အခန်း (၁၃) သက်ခိုင်နှင့် ထူးဆန်းသောသူဌေးလင်မယား

Min Din

ဤရက်ပိုင်းများအတွင်း ကိုသက်ခိုင်တစ်ယောက်ပျောက်ချက်သားကောင်းနေလေသည်။လူကိုယ်တိုင် မလာနိုင်သည့်တိုင် အနည်းဆုံးတပတ်တကြိမ်ခန့် ရောက်ရာအရပ်မှ ဖုန်းဖြင့်လှမ်း၍အသံပြုတတ်သော်လည်း ကိုသက်ခိုင်ဆီမှ ဖုန်းသံတိတ်နေ သည်မှာ တလဝန်းကျင်ရှိပေရော့မည်။
ကျနော်ကိုယ်တိုင်လည်း ကိုယ့်ဆိုင်ဗာဟီရနှင့်ကိုယ် အမည်မယ်မယ်ရရတပ်စရာမရှိ ပါဘဲ အလုပ်များနေသောကြောင့် သူ့ ကိုမေ့မေ့ပျောက်ပျောက်ဖြစ်နေခဲ့သည်။ထိုကာလ၏တစ်ခုသော ညဥ့်နက်သန်းခေါင် အချိန် ကျနော်အိပ်မောကျနေစဉ် ဖုန်းခေါ်သံမြည်လာသဖြင့် အိပ်ချင်မူးတူးဖြင့် ဖုန်းကိုကောက်ကိုင်လိုက်ရာ ဆက်သွယ် လာသူ မှာ ကိုသက်ခိုင်ဖြစ်လေ၏။
"ဗျို့၊ကိုမင်းဒင်။ အိပ်နေရင် ဆောရီးဗျာ။ မနက်ဖန် မနက်ခုနစ်နာရီနှစ်ဆယ်မှာ ဖူးခက်လေဆိပ်ကို လာကြိုပါအုံးဗျ"
"ခင်ဗျားဗျာ။ လုပ်လိုက်မှဖြင့် အချိန်မတော်ရေးကြီးသုတ်ပျာကြီးပဲ။ အခုဘယ်ရောက်နေပြီတုန်း"
"ဘန်ကောက်ရောက်နေတာဗျ။ လာဖြစ်အောင်လာစမ်းပါဗျာ။ခင်ဗျားကို အထူးအဆန်းတွေပြောစရာတွေရှိတယ်"
"ထူးဆန်းတာဆိုရင်တော့ အခုပြောတာအကောင်းဆုံးပဲဗျာ။ ကျနော်လည်း ခင်ဗျားဇာတ်လမ်းကိုရှေ့ဆက်ဘို့ ကုန်ကြမ်း လိုနေတာနဲ့အတော်ပဲ"
"လူချင်းတွေ့ပြီးပြောရတာ ပိုပြီး အဆင်ပြေတယ်ဗျ။ကဲ အိပ်တော့။ ခင်ဗျားအကြောင်းကျနော်သိပါတယ်။ခင်ဗျားလာကြိုမှာ ပါ။ ကဲ ကဲ အိပ်တော့၊ဂွတ်နိုက်ဗျာ"
ကိုသက်ခိုင်ကား ထုံးစံအတိုင်း စကားကိုတုံးတိတိဖြတ်ကာ ဂွတ်ကနဲဖုန်းချသွားလေသည်။
