29.04.2012 နေ့ဖတ်ရန်သတင်းများ

by Myanmar Journal on Saturday, April 28, 2012 at 3:45pm ·

မြန်မာနိုင်ငံက ရွေးကောက်ပွဲကတောင် ပိုမို လွတ်လပ် မျှတမှု ရှိတယ်လို့ အီဘရာဟင်ပြောမလေးရှားနိုင်ငံမှာ ရွေးကောက်ပွဲစနစ် ပြောင်းလဲရေး ဆန္ဒပြ

မလေးရှားနိုင်ငံမှာ နှစ်ပေါင်းများစွာအတွင်း အကြီးမားဆုံးသော ဆန္ဒပြမှုတွေ ဖြစ်ပွား နေရာ ရဲတပ်ဖွဲ့က ဆန္ဒပြသူတွေကို မျက်ရည်ယို ဗုံးတွေနဲ့ ပစ်ခတ်ကာ၊ မီးသတ်ပိုက်တွေနဲ့ လည်း တားဆီးခဲ့ပါတယ်။

ဆန္ဒပြသူတွေက ရွေးကောက်ပွဲ ဆိုင်ရာ ပြုပြင် ပြောင်းလဲမှုတွေ လုပ်ပေးဖို့ တောင်းဆိုနေကြတာ ဖြစ်ပါတယ်။

ဆန္ဒပြသူတချို့က မြို့တော် ကွာလာလမ်ပူ အလယ်မှာ ပိတ်ထားတဲ့ အကာအရံတွေကို ကျော်လွှားဖို့ ကြိုးစားရာမှာ ရဲကအခုလို မျက်ရည်ယိုဗုံးတွေ မီးသတ်ပိုက်တွေနဲ့ တားဆီးခဲ့တာ ဖြစ်ပါတယ်။

အခုလက်ရှိ အာဏာရပါတီကို အခွင့်အရေးပိုပေးထားတဲ့ ရွေးကောက်ပွဲဆိုင်ရာ မူဝါဒ တွေနဲ့ မဲပေးနိုင်သူ စာရင်းတွေ ကို ပြန်လည် ပြင်ဆင် မွန်းမံမှုတွေ လုပ်ပေးဖို့ တောင်းဆိုနေ ကြတာပါ။

အာဏာရ ဝန်ကြီးချုပ် နာဂျစ်ရာဇာတ်ရဲ့ ညွန့်ပေါင်း အစိုးရကို လာမယ့် ရွေးကောက်ပွဲမှာ ပိုအကျိုးအမြတ် ရှိစေလိမ့်မယ်လို့ ဆန္ဒပြသူတွေက ယူဆထားတာ ဖြစ်ပါတယ်။

ရဲတွေရဲ့ ခန့်မှန်းချက်အရ ဆန္ဒပြသူတွေ ၂ သောင်း ၅ ထောင်လောက်ရှိမယ်လို့ ပြောပေမဲ့၊ မလေးရှား သတင်းတွေထဲမှာ လူပေါင်း ၈ သောင်းလောက်ရှိတယ်လို့ ဖေါ်ပြကြပါတယ်။

မလေးရှားပါလီမန်က အခုလအတွင်း ရွေးကောက်ပွဲနဲ့ ပတ်သက်တဲ့ အပြောင်းအလဲတွေကို အတည်ပြုခဲ့ပေမယ့်၊ အဓိကကျတဲ့ ရွေးကောက်ပွဲ မသာမာမှု လုပ်နိုင်တာတွေကိုတော့ ပြောင်းလဲခဲ့ခြင်း မရှိဘူးလို့ နိုင်ငံရေးလှုပ်ရှားသူတွေက ပြောပါတယ်။

မလေးရှား အတိုက်အခံ ခေါင်းဆောင် အန်နဝါ အီဘရာဟင်က မြန်မာနိုင်ငံနဲ့ နှိုင်းယှဉ်ပြရာမှာ မြန်မာနိုင်ငံရဲ့ ရွေးကောက်ပွဲ လုပ်ထုံးလုပ်နည်းတွေကတောင် မလေးရှားနဲ့ စာရင် အတိုက်အခံ တွေ အတွက် ပိုပြီး လွတ်လပ်မျှတမှု ရှိတယ်လို့ ပြောကြားသွားပါတယ်။

အမေရိကန် စတော့ခ် အိတ်စ်ချိန်းအမေရိကန် စီးပွားရေး တိုးတက်မှု နှေးကွေး

ဒီနှစ် ပထမလေးလပတ်မှာ အမေရိကန် စီးပွားရေး တိုးတက်မှုနှုန်း နှေးကွေးနေတယ် ဆိုတာကို အသစ် ထွက်လာတဲ့ ကိန်းဂဏန်းတွေက ပြနေပါတယ်။

အမေရိကန် ကုန်သွယ်ရေး ဌာနရဲ့ ပြောကြားချက်အရ ပြီးခဲ့တဲ့ နှစ်ကုန် လေးလပိုင်းမှာ ရှိခဲ့တဲ့ ၃ ရာခိုင်နှုန်း နဲ့စာရင် နှစ်စဉ် စီးပွားတိုးတက်မှု နှုန်းဟာ ၂.၂ ရာခိုင်နှုန်း ဘဲ ရှိတယ်လို့ ဆိုပါတယ်။

သမ္မတ ရွေးကောက်ပွဲ ကျင်းပမယ့် နှစ်မှာ စီးပွားရေးနဲ့ ပတ်သက်တဲ့ သတင်းအားလုံးဟာ အရေးကြီးတယ် ၊ အခုနောက်ဆုံး ထွက်လာတဲ့ ကိန်းဂဏန်းတွေဟာ စိတ်ပျက်စရာ ကောင်းပြီး အခု စီးပွားရေး တိုးတက်မှုနှုန်းဟာ အမေရိကန် အလုပ်လက်မဲ့ ပြဿနာရဲ့ အကျိုးသက်ရောက်မှုကို ထိုက်သင့်သလောက် ကုစားနိုင်မှာ မဟုတ်ဘူးလို့ ဘီဘီစီ စီးပွားရေးရာ သတင်းထောက်က ပြောပါတယ်။                      

ကားလို့စ် ဂေါ်မေးဇ် ဂျူနီယာ ပြန်လွတ်လာGuinea Bissau မှာ ဖမ်းထားသူတွေ ပြန်လွတ်ပေး

ဂီနီ ဘစ်ဆောင် မှာ အခုလ အစောပိုင်းတုန်းက အာဏာသိမ်းပြီး ဖမ်းဆီးခံထားရတဲ့ ထိပ်တန်း ခေါင်းဆောင် နှစ်ယောက်ကို အခုတော့ စစ်တပ်က ပြန်လွတ်ပေးလိုက်ပြီမို့ အိုင်ဗရီကိုးစ် နိုင်ငံကို ရောက်လာပါပြီ။

အဖမ်းခံ ခဲ့ရတဲ့သူ နှစ်ယောက်ကတော့ သမ္မတ ရွေးကောက်ပွဲမှာ အနိုင်ရဖို့ ရှေ့က ပြေးနေတဲ့ Carlos Gomez Junior နဲ့ ကြားဖြတ် အစိုးရ သမ္မတ Raimundo Pereira တို့ ဖြစ်ပြီး သူတို့ကို အနောက်အာဖရိက နိုင်ငံများ အဖွဲ့ အီကိုဝက်စ်ရဲ့ လက်ရှိ ဥက္ကဌ အိုင်ဗရီကိုးစ် သမ္မတ Alassane Ouattara က အခု စနေ တနင်္ဂနွေမှာ လက်ခံ တွေ့ဆုံပါလိမ့်မယ်။

