လစ်ဘရယ်ဝါဒ (Liberalism)နှင့် လစ်ဘရယ်သမိုင်းကြောင်း (အပိုင်း-၁၀)

May 15, 2014 at 11:27pm

အမျိုးသားရေးဝါဒ(Nationalism)နှင့် လစ်ဘရယ်အမျိုးသားရေးဝါဒ(Liberal Nationalism)-
အပိုင်း (၁)

အမျိုးသားရေးဝါဒ စတင်ပေါ်ပေါက်လာခြင်း 
 
အင်္ဂလန်တွင် ပထမမြောက်ဂျိန်းဘုရင် (၁၅၆၆-၁၆၂၅)က ဘုရင်နှင့်ဘုရားသခင်၏ တန်ခိုး အာဏာ
တူညီသည်ဟူသော အယူအဆဖြင့် နိုင်ငံ၏အချုပ်အခြာအာဏာကို လွှမ်းမိုး ချုပ်ကိုင် ထားခဲ့သည်။
ထို့အတူ ယင်းအယူအဆကို လက်မခံသူများက ဆန့်ကျင်ခဲ့ကြပြီး၊ တရားရေးပါရဂူ ဂျွန်ဆဲလ်ဒန်
(John Seldon) ကဲ့သို့သော ပုဂ္ဂိုလ်မျိုးမှာ ဘုရင်ကို ဝေဖန်ခြင်းကြောင့် ခေါင်းဖြတ်စက်ဖြင့် အသတ်
ခံရသည်။
 
နောက်ပိုင်းတွင် ဘုရင်သည်သာ အချုပ်အခြာအာဏာ ပိုင်ရှင်ဖြစ်ကြောင်း ထောက်ခံသည့် ဘုရင့်ဂိုဏ်း
သားများနှင့် အချုပ်အခြာအာဏာ၏ မူလပိုင်ရှင်မှာ ပြည်သူသာဖြစ်ကြောင်း လက်ခံ ထားသည့်ပါလီမန်
ဂိုဏ်းသားတို့ တိုက်ခိုက်ခဲ့ကြရာ ၄င်းပြည်တွင်းစစ်တွင် ပါလီမန်ဂိုဏ်းသားတို့ အောင်ပွဲခံနိုင်ခဲ့ကြလေ
သည်။
ထိုအချိန်ကာလက ဂျိန်းဘုရင်ကို ဆန့်ကျင် တော်လှန်သူများထဲတွင် ပြင်သစ်ဘုန်းတော်ကြီး
သြောဂတ်စတင်းဘာရု(လ်)သည် ထင်ရှားပြီး၊ အမျိုးသားဝါဒ(Nationalism)ဟူသော ဝေါဟာရကို
ယင်းက စတင်သုံးစွဲခဲ့ခြင်းဖြစ်လေသည်။


ထို့နောက် (၁၆)ရာစုနိဂုံးပိုင်းလောက်တွင် ပြင်သစ်နိုင်ငံ၌ ပေါ်လတစ် (Politiques) ဟူသော နိုင်ငံရေး
ပါတီတခုပေါ်ထွန်းလာခဲ့သည်။ ယင်းပါတီသည် လူသာ (Luther)နှင့် မက်ခီဗယ်လီ(Machiavelli)တို့၏
အတွေးအမြင်များကို ထောက်ခံသည်။ ၄င်းပါတီ၏ အယူအဆသဘော တရားမှာ နိုင်ငံသားတိုင်းသည်
နိုင်ငံအပေါ်သစ္စာစောင့်သိရိုသေရမည်ဖြစ်ပြီး၊ ဘာသာရေးသည် လူတစ်ဦးချင်း၏ ပုဂ္ဂိုလ်ရေးကိစ္စသာဖြစ်
သဖြင့် နိုင်ငံသားများအနေဖြင့် မည်သည့်ဘာသာပင် ကိုးကွယ်သည်ဖြစ်ပါစေ နားလည်ခွင့်ပြုပေးရမည်
ဖြစ်သည်ဟု ဆိုသည်။ ထို့အပြင် ဘာသာရေး ကို လွတ်လပ်စွာ ကိုးကွယ်မှုပေးခြင်းဖြင့် နိုင်ငံတော်ဟူ
သော ခေါင်းစဉ်အောက်တွင် စည်းလုံး ညီညွတ်မှုရှိစေရန် ရည်ရွယ်ကြပါသည်။ ၄င်းတို့က နိုင်ငံရေးနယ်
ပယ်အတွင်း ဘာသာရေးကိစ္စများ ပါဝင်လာခြင်းကို မလိုလားချေ။ ပြည်တွင်းစစ်များက နိုင်ငံသားအချင်း
ချင်း ဖိနှိပ်ချုပ်ခြယ်သတ်ဖြတ်ခြင်းကိုဖြစ်စေကာ စည်းလုံး ညီညွတ်မှုကို ပျက်ပြားစေသကဲ့သို့ တိုင်းပြည်
အင်အားကို ပြိုကွဲစေနိုင်သည်ဟုလည်းထောက်ပြ ကြသည်။ ယင်းတို့၏အယူအဆများမှာ မက်ခီဗယ်လီ
၏ အန္ဓိမရည်မှန်းချက်ဖြစ်သောနိုင်ငံတော် အကျိုးစီးပွား (National Interest)ကို ရှေးရှုနေကြောင်း တွေ့
ရသည်။ နိုင်ငံတော်အကျိုးစီးပွား တိုးပွားခြင်းသည် နိုင်ငံသားတဦးချင်း၏အကျိုးစီးပွားကို မြှင့်တင်ပေးခြင်း
သာဖြစ်ကြောင်း မှတ် ယူထားကြသည်။