ဖူးခက်လေဆိပ်မှာ ကျနော့်အိမ်နှင့် ကီလိုမီတာ ငါးဆယ်ကျော်မျှ ကွာဝေးသဖြင့် ကားမောင်းချိန် တနာရီခန့်ကြာသည်။ ထို့ကြောင့် နံနက်စောစော ခြောက်နာရီခန့်တွင် ကျနော့်အိမ်မှ ဖူးခက်လေဆိပ်သို့ စထွက်လာရသည်။ လမ်းမကြီး တွေမှာ ကားအသွားအလာ မရှုပ်ထွေးလှသေးချေ။ဖြေးဖြေးမှန်မှန်ပင်မောင်းလာခဲ့ရာ ခုနစ်နာရီကျော်ခန့် အချိန်တွင် ဖူးခက် လေဆိပ်အနီးသို့ ရောက်လာသည်။ဖူးခက်မှာ ထိုင်းနိုင်ငံတောင်ပိုင်း၏ အထင်ကရခရီးသွားမြို့ ဖြစ်သောကြောင့် တိုးတက်လာသောခရီးသွားဦးရေနှင့် ကိုက်ညီစေရန် လေဆိပ်အသစ်တစ်ခု ထပ်မံတိုးချဲ့တည်ဆောက်လျက်၏။ စင်စစ် လက်ရှိအသုံးပြုနေသည့် ဖူးခက်လေယာဉ်ကွင်းဟောင်းသည်ပင် ရန်ကုန်အပြည်ပြည်ဆိုင်ရာ လေဆိပ်နှင့်တန်းယှဉ်နိုင် လောက်သည်။
ကိုသက်ခိုင်ကို ဆိုက်ရောက်ခန်းမရှေ့မှာပင် အဆင်သင့်တွေ့ရသည်။အနောက်တိုင်းဝတ်စုံကို သေသပ်ကျနစွာ ဝတ်ဆင် ထားသော သူ့ပုံစံသည် တမူထူးခြားနေ၏။ကိုသက်ခိုင်သည် သူ့ခရီးဆောင်အိပ်ကို ကျနော့်ကားနောက်ခန်းသို့ ဝုန်းကနဲ နေ အောင်ပစ်တင်လိုက်ပြီး ကျနော်ဘေးမှာလာထိုင်သည်။
"ဟား၊ ရှိုးနဲ့မိုးနဲ့အတော်စမတ်ကျနေပါကလား။တကယ့်ယူရိုပီယမ်ကြီးကျနေတာပဲဗျာ"
"အော် ခင်ဗျားက ကျနော်ကို ရဲဘက်မှာ စပြီးသိကျွမ်းတာဆိုတော့ အခုပုံစံက အမြင်ဆန်းနေပေမပေါ့။ရွှေထီးဆောင်းစဉ် တုန်းကတော့ ဒီအဝတ်အစားမျိုးနေ့တိုင်းလိုဝတ်ခဲ့ရပါသော်ကောဗျာ"
"ကဲထားပါတော့ဗျာ။ ခုတစ်လောဖုန်းတောင်မဆက်နိုင်လောက်အောင် ဘာတွေများ အလုပ်ရှုပ်နေပြန်ပြီတုန်း"
"ကျနော်ဘန်ကောက်ကို သွားလိုက်လာလိုက်လုပ်နေရတာ တစ်လလောက်ရှိရော့မယ်ဗျ။အေးဗျာ။ ကျနော့်ဘဝကို သေချာပြန်စဉ်းစားလေ ကျနော်ဟာ ဇာတာသိပ်မြင့်တဲ့သူလား။ဝဋ်ကြွေးမကုန်တဲ့သူလား ဝေခွဲမရလေပဲဗျ"
"ရှင်းအောင်ပြောစမ်းပါဗျာ။ခင်ဗျား ဝတ်ပုံစားပုံကြည့်ရတာ ဝဋ်ကြွေးမကုန်တဲ့ ပုံတော့ မဟုတ်ဘူးဗျ။ ဇာတာတက်တာပဲ ဖြစ်ရမယ်။ဇာတာကျချိန်ဆိုတာ ခင်ဗျားနဲ့ကျနော် ပထမဆုံးအကြိမ်တွေ့ခဲ့တဲ့ ရဲဘက်မှာ ခြေကျင်းကိုယ်စီနဲ့ဘဝမျိုးလေ"
