28.04.2012 နေ့ဖတ်ရန်သတင်းများ

by Myanmar Journal on Friday, April 27, 2012 at 2:57pm 

တရုတ်နိုင်ငံရေးလှုပ်ရှားသူ အကျယ်ချုပ်က ထွက်ပြေးထွက်မြောက်

တရုတ် နိုင်ငံက အထင်ရှားဆုံး နိုင်ငံရေး လှုပ်ရှားသူ တစ်ယောက် ဖြစ်တဲ့ Chen Guangcheng ဟာ နိုင်ငံ အရှေ့ပိုင်း နေအိမ်အကျယ်ချုပ် ကနေ လွတ်မြောက် သွားခဲ့ ပါတယ်။

ချန်ေဂါင်ချမ်း ကို တရုတ် အစိုးရ က ၂၀၀၆ ခုနှစ် က ဖမ်းပြီး ထောင်ဒဏ် ၄ နှစ် အပြစ်ချ ခဲ့ဘူးပါတယ်။

အဲဒီ ပြစ်ဒဏ် ပြီး ၂၀၁၀ မှာ အိမ်ပြန်ရောက် ပြီး နောက်ပိုင်း ခဏ အကြာ မှာ ပဲ သူ့ ကို နေအိမ်ကနေ အပြင် ထွက်မရတော့ ပဲ နေအိမ်အကျဉ်း ကျ တာ ခံနေရတာ ပါ။

အခု ပြီးခဲ့တဲ့ တနဂ်နွေနေ့ မလွတ်မြောက်ခင် အချိန်ထိ ချန် က တရုတ်အမျိုးသမီး တွေ ကို ဒေသခံအာဏာပိုင်တွေက အတင်းအကြပ်ဖိအားပေးပြီး ကိုယ်ဝန်ဖျက်ချ ခိုင်းတာ အတင်းအကြပ် သားကြောဖြတ် တာတွေ လုပ်ဆောင်နေကြတယ် လို့ ဆိုတဲ့ သတင်းတွေ ထုတ်ပြန်ပြီး တားဆီး ဖို့ လှုံ့ဆော်ခဲ့တဲ့ နောက်ပိုင်း အဖမ်းခံခဲ့ရတာပါ။

သူဟာ မျက်စေ့မမြင်ပါဘူး။ ငယ်ငယ် ကလေးထဲ က မမြင်ရတာပါ။ သူပုံမှန်ကျောင်းတွေ မတက်နိုင်ခဲ့ဘူး ။ ဒါပေမယ့် ဥပဒေကိုလေ့လာကာ ဒီဒေသခံ အာဏာပိုင်တွေရဲ့ လုပ်ရပ်ဟာ ဥပဒေ ကိုချိုးဖောက် ကြောင်း သူ က ထောက်ပြ ပြောဆိုနေခဲ့တာပါ။

နိုင်ငံတကာမှာလည်း barefoot lawyer ဘိနပ် ဗလာနဲ့ ရှေ့နေ ဆိုတဲ့ သူ့ သတင်း က ပျံ့နှံ့ လာတဲ့ အတွက် သူ့ အကြောင်း ကို သိကြသူ စိတ်ဝင်စား သူတွေ များ ပါတယ်။

အခု အိမ်အကျယ် ချုပ် ချထားခံရတဲ့ အချိန်မှာ သူ့ကို ထောက်ခံ သူတွေ သွားတွေ့ ဖို့ ကြိုးစားရာမှာ လည်း အရပ်ဝတ်လုံခြုံရေး ၀န်ထမ်းတွေ က ပိတ်ပင်တားဆီးခဲ့တဲ့ အဖြစ်တွေ ဖြစ်ဘူးပါတယ်။သူနဲ့ သူ့မိသား စုတွေ ကို ဒေသခံ အာဏာပိုင်တွေ က ရိုက်နှက် တာတွေအထိ ကျူးလွန်ခဲ့ကြတယ် ဆိုတဲ့ သတင်းတွေ လည်း ထွက်လာ ဘူး သလို တခါ ကဆိုရင် သူ့ရဲ့ သမီး တဦး မူလတန်းကျောင်းတက် ခွင့် တောင် မရတဲ့ အထိ ဖြစ်ခဲ့ဘူး ပါတယ်။အခု သူ ရှန်ဒေါင်းပြည်နယ် က သူ့ရွာ က အိမ် က နေ ဘေဂျင်း မှာ လွတ်မြောက်နေပါပြီ။သူ ဟာ နိုင်ငံခြား သံတမန် အသိုင်းအဝိုင်း က နေရာ တခု မှာ ခိုလှုံနေ နိုင်နေပြီ လို့ လည်း မှန်းဆ နေကြပါတယ်။သူအခု လို လွတ်မြောက်လာခဲ့ ပေမယ့် လည်း သူ့လွတ်မြောက်ခဲ့မှု ကို အငြိုးထားကြမယ့် ဒေသခံ အာဏာပိုင်တွေ ကြောင့် ကျန်ခဲ့တဲ့ သူ့ ကလေးတွေနဲ့ သူ့အမျိုးသမီး ၊ သူ့ မိခင် တို့ ရဲ့ လုံခြုံရေး ကို စိုးရိမ်ပါကြောင်း သူ က ထုတ်ဖော်ပြောကြားခဲ့ပါတယ်။

ဒေသခံအာဏာပိုင်တွေ က ရွာတွေနယ်တွေ မှာ ဥပဒေမဲ ပြုနေတာ တွေ ကို မေးခွန်းထုတ်စရာ ဖြစ်နေပါတယ်။ ဒီ အာဏာပိုင်တွေ ပါတီ ကေဒါ တွေ ကို သူ့ဘာသူ လုပ်နေကြတာလား ဒါမှ မဟုတ် ဗဟို အစိုးရ ရဲ့ ခွင့်ပြုချက် နဲ့ လုပ်နေကြတာ ပါလား၊ ဒီအမေးရဲ့ အဖြေကို ဝန်ကြီးချုပ် အနေနဲ့ ရှင်းရှင်းလင်းလင်း အဖြေပေးဖို့ လိုနေပြီ လို့ နိုင်ငံရေး လှုပ်ရှား သူ ခန် က တရုတ်ဝန်ကြီးချုပ် ဝမ်ကြားပေါင် ကို ဦးတည် ပြီး ပြောသွား ပါတယ်။

အကျဉ်းသား လွှတ်ရေး ပြောဖို့ ဘန်ကီမွန်းကို တိုက်တွန်း

မစ္စတာ ဘန်ကီမွန်းဟာ တနင်္ဂနွေ နေ့မှာ မြန်မာပြည်ကို ရောက်လာမှာပါ

ကုလ သမဂ္ဂ အတွင်းရေး မှူးချုပ် ဘန်ကီမွန်း မြန်မာ နိုင်ငံကို သွားတဲ့ အခါ၊ ထောင်ထဲမှာ ကျန်နေတဲ့ နိုင်ငံရေး အကျဉ်းသား တွေ ပြန်လွှတ် ရေး နဲ့ ကချင် ပြည်နယ်မှာ ဖြစ်နေတဲ့ ပဋိပက္ခ တွေ အဆုံး သတ်ရေး အပါအဝင် လူ့ အခွင့် အရေး ကိစ္စတွေ တိုးတက် လာအောင် ဆောင်ရွက်ဖို့ မြန်မာ အစိုးရကို တိုက်တွန်း သင့်ကြောင်း အမေရိကန် ပြည်ထောင်စု အခြေစိုက် Human Rights Watch နိုင်ငံ တကာ လူ့အခွင့် အရေး စောင့်ကြည့် လေ့လာရေး အဖွဲ့က ကြေညာချက် ထုတ်ပြန် လိုက်ပါတယ်။

