01.05.2012 နေ့ဖတ်ရန်သတင်းများ

by Myanmar Journal on Monday, April 30, 2012 at 4:09pm 

Abdulhadi al-Khawaja အတွက် ဆန္ဒပြကြသူများဘာရိန်း ဆန္ဒပြသူကို ညှင်းပမ်း စော်ကားမှုတွေရှိ

ဘာရိန်းနိုင်ငံမှာ ပြီးခဲ့တဲ့နှစ်က ဒီမိုကရေစီ ရေး တောင်းဆို ဆန္ဒပြမှုတွေကို ဦးဆောင်ခဲ့ သူ Abdulhadi al-Khawaja ရဲ့ အမှုကို ပြန်တရားစီရင် မယ် ဆိုပြီး ဘာရိန်း တရားရုံးတခု ကနေ အမိန့် ထုတ်ပြန်လိုက် ပါတယ်။

Abdulhadi al-Khawaja ရဲ့ အမှုကို ပြန်သုံးသပ် မယ်ဆိုတာက သူ့ကို စစ်ဖက် တရားရုံး ကနေ ထောင် တသက်တကျွန်း ချထားတဲ့အမှု ကို အရပ်ဖက် တရားရုံးမှာ ပြန်ပြီး စစ်ဆေးမယ် လို့ဆိုတာပါ။

အခုသူတို့အားလုံးရဲ့ အမှုကို ပြန်လည် သုံးသပ်မယ်ဆိုတာ အောင်မြင်မှု သေးသေးလေးတခုလို့ ပြောရင်တောင် တကယ်တော့ သိပ်ထူးခြားမှုတော့ မရှိနိုင်ပါဘူး။ ဘာကြောင့်လည်း ဆိုတော့ အမှုစစ်နေတဲ့ ကာလအတွင်း Abdulhadi al-Khawaja ကိုဆက်ပြီး ဖမ်းထားဦးမှာပါ။

သူ့ဇနီးဖြစ်သူ Khadija al-Moussawi ကတော့ ဒါဟာ အဓိပ္ပါယ်မရှိဘူးလို့ တုံ့ပြန်ပါတယ်။

သူ့အနေနဲ့ အသေခံဖို့အထိ ပြင်ပြီးသားပါ။ သူ့ကိုလှောင်အိမ်ထဲမှာ ထားတာကို လက်ခံမှာ မဟုတ်ပါဘူး။ သူ့ဆုံးဖြတ်ချက်ကို လုံးဝထောက်ခံပါတယ်။ ဘာရိန်းမှာ အရပ်ဖက် တရားသူကြီးတွေ ဆိုတာကလည်း စစ်တပ်ယူနီ ဖောင်းကို အရပ်ဝတ်လဲထားတဲ့သူတွေပါ။ ဒီတော့ဘာမှထူးမှာမဟုတ်ပါဘူး။ သူတို့အနေနဲ့ အပြုသဘောလုပ်နေပါတယ် ဆိုတာကို မီဒီယာမှာ ပြောရင်း အချိန်ဆွဲနေတာပါလို့ Abdulhadi al-Khawaja ရဲ့ ဇနီး Khadija al-Moussawi ကပြောပါတယ်။

၈၂ ရက်ကြာ အစာငတ်ခံဆန္ဒ ပြနေပြီး ဆေးရုံတင်ထားရတဲ့ သူ့ခင်ပွန်းဖြစ်သူကို တနင်္ဂနွေနေ့ တုန်းက သွားတွေ့ခဲ့ပြီး သူဟာ ခန္ဓာကိုယ် အလေးချိန် လေးပုံတပုံလောက် လျော့သွားတယ်လို့ ပြောပါတယ်။

ဒါ့အပြင် အာဏာပိုင်တွေက အစာမစားတဲ့ သူ့ကို၊ နှာခေါင်းထဲကနေ ပိုက်နဲ့အစာတွေ သွင်းနေတယ်လို့လည်း ပြောပါတယ်။ ဆေးရုံကတော့ ဒါကိုမဟုတ်ဘူးလို့ ငြင်းပါတယ်။

အဖမ်းခံထားရစဉ်အတွင်း သူ့ကို ညှဉ်းပမ်းနှိပ်စက်ကြောင်းနဲ့ လိင်ပိုင်းဆိုင်ရာ စော်ကားမှုတွေ လုပ်ခဲ့ကြောင်းလည်း Abdulhadi al-Khawaja က စွပ်စွဲထားပါတယ်။

သူနဲ့အခြား လူ ၂၀ ကို ဒီမိုကရေစီတောင်းဆို ဆန္ဒပြမှုတွေ အတွင်း ဧပြီလ တုန်းက ဖမ်းဆီးခဲ့ပြီး စစ်ခုံရုံးနဲ့ စီရင်ခဲ့တာပါ။ အဲဒီဆန္ဒပြမှုတွေ အတွင်းလူ ၆၀ လောက် သေဆုံးတယ် လို့ သတင်းတွေက ဆိုပြီး ဘာရိန်းဘုရင် Hamad က အရေးပေါ် အခြေအနေ ထုတ်ပြန် ကြေညာခဲ့ပါတယ်။

ဆန္ဒပြသူတွေက ဒီမိုကရေစီအခွင့်အရေးတွေ ပေးဖို့နဲ့ အာဏာရ ဆွန်နီမူဆလင်တွေက လူများစုဖြစ်တဲ့ Shia မူဆလင် တွေကို ခွဲခြား ဆက်ဆံတာတွေ ရပ်ဖို့ တောင်းဆိုခဲ့ကြတာ ဖြစ်ပါတယ်။

 အမျိုးသားဒီမိုကရေစီအဖွဲ့ချုပ် လွှတ်တော်တက်မည်

အမျိုးသားဒီမိုကရေစီအဖွဲ့ချုပ် NLD ဥက္ကဌ ဒေါ်အောင်ဆန်း စုကြည် အပါအဝင် ကြားဖြတ် ရွေးကောက်ပွဲ အနိုင်ရ NLD လွှတ်တော် ကိုယ်စားလှယ်တွေဟာ လက်ရှိ လွှတ်တော် ကျမ်းကျိန်စာသားပါ အခြေခံ ဥပဒေကို ကာကွယ် စောင့်ရှောက် ပါမည် ဆိုတဲ့ စကားရပ် အတိုင်း ကျမ်းကျိန်ပြီး လွှတ်တော် တက်ရောက်ဖို့ ဆုံးဖြတ် လိုက်ပြီ ဖြစ်ပါတယ်။

NLD ရုံးချုပ်မှာ ဒီကနေ့ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည် က ပြည်သူတွေရဲ့ဆန္ဒ၊ လွှတ်တော်တွင်း ရောက်နှင့်နေကြပြီးသား တိုင်းရင်းသားအပါအဝင် ပါတီတချို့ရဲ့ မေတ္တာရပ်ခံချက် အတိုင်း လွှတ်တော်ကို ဝင်ရောက်ဖို့ အခုလို ဆုံးဖြတ်ခဲ့တာ ဖြစ်တယ်လို့ ပြောကြားသွားပါတယ်။

အရင်ကတော့ ကျမ်းကျိန်လွှာပါ အခြေခံဥပဒေကို 'ကာကွယ် စောင့်ရှောက်' ပါမည် ဆိုတဲ့ စကားရပ်အစား 'လေးစားလိုက်နာ' ပါမည်လို့ ပြောင်းလဲပေးဖို့ NLD က တောင်းဆို ထား ခဲ့တာ ဖြစ်ပါတယ်။

NLD ဘက်ကနေ သမ္မတရုံး၊ လွှတ်တော် ဥက္ကဌတွေနဲ့ ဖွဲ့စည်းပုံ အခြေခံ ဥပဒေဆိုင်ရာ ခုံရုံး စတဲ့ သက်ဆိုင်ရာ ဌာနတွေဆီကို စာသား ပြင်ပေးနိုင်ဖို့ အကြံပြု တိုက်တွန်း ခဲ့တာ ရှိပါတယ်။