"ဟား၊ဒါလည်းဖြစ်နိုင်တယ်ဗျ။ဒီရက်ပိုင်းတွေမှာ နေ့လည်စာ ထမင်းတနပ်ကို ဗမာငွေခြောက်သိန်းလောက်တန်တဲ့ စား သောက်ဆိုင်မျိုးမှာ နေ့စဉ်ရက်ဆက်စားနေရတာကတော့ ဇာတာတက်တယ်ဆိုနိုင်ပါရဲ့"
"ဘာဗျ။ ထမင်းတနပ်ခြောက်သိန်း။ဟုတ်မှလည်း လုပ်ပါဗျာ။ကြီးကျယ်လှချည့်ရဲ့"
"'ခင်ဗျားပြောသလို ကြီးကျယ်လှချည့်ရဲ့လို့ ကျနော်လည်း ခံစားရတာပါပဲ"
"နေပါဦးဗျ။ ခြောက်သိန်းတန်ထမင်းကို စားဖူးတယ်ရှိအောင် ခင်ဗျားအိတ်ကပ်ထဲက ငွေနဲ့ တကူးတက သွားစားတာတော့ မဖြစ်နိုင်လောက်ဘူးထင်တယ်"
"သေချာတာပေါ့ဗျာ။ဘယ်နှယ့်၊ကျနော်လိုကောင်က ခြောက်သိန်းတန်ထမင်းသွားဝယ်စားစရာ အကြောင်းမှ မရှိတာ။ အဲသလို အကြောင်းမရှိပါပဲ ရောက်ခဲ့စားခဲ့ရတာကိုက ခင်ဗျားအတွက် ဇာတ်လမ်းတပုဒ်ပဲဗျ"
"ဟား လုပ်ပါအုံးဗျ။ နေရာကျလိုက်လေ"
"ကြားချင်နားဆင်ပေတော့ဗျာ။ ဟေ့လူ ကားတော့ဖြည်းဖြည်းမောင်းနော်"
ဤသို့လျှင် ကိုသက်ခိုင်သည် မကြာမတင်က သူကြုံတွေ့ခဲ့ရသော ခြောက်သိန်းတန်ထမင်းဝိုင်းအကြောင်းမှသည် သူ၏ ထူးခြားလှသော ဘဝကံကြမ္မာဖန်လာသည့် ဇာတ်ကြောင်းမှာ အောက်ပါအတိုင်းဖြစ်လေ၏။
"အေးဗျာ။ ကျနော်လည်း ဒီတစ်သက်တော့ ရှုပ်ရှုပ်ထွေးထွေးအလုပ်တွေကို လှည့်မကြည့်တော့ပါဘူးလို့ စိတ်ကူးမိခဲ့တာ အမှန်ပါပဲ။ လောဘမောဟကုန်ပြီလို့တော့ မဆိုချင်ဘူးဗျ။ ကြံစည်တိုင်းမဖြစ်တဲ့ဘဝသဘောကို အထိုက်အလျောက် နားလည်ခဲ့လို့ဆိုပါတော့။ကျနော်ဘဝရှေ့ရေးကြံရွယ်ချက်က စာဖတ်မယ်။ကမ္ဘာအနှံ့ခရီးသွားမယ်။ရောက်လေရာမှာ မရှိ နွမ်းပါးတဲ့သူတွေ၊ဆင်းရဲဒုက္ခရောက်နေတဲ့သူတွေကို ကျနော်တတ်နိုင်သလောက် ကိုယ်စွမ်းဥာဏ်စွမ်းရှိသရွေ့ကူညီ မယ်။ အကြောင်းသင့်တဲ့အချိန် ကျနော့်ဇာတိနိုင်ငံကို ပြန်မယ်။ ခြံလေးတစ်ခုစိုက်မယ်။ စာရေးစာဖတ်လုပ်မယ်။ဒီလောက်ပဲဗျ။ တစ်ခါတစ်ခါ ကျနော့်ဘဝဟာ ရုပ်ရှင်ဆန်တာတော့ အမှန်ပဲဗျာ။ဖြစ်ပုံက ဗမာပြည်က လူချမ်းသာတစ်ယောက်ဟာ ကျနော်ရှိရာ ဖူးခက်အထိ တကူးတက လိုက်ရှာပြီး သူ့စီးပွားရေး လုပ်ငန်းတွေအတွက် အကြံပေးသဘောလုပ်စေချင် သတဲ့ဗျာ။ သူ့နာမည်က သိပ်အရေးမကြီးလှပါဘူးဗျာ။ ကျနော်က နာမည်အရင်းတွေအတိုင်း ပြော၊ခင်ဗျားက ခရေစေ့ တွင်းကျလိုက်ရေး။ လူမုန်းများလှပေါ့။လိုအပ်တဲ့အခါတော့ ကျနော် ထုတ်ပြောပါ့မယ်။"
"အမှန်အတိုင်းပြောရရင် သူဘယ်လောက်ချမ်းသာတယ်။ ဘယ်ပုံဘယ်နည်းချမ်းသာလာတယ်ဆိုတာ ကျနော်လုံးလုံးစိတ် မဝင်စားတာတော့ သိပ်သေချာတယ်။လူချမ်းသာတော်တော်များများဟာ သူတို့စည်းစိမ်တွေကနေ ဘဝရဲ့ပျော်ရွှင်ချမ်းမြေ့ မှုအစစ်ကို မခံစားနိုင်ကြတာ ကျနော်သိနေတာပဲ။ကျနော်လိုကောင်ကို ငွေကုန်ကြေးကျပြီး ပင်ပန်းတကြီးလိုက်ရှာတယ် ဆိုတော့လည်း အားနာမိတာအမှန်ပဲ။သူက ကျနော်ပြည်တော်ပြန်ရေးအတွက် ငွေကြေးအဆက်အသွယ်ရှာပြီး ကြိုးစားပေး မယ်။ ဗမာပြည်ပြန်ပြီး သူ့လုပ်ငန်းတွေကို ဝိုင်းလုပ်ပေးပါ။အကြံပေးပါဆိုသဗျ။ ခက်တာက ပြည်တော်ပြန်ဘို့ ကိစ္စကိုလည်း ကျနော်တယ်စိတ်မဝင်စားလှဘူး။မပြန်ချင်တဲ့အဓိကအချက်ကလည်း ရှုပ်ရှုပ်ထွေးထွေးဇာတ်လမ်းတွေနဲ့ ခပ်ကင်းကင်းနေ ချင်လို့ပဲဗျ။ဒီတော့ကျနော်လည်း "သူစိတ်အားထက်သန်နေတုန်းမို့ ဖူးခက်အထိလိုက်လာတာပဲ။ အချိန်ကာလတစ်ခု ကျော်ဖြတ် ပြီးရင်မေ့မေ့ပျောက်ပျောက်ဖြစ်သွားမှာပါပဲ"ဆိုတဲ့အတွေးနဲ့ .... "ခင်ဗျား လုပ်ငန်းမှာ လိုအပ်တာကို အဝေး ကနေ ကူညီပေး ပါ့မယ်။အခကြေးငွေတပြားတချပ်မှ ပေးစရာမလိုပါဘူး"လို့ ခေါင်းငြိမ့်လိုက်မိရောဆိုပါတော့။"
