အတုအယောင် ကမ္ဘာ မှာ ဆင်ခြင်စရာ

By Cloud Cuckoo Land in Big Brothers & Sisters · Edit Doc

လူမှုကွန်ယက်စာမျက်နှာတွေဟာ မျက်မှောက်ခေတ်ရဲ့ လူမှုဘဝထဲကို ထည်ထည်ဝင်ဝင် ဝင်ရောက်လို့လာနေပါတယ်။ သတင်း၊ အချက်အလက်တွေ မြန်ဆန်စွာ ဖလှယ်နိုင်မှုဆိုတဲ့ အားသာချက်ကြာင့် သတင်းခေတ် လူသားတွေအတွက် အွန်လိုင်းစာမျက်နှာတွေကို ချိတ်ဆက်အသုံးပြုမှုဟာ နေ့စဉ် ဘဝရဲ့ နိစ္စဓူဝ အလုပ်ဖြစ်လာပါတယ်။ သတင်းဌာနတွေကလည်း အွန်လိုင်းကို အသုံးပြုပြီး သတင်းတွေကို သတင်းဖတ်သူထံ အမြန်ဆုံးပို့ဆောင်ခြင်းဖြင့် သတင်းစီးဆင်းမှုကို ပိုမိုမြန်စေတယ်။ စီးပွားရေးလုပ်ငန်းတွေကလည်း လူမှုကွန်ယက်စာမျက်နှာတွေမှ တဆင့် ကြော်ငြာတာ၊ ဈေးကွက်မြှင့်တင်တာ တွေ ပိုလုပ်လာနိုင်တယ်။ နိုင်ငံရေးပါတီတွေ၊ တိုင်းပြည် ခေါင်းဆောင်တွေ၊ နာမည်ကျော်ကြားသူတွေ စတဲ့ နယ်ပယ်ဒေသ ပေါင်းစုံက ပုဂ္ဂိုလ် အသီးသီးကလည်း သူတို့ရဲ့ ပရိသတ်၊ ထောက်ခံသူ၊ နောက်လိုက် တွေနဲ့ ကျယ်ကျယ်ပြန့်ပြန့် မြန်မြန်ဆန်ဆန် ထိတွေ့ ဆက်ဆံဖို့ ဒီလို လူမှုကွန်ယက်စာမျက်နှာတွေရဲ့ အကျိုး ကို ပိုမို အသုံးပြုလာကြပါတယ်။ လူမှုကွန်ယက်စာမျက်နှာတွေရဲ့ ကြီးမား၊ ကျယ်ပြန့်တဲ့ ထိရောက်မှုကြောင့် လှုမှုရေးလုပ်ငန်းတွေ လုပ်ဆောင်နေတဲ့ အဖွဲ့အစည်းတွေမှာလည်း အလှူငွေတွေ၊ လူထု အသိအမှတ်ပြုမှုတွေ ရရှိတာ ပိုလာပြီး လူမှုလုပ်ငန်းတွေ ပိုပြီးထိရောက်အောင်မြင်လာတယ်။ ဒီလို တစ်ဦးချင်း (သို့) အဖွဲ့အစည်း တွေအနေ လူမှုကွန်ယက်စာမျက်နှာတွေ ကို ကောင်းကျိုးအဖြစ် အသုံးချလာနိုင်ကြတယ်။ နောက်ဆုံး လူမှုကွန်ယက်စာမျက်နှာတွေဟာ တိုင်းပြည်တွေရဲ့ အနာဂတ်ကိုတောင် အကောင်းဘက်ကို ပြောင်းလဲစေတယ်ဆိုတာကို အာရပ်နွေဦးက သက်သေပြခဲ့ပါတယ်။ 

