30.03.2012 နေ့ဖတ်ရန်သတင်းများ

by Myanmar Journal on Thursday, March 29, 2012 at 7:11pm ·

 

BRICS ငါးနိုင်ငံမှခေါင်းဆောင်များ

စီးပွားရေးတိုးတက်စ၅နိုင်ငံက ကမ္ဘာ့ဘဏ်နဲ့ စင်ပြိုင်ထောင်မည်
အိန္ဒိယနိုင်ငံ ဒေလီမြို့တော်မှာ ဘရာဇီးလ် ရုရှား အိန္ဒိယ တရုတ်နဲ့ တောင်အာဖရိက နိုင်ငံတွေပါဝင်တဲ့ BRICS အဖွဲ့ အစည်းအဝေး လုပ်ခဲ့ပါတယ်။ BRICS ဆိုတဲ့ စီးပွားရေးကြီးထွားစနိုင်ငံ ၅ နိုင်ငံဟာ ကမ္ဘာ့စီးပွားရေးမှာ အဓိက အင်အားကြီး ဖြစ်နေပြီးသားပါ။သူတို့တွေရဲ့ စီးပွားရေး ကူးလူးလှုပ်ရှားမှုတွေဟာလည်း အမေရိကန် ပြည်ထောင်စု၊ ဥရောပသမဂ္ဂတို့ထက် ပိုပါတယ်။သူတို့ အချင်းချင်း ကုန်သွယ် ဆက်ဆံမှုနဲ့ စီးပွားရေး ဖွံဖြိုးဆဲ နိုင်ငံတွေနဲ့ ကုန်သွယ်မှုတွေဟာလည်း ပိုပြီး ကျယ်ကျယ်ပြန့်ပြန့်နဲ့ ခိုင်ခိုင်မာမာ ကြီးထွားလာလျက် ရှိပါတယ်။

BRICS မှာ ထူးခြားတဲ့ အချက်က တရုတ်နိုင်ငံဟာ ဒီအုပ်စုထဲမှာ ကျန် လေးနိုင်ငံဆီက ကုန်ပစ္စည်းတွေကို ပိုပိုဝယ်ယူလာနေတဲ့ အချက်ပါဘဲ။တရုတ်ဟာ အခုအခါ ဘရာဇီး နဲ့ တောင်အာဖရိက နိုင်ငံတွေအတွက် အကြီးဆုံး ဈေးကွက်ကြီးလည်း ဖြစ်လာနေပါတယ်။
BRICS ခေါင်းဆောင်တွေဟာ အစကတည်းက ကောင်းနေပြီးသား ဖြစ်တဲ့ ဒီအဖွဲ့အတွင်း အချင်းချင်းကုန်သွယ်မှု ကို ပိုကောင်းလာအောင်လုပ်ဖို့ ကြိုးစားနေကြပါတယ်။ကုန်သွယ်မှုကြီးထွားလာလေလေ နိုင်ငံတကာမှာ သူတို့နိုင်ငံသုံး ငွေကြေးရဲ့ အခန်းကဏ္ဍကို ပိုမိုချဲ့ထွင်လာနိုင်တဲ့ အခွင့်အလမ်း ပိုကောင်းလာလေလေ ဖြစ်လာပါလိမ့်မယ်။ဒါပေမယ့် ဒီနေရာမှာ ကုန်ရောင်းသူ ဒါမှမဟုတ် ကုန်ပစ္စည်းတင်ပို့သူတွေက အမေရိကန်ဒေါ်လာတို့ ယူရို ဥရောပ ငွေကြေးအစား အိန္ဒိယရူပီး တို့ ရုရှ ရူဘယ်တို့ကို လိုလိုချင်ချင် လက်ခံပါ့မလားဆို တာ အဓိက မေးခွန်းဖြစ်ပါတယ်။
တကယ်လို့သာ ရောင်းသူက အိန္ဒိယတို့ ရုရှတို့ ဖြစ်ရင်တော့ သူတို့ ငွေကြေးနဲ့ ပေးချေတာကို လက်ခံကြပါလိမ့်မယ်။ ဒါပေမယ့် ဒီလို ပေးချေနိုင်အောင် သူတို့ လက်ထဲမှာ အစကတည်းက အဲဒီနိုင်ငံတွေရဲ့ ငွေကြေးတွေ စုဆောင်းပြီးသား ရှိရမှာဖြစ်ပါတယ်။ဒါကလည်း ဖြစ်နိုင်ချေရှိပါတယ်။ ဒါပေမယ့် နိုင်ငံတကာကုန်သွယ်ရာမှာ ကျယ်ကျယ်ပြန်ပြန့် သုံးနေကျဖြစ်တဲ့ ငွေကြေးတွေကို သုံးတာဟာ ပိုပြီး လွယ်ကူနိုင်မယ်လို့ဘီဘီစီ စီးပွားရေးသတင်းထောက် Andrew Walker က သုံးသပ်ပါတယ်။                    

ဟားဗားနားမြို့ ကက်သလစ် ဘာသာဝင်တွေကို တွေ့ဆုံ ဟောကြားပုပ် ရဟန်းမင်း ကက်စ်ထရိုတွေ့
ကျူးဘားကို ရောက်နေတဲ့ ကက်သလစ် ပုပ် ရဟန်းမင်း ဘင်နီဒစ် ကျူးဘား သမ္မတ ဟောင်း ဖီဒယ် ကက်စ်ထရိုနဲ့ တွေ့ဆုံ ခဲ့ပါတယ်။
ကက်စ်ထရို ဦးဆောင်ခဲ့တဲ့ ၁၉၅၉ ကျူးဘား တော်လှန်ရေး အပြီး ကျူးဘားနိုင်ငံကို ဘာသာမဲ့ နိုင်ငံအဖြစ် ကြေညာ ခဲ့ပါတယ်။
ဒီပုဂ္ဂိုလ် ၂ ဦး တွေ့ဆုံချိန်မှာ ဝတ်ကျေ တမ်းကျေလောက်ပဲ ပြောဆိုခဲ့ကြတယ်လို့ ဟာဗားနား မြို့က ဘီဘီစီ သတင်းထောက်က ဆိုပါတယ်။
ပုပ်ရဟန်းမင်းဟာ ဟားဗားနားမြို့ တော်လှန်ရေး ရင်ပြင်မှာ စုရုံးလာတဲ့ ကက်သလစ် ဘာသာဝင် ၃ သိန်းကိုလည်း လွတ်မြောက်မှု အစစ်အမှန် ရှာဖွေဖို့ ဟောကြား ခဲ့ပါတယ်။
ကျူးဘားရော ကမ္ဘာကြီးပါ ပြောင်းလဲဖို့လိုတယ်၊ ပြောင်းလဲဖို့ရာ တဦးချင်းစီက အမှန်တရားကို ရှာဖွေပြီး မေတ္တာလမ်းကို လျှောက်ဖို့ လိုတယ်လို့ ပုပ်ရဟန်းမင်းက မြွက်ကြား ပါတယ်။
ကျူးဘားနိုင်ငံက စာသင်ကျောင်းတွေမှာ ကျမ်းစာ သင်ကြားခွင့်လို အခွင့်အရေးမျိုးတွေ ကက်သလစ် ဘုရားကျောင်းတွေကို ပိုပေးဖို့ ကွန်မြူနစ် အစိုးရကို စပိန်ဘာသာနဲ့ ပြောကြား ခဲ့ပါတယ်။


