17.05.2012 နေ့ဖတ်ရန်သတင်းများ

by Myanmar Journal on Wednesday, May 16, 2012 at 5:59pm ·

မလာဒစ်ရှ် တရားခွင်ကို မထီမဲ့မြင်ပြု

ဒုတိယကမ္ဘာစစ်ပြီး ကထဲက အရက်စက်ဆုံး စစ်ရာဇဝတ်မှု ကျူးလွန်သူလို့ စွပ်စွဲခံရသူ ဘော့စနီးယား ဆာ့ဘ် စစ်ခေါင်းဆောင် ရက်ကို မလာဒစ်ရ်ှကို စစ်ဆေးတဲ့ နယ်သာလန်နိုင်ငံ သည်ဟိတ်ဂ်က နိုင်ငံတကာ ရာဇဝတ်ခုံရုံးကို မေ ၁၆ မှာ ပြန်လည် စတင်လိုက်ပါတယ်။

လက်ခုပ်လက်ဝါးတီးလို့ လက်မထောင်ပြီး တရားရုံးကို မထီမဲ့မြင်လုပ်တဲ့ ဗိုလ်ချုပ်ကြီး

စွပ်စွဲခံထားသူ ဗိုလ်ချုပ်ကြီး မလာဒစ်ရ်ှက တရားခွင်ထဲ ဝင်လာတဲ့အချိန်မှာ လက်မကို ထောင်ပြခဲ့သလို လက်ခုပ်လက်ဝါးတီးခဲ့တာလည်း တွေ့ရပါတယ်။

၁၉၉၅ ခုနှစ် ဘောလကန် စစ်ပွဲအတွင်း ဆာဘရန်နီကာမှာ မွတ်ဆလင် အမျိုးသားကြီးငယ် ခုနစ်ထောင်ကျော်ကို အစုလိုက် အပြုံလိုက် သတ်ဖြတ်မှု၊ လူမျိုးတုန်း သတ်ဖြတ်မှု အပါအဝင် စစ်ရာဇဝတ်မှု ကျူးလွန်မှုပေါင်း ပြစ်ချက် ၁၁ ချက်နဲ့ မလာဒစ်ရ်ှကို စွပ်စွဲထားကြတာ ဖြစ်ပါတယ်။

စွဲချက်တင်တဲ့ အမှုလိုက်တဉီးဖြစ်တဲ့ ဒါမို့ ဂရူးမ်ကလည်း မလာဒစ်ရ်ှဟာ လိင်အကြမ်းဖက်တာတွေကို လက်နက်အဖြစ် အသုံးပြုခဲ့တယ်လို့ ပြောပါတယ်။ သူက မလာဒစ်ရ်ှဟာ ဘော့စနီးယားမှာ မျိုးဖြုတ် သန့်စင်မှုအတွက် လိင်မှုအကြမ်းဖက်တဲ့ ရာဇဝတ်မှုတွေကို လုပ်ခဲ့ပါတယ်၊ အမျိုးသမီးတွေဟာ အဓိက ပစ်မှတ်ဖြစ်ခဲ့တဲ့အပြင် အမျိုးသားတွေဟာလည်း လိင်အကြမ်းဖက် ခံရတဲ့အထဲမှာ ပါခဲ့တယ်လို့ ပြောပါတယ်။

အခုတော့ အသက် ၇၀ နီးပါးရှိနေတဲ့ ဖြစ်တဲ့ စစ်ဗိုလ်ချုပ်ကြီးဟောင်းကို မြန်မြန် တရားစီရင်နိုင်အောင်လို့ သူ့ကို စွပ်စွဲထားတဲ့ ပြစ်ချက် တဝက်လောက်ကို လျှော့ပစ်လိုက်တယ်လို့ သိရပါတယ်။

ချားလ်စ်တေလာက သူ့စွပ်စွဲသူတွေကို ပြန်စွပ်စွဲ

လိုက်ဘေးရီးယား သမ္မတဟောင်း ချားလ်စ် တေလာရဲ့ အမှုကို သည်ဟိတ်ဂ် နိုင်ငံတကာ ရာဇဝတ်ခုရုံးမှာ မေ ၁၆ က ပြန်စတဲ့အခါ မစ္စတာတေလာက ခုခံ ပြောကြားခဲ့ပါတယ်။

ပိုက်ဆံပေးခိုင်းခံထားရသူတွေက သူ့ကို စွပ်စွဲတာပါလို့ ဆိုသူ ချားလ်စ် တေလာ

စစ်ရာဇဝတ်မှုတွေနဲ့ စွပ်စွဲခံထားရတဲ့ မစ္စတာ တေလာက သူ့ကို စွပ်စွဲကြသူတွေဟာ ပိုက်ဆံပေးပြီး အငှား ခံထားရတာ ဖြစ်တယ်၊ အခုလို မထွက်ဆိုဘူးဆိုရင် ဘာလုပ်ပစ်မယ်၊ ညာလုပ်ပစ်မယ်ဆိုပြီး ခြိမ်းခြောက် ခံထားရသူတွေ ဖြစ်ပါတယ်လို့ ခုံရုံးကို သူ တင်ပြတဲ့ တုန့်ပြန် လျှောက်လဲမှုမှာ ပြောဆိုထားပါတယ်။

ကမ္ဘာတဝှန်းက ဘယ်လို အကြမ်းဖက် ရက်စက် ကျူးလွန်မှုကို မဆို သူ့အနေနဲ့ ဆန့်ကျင်ကြောင်းလည်း စွပ်စွဲခံ သမ္မတဟောင်းက ပြောပါတယ်။

အနောက် အာဖရိက က နိုင်ငံတခုဖြစ်တဲ့ ဆီယာလီယွန်နိုင်ငံမှာ ဖြစ်ပွားခဲ့တဲ့ ပြည်တွင်းစစ်မှာ စိန်တွင်းတွေကို ရမယ့်အရေးကို အရင်းတည်လို့ သူပုန်တွေကို မစ္စတာ တေလာက လက်နက်တွေ ထောက်ပံ့ခဲ့တယ်လို့ ဆီယာလီယွန်အတွက် အထူး ဖွဲ့စည်းထားတဲ့ တရားရုံး တရားသူကြီးတွေက သုံးသပ်ကြပါတယ်။

ပြစ်ဒဏ်အနေနဲ့တော့ သူဟာ နှစ်ပေါင်း ၈၀ အပြစ် ကျခံရဖို့ ရှိပါတယ်။ စီရင်ချက်ကိုတော့ ဒီလကုန်ပိုင်းမှာ ချမှတ်သွားမယ်လို့ သိရပါတယ်။

ရောင်းစားခံ မြန်မာ လုပ်သားများ ထိုင်းရဲ ကယ်တင်

ထိုင်းမှာ တရားမဝင် အလုပ်လုပ်နေသူ မြန်မာ လုပ်သား အများအပြားရှိနေ

ထိုင်းကို တရားမဝင် ရောက်လာပြီး စက်ရုံတွေမှာ လုပ်ခ မရပဲ မတရား ခိုင်းခံ နေရတဲ့ မြန်မာ အ လုပ်သမား တချို့ကို ထိုင်းအခြေစိုက် မြန်မာ အ လုပ်သမားများ ကူညီရေး အဖွဲ့၊ ထိုင်းရဲနဲ့ ကုလသမဂ္ဂတို့ ပေါင်းပြီး ကယ်တင် နိုင်ခဲ့ပါတယ်။

ဘန်ကောက် တောင်ဘက်က ပုဇွန် စက်ရုံတခုမှာ ကျေးကျွန် သဖွယ် နှစ်နဲ့ချီ အလုပ် လုပ်နေရတဲ့ မြန်မာ အလုပ်သမား တရာကျော်ကို ခုရက်ပိုင်း အတွင်းက ကယ်တင် နိုင်ခဲ့ပါတယ်။

