စမုံမြစ်ဝှမ်း ၂ မြန်မာအစ မြန်မာက ဟု ဆိုရာဝယ်

Athenian Ahnyarthar and Tin Latt shared Thar Wa's photo.

ဟိုတုန်းကတော့ မြန်မာဖြစ်လာမယ့် သူတွေဟာ ဘီစီ ၁၃၀၀၊ လွန်ခဲ့တဲ့ နှစ်ပေါင်း ၃၃၀၀ ကျော် လောက်က တိဗက် အရှေ့မြောက်ဘက် ကိုကိုနော အိုင်ကြီး တစ်ဝိုက် လာတဲ့ သူတွေ၊ ဒါမှ မဟုတ် တရုတ် အရှေ့မြောက်ဘက် ကန်စု နယ်က လာတဲ့ သူတွေလို့ မှန်းဆခဲ့ကြတယ်။

ဘာဖြစ်လို့လဲ ဆိုတော့ အရှေ့၊ အနောက်၊ တောင်၊ မြောက် ဆိုတဲ့ အရပ် မျက်နှာ အခေါ် အဝေါ်တွေ ကြောင့်ပါ တဲ့။ ယေဘုယျ အားဖြင့် အရှေ့ နဲ့ အနောက်ကို နေထွက်ရာ၊ နေဝင်ရာ လို့ ခေါ်ကြတယ်။ တောင်နဲ့ မြောက်ကိုကျတော့ ကိုယ်နေထိုင်တဲ့ အရပ်ဒေသ ပထဝီ အနေအထားကို လိုက်ပြီး ခေါ်ကြတယ်။
ပုဂံခေတ် ကျောက်စာတွေမှာ မြောက် ကို၊ မ္လစ်သြက် (ဝါ) မြစ်အောက် လို့ ရေးထိုး ခဲ့ကြတယ်။ နေထွက်ရာ အရပ်ကို မျက်နှာ မူလိုက်မယ်။ ပြီးတော့ မိမိလက်ယာဘက် အရပ်ကို ကြည့်လိုက်ရင် “တောင်” တွေကို မြင်ရတော့ “တောင်” အရပ်လို့ ခေါ်မယ်။ လက်ဝဲဘက်ကို ကြည့်လိုက်တော့ မြစ်ရဲ့ အောက်ဘက်၊ မြစ်အောက် (ဝါ) မြောက် လို့ ခေါ်မယ်။
လက်ရှိ မြန်မာနိုင်ငံ ပထဝီအရ ကျ ပြောင်းပြန် ဖြစ်နေတယ်။ တောင် ဘက်မှာ တောင် တွေ မရှိပဲ မြစ်ကြေ (ဝါ) မြစ်အောက် ဖြစ်နေတယ်။ ဒါကြောင့် အဲ့ဒီ ပထဝီအနေအထား နဲ့ ကိုက်ညီတဲ့ တောင် ကနေ မြောက်ကို ပြန်စီးနေတဲ့ မြစ် ရှိရာ အရပ်ဟာ မြန်မာတွေ ရဲ့ ဇာတိ အရပ်ပဲ။
အဲသလို တောင် ကနေ မြောက် ကို ပြန်စီးဆင်းတဲ့ မြစ်ဟာ မြန်မာ နိုင်ငံတွင်းမှာ မရှိပဲ ဟိုး တိဘက်၊ တရုတ် တို့ဆီက “ဟိုအင်ဟို” မြစ် ဟာ တောင်ကနေ မြောက်ကို စီးသမို့ အဲ့ဒီနေရာဟာ မြန်မာ တုိ့ရဲ့ နေရာ ဇာတိ အစ ဖြစ်မယ်လို့ ယူဆ ခဲ့ကြတယ်။ ခိုင်မာ တဲ့ အထောက်အထား မရှိပဲ ယာယီ ယူဆ ခဲ့ကြတာ ဖြစ်ပါတယ်။
ဒါပေမယ့် အဲ့ဒီနေရာဟာ မြန်မာနိုင်ငံနဲ့ အလွန်ဝေးကွာလှပြီး ကြားထဲမှာ အခု ယူနန်နယ်ကြီး တစ်ခုလုံး ခြားထားပါသေးတယ်။ ဒါကြောင့် ပညာရှင် တစ်ချို့က ကျောက်ခေတ် လူသားတွေအနေနဲ့ အဲဒီလောက် ဝေးကွာရာ ဒေသကို သွားဖို့ဆိုတာ မဖြစ်နိုင်ဘူးလို့ ယူဆကြပါတယ်။
