25.07.2012 နေ့ဖတ်ရန်သတင်းများ

by Myanmar Journal on Tuesday, July 24, 2012 at 5:35pm ·

ကျားထိန်းသိမ်းရေးစခန်း ခရီးသွားဝင်ခွင့်မပြု

အိန္ဒိယနိုင်ငံမှာ သဘာဝ အတိုင်းကျားတွေကို ထိန်းသိမ်း ထားပါတယ်

အိန္ဒိယနိုင်ငံမှာ သဘာဝအတိုင်း ကျားထိန်းသိမ်းတဲ့ စခန်းပေါင်း ၄၀ကျော်ရှိပြီး အခုအခါ ကမ္ဘာလှည့် ခရီးသွားတွေ အဲဒီကန့်သတ်ဇုံအတွင်း ဝင်ခွင့်မပြုတော့ဘူးလို့ တရားရုံးချုပ်က ဆုံးဖြတ်လိုက်ပါတယ်။

သဘာဝပတ်ဝန်းကျင် ထိန်းသိမ်းရေးသမားတွေက အခုဆုံးဖြတ်ချက်ကို ကြိုဆိုလိုက်ပါတယ်။ ဒါပေမယ့် ကမ္ဘာလှည့် ခရီးသွားလုပ်ငန်း အပေါ်ဘယ်လို ရိုက်ခတ်နိုင်တယ် ဆိုတာကိုလည်း အချို့ကစိုးရိမ်နေကြပါတယ်။

သစ်တောကြိုးဝိုင်းအတွင်း ကျားထိန်းသိမ်းရေးဇုံကို ခရီးသွား ဧည့်သည်တွေ အရင်က သွားရောက် ကြည့်ရှုခွင့် ရပါတယ်။

အခုဆုံးဖြတ်ချက်အရ ခရီးသွားတွေကို ကန့်သတ်မယ်ဆိုရင် ဒေသစီးပွားရေးတွေကို ထိခိုက်နိုင်သလို အဲဒီကရတဲ့ ငွေနဲ့ သဘာဝ သားရိုင်း တိရိစ္ဆန်ထိန်းသိမ်းရေး ပညာပေး လုပ်ငန်းတွေထိခိုက်နိုင်ပါတယ်။

နောက်တခါ အခုလို တောစခန်းတွေကနေ ကျားတွေ တတောကနေ တတောကို ကူးရင် ဆူညံဟိန်းဟောက် သံတွေကြောင့် ရွားသားတွေကို အနှောက်အယှက်ဖြစ်နိုင်သလို လူတွေက သူတို့ စားကျက်တွေဖျက်ဆီးတာ ခိုးဖမ်းတာ စတဲ့အန္တရာယ်လည်း ကျရောက်နိုင်ပါတယ်။

ကမ္ဘာပေါ်မှာ ကျားဦးရေ ကျဆင်းနေပြီး အားလုံးရဲ့ကောင်ရေ တဝက်လောက်ကို အိန္ဒိယနိုင်ငံက ထိန်းသိမ်းထားတာဖြစ်ပါတယ်။

တောင်ကိုရီးယား သမ္မတ အဂတိ အတွက် တောင်းပန်

တောင်ကိုရီးယား နိုင်ငံမှာတော့ သမ္မတ လီမြောင်ဘတ် က သူ့အစ်ကို ရဲ့ အဂတိ လိုက်စားမှု တွေမှာ ပါဝင်ပတ်သက် ခဲ့မှုတွေနဲ့ ပတ်သက်လို့ တောင်းပန်လိုက်ပါတယ်။

ရုပ်မြင်သံကြား ကနေ တဆင့် ပြောကြားခဲ့ရာမှာ သမ္မတလီက ဒီပြဿနာ တွေကြောင့် သူ့မိသားစု အတွင်း အရှက်ရ စရာတွေ ဖြစ်ခဲ့ရ သလို တောင်ကိုရီးယား ပြည်သူ တွေအတွက်လည်း စိတ်အနှောင့်အယှက် ဖြစ်ခဲ့ရတယ်လို့ ဆိုခဲ့ပါတယ်။

မစ္စတာလီက ဒီအကြောင်းကို စဉ်းစားမိတိုင်း စိတ်မချမ်းသာ ဖြစ်ရတဲ့ အကြောင်းနဲ့ အခု အချိန်က စလို့ ခိုင်မာတဲ့ သဘောထား တွေနဲ့ အသစ်က ပြန်စလို့ ပြည်သူတွေ အတွင် တာဝန်ကျေတဲ့ အစိုးရ ဖြစ်လာဖို့နဲ့ သူ့တာဝန်တွေ ကိုလည်း ကြိုးစား ထမ်းဆောင် သွားတော့မယ့် အကြောင်း တွေကို ပြောသွား ခဲ့ပါတယ်။

မစ္စတာ လီရဲ့ အစ်ကို ဖြစ်သူ လီဆိုင်ဒေါက်ဟာ အဂတိလိုက်စားမှုတွေနဲ့ ဒီလ အစောပိုင်းက ထိန်းသိမ်း ခံခဲ့ရပါတယ်။ သူ့ကို အရင် ၂၀၀၇ ခုနှစ်နဲ့ ၂၀၁၁ ခုနှစ်အကြားမှာ အခက်အခဲတွေနဲ့ ကြုံခဲ့ရတဲ့ ဘဏ်တွေကနေ လာဘ်ယူခဲ့တယ်လို့ စွဲချက်တင် ထားတာ ဖြစ်ပါတယ်။

