29.05.2012 နေ့ဖတ်ရန်သတင်းများ

by Myanmar Journal on Monday, May 28, 2012 at 5:43pm ·

တိုနီဘလဲကို ရူးပတ် မားဒေါ့နဲ့ ရင်းနှီးသူလို့ စွပ်စွဲ မှုတွေ ရှိခဲ့မီဒီယာနဲ့ ဆက်ဆံရေးအကြောင်း တိုနီဘလဲ ထွက်ဆို

ဗြိတိန် နိုင်ငံမှာ သတင်း မီဒီယာ ကျင့်ဝတ်နဲ့ ပတ်သက်ပြီး ကာလ ရှည်ကြာ ပြုလုပ် နေတဲ့ စုံစမ်း စစ်ဆေးမှု တခုမှာ နိုင်ငံရေး သမား တွေနဲ့ သတင်း သမားတွေကြား ဆက်ဆံရေး ဟာ ပုံစံ မကျဘူးလို့ ဗြိတိသျှ ဝန်ကြီးချုပ် ဟောင်း တိုနီ ဘလဲက ထွက်ဆို ခဲ့ပါတယ်။

ဒါပေမယ့် သိပ် အဆင်ပြေ နေတဲ့ ပုံစံ မျိုးလည်း မဟုတ်ဘူး လို့ သူက ပြောပါတယ်။

မစ္စတာ ဘလဲဟာ News Corporation သတင်း အဖွဲ့အစည်း ရဲ့ ပိုင်ရှင် Rupert Murdoch နဲ့ နီးစပ် လွန်းတယ်လို့ စွပ်စွဲ ခံခဲ့ ရပါတယ်။

၁၉၉၄ ခုနှစ်မှာ သူလေဘာ ပါတီခေါင်း ဆောင် ဖြစ်မလာခင် တုန်းက News Corporation ဟာ လေဘာ ပါတီအပေါ် အတော် ပြင်းပြင်း ထန်ထန် ဝေဖန် ခဲ့တာ ဖြစ်ပါတယ်။

မစ္စတာ ဘလဲက ၁၉၉၂ ခုနှစ် အထွေထွေ ရွေးကောက်ပွဲ ကာလမှာ မစ္စတာ မားဒေါ့ရဲ့ သတင်းစာ တွေက ရေးသားချက် တွေကို သူ့စိတ်ထဲမှာ ထင်ကျန် နေခဲ့ပြီး နောက်နောင် ဘယ်တော့မှ အဲဒီလို မဖြစ်ရအောင် လုပ်ဖို့ အခိုင်အမာ ဆုံးဖြတ် ခဲ့တယ်လို့ ပြောပါတယ်။

ဘင်္ဂလားဒေ့ရှ် အစ္စလာမ္မစ်ပါတီ ခေါင်းဆောင်ကို တရားစွဲ

နိုင်ငံရေးအရ စွပ်စွဲခံရတာလို့ Rahman Nizami ကို ထောက်ခံ သူတွေကဆို

ဘင်္ဂလားဒေ့ရှ် အစိုးရ က ဖွဲ့စည်း ပေးထားတဲ့ ခုံရုံး တခုက နိုင်ငံရဲ့ အကြီးဆုံး အစ္စလာမ္မစ် ပါတီ ခေါင်းဆောင်ကို စစ်ရာဇဝတ်မှု တွေနဲ့ စွဲချက်တင် လိုက်ပါတယ်။

Jamaat-e-Islami ပါတီရဲ့ ခေါင်းဆောင် Matiur Rahman Nizami ဟာ လူသတ်မှု၊ လူမျိုးတုန်း သုတ်သင်မှု စွဲဆိုချက် တွေနဲ့ ရင်ဆိုင် ရတော့မှာ ဖြစ်ပါတယ်။

၁၉၇၁ ခုနှစ် တုန်းက ပါကစ္စတန် နိုင်ငံ ကနေ ခွဲထွက် ခဲ့တဲ့ လွတ်လပ်ရေး လှုပ်ရှားမှု တွေနဲ့ ဆက်နွယ်ပြီး သူ့ကို စွပ်စွဲ ထားတာ ဖြစ်ပါတယ်။

သူ့ပါတီက ဒီစွပ်စွဲမှု တွေကို နိုင်ငံရေးအရ လုပ်တာလို့ ပြောဆို နေပြီး ဘင်္ဂလားဒေ့ရှ် အာဏာပိုင် တွေကတော့ ဒါကို ငြင်းဆို ထားပါတယ်။

မြန်မာနိုင်ငံကို ရောက်ရှိနေတဲ့ မန်မိုဟန် ဆင်းအိန္ဒိယ ဝန်ကြီးချုပ် မြန်မာ နိုင်ငံ ရောက်ရှိနေ

၂၅ နှစ် အတွင်းမှာ မြန်မာ နိုင်ငံကို ပထမဆုံး အကြိမ် လာရောက်တဲ့ အိန္ဒိယ ခေါင်းဆောင် ဖြစ်သူ အိန္ဒိယ ဝန်ကြီးချုပ် မန်မိုဟန် ဆင်းဟာ သူ့ရဲ့ ၃ ရက်ကြာ ခရီးစဉ်ကို စတင်လိုက်ပြီ ဖြစ်ပါတယ်။

အိန္ဒိယ ဝန်ကြီးချုပ်က အိမ်နီးချင်း မြန်မာ နိုင်ငံနဲ့ ပိုမို ခိုင်မာတဲ့ ကုန်သွယ်မှု နဲ့ ရင်းနှီးမြှုပ်နှံမှု တွေကို လုပ်လိုကြောင်း ပြောပါတယ်။

မြန်မာ နိုင်ငံဘက်က ရေနံ နဲ့ သဘာဝ ဓာတ်ငွေ့တွေက အိန္ဒိယ အပေါ် စွဲဆောင်နေသလို မြန်မာ နိုင်ငံ အပေါ် တရုတ်ရဲ့ နိုင်ငံရေးနဲ့ စီးပွားရေး ဆိုင်ရာ ကူးလူး ဆက်ဆံမှုတွေ အပေါ်မှာလည်း စိုးရိမ်မှုတွေ ရှိနေပါတယ်။

တရုတ်ဟာ မြန်မာနိုင်ငံ ထဲမှာ ရေနံနဲ့ သဘာဝ ဓာတ်ငွေ့ ရှာဖွေရေးတွေ ဘက်မှာ လွှမ်းမိုးထား သလို လမ်း၊ တံတား၊ ပိုက်လိုင်းနဲ့ ဆိပ်ကမ်း တည်ဆောက်ရေးတွေ ဘက်မှာလည်း လွှမ်းမိုး ထားပါတယ်။

တနင်္လာနေ့ မှာ မန်မိုဟန် ဆင်းဟာ နေပြည်တော် မှာ သမ္မတ ဉီးသိန်းစိန် နဲ့တွေ့ဆုံ မှာဖြစ်ပြီး၊ အင်္ဂါနေ့မှာတော့ ရန်ကုန်မြို့မှာ ဒေါ်အောင်ဆန်းစုကြည် နဲ့ တွေဆုံမှာ ဖြစ်သလို အိန္ဒိယ လူမှု အဖွဲ့အစည်း တွေနဲ့ လည်း တွေ့ဆုံ သွားမှာ ဖြစ်ပါတယ်။ ဆက်လက်ပြီး ရွှေတိဂုံ စေတီတော် ကိုလည်း သွားရောက် ဖူးမျှော်မှာ ဖြစ်ပြီး၊ အိန္ဒိယရဲ့နောက်ဆုံး မဂိုဘုရင်ရဲ့ သင်္ချိုင်းဂူကိုလည်း သွားရောက်မှာ ဖြစ်ပါတယ်။

