28.05.2012 နေ့ဖတ်ရန်သတင်းများ

by Myanmar Journal on Sunday, May 27, 2012 at 4:34pm 

အိန္ဒိယဝန်ကြီးချုပ် မြန်မာနိုင်ငံ ခရီးစဉ် စတင်

၂၅ နှစ် အတွင်း အိန္ဒိယ ဝန်ကြီးချုပ် တဦးရဲ့ ပထမဦးဆုံး ခရီးစဉ် ဖြစ်

အိန္ဒိယဝန်ကြီးချုပ် မန်မိုဟန်ဆင်းဟာ မြန်မာနိုင်ငံကို ၃ ရက်ကြာ ခရီးစဉ် အဖြစ် တနင်္ဂနွေနေ့ ညနေပိုင်းမှာ နေပြည်တော်ကို ရောက်ရှိလာပြီ ဖြစ်ပါတယ်။

ဒီခရီးစဉ်ဟာ အိန္ဒိယနိုင်ငံ ဝန်ကြီးချုပ်တဦး အနေနဲ့ နှစ်ပေါင်း ၂၅ နှစ် အတွင်း ပထမဦးဆုံး လာရောက်တဲ့ ခရီးစဉ် ဖြစ်ပြီး မနက်ဖြန် တနင်္လာနေ့ မှာတော့ မစ္စတာ ဆင်းဟာ သမ္မတ ဦးသိန်းစိန်နဲ့ တွေ့ဆုံ ဆွေးနွေးမှာ ဖြစ်ပါတယ်။

အင်္ဂါနေ့မှာတော့ သူဟာ ရန်ကုန်မှာ ဒေါ်အောင်ဆန်းစုကြည်နဲ့ တွေ့ဆုံမှာ ဖြစ်ပါတယ်။

နေပြည်တော်မှာ ဆွေးနွေးကြတဲ့ အခါ နှစ်နိုင်ငံ ခေါင်းဆောင်တွေဟာ စွမ်းအင်၊ လုံခြုံရေး၊ ဆက်သွယ်ရေး၊ ကုန်သွယ်ရေးနဲ့ အိုင်တီ နည်းပညာ ဆိုင်ရာ ကိစ္စရပ်တွေကို ဆွေးနွေးကြဖို့ ရှိပါတယ်။

ပြီးခဲ့တဲ့နှစ် အောက်တိုဘာလက မြန်မာသမ္မတသစ် ဦးသိန်းစိန်ရဲ့ အိန္ဒိယခရီးစဉ် အတွင်းမှာ သဘောတူ လက်မှတ်ထိုးခဲ့တဲ့ ထမံသီရေကာတာ ရေအားလျှပ်စစ် စီမံကိန်းကိစ္စ၊ ကုလားတန်မြစ် စီမံကိန်း ကိစ္စတွေ ပါဝင်ပြီးတော့ အိန္ဒိယနိုင်ငံက ပေးအပ်မယ့် နည်းပညာ ဆိုင်ရာ ထောက်ပံ့မှုတွေ ကျန်းမာရေး ပညာရေးဆိုင်ရာ ထောက်ပံ့ကူညီမှုတွေကို ဆက်ပြီး ဆွေးနွေးကြမှာ ဖြစ်ပါတယ်။

ကမ်းလွန် သဘာဝ ဓာတ်ငွေ့ကိစ္စနဲ့ သယ်ယူပို့ဆောင်ရေး ကိစ္စရပ်တွေ အတွက်လည်း နှစ်ဖက် ခေါင်းဆောင်တွေ သဘာတူ လက်မှတ် ရေးထိုးကြမယ်လို့ မျှော်လင့်ရပါတယ်။

ဒါအပြင့် အိန္ဒိယ အရှေ့မြောက်ပြည်နယ်တခု ဖြစ်တဲ့ မဏိပူ ပြည်နယ် အင်ဖားကနေ မန္တလေးမြို့ ကို တိုက်ရိုက်ဘတ်စ်ကား ပြေးဆွဲမယ့် အစီအစဉ်တွေလည်း အကောင်ထည်ဖေါ်ဖို့ ရှိတယ်လို့သိရပါတယ်။

ဒီအင်ဖား မန္တလေးလမ်းဟာ အိန္ဒိယရဲ့ မဟာဗျူဟာဖြစ်တဲ့ တရုတ်နဲ့ထိုင်းက တဆင့် အာဆီယံ အဆင့်ထိ ကုန်သွယ်နိုင်ဖို့ အိန္ဒိယဘက်က မျှော်မှန်းထားတယ်လို့ ပညာရှင်တွေက သုံးသပ်ကြပါတယ်။

အခုလို အိန္ဒိအစိုးရဘက်က အဆင်သင့် ဖြစ်ပေမယ့် မြန်မာအစိုးရဘက်က အပြီးသတ် ဆုံးဖြတ်ချက်ကိုတော့ အိန္ဒိယဝန်ကြီးချုပ်ရဲ့ မြန်မာပြည် ခရီးစဉ်အပြီးမှ သိရှိရမယ်လို့ နိုင်ငံရေးဝန်ကြီး ဌာန အတွင်းဝန်ရဲ့ ထုတ်ပြန်ချက်အရ သိရပါတယ်။

ဝန်ကြီးချုပ် ဒေါက်တာမန်မိုဟန်ဆင်းရဲ့ ခရီးစဉ်မှာ ဒီလိုကိစ္စတွေ အပြင် အိန္ဒိယတောင်ပိုင်း ချန်နိုင်းနှင့် ကာလကတ္တား ကနေ ရန်ကုန်ကို ခရီးသည်တင် သင်္ဘော ပြေးဆွဲရေး၊ အိန္ဒိယ မြန်မာ နှစ်နိုင်ငံ လေကြောင်းလိုင်းများ တိုးချဲ့ ပျံသန်းရေးတွေလည်း ဆွေးနွေးပြီး သဘောတူညီမှုတွေ ရယူကြမယ်လို့ သိရပါတယ်။

နေလင်း                      

ဆီးရီးယား သတ်ဖြတ်မှုကို နိုင်ငံတကာက ရှုံ့ချ

ဆီးရီးယားကို ရှုံ့ချလိုက်တဲ့ ဘန်ကီမွန်း

ဆီးရီးယား နိုင်ငံက ဟိုလာမြို့ အတွင်းမှာ ဖြစ်ပွား ခဲ့တဲ့ သတ်ဖြတ်မှု တွေကို ကုလသမဂ္ဂ အတွင်းရေးမှုးချုပ် ဘန်ကီမွန်းနဲ့ ဆီးရီးယား ဆိုင်ရာ နိုင်ငံတကာ အထူးသံတမန် ကိုဖီအာနန် တို့က ပြစ်တင် ရှုံ့ချ လိုက်ကြပါတယ်။

ဆက်လက်ပြီး ဒါဟာ နိုင်ငံတကာ တရား ဥပဒေကို ပြောင်ပြောင် တင်းတင်း ချိုးဖောက် တာပဲ ဖြစ်တယ် လို့လည်း ဆိုလိုက် ပါတယ်။

ဆက်လက်ပြီး ဆီးရီးယား အစိုးရကို လူနေ ထူထပ်တဲ့ ဒေသတွေကို လက်နက်ကြီး တွေသုံးပြီး ပစ်ခတ် နေတာ တွေကို ချက်ခြင်း ရပ်တန့် ကြဖို့ကို တောင်းဆို လိုက်ပါတယ်။

အမေရိကန် သမ္မတ အိမ်ဖြူတော်က ပြောခွင့်ရ အမျိုးသမီး ကတော့ ဒီသတင်းတွေကြောင့် အမေရိကန် အနေနဲ့ ထိတ်လန့် တုန်လှုပ် မိကြောင်းနဲ့ ဒါဟာ ဒီ တရားမဝင်တဲ့ အစိုးရရဲ့ ယုတ်မာမှု တွေရဲ့ သက်သေ အထောက် အထား တွေဖြစ်ကြောင်း ပြောကြား သွားပါတယ်။

