27.07.2012 နေ့ဖတ်ရန်သတင်းများ

by Myanmar Journal on Thursday, July 26, 2012 at 5:37pm ·

ငွေချေးနှုန်း ဈေးကစားမှု အန္တရာယ် အသိပေးပြီးပြီလို့ ကန်ဘဏ္ဍာဝန်ကြီး ဆို

အမေရိကန် ဘဏ္ဍာရေး ဝန်ကြီး Timothy Geithner

လွန်ခဲ့တဲ့ လေးနှစ်ကျော် လောက်ကတည်းက ဗြိတိန်က အာဏာပိုင်တွေနဲ့ အမေရိကန် ထိပ်တန်း အရာရှိတွေကို ဘဏ်တွေ အချင်းချင်း ငွေချေးနှုန်း ဆိုင်ရာ ဈေးကစားမှုနဲ့ ပတ်သက်လို့ စိုးရိမ်ပူပန်ကြောင်း အသိပေးခဲ့ ပါတယ်လို့ ကွန်ဂရက် အမတ်တွေကို အမေရိကန် ဘဏ္ဍာရေး ဝန်ကြီး တင်မသီ ဂိုင်နာက ပြောကြားလိုက်ပါတယ်။

ဗြိတိန်က ဘာကလေစ် ဘဏ်ကြီးဟာ အဲဒီ ငွေချေးနှုန်းနဲ့ ပတ်သက်လို့ လိမ်လည်မှုတွေ ပေါ်ပေါက်ခဲ့တာကြောင့် ဒဏ်ကြေး ဒေါ်လာ သန်း ၄၅ဝ ပေးဆောင် ခဲ့ရပြီးတဲ့နောက် အခု ပြောကြားချက် ထွက်ပေါ်လာတာပါ။

၂ဝဝဂ ခုနှစ်တုန်းက နယူးယောက် ဗဟိုဘဏ်မှာ ဥက္ကဌ အဖြစ် သူတာဝန် ထမ်းဆောင်နေတုန်း သူနဲ့ အမေရိကန် ငွေကြေး ဈေးကွက်က သူ့လုပ်ဖော် ကိုင်ဖက်တွေဟာ လီဘာ ငွေချေးနှုန်း ဈေးကစားမှုနဲ့ ပတ်သက်လို့ တကယ့်ကို အန္တရယ် ရှိကြောင်း သတိထားမိခဲ့ကြတယ်လို့ မစ္စတာ ဂိုင်နာက ပြောပါတယ်။

အင်္ဂလန် ဗဟိုဘဏ် ဥက္ကဌ မာဗင်ကင်းန်နဲ့ ဒီကိစ္စကို ဆွေးနွေးခဲ့ပြီး ငွေကြေးဈေးကွက် စည်းမျဉ်းစည်းကမ်းတွေ တောင့်တင်း ခိုင်မာဖို့ အပါအဝင် အကြံပြုချက် တော်တော်များများ ပေးခဲ့ပါတယ်လို့ မစ္စတာ ဂိုင်နာက ဆိုသွားခဲ့ပါတယ်။

Kim Jong-un ဇနီးသည် ရေဒီယိုက ထုတ်ပြန်

Kim Jong-un နဲ့ ဇနီးသည်ပုံ တရားဝင် ထုတ်ပြန်

မြောက်ကိုရီးယား ရေဒီယိုကနေ ခေါင်းဆောင် Kim Jong-un အိမ်ထောင်ရေးနဲ့ ပတ်သက်လို့ အတည်ပြု ကြေညာခဲ့တာကြောင့် ဒီကိစ္စနဲ့ ပတ်သက်လို့ ကျယ်ကျယ်ပြန့်ပြန့် ခန့်မှန်းပြောဆိုမှုတွေ အခုတော့ အဆုံးသတ် သွားပါပြီ။

အပန်းဖြေ စခန်းတခု ဖွင့်ပွဲကို ကင်ဂျုံအမ်းနဲ့ အတူ သူ့အမျိုးသမီး Ri Sol-ju တက်ရောက်ခဲ့တယ်လို့ ရေဒီယိုက ကြေညာသွားခဲ့တာ ဖြစ်ပါတယ်။

ဆံပင် တိုတိုနဲ့ သေသေသပ်သပ် ဝတ်စားဆင်ယင် ထားတဲ့ ဒီအမျိုးသမီးငယ်ကို ကင်မ်ဂျုံအမ်းနဲ့ အတူ လူမြင်ကွင်းမှာ အရင်ဆုံး တွေ့ရတာ ဖြစ်ပေမယ့် ဒီအရင်ကတော့ မြောက်ကိုရီးယား သတင်းမီဒီယာမှာ သူမနဲ့ ပတ်သက်ပြီး ထုတ်ဖော်ပြောကြားတာ မရှိခဲ့ပါဘူး။

ကင်တားနားကို မြန်မာ အစိုးရ ဖိတ်ကြား

ကုလသမဂ္ဂ အထူး ကိုယ်စားလှယ် တောမတ်စ် အိုဟေး ကင်တားနား

မြန်မာ အစိုးရရဲ့ ဖိတ်ကြားချက်အရ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားဟာ ဇူလိုင်လ ၃၀ ရက် ကနေ သြဂုတ်လ ၄ရက်နေ့ အထိ မြန်မာနိုင်ငံကို လာရောက်မယ်လို့ သိရပါတယ်။