ဒါပေမယ့် အကြောင်းအရာတိုင်း၊ တိုးတက်ပြောင်းလဲမှုတိုင်းမှာ အကျိုး နဲ့ အတူ အဆိုး၊ အပြစ် ဆိုတာ တွဲပါလေ့ရှိပါတယ်။ လူအများမြင်သာတဲ့ လူတစ်ယောက်ရဲ့ လူမှုကွန်ယက်စာမျက်နှာမှာ မှတ်တမ်းလုပ်ရတဲ့ သတင်းအချက်အလက်တွေကို ခိုးယူမှု၊ အတုပြုလုပ်မှု၊ ကိုယ်ပိုင်ဘဝလုံခြုံမှု အားနည်းလာမှု၊ ဗိုင်းရက်စ် (Virus) လို၊ မားဝယ်လ် (Malware) လို၊ Malicious Programs တွေရဲ့ တိုက်ခိုက်ခံရမှု စတာတွေ အပြင် ကြီးမားတဲ့ လူမှုပြဿနာတွေ အထိ ဆိုးကျိုးသက်ရောက်စေပါတယ်။ 

ရုပ်ပိုင်းဆိုင်ရာ နည်းပညာတိုးတက်လာမှုနဲ့အတူ ယနေ့ ခေတ်လူငယ်ဟာ အတုအယောင် ကမ္ဘာ (Virtual World) ထဲမှာ ပိုပြီး ပျော်မွေ့လေ့ရှိပါတယ်။ မွေးလာကတည်းက အပြင် လက်တွေ့ လောကနဲ့ ထိတွေ့မှု နည်းလာပြီး ဖန်သားပြင်တွေက တဆင့် ထိတွေ့ရတဲ့ ကမ္ဘာလေးကို နှစ်ခြိုက်လေ့ရှိပါတယ်။ အပြင်မှာ တကယ့် သူငယ်ချင်းတွေနဲ့ စစ်တိုက်တိုင်း ကစားတာထက် ဂိမ်းထဲမှာ စစ်တိုက်ရတာကို ပိုသဘောကျ လာပါတယ်။ တကယ်မဟုတ်တဲ့ စစ်ပွဲအတုတွေ ကို နိုင်ဖို့အတွက် တကယ့် ပိုက်ဆံ အစစ်တွေကို ရက်ရက်ရောရော အသုံးပြုလာကြပါတယ်။ ကလေးတွေဟာ ကျန်းမာ၊ ပျော်ရွှင်၊ လွတ်လပ်စွာနဲ့ သဘာဝ ကွင်းပြင်ကျယ်မှာ ကစားရတာထက် အမြင်အာရုံအရ ပိုပြီးစွဲဆောင်မှုရှိတဲ့ ဘဝ အတုထဲမှာ ကစားရမှုကို ပိုပြီး နှစ်သက်လာပါတယ်။ ဒီအခြေအနေမှာလည်း ကောင်းတဲ့ အကျိုးက ရှိပါတယ်။ လှုပ်ရှားမှု အသားပေးတဲ့ ကစားနည်း (Action Games) တွေကြောင့် ကလေးတွေရဲ့ ကိစ္စတစ်ခု၊ ပြဿနာတစ်ခု၊ မမျှော်လင့်ဘဲ အဖြစ်အပျက်တစ်ခုကို လျင်လျင်မြန်မြန် တုံ့ပြန်နိုင်မှုစွမ်းရည်တွေ တက်ရသလို၊ စဉ်းစားတွေးခေါ်မှုကို အဓိက သုံးရတဲ့ ကစားနည်း (Strategy Games) တွေကြောင့် ကလေးတွေရဲ့ စိတ်ပိုင်းဆိုင်ရာ ဖွံ့ဖြိုးတိုးတက်မှုကို အထောက်အကူဖြစ်စေပါတယ်။ ဒါပေမယ့် ဘယ်အရာမဆို အဆိုး၊ အကောင်းရှိသလို အလွန်အကျွံ ဆိုရင် ဆေးတောင်မှ ဘေးဖြစ်တတ်တော့ မျှတစွာ ထိန်းညှိအသုံးချနိုင်မှု (Balance) က လိုပါတယ်။ ခေတ်နည်းပညာ အကူအညီ နဲ့ ကစားမှုဟာ လိုအပ်သလို အပြင်လက်တွေ့ ဘဝ၊ သူငယ်ချင်း အစစ်၊ လူအစစ်တွေနဲ့ ကစားနည်း အစစ်တွေကို ကာယကံမြောက် ပါဝင်လှုပ်ရှားမှုဖို့က ရုပ်ပိုင်းဆိုင်ရာ၊ စိတ်ပိုင်းဆိုင်ရာ မှန်ကန်စွာ ဖွံ့ဖြိုးစေမှုအတွက် အရေးကြီးလှပါတယ်။ 