ရွေးကောက်ပွဲ အတွက် အကြိတ် အနယ် မဲဆွယ် နေ
ကြားဖြတ် ရွေးကောက်ပွဲ ကျင်းပဖို့ ကြားထဲမှာ နှစ်ရက်ပဲ လိုပါတော့ချိန်မှာ ပြည်သူ တွေရဲ့ စိတ်ဝင်စားမှုတွေ ကလည်း တနေ့ တခြား တိုးလာ နေတဲ့ အပြင် ရွေးကောက်ပွဲ ဝင်ကြမယ့် ကိုယ်စားလှယ် လောင်းတွေ က ရသမျှ အချိန် အတွင်း အတတ်နိုင်ဆုံး လှုပ်ရှား မဲဆွယ် နေကြပါတယ်။
ဒေါ်အောင်ဆန်း စုကြည် ဝင်ပြိုင်မယ့် ကော့မှူး မြို့နယ်က အဓိက ကြည့်ရမယ့် တစ်နေရာဖြစ်
ရန်ကုန်တိုင်း သုံးခွ မြို့နယ် မှာ ပြည်သူ့ လွှတ်တော် ကိုယ်စားလှယ်လောင်း နေရာ အတွက် အန်အယ်လ်ဒီ အမျိုးသား ဒီမိုကရေစီ အဖွဲ့ချုပ်ကနေ ဝင်ရောက် ယှဉ်ပြိုင်မယ့် ဒေါ်စုစုလွင်က တရားဥပဒေ စိုးမိုးရေး၊ ပြည်တွင်း ငြိမ်းချမ်းရေး၊ အခြေခံ ဥပဒေမှာ ပါတဲ့ ပြောင်းလဲသင့်တဲ့ အချက်တွေကို ပြင်ဆင် ပြောင်းလဲ နိုင်ရေး စတာတွေကို ကြိုးပမ်း လုပ်ဆောင်သွားမယ် ဆိုတာတွေကို ချပြပြီး သူ့ နယ်မြေက ပြည်သူတွေကို စည်းရုံးတယ် လို့ ဘီဘီစီကို ပြော ပါတယ်။
သုံးခွ မြို့နယ်မှာ အန်ဒီအက်ဖ် အမျိုးသား ဒီမိုကရေစီ အင်အားစု၊ ကြံ့ခိုင်ရေးနဲ့ ဖွံ့ဖြိုးရေး ပါတီ၊ လူ့ဘောင်သစ် ပါတီ တို့နဲ့ အဓိက ယှဉ်ပြိုင် ရမှာ ဖြစ်တယ်လို့ ဒေါ်စုစုလွင်က ပြော ပါတယ်။
ကြံ့ခိုင် ဖွံ့ဖြိုးရေး ပါတီ ဘက်က စည်းရုံးရေး လုပ်တဲ့ ပုံစံက လူမှုရေး လုပ်ငန်းတွေ ဆောင်ရွက် ပေးမယ် ဆိုတဲ့ နည်းကို သုံးတာ ဖြစ်ပြီး ဒီလို လုပ် ပေးရုံနဲ့ ပြည်သူတွေ ရဲ့ လူမှုရေး ဒုက္ခ တွေကို ဖြေရှင်းနိုင်မှာ မဟုတ်ဘူးလို့ လည်း သူက ပြော ပါတယ်။
ရှမ်းပြည်နယ်က လှုပ်ရှားမှု
ရှမ်းပြည်နယ် မှာ ကျားဖြူ ပါတီက ဝင်ပြိုင်မယ်
ရှမ်းပြည်နယ် လားရှိုး မြို့နယ် ကနေ အမျိုးသား လွှတ်တော် အမတ် နေရာ အတွက် ဝင်ရောက်ယှဉ်ပြိုင်မယ့် ကျားဖြူခေါ် ရှမ်းတိုင်းရင်းသားများ ဒီမိုကရက်တစ် ပါတီက ဦးစိုင်းစံမင်း ကလည်း လားရှိုးမှာ ကျားဖြူပါတီ၊ အန်အယ်လ်ဒီနဲ့ ကြံ့ခိုင် ဖွံ့ဖြိုးရေး ပါတီ တို့ က အင်အားချင်း ရော စည်းရုံးရေး မှာရော မတိမ်း မယိမ်း ရှိနေတဲ့ အတွက် ဘယ်ပါတီ နိုင်မယ် ဆိုတာ အတပ် မပြောနိုင်ဘူးလို့ ဆို ပါတယ်။
ကျားဖြူပါတီက ကျေးရွာတွေဘက်ကို အဓိကထား စည်းရုံးတာ ဖြစ်ပြီး အဲဒီက ပြည်သူတွေရဲ့ ထောက်ခံမှုကို သူ့ အနေနဲ့ရော ပါတီ အနေနဲ့ပါ နှစ်ထောင်းအားရ ဖြစ်မိတယ်လို့ လည်း သူက ပြော ပါတယ်။
မဲစာရင်းတွေ ကွဲလွဲမှု ကတော့ တခြား မြို့နယ် တွေမှာ လိုပဲ ရှိနေတာ တွေရပေမဲ့ သက်ဆိုင်ရာ ရွေးကောက်ပွဲ ကော်မရှင်ကို တော့ အကြောင်းကြားတာမျိုး မလုပ်ဘူးလို့ ဦးစိုင်းစံမင်းက ပြော ပါတယ်။
လာမယ့် ရွေးကောက်ပွဲက ကြားဖြတ် ရွေးကောက်ပွဲ လို့ ဆိုပေမဲ့ လူအများ စိတ်ဝင်စား နေကြတဲ့ အပြင် ပြည်ပ လေ့လာ စောင့်ကြည့် သူတွေ ကလည်း လာရောက် ကြည့်ရှု ကြမှာမို့ ထူးခြားတဲ့ ရွေးကောက်ပွဲ ဖြစ်ပါတယ်။