ဒါ့အပြင် မြန်မာ ပြည်တွင်းမှာ ကုလ သမဂ္ဂ လူ့အခွင့် အရေး ဆိုင်ရာရုံး ဖွင့်ဖို့လည်း တောင်းဆို သင့်တယ်လို့ ဆိုပါတယ်။

မြန်မာ နိုင်ငံ အပေါ် ပိတ်ဆို့ အရေး ယူမှု တွေကို တဖြည်းဖြည်း နဲ့သာ ရုပ်သိမ်း သင့်တယ် လို့လည်း Human Rights Watch အဖွဲ့က ဆိုနေ ပါတယ်။

အဲဒီအဖွဲ့ရဲ့ အာရှ ဒေသ ဆိုင်ရာ ဒုတိယ ညွှန်ကြားရေးမှူး Eline Pierson ကို ဦးကိုကိုအောင်က ဆက်သွယ် မေးကြည့် ထားပါတယ်။

မေး။ အတွင်းရေး မှူးချုပ် ဘန်ကီမွန်း ကို မြန်မာ နိုင်ငံ လူ့ အခွင့် အရေး အခြေ အနေ တိုးတက်အောင် တိုက်တွန်း ပေးဖို့ ပြောတာတော့ ဟုတ်ပါပြီ၊ တကယ်တမ်း မှာ နိုင်ငံ တကာ အသိုင်း အဝန်း က မြန်မာ အစိုးရ နဲ့ ပြန်ပြီး ဆက်ဆံ ဖို့ဘဲ အားသန် နေကြတာ ဆိုတော့ ဘန်ကီမွန်း က ဘယ်လောက် လုပ်ပေး နိုင်မှာလဲ။

ဖြေ။ ကျွန်မ တို့အနေနဲ့ အခု မြန်မာ ပြည်နဲ့ ပတ်သက်လို့ အပြောင်း အလဲတွေ သိပ်မြန် နေတဲ့ အပေါ် နည်းနည်း စိုးရိမ်မှု ရှိပါတယ်။ အီးယူ ဥရောပ သမဂ္ဂ က မြန်မာ နိုင်ငံကို ပိတ်ဆို့ မှုတွေ ရုပ်သိမ်း ပေးတယ်။ ပြီးတော့ အမေရိကန် ကလည်း အလားတူ လျှော့ပေး တာတွေ ရှိတယ်၊ မြန်မာ အစိုးရနဲ့ အားလုံးက ဆက်ဆံချင် ကြတာကို တွေ့ရ ပါတယ်။ ကျွန်မတို့ လူ့အခွင့် အရေး စောင့်ကြည့် လေ့လာရေး အဖွဲ့ အနေနဲ့ ကတော့ ဒီ ထိတွေ့ ဆက်ဆံမှု တွေဟာ ပြုပြင် ပြောင်းလဲရေး သမား တွေကို အားပေးမယ့် မှန်ကန်တဲ့ ပုံစံနဲ့ သွားတာကို မြင်ချင် ပါတယ်။ အခု အချိန် အထိ စစ်တပ်က အဓိက လွှမ်းမိုး ထားတဲ့ မြန်မာ နိုင်ငံရဲ့ စီးပွားရေး ကဏ္ဍမှာ ဝင်ပြီး ရင်းနှီး မြှုပ်နှံဖို့ ပိတ်ဆို့မှု တွေကို ချက်ချင်း အကုန် ရုပ်သိမ်း လိုက်မယ် ဆိုရင် လူ့ အခွင့်အရေးနဲ့ ပတ်သက် တဲ့ အပိုင်းမှာ အခြေအနေ ပိုဆိုး လာမှာကို ကျွန်မတို့ စိုးရိမ် ပါတယ်။ ဒီတော့ မြန်မာ နိုင်ငံမှာ ရင်းနှီး မြှုပ်နှံ ချင်တယ် ဆိုရင် လိုအပ်တဲ့ စည်းမျဉ်း စည်းကမ်းတွေ ရှိအောင် အရင် လုပ်ရမယ် ဆိုတာကို ဘန်ကီမွန်း အနေနဲ့ စဉ်းစား ထားသင့် ပါတယ်။ ဒါမှ တကယ်တမ်း လူ့အခွင့် အရေး အခြေ အနေကို တိုးတက်အောင် လုပ်နိုင် မှာပါ။

မေး။ ဒီပိတ်ဆို့ မှုတွေကို ဘယ်လို ရုပ်သိမ်း သင့်တယ် ဘယ်လောက် ရုပ်သိမ်း သင့်တယ် ဆိုတာက အရေးကြီး ပြီး ဆုံးဖြတ် ဖို့လည်း ခက်တဲ့ ကိစ္စ မဟုတ်လား။ ဒါကို ဘယ်လို လုပ်သင့် တယ်လို့ ထင်ပါလဲ။

ဖြေ။ ကျွန်မ အထင်တော့ ပိတ်ဆို့ မှုတွေကို တဖြည်းဖြည်း နဲ့သာ ရုပ်သိမ်း သင့်ပါတယ်။ အခု အချိန်မှာ ဖွံ့ဖြိုး တိုးတက်ရေး ကို အားပေးဖို့၊ လူထုကို အထောက် အကူ ဖြစ်စေမယ့် ပိတ်ဆို့မှု တွေကို ရုပ်သိမ်း သင့်ပါတယ်။ တချိန်ထဲ မှာဘဲ ရှေ့မှာ ဆက်လုပ် စရာ တွေက အများကြီး ကျန်နေ ပါသေးတယ်။ ကြားဖြတ် ရွေးကောက်ပွဲ ကိုဘဲ ကြည့်လိုက်မယ် ဆိုရင် အန်အယ်ဒီ က နိုင်ထားတာ လွှတ်တော် တခုလုံး ရဲ့ နေရာ ၆ ရာနှုန်း ၇ ရာနှုန်း လောက်ဘဲ ရှိပါတယ်။ ဒီတော့ အပြောင်း အလဲ ဖြစ်အောင် သူတို့ လုပ်နိုင် မယ့် အတိုင်းအတာ မှာ အကန့် အသတ် တွေ အများကြီး ရှိပါတယ်။ အခုဘဲ ဖွဲ့စည်းပုံ ကို ပြင်ဖို့တို့၊ ကျမ်း သစ္စာ ကျိန်ဖို့ တို့လို ကိစ္စ တွေမှာ အကန့် အသတ်တွေ ရှိနေ တာကို မြင်နိုင် ပါတယ်။ ဒီတော့ အရပ်သား အခွင့် အရေးနဲ့ ပတ်သက်ပြီး ချိုးဖောက် ခံနေ ရတဲ့ အပိုင်းတွေ အများကြီး ကို ပြုပြင် စရာတွေ ရှိနေ ပါတယ်။

မေး။ ဒါပေမယ့် အခု အချိန်မှာ ဘာဘဲ ပြောပြော နိုင်ငံ တကာ အသိုင်း အဝန်း အနေနဲ့ က မြန်မာနဲ့ ထိတွေ့ ဆက်ဆံ ဖို့ကို အဓိက ထားနေပြီး လူ့ အခွင့် အရေးနဲ့ ပတ်သက် လို့က အရင် ကလောက် ပြောတာ မကြားရ တော့ဘူး မို့လား။

