15.05.2012 နေ့ဖတ်ရန်သတင်းများ

by Myanmar Journal on Monday, May 14, 2012 at 7:29pm 

တိဘက် ဘာသာရေး ခေါင်းဆောင် ဒလိုင်း လားမားဒလိုင်းလားမား ကိစ္စ တရုတ် အစိုးရ ငြင်း

တရုတ် အစိုးရက ပြည်ပရောက် တိဘက် ဘာသာရေး ခေါင်းဆောင် ဒလိုင်း လားမားကို အဆိပ်ခတ် သတ်ဖြတ်ဖို့ လျှို့ဝှက် ကြံစည်တယ် ဆိုတဲ့ စွပ်စွဲချက်ကို ငြင်းဆိုလိုက်ပါတယ်။

ဒလိုင်းလားမားက လက်နဲ့ ထိပြီး ဆုတောင်း ပေးမယ့် အစီအစဉ် အတွင်း တိဘက် လူမျိုး အမျိုးသမီးတစ်ယောက်ရဲ့ ဆံပင်နဲ့ အဝတ် အစားမှာ အဆိပ်တွေကို သုတ်ထားဖို့ သင်ပေး ထားတယ် ဆိုတဲ့ သတိပေးမှု ရခဲ့တဲ့ အကြောင်း ဗြိတိန် နိုင်ငံထုတ် သတင်းစာ တစ်စောင်နဲ့ မေးမြန်းခန်းမှာ ဒလိုင်းလားမားက ပြောခဲ့ပါတယ်။

တရုတ် နိုင်ငံခြားရေး ဝန်ကြီး ဌာနက တော့ အဲဒီ စွပ်စွဲချက်တွေဟာ အခြေ အမြစ် မရှိတဲ့ အကြောင်းနဲ့ ခေပြ ပြောဆိုစရာ အကြောင်းလည်း မရှိဘူးလို့ ပြောပါတယ်။

ဒလိုင်း လားမားဟာ ဘာသာရေး အရည်ခြုံပြီး ခွဲထွက်ရေး လှုပ်ရှားမှု လုပ်ဆောင်နေတာ ဖြစ်တယ်လို့ နိုင်ငံခြားရေး ဌာန ပြောရေး ဆိုခွင့် ရှိသူက ပြောပါတယ်။

မနှစ်က နေတိုးရဲ့ တပ်ဖွဲ့တွေ က ထရီပိုလီ မြို့တော်က ဆိပ်ကမ်း ကို တိုက်ခိုက် ခဲ့စဉ်နေတိုးက အရပ်သားတွေ မထိခိုက်အောင် ကြိုးပမ်းခဲ့ လို့ဆို

မနှစ်တုန်းက လစ်ဗျားနိုင်ငံ အပေါ် NATO ခေါ် မြောက် အတ္တလန်တိတ် စစ်ရေး မဟာမိတ် အဖွဲ့ရဲ့ လေကြောင်း တိုက်ခိုက်မှု စစ်ဆင်ရေး အတွင်း အရပ်သား တွေ သေဆုံးမှု အရေ အတွက်ကို မီးမောင်း ထိုးပြ ထားတဲ့ HRW လူ့အခွင့် အရေး လေ့လာ စောင့်ကြည့်ရေး အဖွဲ့ရဲ့ အစီရင်ခံစာ အပေါ် မဟာမိတ် အဖွဲ့က ပြန်လည် တုံ့ပြန်လိုက် ပါတယ်။

သူတို့ အနေနဲ့ ခါတိုင်းထက်ပို သတိ ထားပြီး ပစ်မှတ်တွေကို တိတိ ကျကျ တိုက်ခိုက် ခဲ့တယ်လို့ နေတိုး အဖွဲ့က ပြောဆို တုံ့ပြန်လိုက် တာပါ။

ဗိုလ်မှူးကြီး ကဒါဖီ ရဲ့ စစ်ရေး အဆောက်အအုံ တွေကို ပစ်မှတ်ထားတိုက်ခိုက်တဲ့ အဲဒီ စစ်ဆင်ရေးမှာ အရပ်သား ၇၂ ယောက်ထက် မနည်း သေဆုံးခဲ့တယ် လို့ လူ့အခွင့် အရေး လေ့လာ စောင့်ကြည့်ရေး အဖွဲ့က ပြော ပါတယ်။

NATO မဟာမိတ် အဖွဲ့က အရပ်သားတွေ ကို မထိခိုက်အောင် အနည်း အပါး ကြိုးစားမှု ရှိခဲ့တယ်၊ အဲဒါကိုလည်း လေးစားတယ်၊ ဒါပေမဲ့ အရပ်သား ၇၂ ယောက် သေဆုံးမှုနဲ့ ပတ်သက်ပြီး စုံစမ်း စစ်ဆေးတာတွေ၊ ရှင်းလင်း ပြောပြတာတွေ မလုပ်ခဲ့ဘူးလို့ HRW အစီရင်ခံစာ ရေးသားသူ ဖရက် အီဘရာဟင် Fred Abrahims က ပြောပါတယ်။

သေဆုံးသူ တွေရဲ့ မိသားစုကို လျော်ကြေး ပေးသင့်တယ် လို့လည်း အစီရင်ခံစာမှာ ပြောထားပါတယ်။

မြန်မာအပေါ် ပိတ်ဆို့မှု ဆိုင်းငံ့ဖို့ McCain တိုက်တွန်း

By ကိုသားညွန့်ဦး

မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူ ဒဏ်ခတ် မှုတွေကို ဆိုင်းငံ့ဖို့ အချိန်ရောက်ပြီလို့ အမေရိကန်နိုင်ငံရေးမှာ သြဇာကြီးမားတဲ့ ရီပတ်ပလင်ကန် အထက်လွှတ်တော်အမတ် ဂျွန်မက်ကိန်း က ပြောလိုက်ပါတယ်။ ဒါပေမယ့် ရင်းနှီးမြုပ်နှံမှုတွေ လုပ်တဲ့နေရာမှာ အမေရိကန်ကုမ္ပဏီတွေအနေနဲ့ လူမှုကျင့်ဝတ် သိက္ခာတွေ စောင့်စည်းပြီး တာဝန်ယူမှုရှိတဲ့ စီးပွားရေးလုပ်ငန်းတွေ အဖြစ် စံပြဖြစ်ဖို့ လိုမယ် လို့ အထက်လွှတ်တော်အမတ် ဂျွန် မက်ကိန်းက ပြောသွားပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။

မြန်မာနိုင်ငံအတွင်း မကြာခင်က သိသာထင်ရှားတဲ့ တိုးတက်ပြောင်းလဲမှုတွေ ဖြစ်ခဲ့တာ၊ အထူးသဖြင့်ဆိုရင် ပြီးခဲ့တဲ့ရွေးကောက်ပွဲအတွင်း ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်တို့ အနိုင်ရပြီး လွှတ်တော်ထဲ ၀င်ရောက်နိုင်တဲ့ အခြေအနေတွေကြောင့် မြန်မာနိုင်ငံအပေါ် အရေးယူပိတ်ဆို့မှုတွေကို ဆိုင်းငံ့ထားရတော့မယ့် အချိန်ရောက်နေပြီလို့ အထက်လွှတ်တော် အမတ် ဂျွန်မက်ကိန်းက ပြောသွားပါတယ်။ ဒါပေမယ့်လည်း လက်နက်တင်ပို့ ရောင်းချမှုကို ပိတ်ပင်တာနဲ့ မြန်မာ့ ဒီမိုကရေစီရေးကို အနှောင့်အတားဖြစ်စေတဲ့ ပုဂ္ဂိုလ်တွေ၊ အဖွဲ့အစည်းတွေကို ပစ်မှတ်ထား အရေးယူတာ မျိုးတော့ ခြွင်းချက်ဆက်ထားသင့်တယ်လို့ အထက်လွှတ်တော်အမတ် ဂျွန်မက်ကိန်းက ၀ါရှင်တန်ဒီစီက CSIS မဟာဗျူဟာနဲ့ နိုင်ငံတကာလေ့လာရေးဌာနမှာ မနေ့က ပြောဆိုသွားပါတယ်။