အမျိုးသားရေးဝါဒ(Nationalism)၏ မူလရင်းမြစ်

အမှန်တကယ်အားဖြင့် အမျိုးသားရေးဝါဒ (Nationalism)၏ မူလရင်းမြစ်မှာ နိုင်ငံရေးအစွန်းအထင်း
ကင်းစင်ပါသည်။ Nasci(မွေးဖွားခြင်း)ဟူသော လက်တင်ဝေါဟာရမှ Nation(နိုင်ငံ)သို့ ပြောင်းလဲလာ
ခြင်းဖြစ်သည်။ Nation ၏ မူလအဖွင့်မှာ မျိုးနွယ်တစုတည်း မွေးဖွားလာသော လူအုပ်စုတစု(သို့မဟုတ်)
လူမျိုးစုကိုသာ ညွှန်းပြီး၊ (၁၈)ရာစုရောက်သော အခါတွင်မှ ထိုလူ အုပ်စု/ လူတဦးချင်းကို နိုင်ငံသားများ
အဖြစ် သွတ်သွင်း သတ်မှတ်လိုက်ခြင်းဖြင့် နိုင်ငံဟူသော အကောက်အယူအသစ်တခု ပေါ်ထွက်လာခဲ့
ခြင်းဖြစ်သည်။


နောက်ပိုင်းတွင် အမျိုးသားရေးဝါဒသည် အုပ်ချုပ်သူလူတန်းစားမှ အုပ်ချုပ်ခံလူတန်းစားတို့ကို အလွယ်
တကူအုပ်ချုပ်နိုင်မည့် အကောင်းဆုံးလက်နက်တခု ဖြစ်လာခဲ့လေသည်။ နိုင်ငံတော်ဟူသော ခေါင်းစဉ်
အောက်တွင် ကွဲပြားသော မျိုးနွယ်စုများ၊ ဘာသာများအတူတကွ တစည်းတလုံးတည်းရှိနေစေရေးသည်
အုပ်ချုပ်သူလူတန်းစားတို့၏ အရေးအကြီးဆုံးသော ရည်မှန်း ချက်ပင်ဖြစ်လေသည်။ အုပ်ချုပ်သူ လူတန်း
စားများအနေဖြင့် နိုင်ငံသားများအား ပညာရေးတွင် မျိုးချစ်စိတ်ဓါတ်ရှင်သန်ထက်မြက်စေသည့် သင်ခန်း
စာများထည့်သွင်းသင်ကြားပေးခြင်းဖြင့် အမျိုးသားရေးစိတ်ဓါတ်ဟူသော မျက်မှန်အမျိုးအစားတခုတည်း
ကို ဆင်တူတပ်ဆင်ပေးတတ် ကြလေသည်။