နေပြည်တော် မဲဆန္ဒရှင်တွေရဲ့သဘောထား
နေပြည်တော်မှာ အဓိက ပြောနေတာကတော့ NLD အကြောင်းပဲ ဖြစ်ပါတယ်
ရွေးကောက်ပွဲ မကျင်းပမီ နှစ်ရက်အလို ဒေါ်အောင်ဆန်းစုကြည် ဝင်ရောက်ယှဉ်ပြိုင်မယ့် ရန်ကုန်တိုင်း ကော့မှူးမြို့နယ် မဲဆန္ဒနယ်ပြီးရင် စိတ်ဝင်စားစရာ အကောင်းဆုံး မဲဆန္ဒနယ်တွေ ကတော့ နေပြည်တော်က မဲဆန္ဒနယ်မြေတွေပဲ ဖြစ်ပါတယ်။
နေပြည်တော်မှာ အဓိက ပြောနေကြတာတော့ အမျိုးသားဒီမိုကရေစီအဖွဲ့ချုပ် NLD အကြောင်းပဲ ဖြစ်ပါတယ်။ ဒါပေမယ့်လည်း လက်ရှိအာဏာရ ပါတီ ဖြစ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီဟာလည်း ပရိသတ်တွေ ရှိနေကြပါတယ်။
ရုပ်ရှင်သရုပ်ဆောင်နဲ့ စီးပွားရေးလုပ်ငန်းရှင်း ကိုရှားညို ကတော့ ကြံ့ခိုင်ရေးပါတီက သူ့အဖေ ကိုယ်စားလောင်းအတွက် ပုပ္ဗသီရိ မြို့နယ်ထဲက ကျေးရွာတခုမှာ မဲဆွယ်နေရာမှာ နောင်ကို လည်း လာရောက် ပြီး အဲဒီဒေသက ဖွံ့ဖြိုးတိုးတက်ရေးကို လုပ်ဆောင်နေမှာ ဖြစ်ကြောင်းနဲ့ အဲဒီမှာ ဇတ်ကားတွေလည်း လာလိုက်ချင်ကြောင်း လူထုကို စည်းရုံးနေခဲ့ပါတယ်။
အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်းဖြစ်သူ ဉီးမင်းသူကတော့ အဲဒီဒေသဘက်မှာ NLD ကို အားတက်သရောကြိုဆိုတာကိုတွေ့ရတယ်လို့ ဘီဘီစီကို ပြောပါတယ်။
တကယ်တော့ နေပြည်တော်ဟာ ဝန်ထမ်းတွေ ကြီးစိုးတဲ့ အရပ်ဖြစ်တာပါတယ်။ ဒါပေမယ့် လည်း ဝန်ထမ်းတွေဟာ ဘယ်ပါတီကို ထောက်ခံတယ်ဆိုတာကို ပွင့်ပွင့်လင်းလင်း ပြောကြားဖို့ ဝန်လေး နေပုံရပါတယ်။
ဒါပေမယ့်လည်း မိမိအမြင်ကို ရင်ဖွင့်ပြောကြားရဲသူ ဝန်ထမ်းတဉီးကတော့ အချုပ်အချယ် အဟန့်အတားသာ မရှိဘဲ မဲပေးရမယ်ဆိုရင်တော့ NLD ကိုပဲ မဲပေးမှာ ဖြစ်တယ်လို့ နေပြည်တော်ကို ကိုယ်တိုင်သတင်းသွား ယူနေတဲ့ ဘီဘီစီ သတင်းထောက် ကိုချိုကို ပြောကြားသွားခဲ့ပါတယ်။

အဓိကမြစ်ကြီး ၄ ခုကို ကာကွယ်သည့် ဥပဒေ ထုတ်ပြန်
မြစ်လက်တက်မှာ တူးဖေါ်တာဖြစ်လို့ ကြေညာ ချက်ဟာ အကျိုးမရှိဘူးလို့ ဒေသခံတွေပြော
ဧရာဝတီ၊ သံလွင်၊ ချင်းတွင်းနဲ့ စစ်တောင်း မြစ်ကြောင်းတွေနဲ့ မြစ်ကမ်းခြေ ကနေ ပေ ၃ဝဝ အတွင်း မြေတူးဖေါ်မှုတွေ လုပ်ဆောင်ခွင့် မရှိတော့ဘူးလို့ သတ္တုတွင်းဝန်ကြီးဌာနက မတ် ၂၈ ရက်နေ့စွဲနဲ့ ကြေညာချက် ထုတ်ပြန်လိုက် ပါတယ်။
သတ္တုတွင်းဝန်ကြီးဌာန ပြည်ထောင်စုဝန်ကြီး ဦးသိန်းထိုက် လက်မှတ်ရေးထိုး ထုတ်ပြန်လိုက် တဲ့ ဒီ အမိန့်ကြော်ငြာချက်ထဲမှာ နိုင်ငံတော် ဖွဲ့စည်းပုံ အခြေခံဥပဒေ ပုဒ်မ ၂၅ ကိုအခြေခံပြီး၊ မြန်မာ့ သတ္တုတွင်း ဥပဒေ ပုဒ်မ ၃၉ အရ ပြည်ထောင်စုအစိုးရ အစည်းအဝေး ကနေ ဆုံးဖြတ် ထုတ်ပြန်ထားဖြစ်ကြောင်း ဖေါ်ပြထားပါတယ်။
ဒီအမိန့်ကို လိုက်နာဆောင်ရွက်ဖို့ ပျက်ကွက်ပါက တည်ဆဲ ဥပဒေအရ အရေးယူမယ်လို့ လည်း ဖေါ်ပြထားပါတယ်။
ဒါပေမယ့်လည်း ရွှေတူးတာ၊ ကျောက်မျက်တူးတာ၊ သဲတူးတာတွေဟာ မြစ်ကြောင်းအတွင်း မှာ လုပ်တာနဲ့ စာရင် မြစ်လက်တက်တွေ မှာ တူးဖေါ်လုပ်ဆောင်နေတာ ဖြစ်လို့ အခု ထုတ်ပြန်တဲ့ ကြေညာချက် ဟာ ပတ်ဝန်းကျင်ထိန်းသိမ်းရေးအတွက် ထိထိ ရောက်ရောက် ကာကွယ်နိုင်မှာ မဟုတ်ဘူးလို့ ပတ်ဝန်ကျင် ထိန်းသိမ်းရေးသမားတွေနဲ့ ဒေသခံတွေက ဘီဘီစီကို ပြောပါတယ်။

ဘဂ္ဂဒက်မြို့မှာ အာရပ်အဖွဲ့ချုပ် အစည်းအဝေးကျင်းပ
 အာရပ်နိုင်ငံများအဖွဲ့ချုပ် အဖွဲ့ဝင် ၂၂ နိုင်ငံထဲ က ၁၀ နိုင်ငံက ခေါင်းဆောင်တွေ တက်ရောက်
နှစ်ပေါင်း နှစ်ဆယ်ကျော် အတွင်း ဘဂ္ဂဒက်မြို့မှာ ပထမဦးဆုံး ပြုလုပ်တဲ့ အာရပ် နိုင်ငံများ အဖွဲ့ချုပ် ထပ်သီး အစည်းအဝေးကို စတင် ကျင်းပတယ် ဆိုရင်ပဲ ဘဂ္ဂဒက်မြို့လယ်မှာ ချက်ခြင်း ဆိုသလို ပေါက်ကွဲမှုတွေ ဖြစ်ပွားခဲ့ ပါတယ်။
ရောကက်၊ မော်တာကျည်တွေနဲ့ လည်း ပစ်ခတ်မှုတွေ ရှိတယ်လို့ သတင်းတွေ ရရှိပါတယ်။
လုံခြုံရေး အကြီးအကျယ် ချထားတဲ့ အထူးဇုန်ဖြစ်တဲ့ ဘဂ္ဂဒက်မြို့ Green Zone အနီးမှာလည်း ပေါက်ကွဲမှုတခု ဖြစ်ပွားခဲ့ပြီး၊ နောက်တခုကတော့ အီရန်သံရုံးနားမှာ ဖြစ်တယ်လို့ မျက်မြင်တွေ့ရှိသူ တဦးက ပြောပါတယ်။
ထိခိုက်သေဆုံးမှု ရှိမရှိကိုတော့ မသိရသေးပါ။
အာရပ်နိုင်ငံများအဖွဲ့ချုပ် အဖွဲ့ဝင် ၂၂ နိုင်ငံရှိတဲ့ အနက် ၁၀ နိုင်ငံက ခေါင်းဆောင်တွဟာ အစည်းအဝေးကို တက်ရောက် နေကြပြီး၊ ဆီးရီးယား အကျပ်အတည်းကို အဓိကထား ဆွေးနွေးမယ်လို့ မျှော်လင့်ရ ပါတယ်။