ကုလသမဂ္ဂ လုံခြုံရေး ကောင်စီဆီးရီးယားကို လုံခြုံရေးကောင်စီ ရှုံ့ချ

ဆီးရီးယား နိုင်ငံမှာ ရှိတဲ့ ကုလသမဂ္ဂ စောင့်ကြည့်ရေး အဖွဲ့ရဲ့ အကြီးအကဲ ဖြစ်တဲ့ ဗိုလ်ချုပ် ရောဘတ် မုဒ်က ကုလသမဂ္ဂ လုံခြုံရေး ကောင်စီမှာ ဟိုလာမြို့မှာ ဖြစ်ခဲ့တဲ့ အစုလိုက် အပြုံလိုက် သတ်ဖြတ်မှုနဲ့ ပတ်သက်လို့ အစီရင်ခံ ခဲ့ပါတယ်။

အဲဒီ သတ်ဖြတ်မှုဟာ ဆီးရီးယား အစိုးရ တပ်ဖွဲ့တွေရဲ့ လက်နက်ကြီး တွေသုံးပြီး တိုက်ခိုက်ခဲ့ မှုကြောင့် ဖြစ်ပြီး၊ ကလေး သူငယ်တွေ အပါအဝင် အများအပြား သေကြေခဲ့ရတဲ့ အကြောင်းကို ဗိုလ်ချုပ်မုဒ်က ပြောကြားခဲ့တဲ့ အကြောင်း အဲဒီမှာ ရှိတဲ့ ဗြိတိသျှ သံအမတ်က ဘီဘီစီကို ပြောပါတယ်။

အဲဒီလို အရပ်သူ အရပ်သား တွေသေကြေ ပျက်စီးမှုဟာ ဆီးရီးယား အစိုးရတပ်တွေက လူနေရပ်ကွက် တွေကိုပစ်ခတ် ခဲ့တာကြောင့် ဖြစ်တဲ့ အတွက် လုံခြုံရေး ကောင်စီက အဲဒါ နဲ့ ပတ်သက်လို့ ကြေငြာချက် တရပ် ထုတ်ပြန်ပြီး ပြစ်တင် ရှုံ့ချ လိုက်ပါတယ်။

ဒီကြေညာချက် ထဲမှာ အရပ်သား ပြည်သူတွေ အပေါ်မှာ ပြင်းထန်စွာ အင်အားသုံးစွဲ တိုက်ခိုက်တာဟာ နိုင်ငံတကာ ဥပဒေတွေ သာမကဘဲ ဆီးရီးယား အစိုးရက လူနေထူထပ် တဲ့ နေရာတွေကို လက်နက်ကြီး တွေနဲ့ မတိုက်ခိုက်ဖို့ အတွက် လိုက်နာဖို့ ကတိ ပေးထားတဲ့ လုံခြုံရေး ကောင်စီရဲ့ ပြဌာန်းချက် တွေကိုလည်း ချိုးဖောက်ရာ ရောက်ကြောင်း နဲ့ လုံခြုံရေး ကောင်စီ အဖွဲ့ဝင်တွေက အခုဖြစ်နေတဲ့ တိုက်ခိုက်မှု တွေကို အဆုံးသတ်ဖို့ နှစ်ဘက်စလုံးကို တောင်းဆိုကြောင်းတွေ ပါဝင် ပါတယ်။

ဆက်လက်ပြီး အခုလို အရပ်သား ပြည်သူတွေ အပေါ်မှာ အင်အားသုံးပြီး တိုက်ခိုက် နေတာဟာ လက်မခံနိုင်စရာ ဖြစ်ကြောင်း နဲ့ ဒီ အတွက် တာဝန် ရှိသူ တွေကို လည်း ဖော်ထုတ် သွားမယ်လို့ ဆိုထားပါတယ်။

ဆီးရီးယား အစိုးရ ကိုလည်း လူနေထူထပ်တဲ့ နေရာတွေ ကနေ တပ်ဖွဲ့တွေကို ချက်ခြင်း ပြန်လည် ရုတ်သိမ်း သွားဖို့ အတွက် ကိုလည်း တောင်းဆိုလိုက် ပါတယ်။

ဒီ ကုလသမဂ္ဂ က လုံခြုံရေး ကောင်စီက ထုတ်ပြန်လိုက်တဲ့ ကြေညာချက် နဲ့ပတ်သက်ပြီး ကုလသမဂ္ဂ ဆိုင်ရာ ဆီးရီးယား သံအမတ်ကတော့ ဒါဟာ လုံခြုံရေးကောင်စီ အဖွဲ့ဝင် တချို့ရဲ့ ဆူနာမီ လို ကြီးမားတဲ့ လိမ်လုံး ကြီးတွေ ဖြစ်တယ်လို့ ဆိုပြီး ရှုံ့ချ လိုက်ပါတယ်။

ဆီးရီးယား သံအမတ် မစ္စတာ ဂျာ အာဖာရီက ဟိုလာ မြို့မှာ အရပ်သူ အရပ်သားတွေ အများအပြား အသတ်ခံခဲ့ရတယ် ဆိုတာက ဟုတ်မှန်ကြောင်း ပြောပေမယ့် ဒီအပေါ်မှာ ဆီးရီးယား အစိုးရ ဘက်က တပ်ဖွဲ့တွေကို အပြစ်ပုံချတာ ကတော့ သနားစရာတောင် ကောင်းနေကြောင်း ပြောပါတယ်။

သူက အဲဒီ သေဆုံးခဲ့ရသူ တွေထဲက အများစုဟာ လက်နက်ကြီး တွေနဲ့ ပစ်ခတ် ခံရလို့ သေဆုံး ခဲ့တာ မဟုတ်ကြောင်း နဲ့ အနားကပ်ပြီး လုပ်ကြံ သတ်ဖြတ် ခံခဲ့ရတာ ဖြစ်ကြောင်း တွေကို ပြောကြား သွားပါတယ်။

ဗြိတိသျှ နိုင်ငံခြားရေး ဝန်ကြီး ဝီလီယံ ဟိဂ်ဆီးရီးယား အာဏာပိုင်တချို့ မဝင်လာဖို့ ဗြိတိန်ပိတ်ပင်နိုင်

ဆီးရီးယား အာဏာပိုင် တွေမှာ လူ့အခွင့်အရေး ချိုးဖောက်မှုတွေ လုပ်ခဲ့တဲ့ သတင်း အထောက် အထားတွေ ရှိရင် အဲဒီလူတွေကို လန်ဒန် မြို့မှာ ကျင်းပမဲ့ အိုလံပစ် ပြိုင်ပွဲ တွေကို လာရောက် ကြည့်ရှု ခွင့်ကို ပိတ်ပင် နိုင်တဲ့ အခွင့်အာဏာမျိုး ဗြိတိန် မှာ ရှိတယ်လို့ ဗြိတိသျှ နိုင်ငံခြားရေး ဝန်ကြီး ဝီလီယံဟိဂ်က ပြောပါတယ်။

ဆက်လက်ပြီး မစ္စတာ ဟိဂ်က သူ့အနေနဲ့ ဘယ်သူ ဘယ်ဝါကိုမှ ရည်ရွယ်ပြီး ပြောတာမျိုး မဟုတ်တဲ့ အကြောင်း ကိုလည်း ပြောကြား ပါတယ်။

