30.05.2012 နေ့ဖတ်ရန်သတင်းများ

by Myanmar Journal on Tuesday, May 29, 2012 at 5:36pm ·

ပါလက်စတိုင်း အနုပညာရှင် တယောက် လက်ရာပါလက်စတိုင်း အကျဉ်းသားကို လမ်းဘေးပစ်ထားလို့ သေဆုံးသွား

သေလုနီးပါး ဖြစ်နေတဲ့ ပါလစ်စတိုင်း အမျိုးသား Omar Abu Jarban ကို အသည်းအသန် ဖြစ်နေမှန်း သိရက်နဲ့ အစ္စရေး ရဲနှစ်ယောက်က လမ်းဘေးမှာ ပစ်ထားခဲ့လို့ သေဆုံးသွားတဲ့ အပေါ် လျစ်လျူရှု သတ်ဖြတ်မှုနဲ့ တရားစွဲထားပါတယ်။

ပြီးခဲ့တဲ့ သီတင်းပတ်တွေ တုန်းက ခိုးထားတဲ့ ကားတစင်းကို ဖျက်ဆီးမှုနဲ့ မစ္စတာ ဂျာဘန်ကို ရဲက ဖမ်းဆီးချုပ်နှောင်ခဲ့တာ ဖြစ်ပါတယ်။

အဲဒီနောက် သူကို ဆေးရုံတင်ထားခဲ့ပေမယ့် အင်အားချိနဲ့နေဆဲ ဖြစ်ကာ အကြီးတန်း အစ္စရေး ရဲနှစ်ယောက်က သူ့ကို လမ်းဘေးမှာ ပစ်ထားခဲ့တာ ဖြစ်ပါတယ်။

နောက်နှစ်ရက်ကြာတော့ ရေဓါတ်ခန်းခြောက်နေတဲ့ မစ္စတာ ဂျာဘန် ရုပ်အလောင်းကို လမ်းဘေးမှာ တွေ့ခဲ့ရတာ ဖြစ်ပါတယ်။                      

ယာယီနိုင်ငံကူး လက်မှတ် လုပ်ငန်း လိမ်လည်မှုရှိ

လိုအပ်တဲ့ ထိုင်းနိုင်ငံက စာရွက် စာတမ်းတွေကို မြန်မာဘက်မှာ ပြုလုပ်ပေးနေပါတယ်

ထိုင်းနိုင်ငံမှာ အလုပ်လုပ်ကိုင်နေကြတဲ့ မြန်မာ ရွှေ့ပြောင်း အလုပ်သမားတွေ ယာယီနိုင်ငံကူး လက်မှတ်တွေ နဲ့ တရားဝင် အလုပ်သမားတွေ ဖြစ်လာရေး ဆောင်ရွက်ရာမှာ ပိုမို မြန်ဆန်လာ အောင်ဆိုပြီး ထိုင်းနဲ့ မြန်မာ အစိုးရတွေက ပုဂ္ဂလိက ကုမ္ပဏီတွေကို ပြီးခဲ့တဲ့နှစ်က စပြီး ဝန်ဆောင်ခွင့်ပေး လိုက်ပါတယ်။

အဲဒီလို ဝန်ဆောင်မှုလုပ်ငန်းတွေဟာ အခုဆိုရင် ထိုင်းတနိုင်ငံလုံးမှာ ကုမ္ပဏီ ၆၀ ရှိပြီးတော့၊ မဲဆောက် မြို့မှာ အဲဒီကုမ္ပဏီတွေရဲ့ရုံးခွဲ ၄၆ ခုရှိတယ်လို့ အလုပ်သမား အရေး ဆောင်ရွက်တဲ့ အဖွဲ့အစည်းတွေရဲ့ မှတ်တမ်းအရ သိရပါတယ်။

ဒီကုမ္ပဏီတွေဟာ မြန်မာရွှေ့ပြောင်းအလုပ်သမားတွေ အတွက် လိုအပ်တဲ့ ထိုင်းနိုင်ငံ က စာရွက်စာတမ်းတွေ မြန်မာဖက်မှာ နိုင်ငံသား စီစစ်တာကအစ၊ ယာယီနိုင်ငံကူး လက်မှတ်ရရှိတဲ့ အထိ ဆောင်ရွက်ပေး ကြပါတယ်။