ကိုဖီအာနန် ငြိမ်းချမ်းရေးမူ မအောင်မြင်သေးငြိမ်းချမ်းရေး အကြံ ဆီးရီးယား မနာခံဆို
ကုလသမဂ္ဂနဲ့ အာရပ်အဖွဲ့ချုပ်ရဲ့ ငြိမ်းချမ်းရေး အစီအစဉ်ကို လက်ခံဖို့ ကတိပေးထားတာကို ဆီးရီးယား သမ္မတ အာဆတ်ဘက်က မလိုက်နာဘူးလို့ အမေရိကန် က ဆိုပါတယ်။
အစီအစဉ်ကို လက်ခံတယ်လို့ ဆီးရီးယားက တမြန်မနေ့က ကြေညာခဲ့ပေမယ့် ဘာမှ လိုက်ပါ ဆောင်ရွက်တာ မရှိဘူးလို့ အမေရိကန် နိုင်ငံခြားရေး ဌာနက ဆိုပါတယ်။
ကိုဖီအာနန် အဆိုပြုတဲ့ ငြိမ်းချမ်းရေးမူက အပစ်အခတ် အဆုံးသတ်သွားဖို့ အတွက် ကုလ သမဂ္ဂက စောင့်ကြည့် ပေးဖို့ တောင်းဆိုပါတယ်။ အတိုက်အခံ မြို့ကြီးတွေကနေ အစိုးရ တပ်တွေ ဆုတ်ပေးဖို့နဲ့ လူမှု ကယ်ဆယ်ရေး တွေ ပိုမို ဝင်ရောက်ခွင့် ပြုဖို့တွေလည်း ပါရှိပါတယ်။
ငြိမ်းချမ်းရေး အစီအစဉ်ကို အမြန် အကောင်အထည် ဖော်ဖို့ ဆီးရီးယားကို ကုလ သမဂ္ဂ အတွင်းရေးမှူးချုပ် ဘန်ကီမွန်ကလည်း တောင်းဆိုခဲ့ပါတယ်။
ဒါပေမယ့်လည်း အစိုးရတပ်တွေက ဆက်လက်တိုက်ခိုက်နေတယ်လို့ အတိုက်အခံတွေက ဆိုပါတယ်။

မြောက်ကိုရီးယား Cyber Warfare နဲ့ ဓါတုလက်နက်အန္တရာယ် အမေရိကန်စိုးရိမ်
ဗွီအိုအေ 

• မြောက်ကိုရီးယားနိုင်ငံက သမာရိုးကျနည်းလမ်းတွေနဲ့ မဟုတ်ဘဲ Cyber Warfare လို့ခေါ်တဲ့ ကွန်ပျူတာ ကနေ တိုက်ခိုက်တာတွေ၊ ဓါတုဗေဒ လက်နက်နဲ့ တိုက်ခိုက်တာမျိုးတွေ လုပ်လာနိုင်ချေ ပိုပြီးများလာနေ တဲ့အပေါ်မှာ သူ့အနေနဲ့ စိုးရိမ်မိတယ်လို့ တောင်ကိုရီးယားမှာရှိတဲ့ အမေရိကန်စစ်တပ်ရဲ့ ထိပ်တန်းတပ်မှူးကြီး က ပြောလိုက်ပါတယ်။

မြောက်ကိုရီးယားဘက်က ကွန်ပြူတာတွေကို Hack လုပ်ပြီး ထိုးဖောက်ခိုးယူတာတွေ၊ ဇီဝလက်နက်တွေ အဆင့်မြင့်တိုးတက်လာတာတွေကို မြောက်ကိုရီးယားရဲ့ ကြီးမားတဲ့ တပ်အင်အားနဲ့ ပေါင်းလိုက်ရင်၊ တောင် ကိုရီးယားနိုင်ငံအတွက် တကယ့်ကိုခြိမ်းခြောက်မှု အန္တရာယ်ကြီး ဖြစ်နေတယ်လို့ ဗိုလ်ချုပ်ကြီး James Thurman က လွတ်တော်လက်နက်ကိုင် တပ်ဖွဲ့ရေးရာ ကော်မတီကို ပြောလိုက်ပါတယ်။
မြောက်ကိုရီးယားနိုင်ငံကို စားနှပ်ရိက္ခာတွေ အကူအညီပေးနေတာကို အမေရိကန်အစိုးရက ရပ်တန့်ဖို့ ဆုံး ဖြတ်လိုက်တယ်လို့ အမေရိကန် ကာကွယ်ရေးဝန်ကြီးဋ္ဌာန တာဝန်ရှိသူတွေက ပြောလိုက်ပါတယ်။ မြောက် ကိုရီးယားနိုင်ငံက ရှေ့လကျရင် ဒုံးကျည်တစင်းကို  လွှတ်တင်ဖို့ စီစဉ်နေတာကြောင့် အဲဒီလိုဆုံးဖြတ်လိုက် တာဖြစ်တယ်လို့ ပြောပါတယ်။
အာရှပစိဖိတ်လုံခြုံရေးဆိုင်ရာ ယာယီလက်ထောက်ကာကွယ်ရေးဝန်ကြီး  Peter Lavoy က - ဒုံးကျည် လွှတ်တင်မယ့်ကိစ္စဟာ မြောက် ကိုရီးယားက နိုင်ငံတကာကို သူတို့လိုက်နာမယ်လို့ ကတိပြုထားချက်တွေကို လျစ်လျှူရှုလိုက်တာကို ပြသနေတယ်လို့ ဗုဒ္ဓဟူးနေ့က ပြုလုပ်ခဲ့တဲ့  လွှတ်တော်ကြားနာပွဲအတွင်းမှာ ပြော လိုက်ပါတယ်။  အမေရိကန်၊ ဂျပန်၊ တောင်ကိုရီးယား ၊ တရုတ် နဲ့ ရုရှားတို့က မြောက်ကိုရီးယားကို သူတို့ရဲ့ဒုံး ကျည်လွှတ်တင်မယ့် အစီအစဉ်ကို ဖျက်သိမ်းဖို့ တိုက်တွန်းခဲ့ကြပါတယ်။  မြောက်ကိုရီးယားကတော့ ဧပြီလ ဒုတိယပတ်အတွင်းမှာ လွှတ်တင်မယ်လို့ ကြေငြာထားပါတယ်။
ပြီးခဲ့တဲ့လက သဘောတူညီချက်မှာတော့ ၊ မြောက်ကိုရီးယားက သူတို့ရဲ့ နျူးကလီးယားစီမံကိန်းကို တစိတ် တပိုင်းရပ်တန့်ပြီး၊ ဒုံးကျည်လွှတ်တင်ဖို့ကိစ္စကို ရပ်ဆိုင်းဖို့ သဘောတူခဲ့ပါတယ်။ အပြန်အလှန်အားဖြင့် အမေရိကန်ဘက်က စားနှပ်ရိက္ခာတွေ အကူအညီပေးသွားဖို့ သဘောတူထားတာပါ။