ဆီးရီးယား အာဏာပိုင် တွေဘက်ကတော့ တကယ်လို့ ဗြိတိန်က သမ္မတ ဘာရှာ အဲလ် အာဆတ်ဒ် နဲ့ ပတ်သက်သူ မှန်သမျှကို လာရောက်ခွင့်ကို ပိတ်ပင် ချင်တယ်ဆိုရင်တော့ ဆီးရီးယား လူမျိုး အားလုံးကို ပိတ်ပင် ရမှာ ဖြစ်တယ်လို့ ဆိုလိုက်ပါတယ်။

အကြောင်းကတော့ ဒီလူတွေ အားလုံးက သမ္မတကို ထောက်ခံ ကြလို့ ဖြစ်တယ်လို့လည်း ပြောပါတယ်။

ဆက်လက်ပြီး ဆီးရီးယား အားကစား သမားတွေကိုတော့ ပိတ်ပင်လို့ မရနိုင်ကြောင်းနဲ့ သူတို့တွေဟာလည်း ဆီးရီးယား အလံအောက်မှာ ယှဉ်ပြိုင် သွားကြမှာ ဖြစ်တယ်လို့ ဆိုလိုက်ပါတယ်။

ဒမတ်စကပ်ကို ရောက်လာလာချင်း ကိုဖီ အာနန်က သတင်းစာရှင်းလင်းပွဲ လုပ်ခဲ့ပါတယ်။ဆီးရီးယားက အဆိုးဝါးဆိုး သတ်ဖြတ်မှု

ဆီးရီးယား အနောက်ပိုင်းက ဟိုလာ ကျေးရွာမှာ ဖြစ်ပွား ခဲ့တဲ့ အစုအပြုံလိုက် လူသတ်ပွဲ ကတော့ တနှစ်ကျော် ကြာနေတဲ့ ဆီးရီးယား အပစ်အခတ် တွေ ထဲမှာ အဆိုးဆုံး ဖြစ်ရပ် တခု ဖြစ်ပါတယ်။

ကလေး ၄၉ ယောက် အမျိုးသမီး ၃၄ ယောက် အပါအဝင် အနည်းဆုံး ၁ဝ၈ ယောက် သတ်ဖြတ် ခံခဲ့ရတယ်လို့ ကုလ သမဂ္ဂ မြေပြင် စောင့်ကြည့် လေ့လာသူ တွေ က အတည်ပြု ပြောကြား ပါတယ်။ ဒီ သတ်ဖြတ်မှုတွေဟာ ဘယ်သူ့ လက်ချက်နဲ့ သေဆုံး ခဲ့ရတယ် ကတော့ မရှင်းလင်း သေးပေမယ့် အစိုးရ ဆန့်ကျင်သူ တွေနဲ့ မျက်မြင် သက်သေတွေကို တွေ့ခွင့် ရခဲ့တဲ့ သတင်းထောက် နဲ့ လူ့ အခွင့် အရေး အုပ်စု တချို့ ကတော့ ဆီးရီးယား စစ်တပ်နဲ့ သမ္မတ အာဆတ်ကို ထောက်ခံတဲ့ ရှာဘီဟာ အရပ်သား လက်နက်ကိုင် အဖွဲ့ လက်ချက်လို့ ဆိုပါတယ်။

အစိုးရကတော့ သူ့တပ်သားတွေ တိုက်ခိုက်ခံရတယ်၊ လက်နက်ကိုင် အကြမ်းဖက်တွေက အရပ်သားတွေကို သတ်ဖြတ် ခဲ့တာဆိုပြီး ငြင်းဆို ခဲ့ပါတယ်။ ဒီဖြစ်ရပ်ကို အင်အား မမျှမတ သုံးပြီး မခွဲမခြား တိုက်ခိုက်မှု အဖြစ် ကုလ သမဂ္ဂ က ရှုတ်ချ ခဲ့ပေမယ့် ဒီ ကြေကွဲစရာ သတ်ဖြတ်မှုတွေ နောက်ကွယ်က အကြောင်းရင်း တွေက မရှင်းလှဘူးလို့ ဆီးရီးယား စောင့်ကြပ်ရေး အဖွဲ့ ခေါင်းဆောင် ဗိုလ်ချုပ်ကြီး ရောဘတ် မုဒ်က ဆိုပါတယ်။

တင့်ကားနဲ့ ပစ်ခတ်တာ ၊ လက်နက်ကြီး သုံးတာ ၊ ကိုယ်ထိ လက်ရောက် တိုက်ခိုက်တာတွေ ရှိကြောင်း ကုလ သမဂ္ဂ လုံခြုံရေး ကောင်စီမှာ သူက ဆိုပါတယ်။ ဒီလို အနီးကပ် သတ်ဖြတ်မှု တွေ လက်သည် ဘယ်သူဘယ်ဝါ ဆိုတာတော့ သူက ပြောမသွား ပါဘူး။

အခင်း ဖြစ်ပွားတဲ့ နေ့က ဒေသ စံတော်ချိန် နေ့လယ် တနာရီ လောက်မှာ နေ့ခင်း ဘုရား ဝတ်တက်အပြီးမှာ ဆန္ဒပြသူ တွေကို လူစု ခွဲတဲ့ အနေနဲ့ စစ်သားတွေက သေနတ်နဲ့ ပစ်ခဲ့တယ်လို့ သတင်း ရပါတယ်။

ဆီးရီးယား နိုင်ငံခြားရေး ဌာနကတော့ စက်သေနတ် မော်တာတွေနဲ့ တင့်ကားပစ် ဒုံးကျည်တွေ ကိုင်ထားတဲ့ ရာနဲ့ချီတဲ့ သေနတ်သမား တွေက စစ်သားတွေကို တိုက်ခိုက်လို့ ၃ ယောက် သေဆုံးတယ်လို့ ဆိုပါတယ်။အတိုက်အခံ တွေနဲ့ မျက်မြင် သက်သေတွေက တော့ ဆီးရီးယား တပ်က အနည်းဆုံး ၂ နာရီ ကြာအောင် ပစ်ခတ် ဗုံးကြဲတယ်လို့ ဆိုပါတယ်။

လုံခြုံရေး ကောင်စီကတော့ အရပ်သားတွေကို အင်အားကြီးနဲ့ ပစ်ခတ် တိုက်ခိုက်တာဟာ နိုင်ငံတကာ ဥပဒေနဲ့ ငြိစွန်း တယ်လို့ ကြေညာချက် ထုတ်ခဲ့ပါတယ်။ ဆီးရီးယား တပ်တွေကို ဟိုလာ မလွှတ်ဘဲ ခံစစ် အနေအထားမှာသာ ရှိတယ်လို့ အစိုးရဘက်က ငြင်းပါတယ်။

အကြမ်းဖက်ဂိုဏ်းတွေက အိမ်တွေထဲ ဝင်ပစ်လို့ သေရတာလို့ အစိုးရဘက်က ဆိုပေမယ့် မျက်မြင်တွေ ဘက်ကတော့ ဗုံးကြဲပြီးနောက် အစိုးရ နောက်လိုက် ရှာဘီဟာ အုပ်စုက ဝင်တိုက်ခိုက်တယ်လို့ ဆိုပါတယ်။ဆီးရီးယားတပ်က တင့်ကားနဲ့ ဗုံးကြဲတာ ထင်ရှားပေမယ့် အရပ်သား တွေကို အနီးကပ် ပစ်တာတော့ မဟုတ်ဘူးလို့ မော်စကိုမှာ ရုရှ နိုင်ငံခြားရေး ဝန်ကြီး လာဘရော့ဗ်က ဆိုပါတယ်။