လတ်တလော ဖြစ်ပွားနေတဲ့ ကချင်နဲ့ ရခိုင်ဒေသက အကြမ်းဖက်မှုတွေ အပါအဝင် လူ့အခွင့်အရေး ချိုးဖောက်မှု ဆိုင်ရာ ကိစ္စရပ်တွေကို ဒီခရီးစဉ် အတွင်း ဆွေးနွေးသွားမယ်လို့ လူ့အခွင့်အရေး ဆိုင်ရာ မဟာမင်းကြီးရုံးက ထုတ်ပြန်တဲ့ ကြေညာချက်မှာ ဖော်ပြထားပါတယ်။

မစ္စတာ ကင်တားနားဟာ နေပြည်တော်နဲ့ ရန်ကုန်မှာ ရှိတဲ့ အစိုးရ အရာရှိတွေ ၊ နိုင်ငံရေး သမားတွေ အမျိုးသား လူ့အခွင့်အရေး ကော်မရှင် အဖွဲ့နဲ့ လူမှု အခြေပြု အဖွဲ့အစည်းတွေ အပြင် ဒေါ်အောင်ဆန်းစုကြည် နဲ့လည်း တွေ့ဆုံဖို့ ရှိတယ်လို့ ဆိုပါတယ်။

ရခိုင်ပြည်နယ်မှာ ဖြစ်ပွားတဲ့ လူမျိုးရေး၊ ဘာသာရေး အကြမ်းဖက်မှု တွေ လေ့လာစုံစမ်း ရအောင် စစ်တွေမြို့ ကို အစိုးရသွားခွင့်ပြု မှာ ဖြစ်တဲ့ အတွက် အစိုးရ အာဏာပိုင် တွေနဲ့ ဆွေးနွေးဖို့ ရှိကြောင်း၊ ကုလသမဂ္ဂ ဌာနေ ဝန်ထမ်းတွေ ကို ဖမ်းဆီး ထိန်းသိမ်း ထားတဲ့ ကိစ္စ လည်း လေ့လာ စုံစမ်းမယ့် အကြောင်း မစ္စတာ ကင်တားနား က ဘီဘီစီ ကို ပြောပါတယ်။

ကချင်ပြည်နယ် မှာ တိုက်ပွဲတွေ ဖြစ်ပွားတဲ့ အတွက် ကချင်တိုင်းရင်းသားတွေ ရွာပုန်းရွာရှောင် ဘဝ နဲ့ စစ်ပြေး ဒုက္ခသည် ဖြစ်နေကြတာ ကို စိုးရိမ် မကင်းဖြစ်ပေမယ့် သူ့ ကို သွားခွင့် မပြုတဲ့ အတွက် ရန်ကုန်ရှိ ကချင် အရေးကိစ္စ လေ့လာ ဆောင်ရွက် ပေးနေသူ တွေ နဲ့ တွေ့ဆုံ ဆွေးနွေးမယ့် အကြောင်း ဘီဘီစီ ကို မစ္စတာ ကင်တားနား က ရှင်းပြ ပါတယ်။

၈၈ ကျောင်းသားတွေနဲ့ သမ္မတ ဦးသိန်းစိန် တွေ့ဖို့ရှိ

စုဆောင်း ရထားတဲ့ ပြည်သူ့အသံတွေကို သမ္မတ ဦးသိန်းစိန်ကို ပြန်ပြောပြမယ်လို့ ကိုမင်းကိုနိုင်ပြော

မြန်မာနိုင်ငံမှာ ဒီမိုကရေစီရေးနဲ့ တိုင်းပြည် အကျိုးကို စွမ်းစွမ်းတမံ ဆောင်ရွက် နေကြတဲ့ ၈၈ မျိုးဆက် ကျောင်းသားတွေက သမ္မတ ဦးသိန်းစိန်နဲ့ မကြာခင် တွေ့ဆုံ ဆွေးနွေးဖို့ စီစဉ်နေတယ်လို့ ပြောပါတယ်။

တိုင်းပြည်အရေး တည်ဆောက်တဲ့ နေရာမှာ ခေတ်ဟောင်း စနစ်ဟောင်းကို ထားခဲ့ပြီး စနစ်သစ်ဆီ သွားနေတာ ဖြစ်တဲ့အတွက် နောက်ကြောင်း ပြန်မလှည့်ရုံ မက ရှေ့ကို ချီတက်နိုင်အောင် တိုင်းပြုပြည်ပြု တည်ဆောက်တဲ့ ပုဂ္ဂိုလ်အားလုံးနဲ့ တွေ့ဆုံ ဆွေးနွေးရေးဟာ မလုပ်မဖြစ် လိုအပ်တယ်လို့ ၈၈မျိုးဆက် ကျောင်းသား ခေါင်းဆောင် တဦးဖြစ်တဲ့ ကိုမင်းကိုနိုင်က ဘီဘီစီကို ပြောပါတယ်။

ဒါ့ကြောင့် နိုင်ငံတော် သမ္မတနဲ့ တွေ့ဆုံဖို့ အခုလို စီစဉ်တာ ဖြစ်ပြီး လွှတ်တော်ဥက္ကဌ သူရ ဦးရွှေမန်းနဲ့လည်း တွေ့ဆုံခဲ့ပြီး ဖြစ်တယ်လို့ ဆိုပါတယ်။

