ အိုဘားမားက နောက်ထပ် တနှစ် သက်တမ်း တိုးလိုက်ပြီ ဖြစ်ပါတယ်။

မြန်မာနိုင်ငံမှာ လူ့အခွင့်အရေး တိုးတက်မှုတွေနဲ့ အစိုးရ အပြောင်းအလဲတွေ ရှိခဲ့ပေမယ့်လည်း ဒါတွေဟာ အခြေတည်စ အခြေအနေမျိုးမှာသာ ဆက်လက်ရှိနေသေးတယ်လို့ မစ္စတာ အိုဘားမားက ကြေညာချက်ထုတ်ပြန်ပြီး သတိပေး လိုက်ပါတယ်။

သမ္မတဦးသိန်းစိန် ခေါင်းဆောင်တဲ့ မြန်အစိုးရသစ်ရဲ့ ဒီမိုကရေစီရေး ပြုပြင်ပြောင်းလဲမှု တွေကို ပိုမို တွန်းအားပေးတဲ့ အနေနဲ့ အမေရိကန် ပြည်ထောင်စုက လုပ်ငန်းရှိတွေနဲ့ နိုင်ငံရေး ခေါင်းဆောင် တချို့ အပါအဝင် အီးယူနဲ့ အာရှနိုင်ငံတွေ ကနေ ပိတ်ဆို့မှုတွေ လျှော့ချရေး တောင်းဆိုနေပေမယ့်လည်း မစ္စတာ အိုဘားမားက အခုလို သက်တမ်း ထပ်တိုးလိုက်တာ ဖြစ်ပါတယ်။

အမေရိကန်ပြည်ထောင်စုကို ရောက်ရှိနေတဲ့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် ဟာ အမေရိကန်နိုင်ငံခြားရေး ဝန်ကြီး ဟီလာရီ ကလင်တန်နဲ့ တွေ့ဆုံပြီး မြန်မာနိုင်ငံအပေါ် အမေရိကန်ရဲ့ ပိတ်ဆို့ အရေးယူမှုတွေ လျှော့ချရေး အတွက် ဆွေးနွေးနေတဲ့ အချိန်လည်း ဖြစ်ပါတယ်။

သမ္မတ ဦးသိန်းစိန် ကျန်းမာရေး အခြေအနေ

By VOA (မြန်မာပိုင်း)

နိုင်ငံတော်သမ္မတ ဦးသိန်းစိန်ဟာ ရန်ကုန်မြို့ နေအိမ်မှာ ဒီကနေ့ နေ့လည်ပိုင်းက မူးလဲတာ ဖြစ်ခဲ့ပါတယ်။ ဒါပေမယ့် အခုအချိန်မှာတော့ နေအိမ်မှာပဲ အနားယူနေပြီလို့ သိရပါတယ်။ အပြည့်အစုံကိုတော့ မသင်းသီရိက တင်ပြပေးထားပါတယ်။

နေပြည်တော်ကနေ ဒီကနေ့ မေလ ၁၇ ရက်ကြာသာပတေးနေ့မှာ ရန်ကုန်အိမ်ကို ပြန်လာခဲ့တဲ့ သမ္မတ ဦးသိန်းစိန်ဟာ နေ့လည်ပိုင်းက နေအိမ်မှာ မူးလဲခဲ့တယ်လို့ အစိုးရနဲ့ နီးစပ်တဲ့ အသိုင်းအ၀ိုင်းက သိရပါတယ်။ အခုတော့ နေအိမ်မှာပဲ အနားယူနေတယ်လို့ ပြောပါတယ်။ 

အသက် ၆၈ နှစ်အရွယ်ရှိနေပြီ ဖြစ်တဲ့ သမ္မတဦးသိန်းစိန်ဟာ အစကတည်းက နှလုံးနဲ့ ဆီးချို ဆိုင်ရာ ကျန်းမာရေး အားနည်းမှုတွေ ရှိနေတဲ့သူဖြစ်ပြီးအခု တိုင်းပြည်ရဲ့ ကိစ္စတွေနဲ့ ပတ်သက်လို့ စိတ်ရောကိုယ်ပါ ပင်ပန်းနေချိန်မို့ အခုလို ဖြစ်ခဲ့တာလို့လည်း နီးစပ်တဲ့ အသိုင်းအ၀ိုင်းက မှတ်ချက်ပေးပါတယ်။ 

ပုံမှန်ဆိုရင် ဒီကနေ့ မေလ ၁၇ ရက်ကြာသာပတေးနေ့မှ နေပြည်တော်မှာ ကျင်းပမယ့် အစိုးရအဖွဲ့ အစည်းဝေးကို မနေ့ မေလ ၁၆ ရက်နေ့ ဗုဒ္ဓဟူးနေ့မှာ တရက်ကြိုလုပ်ခဲ့အပြီး သမ္မတ ဦးသိန်းစိန်ဟာ ရန်ကုန်အိမ်ကို ပြန်လာခဲ့တာဖြစ်ပါတယ်။

