24.07.2012 နေ့ဖတ်ရန်သတင်းများ

by Myanmar Journal on Monday, July 23, 2012 at 5:01pm ·

အိုးပင်း ဂေါက်ရိုက်ပြိုင်ပွဲ Ernie Els ဗိုလ်စွဲ

သူဟာ US Open ကို ၁၉၉၄ ခုနှစ်နဲ့ ၁၉၉၇ ခုနှစ် တွေမှာ ဗိုလ်စွဲခဲ့ဖူးသူပါ

Royal Lytham & St Annes မှာ ကျင်းပနေတဲ့ အိုးပင်း ချန်ပီယံရှစ် ဂေါက်ရိုက် ပြိုင်ပွဲမှာတော့ တောင်အာဖရိက က Ernie Els အနိုင်ရ ဗိုလ်စွဲသွားပါတယ်။

ပထမပိုင်း တုန်းကတော့ သြစတြေးလျက အက်ဒမ် စကော့တ်က သတ်မှတ်ရိုက်ချက်ထက် ၁၁ ချက် လျှော့ရိုက်ပြီး ဦးဆောင်နေ ခဲ့တာ ဖြစ်ပါတယ်။

သူ့နောက်ကတော့ ဘရန့် စနက်ဒက်ကာ နဲ့ ဂရေဟမ် မက်ဒေါဝဲလ်တို့က သတ်မှတ်ရိုက်ချက်ထက် ၇ ချက်လျှော့နဲ့ ဒုတိယ နေရာမှာ ရှိနေပါတယ်။

တတိယ နေရာမှာတော့ နာမည်ကြီး တိုက်ဂါးဝုဒ်က ၆ ချက်လျော့နဲ့ ရှိနေခဲ့တာ ပါတယ်။

အသက် ၃၂ နှစ် ရှိပြီ ဖြစ်တဲ့ အက်ဒမ် စကော့တ်ဟာ သူ့အတွက် ပထမဆုံး မေဂျာ ချန်ပီယံဆု ရနိုင်ဖို့ အတွက်ကို တနင်္ဂနွေ နေ့က ကြိုးစား ရိုက်ခဲ့ပေမယ့်လည်း ဆုဖလားနဲ့ ဝေးခဲ့ရပါတယ်။

အာရှဘောလုံးအဖွဲ့ချုပ် ဥက္ကဌဟောင်း အမှုကို ပယ်ဖျက်

အာရှဘောလုံး အဖွဲ့ချုပ် ကတော့ သူ့ကို တာဝန်ရှိ သူ တဦး အဖြစ်ကနေ ဆက်လက် ဆိုင်းငံ့ထား

အာရှ ဘောလုံးအဖွဲ့ချုပ်ဥက္ကဌ ဟောင်း မိုမာမတ် ဘင် ဟမ်မန်း ကို လဒ်ထိုးမှုနဲ့ အားကစား လောက ကနေ ရာသက်ပန် တားမြစ်ထားမှုကို အပြည်ပြည်ဆိုင်ရာ အားကစား ခုံသမာဓိ တရားရုံး ကနေ ပယ်ဖျက် ပေးလိုက်ပါတယ်။

မစ္စတာ ဟန်မန်ဟာ FIFA ကမ္ဘာ့ဘောလုံးအဖွဲ့ချုပ် ဥက္ကဌ နေရာ အတွက် ပြီးခဲ့တဲ့ နှစ်က ဝင်ရောက် အရွေးခံဖို့ ကြိုးစားခဲ့တာ ဖြစ်ပါတယ်။

ဒါပေမယ့်လည်း လက်ရှိ FIFA ဥက္ကဌ ဆက်ဘလက်တာကို ယှဉ်ပြိုင်ဖို့ ကြိုးစားရာမှာ သူဟာ FIFA အရာရှိတွေကို လဒ်ထိုးခဲ့တယ် ဆိုပြီး စွပ်စွဲခံခဲ့ရတာ ဖြစ်ပါတယ်။

အခုတော့ အားကစား ခုံသမာဓိရုံးကနေ မစ္စတာ ဘင်ဟမ်မန်းရဲ့ အမှုကိစ္စနဲ့ ပတ်သက်ပြီး ခိုင်လုံတဲ့ သက်သေ အထောက်အထား မရှိဘူး ဆိုပြီး ပလပ်ပေး လိုက်တာ ဖြစ်ပါတယ်။