ဒါပေမယ့် ပြင်ဆင်နိုင်ဖို့ မဖြစ်ခဲ့သလို လွှတ်တော်တွင်းမှာလည်း အများစု ဖြစ်တဲ့ ကြံ့ခိုင်ရေးပါတီ ကိုယ်စားလှယ်တွေက ဒီစာသား ပြင်ပေးဖို့ ကိစ္စကို ငြင်းဆိုခဲ့ပါတယ်။

ဒီလို အခြေအနေတွေအောက်မှာ နိုင်ငံရေး အကြပ်အတည်း ဖြစ်လာမှာကို မလိုလားတဲ့အတွက်လည်း NLD ဘက်က လိုက်လျော ဆုံးဖြတ်ရတာ ဖြစ်တဲ့အကြောင်း NLD နာယက အဖွဲ့ဝင် ဦးဝင်းတင်က ပြောပါတယ်။

ဒါပေမယ့် NLD ပါတီဘက်ကတော့ အခြေခံဥပဒေကို 'လေးစားလိုက်နာပါမည်' ဆိုတဲ့ သဘောထားကိုတော့ ပြောင်းလဲမှာ မဟုတ်ပဲ လွှတ်တော် ပြင်ပ နိုင်ငံရေးမှာ ဒီသဘောထားကို ကိုင်စွဲထားမယ်လို့ သူက ပြောပါတယ်။

NLD ကိုယ်စားလှယ်တွေဟာ မေလ ၂ ရက်နေ့မှာ နေပြည်တော်က လွှတ်တော်မှာ ကျမ်းကျိန်ကြမှာ ဖြစ်ပါတယ်။ 

ကုလအတွင်းရေးမှူးချုပ် ပြည်ထောင်စုလွှတ်တော်မှာ မိန့်ခွန်းပြော

 သမ္မတဉီးသိန်းစိန်နဲ့ ဒေါ်အောင်ဆန်းစုကြည်တို့ လက်တွဲ ဆောင်ရွက်ဖို့ တိုက်တွန်းသွားပါတယ်

ကုလသမဂ္ဂ အတွင်းရေးမှူးချုပ် ဘန်ကီမွန်းက ပြည်ထောင်စုလွှတ်တော်မှာ တက်ရောက် မိန့်ခွန်း ပြောကြားရာမှာ မြန်မာနိုင်ငံမှာ ဒီမိုကရေစီရေးနဲ့ အမျိုးသား ပြန်လည် ရင်ကြားစေ့ရေး အောင်မြင် အောင် ဆောင်ရွက်နိုင်ဖို့ အတွက် လုပ်စရာတွေ အများကြီးလိုအပ် နေသေးတယ်လို့ ပြောကြား သွားပါတယ်။

မစ္စတာ ဘန်ကီမွန်းက မြန်မာနိုင်ငံဟာ အတိမ်းအစောင်းမခံတဲ့ အနေအထားမျိုးမှာ ရောက်ရှိနေပြီဖြစ်လို့ သမ္မတဦးသိန်းစိန်နဲ့ ဒေါ်အောင်ဆန်းစုကြည်တို့ လက်တွဲပြီး ပြုပြင်ပြောင်းလဲရေးတွေ ဆောင်ရွက်သွားဖို့ တိုက်တွန်းသွားပါတယ်။

မြန်မာနိုင်ငံက ပြုပြင်ပြောင်းလဲရေးအခြေအနေဟာပြန်ဆုတ် နိုင်သေးကြောင်းနဲ့ စိတ်မချရ သေးကြောင်းပြောပေမဲ့ ပြန်ဆုတ်မယ့် အလားအလာ တော်တော်နည်းသွားပြီလို့ ဆိုပါတယ်။

မြန်မာပြည်သူတွေဟာ အပြောင်းအလဲတွေကို လိုလားရုံသာမက မြန်မြန်ဆန်ဆန် ပြောင်းလဲဖို့လည်း လိုလားနေတယ်လို့ သူက ပြောသွားပါတယ်။ ရှေ့ခရီးတလျောက်မှာ အရေးပါတဲ့ သမိုင်း မှတ်တိုင်တွေကို ဆက်လက်ဖြတ်သန်းဖို့ ရှိသေးကြောင်းလည်း ပြောပါတယ်။

၂၀၁၄ မှာ မြန်မာဟာ အာဆီယံ ဥက္ကဌတာဝန်ယူဖို့ ရှိပြီး ၂၀၁၅ မှာ ရွေးကောက်ပွဲ ကျင်းပ ပြုလုပ်ရမှာ ဖြစ်တယ်။ ဒီလို အရေးကြီးတဲ့ ကာလတွေမှာ မြန်မာနိုင်ငံနဲ့ နိုင်ငံတကာ ပူးပေါင်းဆောင်ရွက်ကြဖို့ လိုအပ်တယ်လို့ ဆိုပါတယ်။

ဒါ့အပြင် နိုင်ငံတကာကလည်း ပိတ်ဆို့ အရေးယူမှုတွေ ထပ်ပြီး လျှော့ချပေးဖို့ အရေးကြီး ကြောင်းကိုလည်း သူက ပြောပါတယ်။ မြန်မာနိုင်ငံဟာ နိုင်ငံတကာရဲ့ ထောက်ပံ့ကူညီမှုတွေ လိုအပ်သလို တိုက်ရိုက် ရင်းနှီးမြုပ်နှံမှုတွေ ပြုလုပ်ဖို့ လိုအပ်တယ်လို့လည်း သူက ပြောကြား သွားပါတယ်။

ဆီးရီးယားပေါက်ကွဲမှု လူအများအပြား သေဆုံး

ဒါဟာ အသေခံဗုံးခွဲတိုက်ခိုက်မှု ဖြစ်တယ်လို့ နိုင်ငံပိုင် မီဒီယက ကြေညာသွားပါတယ်

ဆီးရီးယားနိုင်ငံ အစ်လစ်မြို့မှာ ကြီးမားတဲ့ ဗုံးသုံးလုံး ပေါက်ကွဲခဲ့တဲ့ အတွက် လုံခြုံရေး ဝန်ထမ်းတွေ အပါအဝင် လူပေါင်း ၉ ဦး ထက်မနည်း သေဆုံးသွားပြီး၊ တခြားလူ ၁ ရာ လောက်နီးပါး ဒဏ်ရာ ရရှိသွားကြ ပါတယ်။

ဗုံးနှစ်လုံးကတော့ လုံခြုံရေးဌာန အဆောက် အဦးတွေကို ပစ်မှတ်ထား တိုက်ခိုက်ခဲ့တဲ့ ဖေါက်ခွဲမှု ဖြစ်ပါတယ်။

ဆီးရီးယား နိုင်ငံပိုင် ရုပ်မြင်သံကြားကတော့ ဒါဟာ အသေခံဗုံးခွဲတိုက်ခိုက်မှု ဖြစ်တယ်လို့ ကြေညာသွားပါတယ်။

ရုပ်သံကနေ အဆောက်အဦးအတော်များများ ထိခိုက်ပျက်ဆီးခဲ့တာတွေ၊ လူတွေ စိတ်ပျက် လက်ပျက် ဖြစ်နေကြတာတွေနဲ့၊ ထိခိုက် သေကျေသူ တချို့ရဲ့ သွေးကွက်တွေကို ပြသ သွားပါတယ်။

အစ်လစ် ဒေသခံတဦးကလည်း ဘာကြောင့် ဆီးရီးယားပြည်သူတွေကို အခုလို ထိခိုက် ခံစားရအောင် လုပ်တာလဲဆိုပြီး ပြောကြားသွားပါတယ်။

