06.04.2012 နေ့ဖတ်ရန်သတင်းများ

by Myanmar Journal on Friday, April 6, 2012 at 10:10pm ·

ဒဏ်ခတ် ပိတ်ဆို့မှု ကန်ပြန်ရုပ်

မြန်မာ ဒဏ်ခပ် ပိတ်ဆို့မှုတွေ ကန် ရုပ်သိမ်း

မြန်မာအစိုးရကို ဒဏ်ခတ်ပိတ်ဆို့ထားမှု တချို့ ကို အမေရိကန် အစိုးရက ရုပ်သိမ်း ပေးလိုက်ပါပြီ။

ကျန်ရှိနေသေးတဲ့ ပိတ်ဆို့မှုတွေကိုလည်း မြန်မာ အစိုးရရဲ့ လုပ်ဆောင်ပုံတွေကို ကြည့်ပြီး တဆင့် ချင်း ရုပ်သိမ်းပေးသွားဖို့ ရှိတယ်လို့ အမေရိကန် နိုင်ငံခြားရေး ဟီလာရီ ကလင်တန်က ကြေ ညာသွားပါတယ်။

မြန်မာနိုင်ငံထဲက ပြုပြင်ပြောင်းလဲမှု ခြေလှမ်း တွေကို ဆက်စောင့်ကြည့်နေမှာ ဖြစ်ပြီး အထဲမှာ ကျန်နေတဲ့ နိုင်ငံရေး အကျဉ်းသား အားလုံး ပြန်လွတ်လာရေး၊ လက်ရှိ ပြန်လွတ်လာတဲ့ နိုင်ငံရေး အကျဉ်းသားတွေရဲ့ ကျန်ရှိနေသေးတဲ့ ထောင်ဒဏ်တွေကို ပယ်ဖျက်ပေးဖို့ အပါအဝင် တခြား လူ့အခွင့်အရေး ကိစ္စရပ်တွေမှာ တိုး တက်မှု ရှိမရှိကို စောင့်ကြည့်နေမှာ ဖြစ်တယ်လို့ ပြောပါတယ်။

နောက်တခါ အထဲမှာ စီဗီးလ ဆိုဆိုင်ယက်တီ ခေါ်တဲ့ လူမှု အဖွဲ့အစည်းတွေ ပေါ်လာဖို့ကို တွန်းအားပေးမှာ ဖြစ်သလို မြန်မာ အစိုးရနဲ့ မြောက်ကိုရီးယား အစိုးရတို့ စစ်ဘက် ဆက် ဆံရေး ဖြတ်ဖို့ကို ဆက်လက် တွန်းအား ပေးသွားမယ်လို့ ဟီလာရီ ကလင်တန်က ကြေ ညာသွားပါတယ်။

ဒဏ်ခပ် ပိတ်ဆို့မှု အတော်များများကို ပြန်ရုပ်သိမ်းလိုက်ပြီ ဆိုပေမယ့် ခု သမိုင်းဝင် ပြုပြင် ပြောင်းလဲရေး ကြိုးပမ်းမှုတွေမှာ သူ့အခေါ် မှားယွင်းတဲ့ ဘက်ကို ရောက်နေတဲ့ လူပုဂ္ဂိုလ်တွေ၊ အဖွဲ့အစည်းတွေကိုတော့ ဒဏ်ခပ် ပိတ်ဆို့မှုတွေ ဆက်ထားထားမယ်လို့ ဟီလာရီ ကလင်တန် က ပြောသွားပါတယ်။

ကလင်တန် ကြေညာတဲ့ အချက် ငါးချက်

အမေရိကန်နဲ့ မြန်မာ အစိုးရတို့ ဆက်ဆံရေး အဆင့် တိုးမြှင့်မှုရဲ့ တစိတ် တဒေသ အဖြစ် ဒဏ်ခပ် ပိတ်ဆို့မှု တချို့ကို ဖယ်ရှားပေးခဲ့တာ ဖြစ်ပြီး မနေ့က ဟီလာရီ ကလင်တန် ကြေညာသွားတဲ့ မြန်မာ နိုင်ငံနဲ့ ပတ်သက်တဲ့ အမေရိကန် အစိုးရရဲ့ ပေါ်လစီသစ်မှာ ခုပြောမယ့် အချက်တွေ ပါဝင်ပါတယ်။

ပထမတချက် အနေနဲ့ မြန်မာ နိုင်ငံမှာ အမေရိကန် သံအမတ် ထားရှိဖို့ ကိစ္စ သဘောတူညီမှု ရယူမှာ ဖြစ်ပြီး သဘောတူညီမှု ရပြီး ရက်ပိုင်း အတွင်းမှာ အမေရိကန် သံအမတ် အဖြစ် ဘယ်သူ့ကို ခန့်မလဲဆိုတာ ကြေညာမယ်။

ဒုတိယ တချက် အနေနဲ့ မြန်မာ နိုင်ငံထဲမှာ အမေရိကန်က ပြည်ပ ဖွံ့ဖြိုးရေး အထောက်အပံ့ ပေးတဲ့ USAID ရုံး ဖွင့်လှစ်ဖို့၊ တတိယ တချက် အနေနဲ့ အမေရိကန် နိုင်ငံထဲက ပုဂ္ဂလိက အဖွဲ့အစည်းတွေကို မြန်မာ နိုင်ငံထဲက ဒီမိုကရေစီ တည်ဆောက်ရေးကနေ ကျန်းမာရေး၊ ပညာရေးလို ကဏ္ဍတွေမှာ ဝင်ရောက် လုပ်ဆောင်ပေးနိုင်အောင် ကူညီထောက်ပံ့ဖို့ စတုထ္ထ တချက် အနေနဲ့ မြန်မာ နိုင်ငံထဲက အမေရိကန် သဘောတူတဲ့ လွှတ်တော် အမတ်တွေနဲ့ အစိုးရ အဖွဲ့ဝင်တွေကို အမေရိကန် နိုင်ငံကို သွားလာနိုင်အောင် စီစဉ် လုပ်ဆောင်ပေးမှာ ဖြစ်ပြီး နောက်ဆုံး ပဉ္စမ အချက်အနေနဲ့ အစောပိုင်းက မြန်မာ နိုင်ငံက ကုန်ပစ္စည်း တင်ပို့မှု ပိတ်ပင်ထားမှုကို တဖြည်းဖြည်းချင်း ပြန်ဖွင့်ပေးဖို့ နဲ့ အမေရိကန်က ဘဏ္ဍာရေးနဲ့ ရင်းနှီး မြှတ်နှံမှု လုပ်ငန်းတွေ မြန်မာ နိုင်ငံထဲ ရင်းနှီး မြှုတ်နှံမှုတွေ ပိတ်ပင်ထားတာ ရုပ်သိမ်းပေးရေးတွေ ပါဝင်ပါတယ်။

ဒါပေမယ့် တချို့ ဒဏ်ခပ် ပိတ်ဆို့မှုတွေ တော့ ဆက်လက် ထားရှိမှာ ဖြစ်ပြီး ဒီထဲမှာ မြန်မာ နိုင်ငံက ကျောက်မျက် တင်ပို့မှုကိုတော့ ဆက်ပိတ်ပင်ထားအုံးမယ်လို့ သတင်း ရရှိပါတယ်။

တကယ်တော့ ဧပြီ ကြားဖြတ် ရွေးကောက်ပွဲမှာ အန်အယ်ဒီ အမတ်နေရာ အပြည့်နီးပါး ဝင်ပြိုင်ပြီး ဝင်ပြိုင်တဲ့ နေရာ အားလုံးနီးပါး အနိုင်ရပြီးနောက်မှာ နိုင်ငံတကာက ဒဏ်ခပ် ပိတ်ဆို့မှုတွေကို အနှေးနဲ့ အမြန် ရုပ်သိမ်းတော့မယ်လို့ မြန်မာ့ အရေး လေ့လာ သုံးသပ်သူ အားလုံးနီးပါးက ခန့်မှန်းထားကြတာ ဖြစ်ပါတယ်။