လက်နက်ကိုင် စစ်သွေးကြွတွေနဲ့ အစိုးရတပ် တွေ ပတ်လည်ဝိုင်းနေတဲ့ ဒေသမှာ ပစ်ခတ်မှု ဖြစ်ပွားခဲ့တာလို့ သူက ဆိုပါတယ်။ ကုလသမဂ္ဂ အထူးကိုယ်စားလှယ် ကိုဖီ အာနန်လဲ ဒမတ်စကပ် ကို ရောက်ရှိလာပြီး သူ့ရဲ့ အချက် ၆ ချက်ပါ ငြိမ်းချမ်းရေး အစီအစဉ်ကို အကောင်အထည် ဖော်ကြဖို့ တွန်းအားပေး နေပါတယ်။

အိန္ဒိယဝန်ကြီးချုပ်ကို သမ္မတကကြိုဆိုစဉ်အိန္ဒိယက ချေးငွေအပါအဝင် အကူအညီတွေပေးဖို့သဘောတူ

မြန်မာနိုင်ငံကို၃ရက်ကြာ ခရီးအဖြစ် အလည်အပတ် ရောက်နေတဲ့ အိန္ဒိယဝန်ကြီးချုပ် မန်းမိုဟန်ဆင်းကို မြန်မာသမ္မတ ဉီးသိန်းစိန်က နေပြည်တော်မှာ သီးသန့် လက်ခံတွေ့ဆုံ ခဲ့ပါတယ်။ အဲဒီနောက် ၂နိုင်ငံ ကိုယ်စားလှယ်တွေ ဆွေးနွေးကြပြီး ခေါင်းဆောင်နှစ်ဉီးဟာ ၂နိုင်ငံကြား သဘောတူ စာချွန်လွှာ၁၂ခုတို့ကို လက်မှတ်ရေးထိုးပွဲ တက်ရောက်ကြပါတယ်။

အဲဒီထဲမှာ ချေးငွေအမေရိကန်ဒေါ်လာ သန်း၅၀၀ အိန္ဒိယကချေးမယ့်အစီအစဉ် လေကြောင်းဆက်သွယ်ရေးနဲ့ နယ်စပ်ဒေသဖွံ့ဖြိုးရေးကိစ္စတွေပါဝင်ပါတယ်။ အင်ဖါး မန္တလေး ဘတ်စ်ပြေးဆွဲရေးသဘောတူခဲ့ပေမယ့် ဆက်လက်ဆွေးနွေးစရာတွေရှိသေးတယ်လို့ သမ္မတရုံးညွှန်ကြားရေးမှူး ဉီးဌေးဇော်ကပြောပါတယ်။

ဒီမိုကရေစီပြုပြင်ပြောင်းလဲရေးကို အထောက်အကူပြုမယ့် မီဒီယာ လွှတ်တော်နဲ့ လူ့ခွင့်အရေးကိစ္စတွေကို အိန္ဒိယဘက်က သင်တန်းပေးဖို့သဘောတူခဲ့ပါတယ်။

သမ္မတဉီးသိန်းစိန်ရဲ့ ပြုပြင်ပြောင်းလဲရေးအစီအစဉ်တွေအတွက် ဝန်ကြီးချုပ်က ချီးကျူးလိုက်ပြီး အိန္ဒိယ အာစီယံအစည်းဝေးတက်ဖို့ ဉီးသိန်းစိန်ကိုဖိတ်ကြားသွားပါတယ်။

အခုလို ၂၅နှစ်အတွင်းပထမဆုံးအကြိမ်အဖြစ် ဝန်ကြီးချုပ်လာရောက်တာဟာ အိမ်နီးချင်းတရုတ်နဲ့စာရင် အချိန်နှောင်းနေတယ်လို့အချို့က ဝေဖန်နေကြပါတယ်။

မြန်မာနိုင်ငံကိုရောက်နေတဲ့ ဘီဘီစီသတင်းထောက် ဆန်ဂျွိုင်ကတော့ အနောက်နိုင်ငံက ပိတ်ဆို့မှုတွေရုပ်သိမ်းလိုက်တဲ့အတွက် အခုအခါ အရင်လိုမဟုတ်တော့ဘဲ တရုတ်ကလည်းအခြား ကုမ္ပဏီတွေနဲ့ယှဉ်ပြိုင်ရမှာဖြစ်လို့ အချိန်ကောင်းဖြစ်တယ်လို့ ပြောပါတယ်။

ဝန်ကြီးချုပ်နဲ့ ပါလာတဲ့ စီးပွားရေးလုပ်ငန်းရှင်တွေကတော့ သဘာဝဓါတ်ငွေ့ ဓါတ်သတ္တုနဲ့ ဘဏ်လုပ်ငန်းတွေမှာ လုပ်ကိုင်ကြဖို့စိတ်ဝင်စားနေကြပါတယ်။

ငြိမ်းချမ်းရေး အစီအစဉ်ကို အကောင်အထည် ဖော်ဖို့ ကိုဖီအာနန် ကထပ်မံ တိုက်တွန်းဆီးရီးယား အတွက်အရေးကြီးပြီလို့ အာနန်ပြော

ဆီးရီးယား နိုင်ငံ ဆိုင်ရာ ကုလ သမဂ္ဂ သံတမန် ကိုဖီအာနန် ဟာ ဒမတ်စကတ်မြို့ ကို ရောက်ရှိ လာပြီ ဖြစ်ပြီး၊ အခြေ အနေဟာ သိပ် အရေးကြီးတဲ့ အနေအထား ကိုရောက်နေပြီ လို့ သူက ပြောလိုက် ပါတယ်။

Houla မြို့မှာ ကလေးတွေ တဝက်လောက် အထိ ပါဝင်တဲ့ လူ ၁၀၀ ကျော် အသတ်ခံ ခဲ့ရတဲ့ ကိစ္စနဲ့ ပတ်သက်ပြီး သူ့အနေနဲ့ ထိတ်လန့် တုန်လှုပ်မိတယ် လို့လည်း ကိုဖီအာနန် ကပြောပါတယ်။

အင်္ဂါနေ့မှာ ဆီးရီးယား သမ္မတ အာဆတ်နဲ့ တွေ့ဆုံတဲ့ အခါ လေးနက်တဲ့ ဆွေးနွေးမှု တွေကို ပွင့်ပွင့်လင်းလင်း ပြုလုပ်ဖို့ ရှိတယ် လို့လည်း သူက ဆိုပါတယ်။

သူ့ရဲ့ အချက် ၆ ချက်ပါ ငြိမ်းချမ်းရေး အစီအစဉ်ကို သေသေချာချာ အကောင်အထည် ဖော်ကြဖို့ လိုတယ်ဆိုပြီး လည်း မစ္စတာ အာနန်က ပြောပါတယ်။

ဆီးရီးယား နိုင်ငံ ဟာမာမြို့မှာ ကလေးတွေ တဝက်လောက် ပါဝင်တဲ့ လူ ၁၀၀ ကျော် အစုလိုက် အပြုံလိုက် အသတ်ခံ ခဲ့ရတဲ့ အဖြစ်အပျက်နဲ့ ပတ်သက်ပြီး စိုးရိမ် ထိတ်လန့် မိကြောင်း ရုရှနိုင်ငံခြားရေး ဝန်ကြီး ဆာဂေး လက်ဗ်ရော့ဗ် က ပြောလိုက် ပါတယ်။

