“တရားဥပဒေစိုးမိုးမှုရှိမှ စည်းကမ်းကောင်းနိုင်မယ်ဆိုတဲ့ ဦးဘုန်း(ဓာတု)နှင့် တွေ့ဆုံခြင်း”

Eternal Light Magazine

Q. ဆရာ့အနေနဲ့ စည်းကမ်းကို ဘယ်လိုအဓိပ္ပာယ်ဖွင့်ဆိုချင်ပါသလဲ။
A. စည်းကမ်းဆိုတာကို မြန်မာအဘိဓာန်မှာ လိုက်နာစောင့်ထိန်းရမယ့် ကျင့်ဝတ်လို့ အဓိပ္ပာယ်ဖွင့်တယ်။ ဒီလိုပဲ ကမ္ဘာပေါ်မှာရှိတဲ့ နိုင်ငံအသီးသီးမှာ ကိုယ့်ယဉ်ကျေးမှုနဲ့ ကိုယ်၊ ကိုယ့်ယုံကြည်ကိုးကွယ်မှုနဲ့ကိုယ် လိုက်နာစောင့်ထိန်းအပ်တဲ့ ကျင့်ဝတ်စည်းကမ်းတွေ အသီးသီးရှိတယ်။ စည်းကမ်းဆိုတာ လူတစ်ယောက် သို့မဟုတ် လူမျိုးစုတစ်စုရဲ့ တန်ခိုးပဲ။


Q. လူတွေလိုက်နာစောင့်ထိန်းရမယ့် စည်းကမ်းတွေထဲမှာ ဘယ်လိုအချက်တွေ အဓိကပါဝင်နေပါသလဲဆရာ။
A. လူတွေလိုက်နာစောင့်ထိန်းရမယ့် စည်းကမ်းဆိုတာ က တော်တော်ကျယ်ပြန့်တယ်။ စည်းကမ်းဆိုရာမှာ အပြောအဆို၊ အနေအထိုင်၊ အမူအကျင့်တွေနဲ့ပတ်သက်ပြီး နိုင်ငံတစ်နိုင်ငံက သတ်မှတ်ထားတဲ့ ယဉ်ကျေးမှုတန်ဖိုးတွေ၊ ယုံကြည်ကိုးကွယ်မှုတန်ဖိုးတွေ၊ သတ်မှတ်ထားတဲ့ ဥပဒေတွေကို လိုက်နာတတ်တဲ့ အလေ့အကျင့်တွေ၊ အဲဒါတွေအပြင် ကိုယ့်နှလုံးသားနဲ့ ကိုယ့်ယုံကြည်မှု ကနေပြီး ပြဋ္ဌာန်းထားတဲ့အချက်အလက်တွေလည်းပါတယ်။
ပထမဆုံး အနူးညံ့ဆုံး စည်းကမ်းကိုပြောရရင် ကိုယ့်ရဲ့စိတ်ထဲမှာ သတ်မှတ်ထားတဲ့ စည်းကမ်း၊ ကိုယ့်ရဲ့စိတ်ကနေပြီး ပြဋ္ဌာန်းထားတဲ့ စည်းကမ်းတွေရှိတယ်။ အဲဒီစည်းကမ်းတွေကို ကိုယ်ကိုယ်တိုင် လိုက်နာရတယ်။ ဒီစည်းကမ်းတွေကို ဘယ်သူမှမသိဘူး။ ဒါပေမဲ့ အဲဒီလို ကိုယ့်ရဲ့ယုံကြည်မှုနဲ့ ကိုယ့်ရဲ့စိတ်က ပြဋ္ဌာန်းထားတဲ့ စည်းကမ်းတွေကို လိုက်နာစောင့်ထိန်းတတ်တဲ့သူဟာ တဖြည်းဖြည်းချင်း တိုးတက်တဲ့လူတစ်ယောက် ဖြစ်သွားတော့တာပဲ။

Eternal Light Magazine
February 2014
“စည်းကမ်း”