ဗြိတိန် ကတော့ ကုလသမဂ္ဂ လုံခြုံရေး ကောင်စီ အမြန်ခေါ်ဖို့ လုပ်မယ်လို့ ဆိုလိုက် သလို နိုင်ငံတကာ ဘက်က ပြင်းထန်တဲ့ တုန်ပြန်မှု တခု ပေးသွား နိုင်ဖို့ကိုလည်း တိုက်တွန်းသွား မယ်လို့ ဆိုလိုက်ပါတယ်။

အနိုင်ရခဲ့တဲ့ ဆွီဒင်က လိုရင်းနဲ့ အဖွဲ့ယူရိုဗစ်ရှင်း ဆွီဒင် အနိုင်ရ

အရင် ဆိုဗီယက် ပြည်ထောင်စု ထဲမှာ ပါခဲ့တဲ့ အဇာဘိုင်ဂျန် နိုင်ငံမှာ ပြုလုပ်ခဲ့တဲ့ ယူရိုဗစ်ရှင်း သီချင်းဆို ပြိုင်ပွဲရဲ့ နောက်ဆုံး အဆင့်မှာ ၂၆ နိုင်ငံ ပြိုင်ခဲ့ ကြပါတယ်။

အဲဒီ အထဲမှာ ရုရှား နိုင်ငံက အဘွားအို တွေလည်း ပါသလို ယူကေ ဘက်ကလည်း အသက် ၇၆ နှစ် ရှိနေပြီ ဖြစ်တဲ့ ဗြိတိသျှ အဆိုတော်ကြီး အဲန်ဂဲလ်ဘတ် ဟမ်ပါဒစ် လည်း ဝင်ရောက် ယှဉ်ပြိုင် ခဲ့ပါတယ်။

ပြိုင်ပွဲမတိုင်မီ သောကြာ နေ့ကတော့ မြို့တော် ဘာကူးမှာ ရှိတဲ့ ပြိုင်ပွဲကျင်းပမယ့် နေရာ အနီးမှာ အစိုးရကို ဆန့်ကျင် ဆန္ဒပြကြသူ ဒါဇင်ပေါင်း များစွာကို ရဲတပ်ဖွဲ့က ထိန်းသိမ်း ခဲ့ပါတယ်။

အစိုးရ ဆန့်ကျင်သူ တွေက သမ္မတ အီလ်ဟမ် အလီယဗ်ရဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး ဝေဖန် နေကြတာ ဖြစ်ပါတယ်။

သမ္မတရဲ့ ဇနီး ကအဲဒီ ယူရို ဗစ်ရှင်း အဆိုပြိုင်ပွဲ ကျင်းပရေး အဖွဲ့ကို ခေါင်းဆောင်တာ ဖြစ်သလို သမီး လုပ်သူ ကလည်း အဲဒီ ပြိုင်ပွဲ အတွက် ရုပ်မြင် သံကြား ကနေ အစီအစဉ် တင်ဆက် ပေးသူ ဖြစ်ပါတယ်။

တခါ သားမက် လုပ်သူ ကလည်း ပြိုင်ပွဲ ကြားမှာ ခဏနားစဉ်မှာ သီချင်း ဝင်ဆို ခဲ့သေးတယ်လို့ ဆိုပါတယ်။

ပြိုင်ပွဲ မှာတော့ ဆွီဒင် အဆိုရှင် လိုရင်းက အနိုင်ရသွားခဲ့ပါတယ်။ သူမဟာ အဲဒီ ပြိုင်ပွဲမှာ နိုင်ငံရေး နဲ့ ပတ်သက်လို့ ဘာမှတ်ချက် မျိုးမှ မပေးခဲ့ ပေမဲ့လည်း လာရောက် ယှဉ်ပြိုင်ကြတဲ့ နိုင်ငံတကာ အဆိုရှင်တွေ ထဲမှာ အဲဒီက လူ့အခွင့်အရေး လှုပ်ရှားသူ တွေနဲ့ တွေ့ဆုံ ခဲ့တဲ့ တဉီးတည်းသော ပြိုင်ပွဲဝင် အဆိုရှင် ဖြစ်ပါတယ်။

လယ်သမားတွေဟာ အာဏာပိုင်တွေကို အကြိမ်ကြိမ် ဆန္ဒပြ သိစေခဲ့ပါတယ်။လယ်လုပ်သူတွေ လယ်မရ

ရန်ကုန်တိုင်းမှာ ဇေကမ္ဘာ ကုမ္ပဏီနဲ့ လယ်သမားတွေကြား လယ်ယာ လုပ်ကိုင်ခွင့်နဲ့ ပတ်သက်ပြီး ကာလ ရှည်ကြာ အငြင်းပွားမှုတွေ၊ ဆန္ဒပြမှုတွေ၊ တိုင်ကြား ဖြေရှင်းမှုတွေ တောက်လျှောက် ဖြစ်ခဲ့ပြီး နောက်မှာ အခုတော့ ရန်ကုန်တိုင်း အစိုးရရုံးက ဇေကမ္ဘာ ကုမ္ပဏီကို သီးစားခွင့် ပေးလိုက်တယ်လို့ ဘီဘီစီက စုံစမ်း သိရပါတယ်။

သီးစားခွင့် ရတယ်ဆိုတာက လယ်ယာ လုပ်ငန်း လုပ်ကိုင်ခွင့် ရတာ ဖြစ်ပြီး၊ လယ်သမားတွေဟာ မေလ ၂၇ ရက်နေ့မှာ တိုင်းရုံးရဲ့ အကြောင်းကြားစာကို ကျေးရွာ အုပ်ချုပ်ရေးမှူးထံ ကနေ တဆင့် သိခဲ့ရတယ်လို့ လယ်သမားတွေကို ဥပဒေပိုင်းဆိုင်ရာ အကြံပေးနေတဲ့ ရှေ့နေ ဉီးဟန်ရှင်ဝင်းက ဘီဘီစီကို ပြောပြပါတယ်။

လယ်သမားတွေဟာ လက်ထဲက ထမင်းလုတ် ပုတ်ချခဲ့လိုက်ရသလို၊ ငါးကို ကုန်းပေါ် တင်ထားသလို ဖြစ်နေတယ်လို့ ရှေ့နေ ဉီးဟန်ရှင်ဝင်းက ဘီဘီစီကို ပြောပါတယ်။

အခု ဆုံးဖြတ်ချက်ဟာ ဥပဒေပိုင်းအရ အငြင်းပွားဖွယ်ရာ ဖြစ်နေတာမို့ ဥပဒေပိုင်းအရ ကုစားနိုင်ဖို့ ကြိုးစားမှာ ဖြစ်သလို အာဏာပိုင်တွေရဲ့ ဆုံးဖြတ်ချက်ကို ပြန်လည် သုံးသပ်နိုင်ဖို့ကိုလည်း ကြိုးစားသွားမယ်လို့ လယ်သမားတွေရဲ့ အကျိုးဆောင် ရှေ့နေက ပြောပါတယ်။

မကြာခင်မှာ မိုးဉီးကျပြီဖြစ်လို့ အရင်းအနှီး ရှာထားကြတဲ့၊ စိုက်ရေးပျိုးရေး ပြင်ဆင်ထားတဲ့ လယ်သမားတွေ အတွက် အခု ဆုံးဖြတ်ချက်ဟာ အရှုံးကြီး ရှုံးတာပဲ၊ နစ်နာတာပဲလို့လည်း ဉီးဟန်ရှင်ဝင်းက ပြောပါတယ်။