“မြန်မာနိုင်ငံအပေါ် အမေရိကန်ပြည်ထောင်စုရဲ့အရေးယူပိတ်ဆို့မှုတွေ ဆိုင်းငံဖို့ အချိန်ကျနေပြီလို့ ထင်ပါ တယ်။ လက်နက်ရောင်းချမှု ပိတ်ပင်တာနဲ့၊ မြန်မာ့ဒီမိုကရေစီကို အနှောက်အယှက် အဟန့်အတားဖြစ်စေ တဲ့ လူ့အခွင့်အရေးချိုးဖောက်မှုတွေကျူးလွန်တဲ့ နိုင်ငံအရင်း အမြစ်တွေကို မတရားယူထားတဲ့ ပုဂ္ဂိုလ်တွေ၊ အဖွဲ့အစည်းတွေအပေါ် ပစ်မှတ်ထားပြီး အရေးယူထားတာတွေက လွဲလို့ပေါ့။ ဒါပေမယ့် ဒါဟာ အရေးယူမှုတွေကို ရုပ်သိမ်းတာမဟုတ်ပါဘူး၊ ဆိုင်းငံ့ထားဖို့ပါ။ မြန်မာနိုင်ငံအတွင်း တိုးတက် မှုတွေ၊ ပြုပြင်ပြောင်းလဲမှုတွေ ဆက်ဖြစ်နေတဲ့ အပေါ်မှာတည်ပြီး ဒီ အရေးယူမှုလျှော့ပေးတာတွေကို လုပ်သွားပါ့မယ်။”

မြန်မာအာဏာပိုင်တွေအနေနဲ့  ဒီမိုကရေစီနဲ့ စီးပွားရေးပြုပြင်ပြောင်းလဲမှုတွေ လက်တွေ့ဆောင်ရွက်တဲ့ အပေါ်မှာ အမေရိကန်ပြည်ထောင်စု ဘက်ကလည်း လုပ်ရပ်တခုချင်းကို တခုချင်းအလိုက် တုံ့ပြန်သွားမယ် လို့ ပြောထားတာပါ။ အခုလို မူဝါဒ ပြောင်းလဲဖို့ စဉ်းစားချက်ဟာ ပြုပြင်ပြောင်းလဲမှုတွေကို အားဖြစ်စေဖို့၊ မြန်မာပြည်သူတွေ အကျိုးခံစားခွင့်ရဖို့နဲ့ နှစ်နိုင်ငံ ဆက်ဆံရေးတိုးတက်ကောင်းမွန်လာဖို့ ရည်ရွယ်တယ်လို့လည်း အထက်လွှတ်တော်အမတ် မက်ကိန်းက ပြောသွားပါတယ်။ ဒါပေမယ့်လည်း အမေရိကန်ပြည်ထောင်စုအနေနဲ့ မြန်မာနိုင်ငံတွင်း ရင်းနှီးမြှုပ်နှံမှုတွေလုပ်တဲ့အခါမှာ မြန်မာပြည်သူတွေ လက်တွေ့အကျိုးဖြစ်ဖို့နဲ့၊ မြန်မာ့ဒီမိုကရေစီရေးကို အားဖြစ်စေဖို့ စံနှုန်းစံထား သတ်မှတ်ထားရှိဖို့လိုမယ်လို့ အထက်လွှတ်တော်အမတ် မက်ကိန်းက ပြောပါတယ်။

“မြန်မာနိုင်ငံတွင်း အမေရိကန်စီးပွားရေးလုပ်ငန်းတွေအတွက် လူမှုကျင့်ဝတ်သိက္ခာစောင့်စည်းဖို့ အခြေခံ စံနှုန်းစံထားတွေ သတ်မှတ် ထားရပါမယ်။ မှန်ကန်တဲ့ ရင်းနှီးမြှုပ်နှံမှုမျိုးနဲ့ လက်ခံလို့မရတဲ့ ရင်းနှီးမြှုပ်နှံမှု မျိုးကို ဒေါ်အောင်ဆန်းစုကြည်က ပိုင်းခြားသတ်မှတ်ထားတာ ရှိပါတယ်။ မှန်ကန်တဲ့ရင်းနှီးမြုပ်နှံမှုမျိုး ဟာ မြန်မာနိုင်ငံရဲ့ ပုဂ္ဂလိကအခန်းကဏ္ဍကို အားဖြစ်စေပါမယ်၊ နိုင်ငံသားတွေအတွက် အကျိုးဖြစ်ထွန်း စေပါတယ်၊ နောက်ဆုံးမှာ စီးပွားရေးနဲ့အရပ်ဘက်အုပ်ချုပ်မှုကို စစ်တပ်က ချုပ်ကိုင်ထားတာတွေ လျှော့သွားစေပါလိမ့်မယ်။ လက်ခံလို့မရတဲ့ ရင်းနှီးမြှုပ်နှံမှုမျိုးကတော့ ဒါနဲ့ ဆန့်ကျင်ဘက်ပါ။ စီးပွားရေးမှာ နီးစပ်ရာလက်တဆုပ်ကပဲ လက်ဝါးကြီးအုပ်မှုကို အားဖြစ်စေပြီး မြန်မာနိုင်ငံ ဖွံ့ဖြိုးမှုဟာလည်း နောက်ဆယ်စုနှစ်နဲ့ချီ နောက်ကျသွားနိုင်ပါတယ်။ ဒါကြောင့်လည်း စစ်တပ်က ချုပ်ကိုင် ထားတဲ့ မြန်မာနိုင်ငံထဲမှာ အမေရိကန် ကုမ္ပဏီတွေ၊ အစိုးရပိုင်လုပ်ငန်းတွေနဲ့ စီးပွားရေး တွဲလုပ်တာမျိုး ကိုတော့ ခွင့်ပြုသင့်တယ်လို့ မထင်ပါဘူး။”

မြန်မာနိုင်ငံအတွင်း ရင်းနှီးမြှုပ်နှံမှုတွေဟာ လူမှုဝတ္တရားတွေအပေါ် တာဝန်ယူလိုစိတ်ဖြစ်ဖို့၊ အလုပ်သမား အခွင့်အရေးတွေကို လေးစား လိုက်နာဖို့နဲ့ သဘာဝပတ်ဝန်းကျင်ထိမ်းသိမ်းမှု ရှိဖို့ လိုမယ်လို့ သူက ထောက်ပြပါတယ်။ ဒါမှလည်း အမေရိကန်ကုမ္ပဏီတွေဟာ အခြား နိုင်ငံခြားရင်းနှီးမြုပ်နှံမှုတွေ အကြား စံပြအဖြစ်နဲ့ မြန်မာနိုင်ငံထဲ လူ့ကျင်ဝတ်သိက္ခာရှိတဲ့ နိုင်ငံခြားရင်းနှီးမြှုပ်နှံမှုတွေဖြစ်လာစေရေး ဦးဆောင် ဦးရွက် ပြုနိုင်မယ်လို့ မစ္စတာမက်ကိန်းက ပြောပါတယ်။