ဖြေ။ မြန်မာ နိုင်ငံမှာ လူ့ အခွင့် အရေး ကိစ္စဟာ တချို့ လူတွေ အတွက် နောက်တန်းကို နည်းနည်း ရောက် လာတဲ့ ပုံ တွေ့ရတဲ့ အပေါ်ကျွန်မတို့ စိုးရိမ် မိပါတယ်။ မကြာသေးခင် ကဘဲ ဘန်ကီမွန်း ရဲ့ မြန်မာ နိုင်ငံ ဆိုင်ရာ အထူး အကြံပေး အရာရှိ ဗီဂျေး နံဘီယား ရေးထား တဲ့ သုံးသပ်ချက် ဆောင်းပါး ကို နယူးယောက်တိုင်းမ် သတင်းစာ မှာ တွေ့ရ ပါတယ်။ အဲဒီမှာ ဘန်ကီ မွန်း ရဲ့ ခရီးစဉ် အတွင်း အဓိက အာရုံ စိုက်ပြီး ဆောင်ရွက် သင့်တဲ့ ကိစ္စလေးခုကို ဖော်ပြ ထားပေမယ့် နိုင်ငံရေး အကျဉ်းသား တွေ ပြန်လွှတ်ဖို့ ကိုကျတော့ ဒီထဲမှာ ထည့်မထား ပါဘူး။ ဒီတော့ မြန်မာ အစိုးရနဲ့ အပြေးအလွှား သွားတွေ့ချင် နေကြတဲ့ သူတွေဟာ တကယ်တမ်း လိုအပ်တဲ့ တိုးတက် မှုကို ဘယ်လို ရပြီ ဆိုတဲ့ စံနှုန်းနဲ့ သတ်မှတ် လုပ်ဖို့ ကို မေ့နေ ကြတယ်လို့ ထင်ပါတယ်။ လူတွေ ကို ထောင်ထဲ ထည့်လို့ ရတဲ့ ဥပဒေ တွေဟာ အခု အချိန်အထိ ဆက်ပြီး ရှိနေ တုန်းပါ။ ဒါကြောင့် လွတ်လပ်စွာ ပြောဆိုခွင့် တို့ လွတ်လပ်စွာ သင်းပင်း ဖွဲ့စည်း ခွင့်တို့ကို တကယ် မှန်မှန် ကန်ကန် ပေးပြီး လူတွေရဲ့ တကယ့် ပြဿနာ တွေကို လွတ်လွတ် လပ်လပ် တင်ပြခွင့် ရှိတဲ့ အခြေ အနေ ရောက်လာ အောင် လုပ်ဖို့ လိုနေ ပါတယ်။

ဖွဲ့စည်းပုံ ခုံရုံးက အစိုးရဘက် လိုက်တယ်လို့ အမတ် တွေ ပြောဖွဲ့စည်း ပုံ ခုံရုံးကို လွှတ်တော် မှာ အရေးယူဖို့ ကြိုးစားနေ

လွှတ်တော် နှစ်ရပ်က ဖွဲ့စည်း ထားတဲ့ ကော်မီတီ တွေဟာ ပြည်ထောင်စု အဆင့် မဟုတ်ဘူးလို့ ဖွဲ့စည်း အုပ်ချုပ်ပုံ ခုံရုံးရဲ့ ဆုံးဖြတ် ချက်ဟာ လွှတ်တော် မှာ လုပ်ပိုင်ခွင့် လုံး ဝ မရှိဘူးလို့ သဘော သက်ရောက်တဲ့ အတွက် လွှတ်တော် အမတ်တွေ မကျေနပ် ဖြစ်နေကြ ပါတယ်။

ပြည်သူ့ လွှတ်တော်နဲ့ အမျိုးသား လွှတ်တော်တို့က ဖွဲ့စည်းထားတဲ့ ကော်မတီတွေ ဟာ ပြည်ထောင်စု အဆင့် မဟုတ်ဘူး လို့ အစိုးရအဖွဲ့က ဖွဲ့စည်းအုပ်ချုပ်ပုံ ခုံရုံးကို တင်သွင်းပြီး ဆုံးဖြတ်ချက် ရယူခဲ့ ရာမှာ အစိုးရ ဘက်က တင်သွင်းတဲ့ အတိုင်း ခုံရုံးက ဆုံးဖြတ် ခဲ့တာ ဖြစ်ပါတယ်။

ဒါဟာ ဖွဲ့စည်း အုပ်ချုပ်ပုံ ခုံရုံး အနေနဲ့ သူ့ကို ပေးထားတဲ့ တာဝန် ပျက်ကွက် တာပဲလို့ ပြည်သူ့ လွှတ်တော် အမတ်တွေက ပြောဆိုပြီး ခုံရုံးကို စွပ်စွဲ ပြစ်တင်ဖို့ ပြင်ဆင် နေကြကြောင်း ပြည်သူ့ လွှတ်တော် အမတ် ဦးရဲထွန်းက ပြောပါတယ်။

ဖွဲ့စည်းပုံ ခုံရုံးရဲ့ ဆောင်ရွက်ချက်ဟာ ဖွဲ့စည်းပုံ အခြေခံ ဥပဒေမှာ ပါဝင်တဲ့ ဝတ္တရား တွေကို မကျေပြွန် တာ ဖြစ်ပြီး အဲဒီ လို ဖြစ်တဲ့ အခါမှာ ဖွဲ့စည်းပုံ ခုံရုံး တစ်ဖွဲ့လုံးကို လွှတ်တော် အမတ်တွေက ဖယ်ရှား အရေး ယူနိုင်ခွင့် ရှိတယ် ဆိုတာ ဖွဲ့စည်းပုံထဲမှာ ပြဌာန်း ထားတယ်လို့ ဦးရဲထွန်းက ပြောပါတယ်။

ပြည်သူ့ လွှတ်တော် ထဲက အမတ် ၂၅ ရာခိုင်နှုန်းက လွှတ်တော်ကို တင်ပြ ဆွေးနွေးတာကို အမတ် သုံးပုံ နှစ်ပုံက ထောက်ခံမယ် ဆိုရင် အမျိုးသား လွှတ်တော်မှာ ဆက်လက် ဆွေးနွေးပြီး အရေးယူနိုင် တယ်လို့ လည်း ဦးရဲထွန်းက ပြောပါတယ်။

အခု အနေအထားဟာ လွှတ်တော်နဲ့ အစိုးရ အဖွဲ့ကြား အားပြိုင်မှု ဖြစ်တယ်၊ လောလောဆယ် မှာတော့ အဆိုတင်နိုင်မယ့် လွှတ်တော်အမတ် ဦးရေ ပြည့်အောင် စုဆောင်း နေတယ်လို့ သူက ပြောပါတယ်။

ဥရောပ သမဂ္ဂ နိုင်ငံခြား မူဝါဒ ရေးရာ အကြီးအကဲ စနေနေ့ မြန်မာပြည် သွားမယ်အီးယူနဲ့ အာဆီယံ နိုင်ငံခြားရေး ဝန်ကြီး အစည်း အဝေး ပြီးဆုံး

အဖွဲ့ဝင် ၁၀ နိုင်ငံပါ ဝင်တဲ့ အရှေ့တောင် အာရှ နိုင်ငံများ အသင်း အာဆီယံနဲ့ အဖွဲ့ဝင် ၂၇ နိုင်ငံ ပါ ဥရောပ သမဂ္ဂတို့ရဲ့ ၁၉ ကြိမ်မြောက် နိုင်ငံခြားရေး ဝန်ကြီးတွေ အစည်း အဝေးမှာ မြန်မာ အကြောင်း မပါ မဖြစ် ပါခဲ့ ပေမဲ့ အရင်လို ပြစ်တင် ဝေဖန်တာ မျိုးမဟုတ်တော့ဘဲ ဝိုင်းဝန်း ချီးကျူး ခဲ့ကြပါတယ်။

ဒါ့အပြင် အာဆီယံနဲ့ ဥရောပ သမဂ္ဂ အကြား ဘယ်လို စီးပွားရေး တိုးမြှင့် ပူးပေါင်း ဆောင်ရွက် ကြမယ် ဆိုတဲ့ အကြောင်းတွေကို အဓိကထားပြီး ပိုမို ကောင်းမွန်တဲ့ ဆက်ဆံရေး တိုးမြှင့်ရေး ကိစ္စတွေ ဆွေးနွေး ခဲ့ကြ ပါတယ်။