ဒီအဖြစ်အပျက် တွေကြောင့် သမ္မတ လီရဲ့ ကွန်ဆာဗေးတစ်ဗ် ပါတီ အဖို့ လာမယ့် သမ္မတ ရွေးကောက်ပွဲမှာ အခက်ကြုံ နိုင်တယ်လို့ သတင်းထောက်တွေက သုံးသတ် နေကြပါတယ်။

ဦးအောင်ကြည်နဲ့ ထိုင်းရောက်မြန်မာ အဖွဲ့တွေတွေ့ဆုံ

မြန်မာ သမ္မတ ဦးသိန်းစိန်ရဲ့ ၃ ရက်ကြာ ထိုင်းနိုင်ငံ ခရီးစဉ် မှာ လိုက်ပါလာတဲ့ မြန်မာအလုပ်သမားဝန်ကြီးဌာန ပြည်ထောင်စုဝန်ကြီးဦးအောင်ကြည်ဟာ ဒီကနေ့ မနက်က ထိုင်းနိုင်ငံက ရွှေ့ပြောင်း အလုပ်သမား အရေး ကူညီဆောင်ရွက်နေကြတဲ့ အဖွဲ့တွေနဲ့တွေ့ဆုံခဲ့ပါတယ်။

အလုပ်သမားဝန်ကြီးဦးအောင်ကြည်ဟာ ရွှေ့ပြောင်း အလုပ်သမား အရေး ကူညီဆောင်ရွက်နေကြတဲ့ ထိုင်းနိုင်ငံရောက် မြန်မာနိုင်ငံသားများအဖွဲ့ ၊MAP Foundation ၊ထိုင်းတောင်ပိုင်းအခြေစိုက် ပညာရေးဖွံ့ဖြိုးရေး ဖေါင်ဒေးရှင်း၊ကုလသမဂ္ဂ လူကုန်ကူးမှုတိုက်ဖျက်ရေး အဖွဲ့၊စတဲ့ အဖွဲ့က တာဝန်ရှိသူတွေနဲ့ မြန်မာသံရုံးမှာ တွေ့ဆုံခဲ့တာပါ။

ဒီလို တွေ့ဆုံကြတာနဲ့ပတ်သက်လို့ ထိုင်းနိုင်ငံရောက် မြန်မာနိုင်ငံသားများအဖွဲ့ တာဝန်ခံ ဦးကျော်သောင်းကတော့ ဦးအောင်ကြည်က အလုပ်သမား အရေး ဆောင်ရွက် နေကြသူတွေဆီက အရေးအကြောင်းမှာ သူ့ဆီကို တိုက်ရိုက် ဆက်သွယ်ပြီး အလုပ်သမား တွေရဲ့ ကိစ္စတွေနဲ့ ပတ်သက်လို့ တင်ပြ နိုင်ကြောင်းတွေကို ပြောခဲ့တဲ့ အကြောင်း ဘီဘီစီကို ပြောပါတယ်။

အရင်က မြန်မာအစိုးရကရဲ့ ပူးပေါင်း ကူညီမှုတွေ မရခဲ့ပေမယ် အခု ၂၀၁၂ခုနှစ်ကစလို့ ထိုင်းနိုင်ငံမှာရှိတဲ့ မြန်မာသံရုံးရဲ့ ပူးပေါင်း ကူညီမှုတွေ ရှိလာတယ်လို့ ပြောပါတယ်။

အလုပ်သမားဝန်ကြီးဦးအောင်ကြည်ဟာ ရွေ့ပြောင်း အလုပ်သမား အရေးနဲ့ ပတ်သက်လို့ ဒီကနေ့ ထိုင်းပြည်ထဲရေးဝန်ကြီးနဲ့တွေ့ဆုံဆွေးနွေးခဲ့ပါတယ်။

နောက်ပြီး ဘန်ကောက်မြို့ ဝပ်ဆီစဝါ ၃၁ လမ်းမှာရှိတဲ့ မြန်မာအလုပ်သမားတွေကို ယာယီ ပတ်စပို့ ထုတ်ပေးတဲ့ ရုံးကိုလည်း သွားရောက်ခဲ့ ပါတယ်။

အိုလံပစ်မှာ နေ့အလိုက် မျှော်လင့်နိုင်စရာ

ဖွင့်ပွဲကျင်းပမဲ့ ပင်မ အားကစားကွင်းကြီး

လန်ဒန် အိုလံပစ် အားကစားပွဲတော်ကြီး စတင် ကျင်းပဖို့ နှစ်ရက်ပဲ လိုပါတော့တယ်။

အိုလံပစ်ပွဲတော်ရဲ့ တရားဝင်ဖွင့်ပွဲက ဇူလိုင် ၂၇ သောကြာနေ့ ဖြစ်ပေမဲ့ နှစ်ရက်အလို ဒီကနေ့မှာပဲ ဘောလုံးပွဲတွေ စကစားတော့မှာပါ၊ အိမ်ရှင် ဗြိတိန် အမျိုးသမီး အသင်းဟာ ဖွင့်ပွဲ ပွဲစဉ်အဖြစ် နယူးဇီလန် အမျိုးသမီး အသင်းနဲ့ လန်ဒန် စံတော်ချိန် ညနေ လေးနာရီမှာ စပြီး ကစားမှာပါ။

