ကျွန်တော့်ကြောင်ကလေး သေရှာပြီ

by Yin Nint Aung on Friday, July 6, 2012 at 1:09am 

(ခ)

ဇာတ်လမ်းနဲ့ ဇာတ်ကွက်ဆိုတာ ရှိတယ်။ ဇာတ်လမ်းက Story။ ဇာတ်ကွက်က Plot ။ What Happen ဆိုတာ ဇာတ်လမ်း (Story)၊ How Happen ဆိုတာ ဇာတ်ကွက် (Plot) တဲ့။

ဘုရင်ကြီး နတ်ရွာစံသည်။ ဘုရင်မကြီး နတ်ရွာစံသည်။ (ဇာတ်လမ်း)

ဘုရင်ကြီး  နတ်ရွာစံပြီးနောက် ဘုရင်မကြီးလည်း ရင်ကွဲနာကျကာ နတ်ရွာစံရှာသည်။
(ဇာတ်ကွက်)

ကျွန်တော့်အိမ်မှာ ကြောင်တစ်ကောင်ရောက်နေတယ်။ ကြောင်က အ၀ါရောင် ၀င်းဝင်းမို့ အများခေါ်ဝေါ်သလို မိရွှေဝါလို့ ကျွန်တော်က ခေါ်လိုက်တယ်။

“မိရွှေဝါ .. မိရွှေဝါ ..”

“ညောင်” ဟု သူထူးတယ်။ မိရွှေဝါဟာ ကျွန်တော့်ကြောင်ကလေး။

(လ)

ကြောင်ကလေးက အမလေး။ အထီးမဟုတ်ပါ။ ကြောင်ကလေးဟာ ညောင်လို့ ထူးရမှာ သိရှာသလို၊ သူ့နာမည်ဟာ ၀တ်မှုန်ရွှေရည်မဟုတ်ကြောင်း၊ ကိတ်ဝင်းစလက်မဟုတ်ကြောင်း၊ ရှက်ကီရာ မဟုတ်ကြောင်း၊ ယုတ်စွအဆုံး မြရောင်မဟုတ်ကြောင်း သိရှာသည်။ သင်မယုံကြည်ပါက ခေါ်ကြည့်ပါ။

“၀တ်မှုန်ရွှေရည်ရေ…” သူမထူးပါ။

“မြရောင်ရေ …” သူမထူးပါ။ အဘယ့်ကြောင့်ဆိုသော် သူအမည်မဟုတ်တာ သိ၍ ဖြစ်ပေသည်။

ဇာတ်ကွက်များ (Plot) သည် မည်သို့ မည်ပုံနှင့် မည်သည့်အတွက်ကြောင့်ကို တစ်နည်းနည်းဖြင့် လိုက်လံရှင်းပြနေရသည်။ ထို့ကြောင့် မရိုးသားပါ။ သို့သော် အကျိုးအကြောင်းပြသော ပညတ်တစ်ခုလည်းဖြစ်သဖြင့် ရိုးသားနေနိုင်ပါသည်။ ထို့ကြောင့် ဇာတ်ကွက် (Plot) သည် ရိုးသားစွာ ဟန်ဆောင်နေသော လိမ်လည်ထားသည့် ရိုးသားမှုဖြစ်ပါသည်။

မရိုးသားပါ။

(စ်)

မိရွှေဝါဟာ အိမ်မြောင်တစ်ကောင်နှင့် အလုပ်ရှုပ်နေတုန်း အမေက သူစားဖို့ ငါးသွားဝယ်နေပါတယ်။ ဒါဟာ ကမ္ဘာသမိုင်းအဆက်ဆက်မှာ ရောမမြို့မီးလောင်နေတာကို တယောထိုးတဲ့ နီရိုးထက် ပိုလို့ အကျည်းတန်စရာဖြစ်နေခဲ့ပါတယ်။ ဟုတ်တယ်။ ခုပဲ ကြည့်လေ။ နီရိုးလို တယောမထိုးတတ်ပေမယ့် မိရွှေဝါဟာ အိမ်မြောင်ကို ဟန်ပါပါနဲ့ ခုတ်လိုက် မောင်းလိုက် ခုန်လိုက် လွှားလိုက်ဖြင့်။ ခက်ချေပြီ။

