အေအန်တီ အန့် ပုရွက်ဆိတ်

May 14, 2014 at 6:02am

ကျွန်တော်တို့ စသင်ရတဲ့ အင်္ဂလိပ် ဝေါဟာရဟာ ပုရွက်ဆိတ်ဆိုရင် မှားမယ်မထင်ဘူးနော်၊  ကိုယ့်ဆရာ၊ ပုရွက်ဆိတ်တွေ သူတို့ရဲ့ အသိုက်တွေကနေ ဝေးကွာတဲ့ နေရာဆီလှည့်လည်သွားလာကြတယ်။ ဒါပေမဲ့ ဘယ်တော့မှ သူတို့ရဲ့ အသိုက်ဆီပြန်လာဖို့ လမ်းမပျောက်ကြဘူး ကိုယ့်ဆရာ။

မဆန်းဘူးလေ၊ သူ့လို အင်းဆက်တွေဟာ သူတို့ရဲ့ ကိုယ်ပိုင် ဓာတုဗေဒပစ္စည်း Pheromone  တွေကို လမ်းတစ်လျှောက်စစ်ထုတ်ချထားခဲ့ကြတာကိုး၊
ဒီပစ္စည်းရဲ့ အနံ့  ဒါမှမဟုတ် အရသာဟာ သူတို့ရဲ့ လုပ်ငန်းဆောင်တာများစွာအတွက် သင်္ကေတ (Signal)  ။ ဒီအထဲက လမ်းကြောင်းရှာဖွေနိုင်မူလုပ်ငန်းစဉ်က တစ်ခုအပါအဝင်ပေါ့။

ဒါပေမဲ့ ကိုယ့်ဆရာ၊ တကယ်လို့ ကိုယ့်ဆရာအနေနဲ့ မှတ်သားရာရှုခင်းကင်းမဲ့တဲ့ လွင်တီးခေါင်ပြင် သဲကန္တာရအလယ်မှာ ကိုယ့်ဆရာနေထိုင်ရာအိမ်ကနေထွက်လာပြီး ဟိုသွားဒီသွားနဲ့ နောက်ဆုံး ၂၁မိုင်အဝေးကို ရောက်လာပြီဆိုရင် ကိုယ့်ဆရာနေအိမ်ကို ကိုယ့်ဆရာပြန်တတ်ပါ့မလား၊ ထားလိုက်ပါ၊
 ကိုယ့်ဆရာပြန်တတ်ပါတယ်လို့ ကျွန်တော်ယုံကြည်ပေးလိုက်ပါမယ်၊ ဒါပေမဲ့ နောက်မေးခွန်းတစ်ခုဖြစ်တဲ့ ကိုယ့်ဆရာနေအိမ်ကို ၂၁မိုင်အကွာအဝေးကနေ
] မျဉ်းဖြောင့်ပုံစံအတိုင်း တစ်ချက်မှမတိမ်းစောင်းပဲ တန်းပြီးပြန်တတ်ပါ့မလား၊ ဟင့်အင်း၊ ကိုယ့်ဆရာမပြန်တတ်ပါဘူး။  ကျွန်တော်လဲ မပြန်တတ်ပါဘူး၊ သူ၊ သူမ တို့တွေလဲ ပြန်တတ်မှာမဟုတ်ပါဘူး။

ဒါပေမဲ့ ကိုယ့်ဆရာသိလား၊  တူနီးရှား သဲကန္တာရက ပုရွက်ဆိတ်မဲတွေကတော့ ပြန်တတ်တယ်ဗျာ။ သဲမြေအပူချိန် ၁၅၈ဒီဂရီဖာရင်ဟိုက်ထိ မြင့်တက်နေတဲ့အချိန်မှာ ဒီပုရွက်ဆိတ်တွေဟာ အသိုက်ကထွက်လာပြီး အစာရှာတယ်ခင်ဗျ၊ သူ့အသိုက်ကနေ ဟိုသွားလိုက်၊ ဒီသွားလိုက် ( Zig-Zag) ပုံစံ နဲ့ ပေ၆၅၀ အကွာထိရောက်တယ်။
သွားလိုက်၊ တစ်ချက်ရပ်ပြီး နောက်တစ်ချက်ကြည့်လိုက်၊ သွားလိုက်နဲ့။ ကိုယ့်ဆရာရဲ့ လက်မအရွက်အစားလောက်တောင် မရှိတဲ့ ဒီပုရွက်ဆိတ်ရဲ့ ခရီးဟာ ကိုယ့်ဆရာရဲ့အရွယ်အစားနဲ့ နှိုင်းယှဉ်မယ်ဆိုရင် ဒါဟာ ၂၁မိုင်ကနေ ၂၄မိုင်ထိရှိတယ်ခင်ဗျ။ ဒါပေမဲ့ ဒီပုရွက်ဆိတ်ဟာ အစာရရှိပြီးလို့ သူအိမ်ပြန်တော့မယ်ဆိုရင်
သူဘယ်လို Zig-Zag ပုံစံနဲ့ အိမ်ကနေထွက်လာလာ အိမ်ပြန်တဲ့အခါမှာတော့ မျဉ်းဖြောင့်အတိုင်းမတိမ်းမစောင်းပြန်သွားတာခင်ဗျ။ ( Secrets of Animal Navigation, by Michael E. Long , National Geographic)