သမ္မတ ဦးသိန်းစိန်နဲ့ တွေ့တဲ့အခါ မည်ကာမတ္တ တွေ့ဆုံပွဲမျိုး မဖြစ်အောင် ဂရုစိုက်မှာ ဖြစ်ပြီး အနှစ်သားပါပါ တိုင်းပြည် အနာဂါတ်အတွက် အကျိုးရှိမယ့် သတင်းအချက်အလက်တွေ အပြန်အလှန် ဖလှယ် ဆွေးနွေးနိုင်တဲ့ အကျိုးရှိတဲ့ တွေ့ဆုံမှု ဖြစ်ဖို့ အရေးကြီးတယ်လို့ ဆိုပါတယ်။

အဓိကကတော့ ၈၈ မျိုးဆက် ကျောင်းသားတွေ မြန်မာနိုင်ငံတဝှမ်း ပွင့်လင်း ခရီးစဉ်အတွင်း စုဆောင်းရခဲ့တဲ့ ပြည်သူ့အသံ၊ ပြည်သူ့ သဘောထားတွေကို ထင်ဟပ်နိုင်အောင် ကြိုးစားမယ်လို့လည်း ကိုမင်းကိုနိုင်က ပြောပါတယ်။

တရုတ်နိုင်ငံရေးသမားဟောင်းရဲ့ ဇနီးသည် လူသတ္မှုနဲ့ တရားစြဲခံရ

ဒီအရှုပ်တော်ပုံကိစ္စကြောင့် ချောင်းချင်း ပြည်နယ်ကွန်မြူနစ် ပါတီ ခေါင်းဆောင်ရာထူး ကနေ ဘိုရှီလိုင်း နှုတ်ထွက်ပေးခဲ့ရ

တရုတ်နိုင်ငံမှာ နာမည်ပျက် နိုင်ငံရေးသမား ဘို ရှီလိုင်းရဲ့ ဇနီးသည် ဂူ ကိုင်လိုင် ကို လူသတ်မှုနဲ့ တရားဝင် တရားစွဲဆိုလိုက်ကြောင်း ရှင်ဝှာ သတင်းဌာနက ပြောပါတယ်။

တရုတ်နိုင်ငံမှာ နေထိုင်နေတဲ့ ဗြိတိသျှ စီးပွားရေး လုပ်ငန်းရှင် Neil Heywood နဲ့ စီးပွားရေး ကိစ္စ အငြင်းပွားခဲ့အပြီး ဂူကိုင်လိုင်ဟာ သူ့သားရဲ့ လုံခြုံရေးကို စိုးရိမ်တဲ့အတွက် မိသားစု ကူဖေါ်လောင်ဖက်တဦးနဲ့အတူ မစ္စတာ Heywood ကို အဆိပ်ခတ် သတ်ခဲ့ကြောင်း စုံစမ်းစစ်ဆေးမှုတွေက ဖေါ်ပြ နေတယ်လို့ ရှင်ဝှာ သတင်းထဲမှာ ဖေါ်ပြထားပါတယ်။

မစ္စတာ Heywood ကို ၂၀၁၁ ခုနှစ် နိုဝင်ဘာလ ၁၅ရက်နေ့က ချောင်ချင်း ပြည်နယ်က ဟိုတယ်ခန်းတခုမှာ သေဆုံးရက်သား တွေ့ခဲ့ရတာပါ။

မစ္စတာ Heywood ဟာ အရက်အသောက်လွန်ပြီး သေဆုံးခဲ့တာလို့ ဒေသန္တရ အစိုးရ တာဝန်ရှိ ပုဂ္ဂိုလ်တွေက ကနဦးမှာ ပြောခဲ့ပေမယ့် ပြီးခဲ့တဲ့ ဧပြီလတုန်း ကတော့ ဒီကိစ္စနဲ့ ပတ်သက်လို့ ဘို ရှီလိုင်းရဲ့ ဇနီးဖြစ်သူကို စစ်ဆေးမေးမြန်းမယ်လို့ တရုတ်အစိုးရက ထုတ်ဖေါ် ကြေညာခဲ့ပါတယ်။

မစ္စတာ Heywood သေဆုံးခဲ့မှု ကိစ္စကနေ ဆက်နွယ်ပြီး ဘို ရှီလိုင်းလည်း ချောင်ချင်းပြည်နယ်ရဲ့ ကွန်မြူနစ်ပါတီ ခေါင်းဆောင်အဖြစ်ကနေ ဖြုတ်ချခံ ခဲ့ရပါတယ်။

အခုလို ဂူ ကိုင်လိုင်နဲ့ သူ့အကူတို့ကို တရားစွဲမယ် ဆိုတဲ့ သတင်းကို ဗြိတိန် အစိုးရက ကြိုဆိုလိုက်ပြီး မစ္စတာ Heywood သေဆုံးမှုအပေါ် တရုတ်အစိုးရက စုံစမ်း စစ်ဆေးမှုတွေ ဆက်လုပ်နေတာ တွေ့ရတဲ့အတွက် ဝမ်းမြောက်မိကြောင်း ပြောပါတယ်။

ထိုင်းမြန်မာ ဆန်စပါး အသင်းဖွဲ့ဖို့ ထိုင်းဘက်က ကြိုးစားနေ

ထိုင်းနိုင်ငံဟာ အရင်က ကမ္ဘာမှာ ဆန်တင်ပို့မှု အများဆုံး နိုင်ငံ ဖြစ်ခဲ့

ထိုင်း-မြန်မာ ဆန်စပါး အသင်း ဖွဲ့ဖို့ ထိုင်းအစိုးရ ဘက်က ကြိုးပမ်းနေပါတယ်။

ထိုင်း-မြန်မာ ဆန်စပါး အသင်း ဖွဲ့ရေးနဲ့ ပတ်သက်လို့ ထိုင်းဝန်ကြီးချုပ်က သမ္မတ ဦးသိန်းစိန်ရဲ့ ထိုင်းနိုင်ငံ ခရီးစဉ် အတွင်း သမ္မတ ဦးသိန်းစိန်နဲ့ တွေ့ဆုံစဉ်မှာ ပြောကြားခဲ့တာ ဖြစ်ပါတယ်။