သို့သော်ငြားလည်း အာရှဘောလုံး အဖွဲ့ချုပ် ကတော့ သူ့ကို စည်းကမ်းနဲ့ မညီညွတ်ဘူး ဆိုပြီး တာဝန်ရှိသူ တဦးအဖြစ်ကနေ ဆက်လက် ဆိုင်းငံ့ထားပါတယ်။

ရုပ်ရှင်ရုံမှာသေနတ်ပစ် ခံရသူတွေဆီ သမ္မတအိုဘားမားသွား

အော်ရိုရာကို ရောက်လာတဲ့ သမ္မတ အိုဘားမား

အမေရိကန် သမ္မတ အိုဘားမားဟာ ကော်လိုရာဒို ပြည်နယ် အော်ရိုရာ မြို့က ရုပ်ရှင်ရုံ မှာ သောကြာနေ့က ဖြစ်ခဲ့တဲ့ လူအများအပြား သေဆုံးခဲ့ရတဲ့ ပစ်ခတ် တိုက်ခိုက်မှုမှာ တွေ့ကြုံ ခံစား ခဲ့ရတဲ့ သူတွေနဲ့ တွေ့ဆုံသွားမှာ ဖြစ်ပါတယ်။

မစ္စတာ အိုဘားမားဟာ မသေဘဲ ဒဏ်ရာရခဲ့ သူတွေနဲ့တွေ့ဆုံ သွားမှာ ဖြစ်သလို သေဆုံးခဲ့ရသူ တွေရဲ့ ကျန်ရစ်တဲ့ မိသားစု တွေနဲ့လည်း တွေ့ဆုံသွားမှာ ဖြစ်ပါတယ်။

အဲဒီမှာ သေနတ်သမား တဉီးရဲ့ ပစ်ခတ် တိုက်ခိုက်မှုကြောင့် လူ ၁၂ ဉီး သေဆုံးခဲ့ရပြီး ကျန်ဒဏ်ရာရသူ ၉ ဉီး ကိုတော့ ဆေးရုံတင်ထား ရပြီး စိုးရိမ်ရတဲ့ အခြေအနေမှာ ရှိနေပါတယ်။

နယူးယော့ခ် မြို့တော်ဝန် ဖြစ်တဲ့ မိုက်ကယ်လ် ဘလူမ်းဘတ်ဂ် ကတော့ သမ္မတ အိုဘားမားကိုရော သူနဲ့ အပြိုင် သမ္မတ အရွေးခံတော့မယ့် မစ်ရွန်မနီကိုရော သေနတ်လက်နက် တွေနဲ့ ပတ်သက်လို့ ထိန်းချုပ်နိုင်ဖို့ အတွက် လုပ်ကြဖို့ကို တိုက်တွန်းလိုက်ပါတယ်။

ဓာတုလက်နက် သုံးမှာ မဟုတ်ကြောင်း ဆီးရီးယားပြော

တိုင်းတပါးက လာရောက် တိုက်ခိုက်မှသာ ဓာတု လက်နက် ထုတ်သုံးနိုင်မှာ ဖြစ်တယ်လို့ ဆီးရီးယားပြော

ဆီးရီးယားအစိုးရအနေနဲ့ ဘယ်လို အခြေအနေ မျိုးမှာပဲ ဖြစ်ဖြစ် သူ့ ပြည်သူတွေအ ပေါ် ဓာတု လက်နက်တွေသုံးပြီး တိုက်ခိုက်မှာ မဟုတ်ဘူး လို့ ဆီးရီးယား နိုင်ငံခြားရေး ဝန်ကြီး ဂျီဟတ် မက်ဒစ်ဆီက ပြေကြားလိုက်ပါတယ်။