"ဒါပေမဲ့ဗျာ။ ကိုယ်တော်ချောဟာ ဖူးခက်က ပြန်သွားပြီး တရက်ခြားနှစ်ရက်ခြားဆိုသလို ညတိုင်းလို သူ့လုပ်ငန်းတွေ အကြောင်းလှမ်းလှမ်းတိုင်ပင်နေပါရောဗျာ။ကျနော့်မှာ ကတိပေးမိလျက်သား ဖြစ်နေတာကြောင့် သူ့အလုပ်ကိစ္စတွေအ ကြောင်းလန်ဘားကျောက်တံတားဇာတ်လမ်းတွေကို နာရီနဲ့ချီပြီး တမေ့တမောနားထောင်နေရတော့တာပါပဲ။ ဒီမှာတင် သူပြောတဲ့ စကားတွေထဲကနေ သူဘဝအကြောင်း သူချမ်းသာလာပုံအကြောင်း တစ်စတစ်စ သိလာရရောဆိုပါတော့။ သူက ပဲခူးဇာတိ။ကိုယ့်ဒူးကိုယ်ချွန်လုပ်ချင်ကိုင်စိတ်ရှိတဲ့သူ။ဘဝကိုအောက်ခြေကနေ တက်လာတဲ့သူ။အဲ၊ခြွင်းချက်အနေနဲ့ ကတော့ စိနသွေးပါတဲ့ကိုယ်တော်မို့ အလုပ်လုပ်ရာမှာ လောင်းကစားသမားဆန်ဆန် လုပ်တတ်ကိုင်တတ်တဲ့စရိုက်တော့ရှိ လေရဲ့။ လွန်ခဲ့တဲ့အနှစ်နှစ် ဆယ်ကျော်က ပဲခူးကနေ ရန်ကုန်ကိုတက်လာပြီး ဗီဒီယိုဖြန့်ချိတဲ့အလုပ်လေး စလုပ်တယ်။ ဖြန့်ချီရေးဆိုတာ သူများရိုက်ပြီး သားဗီဒီယိုခွေတွေကို ရန်ကုန်မြို့အနှံ့က အငှားဆိုင်တွေဆီ ဆိုင်ကယ်တစ်စီးနဲ့ လိုက်ဖြန့်တဲ့အလုပ်မျိုးပါပဲ။ နောက်ပိုင်းတော့ သူ့ကုသိုလ်ထင်ပါရဲ့။ နာမည်ကြီး ရုပ်ရှင်ဗီဒီယို ဖြန့်ချိရေးလုပ်ငန်းတစ်ခုကို ထူထောင်လာနိုင်တယ်။နောက်ပိုင်းတော့ ဗမာပြည်စီးပွားရေးထုံးစံအတိုင်း ချဲထီဒိုင်တို့၊ဘောလုံးဒိုင်တို့လို အလုပ်မျိုးတွေ လည်း ပတ်သက်လာခဲ့ဟန်တူပါရဲ့။ စီးပွားရေး တောင့်သထက်တောင့်လာရာက မြေတွေဝယ်စု။ နောက်ပိုင်းဒီမိုကရေစီ ခေတ်အပြောင်းမှာ မြေဈေးတွေ ခေါင်ခိုက်အောင်တက်လာတော့ ဧရာမသူဌေးစာရင်းဝင်ရောဆိုပါတော့။လက်ရှိအချိန်မှာ နိုင်ငံခြားရင်းနှီးမြှုပ်နှံတွေက မြန်မာနိုင်ငံရဲ့ စီးပွားရေးဈေးကွက်ကို စိတ်ဝင်စားတဲ့အချိန်ဖြစ်တာမို့ သူပိုင်ဆိုင်တဲ့မြေတွေကို စံနစ်တကျစီမံခန့်ခွဲရာမှာ နားလည်တတ် ကျွမ်းတဲ့ ယုံကြည်စိတ်ချရတဲ့လူရင်း အတိုင်ပင်ခံတစ်ယောက်သူလိုချင်တယ်။ ဒီမှာတင် ကျနော့် အကြောင်းကို ကျနော့် မိတ်ဟောင်းဆွေဟောင်းတွေဆီကနေ တစ်ဆင့်သိပြီး ကျနော့်ဆီရောက်လာ တာတဲ့ဗျာ"