ဂီနီ ဘစ်ဆောင်မှာ စစ်တပ်က အရပ်သား လက်ထဲ အာဏာ မလွှဲပေးဘူး ဆိုရင် သူတို့ တပ်ဖွဲ့တွေ စေလွှတ်မယ်လို့ အီကိုဝက်စ် အဖွဲ့ကြီးက သတိပေးထားပါတယ်။

လာမယ့် တနှစ်အတွင်း အရပ်သား အစိုးရ လက်ထဲ အာဏာလွှဲပေးဖို့ အာဏာသိမ်း စစ်ခေါင်းဆောင်တွေက သဘောတူထားပြီးပြီလို့ သတင်းတွေ ရရှိပါတယ်။                      

La Paz ကို ဝေးဝေးလံလံ ချီတက် ဆန္ဒပြအမေဇုံကိုဖြတ် လမ်းဖောက်မယ့် အစီအစဉ် ဆန္ဒပြပြန်ပြီ

ဘိုလီးဗီးယား နိုင်ငံမှာ သူတို့ဒေသကို ဖြတ်ပြီး လမ်းဖောက်လုပ်မယ့် အစိုးရ စီမံကိန်းကို ဆန့်ကျင်တဲ့ အနေနဲ့ ဒေသခံ လူသုံးရာလောက်ဟာ ဝေးလံလှတဲ့ La Paz လာပက်ဇ်မြို့ကို ဒုတိယ အကြိမ် ချီတက် ဆန္ဒပြခဲ့ ကြပါတယ်။

ဒီလမ်းဖောက်မယ့် အစီအစဉ်က ဒေသန္တရရဲ့ သဘာဝ သစ်တောနဲ့ ရေဝေရေလဲကို ပျက်စီးစေတယ်လို့ ဆိုပါတယ်။

ပြီးခဲ့တဲ့ နှစ်တုန်းကလည်း အလားတူ ချီတက် ဆန္ဒပြမှု တခု လုပ်ခဲ့တာကြောင့် သမ္မတ အီဗို မိုရဲလ်စ်က ဒီစီမံကိန်းကို ဖျက်သိမ်းခဲ့တာပါ။

ဒါပေမယ့် တခြား ဒေသဆိုင်ရာ အဖွဲ့တွေက ဒီလမ်းဖောက်လုပ်မှုဟာ အမေဇုံ ဒေသက ဘိုလီးဗီးယား ပြည်သူတွေရဲ့ စီးပွားရေး တိုးတက်မှုကို အလွန်အမင်း အထောက်အကူ ဖြစ်စေတယ်လို့ ဆိုတာကြောင့် သမ္မတက ဒီစီမံကိန်းကို ပြန်အကောင်အထည် ဖော်ခဲ့တာ ဖြစ်ပါတယ်။

အခုတော့ ဒေသထဲက အဖွဲ့အစည်းတွေ အကုန်လုံး ဒီစီမံကိန်း အတွက် ဆန္ဒမဲ ပေး အဆုံးအဖြတ် ပြုကြဖို့ မစ္စတာ မိုရေးလ်စ်က ပြောပါတယ်။

ကျောင်းသားနှစ်ယောက်ရဲ့ အခန်းကနေ ပေါက်ကွဲ သံ ကြားရပြီးနောက် မီးစွဲလောင်မဲလဒုက္ခသည်စခန်း မီးလောင်မှုဖြစ်ပွား

ထိုင်း-မြန်မာနယ်စပ်၊ ထိုင်းနိုင်ငံ ထဆောင်း ယန်မြို့မှာ တည်ရှိတဲ့ မဲလဒုက္ခသည်စခန်းက ခရစ်ယာန် ဘာသာရေး စာသင်ကျောင်းမှာ စနေနေ့မွန်းတည့်ချိန်လောက်က မီးလောင်မှု ဖြစ်ပွားလို့ ကျောင်းရဲ့အဆောင် အားလုံး မီးထဲ ပါသွားပါတယ်။

မဲလဒုက္ခသည်စခန်း ဇုန် စီ-ဝမ်းက၊ ကော်သူးလေ ကရင်နှစ်ခြင်း ခရစ်ယာန် ကျမ်းစာသင် ကောလိပ် ကျောင်းမှာ မီးလောင်တဲ့တာ ဖြစ်ပြီး၊ ကျောင်းမှာရှိတဲ့ ကွန်ပြူတာခန်းမ၊ စာကြည့်တိုက် အပါအဝင် ကျမ်းစာသင်ကျောင်း အဆောက်အဦးတခုလုံးနဲ့ ဘော်ဒါဆောင်၊ စားသောက်ဆောင်နဲ့ ရိက္ခာဂိုဒေါင်တွေပါမကျန် မီးလောင်ကျွမ်းသွားတယ်လို့ မဲလ ဒုက္ခသည်စခန်း တည်ရှိတဲ့ ထဆောင်းယန်မြို့ အုပ်ချုပ်ရေးမှူးက ပြောပါတယ်။

ရှိုးကလိုးရွာကို ပြန်သွားတဲ့ ကျောင်းသားနှစ်ယောက်ရဲ့ အခန်းကနေ ပေါက်ကွဲသံ ကြားရပြီး နောက် အဲဒီနေရာကနေ ချက်ချင်းမီးစွဲလောင်သွားတာဖြစ်ကြောင်း၊ ထဆောင်းယန် မြို့အုပ်ချုပ်ရေးမှူး နိုင်ဆုမ်ချိုင်း ထရီထစ်ပ်ဒရပ်စကွန် ဘီဘီစီကို ပြောပါတယ်။

နွေရာသီ ကျောင်းပိတ်ချိန်ဖြစ်လို့ လူအထိအခိုက် မရှိပေမဲ့ ဆုံးရှုံးမှု တန်ဖိုးကိုတော့ လောလောဆယ် မသိရသေးပါဘူး။

ဒီကျမ်းစာသင်ကျောင်းဟာ အရင်းတုန်းက ကရင်အမျိုးသားအစည်းအရုံး ကေအင်ယူ ထိန်းချုပ်ထားတဲ့ နယ်မြေမှာတည်ရှိပါတယ်။ အဲဒီမှာ အစိုးရနဲ့ ကေအင်ယူစစ်တပ်တွေ တိုက်ပွဲဖြစ်လို့ အခုရှိတဲ့ မဲလဒုက္ခစခန်းကို ရွှေ့ပြောင်းလာ တာ ၂၃ နှစ်ရှိပါပြီ။

လက်ရှိ ဒီကျောင်းမှာလာပြီး ခရစ်ယာန်ကျမ်းစာ သင်ယူနေတဲ့ ကျောင်းသားတွေ ၃၀၀ ကျော်လောက် ရှိပါ တယ်။ သူတို့ဟာ နယ်စပ်ဒုက္ခသည် စခန်းတွေနဲ့ မြန်မာနယ်စပ် အတွင်းဖက် ရွာတွေကနေ လာ တက်ကြတာပါ။

ဒီကျောင်းရဲ့ သင်ကြားမှု အထောက်အကူ ပစ္စည်းတွေကို ZOA လို့ခေါ်တဲ့ ပရဟိတ အဖွဲ့က တာဝန်ယူ ထောက်ပံ့ပေးပြီးတော့၊TBBC လို့ခေါ်တဲ့ အဖွဲ့က စားသောက်ရေး ကိစ္စတွေကို တာဝန်ယူပါတယ်။

EU ရုံးခန်းသစ် ရန်ကုန်မြို့မှာ ဖွင့်လှစ်

မြန်မာနိုင်ငံကို စနေနေ့ မနက်က ရောက်လာတဲ့ EU ဥရောပသမဂ္ဂ နိုင်ငံခြား မူဝါဒရေးရာ အကြီးအကဲ Catherine Ashton ဟာ EU ရုံးခန်းသစ်တခုကို ရန်ကုန်မြို့မှာ ကိုယ်တိုင် သွားရောက် ဖွင့်လှစ်ပေးခဲ့ပါတယ်။