ယာယီနိုင်ငံကူးလက်မှတ်ရတဲ့ အထိ အဆင့်ဆင့် လုပ်ဆောင်ရတာဖြစ်လို့ ဒီအတွက် ကုမ္ပဏီအတော်များများက ဝန်ဆောင်ခ ဘတ်ငွေ ၅၅၀၀ ယူတယ်လို့ ဆိုပါတယ်။

အဲဒီလို ဝန်ဆောင်မှု လုပ်ငန်းတွေထဲမှာ တိုက်ရိုက် ဝန်ဆောင်မှုပေးနေတဲ့ အမှန်အကန် ကုမ္ပဏီတွေနဲ့ သူတို့ရဲ့ လက်ခွဲဝန်ဆောင်မှု ပေးနေသူတွေ ရှိကြသလို အကြံအဖန်တွေ လည်း ရှိကြပါတယ်။

ယာယီနိုင်ငံကူးလက်မှတ်နဲ့ အလုပ်လုပ်ခွင့် ဝေါ့ခ်ပါမစ် ရထားပြီး၊ ထိုင်းနိုင်ငံမှာ ကိုယ်ပိုင် အလုပ်လုပ်တဲ့ သူတယောက် ရှင်းပြတာကတော့၊ ပါစ်ပို့စ် လုပ်တာက ဘတ် ၅၅၀၀ ကုန်ပြီး၊ ဝေါ့ခ်ပါမစ်က ဘတ် ၃၈၀၀ ကုန်ပါတယ်လို့ ဆိုပါတယ်။

ဒါပေမဲ့လည်း၊ မြန်မာရွှေ့ပြောင်း အလုပ်သမားတွေထဲက မသိ နားမလည်သူတွေ အတော်များများဟာ ဘတ်ငွေ တသောင်းကနေ တသောင်းငါးထောင်အထိ ပွဲစားတွေ ကို ပေးလိုက်ရတာတွေလည်းရှိပြီး၊ တချို့က လုံးဝ အလိမ်ခံ လိုက်ရတာတွေ ရှိကြောင်း သိရပါတယ်။

မြန်မာ စစ်ပြေးဒုက္ခသည်များအိုင်ဒီပီ ပြန်လည်နေရာ ချရေး

ပဲခူးတိုင်း ကျောက်ကြီး ဒေသမှာ ရှိတဲ့ အိုင်ဒီပီ ခေါ် စစ်ဘေး စစ်ဒဏ် ကြောင့် ပြည်တွင်းမှာ ရွှေ့ပြောင်း နေထိုင်သူ တွေ ကို ပြန်လည် နေရာ ချထားရေး အတွက် ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်း အဖွဲ့က ကရင် ပြည်နယ် တာဝန်ခံ လူဝန်မှု ကြီးကြပ်ရေး နဲ့ ပြည်သူ့အင်အား ဝန်ကြီး ဉီးခင်ရီ၊ KNU စစ်ရေး ကော်မတီ အတွင်းရေးမှူး ဉီးထူးထူးလေး အပါအဝင် နော်ဝေ အစိုးရ ဒုတိယ နိုင်ငံခြားရေး ဝန်ကြီး တို့ ကျောက်ကြီးမြို့ မှာဆွေးနွေး ခဲ့ပါတယ်။

KNU တပ်မဟာ ၃ နယ်မြေ ကျောက်ကြီး မြို့နယ်မှာ ရှိတဲ့ ကျေးရွာ အုပ်စု က အိုင်ဒီပီ ခေါ် စစ်ဘေးစစ်ဒဏ်ကြောင့် ပြည်တွင်းမှာ ရွှေ့ပြောင်း နေထိုင်သူ တွေ ကို ရှေးဉီး အစမ်းပျိုး ပိုင်းလော့ အစီအစဉ် အရ ညှိနှိုင်းပုံ၊ ငြိမ်းချမ်းရေး အစီအစဉ်ပါ မိသားစု ပြန်လည် ပေါင်းစည်းရေး လုပ်ငန်းစဉ် အရ ဖေါ်ဆောင်ပေးရာ တွင် လူဉီးရေ နှစ်ထောင် နီးပါးရှိ ပုံ ကို ဝန်ကြီး ဉီးခင်ရီ က ဘီဘီစီ ကို ရှင်းပြပါတယ်။