မနေ့ ဗုဒ္ဓဟူးနေ့က ကျင်းပခဲ့တဲ့ အစိုးရအဖွဲ့အစည်းဝေးတွင်းမှာ ကျန်းမာရေးကြောင့် ရာထူးကနေ အနားယူဖို့ နှုတ်ထွက်စာတင်ထားတဲ့ ဒုတိယ သမ္မတ သီဟသူရ ဦးတင်အောင်မြင့်ဦးရဲ့ ကိစ္စကိုလည်း ဆွေးနွေးခဲ့ကြတယ်လို့ သိရပါတယ်။ 

သမ္မတ ဦးသိန်းစိန်ဟာ ၁၉၈၈ ခုနှစ် နိုင်ငံမှာ စစ်တပ် အာဏာသိမ်းပြီးနောက် ကက ကြည်းတပ်မှာ စစ်ဦးစီး ဗိုလ်မှူးကြီး ရာထူးကနေ ၂ဝဝ၅ ခုနှစ်တွင် ဗိုလ်ချုပ်ကြီးအထိ ရာထူး တိုးမြှင့်ခံခဲ့ရပါတယ်။ ယခင်အစိုးရ လက်ထက်က ၀န်ကြီးချုပ်အဆင့်ထိ ရာထူး တိုးမြင့်လာခဲ့သူဖြစ်ပါတယ်။ ၂၀၁၁ ပြည့်နှစ် မတ်လက စပြီးအခုချိန်ထိ နိုင်ငံတော်သမ္မတ အဖြစ် တာဝန်ယူ ထမ်းဆောင်နေသူ ဖြစ်ပါတယ်။

နှလုံးခုန်နှုန်းကို ထိန်းညှိပေးတဲ့ စက်တပ်ထားရတဲ့ သမ္မတ ဦးသိန်းစိန် မူးလဲတယ်ဆိုတဲ့သတင်းနဲ့ တဆက်ထဲ သမ္မတရဲ့ ကျန်းမာရေး အခြေအနေနဲ့ ဒီလိုမူးလဲတာဟာ ကျန်မာရေးအရ ဘယ်လောက် စိုးရိမ်စရာဖြစ်သလဲ ဆိုတာကို ဆရာဝန်တွေနဲ့ မေးထားတဲ့ မစုမြတ်မွန်က ဆက်ပြီးတော့ တင်ပြပေးထားပါတယ်။

အသက် ၆၈ နှစ်ထဲမှာရောက်နေတဲ့ သမ္မတဦးသိန်းစိန်ဟာ အများသိကြတဲ့အတိုင်း နှလုံးခုန်နှုန်းကို ထိန်းညှိပေးရတဲ့စက် Pacemaker တပ်ထားရသလို Stent ထည့်ပြီး နှလုံးသွေးကြောကိုလဲ ချဲ့ထားရသူ ဖြစ်ပါတယ်။ ဆီးချိုရောဂါလဲ ရှိတဲ့သူတယောက်ဖြစ်ပါတယ်။ ခုလို ကျန်းမာရေး အခြေအနေရှိနေသူ တယောက်အနေနဲ့ မူးလဲတယ်ဆိုတာ ဘယ်လောက် စိုးရိမ်စရာ ဖြစ်သလဲဆိုတာကို အိန္ဒိယနိုင်ငံ နယူးဒေလီမြို့ယမုန်နာ အခမဲ့ဆေးခန်းက ဆရာဝန် ဒေါက်တာ တင့်ဆွေကို မေးကြည့်ပါတယ်။