လက်ရှိ မြန်မာနိုင်ငံထဲက အခြေအနေကို အကဲဖြတ်ရာမှာတော့ မြန်မာအစိုးရသမ္မတဦးသိန်းစိန်နဲ့ လုပ်ဖော် ကိုင်ဘက်တွေဟာ ပြုပြင် ပြောင်းလဲလိုစိတ် ရှိသူတွေလို့ သူယုံကြည်တဲ့အကြောင်း ပြောပါတယ်။ နောက် သမ္မတဦးသိန်းစိန်အစိုးရအဖွဲ့အတွင်းမှာ ရှိနေသူတချို့ ဟာလည်း အရင်တုန်းက အမေရိကန် -မြန်မာ နှစ်ဘက် ဆက်ဆံရေးကောင်းစဉ်က အမေရိကန် စစ်ကျောင်းတွေမှာလာပြီးတော့ သင်တန်းတက်ခဲ့ဖူးသူတွေ၊ သူတို့ဟာ အမေရိကန်ပြည်ထောင်စုနဲ့ နီးစပ်လိုသူတွေဖြစ်တယ်လို့ သူက ယူဆပါတယ်။

“မြန်မာ့အရေးဟာ အမေရိကန်ပြည်ထောင်စုသံတမန်ရေးမှာ နောက်ထပ်အရေးပါတဲ့ စမ်းသပ်မှုဖြစ်ပါတယ်။ လွန်ခဲ့တဲ့နှစ်အတွင်း ကျနော် မြန်မာနိုင်ငံကို နှစ်ကြိမ်သွားရောက်ပါတယ်။ မြန်မာနိုင်ငံမှာ လုပ်ဆောင် စရာတွေ အတော်ကျန်နေသေးတယ်၊ လုပ်ရဦးမယ်ဆိုတာကို သေချာစေချင်တာပါ။ အထူးသဖြင့်တော့ အကြမ်းဖက်မှုတွေ ရပ်တန့်ဖို့၊ မြန်မာနိုင်ငံရဲ့ တိုင်းရင်းသားလူနည်းစုတွေနဲ့ စစ်မှန်တဲ့ အမျိုးသား ရင်ကြားစေ့ရေး လုပ်ငန်းတွေ လုပ်ဆောင်ဖို့ဖြစ်ပါတယ်။ ဒါပေမယ့်လည်း လက်ရှိ မြန်မာသမ္မတနဲ့ အစိုးရအဖွဲ့အတွင်းက သူ့မဟာမိတ်တွေဟာ ပြုပြင်ပြောင်းလဲရေးအတွက် တကယ့်စိတ်ရင်းမှန်ရှိတယ်လို့ ကျနော် ယူဆပါတယ်။ တကယ့်ကို တိုးတက်မှုတွေ အတွက်လည်း ဆောင်ရွက်နေကြပါတယ်။”

မစ္စတာမက်ကိန်းဟာ အရင်တုန်းကတော့ မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူ ဒဏ်ခတ်မှုတွေကို တက်တက်ကြွကြွ ထောက်ခံ အားပေးသူတဦးဖြစ်ပါတယ်။ သူဟာ အမေရိကန်နိုင်ငံရေးနဲ့ လွှတ်တော်ထဲ သြဇာကြီးမားသူတဦးဖြစ်တာကြောင့်လည်း အခုလို မြန်မာအပေါ် အရေးယူမှုတွေ ဆိုင်းငံဖို့ သူ့သဘောထား ထုတ်ဖော်ပြောလိုက်တာဟာ မကြာခင် အမေရိကန်ပြည်ထောင်စုရဲ့ သဘောထား ဖြစ်လာဖွယ် ရှိတယ်လို့ ယူဆရပါတယ်။ အခု မေလ ၂၀ ရက်နေ့မှာ အမေရိကန်ပြည်ထောင်စုက မြန်မာနိုင်ငံအပေါ် အရေးယူမှုဥပဒေတရပ် ကို သက်တမ်းတိုးပေးရမယ့် အချိန်ရောက်တော့မှာပါ။ ဒါကြောင့် အခု မစ္စတာမက်ကိန်းပြောဆိုချက်ဟာ ဒီဆုံးဖြတ်ချက်အပေါ်မှာ သက်ရောက်လာနိုင်မယ်လို့ ယူဆရပါတယ်။

ပိတ်ဆို့မှု ရုပ်သိမ်းရေး သတိထားသင့်

By မခင်ဖြူထွေး

မြန်မာနိုင်ငံရဲ့ ဒီမိုကရေစီရေး ပြုပြင်ပြောင်းလဲမှုတွေ လမ်းလွဲမသွားရလေအောင်နဲ့ လူ့အခွင့်အရေး ချိုးဖောက်မှုတွေကို ဟန့်တားရာ ရောက်ဖို့အတွက်သတိထားဆောင်ရွက်ဖို့ အမေရိကန် အခြေစိုက် ကျင့်ဝတ်သိက္ခာနဲ့ညီတဲ့ ရင်းနှီးမြှုပ်နှံမှုတွေ ကို အားပေးတဲ့ အဖွဲ့ပေါင်း ၁၂ ခုက သမ္မတ အိုဘားမားအစိုးရကို တိုက်တွန်းလိုက်ပါတယ်။ မြန်မာနိုင်ငံမှာ ရင်းနှီးမြှုပ်နှံဖို့ အချိန်မတန်သေးဘူးလို့လည်း သူတို့က ပြောပါတယ်။ ဘာကြောင့် အခုလို ပြောဆိုကြတာ ပါလဲဆိုတာ အပြည့်အစုံကို မခင်ဖြူထွေးက တင်ပြပေးထားပါတယ်။

အမေရိကန်အစိုးရအနေနဲ့ မြန်မာနိုင်ငံအပေါ် စီးပွားရေးအရ ဒဏ်ခတ်ပိတ်ဆို့မှုတွေကို တဖြည်းဖြည်းချင်း ပြန်ရုပ် သိမ်းနေချိန်၊ လာမယ့် မေလ ၂၀ ရက်နေ့မှာလည်း အမေရိကန်အစိုးရရဲ့ ရင်းနှီးမြှုပ်နှံမှုဆိုင်ရာ ဒဏ်ခတ်မှု ဥပဒေတွေကို နောက်ထပ် သက်တမ်းတိုးမတိုး ဆုံးဖြတ်ဖို့ ရှိနေချိန် မှာ မြန်မာနိုင်ငံအပေါ် စီးပွားရေးအရ ဒဏ်ခတ်မှုတွေ ရုပ်သိမ်းရာမှာ သတိထား ဆောင်ရွက်ဖို့ အမေရိကန်နိုင်ငံမှာ အခြေစိုက်တဲ့ ကျင့်ဝတ် သိက္ခာနဲ့ညီတဲ့ ရင်းနှီးမြှုပ်နှံမှုတွေကိုသာ အားပေးတဲ့ အဖွဲ့ပေါင်း ၁၂ ဖွဲ့က အမေရိကန်သမ္မတ အိုဘားမားဆီကို မေလ ၁၁ ရက်နေ့က စာရေးသား ပေးပို့ပြီး တိုက်တွန်းခဲ့ကြတာ ဖြစ်ပါတယ်။ မြန်မာနိုင်ငံရဲ့ လက်ရှိအခြေအနေဟာ ရင်းနှီးမြှုပ်နှံမှုတွေအတွက် အဆင်သင့် အနေအထားမှာ မရှိသေးဘူးလို့ အခု တိုက်တွန်းစာ ရေးသားတဲ့အဖွဲ့ ၁၂ ဖွဲ့ထဲက တခုဖြစ်တဲ့ Conflict Risk Network အဖွဲ့ ညွှန်ကြားရေးမှူး Kathy Mulvey က ပြောပါတယ်။