ဆီးရီးယား အတိုက်အခံ တက်ကြွလှုပ်ရှားသူတွေ ကတော့ လူပေါင်း ၂၀ ကျော် သေဆုံး သွားတယ်လို့ ပြောပါတယ်။

မြို့တော် ဒမားစကပ်စ် ဆင်ခြေဖုံးပိုင်း တခုမှာလည်း နောက်ထပ် ပေါက်ကွဲမှု တခု ဖြစ်ပွားခဲ့တယ်လို့ သတင်းတွေက ဆိုပါတယ်။

ကုလသမဂ္ဂရဲ့ ဆီးရီးယား စောင့်ကြည့်ရေး အဖွဲ့ အကြီးအကဲ ဒမားစကပ်စ်ကို ရောက်ရှိပြီး နောက်တနေ့မှာပဲ အခုလို တိုက်ခိုက်မှုတွေ ဖြစ်ပွားခဲ့တာပါ။

ဂျာမန် နိုင်ငံခြားရေး ဝန်ကြီး Guido Westerwelleဂျာမန် နိုင်ငံခြားရေး ဝန်ကြီး ခရီးစဉ်

ဂျာမန် နိုင်ငံခြားရေးဝန်ကြီး Guido Westerwelle က မြန်မာနိုင်ငံ ခရီးစဉ် အတွင်း ဒေါ်အောင်ဆန်းစုကြည် နဲ့ သွားရောက် တွေ့ဆုံ ဆွေးနွေး ကြီး ပြည်တွင်းပြည်ပ သတင်းထောက် တွေ နဲ့ပါ ဒေါ်အောင်ဆန်းစုကြည် ခြံဝင်း ထဲမှာ တွေ့ဆုံခဲ့ပါတယ်။

ဒေါ်အောင်ဆန်းစုကြည် ရဲ့ မြန်မာပြည်သူ တွေရဲ့ လွတ်လပ်မှု နဲ့ လူ့အခွင့်အရေး ရယ်၊ ပြည်တွင်း မှာ ငြိမ်းချမ်းစွာ ပြုပြင်ပြောင်းလဲမှု အတွက် မဆုတ်မနစ် ကြိုးပမ်းမှု တွေကို နိုင်ငံတကာ က လေးစား အားကျ သလို၊ ဂျာမနီ နိုင်ငံကလည်း လေးစားတဲ့ အကြောင်း ဂျာမန် နိုင်ငံခြားရေးဝန်ကြီး Guido Westerwelle ပြောသွားပါတယ်။

ဒါကြောင့်မို့ မြန်မာနိုင်ငံတွင်း ပြုပြင်ပြောင်းလဲမှု အရ ဒီမိုကရေစီ လမ်းကြောင်းပေါ် ရောက်လာရေး နဲ့ ပြည်သူတွေ အနေနဲ့ လည်း အခြေခိုင်တဲ့ ဒီမိုကရေစီ အနှစ်သာရ၊ လွတ်လပ်မှု နဲ့ တရားဉပဒေ စိုးမိုးရေး စတာတွေ ခံစားနိုင်အောင် ဂျာမနီ အစိုးရ က အားပေး ထောက်ခံမှု ပြုပေးမယ့် အကြောင်း Mr Westerwelle ကပြောပါတယ်။

သာမန် ပြည်သူတွေရဲ့ အဓိက လိုအပ်ချက်တွေ ဖြစ်တဲ့ ပညာရေး၊ ကျန်းမာရေး၊ ရေ နဲ့ လျှပ်စစ် ရရှိရေး စတဲ့ အခြေခံ အဆောက်အအုံ နဲ့ လေ့ကျင့် သင်တန်းပေးမှု တွေပါ အကူအညီပေးမယ် လို့ နိုင်ငံခြားရေးဝန်ကြီး က ပြောပါတယ်။

ဒေါ်အောင်ဆန်းစုကြည် ကလည်း မြန်မာနိုင်ငံ နဲ့ ဂျာမနီ နိုင်ငံ ဟာ အရင်ကတည်းက နီးစပ်တဲ့ ဆက်ဆံမှု ရှိခဲ့တဲ့ အတွက် အခုလို အခြေခိုင်တဲ့ အနာဂတ် ဖန်တီးခွင့် ကို ဂျာမနီ နိုင်ငံက ကူညီပံ့ပိုးမှု ပြုမယ်ဆိုလို့ မြန်မာပြည်သူတွေ နဲ့ အတူ ထပ်တူထပ်မျှ ကျေးဇူးတင်ကြောင်း ပြောသွားပါတယ်။

နှစ်နိုင်ငံ ကြား စီးပွားရေး ရင်နှီးမြှုပ်နှံမှု နဲ့ ပတ်သက်လို့ တော့ ရင်နှီးမြှုပ်နှံမှု ဆိုင်ရာ မှန်ကန်တဲ့ ဉပဒေတွေ ပေါ်ပေါက်တာနဲ့ အမျှ ဂျာမနီ နိုင်ငံ အပါအဝင် နိုင်ငံတကာ ရင်းနှီးမြှပ်နှံသူတွေ ရော မြန်မာ ပြည်သူတွေ ပါ အကျိုးကျေးဇူး ရှိနိုင်မယ့် စီးပွားရေး တွေ ဉီးစားပေး လုပ်ကိုင်မယ် လို့ ဂျာမန် နိုင်ငံခြားရေးဝန်ကြီး Guido Westerwelle ကရော ဒေါ်အောင်ဆန်းစုကြည် ကပါ သတင်းထောက်တွေ အမေး ကို ဖြေကြားသွားပါတယ်။

နိုက်ဂျီးရီးယား တက္ကသိုလ်တခု တိုက်ခိုက်ခံရ

အစ္စလာမ် စစ်သွေးကြွတွေကြောင့် ကန်နိုမှာ ထိခိုက် သေဆုံးမှုတွေ များလှပါတယ်

နိုက်ဂျီရီးယားနိုင်ငံက အကြီးဆုံးမြို့ဖြစ်တဲ့ ကန်နိုမြို့မှာ သေနတ်သမားတွေက တက္ကသိုလ် တခုကို တိုက်ခိုက်ခဲ့လို့ လူပေါင်းအနည်းဆုံး ၁၅ ဦးလောက် သေဆုံးသွားပါတယ်။

တိုက်ခိုက်သူအတော်များများက ဘေယီရို တက္ကသိုလ် ဝန်းအတွင်းက ဘုရားကျောင်း နှစ်ခုမှာ ဝတ်ပြုဆုတောင်းနေကြတဲ့ ခရစ်ယာန် ဘာသာဝင်တွေကို သေနတ်နဲ့ ပစ်ခတ်ခဲ့တာ ဖြစ်တယ်လို့ မျက်မြင် တွေ့ရှိသူတွေက ပြောပါ တယ်။

ပေါက်ကွဲမှု အများအပြား ဖြစ်ပွားခဲ့တာကို ကြားခဲ့ရတယ်လို့လည်း မျက်မြင်တွေက ပြောသလို၊ လူအတော်များများလည်း ဒဏ်ရာရသွားကြတယ်လို့ ရဲတပ်ဖွဲ့ ပြောခွင့်ရသူက ပြောပါတယ်။

လဲကျနေတဲ့ အလောင်းတွေကို ဘေယီရို တက္ကသိုလ်ဝန်းထဲမှာ တွေ့နေရပြီး၊ စစ်တပ်ဖွဲ့တခု ကတော့ အဲဒီသေနတ်သမားတွေကို ရှာဖွေနေပါတယ်။