"ကျန်းမာရေး နောက်ခံအရပေါ့လေ သူ့မှာ Pacemaker ခေါ်တဲ့ နှလုံးခုန် ထိန်းစက် တပ်ထားတဲ့အချက်က အရေးကြီးတယ် ခင်ဗျ။ ဆီးချိုဆိုတာကတော့ ရေရှည် ထိန်းလို့ ရတယ်။ နောက် အသက်အရွယ်ကလည်း ၆၈ ဆိုတော့၊ အလွန်အအိုကြီးတော့ မဟုတ်ဘူးပေါ့လေ။ အဓိက နှလုံးရောဂါနဲ့ ပတ်သက်တဲ့ဟာက အရေးကြီးတယ်လို့ ကျနော် ယူဆပါတယ် ခင်ဗျ။ သူ့ရဲ့ နှလုံးက Pacemaker ဆိုတဲ့ နှလုံးခုန် ထိန်းစက် တပ်ထားတဲ့ ပုဂ္ဂိုလ်တွေဟာ သူတို့ရဲ့ နှလုံးကိုယ်က အခြေခံ မကောင်းလို့ ဖြစ်တယ်။ နှလုံးခုန်နှုန်းမှာ ပြဿနာ ရှိတယ်ခင်ဗျ။ ဒါကြောင့်လည်း သူ ရာသက်ပန် ဒီစက်ကို တပ်ထားကြရတာ။ အဲဒီလို တပ်ထားတဲ့သူတွေဟာ အမြဲတမ်း ကျန်းမာရေးနဲ့ ပတ်သက်ရင် တော်လျှောက် စစ်ဆေးမှုနဲ့ ရှောင်ကျဉ်ရမယ့် အရာတွေက ရှိတယ်ခင်ဗျ။ ဒါကြောင့်လည်းပဲ အခုဖြစ်သွားနိုင်တာက ဒီ Pacemaker တပ်ထားတဲ့သူဟာ မူးသွားတယ်၊ အသက်ရှု ခက်သွားတယ်၊ ရင်ဘတ် အောင့်သွားတယ်၊ သတိရုတ်တရက် မကြည်မလင် ဖြစ်သွားတဲ့ဟာတွေက ဖြစ်တတ်တယ် ခင်ဗျ။ 

အဲဒီလို တပ်ထားတဲ့ ပုဂ္ဂိုလ် တယောက်ဟာ ရုပ်ပိုင်းရော၊ စိတ်ပိုင်းရော ဖိအားတွေကတော့ သာမှန်လူတွေနဲ့စာရင် သူက အဓိက ဆင်ခြင်ရမယ့် ပုဂ္ဂိုလ်တွေ ဖြစ်တယ်ခင်ဗျ။ ဒါကြောင့် သူ့မှာ ဆင်ခြင်စရာတွေရှိတယ်။ ဒီဆင်ခြင်စရာထဲက တခု လွဲချော်သွားလို့ ဒီလိုဖြစ်တာဆိုရင်တော့ မပြောနိုင်ပဲနဲ့ တကယ်လို့ နှလုံးရဲ့ အခံနဲ့ စိတ်ဖိအား၊ ရုပ်ဖိအား ပြင်းထန်လွန်းလို့ ဒီ စက်က မနိုင်တာ၊ နှလုံးက အလုပ် မလုပ်နိုင်တာ ဆိုရင်တော့ ဒါဟာ စိုးရိမ်စရာကောင်းတဲ့ အခြေအနေ တရပ်ပဲ ဖြစ်ပါတယ်။"

မေး။ အခုလိုမျိုး လက်ရှိ မြန်မာနိုင်ငံမှာ ဖြစ်နေတဲ့ အခြေအနေနဲ့ ဒီ Stressသိပ်များတယ်ပေါ့လေ ဆရာပြောချင်တာကတော့၊ အဲဒီလို အခြေအနေမျိုးမှာ သမ္မတ အနေနဲ့ ရှေ့ဆက်ပြီးတော့ သူ့တာဝန်တွေ ထမ်းဆောင်နိုင်ဖို့ အလားအလာရော၊ ဆက်ပြီးတော့ ထမ်းဆောင်နိုင်ဖို့ရော ဖြစ်နိုင်သေးလား ဆရာ။

ဖြေ။ "ကျနော် ဆရာဝန်တယောက်အနေနဲ့ ခန့်မှန်းတာကတော့ သူ ဒီစက်ကီရိယာ တပ်ထားတာ ကလည်း နှစ်ရှည်နေပြီ။ သူလုပ်ကိုင်ရတဲ့ အလုပ်ကတော့ အရင်လည်းပဲ ကြီးကျယ်တဲ့၊ အရေးကြီးတဲ့ နေရာမှာ လုပ်ခဲ့ဖူးသား ဆိုတော့ အတွေ့အကြုံကတော့ ရင့်ကျက်ပြီးသားလို့ ကျနော် ယူဆပါတယ် ခင်ဗျ။ သို့သော်လည်း ဖြစ်ပေါ်မှုတွေ အပေါ်မှာ စက်ကီရိယာက တပ်ထား၊ ကျန်းမာရေး ချို့ယွင်းနေတဲ့ လူတယောက်အနေနဲ့ ကတော့ လိုက်မှီအောင်ပေါ့လေ၊ ရုပ်ပိုင်း စိတ်ပိုင်း လိုက်မှီအောင် လုပ်နိုင်ရင်တော့ ကိစ္စမရှိဘူးပေါ့လေ။ သို့သော်လည်း ကျနော် ယူဆတာက ဒီလို ပုဂ္ဂိုလ်တယောက်ဟာ၊ ဒီလို အမျှော်အမြင် ကြီးကြီးနဲ့ ရှေ့လုပ်နိုင်အောင် သူ ပြင်ဆင်ထားပြီးသား ဖြစ်နိုင်ပါတယ်။" 

