ပြန်လည်တမ်းတမိသော ဟိုတချိန်က သမိုင်းပုံရိပ်များ (သို့) ဖိုးသိကြားလေးဘ၀က ကျခဲ့ရသော မျက်ရည်စ

by ဖိုး သိကြား on Monday, July 18, 2011 at 7:04am

မိုးလေးက တအေးအေးဖြင့် ကွေးလို့ကောင်းသည့်အချိန်…။ ဖိုးသိကြားတယောက် အိပ်ရာထက်

စာအုပ်တအုပ်ဖတ်လို့ ဇိမ်ကျလျက် ရှိနေလေ၏။ စာအုပ်ကိုဖတ်ရင်း ဖတ်ရင်း မျက်စိ ညောင်းလာ

သဖြင့် ဖတ်လက်စ စာအုပ်အသာချ ပြတင်းပေါက်တံခါးမှ ပတ်ဝန်းကျင်သို့ လေ့လာမိသော် ၀န်းကျင်

တခွင်မှာတော့ ညိုမှောင်နေသော မိုးတိမ် စိမ်းလန်းနေသော သစ်ပင်များနှင့်အတူ ဇူလိုင်လ၏ မိုးစက်

ပေါက်များက တဖျောက်ဖျောက်ဖြင့် မြေပြင်ပေါ်သို့ အလုအယက် သက်ဆင်းနေကြလေ၏။

ထိုမြင်ကွင်းများကို ကြည့်ရင်း ဖိုးသိကြားရဲ့ စိတ်အစဉ်မှာ အတိတ်တရံခါဆီသို့ အလည်တခေါက် နောက်

ကြောင်းပြန် ရောက်ရှိသွားလေတော့ သတည်း..။

လွန်ခဲ့သော နှစ် ၂၀ ကျော်မှ ဇူလိုင်လ တခုမှာပဲ ဖြစ်သည်။ မူလတန်း ကျောင်းသားကြီးဖြစ်သော

ဖိုးသိကြားလေးတယောက် မြို့နယ်အဆင့် စာစီစာကုံးပြိုင်ရန်အတွက် ကျောင်းမှ ရွေးချယ်ခံရ၏။

ထို့အတွက် ကျောင်းစာကြည့်တိုက်မှာ စာစီစာကုံးနှင့်ပတ်သက်သည့် စာအုပ်စာတန်းများ လေ့လာ

ကြရသည်။ ဆရာလေးတဦးမှ Guide လုပ်၍ လေ့လာမှုအတွက် လမ်းညွှန်မှုပေးလေ၏။ စာစီစာကုံး

နှင့် ပတ်သက်သည့် အချက်အလက်များကို ရှင်းလင်းပြောပြပေးသည်။ စာစီစာကုံးခေါင်းစဉ်မှာကား

“အာဇာနည်နေ့ တို့မမေ့” ဟူ၍ ဖြစ်လေသည်။

ရှင်းလင်းပြောကြားပေးသော ဖိုးသိကြားလေးတို့၏ ဆရာလေးမှာ ထိုစဉ်က အသက် ၂၀ ကျော် အစိတ်

ဝန်းကျင်သာ ရှိသေးသည်။ သူကိုယ်တိုင်လည်း ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်

ကြီးများ ကျဆုံးသွားခဲ့သည့် အာဇာနည်နေ့ကို ကိုယ်တိုင် မကြုံတွေ့ခဲ့ရပေ။ ထိုအချိန်က သူပင် မွေးဦး

မည်မဟုတ်.. သို့သော်ငြား ကြုံတွေ့လိုက်ရသော သူ၏ ဆရာများနှင့် မိဘဘိုးဘွားများ၏ ပြောကြား

ချက်များဖြင့် သူကိုယ်တိုင် တွေ့မြင် ကြုံတွေ့လိုက်ဘိသကဲ့သို့ ခံစားချက်ပါပါ ၀မ်းနည်းမှုအပြည့်ဖြင့်

အာဇာနည်နေ့အကြောင်း စီကာပတ်ကုံး ပြောပြနေရှာသည့် မြင်ကွင်းမှာ ဖိုးသိကြားလေး၏ Memory

Data ထဲမှာ ဘယ်သောအခါမျှ မေ့ဖျောက်၍ မရနိုင်တော့ပေ။

ဖိုးသကြားလေး မှတ်မိနေသေး၏။ ထိုအချိန်က ဆရာလေး၏ မျက်ဝန်းမှ မှိုင်းဝေရစ်သီနေသည့် မျက်