မြန်မာ နိုင်ငံက ဖြစ်ပေါ် တိုးတက် ပြောင်းလဲမှုတွေကို အမေရိကန်အစိုးရက အပြည့်အဝ အသိ အမှတ်ပြု လက်ခံ ကြိုဆိုတယ်လို့ ဟီလာရီ ကလင်တန်က ပြောပါတယ်။

ဒါ့အပြင် မြန်မာ အစိုးရ ခေါင်းဆောင်တွေဟာ တိုင်းပြည်ရဲ့ အနာဂတ်နဲ့ ပတ်သက်ပြီး တကယ် နားလည် သဘောပေါက်မှု ရှိတာကို ပြသခဲ့သလို နောင်လည်း ဆက်လက် နားလည်သဘော ပေါက်နေမယ်လို့ မျှော်လင်ကြောင်း ဟီလာရီ ကလင်တန်က ပြောခဲ့ပါတယ်။

တိုက်ခိုက်မှုတွေကနေ ထွက်ပြေးလာတဲ့ ဆီးရီးယား ဒုက္ခသည်တွေ တိုးလာနေ

အစိုးရတပ်တွေ တိုက်ခိုက်နေတဲ့အတွက် ဒေသခံတွေ နေရပ်စွန့်ခွာပြေးကြရ

ဆီးရီးယားနိုင်ငံမှာ အကြမ်းဖက် တိုက်ခိုက်မှု တွေကနေ ထွက်ပြေးလာကြတဲ့ လူအရေအတွက် ဟာ ပြီးခဲ့တဲ့ ၂၄နာရီအတွင်း အံ့မခန်းနိုင် လောက်အောင် တိုးပွားလာနေတယ်လို့ တူရကီ အစိုးရ တာဝန်ရှိ ပုဂ္ဂိုလ်တွေက ပြောပါတယ်။

ဆီးရီးယားနိုင်ငံနဲ့ ကပ်ရက် တူရကီနိုင်ငံ နယ်စပ် Reyhanli မြို့ကို ဆီးရီးယားလူမျိုး တထောင်လောက် ရောက်လာပြီး လတ်လလော လတွေအတွင်း အများဆုံး ဖြစ်တယ်လို့ အဲဒီကလာတဲ့ သတင်းတွေက ဆိုပါတယ်။

ထွက်ပြေးလာသူအရေအတွက် အခုလို တိုးပွားလာတာဟာ ဆီးရီးယား အစိုးရတပ်ဖွဲ့တွေ တရွာဝင် တရွာထွက် လိုက်တိုက်ခိုက်နေတာကြောင့် ရွာသားတွေ နေအိမ်ကို စွန့်ခွာ ထွက်ပြေးခဲ့ရတဲ့ အတွက် ဖြစ်တယ်လို့ အတိုက်အခံ လှုပ်ရှားသူတွေက ပြောပါတယ်။

အပစ်အခတ် ရပ်စဲဖို့ နောက်ဆုံးနေ့ရက် သတ်မှတ်ထားတဲ့ ဧပြီလ ၁၀ရက်နေ့ မတိုင်ခင် ဆီးရီးယား အစိုးရတပ်တွေအနေနဲ့ တပ်တွေ မဆုတ်ခွာခင် သူတို့ရဲ့ စစ်အင်အား ပိုကောင်းလာအောင် ကြိုးစားနေပုံရတယ်လို့ ဘီဘီစီ သတင်းထောက်က ပြောပါတယ်။

ကုလသမဂ္ဂနဲ့ အာရပ်နိုင်ငံများ အဖွဲ့ချုပ်ရဲ့ အထူးကိုယ်စားလှယ် ကိုဖီအာနန်က နောက်ဆုံးနေ့ရက် သတ်မှတ်ထားတဲ့ လာမယ့် အင်္ဂါနေ့မတိုင်ခင် ၄၈နာရီ အတွင်း လစ်ဗျားနိုင်ငံမှာ တိုက်ခိုက်မှုတွေ အားလုံး အဆုံးသတ်ဖို့ သူမျှော်လင့်ထားတယ်လို့ ပြောပါတယ်။

နှစ်ဘက်စလုံး အပြည့်အဝ အပစ်အခတ်ရပ်စဲဖို့ သဘောတူခဲ့ကြအပြီးမှာ တပ်ဖွဲ့တွေကို မြို့တွေထဲကနေ ပြန်ရုတ်သိမ်းပေးဖို့ လိုတယ်လို့ မစ္စတာအာနန်ရဲ့ ပြောခွင့်ရ ပုဂ္ဂိုလ် က ပြောပါတယ်။

မစ္စတာ အာနန် အဆိုပြုတင်ပြခဲ့ပြီး ဆီးရီးယား သမ္မတ ဘာရှား အယ်လ် အားဆာ့တ် သဘောတူ လက်ခံခဲ့တဲ့ ငြိမ်းချမ်းရေး အစီအစဉ်အရ ဧပြီလ ၁၀ရက်နေ့ကို နောက်ဆုံးထားပြီး အပစ်အခတ် ရပ်ဖို့ သတ်မှတ်ထားတာပါ။

ဒါပေမယ့် ပြင်သစ် နိုင်ငံခြားရေး ဝန်ကြီး Alain Juppe ကတော့ သမ္မတ အားဆာ့တ်ဟာ လူတွေကို လှည့်ဖျားနေတာလို့ ယူဆနေပြီး ဒီငြိမ်းချမ်းရေး အစီအစဉ်က အလုပ်ဖြစ်မှာ မဟုတ်ဘူးလို့ သံသယဝင်နေတယ်လို့ ပြောပါတယ်။

ကုလသမဂ္ဂ အဖွဲ့တဖွဲ့က ဆီးရီးယား နိုင်ငံမှာ ငြိမ်းချမ်းရေး လေ့လာစောင့်ကြည့်သူတွေ ချထားရေးနဲ့ ပတ်သက်လို့ ဒမာ့စကပ်မြို့မှာ ဆွေးနွေး ပြောဆိုနေပါတယ်။

လူ့အခွင့်အရေး စောင့်ကြည့်ရေးအဖွဲ့က သုတေသနမှူး စူနိုက်ဖာစုပ်ပိတ်ဆို့ မှု ချက်ချင်း မရုပ်သိမ်းသင့်သေးလို့ HRW ကဆို

အမေရိကန် ပြည်ထောင်စု အနေနဲ့ မြန်မာအပေါ် ချမှတ်ထားတဲ့ ပိတ်ဆို့အရေးယူမှု တွေကို လျှော့ပေါ့ ပေးဖို့ စောလွန်းသေးတယ်လို့ Human Rights Watch လူ့အခွင့်အရေး လေ့လာ စောင့်ကြည့်ရေး အဖွဲ့က ပြောလိုက်ပါတယ်။

ကြားဖြတ် ရွေးကောက်ပွဲကို ကြိုဆိုတဲ့ အနေနဲ့ အမေရိကန် ပြည်ထောင်စုက မြန်မာအပေါ် ထားရှိတဲ့ ဗီဇာ ကန့်သတ်ချက်၊ ငွေကြေး ထိန်းချုပ်မှု စတဲ့ ပိတ်ဆို့ အရေးယူမှု တချို့ ရုပ်သိမ်းပေးမယ်ဆိုတဲ့ အပေါ်ကို လူ့အခွင့်အရေး လေ့လာ စောင့်ကြည့်ရေး အဖွဲ့က တုံ့ပြန် ပြောဆိုတာဖြစ်ပါတယ်။

