ဆြာဥာဏ်ကျယ်ကြီးနှင့် စကားစမြည်

by A Mon Moon on Wednesday, July 25, 2012 at 12:58am 

ဒီတော့ဗျာ ကျွန်တော်ကတော့ ရိုးရိုးပဲနေတယ်။ စာရေးဆရာ ဖြစ်ချင်နေတဲ့ ငနဲတွေ ငနာတွေ အများကြီးတွေ့ ဖူးတယ်ဗျ။

အခန်းစီးကို ထချည်လိုက်တယ်။ အိုက်တယ်ဗျာ။ မိုးရွာတာ သိပ်အိုက်တာပဲ။ စိတ်က ပိုအိုက်လာရော။ ပန်ကာရှေ့ ကို မျက်နှာပြားကြီး

ထိုးထည့်။ ကျွန်တော်က ရှင်းရှင်းပဲ ။ ပိုက်ဆံရလို့ ဒါကိုလုပ်နေတာ။ ကျွန်တော့် ခံယူချက်က.....ဗျာ.............ထိုင်ခုံမှာပြန်ဝင်ထိုင်ပြီး

စီးကရက်ကို မီးညှိလိုက်။ ဟန်ပါပါ မဟုတ်ပေမယ့် ဟန်ပါတယ်။ ကျွန်တော့် ခံယူချက်က.....ဗျာ......အနုပညာဆိုတာ တန်ဖိုးကြီး ထုတ်ကုန်/ရောင်းကုန်ပဲ။ ဒီတော့ အနုပညာမှာ လူလိမ်လူညာတွေ အနုပညာကို ညာစားနေကြတာမြင်ရင် ခုတယ်ဗျ။

ကျွန်တော့်ကို စာရေးဆရာ လို့ လာပြောရင် စိတ်တိုတယ်။ တခါတလေ ဆွဲထိုးပလိုက်ချင်အောင်ကို စိတ်တိုတာ။ ကျွန်တော်က ကိုယ့်ကိုယ်ကိုယ် စာရေးဆရာဆိုပြီး ဂုဏ်ဖော်နေတဲ့ ဆန်ထဲ ကြွက်ချေးရော မဖြစ်ချင်ဘူး။ ပြောရရင် ကျွန်တော်စာရေးတယ်ဗျာ။ ကျွန်တော်ဖတ်ထားတာတွေကျွန်တော် တွေးမိတာတွေ........ အဲတဆိတ် ဒီနေရာမှာ တွေးခေါ်တယ်လို့ ကျွန်တော် မသုံးဘူးနော်။ ကျွန်တော်တို့ က ဘာများတွေးခေါ်နိုင်မှာလဲ။ ဖြုတ်ဦးနှောက်လောက်နဲ့ စကားလုံးကြီးကြီးတွေ ပြစ်ပြစ်သုံးရတာ ရှက်တယ်ဗျ။ ကျွန်တော်ကတော့ စကားလုံးတွေ အားရှိအောင် အင်နာဗွန်စီသောက်တယ်။ တွေ့ တဲ့ စကားလုံးမသုံးဘူး။ ထွက်ကျလာတိုင်း ချမစီဘူး။ ကျွန်တော့် ရေးတဲ့ စာတွေကလည်း ကျွန်တော့်အတိုင်းပဲ။ ရိုးရိုးပဲ ။ ဒါပေတဲ့ အားပါတယ်။ အားပါတယ်ဆိုတာ အလုပ်မရှိဘူးလို့ ပြောတာမဟုတ်ဘူးနော်။ အင်အားပါတယ်ပြောတာ။ တော်ကြာ ခင်ဗျား သဘောပေါက်လွဲရင် ကျွန်တော့်စကားလုံး အားပျက်ပြယ်သွားဦးမယ်။ အဟက်ဟက်။ စီးကရက်နောက်တစ်လိပ် မီးထပ်ညှိ။ ခုတလော အသိုင်းအ၀ိုင်းမှာ ညှီစော်တွေ နံတယ်ဗျ။