အဆိုပါ ကျေးရွာသားတွေ ကို နိုင်ငံသား အသိအမှတ် ပြုတဲ့ မှတ်ပုံတင် ထုတ်ပေးလိုက်ကြောင်းလည်း ဝန်ကြီး ဉီးခင်ရီ က ရှင်းပြပါတယ်။ ဒါကြောင်မို့ KNU နဲ့ ငြိမ်းချမ်းရေး ပြုလုပ်နေချိန် မှာ ပထမဆုံး အောင်မြင်မှု အဖြစ် သတ်မှတ်နိုင်ကြောင်းလည်း ပြောပါတယ်။

ပြန်လည် နေရာချထား ရာမှာ မူလ နေထိုင်ရာ ကို ပြန်သွားလိုသလား၊ နေရာသစ် မှာ အခြေချ နေထိုင်လိုသလား၊ သိန်းဂဏန်းချီ ပြီးရှိနေကြတဲ့ ရွာပြေး ရွာရှောင် တွေ အရေး ကို နောက်ပိုင်းမှာ စဉ်းစားပေးမယ် လို့လည်း သိရပါတယ်

ဒီနယ်မြေ တွေမှာ မြေမြုပ်မိုင်း တွေလည်း ရှိနေတဲ့ အတွက် အဆိုပါ အရေး ပူးပေါင်း ဖြေရှင်းဖို့ လိုသေးကြောင်း အပြင် ကြောင့်ကျမှု ကင်းစွာ နေထိုင် နိုင်ရေး ထည့်သွင်းစဉ်းစား မယ့် အကြောင်းလည်း ဆွေးနွေးဖြစ်ကြောင်း လည်း ဝန်ကြီး ဉီးခင်ရီ က ရှင်းပြပါတယ်။

ဝန်ကြီးချုပ်ဟောင်း Ahmed Shafiq ရုံး တိုက်ခိုက်ခံရအီဂျစ်ကော်မရှင် ကြေညာချက် ဆူပူမှု ထပ်ဖြစ်စေ

အီဂျစ်နိုင်ငံ ကိုင်ရိုမြို့မှာ သမ္မတလောင်း Ahmed Shafiq ရဲ့ မဲဆွယ် စည်းရုံးရေး ရုံးချုပ်ကို ဆန္ဒပြသူတွေက တိုက်ခိုက်ခဲ့ကြပါတယ်။

ရာနဲ့ချီတဲ့ လူတွေဟာ အဆောက်အဉီ ထဲကို ဝင်ရောက်မွှေနှောက် ၊ ပြုတင်းတံခါးတွေကို ရိုက်ချိုးပြီး ပိုစတာတွေကို ဆုတ်ဖြဲခဲ့ကြပါတယ်။

အဲဒီမှာ ရောက်နေတဲ့ ဘီဘီစီ သတင်းထောက်ရဲ့ ပြောဆိုချက်အရ ဒီအဆောင်အဉီဟာ အနည်းငယ် မီးရှို့ခံလိုက်ရပေမယ့် ဆိုးဆိုးရွားရွား ပျက်ဆီး မသွားဘူးလို့ သိရပါတယ်။

အရင် သမ္မတဟောင်း မူဘာရက် လက်ထက်တုန်းက ၀န်ကြီးချုပ် အဖြစ် တာဝန်ထမ်းဆောင်ခဲ့တဲ့ မစ္စတာ ရှဖစ်ခ် ဟာ နောက်လမှာ တကျော့ ထပ်ယှဉ်ပြိုင်ရမယ့် သမ္မတ ရွေးကောက်ပွဲမှာ မွတ်ဆလင် ညီနောင်များ အဖွဲ့က ကိုယ်စားလှယ် မိုဟာမက် မူအာဆီနဲ့ အပြိုင် အရွေးခံဖို့ ရွေးကောက်ပွဲ ကော်မရှင်က အတည်ပြု ကြေညာလိုက်ပြီးတဲ့နောက် နာရီပိုင်းအကြာမှာ အခုလို ဆန္ဒပြမှုတွေ ဖြစ်ပွားခဲ့တာပါ။

ဒီကြေညာချက်ကြောင့် ကိုင်ရိုမြို့လယ်က တာရီရာ ရင်ပြင်မှာလည်း အီဂျစ် ပြည်သူ တသောင်းနီးပါးလောက် ဆန္ဒပြခဲ့ ကြတယ်လို့ ဆိုပါတယ်။                      