လွတ်တော်ထဲ ရောက်မဲ့ အနိုင်ရ အန်အယ်ဒီ အမတ်အရေအတွက်ဟာ ၇ ရာခိုင်နူန်း လောက်ပဲရှိတယ်၊ အစိုးရက ဘာလုပ်မယ် ဘယ်လို ပေါ်လစီ ထားမယ် ဆိုတာတောင် မေးခွန်းထုတ်နိုင်တဲ့ အင်အားမရှိဘူးလို့ လူ့အခွင့်အရေး လေ့လာ စောင့်ကြည့်ရေး အဖွဲ့က သုတေသနမှူး စူနိုက်ဖာစုပ် က ထောက်ပြပြောဆိုပါတယ်။

ပါလီမန်မှာ အတိုက်အခံအင်အားစု တွေ ပါလာတာ မှန်ပေမဲ့ အခုချိန်ထိ စစ်တပ်က လွမ်းမိုးနေတာကို တွေ့နေရတုန်း ဖြစ်တယ်။ ဒီတော့ မြန်မာ့နိုင်ငံရေး တကယ့်ကို သိသိသာသာ ပြောင်းသွားပြီလို့ ပြောဖို့ဆိုတာ အချိန် အတော်ကြာကြာ စောင့်ကြည့်ရဦးမှာ ဖြစ်တယ်လို့ သူက ဆိုပါတယ်။

ဒီလို တစိတ်တဒေသ ပြန်ဖွင့်ပေးလိုက်ပြီး အကျိုး ခံစားခွင့်ရမယ့် လူတဦးချင်း တယောက်ချင်း အနေနဲ့ လူ့အခွင့်အရေး ချိုးဖောက်မှုတွေ ကြီးကြီးမားမားကျူးလွန်ခဲ့သူတွေ မပါဖို့ အထူး ဂရုစိုက် စဉ်းစား သင့်တယ်လို့ သုတေသနမှူး စူနိုက်ဖာစုပ် က တိုက်တွန်း ပြောဆိုထားပါတယ်။

အခုလို တဖက်က အဆင့်အဆင့် စောင့်ကြည့်ပြီးမှ ရုပ်သိမ်းဖို့သင့်တယ်လို့ ပြောဆိုနေချိန်မှာပဲ တရုတ်နိုင်ငံခြားရေးဝန်ကြီးက မြန်မာအပေါ် အနောက်နိုင်ငံတွေက ပိတ်ဆို့မှု လျော့ပေးတော့မယ်ဆိုတဲ့အပေါ်ကို ကြိုဆိုလိုက်ပြီး အမြန်ဆုံး လုံးဝ ရုပ်သိမ်းပေးဖို့ကိုလည်း ထပ်လောင်းတောင်းဆိုလိုက်ပါတယ်။

တခါ ပြင်သစ်နိုင်ငံခြားရေး ၀န်ကြီး အလိန်းယူပေကလည်း ဥရောပ သမဂ္ဂဘက်က ချမှတ်ထားတဲ့ ပိတ်ဆို့အရေးယူမှုတွေ လျှော့ချပေးဖို့ အတွက် ဧပြီလ ၂၃ ရက်နေ့မှာ ပြုလုပ်မယ့် ဥရောပသမဂ္ဂ နိုင်ငံခြားရေးဝန်ကြီးများရဲ့ ပုံမှန်အစည်းအဝေးမှာအဖွဲ့ဝင်နိုင်ငံတွေကို တိုက်တွန်းသွားမယ်လို့ ပြောပါတယ်။                      

အင်္ဂါမှာ ဆီးရီးယား တပ်တွေ လက်နက်ကြီးတွေ ဆုတ်ပေးမယ်ပြည်ပနိုင်ငံတွေကို ဆီးရီးယား စွပ်စွဲ

ပြည်ပ နိုင်ငံတွေ ဟာ ဆီးရီးယား အတိုက်အခံ တွေနဲ့ ပင်းပြီး အပစ်အခတ် ရပ်စဲရေး ရှုပ်ထွေး အောင် လုပ်နေတယ်လို့ ကုလ သမဂ္ဂ ဆိုင်ရာ ဆီးရီးယား သံအမတ်က စွပ်စွဲ လိုက်ပါတယ်။

ကုလ သမဂ္ဂ ကိုယ်စားလှယ် ကိုဖီ အာနန် တောင်းဆို တဲ့ အတိုင်း နောက် တပတ် အင်္ဂါမှာ မြို့ကြီးတွေကနေ ဆီးရီးယား တပ်တွေ လက်နက်ကြီး တွေကို ဆုတ်ပေးမယ် လို့လည်း သံအမတ် ဘရှား ဂျဖာရီက ဆိုပါတယ်။

မစ္စတာ အာနန်ဟာ ကာတာ ဆော်ဒီနဲ့ တူရကီ နိုင်ငံ တို့ကနေ ငြိမ်းချမ်းရေး အစီအစဉ်ကို ထောက်ခံကြောင်း သက်သေ ကတိ ယူပေးသင့်တယ်၊ ဆီးရီးယား အတိုက်အခံ လက်နက်ကိုင် တွေ ဒီနယ်မြေတွေကို ဝင်မလာပါဘူး ဆိုတဲ့ ကတိကိုလည်း ပေးရမယ်လို့ သူက ဆိုပါတယ်။

နိုင်ငံတကာ ကြက်ခြေနီ အဖွဲ့ကလည်း ဆီးရီးယား အကျဉ်းထောင်တွေကို လေ့လာဖို့ ဆီးရီးယား အစိုးရဆီက ခွင့်ပြုချက် ရပြီလို့ ဆိုပါတယ်။

အလက်ပို ဗဟိုထောင်ကြီးကို ကြက်ခြေနီ အဖွဲ့ ကိုယ်စားလှယ်တွေ သွားကြမှာပါ။

မငြိမ်မသက်မှုတွေ အတွင်း ထိန်းသိမ်းထားတဲ့ သူတွေကို တွေ့ဆုံခွင့် ရဖို့ ကြက်ခြေနီက လနဲ့ချီပြီး ကြိုးစား နေခဲ့တာပါ။

ဒီအချိန်မှာပဲ ၂၄ နာရီ အတွင်း နယ်စပ်ကို ကျော်ပြီး ဆီးရီးယား အပစ်အခတ်တွေ ကြားက ထွက်ပြေး လာတဲ့သူ ဦးရေ မတရား များပြားလာတယ်လို့ တူရကီ နိုင်ငံခြားရေး အရာရှိ တဦးက ဆိုပါတယ်။

အစ်ဒ်လစ်ဘ်နဲ့ အလက်ပို နယ်က ဆီးရီးယား နိုင်ငံသား ၂၃ဝဝ ကျော် ထွက်ပြေးလာပြီး နောက်ထပ်လည်း ပိုဝင်လာဦးမယ်လို့ ခန့်မှန်းကြောင်း ဒီအရာရှိက ပြောကြား သွားပါတယ်။ 

ရွှေညဝါ ဆရာတော်ရွှေညဝါဆရာတော် နိုင်ငံ့အခြေအနေမိန့်ကြား

မြန်မာနိုင်ငံမှာ နိုင်ငံရေးတရား ဟောပြော တယ်ဆိုပြီး တပြည်လုံး တရား ဟောခွင့် ပိတ်ပင် ခံရတဲ့အပြင် ကြည့်မြင်တိုင် သာဓုပရိယတ္တိ စာသင်တိုက်ကနေ အနှင်ထုတ်ခံရတဲ့ သံဃာ့ လှုပ်ရှားမှု ခေါင်းဆောင် တပါးဖြစ်တဲ့ ရွှေညဝါဆရာတော် ဉီးပညာသီဟ ကို မှော်ဘီရှိ လက်ရှိ သီတင်းသုံးနေတဲ့ နေရာကို ဘီဘီစီ သတင်းထောက် Mike Thomson က လတ်တလော မြန်မာ့ နိုင်ငံရေး အခြေအနေကို သွားရောက်တွေ့ဆုံ မေးမြန်းခဲ့ပါတယ်။

ဘီဘီစီ ရေဒီယို ၄ ( BBC Radio 4 ) အစီအစဉ်က ထုတ်လွှင့်ချက်ကို မြန်မာ သောတရှင် ပရိဿတ်တွေ အတွက် ကောက်နှုတ်တင်ပြလိုက်ပါတယ်။