သြစတြေးလျလွှတ်တော်အမတ်တွေ မြန်မာပြည် ဝင်ခွင့်မရ
By ဗွီအိုအေ (မြန်မာဌာန)

• သြစတြေးလျနိုင်ငံက ပါလီမန်အမတ်နှစ်ဦးရဲ့ မြန်မာနိုင်ငံ ကြားဖြတ်ရွေးကောက်ပွဲ စောင့်ကြည့်လေ့လာဖို့ လျှောက်ထားချက်ကို မြန်မာအစိုးရက ငြင်းဆန်လိုက်ပါတယ်။ သြစတြေးလျနိုင်ငံ၊ ပြည်ထောင်စုလွှတ်တော်က လေဘာပါတီအမတ် Janelle Saffin နဲ့ အနောက်သြစတြေးလျ ပြည်နယ်ရဲ့ အထက်လွှတ်တော်အမတ် Mathias Cormann တို့ဟာ မြန်မာနိုင်ငံကို လေ့လာရေး ကိုယ်စားလှယ်အဖြစ် သွားရောက်ဖို့ လျှောက်ထားကြတာကို ကမ်ဘာရာမြို့၊ မြန်မာသံအမတ်ကြီးက ဗီဇာပေးဖို့ ငြင်းဆန်ခဲ့တာ ဖြစ်ပါတယ်။

မစ္စ် ဆက်ဖဲန်က မြန်မာ့ဒီမိုကရေစီရေးကို ပွင့်ပွင့်လင်းလင်း ထောက်ခံသူတစ်ဦးဖြစ်ပြီး အခုလို သူ့ကို ပြည်ဝင်ခွင့် ငြင်းဆန်လိုက်တာဟာ မြန်မာနိုင်ငံ ရွေးကောက်ပွဲဖြစ်စဉ် တစ်ခုလုံးအပေါ် သံသယ ဖြစ်စေတယ်လို့ ဆိုပါတယ်။ မြန်မာအစိုးရအနေနဲ့ အနောက်နိုင်ငံတွေက ပါလီမန်အမတ်တွေကို လက်မခံချင်ကြဘူးလို့လည်း သုံးသပ်ပါတယ်။
အာဆီယံနိုင်ငံတွေက ကိုယ်စားလှယ်အဖွဲ့မှာ ပါလီမန်အဖွဲ့ဝင်တွေကို ထည့်သွင်း ဖိတ်ကြားခဲ့ပေမယ့် အမေရိကန်၊ သြတြေးလျ စတဲ့နိုင်ငံတွေကကျတော့ အစိုးရအရာရှိတွေကိုသာ သတင်းသမားတွေနဲ့ အတူ ဖိတ်ကြားခဲ့တာလည်း ဖြစ်ပါတယ်။

ဖွံ့ဖြိုးဆဲနိုင်ငံကြီးငါးခု ဖွံ့ဖြိုးရေးဘဏ်ထောင်မည်
By ဗွီအိုအေ (မြန်မာဌာန)

• ကမ္ဘာ့အကြီးဆုံး စီးပွားရေးဖွံ့ဖြိုးဆဲနိုင်ငံကြီးငါးနိုင်ငံက သူတို့ရဲ့ဖွံ့ဖြိုးရေးဘဏ်တွေ ရရှိတဲ့အချက်အလက်တွေကို မျှဝေကြဖို့အိန္ဒိယနိုင်ငံ၊နယူးဒေလီမြို့မှာကျင်းပတဲ့BRICSထိပ်သီးညီလာခံအပြီးမှာ ပြောဆိုလိုက်ကြပါတယ်။

ဘရာဇီးလ်၊ ရုရှား၊ အိန္ဒိယ၊ တရုတ်နဲ့ တောင်အာဖရိက ငါးနိုင်ငံပါဝင်တဲ့ BRICS လို့သိထားကြတဲ့ အဖွဲ့ရဲ့ခေါင်းဆောင်တွေက သူတို့အဖွဲ့မှာ နိုင်ငံတကာ ငွေကြေးအဆောက်အအုံအတွက် ကိုယ်စားပြုသူတွေ ပိုလိုအပ်နေတယ်လို့ ဆိုပါတယ်။
တရက်ကြာညီလာခံမှာ အိမ်ရှင်အဖြစ် တာဝန်ယူကျင်းပပေးတဲ့ အိန္ဒိယ၀န်ကြီးချုပ် မန်းမိုဟန်ဆင်းက သူတို့ဟာ အပြန်အလှန်ရင်းနှီးမြှုပ်နှံမှုလုပ်ငန်း မြှင့်တင်နိုင်ရေးအတွက် အဓိကခြေလှမ်း လှမ်းနိုင်ဖို့ရာ တဖြည်းဖြည်း နီးကပ်လာနေပြီလို့ ဆိုပါတယ်။ ဒီရင်းနှီးမြှုပ်နှံမှုတွေကို BRICS အဖွဲ့ဝင်နိုင်ငံတွေနဲ့ တခြား ဖွံ့ဖြိုးဆဲနိုင်ငံတွေက ငွေကြေးထောက်ပံ့ပြီး စီမံခန့်ခွဲတဲ့ ဖွံ့ဖြိုးရေးဘဏ်တွေက လုပ်ဆောင်မှာ ဖြစ်ပါတယ်။
တောင်အာဖရိကသမ္မတ ဂျေကောဗ့် ဇူးမား Jacob Zuma ကတော့ သူနဲ့ တခြား အာဖရိက ခေါင်းဆောင်တွေက အခုအဆိုပြုလိုက်တဲ့ ဘဏ်နဲ့ပတ်သက်ပြီး ကြိုဆိုလိုက်ကြောင်းနဲ့ ဒါဟာ ဖွံ့ဖြိုးဆဲ နိုင်ငံတွေမှာ အလုပ်အကိုင်သစ်တွေ ဖန်တီးနိုင်ရေးအတွက် အထောက်အကူ ဖြစ်နိုင်တယ်လို့ ဆိုပါတယ်။
ရုရှားခေါင်းဆောင် ဒီမိထရိ မက်ဒ် ဗီယဲဒက်ဗ် Dimitry Medvedev ကလည်း BRICS နိုင်ငံတွေဟာ လာမယ့် နှစ်တွေအတွင်းမှာ ကမ္ဘာ့စီးပွားရေးစနစ် ပြုပြင်ပြောင်းလဲမှုတွေအတွက် အဓိကကျတဲ့ အခန်းကဏ္ဍကနေ ပါဝင်လာဖို့ ရှိတယ်လို့ ပြောပါတယ်။
ညီလာခံအပြီးထုတ်ပြန်တဲ့ ပူးတွဲကြေညာချက်ထဲမှာ BRICS နိုင်ငံတွေက ခေါင်းဆောင်တွေက အနောက်နိုင်ငံတွေရဲ့ ငွေကြေးဆိုင်ရာမူဝါဒကို ပြင်းပြင်းထန်ထန် ဝေဖန်ခဲ့ပါတယ်။