ဒီတိုက်ခိုက်မှုကို ဘယ်သူတွေက လုပ်ဆောင်တယ်ဆိုတာကိုတော့ မသိရသေးပါ။ ဒါပေမယ့်လည်း အစ္စလာမ်စစ်သွေးကြွ ဘိုကို ဟာရမ်းအဖွဲ့ဟာ ကန်နိုမှာ အကြမ်းဖက် လှုပ်ရှားနေကြတာ ဖြစ်ပါတယ်။

ပြီးခဲ့တဲ့ ဇန်နဝါရီလကလည်း ကန်နိုပြည်နယ်မှာ ဖြစ်ပွားခဲ့တဲ့ ဘိုကို ဟာရမ်းအဖွဲ့ရဲ့ တိုက်ခိုက်မှုတွေကြောင့် လူပေါင်း အနည်းဆုံး ၁၈၅ ဦးသေဆုံးသွားခဲ့ပါတယ်။

မြန်မာအပေါ် ဒဏ်ခတ်မှုတွေ ဖယ်ရှားဖို့ ကုလ အတွင်းရေးမှူးချုပ် တိုက်တွန်း

By ကျော်ကျော်သိန်း

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban ki-moon) ပြည်ထောင်စု လွှတ်တော် သို့ မိန့်ခွန်း ပြောစဉ်။ ဧပြီ ၃၀ ၂၀၁၂။

မြန်မာနိုင်ငံပေါ်ချမှတ်ထားတဲ့ ဒဏ်ခတ်အရေးယူမှုတွေကို နောက်ထပ် ရုပ်သိမ်း ဖြေလျှော့ပေးဖို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban ki-moon) က နိုင်ငံတကာ အသိုင်းအ၀ိုင်းကို တိုက်တွန်းလိုက်ပါတယ်။ ဒီကနေ့ မြန်မာနိုင်ငံ ကလွှတ်တော် နှစ်ရပ်ပေါင်း ပြည်ထောင်စု လွှတ်တော်ရှေ့မှောက်မှာ ပြောကြားတဲ့ မိန့်ခွန်းကနေတဆင့် အဲဒီလို တိုက်တွန်းသွား တာပါ။ မြန်မာနိုင်ငံအနေနဲ ဖွံ့ဖြိုး တိုးတက်ရေး ဆိုင်ရာ အကူအညီတွေနဲ့ နိုင်ငံခြား တိုက်ရိုက်ရင်းနှီး မြှုပ်နှံမှုတွေကိုလည်း အများအပြားလိုအပ်တယ်လို့ ဆိုပါတယ်။

သူ့ရဲ့ တတိယအကြိမ် ခရီးစဉ်အဖြစ် မြန်မာနိုင်ငံမှာ ရောက်နေတဲ့ မစ္စတာဘန်ကီမွန်းဟာ တနှစ်သား လောက်ပဲ ရှိသေးတဲ့ မြန်မာလွှတ်တော် ရှေ့မှောက်မှာ မိန့်ခွန်းပြောတဲ့ ပထမဆုံး ကမ္ဘာ့ခေါင်းဆောင်ပါပဲ။ ဒီကနေ့ မနက်ပိုင်းမှာ လွှတ်တော်အသီးသီး က ဥက္ကဋ္ဌတွေ၊ ရေးရာကော်မတီတွေက လွှတ်တော် ကိုယ်စားလှယ် တွေ စသည်အားဖြင့် တွေ့ဆုံ ဆွေးနွေးတာတွေ လုပ်ခဲ့ပြီးတဲ့ နောက် ပြည်ထောင်စု လွှတ်တော် ရှေ့မှောက်မှာ မိန့်ခွန်းပြောခဲ့တာဖြစ်ပါတယ်။

အမျိုးသား ပြန်လည်ရင်ကြားစေ့ရေးကိစ္စ၊ ကုလသမဂ္ဂက ပူးပေါင်းဆောင်ရွက်မယ့်လုပ်ငန်းတွေကိစ္စ၊ လူ့အခွင့်အရေး၊ ဒီမိုကရေစီ ရေးအခြေအနေတွေ စဉ်ဆက်မပြတ် တိုးတက်ရေးကိစ္စ၊ လွှတ်တော်တွေဟာ နိုင်ငံအတွက် အားထားရာအဖြစ်နဲ့ လွှတ်တော်ရဲ့ အခြေအနေကို အလေးအနက်ထား ပြောဆိုခဲ့တာတွေထဲမှာ အဓိက ပါဝင်တဲ့အချက်တခုကတော့ မြန်မာနိုင်ငံအပေါ် ဒဏ်ခတ် အရေးယူထားတာတွေကို နောက်ထပ် ရုပ်သိမ်းပေးဖို့ တိုက်တွန်းခဲ့တာပဲဖြစ်ပါတယ်။

“ကုန်သွယ်ရေးဆိုင်ရာ ကန့်သတ်ချက်တွေနဲ့ တခြား ဒဏ်ခတ်အရေးယူထားတာတွေကို နောက်ထပ် ရုပ်သိမ်း ပေးဖို့၊ ဆိုင်းငံ့ပေးဖို့ ဒါမှမဟုတ် ဖြေလျှော့ သက်သာပေးဖို့ နိုင်ငံတကာ အသိုက်အ၀န်းကို ကျနော် တိုက်တွန်း ပါတယ်။ ဒုတိယအနေနဲ့ ဖွံ့ဖြိုး တိုးတက်ရေးဆိုင်ရာ နိုင်ငံတကာ ရဲ့ အကူအညီကိုရော နိုင်ငံခြား တိုက်ရိုက်ရင်းနှီးမြှပ်နှံမှုတွေပါ အလုံးအရင်းနဲ့ တိုးမြှင့်ဖို့ မြန်မာနိုင်ငံက လိုအပ်ပါတယ်” လို့ ဘန်ကီမွန်းက ပြောပါတယ်။

မြန်မာနိုင်ငံက ဒီကနေ့ဖြစ်ပေါ် တိုးတက်မှုတွေမှာ ကုလသမဂ္ဂရဲ့ အခန်းကဏ္ဍ ဘယ်လောက်အထိ ရှိခဲ့ သလည်း ဆိုတာကို တိတိကျကျ ပြောဖို့ခက်ပေမဲ့ အတွင်းရေးမှူးချုပ် ကိုယ်တိုင်ကတော့ ကုလသမဂ္ဂအနေနဲ့ သံခင်းတမန်ခင်း အရ နောက်ကွယ်ကနေ တိုးတိုးတိတ်တိတ် တိုက်တွန်း အကြံပေးတာတွေ တောက်လျှောက် ရှိခဲ့တယ်လို့ ပြောခဲ့ဖူးပါတယ်။ ဒါ့အပြင် သူကိုယ်တိုင်ရော သူ့ရဲ့ မြန်မာ့အရေး အထူးအကြံပေး ပုဂ္ဂိုလ်တွေရော မြန်မာနိုင်ငံကို သွားရောက်ခဲ့ကြတာမှာ အခုခရီးစဉ်ဟာ လေးနှစ်အတွင်း သုံးကြိမ်မြောက်ပါ။

မြန်မာနိုင်ငံဆီ မရောက်ခင်ကတည်းကိုက ဖြစ်ထွန်းတိုးတက်မှုတွေအတွက် သမ္မတဦးသိန်းစိန် နဲ့ ဒေါ်အောင်ဆန်း စုကြည်တို့ကို ကိုယ်တိုင်တွေ့ဆုံပြီး ချီးကျူးဂုဏ်ပြုစကား ပြောမယ်လို့ ဆိုထားပါတယ်။ လွှတ်တော်တွင်းပြောတဲ့ မိန့်ခွန်းထဲမှာလည်း ဒီကိစ္စကို ထည့်သွင်းပြောဆိုသွားပါတယ်။