အမျိုးသားရေးဝါဒ၏ နောက်ထပ်ရေသောက်မြစ်တစ်ခုမှာ (၁၆၁၈-၄၈)အတွင်းဖြစ်ပွားခဲ့သော နှစ်(၃၀)
စစ်ပွဲအပြီး ချုပ်ဆိုခဲ့သော ၀က်စ်ဖေးလီယား သဘောတူစာချုပ် (Treaty of Westphalia)၏ နောက်ဆက်
တွဲရလဒ်ပင်ဖြစ်ပါသည်။ ယင်းစာချုပ်က ခေတ်သစ်နိုင်ငံတော်နှင့် နိုင်ငံတော်အဖွဲ့အစည်းဟူသော ခေါင်း
စဉ်တခုကို ဖန်တီးပေးနိုင်ခဲ့ပြီး၊ နိုင်ငံများသည် ၄င်းတို့၏ အဓိကအသက်သွေးကြောမှာ "အချုပ်အခြာအာ
ဏာ" ဖြစ်ကြောင်း နားလည်လာကြလေသည်။ ထိုအယူအဆကပင် ဥရောပရှိနိုင်ငံများအား နယ်မြေကျယ်
ပြန့်စေလိုသည့် ချင်ခြင်းက တဘက် ဖြစ်ပြီး၊ ထိုမှအခြားတဘက်တွင် ကိုလိုနီ လက်အောက်ခံနိုင်ငံများအား
ကိုယ်ပိုင်ပြဋ္ဌာန်းခွင့်ကို တောင်းဆိုစေသည့် မီးထိုးပေးမှုကိုလည်း ဖြစ်စေပြန်ပါသည်။ တစ်ကယ်တန်းအား
ဖြင့်လည်း ပေါ်တူဂီ-ဂျူးကပြားဖြစ်သူ ဘင်နေဒစ် စပီနိုဇာ(Benedict Spinoza, 1632-1677)၊ ဆင်မြူရယ်
ပူဖန်ဒေါ့ဖ် (Samulal Pufendorf, 1632-1694)တို့၏ နိုင်ငံတော်နှင့် အုပ်ချုပ်ရေးဆိုင်ရာအယူအဆများက
ထိုခေတ်ထိုကာလ၏အမျိုးသားနိုင်ငံတော်များသဘောတရားကို ကောင်းစွာလွှမ်းမိုးနိုင်ခဲ့သည်ဟု ယူဆ၍
ရနိုင်ပါသည်။

၁၈၄၈ ခုနှစ်တွင်မူ အမျိုးသားရေးဝါဒသည် ဥရောပရှိ ကိုလိုနီလက်အောက်ခံနိုင်ငံများက အင်္ဂလန်နှင့် စပိန်
တို့ကို တော်လှန်ကာ အမျိုးသားနိုင်ငံများ အပြိုင်းအရိုင်းပေါ်ထွက်လာစေရေးအတွက် အဓိကမောင်းနှင်အား
ဖြစ်ခဲ့လေသည်။ ဆိုလိုသည့်အဓိပ္ပါယ်မှာ အမျိုးသားရေးဝါဒ သည် သူ့ကျွန်ဘ၀ကျရောက်နေသော နိုင်ငံများ
အဖို့ ကိုယ်ပိုင်အချုပ်အခြာအာဏာ ရယူရန် အတွက် တိုက်ပွဲဝင် အမှတ်တံဆိပ်ပင်ဖြစ်လေသည်။ ဤအမှတ်
တံဆိပ်ကပင် နိုင်ငံများ၏ သမိုင်းကြောင်းကို ပုံဖေါ်ပေးနိုင်ခဲ့သည့်အပြင်၊ မျိုးချစ်ဝါဒီတို့၏ တော်လှန်ရေးပေါင်း
များစွာကိုလည်း အောင်မြင်စေခဲ့ပါသည်။

ရှေးယခင်ကာလများတွင် ဗြိတိန်နိုင်ငံအပါအ၀င် တိုင်းပြည်အများအပြားသည် နိုင်ငံ(State)ဆိုသည့် အယူ
အဆထက် ဘုရင့်အုပ်ချုပ်မှုနယ်မြေ (Kingdom)အဖြစ်သာ မှတ်ယူထားခဲ့ကြသည်။ ထို့အပြင် ယနေ့ခေတ်
မှာကဲ့သို့ နိုင်ငံသားများသည် မျိုးချစ်စိတ်ဓါတ်ဖြင့် အမျိုးသားအကျိုးစီးပွား(National Intrest)ကို ရှေးရှုစရာ
မလိုအပ်ပဲ ထီးနန်းဆက်ခံသူဘုရင်/မကိုသာ သစ္စာခံရမည်ဟူသော သတ်မှတ်ချက်သာရှိပေသည်။ (၁၇၈၉)
ခုနှစ်၌ ပြင်သစ်တွင် ဖွဲ့စည်းအုပ်ချုပ်ပုံအခြေခံအစိုးရ(Constitutional Government)ကို လိုလားသော
လူလတ်တန်းစားတို့က ပဒေသရာဇ်စနစ်ဖြင့် အုပ်ချုပ်သူတော်ဝင်လူတန်းစားတို့ကိုတော်လှန်ကာ နိုင်ငံဟူ
သော အယူအဆကို ပုံပေါ်စေခဲ့ခြင်းဖြစ်သည်။