ဆန္ဒပြပွဲ ပါတီတွေ အမြတ်မထုတ်ဖို့ ကော်မရှင် သတိပေး

By သင်းသီရိ

မြန်မာနိုင်ငံထဲ လတ်တလော ဖြစ်နေတဲ့  ဆန္ဒပြမှုတွေမှာ နိုင်ငံရေးပါတီတွေ မပတ်သက်ကြ ဖို့  ပြည်ထောင်စု ရွေးကောက်ပွဲ ကော်မရှင် က ဒီကနေ့ နိုင်ငံရေးပါတီတချို့ကို ခေါ်ယူ သတိပေးခဲ့ပါတယ်။ အထူးသဖြင့် လှိုင်သာယာမှာ ဖြစ်နေတဲ့ အလုပ်သမားတွေရဲ့ ပြဿနာမှာ နိုင်ငံရေးပါတီ တချို့က ၀င်ရောက် စွက်ဖက်မှုတွေ ရှိနေတယ်လို့  အလုပ်သမား ၀န်ကြီးဌာနကို တိုင်ကြားလာတာတွေ ရှိတဲ့အတွက် အခုလို ခေါ်ယူ တွေ့ဆုံရတာ ဖြစ်တယ်လို့ ရွေးကောက်ပွဲ ကော်မရှင် က ပြောပါတယ်၊ ဒီကနေ့ နေပြည်တော် က ရွေးကောက်ပွဲကော်မရှင်နဲ့  နိုင်ငံရေးပါတီတွေ တွေ့ဆုံမှု အခြေအနေ အပြည့်အစုံ ကိုတော့ မသင်းသီရိက ဆက်ပြောပြပေးပါ။

နေပြည်တော် မှာရှိတဲ့  ကော်မရှင်ရုံးအစည်းဝေးခန်းမမှာ ပြည်တောင်စုကော်မရှင်ဥက္ကဋ္ဌ ဦးတင်အေး လျှပ်စစ် ၀န်ကြီး ဌာန ရဲ့ ဒုဝန်ကြီး ဦးအောင်သန်းဦး၊ အလုပ်သမားဝန်ကြီးဌာနက  ဒုတိယ ၀န်ကြီး ဦးမြင့်သိန်းတို့က  နိုင်ငံရေးပါတီ ၅ ခု ကို  မေလ ၂၉ ရက် အင်္ဂါနေ့မနက်က ခေါ်ယူတွေ့ဆုံခဲ့တာဖြစ် ပါတယ်။ အဓိကကတော့  လတ်တလော မြန်မာနိုင်ငံထဲမှာ ဖြစ် နေတဲ့ အလုပ်သမားဆန္ဒပြမှုတွေ လျှပ်စစ် မီးပုံမှန်ရဖို့ ဆန္ဒဖော်ထုတ်မှုတွေမှာ နိုင်ငံရေးပါတီတွေ မပတ်သက်ဖို့ ခေါ်ယူ သတိပးခဲ့တာ ဖြစ်ပါ တယ်။

အခုသူတို့ခေါ်တွေ့တဲ့ နိုင်ငံရေးပါတီ ၅ခုကတော့  ကြံ့ခိုင်ဖွံဖြိုးရေးပါတီ၊ အမျိူးသားဒီမိုကရေစီအဖွဲ့ချုပ် NLD ၊ အမျိူးသား ဒီမိုကရေစီအင်အားစု NDF နဲ့  ပြည်ထောင်စုမြန်မာနို်င်ငံ အမျိုးသား နိုင်ငံရေး အဖွဲ့ချုပ်ပါတီ နဲ့ နောက်ထပ်  နိုင်ငံရေးပါတီ တွေ ဖြစ်ပြီး ဒီပါတီတွေဟာ အခုလက်ရှိပြဿနာတွေမှာ ၀င်ရောက် ပတ်သက်နေတာတွေရှိတာကြောင့် ကော်မရှင်က ခေါ် တွေ့တာ ဖြစ်တယ်လို့လည်း  နိုင်ငံရေးပါတီတွေက ပြောပါတယ်၊ အထူးသဖြင့်ကတော့ လှိုင်သာယာမှာ ဖြစ်နေတဲ့ အလုပ် သမား ဆန္ဒပြမှုတွေမှာ နိုင်ငံရေးပါတီတွေ ပတ်သက်နေတယ်ဆိုတဲ့ တိုင်ကြားမှုတွေ ရှိတာကြောင့် ခေါ်တွေ့တာဖြစ်တယ် လို့  NDF ပါတီက ဦးစိုးဝင်း က ပြောပါတယ်။