ဒေါက်တာ တင့်ဆွေဖြစ်ပါတယ်။

သမ္မတဦးသိန်းစိန် စင်္ကာပူနိုင်ငံကို ဇန်န၀ါရီလကုန်မှာ သွားခဲ့စဉ်တုန်းက နှလုံးခုန် နှုန်းထိန်းညှိုစက်ကို အသစ်လဲ တပ်ခဲ့တယ်လို့လဲ သိရပါတယ်။ မြန်မာနိုင်ငံမှာ အရပ်သား အစိုးရအဖြစ် ဦးသိန်းစိန်ခေါင်းဆောင်တဲ့ အစိုးရအဖွဲ့ တက်လာချိန်ထဲက သမ္မတ ကျန်းမာရေး စောင့်ရှောက်မှုအဖွဲ့ကို ဖွဲ့စည်းထားပါတယ်။ 

ဒီအဖွဲ့ကို ကျန်းမာရေးဒုတိယဝန်ကြီး ဒေါက်တာဝင်းမြင့်က ခေါင်းဆောင်ပြီး၊ ရန်ကုန် ပြည်သူ့ဆေးရုံကြီး လူနာဆောင် ၁၇-၁၈ က ပါမောက္ခ ဒေါက်တာသက်ခိုင်ဝင်း၊ နှလုံးဆေးကုဌာန တွဲဖက် ပါမောက္ခ ဒေါက်တာမြင့်စိုးဝင်း၊ မင်္ဂလာဒုံ စစ်ဆေးရုံကြီးက နှလုံးဆေးကုသမှုတပ်မှုး ဗိုလ်မှုးချုပ် တင်မောင်အေး၊ ဆေးဝန်ထမ်းတပ်ဖွဲ့ နှလုံးရောဂါ ကုသရေးပါရဂူ ဗိုလ်မှုးသန်းထွန်းတို့က သမ္မတဦးသိန်းစိန်ရဲ့ ကျန်မာရေးကို စောင့်ရှောက်ပေးနေတာ ဖြစ်ပါတယ်။ နှလုံးရောဂါ ကုသရေးပါရဂူ ဗိုလ်မှုးသန်းထွန်းကတော့ သမ္မတအိမ်တော်မှာကိုနေပြီး အနီးကပ် ကျန်းမာရေး စောင့်ရှောက်မှု ပေးနေတာဖြစ်ပါတယ်။ 

သမ္မတရဲ့ ကျန်းမာရေးသတင်းနဲ့ ပတ်သက်ပြီးတော့ - နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးက ဗွီအိုအေ မြန်မာပိုင်းကို အခုလို ပြန်ကြားခဲ့ပါတယ်။

"ဖြစ်စဉ်ကတော့ နေ့လည် (၃) နာရီဝန်းကျင်မှာ စထွက်လာတဲ့ သတင်း ဖြစ်ပါတယ်။ ဘယ်သူက ဘယ်လို စလိုက်သလဲတော့ မသိပါဘူး။ ကျွန်တော်တို့ဆီကိုလည်း အသိမိတ်ဆွေများ၊ သတင်းမီဒီယာလောကမှ ပုဂ္ဂိုလ်များ ဖုန်း ဆက်ပြီး တောက်လျှောက် မေးကြပါတယ်။ အဖြစ်မှန်ကတော့ လုံးဝ မဟုတ်ပါဘူး။ ကျွန်တော့် FB Wall မှာလည်း ဒီ သတင်း မှားယွင်းကြောင်း တင်ထားပါတယ်။ အတော်များများက စိုးရိမ်တကြီး မေးကြတာ တွေ့ရပါတယ်။ ကျွန်တော့်အနေနဲ့ ခိုင်ခိုင်မာမာ ပြောကြားလိုတာကတော့ သမ္မတကြီး ကျန်းကျန်းမာမာနဲ့ ရှိနေပါတယ်။ ကျန်းမာရေး ကောင်းပါတယ်။ ဘာမှမဖြစ်ပါဘူး။ ဖုန်းဆက်၊ Message တွေ ပို့ပြီး စိုးရိမ်တကြီး မေးကြတဲ့သူတွေ အားလုံးကို နိုင်ငံတော်သမ္မတကြီး ကိုယ်စား ကျေးဇူးဥပကာရ အထူးပဲ တင်ရှိကြောင်း ပြောကြားလိုပါတယ်" လို့ သမ္မတရုံး ဦးဇော်ဌေးက ဖြေကြားခဲ့ပါတယ်။