ဒီပုရွက်ဆိတ်ဟာ သူ့ Pheromone  ရနံ့ကိုခံပြီးတော့တော့ ဒီလို ဖြောင့်တန်းစွာပြန်လို့မရဘူးလေ၊ ကိုယ့်ဆရာ။
ဒါဆိုရင် သူဘာကြောင့် ဒီလို အိမ်ကိုမျဉ်းဖြောင့်သဏ္ဍာန် ပြန်သန်းနိုင်ရတာလဲ။ ဒီလိုမပြန်နိုင်လို့ မဖြစ်ဘူး ကိုယ့်ဆရာ၊
သူဒီလိုသာ အတိုဆုံးလမ်းကြောင်းဖြစ်တဲ့ မျဉ်းဖြောင့်ပုံစံမပြန်သန်းနိုင်ဘူးဆိုရင် ပြင်းထန်တဲ့ သဲအပူချိန်ဟာ သူ့ကိုသင်္ဂြိုလ်လိုက်ပြီးသား ဖြစ်သွားမှာပေါ့။
  ကျွန်တော်တို့အတွက် ဒီအဖြေကို တွေ့ရှိခဲ့သူ ၊ စမ်းသပ်စစ်ဆေးခဲ့သူ၊ ပြောပြခဲ့သူက University of Zurich က ဇီဝဗေဒပညာရှင် Rudiger Wehner ။
ဒီကောင်တွေက သန့်အလင်းတန်း ( Polarized Light)  ကို မြင်နိုင်စွမ်းရှိတယ် ကိုယ့်ဆရာ၊ အလင်းဆိုတာ ကိုယ့်ဆရာသိတဲ့အတိုင်း အမှုန် နဲ့ လှိုင်း (Particle and Wave) ဒွိသဘောကို ပိုင်ဆိုင်တယ်လေ။ အလင်းမှုန် (Photon) တစ်ခုဟာ လျှပ်စစ်သံလိုက်လှိုင်း (Electromagnetic Wave) တစ်ခုလဲဖြစ်တယ်။
ဆိုလိုတာက သူ့မှာ လျှပ်စစ်ဓာတ်ဆောင်တုန်ခါမူကော၊ သံလိုက်ဓာတ်ဆောင်တုန်ခါမူကောရှိတယ်။ လျှပ်စစ်သံလိုက်လှိုင်းတွေဟာ   Transverse Wave အမျိုးအစားဖြစ်တယ်။ ဆိုလိုတာက သူတို့ရဲ့ လျှပ်စစ်သံလိုက်ဓာတ်တုန်ခါမူဟာ သူတို့သွားတဲ့ ဦးတည်ရာနဲ့ အမြဲထောင့်မှန်ကျနေတယ်လေ။



ဒါပေမဲ့ သန့်အလင်းတန်း(Polarized Light) ဆိုတာ လျှပ်စစ်ဓာတ်ဆောင် တုန်ခါမူ (Electric Field) နဲ့ပဲ အဓိကသက်ဆိုင်တယ်။



သဘာဝအရ အလင်းလွှတ်ဝတ္ထုတွေက ထုတ်လွှတ်လိုက်တဲ့ အလင်းမှုန်တွေဟာ ဦးတည်ရာ ကစင့်ကလျှားဖြစ်နေတယ် ကိုယ့်ဆရာ၊
ဒါကြောင့် ဒီအလင်းမှုန်တွေရဲ့ လျှပ်စစ်ဓာတ်ဆောင် တုန်ခါမူဟာ နေရာစုံကို သက်ရောက်နေတယ်၊ ဒီအလင်းတန်းဟာ မသန့်အလင်းတန်း ( Unpolarized Light) ပေါ့။