ဇာတ်လမ်း အတိုင်းမထားတတ်တဲ့ ကျွန်တော်က ဇာတ်ကွက်ကို ဖန်တီးလိုက်ပါတယ်။

“ဟဲ့ မိရွှေဝါ .. နင် က ကမျင်းနေတယ်

ဟိုမှာ အမေက နင်စားဖို့ ဈေးသွားဝယ်နေတယ်

အိမ်ကို ရှုပ်အောင် မလုပ်စမ်းနဲ့ ကြားလား”

“ညောင်”

ကျွန်တော် ဘာဆက်ပြောရမှန်းမသိတော့။ အကြောင်းမှာ သူရဲ့ ညောင်ဟာ ငြင်းဆန်တာလား၊ ထောက်ခံတာလား ကျွန်တော်မသိ၍လော။ မဟုတ်ပါ။ ဇာတ်ကွက်ကို ဖန်တီးခြင်းဟာ ဘာသာစကား နားလည်မှုနဲ့ ဆိုင်၍လော။ မဟုတ်ပါ။

အမှန်တော့ မဟုတ်ပါဟု ဆို၍ ဘယ်အရာက ဟုတ်သလဲ အဖြေစောင့်နေအောင် ကျွန်တော်က ဇာတ်ကွက်လုပ်ထားခြင်း ဖြစ်ပါတယ်။ အပေါ်မှာ ပြောတဲ့ နှစ်ချက်က ဟုတ်ချင်လည်း ဟုတ်နေနိုင်ပါတယ်။

ဇာတ်ကွက် အတု။

(င)

ရိုဘင်ဟု ပစ်လိုက်တဲ့ မြားက ကောက်နေတယ်။ သူက ပစ်မှတ်ကို တစ်ဖြောင့်တည်း ပစ်လိုက်ပေမယ့်  မြားက ကွေ့သွားတယ်။ လောကဟာ ကမောက်ကမတွေနဲ့ ရယ်မောစရာ အင်တာနက် သတင်းစာ ၀တ္ထုတိုတွေ ရေးပြီး ကျွန်တော့်ကြောင်ကလေးက ညောင်လိုက်တယ်။

“ညောင်”

ဆိုးဆိုးဝါးဝါးမဟုတ်ပေမယ့် သူ့ကို ကျွန်တော် မကျေနပ်ချက်ကြီး တစ်ခုရှိတယ်။ မဟုတ်ဘူး။ သူ့ကိုတင်မဟုတ်ဘူး။ ကြောင်တွေတော်တော်များများကို မကျေနပ်တာ။ သူတို့ဟာ ရေမှာနေတဲ့ ငါးတွေကို သိပ်ကြိုက်ပြီး ငါးတွေနေတဲ့ ရေကိုကျတော့ သိပ်ကြောက်ကြတယ်။ ဒင်းတို့ကို လူတွေသာ ငါးမကျွေးရင် ငါးဆိုတာ စားဖူးမှာ မဟုတ်ဘူး။

ဇာတ်ကွက်ဟာ တဖြည်းဖြည်းနဲ့ ပုဂ္ဂလိက ဆန်လာတယ်။ မကျေနပ်တာတွေ များလာတယ်။ အားသွန်ခွန်စိုက်ခြင်းတွေ ရောလာတယ်။ အတ္တနဲ့ ပရ လုံးထွေးလာတယ်။ မူရင်း ဇာတ်လမ်းက ပျောက်လာတယ်။

ပြောချင်တာက မိရွှေဝါဟာ အခု အမေ၀ယ်လာတဲ့ ငါးကို စားနေတယ်။

“ညောင်”

သူ ဗိုက်ဝ သွားခဲ့ပြီ။

(ထ)

Plot နဲ့ Story ပြီးရင် Final Thought လာရမှာလား။ ဘယ်သူပြောတာလဲ။ ကျွန်တော်က မလာတော့ဘူး။ ဘယ်သူဘယ်ဝါက စခဲလဲတော့မသိဘူး။ ကြောင်တွေဟာ ငါးကို အားရပါးရ အရိုးပါ မကျန် စားတတ်လာကြတယ်။ ကြောင်သံသရာမှာ ငါးဟာ အမြဲ သူ့ကိုယ်သူ ငါးစာဖြစ်ရသလား။ ဒါကပဲ Final Thought ကွလို့ လူက ထအော်တယ်။ ကြောင်က ညောင် လိုက်တယ်။