ဒမားစကပ်စ်မြို့မှာ ပြုလုပ်တဲ့ သတင်းစာ ရှင်းလင်းပွဲမှာ မစ္စတာ မက်ဒစ်ဆီက ဆီးရီးယားရဲ့ ဓာတုလက်နက် အများအပြားကို လုံခြုံ စိတ်ချရတဲ့ နေရာမှာ သိမ်းဆည်း ထားတာ ဖြစ်ပြီး တိုင်းတပါး ကနေ လာရောက် တိုက်ခိုက်မှသာ ဒီလက်နက်တွေကို ထုတ်သုံးနိုင်မှာ ဖြစ်တယ်လို့ ပြောကြားပါတယ်။

တိုက်ခိုက်မှု တွေမှာ သူပုန်တွေ ဘက်က အနိုင်ရပြီး၊ အရှိန်ရ လာတဲ့ အချိန်မှာ အစိုးရ အနေနဲ့ ဒီဓာတု လက်နက်တွေကို ထုတ်သုံးနိုင်တယ် ဆိုပြီး နိုင်ငံတကာ ကနေ စိုးရိမ်နေကြတာ ဖြစ်ပါတယ်။

မစ္စတာ အာဆတ်ကတော့ ဒမားစကပ်စ်နဲ့ အလက်ပိုမြို့တွေမှာ ရှိတဲ့ သူပုန်တွေကို အစွမ်းကုန် ကြိုးစား တိုက်ထုတ်ဖို့ သူ့တပ်ဖွဲ့တွေကို အမိန့်ပေး လိုက်တဲ့ အတွက် တိုက်ခိုက်မှုတွေဟာ ပြင်းထန် လာနေပါတယ်။

အာရပ်နိုင်ငံများ အဖွဲ့ချုပ်ရဲ့ နိုင်ငံခြားရေး ဝန်ကြီးတွေကတော့ ဆီးရီးယား သမ္မတ အာဆတ်အနေနဲ့ အလျင်အမြန် ရာထူးက ဆင်းပေးဖို့ တောင်းဆိုလိုက်ပြီး၊ မစ္စတာ အာဆတ်နဲ့ မိသားစု တို့ အန္တရာယ်ကင်းစွာ တိုင်းပြည် ကနေ ထွက်ခွာလို့ ရအောင် လုပ်ဆောင်ပေးမယ် လို့လည်း နိုင်ငံခြားရေး ဝန်ကြီးတွေက ကမ်းလှမ်း လိုက်ပါ တယ်။

အလုပ်သမား ဆန္ဒပြမှု ပိုများလာ

မန္တလေးတိုင်း ပြည်ကြီးတံခွန် မြို့နယ် စက်မှုဇုံ ၁ မှာ ရှိတဲ့ ဗီဗီ အချိုရည်စက်ရုံ က အလုပ်သမား တွေဟာ လုပ်ခ လစာ တိုးမြင့်ရေး နဲ့ အလုပ်ခွင် စည်းကမ်း တချို့ ပြင်ဆင်ပေးဖို့ တောင်းဆိုချက် ၁၄ ချက် နဲ့ အတူ တောင်းဆို ဆန္ဒ ပြကြ ပါတယ်။

ဗီဗီ အချိုရည်စက်ရုံ က အလုပ်သမား ၂၀၀ ကျော်ဟာ အခြေခံလစာ တိုးမြင့်ရေး၊ အစိုးရ ရုံးပိတ်ရက်တိုင်း စက်ရုံ ပိတ်ပေးရေး၊ တနေ့ အလုပ်ချိန် ၈ နာရီ ထက်ပိုရင် အချိန်ပိုလုပ်ခ ပေးဖို့နဲ့ လူမှုဖူလုံရေး အခကြေးငွေ ကို အလုပ်ရှင် က ကျခံရေး စတာတွေ ပါဝင်ပါတယ်။

ဒါကို အလုပ်ရှင် တရုတ်အမျိုးသား ပိုင်ရှင် က တောင်းဆိုချက် အားလုံး ကို လိုက်လျောပေးလိုက်ပါပြီ။ အခုလို အလုပ်သမား ဆန္ဒပြမှု တွေ မန္တလေး စက်မှုဇုံဘက် မှာပေါ်ပေါက်ခဲ့တာ ပြီးခဲ့တဲ့ မေလ ကုန်ပိုင်းကတည်းက ဆိုရင် စက်ရုံ ခြောက်ခု လောက်မှာ ဖြစ်ပွားခဲ့ပါတယ်။ သူတို့ ရဲ့ တောင်းဆိုချက် အားလုံးနီးပါး ရခဲ့တယ်လို့ အလုပ်သမား ခေါင်းဆောင်တဉီး က ဘီဘီစီ ကို ပြောပါတယ်။