“စစချင်းမှာကျတော့ နိုင်ငံရေးပါတီတွေက ၀င်မပတ်သက်ဘူးဆိုတဲ့ သဘောပေါ့လေ။ လှိုင်သာယာကိစ္စမှာ ဘယ်လို ရ အောင် တောင်း၊ ဆိုတာမျိုး ပါတီတွေက ၀င်လုပ်တဲ့အတွက် သူတို့ ညှိလို့ မရဘူးတဲ့။ တိုင်တာက စပယ်ပွင့်စက်ရုံက တိုင် တာတဲ့။ NLD က ၀င်ပြီးတော့ အလုပ်သမားတွေကို သောက်ရေ သန့်တွေ မုန့်တွေ လာဝေတာမျိုးလုပ်တယ်ပေါ့။ ဒါဟာ ဆန္ဒပြအလုပ်သမားတွေကို အားပေးပါ တယ်၊ သွေးထိုးလှုံ့ဆော်ပေးတယ် ဆိုတာမျိုး ပြောတာပေါ့။”

ဒီတိုင်ကြားမှုအပေါ်မှာ NDF ပါတီကိုယ်စားတက်လာတဲ့ ဦးစိုးဝင်းက ကော်မရှင်နဲ့ ၀န်ကြီးဌာနတွေ ကို ပြန်ရှင်းပြတဲ့ အချက် တွေကတော့

“နိုင်ငံရေးပါတီတွေကိုကျတော့ အလုပ်သမားတွေက အားကိုးတကြီးနဲ့ သူတို့ရဲ့ အခက်အခဲတွေကို တင်ပြလာတဲ့အခါမှာ တော့ ၀င်ရောက်စွက်ဖက်တယ်ဆိုတာမျိုး မဟုတ်ဘူး။ ညှိနှိုင်းဖြေရှင်းပေးဖို့ လုပ်ဆောင်ရမှာကတော့ တာဝန်ပဲ..လို့၊ အခက်အခဲတွေ့အောင် ကပျက်ယပျက်လုပ်တာမျိုး၊ ပြည်သူနဲ့ အဆင်မပြေအောင် ကျနော်တို့ ဒါမျိုးတွေလုပ်မှာ မဟုတ်ပါဘူးလို့။”

NDF ပါတီက ဦးစိုးဝင်းပါရှင်။ NLD အမျိူးသားဒီမိုကရေစီအဖွဲ့ချုပ်ကတော့ သူတို့အနေနဲ့ ဆန္ဒပြမှုတွေပေါ် NLD အဖွဲ့ဝင် တွေအတွက် တစုံတရာ သဘောထား ထုတ်ပြန်ထားမှု မရှိပေမဲ့ လူထုရဲ့ ငြိမ်းချမ်းစွာ ဆန္ဒဖော်ထုတ်မှုတွေကို ကူညီပေးဖို့ ဟာ  နိုင်ငံရေးပါတီတွေရဲ့ တာဝန်ဖြစ်တယ်ဆိုတာကို ပြန် ရှင်းပြ ခဲ့တယ်လို့ ဒီဆွေးနွေးပွဲကို တက်ခဲ့တဲ့ NLD ပါတီရဲ့ အတွင်းရေးမှူးအဖွဲ့ဝင် ဦးအုန်းကြိုင် ကလည်း ပြောပြ ပါတယ်။

“ကျနော်တို့ အဖွဲ့ချုပ်အနေနဲ့ကတော့ ကျနော်တို့ ပါတီဝင်တွေကို ဒီကိစ္စနဲ့ ပတ်သက်လို့ သဘောထား တစုံတရာ ထုတ်ပြန် ထားတာမရှိဘူး။ ပါတီဝင်ဆိုတာလည်း ပြည်သူတွေပဲ ဖြစ်တယ်၊ အဲဒီတော့ ခုတော့ အလုပ်သမားဝန်ကြီးတို့ လျှပ်စစ် ၀န်ကြီး တို့ ရှင်းပြသွားတဲ့အတိုင်းပဲ၊ ဒီပြဿနာတွေက ခုမှ ဖြစ်နေတာ လည်း မဟုတ်ဘူး၊ နှစ်စဉ်လည်း ဖြစ်နေတယ်၊ ကျနော် တို့ အသိပဲဖြစ်တယ်၊ ဒီနှစ်ကျတော့ လူတွေက လွတ်လွတ်လပ်လပ် စုရုံးခွင့်တွေ ရလာတယ်၊ ရလာတော့ လူတွေ က သူတို့ ဆန္ဒတွေကို ငြိမ်းငြိမ်း ချမ်းချမ်း ဖော်ထုတ်ကြတာဖြစ်တယ်၊ ဒါတွေကို ဖြေရှင်းပေးဖို့က အစိုးရမှာ တာဝန်အရှိဆုံး ပဲ၊ ကျနော်တို့ ပါတီတွေဘက်ကတော့ တတ်နိုင်သလောက်ပူးပေါင်းကူညီပေးဖို့ပဲတတ်နိုင်တယ်၊ ကျနော် အဲလို ရှင်းပြခဲ့ပါ တယ်။ ။