ရည်စတချို့ မိုးစက်များ တဖျောက်ဖျောက် ကျဆင်းနေသည့် အပြင်သို့ ကျောင်းစာကြည့်တိုက် ပြတင်း

ပေါက်မှတဆင့် ငေးကြည့်ရင်း အာဇာနည်နေ့အကြောင်း ဆွေးဆွေးမြေ့မြေ့ ပြောပြနေရှာသည့် ဆရာ

လေးရဲ့ လေးတွဲ့တွဲ့ စကားသံ.. အင်္ကျီလက်ကိုပင့် မန်ပါပါ မျက်နှာထားနှင့် နှုတ်ဖျားမှ ထွက်ပေါ်လာသည့်

တောက်ခေါက်သံတချက်..။ ထိုအချင်းအရာများကို ငေးမောကြည့်ရှု နားထောင်နေကြသည့် ဖိုးသိကြား

လေးအပါအ၀င် ဖြူစင်သော နှလုံးသားပိုင်ရှင် မူလတန်းကျောင်းသားငယ်လေးများ...။

ထိုစဉ်က ဖိုးသိကြားလေးတို့မှာ လွတ်လပ်ရေးဆိုတာ ဘာမှန်းမသိ.. တော်လှန်ရေးဆိုတာ ဘာမှန်းနားမ

လည်သည့်အရွယ်..။ နုနယ်ဖြူစင်တဲ့ နှလုံးသားမှာ စွဲထင်သွားသည်ကတော့ တိုင်းပြည်အတွက် မြင့်မြတ်

သည့် စိတ်ထားဖြင့် အသက်စွန့်သွားရှာကြသည့် ဗိုလ်ချုပ်နှင့်တကွ အာဇာနည်ခေါင်းဆောင်ကြီးများအား

လေးစားအားကျ နှမျောတမ်းတ ၀မ်းနည်းလှပြီး ဂဠုန်ဦးစောဆိုသည့် လူမိုက်ညစ်ကျေး ငမိုက်ခွေးနှင့်

အပေါင်းအပါများကို ရွံရှာမုန်းတီး စက်ဆုပ်နာကျည်း မိလေပြီ။

ဖိုးသိကြားလေးတို့ရဲ့ ဦးဏှောက်မှာလည်း အာဇာနည်နေ့၏ အဓိပါယ်နှင့် ရည်ရွယ်ချက်များကို ကောင်းစွာ

သိရှိနားလည် သဘောပေါက်ခဲ့လေပြီ။ သေသောသူကြာရင်မေ့ ဆိုသည့်စကားရှိသော်လည်း မမေ့သင့်

မမေ့ထိုက်သောသူ ဂုဏ်ပြုသင့်ဂုဏ်ပြုထိုက်သောသူများကို အမြဲတစေ အမှတ်ရနေစေရန်၊ အာဇာနည်

သူရဲကောင်းအပေါင်းတို့ရဲ့ အသက်သွေးချွေးများဖြှင့် စတေး၍ ရယူပေးခဲ့သော လွတ်လပ်ရေးအား တန်ဖိုး

ထား လေးစားတတ်စေရန်၊ အာဇာနည်ခေါင်းဆောင်ကြီးများရဲ့ မြင့်မြတ်သော စိတ်ဓါတ်ကို အတုယူအား

ကျမိစေရန်၊ နိုင်ငံနှင့်လူမျိုးအကျိုးကို သယ်ပိုးတတ်စေရန် ရည်ရွယ်ချက်များဖြင့် နှစ်စဉ် ခမ်းနား သိုက်

မြိုက်စွာ ကျင်းပပေးခဲ့ကြတာ ဖိုးသိကြားလေး၏ ကိုယ်တွေ့..။

မူလတန်းကျောင်းသား ဖိုးသိကြားလေး ဘ၀တုန်းက အာဇာနည်နေ့ အထိမ်းအမှတ် နံရံကပ် ပိုစတာပြပွဲ၊

ကဗျာ စာစီစာကုံးပြိုင်ပွဲ၊ အာဇာနည်နေ့ အကြောင်းဟောပြောပွဲများကို နှစ်စဉ်ပြုလုပ် ကျင်းပပေးခဲ့ပါသည်။