အခုလို အလုပ်ရှင် နဲ့ အလုပ်သမားတွေ ကြားမှာ မကြာခဏ ဆန္ဒပြ တောင်းဆိုမှု တွေ ပေါ်ပေါက်ရခြင်း နဲ့ ပတ်သက်ပြီး မန္တလေး က အလုပ်သမားရေး ကူညီဆောင်ရွက် ပေးနေတဲ့ ကိုသိန်းအောင်မြင့် က အလုပ်ရှင် နဲ့ အလုပ်သမားကြား မှာ အသွားအပြန် အကျိုးခံစားမှု မမျှမတ ဖြစ်နေတဲ့ အတွက် ကနေ့ ကုန်ဈေးနှုန်း ကြောင့် မိသားစု စားဝတ်နေရေး၊ သားသမီး ပညာရေး၊ ကျန်းမာရေး စရိတ် စတာတွေမှာ အခက်အခဲ ရှိနေပုံ၊ အလုပ်သမား ရပိုင်ခွင့် တွေ ကို အလုပ်ရှင်တွေ ဘက်က လျှစ်လျူရှု ရာက ဆန္ဒ ပြမှုတွေ တိုးပွားလာရကြောင်း ဘီဘီစီ ကို ပြောပြပါတယ်။

ရန်ကုန် စက်မှုဇုံမှာ လည်း ဒီနှစ်ဆန်းပိုင်းက စပြီး စက်ရုံ ၂ဝ မှာ ဆန္ဒ ပြမှုတွေ ဖြစ်ခဲ့ပေမယ့် အများစု က တောင်းဆိုချက်ရခဲ့ပေမယ့် တချို့ ဆိုရင် အလုပ်ထုတ်ခံ ထိတာတွေ ရှိခဲ့ပါတယ်။

PNLO ပအို့အဖွဲ့ အစိုးရနဲ့ ရန်ကုန်မှာ ဆွေးနွေးမယ်

PNLO အဖွဲ့ဟာ မီးရထားဝန်ကြီး ဦးအောင်မင်း နဲ့ ပြီးခဲ့တဲ့လက ဘန်ကောက်မှာ အလွတ်သဘော တွေ့ဆုံခဲ့

တိုင်းရင်းသား လက်နက်ကိုင်အဖွဲ့ တစ်ဖွဲ့ဖြစ်တဲ့ ပအို့အမျိုးသား လွတ်မြောက်ရေး အဖွဲ့ချူပ် PNLO ဟာ အစိုးရနဲ့ ငြိမ်းချမ်းရေး ဆွေးနွေးဖို့ အတွက် ရှမ်းပြည်နယ် တောင်ပိုင်း တောင်ကြီး မြို့ကို တနင်္ဂနွေနေ့တုန်းက ရောက်နေကြပြီး တော့ ရန်ကုန် အထိပါ သွားရောက်ဖို့ အစီအစဉ် ရှိတယ်လို့ သိရပါတယ်။

တနင်္လာနေ့မှာတော့ သူတို့အဖွဲ့ဟာ တောင်ကြီးမြို့မှာ ရှိတဲ့ ပအိုဝ်း အမျိုးသား အဖွဲ့ချုပ် (PNO) ရဲ့ နာယကကြီး ဦးအောင်ခမ်းထီနဲ့ တခြား ပအို့နိုင်ငံရေး ခေါင်းဆောင်တွေကို တွေ့ဆုံ ဂါရဝပြုပြီး အမျိုးသားရေး အတွက် အနာဂတ်မှာ တနည်းနည်းနဲ့ လက်တွဲ ပူးပေါင်းဖို့ ပြောဆို ဆွေးနွေးခဲ့သ လို သူတို့ဆီက အတွေ့အကြုံတွေ အကြံညဏ်တွေကိုလည်း တောင်းဆို ခဲ့တယ်။