ဒီလို အတုအယောင် ကစားနည်းတွေနဲ့ ကျင့်သားရ၊ ပျော်တတ် နေတဲ့ ခေတ်ကလေးတွေ နည်းနည်းအရွယ်ရောက်လာတော့လည်း အတုအယောင် လူမှုဆက်ဆံရေး တစ်မျိုးဖြစ်တဲ့ လူမှုကွန်ယက်စာမျက်နှာတွေဟာ သူတို့အတွက် နောက်ထပ် ကျင်လည်ကျက်စားရာ ကမ္ဘာတုအသစ်လေး ဖြစ်လာပါတယ်။ ဒီလို ဖြစ်လာတာဟာ ဆောင်းပါးအစမှာ တင်ပြခဲ့တဲ့ အကျိုးကျေးဇူးတွေကို ရရှိလို့ ခေတ်လူငယ်၊ ခေတ်လူသားအနေနဲ့ အကျိုးရှိပေမယ့် တစ်ဘက်ကလည်း လူငယ်တွရဲ့ တစ်ကိုယ်ရေ ကိုယ်ရည်ကိုယ်သွေး (Personality) ထက်မြက်စေမှုကို အားပေးတဲ့ လူအချင်းချင်း ဆက်သွယ်၊ ပြောဆို၊ ဆက်ဆံမှု (Interpersonal Communication) ကို အကြီးအကျယ် ထိခိုက်လာစေပါတယ်။ တကယ့်လက်တွေ့ လူမှုဆက်ဆံရေးမှာ အားနည်းလာတာ၊ ပေါင်းသင်းဆက်ဆံမှုအားနည်တာ၊ လူတောမတိုး၊ လူမဝင်ဆန့် ဖြစ်ရတာ၊ လက်တွေ့ လူလောက အဆိုး၊ အကောင်း၊ အကျိုး၊ အကြောင်း သိနားလည်မှု နည်းလာတာ၊ အပြင်လောကမှာ အထီးကျန် ခံစားရမှု များလာတာ စတဲ့ လူမှုဆိုင်ရာ၊ စိတ်ပိုင်းဆိုင်ရာ ပြဿနာတွေ ကျယ်ကျယ်ပြန့်ပြန့် ဖြစ်ပေါ်လာစေပါတယ်။ ဒီလို လူမှု၊ စိတ္တအပြစ်တွေဟာ လူငယ်၊ လူကြီး အားလုံးကို ထိခိုက်စေတာ ဖြစ်ပေမယ့် ငယ်ရွယ်နုနယ်၊ အတွေးမကြွယ်တဲ့ စဉ်းစာဆင်ခြင်မှု အားနည်းနေသေးတဲ့ လူငယ်တွေ၊ ကလေးတွေ (၁၈ နှစ်အောက်) ကို သက်ရောက်မှု က ပိုများပြီး ထိခိုက်မှုလည်း ပိုကြီးပါတယ်။ 