မြန်မာ၊ ဗီယက်နမ် စတဲ့ ဆန်စပါးထုတ်လုပ်တဲ့ နိုင်ငံ တွေနဲ့ ပူးပေါင်းပြီး ဆန်စပါး ထုတ်လုပ်တဲ့ နိုင်ငံများအသင်းဆိုတာမျိုး ဖွဲ့ဖို့ ထိုင်းနိုင်ငံက ကြိုးစားနေတာကြာဖြစ်ပြီး အခုလို ပူးတွဲ အသင်းဖွဲ့ဖို့ ရည်ရွယ်ချက်ဟာ ဆန်စပါးဈေးကို ထိန်းညှိဖို့ ဖြစ်တယ်လို့ မြန်မာသမ္မတရဲ့ ထိုင်းခရီးစဉ်မှာ လိုက်ပါ သွားတဲ့ မြန်မာနိုင်ငံ ဆန်စပါးထုတ်လုပ်သူများ အသင်းရဲ့ အတွင်းရေးမှုး ဦးရဲမင်းအောင်က ပြောပါတယ်။

ထိုင်းနိုင်ငံ နိုင်ငံခြား ဆန်တင်ပို့ လုပ်ငန်းရှင်များအသင်း အတွင်းရေးမှူး ကစ်ကျား ဝေ့တ်ကရိုင်စီကတော့ ဒီကိစ္စနဲ့ ပတ်သက်လို့ အစိုးရပိုင်းက ပြောနေတာ ကြာပြီ ဖြစ်ပေမယ့် တကယ်တမ်း လက်တွေ့ ဖြစ်လာဖို့က ခက်ခဲတယ်လို့ ဘီဘီစီကို ပြောပါတယ်။

အစိုးရ စဉ်းစားတာက ဆန်ထုတ်တဲ့နိုင်ငံတွေ အပြိုင်အဆိုင် ဈေးလျှော့ပြီး ရောင်းရင် နစ်နာမှုတွေ ဖြစ်မှာကြောင့် ဆန်ထုတ်လုပ်တဲ့ နိုင်ငံတွေ ပေါင်းလိုက်ရင် ဈေးကို ထိန်းညှိလို့ ရမယ်လို့ တွက်ကြောင်း၊ ဆိုလိုတာက အိုပက်လို ရေနံထုတ်တဲ့ နိုင်ငံတွေ ပေါင်းထားပြီး ရေနံဈေး ထိန်းသလိုမျိုး လုပ်ချင်တာ ဖြစ်ကြောင်း၊ ဒါပေမယ့် ရေနံဈေးကျရင် ရေနံ မထုတ်ဘဲ ထားလို့ ရပေမယ့် ဆန်က ၄ လကျော်ရင် ပိုးထိုးလာမယ်၊ နောက်စပါးအသစ် ထပ်ပေါ်လာမယ်၊ ဆန်စပါးဟာ မြန်မြန်ရောင်းမှ ရတဲ့ ပုပ်ကုန် ဖြစ်နေတာကြောင့် ဆန်စပါး ထုတ်လုပ်တဲ့ နိုင်ငံတွေ ပေါင်းပြီး အသင်းဖွဲ့ဖို့ လက်တွေ့မှာ မလွယ်ကြောင်း သူက ပြောပြပါတယ်။

အရင်က ထိုင်းနိုင်ငံဟာ ကမ္ဘာမှာ ဆန်တင်ပို့မှု အများဆုံး နိုင်ငံဖြစ်ပေမယ့် အခုနှစ် ၆ လအတွင်း ထိုင်းနိုင်ငံ ဆန်တင်ပို့မှုဟာ အိန္ဒိယနဲ့ ဗီယက်နမ်ရဲ့ အောက် တတိယနေရာကို ရောက်နေပါတယ်။

လယ်မြေ သိမ်းခံရမှုတွေအတွက် စုံစမ်းရေး ကော်မရှင် ဖွဲ့ဖို့ လွှတ်တော်မှာ မဲခွဲ

မြန်မာ နိုင်ငံမှာ လယ်သမား အခွင့် အရေး ချိုး ဖောက် ခံရမှုတွေကြောင့် ဆန္ဒပြတာတွေ ရှိနေ

လယ်ယာမြေ သိမ်းဆည်း ခံရမှု ကိစ္စတွေနဲ့ ပတ်သက်တဲ့ နစ်နာမှု တွေကို စုံစမ်း ရေး အဖွဲ့ ဖွဲ့စည်းပြီး ဖြေရှင်း ဆောင်ရွက် သွားဖို့ အဆိုကို ကြာသပတေး နေ့က ပြည်ထောင်စု လွှတ်တော်မှာ မဲခွဲ ဆုံးဖြတ် ခဲ့ကြ ပါတယ်။

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ ဇလွန် မြို့နယ် ပြည်သူ့ လွှတ်တော် ကိုယ်စားလှယ် ဦးတင်ထွတ် တင်သွင်းတဲ့ အဆိုကို လွှတ်တော် အမတ် ၄၅ ယောက် ပါဝင် ဆွေးနွေး ခဲ့ကြပါတယ်။