ဖိုးသိကြားလေး ကိုယ်တိုင် အာဇာနည်နေ့ နှင့်ပတ်သက်သည့် သတင်းဓါတ်ပုံများကို အိမ်မှာရှိသည့် စာအုပ်

စာတန်းများမှ ဖြတ်ညှပ်၍ ကျောင်းနံရံကပ် ပိုစတာပြပွဲများအတွက် ယူဆောင်သွားခဲ့ဖူးတာ ယခုတိုင် မှတ်မိ

နေသေး..။

ထိုစဉ်အခါက အာဇာနည်နေ့ဆိုလျှင် ၁၀နာရီ ၃ရ မိနစ်မှာဝမ်းနည်းခြင်း အထိမ်းအမှတ် ဥသြဆွဲသည်။

ရေဒီယိုမှ အချက်ပေးသည်။ ထိုအချိန်မှာ အားလုံး ငြိမ်သက်အလေးပြုကြရင်း အာဇာနည်ခေါင်းဆောင်

ကြီးများအား အောက်မေ့သတိရကြသည်။ ဖိုးသိကြားလေးတို့ မောင်နှမတစုမှာ ဗိုလ်ချုပ်တို့ ဓါတ်ပုံများ

ကို ရှေ့ချ နေအိမ်မှ အလေးပြုကြ၏။ ဥသြသံကို ကြားမိသည်နှင့် ဖိုးသိကြားလေးရဲ့ နှလုံးအိမ်မှာ ၀မ်း

နည်းမှုများ လှိုက်တက်လို့ မျက်ရည်စို့ခဲ့ရဖူးသည်။ ဖိုးသိကြားမလိမ်ပါ.. အထက်ပါ အဖြစ်အပျက်များ

မှာ ဖိုးသိကြား အမှန်တကယ် ခံစားခဲ့ရဖူးသော အဖြစ်အပျက်များသာ..။ ထိုသို့ ခံစား နားလည်နိုင်အောင်

လည်း ထိုခေတ်အခါက ဖန်တီးပေးထားခဲ့ကြတာကို သိမှီလိုက်သူများ ငြင်းလို့မရနိုင်ပါ။

ထိုစဉ်အခါက အာဇာနည်နေ့ အခမ်းအနားများကို မြန်မာပြည်အနှံ့အပြား ခမ်းခမ်းနားနား ကျင်းပကြသည်။

ရန်ကုန်မြို့ ဗဟန်း အာဇာနည်ဗိမာန်မှာ ကျင်းပသည့် အခမ်းအနားကို နိုင်ငံတော်အကြီးအကဲများကိုယ်တိုင်

တက်ရောက် အလေးပြုကြသည်။ နိုင်ငံတော်သမ္မတမှ သ၀ဏ်လွှာပေးပို့သည်။ ၀န်ကြီးဌာနပေါင်းစုံ၊ နိုင်ငံ

ခြားသံရုံးများ၊ အဖွဲ့အစည်းပေါင်းစုံ၊ အသင်းအဖွဲ့ပေါင်းစုံ၊ အလွှာအသီးသီးမှ ပြည်သူလူထုများမှ လွမ်းသူ့ပန်း

ခွေ၊ ပန်းခြင်းများပေးပို့ အလေးပြုကြသည်။ ဗိုလ်ချုပ်နေထိုင်ခဲ့သည့် နေအိမ်ကို ဗိုလ်ချုပ်ပြတိုက်အဖြစ်

ဖွင့်လှစ်၍ ပြသပေး၏။ အာဇာနည်နေ့ နှင့်ပတ်သက်သည့် သတင်းရုပ်ရှင်ကားကိုလည်း ရုပ်မြင်သံကြားမှ

နှစ်စဉ်ပြသပေးသည်။ အထက်ပါ အခြင်းအရာများမှာ မူလတန်းကျောင်းသားဘ၀မှာ ဖိုးသိကြား ကြုံတွေ့ခဲ့

ရသော အတွေ့အကြုံများဖြစ်၏။

လက်ရှိ ဖိုးသိကြားဘ၀မှာတော့…

အာဇာနည်နေ့ဆိုတာကို တဖြေးဖြေး မှေးမှိန် ပျောက်ကွယ်အောင် ကြံဆောင်နေကြလေပြီ။ ရှေးယခင်

ကလို ခမ်းနားစွာ မကျင်းပကြတော့ပေ။ ဥသြသံတွေ ဆိတ်သုန်းနေခဲ့လေပြီ။ ရည်ရွယ်ချက်တွေလည်း