တိဘက်သတင်းလွှင့်သူတွေကို တရုတ်ခြိမ်းခြောက်
By ဗွီအိုအေ (မြန်မာဌာန)
တရုတ်အာဏာပိုင်တွေဟာ တိဘက် အခြေအနေဖော်ပြတဲ့ သတင်းအချက်အလက် ဖြန့်ဝေသူတွေကို ညှင်းပမ်းနှိပ်စက်မယ်လို့ ဗြောင်ခြိမ်းခြောက်နေကြောင်း နယ်စည်းမခြား သတင်းသမားများ အဖွဲ့က ပြောကြားလိုက်ပါတယ်။
အနောက်မြောက်ပိုင်း ဂျဲန်စု Gansu ခရိုင်၊ Gan Lho တိဘက် ကိုယ်ပိုင် အုပ်ချုပ်ရေးနယ်မြေက တရုတ်အာဏာပိုင်တွေဟာ ဒီအကြမ်းဘက်ရေး မူဝါဒကို ပွင့်ပွင့်လင်းလင်း ပြောကြားနေတယ်လို့ ပြင်သစ်အခြေစိုက် သတင်းလွတ်လပ်ခွင့် ဆောင်ရွက်နေတဲ့အဖွဲ့ကြီးက ကြာသပတေးနေ့က ကြေညာချက် ထုတ်ပြန်ပြောဆိုလိုက်ပါတယ်။
တိဘက်ဆိုင်ရာ သတင်းနဲ့ အချက်အလက်တွေ ဖြန့်ဖြူးဝေငှသူတွေဟာ ရိုက်နှက်တာနဲ့ ညှင်းပမ်းနှိပ်စက်တာ ခံရမယ်လို့ ခြိမ်းခြောက်ထားတဲ့ သတိပေးစာတွေကို နယ်မြေရဲတွေက လူအများ မြင်သာတဲ့နေရာတွေမှာ ကပ်ထားတယ်လို့လည်း ဖော်ပြထားပါတယ်။
ဒီစာတွေကို အဝေးရောက် တိဘက်တွေအခြေချရာ အိန္ဒိယနိုင်ငံ၊ Dharamsala အခြေစိုက်၊ တိဘက် Post International သတင်းနဲ့ တိဘက်သတင်း ၀က်ဘ်ဆိုက် စာမျက်နှာတွေမှာ ဖော်ပြထားတာ တွေ့ရတယ်လို့ဆိုပါတယ်။
ဒီလို လုပ်ဆောင်တာဟာ တိဘက် ဖိနှိပ်ဆန့်ကျင်ရေးနဲ့ ပတ်သက်ပြီး ဖော်ပြတဲ့ အချက်အလက်တွေ ဖြန့်ဝေမယ့်သူတွေ ကြောက်ရွံ့အောင် တရုတ်အစိုးရက ခြိမ်းခြောက်တာမို့ နိုင်ငံတကာ ညှင်းပမ်းနှိပ်စက်မှုနဲ့ လူမဆန်တဲ့၊ ရက်စက်တဲ့ အပြစ်ပေးမှု ပပျောက်ရေးဆိုင်ရာ နိုင်ငံတကာပဋိဉာဉ်စာချုပ်ကို လက်မှတ်ရေးထိုးထားတဲ့ တရုတ်နိုင်ငံက ချိုးဖောက်တာဖြစ်တယ်လို့ နယ်စည်းမခြား သတင်းသမားများအဖွဲ့က ပြောပါတယ်။ ဒါ့ကြောင့် ညှင်းပမ်းနှိပ်စက်မှုဆိုင်ရာ ကုလသမဂ္ဂ အထူးကိုယ်စားလှယ် Juan Mendez အနေနဲ့ စုံစမ်းစစ်ဆေးပေးဖို့လည်း တောင်းဆိုလိုက်ပါတယ်။

အာရပ်ထိပ်သီးတွေ ဆီးရီးယားအရေးဆွေးနွေး
ဗွီအိုအေ

Kuwait's Emir Sheikh Sabah al-Ahmad Al-Sabah reads a statement during the opening session of the 23rd Arab League summit in Baghdad March 29, 2012. REUTERS/Saad Shalash (IRAQ - Tags: POLITICS)
အီရတ်နိုင်ငံဘက်ဂ်ဒက်ဂ်မြို့မှာ ကျင်းပနေတဲ့ထိပ်သီးညီလာခံကနေ ဆီးရီးယားအရေးအထူးကိုယ်စားလှယ် ကိုဖီအာနန် ရဲ့ ငြိမ်းချမ်းရေးဦးဆောင်လုပ်ငန်းတွေကို အထောက်အကူပေးဖို့ ဆုံးဖြတ်ချက်မူကြမ်းတရပ်ကို အာရပ်ခေါင်းဆောင်တွေ စဉ်းစားဆွေးနွေးခဲ့ကြပါတယ်။
ဒီထိပ်သီးညီလာခံမှာ အတည်ပြုချက်ရဖို့ အာရပ်နိုင်ငံများအဖွဲ့ချုပ် နိုင်ငံခြားရေးဝန်ကြီးတွေရေးဆွဲတဲ့ မူကြမ်းမှာ အတိုက်အခံ ဆန္ဒပြသူတွေကို ငြိမ်းချမ်းစွာ ဆန္ဒပြခွင့်ပေးပြီး ပြည်သူတွေကို အကြမ်းဖက်နှိပ်ကွပ် နေတာတွေ ရပ်တန်းကရပ်ဖို့ ဆီးရီးယားသမ္မတ Bashar al-Assad အစိုးရကို တောင်းဆိုလိုက်ပါတယ်။ ဆီးရီးယားနိုင်ငံက သူ့ရဲ့ အဆိုပြုချက်ကို လက်ခံခဲ့ပေမဲ့ အကြမ်းဖက်မှုတွေ ဆက်ဖြစ်နေဆဲဘဲလို့ ကိုဖီအာနန်ကပြောပါတယ်။
အစိုးရတပ်တွေက ဆီးရီးယားနိုင်ငံ အလယ်ပိုင်းနဲ့ တောင်ပိုင်းက တော်လှန်ရေးတပ်ဖွဲ့တွေ သိမ်းပိုက်ထားတဲ့ ဒေသတွေကို အင်အားသုံး တိုက်ခိုက်ခဲ့တယ်လို့ လူ့အခွင့်အရေး တက်ကြွလှုပ်ရှားသူတွေက ဗုဒ္ဓဟူးနေ့က ပြောဆိုပါတယ်။ Hama ဒေသက တိုက်ပွဲတွေမှာ အရပ်သား  ၄ ယောက်၊ အစိုးရတပ်ဖွဲ့ဝင် ၄ ယောက်နဲ့ တော်လှန်ရေးတပ်ဖွဲ့ဝင် ၅ ယောက်သေဆုံးခဲ့ပါတယ်။  ဆီးရီးယားအစိုးရဟာ ငြိမ်းချမ်းရေးကို လက်တွေ့ မဆောင်ရွက်ဘူးဆိုတာ ရှင်းလင်းမြင်သာပါတယ်လို့ အမေရိကန် နိုင်ငံခြားရေးဋ္ဌာနပြောခွင့်ရ  Victoria Nuland ကပြောဆိုပြီး  သမ္မတအာဆတ်ရဲ့ လုပ်ဆောင်ချက်တွေကို တရားဥပဒေအရ အရေးယူခံရမှာ ဖြစ်တယ်လို့ ထပ်လောင်း သတိပေး ပြောဆိုခဲ့ပါတယ်။