အတုအယောင် အသိုင်းအဝန်း (Virtual Community) ဟာ လူတွေရဲ့ ချိတ်ဆက်နိုင်တဲ့ အဝန်းအဝိုင်း (Network) ကို အတိုင်းအဆမရှိ ချဲ့ထွင်နိုင်လို့ ကောင်းတဲ့ အကျိုးရှိသလို ကြီးမားတဲ့ အဆိုးကတော့ အဝန်းအဝိုင်းကြီးရင်ကြီးသလို ဆက်ဆံရတဲ့ လူပုဂ္ဂိုလ်တွေ ပိုများလာပြီး ဒီလူတွေရဲ့ တကယ့် အစစ်အမှန် သရုပ်ကို ခန့်မှန်းရတာ ခက်တာပါ။ ဒါဟာ လူကြီး၊ လူငယ် ကြုံတွေ့ရတာပါ။ ဒါပေမယ့် ဆင်ခြင်ထုံတရား နည်းသေးတဲ့ ကလေးတွေ၊ လူငယ်တွေကတော့ ဆိုးကျိုးကို ပိုခံရလေ့ရှိပါတယ်။ ဒါကြောင့် အွန်လိုင်း ရာဇဝတ်မှုတွေ (Cyber Crimes) ရဲ့ သားကောင်တွေဟာ များသောအားဖြင့် ကလေး၊ လူငယ်တွေ ဖြစ်လေ့ရှိနေတာပါ။ လူငယ်တွေအတွက် ဖြစ်လာနိုင်တဲ့ အန္တရာယ်၊ လုံခြုံမှု အားနည်းမှုက ပိုကြီးပါတယ်။ 

လူငယ် မိန်းခလေး၊ ယောင်္ကျားလေးတွေကို အမြဲတမ်း ခြေရာကောက်၊ လိုက်ရှာနေတတ်တဲ့ ကာမမုဆိုးတွေ (Sexual Predators) ဟာ အွန်လိုင်းရဲ့ နေရာတိုင်းမှာ၊ ပုံသဏ္ဍာန်မျိုးစုံနဲ့ တည်ရှိနေတတ်ပါတယ်။ သိမြင်လွယ်တဲ့၊ ချက်ချင်း သတိထားမိနိုင်တဲ့ ပုံစံတွေကတော့ အွန်လိုင်းမှာ လိင် (သို့) လူမျိုး၊ ဘာသာ စတဲ့ ကွဲပြားခြားနားမှု အတွက် အနိုင်ကျင့် ပြောဆို၊ ပြုမှုဆက်ဆံမှု (Online Bullying)၊ အွန်လိုင်း (သို့) လူမှုကွန်ယက်စာမျက်နှာ ကို အသုံးပြုပြီး စိတ်ပိုင်းဆိုင်ရာ ဖိနှိပ် ပြောဆို၊ ဆက်ဆံ၊ စော်ကားမှု (Online Trolling)၊ လိင်ပိုင်းဆိုင်ရာ အရှက်တကွဲ အကျိုးနည်းဖြစ်အောင် ပြုမူပြောဆိုမှု (Sexual Harassment)၊ အွန်လိုင်းမှ တဆင့် ဆက်သွယ်ပြီး လိင်ပိုင်းဆိုင်ရာ အနိုင်ကျင့်မှု (Sexual Abuse) စတာတွေ ဖြစ်ပါတယ်။ ဒါတွေဟာ လူကြီး တင်မက လူငယ်တွေလည်း ချက်ချင်း မဟုတ်တောင် အဖြစ်အပျက်တစ်ခု၊ နှစ်ခု ကြည့်ပြီး၊ ကြုံတွေ့ပြီးရင် ကာကွယ်၊ ဆင်ခြင်သွားနိုင်လို့ ရပါသေးတယ်။ 