လုံခြုံရေးနဲ့ သဘာဝ ဘေးအန္တရာယ် ကာကွယ်ရေး ကိစ္စ တွေလည်း ပါဝင်ခဲ့ ပါတယ်။

အာဆီယံ အပါအဝင် အာရှ တစ်တိုက်လုံးနဲ့ ဆက်ဆံရေး တိုးမြှင့် ဆောင်ရွက်ဖို့ဟာ ဥရောပ သမဂ္ဂ အတွက် မဟာ ဗျူဟာမြောက် အရေးကြီးတယ်လို့ ဥရောပ သမဂ္ဂရဲ့ နိုင်ငံခြား မူဝါဒ ရေးရာ အကြီး အကဲ ကတ်သရင်း အက်ရ်ှတန်က စည်းဝေးပွဲ အပြီး ကျင်းပတဲ့ သတင်းစာ ရှင်းလင်းပွဲမှာ သတင်းထောက် တွေကို ပြောခဲ့ ပါတယ်။

တကယ်တော့ ဥရောပဟာ အကြွေး သံသရာ စက်ဝန်းတွေက မထွက်နိုင် သေးဘဲ ရုန်းကန် နေရတာ ဖြစ်ပါတယ်။

ဒီအချိန်မှာ ကမ္ဘာ့ စီးပွားရေး လောကမှာ စန်းထ လာနေတဲ့ အုပ်စု ကတော့ မြန်မာ နိုင်ငံ ပါဝင်တဲ့ အာဆီယံ နိုင်ငံတွေ ဖြစ်ပါတယ်။

အာဆီယံမှာ စားသုံးသူ သန်း ၆၀၀ ရှိပြီး၊ အဲဒီ လူတွေထဲ မှာလည်း အလယ် အလတ်တန်းစား လူတန်းစားက တဖြည်းဖြည်းချင်း တိုးတက် ထွန်းကားလာ နေတာမို့ ဥရောပ အတွက် အလွန် မျက်စိကျ နေတာ ဖြစ်ပါတယ်။

အာဆီယံက ဥရောပကို ပေါင်းချင်တာဟာ ဥရောပက အာဆီယံကို အတင်း တွယ်လာ နေတာပါလို့ သုံးသပ်ချက်တွေလည်း ထွက်နေပါတယ်။

တချိန်တည်းမှာ မြန်မာကတော့ အာဆီယံထဲမှာ ခေါင်းမော့ နိုင်တဲ့ အနေအထား ဖြစ်လာ နေတာမို့ ကတ်သရင်း အက်ရှတန်ကိုယ်တိုင် စနေနေ့မှာ ရန်ကုန်မြို့ကို သွားပြီး ဥရောပ သမဂ္ဂရဲ့ မြန်မာ ရုံးခန်းကို ဖွင့်လှစ် ပေးဖို့ လည်း ရှိနေ ပါတယ်။ 

အရှေ့ ဥရောပ မှာ တရုတ် ပိုမြှုပ်နှံချင်

အမေရိကန် ဒေါ်လာ သန်းပေါင်း တသောင်းထိ ချေးမယ်

တရုတ် နိုင်ငံက ဥရောပ အလယ်ပိုင်းနဲ့ အရှေ့ပိုင်း နိုင်ငံတွေနဲ့ ကုန်သွယ်ရေး တိုးချဲ့ ဖို့ အတွက် ချေးငွေနဲ့ ရင်းနှီး မြှုပ်နှံမှုတွေ ကမ်းလှမ်း ခဲ့ပါတယ်။

အကျိုးတူ စီမံကိန်း တွေအတွက် အမေရိကန် ဒေါ်လာ သန်းပေါင်း တသောင်းထိ ချေးငွေကို တရုတ် ဝန်ကြီးချုပ် ဝမ်ကြားပေါင်က ကမ်းလှမ်း ခဲ့တာပါ။

တရုတ် အစိုးရ အနေနဲ့ ရင်းနှီး မြှုပ်နှံမှု ရန်ပုံငွေ မတည်ပေးမှာ ဖြစ်ပြီး အခြေခံ လမ်းပန်း အဆောက်အအုံတွေ၊ နည်းပညာသစ် တွေနဲ့ သဘာဝ စွမ်းအင် ကိစ္စ တွေမှာ အခွင့်အလမ်း ရှာဖွေ သွားမယ်လို့ ဥရောပ ခရီးစဉ် အတွင်း ပိုလန်ကို ရောက်နေ ချိန်မှာ မစ္စတာ ဝမ်က ပြောကြား ခဲ့ပါတယ်။

ဒေသတွင်း ပို့ကုန် တိုးမြှင့်ရေး အတွက် မျှော်လင့်ကြောင်း လည်း ပြောကြား ခဲ့ပါတယ်။

ဗြိတိန် ဆက်သွယ်ရေးရုံး နေပြည်တော်မှာဖွင့်မည်

နေပြည်တော်မှာ သံတမန်ဆက်သွယ်ရေးရုံး ဖွင့်လှစ်ဖို့ အစိုးရနဲ့ ဆွေးနွေးနေတယ်လို့ ဗြိတိန်နိုင်ငံခြားရေး ဝန်ကြီး William Hague က ပြောလိုက်ပါတယ်။ ဗြိတိန်နဲ့ မြန်မာနိုင်ငံကြား ကုန်သွယ်ရေးကို ပြန်လည် အားပေးတော့မယ်လို့ ပြောခဲ့တဲ့တချိန်တည်းမှာပဲ နှစ်နိုင်ငံကြား ဆက်ဆံရေးတိုးတက်စေဖို့ နေပြည်တော်မှာ ရုံးဖွင့်မယ်လို့ ကြေညာခဲ့တဲ့အကြောင်း အပြည့်အစုံကို မစုမြတ်မွန်က တင်ပြပေးထားပါတယ်။

Singapore က နိုင်ငံတကာ မဟာဗျူဟာလေ့လာရေးသိပ္ပံ IISS မှာ ကြာသပတေးနေ့တုန်းက ဗြိတိန် နိုင်ငံခြားရေးဝန်ကြီး William Hague က မိန့်ခွန်းပြောခဲ့တာမှာ နေပြည်တော်မှာ သံတမန်ဆက်သွယ်ရေးရုံး ဖွင့်ဖို့ အစိုးရနဲ့ ဆွေးနွေးနေတယ်လို့ ပြောခဲ့တာဖြစ်ပါတယ်။

"နေပြည်တော်မှာ သံတမန်ဆက်သွယ်ရေးရုံးဖွင့်ဖို့ မြန်မာအာဏာပိုင်တွေနဲ့ ကျွန်တော်တို့ ဆွေးနွေးနေပါတယ်"

ဒီရုံးဟာ မြန်မာအစိုးရ၊ လွှတ်တော်အမတ်တွေနဲ့ ဗြိတိန်ကြားမှာ ဆက်သွယ်ပေးမဲ့ ဆက်ဆံရေးရုံးဖြစ်တယ် လို့ ရန်ကုန်ဗြိတိန်သံရုံး ပြောခွင့်ရသူက VOA မြန်မာပိုင်းကို ပြောပါတယ်။ မြန်မာနိုင်ငံမှာ နိုင်ငံရေး အပြောင်းအလဲတွေ ဖြစ်လာပြီးနောက်ပိုင်း မြန်မာနိုင်ငံကို ပထမဆုံးသွားတဲ့ ဗြိတိန်ရအစိုးရအကြီးအကဲ အဖြစ် ဝန်ကြီးချုပ် David Cameron မကြာခင်ကပဲ သွားခဲ့တာမို့ ဗြိတိန်က မြန်မာနဲ့ ဆက်ဆံရေးကို ပိုမိုကောင်းမွန်ဖို့ ကြိုးစားတာဖြစ်တယ်လို့ သုံးသပ်မှုတွေလည်းရှိနေတာပါ။ တချိန်တည်းမှာပဲ ဗြိတိန်နိုင်ငံ အနေနဲ့ မြန်မာနိုင်ငံနဲ့ ကုန်သွယ်ရေးကို အားပေးသွားမယ်ဆိုတာကိုလည်း နိုင်ငံခြားရေးဝန်ကြီး William Hague က မနေ့က စင်ကာပူမှာ အသိပေးသွားပါတယ်။