“မြန်မာနိုင်ငံမှာဖြစ်နေတဲ့ ကျယ်ပြန့်ပြီး ထူးခြားတဲ့ အပြောင်းအလဲတွေက ကမ္ဘာကြီး ကို အားတက်စေ ပါတယ်။ လူကြီးမင်းတို့ရဲ့ အနာဂတ်ရည်မှန်းချက်တွေ ပိုပြီးမြင့်မားနေတုန်းပဲဆိုတာ ကျနော်တို့သိပါတယ်။ မြန်မာနိုင်ငံဟာ နိုင်ငံတကာ အသိုက်အ၀န်းကြားမှာ လေးစားခံရပြီး တာဝန်ယူမှု ရှိတဲ့ နိုင်ငံတခု ရဲ့ နေရာကို အလျင်အမြန်ပဲ ပြန်ရောက် လာလိမ့်မယ်ဆိုတာ ကျနော် သံသယမရှိပါဘူး” လို့ ကုလသမဂ္ဂ အတွင်းရေးမှူး ချုပ် ဘန်ကီမွန်းက မြန်မာနိုင်ငံရဲ့  ပြည်ထောင်စု လွှတ်တော် ရှေ့မှောက်မှာ ပြောသွားပါတယ်။

မစ္စတာဘန်ကီမွန်း ရဲ့ မိန့်ခွန်းအပေါ် ကိုယ်တိုင် တက်ရောက် နားထောင်ခဲ့သူ အမျိုးသား လွှတ်တော် ကိုယ်စားလှယ် ဦးဖုန်းမြင့် အောင်က အခုလိုပြောပါတယ်။

“ကောင်းပါတယ်။ သူ ပြောသွားတဲ့ ဟာတွေက ယေဘုယျ ဆန်ဆန် ပြောသွားတာ။ ကျနော် တို့ နိုင်ငံ ဒီမိုကရေစီ ပြောင်းလဲရေး ကို ကမ္ဘာမှာလည်း လက်ခံမယ်။ နိုင်ငံတကာကလည်း ကျနော် တို့ကို ပြန်ပြီးတော့ အသိုင်းအဝိုင်းက ပြန်ပြီး လက်ခံတယ် ဆိုတဲ့ အချက်တွေကိုလည်း ပြောပါတယ်။”

ဒီကနေ့ မစ္စတာဘန်ကီမွန်း မိန့်ခွန်းပြောကြားချိန်မှာ ဒေါ်အောင်ဆန်းစုကြည်အပါအ၀င် NLD က ရွေးကောက် ခံထားရတဲ့ လွှတ်တော် ကိုယ်စားလှယ်တွေတော့ လွှတ်တော်တွင်း ရှိမနေခဲ့ကြသေးပါဘူး။ အတွင်းရေးမှူး ချုပ် မိန့်ခွန်း ပြောချိန်နဲ့ မရှေးမနှောင်း ဆိုသလိုမှာမှ ကျမ်းကျိန်ဆိုရေးကိစ္စ လိုက်လျော လိုက်ပြီလို့ ဒေါ်အောင်ဆန်း စုကြည်က ကြေညာခဲ့တာပါ။

ကုလသမဂ္ဂ အတွင်းရေးမှူးချုပ်ဟာ ဒီကနေ့မနက်ပိုင်းမှာ နိုင်ငံတော်သမ္မတ ဦးသိန်းစိန်အပါအ၀င် အစိုးရ အဖွဲ့တာဝန်ရှိသူတချို့နဲ့ လည်း တွေ့ဆုံခဲ့ပါတယ်။ မနက်ဖြန်မှာတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့ တွေ့ဆုံဖို့ရှိတယ်ဆိုတာကို ဒေါ်အောင်ဆန်း စုကြည်ကိုယ်တိုင်က ဒီကနေ့ သတင်းစာ ရှင်းလင်းပွဲအတွင်း ပြောခဲ့ပါတယ်။ ဒါ့အပြင် လူထုအခြေပြု လူမှုအဖွဲ့ အစည်းတချို့နဲ့လည်း တွေ့ဆုံဖို့ ရှိတယ်လို့ သိထားရပေမဲ့ အသေးစိတ် မသိရသေးသလို သီးခြားအတည်ပြုချက်လည်း မရသေး ပါဘူး။

ကချင်မှာ တိုက်ပွဲတွေ အပြင်းအထန် ပြန်ဖြစ်

By စံမိုးဝေ

ကေအိုင်အေ ကချင်တပ်သားသစ် တဦး လိုင်ဇာ အနီးရှိ စစ်စခန်း တစ်ခုတွင် လေ့ကျင့်နေစဉ်။ ဧပြီ ၁၇ ၂၀၁၀။

ကချင်ပြည်နယ် မှာ ဖြစ်ပွားနေတဲ့ သွေးထွက် သံယို မှု တွေကို ရပ်စဲအောင် လုပ်ဆောင်ကြဖို့ မစ္စတာ ဘန်ကီမွန်း က တိုက်တွန်း လိုက်ချိန်မှာဘဲ လက်ရှိ ကချင်ပြည်နယ် အတွင်းမှာတော့ တိုက်ပွဲတွေက ဆက်လက်ပြီး ဖြစ်ပွားနေတာပါ။ ဒါ့အပြင် ဒီတိုက်ပွဲတွေ နဲ့ ပတ်သက်ပြီး ကေအိုင်အို ကချင်လွတ်မြောက်ရေး အဖွဲ့ နဲ့ မြန်မာ အစိုးရ တပ်တွေ ကြားမှာလည်း အပြန်အလှန် စွပ်စွဲမှု တွေ ထွက်ပေါ်နေပါတယ်။ အကဲခတ် စောင့်ကြည်သူတွေကတော့ နှစ်ဘက်အကြားမှာ အပစ်ရပ် ငြိမ်းချမ်းရေး ရဖို့ ထက် တိုက်ပွဲတွေ တိုးလာဖို့က ပိုများနေတယ် လို့ သုံးသပ်ကြပါတယ်။

မြန်မာ အစိုးရက တိုင်းရင်းသား လူမျိုးစု လက်နက် ကိုင်အဖွဲ့တွေ နဲ့ အပစ်ရပ် ငြိမ်းချမ်းရေး ဆွေးနွေးမှုတွေ သဘောတူညီမှုတွေ ပြုလုပ်နေတဲ့ သတင်းတွေ ထွက်ပေါ်နေချိန်မှာဘဲ မြန်မာ နိုင်ငံ မြောက်ပိုင်း ကချင် ပြည်နယ် အတွင်းမှာတော့ ပစ်ခတ် တိုက်ခတ်မှုတွေ ဗုံးကွဲတဲ့ သတင်းတွေ ကြားသိနေရပါတယ်။ အစိုးရပိုင် သတင်းစာ ဖြစ်တဲ့ မြန်မာ့ အလင်း သတင်းစာ မှာ ဆိုရင်လည်း ကေအိုင်အေ၊ ကချင် လွတ်မြောက်ရေး တပ်မတော် က ပစ်ခတ်တဲ့ အတွက် ဒေသခံ ပြည်သူတွေ သေကြေရတယ်။ မန္တလေး မြစ်ကြီးနား အထူး အိပ်စင် ရထားကို မိုင်းခွဲတဲ့ အတွက် ရထားတွဲတွေ တိမ်းမှောက်ခဲ့ရတယ် လို့ ရေးသားထားပါတယ်။ ကေအိုင်အေ အဖွဲ့ရဲ့ ပြောရေးဆိုခွင့်ရှိသူ ဦးလနန် ကတော့ ကေအိုင်အေ ဟာ ပြည်သူလူထု စီးနင်းတဲ့ မီးရထားကို တိုက်ခိုက်တယ် ဆိုတာ မဟုတ်ပါဘူး လို့ ငြင်းပါတယ်။