ဒါတွေထက်ပိုကြီးမားတဲ့ အန္တရာယ်ကတော့ ချက်ချင်း သတိမမူနိုင်တဲ့ အပေါ်ယံမှာ ဟန်ဆောင်ကောင်းတတ်တဲ့ ပုဂ္ဂိုလ်မျိုးတွေပါ။ သူတို့ဟာ သူတို့ ကျွမ်းကျင်တဲ့ အတတ်ပညာ တစ်ခုခု၊ ကျွမ်းကျင်မှု တစ်ခုခုကို အသုံးချပြီး လူတွ စိတ်ဝင်းစားလာအောင် လုပ်မယ်၊ လူမှုဆက်ဆံရေးကျွမ်းကျင်မှုတွေ (Social Engineering Skills) ကိုသုံးပြီး လူတွေကို ယုံကြည်လာအောင်လုပ်မယ်၊ ဒါတွေအားလုံး အခြေခိုင်ပြီဆိုရင် စိတ်ဝင်းစားမှု၊ ယုံကြည်မှုကို တလွဲ အသုံးချတတ်ကြတဲ့ သဘောပါ။ လူမှုဆက်ဆံရေးကျွမ်းကျင်မှုပညာ (Social Engineering Skills) ကို သတင်း၊ နည်းပညာ ဘာသာရပ် (IT) မှာ ဖြစ်ပေါ်လာနိုင်တဲ့ လုံခြုံမှု အန္တရာယ် (Potential Threat / Risk) ထဲမှာ ထည့်လေ့ရှိပါတယ်။ သတင်း၊ နည်းပညာ အခေါ်အဝေါ်အရတော့ Phishing လို့ ခေါ်ပါတယ်။ ယုံကြည်မှု (သို့) အမှတ်မဲ့နေမှုကို အလွဲသုံးစားလုပ်မှုလို့ ဆိုနိုင်ပါတယ်။ အရင်လွန်ခဲ့တဲ့ နှစ်တွေတုန်းက ဗမာပြည်မှာ နာမည်ကြီးတဲ့ အွန်လိုင်းက ထီပေါက်တယ်၊ ဒါမှ မဟုတ် သန်းနဲ့ချီတဲ့ အမွေလွှဲပြောင်းမှုမှာ ကူညီဖို့ ဆိုတဲ့ စာတွေရောက်တာ၊ ဂုဏ်ထူးဆောင် ပါရဂူဘွဲ့ ယူဖို့ ဖိတ်တာ စတာတွေဟာ ဒီသဘောပါပဲ။ ဗမာပြည်က လုပ်ငန်းရှင်ကြီး တချို့ တောင် ဒီလိုနည်းနဲ့ ငွေကုန်၊ လူပန်းဖြစ်ပြီး အရှက်တကွဲ အလိမ်ခံရဖူးပါတယ်။ သူများ မျက်ခုံးမွှေး စင်္ကြန် လျှောက်နေတဲ့ ဒီလို ပုဂ္ဂိုလ်မျိုးတွေ၊ လူကြီးတွေတောင် အလိမ်ခံရနိုင်ရင် ငယ်ရွယ်တဲ့ ကလေးသူငယ်တွေအတွက် ဒီလို အတတ်ပညာ၊ ကျွမ်းကျင်မှုနဲ့ လူမှုဆက်ဆံရေးကျွမ်းကျင်မှုကို အသုံးချပြီး ယုံကြည်မှုအလွဲသုံးစာလုပ် တလွဲ အသုံးချခံရမှုဟာ တကယ့်ကို ကြီးမားတဲ့ အသက်၊ အရှက်၊ ဘဝ အကုန်လုံးကို ထိခိုက်နိုင်တဲ့ လုံခြုံမှု အန္တရာယ် ဖြစ်ပါတယ်။ 