“ကျမတို့ ရဲ့ စိုးရိမ်ချက်၊ ကျမတို့နဲ့အတူ ပါဝင်တဲ့ ရင်းနှီးမြှုပ်နှံမှုအဖွဲ့တွေရဲ့ စိုးရိမ်ချက်က မြန်မာနိုင်ငံတွင်း တရားဥပဒေ စိုးမိုးမှု မရှိသေးဘဲနဲ့ နောက် ရင်းနှီးမြှုပ်နှံသူတွေကို ဖွဲ့စည်းပုံဥပဒေအရ အကာအကွယ်ပေးတဲ့ အာမခံချက် တစုံတရာ မရှိသေးဘဲနဲ့ ရင်းနှီးမြှုပ်နှံမှုတွေ မလုပ်သင့်သေးဘူး ဆိုတာပါ။ အထူးသဖြင့် ခုချိန်မှာ သဘာဝ သယံဇာတ ပေါကြွယ်ဝတဲ့ တိုင်းရင်းသားဒေသတွေမှာ စစ်ပွဲတွေ ဆက်ပြီး ရှိနေတုန်းပါ။ အခုလိုအချိန်မျိုးမှာ ရင်းနှီးမြှုပ်နှံမှုတွေက လူ့အခွင့်အရေး ချိုးဖောက်မှုတွေကို ပိုပြီး ဆိုးရွားအောင် တွန်းအားပေး ရာ ရောက်နိုင်သလို ဒီမိုကရေစီ တိုးတက် ပြောင်းလဲမှုတွေကို ထိခိုက်ကောင်း ထိခိုက်နိုင်ပါတယ်။”

အခုလို စိုးရိမ်ချက်တွေကြောင့် မြန်မာနိုင်ငံအပေါ်ထားရှိတဲ့ အမေရိကန်ရဲ့ ဒဏ်ခတ်ပိတ်ဆို့မှုတွေကို ရုပ်သိမ်းတဲ့နေရာမှာ သတိနဲ့ ကိုင်တွယ်ဆောင်ရွက်ဖို့ တိုက်တွန်းတာဖြစ်တဲ့အကြောင်း Kathy Mulvey က ပြောပါတယ်။

“ဒီမိုကရေစီနဲ့ လူ့အခွင့်အရေးကို ကာကွယ်တဲ့ တိုးတက် ပြောင်းလဲမှုတွေကို ကျမတို့ ချီးကျူး ဂုဏ်ပြုချင်ပါတယ်။ တချိန်တည်းမှာလည်း ရင်းနှီးမြှုပ်နှံသူတွေအတွက် မြန်မာနိုင်ငံရဲ့ လက်ရှိ အဖြစ်မှန် အခြေအနေ၊ ပြည့်စုံ ခိုင်မာတဲ့ အချက်အလက်တွေကို သိဖို့လိုပါတယ်။ ဥပမာ မြန်မာနိုင်ငံတွင်း လူ့အခွင့်အရေး ချိုးဖောက်မှုတွေမှုတွေ၊ အဂတိ လိုက်စားမှုတွေအတွက် အဓိက တာဝန်ရှိသူတဲ့ လူပုဂ္ဂိုလ်၊ အဖွဲ့အစည်းတွေနဲ့ ပတ်သက်တဲ့ အချက်အလက်တွေပါ။ မကြာသေးခင်က အစီရင်ခံစာတွေအရ မျက်မြင်တွေ့ရှိသူတွေရဲ့ ပြောဆိုချက်တွေအရ ကျမတို့ ရင်းနှီးမြှုပ်နှံသူများ အဖွဲ့တွေရဲ့ အဓိက စိုးရိမ်ချက်က ကချင်ပြည်နယ်လို ဒေသတွေမှာ စစ်တပ်အင်အား တိုးချလာနေတဲ့ ကိစ္စမျိုးတွေ ဖြစ်ပါတယ်။”

အိုဘားမားအစိုးရအနေနဲ့ ကျင့်ဝတ်သိက္ခာနဲ့ညီတဲ့ ရင်းနှီးမြှုပ်နှံမှုတွေကို အားပေးတဲ့ ရင်းနှီးမြှုပ်နှံရှင် အဖွဲ့တွေရဲ့ စိုးရိမ်ချက်တွေကို အလေးထားပြီး ဒီ မေလ ၂၀ ရက် မြန်မာနိုင်ငံအပေါ် ရင်းနှီးမြှုပ်နှံမှုဆိုင်ရာ မူဝါဒ အပြောင်းအလဲ လုပ်သင့်မသင့် စဉ်းစားရာမှာရော နောက်ပိုင်း ကိစ္စတွေမှာပါ ထည့်သွင်း စဉ်းစား လိမ့်မယ်လို့ မျှော်လင့်တဲ့အကြောင်း လည်း Kathy Mulvey က ပြောပါတယ်။

ဒေါ်လာသန်းပေါင်း ၁ သိန်း ၁ သောင်း ၅ ထောင်ကျော် ပိုင်ဆိုင်မှု ငွေပမာဏ အင်အားရှိတဲ့ ရင်းနှီးမြှုပ်နှံ သူတွေ၊ ဘဏ္ဍာရေးဆိုင်ရာ အဖွဲ့အစည်းတွေနဲ့ အစုရှယ်ယာရှင်တွေက သမ္မတ အိုဘားမားကို လက်မှတ်ရေးထိုး ပေးပို့ ခဲ့ကြ တာပါ။ ဒီလို အရေးပါတဲ့ စီးပွားရေးလုပ်ငန်းရှင် အသိုင်းအ၀ိုင်းရဲ့ အသံဖြစ်လို့ အစိုးရအနေနဲ့ အလေး အနက်ထား စဉ်းစားသင့်တယ်လို့လည်း Kathy Mulvey က ပြောပါတယ်။

အမေရိကန်အစိုးရအနေနဲ့ မြန်မာနိုင်ငံအပေါ် ချမှတ်ထားတဲ့ ရင်းနှီးမြှုပ်နှံမှုဆိုင်ရာ ဥပဒေသက်တမ်း တိုးသင့် မသင့်ကို ဒီလ ၂၀ ရက်နေ့မှာ ဆုံးဖြတ်ကြမှာဖြစ်သလို အမေရိကန် ဥပဒေပြု လွှတ်တော် အမတ်တွေအကြား မှာလည်း မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့မှုတွေနဲ့ ပတ်သက်လို့ အားလုံးကို ရုပ်သိမ်းလိုက်ဖို့ တိုက်တွန်းနေသူတွေရှိသလို တဖြည်းဖြည်းချင်း ရုပ်သိမ်းဖို့ နားချနေသူတွေ လည်း ရှိပါတယ်။ မြန်မာနိုင်ငံမှာ ရေရှည်ခိုင်မာတဲ့ စီးပွားရေးတရပ် တည်ဆောက်နိုင်ဖို့နဲ့ အမေရိကန် ကုမ္ပဏီတွေအနေနဲ့ မြန်မာနိုင်ငံအတွင်းက သူတို့ရဲ့ လုပ်ငန်းတွေကို အောင်အောင်မြင်မြင် ဆောင်ရွက်နိုင်ဖို့ အပြင် မြန်မာနိုင်ငံရဲ့ လက်ရှိ နိုင်ငံရေး ပြုပြင် ပြောင်းလဲမှုတွေကို ရှေ့ဆက် တွန်းအားပေးရာရောက်ဖို့ အတွက် မြန်မာအပေါ် ဒဏ်ခတ်ပိတ်ဆို့မှုတွေကို ရုပ်သိမ်းဖို့ ပြီးခဲ့တဲ့ ဧပြီလ ၂၀ ရက်နေ့ကလည်း အမေရိကန် စီးပွားရေးကုမ္ပဏီ ၁၃ ခုက သမ္မတ အိုဘားမားဆီကို စာရေးသား ပေးပို့ခဲ့ကြပါသေးတယ်ရှင်။