တခြားအမျိုးသမီးပွဲတွေထဲမှာ အမေရိကန် နဲ့ ပြင်သစ်၊ ဂျပန် နဲ့ ကနေဒါ၊ မြောက်ကိုရီးယားနဲ့ ကိုလံဘီယာ အသင်းတွေလဲ ကစားကြဖို့ ရှိပါတယ်။

ဇူလိုင် ၂၆

ဒီကနေ့မှာတော့ အမျိုးသား ဘောလုံးပွဲစဉ်တွေ စ ကစားမှာပါ၊ အိမ်ရှင် ဗြိတိန်အသင်းဟာ ဆီနီဂေါနဲ့ မန်ချက်စတာယူနိုက်တက်ရဲ့ အိုးလ်ထရက်ဖို့ဒ်ကွင်းမှာ ကစားမှာ ဖြစ်ပါတယ်။ တခြားပွဲစဉ်တွေထဲမှာတော့

စပိန်နဲ့ ဂျပန်၊ မက္ကဆီကို နဲ့ တောင်ကိုရီးယား၊ အီဂျစ် နဲ့ ဘရာဇီး တို့လဲ ကစားကြမှာဖြစ်ပါတယ်။

ဇူလိုင် ၂၇

အိုလံပစ် အားကစားပွဲတွေ လန်ဒန် စံတော်ချိန် ည ၉ နာရီမှာ ထူးထူးခြားခြား အစီအစဉ်တွေနဲ့ အိုလံပစ် အားကစားကွင်းကြီးထဲမှာ အခမ်းအနားတွေ စဖွင့်မှာပါ။

ဒီကနေ့မှာတော့ ပြိုင်ပွဲတွေ အဖြစ် မြားပစ်ပွဲစဉ်တွေပဲ ရှိပါလိမ့်မယ်။

ကရစ်ကက် အကြိုလက်ရည်စစ်ပွဲတချို့လဲ ကစားဖို့ရှိပါတယ်။

ဇူလိုင် ၂၈

ဒီကနေ့ကစလို့ အားကစားပြိုင်ပွဲမျိုးစုံ ပွဲစဉ်တွေ ဆက်တိုက် ကျင်းပသွားပါပြီ။ အမျိုးသား စက်ဘီးပြိုင်ပွဲမှာတော့ လောလောလတ်လတ် Tour de France ပြိုင်ပွဲမှာ အနိုင်ရထားတဲ့ Mark Cavendish ဝင်ပြိုင်မှာမို့ ကိုယ့်မြေကိုယ်ရေပေါ်မှာ သူ ရွှေဆု ယူနိုင်မလား ကြည့်ရမှာပါ။

ပထမဆုံးရွှေဆုရှင် မြားပစ် ပြိင်ပွဲက ထွက်ပေါ်မယ်

ဒါပေမဲ့ အခု လန်ဒန် အိုလံပစ်ရဲ့ ပထမဆုံးရွှေတံဆိပ်ဆုရှင်ကတော့ မနက် ၁၀ နာရီလောက်မှာ ပေါ်ထွက်လာနိုင်ပါတယ်။ အဲဒါကတော့ သေနတ်ပစ်ပြိုင်ပွဲမှာပါ။

ရေကူးပြိုင်ပွဲတွေမှာတော့ ဘေဂျင်းအိုလံပစ်တုန်းက စံချိန်တင် ရွှေဆုများရှင် အမေရိကန် က Michael Phelps ကို စောင့်ကြည့်ရပါမယ်။

ညနေပိုင်းမှာတော့ အမျိုးသား အသင်းလိုက် မြားပစ်ပွဲစဉ်တွေရှိပါတယ်။

ဗြိတိသျှ အမျိုးသမီး ဘော်လီဘော အသင်းက သြစတြေးလျနဲ့ ကစားမှာ ဖြစ်ပြီး အမျိုးသမီး ဘောလုံးအသင်းကတော့ ကင်မရွန်းနဲ့ တွေ့မှာဖြစ်ပါတယ်။

နောက်ရက် ပွဲစဉ်တွေကိုလဲ ဆက်ပြီး တင်ပြပေးသွားပါမယ်၊

ပွဲစဉ်ဇယား အသေးစိတ်ကို (အင်္ဂလိပ်လို) နှိပ်ပါ  ဒီနေရာမှာ နှိပ်ပြီး  ကြည့်နိုင်ပါတယ်။                      

သမ္မတနဲ့ မတွေ့ခင် ၁၄ ပါတီက ဝန်ကြီးတွေနဲ့ ဆွေးနွေး

အစိုးရ ငြိမ်းချမ်းရေး ဆွေးနွေးရေး အဖွဲ့ဝင် တစ်ယောက် ဖြစ်တဲ့ စက်မှု ဝန်ကြီး ဦးစိုးသိန်း

လာမယ့် သီတင်းပတ် အတွင်းမှာ သမ္မတ ဦးသိန်း စိန်နဲ့ တွေ့ဆုံ ဆွေးနွေး နိုင်ဖို့ အကြို ဆွေးနွေးပွဲ အဖြစ် ပြည်ထောင်စု ဝန်ကြီးတွေ ဖြစ်ကြတဲ့ စက်မှု ဝန်ကြီး ဦးစိုးသိန်းနဲ့ ရထား ဝန်ကြီး ဦးအောင်မင်း တို့က ပါတီပေါင်း ၁၄ ပါတီက ခေါင်းဆောင်တွေကို တွေ့ဆုံ ဆွေးနွေးခဲ့ပါတယ်။