"ဒေါ်အောင်ဆန်းစုကြည်နဲ့ ဒီကနေ့ ကျွန်တော် ဆွေးနွေးခဲ့တာရော၊  သေသေချာချာ စဉ်းစားချင့်ချိန်ခဲ့ပြီးတဲ့ နောက်မှာပါ အသိပေး ကြေညာချင်တာကတော့ မြန်မာနိုင်ငံနဲ့ ကုန်သွယ်ကုန်သွယ်ရေးလုပ်တာကို အားမပေးခဲ့တဲ့ ဗြိတိန်အစိုးရရဲ့ မူဝါဒကို ပြင်ဆင်တော့မှာ ဖြစ်ပါတယ်။ အပြောင်းအလဲဖြစ်နေတဲ့ မြန်မာ နိုင်ငံမှာ တာဝန်သိ ကုန်သွယ်မှုနဲ့ ရင်းနှီးမြှုပ်နှံမှုတွေက ဒီအပြောင်းအလဲတွေကို အထောက်အကူ ပေးလိမ့်မယ်လို့ ဗြိတိန်နိုင်ငံက ယုံကြည်ပါတယ်။"

မြန်မာနိုင်ငံနဲ့ စီးပွားဆက်ဆံရေးလုပ်တဲ့အခါမှာ တာဝန်သိတဲ့ ရင်းနှီးမြှုပ်နှံမှုဖြစ်ဖို့ အလေးထားလုပ်သွားမှာ ဖြစ်သလို၊ ဒေသခံလူမှု အသိုင်းအဝိုင်းကို အကျိုးဖြစ်စေမဲ့ သဘာဝပတ်ဝန်းကျင်ကိုလည်း မထိခိုက်စေမဲ့ ရင်းနှီးမြှုပ်နှံမှုမျိုးတွေကို အားပေးသွားမယ်လို့ ပြောပါတယ်။

မြန်မာနိုင်ငံမှာ ရင်းနှီးမြှုပ်နှံသင့် မသင့်သုံးသပ်မှုတွေကို ကမ္ဘာ့ဘဏ်၊ အာရှဖွံ့ဖြိုးမှုဘဏ်တို့နဲ့ ပေါင်းပြီး လုပ်သွားမဲ့အကြောင်းလည်း ပြောသွားပါတယ်။ သူကိုယ်တိုင်ရော ဗြိတိန်ဝန်ကြီးချုပ် David Cameron ပါ မြန်မာနိုင်ငံမှာ တွေ့ခဲ့ကြတဲ့ အပြောင်းအလည်းတွေကြောင့် မြန်မာနိုင်ငံအပေါ် EU ကချမှတ်ထားတဲ့ အရေးယူဒဏ်ခတ်မှုတွေကို ဆိုင်ငံ့ထားဖို့ ဗြိတိန်က ဦးဆောင် တိုက်တွန်းခဲ့တဲ့အကြောင်းကိုလည်း နိုင်ငံခြားရေးဝန်ကြီး Hague က IISS မှာ ပြောတဲ့ မိန့်ခွန်းထဲမှာပြောသွားပါတယ်။ ထူးခြားတဲ့ အပြောင်းအလဲတွေ ဖြစ်နေတဲ့ မြန်မာနိုင်ငံနဲ့ EU ဥရောပသမဂ္ဂတို့ကြားမှာ ပွင့်လင်းတဲ့ဆက်ဆံရေး ရရှိဖို့အတွက် တကယ့်နိင်ငံရေး အပြောင်းအလဲဖြစ်အောင်၊လူ့အခွင့်အရေးဆိုင်ရာ ပြုပြင်ပြောင်းလဲမှုတွေ ဖြစ်အောင် လုပ်ဖို့ လိုအပ်တယ်ဆိုတာကိုလည်း အလေးထားပြောပါသေးတယ်။

"ပြုပြင်ပြောင်းလည်းမှုတွေ စတင်နေတဲ့အပေါ်မှာ ဗြိတိန်က အများကြီးဝမ်းသာပါတယ်။ ဒါပေမဲ့ တိုင်းရင်းသားတွေနဲ့ ပဋိပက္ခဖြစ်နေသေးတဲ့ ကိစ္စ၊ နိုင်ငံရေးအကျဉ်းသားတွေရှိနေသေးတာပါဝင်တဲ့ လူ့အခွင့်အရေးကိစ္စတွေအပေါ်မှာ ကျွန်တော်တို့ စိုးရိမ်နေဆဲဖြစ်ပါတယ်။ သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ရဲ့ ပြတ်ပြတ်သားသား ဆောင်ရွက်ချက်တွေကြောင့် မြန်မာနိုင်ငံ မျှော်လင့်ချက် လမ်းပေါ် ရောက်နေတာကိုလည်း  ကြိုဆိုပါတယ်။"

ဗြိတိန်အခြေစိုက် မြန်မာ့ဒီမိုကရေစီရေးနဲ့ လူ့အခွင့်အရေးဆောင်ရွက်နေတဲ့ Burma Campaign UK ကလည်း မြန်မာနိုင်ငံမှာ နိုင်ငံရေး အကျဉ်းသား တယောက်မှ မရှိရေးအတွက် ဗြိတိန်နိုင်ငံခြားရေးရုံးဝန်ကြီး Jeremy Browne ဆီကို ဒီကနေ့မှာပဲ တိုက်တွန်းစာပို့ခဲ့ပါတယ်။

မြန်မာနိုင်ငံမှာ တရားဥပဒေစိုးမိုးရေး ရှိလာဖို့ရော စီးပွားရေးနဲ့လူ့အခွင့်အရေးဆိုင်ရာ ကုလသမဂ္ဂရဲ့ လမ်းညွှန်ချက်အတိုင်းဖြစ်အောင် လုပ်နိုင်ဖို့ ငွေကြေးအထောက်အပံ့တွေ ပေးသွားမယ်ဆိုတာကိုလည်း ဗြိတိန်နိုင်ငံခြားရေးဝန်ကြီးက အာရှရောက်နေစဉ်မှာ အသိပေးပါတယ်။ မြန်မာနိင်ငံမှာ ရင်းနှီးမြှုပ်နှံမှုတွေက ဆင်းရဲသားပြည်သူတွေအတွက် တကယ်အကျိုးဖြစ်ထွန်းစေဖို့ ကြိုးစားလုပ်သွားမှာဖြစ်တယ်ဆိုတာကို Singapore က နိုင်ငံတကာ မဟာဗျူဟာလေ့လာရေးသိပ္ပံ IISS မှာပြောသွားတဲ့မိန့်ခွန်းထဲမှာ ဝန်ကြီး William Hague က ပြောသွားပါတယ်ရှင်။

လေးနိုင်ငံအလိုရှိသူ စိုင်းနော်ခမ်း ဖမ်းမိ

By ကိုမိုးဇော်

မြန်မာအပါအ၀င် ဒေသတွင်းနိုင်ငံတွေက အလိုရှိနေတဲ့ မူးယစ်ဂိုဏ်းခေါင်းဆောင် စိုင်းနော်ခမ်းကို ဒီရက်ပိုင်းအတွင်းမှာ လာအို အာဏာပိုင်တွေက ရွှေတြိဂံဒေသမှာ ဖမ်းဆီးရမိလိုက်ပြီဖြစ်ပါတယ်။ ရှမ်းပြည်နယ် အရှေ့ပိုင်း တာချီလိတ်နယ်အတွင်းမှာ လှုပ်ရှားနေတဲ့ မူးယစ်ဂိုဏ်းခေါင်းဆောင် နော်ခမ်းကို ဖမ်းဆီးနိုင်ရင် ဆုငွေ ဘတ်နှစ်သန်းပေးမှာဖြစ်ကြောင်း ထိုင်းနိုင်ငံ မူးယစ်ဆေးဝါးထိန်းချုပ်ရေးအဖွဲ့က ပြီးခဲ့တဲ့အပတ်သောကြာနေ့က ထုတ်ပြန်ထားတာလည်း ဖြစ်ပါတယ်။ ဒီသတင်းအပြည့်အစုံကိုတော့ ထိုင်းအခြေစိုက်သတင်းထောက် ကိုမိုးဇော်က တင်ပြပေးထားပါတယ်။