တရက်ကို နာရီ နှစ်ဆယ်လောက်ထိ အလုပ်လုပ်ကြရပြီး အဟာရ ပြည့်အောင် မစားရ၊ ကျန်း မာရေး ထိခိုက်ပြီး နားရက် မရှိကြဘူးလို့ လွတ်လာတဲ့ အလုပ်သမ တယောက်က ပြောပါတယ်။

အလုပ်ရှင်က အလုပ်သမားတွေကို လှောင်ပိတ် ထားပြီး လုပ်ခ တိုက်ရိုက် မရှင်းဘဲ ပွဲစားကိုပဲ ပိုက်ဆံပေးပြီး ပွဲစားက အလုပ်သမား တယောက်အတွက် တရက်လုပ်ခ ဆယ်ဘတ်သာ ပေး ပါတယ်။

ထိုင်းမှာ လူကုန်ကူးမှုရဲ့ ဓားစာခံ အဖြစ် ရောက်လာသူတွေ အမြောက်အမြား ရှိတယ်လို့ ထိုင်းရောက် မြန်မာ နိုင်ငံသားများ အဖွဲ့က ပြောပါတယ်။

တရားမဝင် ရောက်လာကြတာ ဖြစ်တဲ့ အတွက် အလုပ်သမားတွေဟာ ပွဲစားကိုသာ အား ကိုးရပြီး ပွဲစားတွေက တခြား အလုပ်တွေကို ပြန်ရောင်းစားပါတယ်။

တချို့ဆို 'ပြန်လမ်း မရှိတဲ့' ငါးဖမ်းလှေတွေကို အရောင်းစား ခံရပြီး တချို့လည်း အပြင် ထွက်ခွင့် မရတဲ့ စက်ရုံတွေကို ရောင်းစား ခံရပါတယ်။

မြန်မာ အလုပ်သမားတွေ ခုလို ဒုက္ခရောက်နေတဲ့ အဖြစ်တွေကို ကယ်တင် နိုင်ဖို့ အစိုးရ အဆင့်ကနေပြီး အလုပ်သမားတွေကို တရားဝင် အလုပ်လုပ်ခွင့် ရအောင် လုပ်ပေးမှသာ ဖြစ်နိုင်မယ်လို့ ထိုင်းရောက် မြန်မာ နိုင်ငံသားများ အဖွဲ့က ပြောပါတယ်။

ယူရိုမြဲဖို့ ပြင်သစ် ဂျာမနီ ပူးပေါင်းလုပ်မည်

ဂရိမှာ ခြိုးခြံခြွေတာရေး အစီအမံတွေ ဖော်ဆောင်ဖို့ ခက်နေ

ယူရို ငွေကြေး စနစ် မပြိုလဲအောင် ပြင်သစ်နဲ့ ဂျာမနီ နှစ်နိုင်ငံ အတူ ပူးတွဲ လုပ်ဆောင်ဖို့ ဘာ လင်မှာ ရောက်နေတဲ့ ပြင်သစ် သမ္မတသစ် ဖရန်ဆွာ အော်လန်နဲ့ ဂျာမန် ဝန်ကြီးချုပ် မာ ကဲတို့ တွေ့ဆုံ အပြီးမှာ ပြောကြား လိုက်ပါတယ်။

ဒီလ ၂၃ ရက်နေ့မှာ ယူရိုဇုံထဲက ခေါင်းဆောင် တွေ အလွတ် သဘော တွေ့ဆုံကြမယ်လို့လည်း ပြောပါတယ်။

ပြင်သစ် သမ္မတ ရွေးကောက်ပွဲ အတွက် မဲ ဆွယ်တုန်းက ဖရန်ဆွာ အော်လန်းက အီးယူ နိုင်ငံတွေကြား သဘောတူထားတဲ့ ဘဏ္ဍာရေး သဘော တူညီချက်ကို ပြန်ညှိမယ်လို့ ကတိပေးခဲ့ပေမယ့် ခု ဂျာမနီ ဝန်ကြီးချုပ်ကတော့ ဒီသဘော တူညီချက်ကို ပြင်လို့ မရဘူးလို့ ပြောနေပါတယ်။

တဘက်မှာ ယူရိုဇုံထဲက ဘဏ္ဍာရေး မျက်ဖြူ ဆိုက်နေတဲ့ ဂရိ နိုင်ငံမှာ ခြိုးခြံ ချွေတာရေး အစီအမံတွေကို အတည်ပြုဖို့ အခက် ကြုံနေပါတယ်။

ဂရိဟာ အပြည်ပြည် ဆိုင်ရာ ငွေကြေး ရံပုံငွေ အဖွဲ့နဲ့ အီးယူဆီက ပိုက်ဆံ ဘီလီယံ ရာချီ ချေးခဲ့ရပြီး ဒီပိုက်ဆံတွေ ပြန်ဆပ်နိုင်ဖို့ သူ့တိုင်းပြည်ထဲမှာ ခြိုးခြံ ချွေတာရေး အစီအမံတွေ ဖော်ဆောင်ဖို့ ဖိအားပေး ခံနေရပါတယ်။

ဒါပေမယ့် မကြာခင်က ဂရိက ရွေးကောက်ပွဲမှာ ပြည်သူလူထုက ခြိုးခြံ ချွေတာရေး အစီ အမံကို သဘောတူတဲ့ လက်ရှိ အာဏာရ ပါတီတွေကို ပစ်ပယ်ပြီး ဒီအစီအမံတွေကို ဆန့် ကျင်တဲ့ လက်ဝဲစွန်းနဲ့ လက်က်ျာစွန်းက ပါတီတွေကို ထောက်ခံမှု ပြခဲ့ပါတယ်။

ဒီအတောအတွင်းမှာ အီးယူ နိုင်ငံတွေထဲမှာ ဂျာမနီကလွဲပြီး နိုင်ငံ အတော်များများရဲ့ စီးပွား ရေး ဖွံ့ဖြိုးမှုနှုန်းဟာ ရပ်တန့်လုနီးနီး ဖြစ်နေတဲ့ အတွက် ပြင်သစ် သမ္မတ အော်လန်းက အကြွေး ကိစ္စ အပြင် စီးပွားရေး ဖွံ့ဖြိုးမှုနှုန်း ပြန်မော့လာစေမယ့် အစီအမံတွေကိုလည်း လုပ်ဆောင်ပြဖို့ လိုအပ်လာပါတယ်။

ပြင်သစ်နိုင်ငံရဲ့ ကြွေးထူ၊ ဖွံ့ဖြိုးမှုနှုန်း နှေးကွေး၊ ယှဉ်ပြိုင်နိုင်စွမ်းကျဆင်းလာနေတဲ့ အနေ အထားတွေကို သူ ကောင်းကောင်း သဘောပေါက်တယ်လို့ ပြင်သစ် သမ္မတက ပြောနေပြီး စီးပွားရေး ဖွံ့ဖြိုးမှုနှုန်း ပြန်ဉီးမော့လာအောင် ပိုက်ဆံ ထပ်ချေးဖို့ လိုနေပါတယ်။

ဒါပေမယ့် မာကဲ ဝန်ကြီးချုပ် ဖြစ်နေတဲ့ ဂျာမနီက နောက်ထပ် ပိုက်ဆံချေးဖို့ ကိစ္စကို အ ပြောမခံပါဘူး။

ဒါ့ကြောင့် ပြင်သစ် သမ္မတ အော်လန်း အတွက် ရွေးကောက်မခံရခင်က မဲဆန္ဒရှင်တွေကို ပေးထားတဲ့ ကတိကို ဘယ်လို တည်အောင် လုပ်မလဲဆိုတာ ခုချိန်မှာ ဖြေရ အခက်ဆုံး မေးခွန်း ဖြစ်နေပါတယ်။