ပြင်သစ်တွင် နပိုလီယံအာဏာရလာပြီး၊(၁၇၉၂-၁၈၁၅)ခုနှစ်အတွင်း ဥရောပတလွှားရှိ ပြင်သစ်၏ကိုလိုနီ
လက်အောက်ခံနိုင်ငံများ၏ ပြင်သစ်မုန်းတီးရေးနှင့် လွတ်လပ်ရေးစိတ်ဓါတ်များ ပြင်းထန်စွာ ပေါက်ဖွားလာ
သည်ဟု တစ်ချို့ပညာရှင်များက ထောက်ပြသော်လည်း တစ်ကယ်တန်းတွင်မူ ပြင်သစ်ဘုရင်လူဝီ-၁၄(Louis
XIV, 1643-1715)လက်ထက်တွင်ကတည်းက ယင်း၏မတော်လောဘကြောင့် ဥရောပနိုင်ငံကြီးများ စစ်မီး
လောင်ခဲ့ပြီး ဖြစ်ပါသည်။

ထိုကာလအတွင်း အပြင်းထန်ဆုံးပြိုင်ဆိုင်မှုမှာ ပြင်သစ်နှင့်အင်္ဂလန်တို့၏နယ်မြေအပြိုင်အဆိုင်ချဲ့ထွင်ခြင်း
ဖြစ်သည်။ အိန္ဒိယနှင့် အမေရိကတိုက်တို့တွင် ပြင်သစ်နှင့် အင်္ဂလန်တို့ ထိပ်တိုက်ရင်ဆိုင်မှုများကိုလည်း
တွေ့ရှိနိုင်မည်ဖြစ်ပါသည်။ ထိုသို့ဖြင့် နိုင်ငံကြီးများက မိမိတို့အကျိုးစီးပွားအတွက် သော်လည်းကောင်း၊
နိုင်ငံငယ်များကလည်း မိမိတို့၏အချုပ်အခြာအာဏာကို ကာကွယ်ရန်အတွက်သော်လည်းကောင်း နိုင်ငံ
အချင်းချင်း မဟာမိတ်စာချုပ်များ အပြိုင်အဆိုင်ချုပ်ဆိုကြလေတော့၏။ သို့သော် အဆိုပါစစ်ပွဲများမှာ အုပ်ချုပ်
သူဘုရင်များ၏ ကိုယ်ကျိုးစီးပွားအလို့ငှာသာ ဖြစ်ပွားခဲ့ကြပြီး၊ နိုင်ငံသားများမှာမူ စစ်ဒဏ်ကို အလှုးအလှိမ့်
ခံစားခဲ့ရပါသည်။

ပြင်သစ်နိုင်ငံ၏ အမျိုးသားရေးစိတ်ဓါတ်နှင့်ဘုရင်စနစ်ကို အားပေးထောက်ခံသူများထဲတွင် ပြင်သစ်နိုင်ငံ
သား ဘာရွန်ဒ် မွန်တက်စ်ကယူး(Baronde Montesquieu, 1689-1755)ဆိုသူဖြစ်၏။

ပြင်သစ်တွင် နပိုလီယံဗိုနာပတ်(Napoleon Bonaparte)၊ (Corsica ကျွန်း-မူလက အီတလီပိုင်နက်၌
၁၇၆၉ ခုနှစ်မွေးဖွားသူ)အာဏာရလာပြီး၊ (၁၇၉၂-၁၈၁၅)ခုနှစ်အတွင်း ဖြစ်ပွားခဲ့သော စစ်ပွဲများတွင်
ယင်း၏ ဗိုလ်ကျ ခြိမ်းခြောက်မှုကို မခံရပ်နိုင်ကြသော ဥရောပနိုင်ငံများသည် နပိုလီယံကို ဆန့်ကျင် ပုန်
ကန်ကြသည်။ ၄င်းတို့ထဲတွင် ဦးဆောင်ပုန်ကန်သူများမှာ စပိန်နှင့် ပေါ်တူဂီတို့ဖြစ်ပြီး၊ ယင်းကျွန်းဆွယ်
စစ်ပွဲတွင် ပြင်သစ် စစ်ရှုံးခဲ့လေသည်။ ၁၈၁၃ ခုနှစ်တွင် သြစတြီးယား၊ ရုရှား၊ ပရပ်ရှားတို့ ဦးဆောင်
သော ဥရောပအမျိုးသားအင်အားစုများ မဟာမိတ် တပ်ဖွဲ့သည် ရုရှားမှ ဆုတ်ခွာလာသော နပိုလီယံ၏
တပ်ကို ၀ိုင်းဝန်းချေမှုန်းကြသည်။ ယင်းစစ်ပွဲကို The War of Liberation ဟုခေါ်တွင်သည်။