နိုင်ငံခြားရေးဝန်ကြီး ခရီးစဉ်အတွင်း အမေရိကန်-မြန်မာဆက်ဆံရေး ထူးခြားမှုတွေ့နိုင်

By ကိုသားညွန့်ဦး

• နှစ်ပေါင်းနှစ်ဆယ်ကျော်အတွင်း မြန်မာနိုင်ငံခြားရေးဝန်ကြီးတဦးရဲ့ ပထမဆုံး တရားဝင် အမေရိကန် ပြည်ထောင်စု ခရီးစဉ်ကို ကြည့်မယ်ဆိုရင် အမေရိကန် မြန်မာဆက်ဆံရေး သိသိသာသာ တိုးတက် ကောင်းမွန်လာတဲ့ လက္ခဏာဖြစ်တယ်လို့ လေ့လာသူတွေက ယူဆပါတယ်။ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်ဟာ ဒီကနေ့ဆိုရင် အမေရိကန်နိုင်ငံခြားရေးဝန်ကြီးနဲ့ ၀ါရှင်တန်ဒီစီမှာ တွေ့ဆုံပြီး ပူးတွဲသတင်းစာ ရှင်းလင်းပွဲလုပ်ဖို့လည်း စီစဉ်ထားပါတယ်။ ဒီ ခရီးစဉ်အပေါ် မေးမြန်းသုံးသပ်ချက်ကို ကိုသားညွန့်ဦးက တင်ပြပေးထားပါတယ်။

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ရဲ့ အခု အမေရိကန်ခရီးစဉ်အတွင်း အမေရိကန်-မြန်မာ ဆက်ဆံရေးမှာ သိသာထူးခြားတဲ့ အခြေအနေတွေ တွေ့ရနိုင်တယ်လို့ ယူဆမှုတွေရှိပါတယ်။ အမေရိကန် အထက်လွှတ်တော်အမတ် ဂျင်ဝက်ကတော့ အခု ခရီးစဉ်နဲ့ တိုက်တိုက်ဆိုင်ဆိုင်ပဲ မြန်မာနိုင်ငံအပေါ် စီးပွားရေးအရ ဒဏ်ခတ်ပိတ်ဆို့မှုကို အမေရိကန်အစိုးရအနေနဲ့ ရုပ်သိမ်းဖို့ သင့်လျော်တဲ့အချိန် ဖြစ်တယ် လို့ ပြောပါတယ်။ အထူးသဖြင့် အခုလာမယ့် မေ ၂၀ ရက်နေ့မှာ မြန်မာနိုင်ငံအပေါ် ရင်းနှီးမြှုပ်နှံမှုသစ်တွေ ပိတ်ပင်ထားတာ သက်တမ်းပြည့်မှာပါ။

အရင်က တနှစ်တခါ သမ္မတအမိန့်နဲ့ သက်တမ်းတိုးခဲ့တဲ့ ဥပဒေဖြစ်တော့ ဒီတခါမှာ သမ္မတရဲ့လုပ်ပိုင်ခွင့်နဲ့ အရေးယူမှု ရပ်နားခွင့်ရှိပါတယ်။ ဒါကြောင့်လည်း အထက်လွှတ်တော်အမတ် ဂျင်ဝက်ဘ်က အခု မြန်မာနိုင်ငံခြားရေး ၀န်ကြီးခရီးစဉ်ကာလမှာပဲ ဆောင်ရွက်ဖို့ တိုက်တွန်းသွားတာပါ။ အမေရိကန်နိုင်ငံရေးမှာ သြဇာကြီးမားတဲ့ အထက်လွှတ်တော်အမတ် မက်ကိန်းကလည်း အရေးယူမှုတွေကို ယာယီရပ်ဆိုင်းထားဖို့ပဲ တောင်းဆိုထားပါတယ်။

အရင်ကဆိုရင် မြန်မာခေါင်းဆောင်တွေကို အမေရိကန်ပြည်ထောင်စုကို လာရောက်ခွင့် ပိတ်ပင်ထား ရာကနေ အခုလို တရားဝင်ဖိတ်ကြားပြီး နှစ်ဘက်တွေ့ဆုံမှုတွေဖြစ်လာတာဟာ သိသာထင်ရှားတဲ့ ဆက်ဆံရေး တိုးတက်မှုတရပ်အဖြစ် ယူဆလို့ရပါတယ်။ ဒီလို ဆက်ဆံရေးဖြစ်လာ အောင်လည်း လက်ရှိ နိုင်ငံခြားရေးဝန်ကြီး ဟီလာရီ ကလင်တန်ဘက်က အတော်လေး ကြီးကြီးမားမား စွန့်စားခဲ့ပြီး ဖြစ် လာတာလို့ ၀ါရှင်တန် ဒီစီက CSIS မဟာဗျူဟာနဲ့ နိုင်ငံတကာ လေ့လာရေး ဌာနက မြန်မာ့အရေး ကျွမ်းကျင်သူ Micheal Green က ယူဆပါတယ်။