မြန်မာအစိုးရရဲ့ လက်ရှိ နိုင်ငံရေး ပြုပြင် ပြောင်းလဲမှုတွေကို ထောက်ခံကြောင်း ပြသတဲ့ အနေနဲ့ မြန်မာနိုင်ငံကို လာရောက်တာလို့ Catherine Ashton ကပြောပါတယ်။

Catherine Ashton ဟာ EU ရုံးခန်းသစ် ဖွင့်ပွဲ မတိုင်ခင်မှာ အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် အပါအဝင် NLD အဖွဲ့ဝင်တွေနဲ့ NLD ရုံးချုပ်မှာ တွေ့ဆုံခဲ့ပါတယ်။

အဲဒီနောက် ဒေါ်အောင်ဆန်းစုကြည်နဲ့ ပူးတွဲ လုပ်တဲ့ သတင်းစာ ရှင်းလင်းပွဲမှာ Catherine Astonက ပြုပြင် ပြောင်းလဲမှုတွေ လုပ်ရာမှာ အချိန်ယူရတယ် ဆိုတာကို နားလည်ကြောင်း၊ ဒါပေမယ့် ဒီပြုပြင်ပြောင်းလဲမှုတွေဟာ အခြေခိုင်တဲ့ ပြုပြင် ပြောင်းလဲ မှုတွေ ဖြစ်ဖို့ လိုကြောင်း ပြောသွားပါတယ်။

မြန်မာနိုင်ငံရဲ့ ပြုပြင် ပြောင်းလဲမှု ဖြစ်စဉ်တွေကို EU က ဆက်လက် စောင့်ကြည့်နေမှာ ဖြစ်ပြီး ရေရှည် အထောက်အပံ့တွေ ပေးဖို့ ရှိတယ်လို့လည်း ပြောပါတယ်။

အခုလ အစောပိုင်းတုန်းက မြန်မာနိုင်ငံအပေါ် ထားရှိတဲ့ ဒဏ်ခတ်ပိတ်ဆို့မှုတွေကို EU က တနှစ် ရပ်ဆိုင်းပေးလိုက်ပေမယ့် မြန်မာနိုင်ငံမှာ နောက်ထပ် ဒီမိုကရေစီရေး ပြုပြင် ပြောင်းလဲ မှုတွေ ရှိမှသာ ပိတ်ဆို့မှုတွေ အားလုံးကို ရုပ်သိမ်းပေးမယ်လို့ ကြေညာထားပါတယ်။

Catherine Ashton ဟာ သမ္မတ ဦးသိန်းစိန်နဲ့ တနင်္လာနေ့မှာ တွေ့ဆုံဖို့ ရှိပါတယ်။

ရန်ကုန်မှာ ဥရောပသမဂ္ဂရုံးဖွင့်လှစ်

By မစုမြတ်မွန်

မြန်မာနိုင်ငံက အပြောင်းအလဲတွေဟာ အခြေခိုင်ဖို့လိုအပ်တယ် လို့ မြန်မာနိုင်ငံ မှာ ရောက်ရှိနေတဲ့ EU နိုင်ငံခြား မူဝါဒရေးရာအကြီးအကဲ Catherine Ashton ကပြောလိုက်ပါတယ်။ မြန်မာနိုင်ငံမှာ ပထမဆုံး EU ရုံးကို လာရောက်ဖွင့်လှစ်ပေး ခဲ့တဲ့ EU အကြီးအကဲဟာ ဒီနေ့ နေ့ခင်းပိုင်းက အမျိုးသားဒီမိုကရေစီအဖွဲ့ ချုပ် ခေါင်းဆောင် ဒေါ်အောင်ဆန်းစုကြည်နဲ့လည်း သီးသန့်တွေ့ဆုံခဲ့ပါတယ်။ ကုန်သွယ်ရေး၊ စီးပွားရေးစတဲ့ EU က မြန်မာအပေါ် ဒဏ်ခတ် အရေးယူမှုတွေကို ယာယီဆိုင်းငံ့လိုက်ပြီး ရက်ပိုင်း အတွင်းမှာပဲ မြန်မာနိုင်ငံ ကို EU အကြီးအကဲ ရောက်ရှိလာတဲ့အကြောင်း အပြည့်အစုံကို မစုမြတ်မွန်က တင်ပြထားပါတယ်။

မြန်မာနိုင်ငံမှာ ပထမဆုံး EU ရုံးကို EU နိုင်ငံခြားမူဝါဒရေးရာအကြီးအကဲ Catherine Ashton နဲ့ ရန်ကုန် တိုင်း ဝန်ကြီးချုပ်ဦးမြင့်ဆွေတို့က ဒီကနေ့ ရန်ကုန်မြို့၊ အင်းလျားမြိုင် လမ်းမှာ ဖွင့်လှစ်ပေးခဲ့ကြပါ တယ်။ မြန်မာနိုင်ငံမှာဖြစ်နေတဲ့ အပြောင်းအလဲတွေကို EU က တုံ့ပြန်တဲ့အနေနဲ့ မြန်မာအစိုးရအပေါ် ဒဏ်ခတ်အရေးယူမှုတွေကို ယာယီဆိုင်းငံ့လိုက်ပြီး ခုလို EU ရုံးခန်းကို ဖွင့်လှစ်ခဲ့တာဖြစ်ပါတယ်။

EU သံတမန်တွေ၊ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ NGO တချို့ တက်ရောက်ကြတဲ့ ဖွင့်ပွဲမှာ EU အကြီးအကဲ Ashton က မြန်မာနိုင်ငံက လက်ရှိအပြောင်းအလဲတွေကို အသိအမှတ်ပြုတဲ့သဘောနဲ့ အဖွဲ့ဝင်နိုင်ငံ ၂၇ နိုင်ငံကို ကိုယ်စားပြုတဲ့ EU ရုံးခန်းကို ဖွင့်လှစ်တာဖြစ်တယ် လို့ ပြောခဲ့ပါတယ်။

"မြန်မာနိုင်ငံဟာ ပြုပြင်ပြောင်းလဲရေးလမ်းပေါ်ရောက်နေပါပြီ။ သွားရမဲ့ခရီးက ကြာရှည်နိုင် ပါတယ်။ ဒေသ တွင်းမှာသာမက ကမ္ဘာပေါ်မှာပါ အတုယူစရာ ဖြစ်မယ့် အပြောင်းအလဲတွေ ဖြစ်ဖုိ့ EU က မြန်မာပြည်သူတွေ ကို ကူညီသွားမှာပါ။"

မြန်မာနိုင်ငံက အပြောင်းအလဲတွေ နောက်ပြန်မလှည့်ဘဲ ရှေ့ဆက် သွားနိုင်ဖို့ ကူညီမှာဖြစ်တယ်လို့ ဆိုပါတယ်။

"EU အနေနဲ့ ပေးနိုင်တဲ့ဘက်ကနေ အကူအညီတွေကို ပေးသွားပါမယ်။ ပြုပြင် ပြောင်းလဲရေး လုပ်ငန်းစဉ် တခုလုံးမှာ EU ဥရောပသမဂ္ဂအနေနဲ့ မိတ်ဆွေအဖြစ် ရပ်တည်သွားပါမယ်။ နိုင်ငံရေးလုပ်ငန်းစဉ်တွေ ရှေ့ ဆက် သွားဖို့ ကူညီတဲ့တချိန်တည်းမှာပဲ မြို့တွေ၊ ရွာတွေမှာ နေထိုင်ကြသူတွေ အထူးသဖြင့်ကျေးလက်ဒေသ က ပြည်သူတွေအတွက် အကျိုးရှိစေမယ့် အစီအစဉ်တွေမှာ EU က ထိတွေ့ဆက်ဆံသွားမယ်၊ ကူညီသွားပါ မယ်။"