ပထမဆုံး ၂၀၀၇နှစ်တုန်းက သံဃာတွေ တောင်းဆိုမှုတွေကို မလိုက်လျောဘဲ အခုကျမှ လူတွေ လမ်းပေါ် မထွက်ဘဲ မြန်မာနိုင်ငံမှာ အစိုးရက နိုင်ငံရေးအပြောင်းအလဲတွေ ဘာရည်ရွယ်ချက် နဲ့ လုပ်တာလဲ လို့ Mike Thomson က စ မေးရာမှာ ဆရာတော်က မြန်မာ အစိုးရ အပေါ်မှာ နိုင်ငံတကာ ဖိအားတွေ တစထက်တစ များနေလို့ မြန်မာနိုင်ငံဟာ အထီးကျန် တကောင်ကြွက် ဆန်လာပုံ၊ စီးပွားရေး အရလည်း ချွတ်ခြုံကျ ပြီး၊ လူတစု ပဲ ကောင်းစားနေတာတွေ၊ အများစု ကတော့ နုံချာတဲ့ ဘဝမှာ ခေါင်းပင် မဖေါ်နိုင်တာ ကို ကမ္ဘာ က သိလာတဲ့ အကြောင်း ဆရာတော်က မိန့်ပါတယ်။

အမေရိကန် ပြည်ထောင်စု က ဖိအား၊ ဉရောပ သမဂ္ဂ မှ ပိတ်ဆို့မှု စတာတွေ ကြောင့် နောက်ဆုံးမှာ မြန်မာ အစိုးရ ဟာ ချောင်ပိတ်မိ လာတဲ့ အတွက် အလျှော့ပေးလာတဲ့ အကြောင်း ဆရာတော် က ရှင်းပြ ပါတယ်။ အမေရိကန် နိုင်ငံခြားရေး ဝန်ကြီး၊ ဗြိတိသျှ နိုင်ငံခြားရေး ဝန်ကြီး တို့ မြန်မာနိုင်ငံလာရောက် ကြစဉ်က အပြုသဘောဆောင်တဲ့ လက္ခဏာ တွေ တွေ့လာရပြီလို့ ဆိုကြပေမယ့် ကချင် တပ်နဲ့ အစိုးရ တပ် ပစ်ခတ်နေမှုဟာ ငြိမ်းချမ်းရေး နဲ့ ဖီလာ ဖြစ်နေတယ် လို့ ဆရာတော် က မိန့်ပါတယ်။

လက်ရှိ အနေအထား အရ ဒီမိုကရေစီ လမ်းကြောင်း သွားနေတယ် ဆိုပေမယ့်၊ နှေးကွေး နေတဲ့ အကြောင်း၊ အရပ်သား အစိုးရ တက်လာတယ် ဆိုပေမယ့် အတိတ်က သြဇာ အာဏာ ကို ချုပ်ကိုင်ဆဲ ဖြစ်တဲ့အတွက် အပြောင်းအလဲ ဘက် ဉီးမတည် နိုင်သေးဘူး လို့ ဆရာတော် ကဘီဘီစီ သတင်းထောက် Mike Thomson ကို မိန့်ခဲ့ပါတယ်။

ဆက်ကြေး မပေးလို့ မရဆိုKIA လူမျိုးခွဲ ဆက်ကြေးတောင်းလား

 ကချင် ပြည်နယ် ဝိုင်းမော် မြို့နယ်မှာ KIA တပ်တွေက ကချင် မဟုတ်တဲ့ ဒေသခံ တွေဆီက တအိမ် ကျပ် နှစ်သောင်း ဆက်ကြေးတောင်း နေတယ် ဆိုတဲ့ သတင်း ဖြစ်နေပါတယ်။

ရွာခံ တယောက်ကို ဆက်သွယ် မေးကြည့်တော့ ရွာလူကြီးကို လာကောက်ခိုင်းကြောင်း၊ မပေးလို့လည်း မရကြောင်း ပြောဆိုပါတယ်။

KIA တွဲဘက် အတွင်းရေးမှူး ဦးလနန်ကို မေးကြည့်တော့ သူတို့ မသိကြောင်း၊ ဒီလို လုပ်ဖို့လည်း ညွှန်ကြား မထားကြောင်း၊ စည်းမျဉ်း စည်းကမ်းနဲ့လည်း မညီကြောင်း၊ ကြားက ဘယ်သူတွေ ဝင်ကောက်နေတယ် ဆိုတာ အောက်ခြေကို မေးမြန်း ကြည့်ရမယ်၊ KIA နဲ့ ပတ်သက်သူတွေ ပါနေရင် အရေးယူ ရမယ်လို့ ဖြေကြား ခဲ့ပါတယ်။ 

ဆေးမတိုးငှက်ကြောင့် အခက်ကြုံနိုင်

ကမ္ဘာ့ ကပ်ရောဂါ ဆိုးကြီး တခု ဖြစ်တဲ့ ငှက်ဖျား ရောဂါပိုးဟာ ပုံစံ မျိုးစုံ ပြောင်းနေတဲ့ အတွက် ပျောက်ကင်းအောင် ကုလို့မရ ဖြစ်နေတယ်လို့ သိပ္ပံ ပညာရှင်တွေက ပူပန် နေကြပါတယ်။

ဆေးမတိုးတဲ့ ငှက်ဖျားပိုး မျိုးကွဲတွေ ထိုင်း- မြန်မာ နယ်စပ်က ပေါ်ထွက် လာပြီး ဒီပိုးတွေကို မိုင် ၅ဝဝ ဝေးတဲ့ ကမ္ဗောဒီးယား မှာ ဟို ၃ နှစ် က စတွေ့ရတယ်လို့ အချက်အလက် ကောက်ခံမှု အသစ်တွေ အရ သိရပါတယ်။

ကမ္ဘာ့ အခြား နေရာတွေမှာပါ ဒီ ငှက်ဖျား ပိုးတွေကို တွေ့လာရင် ငှက်ဖျားကို အမြစ်ပြတ် အောင် တိုက်ဖျက်လို့ မရတော့ဘူးလို့ လန်းဆက် (Lancet)ဆေးပညာ စာစောင် မှာ ဖော်ပြ ထားပါတယ်။

နှစ်စဉ် လူ ၆ သိန်းခွဲလောက် ငှက်ဖျား ရောဂါနဲ့ သေဆုံး နေကြပါတယ်။

သမ္မတ ဦးသိန်းစိန်က ပိတ်ဆို့ အရေးယူမှု ရုပ်သိမ်း တာကို ကြိုဆိုမြန်မာအစိုးရ ဘက်က တုံ့ပြန်မှု

မြန်မာနိုင်ငံအပေါ် အမေရိကန်ရဲ့ ဒဏ်ခတ် ပိတ်ဆို့မှု တချို့ ပြန်ရုပ်သိမ်း လိုက်တာဟာ မြန်မာနိုင်ငံ စီးပွားရေး တိုးတက်လာဖို့ အလား အလာ ကောင်းဖြစ်တယ်လို့ သမ္မတ ဦးသိန်းစိန်က ပြောဆို လိုက် ပါတယ်။

ကမ္ဘောဒီးယား နိုင်ငံ ဖနွမ်းပင် မြို့တော်မှာ ကျင်းပနေတဲ့ အာဆီယံ ထိပ်သီး ဆွေးနွေးပွဲမှာ သမ္မတ ဦးသိန်းစိန် က အခုလို ပြောသွား တာပါ။

မြန်မာ နိုင်ငံ အစိုးရ ဘက်ကလည်း သူတို့ အပေါ် ပိတ်ဆို့ အရေးယူ ထားတာ တွေကို ရုပ်သိမ်း ပေးဖို့ တစိုက် မတ်မတ် တောင်းဆိုခဲ့ ပါတယ်။