နောက်ပြီးတော့ ပအို့ ကိုယ်ပိုင်အုပ်ချူပ်ခွင့် ဒေသမှာ ရှိတဲ့ ဟိုပုန်းမြို့နယ်က ပရဟိ ကျောင်းကို သွားရောက် လေ့လာခဲ့တယ်လို့ PNLO အတွင်းရေးမှူးလည်းဖြစ် PNLO ငြိမ်းချမ်းရေး ဖော်ဆောင်ရေး အဖွဲ့ရဲ့ ဦးဆောင်သူလည်း ဖြစ်တဲ့ ခွန်မြင့်ထွန်းက ပြောပါတယ်။

ခွန်မြင့်ထွန်း ဆက်ပြီး ပြောတာကတော့ ဒီခရီး စဉ်ဟာ ငြိမ်းချမ်းရေး ဆွေးနွေးဖို့ မဟုတ်ပဲ လေ့လာရေး သက်သက်သာဖြစ်တယ်လို့ ပြောပါတယ်။ ဒါပေမယ့် မဲဆောက်မှာ အခြေစိုက်နေတဲ့ PNLO ဥက္ကဌ ခွန်ဥက္ကာ ကတော့ ဒါဟာ ပြည်နယ် အဆင့် ငြိမ်းချမ်းရေး ဆွေးနွေးပွဲအ တွက် ပဏာမ သွားတာဖြစ်တယ်လို့ ပြောပါ တယ်။

PNLO အဖွဲ့ဟာ ပြီးခဲ့တဲ့လ တုန်းက မီးရထားဝန်ကြီး ဦးအောင်မင်းနဲ့ ထိုင်းနိုင်ငံ ဘန်ကောက်မှာ အလွတ်သဘော အနေနဲ့ PNLO တပ်ဖွဲ့ဝင်တွေ အခြေချ နေထိုင် နိုင်ဖို့ ကိစ္စတွေ၊ အပစ်ခတ် ရပ်စဲရေးကိစ္စတွေ စတဲ့ အချက် ၆ ချက်ပါ တောင်းဆိုချက်နဲ့ ပက်သက်ပြီး တွေ့ဆုံ ဆွေးနွေး တာတွေ ပြုလုပ်ပြီးသား ဖြစ်ပါတယ်။

သခင်ကိုယ်တော်မှိုင်း အထိမ်းအမှတ် ပွဲကျင်းပ

ဆရာကြီး သခင်ကိုယ်တော်မှိုင်းရဲ့ ဆန္ဒ

စာပေအနုပညာရှင်၊ သတင်းစာပညာရှင်နဲ့ နိုင်ငံရေး ခေါင်းဆောင် ဆရာကြီး သခင်ကိုယ်တော်မှိုင်း ကွယ်လွန်တဲ့ ၄၈ နှစ်ပြည့် အခမ်းအနားကို ရန်ကုန်မြို့ တော်ဝင်နှင်းဆီ ခမ်းမမှာ တနင်္လာနေ့က ကျင်းပခဲ့ပါတယ်။

တော်ဝင် နှင်းဆီခန်းမ မှာ ကျင်းပသမျှ ပွဲတွေထဲမှာ အစည်ကားဆုံး ဖြစ်ပြီး ခန်းမ အပြင်ဘက်ကို လူတွေလျှံထွက် နေခဲ့တယ်လို့ ဆိုပါတယ်။

စာရေး ဆရာ၊ နိုင်ငံရေး သမား၊ ခေတ်အ ဆက်ဆက်က ကျောင်းသား ခေါင်းဆောင်တွေ တက်ရောက်ခဲ့ ကြပါတယ်။

သခင်ကိုယ်တော်မှိုင်း အခမ်းအနား ကျင်းပရခြင်း ရည်ရွယ်ချက်က ဆရာကြီးရဲ့ ဆောင်ရွက်ချက်တွေကို လူငယ် မျိုးဆက် တွေ နားလည်ကြ စေချင်လို့ ဖြစ်တယ်လို့ အခမ်းအနား ဖြစ်မြောက်ရေး အဖွဲ့ရဲ့ ပြန်ကြားရေး တာဝန်ခံ ဒီဇိုင်း ထွန်းဝင်းငြိမ်းက ပြောပါတယ်။