မိရွှေဝါရဲ့ နောက်ထပ် ဆိုးရွားတဲ့ အကျင့်က လူကို ပွတ်သပ်ခြင်းပဲ။ ဘယ်လိုမှ မခံနိုင်အောင် ဒေါသထွက်ချိန်များရဲ့ အစက မိရွှေဝါဟာ ကျွန်တော့် ပေါင်ပေါ်တက်ထိုင်ခြင်းက စတာပဲ။ စိတ်ပျက်စရာကောင်းလောက်အောင် တအီအီနဲ့ ညောင်ပြီး ပွတ်သပ်တယ်။

မောင်းထုတ်တော့လည်း ပြန်လာတယ်။ လိုက်ရိုက်တော့လည်း ထွက်ပြေးတယ်။ ရှင်းပြတော့လည်း နားမလည်ဘူး။ မိရွှေဝါဟာ တကယ် စင်စစ် ကြောင်တစ်ကောင်ထက် မပိုတော့ဘူး။

(ဟ)

မိရွှေဝါကို အစ်မက ကြောင်စာကျွေးတယ်။ ကြောင်စာဆိုတာ ကြောင်တွေ စားဖို့ အာဟာရပြည့်ဖို့ ထုတ်လုပ်ထားတဲ့ အစားအစာ။ မိရွှေဝါက ကြောင်စာ စားတယ်။

မိရွှေဝါကို အဖေက အားဆေးတိုက်တယ်။ အားဆေးဆိုတာ ကြောင်ကို ကြောင်စာထက် ခွေးစာစားတတ်အောင် စီမံထားတဲ့အရာ။ မိရွှေဝါက အားဆေးသောက်ပြီး ခွေးစာစားတယ်။

မိရွှေဝါကို အမေက ငါးကျွေးတယ်။ ငါးဆိုတာ ကြောင်တွေရဲ့ တက်မက်ကြတဲ့ အစားအစာ။ မိရွှေဝါက သူသိပ်ကြိုက်တဲ့ ငါးကို စားတယ်။

ဒါက ဇာတ်လမ်းလား၊ ဇာတ်ကွက်လား။

Relative Result အနေနဲ့ အဖြစ်အပျက်ကတော့ မိရွှေဝါဟာ ကြောင်ကိုယ်လုံး မဟုတ်တော့ဘူး။ ခွေးခန္ဓာနဲ့ ညောင်နေတဲ့ ကြောင်ဖြစ်လာတယ်။ ရုပ်ကြမ်းကြီးနဲ့ နွဲ့နေတဲ့ ကြောင်တစ်ကောင်ဖြစ်လာတယ်။

ဇာတ်ကွက် (Plot) မှာ မိရွှေဝါဟာ စိတ်ပျက်စရာ Emotion ဖြစ်လာတယ်။

(အ)

ကျွန်တော့် မိရွှေဝါကို ဟိုဘက်အိမ် (လို့ ထင်တာပဲ) က သတ်ပစ်လိုက်ကြတယ်။ မိရွှေဝါဟာ သူတို့ သိပ်ချစ်တဲ့ ခွေးကလေးကို မျက်လုံးကန်းအောင် ကုတ်ဖဲ့ ပစ်လိုက်တယ်။ သူတို့တွေက မိရွှေဝါကို လိုက်ရိုက်ပေမယ့် မမိဘူး။

ဒီတော့ သူတို့ဟာ မိရွှေဝါကို ကြောင်စာနဲ့ မျှားတယ်။ ငါးနဲ့ မျှားတယ်။ ပြီးတော့မှ အားဆေးမဟုတ်ဘဲ သေဆေး ကျွေးလိုက်ကြတယ်။ ညင်ညင်သာသာ။

ဇာတ်လမ်းက ဇာတ်လမ်းအတိုင်းသွားပေမယ့် ဇာတ်ကွက်မှာ ပျော်သူလည်းရှိ၊ ငိုသူလည်း ရှိမယ်။

အခုတော့ …. မိရွှေဝါ …. ကျွန်တော့်ကြောင်ကလေးက သေသွားခဲ့ချေပြီ။

(က)

…………………………………………

………………………………………….။

-------------------------------------------------------------------------ရင်နင့်အောင်