ဦးသိန်းစိန်အစိုးရလက်ထက်မှာ မြန်မာနိုင်ငံကို ပထမဆုံးရောက်ရှိလာတဲ့ EU ရဲ့ အဆင့်အမြင့်ဆုံး တာဝန် ရှိသူ Ms. Ashton ဟာ အစောပိုင်းကတော့ ဒေါ်အောင်ဆန်းစုကြည် နဲ့ တွ့ဆုံခဲ့ပါတယ်။ အစိုးရရဲ့ ဆောင်ရွက် ချက်တွေကို ကူညီထောက်ပံ့မှု၊ ရင်းနှီးမြှုပ်နှံမှုတွေနဲ့ တုံ့ပြန်နိုင်ဖို့  ဒဏ်ခတ်ထားတဲ့ စီးပွားရေး၊ ကုန်သွယ်ရေး ပိတ်ဆို့မှုတွေကို EU က ယာယီ ရပ်ဆိုင်းထားတာ ဖြစ်တယ်လို့ EU အကြီးအကဲ က ပြောပါတယ်။ ဒါပေမဲ့ ပြုပြင်ပြောင်းလဲရေး လုပ်ငန်းစဉ်တွေ ရပ်သွားမယ်ဆိုရင်တော့ ပြန်လည် ဒဏ်ခတ် အရေးယူမှုတွေ လုပ်မှာ ဖြစ်တယ်လို့ ဆိုပါတယ်။ မြန်မာနိုင်ငံမှာလုပ်နေတဲ့ အပြောင်းအလဲတွေဟာ ရေရှည် ခံဖို့ လိုအပ်တယ်ဆိုတာကိုလည်း EU မူဝါဒရေးရာ အကြီးအကဲက အလေးထား ပြောသွားခဲ့ပါတယ်။

"အပြောင်းအလဲတွေဖြစ်ဖို့ အချိန်ပေးရတယ်ဆိုတာ ကျွန်မတို့ သိပါတယ်။ ပြည်သူတွေ အနေနဲ့ ကိုယ့်ရဲ့ အနာဂတ်ကို ယုံကြည်မှု ရှိစေဖို့ အပြောင်းအလဲတွေဟာ အခြေခိုင်ဖို့ လိုအပ်ပါတယ်။ အာမခံချက် ရှိဖို့ လိုအပ်ပါတယ်။ ရေရှည်ခံတဲ့ အပြောင်းအလဲဖြစ်ရေးမှာ EU ကလည်း လက်တွဲကူညီနိုင်ဖို့ မျှော်လင့်ပါတယ်"

EU နိုင်ငံခြားမူဝါဒရေးရာအကြီးအကဲ Catherine Ashton ဟာ မြန်မာနိုင်ငံကို ၃ ရက် ခရီးစဉ်နဲ့ရောက်နေ တာဖြစ်ပြီး သူ့ခရီးစဉ်အတွင်း ဒေါ်အောင်ဆန်းစုကြည် အပါအဝင် မြန်မာ့နိုင်ငံရေး အပြောင်းအလဲမှာ ပါဝင် တွန်းအားပေးနေသူတွေနဲ့ အချိန်ယူ တွေ့ဆုံနိုင်မယ့်အတွက် ဝမ်းသာတယ်လို့ ပြောပါတယ်။ သူဟာ တနင်္လာနေ့ ကျရင်တော့ နေပြည်တော်ကိုသွားပြီး သမ္မတဦးသိန်းစိန်နဲ့ တွေ့ဆုံဖို့ရှိပါတယ်။

ဦးသိန်းစိန်အစိုးရက နိုင်ငံရေး၊ စီးပွားရေး ပြုပြင်ပြောင်းလဲမှုတွေ လုပ်လာပြီး နိုင်ငံတကာနဲ့လည်း အဆက် အဆံလုပ်ဖို့ လိုလားမှုတွေ ပြသလာခဲ့ပြီးနောက်မှာ နိုင်ငံတကာက အဆင့်မြင့် သံတမန်တွေ မြန်မာနိုင်ငံကို လာပြီး အပြောင်းအလဲတွေ ရှေ့ဆက်နိုင်ဖို့ အကူအညီတွေကို ကမ်းလှမ်းနေကြတာပါ။ မနက်ဖြန်မှာပဲ ကုလသမဂ္ဂ အတွင်းရေးမှူးချုပ် Ban Kin Moon ဟာလည်း မြန်မာနိုင်ငံကို ရောက်လာဖို့ ရှိနေပါတယ်ရှင်။

မလေးရှားဆန္ဒပြပွဲ ရဲတပ်ဖွဲ့နှိမ်နင်း

By ဗွီအိုအေ(မြန်မာဌာန)

ရွေးကောက်ပွဲဥပဒေ ပြုပြင်ပြောင်းလဲမှုတွေ လုပ်ဆောင်ပေးဖို့ မြို့တော် ကွာလာလမ်ပူမှာ တောင်းဆို ဆန္ဒပြ နေကြတဲ့ ထောင် သောင်းချီတဲ့ လူအုပ်ကြီးကို မလေးရှားရဲတပ်ဖွဲ့က မျက်ရည်ယိုဗုံးတွေ၊ ရေပိုက်တွေသုံးပြီး လူစုခွဲခဲ့ပါတယ်။

မြို့လယ်ခေါင်မှာရှိတဲ့ လွတ်လပ်ရေး ရင်ပြင်မှာ ဆန္ဒမပြရဘူးလို့ အစိုးရက ကန့်သတ် ထားတဲ့ အမိန့်ကို အာခံပြီး ကာထားတဲ့ သံဆူးကြိုးတွေကို ကျော်လွားပြီး အနည်းဆုံး ဆန္ဒပြသူ ၂ သောင်းခွဲလောက် ၀င်ရောက် ဆန္ဒပြခဲ့ကြ တာပါ။

ကွာလာလမ်ပူမြို့အတွင်းက တခြား နေရာအတော်များများကိုလည်း ၀င်လို့မရအောင် ရဲတွေက ပိတ်ထားပါတယ်။ ဒါပေမယ့် ဆန္ဒပြသူတွေဟာ အဲဒီ လွတ်လပ်ရေးရင်ပြင်ကို သွားပြီး ဆန္ဒပြကြဖို့ စီစဉ်ထားတယ်လို့ အတိုက်အခံ ခေါင်းဆောင် Anwar Ibrahim က အစောပိုင်းမှာ ပြောခဲ့ပါတယ်။

ရွေးကောက်ပွဲ ကော်မရှင်က ဘက်လိုက် လုပ်ဆောင်ပေးမှုတွေ ရှိနေတာကြောင့် အစောဆုံး ဇွန်လလောက်မှာ ကျင်းပနိုင်တဲ့ ရွေးကောက်ပွဲအတွင်း တိုင်းပြည်အာဏာကို နှစ်ပေါင်း ၅၀ လောက် ရယူလာခဲ့တဲ့ လက်ရှိ ၀န်ကြီးချုပ် Najib Razak ဦးဆောင်တဲ့ ညွန့်ပေါင်းအစိုးရ ရွေးကောက်ပွဲမှာ အနိုင်ရနိုင်တယ်လို့ တက်ကြွ လှုပ်ရှားသူတွေက ပြောပါတယ်။

ဘင်လာဒင်သေဆုံးပြီး အမေရိကန်ပိုလုံခြုံ

By ဗွီအိုအေ(မြန်မာဌာန)