ပြည်ထောင်စု လွှတ်တော် မှာ အမတ်တွေ ဆွေးနွေး အပြီး ပြည်သူ့ လွှတ်တော် ဥက္ကဌ သူရ ဦးရွှေမန်းက သုံးသပ် ဆွေးနွေးခဲ့ ပါတယ်။

သူကတော့ ထောက်ခံတယ် ကန့်ကွက် တယ်လို့ မဟုတ်ဘဲ လယ်ယာမြေ တွေနဲ့ ပတ်သက်တဲ့ မြေပုံ အတိအကျနဲ့ စာရင်း ဇယားတွေ မရှိတဲ့ကိစ္စ၊ ပွင့်လင်း မြင်သာမှု၊ အပြန် အလှန် ထိန်းကျောင်းမှု အားနည်းချက် စတာ တွေကို သုံးသပ် ဆွေးနွေးတဲ့ သဘောပဲလို့ ဒီအဆိုကို ထောက်ခံ ဆွေးနွေးသူ တစ်ယောက်ဖြစ်တဲ့ မအူပင်မြို့နယ်အန်အယ်လ်ဒီ အမတ် ဦးစိန်ဝင်းက ပြောပါတယ်။

အဲဒီနောက် လယ်ယာ စိုက်ပျိုးရေးနဲ့ ဆည်မြောင်း ဝန်ကြီးဌာန ဒုတိယ ဝန်ကြီး ဦးအုန်းသန်းက အစိုးရ ဘက်က နေ ပြန်လည် ဖြေရှင်း ဆွေးနွေးခဲ့ ရာမှာ ပြည်နယ်နဲ့တိုင်း အစိုးရ အဖွဲ့တွေက လိုအပ်သလို ကိုင်တွယ် ဖြေရှင်း သွားဖို့သာ ပြောခဲ့ပြီး လွှတ်တော်မှာ ကိုင်တွယ် ဆောင်ရွက်ဖို့ မလိုတဲ့ အကြောင်း ပြောခဲ့ တယ်လို့ သိရ ပါတယ်။

အားလုံး ဆွေးနွေး အပြီးမှာ ပြည်ထောင်စု လွှတ်တော် ဥက္ကဌ ဦးခင်အောင်မြင့်က ဒီအဆိုကို မှတ်တမ်းတင်ရုံ တင်မယ်လို့ ပြောဆို တာကို မူရင်း အဆိုရှင် ဦးတင်ထွတ်က လွှတ်တော်ကနေ အဆုံး အဖြတ် ပေးဖို့ ပြောခဲ့တဲ့ အတွက် နောက်ဆုံးမှာ လျှို့ဝှက် မဲပေး စနစ်နဲ့ ဆုံးဖြတ် ခဲ့ကြပါတယ်။

နောက်ဆုံးမှာ ထောက်ခံမဲ ၃၉၅ မဲ၊ ကန့်ကွက်မဲ ၁၇၆ မဲနဲ့ ကြားနေ ၂၄ မဲ နဲ့ အဆို တင်သွင်းသူ ဘက်က အနိုင် ရခဲ့တာကြောင့် လယ်ယာမြေ တွေ သိမ်းဆည်း ခံရတဲ့ လယ်သမားတွေရဲ့ နစ်နာမှု တွေကို စုံစမ်း ဖို့ စုံစမ်းရေး အဖွဲ့ ဖွဲ့စည်း ခွင့် ရသွားပါပြီ။

လယ်သမားတွေရဲ့ နစ်နာမှုတွေနဲ့ ပတ်သက်တဲ့ ဒီအဆိုဟာ အန်အယ်ဒီ အမတ်တွေ လွှတ်တော်ထဲ ရောက်လာခဲ့ ပြီးတဲ့ နောက်မှာ အမတ် ဦးရေ အများဆုံး ထောက်ခံ ဆွေးနွေး ကြတဲ့ အဆို ဖြစ်တယ်၊ အရင် တုန်းက တောင်သူ လယ်သမား အရေး ကိစ္စတွေမှာ လွှတ်တော်တွင်း မေးခွန်း မေးတာတွေ လောက်ပဲ ရှိခဲ့ပြီး အဆို တင်သွင်း ဆွေးနွေးတယ် ဆိုတာ ဒါ ပထမဆုံးပဲလို့ အန်အယ်လ်ဒီ အမတ်တွေက ပြောပါတယ်။

လန်ဒန် အိုလံပစ် နောက်ဆုံးပြင်ဆင်မှု

အိုလံပစ်ပြိုင်ပွဲဝင် အီတလီအားကစားသမားတွေ လန်ဒန်မြေအောက်ရထားစီးစဉ် အိုလံပစ်ကစားပွဲ အလုပ်သမားက အစောင့်လိုက်ပါစဉ်။ (၀၇၊ ၂၆၊ ၁၂။)

