အသစ် ဆာ/ရှာ ကြသူများ

by A Mon Moon on Thursday, April 26, 2012 at 9:14pm 

တခုတ်တရ သုံးလိုက်မိတယ်။ ဒါအသစ်မဟုတ်ဘူးတဲ့။ တခုတ်တရ လာပြောသွားရှာတယ်။ အရိုးတွန်သံကရော အသစ်လား။ အာဒမ်ရဲ့ နံရိုးကရော အသစ်လား။ ဧ၀ကရော အသစ်လား။ အချစ်ကတော့ အသစ်ဖြစ်ကောင်းဖြစ်ခဲ့မယ်။  အလွမ်းတွေ အသစ်အဖြစ်ရွာချ။ စင်သီယာ အသစ်။ မိလိပ်ပြာအသစ်။ ဂျူနို အသစ်။ မခင်နှင်းဆီအသစ်။ မယားငယ်အသစ်။

ဟုတ်လိမ့်မယ်။ လင်ငယ်ရဲ့ နောက်မိန်းမကတော့ အသစ်ဖြစ်တယ်။ ကျိုင်းကောင်တွေရော အသစ်ပဲလား။ ခြစားထားတာ ဟောင်းနေရောပေါ့။ ဘယ့်နှယ့် ခြမှ အဟောင်းဖြစ်ရတယ်လို့ ။ သွေးဆာသလို အသစ်ဆာတယ်။ သွေးအသစ် သွင်းကြမယ်။ ကျည်ဆံအသစ်တွေ တစ်တောင့်ပြီးတစ်တောင့်။ ဒုတိယ ကမ္ဘာစစ်က အသစ်မှ မဟုတ်ပဲ။ ပြည်တွင်းစစ်အသစ်တွေရှိသားပဲလေ။ လိင်အသစ်ဆိုတာ ဟိုဂေးတွေကို ပြောတာလား။ ဒါသတင်းအသစ်ပဲ။ ထ ဆင့်ထူးနဲ့ တ၀င်ပူး မင်္ဂလာဆောင်သွားပြီတဲ့။ ရဲရဲဝင့်ဝင့် လမ်းသစ်ဖောက်သွားကြတာပေါ့။ ဇာတ်လမ်းအသစ် ဂျာနယ်ပေါ်ပါလာဦးမှာပဲ။ အသစ်ဖြစ်ဖို့ ကတုံးပေါ် ထိပ်ကွက်လိုက်တယ်။ ကတုံးအဟောင်းက အသစ်ကို တရားဆွဲတယ်။ မူပိုင်ခွင့်အတွက် ဥပဒေ အသစ်ရေးဆွဲနေတုန်း။ နိုင်ငံတော်အသစ်ဆိုပါလား။ ဘယ်တုန်းကရှာတွေ့ တာတုန်း။ ကိုလံဘတ်ကို ရုံးတင်မယ်။ ဟုတ်လား။ အရက်အသစ်တွေထွက်နေပြီတဲ့။ ကိုလံဘတ်နဲ့ အတူသောက်လိုက်ကြဦးစို့ ။ ပြီးရင် အသစ်ကလေးတွေဆီ သွားဦးမယ်။ တောင်တွင်းကြီးမှာ ဟောင်းခဲ့ပြီးသား။ ဟုတ်လား။ ပြိုင်မြင်းခွာသံအသစ်တွေကြားနေရတယ်။ တာရာမင်းဝေ အသစ်တွေ။ ဟိုစင်အသစ်ပေါ်မှာ။ မျက်နှာဖုံးအသစ်တွေနဲ့ ။ ဥာဏ်စမ်းကတော့ ဖြေဖူးပြီးသား အဟောင်းကြီးပါ။ လက်နက်အသစ်ကိုယူလိုက်။ မျက်စိစုံမိတ်ဆွဲချပလိုက်စမ်း။ စကားလုံးအသစ်တွေ ပက်ပက်စက်စက်ထွက်ကျလာမယ်။ အဲဒီ အမှိုက်ပုံး အဟောင်းနဲ့ မခံလိုက်နဲ့ ။ ဦးရာလူ သုံးစတမ်းနော်။ ကြုံးဖမ်းထား လွတ်သွားရင် ဟောင်းသွားလိမ့်မယ်။ ပထမက အသစ်မရလို့ ဟိုချောင်မှာ ဆောင့်ငိုနေတယ်။ ပထမ က အသစ်မဖြစ်နိုင်တော့ဘူးတဲ့။ နူကလီးယားလက်နက်အသစ်ကလေး။ အိမ်နံရံမှာ လှလှပပချိတ်ထားတယ်။ လူလာတိုင်း အသစ်ဆိုပြီး ထပ်ခါထပ်ခါထုတ်ထုတ်ပြ။ ၀ုန်းခနဲ ထအပေါက်မှာ အဲဒီနံရံက အသစ်။ ဇာတ်ကားအသစ်တင်တယ်ဟုတ်လား။ ဟိုရုံအသစ်မှာ။ သရီးဒီနဲ့ အသစ်ဆိုပါလား ။အဟောင်းကြီးဟာ။   အောင့်သက်သက်နဲ့ကြွတ်ကြွတ်အိတ်အသစ်တွေ   ထွေးထုတ်ပလိုက်တယ်။ ရည်းစားအသစ်ကလေးကတော့ ဘေးမှာ အိပ်ပျော်လို့ ။ သူမ မနေ့ က အဟောင်းကို အိပ်မက်အသစ်ပြန်မက်နေရှာတယ်။ ရုတ်တရက် ဆာလောင်လာတယ်။ သွေးအသစ်။ သွေးအသစ်လိုတယ်။ ငါအသက်ဆက်ရှင်ဖို့ သွေးအသစ်လိုတယ်။ ခြင်ကတော့ ကိုက်တုန်းပဲ။ ညအသစ်မှာ ဘ၀အသစ်ကို လိုက်ရှာနေကြသူတွေ။ အသစ်ဆာကြသူတွေ။ အသစ်ရှာကြသူတွေ။ ဘာလိုလို နဲ့ အသစ်တွေ အတော်များသွားပြီပဲ။  ဍ္ဍ ကို ပြောင်းပြန်လှန်ပြီး အသစ်လုပ်မယ်။ ဆရာချော အသစ်တွေ။ ဆရာယုအသစ်တွေ။ ဆရာစိုင်းအသစ်တွေ။ စာရွက်အသစ်တွေ။ အသစ်တွေ။ အသစ်တွေ။ အုတ်ဂူအသစ်တွေနဲ့ အဲဒီနေရာ သိပ်စည်တယ်။ အသစ်ဆာ/ရှာကြတယ်။

အမွန်မွန်း

၂၇ ဧပြီ ၂၀၁၂