အလုပ်သမား အခွင့် အရေး တောင်းဆို မှုတွေ ဆက်တိုက် ဖြစ်နေ

စက်မှုဇုံ အလုပ် သမားတွေ အခွင့် အရေး တောင်းဆိုမှု တွေ ဆက်တိုက်ဖြစ်

မေလဆန်းပိုင်း ကတည်းက စက်မှုဇုံ အလုပ်သမား တွေ လခတိုးပေးဖို့ ဆန္ဒပြ တောင်းဆိုမှုတွေ ဆက်တိုက် ဖြစ်နေ ရာမှာ ဗုဒ္ဓဟူးနေ့ ကလည်း အထည်ချုပ် စက်ရုံ(၃)ရုံက အ လုပ်သမားတွေ ဆန္ဒ ပြခဲ့ကြ ပါတယ်။

လှိုင်သာယာ စက်မှုဇုံက အထည်ချုပ် စက်ရုံတွေ ဖြစ်တဲ့ စပါယ်ပွင့်နဲ့ ပုလဲ စက်ရုံတို့က အလုပ်သမား ၁၅၀၀ နီးပါးဟာ အလုပ်ရှင်နဲ့ ညှိနှိုင်း ဆွေးနွေးပေမဲ့ မပြေလည်တာကြောင့် ကားငှားပြီး ခရိုင် အလုပ်သမားရုံး ရှိရာ မရမ်းကုန်း ကိုသွားရောက် တိုင်ကြားခဲ့ ကြ ပေမဲ့ အလုပ် သမားရုံး တာဝန်ရှိသူတွေက ဖြေရှင်း မပေးနိုင်တဲ့ အကြောင်းနဲ့ အလုပ်ရုံကို ပြန်ပြီး အလုပ်ရှင်နဲ့ ညှိနှိုင်းဖို့ သာ ပြောလိုက်တဲ့ အကြောင်း အလုပ်သမား ခေါင်းဆောင်က ဘီဘီစီကို ပြော ပါတယ်။

သူတို့လို အလုပ် သမားတွေ အတွက် စက်ရုံ တွေမှာ ပုံသေ ခံစားခွင့် လစာရယ်လို့ မရှိဘဲ ပေးသလောက်သာ ရကြ တာကြောင့် နစ်နာလွန်းတဲ့ အတွက် တောင်းဆို တာလို့ ဆိုပါတယ်။

အလုပ်သမား အဖွဲ့တွေသာ ဖွဲ့စည်းထားပေမဲ့ အလုပ်သမား တွေရဲ့ အခွင့် အရေး အတွက် မားမား မတ်မတ် ရပ်တည်ပြီး ဆောင်ရွက်ပေးမယ့် သူ မရှိတာကို မကျေမနပ် ဖြစ်မိတယ်လို့ လည်း အလုပ်သမား ခေါင်းဆောင်က ပြောပါတယ်။

ဒါ့အပြင် အလုပ်သမား သမဂ္ဂ ဖွဲ့စည်းတာကို စက်ရုံတွေက လက်မခံတဲ့ အပြင် တာဝန် ရှိသူတွေ ကလည်း အသေအချာ ဖြေရှင်းပေး မပေးဘူးလို့ သူက ပြောပါတယ်။

အလုပ်သမားတွေ ဘက်ကတော့ တာဝန်ယူ ဖြေရှင်း မပေးဘူး ဆိုရင် ဆက်လက်ပြီး ဆန္ဒပြ ကြမယ်လို့ ပြောပါတယ်။

ပြီးခဲ့တဲ့ ရက်ပိုင်းက ဆန္ဒပြမှု ဖြစ်ခဲ့တဲ့ ဟိုင်မို ဆံပင်တု စက်ရုံကလည်း သုံးပွင့်ဆိုင် ဖြေရှင်းပြီးကာမှ တကယ်တန်း သဘောတူခဲ့တာ တွေကို အလုပ်ရှင်ဘက်က လုပ်ဆောင် မပေးခဲ့တဲ့ အတွက် ဗုဒ္ဓဟူးနေ့ နေ့လည်ပိုင်းက အလုပ်သမားတွေ အလုပ် မဆင်း ကြဘူးလို့ သိရပါတယ်။

 အမေရိကန်ပြည်သူတွေက ရုတ်သိမ်းမယ်ဆို မကန့်ကွက်

 အမေရိကန် အထက်လွှတ်တော် အမတ် ဂျွန် မက်ကိန်းက မြန်မာနိုင်ငံအပေါ် စီးပွားရေးနဲ့ ဒဏ်ခပ်ပိတ်ဆို့ အရေးယူမှုတွေကို ဥရောပနည်းတူ ဆိုင်းငံ့လိုက်ဖို့ တိုက်တွန်း ပြောကြားပြီးနောက်မှာ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ကလည်း အလားတူ ပြောကြားလိုက်ပေမယ့်လို့ မြန်မာ့နိုင်ငံရေး ပြုပြင်ပြောင်းလဲမှုတွေဟာ နောက်ပြန်လှည့်ဖို့ အနေအထားမှာ ရှိနေသေးတယ်လို့ သတိပေး ပြောကြားလိုက်ပါတယ်။

လွှတ်တော်ထဲ တရားဝင်ရောက်နေပြီဖြစ်တဲ့ ဒေါ်အောင်ဆန်းစုကြည်

သမ္မတဟောင်း ဂျော့ဒဗလျူဘုရှ် တက်ရောက်ပြောကြားတဲ့ ဝါရှင်တန်က နိုင်ငံခြား ဆက်ဆံရေး ကောင်စီ အခမ်းအနားကို စကိုက်ပ်ကနေ အမှာစကား ပြောကြားရာမှာ ဒေါ်အောင်ဆန်းစုကြည်က အမေရိကန် ပြည်သူတွေက ပိတ်ဆို့မှုတွေကို ဆိုင်းငံ့ဖို့ သင့်ပြီလို့ ထင်တယ်ဆိုရင် သူ့အနေနဲ့ ဆန့်ကျင်ဖို့ မရှိတဲ့အကြောင်း ပြောကြားလိုက်တာ ဖြစ်ပါတယ်။

တချိန်တည်းမှာပဲ လူ့အခွင့်အရေး စောင့်ကြည့်ရေးအဖွဲ့ အိတ်ခ်ျ အာရ် ဒဗလျူ ကလည်း မြန်မာနိုင်ငံမှာ လူ့အခွင့်အရေးတွေကို မထိခိုက်မယ့် ရင်းနှီမြှုပ်နှံမှု အသစ်တွေ ခွင့်ပြုနိုင်မယ့် စည်းမျဉ်း စည်းကမ်းသစ်တွေ လုပ်နိုင်မှ ပိတ်ဆို့မှုတွေကို လုပ်သင့်တယ်၊ အလျဉ်မလိုသင့်ဘူးလို့ ပြောကြားခဲ့ပါတယ်။

စိတ်ကူးယဉ်ဆို စိစစ်ရေး တင်စရာမလို

စိတ်ကူးယဉ်ဝတ္ထုတွေကို ရေးသားထုတ်ဝေမယ်ဆို စာပေစိစစ်ရေး တင်စရာ မလိုတော့ဘူးလို့ ပြည်တွင်းက သတင်းသမားတွေကနေ စုံစမ်း သိရပါတယ်။

နိုင်ငံရေးစာပေနဲ့ စိတ်ကူးယဉ် မဟုတ်တဲ့ စာအုပ်တွေ၊ သတင်းဂျာနယ်တွေ မပါသေးဘူး

နိုင်ငံရေး စာပေတွေ အပါအဝင် စိတ်ကူးယဉ် မဟုတ်တဲ့ စာအုပ်တွေနဲ့ သတင်းဂျာနယ် တွေကတော့ လတ်တလောမှာ စာပေ စိစစ်ကို တင်ပြီးမှ ထုတ်နိုင်မယ်လို့ ရန်ကုန် မီဒီယာ ဂရုပ်ရဲ့ ဥက္ကဌ ဉီးကိုကို စက်မှုတက္ကသိုလ်က ဘီဘီစီကို ပြောပါတယ်။