ဒီကိစ္စကို ဇေကမ္ဘာ ကုမ္ပဏီ ပိုင်ရှင် ဉီးခင်ရွှေကို ဘီဘီစီက ကြိုးစား ဆက်သွယ်ပေမယ့်လည်း တယ်လီဖုန်း ဆက်သွယ်လို့ မရခဲ့ပါဘူး။

နေတိုး လေကြောင်းတိုက်ခိုက်မှု အရပ်သားတွေ သေဆုံး

ပက်တီရာမှာ အာဖဂန်တပ်ဖွဲ့တွေ အဓိက လုံခြုံရေး ယူထားတာ ဖြစ်ပါတယ်

အာဖဂန်နစ္စတန် အရှေ့ဘက်ပိုင်းမှာ နေတိုး တပ်ဖွဲ့ရဲ့ လေကြောင်းက တိုက်ခိုက်မှုကြောင့် မိသားစု တခုတည်းက မိသားစုဝင် အနည်းဆုံး ၇ ဦးလောက် သေဆုံးသွားတယ် လို့ အာဖဂန် အရာရှိတွေက ပြောပါတယ်။

ပက်တီရာ ပြည်နယ်ချုပ်ရေးမှူး ပြောခွင့်ရသူက ဘီဘီစီကို ပြောပြရာမှာ သေဆုံးသွားသူတွေ ထဲမှာ ကလေး ၆ ယောက်နဲ့ မိခင် တဦး ပါတယ်လို့ ဆိုပါတယ်။

ဒီမိသားစုနေတဲ့ ရွာဟာ မနေ့ညက ဗုံးကျဲခံလိုက်ရတာဖြစ်တယ်လို့လည်း သူကပြောပါတယ်။

နေတိုးဦးဆောင်တဲ့ နိုင်ငံတကာ တပ်ဖွဲ့ ပြောခွင့်ရသူကတော့ သူတို့တပ်ဖွဲ့တွေဟာ အဲဒီ နယ်မြေဘက်မှာ ပြုလုပ်ခဲ့တဲ့ စစ်ဆင်ရေးတခုမှာ ပါဝင်ခဲ့တယ်ဆိုပါတယ်။

စစ်ဆင်ရေးမှာ သူပုန်တွေနဲ့ အပြန်အလှန်ပစ်ခတ်မှုတွေ ဖြစ်ပွားနေတဲ့အချိန်မှာ နေတိုးတပ်ဖွဲ့ ဘက်ကနေ လေကြောင်းအကူအညီတောင်းခံခဲ့တယ်လို့လည်း သူကပြောပါတယ်။

အာဖဂန်မှာ နိုင်ငံခြား တပ်ဖွဲ့တွေကြောင့် အရပ်သားတွေ သေဆုံးရတဲ့ ကိစ္စဟာ အင်မတန်မှကို အထိအခိုက် မခံတဲ့ ကိစ္စ ဖြစ်ပါတယ်။

ဆီးရီးယားက သတ်ဖြတ်မှု အစိုးရ ငြင်းဆို

သောကြာနေ့က တိုက်ခိုက်မှုတွေ ဖြစ်ပြီးနောက် လူ ၉၀ လောက် သေဆုံးနေတာကို တွေ့ရှိရ

ဆီးရီးယားနိုင်ငံ ဟိုလိုမြို့မှာ ဖြစ်ပွားခဲ့တဲ့ အကြီးအကျယ် သတ်ဖြတ်မှုတွေ မှာ အစိုးရ လုံခြုံရေး တပ်ဖွဲ့တွေ ပါဝင် ပတ်သက်ခြင်း မရှိဘူးလို့ ဆီးရီးယား အာဏာပိုင်တွေက ပြောကြား လိုက်ပါတယ်။

သောကြာနေ့က ပစ်ခတ် တိုက်ခိုက်မှုတွေ ဖြစ်ပွားခဲ့ပြီးနောက် ကလေးငယ် အများအပြား အပါအဝင် လူ ပေါင်း ၉၀ လောက် သေဆုံး နေတာကို တွေ့ရှိခဲ့တာ ဖြစ်ပါတယ်။ ဒီဖြစ်ရပ်ကြောင့် နိုင်ငံတကာ ကပါ အမျက်ဒေါသ ဖြစ်ခဲ့ကြတာပါ။

ဆီးရီးယား နိုင်ငံခြားရေး ဝန်ကြီးဌာန ပြောခွင့်ရ ဂျီဟတ် မက်ဒီစီ ကတော့ လက်နက် အပြည့် အစုံနဲ့ ရာနဲ့ချီတဲ့ စစ်သွေးကြွတွေဟာ ဟိုလိုမြို့ထဲကို ဝင်သွားပြီး အရပ်သားတွေကို ပစ်မှတ် ထား တိုက်ခိုက်ခဲ့တာ ဖြစ်တယ်ဆိုပြီး ဒမားစကပ်စ် သတင်းစာရှင်းလင်းပွဲမှာ ပြောကြား သွားပါတယ်။

စွမ်းရည်သတ္တိနဲ့ ပြည့်စုံတဲ့ ဆီးရီးယား စစ်တပ်ဟာ အဲဒီလို အမျိုးသား အမျိုးသမီးတွေနဲ့ ကလေးငယ်တွေရဲ့ ခေါင်းကို ပစ်သတ်တဲ့ ပုံစံမျိုး မလုပ်ဘူးလို့လည်း မစ္စတာ မက်ဒီစီက ပြောကြား သွားပါတယ်။

အခုဖြစ်ပွားခဲ့တဲ့ အစုလိုက်အပြုံလိုက် သတ်ဖြတ်မှု တွေအတွက် ဆီးရီးယားအစိုးရမှာ တာဝန်မရှိဘူးဆိုတာကို သူက အခိုင်အမာ ငြင်းဆိုသွားပြီး၊ သတ်ဖြတ်မှုတွေကို ကျူးလွန်ခဲ့တဲ့ အကြမ်းဖက် သမားတွေကိုလည်း ပြင်းပြင်းထန်ထန် ရှုတ်ချကြောင်း ပြောကြားသွားပါတယ်။

နိုင်ငံတကာရဲ့ တုံ့ပြန်မှုတွေဟာလည်း အတိုက်အခံတွေရဲ့ သတင်း ထုတ်ဖေါ်ချက် သက်သက် ကိုသာ နားထောင်ပြီး ပြောဆိုကြတာ ဖြစ်တယ်လို့ သူကပြောပါတယ်။

ဆီးရီးယား ငြိမ်းချမ်းရေး ကိုယ်စားလှယ် ကိုဖီအာနန်ဟာ မနက်ဖြန် တနင်္လာနေ့မှာ မြို့တော် ဒမားစကပ်စ်ကို ရောက်ရှိမှာ ဖြစ်ပါတယ်။

ရေအားလျှပ်စစ် စီမံကိန်းရခိုင် မှ ရေအားလျှပ်စစ်စီမံကိန်း

မြန်မာနိုင်ငံ အနောက်ဖက် ဒေသ မှာတည်ဆောက်မယ့် အကြီးဆုံး လေးမြို့ ရေအားလျှပ်စစ် စီမံကိန်း စတင် အကောင်အထည် ဖေါ်တာနဲ့ အမျှ ချင်းရွာတွေ နဲ့ ရခိုင် ကျေးရွာ တရာ နီးပါးခန့် ပြောင်းရွေ့ ရမယ့် အခြေအနေ ရင်ဆိုင်နေရပါတယ်။