“အဲဒီဒေသ ဟာ စစ်ကိုင်းတိုင်း နဲ့ နယ်စပ်ဖြစ်သွားပြီခင်ဗျ။ ကျနော် တို့ရဲ့ ကချင် တပ်ဖွဲ့ဝင်တွေ အဲဒီ လောက် မိုးညှင်းအောက် အထိ သွားလာ လှုပ်ရှားနိုင်တဲ့ ဒေသ မဟုတ်ဘူး ခင်ဗျ။ နောက်ပြီးတော့ ဒီ သံလမ်းဘက်မှာလည်း ကိုက် ၂၀၀ လောက် မှာ သူတို့ လုံခြုံရေး စခန်းတွေ၊ လုံခြုံရေး ကင်းတွေ ချထားပြီး အချိန်ပြည့် ကားလမ်း လုံခြုံရေး၊ ရထားလမ်း လုံခြုံရေး ယူထားတဲ့ အစိုးရ တပ်ဖွဲ့ဝင် တွေရှိတယ်။ ရဲတွေ ရှိတယ်။ ဒါကြောင့် အဲဒီ ဖြစ်သွားတဲ့ ရထားလမ်း မိုင်းကွဲတယ် ဆိုတဲ့ ကိစ္စဟာလည်း သူတို့က ကေအိုင်အေ ဆိုပြီး စွပ်စွဲတာမျိုး ရှိတယ်။ သက်သေ အထောက်အထားတော့ ပြနိုင်သလား တော့ မသိဘူး ခင်ဗျ။ ဒါပေမဲ့ ခုနက ပြောသလိုပါဘဲ။ ဒီ လောက်ကြီး ကချင် ပြည်နယ် ရဲ့ အောက်ပိုင်း စစ်ကိုင်းတိုင်း နယ်စပ်အထိ ကျနော် တို့ တပ်ဖွဲ့တွေ လှုပ်ရှား ဖို့လည်း ကျနော် တို့ ဘက်မှာလည်း လမ်းပန်းဆက်သွယ်ရေးလည်း အဲဒီလောက်ကြီး မရှိဘူး။ အဲဒီ ဘက်မှာ တပ်ဖွဲ့တွေ မရှိဘူး ခင်ဗျ။ ဒါကြောင့် သူတို့ စွပ်စွဲချက် ဟာ မဖြစ်နိုင်တဲ့ ကိစ္စပါ။”

ကချင် ကေအိုင်အို အဖွဲ့ ထိန်းချုပ်ရာ နယ်မြေတွေ မှာ အပြန်အလှန် ပစ်ခတ်နေတယ် ဆိုတဲ့ သတင်း တွေ ထွက်ပေါ်နေတာ နဲ့ ပတ်သက်ပြီးတော့လည်း ဦးလနန် က အခုလို ပြောပါတယ်။

“လက်နက်ကြီးတွေ ပစ်တာတော့ အဓိက က အစိုးရ တပ်တွေ ပစ်တာပါ။ ရွာထဲကို ပရမ်းပတာ ပစ်တာမျိုးလည်း သူတို့ပဲ လုပ်ကြတာဘဲ ခင်ဗျ။ မနေ့က ည ကလည်း သူတို့ ကန်တောင်ကနေ ပြီး ဂျာဒါ ဘက်ကို လက်နက်ကြီးတွေ နဲ့ တလစပ် ပစ်တာမျိုးတွေ ရှိတယ်။ ကျနော် တို့ဘက် က တော့ အဲဒီလို ဟာမျိုး လက်နက်ကြီးတွေ နဲ့ တလစပ် ပစ်ဖို့ အလုံအလောက် အဲဒီ လောက်ကြီး မရှိဘူး ခင်ဗျ။ ထိန်းထိန်း သိမ်းသိမ်း နဲ့ ပဲ ကျနော် တို့ အသုံးပြုနေရတာပါ။”

ပြီးခဲ့တဲ့ မတ်လ တုန်းက အပစ်ရပ် ငြိမ်းချမ်းရေး အတွက် ဆွေးနွေးမှု တွေ စတင်ပြုလုပ်ပြီးတဲ့ နောက်ပိုင်း မြန်မာ အစိုးရဘက် ကနေ လေကြောင်းတိုက်ခိုက်မှု တွေ ပါ တိုးလာတယ် လို့ ဦး လနန် က ပြောပါတယ်။

ဒီလို တိုက်ခိုက်မှု တွေ ပြုလုပ်နေရင်းနဲ့ တဖက်ကလည်း ကေအိုင်အို ဘက်က နေ ငြိမ်းချမ်းရေး အတွက် အဟန့် အတားတွေ လုပ်ဆောင် နေပါတယ် ဆိုပြီး တဖက်သတ် ပြောဆိုနေတယ် ဆိုပြီး ဦးလနန်က ပြောပါတယ်။ ကေအိုင်အေ အနေနဲ့ လိုအပ်တဲ့ ခုခံမှုတွေကို တော့ လုပ်ရမှာဘဲ လို့ သူက ပြောပါတယ်။

“ကျနော် တို့ ဘက်ကလည်း တိုက်လို ခိုက်လို တဲ့ ဆန္ဒကြီး ဒီလောက်ကြီး ပြင်းပြတာတော့ မရှိပါဘူး။ ဒါပေမဲ့ အစိုးရ တပ်က နေပြီး ကျနော် တို့ ရဲ့ တပ်စခန်းတွေကို ဝင်ရောက်ပြီးတော့ ပစ်ခတ်တာ မျိုး ထိုးစစ် ဆင်လာတဲ့ အခါမှာတော့ ကျနော် တို့ ဘက်က တတ်နိုင်တဲ့ ဘက်က ပြန်ပြီး ခုခံတဲ့ နည်းနဲ့ တိုက်ပွဲတွေ တော့ လုပ်ရမှာဘဲ။ ဒီအတိုင်း ငြိမ်ခံ လို့တော့ မဖြစ်ဘူး ခင်ဗျ။”

အခုလို ဖြစ်ပွားနေတဲ့ တိုက်ပွဲတွေ ကြောင့် ဒေသတွင်းမှာ စစ်ပြေးဒုက္ခသည် တွေ လျှော့ပါးသွားတယ် ဆိုတာ မရှိဘဲ တိုးတိုး လာနေတာဘဲ ရှိတယ် လို့ ဦးလနန် က ဆိုပါတယ်။ ကုလသမဂ္ဂ အထွေထွေ အတွင်းရေးမှူး မစ္စတာ ဘန်ကီမွန်းက လွှတ်တော် အတွင်း မိန့်ခွန်း ပြောဆိုခဲ့ရာမှာ တခြား လက်နက် ကိုင် အဖွဲ့တွေနဲ့ အပစ်ရပ်ရေး အောင်အောင်မြင်မြင် လုပ်ဆောင် နိုင်ခဲ့ပေမဲ့ ကချင်ပြည်နယ်မှာတော့ အခုထိ အဆင်မပြေသေးဖူး ဖြစ်နေတယ်။ အပစ်ရပ်ရေးနဲ့ နိုင်ငံရေး သဘောတူညီ မှု ကနေ ရလာမယ့် ငြိမ်းချမ်းရေး နဲ့ ဖွံ့ဖြိုးမှု အခွင့်အလန်းတွေကို ကချင်ပြည်သူတွေလည်း ရရှိသင့်တယ် လို့ ပြောကြားသွားပါတယ်။ ထိုင်းနိုင်ငံမှာ အခြေစိုက်တဲ့ ကချင် သတင်းစဉ်ရဲ့ အယ်ဒီတာ ဦးနော်ဒင်းကတော့ လက်ရှိ မြင်တွေ့ နေရတဲ့ အနေအထားအရ ကချင် ဒေသမှာ ငြိမ်းချမ်းရေး ရဖို့ ဆိုတာ ထက် စစ်ရိပ်သန်းတဲ့ အရိပ်အရောင်တွေဘဲ ပိုများနေတယ် လို့ ဆိုပါတယ်။