ဒါပေမဲ့လို့ ဇွန်လကစပြီး စာပေစိစစ်ရေး တင်စရာ မလိုတော့ဘဲ ဘယ်စာပေအမျိုးအစားမဆို ရေးသား ထုတ်ဝေ နိုင်ချေ ရှိတော့မယ်လို့ သတင်းတွေလည်း ထွက်ပေါ် နေပါတယ်။

တခါ ဇွန်လလောက်ကစပြီး စာပေစိစစ်ရေး မရှိတော့ဘူးလို့ ဆိုနိုင်ပေမယ့်လို့ သမ္မတ ဉီးသိန်းစိန် လမ်းညွှန်မှုနဲ့ ဖွဲ့စည်းသွားမယ့် စာနယ်ဇင်း ကောင်စီဆိုတာမျိုး ဖွဲ့စည်းလို့ ထိန်းချုပ် သွားမလား ဆိုတာကတော့ စဉ်းစားစရ အချက် ရှိနေတယ်လို့လည်း သိရပါတယ်။

၂၀၁၀ ရွေးကောက်ပွဲအပြီး ၂၀၁၀ နိုဝင်ဘာ ၁၃ ဒေါ်အောင်ဆန်းစုကြည် နေအိမ် အကျယ်ချုပ်ကနေ လွတ်မြောက်လာပြီးနောက် ၂၀၁၁ မတ် ၃၀ က စလို့ သမ္မတ ဉီးသိန်းစိန် ဉီးဆောင်တဲ့ အစိုးရသစ် တက်လာပြီး မှာတော့ သတင်းဂျာနယ်တွေ အပါအဝင် ပြည်တွင်းမှာ စာပေစိစစ်ရေးရဲ့ မူဝါဒတွေ ဖြည်းဖြည်းချင်း ပြောင်းလဲ လာတယ်လို့တော့ ယေဘူယျ သုံးသပ် နိုင်ပါတယ်။

နိုင်ငံခြားရေးဝန်ကြီး ခရီးစဉ်အတွင်း အမေရိကန်-မြန်မာဆက်ဆံရေး ထူးခြားမှုတွေ့နိုင်

By ကိုသားညွန့်ဦး

နှစ်ပေါင်းနှစ်ဆယ်ကျော်အတွင်း မြန်မာနိုင်ငံခြားရေးဝန်ကြီးတဦးရဲ့ ပထမဆုံး တရားဝင် အမေရိကန် ပြည်ထောင်စု ခရီးစဉ်ကို ကြည့်မယ်ဆိုရင် အမေရိကန် မြန်မာဆက်ဆံရေး သိသိသာသာ တိုးတက် ကောင်းမွန်လာတဲ့ လက္ခဏာဖြစ်တယ်လို့ လေ့လာသူတွေက ယူဆပါတယ်။ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်ဟာ ဒီကနေ့ဆိုရင် အမေရိကန်နိုင်ငံခြားရေးဝန်ကြီးနဲ့ ၀ါရှင်တန်ဒီစီမှာ တွေ့ဆုံပြီး ပူးတွဲသတင်းစာ ရှင်းလင်းပွဲလုပ်ဖို့လည်း စီစဉ်ထားပါတယ်။ ဒီ ခရီးစဉ်အပေါ် မေးမြန်းသုံးသပ်ချက်ကို ကိုသားညွန့်ဦးက တင်ပြပေးထားပါတယ်။

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ရဲ့ အခု အမေရိကန်ခရီးစဉ်အတွင်း အမေရိကန်-မြန်မာ ဆက်ဆံရေးမှာ သိသာထူးခြားတဲ့ အခြေအနေတွေ တွေ့ရနိုင်တယ်လို့ ယူဆမှုတွေရှိပါတယ်။ အမေရိကန် အထက်လွှတ်တော်အမတ် ဂျင်ဝက်ကတော့ အခု ခရီးစဉ်နဲ့ တိုက်တိုက်ဆိုင်ဆိုင်ပဲ မြန်မာနိုင်ငံအပေါ် စီးပွားရေးအရ ဒဏ်ခတ်ပိတ်ဆို့မှုကို အမေရိကန်အစိုးရအနေနဲ့ ရုပ်သိမ်းဖို့ သင့်လျော်တဲ့အချိန် ဖြစ်တယ် လို့ ပြောပါတယ်။ အထူးသဖြင့် အခုလာမယ့် မေ ၂၀ ရက်နေ့မှာ မြန်မာနိုင်ငံအပေါ် ရင်းနှီးမြှုပ်နှံမှုသစ်တွေ ပိတ်ပင်ထားတာ သက်တမ်းပြည့်မှာပါ။

အရင်က တနှစ်တခါ သမ္မတအမိန့်နဲ့ သက်တမ်းတိုးခဲ့တဲ့ ဥပဒေဖြစ်တော့ ဒီတခါမှာ သမ္မတရဲ့လုပ်ပိုင်ခွင့်နဲ့ အရေးယူမှု ရပ်နားခွင့်ရှိပါတယ်။ ဒါကြောင့်လည်း အထက်လွှတ်တော်အမတ် ဂျင်ဝက်ဘ်က အခု မြန်မာနိုင်ငံခြားရေး ၀န်ကြီးခရီးစဉ်ကာလမှာပဲ ဆောင်ရွက်ဖို့ တိုက်တွန်းသွားတာပါ။ အမေရိကန်နိုင်ငံရေးမှာ သြဇာကြီးမားတဲ့ အထက်လွှတ်တော်အမတ် မက်ကိန်းကလည်း အရေးယူမှုတွေကို ယာယီရပ်ဆိုင်းထားဖို့ပဲ တောင်းဆိုထားပါတယ်။

အရင်ကဆိုရင် မြန်မာခေါင်းဆောင်တွေကို အမေရိကန်ပြည်ထောင်စုကို လာရောက်ခွင့် ပိတ်ပင်ထား ရာကနေ အခုလို တရားဝင်ဖိတ်ကြားပြီး နှစ်ဘက်တွေ့ဆုံမှုတွေဖြစ်လာတာဟာ သိသာထင်ရှားတဲ့ ဆက်ဆံရေး တိုးတက်မှုတရပ်အဖြစ် ယူဆလို့ရပါတယ်။ ဒီလို ဆက်ဆံရေးဖြစ်လာ အောင်လည်း လက်ရှိ နိုင်ငံခြားရေးဝန်ကြီး ဟီလာရီ ကလင်တန်ဘက်က အတော်လေး ကြီးကြီးမားမား စွန့်စားခဲ့ပြီး ဖြစ် လာတာလို့ ၀ါရှင်တန် ဒီစီက CSIS မဟာဗျူဟာနဲ့ နိုင်ငံတကာ လေ့လာရေး ဌာနက မြန်မာ့အရေး ကျွမ်းကျင်သူ Micheal Green က ယူဆပါတယ်။