ဆရာကြီး သခင်ကိုယ်တော်မှိုင်းဟာ နယ်ချဲ့ခေတ် တလျှောက်လုံးမှာ နိုင်ငံရေး ဆောင်ရွက်ခဲ့သူ ခေါင်းဆောင်ကြီး တယောက် ဖြစ်သလို၊ လွတ်လပ်ပြီး နောက်ပိုင်းမှာ ပြည်တွင်း ငြိမ်းချမ်းရေး အတွက် ဆောင်ရွက်ခဲ့သူ လည်း ဖြစ်ပေမဲ့ စစ်အစိုးရ ခေတ်တလျှောက်လုံးမှာ သူ့ဓါတ်ပုံကို မဂ္ဂဇင်း မျက်နှာဖုံး ဖော်ပြတာကို တောင် စာပေ စိစစ်ရေးက တားမြစ်ခဲ့တာ မျိုး ရှိပါတယ်။ ဒီလို ပိတ်ပင် ကန့်သတ်မှုတွေကြောင့် ဆရာကြီးရဲ့ ဆောင်ရွက်ချက်တွေ ကို လူငယ်တွေ အသိနည်းလာကြတယ်လို့လည်း ဒီဇိုင်း ထွန်းဝင်ငြိမ်းက ပြောပါတယ်။

ဒီနေ့ အခမ်းအနား ကျင်းပရာမှာ တော်ဝင်နှင်းဆီခန်းမက အခမ်းအနားနဲ့ ပတ်သက်ပြီး အာဏာပိုင်တွေဘက်က နှောင့်ယှက်မှုတွေ မရှိခဲ့ဘူးလို့လည်း ဆိုပါတယ်။

ဆရာကြီး သခင်ကိုယ်တော်မှိုင်းရဲ့ ဂူဗိမာန် ရှိရာ ရွှေတိဂုံတောင်ဘက် မုခ် အနီးက ငြိမ်းချမ်းရေး ဗိမာန်မှာတော့ ရဲနဲ့ လုံခြုံရေး အစောင့်အကြပ်တွေ ကားနဲ့ ရောက်ရှိနေခဲ့ပါတယ်။ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် ဗကသများ အဖွဲ့ချုပ်ဝင် ကျောင်းသားတွေက ဆရာကြီးရဲ့ ဂူကို လာရောက် ဂါဝရပြု ကန်တော့တဲ့အခါမှာတော့ ၊ ကန်တော့သူတွေကို လုံခြုံရေး မှတ်တမ်းတင် ဓါတ်ပုံ ရိုက်ယူတယ်လို့ ဆိုပါတယ်။

အီရတ်က ဗုံးခွဲမှုတွေကြောင့် လူတရာနီးပါး သေဆုံး

တိုက်ခိုက်မှုတွေကြောင့် ပျက်စီးသွားတဲ့ ယာဉ်တစီး

အီရတ်နိုင်ငံ ဘဂ္ဂဒက်မြို့နဲ့ နိုင်ငံမြောက်ပိုင်းဒေသတွေမှာ အတွဲလိုက် ဗုံးခွဲတိုက်ခိုက်မှုတွေ ဖြစ်ပွားခဲ့လို့ လူပေါင်း ၉၀ ကျော် သေဆုံးပြီး ၂၀၀ နီးပါး ဒဏ်ရာရခဲ့ပါတယ်။ တိုက်ခိုက်မှုတွေက အီရတ် လုံခြုံရေး အစောင့်တွေကို အဓိက ပစ်မှတ်ထားခဲ့တာလို့လည်း သိရပါတယ်။

စစ်ဆေးရေးဂိတ်တွေကို ကားဗုံးခွဲမှုတွေရှိသလို၊ စစ်အခြေစိုက် စခန်းတွေကိုလည်း မော်တာတွေနဲ့ ပစ်ခတ်မှုတွေ ရှိတယ်လို့ ဘဂ္ဂဒက်က ဘီဘီစီ သတင်းထောက်က သတင်းပေးပို့ပါတယ်။ ရဲတယောက်ဆိုရင် သူအိမ်မှာ ရှိနေတုန်း တိုက်ခိုက်ခံရတယ်လို့ ဆိုပါတယ်။