အခု ဖယ်ရှား ပေးမှုတွေ ထဲမှာ သံတမန် ဆက်ဆံရေး ပြန်လည် အဆင့် မြှင့်လိုက်တာ၊ နိုင်ငံ ဖွံ့ဖြိုးရေး အကူအညီတွေ ပေးတာ အပြင်၊ ဘဏ္ဍာရေးနဲ့ ရင်းနှီး မြှုပ်နှံမှု တွေကို ပြန်လည် ဖွင့်ပေး လိုက်တာ စတဲ့ အချက် ငါးချက် ပါဝင် ပါတယ်။

အဲဒီ လျှော့ပေါ့ ပေးမှု တွေဟာ မြန်မာ အစိုးရ ဘက်က လိုလားချက်တွေနဲ့ သိပ်မကွာ လှဘူးလို့ ပြည်ထောင်စု အဆင့် ဝန်ကြီး ဖြစ်တဲ့ စက်မှု ဝန်ကြီး ဦးစိုးသိန်းက ပြောပါတယ်။

အမေရိကန်က ဘဏ္ဍာရေး ကဏ္ဍ ပိတ်ဆို့ ထား ခဲ့တဲ့ အတွက် အစိုးရ အနေနဲ့ လုပ်ကိုင်ရတာ အကန့် အသတ်တွေ ရှိနေခဲ့ပြီး အခု လျှော့ပေါ့ ပေးလိုက် တော့ ပြည်ပ ရင်းနှီး မြှုပ်နှံမှု တွေလည်း ဝင်လာ စရာ ရှိတယ်လို့ သူက ပြောပါတယ်။

ပြည်ပ အကူအညီတွေ မြန်မာ နိုင်ငံတွင်းကို ဝင်ရောက် လာရင် အကူအညီတွေနဲ့ အတူ နိုင်ငံရေး သြဇာတွေလည်း လွှမ်းလာနိုင်တယ်လို့ လက်ရှိအာဏာရ ပါတီ ဝင်တချို့က စိုးရိမ်စိတ်တွေ ရှိကြောင်း ထုတ်ဖော် ပြောကြ ပေမဲ့ ဝန်ကြီး ဦးစိုးသိန်း ကတော့ ပြည်ပက အကူအညီတွေ ဟာ နိုင်ငံ အတွက် အထောက်အကူ ဖြစ်တယ်၊ လုပ်ငန်းပိုင်းကိုတော့ သူတို့ အစိုးရပိုင်းကသာ ဦးစီး ဦးဆောင် လုပ်မှာ ဖြစ်တယ်လို့ ပြောပါတယ်။

မြန်မာ နိုင်ငံ မှာ ပြုပြင်ပြောင်းလဲမှုတွေ လုပ်နေတာဟာ ကိုယ့်နိုင်ငံက ပြည်သူတွေ ကောင်းကျိုး အတွက် လုပ်ဆောင်နေတာသာ ဖြစ်ပြီး ပြည်ပက ပိတ်ဆို့ အရေးယူမှု တွေကို ဖယ်ရှား စေရေး အတွက် ရည်ရွယ် လုပ်ဆောင်တာ မဟုတ်ဘူးလို့ ပြည်ထောင်စု ဝန်ကြီး ဖြစ်တဲ့ စက်မှု ဝန်ကြီး ဦးစိုးသိန်းက ပြောပါတယ်။

ဘားအံရောက် ကေအန်ယူငြိမ်းချမ်းရေးအဖွဲ့ဝင်များKNU နဲ့ မြန်မာအစိုးရ တို့ ငြိမ်းချမ်းရေး ဆွေးနွေးပွဲ ပြုလုပ်

ပြည်ထောင်စု အဆင့် ငြိမ်းချမ်းရေး ဆွေးနွေးဖို့ အတွက် ကရင်ပြည်နယ် ဘားအံကို ရောက်နေတဲ့ ကေအင်ယူငြိမ်းချမ်းရေး ဖေါ်ဆောင်ရေးအဖွဲ့ နဲ့ ပြည်ထောင်စု ၀န်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဆွေးနွေးရေး အဖွဲ့တို့ ဧပြီလ ၃ ရက်နေ့ အင်္ဂါ နေ့ က ဘားအံမှာ အကြိုတွေ့ဆုံခဲ့ပြီး နှစ်ဖက် စစ်တပ်တွေ နေရာချထားရေး နဲ့ ဆက်ဆံရေးရုံး ဖွင့်ရေး ကိစ္စတွေ ဆွေးနွေးခဲ့ကြတယ်လို့ ကေအန်ယူ ပြောခွင့်ရ နော်မေဦးက ဘီဘီစီကို ပြောပါတယ်။

ဧပြီလ ၄ ရက်နေ့ ဗုဒဟူးနေ့ မနက်မှာတော့ ကေအင်ယူငြိမ်းချမ်းရေးဖေါ်ဆောင်ရေး အဖွဲ့ ဟာ ကရင်ပြည်နယ်က လူမှုအခြေပြု အဖွဲ့အစည်းတွေ၊ ဘာသာရေး အဖွဲ့အစည်းတွေ ၊နိုင်ငံရေးအဖွဲ့တွေနဲ့ မြို့ခံလူထုတွေ အပါအဝင် လူပေါင်းတထောင် နီးပါးနဲ့ တွေ့ဆုံပြီး အစိုးရနဲ့ လက်ရှိပြုလုပ်နေတဲ့ ငြိမ်းချမ်းရေး အစီစဉ်တွေကို ချပြခဲ့သလို ရှေ့ဆက်မှာလည်း လူထုတွေအနေနဲ့ ငြိမ်းချမ်းရေးဖြစ်စဉ်မှာ ဘယ်လို လက်တွဲပူးပေါင်းဆောင်ရွက်နိုင်မလဲ ဆိုတာကို ပွင့်ပွင့်လင်းလင်း ဆွေးနွေးခဲ့ကြတယ်လို့ နော်မေဦးက ပြောပါတယ်။

ဒီကေနေ့ ကြာသပတေးနေ့မှာတော့ ကေအန်ယူအဖွဲ့ဟာ ရန်ကုန်ကို ရောက်နေပြီဖြစ်တယ်။ သောကြာနေ့မှာ အစိုးရ ကိုယ်စားလှယ်တွေနဲ့ စီဒိုးနား ဟိုတယ်မှာ တရားဝင် ဆွေး နွေး ကြမှာဖြစ်တယ်။

ကေအင်ယူငြိမ်းချမ်းရေးဖေါ်ဆောင်ရေးအဖွဲ့ ကို ကေအန်ယူအထွေထွေ အတွင်းရေးမှုး နော်စီဖိုးရာစိန် နဲ့ ကေအန်ယူ စစ်ဦးစီးချုပ် ဗိုလ်ချုပ်ကြီး စောမူတူးစေးဖိုးတို့က ဦးဆောင်သွားတာဖြစ်တယ်။

လာမဲ့ ၈ ရက်နေ့ တနင်္ဂနွေနေ့ ကျရင် ကေအင်ယူငြိမ်းချမ်းရေးဖေါ်ဆောင်ရေးအဖွဲ့တို့ ဟာ အမျိုးသားဒီမိုကရေစီ အဖွဲ့ချုပ် ဉက္ကဌ ဒေါ်အောင်ဆန်းစုကြည်နဲ့ သွားရောက် တွေ့ဆုံမှာဖြစ်ပြီး မြန်မာနိုင်ငံက ပြည်တွင်းစစ် အဆုံးသတ်ရေးနဲ့ ရေရှည်တည်တံ့မယ့် ငြိမ်းချမ်းရေး တည်ဆောက်ဖို့ ကိစ္စတွေ ပြောဆိုကြဖို့ရှိတယ်လို့ ကေအင်ယူငြိမ်းချမ်းရေး ဖေါ်ဆောင်ရေးအဖွဲ့ ပြောရေးဆိုခွင့်ရှိသူ နော်မေဦးက ဘီဘီစီကို ပြောပါတယ်။