၁၈၁၄ခုနှစ်တွင် နပိုလီယံလက်နက်ချပြီးနောက်၊ ဗီယာနာမြို့(Vienna)တွင် ဥရောပအမျိုးသား နိုင်ငံများ
နယ်နမိတ်ပြန်လည်သတ်မှတ်ရေး အစည်းအဝေးတခု ပြုလုပ်ခဲ့ကြသည်။ ဗီယာနာ ကွန်ဂရက် (၁၈၁၄-
၁၈၁၅)ခုနှစ်ကို ဦးဆောင်ကျင်းပခဲ့သူမှာ သြစတြီးယား နိုင်ငံခြားရေးဝန်ကြီး မက်တာနစ် (Metternich,
1773-1859)ဖြစ်သည်။ သူသည်ဆွေမျိုးစဉ်ဆက် ရာထူးအာဏာဆက်ခံရေးဝါဒ(Legitimacy)ကို လက်ခံ
ယုံကြည်ခဲ့သူလည်းဖြစ်သည်။ ထိုကာလများသည် နပိုလီယံ၏လက်အောက်၌ ဖရိုဖရဲ အလဲလဲအကွဲကွဲဖြစ်
ခဲ့သော ဥရောပနိုင်ငံများအဖို့ နိုင်ငံတည်ဆောက်ရေးပြုလုပ်သည့် ကာလပင်ဖြစ်သည်။ ၁၉ ရာစုတွင် အမျိုး
သားနိုင်ငံ အများအပြား ပေါ်ထွန်းလာကာ အမျိုးသားရေးဝါဒက ရေးဆွဲပေးသည့် ဥရောပမြေပုံသစ် ပေါ်
ထွက်လာခဲ့သည်။

လစ်ဘရယ်ဝါဒ(Liberalism)နှင့် မက်တားနစ်(Metternich)၀ါဒ


၁၈၀၉ ခုနှစ်လောက်တွင် မက်တားနစ်သည် သြစတီးရီးယားမှဘုရင်၏အားကိုးယုံကြည်ရသော နိုင်ငံရေး
ခေါင်းဆောင်တစ်ဦးဖြစ်သည်။ သူသည် သက်ဦးဆံပိုင်ဘုရင်စနစ်ကို အားပေးထောက်ခံသူဖြစ်သော
ကြောင့် မျိုးရိုးစဉ်ဆက် တန်ခိုးအာဏာ ဆက်ခံရေး(Legitimacy)၀ါဒကို ယုံကြည်သူဖြစ်၏။ ၄င်း၏ စေ့ဆော်
မှုဖြင့် ဗီယာနာကွန်ဂရက်ခေါ်ယူသောအခါ ဥရောပတလွှားမှ အရေးပါသောနိုင်ငံ့ကိုယ်စားလှယ်များ တက်
ရောက်ကြသည်။ ယင်းတို့ထဲတွင် ရုရှနှင့် အင်္ဂလန်ကိုယ်စားလှယ်တို့မှာ လစ်ဘရယ်ဝါဒလက်ခံသူများ ဖြစ်
ကြသော်လည်း နောက်ပိုင်းတွင် ရုရှားက မက်တားနစ်ဝါဒကို ထောက်ခံသွားခဲ့ပါသည်။

ထို ၁၉ ရာစုမှာပင် လစ်ဘရယ်ဝါဒနှင့်စက်မှုတော်လှန်ရေးတို့မှာ ဥရောပတလွှား စိမ့်ဝင် ပြန့်နှံ့လာသည်။
၎င်းကာလများတွင် ဥရောပနိုင်ငံများ နေရာပြန်လည်ချထားရေး အစီအစဉ်တွင် ဂရိတ်ဗြိတိန်၊ ရုရှား၊ ပရပ်
ရှားနှင့် သြစတြီးယားတို့ပါဝင်သော လေးပွင့်ဆိုင်မဟာမိတ်အဖွဲ့(The Quadruple Alliance) အဖွဲ့ဝင်နိုင်ငံ
များသည် နိုင်ငံငယ်လေးများ၏ အမျိုးသားရေးစိတ်ဓါတ်နှင့် ဆန္ဒသဘောထားကို လျစ်လျူရှု့ကာ မိမိတို့စိတ်
ကြိုက် ပြုမူစီမံကြလေသည်။ ဥပမာအားဖြင့်- နပိုလီယန်ကို တော်လှန်ရာတွင် ပါဝင်ခဲ့သော ဂျာမနီပြည်နယ်
များ အနေဖြင့် မိမိတို့ကိုယ်ပိုင် ပြဌာန်းခွင့်နှင့် လွတ်လပ်သော ပြည်ထောင်စုတည်ထောင်လိုကြပါသည်။
သို့သော် သက်ဦး ဆံပိုင်စနစ်ကိုလိုလားသော မက်တားနစ်က နှစ်သက်လိုလားခြင်းမရှိခဲ့ချေ။ ထိုသို့ဖြင့်
ဥရောပတွင် သက်ဦးဆံပိုင်စနစ်ကိုလိုလားသည့် နိုင်ငံကြီးများနှင့် အမျိုးသားရေးစိတ်ဓါတ်တက်ကြွနေ
သော နိုင်ငံငယ်များအကြား အားပြိုင်မှုဖြစ်ခဲ့တော့သည်။ တနည်းအားဖြင့်ဆိုသော် သက်ဦး ဆံပိုင်စနစ်က
တစ်ဘက်၊ အမျိုးသားရေးဝါဒ၊ လစ်ဘရယ်ဝါဒနှင့် ဒီမိုကရေစီစနစ်တို့ကတစ်ဘက် ထိပ်တိုက်တွေ့ကြခြင်း
ပင် ဖြစ်လေသည်။