“အမေရိကန်နိုင်ငံခြားရေးဝန်ကြီး ကလင်တန်က အမေရိကန်-မြန်မာဆက်ဆံရေး ပြုပြင်ပြောင်းလဲဖို့ အတွက် အရင်းအနှီးကြီးကြီးမားမားနဲ့ လုပ်ဆောင်ခဲ့ပေမယ့် အစပထမမှာ ထိရောက်မှုရှိတာကို သိပ် မပြနိုင်ခဲ့ပါဘူး။ ဒါပေမဲ့ လွန်ခဲ့တဲ့လအနည်းငယ်က သမ္မတဦးသိန်းစိန်က သိသာတဲ့ ပြောင်းလဲမှုတွေ ဖေါ်ဆောင်ခဲ့ပြီး သူနဲ့ ဒေါ်အောင်ဆန်းစုကြည်နဲ့ ပိုမိုပြီး ပူးပေါင်းဆောင်ရွက်မှု ရှိလာတဲ့အတွက် အမေရိကန်-မြန်မာဆက်ဆံရေး ပိုလို့ လမ်းပွင့်လာခဲ့ပါတယ်။ ကျနော့်အထင်ကတော့ ဒီ တိုးတက်မှုတွေအတွက် အပြောင်းအလဲတွေ ဖြစ်လာနိုင်ပါတယ်။ မြန်မာနိုင်ငံဟာ မဲခေါင်မြစ် အောက်ပိုင်း စီမံကိန်းမှာ ပါဝင်ခွင့်ရလာနိုင်သလို နိုင်ငံတကာ ဘဏ်ကြီးဖြစ်တဲ့ အာရှဖွံ့ဖြိုးရေးဘဏ်ကလည်း အကူအညီတွေပေးဖို့ အခွင့်အလမ်း ရှိလာနိုင်ပါတယ်။”

အခုလို ဆက်ဆံရေးတိုးတက်ကောင်းမွန်လာတာနဲ့အတူ နှစ်ဘက် သံအမတ်ကြီးအဆင့် ခန့်အပ်ရေး ကိစ္စလည်း အခု နိုင်ငံခြားရေးဝန်ကြီး ခရီးစဉ်ကာလအတွင်း အကောင်အထည်ပေါ်လာနိုင်တယ်လို့ ယူဆမှုတွေရှိပါတယ်။ အခု ခရီးစဉ်အတွင်းမှာ မြန်မာနိုင်ငံတွင်း နိုင်ငံရေး တိုးတက်မှုတွေ ပိုရှိလာဖို့ အမေရိကန်ဘက်ကလည်း တိုက်တွန်းဖွယ်ရှိတယ်လို့ USCB အမေရိကန်အခြေစိုက် မြန်မာ့အရေး လှုပ်ရှားမှုအဖွဲ့က အမှုဆောင်ညွန်ကြားရေးမှူး ဦးအောင်ဒင်က ပြောပါတယ်။

“ဆက်ဆံရေးကတော့ တိုးတက်လာတာအမှန်ပဲလေ။ အမေရိကန်အစိုးရကလည်း မြန်မာအစိုးရအပေါ်မှာ ပူးပေါင်းဆောင်ရွက်မှုတွေ တိုးမြှင့်ပြီးတော့ အပြောင်းအလဲတွေကို အားပေးနေတာကို။ တဘက်မှာလည်း စီးပွားရေးပိတ်ဆို့မှုတွေကို အတိုင်းအတာ တခုအထိ ကိုင်တွယ်ထားတယ်။ တဘက်မှာလည်း ပူးပေါင်းဆောင်ရွက်မှုတွေကို တိုးမြှင့်ပြီးတော့ မြန်မာအစိုးရရဲ့လက်ရှိ ပြောင်းလဲရေး လမ်းကြောင်းတွေကို မှန်မှန်ကန်ကန်နဲ့ ရှေ့ကို အရှိန်အဟုန်နဲ့တိုးမြှင့်အောင် တွန်းပို့နေတာကို။ ဆိုတော့- မနက်ဖြန်တွေ့ ဆုံကြရင်လည်း အမေရိကန်အစိုးရအနေနဲ့ကတော့ မြန်မာနိုင်ငံအတွင်းမှာ ကျန်ရှိနေတဲ့ နိုင်ငံရေး အကျဉ်းသားအားလုံးကို ခြွင်းချက်မရှိ လွှတ်ပေးရေး၊ နောက်တခါ လူထုအခြေပြု အဖွဲ့အစည်းတွေကို လွတ်လွတ်လပ်လပ် လှုပ်ရှားဆောင်ရွက်ခွင့်ပေးရေး စသဖြင့်ပေါ့နော်- နောက်တခါ ကချင် ပြည်နယ်မှာ ဖြစ်ပေါ်နေတဲ့ စစ်ပွဲတွေ အမြန်ဆုံးရပ်စဲရေးနဲ့ တိုင်းရင်းသား လူမျိုးစုများနဲ့ ပြဿနာတွေကို ညီညွတ်စွာဖြေရှင်းရေး၊ ဒါတွေကိုတော့ အလေးပေးပြီး ပြောဆိုဆွေးနွေးလိမ့်မယ်လို့ ကျနော်တော့ ယုံကြည်ပါတယ်။”

အခုလို အခြေအနေတွေ တိုးတက်လာပေမယ့် မြန်မာနိုင်ငံနဲ့ပတ်သက်လို့ အမေရိကန်ပြည်ထောင်စု ဘက်က စိုးရိမ်ပူပင်နေတဲ့ အချက်တွေ ကတော့ ရှိနေဆဲပါ။ အထူးသဖြင့် အခု ဖြစ်ထွန်းမှုတွေ နောက်ကြောင်းပြန် လှည့်သွားနိုင်တဲ့ အနေအထားဖြစ်တယ်လို့ M. Green က ပြောပါတယ်။

“အမေရိကန်က ချမှတ်ထားတဲ့ ဒဏ်ခတ်ပိတ်ဆို့မှုအားလုံးကို သိပ်မကြာတော့တဲ့အနာဂတ်မှာ ရုပ်သိမ်းပေးနိုင်မယ့်အလားအလာတော့ ကျနော် မမြင်ပါဘူး။ အကြောင်းကတော့ လက်ရှိ မြန်မာ့နိုင်ငံရေး အပြောင်းအလဲတွေက ရေရှည်ခံပါ့မလားလို့ ၀ါရှင်တန်မှာ မေးခွန်းထုတ် နေကြလို့ပါပဲ။ တနည်းအားဖြင့် နောက်ပြန်ဆုတ်မယ့် အလားအလာကို စိုးရိမ်နေကြဆဲ ဖြစ်လို့ပါပဲ။ မြောက် ကိုးရီးယား-မြန်မာ နျူးကလီယားနဲ့ စစ်ရေးဆက်ဆံမှုကြောင့် စိုးရိမ်နေကြတာဖြစ်ပြီးတော့ ဒါက အမေရိကန်အစိုးရအတွက် အဓိကပြဿနာဖြစ်တာကြောင့် ဒါကို ဖြေရှင်းနိုင်ဖို့ လိုပါတယ်။

“ဒါ့အပြင် တိုင်းရင်းသားလူမျိုးစုတွေအပေါ် မြန်မာစစ်တပ်က ဆက်လက်တိုက်ခိုက်နေတာ တွေ့နေရ ပါတယ်။ တခါ အမျိုးသားဒီမိုကရေစီ အဖွဲ့ချုပ်အနေနဲ့ လွှတ်တော်မှာ ဘယ်လိုအခန်းကဏ္ဍကနေ ပါဝင်ဆောင်ရွက်ခွင့်ရမလဲ ဆိုတာလည်း မသိနိုင်သေးပါဘူး။ ဒါ့ကြောင့် အခု ဖြစ်ထွန်း တိုးတက်မှုတွေ နောက်ပြန်ဆုတ်သွားနိုင်တယ်လို့ စိုးရိမ်မကင်းဖြစ်မှုတွေ ဆက်ပြီး ရှိနေတာပါ။

“ဒါပေမယ့်လို့ ခြေတစ်လှမ်းချင်းစီယူပြီး ဒီအပြောင်းအလဲကို ထိန်းသိမ်းသွားရမယ်ဆိုတဲ့ သဘောထားကတော့ ကွန်ဂရက်လွှတ်တော်မှာရော သမ္မတအိုဘားမားအစိုးရထဲမှာရော လက်ခံထားတာကို တွေ့ရပါတယ်။”