သဘာဝ ပတ်ဝန်းကျင် ပျက်သုန်းခြင်းပေါ့ဗျာ။ အမှိုက်ပုံမှန်းသိသိနဲ့ လူတွေက သွားမွှေကြတာက ပြသနာဗျ။ တစ်ယောက်တလှည့် ၀င်ဝင်မွှေနေတာ လူဆိုတာကလည်းမျောက်မျိုးမဟုတ်လား။ ဒီတော့ ညှီနံ့ က ပိုထွက်လာရော။ မတတ်နိုင်ဘူးလေ။ ကိုယ်က အဲဒီပတ်ဝန်းကျင်ထဲ ရောက်နေတော့လည်း အနံ့ ရ ရတယ်ပေါ့ဗျာ။ ကျွန်တော်လား စာဆို အကုန်ဖတ်တာပဲ။ ဖေတော့ မောင်တော့ ဘာတော့ ညာတော့ မသိဘူး။ တွေ့ တာအကုန်ကောက်ဖတ်တာပဲ။ ဖေတော့မောင်တော့ လို့ ပြောဖို့ ဖေတော့မောင်တော့ဆိုတာ ဘာလဲတော့ သိသင့်တယ်မဟုတ်လား။ ကျွန်တော်က ကာလာဘလိုင်း။ မဖတ်တာတစ်ခုပဲ ရှိတယ်။ သတင်းစာ။ ဖတ်စရာ မမှတ်လို့ မဖတ်တာပေါ့ဗျာ။ အစိုးရ မရ စိတ်ထဲမှရှိပါဘူး။ သူလဲ သူ့ အလုပ်သူလုပ်။ ကျွန်တော်လည်း ကျွန်တော့်အလုပ် ကျွန်တော်လုပ်။

ကိုယ့်အလုပ်ကို လုပ်ကြရင် ဘာပြသနာရှိမလဲ။ ကျွန်တော့် အလုပ်ကို သူလာလုလုပ်ရင်တော့ တမျိုးပေါ့။ ဟိုဟာမရေးနဲ့ ဒီဟာမရေးနဲ့ မပြောမချင်း အိုကေတယ်။ ဟုတ်တယ်လေ။ ဒါ ကျွန်တော့်အလုပ်ကို ၀င်ရှုတ်တာပေါ့။ ကျွန်တော်လား စာတွေကို ဘယ်မှာရေးလဲဆိုတော့ နံရံမှာရေးတယ်။ နံရံက အွန်လိုင်း ပရင့်တင့် မဟုတ်ဘူး။ လွတ်တယ်။ ကိုယ့်ဘာသာရေးပြီး ကိုယ့်ဘာသာဖတ်တယ်။ ဖတ်ချင်တဲ့ လူ ဘယ်သူမဆို ဖတ်ပဲ။ မဖတ်ချင်လဲ ဘာမှမဖြစ်ဘူး။ ဘာလို့ လဲဆိုတော့ ကျွန်တော်က သူတို့ ဖတ်ဖို့ သူတို့ အတွက်လို့ ရည်ရွယ်ပြီးရေးတာမှ မဟုတ်ပဲ။ နံရံတွေ လုံးခြေလွှတ်ပြစ်ထားတာ ခင်ဗျားတွေ့ လား။ အဲဒါ ကျွန်တော့် မူကြမ်းတွေပေါ့ဗျာ။ လူတစ်ယောက်ကတော့ လာလာကောက်သိမ်းတယ်။ မနိုင်မနင်းနဲ့ လေ။ ဒီလူပြောတာ တနေ့ ......အတွက် ဆိုလား။ ကျွန်တော့်မှာ အဲဒီနံရံကြီးတွေ ရှိနေသမျှ သူတို့ ကို အသုံးချနေရဦးမှာပဲ။ ပိုက်ဆံတွေရလာရင် နံရံတွေ ထပ်ဝယ်မယ်။ စာဖတ်သူတွေအားလုံးကို လေးစားဖို့ အတွက် ကျွန်တော့်ကိုယ် ကျွန်တော်လေးစားဖို့ လိုမလားပဲ။ တကယ်တော့ လေးစားတယ်ဆိုတာ စကားလုံးကြီးသက်သက်ပါဗျာ။ကျွန်တော့် အတွက်တော့ သိပ် အား မပါတဲ့ စကားလုံးကြီးပေါ့။ ကိုယ့်ကိုယ်ကိုယ်တောင် လေးစားလို့ မ၀တာ ဘယ်သူ့ ကို အလကားပဲတင်း သွားလေးစားရဦးမှာလဲ။ အဟက်ဟက်။ အကြမ်းခွက်ကို မော့ချလိုက်တယ်။ 