“အမေရိကန်နိုင်ငံခြားရေးဝန်ကြီး ကလင်တန်က အမေရိကန်-မြန်မာဆက်ဆံရေး ပြုပြင်ပြောင်းလဲဖို့ အတွက် အရင်းအနှီးကြီးကြီးမားမားနဲ့ လုပ်ဆောင်ခဲ့ပေမယ့် အစပထမမှာ ထိရောက်မှုရှိတာကို သိပ် မပြနိုင်ခဲ့ပါဘူး။ ဒါပေမဲ့ လွန်ခဲ့တဲ့လအနည်းငယ်က သမ္မတဦးသိန်းစိန်က သိသာတဲ့ ပြောင်းလဲမှုတွေ ဖေါ်ဆောင်ခဲ့ပြီး သူနဲ့ ဒေါ်အောင်ဆန်းစုကြည်နဲ့ ပိုမိုပြီး ပူးပေါင်းဆောင်ရွက်မှု ရှိလာတဲ့အတွက် အမေရိကန်-မြန်မာဆက်ဆံရေး ပိုလို့ လမ်းပွင့်လာခဲ့ပါတယ်။ ကျနော့်အထင်ကတော့ ဒီ တိုးတက်မှုတွေအတွက် အပြောင်းအလဲတွေ ဖြစ်လာနိုင်ပါတယ်။ မြန်မာနိုင်ငံဟာ မဲခေါင်မြစ် အောက်ပိုင်း စီမံကိန်းမှာ ပါဝင်ခွင့်ရလာနိုင်သလို နိုင်ငံတကာ ဘဏ်ကြီးဖြစ်တဲ့ အာရှဖွံ့ဖြိုးရေးဘဏ်ကလည်း အကူအညီတွေပေးဖို့ အခွင့်အလမ်း ရှိလာနိုင်ပါတယ်။”

အခုလို ဆက်ဆံရေးတိုးတက်ကောင်းမွန်လာတာနဲ့အတူ နှစ်ဘက် သံအမတ်ကြီးအဆင့် ခန့်အပ်ရေး ကိစ္စလည်း အခု နိုင်ငံခြားရေးဝန်ကြီး ခရီးစဉ်ကာလအတွင်း အကောင်အထည်ပေါ်လာနိုင်တယ်လို့ ယူဆမှုတွေရှိပါတယ်။ အခု ခရီးစဉ်အတွင်းမှာ မြန်မာနိုင်ငံတွင်း နိုင်ငံရေး တိုးတက်မှုတွေ ပိုရှိလာဖို့ အမေရိကန်ဘက်ကလည်း တိုက်တွန်းဖွယ်ရှိတယ်လို့ USCB အမေရိကန်အခြေစိုက် မြန်မာ့အရေး လှုပ်ရှားမှုအဖွဲ့က အမှုဆောင်ညွန်ကြားရေးမှူး ဦးအောင်ဒင်က ပြောပါတယ်။

“ဆက်ဆံရေးကတော့ တိုးတက်လာတာအမှန်ပဲလေ။ အမေရိကန်အစိုးရကလည်း မြန်မာအစိုးရအပေါ်မှာ ပူးပေါင်းဆောင်ရွက်မှုတွေ တိုးမြှင့်ပြီးတော့ အပြောင်းအလဲတွေကို အားပေးနေတာကို။ တဘက်မှာလည်း စီးပွားရေးပိတ်ဆို့မှုတွေကို အတိုင်းအတာ တခုအထိ ကိုင်တွယ်ထားတယ်။ တဘက်မှာလည်း ပူးပေါင်းဆောင်ရွက်မှုတွေကို တိုးမြှင့်ပြီးတော့ မြန်မာအစိုးရရဲ့လက်ရှိ ပြောင်းလဲရေး လမ်းကြောင်းတွေကို မှန်မှန်ကန်ကန်နဲ့ ရှေ့ကို အရှိန်အဟုန်နဲ့တိုးမြှင့်အောင် တွန်းပို့နေတာကို။ ဆိုတော့- မနက်ဖြန်တွေ့ ဆုံကြရင်လည်း အမေရိကန်အစိုးရအနေနဲ့ကတော့ မြန်မာနိုင်ငံအတွင်းမှာ ကျန်ရှိနေတဲ့ နိုင်ငံရေး အကျဉ်းသားအားလုံးကို ခြွင်းချက်မရှိ လွှတ်ပေးရေး၊ နောက်တခါ လူထုအခြေပြု အဖွဲ့အစည်းတွေကို လွတ်လွတ်လပ်လပ် လှုပ်ရှားဆောင်ရွက်ခွင့်ပေးရေး စသဖြင့်ပေါ့နော်- နောက်တခါ ကချင် ပြည်နယ်မှာ ဖြစ်ပေါ်နေတဲ့ စစ်ပွဲတွေ အမြန်ဆုံးရပ်စဲရေးနဲ့ တိုင်းရင်းသား လူမျိုးစုများနဲ့ ပြဿနာတွေကို ညီညွတ်စွာဖြေရှင်းရေး၊ ဒါတွေကိုတော့ အလေးပေးပြီး ပြောဆိုဆွေးနွေးလိမ့်မယ်လို့ ကျနော်တော့ ယုံကြည်ပါတယ်။”