ဒါပေမယ့် ဒီလို အပြစ်မဲ့ သူတွေ သေဆုံး ရတဲ့ ကိစ္စ အတွက် အစိုးရ မှာရော အတိုက်အခံ တွေမှာပါ တာဝန် ရှိတယ်လို့ သူက ဆိုပါတယ်။

ဆီးရီးယား အတိုက်အခံ တွေက သူတို့ကို အစိုးရ တပ်ဖွဲ့ တွေက ဆက်တိုက် နေတုန်းဘဲ လို့ ပြော ပါတယ်။

တနင်္ဂနွေ နေ့တုန်းက ဟာမာမြို့ကို အပြင်းအထန် အတိုက်ခံ ခဲ့ရတယ်လို့ သူတို့က ဆိုပါတယ်။

သူပုန် တိုက်ခိုက်ရေး သမားတွေ အခြေပြုတဲ့ မြို့ရဲ့ အစိတ် အပိုင်း ကို အစိုးရ တပ်က အမြောက်နဲ့ ပစ်တဲ့ အတွက် လူသုံးဆယ်ကျော် သေဆုံး ခဲ့တယ်လို့ အတိုက်အခံ တွေက ပြောပါတယ်။

တနင်္ဂနွေ နေ့က ဆီးရီးယား တနိုင်ငံ လုံးမှာ သေဆုံးသူ စုစုပေါင်း ၇၀ ရှိတယ်လို့ တချို့ အတိုက် အခံ တွေက ပြောပါတယ်။

အိန္ဒိယ-မြန်မာ စီးပွားရေးသဘောတူညီမှုတွေရရှိ

By မသင်းသီရိ

မြန်မာနိုင်ငံကို သုံးရက်ကြာခရီးစဉ်နဲ့ရောက်နေတဲ့ အိန္ဒိယနိုင်ငံဝန်ကြီးချုပ် Manmohan Singh ဟာ ဒီကနေ့မှာတော့ နေပြည်တော်မှာ သမ္မတဦးသိန်းစိန်နဲ့ တွေ့ဆုံပြီး နှစ်နိုင်ငံ အကျိုးတူပူးပေါင်းနိုင်မယ့် လုပ်ငန်းစဉ်တွေကို ညှိနှိုင်းဆွေးနွေးတာနဲ့ နှစ်ဘက်သဘောတူညီချက် စာချွန်လွှ လက်မှတ် ရေးထိုးတာတွေ လုပ်ခဲ့ပါတယ်။ အိန္ဒိယဝန်ကြီးချုပ် Manmohan Singh ဟာ မနက်ဖြန် မှာတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ရန်ကုန်မှာ တွေ့ဆုံကြမှာလည်း ဖြစ်ပါ တယ်။ အိန္ဒိယဝန်ကြီးချုပ်ရဲ့ဒီကနေ့ နေပြည်တော်မှာ တွေ့ဆုံဆွေးနွေးမှုတွေကိုတော့ မသင်းသီရိက ပြောပြပေးမှာ \ပါ။

မနေ့က မေလ ၂၇ ရက် တနင်္ဂနွေနေ့ညနေက မြန်မာနိုင်ငံကိုရောက်လာတဲ့ အိန္ဒိယနိုင်ငံဝန်ကြီးချုပ် Manmohan Singh ဟာ ဒီကနေ့ မေလ ၂၈ ရက် တနင်္လာနေ့မှာတော့ နေပြည်တော်မှာ သမ္မတ ဦးသိန်းစိန်နဲ့အတူ အစိုးရအဖွဲ့တွေနဲ့ တွေ့ဆုံပါတယ်။ မနက်ပိုင်းမှာ သမ္မတဦးသိန်းစိန်က ဝန်ကြီးချုပ်ကို ကြိုဆိုတဲ့ပွဲအပြီး နှစ်နိုင်ငံရဲ့ ဖွံ့ဖြိုးရေး၊ စီးပွာေးရးနဲ့ ကူးသန်းရောင်းဝယ်ရေးအပြင် လုံခြုံရေးဆိုင်ရာ ကိစ္စတွကိုဆက်ပြီး ဆွေးနွေးကြတယ်ဆိုတဲ့ အစီအစဉ်ကိုတော့ မြန်မာ့သတင်းစဉ်က ညွှန်ကြားရေးမှူး ဦးလှိုင်မြင့်က ပြောပြပါတယ်။

"သူ့ကို ဂုဏ်ပြုကြိုဆိုပါတယ်။ ပြီးတော့ သမ္မတကြီးနဲ့တွေ့ပါတယ်။ ပြီးတော့ နှစ်နိုင်ငံ တွေ့ဆုံဆွေးနွေးတာ လုပ်ပါတယ်။ အခု ညနေသုံးနာရီမှာတော့ အိန္ဒိယစီးပွားရေးလုပ်ငန်းရှင်တွေနဲ့ တွေ့နေတာတော့ ရှိပါတယ်။ ညဘက်မှာ ညစာစားပွဲရှိပါတယ်။ မနက်ဖြန်တော့ ကျနော်သိသလောက် အစီအစဉ်တချို့ ရှိတယ်ပဲ သိပါတယ်ခင်ဗျ။"

မြန်မာ့သတင်းစဉ်က ညွှန်ကြားရေးမှူး ဦးလှိုင်မြင့်က ဒီကနေ့ အိန္ဒိယနိုင်ငံဝန်ကြီးချုပ် Manmohan Singh ရဲ့ နေပြည်တော်ခရီးစဉ်အကြောင်း ပြောခဲ့တာပါ။

အိန္ဒိယနိုင်ငံဝန်ကြီးချုပ် Manmohan Singhဟာ ညနေပိုင်းမှာတော့ မြန်မာနိုင်ငံရဲ့ ပြည်ထောင်စု အဆင့် နယ်စပ်ရေးရာဝန်ကြီးတချို့နဲ့လည်း တွေ့ဆုံဖို့ ရှိပါတယ်။

ဆွေးနွေးပွဲတွေမှာတော့ ဝန်ကြီးချုပ် Manmohan Singh နဲ့အတူ အိန္ဒိယရဲ့ ပြည်ပရေးရာဝန်ကြီး၊ ၀န်ကြီးချုပ်ရဲ့အတွင်းဝန်၊ နိုင်ငံခြားရေး အတွင်းဝန်အပြင် အမျိုးသားလုံခြုံရေး အကြံပေးနဲ့ မြန်မာနိုင်ငံ ဆိုင်ရာ အိန္ဒိယသံအမတ်ကြီးနဲ့အတူ တခြားအစိုးရအဖွဲ့က အဆင့်မြင့်အရာရှိတွေ တက်ရောက်ခဲ့ကြ ပြီး မြန်မာဘက်ကတော့ သမ္မတ ဦးသိန်းစိန်နဲ့ နိုင်ငံခြားရေးဝန်ကြီး ဦးဝဏ္ဏမောင်လွင်အပြင် အစိုးရ အဖွဲ့က ၀န်ကြီးတချို့နဲ့ အိန္ဒိယနိုင်ငံဆိုင်ရာ မြန်မာသံအမတ်ကြီးတို့ တက်ရောက်ဆွေးနွေးခဲ့ကြတာ ဖြစ်ပါတယ်။