"ကျနော်ဟာ ညတိုင်းနီးပါး သူ့လုပ်ငန်းအကြောင်းတွေကို နာရီနဲ့ချီနားထောင်ခဲ့ရတယ်။ သူပြောပြတဲ့ မြေကွက်ကြီး တစ်ကွက်ရဲ့တစ်ခုရဲ့ဇာတ်ရှုပ်ကို ကျနော့်စိတ်ထင်နှစ်လနီးပါးနားထောင်ခဲ့ရသဗျ။ကျနော်သိချင်တဲ့ အချက်အလက်တချို့ကို မေးရုံက လွဲလို့ ဘာမှတ်ချက်မှမပေးပဲ စိတ်ရှည်သည်းခံပြီးနားထောင်ရင်း "ငါဟာ ဒီဇာတ်ရှုပ်ကို ဘယ်လိုများရှင်းရပါ့ မတုန်း"လို့ ကျိတ်ပြီး အဖြေထုတ်နေခဲ့မိသဗျာ။ကျနော့်ပါရမီလား၊ဝဋ်ကြွေးလားမပြောတတ်တော့ပါဘူးဗျာ။ တစ်ခုသော ရက်မှာ အဲဒီမြေ ကွက်အတွက် အဆုံးအဖြတ်ပေးဖို့ အခြေဆိုက်လာပါလေရော။ ကျနော်ဟာ အချိန်ဆိုင်းမနေဘဲ အဲဒီဇာတ်ရှုပ်ထဲမှာ အဓိက အကျဆုံးလူဆီကို ဖုန်းဆက်ပြီး ပြဿနာရဲ့အတိမ်အနက်၊ရှေ့ရေးနောက်ရေးတွေကို ဆွေးနွေး လိုက်မိသဗျ။ ဖြစ်ပျက်နေပုံအလုံးကို နှစ်လနီးပါးအသေးစိတ်လေ့လာပြီးဖြစ်နေတဲ့ ကျနော်ဟာ အဲဒီပြဿနာကို အခြေခံ ကျကျ ဆွေးနွေးပြနိုင်ခဲ့ပါတယ်။ကျနော်နဲ့သူ စကားပြောချိန်ဟာ နာရီဝက်ထက် ပိုမကြာပါဘူး။ဒါပေမဲ့ ကျနော်ဟာ လူချင်း တစ်ကြိမ်တစ်ခါမှ မမြင်ခဲ့ဖူးတဲ့ ဇာတ်ရှုပ်ရဲ့ အခရာအကျဆုံးလူကို နားချနိုင်ခဲ့တယ်။ပြဿနာရဲ့ အညှာကို ကျနော်ကိုင် လှုပ်နိုင်ခဲ့ပါတယ်။ ယုံချင်ယုံမယုံချင်နေပေတော့ဗျာ။ ကျနော့်ဆွေးနွေးချက်ကြောင့် အဲဒီပုဂ္ဂိုလ် အလျော့ပေး လိုက်လျော ခဲ့တဲ့ ငွေကြေးပမာဏဟာ ကျပ်သိန်းပေါင်း ရှစ်သောင်း တောင်ရှိသဗျ။အဲဒီနေ့မှာတင် မြေကွက် အရောင်းအဝယ် ရဲ့ တစိတ်တဒေသဟာ အောင်မြင်စွာပြီးမြောက်ခဲ့ရော ဆိုပါတော့"