NLD ပါတီရဲ့ အတွင်းရေးမှူးအဖွဲ့ဝင် ဦးအုန်းကြိုင်ပါ။ ကြံ့ခိုင်ဖွံ့ဖြိုးရေးပါတီရဲ့ ဥက္ကဋ္ဌ ဦးဌေးဦး ကတော့  စက်ရုံအလုပ်ရုံတွေ ရှိနေတဲ့အတွက် အလုပ်ရကြတာ ဖြစ်ပြီး အလုပ်သမားတွေအတွက်လည်း ရသင့် ရထိုက်တဲ့ အခွင့်ရေးတွေ ရဖို့ လိုတယ် ဆိုတဲ့ အမြင်နဲ့  ၀င်ရောက် ညှိနှိုင်းတာသာ ဖြစ်တယ်လို့ ပြောပါ တယ်။

“ကျနော်တို့ကတော့ ဒီကိစ္စကို အကျယ်အကျယ် မဖြစ်စေချင်ပါဘူး။ အဲဒီမှာ ဒီစက်ရုံတွေ ရှိနေလို့သာ အလုပ်သမားတွေ အလုပ်ရနေကြတာပေါ့၊ အလုပ်အကိုင်ရတဲ့ အလုပ်သမားတွေအနေနဲ့လည်းပဲ  ရသင့်ရထိုက်တဲ့ အခွင့်အရေးကို သူတို့ ရရမှာ ပေါ့။ ဒီနှစ်ခုကိုတော့ အလုပ်ရှင်ရော အလုပ်သမားဘက် ကရော အားလုံးအဆင်ပြေအောင် ညှိနှိုင်း ဖြေရှင်း ပေးနိုင် ရေး အတွက်ပဲ ကျနော်တို့ ၀င်ရောက်ဆောင်ရွက်သွားမှာ ဖြစ်ပါတယ်။”

ကြံ့ခိုင်ဖွံဖြိုးရေးပါတီရဲ့ ဥက္ကဋ္ဌ ဦးဌေးဦး က ပြောပြခဲ့တာပါ။

ဒီတွေဆုံမှု အဆုံးမှာတော့ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက ဒီအခြေနေတွေ ကို နိုင်ငံရေး ပါတီတွေအနေနဲ့ ဥပေဒနဲ့အညီ မှန်မှန် ကန်ကန် ရပ်တည်ဖို့ နဲ့  ပြည်သူတွေကို စည်းရုံး ရှင်းပြကာ  တိုင်းပြည် တိုးတက် အောင် နိုင်ငံရေးပါတီတွေက ၀ိုင်းလုပ်ဆောင်ကြဖို့ကို တိုက်တွန်းသွား တယ် လို့လည်း ပြောပါတယ်။

အယ်လ်ကိုင်းဒါး ဒုခေါင်းဆောင် သေဆုံး

By Nyein Khet

အာဖဂနစ္စတန် နိုင်ငံမှာ ရှိနေတဲ့ အယ်လ်ခိုင်းဒါး အကြမ်းဖက်အဖွဲ့ရဲ့ ဒုတိယအဆင့် အမြင့်ဆုံး ခေါင်းဆောင် ကို လေကြောင်း တိုက်ခိုက်မှု တခုအတွင်း သုတ်သင်လိုက်တဲ့အကြောင်း အာဖဂန်နဲ့ ညွန့်ပေါင်းတပ်ဖွဲ့တွေ က ပြောပါတယ်။ သေဆုံးသူ အကြမ်းဖက်အဖွဲ့ ခေါင်းဆောင်ဟာ Mustaq, Nasim စတဲ့ အမည်တွေနဲ့လည်း ထင်ရှားတဲ့ ဆော်ဒီနိုင်ငံသား Sakhr al-Taifi ဖြစ်တယ်လို့လည်း ညွန့်ပေါင်း တပ်ဖွဲ့ရဲ့ ဒီကနေ့ ထုတ်ပြန် တဲ့ ကြေညာချက် က ဖော်ပြခဲ့တာပါ။