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ဟာ ဒီကနေ့ ၀ါရှင်တန်မှာ မြန်မာနိုင်ငံခြားရေး ၀န်ကြီးနဲ့ တွေ့ သလို အခြား အစိုးရအဆင့်မြင့် အရာရှိတွေ၊ အမေရိကန်လွှတ်တော်က ခေါင်းဆောင်တွေကို လည်း တွေ့ဆုံဖို့ရှိပါတယ်။ မနက်ဖြန်ကျရင်တော့ နယူးယောက်မြို့က နိုင်ငံခြား ဆက်ဆံရေးကောင်စီမှာ စကားပြောဖို့ ရှိပါတယ်။

ဦးဝဏ္ဏမောင်လွင်ဟာ အရင်က အမေရိကန်ပြည်ထောင်စုကို နိုင်ငံခြားရေးဝန်ကြီးအဖြစ် လာရောက်ခဲ့တာ ရှိပေမယ့် ကမ္ဘာ့ကုလသမဂ္ဂ ခရီးစဉ် အနေနဲ့ လာရောက်တာဖြစ်ပါတယ်။ ဒါကြောင့် ဦးဝဏ္ဏမောင်လွင်ရဲ့ အခုခရီးစဉ်ဟာ နိုင်ငံခြားရေးဝန်ကြီးအဖြစ် ပထမဆုံး တရားဝင် အစိုးရခရီးစဉ် ဖြစ်ပေမယ့်လို့ ၀ါရှင်တန် ဒီစီကို လာရောက်တာတော့ ဒုတိယအကြိမ်မြောက် ဖြစ်ပါတယ်။

စာနယ်ဇင်းကောင်စီ ဘယ်လဲ ဘာလဲ

By ကျော်ကျော်သိန်း

မြန်မာအစိုးရက ဖွဲ့စည်းဖို့ ပြင်ဆင်နေတဲ့ စာနယ်ဇင်းကောင်စီဟာ စာနယ်ဇင်းသမားတွေအတွက် မဟုတ်ဘဲ စာပေ စိစစ်ရေးအဖွဲ့ လိုမျိုး ရပ်တည်လုပ်ဆောင်မယ့်သဘော တွေ့နေရတယ်လို့ ပြည်တွင်း စာနယ်ဇင်းသမားတွေက ပြောကြပါတယ်။ အဲဒါကြောင့် လည်း လက်ရှိ ဖွဲ့စည်းထားတဲ့ လွတ်လပ်တဲ့ စာနယ်ဇင်းအဖွဲ့တွေထဲမှာ ဘယ်အဖွဲ့ကမှ စာနယ်ဇင်းကောင်စီမှာ ပါဝင်ရေး ဆုံးဖြတ်ချက် မကျသေးပါဘူး။ စာနယ်ဇင်းကောင်စီအပေါ် လွတ်လပ်တဲ့ စာနယ်ဇင်းအဖွဲ့အသီးသီးရဲ့ သဘောထားတွေကို ကိုကျော်ကျော်သိန်းက တင်ပြထားပါတယ်။

စာနယ်ဇင်းကောင်စီနဲ့ပတ်သက်ပြီး ပြန်ကြားရေးဝန်ကြီးဌာနက ပေးထားတဲ့အချက်တွေထဲမှာ လက်ခံနိုင်တဲ့အချက်တွေ ပါသလို မသင့်တော်ဘူးလို့ ထင်တဲ့အချက်တွေ ပါနေတာကြောင့် ပြင်ဆင်ပေးရေး အကြောင်းပြန်ဖို့ ဆုံးဖြတ်ထားတဲ့အဖွဲ့ကတော့ မြန်မာနိုင်ငံသတင်းစာဆရာများ အသင်း ဖြစ်မြောက်ရေးကော်မတီ MJA ပါ။ မေလ ၁၆ ရက်နေ့က ပြုလုပ်တဲ့ ကော်မတီရဲ့ အစည်းအဝေးအတွင်း အဲဒီလို ဆုံးဖြတ်ခဲ့ကြတာပါ။

ဘယ်လိုအချက်မျိုးတွေကို မသင့်တော်ဘူးလို့ မြင်တာလည်းဆိုတာကိုတော့ ကော်မတီရဲ့နာယကတဦးဖြစ်သူ ၀ါရင့် သတင်းစာ ဆရာ ဦးစိုးသိမ်း ခေါ် မောင်ဝံသ က ဗွီအိုအေကို အခုလို ရှင်းပြပါတယ်။

“ဒီစာနယ်ဇင်းကောင်စီဆိုတာကလည်း ဘာပဲပြောပြော ကျနော်တို့ သတင်းမီဒီယာအဖွဲ့အစည်းပဲ၊ သတင်းမီဒီယာနဲ့ ပတ်သက်တဲ့ အဖွဲ့အစည်း၊ နောက် စာနယ်ဇင်းအားလုံးကို သက်ဆိုင်တဲ့ အကျုံးဝင်တဲ့ အဖွဲ့အစည်းဖြစ်တော့ တကယ်ကတော့ စာနယ်ဇင်း သမားတွေရဲ့ အခွင့်အရေးကို ကာကွယ်တာ၊ စာနယ်ဇင်းသမားတွေရဲ့ စာပေလွတ်လပ်ခွင့်ပေါ့၊ စာနယ်ဇင်းလွတ်လပ်ခွင့်ကို ဆောင်ရွက်ပေးတာ၊ အဲဒါနဲ့ပတ်သက်ပြီးတော့ တတ်နိုင်သမျှ ကူညီဆောင်ရွက်ပေးတဲ့၊ ညှိနှိုင်းဆောင်ရွက်ပေးတဲ့ အဖွဲ့အစည်းမျိုး ဖြစ်သင့်တယ်။ အခုကတော့ စာပေစီစစ်ရေးနေရာမှာ စာပေစီစစ်ရေးရဲ့လုပ်ငန်းတွေကို ယာယီအစားထိုးပြီး ၀င်လုပ်ရတဲ့ အချက် အလက်တွေ အဲ့ဒီလိုပါနေတာ တွေ့ရတယ်။ အဲဒါကြောင့် ဒါတွေကတော့ဖြင့် မသင့်ဘူးလို့ အဲဒီလို အကြံပြုမယ်လို့ စဉ်းစားထား ပါတယ်။”

တကယ်လို့သာ သူတို့ ပြင်စေချင်တဲ့အချက်တွေ အကုန်လုံးကို ၀န်ကြီးဌာနဘက်က မပြင်ဆင်ပေးခဲ့ ဘူးဆိုရင်တော့ ကောင်စီမှာ ပါဝင်ဖို့ ခက်လိမ့်မယ်လို့လည်း ဦးဝံသ က ပြောပါတယ်။

တခါ မြန်မာနိုင်ငံ သတင်းစာဆရာများအသင်းသမဂ္ဂ MJU အနေနဲ့လည်း ကောင်စီမှာပါဝင်ရေးကိစ္စ ကို လောလောဆယ်မှာ ဆုံးဖြတ်ထားတာ မရှိသေးဘူးလို့ သမဂ္ဂ ထူထောင်သူတွေထဲမှာ တဦးအပါအ၀င်ဖြစ်တဲ့ အယ်ဒီတာ ကိုဇော်သက်ထွေးက ဗွီအိုအေ ကို ပြောပါတယ်။ ဒါ့အပြင် ကောင်စီကို ဖွဲ့စည်းတဲ့ ရည်ရွယ်ချက်နဲ့ သူတို့အဖွဲ့ရဲ့ ရည်ရွယ်ချက်တွေက ကွဲပြားနေတာ ကြောင့် ပါဝင်ဖို့ခက်မယ်လို့ ဆိုပါတယ်။