ပျောက်ဆုံးနေခဲ့လေပြီ။ အဖြစ်သဘောမျှ တော်အိရော်အိ ရောတောရှိ လုပ်လိုက်ကြလိုက်သည်။ နံရံ

ကပ် ပိုစတာပြပွဲ၊ ဟောပြောပွဲ၊ စာစီစာကုံးပြိုင်ပွဲများလည်း မပြုလုပ်ကြတော့..။ အာဇာနည်နေ့ မှတ်တမ်း

ရုပ်ရှင်ကားမှာလည်း ဖလင် ရှာမရတော့…။ ဗိုလ်ချုပ်၏ နေအိမ်မှာလည်း ကျပ်ခိုးမှိုင်းများ သိုင်းဖွဲ့ နေခဲ့ပြီ။

ဗိုလ်ချုပ်နှင့်တကွ အာဇာနည်ခေါင်းဆောင်ကြီးများ၏ သမိုင်းပုံရိပ်များကို ဖျောက်ဖျက်ခဲ့ကြလေပြီ။ ၀မ်း

နည်းဖွယ်ကောင်းလေစွ..။

“ဦးဦး.. ဘာတွေ ကြည့်နေတာလဲ.. သားခေါ်နေတာ မကြားဘူးလား..ခေါ်နေတာ ကြာလှဘီ..”

အပြင်ကို ငေးကြည့်ရင်း အတိတ်ကာလကို ပြန်ရောက်သွားသော ဖိုးသိကြား၏ စိတ်အစဉ်မှာ တူငယ်

လေး၏ အသံကြောင့် ပစ္စုပန်ကာလဆီသို့ ပြန်လည်ရောက်ရှိခဲ့လေ၏။

“ဘာမှ မဟုတ်ပါဘူး.သားရာ.. ကဲ.ပြော ဘာလုပ်မလို့လဲ”

“သားကို ကွန်ပြူတာဖွင့်ပေးပါ.. သားဂိမ်းဆော့ချင်လို့.. ဦးက Password နဲ့ပိတ်ထားတော့ သားဖွင့်လို့မရလို့..”

“ ကျောင်းက ပေးလိုက်တဲ့ အိမ်စာတွေရော ပြီးဘီလား”

“ဟုတ်..ပြီးဘီ..နောက်ပီး နက်ဖြန်ကျရင်လည်း ကျောင်းပိတ်တယ်လေ..ဦးရဲ့.. အဲဒါကြောင့် ဂိမ်းဆော့မလို့ပေါ့”

အင်း..ဟုတ်သား..နက်ဖြန် အာဇာနည်နေ့ ဆိုတော့ ကျောင်းပိတ်တာကိုး.. ကျနော် ဖိုးသိကြားလည်း မသိချင်ယောင်ဆာင်၍ တူငယ်အား မေးခွန်း ထုတ်လိုက်လေ၏။

“ နေပါဦးကွ.. နက်ဖြန်ဘာလို့ ကျောင်းက ပိတ်ရတာလဲ”

“အာဇာနည်နေ့ လို့ပြောတာပဲ..ဦးရဲ့”

“ကဲ..ဒါဆို အာဇာနည် ဆိုတာဘာလဲ.. အာဇာနည်နေ့ဆိုတာရော ဘာလဲ ဦးကို ပြောပြပါဦး”

“ဦးကလည်း ဒါလေးတောင် မသိဘူးလား.. အာဇာနည်ဆိုတာ အဆိုတော်လေ.. အာဇာနည်နေ့ ကတော့ ဟောလီးဒေးပေါ့..ဟွန်း”

“ ဟေ”

ကွန်ပြူတာဂိမ်းများကို ကျွမ်းကျင် ပိုင်နိုင်စွာ ကစားနိုင်သော ခေတ်သစ်မူလတန်းကျောင်းသား တူငယ်လေးက

ကျနော်ဖိုးသိကြားအား “အ” ရန်ကောဆိုသည့် မျက်နှာပေးနှင့်အတူ မဲ့ကာရွဲ့ကာ ပြန်လည်ဖြေကြားလိုက်သော

စကားအဆုံးမှာတော့ ကျနော် ဖိုးသိကြား၏ နှုတ်ဖျားမှ...

“ဟေ”

ဟူသော အာမေဒိတ်စကားတခွန်းသာ ရေရွတ် လိုက်နိုင်ပါလေတော့သတည်း…။