သူဟာဆိုရင် အာဖဂန်နဲ့ ညွန့်ပေါင်း တပ်တွေကို တိုက်ခိုက်ရမှာ ညွန်ကြားနေသူ တဦးဖြစ်သလို၊ အယ်လ်ခိုင်းဒါး ထိပ်တန်း ခေါင်းဆောင်တွေရဲ့ အမိန့်တွေကို ယူဆောင်ပြီး အာဖဂန်နဲ့ အိမ်နီးချင်း ပါကစ္စတန်နိုင်ငံတို့ကြား မကြာခန သွားလာနေသူ၊ အာဖဂန် အရှေ့ပိုင်းမှာ ရှိ တဲ့ သောင်းကျန်းသူတွေကို လက်နက်နဲ့ ထောက်ပံ့ရေး ပစ္စည်းတွေ ပေးပို့နေသူတဦး ဖြစ်တယ်လို့ လည်း ကြေညာချက် က ပြောပါတယ်။

လေကြောင်း တိုက်ခိုက်မှုဟာ အာဖဂန်နိုင်ငံ Kunar ပြည်နယ် မှာ ဖြစ်ပွားခဲ့ပြီး နောက်ထပ် အယ်လ်ခိုင်းဒါး အကြမ်းဖက်သမား တဦးလည်း သေဆုံးခဲ့တယ်လို့ ဖော်ပြခဲ့ပါ တယ်။ ပါကစ္စတန် အနောက်မြောက် ဘက် ဒေသ နဲ့ နယ်စပ်ချင်း ထိစပ်နေတဲ့ Kunar ပြည်နယ်ဟာဆိုရင် အယ်လ်ခိုင်းဒါးနဲ့ တာလီဘန် စစ်သွေးကြွတွေ ခိုအောင်းရာ နေရာအဖြစ် ထင်ရှားတဲ့ ဒေသတခုလည်း ဖြစ်ပါ တယ်။

နျူကလီယား ဒုံးကျည် ပါကစ္စတန် စမ်းသပ်အောင်မြင်

By VOA

နျူကလီယား ထိပ်ဖူး တပ်ဆင်နိုင်တဲ့ တာတိုပစ် ဒုံးကျည်ကို အောင်အောင်မြင်မြင် စမ်းသပ်ပစ်လွှတ်နိုင်ပြီလို့ ပါကစ္စတန် စစ်တပ်က အင်္ဂါနေ့က ကြေငြာလိုက်ပါတယ်။

Hatf 9 (Nasr) အမျိုးအစား  တာတိုပစ် ဒုံးကျည်ဟာ  ကီလိုမီတာ  ၆၀ အတွင်းပစ်ခတ်နိုင်ပြီး   အထူးသဖြင့်  သိပ် မဝေးကွာလှတဲ့ ဒေသတွေက   ခြိမ်းချောက်မှုမျိုးတွေ  ကို တားဆီးနိုင်ဖို့ ထုတ်လုပ်တာဖြစ်ကြောင်း  ပါကစ္စတန် စစ်တပ်က ထုတ်ပြန်တဲ့ ကြေငြာချက်မှာ ဖေါ်ပြထားပါတယ်။

ဒါဟာ ဒေသတွင်း တည်ငြိမ်ရေးအတွက် အာမခံရစေဖို့   ဒေသတွင်းကလာတဲ့  ခြိမ်းချောက်မှုမျိုးတွေ ကို တားဆီးနိုင်ဖို့  ကြိုးစားမှုအတွက်   ဒီစမ်းသပ်မှုဟာ   အဓိက အောင်မြင်မှုကြီးတရပ်လို့  ဒုဗိုလ်ချုပ်ကြီး  Kha lid   Ahmed Kid  wa i   ရဲ့ ပြောကြားချက်ကိုလည်း ကြေငြာချက်မှာ ဖေါ်ပြထားပါတယ်။