ALP ပါတီနဲ့ ပြည်နယ် ငြိမ်းချမ်းရေး အဖွဲ့တို့ စစ်တွေမြို့မှာ တွေ့ဆုံခဲ့ရခိုင်ပြည် လွတ်မြောက်ရေးပါတီနဲ့ အစိုးရ ငြိမ်းချမ်းရေး သဘောတူ

ALP ရခိုင်ပြည် လွတ်မြောက်ရေး ပါတီနဲ့ ရခိုင်ပြည်နယ် အစိုးရကြား ပဏာမ ငြိမ်းချမ်းရေး သဘောတူညီချက် ၅ချက်ကို ကြာသပတေးနေ့က သဘောတူ လက်မှတ် ရေးထိုးနိုင်ခဲ့ပါတယ်။

နှစ်ဘက်အကြား ဒီလို ငြိမ်းချမ်းရေး သဘောတူမှု ရတာ ဒါဟာ ပထမဆုံးအကြိမ် ဖြစ်ပါတယ်။

ပဏာမ ငြိမ်းချမ်းရေး သဘောတူချက်ပါ အချက် ၅ချက်က အစိုးရနဲ့ ရခိုင်ပြည် လွတ်မြောက်ရေး ပါတီအကြား ၂၀၁၂ ခုနှစ် ဧပြီလ ၆ရက်နေ့က စပြီး အပစ်အခတ် ရပ်စဲထားရန်၊ အပြန်အလှန် ဆွေးနွေး ညှိနှိုင်းဖို့ ဆက်ဆံရေးရုံးတွေ ဖွင့်လှစ် ထားရှိရန်၊ အပစ်ရပ် ကာလအတွင်း နှစ်ဘက် သဘောတူထားတဲ့ နေရာများမှ အပ နယ်မြေ ကျော်လွန်ပြီး လက်နက်ကိုင်ဆောင် သွားလာမှု တွေကို နှစ်ဘက်ကြိုတင် ညှိနှိုင်းပြီးမှ ဆောင်ရွက်ရန်၊ ရခိုင်ပြည် လွတ်မြောက်ရေး ပါတီဝင်တွေကို မြန်မာနိုင်ငံ တနိုင်ငံလုံးမှာ လွတ်လွတ်လပ်လပ် ခရီးသွားလာခွင့် ပြုရန်နဲ့ နှစ်ဦးနှစ်ဘက် ငြိမ်းချမ်းရေး ဆက်လက်ဆွေးနွေးသွားရန် စတဲ့ အချက်တွေ ဖြစ်တယ်လို့ ရခိုင်ပြည် လွတ်မြောက်ရေး ပါတီ ငြိမ်းချမ်းရေး အဖွဲ့ ဒုတိယခေါင်းဆောင် ခိုင်သုခက ဘီဘီစီကို ပြောပါတယ်။

ဒီတွေ့ဆုံ ဆွေးနွေးပွဲကို ရခိုင်ပြည်နယ် ဝန်ကြီးချုပ် ဦးလှမောင်တင် ကိုယ်တိုင် တက်ရောက် ဆွေးနွေးခဲ့ပြီး ရခိုင်ပြည်နယ် နယ်စပ် လုံခြုံရေးနဲ့ နယ်စပ်ရေးရာ ဝန်ကြီး ဗိုလ်မှူးကြီး ထိန်လင်း အပါအဝင် အစိုးရ တာဝန်ရှိ ပုဂ္ဂိုလ်တွေ တက်ရောက်ခဲ့ပြီး ရခိုင်ပြည် လွတ်မြောက် ရေး ပါတီဖက်ကတော့ ပါတီဥက္ကဌ ဦးခိုင်စိုးနိုင်အောင် ဦးဆောင်တဲ့ အဖွဲ့ဝင် ၁၈ဦး တက်ရောက်ခဲ့ပါတယ်။

စစ်တွေမြို့ကို ဗုဒ္ဓဟူးနေ့က ရောက်ရှိလာတဲ့ ရခိုင်ပြည် လွတ်မြောက်ရေး ပါတီဝင်တွေကို စစ်တွေ မြို့ခံ သိန်းနဲ့ချီ ကြိုဆိုခဲ့ကြတယ်လို့ သိရပါတယ်။

မုန်တိုင်းချိန် ပစ်ခတ်မှုနဲ့ ရဲထောင်ချ

မုန်တိုင်းတွင်း ပစ်ခတ်မှုတွေ အတွက် အရေးယူနေ

၂ဝဝ၅ ခုနှစ်က နယူး အော်လီးယန်း မြို့မှာ ကက်ထရီးနား ဟာရီကိန်း မုန်တိုင်းကြီး အပြီး လက်နက်မပါတဲ့ အရပ်သား ၆ ယောက်ကို ပစ်ခတ်မှုနဲ့ အရဲ အရာရှိဟောင်း ၄ ယောက်ကို မေရိကန် တရားရုံး တရုံးက နှစ်ရှည် ထောင်ဒဏ်တွေ ချမှတ် ခဲ့ပါတယ်။

၃၈ နှစ်ကနေ ၆၅ နှစ်ထိ ထောင်ဒဏ်တွေ ကျခံရမှာ ဖြစ်ပါတယ်။

သူတို့ကို ကူညီသူ လုပ်ဖော်ကိုင်ဘက် တယောက်ကိုလည်း ထောင်ချ ခဲ့ပါတယ်။

အပစ်ခံရသူ ၂ ယောက် သေဆုံးခဲ့ပြီး သူတို့ မိသားစုဝင် ၂ ယောက်လည်း ထိခိုက် ဒဏ်ရာ ရခဲ့ပါတယ်။

သင်ကြားရ ခက်ခဲတဲ့ ရောဂါ ခံစားနေရသူ အမျိုးသားတယောက် နောက်ကျောက အပစ် ခံရပါတယ်။

မုန်တိုင်းအပြီး ဥပဒေ ထိန်းသိမ်းမှု နဲ့ ပတ်သက်လို့ နယူး အောလီးယန်း ရဲတွေကို ဝေဖန် ခဲ့ကြပါတယ်။

ပ်ိတ်ဆို့မှု ရုပ်သိမ်းရင် ပေါင်းစည်းမှု အလားအလာကောင်းဟု ဦးသိန်းစိန်ပြော

By ခင်စိုးဝင်း

ဓာတ်ပုံ ASSOCIATED PRESS

မြန်မာ သမ္မတ ဦးသိန်းစိန်အား ကမ္ဘောဒီးယား နိုင်ငံ ဖနွမ်းပင် မြို့ မှာ ကျင်းပတဲ့ အာဆီယံ ထိပ်သီးအစည်းအဝေး၌ တွေ့ရပုံ (ဧပြီလ ၄ ရက် ၂၀၁၂ )

မြန်မာ စစ်အစိုးရ အဆက်ဆက်က လူ့အခွင့်အရေး ချိုးဖောက်မှု တွေကြောင့် မို့လို့ အနောက်နိုင်ငံတွေက စီးပွားရေး၊ ဘဏ္ဍာရေး နဲ့ ပြည်ဝင်ခွင့်တွေကို ပိတ်ဆို့ထားတွေ လျှော့ပေါ့ ပေးမယ် ဆိုရင် မြန်မာနိုင်ငံ မှာ အမျိုးသား ပြန်လည် ပေါင်းစည်းမှု အတွက် အလားအလာကောင်းတွေ ဖြစ်ပါတယ် လို့ သမ္မတ ဦးသိန်းစိန် က ပြောဆိုခဲ့ပါတယ်။ ကမ္ဘောဒီးယား နိုင်ငံ ဖနွမ်းပင် မြို့ မှာ ကျင်းပခဲ့တဲ့ အာဆီယံ ထိပ်သီး ညီလာခံ အတွင်း မြန်မာ အပေါ် ပိတ်ဆို့မှု တွေ ချက်ခြင်း ရုပ်သိမ်းပေးဖို့ အာဆီယံ ခေါင်းဆောင်တွေ က တောင်းဆိုလိုက်ပြီး တဲ့ နောက် သမ္မတ ဦးသိန်းစိန်က အခုလို တုန့်ပြန်လိုက်တာပါ။