အဲ၊ ဒီပုံမှန်အလင်းကို သန့်အလင်းတန်း (Polarized Light) ဖြစ်စေချင်ရင်တော့ ကျွန်တော်တို့တွေက စစ်ထုတ်ပစ္စည်း (Filter) တွေသုံးရတယ်။
ဒါဆိုရင် စစ်ထုတ်ပစ္စည်းနဲ့ ကိုက်ညီတဲ့ လျှပ်စစ်တုန်ခါမူလားရာ တူညီတဲ့အလင်းမှုန်တွေသာ သန့်သန့်ထွက်လာပြီး သန့်အလင်းတန်း (Polarized light) ဖြစ်လာတာပေါ့။
နဂို အလင်းတွေ ထဲကမှ စစ်ထုတ်ခံအလင်းတွေကိုသာ ဖြတ်သန်းခွင့်ပြုတဲ့အတွက်ကြောင့် အလင်းရဲ့ ပြင်းအားကျဆင်းသွားတယ်။ နေကာမျက်မှန်ဆိုတာ ဒီသဘောကို သုံးထားတာပေါ့။




ဒီလိုပဲ ကိုယ့်ဆရာ၊ နေရဲ့လားရာအစုံကို တုန်ခါမူရှိနေတဲ့ (Unpolarized ) ကစင့်ကလျှားအလင်းမှုန် တွေဟာလဲ ကမ္ဘာ့လေထုက လေမော်လီကျူး၊ ရေမော်လီကျူးစတာတွေနဲ့ တိုက်မိ ပြန့်ကျဲရာကနေပြီးစတင်ကာ သန့်အလင်းတန်း(Polarized light) တွေ ကို ဖြစ်တည်လာစေတယ်။

ပြင်းအားအကောင်းဆုံးအလင်းတန်းကတော့ နေရဲ့တည်နေရာကို တိကျစွာပြသနိုင်တဲ့ နေကိုထောင့်မှန်ကျနေတဲ့ အလင်းတန်းပဲ။ ကျွန်တော်တို့ ဒီအလင်းတန်းကို မမြင်ရဘူး၊ ဒါပေမဲ့ ဒီပုရွက်ဆိတ်က မြင်ရတယ်ကိုယ့်ဆရာ။ (အဲ၊ တကယ်တော့ အလင်းသန့်ကို မြင်ရတဲ့ သတ္တဝါဆိုတာ ပုရွက်ဆိတ်တစ်မျိုးတည်းတော့မဟုတ်ဘူး)
 ဇီဝဗေဒပညာရှင် Rudiger Wehner  က ပြောတယ်။ ဒီပုရွက်ဆိတ်ရဲ့ မျက်လုံးမှာ သန့်အလင်းတန်းကို မြင်နိုင်စေဖို့  မှန်ဘီလူးပေါင်း ၈၀ ပါဝင်သတဲ့။ ဒီအလင်းတန်းတွေဟာ သူ့အတွက်တော့ သံလိုက်အိမ်မြှောင်ဖြစ်တယ်။ သူအသိုက်ကထွက်သွားတုံး ရပ်လိုက်၊ နောက်လှည့်ကြည့်လိုက်ဆိုတာ ဒီအလင်းတန်းတွေကို မှတ်သားမူ ပြုလုပ်နေတာ ကိုယ့်ဆရာ၊ ဒီအလင်းတန်းတွေကို အသုံးပြုပြီး သင်္ချာဆိုင်ရာ ထောင့်တွက်ထုတ်မူတွေကို ဒီပုရွက်ဆိတ်ဟာ ဆောင်ရွက်နိုင်လေရဲ့၊
ကျွန်တော်တွေးမိတာက  ပြင်းထန်လှတဲ့အပူချိန်မှာ အိမ်အမြန်ပြန်ရောက်နိုင်မဲ့ လမ်းကြောင်းကို မတွက်ထုတ်နိုင်ရင်  သေသွားမဲ့ ၀.၁ မီလီဂရမ်အလေးချိန်ဦးနှောက်လေးနဲ့ ဒီပုရွက်ဆိတ်အတွက် ဒီလိုစွမ်းရည်နဲ့ ဒီဇိုင်းဟာ ဘာကြောင့်ပါဝင်တည်ရှိနေရတာလဲလို့။