ဒီကနေ့ နှစ်ဘက်စာချွန်လွှာလက်မှတ်ရေးထိုးရာမှာ သဘောတူခဲ့တဲ့အထဲ အိန္ဒိယက မြန်မာကို သက်သာသောချေးငွေ အမေရိကန်ဒေါ်လာ သန်း ၅၀၀ ချေးမယ်ဆိုတာအပြင် ပညာရေး၊  စိုက်ပျိုးရေး၊ လေကြောင်းဆိုင်ရာ၊ ယဉ်ကျေးမှုနဲ့ နယ်စပ်ဒေသလုံခြုံရေးနဲ့ ဖွံ့ဖြိုးရေးဆိုင်ရာတွေ အတွက်ဆိုပြီး အချက် ၁၂ ချက်ကို သဘောတူလက်မှတ်ထိုးခဲ့တယ်လို့  သမ္မတရုံးရဲ့အင်တာနက် စာမျက်နှာမှာလည်း ဖော်ပြထားပါတယ်။

၃ ရက်ကြာ ရောက်နေတဲ့ အိန္ဒိယ၀န်ကြီးချုပ် Manmohan Singhဟာ မနက်ဖြန် မေလ ၂၉ ရက် အင်္ဂါနေ့ မနက်မှတော့ ဒေါ်အောင်ဆန်းစုကြည်နဲ့ ရန်ကုန်မှာတွေ့ဆုံဖို့ စီစဉ်ထားယ်လို့ NLD ပါတီက  ပြန်ကြားရေး တာဝန်ခံ ဦးကြည်တိုးက ပြောပြပါတယ်။

"အဖွဲ့ချုပ်ရုံးက ဒေါ်အောင်ဆန်းစုကြည်နဲ့ အိန္ဒိယဝန်ကြီးချုပ် မန်းမိုဟန်ဆင်းဂ်တို့ ဆီဒိုးနားဟိုတယ်လ်၊ မင်းတုန်းခန်းမမှာ မနက် ၁၁ နာရီခွဲမှာ တွေ့ဆုံမှာဖြစ်ပါတယ်။ ကျနော်တို့အဖွဲ့ချုပ်အနေနဲ့ စီစဉ်ထား တာတော့ အဖွဲ့ချုပ်ဥက္ကဋ္ဌဒေါ်အောင်ဆန်းစုကြည်နဲ့ မစ္စတာမဲန်မိုဟန်ဆင်းဂ်တို့တွေ့ဆုံပြီးတော့ သတင်းစာရှင်းလင်းပွဲ လုပ်ဖို့ပါပဲ။"

ဒါကတော့ မနက်ဖြန် ဒေါ်အောင်ဆန်းစုကြည်နဲ့  ၀န်ကြီးချုပ် Manmohan Singh တို့  ရန်ကုန်၊ ဆီဒိုးနား ဟိုတယ်မှာ တွေ့မယ့်အကြောင်း NLD ပါတီက ဦးကြည်တိုးပြောပြခဲ့တာပါ။

ဒါဟာ အိန္ဒိယနိုင်ငံရဲ့ဝန်ကြီးချုပ်အဆင့်အဖြစ်  ၂၅ နှစ်တာကလအတွင်း ပထမဆုံးခရီးမို့ သမိုင်းဝင် ခရီးစဉ် လို့  မြင်ကြတာရှိသလို အပြောင်းအလဲရှိလာနေတဲ့ မြန်မာပြည်ရဲ့အခြေအနေတွေထဲ ဒေသတွင်းမှာ စီးပွားရေး နောက်မကျရလေအောင် ခြေလှမ်းသစ်တွေနဲ့ ပူးပေါင်းနိုင်ဖို့ အခုလို အဆင့်မြင့်အရာရှိ လာခဲ့တာဖြစ်တယ်ဆိုတဲ့ သုံးသပ်ချက်တွေလည်း ရှိပါတယ်။

သမ္မတဦးသိန်းစိန် ထိုင်းခရီးစဉ်ဖျက်

By ကိုကျော်ကျော်သိန်း

ထိုင်းနိုင်ငံ၊ ဘန်ကောက်မြို့တော်မှာ ကျင်းပမယ့် ကမ္ဘာ့စီးပွားရေးဖိုရမ် WEF မှာ ပါဝင်တက်ရောက်မယ့် အစီအစဉ်ကို သမ္မတဦးသိန်းစိန်က ပယ်ဖျက်လိုက်ပါတယ်။ ဒါပေမဲ့ အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ကတော့ တက်ရောက်မယ်လို့ ထိုင်းနိုင်ငံခြားရေးဌာနက အတည်ပြုပါတယ်။ ဒီအကြောင်းကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက အပြည့်အစုံတင်ပြပေးထားပါတယ်။

WEF ဖိုရမ်ကို သမ္မတဦးသိန်းစိန်၊ တက်မယ် မတက်ဘူးဆိုတာနဲ့ပတ်သက်လို့ အခုရက်ပိုင်းအတွင်း သတင်းအမျိုးမျိုး ထွက်နေတာကနေ ဒီကနေ့မှာတော့ သူ မတက်ဖြစ်ဘူးဆိုတာကို ထိုင်းနိုင်ငံခြားရေးဌာနက အတည်ပြုပြောဆိုခဲ့တာပါ။ ဒါပေမဲ့ လည်း ထိုင်းနိုင်ငံလာရောက်မယ့် နိုင်ငံတော်ခရီးစဉ်ကိုတော့ ရက်ရွှေ့ဆိုင်းလိုက်တာပဲဖြစ်ပါတယ်။ ဒီကိစ္စနဲ့ပတ်သက်ပြီး ဗွီအိုအေ ကုို အတည်ပြုပြောဆိုခဲ့သူကတော့ ထိုင်းနိုင်ငံခြားရေးဌာန ပြောရေးဆိုခွင့်ရှိသူ မစ္စတာ ထာနီ သွန်ခ်ပက်ခ်ဒီ (Thani Thongpakdi) ဖြစ်ပါတယ်။ သမ္မတရဲ့ တရားဝင်နိုင်ငံတော်ခရီးစဉ် ရွှေ့ဆိုင်းလိုက်တာနဲ့ WEF ဖိုရမ် မတက်ဖြစ်တဲ့အကြောင်း တွေကို မေလ ၂၇ ရက်နေ့မှာ မြန်မာအစိုးရဘက်က အကြောင်းကြားခဲ့တယ်လို့ မစ္စတာထာနီကပြောပါတယ်။

“နိုင်ငံတွင်းမှာ သူ တက်ရောက်ရမယ့် အစီအစဉ်တွေ ရှိထားပြီးသားဖြစ်တဲ့အတွက် မြန်မာသမ္မတရဲ့ တရားဝင် နိုင်ငံတော်ခရီးစဉ် ဟာ နှစ်နိုင်ငံ သဘောတူညီချက်အရ ဇွန်လ ၄ ရက်နဲ့ ၅ ရက်နေ့တွေမှာ ဖြစ်ပါလိမ့်မယ်။ တချိန်တည်းမှာပဲ WEF ဖိုရမ်ကို တက်မယ့် အစီအစဉ်နဲ့ပတ်သက်လို့လည်း မတက်နိုင်တော့ဘူးဆိုတဲ့အကြောင်း ကျနော်တို့ကိုပြောပါတယ်။ သူ့ကိုယ်စား ပြည်ထောင်စု စွမ်းအင်ဝန်ကြီးက တက်ရောက်မှာဖြစ်ပါတယ်။” - လို့ မစ္စတာထာနီကပြောပါတယ်။