မြန်မာ သမ္မတ ဦးသိန်းစိန် က ကြားဖြတ်ရွေးကောက်ပွဲ ထမြောက် အောင်မြင်ခဲ့ ပြီးတဲ့ နောက် ပိတ်ဆို့မှု တွေ ရုပ်သိမ်းရေး တောင်းဆိုချက်တွေ နဲ့ ပတ်သက်ပြီးတော့ အားရ ကျေနပ်တယ် လို့ ကမ္ဘောဒီးယား နိုင်ငံ ဖနွမ်းပင် မြို့ မှာ အခုလို ပြောဆိုသွားပါတယ်။

“နောက်ကျတဲ့ အကြောင်းအရင်း ကလည်း မြန်မာ နိုင်ငံပေါ်မှာ တားဆီးရေး ပိတ်ဆို့မှု တွေ နှစ်ပေါင်း ၂၀ ကျော် လောက် ရှိနေတဲ့ အတွက် ကြောင့် ကျနော်တို့ ရဲ့ စီးပွားရေးဟာ တိုးတက် သင့်သလောက် မတိုးတက် ပါဘူး။ အခုတော့ တားဆီးမှုတွေ ဖြေလျှော့သွား မယ်ဆိုရင်တော့ ဘာဘဲ ဖြစ်ဖြစ် ကျနော်တို့ ဒါဟာ ပေါင်းစည်း နိုင် ဖို့ အတွက် အလားအလာ ကောင်းတွေ ကျနော်တို့ ရလာမှာ ဖြစ်ပါတယ်။”

အာဆီယံ အတွင်းရေးမှူးချုပ် ဆူရင်းပစ်စူဝမ် ကလည်း အာဆီယံအတွင်း လတ်တလော ဖြစ်ပေါ် ပြောင်းလဲ မှုတွေ နဲ့ ပတ်သက်ပြီး အခုလို သုံးသပ်လိုက်ပါတယ်။

“အရင်တုန်းက ဆိုရင် မြန်မာ နိုင်ငံနဲ့ ပတ်သက်လာရင် ဘယ်လို အချိန်အခါမှာ ဘဲ ဖြစ်ဖြစ်၊ ပူးပေါင်း ဆောင်ရွက်မှု တွေ မှာဘဲ ဖြစ်ဖြစ် သိပ်ကို သတိထား ဂရုစိုက်ပြီး တော့ သိမ်သိမ်မွေ့မွေ့ ကြိုးစားပြီး ကိုင်တွယ်ခဲ့ ရတာပါ။ အခုတော့ ရှေ့လျှောက် ပြီးတော့ အဖွဲ့ဝင် ဘယ်နိုင်ငံ မဆို ပါဝင်တဲ့ အခါဘဲ ဖြစ်ဖြစ်၊ မပါဝင်တဲ့ အခါဘဲ ဖြစ်ဖြစ် လုပ်ငန်းစဉ်တွေ နဲ့ ပုံစံချတာထက် ပူးပေါင်း ဆောင်ရွက်မှု မှာ ဘယ်လို လုပ်ကြမလဲ ဆိုတာကို အာရုံ စိုက်လာ နိုင်ပြီ ပေါ့လို့ ပြောသွားပါတယ်။”

တစ်ဆက်တည်းမှာဘဲ မြန်မာနိုင်ငံ အပေါ် သြဇာ လွှမ်းမိုးတယ် ဆိုတဲ့ အိမ်နီးချင်း တရုတ်နိုင်ငံ ကလည်း မြန်မာ့ ကြားဖြတ် ရွေးကောက်ပွဲ ကနေ နိုင်ငံရေး ပြန်လည် ရင်ကြားစေ့ရေး လုပ်ငန်းစဉ်၊ နောက် တည်ငြိမ်ရေး နဲ့ ဖွံ့ဖြိုး တိုးတက်မှု အတွက် ရှေ့ဆက် တွန်းအားပေး သွားနိုင်မှာ ဖြစ်တယ် လို့ တရုတ်နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် ဟုန်လေး က အခုလို ပြောပါတယ်။

“မြန်မာ နိုင်ငံကို ပိတ်ဆို့ အရေးယူထားတဲ့ နိုင်ငံတွေက ပိတ်ဆို့မှု တွေကို ရုပ်သိမ်းပေးဖို့ ဆောင်ရွက်တာကို တရုတ်နိုင်ငံက ကြိုဆိုပါတယ်။ သက်ဆိုင်ရာ နိုင်ငံ အားလုံး အနေနဲ့ မြန်မာ နိုင်ငံ အပေါ် ပိတ်ဆို့မှု တွေ အားလုံးကို အပြည့်အဝ အဖြစ်နိုင်ဆုံး အမြန်ဆုံး ရုပ်သိမ်းပေးဖို့ တောင်းဆိုပါတယ် လို့ ပြောသွားပါတယ်။”

အာရှ၊ အာဖရိက မြို့နေလူဦးရေအလျင်အမြန်တိုးဖွယ်ရှိ

By ဗွီအိုအေ (မြန်မာဌာန)

အာဖရိကရဲ့မြို့နေလူဦးရေဟာ လာမယ့် ၂၀၅၀ ခုနှစ်မှာ အခုရှိနေတဲ့ ၄၁၄ သန်းကနေ သန်းပေါင်း ၁ ထောင့် ၂ ရာအထိ သုံးဆနီးပါးလောက် တိုးလာမှာဖြစ်ပြီးတော့ အာရှဒေသရဲ့လူဦးရေဟာလည်း သန်းပေါင်း ၂ ထောင်ကနေ ၃ ထောင့် ၃ ရာအထိ တိုးလိမ့်မယ်လို့ ကြာသာပတေးနေ့က ထုတ်ပြန်တဲ့ လေ့လာချက် တခုထဲမှာ ဖော်ပြထားတာ ဖြစ်ပါတယ်။

တရုတ်နဲ့နိုင်ဂျီးရီးယားနိုင်ငံတွေပြီးရင် အိန္ဒိယနိုင်ငံမှာ အများဆုံး မြို့နေလူဦးရေတိုးလာမှာဖြစ်တယ်လို့ ဆိုပါတယ်။ အမေရိကန်ပြည်ထောင်စု နဲ့ အင်ဒိုနီးရှားနိုင်ငံတွေမှာလည်း လာမယ့် ၂၀၅၀ ခုနှစ်ကျရင် မြို့နေလူဦးရေဟာ သိသိသာသာတိုးလာလိမ့်မယ်လို့ ဆိုပါတယ်။ ဒီလို မြို့နေ လူဦးရေတိုးလာမှုက အာဖရိကနဲ့အာရှနိုင်ငံသားတွေအတွက် ပညာရေးဆိုင်ရာအခွင့်အလမ်းသစ်တွေ ပိုပြီးတော့ တိုးလာစေမှာဖြစ်သလို အိမ်၊ ယာ၊ အလုပ်အကိုင်၊ စွမ်းအင်လိုအပ်မှုနဲ့ သဘာဝပတ်ဝန်းကျင်ဆိုင်ရာ စိန်ခေါ်မှုတွေတော့ ဖြစ်လာလိမ့်မယ်လို့ အစီရင်ခံစာမှာ ဖော်ပြထားပါ တယ်။

လူဦးရေတသန်းကျော်အထိ သိပ်သည်းတဲ့ မြို့အချက်အခြာနေရာတွေမှာ ငလျင်နဲ့ရေကြီးမှု အန္တရာယ်တွေ ကျရောက်နိုင်တယ်လို့လည်း ဆိုပါတယ်။ အဲဒီလိုဘေးအန္တရာယ်တွေကို အာရှဒေသတွေမှာ ပိုပြီးတော့ ကြုံရနိုင်ဖွယ်ရှိပြီးတော့ ဥရောပနဲ့ အာဖရိကဒေသကတော့ အနည်းဆုံးကြုံရနိုင်ဖွယ်ရှိတယ် လို့ ဖော်ပြထားပါတယ်။