အကြမ်းဖက် Al Qaida အဖွဲ့ကို အပြီးတိုင်ချေမှုန်းဖို့ နည်းလမ်းတခုတည်း ရှိတာမဟုတ်ပေမယ့် Al Qaida အဖွဲ့ခေါင်းဆောင်  Osama Bin Laden ကို သုတ်သင်နိုင်လိုက်ခြင်းအားဖြင့် အဲဒီအဖွဲ့ကို အားအင်ချည့်နည့် သွားစေခဲ့တယ်လို့ အမေရိကန်ကာကွယ်ရေးဝန်ကြီးက ပြောဆိုလိုက်ပါတယ်။

Al Qaida အကြမ်းဖက်အဖွဲ့ရဲ့ စိတ်ဓာတ်ရေးရာနဲ့ အတွေးအခေါ်အယူအဆပိုင်းဆိုင်ရာ ဦးဆောင်မှုပေးနေတဲ့ ခေါင်းဆောင်ပိုင်းကို ထိထိ ရောက်ရောက် ချေမှုန်းနိုင်တာနဲ့အမျှ အကြမ်းဖက်အဖွဲ့ရဲ့ အမေရိကန် ပြည်ထောင်စုအပေါ် ခြိမ်းခြောက်မှုအန္တရာယ်ကို ပိုပြီး လျော့ပါးအောင် ဆောင်ရွက်နိုင်မှာ ဖြစ်တယ်လို့ အမေရိကန်ကာကွယ်ရေးဝန်ကြီး Leon Panetta က သောကြာနေ့နှောင်းပိုင်းက ပြောဆိုလိုက်ပါတယ်။

၂၀၁၁ ခုနှစ်၊ မေလ နှစ်ရက်နေ့က ပါကစ္စတန် Abbottabad တပ်မြို့က ခြံဝန်းတခုထဲမှာ အမေရိကန် အထူး စစ်ဆင်ရေးတပ်ဖွဲ့က အကြမ်းဖက် ခေါင်းဆောင် Osama Bin Laden ကို သုတ်သင် ချေမှုန်းခဲ့ပြီးကတည်းက အမေရိကန်ပြည်ထောင်စု ပိုပြီး လုံခြုံမှုရှိလာတယ်လို့ ကာကွယ်ရေး ၀န်ကြီး Leon Panetta ကပြောပါတယ်။ လာမယ့်နှစ်တွေအတွင်း ဓာတုလက်နက်၊ ဇီဝလက်နက်၊ အဏုမြူနဲ့ ဓာတ်ရောင်ခြည် လက်နက်တွေ သုံးပြီး  အကြမ်းဖက် တိုက်ခိုက်နိုင်တဲ့အန္တရာယ်တွေ ပိုပြီး နည်းပါးလာပြီလို့ အမေရိကန်အမျိုးသားထောက်လှမ်းရေး အဖွဲ့ ညွန်ကြားရေးမှူး Robert Cardillo ကလည်း ပြောဆိုပါတယ်။

လက်ရှိ Al Qaida အကြမ်းဘက်အဖွဲ့ရဲ့ အဓိကကွန်ယက်ဟာ ၂၀၀၁ ခုနှစ် စက်တင်ဘာ ၁၁ အကြမ်းဖက် တိုက်ခိုက်မှုအဆင့်လောက် အန္တရာယ်ကြီးတဲ့ တိုက်ခိုက်မှုမျိုးလုပ်နိုင်တဲ့ အခြေအနေရှိကောင်းမှရှိတော့မှာ ဖြစ်ပေမဲ့ အန္တရာယ်ရှိတဲ့ အကြမ်းဖက်အဖွဲ့တခု အဖြစ် ဆက်တည်ရှိနေတုန်းပဲလို့ အမည်မဖော်ပြတဲ့ အမေရိကန် ထောက်လှမ်းရေးအရာရှိတွေကပြောဆိုလိုက်ပါတယ်။

ဘန်ကီမွန်းနဲ့ အိန္ဒိယ၀န်ကြီးချုပ် မြန်မာ့အရေး ဆွေးနွေး

By ဒေါ်ခင်စိုးဝင်း

မြန်မာနိုင်ငံကို မနက်ဖြန်တနင်္ဂနွေနေ့မှာ ရောက်ရှိမယ့် ကုလသမဂ္ဂအတွင်းရေးမှူးချုပ် ဘန်ကီမွန်းက မြန်မာ့ ဒီမိုကရေစီရေးအတွက် နိုင်ငံတကာအသိုင်းအ၀ိုင်းအနေနဲ့ ဘယ်လိုဝိုင်းဝန်းကူညီသွားကြမလဲဆိုတာနဲ့ ပတ်သက်ပြီး အိန္ဒိယ နိုင်ငံ ခရီးစဉ်အတွင်း ၀န်ကြီးချုပ်မန်မိုဟန်ဆင်းနဲ့ မနေ့က ဆွေးနွေးခဲ့ပါတယ်။ ဒီအကြောင်းကို ဒေါ်ခင်စိုးဝင်းက တင်ပြပေးထားပါတယ်။

အိန္ဒိယနိုင်ငံကို ရောက်နေတဲ့ ကုလသမဂ္ဂအတွင်းရေးမှူးချုပ် ဘန်ကီမွန်းက အိမ်ရှင် ဝန်ကြီးချုပ်မန်မိုဟန်ဆင်းနဲ့ မနေ့က သောကြာနေ့မှာ တွေ့ဆုံခဲ့တာပါ။ တနှစ်ကျော်ကျော် ကာလအတွင်းမှာ လူပေါင်း ၉,၀၀၀ ကျော် သေဆုံးခဲ့ရတဲ့ ဆီးရီးယားအစိုးရရဲ့ ဖိနှိပ်မှုတွေ အဆုံးသတ်ရေး၊ နိုင်ငံတကာက ဖိအားပေးရေး အပါအဝင် ပထဝီနိုင်ငံရေး ပြဿနာတွေကို ဆွေးနွေးခဲ့ကြတယ်လို့ ကုလသမဂ္ဂက သတင်းထုတ်ပြန်ထားပါတယ်။ ကမ္ဘာတဝှမ်း ပဋိပက္ခဖြစ်ပွားနေတဲ့ဒေသတွေမှာ ကုလသမဂ္ဂ ငြိမ်းချမ်းရေးထိန်း တပ်ဖွဲ့ဝင်အဖြစ် တာဝန်ထမ်းဆောင်ဖို့အတွက် အိန္ဒိယတပ်ဖွဲ့တွေကို အထူးတလည် စေလွှတ်ပေးတဲ့အတွက် မစ္စတာ ဘန်ကီမွန်းက ဝန်ကြီးချုပ် မန်မိုဟန်ဆင်းကို ကျေးဇူးရှိတင်ကြောင်း ပြောဆိုခဲ့ပါသေးတယ်။

မစ္စတာဘန်ကီမွန်းက ကုလသမဂ္ဂ ပဋိဉာဉ်စာတမ်းပါ မဏ္ဍိုင်ကြီးသုံးခုဖြစ်တဲ့ ငြိမ်းချမ်းရေးနဲ့ လုံခြုံရေး၊ ဖွံ့ဖြိုးရေးနဲ့ လူ့အခွင့်အရေး စတာတွေကိုအခြေခံပြီး ဝန်ကြီးချုပ်မန်မိုဟန်ဆင်းနဲ့ အလေးအနက် ဆွေးနွေးခဲ့ တယ်လို့ သတင်းထောက်တွေကို မနေ့က အခုလို ပြောဆိုသွားတာပါ။