မူးယစ်မှောင်ခို ဂိုဏ်းခေါင်းဆောင် စိုင်းနော်ခမ်းဟာ ထိုင်း၊ မြန်မာနဲ့ လာအိုနိုင်ငံတို့ နယ်နမိတ်ချင်းထိစပ်ရာ ရွှေတြိဂံဒေသက ရှမ်းပြည်နယ်၊ အရှေ့ပိုင်း တာချီလိတ်နယ် အတွင်းမှာ အခြေပြု လှုပ်ရှားနေသူတယောက် ဖြစ်ပါတယ်။ သူဟာ မူးယစ်ဆေးဝါးမှု၊ လူသတ်မှုတွေနဲ့ တရုတ်၊ မြန်မာ၊ ထိုင်းနဲ့ လာအိုနိုင်ငံတွေက အလိုရှိ နေကြတာလည်းဖြစ်ပါတယ်။

ဒီလ ၂၀ ရက်နေ့ကတော့ ထိုင်းနိုင်ငံအစိုးရက စိုင်းနော်ခမ်းကို ဖမ်းဆီးရမိရင် ဘတ်ငွေနှစ်သန်းပေးမှာ ဖြစ်ကြောင်း ထုတ်ပြန်ကြေညာခဲ့ပါတယ်။ ဒီလ၂၃ ရက် နေ့မှာတော့ စိုင်းနော်ခမ်းအဖွဲ့ကလူတချို့ မြန်မာ အစိုးရဆီ လက်နက်ချသွားပြီးတဲ့နောက် စိုင်းနော်ခမ်းကို ဖမ်းဆီးရမိလိုက်တာဖြစ်တယ်လို့ လားဟူ ပြည်သူ့စစ်တပ်ဖွဲ့နဲ့ နီးစပ်သူတယောက်က ပြောပါ တယ်။

“၂၄ ရက်နေ့က ကျိုင်းလပ်အောက် မဲခေါင်မြစ်မှာ အစိုးရနဲ့ ပြည်သူ့စစ်ဝိုင်းတဲ့အခါကျတော့ သူက လာအို ဘက် မှာ ထွက်ပြေးတယ်တဲ့။ ထွက်ပြေးတော့ လာအိုစစ်သားတွေက သူ့ကို ဖမ်းသွားတယ်။ လေးယောက် လို့ ပြောတယ်။ ၂၃ ရက်နေ့မှာ တာချီလိတ်ဗျူဟာမှာ စိုင်းနော်ခမ်း တပည့် ၇ ယောက် အလင်းဝင်လာတယ် တဲ့။ သေနတ်လေးလက်နဲ့ ဦးအိုက်ထွန်းခေါင်းဆောင်တယ်။ အလင်းဝင်လာတော့ သူတို့က သတင်းရပြီးမှ ဗမာအစိုးရစစ်တပ်နဲ့ ပြည်သူ့စစ် သွားဝိုင်းတော့ သူက စက်လှေနဲ့ ဟိုဘက်ထွက်ပြေးသွားတယ်တဲ့။ ဟိုဘက်ကျတော့ လာအိုစစ်တပ်တွေက ဖမ်းသွားတယ်ပြောတယ်။”

စိုင်းနော်ခမ်းကို ဖမ်းဆီးရမိတာ ၂၄ ရက်နေ့ညပိုင်းလို့ ပြည်သူ့စစ်နဲ့ နီးစပ်သူက ပြောပေမဲ့ ဒီကနေ့ ထိုင်းနိုင်ငံထုတ် ဘန်ကောက်ပို့စ် သတင်းစာ မှာတော့ သူ့ကိုအခြားအဖွဲ့ဝင် ၇ ယောက်နဲ့အတူ ၂၆ ရက်နေ့ မနက်အစောပိုင်းမှာ ဖမ်းဆီးရမိတာဖြစ်ကြောင်းနဲ့ လာအိုအာဏာပိုင်တွေက တရုတ်နိုင်ငံကို လွှဲပြောင်းပေး လိုက်ကြောင်း ဖော်ပြပါတယ်။ ဒါပေမဲ့ စိုင်းနော်ခမ်းကို ဖမ်းဆီးရမိတာနဲ့ပတ်သက်ပြီး လာအိုအာဏာပိုင်တွေ ဘက်ကတော့ အခုချိန်ထိ သတင်းအတိအကျထုတ်ပြန်တာ မရှိသေးဘူးလို့လည်း ဖော်ပြပါတယ်။

ရှမ်းပြည်နယ်အတွင်းက အခြေအနေတွေကို စောင့်ကြည့်ပြီး သတင်းဖော်ပြနေတဲ့ ရှမ်းသံတော်ဆင့် သတင်း ဌာနက အယ်ဒီတာ ဦးခွန်ဆိုင်းကတော့ စိုင်းနော်ခမ်းဖမ်းဆီးခံရတယ်ဆိုတာနဲ့ပတ်သက်ပြီး အခုလို ပြောပါ တယ်။

"ကျနော်တို့ရဲ့ source တွေ ပြောတာကို နားထောင်လို့ရှိရင်တော့ အများစုကတော့ ဒီဥစ္စာ သေချာတယ်။ သူတို့ ကိုယ်တိုင်က ဒီ ဗမာရော၊ လာအိုရော၊ တရုတ်အရာရှိတွေကို ကိုးကားပြီးတော့မှ သူတို့က ပြော လာတယ်။ အဲဒီတော့ ကျနော်တို့လည်း ဒီဥစာ ဖြစ်နိုင်ခြေများတယ်လို့ ယူဆတယ်ပေါ့ဗျာ။"

မြန်မာနိုင်ငံ တာချီလိတ်မြို့က ရဲတပ်ဖွဲ့ကတော့ အခုချိန်ထိ ဒီသတင်းကို အတည်ပြုတာ မရှိသေးဘူးလို့ နီးစပ်သူတွေက ပြောပါတယ်။

ရွှေတြိဂံဒေသအတွင်းလှုပ်ရှားနေတဲ့ မူးယစ်ဂိုဏ်းခေါင်းဆောင် စိုင်းနော်ခမ်းဟာ ဘိန်းဘုရင်ခွန်ဆာရဲ့ MTA ခေါ် မော်ထိုင်းတပ်ဖွဲ့ဝင် တယောက်ဖြစ်ပြီး ၁၉၉၆ ခုနှစ်က ဘိန်းဘုရင်ခွန်ဆာ လက်နက်ချပြီးတဲ့နောက်မှာ တာချီလိတ်မြို့နယ် ဟောင်လိတ် ပြည်သူ့စစ်ခေါင်းဆောင် တယောက်ဖြစ်လာခဲ့ပါတယ်။