သူတို့ တွေ့ဆုံကြရာမှာ ပြည်တွင်း ငြိမ်းချမ်းရေး ကိစ္စနဲ့ ရခိုင်ပြည်နယ်မှာ ဖြစ်ခဲ့တဲ့ အဓိကရုဏ်း ကိစ္စတို့ကို ဆွေးနွေးခဲ့ကြတယ်လို့ တိုင်းရင်းသား စည်းလုံး ညီညွတ်ရေး ပါတီ ပြောရေး ဆိုခွင့် ရှိသူ ဦးဟန်ရွှေက ဘီဘီစီကို ပြောပါတယ်။

ဒါ့အပြင် ဦးဟန်ရွှေက ရခိုင်ပြည်နယ် အရေးနဲ့ ပတ်သက်လို့ လောလောဆယ် အရေးပေါ် အခြေအနေ ကြေညာ ထားတဲ့ အခြေ အနေမှာ တည်ငြိမ်မှု ရနေပြီ ဖြစ်ပြီး ချထားတဲ့ တပ်တွေ ပြန်လည် ရုပ်သိမ်းရေး၊ ဒုက္ခသည် အရေး နဲ့ နိုင်ငံသား စိစစ်ရေး ကိစ္စတို့ကို ဆွေးနွေးပွဲ တက်ရောက်လာတဲ့ တိုင်းရင်းသား ပါတီတွေက ဆွေးနွေးခဲ့ကြတယ်လို့ ပြောပါတယ်။

တခြားနိုင်ငံကနေ ခိုးဝင်လာသူတွေရဲ့ နိုင်ငံသား ဖြစ်မှုနဲ့ ပတ်သက်လို့ နှစ်နိုင်ငံ ချမှတ်ထားတဲ့ တရားဥပဒေတွေ အတိုင်း တိတိကျကျ လိုက်နာ ဆောင်ရွက်ဖို့ လိုတယ်လို့ လည်း သူက ပြောပါတယ်။

လက်ရှိ တိုင်းရင်းသား အဖွဲ့ အစည်း တွေနဲ့ ငြိမ်းချမ်းရေး ဆွေးနွေးမှုတွေ လုပ်ဆောင်နေတဲ့ ဝန်ကြီး နှစ်ယောက်က တိုင်းရင်းသား ဒေသတွေမှာ ငြိမ်းချမ်းရေး ရအောင် ကြိုးစား ဆောင်ရွက်မယ်၊ တိုင်းရင်းသားတွေ ရှိနေတဲ့ နေရာတွေကို ရောက်အောင်သွားပြီး ညှိနှိုင်းဆွေးနွေးပြီး ငြိမ်းချမ်းရေး ရတဲ့ အထိ လုပ်ဆောင်သွားမယ်လို့ ဝန်ကြီးတွေက ပြောခဲ့ကြောင်း တိုင်းရင်းသား စည်းလုံး ညီညွတ်ရေး ပါတီ ပြောရေး ဆိုခွင့် ရှိသူ ဦးဟန်ရွှေက ပြောပါတယ်။

လွန်ခဲ့တဲ့ ၁၉၉၀ ပြည့် ရွေးကောက်ပွဲဝင် ခဲ့ကြတဲ့ SNLD ရှမ်း တိုင်းရင်းသားများ ဒီမိုကရေစီ အဖွဲ့ချုပ်၊ ALD ရခိုင် ဒီမိုကရေစီ အဖွဲ့ချုပ်၊ ဇိုမီး အမျိုးသား ကွန်ကရက် စတဲ့ တိုင်းရင်းသား ပါတီတွေ အပြင် တိုင်းရင်းသား စည်းလုံး ညီညွတ်ရေး ပါတီနဲ့ တခြား နိုင်ငံရေး ပါတီ က ကိုယ်စားလှယ် တွေကို ဝန်ကြီး နှစ်ယောက်က ပြီးခဲ့တဲ့ တနင်္ဂနွေ နေ့က တွေ့ဆုံခဲ့တာ ဖြစ်ပါတယ်။

မျက်မမြင်တွေအတွက် စမာ့တ်ဖုန်း

မျက်မမြင်တွေ သွားရေး လာရေးနဲ့ စာဖတ်ဖို့ တို့အတွက် အလွယ်တကူ အသုံးပြုနိုင်မယ့် စမာ့တ်ဖုန်း ဈေးကွက်ထဲ ရောက်ရှိလာပြီ ဖြစ်ပါတယ်။

ဂျော်ဂျီ (Gerogie) လို့ ခေါ်တဲ့ ဒီဖုန်းကို တခြား စမာ့တ်ဖုန်းတွေလိုပဲ မျက်နှာပြင်ကို လက်နဲ့ ထိတို့ အမိန့်ပေးလို့ ရသလို၊ ဖုန်းကနေ အသံနဲ့ ပြန်လည် ပြောပြပေးမှာလည်း ဖြစ်ပါ တယ်။

ဒါ့အပြင် မျက်မမြင်တွေ ဘတ်စကား မလွတ်ရအောင်၊ စာဖတ်လို့ ရအောင်နဲ့ တည်နေရာ ရှာဖွေမှုတွေ အတွက်လည်း အကူအညီပေးနိုင်မှာ ဖြစ်ပါတယ်။

အမှန်မှာတော့ (Georgie) ဂျော်ဂျီ ဆိုတာဟာ မျက်မမြင်တွေ အသုံးပြုနိုင်မယ့် ပရိုဂရမ်လေးတွေ အများအပြား ပါဝင်တဲ့ ဆော့ဖ်ဝဲ တခု ဖြစ်ပါတယ်။ ဒီဆော့ဖ်ဝဲကို ယခု လက်ရှိ Andorid OS သုံး Samsung XCover နဲ့ Galaxy Ace 2 တို့လို စမာ့တ်ဖုန်းတွေထဲမှာ ထည့်သွင်း အသုံးပြုလို့ရပါတယ်။