လန်ဒန် Olympic အားကစားပြိုင်ပွဲဖွင့်ပွဲ ကျင်းပဖို့နီးကပ်လာနေတာနဲ့အမျှ ပြိုင်ပွဲစီစဉ်သူတွေ အားကစားသမားတွေနဲ့ ပွဲကြည့်ပရိသတ်တွေ စိတ်လှုပ်ရှား တက်ကြွနေကြပါတယ်၊ Olympic ပွဲတွေ အဆင်ပြေပြေဖြစ်ကြဖို့ ဘက်ပေါင်းစုံကနေ ပြင်ဆင်နေကြတာနဲ့အတူ လုံခြုံရေးလေည်း အထူး တင်းကြပ်ထားတယ်လို့ လန်ဒန်ရောက် မြန်မာတွေက ပြောပြကြပါတယ်၊ မနက်ဖြန်ကနေစပြီး သြဂုတ်လ ၁၂ ရက် နေ့အထိ လန်ဒန်မှာ ကျင်းပမယ့် Olympics ပြိုင်ပွဲကာလအတွင်း လန်ဒန်ကို လာကြမယ့် ဧည့်သည်တွေအတွက် ပြင်ဆင် စီစဉ်ထားပုံကို ပါဝင်ပတ်သက်နေတဲ့ မြန်မာလူမျိုးတွေကို ဆက်သွယ်မေးထားတဲ့ မစုမြတ်မွန်က ဆက်ပြောပါမယ်။

Olympics ပြိုင်ပွဲတွေ အဓိကကျင်းပမယ့် လန်ဒန်မြို့အရှေ့ပိုင်း Olympic ဇုန်မှာ အပြီးသတ် ပြင်ဆင်မှုတွေကို လုပ်နေကြတဲ့ထဲမှာ ဗုဒ္ဓဟူးနေ့ ညကတော့  အားကစားပြိုင်ပွဲ ဖွင့်ပွဲအခမ်းအနားအတွက် ကြိုတင် အစမ်းလေ့ကျင့်ပွဲကို လုပ်ခဲ့ပါတယ်၊ နာမည်ကြီး အကယ်ဒမီ ဒါရိုက်တာ Danny Bolye စီစဉ်တဲ့ ဖွင့်ပွဲအခမ်းအနား တင်ဆက်မှုတွေကို ပွဲမစသေးတဲ့အတွက် အစမ်းပွဲကြည့်ခဲ့ရသူတွေက - ပြောလို့ မရပါဘူး။ ဒါပေမဲ့ အင်မတန်ကြည့်လို့ကောင်းတဲ့ အခမ်းအနားဖြစ်ပါလိမ့်မယ်လို့တော့ ပြောကြပါတယ်။

ဒီ့ထက်ပိုပြီး မပြောနိုင်ဘူးလို့ ဆိုကြပေမဲ့ ဖျော်ဖြေ တင်ဆက်မှုအားလုံးက သိပ်ကို ကောင်းတာပါပဲ- လို့ ပြောသွားကြတာပါ၊ ဗြိတိန်နိုင်ငံရဲ့ ပုံရိပ်ကို ထင်ဟပ်နေတာပါပဲ-တဲ့။ ဘာပြီးရင် ဘာလာမယ် ဆိုတာကို စိတ်ကူးပုံဖော်ကြည့်ရတာကိုက အံ့မခန်းပဲလို့ ပြာကြပါတယ်၊ တကယ့်ဖွင့်ပွဲကြီး မတိုင်ခင်မှာ ဖျော်ဖြေတင်ဆက်မှုတွေကို အထူး လျှို့ဝှက်ထားကြပေမဲ့ အင်မတန်မြူးကြွတဲ့ မြင်ကွင်းတွေကို မြင်ရမှာပါလို့ ပွဲစီစဉ်သူတွေက ပြောပါတယ်။

ဖွင့်ပွဲအခမ်းအနားကို တရားဝင် မလုပ်ရသေးလို့ အားကစားကွင်းတွေ အားကစားရွာတွေတည်ရှိရာ Olympic Park Olympic ရပ်ဝန်းထဲမှာ ဓာတ်ပုံတောင် မရိုက်ရဘူးလို့ ပွဲဖြစ်မြောက်ရေး ထောက်ပံ့ပေးနေတဲ့ Company တခုမှာ အလုပ်လုပ်နေတဲ့ ကိုသီဟစိုးက ပြောပြပါတယ်။

“လုံခြုံရေးကတော့ အရမ်းကို တင်းကြပ်တယ်ခင်ဗျ။ အိုလံပစ်ကွင်းထဲမှာတော့ ဓာတ်ပုံရိုက်လို့ မရဘူးခင်ဗျ။ ဖွင့်ပွဲမတိုင်ခင်အထိ ဓာတ်ပုံရိုက်လို့ မရဘူး။ အိုလံပစ်ကွင်းကြီးကို ဖွင့်မှပဲ ဓာတ်ပုံရိုက်လို့ရတယ်။ လေဆိပ်မှာဆိုရင်လည်း လုံခြုံရေးတွေက အရမ်းကိုပဲ တင်းကြပ်ပြီးတော့ ထားတယ်။ ဗော်လံတီယာ လုပ်နေတဲ့သူတွေလည်း ရှိတယ်။ ဗော်လံတီယာ လုပ်နေတဲ့သူတွေက အိုလံပစ်ပွဲကို လာကြည့်မယ့်သူတွေနဲ့ ပတ်သက်ပြီးတော့ သူတို့ကို အကူအညီပေးနေတာတွေ ရှိတယ်။ ပြီးတော့ လန်ဒန်ကို ပထမဦးဆုံးရောက်လာတဲ့ သူတွေအတွက်အကူအညီပေးနေတာတွေ ရှိတယ်။ အကုန်လုံးကို စနစ်တကျ လုပ်ထားတယ်။”