၂၀၀၆ ခုနှစ်မှာ မူးယစ်ဆေးဝါးနဲ့ လက်နက်မှုတွေကြောင့် တိမ်းရှောင်ထွက်ပြေးခဲ့ရပြီး မူးယစ်ဆေး မှောင်ခို ကုန်ကူးတာနဲ့ မဲခေါင်မြစ်အတွင်းဖြတ်သန်း သွားလာတဲ့ သင်္ဘော၊ စက်လှေတွေကို ဆက်ကြေးကောက်၊ ပစ်ခတ် တိုက်ခိုက်တာတွေရှိခဲ့ဆိုပြီး တရုတ်၊ မြန်မာ၊ ထိုင်းနဲ့လာအို အစိုးရတွေက အလိုရှိခဲ့တာဖြစ်ပါတယ်။ ပြီးခဲ့တဲ့နှစ် အောက်တိုဘာလအတွင်းက တရုတ်ကုန်တင်သင်္ဘောနှစ်စင်းကို ပြန်ပေးဆွဲပြီး သင်္ဘောသား ၁၃ ယောက်ကို သတ်ဖြတ်မှုများလည်း စိုင်းနော်ခမ်းအဖွဲ့ကို အဓိက သံသယဖြစ်ခဲ့ကြတာဖြစ်ပါတယ်။

၂၀၁၀ ခုနှစ်ဖေဖော်ရီလအတွင်းကလည်း မြန်မာနဲ့လာအိုနယ်စပ် မဲခေါင်မြစ်အတွင်း ကင်းလှည့်နေတဲ့ မြန်မာရဲတပ်ဖွဲ့ကို ပစ်ခတ်တိုက်ခိုက်ခံရတာကြောင့် ရဲအုပ်တယောက်အပါအ၀င် (၁၅) ယောက်သေဆုံးခဲ့ရပါ တယ်။ ဒီတိုက်ခိုက်မှုမှာလည်း မြန်မာအာဏာပိုင်တွေက စိုင်းနော်ခမ်းအဖွဲ့ကို သံသယရှိခဲ့ပေမဲ့ ဖမ်းဆီးနိုင် တာတော့ မရှိခဲ့ပါဘူး။

အခုလို စိုင်းနော်ခမ်းကို ဖမ်းဆီး ရမိတယ်ဆိုတဲ့အပေါ်မှာတော့ ဒေသတွင်းမှာ ကာလတိုတခုအထိ အေးချမ်းမှု ရရှိနိုင်မယ်လို့ ဦးခွန်ဆိုင်းက ပြောပါတယ်။

“ အခုလောလောဆယ်မှာ သူတို့ဂိုဏ်းပြိုသွားတော့ အစားထိုးမယ့်လူလည်း မရှိဘူး။ နောက်ပြီး သူတို့ထဲက နေပြီးတော့မှ တဗိုလ်တက်၊ တဗိုလ်ဆင်းစနစ်ကလည်း မရှိသေးတဲ့အခါကျတော့ အခုလောလောဆယ် တော့ လုံခြုံမှု ရှိနိုင်တယ်ပေါ့- ရေတိုအရဖြင့်။ သို့သော်လည်း ရေရှည်အားဖြင့်တော့ မဲခေါင်မြစ်ကြောင်း တလျှောက်မှာက အရင်ကတည်းက ပြဿနာအမြဲတမ်းရှိခဲ့တော့ ဒီ ဥစ္စာက ရေရှည်အတွက် စိတ်ချသွားရပြီလို့ မပြောနိုင်သေးဘူး"

ရွှေတြိဂံဒေသမှာ ၁၉၆၇ ခုနှစ်လောက်က စပြီး ဥဒေမဲ့ ဒေသတခုလို တည်ရှိနေခဲ့တာ စိုင်းနော်ခမ်းအဖွဲ့ မပေါ်ခင်တည်းက ဖြစ်တယ်လို့ဆိုပါတယ်။ ဒီဒေသတည်ငြိမ်ဖို့ ဆိုရင် အိမ်နီးချင်း အစိုးရတွေ ပူးပေါင်း ဆောင်ရွက်မှုသာမက ဒေသခံပြည်သူတွေရဲ့ ပူးပေါင်းဆောင်ရွက်မှုဟာလည်း အရေးကြီးတယ်လို့ ဦးခွန်ဆိုင်းက ပြောပါတယ်။

ပြီးခဲ့တဲ့နှစ် အောက်တိုဘာလ တရုတ်သင်္ဘောသားတွေ သတ်ဖြတ်ခံရပြီးတဲ့နောက်မှာတော့  မဲခေါင်မြစ်ကြောင်း လုံခြုံရေးအတွက် တရုတ်၊ မြန်မာ၊ ထိုင်း၊ လာအို လေးနိုင်ငံ ပူးပေါင်းပြီး ကင်းလှည့် စောင့်ကြပ်တာတွေ စတင်ထားတာလည်း ဖြစ်ပါတယ်။

မြောက်ကိုးရီးယား စစ်ရေးပြဒုံးကျည်တွေ အစစ်မဟုတ်

By ဗွီအိုအေ (မြန်မာဌာန)

ဒီလအစောပိုင်းက မြောက်ကိုးရီးယား တပ်မတော်စစ်ရေးပြပွဲမှာ ပါဝင်ပြသခဲ့တဲ့ ပဲ့ထိန်းတပ် ဒုံးကျည်တွေဟာ အစစ်မဟုတ်ဘူးလို့ ဂျာမန် လက်နက်သုတေသီနှစ်ဦးက ပြောဆိုလိုက်ပါတယ်။

ဂျာမန် Schmucker နည်းပညာဌာနက သုတေသီ Markus Schiller နဲ့ Robert Schmucker တို့ ရေးသားတဲ့ ယုံကြည်စရာမရှိတဲ့ပွဲလို့ အဓိပ္ပာယ်ရတဲ့ A Dog and Pony Show ဆိုတဲ့ စာတမ်းမှာ ဧပြီလ ၁၅ ရက်နေ့ စစ်ရေးပြပွဲမှာ ပစ်လွှတ်စင်ပေါ် တင်ဆောင်ပြသခဲ့တဲ့ တိုက်ချင်းပစ် ပဲ့ထိန်းတပ်ဒုံးကျည် ၆ စင်းဟာ အတုတွေ ဖြစ်တယ် လို့ ဝေဖန်သုံးသပ်ခဲ့တာပါ။

ပျံသန်းရေးအတွက် ယှဉ်တွဲအလုပ်လုပ်နိုင်မှုမရှိတဲ့ လောင်စာအရည်နဲ့ လောင်စာ အစိုင်အခဲတွေကို အဲဒီ ဒုံးကျည်တွေမှာ ပေါင်းစပ်အသုံးပြုထားပုံရတယ်လို့ စာတမ်းက ဆိုပါတယ်။

ဒုံးကျည်ရဲ့ ကျည်အိမ်ကို ကြည့်ခြင်းအားဖြင့် ပျံသန်းရေးယာဉ်အတွက် သတ္ထုထည်မှာ လုံလောက်တဲ့ ထူထဲမှု မရှိကြောင်း တွေ့ရတယ်လို့လည်း ထောက်ပြဝေဖန်ပါတယ်။ ဒါ့အပြင် ပုံစံတူရှိရမဲ့ ဒုံးကျည်တွေဟာ တခုချင်းစီမှာ ကွဲလွဲချက်တွေနည်းနည်းစီ ရှိနေပြီး ပစ်လွှတ်စင်နဲ့ အံဝင်မှု မရှိတာကိုလည်း တွေ့နိုင်တယ်လို့ သုတေသီတွေက ထောက်ပြကြပါတယ်။

မြောက်ကိုးရီးယားမှာ တကယ်တမ်း ပစ်ခွင်းနိုင်စွမ်းရှိတဲ့ တိုက်ချင်းပစ်ပဲ့ထိန်းတပ် ဒုံးကျည်ရှိနေပြီဆိုတာ လုံလောက်တဲ့ သက်သေ မတွေ့ရသေးဘူးလို့ သုတေသီတွေက ပြောပါတယ်။  မြောက်ကိုးရီးယားရဲ့ ခေါင်းဆောင်နံပါတ်တစ် Kim Il Sung နှစ် ၁၀၀ ပြည့် အထိမ်းအမှတ်အဖြစ် စစ်သုံး လက်နက် ၉၀၀ လောက် ပါဝင်တဲ့ စစ်ရေးပြပွဲကို April ၁၅ ရက်နေ့က ကျင်းပခဲ့တာဖြစ်ပါတယ်။