မီဂါဝပ် ၅ဝဝ ခန့် ထုတ်လုပ် နိုင်မယ့် လေးမြို့မြစ် ရေအားလျှပ်စစ် စီမံကိန်း ကို ချင်းပြည်နယ် ပလက်ဝ မြို့နယ် ခဘွေချေ ကျေးရွာ အနီးမှာ စတင် အကောင် အထည် ဖေါ်နေတဲ့ အကြောင်း ဒေသခံ တွေက ဘီဘီစီ ကို ပြောပါတယ်။ ဒီနေရာမှာ မှတ်တိုင်တွေ ကို တရုတ် အင်္ဂျင်နီယာ တွေနဲ့ မြန်မာ အင်္ဂျင်နီယာတွေ စိုက်ထူ နေကြတဲ့ အကြောင်း၊ အလုပ်သမား တွေ အတွက် နေရာထိုင်ခင်း အဆောက်အဉီး တွေပါ စတင် ဆောက်လုပ် နေတဲ့ အကြောင်း၊ ဒေသခံ တွေလည်း နေရာရွှေ့ပြောင်း ဖို့ သက်ဆိုင်ရာ အာဏာပိုင်တွေ လာပြောတာကို ရှင်းပြကြပါတယ်။

ချင်းပြည်နယ် အစိုးရ အဖွဲ့က တာဝန်ရှိ လူကြီးတဉီး ကိုယ်တိုင် ကျေးရွာ အသီးသီး က လူကြီး တွေ ဖိတ်ခေါ်ပြီး မြစ်ကမ်းဘေးရှိ ရွာတွေ တောင်ပေါ် ပြောင်းဖို့ လာပြောတါပါ။ ပြောင်းရွှေ ရမယ့် အချိန်ကာလ တော့ ပြောမသွားပါဘူး။ ရေအား လျှပ်စစ်စီမံကိန်း တည်ဆောင်မယ့် နေရာ အပေါ်ပိုင်း နဲ့ အောက်ပိုင်းရှိ ချင်းနဲ့ ရခိုင် ကျေးရွာ တွေ အကျုံး ဝင်နေပါတယ်။

ဒီနေရာ ကို သွားရောက် လေ့လာခဲ့တဲ့ မြောက်ဉီး ဒေသခံ က အဆိုပါ လေးမြို့မြစ် ရေအားလျှပ်စစ် စီမံကိန်းက ထုတ်ယူ ရရှိမယ့် လျှပ်စစ်ဓါတ်အား ကိုလည်း ဒေသဖွံ့ဖြိုးရေး အစား ပြည်ပ ကို တင်ပို့မယ့် သတင်းတွေကြောင့် ရွာခံတွေ စိတ်ပူ နေပုံ ဘီဘီစီ ကို ရှင်းပြပါတယ်။

ဆန္ဒပြစက်ရုံတချို့ ညှိနှိုင်းလို့ မရနိုင်သေး

By သင်းသီရိ

အခြေခံလုပ်ခလစာတိုးမြှင့်ရေးအတွက် လှိုင်သာယာက စက်ရုံ ၁၀ ရုံ ဆန္ဒပြနေတဲ့အထဲ   ၅ ရုံက သဘော တူညီချက် ရသွားလို့ ပြေလည်သွားပေမယ့် ကျန်တဲ့ စက်ရုံ၅ ရုံက ဒီကနေ့ထိ ပိုင်ရှင်တွေနဲ့  ညှိနှိုင်း မရ ဘဲ ဖြစ်နေပါသေးတယ်၊ ဒီအလုပ်သမားတွေရဲ့ အခက်အခဲတွေအတွက်  ရန်ကုန်အခြေစိုက် ILO အပြည်ပြည် ဆိုင်ရာ အလုပ်သမားအဖွဲချုပ်ရုံးကို တိုင်ကြားအကူအညီတောင်းပေမယ့် ILO က ဒီလှုပ်ရှားမှုတွေဟာ ဥပဒေနဲ့ ကိုက်ညီခြင်းမရှဘူး ဆိုပြီးတော့ ကူညီပေးမှု မရှိဘူးလို့လည်း အလုပ်သမားအရေး ဆောင်ရွက်နေသူတွေ က ပြောပါတယ်။ ဒီတော့  မသင်းသီရိရေ လှိုင်သာယာက အလုပ်သမားဆန္ဒပြမှုတွေရဲ့ နောက်ဆုံး အခြေအနေတွေကို ဆက်ပြောပြပါအုံးရှင်၊

လှိုင်သာယာက အလုပ်သမားတွေ ဆန္ဒပြနေကြတာ အခုဆိုရင် သီတင်း ၂ပတ်ကျော်ရှိနေပြီ ဖြစ်ပေမဲ့ အခုချိန်ထိ စက်ရုံ အားလုံးတော့ ပြေလည်မှု မရသေးပါဘူး၊ အခြေခံလစာအဖြစ် တလကို ကျပ် ၃သောင်းထိ တိုးမြှင့်ပေးဖို့   အထည်ချုပ် စက်ရုံတွေ ဖိနပ်ချုပ်စက်ရုံတွေနဲ့ ဆံပင်တု စက်ရုံတွေ အားလုံး စက်ရုံ ၁၀ ရုံ ဆန္ဒပြနေကြတဲ့အထဲမှာ Lucky Shoes စက်ရုံရယ်  Hi Art ဆံပင်တုစက်ရုံအပါအ၀င် နောက်ထပ် အထည်ချုပ် စက်ရုံ ၃ခု ပေါင်း ၅ ခုဟာ ဒီနေ့ ထိ ညှိနှိုင်းလို့ မရ ဘဲ ဖြစ်နေပါတယ်။ ကျန်တဲ့ စက်ရုံ ၅ ရုံ ကတော့ သောကြာနေ့  စနေနေ့တွေမှာ ကြားသဘောတူညီချက်တွေနဲ့  သဘောတူခဲ့ကြတာ ဖြစ်တယ်လို့ အလုပ်သမားတွေအတွက်  ဥပဒေအကြံပေးအဖြစ် ဆောင်ရွက်ပေးနေတဲ့ ရှေ့နေ ဦးဌေးက ပြောပြပါ တယ်။

 “နေမင်းအောင် အထည် ချုပ်စက်ရုံ ကျန်ပါတယ်။ နောက် လပ်ကီးရှုး စက်ရုံ သားရေဖိနပ်စက်ရုံ၊ နောက် တခုက တိုးမြတ်အောင် ဇာထိုးပန်းထိုး ကျန်ပါတယ်ခင်ဗျ။ နောက်  ငွေကန့်ကော် အထည်ချုပ်စက်ရုံ လည်း ကျန်ရှိပါတယ်ခင်ဗျ။  ၉ရက်နေ့ကနေ ဒီနေ့ထိ ဆက်လုပ်နေတဲ့  ဟိုင်းအပ်တ် ဆံပင်တု စက်ရုံ  အားလုံးပေါင်း ၅ရုံကျန်ရှိပါတယ်။ သဘောတူတဲ့ စက်ရုံရော၊ မတူတဲ့ စက်ရုံရော  အခြေခံ လုပ်ခ လစာမှာ သဘောတူညီချက် မရကြပါဘူး။  သို့သော်လည်း ကျန်တဲ့ ဟာတွေ  ရှားပါးစရိတ်၊ ဒီ ကျန်တဲ့ ထောက်ပံ့ကြေးတွေအပေါ် မူတည်ပြီးတော့  သူတို့ လိုက်လျောကြတာ ဖြစ်ပါတယ်။ ပိုင်ရှင်တွေဘက်ကနဲ့ အစိုးရ တာဝန်ရှိ ပုဂ္ဂိုလ် တွေ ကတော့ တသောင်းခွဲပဲ။ တနေ့ ၅၀၀ ပဲ လိုက်လျော နိုင်တဲ့ အခြေနေ ရှိပါတယ်”