နပိုလီယန်ကို တွန်းလှန်ခဲ့သည့် စစ်ပွဲများတွင် ၀င်ရောက်တိုက်ခိုက်ခဲ့သည် ပြည်နယ်လေးများမှာ အမျိုး
သားရေးစိတ်ဓါတ်တက်ကြွလာပြီး စည်းလုံးညီညွတ်သော ဂျာမနီနိုင်ငံထူထောင်လိုစိတ် ပြင်းပြလာခဲ့ပါ
သည်။ သက်ဦးဆံပိုင်ဝါဒကိုထောက်ခံသော မက်တားနစ်က ဂျာမနီကို ပြည်နယ်(၃၈)ခုခွဲလိုက်ကာ သူ
နှင့်သဘောညီမျှသော မင်းညီမင်းသားများကို သီးခြားစီခွဲ၍အုပ်ချုပ်စေခဲ့သည်။ သို့ရာတွင် ဂျာမန်လူမျိုးများ
မှာ လစ်ဘရယ်ဝါဒကို လက်ခံနေပြီဖြစ်ရာ၊ ဒီမိုကရေစီသဘောတရားကိုလည်း ယုံကြည်ခဲ့ကြလေသည်။
ဂျာမနီပြည်နယ်များရှိ တက္ကသိုလ်ကျောင်းများတွင်လည်း အမျိုးသားရေးစိတ်ဓါတ်တက်ကြွစေရေးနှင့် ဒီမို
ကရေစီသဘောတရားများကို သင်ကြားသွတ်သွင်းပေးကြရာ အမျိုးသားရေး အဖွဲ့အစည်းများ ပေါ်ပေါက်
လာပါတော့သည်။ မက်တားနစ်က ၁၈၉၁ ခုနှစ်တွင် ကားလ်စ်ဘက် ပြန်တမ်း(Karlsbad Decrees)ကို
ထုတ်ပြန်ကြော်ငြာပြီး လစ်ဘရယ်အဖွဲ့အစည်းများနှင့် လစ်ဘရယ်ဝါဒကို ပြင်းပြင်းထန်ထန် ဖိနှိပ်ခဲ့လေ
သည်။ ထိုအချိန်တွင်ပင် အီတလီနိုင်ငံ၌လည်း အမျိုးသားရေးလှုပ်ရှားမှုများ ပေါ်ပေါက်ခဲ့ပါသည်။


အမျိုးသားရေးဝါဒသည် ဤကာလများအထိပင် ဖိနှိပ်မှုကိုတွန်းလှန်ကာ ကိုယ်ပိုင်ပြဌာန်းခွင့်ကို တောင်းဆို
သည့် အနက်အဓိပ္ပါယ်မျှသာ ရှိသေးပါသည်။ ထို့အပြင် (၁၉)ရာစု၏ အမျိုးသားရေးဝါဒသည် လစ်ဘရယ်
လက္ခဏာများဖြင့် နှီးနွယ် ရပ်တည်ခဲ့သည်ကိုလည်း တွေ့နိုင်လေသည်။ လစ်ဘရယ်တို့ ယုံကြည်သော  
အီမန်နယူဝယ်ကန့်(Immanuel Kant, 1724-1804)၏ မွေးရာပါ သဘာဝအခွင့်အရေး (Natural
Right) သဘောတရားအရ ကိုယ်ပိုင်ဆုံးဖြတ်ခွင့်နှင့် ပြဋ္ဌာန်းပိုင်ခွင့်သည် ပုဂ္ဂလိက လူသားဖြစ်တည်မှု
(Individualism) ညွှန်းဆိုခဲ့သော်လည်း နောက်ပိုင်းတွင် ခေတ်သစ်အမျိုးသားနိုင်ငံတော်များအတွက်
ကိုယ်ပိုင်အုပ်ချုပ်ခွင့်နှင့် ကိုယ်ပိုင်ပြဌာန်းခွင့်တို့ကိုသာ ပိုမိုကိုယ်စားပြုသွားလေသည်။