“ကျနော်နည်းနည်း မြင်တာကတော့ အဓိက ကတော့ အစိုးရနဲ့ ကေအိုင်အို အကြားမှာ နိုင်ငံရေး အရ ဆွေးနွေးမှု ကတော့ လောလောဆယ်က သူတို့ မှာ မရှိဘူးပေါ့နော်။ အဲဒီ အခြေအနေကို မြင်တယ်။ ဘာလို့လဲ ဆိုတော့ အစိုးရဘက် က အပစ်အခတ် ရပ်စဲရေး လုပ်ပြီးတော့မှ အရင် က နဝတ၊ နအဖ လုပ်တဲ့ အစီအစဉ် ပုံစံ လို သူတို့ ရဲ့ စစ်ရေး ကို အရင်လုပ်ပြီးတော့ မှ နိုင်ငံရေး ကို နောက်မှ ဆွေးနွေးဖို့ အတွက်၊ ဒါပေမဲ့ ဒီ အစိုးရ တော့ ၂၀၀၈ အခြေခံ ဥပဒေကို အခြေခံ ပြီးတော့ မှ နိုင်ငံရေး ဆွေးနွေးဖို့ အတွက် ဦးတည်သွားတာ ဖြစ်တယ်။ အဲဒါ ကို ကေအိုင်အို ဘက်က လုံးဝ လက်မခံ ဘူး။ ကေအိုင်အို ကတော့ နိုင်ငံရေး ပြဿနာ ဆိုတာ ပင်လုံ က နေစ လာတာ ဆိုတာ ကို အခိုင်အမာ ယုံကြည်ပါတယ်။ အဲဒါကြောင့် ဒီပင်လုံ ကို အခြေခံ တဲ့ နိုင်ငံရေး ဆွေးနွေးပွဲ ကို ဦးတည် သွားဖို့ အတွက် ၂၀၀၈ အခြေခံ ဥပဒေကို ပြုပြင်ပြီးမှ ဆွေးနွေးရမယ် ဆိုတဲ့ အချက် ကို ကေအိုင်အို ဘက် အခိုင်အမာ တင်ပြထားတာ ဖြစ်တယ်။ ဒီနှစ်ခု ကို သူတို့ ညှိလို့ မရတဲ့ အတွက် အခု အခြေအနေမှာ စစ်ရေးကတော့ ပိုပြီးမှ ၊ စစ်ရေး ဘက်ကို ပိုပြီး ဦးတည် လာတဲ့ အခြေအနေ ဖြစ်တယ် ဆိုတဲ့ ဟာကို ကျနော့် အနေနဲ့ သုံးသပ်ပါတယ်။”

ကချင် သတင်းစဉ်ရဲ့ အယ်ဒီတာ ဦးနော်ဒင်းပါ။

မြန်မာ အစိုးရ ရဲ့ သတင်းစာတွေ မှာ ကချင် လက်နက်ကိုင် အဖွဲ့တွေ ရဲ့ လက်ချက်ကြောင့် ပြည်သူတွေ ထိခိုက်ဒဏ်ရာ ရရှိတယ် ဆိုတဲ့ သတင်းတွေ ရေးသား နေသလို ကချင် လွတ်မြောက်ရေး အဖွဲ့ကလည်း မြန်မာ အစိုးရ တပ်တွေက တိုက်ခိုက်လို့ ပြန်ပြီး ခုခံနေရတယ် လို့ ပြောပါတယ်။

ဆီးရီးယားအပစ်ရပ်လေ့လာရေး ကုလအကဲခတ်အဖွဲ့ခေါင်းဆောင် လုပ်ငန်းစတင်

ဗွီအိုအေ

ဓာတ်ပုံ Reuters

နော်ဝေးဗိုလ်ချုပ် Robert Mood ဒမတ်စကပ်စ်လေဆိပ်မှာ သတင်းထောက်တွေနဲ့ တွေ့ဆုံစဉ်။ ဧပြီလ ၂၉၊ ၂၀၁၂။

ဆီးရီယားနိုင်ငံအတွက် ကုလသမဂ္ဂလေ့လာစောင့်ကြည်ရေးအဖွဲ့ကို ဦးဆောင်ဖို့ ခန့်အပ်ခံရတဲ့ နော်ဝေး ဗိုလ်ချုပ်ဟာ အခု အဲဒီလုပ်ငန်းတာဝန်ကို စတင်ယူလိုက်ပါပြီ။ ဆီးရီယားနိုင်ငံအတွင်း နှစ်ရှည်ဖြစ်ပွားနေတဲ့ ပဋိပက္ခမှာပါဝင်တဲ့ အစုအဖွဲ့ အားလုံးအနေနဲ့ အကြမ်းဖက်မှုတွေကို အဆုံးသတ်ဖို့ သူက တိုက်တွန်း လိုက် ပါတယ်။

အပစ်အခတ်ရပ်စဲရေးသဘောတူညီချက်ကို ဆက်ထိန်းထားနိုင်ဖို့ သမတ ဘာရှားတပ်တွေရော၊ သူပုန်ဖက်က ပါ အပစ်အခတ်ရပ်စဲဖို့ သူက တိုက်တွန်းပါတယ်။ ဗိုလ်ချုပ် Robert Mood ဟာ အခု တနင်္ဂနွေနေ့က ဆီးရီယားမြို့တော် ဒမတ်စကတ်ကို ရောက်ရှိပါတယ်။ သူဟာ ကုလသမဂ္ဂရဲ့ ရှေ့ပြေး လက်နက်မဲ့တပ်ဖွဲ့ ၁၅ ဦးကို ဦးဆောင်ပြီးတော့ ဧပြီ ၁၂ ရက်နေ့ အပစ်အခတ်ရပ်စဲရေး သဘောတူညီမှုတွေကို အကောင်အထည် ဖော်မှု ရှိမရှိ လိုက်လံ စစ်ဆေး စောင့်ကြည့်ရမှာဖြစ်ပါတယ်။

ဒါပေမဲ့လည်း ဆီးရီးယားမှာ တိုက်ခိုက်မှုတွေက ဆက်ဖြစ်နေဆဲပါ။ ဒမတ်စကဒ် လေဆိပ်ကို ရောက်ရောက် ချင်းပဲ သတင်းထောက်တွေကို ပြောရာမှာတော့၊ နိုင်ငံတကာအထူးကိုယ်စားလှယ် ကိုဖီအာနန် ကြားဝင် စေ့စပ်ခဲ့တဲ့ ငြိမ်းချမ်းရေး အစီအစဉ်နဲ့ ကုလသမဂ္ဂရဲ့ အပစ်အခတ်ရပ်ရေး အစီအစဉ်တွေ ပျက်ပြားမှု မဖြစ် အောင် ဆောင်ရွက်ကြမယ့် လေ့လာသူတွေကို ကူညီတဲ့အနေနဲ့ လက်နက်ကိုင်တပ်ဖွဲ့အားလုံး အကြမ်းဖက် တိုက်ခိုက်မှုတွေ ရပ်ဆိုင်းဖို့ သူက မေတ္တာရပ်ခံခဲ့ပါတယ်။