ဂျော်ဂျီ ဈေးနှုန်း

ဂျော်ဂျီ အသင့်ထည့်ပြီးသား Android စမာ့တ်ဖုန်း တလုံးကို ၂၉၉ ပေါင် နှုန်းနဲ့ ဝယ်ယူရရှိနိုင်မှာ ဖြစ်ပြီး၊ ဂျော်ဂျီ ဆော့ဖ်ဝဲ ပဲ သီးသန့် ဝယ်ယူချင်ရင်တော့ ၁၄၉ ပေါင်နဲ့ ဒေါင်းလုပ် ရယူနိုင်ပါတယ်။

ခရီးသွားလာရေး၊ နေ့စဉ်လုပ်ငန်းတွေနဲ့ ဆက်ဆံရေး ကိစ္စရပ်တွေလို တခြား အသုံးပြုနိုင်တဲ့ ပရိုဂရမ်တွေ အတွက် တခုကို ၂၄.၉၉ ပေါင် ပေးရမှာ ဖြစ်ပါတယ်။

 မစ္စစ် Wilson-Hinds လမ်းပြခွေးရဲ့ နာမည် ဂျော်ဂျီ ကို ဖုန်းအတွက် သုံးလိုက်တာ ဖြစ်ပါတယ်

မျက်မမြင်အနေနဲ့ အသံနဲ့ ဖုန်းနံပါတ်ကို ပြောထည့်ပြီး ဖုန်းဆက်လို့ ရမှာ ဖြစ်သလို၊ text ပို့ချင်ရင်လည်း အသံနဲ့ ပြောထည့်လို့ ရမှာ ဖြစ်ပါတယ်။

ဒီဖုန်းကို အင်္ဂလန်က ပီတာဘရာ မြို့မှာ ရှိတဲ့ မျက်မမြင် Wilson-Hinds ဇနီးမောင်နှံ ကနေ တီထွင် ထုတ်လုပ် လိုက်တာ ဖြစ်ပါတယ်။

ဒီအတွက် ဖုန်းနာမည်ကို မစ္စစ် Wilson-Hinds ပထမဦးဆုံး အသုံးပြုခဲ့တဲ့ လမ်းပြခွေးရဲ့ နာမည် Georgie ဂျော်ဂျီ ကို အသုံးပြုလိုက်တာ ဖြစ်ပါတယ်။

တရုတ်နယ်စပ်မှာ ပြောင်းဈေးကောင်း၊ ဆန်ဈေးနိမ့်

မူဆယ် (၁ဝ၅)မိုင်နယ်စပ်ကုန်သွယ်ရေးဇုံ လမ်းကြောင်းကြီးပေါ်ကနေ ဝင်လာနေတဲ့ မြန်မာ့ပို့ ကုန်တွေထဲမှာ နှိုင်းယှဉ်ချက်အားဖြင့် ပမာဏ အများဆုံးဝင်နေတဲ့ ပို့ကုန်လို့ ပြောရမှာကတော့ ဆန် နဲ့ ပြောင်းပါပဲ။ ဒါတောင် အရင်ကနဲ့ နှိုင်းယှဉ်ရင် အရင်လောက် မများပဲ လျော့ကျနေပါတယ်။

အခုတလောမှာ ဆန်က နေ့စဉ်ကားစီးရေ (၅ဝ နဲ့ ၈ဝ)ကြားပဲ လာနေသလို၊ ပြောင်းကလဲ နေ့စဉ်ကားစီးရေ (၃ဝ နဲ့ ၅ဝ)ကြားပဲ လာပါတယ်။ ဆန်က တရုတ်ဝယ်လက် ဆွဲအားလေးနေပြီး၊ ဈေးကလဲ ကျဈေးဖြစ်နေ တာကြောင့် အခုလိုလျော့ လိုက်လာတာလို့ ခန့်မှန်းကြ ပါတယ်။

အင်္ဂါနေ့ကဆိုရင် ငစိန်တအိတ်ကို (၁၃၆ -၁၃၇ယွမ်)ပဲ ပေါက်ပါတယ်။ ပြောင်းကတော့ တော်တော်ကို ဈေးကောင်းပါတယ်၊ ဒါပေမဲ့ မန္တလေးဖက်မှာလဲ ပြောင်းဈေးက ကောင်းနေတာကြောင့်၊ အခု တရုတ်ဖက်ခြမ်းကို လာနေတဲ့ပြောင်းတွေဟာ ရှမ်းပြောင်းတွေချည်းအများဆုံးပါပဲ။ တောင်ကြီး လားရှိုး သိန်းနီနဲ့ သီပေါဖက်က ပြောင်းတွေပဲ အလာများပါတယ်။

ပြောင်းဈေးကတော့ ပြောင်းဟောင်းတောင် တအိတ်(၁၃၁) ယွမ်ရှိပြီး ပြောင်းသစ်က (၁၃၃)ယွမ်အထိ ရနေရင်း၊ တချို့က (၁၃၄) ယွမ် အထိတောင် ဈေးတက်ပြီး ခေါ်နေကြတဲ့ အနေအထားရှိပါတယ်။