"ရေရှည်တည်တံ့မယ့်ဖွံ့ဖြိုးရေးနဲ့ အားလုံး စိုးရိမ်မကင်းဖြစ်နေကြတဲ့ ဆီးရီးယားနိုင်ငံ ငြိမ်းချမ်းရေးနဲ့ လုံခြုံရေး ကအစ သီရိလင်္ကာနဲ့ နီပေါနိုင်ငံတွေ စတဲ့ ဒေသတွင်း အခြေအနေတွေ၊ အိန္ဒိယနဲ့ပါကစ္စတန် ဆက်ဆံရေး သင့်မြတ်အောင်အားပေးဖို့ ဆွေးနွေးခဲ့ပါတယ်။ ဒါ့အပြင် မြန်မာနိုင်ငံမှာ ဒီမိုကရေစီစနစ်ထွန်းကားအောင် ဘယ်လို ဝိုင်းဝန်းကူညီကြမလဲ ဆိုတာကိုပါ ဆွေးနွေးခဲ့ပါတယ်။"

အခုလောလောဆယ် အိန္ဒိယနိုင်ငံဟာ ကုလသမဂ္ဂလုံခြုံရေးကောင်စီရဲ့ အဖွဲ့ဝင်နိုင်ငံ ဖြစ်တာနဲ့အညီ ငြိမ်းချမ်းရေး၊ လုံခြုံရေးနဲ့ ဖွံ့ဖြိုးမှုနယ်ပယ်သာမကဘဲနဲ့ လူ့အခွင့်အရေး ကိစ္စတွေကိုလည်း အလေးအနက် ကိုင်တွယ်နေပါတယ်လို့ အိန္ဒိယနိုင်ငံခြားရေးဝန်ကြီး ခရစ်ရှနာကလည်း မစ္စတာဘန်ကီမွန်းကို ပြောဆိုခဲ့ပါ တယ်။ နိုင်ငံတကာ ရေပိုင်နက်ထဲမှာ ပင်လယ်ဓားပြနှိမ်နင်းရေး၊ အကြမ်းဖက်မှု တိုက်ဖျက်ရေးနဲ့ ရေရှည် တည်တံ့မယ့် ဖွံ့ဖြိုးရေးအတွက် ညှိနှိုင်းကြတာတွေဟာ အိန္ဒိယနိုင်ငံအတွက် ဦးစားပေးရမယ့် တာဝန်ဖြစ် တယ်လို့ မစ္စတာခရစ်ရှနားက ပြောပါတယ်။

ကမ္ဘာ့စီးပွားရေးအင်အားကြီး ထွန်းသစ်စနိုင်ငံဖြစ်တဲ့ အိန္ဒိယနိုင်ငံဟာ ကုလသမဂ္ဂ ငြိမ်းချမ်းရေးထိန်းတပ်ဖွဲ့ အတွက် ရန်ပုံငွေ ဒုတိယအများဆုံး ထည့်ဝင်တဲ့နိုင်ငံဖြစ်ပါတယ်။ မစ္စတာဘန်ကီမွန်းဟာ သူ ၂၀၀၇ ခုနှစ်၊ ကုလသမဂ္ဂ အတွင်းရေးမှူးချုပ်အဖြစ် တာဝန်ယူခဲ့ပြီးတဲ့နောက်ပိုင်း ဒါဟာ အိန္ဒိယနိုင်ငံကို တတိယ အကြိမ် ရောက်ရှိခဲ့တာ ဖြစ်ပါတယ်။

မစ္စတာဘန်ကီမွန်းနဲ့ဇနီးဟာ အရင်က ဘုံဘေလို့အများခေါ်ကြတဲ့ မွန်ဘိုင်းမြို့ကို ဒီကနေ့ သွားရောက်လေ့လာ မှာ ဖြစ်ပါတယ်။ အဲဒီနောက် မစ္စတာဘန်ကီမွန်းနဲ့ ကိုယ်စားလှယ်အဖွဲ့ဟာ တနင်္ဂနွေနေ့မှာတော့ မြန်မာနိုင်ငံကို ခရီးဆက်မှာဖြစ်ပါတယ်။

မျက်မမြင်တရုတ်ရှေ့နေအတွက် အမေရိကန်စိုးရိမ်

By ဗွီအိုအေ (မြန်မာဌာန)

တရုတ်နိုင်ငံက လူ့အခွင့်အရေးလှုပ်ရှားသူ မျက်မမြင်ချင်ကွမ်ချင်ဟာ ဘေဂျင်းက အမေရိကန်သံရုံးမှာ ခိုလှုံနေ တယ်ဆိုတဲ့ သတင်းတွေထွက်ပေါ်နေချိန်မှာပဲ ဒီသတင်းနဲ့ ပတ်သက်လို့ မှတ်ချက်ပေးဖို့ အမေရိကန် နိုင်ငံခြားရေးဝန်ကြီးဌာနရဲ့ ပြောရေး ဆိုခွင့်ရှိသူ ဗစ်တိုရီးယားနျူလန်က ဧပြီ ၂၇ ရက်နေ့ က ငြင်းဆိုခဲ့ပါတယ်။

ဒါပေမယ့် ချင်ကွမ်ချင်ရဲ့ကံကြမ္မာနဲ့ပတ်သက်ပြီး အမေရိကန်ပြည်ထောင်စုက စိုးရိမ်ပူပန်နေတယ် လို့ ပြောကြားခဲ့ပါတယ်။ မိသားစုတစ်ခု၊ ကလေး တစ်ယောက်ပေါ်လစီကြောင့် ဒေသခံ အာဏာပိုင်တွေရဲ့ ညှင်းပမ်းနှိပ်စက်မှုတွေ ကို မှတ်တမ်းရေးသားပြုစုခဲ့တဲ့ ချင်ကွမ်ချင်အတွက် စိုးရိမ်ပူပန်မှုရှိနေကြောင်း အစောပိုင်းကတည်းက အမေရိကန်ပြည်ထောင်စုက ထုတ်ဖော်ကြေညာထားပြီးဖြစ်တယ်လို့ မစ္စ်နျူလန်က ပြောဆိုခဲ့ပါတယ်။

ချင်ကွမ်ချင်ဟာ နိုင်ငံအရှေ့ပိုင်း၊ ရှန်ဒေါင်းပြည်နယ်က ဒေါင်ရှင်ဂူဆိုတဲ့ရွာကလေးက အစောင့်အကြပ် ထူထပ်စွာ ချထားတဲ့သူ့ရဲ့အိမ်ကနေပြီးတော့ ထွက်ပြေးလွတ်မြောက် သွားခဲ့တာ ဖြစ်ပါတယ်။ ပြီးခဲ့တဲ့ညအထိ သူပျောက် ဆုံးနေတာကို အာဏာပိုင်တွေက သိရှိကြခြင်းမရှိပါဘူး။ အခုအခါ ချင်ကွမ်ချင်ဘယ်မှာရှိတယ် ဆိုတာ မသိကြရပေမဲ့ သူဟာ မိုင်ပေါင်းများစွာ ဝေးကွာတဲ့နေရာက စိတ်ချလုံခြုံတဲ့နေရာမှာ ရှိနေပါတယ်လို့ အမေရိကန်ပြည်ထောင်စု အခြေစိုက် လူ့အခွင့်အရေးလှုပ်ရှားတဲ့ ChinaAid အဖွဲ့ခေါင်းဆောင် Bob Fu က ဧပြီ ၂၇ ရက်နေ့က ပြောဆိုခဲ့ပါတယ်။