မြန်မာ့မြစ်ကြီး (၄) စင်းအနီး ကုန်ကြမ်းမရှာဖွေရအမိန့် ပတ်ဝန်းကျင်ထိန်းသူတွေကြို
မိုးဇော်

Irrawaddy delta
မြန်မာပြည်ရဲ့ အဓိက မြစ်ကြီး လေးစင်းရဲ့ သဘာဝပတ်ဝန်းကျင်ထိန်းသိမ်းရေးအတွက် မြစ်ကြောင်းအတွင်းနဲ့ မြစ်ကမ်းစပ်ကနေ ပေ (၃၀၀) အကွာ အတွင်းမှာ ကျောက်မျက်ရတနာ၊ ဓါတ်သတ္ထုနဲ့ စက်မှုတွင်းထွက် ကုန်ကြမ်းပစ္စည်းတွေကို စမ်းသပ် ရှာဖွေ ထုတ်လုပ်ခြင်းမလုပ်ဖို့ သတ္ထုတွင်းဝန်ကြီးက ဒီနေ့ အမိန့်ကြော်ငြာ စာထုတ်ပြန်လိုက်တဲ့အပေါ် သဘာဝပတ်ဝန်းကျင် အရေးဆောင်ရွက် နေသူတွေက သတိနဲ့ကြိုဆို လိုက်ပါ တယ်။
တဆက်တည်းမှာပဲ ဒီမြစ်ကြီးတွေ စဉ်ဆက်မပြတ်ဖွံဖြိုးဖုိ့ဆိုရင် တည်ဆောက်နေတဲ့ ရေကာတာတွေကို ပြန်လည်ဆန်းစစ်ဖို့နဲ့ တည်ဆောက်တာတွေ ရပ်တန့်ဖို့ လိုအပ်ကြောင်းလည်း ထောက်ပြကြပါတယ်။ ဒီသတင်းအပြည့်အစုံကို ထိုင်းအခြေစိုက်သတင်းထောက် ကိုမိုးဇော်က တင်ပြမှာ ဖြစ်ပါတယ်။
ဧရာဝတီ၊ သံလွင်၊ ချင်းတွင်းနဲ့ စစ်တောင်းစတဲ့ မြန်မာပြည်က အဓိက မြစ်ကြီးတွေရဲ့ သဘာဝ ပတ်ဝန်းကျင် ထိန်းသိမ်းရေး၊ မျိုးဆက်သစ်တွေအကျိုးအတွက် သန့်ရှင်းတဲ့ပတ်ဝန်းကျင်ဖြစ်ပေါ်စေရေးနဲ့ ရေစီးရေလာ ကောင်းမွန်ရေးအတွက်ရည်ရွယ်ပြီး အခုလို တားမြစ်မိန့် ထုတ်ပြန်တာဖြစ်ကြောင်း ဒီနေ့ထုတ် အစိုးရ သတင်းစာတွေမှာ ဖော်ပြထားတာဖြစ်ပါတယ်။
သတ္ထုတွင်းဝန်ကြီးဋ္ဌာနရဲ့ တားမြစ်မိန့်ထုတ်ပြန်ချက်ကို FREDA ခေါ် သယံဇာတပတ်ဝန်းကျင် ဖွံဖြိုးတိုးတက် ရေးနဲ့ ထိန်းသိမ်းစောင့်ရှောက်ရေးအသင်းက ဒုဥကဌ ဦးအုံးက ကြိုဆိုကြောင်း ပြောပါတယ်။
“သတ္ထုတွေမတူးဖို့ ဆုံးဖြတ်တယ်ဆိုရင်တော့ အရမ်းကောင်းတာပေါ့ဗျာ။ တူးလို့ရှိရင်လည်း ဘေးအန္တရာယ် မဖြစ်အောင် တူးလို့ရှိရင်တော့ ကျနော်တို့ မကန့်ကွက်ပါဘူး။ ဧရာဝတီမြစ်တို့ ချင်းတွင်းမြစ်တို့မှာ ရွှေတူးတဲ့ အခါမှာ စက်တွေနဲ့ တူးတယ်။ စက်တွေနဲ့တူးပြီးတော့ ပြဒါးတို့၊ ဆိုင်ယာနိုဒ်တို့ သုံးတော့ အကုန်လုံး အဆိပ် တွေသင့်ပြီးတော့ pollution တွေဖြစ်တယ်။ အခု ရွှေတူးတာက မြစ်တွေ ချောင်းတွေ အင်းတွေ အိုင်တွေ အကုန်လုံး အဆိပ်တွေ သင့်ပြီးတော့ pollution တွေဖြစ်လို့ ကန့်ကွက်နေရတာပါ။”
ဒီမြစ်ကြီးတွေရဲ့ ရေစီးရေလာကောင်းမွန်ရေးအတွက်ဆိုရင် မြစ်ကြောင်းတွေပေါ်မှာ တည်ဆောက်နေတဲ့ ရေကာတာတွေက မြစ်ရေစီးဆင်းတာကို  ထိခိုက်စေနိုင်ကြောင်း ဦးအုံးက ဆက်ပြောပါတယ်။ ဒါကြောင့် လက်ရှိ တည်ဆောက်နေတဲ့ ရေကာတာတွေကို သဘာဝပတ်ဝန်းကျင်၊ လူမှုပတ်ဝန်းကျင် ထိန်းသိမ်းရေး တွေကို သေချာဆန်းစစ်ဖို့ လိုအပ်ကြောင်း ဦးအုံးက ထောက်ပြပါတယ်။
“ရေကာတာတွေ ဆောက်လို့ရှိရင် သုံးမျိုးလုပ်ရမယ်။ EIA လို့ခေါ်တဲ့ Environment Impact Assessment ၊ SIA လို့ခေါ်တဲ့ Social Impact Assessment ၊ နောက်တခုက Environmental Management Plan ၊  Environment ပျက်တဲ့အတွက် ဘယ်လို ပြန်ပြီးကောင်းအောင် လုပ်မယ်ဆိုတဲ့ Plan ပါ လိုပါတယ်။ ဒီ၃ခု မလုပ်ဘဲနဲ့ ဘယ်ရေကာတာမှ ဆောက်ခွင့်ပြုဖို့ မကောင်းပါဘူး။ ခုက ဘာမှ မလုပ်ဘဲနဲ့ သူတို့ဖာသူတို့ စလုပ် နေတယ်။ ဒီဟာတွေလုပ်လို့ အဖြေထွက်မှ ပြည်သူလူထုကို ချပြ ၊ ပြည်သူလူထုက ကောင်းတယ်၊ မကောင်း တယ် ဝေဖန်သုံးသပ်ပြီး ဒီမိုကရေစီဆန်ဆန်လုပ်ပြီးမှ အစိုးရက ဆုံးဖြတ်ရမှာ။ အခုတော့ ဘယ်သူမှ မဆုံး ဖြတ်ခင် သူတို့ လုပ်ချင်ရာ လုပ်တယ်။”