ဖက်ဆစ်ဝါဒ(Fascism) ပေါ်ပေါက်လာခြင်း

ဖက်ဆစ်ဝါဒ(Fascism)၀ါဒ၏ မူလရင်းမြစ်မှာ လက်တင်ဘာသာစကားဖြစ်သော Fasces မှ ဆင်းသက်
လာကာ၊ ယင်းဝေါဟာရ၏ အဓိပ္ပါယ်မှာ “ပုဆိန်တစ်လက်ကို တုတ်ချောင်းများဖြင့် စုစည်းချည်နှောင်ထား
သည့်သဘောဖြစ်ပြီး၊ ယင်းတံဆိပ်မှာ ရှေးခေတ်ရောမဘုရင်တို့၏ အကြွင်းမဲ့အာဏာကို ပိုင်ဆိုင်သည်ဟူ
သော လက္ခဏာရပ်”ပင်ဖြစ်ပါသည်။ ၁၈ ရာစုတွင် ဖြစ်ပွားခဲ့သော Commune of Paris အရေးတော်ပုံနှင့်
၁၉၁၇ ခုနှစ်တွင် ဖြစ်ပေါ်ခဲ့သောအလုပ်သမားလူတန်းစားတို့၏ လက်နက်ကိုင်ပုန်ကန်ခဲ့ကြသည့် အောက်
တိုဘာတော်လှန်ရေးတို့သည် ဖက်ဆစ်ဝါဒ၏ မူလတည်ခဲ့ရာ သန္ဓေပင် ဖြစ်ပါသည်။

ဖက်ဆစ်ဝါဒအယူအဆကို ကမ္ဘာကြီးနှင့်စတင်မိတ်ဆက်ပေးခဲ့သူများအနေဖြင့်ဂျာမနီနိုင်ငံသား ရစ်ချပ် ၀ဂ်
နာ(Richard Wagner)နှင့် အင်္ဂလန်နိုင်ငံသား သော်မတ်စ်ကာလိုင်(Thomas Carlyle)တို့မှာထင်ရှား၏။
Richard Wagner(1813-1883)သည် ဂျမန်လူမျိုးများ၏အမျိုးသားရေး ဇာတိမာန်များ တက်ကြွစေရန် သီ
ချင်းများ သီကုံးစပ်ဆိုခြင်း၊ ဂျမနီရှေးဟောင်းရာဇ၀င်များဖေါ်ထုတ်ခြင်းများ ပြုလုပ်ပေးခဲ့သူဖြစ်သည်။ ယင်း
၏ အလိုအရ ဂျာမန်တမျိုးသားလုံး၏ ကြည်ညို လေးစားကိုးကွယ်ဆည်းကပ်ရာဖြစ်သော၊ တစ်နည်းအားဖြင့်
တမျိုးသားလုံး၏စိတ်နှင့် တထပ်တည်းကျသည့် ခေါင်းဆောင်သူရဲကောင်းတစ်ယောက်ကသာလျှင် ဂျမနီနိုင်
ငံကို ဆွဲတင်နိုင်လိမ့်မည်ဟုဖြစ်သည်။ သောမတ်စ် ကာလိုင်(1795-1881)၏အတွေးအယူမှာလည်း အရည်
အချင်းနှင့် ပြည့်စုံသော ခေါင်းဆောင်တစ်ဦးကို ရှေ့တန်းတင်ရေးပင်ဖြစ်၏။ ယင်းတို့နှစ်ဦး၏ အတွေးအခေါ်
များမှာ သူရဲကောင်းကိုးကွယ်သည့်(Heroism) သဘောမျိုးဆန်လွန်းသည့်အပြင် စည်းလုံးညီညွတ်သည့်
တိုင်းပြည်ကို ပုံဖေါ်ခြင်းထက် လူမျိုးကြီးစိတ်ဓါတ် သွတ်သွင်းခြင်းက ပိုမိုသည်ဟု သုံးသပ်လို့ ရပါသည်။


သို့သော် ဖက်ဆစ်ဝါဒနှင့်ပတ်သက်၍ ရစ်ချပ်ဝဂ်နာနှင့်သော်မတ်စ်ကာလိုင်တို့ထက် ပိုပြင်းထန်သည့် အယူ
အဆရှိသူနှစ်ဦးတို့မှာ ပရပ်ရှားလူမျိုးများဖြစ်ကြသော ဟိန်းနရစ်ခ်ျဗွန်ထရိုင်ရ်ှကေး(Heinrich Von
Treitschke,1834-1896))နှင့်ဖရက်ဒရစ်ကားလ်ဗွန်ဆာဗီညီ(Friedrich Karl Von Savigny,1779-1861)
တို့ ဖြစ်သည်။ ယင်းတို့နှစ်ဦးအနက်မှ ဟိန်းနရစ်ခ်ျ ဗွန်ထရိုင်ရ်ှကေး၏အယူအဆကို အနည်းငယ်ပြောပြလို
ပါသည်။