“အခုအတိုင်းဆိုရင်တော့ စာနယ်ဇင်းကောင်စီမှာ ကျနော်တို့က တက်တက်ကြွကြွနဲ့ ပါဖို့ အလားအလာ နဲပါတယ်။ ဘာလို့လဲဆို တော့ ကျနော်တို့ရဲ့ ရည်ရွယ်ချက်က ရိုးရှင်းပြီးတော့ ထင်သာမြင်သာရှိတဲ့ အချက် (၂) ချက်ပါ၊ နံပါတ်တစ်က Freedom OfExpression ဆိုတဲ့ လွတ်လပ်စွာရေးသားခွင့်ကို ကာကွယ်ဖို့နဲ့ Defend to the all of Journalists ပေါ့ဗျာ၊ ဒီဂျာနယ်လစ် အားလုံးကို ကာကွယ်စောင့်ရှောက်ဖို့ပါ၊ အဲဒီတော့ ဒီအချက် (၂) ချက်ကိုပဲ ကျနော်တို့က ဆောင်ရွက် မှာ ဖြစ်တဲ့အခါကျတော့ ဒီလိုမျိူး National Press Council မှာလိုမျိူး ပါပြီးတော့ စာပေအဖွဲ့တွေရဲ့ ထိန်းညှိဖို့ လုပ်ကိုင်ဆောင်ရွက်ဖို့ ဆိုတဲ့နေရာမှာတော့ ကျနော်တို့ အဖွဲ့ရဲ့ အဓိပ္ပါယ်နဲ့ ကွာခြားသွားမှာ ဖြစ်ပါတယ်။ ဒါကြောင့် ကျနော်တို့ကတော့ ဒီအပေါ်မှာ ပါဝင်ဖို့ ခဲယဉ်းပါတယ်။”

လက်ရှိမှာ ပြန်ကြားရေးဝန်ကြီးဌာနက မီဒီယာဥပဒေမူကြမ်းတခုကို ရေးဆွဲပြုစုနေဆဲဖြစ်ပြီး ဇွန်လအတွင်း ပြန်ကျင်းပဖို့ရှိတဲ့ လွှတ်တော်အစည်းအဝေးမှာ တင်ပြဖို့ ပြင်ဆင်နေပါတယ်။ အဲဒီ သတင်းမီဒီယာဆိုင်ရာ ဥပဒေတရပ် အခိုင်အမာ ထွက်မလာသေး တဲ့အတွက် ကောင်စီမှာပါဝင်ဖို့ အဆင်သင့်မဖြစ်သေးဘူးလို့ ဆုံးဖြတ်လိုက်တဲ့အဖွဲ့ကတော့ မြန်မာဂျာနယ်လစ်ကွန်ယက် MJN ပါ။ သူတို့ကွန်ယက်ကလည်း မေလ ၁၆ ရက်နေ့မှာပဲ အစည်းအဝေးလုပ်ပြီး ဆုံးဖြတ်ခဲ့တာဖြစ်ပါတယ်။

ဒါ့အပြင် စာနယ်ဇင်းကောင်စီ ဆိုတာဟာ အစိုးရက ကြီးမှူးဖွဲ့စည်းရမှာမဟုတ်ဘဲ စာနယ်ဇင်းသမားတွေကသာ လွတ်လွတ် လပ်လပ် ဖွဲ့စည်းရမှာဖြစ်တယ်လို့ သူတို့ကွန်ယက်က သဘောရပါတယ်။ စာပေစိစစ်ရေးအဖွဲ့လို လုပ်မယ်ဆိုတဲ့ ရည်ရွယ်ချက်မျိုး တွေ့ရတဲ့အတွက်လည်း လက်မခံနိုင်ဘူးလို့ ကွန်ယက်ရဲ့ ကော်မတီ အဖွဲ့ဝင်တဦးဖြစ်တဲ့ ကိုထက်နိုင်ဇော်က ဗွီအိုအေ ကို ပြောပါတယ်။

“အဲဒီအချက်တွေကို ကျနော်လက်မခံ နိုင်ပါဘူး။ အဲဒီထဲမှာ ၁၉၆၂ ပုံနှိပ်သူများ ဥပဒေပေါ့၊ ဥပဒေနဲ့အညီ ပြည်တွင်းမှာရှိတဲ့ စာပေတွေကို ကြပ်မတ် စိစစ်ဖို့ ကောင်စီက လုပ်ရမယ်လို့ တာဝန်တွေမှာပါတယ်။ အဲဒီတာဝန်တွေကိုကျနော်သဘောမကျဘူး။”

ပြန်ကြားရေးဝန်ကြီးဌာန၀န်ကြီး ဦးကျော်ဆန်းက ပြီးခဲ့တဲ့ မေလ ၁၄ ရက်နေ့မှာ အဖွဲ့အသီးသီး ကပုဂ္ဂိုလ်တွေနဲ့ တွေ့ဆုံပြီး ထုတ်ဝေ မယ့်စာတွေကို စာပေစိစစ်ရေးအဖွဲ့ကနေ စိစစ်ဖြတ်တောက်တာမျိုး လုပ်နေတာတွေကို မကြာခင်မှာ ရပ်ဆိုင်းတော့မယ့် အကြောင်း၊ လာမယ့် ဇွန်လအတွင်းမှာ Press Council လို့ပြောနေတဲ့ စာနယ်ဇင်းကောင်စီတခု ဖွဲ့စည်းမယ့်အကြောင်းနဲ့ အဲဒီ စာနယ်ဇင်းကောင်စီထဲမှာ ကိုယ်စားလှယ် ၆ ဦးစီ ပေးပို့ဖို့ဆိုတဲ့ကိစ္စတွေကို ပြောခဲ့ပါတယ်။ အဲဒီနောက်မှာ မြန်မာနိုင်ငံ သတင်းစာ ဆရာများအသင်း ဖြစ်မြောက်ရေး ကော်မတီ MJA၊ မြန်မာနိုင်ငံ သတင်းစာဆရာများသမဂ္ဂ MJU နဲ့ မြန်မာဂျာနယ်လစ်ကွန်ယက် MJN တို့က သူတို့ရဲ့ သဘောထားတွေကို အခုလို ထုတ်ပြောလာကြတာပါ။

စာပေကင်ပေတိုင်လို့ နာမည်ဆိုးနဲ့ကျော်ကြားတဲ့ စိစစ်ရေးအဖွဲ့က စိစစ်တာမျိုးတွေ မလုပ်တော့တဲ့အပေါ် စာနယ်ဇင်းလောက သားတွေက ကြိုဆိုကြပေမဲ့လည်း အဲ့ဒီအစား အခု စာနယ်ဇင်းကောင်စီဆိုတာမျိုးကနေ တဆင့် ထိန်းချုပ်လာမှာမျိုးကို စိုးရိမ်နေ ကြတာလည်းဖြစ်ပါတယ်။

စာနယ်ဇင်းကောင်စီဟာ စီစစ်ရေးမဟုတ်

By သင်းသီရိ

မြန်မာနိုင်ငံမှာ စာနယ်ဇင်းကောင်စီဟာ စာပေစီစစ်ရေးကို အစားထိုးဖို့ ဖွဲ့စည်းတာ မဟုတ်ဘူးလို့ jပန်ကြားရေးနဲ့ ပြည်သူ့ ဆက်ဆံရေးဌာန အကြီးအကဲက ပြောလိုက်ပါတယ်။ အခု ဖွဲ့စည်းဖို့ စီစဉ်နေတဲ့ စာနယ်ဇင်း ကောင်စီဟာလည်း လွတ်လပ်စွာ သတင်း လုပ်ငန်းတွေကို လုပ်ဆောင်ဖို့ သာဖြစ်ပြီး ဒီကောင်စီ ပေါ်လာအောင် ပြန်ကြားရေးအဖွဲ့က ကူညီနေတာသာ ဖြစ်တယ်လို့လည်း ဆိုပါတယ်။ ဒီအခြေအနေ အပြည့်အစုံကိုတော့  ပြန်ကြားရေးနဲ့ ပြည်သူ့ဆက်ဆံရေးဌာန ညွှန်ကြားရေးမှူးချုပ် ဦးရဲထွဋ်ကို ဆက်သွယ် မေးမြန်းထာတဲ့ မသင်းသီရိက တင်ပြပေးထားပါတယ်။