ဒီကနေ့မနက်ပိုင်းအထိ WEF ဖိုရမ်ရဲ့ အစီအစဉ်တွေထဲမှာ အစီအစဉ်နှစ်ခုမှာ သမ္မတဦးသိန်းစိန်တက်ရောက်မယ်ဆိုပြီး ထည့်သွင်းထားခဲ့တာပါ။ မေလ ၃၁ ရက်နေ့မှာလုပ်မယ့် ဖွင့်ပွဲအခမ်းအနားမှာ ဘာရိန်းဝန်ကြီးချုပ်၊ ဗီယက်နမ်ဝန်ကြီးချုပ်၊ လာအို ၀န်ကြီးချုပ်၊ အင်ဒိုနီးရှားသမ္မတ၊ အိမ်ရှင် ထိုင်းဝန်ကြီးချုပ်တို့နဲ့အတူ မြန်မာသမ္မတလည်း တက်ရောက်မယ်လို့ ကြေညာခဲ့ပါတယ်။ တခါ ဇွန်လ ၁ ရက်နေ့ညနေပိုင်းမှာလည်း မြန်မာနိုင်ငံရဲ့ ကတိပြုမှုနဲ့အနာဂတ်လို့ ဆိုရမယ့် The Promise and Future of Myanmar ဆိုတဲ့ခေါင်းစဉ်နဲ့ သမ္မတဦးသိန်းစိန်က စကားပြောဖို့ အစီအစဉ်တခုလည်း ကြေညာထားခဲ့ပါတယ်။ အခုတော့ အဲဒီအစီအစဉ်တွေအားလုံးမှာ သူ့ရဲ့အမည်ကြေညာထားတာကို ဖျက်လိုက်ပြီဖြစ်ပါတယ်။

WEF ဖိုရမ်ကို ဒေါ်အောင်ဆန်းစုကြည် တက်ဖြစ်မယ်ဆိုတာကိုလည်း မစ္စတာထာနီက အတည်ပြု ပြောဆိုပါတယ်။

“ဖိုရမ် အစည်းအဝေးကို ဒေါ်အောင်ဆန်းစုကြည် တက်မယ်ဆိုတဲ့အကြောင်း World Economic Forum က ကျနော်တို့ကို အကြောင်းကြားပါတယ်။” -လို့ မစ္စတာထာနီကပြောပါတယ်။ ထိုင်း-မြန်မာနယ်စပ်က ဒုက္ခသည်စခန်းတခုဆီ ဒေါ်အောင်ဆန်း စုကြည်သွားမယ်ဆိုတဲ့သတင်းနဲ့ တခြားအစီအစဉ်တွေကိုတော့ သူတို့ဆီ အကြောင်းမကြားသေးလို့ မသိသေးဘူးလို့ ထိုင်းနိုင်ငံ ခြားရေးဌာန၊ ပြောရေးဆိုခွင့်ရှိသူ မစ္စတာထာနီက ပြောပါတယ်။

ဆီးရီးယား တိုက်ခိုက်မှုတွေအပေါ် ငြိမ်းချမ်းရေး ကိုယ်စားလှယ်စိုးရိမ်

By ဗွီအိုအေ(မြန်မာဌာန)

ကုလသမဂ္ဂငြိမ်းချမ်းရေး သံတမန်ကိုဖီအာနန်ဟာ ဆီရီးယားနိုင်ငံငြိမ်းချမ်းရေး လုပ်ငန်းစဉ်တွေ ဆက်လက် လုပ်ဆောင်နိုင်ဖို့ ဒမတ်စကပ်မြို့တော်ကို တနင်္လာနေ့က ရောက်သွားခဲ့ပြီး  ၁၅ လကြာလာပြီဖြစ်တဲ့ အကြမ်းဖက်မှုတွေ အားလုံးရပ်တန့်ပေးဖိ်ု့ ထပ်မံ တောင်းဆိုလိုက်ပါတယ်။

မစ္စတာအာနန်ရဲ့  ဒီခရီးစဉ်အတွင်း ဆီးရီးယားသမ္မတ ဘက်ရှာ၊ အာလ်အာဆတ်ဒ်၊ ၊ နိုင်ငံခြားရေး ၀န်ကြီး ၀ါလစ်မိုလန်တို့နဲ့လည်း အင်္ဂါနေ့မှာ တွေ့ဆုံဖို့ရှိပါတယ်။ ဒါ့အပြင် သောကြာနေ့က ဟူလာမြို့မှာ လူပေါင်း ၁၀၀ ကျော် သေဆုံးခဲ့ရတဲ့ တိုက်ခိုက်မှုအတွက်တော့ ဒါဟာ တုန်လှုပ်ခြောက်ခြားစရာ သတ်ဖြတ်မှုဖြစ်တယ်လို့ မစ္စအာနန်က ပြောဆိုလိုက်ပါတယ်။

အခုလို မစ္စတာအာနန် မရောက်ခင် အချိန်လေးမှာပဲ နိုင်ငံ့အလယ်ပိုင်း ဟားမားမြို့တ၀ိုက်မှာ တနင်္ဂနွေနေ့ကနေ တနင်္လာနေ့ အစောပိုင်း အထိ အစိုးရတပ်တွေရဲ့နောက်ထပ်တိုက်ခိုက်မှုတွေကြောင့် အရပ်သား ၁၃ ဦးအပါအ၀င် စုစုပေါင်း ၃၄ ဦး သေဆုံးခဲ့ရတယ်လို့ ဆီရီးယားအရေး တက်ကြွလှုပ်ရှားသူတွေက ဆိုပါတယ်။

ဒါဟာ သူပုန်တွေက အစိုးရရုံးစိုက်တဲ့နေရာတွေကို ပစ်မှတ်ထား တိုက်ခိုက်ခဲ့တာအပေါ် ဂလဲ့စားခြေတဲ့အနေနဲ့ အစိုးရတပ်တွေဘက်က ပြန်လည်တိုက်ခိုက်ခဲ့ကြတာဖြစ်တယ်လို့လည်း လှုပ်ရှားသူတွေက ဆိုပါတယ်။

အစာငတ်ခံ ဆန္ဒပြသူ အလုပ်သမားတချို့ဆေးရုံရောက်

By မအေးအေးမာ

ရန်ကုန်တိုင်း၊ မှော်ဘီမြို့နယ်၊ မြောင်းတကာစက်မူဇုံမှာရှိတဲ့ ရန်ကုန်ကရောင်းသံမဏိစက်ရုံက အစာငတ်ခံ ဆန္ဒပြနေတဲ့ အလုပ်သမားတွေထဲက တဦး သွေးဝမ်းသွားတဲ့အတွက် မှော်ဘီဆေးရုံကိုပို့လိုက်ရပြီး နာရီပေါင်း ၇၀ ကျော်အစာငတ်ခံဆန္ဒပြနေဆဲမှာပဲ အလုပ်သမား ၅ ဦးခန့်က သတိမေ့မျော သွားတာတွေ ဖြစ်ခဲ့ရပါတယ်။ ဒီနေမှာတော့အလုပ်သမားညွှန်ကြားမှု ဦးစီးဌာနက တာဝန်ရှိသူတွေ လာရောက်ဖြန်ဖြေမူတွေ လုပ်နေပေမဲ့ ညနေပိုင်းထိ ညှိနှိုင်းမှု မပြီးသေးပါဘူး။ ဒီအကြောင်း အပြည့်အစုံကိုတော့ ဆက်သွယ်မေးမြန်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက တင်ပြပေးထားပါတယ်။