လူမှုကွန်ယက်စာမျက်နှာတွေကတဆင့် စသိ၊ ပြီးတော့ အွန်လိုင်းမှာ စည်းရုံးခံရ၊ နောက် လူချင်းတွေ့ပြီး ကာမ လုယူခံရ၊ တခါတလေ အသတ်ပါခံရတတ်တဲ့ မိန်းခလေးငယ်၊ ယောင်္ကျားလေးငယ်တွေ ရင့်နင့်ဖွယ် အဖြစ်အပျက်တွေဟာ နိုင်ငံတကာ သတင်းတွေမှာလည်း မကြာခဏ တွေ့ရလေ့ရှိပါတယ်။ ဗမာပြည်မှာတောင် သိပ်မကြာခင်က အွန်လိုင်းမှာ ခင်မင်ရာက တဆင့် ရင်းနှီးပြီး မိန်းခလေးငယ်က ယောင်္ကျားလူကြီးဆီ မိဘမသိအောင် ခိုးလိုက်လာတဲ့ သတင်းတွေ့ရပါသေးတယ်။ ဒီဖြစ်ရပ်မှာတော့ ယောင်္ကျားဖြစ်သူ လူကြီးက အကျင့်သီလ ပြည့်စုံသူဖြစ်တော့ မိဘကို အကြောင်းကြားပြီး ပြန်ပို့နိုင်ခဲ့ပါတယ်။ ဒီလို မဟုတ်ဘဲ လိင်ပိုင်ဆိုင်ရာ အနိုင်ကျင့်၊ ဖျက်စီးခံရတဲ့ ယောင်္ကျား၊ မိန်းမ ကလေးသူငယ်တွေရဲ့ အဖြစ်ဆိုးတွေ ဗမာပြည်မှာလည်း ရှိနေနိုင်ပါတယ်။ နိုင်ငံတကာ လေ့လာမှု စစ်တမ်းများရဲ့ သုံးသပ်ချက်အရတော့ ကာမမုဆိုးတွေ ဟာ အွန်လိုင်းမှာ သောင်းနဲ့ချီတဲ့ ပမဏနဲ့ အချိန်တိုင်း ရှိနေတယ်လို့ ဆိုပါတယ်။ 

အထက်မှာ တင်ပြခဲ့တဲ့ အကြောင်းအရာတွေဟာ ကမ္ဘာနဲ့ အဝှမ်း ဖြစ်လေ့ရှိတဲ့ သဘောနဲ့ အန္တရာယ် တွေပါ။ ကောင်းမွန်တဲ့ ပညာရေးစနစ်၊ တွေးခေါ်၊ ဆင်ခြင်၊ စဉ်းစားမှုကို အားပေးတဲ့ အလေ့အကျင့်ရှိတဲ့ လူ့အဖွဲ့အစည်းတွေ ရှင်သန်တဲ့ တိုးတက်ခေတ်မီတဲ့ တိုင်းပြည်ကြီးတွေမှာလည်း ကြုံတွေ့နေရတဲ့ ပြဿနာတွေပါ။ ဒီတော့ ဗမာပြည်လို အတွေးအခေါ်၊ စဉ်းစာမှု ပေးတာကို အားနည်းတဲ့ ပညာရေးစနစ် ရှိတဲ့၊ ပိတ်ဆို့ထားတဲ့ လူ့အဖွဲ့အစည်းတွေရှင်သန်တဲ့၊ အသိ၊ အမြင်နည်းတဲ့ တိုင်းပြည်အတွက် ဒီလို အန္တရာယ် တွေဟာ မဖြစ်မနေ အလေးဂရုပြုပြီး ပညာပေးတာ၊ ကာကွယ်တာ လုပ်ဖို့လိုပါတယ်။ 

 နောက်တစ်ခုတင်ပြချင်တာကတော့ လူမှုကွန်ယက်စာမျက်နှာတွေရဲ့ နည်းပညာ သဘောပါ။ ဒီလို အွန်လိုင်းဆက်သွယ်ရတဲ့ စာမျက်နှာတွေဟာ အနောက်တိုင်းက အစပြုတာပါ။ အနောက်တိုင်းဓလေ့က ကိုယ်ပိုင် လွတ်လပ်မှု၊ ကိုယ်ပိုင်ဘဝ (Private Life) လုံခြုံမှုကို အင်မတန်အလေးထားပါတယ်။ ဒီသဘောကို သူတို့ရဲ့ နည်းပညာတွေမှာလည်း အပြည့်အဝ ထည့်ပေးထားပါတယ်။ လူမှုကွန်ယက်စာမျက်နှာတွေမှာလည်း သုံးစွဲသူတွေရဲ့ လုံခြုံမှုကို အလုံးစုံ အပြည့်အဝမဟုတ်တောင် အထိုက်အလျောက် ကာကွယ်နိုင်တဲ့ အရာ (Features) တွေထည့်ပေးထားပါတယ်။ ဒါတွေကို လူကြီး၊ လူငယ်အားလုံး သုံးတတ်အောင်၊ ကာကွယ်နိုင်အောင် သိနားလည်ထားပြီး တကယ်လည်း ကာကွယ် အသုံးချရပါမယ်။ မသိသေးရင်လည်း နေ့စဉ် ထမင်းစားတာ၊ ရေသောက်တာလို ဖြစ်နေပြီဖြစ်တဲ့ အလေ့အကျင့်တစ်ခုရဲ့ လုံခြုံရေးအတွက် အချိန်ပေးပြီး လေ့လာရပါမယ်။ 