ပဲတီစိမ်းနဲ့ ဆီထွက်သီးနှံ မြေပဲ၊ နှမ်းဖြူနှမ်းနက်တွေ အသင့်အတင့်စီ ဆက်လက်လာနေသလို၊ ရေထွက်ကုန်-၈ဏန်း၊ငါးရှဥ့်၊ ရေခဲရိုက်ငါး၊ငါးဆားနယ်နဲ့ ငါးလေးခြောက်တွေအပြင် အင်္ဂါနေ့က ဆိုရင် အမဲသားက (၁ဝ)တန်ကျော်၊ သီဟိုစေ့က (၁၂)တန်၊ မိချောင်း ကွမ်းဖတ်စေ့က တန်(၃ဝ) ကျော်နဲ့ ပလတ်စတစ် ဖြတ်စ တွေလဲ လာပါတယ်။

မြန်မာပြည်သွားမယ့် တရုတ်စက်ပစ္စည်းတွေ

မြန်မာနိုင်ငံဖက်သွားနေတဲ့ သွင်းကုန်(တရုတ်ကုန်)တွေဖက်ကို ကြည့်မယ်ဆိုရင်လဲ အခုတလော သွင်းကုန်တွေ လျော့ နည်းနေတာတွေ့ရပြီး၊ နှိုင်းယှဉ်ချက်အားဖြင့် သွားနေကျ ဓါတ်မြေသြဇာမျိုးစုံနဲ့ စက်ပစ္စည်းအမျိုးမျိုးတွေပဲ အများဆုံးသွား နေရတယ်လို့ ပြောရပါမယ်။

ရထားလမ်းမှာ သစ်သားဇလီဖားတုံးအစား ကွန်ကရစ်ဇလီဖားတုံးတွေ ပြောင်းလဲ အသုံးပြုနိုင် ဖို့ ကွန်ကရစ်ဇလီဖားတုံးရိုက် သံထည် ‘မို’ပုံစံချောင်းတွေ အမြောက်အများသွားနေတာ ထူးထူး ခြားခြားတွေ့ရပြီး၊ သုံးဘီးဆိုင်ကယ်၊သုံးဘီးကား၊သံချောင်းသံပိုက်လုံးနဲ့ လူသုံးအိမ်သုံး ပစ္စည်းမျိုးစုံတွေလဲ အသင့် အတင့်စီ သွားနေပါတယ်။

တရုတ်-မြန်မာနယ်စပ်မှာ ငွေလဲနှုန်းကတော့ (၇၃၄၅)ပါ။ မြန်မာငွေကျပ် (၁ဝဝဝ)ဟာ တရုတ်ငွေ(၇) ယွမ်နဲ့ (၃၄)ပြားခွဲဖြစ်ပါတယ်။

တရုတ်မြန်မာ နယ်စပ်က ဘီဘီစီ သတင်းထောက် ဦးမျိုးသစ် ပေးပို့တဲ့ သတင်း ဖြစ်ပါတယ်။

ဆီးရီးယား အရေး အဆုံးသတ်ဖွယ် မမြင်လို့ ကလင်တန်ပြော

အလက်ပို အနောက်ပိုင်းကို လက်နက်ကိုင် သူပုန်တွေ သိမ်း

ဆီးရီးယား နိုင်ငံ အလက်ပို မြို့မှာ တိုက်ပွဲတွေ ပြင်းထန်နေဆဲမို့ ဆီးရီးယား အရေး ဟာ အဆုံးသတ်ဖွယ် မမြင်ဘူး လို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် က ပြောပါတယ်။

ဆီးရီးယား လွတ်မြောက်ရေး တပ်ဖွဲ့က အလက်ပို မြို့လယ် ကို ပြန်သိမ်းပိုက် နိုင်အောင်ကြိုးပမ်း နေတဲ့ အတွက် တစတစ နယ်မြေ အတော်များများ ကို သိမ်းပိုက်လာ နိုင်တဲ့ အတိုက်အခံ အင်အားစု တွေ အနေနဲ့ ကြားဖြတ် အစိုးရ ဖွဲ့နိုင်ရေး လည်း အသင့်ပြင်ထား ဖို့ လိုကြောင်း ဟီလာရီ ကလင်တန် က အကြံပြု ပါတယ်။

ဒါပေမယ့် ဆီးရီးယား အရေး လေ့လာ ကျွမ်းကျင်သူ တွေ ဖက်ကတော့ ဆီးရီးယား သမ္မတ အာဆတ် ကို ဖယ်ရှား နိုင်ရုံ နဲ့ နိုင်ငံ ဟာ တည်ငြိမ် အေးချမ်းမယ် လို့ မမြင်ကြ ပါဘူး။

ဆီးရီးယား ကို ထောက်ခံ အားပေးနေတဲ့ အထဲမှာ ရှီးယား ဟဇ်ဘိုလာ အဖွဲ့ ရှိသလို အီရန် နိုင်ငံ လည်းရှိနေပါတယ်။ ဆီးရီးယား သူပုန် အဖွဲ့ဘက် မှာလည်း ဆော်ဝ်ဒီ အာရေဗျ က ငွေအားနဲ့ရော လက်နက်ပါ ထောက်ပံ့နေတာ ဖြစ်လို့ပါပဲ။