ချင်ကွမ်ချင်ဟာ ဘေဂျင်းမြို့က အမေရိကန်သံရုံးမှာ ခိုလှုံခွင့်တောင်းခံဖွယ်ရှိတယ်လို့ ခန့်မှန်းပြောဆိုနေ ကြပြီးတော့ အာဏာပိုင်တွေကတော့ ဒီသတင်းနဲ့ပတ်သက်ပြီး မှတ်ချက်ပေးဖို့ ငြင်းဆန်နေကြပါတယ်။ ဧပြီ ၂၇ ရက်နေ့ကပဲ အင်တာနက်ပေါ်မှာ ဗွီဒီယိုနဲ့တင်ထားတဲ့ ပြကွက်မှာတော့ ချင်ကွမ်ချင်က သူနဲ့ သူ့မိသားစုဟာ အကျယ်ချုပ်ခံနေရတဲ့ တနှစ်ခွဲကာလအတွင်း ညှင်းပမ်းနှိပ်စက်ခံရခဲ့တာတွေကို အသေးစိတ်ပြောပြခဲ့ပါတယ်။

ချင်ကွမ်ချင်ဟာ တရုတ်အစိုးရရဲ့ မိသားစုတစ်စု၊ ကလေးတစ်ယောက်ယူရေး ပေါ်လစီကြောင့် ကိုယ်ဝန်ဖျက် ချရခြင်းကို ဆန့်ကျင်တဲ့လှုပ်ရှားမှုကြောင့် ထောင်ဒဏ်လေးနှစ် ကျခံခဲ့ရပြီး ၂၀၁၀၊ စက်တင်ဘာမှာ ပြန်လွတ် ခဲ့ပါတယ်။ အဲဒီနောက် ဆက်ပြီး နေအိမ်မှာအကျယ်ချုပ်နဲ့ အကျဉ်းချခံနေရတာဖြစ်ပါတယ်။

အင်တာနက်ပေါ်က ဗွီဒီယိုနဲ့ပြကွက်မှာ ချင်ကွမ်ချင်က ဝန်ကြီးချုပ်ဝမ်ကျားပေါင်ကို ရည်ညွန်းပြီးပြောဆိုတာ မှာတော့ မြို့ရွာတွေက အာဏာပိုင်တွေနဲ့ ကွန်မြူနစ်ပါတီက ကေဒါတွေဟာ ပြည်သူတွေကို နှိပ်စက် ညှင်းပမ်းနေ ကြပြီးတော့ ဥပဒေမဲ့ဖြစ်ရပ်တွေက ပြည်သူလူထုကို အထိတ်တလန့်ဖြစ်စေတယ်၊ အခုလို ဖြစ်ပျက်နေတာကြောင့် ဒေသခံအာဏာပိုင်တွေက ဗဟိုအစိုးရကို ထောက်ခံကြသေးရဲ့လား၊ သူတလူ ဗိုလ်တမင်းဖြစ်နေ ကြပြီလားဆိုတာ ပြည်သူလူထုကို ဝန်ကြီးချုပ်အနေနဲ့ အဖြေပေးပါလို့ ချင်ကွမ်ချင်က ပြောကြားထားပါတယ်။

မလေးရှား သိပ္ပံဝန်ကြီး၏ မြန်မာပြည်ခရီး စတင်

မဇ္ဈိမသတင်းဌာန

 နယူးဒေလီ (မဇ္ဈိမ) ။      ။ မလေးရှားနိုင်ငံ သိပ္ပံ၊ နည်းပညာနှင့် တီထွင်မှုဆိုင်ရာဝန်ကြီး Dr Maximus Ongkili ဦးဆောင်သည့် ကုန်သွယ်ရေးမစ်ရှင် အဖွဲ့သည် မြန်မာနိုင်ငံသို့ ဗုဒ္ဓဟူးနေ့မှစ၍ ရောက်ရှိလာကြမည် ဖြစ်သည်။

ဧပြီ ၂၈ ရက်နေ့ထိ ကြာမြင့်မည့် ခရီးစဉ် ရည်ရွယ်ချက်မှာ ICT နည်းပညာ၊ ဇီဝနည်းပညာနှင့် ပြန်လည် ဖွံ့ဖြိုးနိုင်သည့် စွမ်းအင်ဆိုင်ရာကဏ္ဍများ တိုးမြှင့်ဆောင်ရွက်ရန် ဖြစ်သည်ဟု သိရသည်။

“မြန်မာအစိုးရဟာ ကုန်သွယ်ရေးကို ထက်ထက်သန်သန် လွတ်လပ်ခွင့်ပေးပြီး ပူးပေါင်းဆောင်ရွက်မှုတွေလည်း တိုးမြင့်လာတာတွေ့ရတယ်။ မလေးရှား အပါအဝင် ဒေသတွင်း စီးပွားရေးတွေအတွက် အခွင့်အလမ်းတွေ ပွင့်နေပါတယ်” ဟု Dr Maximus Ongkili က အင်္ဂါနေ့တွင် ကြေညာသည်။

ADB အကြွေးကြေမှ ပြန်ကူမည်

မဇ္ဈိမသတင်းဌာန |

နယူးဒေလီ (မဇ္ဈိမ) ။         ။ အာရှဖွံ့ဖြိုးရေးဘဏ် ADB သို့ မြန်မာအစိုးရ ဆပ်ရန်ရှိသည့် ကြွေးငွေ ဒေါ်လာ သန်း ၄၉ဝ ပြန်လည်ပေးဆပ်ပြီးမှသာ နောက်ထပ် ငွေကြေးအကူအညီများ ပေးနိုင်မည်ဟုဆိုသည်။

အကူအညီများ ပြန်လည်စတင်ပေးရန်အတွက် စုပြုံသော အကြွေးများမှာ “အတားအဆီးကြီး”တခု ဖြစ်နေကြောင်း ADB ဥက္ကဋ္ဌ Haruhiko Kuroda က ပြောသည်။

“ကျနော် အထူးပြုပြောလိုတာကတော့ အများနဲ့ချုပ်ဆိုရတဲ့ စာချုပ်တွေဖြစ်နေတော့ ကျနော်တို့အနေနဲ့ သိပ်ပြီးပျော့ပြောင်းလို့ မရပါဘူး” ဟု ပြောသည်။

မြန်မာနိုင်ငံသည် အရှေ့တောင်အာရှတွင် စတုတ္ထ လူဦးရေအများဆုံး တိုင်းပြည်ဖြစ်သည့်အလျောက် ရင်းနှီးမြှုပ်နှံမှုများ အတွက် လုပ်သားအလားအလာ ကြီးမားလှပြီး မဖော်ထုတ်ရသေးသည့် သဘာဝ သယံဇာတများ ရှိနေသည်ဟုလည်း မစ္စတာ ကူရိုဒါ က ပြောသည်။

ဒေသတွင်း ဖွံ့ဖြိုးဆဲနိုင်ငံများသို့ အတိုးနည်းချေးငွေနှင့် ထောက်ပံ့ကြေးများ ပေးလာခဲ့သော ADB အား မူလ စတင် တည်ထောင်သည့် ၁၉၆၆ ခုနှစ်ကတည်းက မြန်မာနိုင်ငံမှာ အဖွဲ့ဝင်ဖြစ်ခဲ့သည်။

၁၉၈၈ ခုနှစ် ဒီမိုကရေစီ လူထုအုံကြွမှုအား စစ်အစိုးရက အကြမ်းဖက်ဖြိုခွင်းခဲ့သည့်မှစ၍ မြန်မာနိုင်ငံအပေါ် ADB ကူညီမှုများ ရပ်ဆိုင်းထားခဲ့သည်။

သို့သော် ဖိလစ်ပိုင်နိုင်ငံ၊ မနီလာမြို့တွင် အခြေစိုက်သည့် ၎င်းတို့ဘဏ်အနေဖြင့် မြန်မာအစိုးရနှင့် “အပြုသဘော ဆက်ဆံ”ရန် ပြင်ဆင်ထားကြောင်း မစ္စတာ ကူရိုဒါ က ပြောဆိုသွားကြောင်း သြစတြေးလျ ABC သတင်းတရပ်တွင်ဖော်ပြပါရှိသည်။