လက်ရှိမြန်မာနိုင်ငံတွင်း အလုပ်သမားတွေအတွက် အနိမ့်ဆုံးလစာ နဲ့ပတ်သက်လို့ ပြဋ္ဌာန်းထားတဲ့ ဥပဒေ မရှိ တာမို့ တရားဝင် ညှိနှိုင်း တောင်းဆိုကြတဲ့အခါ အလုပ်သမားတွေဘက်က အတော်လေးနစ်နာတာတွေ့ရတယ် လို့လည်း ဦးဌေးက ထောက်ပြပါတယ်၊

“အဲဒီမှာ ပါဝင်မှု ဖြစ်တာကတော့  အစိုးရ နိုင်ငံတော်ကနေပြီးတော့ ဥပဒေ ပြဋ္ဌာန်းချက်  အနိမ့်ဆုံး လုပ်ခ ပြဋ္ဌာန်းချက် ဥပဒေ ရှိတာပေါ် မူတည်ပြီးတော့ ပိုင်ရှင်ဘက်ကရော၊ ဒီဘက် အလုပ်သမား ၀န်ကြီးဌာန အောက်မှာ ရှိတဲ့ ၀န်ထမ်းတွေကရော  အဲဒီ ဥပဒေ မရှိတာကို အကြောင်းပြပြီးတော့ သူတို့က ပိုင်ရှင်နဲ့ တသားထဲ ရပ်ပြီးတော့ အလုပ်သမားတွေကတော့ သူတို့ရဲ့ ဘ၀အရ တနေ့ကို ၅၀၀ သူတို့ပေးထား တဲ့ နှုန်းဟာ ထမင်းတနပ်ဖိုးတောင် မရှိတဲ့ အတွက်ကြောင့် သူတို့က ဆက်လက်တောင်းဆိုနေကြတာ ဖြစ်ပါ တယ်။  ဒီ အလုပ်သမားတွေဘက်က တောင့်မခံနိုင်ကြတဲ့ အတွက် သူတို့အနေနဲ့ ရတဲ့ဈေးနဲ့ ကျေနပ်ရတဲ့ အနေထားဖြစ်ပါတယ်။”

အခု အလုပ်သမားတွေ ကြုံနေရတဲ့ အခက်အခဲတွေအတွက် ရန်ကုန်အခြေစိုက် ILO အပြည်ပြည်ဆိုင်ရာ အလုပ်သမားအဖွဲ့ချုပ်ကြီးကို ကူညီ ပေးဖို့ တင်ပြတောင်းဆိုပေမဲ့ ဒီဆန္ဒပြမှုတွေဟာ   ချမှတ်ထားတဲ့ ဥပဒေနဲ့ မကိုက်ညီတဲ့အတွက် ILO ဘက်က ကူညီပေးမှု လုံးဝ မရဘူး လို့ လည်း ရှင်းပြပါတယ်၊

“မှန်ပါတယ် ခင်ဗျ။ ဘာမှမရှိပါဘူး။ သူတို့က အလုပ်သမားတွေ အတွက်တောင် ရပ်တည်မှု မရှိပါဘူး ခင်ဗျ။ ၉ရက်နေ့က ဟိုင်းအပ်တ် စက်ရုံက အလုပ်သမား ခေါင်းဆောင်ကိုယ်တိုင် ထရေးဒါးမှာ  ILO အရာရှိတွေကို သူတို့ သွားတွေ့ပါတယ်ခင်ဗျ။ ဒါပေမဲ့ အားပေးထောက်ခံမှု မရရှိတဲ့ အပြင် ဥပဒေနဲ့မညီညွတ်ဘူးလို့ ဝေဖန် တာ ခံခဲ့ရပါတယ်ခင်ဗျ။  အလုပ်သမား ဥပဒေ ပေါ်ပေါက်လာပြီးတော့ အဲဒီ ဥပဒေအရ သပိတ်မှောက်ဖို့ ၃ရက် ကြို တင်ရမယ်။ အလုပ်သမားအဖွဲ့ချုပ်ရဲ့ ဆုံးဖြတ်ချက် ပါရမှာမှန်ပေမဲ့ အဲဒီ အလုပ်သမား အဖွဲ့ချုပ်မရှိတဲ့ အတွက် အဲဒါကလည်း မဖြစ်နိုင်ပါဘူး။ ညှိနှိုင်းရေးကော်မတီ၊ ဖြန်ဖြေရေးကော်မတီ၊ နောက် ခုံသမာဓိအဖွဲ့တို့ ဆိုတာ မရှိတဲ့အတွက် ဖြေရှင်းလို့ မရပါဘူး”

အလုပ်သမာအရေး လိုက်ပါ ဆောင်ရွက်ပေးနေတဲ့ ဥပဒေအကြံပေး ဦးဌေးက ပြောပြပါတယ်။ သီတင်း ၂ပတ်ကျော်ကြာရှိနေပြီ ဖြစ်တဲ့ အလုပ်သမားရေး တောင်းဆိုမှုတွေကို အလုပ်သမားတွေနဲ့  ပတ်သက်တဲ့ အစိုးရဌာနက အစိုးရဌာနက တာဝန်ရှိသူတချို့နဲ့  ကြံခိုင်ဖွံဖြိုးရေး ပါတီက  ရန်ကုန်တိုင်း တာဝန်ခံ တချို့ လာရောက် ကြားဝင် ညှိနှိုင်းတာမျိူးတွေ ရပေမဲ့ အလုပ်သမားတွေဘက်က သူတို့အပေါ် ယုံကြည်မှု အားနည်း တာကြောင့် မအောင်မြင်တဲ့အပိုင်းတွေလည်း တွေရတယ်လို့  အလုပ်သမားအရေးကို လိုက်ပါကူညီပေးနေ သူတွေထဲက တဦးဖြစ်တဲ့ ၈၈ မျိူးဆက်ကျောင်းသူ မသက်သက်အောင်ကလည်း ရှင်းပြပါတယ်၊

“အလုပ်သမား ၀န်ကြီးဌာနတွေနဲ့ ဖြေရှင်းတဲ့အခါမှာ အလုပ်သမားတွေဘက်က သူတို့အပေါ်မှာ ယုံကြည်မှုက အားနည်းနေတယ်။ ဘာကြောင့်လဲ ဆိုတော့ ဟိုင်မို ကိစ္စမှာလည်း ညွှန်ချုပ် ဦးဝင်းရှိန်ကိုယ်တိုင် လက်မှတ်ရေး ထိုးပြီးတော့၊ ချုပ်ဆိုရတဲ့ စာချုပ်တွေမှာလည်း  နောက်တကြိမ်ကျတော့ ပြန်ပြီး တရားမ၀င်တော့ပါဘူး လို့  ပြန်ဖြစ်တဲ့အတွက်  အလုပ်သမားတွေက ဒီဌာနအပေါ်မှာ ယုံကြည်မှု အားနည်းသွားတယ်ပေါ့”

၈၈ မျိူးဆက်ကျောင်းသူ မသက်သက်အောင်ရဲ့ သုံးသပ်ချက်ပါရှင်၊ အခု အလုပ်သမားတွေ ဆန္ဒုပြနေတဲ့ စက်ရုံတွေကို တရုပ်နဲ့ ကိုရီးယား  နိုင်ငံသားတွေ ပိုင်ကြတဲ့ စက်ရူံတွေ ဖြစ်ပါတယ်၊ စက်ရုံပိုင်ရှင်တွေဘက် ကတော့ အလုပ်သမားများအတွက် လက်ရှိ လစာနဲ့ အကျိုး ခံစားခွင့် များကို တိုးမပေးနိုင်ဘူးလို့ ပြောထား သလို  အလုပ် ၃ ရက်ပျက်ကွက်ရင် အလုပ်က ထုတ်ပစ်မယ်ဆိုတာတွေ၊  ကျေနပ်မှုမရှိဘူးဆိုရင်  ကိုယ့် သဘောနဲ့ ကိုယ် ဆန္ဒအလျောက် နှုတ်ထွက်နိုင်တယ်ဆိုပြီး ထုတ်ပြန်ထားတွေလည်း ရှိပါတယ်၊