အမေရိကန် မရိန်း ၁၀,၀၀၀ ခန့် အိုကီနာဝါက ရွှေ့မည်

By ဗွီအိုအေ (မြန်မာဌာန)

အမေရိကန်နဲ့ ဂျပန်နိုင်ငံတို့အကြား ပူးတွဲချုပ်ဆိုတဲ့ သဘောတူညီမှုအရ အိုကီနာဝါကျွန်းမှာ အခြေစိုက်ထားတဲ့ အမေရိကန် မရိန်းတပ်သား ၉,၀၀၀ လောက်ကို တခြားနေရာတွေကို ပြောင်းရွှေ့မှာဖြစ်ပါတယ်။

နှစ်နိုင်ငံအကြားရရှိတဲ့ သဘောတူညီမှုကို ကြာသာပတေးနေ့နှောင်းပိုင်းမှာ ပူးတွဲ ကြေညာချက် ထုတ်ပြန်ခဲ့ပါတယ်။ အမေရိကန် မရိန်းတပ်သားတွေကို ဟာဝိုင်ယီ၊ အမေရိကန်နိုင်ငံပိုင် ဂူဝမ်ကျွန်းနဲ့ သြစတြေးလျှ စတဲ့အရပ်တွေဆီ ပြောင်းရွှေ့ပေးမှာ ဖြစ်ပါတယ်။

အမေရိကန် မရိန်းတပ်သားတွေ ဂူဝမ်ကျွန်းကို ပြောင်းရွှေ့ပေးရတဲ့ ကုန်ကျစရိတ် ခန့်မှန်းခြေ အမေရိကန် ဒေါ်လာ သန်းပေါင်း ၈,၆၀၀ အနက်က သန်း ၃,၁၀၀ ကို ဂျပန် အစိုးရက ပေးမယ်လို့ဆိုပါတယ်။

အခုလို သဘောတူညီချက် ပြုလုပ်ရတာဟာ အမေရိကန် မရိန်းတပ်သားတွေ အိုကီနာဝါကျွန်းမှာ ကာလ ကြာရှည် အခြေစိုက်နေထိုင်လာခဲ့တဲ့အတွက် အမှုအခင်းတွေ များတယ်၊ ဆူညံတယ်၊ လေထုညစ်ညမ်းတယ်ဆိုပြီး ဒေသခံပြည်သူတွေက မကျေမနပ်ဖြစ်နေကြတဲ့ တင်းမာမှုတွေ လျှော့ပါးသွားအောင် ရည်ရွယ်လုပ်ဆောင်တာ ဖြစ်ပါတယ်။

၂၀၀၆ ခုနှစ်တုန်းကလည်း ဖူတားမား မရိန်းလေတပ်စခန်းကို လူနေထူထပ်တဲ့ နေရာကနေ ဝေးကွာတဲ့ ကမ်းရိုးတန်း တနေရာကို ပြောင်းရွှေ့ပေးဖို့ အမေရိကန်နဲ့ ဂျပန်နိုင်ငံအကြား သဘောတူညီမှု ပြုလုပ်ခဲ့ဖူးပါတယ်။

ဒါပေမယ့် ဒေသခံတွေကတော့ စစ်စခန်းတွေကို ပိတ်ပစ်ဖို့ ဒါမှမဟုတ် တခြား တနေရာရာကို ပြောင်းရွှေ့သွားဖို့ တောင်းဆိုနေကြတာ ဖြစ်ပါတယ်ခင်ဗျာ။

ကမ္ဘာ့ဘဏ် မြန်မာနိုင်ငံရုံးခွဲဖွင့်မည်

By ဗွီအိုအေ (မြန်မာဌာန)

ကမ္ဘာ့ဘဏ်က မြန်မာနိုင်ငံမှာ လာမယ့်ဇွန်လအတွင်း ရုံးဖွင့်ဖို့ စီစဉ်နေပြီလို့ မနေ့က ကြာသပတေးနေ့ က ကြေညာလိုက် ပါတယ်။ ကမ္ဘာ့ဘဏ်အနေနဲ့ မြန်မာနိုင်ငံနဲ့ ပြန်လည် အဆက်အသွယ်လုပ်ရာ မှာ ပြုပြင်ပြောင်းလဲရေးလိုလားတဲ့ အစိုးရက နိုင်ငံရဲ့ ကြွေးမြီတွေပြန်ဆပ်ဖို့နဲ့ တိကျမှန်ကန်တဲ့ စီးပွားရေး စာရင်းဇယားတွေ တင်ပြမှုပေါ်မှာ မူတည်နေတယ်လို့ ကမ္ဘာ့ ဘဏ်ရဲ့ အရှေ့အာရှနဲ့ ပစိဖိတ်ဒေသရေးရာ ဒုဥက္ကဋ္ဌ Pamela Cox ကပြောဆိုလိုက်ပါတယ်။

ကမ္ဘာ့ဘဏ် အဖွဲ့ဝင်နိုင်ငံတွေနဲ့ တခြားနိုင်ငံတကာ အဖွဲ့အစည်းတွေလိုပဲ မြန်မာနိုင်ငံရဲ့ ဖြစ်ထွန်းတိုးတက် မှုတွေကို တဆင့်ချင်း တုံ့ပြန်သွား မှာဖြစ်တယ်လို့ဆိုပါတယ်။ နိုင်ငံအတွက်လိုအပ်တဲ့ ဖွံ့ဖြိုးမှုအကူအညီတွေ အပြင် ရသုံးမှန်းခြေ ငွေစာရင်းနဲ့ စီးပွားရေး ရာတွေကို ကမ္ဘာ့ဘဏ်ကျွမ်းကျင်သူတွေက ဆန်းစစ်အကဲခတ် သွားမယ်လို့ Ms. Cox က ပြောပါတယ်။

ကမ္ဘာ့ဘဏ်လုပ်ငန်းတွေ မြန်မာနိုင်ငံမှာ အပြည့်အ၀ပြန်လည် ဆောင်ရွက်နိုင်ဖို့အတွက် မြန်မာနိုင်ငံက ကမ္ဘာ့ဘဏ်ကို ပေးဆပ်ရန် ကျန်ရှိနေတဲ့ ဒေါ်လာ ၃၉၃ သန်းနဲ့ ADB အာရှဖွံ့ဖြိုးရေးဘဏ်အပေါ် တင်ရှိနေ တဲ့ ဒေါ်လာသန်း ၅၀၀ ကိုအရင် ပြေလည်အောင် လုပ်ကြရဖို့ ရှိပါတယ်။ အစိုးရရဲ့ ပြုပြင်ပြောင်းလဲမှုတွေဟာ လူထုအတွက် အကျိုးရှိတယ် ဆိုတာကို လက်တွေ့ပြသနိုင်အောင် ပြည်သူတရပ်လုံး ၀င်ငွေတိုးစေဖို့ ကမ္ဘာ့ဘဏ်က ကြိုးစားသွာမယ်လို့ Ms. Cox ကပြောပါတယ်။

Ms. Cox ဟာ လာမယ့်ဇွန်လအတွင်း မြန်မာပြည်ကိုသွားရောက်ဖို့စီစဉ်ထားကြောင်းနဲ့ ကမ္ဘာ့ဘဏ်က အခုလို မြန်မာနိုင်ငံနဲ့ အဆက်အသွယ်ပြန်လုပ်တာဟာ ပိတ်ဆို့မှုရုပ်သိမ်းတာတွေနဲ့ မဆိုင်ဘဲ အခြေခံ အချက်အလက် စာရင်းဇယားတွေနဲ့သာ ဆက်စပ်မှုရှိတယ်လို့ပြောပါတယ်။