ကုလသမဂ္ဂ စောင့်ကြည့်ရေးအဖွဲ့ဟာ ပြဿနာရပ်အားလုံးကိုတော့ ဖြေရှင်းပေးနိုင်မှာမဟုတ်ဘူးလို့လည်း နော်ဝေး ဗိုလ်ချုပ် Robert Mood က ပြောပါတယ်။ အပစ်အခတ်ရပ်စဲရေးတွေ လုပ်ခဲ့ပေမဲ့လို့ သမတ ဘာရှားအယ်အာဆတ်ကို သစ္စာခံတဲ့ တပ်တွေဟာ တိုင်းပြည်တ၀န်းက အတိုက်အခံနေရာတွေကို တိုက်ခိုက် နေဆဲဖြစ်ပါတယ်။ သူပုန်တွေဖက်က လည်း အစိုးရလုံခြုံရေးတပ်တွေကို ခြောင်းမြောင်း တိုက်ခိုက်မှုတွေ လုပ်နေပါတယ်။ တဖက်နဲ့တဖက် ဘယ်သူက ရန်စတယ်ဆိုပြီတော့လည်း အပြန်အလှန် စွပ်စွဲနေကြပါတယ်။ အပစ်အခတ်ရပ်စဲရေး သဘောတူညီချက်ကို ချိုးဖောက်ပြီးတော့ ဆီးရီယားအစိုးရတပ်တွေဟာ အရပ်သား တွေရှိရာကို လက်နက်ကြီးတွေနဲ့ပစ်ခတ်တယ်ဆိုပြီး ကုလသမဂ္ဂအတွင်းရေးမှုးချုပ် ဘန်ကီမွန်းက အစိုးရကို အပြစ်တင်စွပ်စွဲပါတယ်။

တနင်္ဂနွေနေ့မှာပဲ နိုင်ငံတ၀န်းအကြမ်းဖက်မှုတွေကြောင့် အနည်းဆုံး လူ ၂၅ ဦးသတ်ဖြတ်ခံရတယ်လို့ တတ်ကြွလှုပ်ရှားသူ တွေက ပြောပါတယ် ။ နောက်ဆုံးအဖြစ်အပျက်တော့ ဆီးရီယားလုံခြုံရေးတပ်တွေဟာ Homs မြို့လယ်ခေါင်မှာ လူနှစ်ဦးနဲ့ အခြားအနီးအနားမှာ အရပ်သားတဦးတို့ကို တနင်္ဂနွေနေ့ က ပစ်သတ်ခဲ့ တယ်လို့ ဗြိတိန်အခြေစိုက် လူ့အခွင့်အရေးအဖွဲ့တခုက ကြေညာပါတယ်။ ဆီးရီးယားမှာ အထိအခိုက် အသေအပျေက်တွေနဲ့ပတ်သက်လို့ အတိအကျတော့ သီးခြားအတည်ပြုလို့မရပါဘူး။

ရေရှည်တည်တံ့မယ့် မြန်မာ့ပြုပြင်ပြောင်းလဲရေး ဂျာမဏီထောက်ခံမည်

ခင်စိုးဝင်း  

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် ဂျာမဏီနိုင်ငံခြားရေးဝန်ကြီး Guido Westerwelle တို့ ပူးတွဲသတင်းစာရှင်းလင်းပွဲ။ (ဧပြီလ ၂၉၊ ၂၀၁၂။)

မြန်မာနိုင်ငံကိုရောက်ရှိနေတဲ့ ဂျာမဏီနိုင်ငံခြားရေးဝန်ကြီး Guido Westerwelle က ဂျာမဏီနိုင်ငံအနေနဲ့ မြန်မာ့ပြုပြင် ပြောင်းလဲရေးကို အားပေးထောက်ခံသွားမယ်လို့ ဒေါ်အောင်ဆန်းစုကြည်နဲ့ မနေ့ကတွေ့ဆုံစဉ် ကတိပြုလိုက်ပါတယ်။ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်က ပြုပြင် ပြောင်းလဲရေး လုပ်ငန်းစဉ်ဟာ နောက် ကြောင်းပြန်လှည့်မှာမဟုတ်ဘူးလို့တော့ ပြောလို့မရနိုင်သေးဘူးလို့ ယူဆတဲ့အကြောင်းပြောဆိုလိုက်ပါတယ်။

ဂျာမဏီနိုင်ငံခြားရေးဝန်ကြီး Guido Westerwelle ဟာ မနေ့က တနင်္ဂနွေနေ့မှာ ရန်ကုန်မြို့ကို ခရီး ရောက်မဆိုက် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။ Guido Westerwelle ဟာ အီးယူ ဥရောပ သမဂ္ဂက မြန်မာ အပေါ်ပိတ်ဆို့မှုတွေ တနှစ်ဆိုင်းငံ့ပေးဖို့ ဆုံဖြတ်းပြီး တဲ့နောက်၊ ၂၅ နှစ်တာကာလအတွင်း မြန်မာနိုင်ငံ ကိုပထမဆုံး လာရောက်တဲ့ ဂျာမဏီနိုင်ငံခြားရေးဝန်ကြီး ဖြစ်ပါတယ်။ ဒေါ်အောင်ဆန်းစုကြည်နဲ့ ပူးတွဲပြုလုပ်တဲ့ သတင်းစာရှင်းလင်းပွဲမှာ ဂျာမဏီနိုင်ငံရဲ့ မြန်မာ နိုင်ငံအပေါ်ရပ်တည်ချက်နဲ့ ပတ်သက်ပြီးအခုလိုပြောဆိုလိုက်ပါတယ်။

“ကျနော်တို့အနေနဲ့ ရေရှည်တည်တံ့မယ့် ပြုပြင်ပြောင်းလဲရေးကို ထောက်ခံအားပေးလိုပါတယ်။ ပြုပြင် ပြောင်းလဲရေး ရေရှည်ခိုင်မြဲမယ်လို့တော့ ဘယ်သူကမှ အာမခံလို့မရတာကို ကျနော်တို့သိပါတယ်။ ဒါပေမဲ့ ရေရှည်တည်မြဲစေချင်တာက တော့ ကျနော်တို့ရဲ့အဓိကအမှာစကားဘဲဖြစ်ပါတယ်။ ဂျာမဏီနိုင်ငံဟာ မြန်မာ ပြည်သူတွေကိုထောက်ခံပြီး အတူတကွ ရပ်တည်ဖို့ အဆင်သင့်ပါဘဲ။ ပြည်သူလူထုနဲ့ ဒီမိုကရေစီ ရေရှည် တည်တံ့မယ့်နည်းလမ်းတွေ၊ လွတ်လပ်မှုနဲ့ တရားဥပဒေ စိုးမိုးရေးအတွက် ထောက်ခံပံ့ပိုးပေးဖို့ ဆန္ဒရှိ ပါတယ်။”

မြန်မာအစိုးရက နိုင်ငံရေးနဲ့ စီးပွားရေးတင်းကြပ်မှုတွေကို အထိုက်အလျောက် လျှော့ပေးလိုက်တဲ့အတွက် အသိအမှတ် ပြုတဲ့အနေနဲ့ အထောက်အပံ့နဲ့ ရင်နှီးမြှုပ်နှံမှု နယ်ပယ်ကိုသာ အများအားဖြင့် ရည်ရွယ် အဓိက ထားပြီး EU ဥရောပ သမဂ္ဂရဲ့ ပိတ်ဆို့မှုကို တနှစ်ဆိုင်းငံ့ပေးလိုက်တာဖြစ်ပါတယ်။ ဒါပေမဲ့ ပြုပြင် ပြောင်းလဲ ရေး တိုးတက်မှုမရှိဘူးဆိုရင်တော့ အချိန်မရွေး ပိတ်ဆို့မှုနဲ့ ပြန်အရေးယူနိုင်အောင် လမ်းဖွင့်ထားဆဲ ဖြစ်ပါ တယ်။

ပြုပြင်ပြောင်းလဲရေး လုပ်ငန်းစဉ်ရေရှည်ခံဖို့ အာမခံချက်ရှိမရှိဆိုတာနဲ့ ပတ်သက်လို့ ဒေါ်အောင်ဆန်းစုကြည် က သူ့ရဲ့ အမြင်ကို အခုလို ပြောပါတယ်။