မြန်မာနိုင်ငံနှင့် နှစ်ပေါင်း ၂ဝ ကျော် အဆက်ဖြတ်ထားခဲ့သော ကမ္ဘာ့ဘဏ်အနေနှင့်လည်း အကူအညီများ ပြန်လည်ပေးအပ်နိုင်ရန် အတွက် ဘဏ်ရုံးခွဲတခု မြန်မာနိုင်ငံအတွင်း လာရောက် ဖွင့်လှစ်တော့မည် ဖြစ်သည်။

ဇွန်လအတွင်း ဖွင့်လှစ်ရန်ရှိသည့် ကမ္ဘာ့ဘဏ်ရုံးအနေဖြင့် လက်ရှိ အကြွေးများကို စီစစ်သွားကာ တိကျမှန်ကန်သည့် စီးပွားရေးအချက်အလက်များကို ရယူသွားမည်ဟု ဆိုသည်။

ကမ္ဘာ့ဘဏ်အား ပေးရန်ရှိသည့်အကြွေးမှာလည်း ဒေါ်လာ ၃၉၃ သန်း ရှိနေသည်မှာ ၁၉၈ဝ စုနှစ်များကတည်းကဖြစ်ကြောင်း ကမ္ဘာ့ဘဏ် အရှေ့အာရှ ဒု-ဥက္ကဋ္ဌ Pamela Cox က ပြောကြောင်း ရိုက်တာသတင်းတရပ်တွင် ဖော်ပြပါရှိ သည်။

မြန်မာအစိုးရနှင့် ဆက်ဆံရေးအတွက် ဘဏ်၏ဘုတ်အဖွဲ့၊ ရှယ်ယာရှင်များ၊ အပြည်ပြည်ဆိုင်ရာ ငွေကြေးရန်ပုံငွေအဖွဲ့၊ တွဲဖက်အဖွဲ့များအပြင် မြန်မာအစိုးရနှင့်ပါ နီးကပ်စွာ လုပ်ကိုင်လျက်ရှိကြောင်း မစ္စကောက်က်စ် က ဆိုသည်။

“ပြုပြင်ပြောင်းလဲရေးတွေဟာ အကဲဆတ်သေးတယ်ဆိုတာ ကျမတို့ သတိပြုမိပါတယ်။ စွန့်စားရမယ့်ဟာတွေလည်း သိထားပါတယ်။ ကျမတို့နဲ့ ထိတွေ့ဆက်ဆံရေး တိုးတက်မြန်ဆန်မှုဟာ ပြုပြင်ပြောင်းလဲရေးဟာ ဘယ်လောက်ထိ ထိန်းထားနိုင်မလဲ ဆိုတာအပေါ်မှာ မူတည်ပါတယ်” ဟု ပြောဆိုသွားသည်။

ထားဝယ် စီမံကိန်းမှ အီတာလျန်-ထိုင်းကုမ္ပဏီ ရပ်ဆိုင်းတော့မည်

မဇ္ဈိမသတင်းဌာန | သောကြာနေ့၊ ဧပြီလ ၂၇ ရက် ၂၀၁၂ ခုနှစ် ၁၇ နာရီ ၀၄ မိနစ်

နယူးဒေလီ (မဇ္ဈိမ) ။       ။ ထားဝယ်ရေနက်ဆိပ်ကမ်း စီမံကိန်းတွင် ငွေကြေး ရင်းနှီးမြှုပ်နှံမှုများအား ၂၀၁၂ ခုနှစ်ကုန် တွင် ရပ်ဆိုင်းတော့မည် ဖြစ်ကြောင်း Italian-Thai Development Pcl က ပြောသည်။

ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီတခုဖြစ်သည့် အဆိုပါ ITD ကုမ္ပဏီ၏ ဥက္ကဋ္ဌ Premchai Karnasuta က အစုရှယ်ယာဝင်များအား သောကြာနေ့က ပြောကြားလိုက်ခြင်း ဖြစ်ကြောင်း ရိုက်တာသတင်းတရပ်တွင် ပါရှိသည်။

ထားဝယ်အထူးစီးပွားရေးဇုန် စီမံကိန်း ပထမအဆင့်အနေဖြင့် ကုမ္ပဏီက ဒေါ်လာသန်းပေါင်း ၈,၅ဝဝ ရင်းနှီးမြှုပ်နှံ သွားမည်ဟု ဇန်နဝါရီလပိုင်းက ပြောဆိုခဲ့သော်လည်း မဂ္ဂါဝပ် ၄,ဝဝဝ ထုတ်လုပ်မည့် ကျောက်မီးသွေးသုံး ဓါတ်အားပေး စက်ရုံအား မြန်မာအစိုးရက ရုတ်ချည်း ရပ်ဆိုင်းလိုက်သဖြင့် စီမံကိန်းအနာဂတ်အား သံသယဝင်လာခြင်း ဖြစ်သည်ဟု ဆိုသည်။

ဒေသခံများအပြင် သဘာဝပတ်ဝန်းကျင် ထိန်းသိမ်းရေးအဖွဲ့များနှင့် မီဒီယာများမှ ကန့်ကွက်မှုများကြောင့် အဆိုပါကျောက်မီးသွေးသုံး လျှပ်စစ်ဓာတ်အားပေး စက်ရုံကို တည်ဆောက်တော့မည် မဟုတ်ကြောင်း အမှတ် ၂ လျှပ်စစ် ဝန်ကြီး ဦးခင်မောင်စိုး က ဇန်နဝါရီလ ၉ ရက်နေ့တွင် ပြောကြားခဲ့သည်။

ထားဝယ်စီမံကိန်းအတွက် အထူးအခွင့်အရေးများ ရရှိခဲ့သော ITD အနေဖြင့် သံမဏိစက်ရုံ တည်ဆောက်ရန်အတွက် ထားဝယ်တွင် မြေရောင်းစာချုပ်တခုကို ဇူလိုင်လမတိုင်မီ ချုပ်ဆိုရန် ပြင်ဆင်ထားကြောင်းလည်း ကုမ္ပဏီဥက္ကဋ္ဌ Premchai က ရှယ်ယာဝင်များ အစည်းအဝေးတွင် ထည့်သွင်း ပြောဆိုသွားခဲ့သည်။

ထားဝယ်စီမံကိန်းတွင် လျှပ်စစ် ဓာတ်အားပေးစက်ရုံ၊ ရေနံဓာတု စက်ရုံ၊ ရေနံချက် စက်ရုံအပြင် သံမဏိ စက်ရုံတို့လည်း ပါဝင်မည် ဖြစ်သည်။

စီမံကိန်းမှာ တနင်္သာရီတိုင်း သာဂရမြို့ဟောင်းအနီး တည်ရှိကာ ထားဝယ်မြို့ အနောက်မြောက်ဘက် မိုင် ၂ဝ ခန့် အကွာရှိ ရေဖြူမြို့နယ် နဖူးလယ် ကျေးရွာအနီးတွင် ရှိပြီး နအဖ အစိုးရလက်ထက် ၂၀၀၈ ခုနှစ်တွင် ထိုင်းနိုင်ငံ Italian-Thai Development Public Co.,Ltd  နှင့် နားလည်မှု စာချွန်လွှာ လက်မှတ်ရေးထိုးခဲ့ကာ ၂၀၁၀ ပြည့်နှစ်တွင် ၇၅ နှစ် လုပ်ငန်း လုပ်ဆောင်ခွင့် သဘောတူစာချုပ် ချုပ်ဆိုထားခြင်း ဖြစ်သည်။