''အေးဗျာ။ တစိတ်တဒေသပြီးမြောက်တယ်ဆိုပေမဲ့ ဆုံးခန်းတော့မတိုင်ပြန်ဘူးဗျ။ ဒီအကြောင်းကို ကြုံတဲ့အခါ အသေးစိတ် ပြောပြပါအုံးမယ်။လူတွေရဲ့လောဘများ တယ်ကြောက်စရာကောင်းသကိုး။စရံငွေအဖြစ်နဲ့ သိန်းပေါင်းခုနှစ်သောင်းလောက် ရတဲ့ အချိန်မှာ သက်ဆိုင်သူတွေဟာ လောဘအတောမသတ်နိုင်ကြဘဲ ဇာတ်က ပြန်ရှုပ်ကုန်ပြန်ရောဗျာ။ ဒါပေမဲ့ ကျနော့် လူဟာ ကျနော့်လက်ရည်ကို သဘောအကျကြီးကျသွားတယ်ထင်ပါရဲ့။ဘန်ကောက်မှာ ဆုံချင်တဲ့အကြောင်း တဂျီဂျီ နားပူ ရာက ဒုတိယအကြိမ်ဆုံဖြစ်ကြပြန်ပါတယ်"
"တကယ်တော့ကျနော်ဟာ သူ့ဘဝသူ့အကြောင်းကို ဘန်ကောက်မှာရှိနေတဲ့ မျက်စိကြီးနားကြီးအသိုင်းအဝိုင်းကနေ သိထားနေခဲ့ပါပြီ။သူတို့ဇနီးမောင်နှံဟာ ဒိုးတူပေါင်ဖက်စီးပွားရှာခဲ့ကြတာမို့ တစ်ခါတစ်ရံ သူ့ဇနီး သြဇာကို မလွန်ဆန်တာ မျိုး၊ဇနီးလုပ်သူက မလိုအပ်ပဲအလွန်အကျွံစစ်စီတတ်တယ်ဆိုတဲ့ သတင်းတွေလည်း ကျနော်ရပြီးသားပါ။ ကျနော်ဆိုတဲ့ ကောင်ကလည်း စစ်ချီစစ်မောင်းသံကြားရင် ခါးတောင်းကျိုက်တပြင် ပြင်ဖြစ်တတ်တဲ့ကောင်မျိုးမို့ "အဆုံးမသတ်နိုင်တဲ့ ဇာတ်ရှုပ်ကို နိဂုံးချုပ်စေရမယ်ဟဲ့"ဆိုတဲ့ မာန်ကြောင့် ကျနော်သူနဲ့တွေ့ဖို့ ဆုံးဖြတ်ခဲ့တာဗျ။ ငွေကြေးနဲ့ပတ်သက်တဲ့ လောဘစိတ် မပါတာ တော့သေချာလှပါတယ်။တိုတိုပြောရရင် ကျနော်ရဲ့ လူစွမ်းလူ စထုတ်ပြချင်တဲ့စိတ်ဟာ ပုန်းလျှိုး နေရာကနေ ခေါင်းထောင် လာတယ်ဆိုရပါမယ်။သို့ပေမဲ့ ကျနော့်စိတ်ထဲမှာ ရည်ရွယ် ပိုင်းဖြတ်ထားတာက ကျနော်အကြံ ပေးဇယားချတဲ့လုပ်ငန်း မှန်သမျှ ပုဂ္ဂိုလ်တစ်စုံတစ်ယောက်ကို မထိခိုက်မနစ်နာစေရဘူး၊ မူးယစ်ဆေးဝါးလောင်းကစား တွေနဲ့မပတ်သက်စေရဘူး ဆိုတဲ့ မူပဲ။နောက်တစ်ချက်က သူတို့ဇနီးမောင်နှံဟာ ငွေကြေးဥစ္စာကိုသာ ရှာနိုင်ကြပေမဲ့ ဘဝရဲ့ချမ်းသာ ခြင်းအစစ် အမှန်ကို နားလည်ဟန်မတူကြတာကြောင့် တစ်နည်းနည်းနဲ့ လမ်းမှန်ပေါ်ရောက်အောင် ကျနော်ဆွဲတင်နိုင်မယ်လို့ တစ်စိတ်တစ်ပိုင်းယုံကြည်ခဲ့လို့ပါပဲ။တကယ်လို့ အဲဒီလုပ်ငန်းက တစ်စုံတစ်ရာအကျိုးအမြတ် ရှိလာခဲ့ရင် အခုလို အချိန် ကာလမျိုးအထိ ချွတ်ခြုံကျနေတဲ့ ကျနော့်ဇာတိရွာအတွက် အကျိုးပြုလုပ်ငန်းတစ်ခုခု လုပ်ပေး နိုင် ကောင်းရဲ့လို့လည်း ကျိတ်ပြီးရည်ရွယ်ခဲ့ မိတာအမှန်ပဲဗျာ။အေးဗျာ လက်ရှိအခြေအနေမှာ ကျနော့်ပုံမှန်ဝင်ငွေ ဟာ လူတန်းစေ့နေနိုင်တဲ့ အဆင့် မို့ ထွေထူးပြီး ငွေကြေးမလိုအပ်တော့ပါဘူး"
"အတိုချုံ့ရရင် ကျနော်နဲ့သူတို့ဇနီးမောင်နှံဘန်ကောက်မှာ တတိယအကြိမ်မြောက်တွေ့ဆုံချိန်မှာတော့ အချိန်ကာလအကြာ ကြီး မေ့ဖျောက်ထားခဲ့တဲ့ ဘဝရဲ့ဝှက်ဖဲတွေကို ထုတ်သုံးလိုက်ရပါတော့တယ်။ကျနော်နဲ့ လွန်ခဲ့တဲ့ သုံးနှစ်ကျော်ကတည်းက အဆက်အသွယ်ရှိနေခဲ့တဲ့ ဘန်ကောက်လူခံ ကိုအမ်စထရောင်းဆီကို ကျနော်လှမ်းချိတ်လိုက်တော့ သူကိုယ်တိုင် ကျနော့် ကိုလေယာဉ်ကွင်းမှာလာကြိုရှာပါတယ်။လေဆိပ်မှာတွေ့တွေ့ချင်းပဲ ကိုအမ်းစထရောင်းကို ကျနော်ဘန်ကောက်ရောက်လာ ရတဲ့အကြောင်းအတိုချုပ်ရှင်းပြလိုက်တော့ သူဟာချက်ချင်းဆိုသလို သူ့မိတ်ဆွေမစ္စတာ"လီ" ဆီကို ဖုန်းဆက်ပါတော့ တယ်။
ဒီမှာတင် မစ္စတာ"လီ"ဟာ ချက်ချင်းဆိုသလို ကျနော့်တို့အဖွဲ့ကို နေ့လည်စာစားဖို့ ဖိတ်ပါတော့တယ်။ ဒါကြောင့် ကျနော် ပြောမယ်ဆိုတဲ့ခြောက်သိန်းတန်ထမင်းတစ်နပ်ဟာ တကယ်တော့ ကျနော့်မိတ်ဆွေ ဇနီးမောင်နှံတည်ခင်းတဲ့ ဝိုင်း မဟုတ်ပါ ဘူး။ ကိုအမ်းစထရောင်းနဲ့ အဆမတန်ရင်းနှီးလှတဲ့ မစ္စ"လီ"ရဲ့သဒ္ဓါတရားပါပဲဗျာ"
"ဘယ်လိုကြောင့် အဲဒီထမင်းတနပ်ဟာခြောက်သိန်းတန်ရသတုန်းဟုတ်လား။ စိတ်ဝင်စားစရာကောင်းတာကတော့ အမှန်ပဲ ဗျာ။တကယ်တမ်းပြောရရင် အဲဒီထမင်းဝိုင်းထက် အဲဒီဆိုင်ပိုင်ရှင်မစ္စတာ"လီ"ရဲ့ ဘဝဇာတ်ကြောင်းက ပိုပြီးတောင် စိတ်ဝင် စားစရာ ကောင်းသေးထင်ပါရဲ့ဗျာ။ ဒီလိုဗျ"

ယနေ့ထုတ်ဆဲဗင်းဒေးဂျာနယ် ။။