ဒါဟာ    အိန္ဒိယနိုင်ငံက   နျူကလီယား ထိပ်ဖူးတပ် ဒုံးကျည်ကို   တရုတ်နိုင်ငံ ဘေဂျင်းမြို့ အထိ ရောက်အောင်  ပစ်လွှတ် နိုင်တယ် လို့ ကြေငြာခဲ့တဲ့  ဧပြီလက စပြီး  ပါကစ္စတန်နိုင်ငံက    ဒုံးလက်နက်ကို    တတိယ အကြိမ်မြောက်  စမ်းသပ်ပစ် လွှတ်တာ ဖြစ်ပါတယ်။

ကျဆုံးသူစစ်သည်တွေ သမ္မတအိုဘားမား ဂုဏ်ပြု

By ဗွီအိုအေ (မြန်မာဌာန)

• အခု တနင်္လာနေ့မှာကျရောက်တဲ့ အောက်မေ့ဖွယ်နေ့မှာတော့ အမေရိကန်သမ္မတ ဘရက်ခ်အိုဘားမားက အမေရိကန်ပြည်ထောင်စုရဲ့ စစ်ပြန်စစ်မှုထမ်းတွေနဲ့ သူတို့မိသားစုဝင်တွေကို ဦးညွှတ်ဂုဏ်ပြုခဲ့ပါတယ်။ အမေရိကန်တလွှားမှာတော့ အောက်မေ့ဖွယ်နေ့ အထိမ်းအမှတ် အခမ်းအနားတွေကို ကျင်းပနေကြပါတယ်။

ဝါရှင်တန်မြို့အပြင်စပ်နားက Arlinton အမျိုးသားစစ်သင်္ချိုင်းမှာ သမ္မတအိုဘားမားက မိန့်ခွန်းပြောပါတယ်။ အခုဆိုရင် ၉ နှစ်အတွင်း ပထမဆုံးအကြိမ်အဖြစ်နဲ့ အမေရိကန်တွေဟာ အီရတ်နိုင်ငံထဲမှာ စစ်ဆင်တိုက်ခိုက်နေတာတွေ သေဆုံးနေတာတွေမရှိတော့ဘူးလို့ သမ္မတ အိုဘားမားက ပြောပါတယ်။ ဒါ့အပြင် အာဖဂန်ကစစ်ပွဲတွေကိုလည်း အရှိန်လျှော့ချနေတယ်လို့ ပြောပါတယ်။

အမည်းရောင်တိမ်တိုက်စစ်ပွဲတွေကနေ အခု ဆယ်စုနှစ်တခုအကြာမှာ အမေရိကန်ပြည်သူတွေဟာ မိုးကုတ် စက်ဝိုင်းရဲ့ နေ့သစ်အလင်းကို မြင်တွေ့နိုင်ကြပြီလို့ သမ္မတ အိုဘားမားက တင်စားပြောဆိုသွားပါတယ်။ အခုလို အောက်မေ့ဖွယ်နေ့ကို ၁၈၆၈ ခုနှစ်မှာ Decoration Day ဆုတံဆိပ်တွေ ချီးမြှင့်တဲ့နေ့အနေနဲ့ ကနဦး စတင် ကျင်းပခဲ့တာပါ။ အဲဒီတုန်းကတော့ လူပေါင်း ၆ သိန်းကျော်အသက်ဆုံးရှုံးခဲ့တဲ့ အမေရိကန် ပြည်တွင်းစစ်အပြီး သုံးနှစ်မှာ ကျင်းပတာဖြစ်ပါတယ်။

ဒီနေ့နှောင်းပိုင်းမှာတော့ သမ္မတအိုဘားမားဟာ ဗီယက်နမ် စစ်ပြန်စစ်မှုထမ်းဟောင်း အမှတ်တရနေရာကို သွားရောက်လည်ပတ် ကြည့်ခဲ့ပါတယ်။ အခုလို ဗီယက်နမ်စစ်ပွဲနဲ့ စစ်ပြန်တွေကြောင့်ပဲ အမရိကန်ပြည်ထောင်စုဟာ သူ့စစ်တပ်ကို ပိုပြီး ကောင်းမွန်အောင် လုပ်နိုင်ခဲ့သလို စစ်ပြန်တွေကိုလည်း ကောင်းကောင်းမွန်မွန်ဂုဏ်ပြုခဲ့ကြတယ်လို့ သမ္မတအိုဘားမားက ပြောပါတယ်။