ဗြိတိန်နိုင်ငံမှာ ထူးထူးခြားခြား Olympic အားကစားပွဲတွေ ကျင်းပမှာဖြစ်တဲ့အတွက် လုံခြုံရေးလည်း နေရာအနှံ့မှာ အထူး တင်းကြပ် ထားတာမှာ အားကစားပြိုင်ပွဲတွေအတွက် လာကြတဲ့ ဧည့်သည်တွေ တည်းကြမဲ့ ပုဂ္ဂလိက Hotel ကြီးတွေမှာ ဘယ်လို စီစဉ်ထားလဲဆိုတာကို ဟိုတယ်လုပ်ငန်းမှာ လုပ်နေတဲ့ မချိုနွယ်က ပြောပြပါတယ်။

“လုံးဝ အရမ်းတင်းကြပ်တယ်၊ အခါတိုင်း ဟိုတယ်လ်မှာ ဆိုလို့ရှိရင် Open 24 hour 7 လုပ်ထားတယ်။ အခုဆိုရင် resident ပဲ ဝင်လို့ရအောင် check လုပ်တယ်။ Interance မှာဆိုလို့ရှိရင်လည်း resident ဟုတ်လား၊ မဟုတ်လားသိအောင် ID နဲ့ check လုပ်တယ်။ key card တွေနဲ့ check လုပ်တယ်။--- မှာ ဆိုလို့ရှိရင် resident ကိုပဲ ပေးဝင်တယ်။ အပြင်လူကိုတောင် ပေးမဝင်တဲ့ရက်တွေ ရှိတယ်။ ဟိုတယ်လ်ကို လိုက်လို့ပါပဲ။ Hilton မှာဆိုလို့ရှိရင် လုံးဝ ပိတ်လိုက်တယ်။ လုံးဝ အပြင်လူ အဝင်မခံဘူး။ လုံးဝ specific ဧည့်သည်အတွက်ပဲ။ အရေးကြီးတဲ့ International Olympic ကော်မတီက ယူလိုက်တာဆိုတော့ ဟိုတယ်လ် တခုလုံးကို။ Privaite center အနေနဲ့ ပြင်ဆင်မှုတွေ ကတော့ အရမ်းကောင်းပါတယ်။”

အခုကတည်းက နိုင်ငံစုံက ဧည့်သည်တွေနဲ့ ပြည့်နေတဲ့ London မြို့ကြီးမှာ စိတ်လှုပ်ရှား တက်ကြွနေကြစရာဖြစ်ပေမယ့် တဘက်မှာလည်း အခက်အခဲတွေရှိနေတယ်လို့ ဆိုပါတယ်။“မြင်ကွင်းကတော့ ပျော်တော့ ပျော်စရာတော့ ကောင်းတယ်။ တဘက်မှာတော့ သိတယ်မို့လား။ လူတွေက အများကြီးပဲဆိုတော့၊ တသက်မှာ တခါ ကြုံရတဲ့ပွဲဆိုတော့- လူတွေက အရမ်းကို များတာပဲ။ သိသိသာသာ များလာတယ်။ ပြီးတော့ ခရီးသွားရတာ နည်းနည်းပါးပါး ခက်လာတယ်။ အကုန်လုံးကတော့ စိတ်လှုပ်ရှားနေတဲ့ပုံပဲ။ ပိုပြီး တိုးရစ်စ်များလာတာပေါ့လေ။

ဒီပွဲနဲ့ ပတ်သက်ပြီးတော့ လာကြတာဆိုတော့လည်း အိုလံပစ်တောင် မစသေးဘူး၊ ပြီးခဲ့တဲ့ တပတ်ကနေ စပြီးတော့ train delay တို့၊ traffic တွေတို့ တအားဖြစ်နေတာလေ။ အိုလံပစ် မိန်းတွေမှာလည်း သွားလို့ မရဘူး။ ပုံမှန်ထက် တနာရီလောက်ကို ကြိုပြီးတော့ ကျတော့ အိမ်ကနေ ထွက်သလို ဖြစ်နေတာ။ အခု အိုလံပစ်ကျရင် လူတွေက စိုးရိမ်တာပေါ့။ အိုလံပစ်တောင် မရောက်သေးဘူး၊ ဒီလို ဖြစ်နေတယ်ဆိုရင် အိုလံပစ်ကျရင်ရော ဘယ်လို လုပ်ကြမလဲပေါ့။ အဲဒီကျလို့ရှိရင် လူက ဗီဇာပိုများမယ်။ အဲဒီတခုတော့ အခက်အခဲရှိတာပေါ့နော်။ သွားရလာရတာတော့”

London Olympic ပြိုင်ပွဲ ဖြစ်မြောက်ရေး ကော်မတီကတော့ အထစ်အငေါ့ မရှိအောင်ကြိုးစားပါမယ် လို့ ပြောထားပါတယ်။ ဒါပေမဲ့ မနေ့ကတော့ Olympic ကော်မတီအတွက် မျက်နှာပျက်စရာ ဖြစ်ခဲ့ရပါတယ်။ ဗုဒ္ဓဟူးနေ့မှာ စတင်တဲ့ Olympic အမျိုးသမီးဘောလုံး ဗိုလ်လုပွဲ အုပ်စု G ပွဲစဉ်မှာ မြောက်ကိုရီးယား အမျိုးသမီးအသင်းနဲ့ Colombia အသင်း မကန်ခင် တောင်ကိုရီးယားအလံ လွှင့်မိလို့ Olympic ကော်မတီက တရားဝင် ပြန်တောင်းပန်ခဲ့ရတာပါ။