အဲ့ဒီ မြန်မာတွေဟာ နိုင်ငံခြား ဝင်ရောက်လာတယ်၊ မြန်မာတွေရဲ့ ဇာတိ အစဟာ ဟိုး. . . တိဘက်၊ တရုတ် နယ်က ဖြစ်မယ်ဆိုတဲ့ အယူဆကို အကောင်းဆုံး ခြေဖျက်လိုက်တာကတော့ စမုံမြစ်ဝှမ်း သုတေသန ပဲ ဖြစ်ပါတယ်။
များသောအားဖြင့် မြန်မာတို့ရဲ့ အဓိက မြစ်ကြီးတွေဖြစ်တဲ့ ဧရာဝတီ၊ စစ်တောင်း၊ ချင်းတွင်း၊ သံလွင် တို့ဟာ မြောက်ကနေ တောင်ကို စီးဆင်းနေပေမယ့် မြန်မာ့ မြေပေါ်မှာ တောင်ကနေ မြောက်ကို စီး နေတဲ့ မြစ်တွေပါ။ အဲ့ဒါတွေကတော့ ပန်းလောင်မြစ်၊ ဇော်ဂျီမြစ်၊ စမုံမြစ် တို့ပါပဲ။ အဲ့ဒီ မြစ်တွေဟာ ဘေးချင်းယှဉ် ဧရာဝတီမြစ်ထဲကို တောင်ကနေ မြောက်ကို စီးဆင်းကြပါတယ်။
အဲ့ဒီထဲမှာမှ စမုံမြစ်ဝှမ်းကို သုတေသန လုပ်ဖြစ်တာ အဲ့ဒီဒေသက ရှေးဟောင်း သုံးရောင်ချယ် ဗုံရှည်ပုံ ပျူပုတီး (အဖြူ၊ အနက်၊ လိမ္မော်) တစ်ခုကို ဗိုလ်ချုပ်ဈေးထဲမှာ ဒေါ်လာ ၁၀၀ နဲ့ နိုင်ငံခြားသား တစ်ယောက်ကို ရောင်းလိုက်တာက စပါတယ်။
စမုံမြစ်ဝှမ်းက ဒီလို ပစ္စည်းတွေ ထွက်တယ် ဆိုတော့ ဘာပြော ကောင်းမလဲ အရောင်းအဝယ် သမားတွေ၊ ပုတီး မုဆိုးတွေ၊ ပျူသင်္ချိုင်း တူးစားသူတွေ ကလည်း တူးခိုင်းတယ်။
ရွာသားတွေကလည်း တူးရောင်းတယ်။ အဲဒီတုန်းက မိုးကခေါင်၊ စိုက်ပျိုးရေးက မဖြစ်တော့ ဒါကိုပဲ အဓိကထား တူးရောင်းလိုက်ကြတာ သမိုင်း အတွက် အထောက်အထား မကျန် သလောက်ဆိုရအောင် တူးရောင်း ပစ်ကြတယ်။
ကုန်သလောက် ရှိမှ ဆရာ ဦးမောင်မောင်တင် နဲ့ သူ့တပည့်တွေ (တမ္ပဝတီ ဦးဝင်းမောင်တို့) က သိပြီး ရသလောက်လေး အိတ်စိုက် ဈေးကောင်းပေးဝယ်ထား၊ ရှေး/သု ကလည်း အဲဒီ နောက်ပိုင်းမှ တူးနိုင်ပါတော့တယ်။
ရှေး/သုက တရားဝင်အနေနဲ့ ၁၉၉၈ ကနေ ၂၀၀၉ အထိ ၁၁နှစ်ကျော်မှာ ၁၆ နေရာလောက်တူးတယ်။ ပြင်သစ်နိုင်ငံ ဗဟိုအမျိုးသားသိပ္ပံ နှင့် သုတေသန ဌာန (National Centre of Scientific Research, University in French ) နဲ့တွဲတူးတယ်။ ပြည်တွင်းက ပြင်ပ ပညာရှင် တမ္ပဝတီ ဦးဝင်းမောင်၊ ပြည်ပက သြစတြေးလျ နိုင်ငံသား ဒေါက်တာ ဘော့ဟာဆန် တို့ ပါဝင်တယ်။