ပြီးခဲ့တဲ့ ရက်ပိုင်းက အီရပ်မှာ ဗုံးခွဲ တိုက်ခိုက်မှု တွေ ကို ကြည့်ရင်လည်း ဆွန်နီ လက်နက်ကိုင် တွေ က အီရပ် အစိုးရ အဖွဲ့ထဲမှာ ရှီးယား တွေ အသာစီး ချုပ်ကိုင်မှု ရနေတာ ကို ဆန့်ကျင်တာ ဖြစ်သလို ဒီတိုက်ခိုက်မှု နောက်ကွယ်မှာ ဆီးရီးယား အစိုးရ မပါနိုင်ဘူး လို မဆိုနိုင်ကြောင်း အရှေ့ အလယ်ပိုင်း လေ့လာကျွမ်းကျင်သူ မက်ဒီ အဘ်ဒယ်ဟာဒီ က သုံးသပ်ပြပါတယ်။

ဆီးရီးယား သူပုန်တွေ အလက်ပိုမြို့ကို ထိုးစစ်ဆင်

အလက်ပိုမြို့ အကျဉ်းထောင်တခုမှာ ပုန်ကန်မှု ဖြစ်ပွားခဲ့

ဆီးရီးယား သူပုန်တွေဟာ ဒုတိယ အကြီးဆုံး မြို့ဖြစ်တဲ့ အလက်ပိုမြို့ မြို့ထဲကို သိမ်းပိုက်နိုင်ဖို့ အတွက် တိုက်ခိုက်နေပြီ ဖြစ်တယ်လို့ အဲဒီမှာ ရှိတဲ့ ဒေသခံတွေနဲ့ အစိုးရ ဆန့်ကျင်ရေး တက်ကြွလှုပ်ရှားသူတွေက ပြောပါတယ်။

ကမ္ဘာ့ ယဉ်ကျေးမှု အမွေအနှစ် မြို့ဖြစ်တဲ့ အလက်ပိုမြို့ မြို့အဝင်မှာ အစိုးရ တပ်ဖွဲ့တွေနဲ့ သူပုန်တပ်ဖွဲ့တွေ အကြား တိုက်ခိုက်မှုတွေ ဖြစ်ပွားနေကြပြီ ဖြစ်ပါတယ်။

အခုနောက်ဆုံး သတင်းတွေအရ အလက်ပိုမြို့ မြောက်ဘက် ဆင်ခြေဖုံးက အကျဉ်းထောင်တခုမှာ ဆိုရင် ပုန်ကန်မှု ဖြစ်တာကို သမ္မတ အာဆတ် တပ်ဖွဲ့တွေက နှိမ်နင်း နိုင်ခဲ့တယ်လို့ ဆိုပါတယ်။

ဒီသတင်းနဲ့ ပတ်သက်ပြီး မှန်မမှန် ဆိုတာကိုတော့ လောလောဆယ် လွတ်လပ်တဲ့ အတည်ပြုချက် မရသေးပါ။

အချိုးကျ ကိုယ်စားပြုစနစ် ပါတီဆယ်ခု အကြံပြု

အခု အဆိုပြုချက်ဟာ ပါတီသေးလေးတွေ လွှတ်တော်မှာ ပြေရေးဆိုခွင့် ပိုရှိစေမယ် မျှော်လင့်ကြ

မြန်မာ နိုင်ငံက ရွေးကောက်ပွဲ စနစ်မှာ proportional representation ခေါ်တဲ့ အချိုးကျ ကိုယ်စားပြု စနစ် ကျင့်သုံးရေးနဲ့ ပတ်သက်ပြီး ပါတီ ဆယ်ပါတီက ပြည်ထောင်စု ကော်မရှင်ဆီကို အကြံပြု ထားပါတယ်။

ခုလာမယ့် သောကြာနေ့ ဇူလိုင် ၂၇ ရက်မှာ ဒီကိစ္စ နေပြည်တော်မှာ သွားဆွေးနွေးမယ်လို့ သတင်း ရရှိပါတယ်။

ဒီကိစ္စနဲ့ ပတ်သက်ပြီး အမျိုးသား ဒီမိုကရေစီ အင်အားစု ပါတီ၊ ရှမ်း၊ ချင်းနဲ့ မွန် ပါတီတွေနဲ့ တခြား ပါတီတွေက ကိုယ်စားလှယ်တွေ ကြိုတင် ညှိနှိုင်းခဲ့ပါတယ်။

လက်ရှိ ကျင့်သုံးနေတဲ့ စနစ်က မဲဆန္ဒနယ် တခုမှာ ဝင်ပြိုင်တဲ့ ကိုယ်စားလှယ် လောင်းတွေထဲက မဲအများဆုံး ရသူဟာ အမတ် တန်းဖြစ်ပါတယ်။

ဒါပေမယ့် အနိုင်ရသူ ကိုယ်စားလှယ်နဲ့ အရေးနိမ့်သူ ကိုယ်စားလှယ်တို့ မဲရရှိမှု ကပ်နေတယ်ဆိုရင် ဥပမာ ၅၁ ရာခိုင်နှုန်းနဲ့ ၄၉ ရာခိုင်နှုန်းလို အနေအထားမျိုးနဲ့ အနိုင်ရခဲ့တာဆိုရင် ဒီလွှတ်တော် ကိုယ်စားလှယ်ဟာ မဲဆန္ဒနယ်က လူတဝက် သာသာလေးကိုပဲ ကိုယ်စားပြုတဲ့ အနေအထားမှာပဲ ရှိပါတယ်။