အခုလို အခြေအနေတွေ တိုးတက်လာပေမယ့် မြန်မာနိုင်ငံနဲ့ပတ်သက်လို့ အမေရိကန်ပြည်ထောင်စု ဘက်က စိုးရိမ်ပူပင်နေတဲ့ အချက်တွေ ကတော့ ရှိနေဆဲပါ။ အထူးသဖြင့် အခု ဖြစ်ထွန်းမှုတွေ နောက်ကြောင်းပြန် လှည့်သွားနိုင်တဲ့ အနေအထားဖြစ်တယ်လို့ M. Green က ပြောပါတယ်။

“အမေရိကန်က ချမှတ်ထားတဲ့ ဒဏ်ခတ်ပိတ်ဆို့မှုအားလုံးကို သိပ်မကြာတော့တဲ့အနာဂတ်မှာ ရုပ်သိမ်းပေးနိုင်မယ့်အလားအလာတော့ ကျနော် မမြင်ပါဘူး။ အကြောင်းကတော့ လက်ရှိ မြန်မာ့နိုင်ငံရေး အပြောင်းအလဲတွေက ရေရှည်ခံပါ့မလားလို့ ၀ါရှင်တန်မှာ မေးခွန်းထုတ် နေကြလို့ပါပဲ။ တနည်းအားဖြင့် နောက်ပြန်ဆုတ်မယ့် အလားအလာကို စိုးရိမ်နေကြဆဲ ဖြစ်လို့ပါပဲ။ မြောက် ကိုးရီးယား-မြန်မာ နျူးကလီယားနဲ့ စစ်ရေးဆက်ဆံမှုကြောင့် စိုးရိမ်နေကြတာဖြစ်ပြီးတော့ ဒါက အမေရိကန်အစိုးရအတွက် အဓိကပြဿနာဖြစ်တာကြောင့် ဒါကို ဖြေရှင်းနိုင်ဖို့ လိုပါတယ်။

“ဒါ့အပြင် တိုင်းရင်းသားလူမျိုးစုတွေအပေါ် မြန်မာစစ်တပ်က ဆက်လက်တိုက်ခိုက်နေတာ တွေ့နေရ ပါတယ်။ တခါ အမျိုးသားဒီမိုကရေစီ အဖွဲ့ချုပ်အနေနဲ့ လွှတ်တော်မှာ ဘယ်လိုအခန်းကဏ္ဍကနေ ပါဝင်ဆောင်ရွက်ခွင့်ရမလဲ ဆိုတာလည်း မသိနိုင်သေးပါဘူး။ ဒါ့ကြောင့် အခု ဖြစ်ထွန်း တိုးတက်မှုတွေ နောက်ပြန်ဆုတ်သွားနိုင်တယ်လို့ စိုးရိမ်မကင်းဖြစ်မှုတွေ ဆက်ပြီး ရှိနေတာပါ။

“ဒါပေမယ့်လို့ ခြေတစ်လှမ်းချင်းစီယူပြီး ဒီအပြောင်းအလဲကို ထိန်းသိမ်းသွားရမယ်ဆိုတဲ့ သဘောထားကတော့ ကွန်ဂရက်လွှတ်တော်မှာရော သမ္မတအိုဘားမားအစိုးရထဲမှာရော လက်ခံထားတာကို တွေ့ရပါတယ်။”

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ဟာ ဒီကနေ့ ၀ါရှင်တန်မှာ အမေရိကန် နိုင်ငံခြားရေး ၀န်ကြီးနဲ့ တွေ့ သလို အခြား အစိုးရအဆင့်မြင့် အရာရှိတွေ၊ အမေရိကန်လွှတ်တော်က ခေါင်းဆောင်တွေကို လည်း တွေ့ဆုံဖို့ရှိပါတယ်။ မနက်ဖြန်ကျရင်တော့ နယူးယောက်မြို့က နိုင်ငံခြား ဆက်ဆံရေးကောင်စီမှာ စကားပြောဖို့ ရှိပါတယ်။