တောင်ကိုရီးယား သမ္မတ မြန်မာပြည်ရောက်

By ကိုကျော်ကျော်သိန်း

တောင်ကိုရီးယားသမ္မတ အီလ်မြောင်ဘာ့က် (Lee Myung-bak) ဟာ ဒီကနေ့မှာ နှစ်ရက်ကြာ မြန်မာနိုင်ငံ ခရီးစဉ်ကို စတင်ပြီဖြစ်ပါတယ်။ ဆယ်စုနှစ်သုံးစုနီးပါးအတွင်း မြန်မာနိုင်ငံဆီလာရောက်တဲ့ တောင်ကိုရီး သမ္မတ တစ်ယောက်ရဲ့ ပထမဆုံး ခရီးစဉ်အတွက် ရန်ကုန်မြို့ရဲ့ အဓိကကျတဲ့ နေရာတွေမှာ လုံခြုံရေးတွေ အထူးတင်းကျပ်ထားပါတယ်။ မစ္စတာ အီလ်မြောင်ဘာ့က်ဟာ အခုဆိုရင် နေပြည်တော်မှာ ရောက်နေပြီဖြစ် ပြီး သမ္မတဦးသိန်းစိန်နဲ့ တွေ့ဆုံဆွေးနွေးဖို့ ရှိပါတယ်။ မြန်မာ့ဒီမို ကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံမယ်ဆိုတဲ့သတင်းတွေ ကျယ်ကျယ်ပြန့်ပြန့် ထွက်နေပေမဲ့ လုံခြုံရေး အကြောင်းပြချက်နဲ့ နှစ်ဘက်စလုံးက တရားဝင် ထုတ် မပြောကြပါဘူး။ ဒီအခြေအနေအပြည့်အစုံကို ဘန်ကောက်ကနေ ဆက်သွယ်စုံစမ်းထားတဲ့ ကိုကျော်ကျော်သိန်းက တင်ပြပေးထားပါတယ်။

မြန်မာနိုင်ငံပါဝင်တဲ့ ASEAN+3 ရဲ့ အနာဂတ် လုပ်ဆောင်ဖွယ်ရာတွေအတွက် ပြင်ဆင်ဖို့ မြန်မာနိုင်ငံကို လာတာ ဖြစ်တယ်လို့ သိထားရတဲ့ တောင်ကိုရီးယားသမ္မတရဲ့ နှစ်ရက်ကြာခရီးစဉ်ဟာ ဒီကနေ့ ညနေပိုင်း မှာပဲ စတင်တာဖြစ်ပါတယ်။ မြန်မာနိုင်ငံဆီ တောင်ကိုရီးယားသမ္မတတဦး နောက်ဆုံးလာရောက်ခဲ့တာက ၁၉၈၃ ခုနှစ်ကပါ။ အဲဒီအချိန်က သမ္မတ ချန်ဒူးဝှမ်နဲ့အဖွဲ့ အာဇာနည်ကုန်းမှာ အာဇာနည်ခေါင်းဆောင် ကြီးတွေကို ဂါရ၀ပြုမယ့်အချိန် မြောက်ကိုရီးယားသူလျှိုတွေက ဗုံးခွဲလုပ်ကြံဖို့ ကြိုးစားတာကြောင့် တောင်ကိုရီးယား ဒုတိယ၀န်ကြီးချုပ်နဲ့ နိုင်ငံခြားရေးဝန်ကြီးအပါအ၀င် အစိုးရအဖွဲ့ဝင် အတော်များများ ထိခိုက် ဒဏ်ရာရ သေဆုံးခဲ့ကြရပါတယ်။

အဲဒီအချိန်က မြန်မာအစိုးရကလည်း မြောက်ကိုရီးယားအစိုးရနဲ့ ချက်ခြင်း သံတမန် အဆက်အသွယ် ဖြတ်တောက်ပစ်ခဲ့ပါတယ်။ ၂၀၀၇ ခုနှစ်မှာတော့ မြန်မာနဲ့မြောက်ကိုရီးယားအကြား တရားဝင် သံတမန် အဆက်အသွယ် ပြန်ထူထောင်ခဲ့ကြပါတယ်။

အခု အပြောင်းအလဲတွေ ဖြစ်လာနေတဲ့ မြန်မာနိုင်ငံမှာ မြောက်ကိုရီးယားနိုင်ငံသားတွေ လုပ်ငန်း လုပ်ဆောင်နေကြတာတွေက လည်း ရှိနေပါတယ်။

တောင်ကိုရီးယားသမ္မတ ရောက်မလာခင်ကတည်းက ရန်ကုန်မြို့ အဓိကနေရာတွေမှာ လုံခြုံရေးတွေ သိသိသာသာ ချထားတာကို တွေ့ရတယ်လို့ ရန်ကုန်မြို့ခံတွေက ဗွီအိုအေကို ပြောပါတယ်။

"ကမ္ဘာအေးဘုရားလမ်းတောက်လျှောက်၊ တက္ကသိုလ်ရိပ်သာလမ်း၊ လှည်းတန်းဘက်- အဲဒီ ကျနော်သွားတဲ့ ဘက်တွေမှာတော့ ဓာတ်တိုင် တတိုင်ကြား၊ တတိုင်ကြားမှာ နှစ်ယောက်-နှစ်ယောက် ချထားတာ တွေ့ တယ်။ တက္ကသိုလ်ရိပ်သာလမ်းမှာဆိုရင်လည်း ရဲကားတစ်စီးနဲ့အပြည့် ဒေါ်အောင်ဆန်းစုကြည် အိမ်နား မှာတွေ့တယ်။ ပြီးတော့ ကုက္ကိုင်း၊ မြကျွန်းသာမှာဆိုရင်လည်း ရဲကားတစ်စီးနဲ့အပြည့်တွေ့တယ်။ ဒါတွေက မမြင်ရတာကြာနေတဲ့ မြင်ကွင်းတစ်ခုလို ဖြစ်နေတယ်လေ။ လုံခြုံရေး အဲဒီလောက် ချထားတာ ဒီဘက် နောက်ပိုင်းမှာ ဒါ ပထမဦးဆုံး ရှားရှားပါးပါး ပြန်တွေ့ရတာပေါ့။ ဒီနေ့မနက် ကျနော် အပြင်ထွက်တဲ့ အနေအထားမှာတော့ အဲလို ရဲတွေချထားတာတော့ တွေ့တယ်။ ဒါပေမယ့် ကားကြီးတွေနဲ့ ချထားတာတော့ သိပ်မတွေ့ရတော့ဘူး။ ဒါပေမယ့် ထူးထူးခြားခြားဆိုလို့ မြို့ထဲက Central Hotel တို့၊ Traders Hotel တို့ ပတ်ဝန်းကျင်မှာတော့ ပတ်ပတ်လည်မှာ လုံခြုံရေး တော်တော်လေး ချထားတယ်လို့ ပြောတယ်ခင်ဗျ"

"ဦးဝိစာရလမ်းဘက်တွေမှာတော့ လွန်ခဲ့တဲ့ နှစ်ရက်လောက်က ချထားတာတော့ တော်တော်များများ တွေ့တယ်။ နောက် တော်လှန်ရေးပန်းခြံတဝိုက်၊ အဲဒီမှာတော့ လုံခြုံရေးများများ ချထားတာတော့ တွေ့တယ်။ ရဲတွေကို ဓာတ်တိုင် တတိုင်ခြားမှာ နှစ်ယောက်-နှစ်ယောက် ချထားတယ်။ ကားလေးတွေကိုပါ သူတို့က ချထားတယ်။ အဲဒီမှာတော့ incharge တွေ ရှိတာပေါ့။ သူတို့ရဲ့ တကိုယ်ရေကိုင်တဲ့ သေနတ်ပါတယ်ပေါ့ဗျာ။ equipment (လက်နက်) အပြည့်အစုံနဲ့ပေါ့။"