အခု မြန်မာနိုင်ငံမှာ အစိုးရက  စီးပွားရေးတိုးတက်လာဖို့ အတွက် ဥပဒေပြဋ္ဌာန်းချက်တွေနဲ့ လုပ်ငန်းသစ်တွေ လုပ်နိုင်အောင် စီစဉ်နေတာတွေ၊  တခါ ပြောင်းလဲလာတဲ့  နိုင်ငံရေးတချို့ကြောင့် အရင်က  စီးပွားရေး ပိတ်ဆို့ ထားတဲ့ နိုင်ငံကြီးတွေက  လုပ်ငန်းတွေ ၀င်ရောက်လုပ်ကိုင်ဖို့ မျက်စိကျနေချိန်မှာ အခုလို အလုပ်သမား ပြဿနာတွေ  မီး မလာ ရေမရတဲ့ ပြဿနာတွေကြောင့် လူထုတောင်းဆိုမှုတွေကို အစိုးရက  ဘယ်လို ဖြေရှင်းမလဲဆိုတာ သူတို့အတွက် သတိထား စောင့်ကြည့်နေတာ ဖြစ်တယ် လို့လည်း မြန်မာ့ အရေး လေ့လာနေသူတွေက သုံးသပ်ကြတာလည်း ရှိပါတယ်၊

အိန္ဒိယ၀န်ကြီးချုပ် မြန်မာနိုင်ငံရောက်

By သင်းသီရိ

အိန္ဒိယနိုင်ငံ ဝန်ကြီးချုပ် မန်းမိုဟန် ဆင်း (Manmohan Singh) ဟာ ဒီကနေ့မေလ ၂၇ ရက် တနင်္ဂနွေ ညနေက နေပြည်တော်ကို ရောက် နေပါပြီ။ ဒါဟာ ၂၅ နှစ်တွင်း မြန်မာနိုင်ငံကို အိန္ဒိယ ၀န်ကြီးချုပ် တဦးရဲ့ ပထမဆုံးခရီးစဉ်လည်း ဖြစ်ပါတယ်။ ဒီခရီးစဉ်အတွင်းမှာ အိန္ဒိယ ၀န်ကြီးချုပ်ဟာ နိုင်ငံတော် သမ္မတနဲ့ရော အစိုးရအဖွဲ့တွေနဲ့အပြင် စီးပွားရေးလုပ်ငန်းရှင်တွေနဲ့ပါ တွေ့ဆုံဖို့ စီစဉ်ထားပြီး ရန်ကုန်မှာလည်း NLD ပါတီခေါင်းဆောင် ဒေါ်အောင်ဆန်းစုကြည်နဲ့ တွေ့မှာ ဖြစ်ပါတယ်။ အခုလို သမိုင်းဝင် အိန္ဒိယ၀န်ကြီးချုပ် ရဲ့ခရီးစဉ်တွင်း ဘယ်လိုထူးခြားတဲ့ ဆွေးနွေးမှုတွေ ရှိနိုင်သလဲဆိုတာနဲ့ အိန္ဒိယ-မြန်မာ ဆက်ဆံရေးအပေါ် ဘယ်လိုသုံးသပ်ကြသလဲ ဆိုတာကိုတော့ မသင်းသီရိက တင်ပြပေးပါမယ်။ 

အိန္ဒိနိုင်ငံ ဝန်ကြီးချုပ် မန်းမိုဟန်ဆင်းဟာ မေလ ၂၇ ရက် တနဂ်နွေ ညနေ ၆ နာရီ ၄၅ မိနစ်မှာ နေပြည်တော်ကို လေယာဉ်နဲ့ ရောက်လာခဲ့ တာ ဖြစ်ပြီး မြန်မာနိုင်ငံရဲ့ နိုင်ငံခြားရေးဝန်ကြီး ဦးဝဏ္ဏမောင်လွင်က ကြိုဆိုခဲ့ပါတယ်။ မနက်ဖြန် မေလ ၂၈ ရက် တနင်္လာနေ့ မနက်မှာတော့ နေပြည်တော် မှာ နိုင်ငံတော်သမ္မတ ဦးသိန်းစိန်နဲ့ရော အစိုးရအဖွဲ့ဝင် ၀န်ကြီးတချို့နဲ့ပါ တွေ့ဆုံဖို့ရှိပြီး နေလည်ပိုင်းမှာတော့ နေပြည်တော်က MICC မှာ စီးပွားရေး လုပ်ငန်းရှင်တွေ၊ ကုန်သည်ကြီးများနဲ့ စက်မှုလုပ်ငန်းရှင် အသင်းက လုပ်ငန်းရှင်ကြီးတွေနဲ့အတူ ကုန်သွယ်ကူးသန်း ကိစ္စတွေအတွက် တွေ့ဆုံဖို့လည်း စီစဉ်ထား ပါတယ်။ 

ညဘက်မှာတော့ အိန္ဒိနိုင်ငံ ဝန်ကြီးချုပ် မန်းမိုဟန်ဆင်းကို သမ္မတက ညစာနဲ့ တည်ခင်းဧည်ခံမှာ ဖြစ်ပါ တယ်။

ဒါဟာ ၂၅ နှစ်ကြာကာလတွင်း အိန္ဒိယနိုင်ငံက ၀န်ကြီးချုပ်အဆင့် အဖြစ်နဲ့ မြန်မာနိုင်ငံကို ပထမဆုံး လာရောက်တဲ့ ခရီးစဉ်ဖြစ်ပြီး ဒီ ခရီးစဉ်အတွင်းမှာ နှစ်နိုင်ငံလုံခြုံရေး၊ စီးပွားရေး ရင်းနှီးမြှုပ်နှံမှု၊ ကုန်သွယ် ကူးသန်း ကိစ္စတွေကို အထူးအလေးပေး ဆွေးနွေးဖို့ စီစဉ်ထားတယ်လို့လည်း သိရပါတယ်။ 

ဒါဟာ နို်င်ငံရေး ပြောင်းလဲမှုတချို့ကြောင့် အနောက်အင်အားကြီး နိုင်ငံတွေက ကောင်းတဲ့ အပြောင်း အလဲတွေနဲ့ ဆက်ဆံလာတာကို အ်ိမ်နီးချင်း အိန္ဒိယက မြင်နေတာကြောင့်ရော အထူးသဖြင့် ပြိုင်ဘက်လို့ ပြောနိုင်တဲ့ တရုတ်နိုင်ငံထက်ကို မလျော့တဲ့ စီးပွာေးရး ပူးပေါင်း လုပ်ဆောင်ချင် တာတွေကြောင့် အိန္ဒိယနိုင်ငံဟာ မြန်မာကို ခြေလှမ်းသစ်တွေနဲ့ ဆက်ဆံလာတာ တွေ့ရတယ်လို့ ၀ါရင့် နိုင်ငံရေးသမားကြီး တဦးဖြစ်တဲ့ သခင်ချန်ထွန်းက သုံးသပ်ပါတယ်။ 