ရန်ကုန်ကရောင်း သံမဏိစက်ရုံက အလုပ်သမား ၅၀၀ လောက်ဟာ အခြေခံလစာနည်းပါးတဲ့အတွက် စက်ရုံရှေ့ နေပူထဲမှာဆန္ဒပြနေတာာ ကိုးရက်မြောက်ရှိနေပြီဖြစ်ပါတယ်။ အဲဒီအထဲက အလုပ်သမား ၄၀ ကျော်ကလည်း သူတို့တောင်းဆိုချက်တွေရဖို့အတွက် အရှိန်မြှင့်တဲ့အနေနဲ့ အစာငတ်ခံ ဆန္ဒပြနေတာ   လေးရက်မြောက်နေ့ကို ရောက်ရှိလာချိန်မှာ ဆေးရုံပို့လိုက်ရတာမျိုး၊ သတိမေ့သွားတာမျိုးတွေ ဖြစ်နေတဲ့ အကြောင်း အလုပ်သမားတွေကို လူသားချင်းစာနာတဲ့ အကူအညီတွေပေးနေတဲ့ မှော်ဘီမြို့နယ်၊ စံပြကျေးရွာ ပရဟိတ လူငယ်အဖွဲရဲ့ ဥက္ကဋ္ဌ ကိုသူရက ပြောပြပါတယ်။

“အလုပ်သမားတွေ ဆန္ဒပြတဲ့အခြေအနေတွေက မနက်ကဆိုရင် အချိန်ပိုင်းအရ စုစုပေါင်း ၇၁ နာရီနဲ့ ၁၅ မိနစ်အရောက်မှာ ပထမနေ့က ဝမ်းကိုက်ပြီး သွေးပါနေတဲ့တယောက်က ဆေးရုံတင်လိုက်ရတယ်ခင်ဗျ။ ကိုဇော်မင်းလတ်ကို ဆေးရုံတင်လိုက်ရပါတယ်။ သွေးဝမ်း သွားလို့လေ။ နောက် ၇၂ နာရီနဲ့ ၁၅ မိနစ်မှာဆိုရင် ကိုသန်းလှဆိုတဲ့တယောက်က အားပြတ်ပြီးတော့ ကြွက်တွေ ဘာတွေတက်လာလို့ ဆေးကုသမှု သွားယူရတယ်ပေါ့။ ၇၄ နာရီနဲ့ ၈ မိနစ်မှာဆိုရင် ကိုတင်ကိုဦး၊ သူလည်းပဲ အားပြတ်ပြီးတော့ အကြောတွေတက်လာတယ်ပေါ့။ ၇၇ နာရီ၊ မိနစ် ၄၀ မှာဆိုရင် ပထမရက်က အားပြတ်တယ်ဆိုတဲ့ ကိုတင်မိုးဝင်း- သူက နောက်တကြိမ်ထပ်ဖြစ်တာပေါ့လေ။ အားပြတ်ပြီး သတိမေ့သလိုဖြစ်ပြီး အကြောတွေလည်း တက်လာတယ်ပေါ့။ အခုလက်ရှိကတော့ ဆန္ဒပြအလုပ်သမားတွေကလည်း ဒီအနေအထားလောက်ပဲဖြစ်နေသေးတယ်ပေါ့နော်။ ဆေးရုံတက်နေတဲ့ကိုဇော်မင်းလတ်ကတော့ လောလောဆယ် သွေးဝမ်းသွားတာတော့ မတိတ်သေးဘူးပေါ့။ ဒရစ်ပ်တွေ ဘာတွေ ချိတ်ထားတယ်ပေါ့နော်။”

အလုပ်သမားတွေ စတင်ဆန္ဒပြပြီးနောက် အလုပ်သမားညွှန်ကြားမှုဦးစီးဌာနက တာဝန်ရှိသူတွေ လာရောက်ပြီး ညှိနှိုင်းခဲ့တာ ပြေလည်မှု မရခဲ့တာကြောင့် မေလ ၂၈ ရက်နေ့မှာတော့ အလုပ်သမား ညွှန်ကြားမှု ဦးစီးဌာနရုံးက တာဝန်ရှိသူ ရောက်ရှိလာပြီး အလုပ်ရှင်၊ အလုပ်သမားနဲ့အတူ အလုပ်သမားတွေရဲ့ တောင်းဆိုချက်တွေနဲ့ပတ်သက်လို့ ဆွေးနွေးမူတွေလုပ်နေတာဟာ ညနေပိုင်း အထိ မပြီးသေးဘူးလို့ ဆိုပါတယ်။

“ဒီနေ့မနက်တော့ နည်းနည်းထူးပါတယ်။ ညှိနှိုင်းဖြန်ဖြေရေးအဖွဲ့ရောက်လာပါတယ်။ အဲဒီအဖွဲ့နဲ့ ဒီက အလုပ်သမားအဖွဲ့အစည်းနဲ့ စက်ရုံဘက်က အဖွဲ့အစည်းနဲ့ သုံးဘက် မျက်နှာချင်းဆိုင် ညှိနှိုင်းတိုင်ပင်ဖို့ လုပ်နေတယ်။ အခုထိတော့ လုပ်နေတုန်းပဲပေါ့နော်။ ”

မြောင်းတကာစက်မူဇုံ က ရန်ကုန်ကရောင်း သံမဏိစက်ရုံဟာ တရုတ်နိုင်ငံသားပိုင် စက်ရုံဖြစ်ပါတယ်။ အလုပ်သမားတွေကို  တနေ့ ထမင်းနှစ်နပ်ကျွေးပြီး တနေ့လုပ်အားခ ကျပ် ၁၆၀ သာပေးတာပါ။ အချိန်ပို အလုပ်တွေရှိမှသာ အလုပ်သးမာတွေက ၀င်ငွေရှိပြီး တလလုံးအချိန်ပိုတွေမရှိဘူး ဆိုရင်တော့ အလုပ်သမားတွေဟာ တလလုံးမှ ကျပ် ၄၅၀၀ လောက်သာရရှိတာကြောင့် မိသားစုရှိတဲ့၊ သားသမီး ကျောင်းတက်ဖို့ရှိနေတဲ့ အလုပ်သမားတွေအဖို့ အပိုဝင်ငွေမရှိဘဲ အခက်အခဲတွေ  ရင်ဆိုင်နေရတာပါ။

အလုပ်သမားတွေရဲ့တောင်းဆိုချက်တွေကို အလုပ်ရှင်က မပေးတဲ့အပြင် မေလ ၂၆ ရက်နေ့က အလုပ်သမားတွေ လျှော့ချတယ်ဆိုပြီး ဆန္ဒပြနေတဲ့ အလုပ်သမားတွေထဲက အလုပ်သမား ၃၀၀ ကျော်ကိုလည်း အလုပ်ကနေ ထုတ်ပယ်ပစ်လိုက်ပါတယ်။ ဒီအတွက် အလုပ်သမားတွေအနေနဲ့ ရွေးချယ်စရာလမ်းမရှိတော့သလို သူတို့တောင်းဆိုချက်တွေကိုလည်း ဖြေရှင်းပေးမယ့်သူတွေ၊ အဖွဲ့အစည်းတွေ မရှိတော့တဲ့အတွက် အစာငတ်ခံဆန္ဒပြမူကို အရှိန်မြှင့်လုပ်ဆောင်လိုက်ရတာ လို့လည်း ပြောကြပါတယ်ရှင်။