 နောက်ဆုံးအနေနဲ့ တင်ပြချင်တာကတော့ မှန်ကန်တဲ့ ပညာပေးမှုပါ။ ဗမာ့လူ့အဖွဲ့အစည်းမှာ ရှက်လို့၊ ကြောက်လို့၊ ဒါမှ မဟုတ် လူကြီးနဲ့ လူငယ် မပြောကောင်းလို့၊ ယဉ်ကျေးမှုကြောင့်၊ ရိုးရာကြောင့် အစရှိလို့ မပြောမဆို၊ မဆွေးမနွေး၊ ပညာမပေးတဲ့ အကြောင်းအရာတွေ အများကြီး ရှိပါတယ်။ ၁၉၉၀ ခုနှစ်များတုန်းကဆို လိင်ဆက်ဆံရာကနေ ကူးစက်နိုင်တဲ့ အေအိုင်ဒီအက်စ်ရောဂါ အကြောင်းကို အထက်မှာ တင်ပြခဲ့တဲ့ လွဲမှားတဲ့ အကြောင်းပြချက်တွေကြောင့် လူငယ်တွေအပေါ် လိင်ဆက်ဆံရာမှာ အကာအကွယ် သုံးဖို့ လှုံ့ဆော်တာမျိုး၊ ထိရောက်တဲ့ ပညာပေးမှုမျိုး မပြုလုပ်နိုင်ဘူး။ ဒီလို ရှေးဆန်တဲ့၊ ကျဉ်းမြောင်းတဲ့ အယူအဆတွေကြောင့် တိုင်းပြည်ရဲ့ အဖိုးတန် ရတနာတွေကို အချိန်မတိုင်ခင် ဆုံးရှုံးကုန်ရပါတယ်။ ခု အချိန်ထိလည်း လိင်ပညာပေး အစီအစဉ်၊ ကိုယ်ဝန်ဖြစ်ပေါ်လာပုံ၊ လိင်ဆက်ဆံမှုမှာ ဆောင်ရန်၊ ရှောင်ရန် စတာတွေကို ကျောင်းပညာရေးမှာ စနစ်တကျ သင်ပေးခြင်း မရှိသေးပါဘူး။ လူမှုရေးရှုထောင့်၊ ဒါမှမဟုတ် ဘာသာရေးရှုထောင့်ကနေ ပြောဆိုဆွေးနွေးထောက်ပြစရာ အကြောင်းတွေ ရှိကောင်း ရှိနိုင်တဲ့ အိမ်ထောင်မပြုခင် လိင်ဆက်ဆံခြင်းဟာ ပျိုရွယ်တဲ့၊ သွေးနဲ့သားနဲ့ တည်ဆောက်ထားတဲ့ ပုထုဇဉ် လူသာ၊ အထူးသဖြင့် လူငယ်၊ လူရွယ် အတွက် သဘာဝပါ ဆိုတာကိုလည်း လက်ခံထားရပါမယ်။ လိင်ပညာဟာ လူဘဝတလျောက်လုံးမှာ အရေးကြီးတဲ့ အခန်းကဏ္ဍမှာပါမှာဖြစ်တဲ့အတွက် ကလေးသာသာ အလယ်တန်းကျောင်းသား အရွယ်မှာကတည်းစပြီး ကျောင်းသန်ခန်းစာတွေမှာ စနစ်တကျ ထည့်သွင်းပြီး သင်ကြားပေးရမယ့် ပညာဖြစ်ပါတယ်။ ထိုနည်းတူ အခြား လူငယ်တွေ လက်တည့်စမ်း နိုင်တဲ့ ဆေးလိပ်၊ အရက်၊ မူးရစ်ဆေးဝါး စတာတွေ၊ လူငယ်ကြားရေပန်းစားတဲ့၊ အထက်မှာ အဓိက တင်ပြခဲ့တဲ့ လူမှုကွန်ယက်စာမျက်နှာတွေလို လူငယ်ရေပန်းစားယဉ်ကျေးမှုရဲ့ အကောင်းအဆိုးတွေ ကိုလည်း စနစ်တကျ မှန်ကန်တဲ့ ပညာပေးမှုတွေ လုပ်ကို လုပ်ရမှာပါ။ 