ထိုင်းနိုင်ငံမှာ အခြေစိုက်တဲ့ မြန်မာနိုင်ငံမြစ်ချောင်းများဆိုင်ရာ ကွန်ယက်အဖွဲ့က လက်ထောက် တာဝန်ခံ မအားနန်ကတော့ သတ္ထုတွင်းဝန်ကြီးဋ္ဌာနရဲ့ တားမြစ်မိန့်ကို စောင့်ကြည့်ဖို့ လိုအပ်ကြောင်း ပြောပါတယ်။
“အခုချိန်မှာ နေပြည်တော်က ပြောလိုက်တဲ့အလုပ်တွေက တိုင်းရင်းသားဒေသတွေမှာ တကယ်ထိရောက်မှု မရှိဘူးလို့ ကျမတို့ မြင်တယ်။ ဒီမြစ်ဆုံနေရာမှာ တကယ်တမ်း ဘယ်သူရွှေတူးနေလဲ။ သူတို့ အရင်ကတည်း ကလည်း မနှစ်ကတည်းကလည်း ကြေညာခဲ့တယ်။ မြစ်ချောင်းတွေမှာ ရွှေအကြီးးအကျယ် တူးခွင့်မပေး တော့ဘူးလို့ ပြောတယ်။ ဒါပေမဲ့ ဒီဒေသမှာက ဆက်လက်ပြီးတော့ တူးဖော်နေတယ်။ တကယ့် အစိုးရဌာန တွေကနေပါဝင်ပြီးတော့ ဆက်လက် တူးဖော်နေတာကို တွေ့ရှိရတယ်။ အဲဒါကြောင့် တကယ်တမ်းမြစ်ဆုံမှာ တခြားမြစ်ချောင်းတွေပေါ်မှာ ရွှေတူးရပ်မရပ်ဆိုတာကို ကျမတို့ သေချာလေ့လာစမ်းသပ်ဖုိ့လိုတယ်ပေါ့နော်။”
မအားနန်ကတော့ မြစ်ကြီးးတွေ စဉ်ဆက်မပြတ်ဖွံဖြိုးဖို့ဆိုရင် မြစ်ကြီးးတွေပေါ်မှာ တည်ဆောက်တဲ့ ရေကာတာတွေ သာမက မြစ်လက်တက်ပေါ်က ရေကာတာတွေကိုပါ ရပ်တန့်ဖို့ လိုမယ်လို့ ပြောဆိုပါတယ်။
“မြန်မာနိုင်ငံမှာရှိတဲ့မြစ်ချောင်းတွေကို ပြန်ကြည့်မယ်ဆိုရင် ဒီရေကာတာတွေကို ရပ်တန့်ဖို့ တောင်းဆိုတယ် ပေါ့နော်။ ဥပမာ ဧရာဝတီမြစ်မှာဆိုရင် ရေကာတာဆောက်ခြင်းအားဖြင့် မြစ်အောက်ပိုင်းမှာ ဆိုးကျိုး အများကြီး ရှိနိုင်တယ်ဆိုပြီးတော့မှ ပညာရှင်တွေအပြင် ကျမတို့ အမြဲတမ်းတောင်းဆိုတာရှိတယ်။ ဒါပေမဲ့ အစိုးရ ပြောတာကတော့ သူ့ဆီမှာစီးဝင်နေတဲ့ မြစ်လက်တက်တွေအများကြီးပဲလို့ ပြောတယ်။ တကယ်တန်း ဧရာဝတီရဲ့ အဓိက မြစ်လက်တက်တွေကိုပြန်ကြည့်မယ် ရွှေလီတို့၊ မြစ်ငယ်မြစ်တို့ ပြန်ကြည့်မယ်ဆိုရင် ဒီမှာ ရေကာတာဆောက်ပြီးတဲ့ဟာနဲ့ ရေကာတာစီမံကိန်းတွေနဲ့ ပြည့်နေတဲ့ဟာတွေ ရှိတယ်။ ဒီလိုမျိုးစီမံကိန်းတွေ ရှိနေသရွေ့ကတော့ ကျမတို့ မြန်မာနိုင်ငံရဲ့ အသက်သွေးကြောဖြစ်တဲ့ ဒီမြစ်ချောင်းအင်းအိုင်တွေကို လာမယ့် အနာဂတ်မျိုးဆက်တွေအတွက် ထိန်းသိမ်းဖို့ဆိုတာ အရမ်းကို ခက်ခဲတဲ့အခြေအနေရောက်သွားမှာပဲ သေချာ တယ်။”
မြန်မာပြည်ရဲ့ အဓိကမြစ်ကြီးတွေရဲ့ သဘာဝပတ်ဝန်းကျင်ထိန်းသိမ်းရေး နဲ့ ရေစီးရေလာ ကောင်းမွန်ရေး အတွက် ဝေဖန်ထောက်ပြကြတာဖြစ်ပါတယ်။ ပြီးခဲ့တဲ့နှစ်ကတော့ သဘာဝပတ်ဝန်းကျင်နဲ့ မြစ်ကြောင်းကို ထိခိုက်စေနိုင်တယ်ဆိုပြီး မြန်မာပြည်တွင်းက ပညာရှင်တွေနဲ့ ပြည်သူအများက ဧရာဝတီမြစ်ဆုံ ဆည်တည် ဆောက်တာကို ကန့်ကွက်ခဲ့တာကြောင့် နိုင်ငံတော်သမ္မတက ဒီစီမံကိန်းကို ယာယီရပ်ဆိုင်းလိုက်ပါတယ်။
လောလောဆည်မှာတော့ မေခနဲ့ မလိခမြစ်ပေါ်မှာ လိုင်ဇာ၊ ခေါင်လန်ဖူး၊ ဖီဇော၊ လာကင်၊ ပါရှီနဲ့ ချီဗွေ စတဲ့ စီမံကိန်း (၇) ခု၊ သံလွင်မြစ်ပေါ်မှာ တာဆန်း၊ ၀ဲကြီး၊ ဟတ်ကြီး၊ ဒါးဂွင်၊ ရွာသစ်ရေကာတာစီမံကိန်းနဲ့ ချင်းတွင်းမြစ်မှာ တမံသီ ရေကာတာစီမံကိန်းတွေကို အချို့ တည်ဆောက်နေပြီး အချို့ကို တည်ဆောက်ဖို့ ပြင်ဆင်ထားပါတယ်။
သဘာဝပတ်ဝန်းကျင်အရေး ဆောင်ရွက်သူတွေကတော့ ဒီရေကာတာတွေကြောင့် ကျေးရွာနဲ့ လယ်ယာမြေ တွေ၊ သဘာဝပတ်ဝန်းကျင်တွေ နစ်မြုပ် ဆုံးရှုံးမှာဖြစ်သလို မြစ်အောက်ပိုင်းဒေသတွေမှာလည်း ရေခမ်းတာနဲ့ ပင်လယ်ရေ၀င်ရောက်လာမယ့် ဆိုးကျိုးသက်ရောက်တာတွေ ရှိနိုင်ကြောင်း သုံးသပ်ကြပါတယ်။
ဒီရေကာတာ စီမံကိန်းက ထွက်ရှိမယ့် လျှပ်စစ်ဓါတ်အားကိုလည်း အိမ်နီးချင်းတိုင်းပြည်တွေကို အဓိက တင်ပို့ ရောင်းချမှာဖြစ်တာကြောင့် ဒေသခံတွေ အကျိုးအမြတ်မရနိုင်ကြောင်းလည်း ဝေဖန်ကြပါတယ်။