အခု လုံခြုံရေးတင်းကျပ်ထားပုံဟာ အမေရိကန်နိုင်ငံခြားရေးဝန်ကြီး ဟီလာရီကလင်တန် လာတဲ့ အချိန်တုန်းကထက်တောင် ပိုသေးတယ်လို့ တခြား ရန်ကုန်မြို့ခံတချို့ကလည်း ပြောပါတယ်။ အခုလောက်ထိ တင်းကျပ်ထားတာက ဘာ့ကြောင့်ဆိုတာကို တော့ တကယ်တမ်း တိတိကျကျ မသိကြပါဘူး။ နိုင်ငံအကြီးအကဲတယောက်လာမှာမို့ ပုံမှန်အတိုင်း လုပ်တာပဲလို့ ထင်ကြသူတွေ ရှိသလို ဘာများဖြစ်လာနိုင်လို့လည်းဆိုပြီး တွေးပြီးတော့ စိုးရိမ်သူတွေလည်းရှိပါတယ်။

"ထူးဆန်းတာကတော့ equipment အပြည့်အစုံ၊ လက်နက်အပြည့်အစုံနဲ့ အဲလိုမျိုး- တကယ်လုံခြုံရေး ယူထားတယ်ဆိုတဲ့ အနေအထားမျိုးကို တွေ့ရတယ်။ ကျန်ခဲ့တဲ့ သုံးလေးရက်လောက်က အဲလိုမျိုး လုံခြုံရေးတွေ အပြည့်ယူထားတာတွေ့ရတော့ ကျနော်လည်း လက်လှမ်းမီသမျှ သူငယ်ချင်းတွေကို မေးကြည့်တော့ သူတို့ကတော့ ကိုရီးယားသမ္မတလာဖို့ရှိတယ်။ အဲဒါကြောင့်လား မသိဘူးလို့တော့ ပြောကြတယ်။ ကျနော့် တစ်ဦးထဲ ခံစားချက်ကို ပြောရရင်တော့ ဒါက နည်းနည်း ထူးခြားသလိုဖြစ်နေတယ်။ အဲလိုမျိုးတွေ မတွေ့ရတာ ကြာပြီဖြစ်တဲ့အတွက်ကြောင့် ဒီမြင်ကွင်းကြီးက ကျနော့်အတွက်တော့ ထူးခြားတယ်။ ဘာများ တခုခု ဖြစ်နိုင်ခြေရှိလား ဆိုတဲ့ စိုးရိမ်မှုတော့ ရှိတယ်။ တခြား သူငယ်ချင်းအပေါင်းအသင်းတွေကို မေးတဲ့အခါကျတော့ တချို့လည်း စိုးရိမ်ကြတယ်၊ တချို့လည်း မစိုးရိမ်ဘူးပေါ့လေ၊ ဒါက- နိုင်ငံ့အကြီးအကဲတစ်ယောက် လာမှာမို့လို့ အဲလိုမျိုး သမန်ကာလျှံကာ တွေးတဲ့လူလည်း ရှိပါတယ်။"

သမ္မတ အီလ်မြောင်ဘာ့က်ဟာ အမျိုးသားဒီမိုကရေစီအဖွဲ့ချုပ်ဥက္ကဋ္ဌ၊ ပြည်သူ့လွှတ်တော် ကိုယ်စား လှယ် ဒေါ်အောင်ဆန်းစုကြည် နဲ့လည်း တွေ့ဆုံနိုင်တယ်ဆိုတဲ့သတင်းတွေ သူမရောက်ခင်ကတည်းက ကျယ်ကျယ်ပြန့်ပြန့် ထွက်ထားပေမဲ့ လုံခြုံရေးအကြောင်း ပြချက်နဲ့ NLD ဘက်ကရော တောင်ကိုရီးယား ဘက်ကပါ တရားဝင် အတည်ပြု ပြောဆိုတာမရှိပါဘူး။

တောင်ကိုရီးယား သမ္မတဟာ သူ့ရဲ့ခရီးစဉ်အတွင်း မြန်မာသမ္မတအပါအ၀င် ထိပ်တန်းခေါင်းဆောင်တွေနဲ့ တွေ့ဆုံ ဆွေးနွေးတဲ့ အခါ မြန်မာနဲ့ မြောက်ကိုရီးယားအကြား စစ်ရေးဆိုင်ရာ ဆက်ဆံရေးအခြေအနေကိုလည်း ထည့်သွင်း ဆွေးနွေးဖွယ်ရှိတယ်လို့ တောင်ကိုရီးယားကလာတဲ့ သတင်းတွေမှာ တွေ့ရပါတယ်။ ဒါ့အပြင် စီးပွားရေးနဲ့ ရင်းနှီးမြှုပ်နှံမှုဆိုင်ရာ ကိစ္စတွေကိုလည်း ဆွေးနွေးကြမှာဖြစ်ပါတယ်။

တောင်ကိုရီးယားကုမ္ပဏီတွေရဲ့ မြန်မာနိုင်ငံတွင်း တိုက်ရိုက်ရင်းနှီးမြှုပ်နှံမှုဟာ နံပါတ်လေးအဆင့်မှာရှိပြီး ကုမ္ပဏီပေါင်း ၄၉ ခုက အမေရိကန်ဒေါ်လာ သန်းပေါင်း ၃,၀၀၀ နီးပါး ရင်းနှီးမြှုပ်နှံထားပါတယ်။ သဘာဝဓာတ်ငွေ့အပါအ၀င် သယံဇာတ အမျိုးအစား အများအပြားရှိတယ်လို့ သိထားကြသလို စာတတ်မြောက်သူ အရေအတွက် မြင့်မားတဲ့ မြန်မာနိုင်ငံမှာ အခုဆိုရင် ပိုပြီးတော့ ပွင့်လင်းလာပြီဖြစ်တာကြောင့် တောင်ကိုရီးယားကုမ္ပဏီတွေ နောက်ထပ် ရင်းနှီးမြှုပ်နှံမှုလုပ်ဖို့ ပြင်ဆင်နေကြမှာကတော့ အသေအချာပါပဲခင်ဗျား။

မြန်မာ လွှတ်တော် အဖွဲ့ ဘရပ်ဆဲ ရောက်အီးယူ မြန်မာ လွှတ်တော် တိုးတက်ရေး ကူမယ်

မြန်မာ နိုင်ငံ စီးပွား လူမှု ဖွံ့ဖြိုး တိုးတက်ရေး အတွက် ဥရောပ သမဂ္ဂ အနေနဲ့ တတ်နိုင်သရွေ့ ကူညီမယ်လို့ နိုင်ငံခြားရေး မူဝါဒ အကြီးအကဲ ကက်သရင်း အက်ရ်ှတန်က ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနဲ့ ဘရပ်ဆဲမြို့မှာ ဒုတိယအကြိမ် တွေ့ဆုံစဉ်မှာ ပြောကြား ခဲ့ပါတယ်။

မြန်မာ နိုင်ငံ အပေါ် လက်နက် ရောင်းမှုက လွဲရင် ကျန်တဲ့ ပိတ်ဆို့မှုတွေ ဆိုင်းငံ့ထားချိန်မှာ ဥရောပ သမဂ္ဂ အနေနဲ့ လွှတ်တော် ကိုယ်စားလှယ်တွေကို အရည်အချင်း တိုးမြင့်အောင် ကူချင်လို့ ဖိတ်တာလို့ အက်ရ်ှတန်ရဲ့ ပြောခွင့်ရ ပုဂ္ဂိုလ်က ဆိုပါတယ်။

မြန်မာ နိုင်ငံမှာ အပစ်အခတ် ရပ်စဲရေး ရေရှည်ခံ ငြိမ်းချမ်းရေး ရဖို့ ဥရောပ သမဂ္ဂ က ကူချင်တယ် လို့လည်း ဆိုပါတယ်။

ရန်ကုန်မှာ ရုံးခွဲ ဖွင့်ထားတဲ့အတွက် အဲဒိကနေ မြန်မာ နဲ့ ဆက်ဆံရေး စာမျက်နှာသစ်တွေ ဖွင့်သွားချင် တယ်လို့ ပြောဆို ခဲ့ပါတယ်။