လူမှုကွန်ယက်စာမျက်နှာအကြောင်းကို နောက်ဆုံးနိဂုံးချုပ်ရရင် အွန်လိုင်းဆက်သွယ်ပြောဆိုဆက်ဆံနိုင်တဲ့ သဘောရဲ့ အကျိုးကျေးဇူးကြီးပုံတွေကို လူကြီး၊ လူငယ်အားလုံးသိကြပါတယ်။ ထို့အတူ တပါတည်း ပါလာတဲ့ မြင်သာတဲ့ အဆိုးတွေ၊ မမြင်သာတဲ့ အပြစ်တွေကိုလည်း လူကြီး၊ လူငယ်အားလုံးသိအောင် ပြောဆို၊ ဆွေးနွေး၊ ထောက်ပြ ရပါမယ်။ ကလေးသူငယ်၊ လူငယ်တွေအတွက် ထိခိုက်မှုက ပိုကြီးမားလွန်းတော့ သူတို့အတွက် ကောင်းမွန်၊ မှန်ကန်၊ အကျိုး၊ အကြောင်းညီတဲ့ ပညာပေးမှုတွေ လုပ်ကိုလုပ်ရပါမယ်။ ယဉ်ကျေးမှု ထိခိုက်လို့ ကိုရီးယားကားတွေ မပြနဲ့ကွာဆိုတဲ့ လွဲမှား၊ ကျဉ်းမြောင်းတဲ့ အယူအဆ လို လူငယ်တွေ ဒါတွေ၊ ဒါတွေ မသုံးစေနဲ့လို့ တားမြစ်လို့မရပါ။ အထက်ကတင်ပြခဲ့သလို ဒါတွေ ဒါတွေမှာ ဒီလို၊ ဒီလို ကောင်းကျိုး၊ ဆိုးကျိုးတွေ ရှိတယ်၊ ဒီတော့ ကောင်းမွန်မှန်ကန်စွာ အသုံးချတတ်ရမယ် ဆိုပြီး အကျိုး၊ အကြောင်းညီ၊ တော်တည့်မှန်ကန်တဲ့ လမ်းညွှန်မှုမျိုး၊ ပညာပေးမှုမျိုး လုပ်ရပါမယ်။ ဒီလို အကြောင်းအရာတွေကို လူကြီးတွေ ကျယ်ကျယ်ပြန့်ပြန့် ဆွေးနွေးနိုင်ဖို့ ဝေငှပါ၊ နှိုးဆော်ပါ၊ လူငယ်တွေကိုလည်း မှန်ကန်တဲ့ ဗဟုသုတပေးပါ။ ဒီလိုနဲ့ ပိုမိုကောင်းမွန်တဲ့ လက်တွေ့ ကမ္ဘာ လူအဖွဲ့အစည်းနဲ့ အတူ ပိုမိုကောင်းမွန်တဲ့၊ ကလေး၊ လူကြီးမရွေး လုံခြုံစိတ်ချရတဲ့ အတုအယောင်ကမ္ဘာငယ်လေးကိုလည်း တွဲလျက် ဖန်တီးလာနိုင်မှာ ဖြစ်ပါတယ်။ 

ငြိမ်းချမ်းအေး 

၂၈၊ ဧပြီ၊ ၂၀၁၂

posted by www.irrawaddyblog.com