ဟိန်းနရစ်ခ်ျ၏အယူအဆအရ ဂျာမနီနိုင်ငံ၏နယ်နမိတ်ကို တိုးချဲ့ရမည်ဖြစ်ပြီး၊ ယင်းသို့ တိုးချဲ့ နိုင်ရန် မိမိတို့
စစ်အင်အားကို ဖြည့်တင်းထားရမည်ဟုဆိုသည်။ ဂျာမနီနိုင်ငံတန်ခိုးအာဏာကြီးထွားရန်အတွက် မည်သည့်
နည်းကိုမဆို အသုံးပြုရမည်ဖြစ်သည်။ မိမိတို့၏ ယဉ်ကျေးမှုကို နိမ့်ကျစေသော လူမျိုးများကို လွှမ်းမိုးနိုင်ရန်
ကြိုးပမ်းရမည်လည်းဖြစ်ပြီး၊ ယင်းသို့ လွှမ်းမိုးနိုင်ရန် စစ်ပြုရလျှင်လည်း နိုင်ငံအတွက်ဖြစ်၍ တရားသည်ဟု
၎င်းက မှတ်ယူခဲ့သည်။ ဂျာမနီနိုင်ငံအင်အားကြီးမားနေမှသာလျှင် အမျိုးသားစည်းလုံးညီညွတ်မှုနှင့် ယဉ်ကျေး
မှုအစဉ်အလာများကို ထိန်းသိမ်းစောင့်ရှောက်နိုင်မည်ဖြစ်ရာ ဂျာမနီနိုင်ငံအား အရည်အချင်းထက်မြက်သော
စစ်ခေါင်းဆောင်များက ဦးဆောင်ရမည်ဟူသော အတွေးအယူပင် ဖြစ်လေသည်။


ဖရက်ဒရစ်ကားလ်ဗွန်ဆာဗီညီကမူ နိုင်ငံသားများ စည်းလုံးညီညွတ်မှုရှိမှသာလျှင် နိုင်ငံရေးအာဏာ တည်
တန့် ခိုင်မြဲမည်ဟု ယူဆခဲ့ပါသည်။


နောက်ထပ် ဖက်ဆစ်ဝါဒကို အထောက်အကူပြုခဲ့သူနှစ်ဦးမှာ ဖရက်ဒရစ်နီရှေး(Friedrich Nietzshe,1844-1900)နှင့်ဗီးလ်ဖရေဒိုပါရေတို(Vilfredo Pareto, 1843-1923)တို့ ဖြစ်၏။ နီရှေးက မော်ဒန်လစ်ဘရယ်တို့
ယုံကြည်သော ဆင်ခြင်တံတရားအခြေပြုနည်း(Rationalism)ကို ငြင်းပယ်သည်။ ယင်းက ဒါဝင်၏လူသားဖြစ်ပေါ်မှုအယူအဆကို ထောက်ခံကာ လူတန်းစားနှစ်ရပ် ခွဲလိုက်သည်။ ပထမတစ်မျိုးမှာ မြင့်မြတ်သော
အတန်းအစားဖြစ်ပြီး၊ ဒုတိယမှာ ယုတ်ညံ့သော လူအမျိုးအစားဖြစ်သည်ဟု ဆိုသည်။ ထို့ကြောင့် ကာယ၊
ဥာဏ ခွန်အား ဗလနှင့်ပြည့်စုံသော မြင့်မြတ်သည့်အတန်းအစားက ယုတ်ညံ့သည့်အတန်းအစားကို လွှမ်း
မိုး အုပ်ချုပ်သည်မှာ ဖြစ်သင့်သည့်သဘောဟု ကောက်ချက်ချသည်။ နီရှေးသည် ဒီမိုကရေစီစနစ်နှင့် ခရစ်
ယာန်ဘာသာကို ဆန့်ကျင်သူဖြစ်ပြီး၊ သူ၏အတွေးအခေါ်များမှာ အရည်အချင်းနှင့်အာဏာကို တိုက်ပွဲများ
ဖြင့် ပုံဖေါ်ရမည်ဆိုသည့် သဘောတရားများကသာ ဖုံးလွှမ်းနေခဲ့သူဖြစ်ပါသည်။

 အမျိုးသားရေးလစ်ဘရယ်ဝါဒ-အပိုင်း(၂)ကို မကြာမီ ဆက်လက်ဖေါ်ပြပေးသွားမည် ဖြစ်ပါသည်။

-လင်းသက်-