"ဘာဖြစ်လို့လဲဆိုတော့ မြန်မာပြည်နဲ့ အိန္ဒိယက နယ်စပ်ချင်း ထိစပ်နေတယ်၊ မြန်မာပြည်နဲ့ တရုတ်ပြည်ကလည်း နယ်ချင်းစပ်နေတယ်ဆိုတော့ တရုတ်ပြည်နဲ့ အိန္ဒိယနဲ့ကလည်း နယ်ခြားပြသနာတွေ ဘာတွေ နည်းနည်းပါးပါး မရှင်းလင်းတာလေးတွေ ဘာလေးတွေ ကျန်သေးတာပေါ့၊ အဲလို ကျန်တဲ့အခါ ကျတော့ မြန်မာပြည်ဟာ တရုတ်ပြည်ရဲ့ မဟာမိတ်ကြီး လုံးလုံး ဖြစ်သွားမှာကိုတော့ အိန္ဒိယက မလိုလားဘူး၊ မလိုလားတော့ ဘာပဲဖြစ်ဖြစ် မြန်မာအစိုးရနဲ့ခင်အောင် တတ်နိုင်သလောက် ပေးတာကမ်းတာရှိမယ်၊ ဒီလို ဆက်ဆံရေးတွေ ကောင်းအောင် ပုဂ္ဂိုလ်ချင်း ရင်းနှီးမှုတွေရအောင် အဆက်သွယ်ကတော့ လုပ်ထားမှာပဲ၊ ဒီလိုပဲ ဖြစ်ပါတယ်။"

မေလ ၂၇ ရက်နေ့ကနေ သုံးရက်ကြာနေမယ့် အိန္ဒိယ၀န်ကြီးချုပ်ရဲ့ မြန်မာပြည်ခရီးစဉ်အတွင်း မေလ ၂၉ ရက်အင်္ဂါနေ့မှာတော့ရန်ကုန်မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့မှာ ဖြစ်ပါတယ်။ 

နိုင်ငံရေး လူမှုရေးနဲ့ စီးပွားရေးအပြင် ယဉ်ကျေးမှုတွေက အစ မြန်မာနဲ့ အိန္ဒိယတို့ အစဉ်အလာ ကြီးမားခဲ့ပေမယ့် ၁၉၈၈ နောက်ပိုင်း ဒီမို ကရေစီရေး တောင်းဆိုမှုတွေမှာ အိန္ဒိယဟာ နှုတ်ဆိတ်နေခဲ့တာပါ။ ဒါပေမယ့် လွတ်လပ်ရေးဖခင် ဗိုလ်ချုပ်အောင်ဆန်းနဲ့ အိန္ဒိယတို့ဟာ မိတ်ဆွေကောင်း မိတ်ဆွေဟောင်းတွေ ဖြစ်ခဲ့တဲ့ သမိုင်း အစဉ်အလာတွေ တွေရှိတာဖြစ်သလို အခု သမီးဖြစ် တဲ့ ဒေါ်အောင်ဆန်းစုကြည်ရဲ့  မြန်မာ့အရေး ကြိုးပမ်းမှုတွေကို အိန္ဒိယဟာ လျစ်လျူရှုထားလို့ မရဘူးဆိုတာကို ဒီခရီးစဉ်က ပြလိုက်တာဖြစ်တယ်လို့ စာရေးဆရာ ချစ်ဦးညို ကလည်း သုံးသပ်ပါတယ်။ 

"ဗိုလ်ချုပ်အောင်ဆန်းက Subhash Chandra Bose တို့ နေရူး (Nehru) တို့နဲ့ အင်မတန်ခင်ပါတယ်။ လွတ်လပ်ရေးရဖို့ ကြိုးပမ်းနေတဲ့ ကာလပေါ့လေ၊ Subhash Chandra Bose မြန်မာပြည် လာတုန်းကလည်း သူတွေ့တယ်။ အဲဒီတော့ ဗိုလ်ချုပ်အောင်ဆန်းဟာ လွတ်လပ်ရေး ကြိုးပမ်းမှု သူရဲကောင်းတွေ၊ ခေါင်းဆောင်တွေမှာ အိန္ဒိယကို အားကျပြီးတော့ သူတို့ကို လေ့လာခဲ့တယ်ဆိုတဲ့ အချက်လေးတချက် သွားတွေ့ရတယ်။ နောက်တခါ ဒေါ်အောင်ဆန်းစုကြည်ရဲ့ မိခင်ဒေါ်ခင်ကြည်ကလည်း သံအမတ်ကြီး အဖြစ်နဲ့ ကာလရှည်ကြာစွာ နေခဲ့ဖူးတယ်။ ဒီတော့ ဗိုလ်ချုပ်အောင်ဆန်း မိသားစုနဲ့ အိန္ဒိယအစိုးရပိုင်းနဲ့ ထိတွေ့ဆက်ဆံမှုကတော့ အတော်လေး ကောင်းခဲ့တယ် ပြောရမှာပေါ့လေ။ အခုဒေါ်အောင်ဆန်း စုကြည် တိုင်းပြည်မှာ ခေါင်းဆောင်အနေနဲ့ လှုပ်ရှားနေတဲ့ ကာလမှာ အဲဒီ သမိုင်းကြောင်းတွေကို အခု လက်ရှိ အိန္ဒိယ ၀န်ကြီးချုပ်ကလည်း ဘယ်လိုမှ ပြစ်ပယ်လို့ ရမှာမဟုတ်ဘူး။ ဆက်ဆံမှုကို သူပြန်ပြီးတော့ လေ့လာလိမ့်မယ်။ အဲဒီတော့ ပုဂ္ဂိုလ်ရေးအနေနဲ့ ဒေါ်အောင်ဆန်းစုကြည်အပေါ်မှာ သူဟာလေးစားမှုရှိမယ် ၊ နေရာပေးမှုတွေ ရှိရလိမ့်မယ်၊ ဒီလိုယူဆပါတယ်။"

တကယ်တော့ မြန်မာနိုင်ငံဟာ တရုတ်နဲ့ အိန္ဒိယ ၂ နိုင်ငံစလုံးအတွက် မဟာဗျူဟာအရ အရေးပါ တဲ့ နိုင်ငံ တခု ဖြစ်နေတာပါ။ ဒါပေမယ့် တရုတ်နိုင်ငံဟာ သူများပြည်တွင်းရေး ၀င်မစွက်ဖက်ဘူး ဆိုပြီး အရင်ကတည်းက မြန်မာစစ်အစိုးရနဲ့ ပြောင်ပြောင်းတင်းတင်း ကျောထောက် နောက်ခံပေးကာ ဆက်ဆံနေ တာဖြစ်ပေမယ့် ဒီမိုကရေစီ စံနစ်ရင့်ကျက်မှုရှိတဲ့ အိန္ဒိယနိုင်ငံရဲ့ ရပ်တည်မှုကိုတော့ အတော် ဝေဖန်ခဲ့ကြတာပါ။ 

"အခု အနောက်နိုင်များနဲ့ EU စသည်အားဖြင့် ဒီလိုတွေ အပြန်အလှန် သွားနေကြတာ။ အမေရိကန် သံအမတ်ကြီး Derek Mitchell တောင်မှ ဒီမှာ သံအမတ်ကြီးနဲ့ ထိုင်မှာ။ ဒီလို အခြေအနေတွေကို အိန္ဒိယတို့ တရုတ်တို့ စိုးရိမ်မှာပဲ။ ကျနော်ထင်တယ် စီးပွားရေးအရလည်း အိန္ဒိယဟာ ပိုမို ပါဝင်လာလိမ့်မယ်၊ ကူသန်းရောင်းဝယ်ရေးကလည်း အများကြီး တိုးချဲ့လာလိမ့်မယ်။"

အိန္ဒိယဝန်ကြီးချုပ် မန်းမိုဟန် ဆင်းဂ်ဟာ သူရဲ့ မြန်မာပြည် ခရီးစဉ်တွင်း ၁၈၆၂ ခုနှစ်က မြန်မာနိုင်ငံမှာ ကွယ်လွန်သွားတဲ့ အိန္ဒိယနိုင်ငံရဲ့ နောက်ဆုံး မဂိုမင်းဆက် ဗဟာဒူး ဇဗားရှား (Bahadur Zafar Shah) ရဲ့ ဂူဗိမ္မာန်ကိုလည်း သွားရောက် ဂါရ၀ပြုမှာ ဖြစ်ပါတယ်။ 

