စာဖတ်နည်းသုံးနည်းနှင့် စာဖတ်သူသုံးဦး
|
7:11 PM |
No မှတ်ချက် |
ဦးတိုးအောင်'s photo.
စာဖတ်နည်း သုံးနည်းရှိတယ်။
(က) တစ်ချို့စာတွေကို မြည်းရုံသာမြည်းရတယ်။
(ခ) တစ်ချို့စာတွေကိုတော့ ဝါးပေးရတယ်။
(ဂ) လောကီ၊လောကုတ္တရာ ကောင်းကျိုးဖြစ်စေမယ့်စာပေတွေကိုတော့
ညက်ညက်ကျေတဲ့အထိ ဝါးစားပေးရတယ်။
တစ်ချို့စာပေတွေမှာ အောက်ပါအတိုင်း တွေ့ရပြန်တယ်။
(က) ကွမ်းစားသလို စာဖတ်နည်း
(ခ) ကြံအရည်စုပ်သလို စာဖတ်နည်း
(ဂ) နွားနို့သောက်သလို စာဖတ်နည်း
တစ်ချို့စာပေတွေကို ကွမ်းစားသလို အရည်ရောအဖတ်ပါ
ထွေးထုတ်ပစ်ရတယ်။ တစ်ချို့စာတွေကို ကြံရည်စုပ်သလို အဖတ်ကို
ထွေးထုတ်ပြီး အရည်ကိုစုပ်ယူရတယ်။ တစ်ချို့စာတွေကိုတော့
နွားနို့သောက်သလို နွားနို့အရည်ရောဒိန်ဖတ်ပါစားပေးရတယ်။
ကျွန်တော် လေးစားရတဲ့ စာရေးဆရာတတစ်ယောက်
က စာဖတ်နည်းသုံးနည်း ထွင်ထားတယ်။ ဆရာထွင်ထားတဲ့ နည်းသုံးနည်းက...
(က) မျက်စိနဲ့စာဖတ်နည်း
( ခ) နားနဲ့စာဖတ်နည်း
( ဂ) ခြေထောက်နဲ့စာဖတ်နည်းတို့ဖြစ်တယ်။
ဆရာ့ရဲ့ စာဖတ်နည်းကိုတော့ သဘောမကျဘူး။စာဖတ်သူ
သုံးမျိုးရှိတယ်။
(က) စာရေးဆရာရဲ့နောက်ကလိုက်ပြီးစာဖတ်သူ
( ခ) စာရေးဆရာနဲ့ရင်ပေါင်တန်းပြီးစာဖတ်သူ
( ဂ) စာရေးဆရာရဲ့ရှေ့ကိုကျော်ကြည့်ပြီး စာဖတ်သူ
ဒီစာဖတ်နည်းသုံးနည်းကို ဖတ်ပြီး
စာရေးဆရာရဲ့ရှေ့ကို မဖြစ်မနေကျော်ကြည့်မိတယ်။
ဘာလို့လဲဆိုတော့ မျက်စိနဲ့မြင်သမျှကို
ဖတ်နေမယ်ဆိုရင်၊နားနဲ့ကြားသမျှကိုနားထောင်မယ်ဆိုရင်၊
နေရာစုံလျှောက်သွားပြီး ဗဟုသုတရှာမှီးနေမယ်ဆိုရင်..........
လူဘဝကတိုတိုလေးပါ။ခြေထောက်နဲ့စာဖတ်ရင် အချိန်ကုန်မယ်၊ငွေကုန်မယ်၊
လူပင်ပန်းမယ်။ဆိုးကျိုးက သုံးခုရှိတယ်။ပြန်လည်ရရှိလာမှာက
ဗဟုသုတတစ်မျိုးတည်း။ရရှိလာမယ့် ဗဟုသုတက လည်းမိမိဘဝ
အတွက် အကျိုးရှိချင်မှရှိအုံးမှာပါ။
နောက်ပြီး ဆရာ့ရဲ့စာဖတ်နည်းလမ်းက ပညာမပါဘူး။
မည်သည့်အလုပ်မဆို သီလ၊သမာဓိ၊ပညာ ပါမှ ပြီးမြောက်အောင်မြင်တယ်။
ဥပမာ လူတစ်ယောက်က လိုအပ်တဲ့နေရာမှာ မလှူပဲ မလိုအပ်တဲ့နေရာမှာ
လှူဒါန်းနေတယ်။လှူတဲ့အတွက် နောင်ဘဝတွေမှာ ချမ်းသာမယ်။
လိုအပ်တဲ့နေရာ၊မလိုအပ်တဲ့နေရာကို ခွဲခြားနိုင်တဲ့ပညာမရှိတဲ့အတွက်
ဉာဏ်ရည်မမှီသူတစ်ယောက်ဖြစ်လာမယ်။
လူသားအားလုံး သီလ၊သမာဓိ၊ပညာ တို့ကိုလှေကားထစ်သဖွယ်
အသုံးပြုပြီး လိုရာပန်းတိုင်ကို တစ်ထစ်ချင်း တက်လှမ်းနိုင်ပါစေ။
ဦးတိုးအောင်
0 comments:
Post a Comment