ဦးရွှေမန်းခေါင်းဆောင်တဲ့ မြန်မာ လွှတ်တော် ကိုယ်စားလှယ် အဖွဲ့ဟာ ဥရောပ ပါလီမန် ရှိရာ ဘရပ်ဆဲမြို့ကို လေ့လာရေး ရောက်ရှိ နေတာပါ။ 

 ကိုဇာဂနာ မှတ်တမ်းရုပ်ရှင် စီစဉ်

ထိုင်းနိုင်ငံ မှာ ရွှေ့ပြောင်း အလုပ်သမားတွေ အနေနဲ့ မိဖ တွေက သွားရောက် လုပ်ကိုင်ယင်း မိသားစု စားဝတ်နေရေး ဖြေရှင်းရာမှာ လိုက်ပါသွားတဲ့ အရွယ်မရောက်သေးတဲ့ ကလေးတွေ ရဲ့ ပညာရေး လစ်ဟင်းနေတာကို မီးမောင်းထိုးပြတဲ့ မှတ်တမ်းတင် ရုပ်ရှင် ဇာတ်ကား ကို စွယ်စုံ အနုပညာရှင် ကိုဇာဂနာ က စီစဉ် ဆော်သြပေးယင်း ထိုင်းနိုင်ငံ ဖင ဒေသမှာ ရိုက်ကူးနေပါပြီ။

မိဖ တွေဟာ ရာဘာလုပ်ငန်း၊ ငါးလုပ်ငန်း ပန်းရံ လုပ်ငန်း စတာတွေ မှာ နစ်မြုပ် လုံးပန်းနေရလို့ ကလေးတွေရဲ့ ပညာရေး လစ်ဟင်းနေတာကို မီးမောင်းထိုးပြ လိုတဲ့ အတွက် ဒီရုပ်ရှင်ကား စီစဉ်ရပုံ ကို ကိုဇာဂနာ က ဘီဘီစီ ကို ရှင်းပြပါတယ်။

ဒီရုပ်ရှင် ကားရဲ့ ဒါရိုက်တာက မင်းထင် ကိုကိုကြီး ဖြစ်ပါတယ်။ သရုပ်ဆောင် တွေက ရဲတိုက်၊ ချစ်သုဝေ နဲ့ ကောင်းပြည့်တို့ ပါဝင်ကြောင်း ပြောပြပါတယ်။ သရုပ်ဆောင် တွေကရော ဒါရိုက်တာ ကပါ ငွေကြေးမယူဘဲ စေတနာနဲ့ ပံ့ပိုး ပေးကြတာလို့ ကိုဇာဂနာက ပြောပါတယ်။

ဒီဇာတ်ကားကို အခမဲ့ ပြသသွားမှာလည်း ဖြစ်ပါတယ်။ ထိုင်းနိုင်ငံ မှာရော၊ နိုင်ငံတကာမှာရော၊ ပြည်တွင်းမှာပါ အခမဲ့ ပြသသွားမဲ့ အကြောင်း၊ ကလေးတွေရဲ့ နောင်ရေးမှာ ပညာရေးက အရေးကြီးတဲ့ သတင်းစကားကို ရောက်စေချင်လို့ ပြသတာဖြစ်ကြောင်း လဲ ပြောပါတယ်။

ရွေ့ပြောင်း အလုပ်သမား တွေကို ကူညီကြတဲ့ စေတနာ့ ဝန်ထမ်း အင်အားစုတွေက ထောက်ပံ့နေတာ ထိထိရောက်ရောက် မရှိလို့လား ဆိုတာကိုတော့၊ အတိုင်းအတာ တခုထိ ထိရောက် ကြောင်း၊ ဒါပေမယ့် အနုပညာနဲ့ ပံ့ပိုးပေးရင် ပိုပြီး ထိရောက် အောင်မြင်အောင် ကူညီလိုတဲ့ သဘောဖြစ်ကြောင်း ရှင်းပြသွားပါတယ်။

  တောင်ကိုရီးယား သမ္မတ မြန်မာပြည် ရောက်

နှစ်ပေါင်း ၃၀ နီးပါး အတွင်း တောင်ကိုရီးယား သမ္မတ တစ်ယောက်ရဲ့ ပထမဆုံး မြန်မာ နိုင်ငံ ခရီးစဉ် အဖြစ် သမ္မတ လီမြောင်ဘတ် မြန်မာ နိုင်ငံကို တနင်္လာ နေ့က ရောက်ရှိ လာခဲ့ပါတယ်။

၁၉၈၃ ခုနှစ် တုန်းက နောက်ဆုံး အကြိမ် လာရောက်ခဲ့တဲ့ တောင်ကိုရီးယား သမ္မတရဲ့ ခရီးစဉ် အတွင်းမှာ မြောက်ကိုရီးယား နိုင်ငံ ဘက်က ဗုံးခွဲ တိုက်ခိုက်မှု ပြုလုပ်ခဲ့တဲ့ အတွက် သမ္မတ ချမ်ဒူးဝှမ် အသက်ဘေးကနေ သီသီလေး လွတ်မြောက် ခဲ့ပေမဲ့ အစိုးရ အဖွဲ့ ဝန်ကြီး လေးယောက်နဲ့ သံတမန် အတော် များများ သေဆုံး ခဲ့ရ ပါတယ်။

ဒါကြောင့် အခု တကြိမ် သမ္မတ လီမြောင်ဘတ်ရဲ့ ခရီးစဉ်ကို ကြိုတင် ကြေညာ ခဲ့ခြင်း မရှိခဲ့ပါဘူး။

သမ္မတ လီမြောင်ဘတ်ရဲ့ နှစ်ရက်ကြာ ခရီစဉ် အတွင်းမှာ တနင်္လာ နေ့က သမ္မတ ဦးသိန်းစိန်နဲ့ တွေ့ဆုံခဲ့ပြီး နှစ်နိုင်ငံ ပူးပေါင်း ဆောင်ရွက်မှု မြှင့်တင်ရေး ကိစ္စတွေ ဆွေးနွေး ခဲ့ကြတယ်လို့ မြန်မာ သမ္မတ ရဲ့ ပြန်ကြားရေး ဝက်ဘ်ဆိုက်မှာ ဖော်ပြထား ပါတယ်။

တောင်ကိုးရီးယား သမ္မတ လီ မြောင်ဘက်ဟာ သမ္မတ ဦးသိန်းစိန်ရဲ့ ဖိတ်ကြားချက် အရ လာရောက် တာဖြစ်ပြီး နှစ်နိုင်ငံ ဆက်ဆံရေးပို ခိုင်မာအောင် လုပ်ဖို့ ဖြစ်တယ်လို့ တောင်ကိုးရီးယား သမ္မတရုံးက ခရီးစဉ် မတိုင်ခင် ထုတ်ပြန် တဲ့ ကြေငြာချက် ထဲမှာ ဖေါ်ပြ ထားပါတယ်။

တောင်ကိုးရီးယား သမ္မတနဲ့ အတူ အဆင့်မြင့် အစိုးရ အရာရှိကြီးတွေ နဲ့ စီးပွားရေး လုပ်ငန်းရှင်တွေ လိုက်ပါလာတဲ့ အတွက် နှစ်နိုင်ငံ ဆွေးနွေးကြရာမှာ စီးပွားရေး ရင်းနှီး မြှုပ်နှံမှု ကိစ္စက အဓိက ဖြစ်လိမ့်မယ်လို့ ယူဆရ ပါတယ်။