ပွဲဖြစ်မြောက်ရေးအတွက် ပါဝင်ကူညီနေကြသူတွေကတော့ အခုလို ကြီးကျယ်တဲ့ အားကစား ပြိုင်ပွဲကြီးမှာ နောက်ထပ် မရည်ရွယ်တဲ့ လွဲချော်မှုတွေ ရှိနိုင်ပါတယ်လို့ ပြောပါတယ်။ August လ ၁၂ ရက်နေ့အထိ သီတင်း ၃ ပတ်ကြာမယ့် အားကစားပြိုင်ပွဲတွေမှာ ပါဝင် ယှဉ်ပြိုင်ကြဖို့ နိုင်ငံပေါင်းစုံက အားကစားသမားတွေ လန်ဒန်ဆီ ရောက်နေကြတာမှာ မြန်မာနိုင်ငံကလည်း အားကစား အမျိုးအစား ၅ မျိုးမှာ ပါဝင်ယှဉ်ပြိုင်ကြဖို့ အားကစားသမား ၆ ယောက်နဲ့ အဖွဲ့ ရောက်ရှိနေကြပါတယ်၊ သူတို့ ဝင်ပြိုင်ကြမယ့် ပွဲတွေကတော့ ပြေးခုန်ပစ်၊ ဂျုဒို၊၊ မြှားပစ်၊ သေနတ်ပစ်နဲ့ အနောက်တိုင်း လှေလှော်ပြိုင်ပွဲတွေ ဖြစ်ကြပါတယ်ရှင်။

အိန္ဒိယဒေသခံ အာသံတိုင်းရင်းသားနဲ့ ဘင်္ဂါလီမူဆလင်အဓိကရုဏ်း

• 

ပြီးခဲ့တဲ့ သီတင်းပတ်က အိန္ဒိယနိုင်ငံ အရှေ့မြောက်ဒေသ၊ အာသံပြည်နယ်မှာ ဖြစ်ပွားခဲ့တဲ့ လူမျိုးရေး အဓိကရုဏ်းတွေမှာ အနည်းဆုံး (၄၁) ယောက် သေဆုံး ခဲ့ရပြီး ကယ်ဆယ်ရေးစခန်းတွေမှာ အိုးအိမ်စွန့်ခွာ ထွက်ပြေးလာသူတွေ ထောင်သောင်းချီပြီး ရောက်ရှိနေကြပါတယ်။

Bodo တောင်ပေါ်တိုင်းရင်း သားတွေနဲ့ နောက်ထပ်ဝင်ရောက် အခြေချလာတဲ့ ဘင်္ဂါလီ မူဆလင်တွေကြားမှာ အကြမ်းဘက်တိုက်ခိုက်မှုတွေ ရက်အတော်ကြာ ဖြစ်ပွားခဲ့တာကြောင့် အာသံပြည်နယ်ထဲက လူမျိုးရေး အဓိကရုဏ်းတွေ အဆိုးဝါးဆုံး ဖြစ်ပွားခဲ့တဲ့နေရာတွေမှာ အိန္ဒိယ လုံခြုံရေးတပ်ဖွဲ့ဝင်တွေ ကင်းလှည့်နေကြပါတယ်။ နောက်ထပ် တိုက်ခိုက်မှုတွေ မဖြစ်ပေါ်ရေးအတွက် ဒီဒေသတွေမှာ ညမထွက်ရအမိန့် ထုတ်ပြန်ထားပြီး ချိုးဖောက်သူတွေကို တွေတဲ့နေရာမှာ ပစ်ခတ်ဖို့ ပြည်နယ်အာဏာပိုင် တွေက လုံခြုံရေးတပ်ဖွဲ့ဝင်တွေကို အမိန့်ပေးထားပါတယ်။

အာသံပြည်နယ်ဟာ တရုတ်၊ ဘင်္ဂလားဒေ့ရ်ှနဲ့ ဘူတန်နိုင်ငံတွေနဲ့ နယ်နိမိတ်ချင်း ဆက်စပ်နေပြီး ဘူတန်နဲ့ နယ်ချင်းထိစပ်တဲ့နေရာတွေမှာ အကြမ်းဘက် တိုက်ခိုက်မှုတွေ ဖြစ်ပေါ်ခဲ့တာပါ။ Bodo တောင်ပေါ်တိုင်းရင်း သားတွေနဲ့ နောက်ထပ်ဝင်ရောက် အခြေချလာ တဲ့ ဘင်္ဂါလီမူဆလင်တွေကြားမှာ ပဋိပက္ခတွေဟာ အချိန်ကာလကြာမြင့်စွာကတည်းက ဖြစ်ပေါ်နေခဲ့တာပါ။

အခုမှာ လူပေါင်း နှစ်သိန်းလောက် အိုးအိမ်စွန့်ခွာ ထွက်ပြေးနေကြရတယ်လို့ အိန္ဒိယအာဏာပိုင်တွေက ဆိုပါတယ်။ အာသံပြည်နယ် ၀န်ကြီးချုပ် ထာရွန် ဂိုဂိုရီ (Taron Gogori) ဟာ ဒီကနေ့မှာ မငြိမ်မသက် ဖြစ်ခဲ့တဲ့နေရာတွေကို လှည့်လည်စစ်ဆေးခဲ့ပါတယ်။ လာမယ့် စနေနေ့မှာ အိန္ဒိယ၀န်ကြီးချုပ် မန်းမိုဟန်ဆင်း (Manmohan Sign) လည်း အာသံပြည်နယ်ကို ရောက်ရှိလာမှာ ဖြစ်ပါတယ်။