ဘယ်လိုပဲ ဖြစ်ဖြစ် စမုံမြစ်ဝှမ်း ဒေသဟာ ပထမအချက်အနေနဲ့ မြန်မာတို့ရဲ့ အရပ်လေးမျက်နှာ တောင်၊ မြောက် အခေါ် အဝေါ်တွေနဲ့ ကိုက်ညီနေတဲ့ ဒေသဖြစ်တယ်။ တောင်ဘက်မှာ တောင် တွေရှိပြီး မြောက်ဘက်က မြစ်အောက် ဒေသကြီးဗျား။
ဒုတိယ အချက်ကတော့ ကျောက်ခေတ်ဟောင်း၊ ကျောက်ခေတ်လည်၊ ကျောက်ခေတ် သစ်ကနေ၊ ကြေးခေတ်၊ သံခေတ်ဦး၊ ပျူခေတ် ကနေ ပုဂံခေတ် အထိ ဆက်နွယ်နေတဲ့ အထောက်အထားတွေ ရတော့တာပါပဲ။
ဒီစမုံ မြစ်ဝှမ်းမှ တဆင့် ဟံလင်း၊ တကောင်း၊ ဗိဿနိုး၊ သရေခေတ္တရာ စသဖြင့် မြို့ပြနိုင်ငံတွေ ထူထောင် နိုင်ခဲ့မယ်။ သရေခေတ္တရာ မှ တဆင့် ပုဂံ စသဖြင့် ဆက်လက် စည်ပင်ဖွံ့ဖြိုးသွားမယ်။ ဒီကျောက်ခေတ် လူသားတွေကနေ တစ်ချိန်က ပျူ လို့ ခေါ်တဲ့ လူတွေဖြစ်လာမယ်။ အဲ့ဒီ ပျူတွေဟာ အခု မြန်မာ လို့ခေါ်နေကြသူတွေဖြစ်တယ်။
အဲ့ဒီ့ စမုံမြစ်ဝှမ်းမှာကို ဘိန္နက ပျူမြို့ဟောင်း ဆိုတာ တမ္ပဝတီ ဦးဝင်းမောင်တို့က ရှာဖွေ ဖော်ထုတ် နိုင်ခဲ့တယ်။ ဒါ ကျောက်ခေတ်ကနေ၊ ကြေးခေတ်၊ သံခေတ် ပျူခေတ် စသဖြင့် စမုံမြစ်ဝှမ်း လွင်ပြင်မှာ ထွန်းကား ခဲ့ကြောင်း အကျဉ်းချုပ်ပါ။
ဒါကို ဆရာချစ်စံဝင်း ရဲ့ လူသား ဇာစ်မြစ် စတင်ရှင်သန်ဖွံ့ဖြိုးခဲ့ရာ စမုံမြစ်ဝှမ်း သုတေသန စာတမ်း (၃-၅-၂၀၁၄၊ မြန်မာနိုင်ငံ ဘဏ်များ အသင်းတိုက် တွင်ဖတ်ကြား) ကနေ အတိုခြုံး၊ အနှစ်ချုပ်ပြီး ရေးပါတယ်။
တူးဖော်တွေ့ရှိမှု မှတ်တမ်းတွေ၊ အခြား အထောက် အထားတွေထက် မြန်မာတွေဆိုတာ အခြား ဒေသက ဝင်လာတာမဟုတ်၊ မြန်မာအစ မြန်မာနိုင်ငံတွင်းက၊ စမုံမြစ်ဝှမ်းမှာ ကျောက်ကြမ်းခေတ်က စလို့ ပျူခေတ် အထိ အဆင့်ဆင့် ဖြစ်တည်လာမှုကိုသာ အဓိက ဇောင်းပေး ဖော်ပြ ကောက်နှုတ်လိုက်တာ ဖြစ်ပါတယ်။ မူရင်းစာတမ်းက ဒီထက် ပြည့်စုံ ပါတယ်။
မပြည့်စုံမှု၊ ချွတ်ချော်မှု၊ မှားယွင်းမှု တို့ ရှိခဲ့ရင်၊ မူလ စာတမ်းရှင် ဆရာတို့နဲ့ မဆိုင်ပဲ ကျွန်တော့်မှာသာ တာဝန်ရှိပါတယ်။
(မှားရင် ပြင်ကြပါ။ ဝေဖန် ဆွေးနွေးကြပါ)