သံတမန်ဟောင်း တစ်ယောက် ဖြစ်သူ သခင်ချန်ထွန်း ကတော့ အခု သမ္မတ လီမြောင်ဘတ်ရဲ့ မြန်မာ ခရီးစဉ်ဟာ စီးပွားရေး အရ အထိုက် အလျောက် ဖွံ့ဖြိုး တိုးတက်တဲ့ တောင်ကိုရီးယား နိုင်ငံ အနေနဲ့ အင်အားကြီး နိုင်ငံ ဖြစ်လိုတဲ့ အတွက် အထူးသဖြင့် အာရှ ဒေသမှာ မိတ်ဘက် နိုင်ငံ ရှာတဲ့ သဘော ဖြစ်တယ်လို့ မြင် ပါတယ်။

တောင်ကိုးရီးယားဟာ မြန်မာ နိုင်ငံမှာ စတုတ္ထ အကြီးဆုံး ရင်းနှီးမြှုပ် နှံသူ ဖြစ်ပါတယ်။

၂၀၁၀နဲ့ ၂၀၁၁ ဘဏ္ဍာရေးနှစ် အတွင်း ဒေါ်လာ ၂ ဒဿမ ၆ ဘီလျံ ကျော် ရင်းနှီးမြှုပ်နှံ ခဲ့တယ်လို့ မြန်မာ နိုင်ငံ စီမံကိန်းနဲ့ စီးပွားရေး ဖွံ့ဖြိုးမှု ဆိုင်ရာ ဝန်ကြီးဌာနရဲ့ စာရင်း ဇယားတွေ အရ သိရပါတယ်။

သမ္မတ လီမြောင်ဘတ်ဟာ အင်္ဂါ နေ့မှာ ဒေါ်အောင်ဆန်း စုကြည်နဲ့ တွေ့ဆုံမှာ ဖြစ်ပြီး အာဇာနည် ဗိမာန် ကိုလည်း သွားရောက် မယ်လို့ သိရ ပါတယ်။

   နယ်စပ် ငြိမ်းချမ်းရေး တရုတ် ကူညီဖို့ ဦးသိန်းစိန်ပြော

 တရုတ် ပြည်သူ့ သမ္မတ နိုင်ငံ ကွန်မြူနစ် ပါတီ ဗဟို ကော်မီတီရဲ့ နိုင်ငံရေး ဗျူရို အဖွဲ့ဝင် မစ္စတာ ဝမ်ဂမ်း Wang Gang ခေါင်းဆောင်တဲ့ အဖွဲ့ မြန်မာ နိုင်ငံကို ရောက်ရှိ လာခဲ့ ပါတယ်။

တရုတ် ကွန်မြူနစ် ပါတီ အတွင်းမှာ ဒုတိယ အဆင့် ခေါင်းဆောင် တစ်ယောက် ဖြစ်တဲ့ မစ္စတာ ဝမ်ဂမ်းဟာ သမ္မတ ဦးသိန်းစိန်နဲ့ တနင်္လာနေ့ မနက်က နေပြည်တော်မှာ တွေ့ဆုံခဲ့ ပါတယ်။

သူဟာ တရုတ်ပြည်ရဲ့ အရေးကြီးတဲ့ ဆုံးဖြတ်ချက် တွေကို ချတဲ့ တရုတ် ကွန်မြူနစ် ပါတီရဲ့ ၂၅ ယောက် ပါတဲ့ ပေါ်လစ်ဗျူရို မှာ အဖွဲ့ဝင် တစ်ယောက် ဖြစ်ပေမဲ့ တကယ့် ထိပ်သီး ခေါင်းဆောင် စာရင်းထဲမှာ မပါသလို အမြင့်ဆုံး အာဏာ ရှိသူ ကိုးယောက် ထဲမှာလည်း မပါဝင်ဘူးလို့ ဘီဘီစီ တရုတ် ဘာသာ အစီအစဉ် က ချိုင်းနား ဒေါ့ကွန်းရဲ့ အယ်ဒီတာ ယူဝမ်က ပြောပါတယ်။

သူဟာ တရုတ်အစိုးကို အကြံပေး နေတဲ့ အကြံပေး အဖွဲ့ရဲ့ ဒုတိယ ဥက္ကဌ ဖြစ်ပြီး အခု အချိန်မှာက မြန်မာပြည်ကို နိုင်ငံတကာက ခေါင်းဆောင်တွေက သွားနေကြ တာကြောင့် တရုတ်ကလည်း သွားတာ ဖြစ်တယ်လို့ သူက ဆက်ပြော ပါတယ်။

မစ္စတာ ဝမ်ဂမ်း နဲ့ တွေ့ဆုံစဉ် သမ္မတ ဦးသိန်းစိန် က တရုတ် နိုင်ငံ ခေါင်းဆောင် တွေနဲ့ တရုတ် ပြည်သူတွေ အနေနဲ့ နှစ်နိုင်ငံ နယ်စပ် ဒေသ တည်ငြိမ် အေးချမ်းရေး ကို လိုလားတဲ့ အတိုင်း မြန်မာ နိုင်ငံ ကလည်း နယ်စပ်မှာ အေးချမ်းအောင် ကြိုးပမ်း နေတယ်လို့ ပြောပါတယ်။

အဲဒီ အတွက် တရုတ် နိုင်ငံ ဘက်က လည်း ဝိုင်းဝန်း ကူညီ ပံ့ပိုး ပေးစေလိုတယ်လို့ သမ္မတ ဦးသိန်းစိန်က ပြောခဲ့ ပါတယ်။

တရုတ်နဲ့ မြန်မာ နှစ်နိုင်ငံကြားမှာ မြစ်ဆုံ စီမံကိန်း ကို မြန်မာ ဘက်က ရပ်တန့် လိုက်တဲ့ ကိစ္စကို တရုတ်ဘက်က ကျေနပ်မှု မရှိဘူးလို့လည်း ယူဝမ်က ပြောပါတယ်။ မြန်မာ နိုင်ငံမှာ တရုတ်ဟာ အဓိက ရင်နှီး မြှုပ်နှံသူ နေရာမှာ ရှိချင်တာကတော့ သေချာတယ်လို့ လည်း ယူဝမ်က ပြောပါတယ်။

မစ္စတာ ဝမ်ဂမ်း ရဲ့ ဂျော်ဒန်၊ အိုင်ယာလန်၊ နမ်မီးဘီးယားနဲ့ မြန်မာ စတဲ့ လေးနိုင်ငံ ခရီးစဉ် ပြုလုပ်ဖို့ ရှိရာမှာ လောလောဆယ် မြန်မာ နိုင်ငံကို ရောက်နေတာ ဖြစ်ပါတယ်။

ဂရိ ယူရိုဇုန်ထဲက ထွက်သွားဖို့ ဘယ်သူမှ မပြောဂရိကို ယူရိုက မထုတ်

ဂရိ ကို ယူရို ဇုန်ထဲမှာ ဆက်ထားဖို့ အာမခံ တယ်လို့ ယူရို ဇုန် အဖွဲ့ ဥက္ကဋ္ဌ ယန်း ကလောက် ယန်ကာက ထပ်လောင်း အတည်ပြု ပြောကြား ခဲ့ပါတယ်။

ဒီ ဆုံးဖြတ်ချက်ကို ပြန်ပြင်လို့ မရဘူး၊ တနင်္လာနေ့ ဘဏ္ဍာရေး ဝန်ကြီးများ အစည်း အဝေး မှာလည်း ယူရိုဇုန်ထဲက ဂရိ ထွက်သွားဖို့ ဘယ်သူမှ မပြော ခဲ့ပါဘူးလို့ သူက ဆိုပါတယ်။

ဂရိမှာ အစိုးရသစ် အမြန်တက်လာဖို့ မျှော်လင့် တယ်လို့လည်း မစ္စတာ ယန်ကာ က ဆိုပါတယ်။

ဂရိ စီးပွားရေးကို ပြန်လည် တည်ဆောက်ဖို့ သိသိသာသာ ဆက်အားထုတ်ရ အုံးမယ်လို့လည်း သူက သတိပေး ခဲ့ပါတယ်။