မြန်မာနိုင်ငံမှာ ပြည်ထောင်စု လွှတ်တော်ကိုတင်ပြဖို့ လုပ်ထားတဲ့ ပုံနှိပ်ထုတ်ဝေရေး မီဒီယာ ဥပဒေသစ် မူကြမ်းထဲမှာ စာနယ်ဇင်းကောင်စီ အခန်းကဏ္ဍပါတာမို့ စာနယ်ဇင်းကောင်စီရဲ့ လုပ်ငန်းတွေကို ကြိုပြီးတော့ လုပ်နိုင်အောင် အခုကတည်းက ဖွဲ့စည်းဖို့အတွက် ပြန်ကြားရေးဌာနက ကြိုးစားနေတာ ဖြစ်ပါတယ်။ စာပေစာနယ်ဇင်းထဲက ကိုယ်စားပြုသူတွေ ပါဝင်မယ့် စာပေ စာနယ်ဇင်း ကောင်စီကို ဇွန်လထဲ ဖွဲ့စည်းနိုင်ဖို့ စီစဉ်နေပြီး ဒီကောင်စီ ဖွဲ့စည်းပြီးရင်တော့ စာဆောင်တွေအားလုံးဟာ ဆင်ဆာဘုတ်အဖွဲ့ကို တင်ပြစရာမလိုပဲ ထုတ်ဝေခွင့် ရကြမှာ ဖြစ်တယ်လို့ ဆိုပါတယ်။

ဒါကြောင့် စာပေစီစစ်ရေး ဘုတ်အဖွဲဆိုတာလည်း မရှိတော့ဘူးလို့ ပြန်ကြားရေးနဲ့ ပြည်သူ့ဆက်ဆံရေးဌာနရဲ့ ညွှန်ကြားရေးမှူးချုပ် ဦးရဲထွဋ်က ဗွီအိုအေ မြန်မာပိုင်းကို ပြောပါတယ်။

ဒါပေမယ့် စာနယ်ဇင်းကောင်စီကို ပြန်ကြားရေးက ဖွဲ့ပေးမှာမို့ လွတ်လပ်ပါ့မလား၊ စာပေစီစစ်ရေးအဖွဲ့ကိုလည်း ဖျက်တော့မှာမို့ စာပေစာနယ်ဇင်းကောင်စီကို စာပေ စီစစ်ရေးအဖွဲ့အတွက် အစားထိုးဖို့ စီစဉ်တာလားများ ဆိုတဲ့ မေးခွန်းတွေနဲ့ စိုးရိမ်မှုတွေ သတင်းလောကထဲမှာ ရှိနေပါတယ်။ ဒီအပေါ်မှာ ပြန်ကြားရေးဌာနက ညွှန်ကြားရေးမှူးချုပ် ဦးရဲထွဋ်ကတော့ စာနယ်ဇင်း ကောင်စီပေါ်လာဖို့ ပြန်ကြားရေးက ကူညီတာသာ ဖြစ်တယ်လို့ ပြောပါတယ်။

"စာနယ်ဇင်းကောင်စီကို ကျနော်တို့ဖွဲ့တာက ပြန်ကြားရေး ၀န်ကြီးဌာနအောက်မှာလည်း မဟုတ်ပါဘူး၊ စာပေေ လာကသားတွေကလည်း တတ်နိုင်သမျှ စာနယ်ဇင်း လွတ်လပ်ခွင့်ကို မြန်မြန် ရချင်တယ်ဆိုပြီးတော့ ကျနော်တို့ ၀န်ကြီးကို တင်ပြတာတွေ ရှိပါတယ်။ အဲဒါတွေ အားလုံးကို အဖက်ဖက်က စဉ်းစားပြီးတော့မှ ၀န်ကြီးက စာနယ်ဇင်းကောင်စီတခုကို နိုင်ငံတော်သမ္မတကြီး အနေနဲ့ ဖွဲ့စည်းပေးနိုင်ဖို့ ကျနော်တို့ တင်ပြဖို့ ဆောင်ရွက်ပါမယ်။ အဲဒီစာနယ်ဇင်းကောင်စီ ပေါ်လာရင်တော့ စာဆောင်တွေအားလုံးဟာ ထုတ်တင်စံနစ် ဖြစ်သွားပြီးတော့မှ စာပေ စီစစ်ရေးလုပ်ငန်း ဆိုတာလည်း မရှိတော့ပါဘူး။ ဖွဲ့ပြီးတဲ့အခါမှာ လွတ်လွတ်လပ်လပ် ရေးခွင့်ရလို့ပေါ်ပေါက်လာမယ့် ကျင့်ဝတ်ဆိုင်ရာ ပြသနာတွေ၊ ကိစ္စမျိုးတွေ ဆိုရင်တော့ စာနယ်ဇင်းကောင်စီက ဖြေရှင်းပေးပေါ့။"

စာပေစီစစ်ရေးအဖွဲ့ဟာ ရုံးပိုင်းလုပ်ငန်းတွေကိုသာ လုပ်ကိုင်မယ့် ဌာနတခု အနေနဲ့ပဲ ရှိမယ်လို့လည်း ပြောပါတယ်။ အခုဆိုရင် နိုင်ငံမှာ ပြဌာန်းဖို့ စီစဉ်နေတဲ့ ပုံနှိပ်ထုတ်ဝေရေး မီဒီယာ ဥပဒေမူကြမ်းကို ဇူလှိုင်လထဲလောက်မှာ ပြန်ကျင်းပနိုင်တဲ့ ပြည်ထောင်စုလွှတ်တော်မှာ ဆွေးနွေးနိုင်ဖို့ ကြိုးစားနေတယ်လို့လည်း ပြောပါတယ်။

"အဲဒါက ကျနော်တို့ ဒုတိယအကြိမ် မူကြမ်းကို ရှေနေချုပ်ရုံးကို တင်ထားပါတယ်။ ရှေ့နေချုပ်ရုံးက အကြံပြုချက်တွေကို ကျနော်တို့ ရမယ်ဆိုရင် ဇွန်လအတွင်းမှာ အစိုးရအဖွဲ့ရဲ့ အတည်ပြုချက်ကို ယူမယ်၊ ပြီးရင်တော့ ပြည်ထောင်စု လွှတ်တော်က ဇူလှိုင်လထဲလောက်မှာ ခေါ်မယ်ဆိုတဲ့ သတင်းတွေကြားနေတော့ စခေါ်တဲ့အချိန်မှာ ကျနော်တို့ တင်နိုင်အောင် လုပ်ပါ့မယ်ခင်ဗျ။"

ဒါပေမယ့် အခုရေးဆွဲထားတဲ့ ပုံနှိပ်ထုတ်ဝေရေး မီဒီယာ ဥပဒေမူကြမ်းဟာ ၁၉၆၂ တော်လှန်ရေးကောင်စီ လက်ထက်ကရေးဆွဲထားတဲ့ ပုံနှိပ် မီဒီယာ ဥပဒေကို မှီငြမ်းထားတာမို့ လွတ်လပ်မှု မရှိနိုင်ဘူးဆိုတဲ့ သုံးသပ်ချက်တွေလည်း ရှိနေပါတယ်။ ဒီအပေါ်မှာ ဦးရဲထွဋ် ရှင်းပြတာကတော့ - "နံပါတ်တစ်ကတော့ဗျာ ၆၂ ဥပဒေကို မှီငြမ်းတယ် ဆိုတဲ့အခါ ကျနော်တို့ မှီငြမ်းတာ ဘယ်လိုဟာလဲ ဆိုတော့ ဥပမာ အဓိပ္ပါယ် ဖွင့်ဆိုချက်လို ဟာမျိူးတွေ၊ နောက်�€

 ·  · Share