ကျွန်တော်လား.....ခု....စိတ်ကူးထဲမှာ......ကြံစည်နေတာက........ကျွန်တော် ဘာညာဗေဒ တွေ အကြောင်း အယူဝါဒ ကျမ်းစာကြီးကို ရေးဦးမယ်။မေးခွန်းတွေ နဲ့  အယူဝါဒ အားပြိုင်ပွဲတွေ အကြောင်းရေးမယ်။ ကိုးကားမယ်။ ပြန်စီမယ်။ ရောမွှေမယ်။  ဒီစာကို ဖတ်ပြီးရင်  လူတွေ စစ်ဖြစ်ကြဖို့ ရည်ရွယ်တယ်။ သူတို့ ငြင်းခုံကြမယ်။ တိုက်ခိုက်ကြမယ်။ တစ်ယောက်နဲ့ တစ်ယောက်ဆဲဆိုကြမယ်။ သတ်ဖြတ်ကြမယ်။ အချင်းချင်း သွေးခွဲကြမယ်။ အဲဒီအခါ ကျွန်တော်ဟာ နာမည်ကြီးလာမယ်။ ဒါပေမယ့် ကျွန်တော်ကဗျာ  နာမည်ကြီးတာကို ရွံတဲ့ သူဆိုတော့ ဒီစာအုပ်ကို ကျွန်တော်သေတဲ့ အခါမှ ဖတ်ခွင့်ပြုမယ်။ ချန်ထားရစ်ခဲ့မယ်။ ကျွန်တော်ကတော့ တမလွန်ကနေ တစ်ယောက်ချင်းစီရောက်လာမယ့် သူတို့ ရဲ့ စူးစမ်းလေ့လာမှုတွေအတွက်  ပြုံးပြုံးကြီးကို ကြိုလင့်နေမယ်။ ဒါကျွန်တော့်ရဲ့ ......နာက်ဆုံး ပြုလုပ်ခြင်းဖြစ်လိမ့်မယ်။ ဘာလဲ..........အနုပညာ။ အ...........................ညာ တွေ။ ကျေးဇူးတင်တယ်။ ခင်ဗျားဟာ ကျုပ်နဲ့ စကားစမြည်ပြောတဲ့ တစ်ဦးတည်းသော လူပဲ။....... ( မတ်တပ်ထရပ်လိုက်တယ်. မှန်ထဲက ကောင်ကို လက်ဆွဲ နုတ်ဆက်။ အားပါးတရ ပွေ့ ဖက်လိုက်တယ်။

 အချင်းချင်း ပြုံးပြ ..... )....................................

ဒင်..............ဒင်...................ဒင်.............ဆေးသောက်ချိန် ...............

ဟိုစာရူးပေရူး စာရေးဆရာ နံပါတ် ၃၀၂  ဆေးသောက်မယ်။ ခွက်ယူ။

အမွန်မွန်း

၂၅. ၇ . ၂၀၁၂