တိုင်းရင်းသားဒေသ လူ့အခွင့်အရေးချိုးဖောက်မှုဆိုးဝါးနေဆဲ

By ကိုအောင်လွင်ဦး

• မြန်မာအစိုးရအပေါ် အရေးယူ ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စုလို အနောက်နိုင်ငံတွေက ပြင်ဆင်လာပေမဲ့ လူမျိုးစု ဒေသတွေမှာ လူမဆန်တဲ့လုပ်ရပ်တွေ ကျူးလွန်နေတာလို မပြောင်းလဲသေးတဲ့ အခြေအနေတွေရှိနေတုန်းပဲလို့ စစ်ဘေးဒဏ်က တိမ်းရှောင်လာသူတွေနဲ့ တိုင်းရင်းသားအရေး လှုပ်ရှားသူတွေကပြောပါတယ်။ ဒီအတွက် မကြာသေးခင်က လွှတ်တော်ကြားဖြတ် ရွေးကောက်ပွဲတွေ ကျင်းပခဲ့တာကို တုံ့ပြန်တဲ့အနေနဲ့ အရေးယူဒဏ်ခတ်မှုတွေ ရုပ်သိမ်းဖို့ ပြင်ဆင်နေတဲ့ အနောက်နိုင်ငံတွေအနေနဲ့ သတိထားဖို့လိုမယ်လို့ တိုက်တွန်းနေကြတာပါ။ ဒီအကြောင်း ဗွီအိုအေ သတင်းထောက်Henry Ridgewell သတင်းပေးပို့ ထားတာကိုတော့ ကိုအောင်လွင်ဦးက တင်ပြပေးထားပါတယ်။

အပစ်အခတ်ရပ်စဲရေး သဘောတူညီချက် ပျက်ပြားခဲ့ရပြီးတဲ့နောက် တိုင်းရင်းသားလက်နက်ကိုင် အဖွဲ့အစည်းတခုဖြစ်တဲ့ ကချင် လွတ်မြောက်ရေးအဖွဲ့ (KIO) နဲ့ မြန်မာနိုင်ငံ မြောက်ပိုင်း ဒေသမှာ တိုက်ပွဲတွေ အခုအချိန်အထိ ဆက်လက်ဖြစ်ပွားနေဆဲပါ။ ပြီးခဲ့တဲ့နှစ်က တည်းက ဖြစ်ပွားနေတဲ့ တိုက်ပွဲတွေကြောင့် ဒေသခံ ၆ သောင်းလောက် ဟာလည်း ဒုက္ခသည် စခန်းတွေဆီ ထွက်ပြေးခဲ့ကြရပါ တယ်။

"ရဲဘော်တွေ၊ ဗမာစစ်ကြောင်းတွေ ရှိတယ်ပေါ့။ ညဆိုရင် ကျမတို့အမျိုးသမီးတွေ- ညဆိုလည်း အိပ်မပျော်ဘူး။ ဘယ်အချိန်မှာ ဘာပဲ လုပ်မလဲပေါ့။ အဲဒါကိုပဲ တွေးပြီး ကြောက်ပြီး နေနေရတယ်။"

အသက် ၃၃ နှစ်အရွယ် ကလေး ၂ ယောက်မိခင် ကချင်ဒုက္ခသည် တဦး ဖြစ်ပါတယ်။ မြန်မာအစိုးရက ဖိနှိပ်ရက်စက်မှုတွေ ရှိနေတယ်လို့ တိုင်းရင်းသားလူမျိုးစုတွေ တလျှောက်လုံးပြောနေတာတော့ ကြာပါပြီ။ ဒါပေမဲ့လည်း မြန်မာအစိုးရကတော့ လူ့အခွင့်အရေး ချိုးဖောက်မှုတွေ ကျူးလွန်တဲ့ စွပ်စွဲချက်တွေနဲ့ ပတ်သက်လို့ ရေငုံနှုတ်ပိတ်နေတာပါ။ KIO နဲ့ ငြိမ်းချမ်းရေးရဖို့ ဆွေးနွေးနေပေမဲ့လည်း အောင်မြင်မှုတော့ မရသေးပါဘူး။ နောက်ထပ် တိုင်းရင်းသားလက်နက်ကိုင် အဖွဲ့တခုဖြစ်တဲ့ ကရင်အမျိုးသားအစည်းအရုံး (KNU) နဲ့တော့ ဆယ်စုနှစ် ၆ ခု ကျော်အကြာ ပြီးခဲ့တဲ့ ဇန်န၀ါရီလမှာပဲ အပစ်အခတ် ရပ်စဲရေး သဘောတူညီချက်တရပ် ရခဲ့ပါတယ်။ အခုအခါ ဗြိတိန်နိုင်ငံ လန်ဒန်မြို့မှာ နေထိုင်နေတဲ့ ဇိုယာဖန်းဟာ ထိုင်း-မြန်မာနယ်စပ်မှာ ဒုက္ခသည် တဦးအဖြစ်နဲ့ ပဋိပက္ခတွေ ကို ကိုယ်တွေ့ကြုံခဲ့ဖူးသူပါ။

“လေယာဉ်ပေါ်က ဗုံးကြဲတာတွေ၊ လေကြောင်းက တိုက်ခိုက်တာတွေ ကျမတို့ ခံခဲ့ရဖူးပါတယ်။ ဗုံးတွေ မြေပေါ်ကျလာတိုင်း၊ မြေကြီးတွေ တုန်ခါသွားတာဟာဆိုရင် ကျမတို့အတွက် အကြီးအကျယ် ခြောက်ခြားစရာ ဖြစ်ခဲ့ရပါတယ်။”

အမည်မသိ သေနတ်သမားတွေလက်ချက်နဲ့ ၂၀၀၈ ခုနှစ်မှာ သေဆုံးခဲ့တဲ့ KNU အထွေထွေ အတွင်းရေးမှူး ဖဒိုမန်းရှာရဲ့သမီးတဦးလည်း ဖြစ်တဲ့ ဇိုယာဖန်းဟာ ဗြိတိန်အခြေစိုက် မြန်မာ့အရေးလှုပ်ရှားမှုအဖွဲ့ တခုဖြစ်တဲ့ Burma Campaign UK မှာ တိုင်းရင်းသားဒေသတွေက အခြေအနေတွေကို လူအများ အာရုံစိုက်လာစေဖို့ ကြိုးပမ်းနေပါတယ်။

“ကချင်ပြည်နယ်မှာဆိုရင် မြန်မာစစ်တပ်က လွန်ခဲ့တဲ့နှစ်တွေအတွင်း အပစ်အခတ်ရပ်စဲရေး သဘောတူညီ ချက်ကို ၃ ကြိမ် ချိုးဖောက်ခဲ့ဖူး ပါတယ်။ စစ်တပ်က အရပ်သားတွေကို ဆက်လက် တိုက်ခိုက်နေတုန်းပါ။ အမျိုးသမီးတွေဆိုရင်လည်း အဓမ္မပြုကျင့်တာတွေ ခံခဲ့ရသလို အမျိုးသားတွေ ဆိုရင်လည်း အတင်းအကျပ် လုပ်အားပေးခိုင်းတာ ခံနေရပါတယ်။”

ပဋိပက္ခတွေ ဖြစ်ပွားနေတာကြောင့်ကချင်ပြည်နယ်မှာလွှတ်တော် ကြားဖြတ်ရွေးကောက်ပွဲတွေ ကျင်းပမယ့် အစီအစဉ်တွေကိုလည်း အစိုးရက ဖျက်ခဲ့တာပါ။ 

 ·  · Share