ဦးဝဏ္ဏမောင်လွင်ဟာ အရင်က အမေရိကန်ပြည်ထောင်စုကို နိုင်ငံခြားရေးဝန်ကြီးအဖြစ် လာရောက်ခဲ့တာ ရှိပေမယ့် ကမ္ဘာ့ကုလသမဂ္ဂ ခရီးစဉ် အနေနဲ့ လာရောက်တာဖြစ်ပါတယ်။ ဒါကြောင့် ဦးဝဏ္ဏမောင်လွင်ရဲ့ အခုခရီးစဉ်ဟာ နိုင်ငံခြားရေးဝန်ကြီးအဖြစ် ပထမဆုံး တရားဝင် အစိုးရခရီးစဉ် ဖြစ်ပေမယ့်လို့ ၀ါရှင်တန် ဒီစီကို လာရောက်တာတော့ ဒုတိယအကြိမ်မြောက် ဖြစ်ပါတယ်။

ပြင်သစ်အစိုးရသစ်မှာ အမျိုးသမီးတဝက်ပါ

By ဗွီအိုအေ (မြန်မာဌာန)

• ပြင်သစ်သမ္မတ Francois Hollande ဟာ ဥရောပစီးပွားရေး အားကောင်းအောင် လမ်းသစ်ထွင် မဆောင်ရွက်ခင်မှာ လိုအပ်တာတွေကို လိုက်လံဆောင်ရွက်နေပါတယ်။ ပါရီမြို့တော်မှာ မိုးတွေကြားထဲ အခမ်းအနားနဲ့ သမ္မတအဖြစ် ဆိုရှယ်လစ်ဝါဒီ သမ္မတသစ် ကျမ်းသစ္စာ ကျိန်ဆိုခဲ့ပြီး နောက်တရက်မှာပဲ အစိုးရ အဖွဲ့သစ်ကို ခန့်အပ်လိုက်တယ်လို့ သမ္မတရဲ့ လက်ထောက်တွေက ကြေညာပါတယ်။

ဆိုရှယ်လစ်ဝါဒီ ဝန်ကြီးချုပ်ဟောင်း Laurent Fabius ကို နိုင်ငံခြားရေး ဝန်ကြီး၊ Pierre Moscovici ကို ဘဏ္ဍာရေး ဝန်ကြီးအဖြစ် အသီးသီး ခန့်အပ်လိုက်ပါတယ်။ Mr. Pierre Moscovici က အရင်က ဥရောပရေးရာဝန်ကြီး ဖြစ်ပြီး Mr. Hollande ရဲ့ မဲဆွယ်စည်းရုံးရေးမှူးဖြစ်ပါတယ်။ တခြား အရေးကြီးတဲ့ ဝန်ကြီးနေရာတွေဖြစ်တဲ့ အလုပ်သမားဝန်ကြီးနေရာ အတွက် Michael Sapin၊ ပြည်ထဲရေးဝန်ကြီးအဖြစ် Manuel Valls နဲ့ ကာကွယ်ရေးဝန်င်္ကြီး Jean-Yves Drian တို့ကို ခန့်အပ်လိုက်ပါတယ်။ ဂျာမာန် စကားပြော တတ်တဲ့ ဆိုရှယ်လစ်ပါတီ ရဲ့ လွှတ်တော်ခေါင်းဆောင် Jean-Marc Ayrault ကို ဝန်ကြီးချုပ်အဖြစ် အဂါင်္နေ့ကပဲ ကြေညာသွားတာပါ။

အစိုးရအဖွဲ့ထဲမှာ အမျိုးသမီးတွေကိုလည်း ညီညီမျှမျှ ထည့်သွင်းပေးမယ်လို့ မဲဆွယ်တုန်းက ကတိပေးခဲ့သလို သမ္မတ hollande က လုပ်ဆောင်ပေးမယ့်ပုံရပါတယ်။ ထိပ်တန်းရာထူး အများစုကို အမျိုးသားတွေ ရရှိကြပေမယ့် နေရာ ၃၄ နေရာထဲက ၁၇ နေရာမှာ အမျိုးသမီးတွေ ခန့်ထားမှာ ဖြစ်ပါတယ်။

ဒါပေမယ့် ပြင်သစ်နိုင်ငံရေးလောကမှာ နာမည်ကြီးဆုံး အမျိုးသမီး တဦးကတော့ ဝန်ကြီးအဖွဲ့မှာ မပါဝင်ပါဘူး။ Mr. Hollande ရဲ့ ပြိုင်ဘက် ဆိုရှယ်လစ်ပါတီခေါင်းဆောင် Martine Aubry ကတော့ အဲဒီလိုရာထူးယူရင် သဘာဝမကျတာမို့ ရာထူးမယူဖို့ သဘောတူလိုက်တယ်လို့ ပြောပါတယ်။