အရှေ့မျှော်မူဝါဒနဲ့ စီးပွားကွက်ရှာနေတဲ့  အိန္ဒိယနိုင်ငံကတော့ မြန်မာနိုင်ငံနဲ့ ပိုပြီး ခိုင်မာပြီး အကျိုးရှိမယ့် ဆက်ဆံရေးမျိုး လိုချင်တယ်လို့ အိန္ဒိယ နိုင်ငံခြားရေးဝန်ကြီးက ပြောထားတာလည်း ရှိပါတယ်။ အထူး သဖြင့်တော့ အိန္ဒိယ၀န်ကြီးချုပ်ရဲ့ အခု မြန်မာပြည် ခရီးစဉ်အတွင်းမှာ ကုန်သွယ်ရေးလုပ်ငန်းတွေ တိုးမြှင့် သဘောတူနိုင်ဖို့ သဘောတူညီချက်တွေ ရမယ်လို့လည်း မျှော်လင့်ထားကြပါတယ်။

လူ ၉၀ကျော် သေဆုံးတဲ့ တိုက်ခိုက်မှု၊ ဆီးရီးယားအစိုးရ ငြင်းဆန်

By voa

• ဆီးရီးယားနိုင်ငံ ဟောလာ (Houla) မြို့မှာ သောကြာနေ့က ဆီးရီးယားအစိုးရတပ်ဖွဲ့တွေရဲ့ လက်ချက်ကြောင့် လူ ၉၂ ယောက်ထက်မနည်း သေဆုံးခဲ့ရတဲ့ ကိစ္စနဲ့ပတ်သက်ပြီး ဆီးရီးယားအစိုးရက ငြင်းဆန်လိုက်ပါတယ်။ ဒီသေဆုံးသွားသူတွေထဲက သုံးပုံတပုံလောက်ဟာ ကလေးငယ်တွေဖြစ်ကြပါတယ်။

ဆီးရီးယားနိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဂျီဟတ် မက်ခ် ဒစ် စီ (Jihad Makdissi) ကတော့  ဒီ စွပ်စွဲချက်တွေဟာ အကြီးအကျယ် လိမ်ညာမှုတွေသာဖြစ်ပြီး လက်နက်ကိုင် အကြမ်းဖက်သမားတွေကသာ ဆီးရီးယား တပ်ဖွဲ့ဝင်တွေကို တိုက်ခိုက်ခဲ့တာဖြစ်တဲ့အကြောင်း သူက အပြစ်ဖို့ခဲ့ပါတယ်။

ကုလသမဂ္ဂ စောင့်ကြည့်အကဲခတ်သူတွေကတော့  အစိုးရဆန့်ကျင်မှုတွေ အဓိက ဖြစ်ပွားရာ Homs မြို့ ရဲ့ အနောက်မြောက်ဘက်မှာရှိတဲ့ ဟောလာမြို့ကို တိုက်ခိုက်တဲ့နေရာမှာ လက်နက်ကြီးတွေ၊ သံချပ်ကာ တင့်ကားတွေ ကို အသုံးပြုခဲ့ကြတယ်လို့ ပြောဆိုခဲ့တာပါ။

အစိုးရနိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကတော့ - ဆီးရီးယားတပ်ဖွဲ့တွေအနေနဲ့ သူတို့ တိုက်ခိုက်ခံနေ ရတဲ့ အခြေအနေကို ခုခံ ကာကွယ်ရင်း လက်တုန့်ပြန်ခဲ့တာဖြစ်ပြီး သူတို့ဘက်က လက်နက်ကြီးတွေ သံချပ်ကာ တင့်ကားတွေကို မသုံးခဲ့ဘူးလို့ ပြောဆိုခဲ့ပါတယ်။

အခု ဟောလာ (Houla) မြို့ တိုက်ခိုက်ခံရမှုဟာ သမ္မတ ဘက်ရှာ အယ်လ် အာဆတ် (Bashar al-Assad's) ကို ဆန့်ကျင်ဆန္ဒပြခဲ့ကြတဲ့ ၁၅ လတာ ကာလအတွင်း အသေအပျောက် အများဆုံး တိုက်ခိုက်မှုလည်းဖြစ်ပါ တယ်။ သောကြာနေ့ က ၀တ်ပြုဆုတောင်းပွဲအပြီး ဆီးရီးယား စစ်တပ်ကနေ မြို့ကို ပစ်ခတ်ခဲ့တဲ့အတွက် အခုလို သေဆုံးကြရတာလို့ မျက်မြင်သက်သေတွေက ပြောဆိုခဲ့ပါတယ်။

အိန္ဒိယ၀န်ကြီးချုပ် မန်မိုဟန်ဆင်း မြန်မာခရီးစဉ်စတင်

By ဗွီအိုအေ (မြန်မာဌာန)

• India နိုင်ငံဝန်ကြီးချုပ် Manmohan Singn ဟာ သမိုင်းတွင်မယ့် ခရီးစဉ်တခုအဖြစ်နဲ့ မြန်မာနိုင်ငံကို ဒီကနေ့ ရောက်ရှိမှာဖစ်ပါတယ်။ ၂၅ နှစ်အတွင်း India ဝန်ကြီးချုပ်တဦးရဲ့ မြန်မာနိုင်ငံ ပထမဆုံးခရီး စဉ်ဖြစ်ပြီး မေလ (၂ရ) ရက်ကနေ (၂၉) ရက်နေ့ထိ (၃) ရက်ကြာမှာဖစ်ပါတယ်။

လုံခြုံရေး၊ ရင်းနှီးမြှုပ်နှံမှု၊ ယဉ်ကျေးမှုနဲ့အခြေခံအဆောက်အဦးဆိုင်ရာ ကိစ္စရပ်တွေအပါအဝင် နှစ်နိုင်ငံ ပူးပေါင်းဆောင်ရွက်မှုတွေ တိုးမြှင့်လုပ်ကိုင်ရေးအတွက် မြန်မာသမ္မတဦးသိန်းစိန်နဲ့ Mr.Singh တွေ့ ဆုံဆွေးနွေးမှာပါ။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အဂါင်္နေ့မှာ တွေ့ဆုံမယ်လို့ သိရပါတယ်။

India နိုင်ငံရဲ့ အားကောင်းကောင်းနဲ့ ဖွံ့ဖြိုးနေတဲ့ စီးပွားရေး အတွက် လောင်စာလိုအပ်မှုရှိသလို မြန်မာနိုင်ငံ အပေါ် တရုတ်ရဲ့ သြဇာ လွှမ်းမိုးမှုကို စိုးရိမ်တယ်ဆိုတာကို အခု ဝန်ကြီးချုပ်ရဲ့ ခရီးစဉ်က ထောက်ပြနေပါတယ်။  India ရဲ့ အရှေ့မျှော်မူဝါဒ အတွက် အရေးကြီးလှတဲ့ အိမ်နီးချင်းနိုင်ငံတခုနဲ့ အားကောင်း ခိုင်မာပြီး နှစ်ဘက် စလုံးအတွက် အကျိုးများစေမယ့် ဆက်ဆံရေး မျိုး ရရှိထားချင်ပါတယ်လို့လည်း India နိုင်ငံခြားရေးဝန်ကြီး Ranjan Mathai က သောကြာနေ့ကပဲ ပြောသွားတာပါ။

India နဲ့မြန်မာ နှစ်နိုင်ငံကြား ကုန်သွယ်ရေးက ဒေါ်လာ သန်း ၁,၂၀၀ လောက်ရှိပြီး ၂၀၁၅ ခုနှစ်မှာ ဒေါ်လာ သန်း ၁,၅၀၀ အထိ ဖြစ်အောင် လုပ်ဆောင်ဖို့ နှစ်နိုင်ငံလုံးက မျှော်လင့်နေတာ ဖြစ်ပါတယ်ရှင်။