တဘက်မှာ အခု အဆိုပြုထားတဲ့ အချိုးကျ ကိုယ်စားပြု စနစ်အရတော့ တနိုင်ငံလုံး အတိုင်းအတာ ဒါမှမဟုတ် တိုင်းဒေသ တခုလုံး အတိုင်းအတာကို ယူပြီး ဒီတိုင်း ဒေသ တခုလုံးမှာ ဝင်ပြိုင်တဲ့ ကိုယ်စားလှယ် အရေအတွက်နဲ့ ထည့်မဲ စုစုပေါင်း အရေအတွက်တို့ကို အချိုးချပြီး လွှတ်တော်ကို ဘယ်ပါတီက ကိုယ်စားလှယ် ဘယ်နှစ်ယောက် စေလွှတ်ခွင့်ရမလဲ ဆုံးဖြတ်မှာ ဖြစ်ပါတယ်။

ဥပမာ တိုင်းဒေသတခုမှာ ဝင်ပြိုင်တဲ့ ကိုယ်စားလှယ် လေးဆယ် ရှိပြီး ထည့်မဲ လေးသိန်း ရှိတယ်ဆိုရင် ပါတီ တခုဟာ မဲတသောင်း ရတာနဲ့ ကိုယ်စားလှယ် တယောက် လွှတ်တော်ကို စေလွှတ်နိုင်မယ့် အနေအထားကို ရမှာ ဖြစ်ပါတယ်။

ဒီနည်းဟာ လူတွေရဲ့ မဲဆန္ဒကို ပိုပြီး တိတိကျကျ ထင်ဟပ်စေမှာ ဖြစ်တယ်လို့ ခု အစည်းအဝေးတွေမှာ ဝင်ဆွေးနွေးနေတဲ့ ဒီမိုကရက်တစ် ပါတီ (မြန်မာ) က ဉီးသုဝေက ဘီဘီစီကို ပြောပြပါတယ်။

ဒီစနစ်ဟာ ပါတီသေးလေးတွေကို လွှတ်တော်ထဲ ပြောရေးဆိုခွင့် ပိုရှိစေနိုင်မယ်လို့ ယူဆကြပါတယ်။

ဆီးရီးယားသူပုန်များအတွက် အမေရိကန် အကူအညီတိုး

Syria နိုင်ငံမှာ သမ္မတ Bashar al-Assad ကို ဖြုတ်ချဖို့ တိုက်ခိုက်နေကြတဲ့ ဆီးရီးယားသူပုန်တွေကို အမေရိကန် ပြည်ထောင်စုက ပိုပြီးထောက်ပံ့ ကူညီသွားမယ်လို့ နိုင်ငံခြားရေးဝန်ကြီး Hillary Clinton က ပြောကြားသွားပါတယ်။

မစ္စက်ကလင်တန်က အသေးစိတ်တော့ ပြောမသွားပေမယ့် အမေရိကန်ပြည်ထောင်စုဟာ ဆေးဝါးလို၊ ဆက်သွယ်ရေး အထောက်အပံ့လို လက်နက်ခဲယမ်းမဟုတ်တဲ့ အကူအညီတွေ ပေးအပ်နေတယ်လို့ Mrs. Clinton က အင်္ဂါနေ့ကပဲ ပြောသွားပါတယ်။

သမ္မတ Assad အစိုးရအပေါ် ပြင်းပြင်းထန်ထန် အရေးယူနိုင်မယ့် ဆုံးဖြတ်ချက် (၃) ချက်ကို ရုရှားနဲ့ တရုတ် အစိုးရက veto အာဏာသုံးပယ်ချခဲ့တဲ့ ကုလသမဂ္ဂ လုံခြုံရေးကောင်စီ အပြင်ကနေပြီး အမေရိကန်အစိုးရက လုပ်ကိုင်နေတယ်လို့ မစ္စက်ကလင်တန်က ဆိုပါတယ်။

ဆီးရီးယား အတိုက်အခံတွေဟာ နယ်မြေတွေကို ပိုပြီး ထိန်းချုပ်လာနိုင်ပြီး တဖြည်းဖြည်းနဲ့ အဲဒီဒေသတွေမှာ အခြေစိုက်ကာ စစ်ဆင်ရေးတွေ ပိုပြီး လုပ်ဆောင်လာနိုင်မယ်လို့ နိုင်ငံခြားရေး ဝန်ကြီးက ပြောပါတယ်။ ဆီရီယားနိုင်ငံသား အားလုံးရဲ့ အခွင့်အရေးကို အကာအကွယ်ပေးပြီး ဓာတုနဲ့ ဇီဝလက်နက်တွေကို လုံလုံခြုံခြုံ ထိန်းသိမ်းနိုင်မယ့် ကြားဖြတ်အစိုးရတရပ် ဖွဲ့စည်းနိုင်ဖို့ အတိုက်အခံတွေ အဆင်သင့် ဖြစ်နေသင့်တယ်လို့လည်း မစ္စက် ကလင်တန်က ပြောပါတယ်။

အစိုးရတပ်တွေဟာ ဒမတ်စကဒ်မြို့ နေရာအတော်များများကို အင်္ဂါနေ့က ၀င်ရောက်စီနင်း ခဲ့ပြီး နိုင်ငံ့တောင်ပိုင်းက ဟာရက်မြို့ အပါအ၀င် အခြားဒေသတွေကိုလည်း လက်နက်ကြီးတွေနဲ့ ပစ်ခတ် တိုက်ခိုက်ခဲ့တယ်လို့ ဆီးရီယား အတိုက်အခံ လှုပ်ရှားသူတွေက ပြောပါတယ်။ အနည်းဆုံး ကလေး ၆ ဦး သေဆုံးတယ်လို့ သတင်းရရှိပါတယ်။