ဒီအတွဲလိုက် ဗုံးခွဲမှုမှာ အသေအကြေ အများဆုံးကတော့ ဘဂ္ဂဒက်မြို့နဲ့ ၁၂ မိုင်လောက်ပဲဝေးတဲ့ တာဂျီမြို့ပဲ ဖြစ်ပါတယ်။ အဲဒီမြို့က ဆူနီ မွတ်စလင်တွေ အများဆုံးနေတဲ့ မြို့ဖြစ်ပြီး အရပ်သား ၂၄ ဦးသေဆုံးခဲ့ပါတယ်။

နောက်တခြား အီရတ်မြို့ကြီးငယ်ပေါင်း ၁၃ ခုလောက်မှာ အတွဲလိုက် တိုက်ခိုက်မှု တွေ ဖြစ်ခဲ့ပါတယ်။ မြို့တော် ဘဂ္ဂဒက်ရဲ့ ရှီယား ရပ်ကွက်မှာဆိုရင် အစိုးရရုံးကို ဦးတည်တိုက်ခိုက်တဲ့ ကားဗုံးခွဲမှုကြောင့် အနည်းဆုံး လူ ၁၂ ဦးလောက် သေဆုံးခဲ့ပါတယ်။

ဒီတိုက်ခိုက်မှုကို ဘယ်သူတွေက လုပ်ဆောင်ခဲ့တယ်ဆိုတာတော့ အခုချိန်မှာ မသိရှိရသေးပေမယ့် အေပီ သတင်းအရ အီရတ်မှာရှိတဲ့ အယ်လ်ကိုင်ဒါ ခေါင်းဆောင် အဘူဘက်ကာ အယ်လ် ဘာကာဒါဒီလို့ ယူဆလို့ရတဲ့ သူက တိုက်ခိုက်မှု အသစ်တွေ လုပ်ဆောင်သွားမယ်လို့ စစ်သွေးကြွတွေရဲ့ အင်တာနက်စာမျက်နှာမှာ အသံဖိုင်နဲ့ ပြောဆိုပြီးတဲ့ နောက်ပိုင်း မကြာမီမှာပဲ အခုလို အတွဲလိုက် ဗုံးခွဲတိုက်ခိုက်မှုတွေ ဖြစ်ပွားခဲ့တာပါ။

အီရတ်မှာ စစ်သွေးကြွတွေရဲ့ တိုက်ခိုက်မှုဟာ ၂၀၀၆ နဲ့ ၂၀၀၇ ခုနှစ်မှာ လျှော့နည်းခဲ့ပေမယ့် အခုလပိုင်းတွေမှာတော့ ဘာသာရေး ဂိုဏ်းကွဲတွေကြား မကြာခဏဆိုသလိုပဲ အပြန်အလှန် တိုက်ခိုက်မှုတွေရှိနေပါတယ်။

အီရတ်ကနေ အမေရိကန်တပ်တွေ ဆုတ်ခွာပြီးနောက်ပိုင်း ပြီးခဲ့တဲ့ ဇွန်လတုန်းကလည်း အခုလိုပဲ အတွဲလိုက် ဗုံးခွဲတိုက်ခိုက်မှုကြောင့် လူပေါင်း ၂၄၀ နီးပါး သေဆုံးခဲ့ပါတယ်။

မြန်မာနဲ့ထိုင်း စီးပွားရေး ပူပေါင်းဆောင်ရွက်ဖို့ သဘောတူ

၂ နာရီကြာ ဆွေးနွေးပြီး နှစ်နိုင်ငံ သေဘာတူ စာချုပ် ၃ ခုကို လက်မှတ် ရေးထိုး နိုင်ခဲ့ပါတယ်

ထိုင်းနိုင်ငံကို ၃ ရက်ကြာ အလည်အပတ် ရောက်ရှိနေတဲ့ မြန်မာ သမ္မတ ဦးသိန်းစိန်နဲ့ ထိုင်းဝန်ကြီးချုပ် ယင့်လတ်ခ် ရှင်နဝပ်တို့ ဒီကနေ့ မနက်ပိုင်းက တွေ့ဆုံ ဆွေးနွေးခဲ့ ပါတယ်။

ခေါင်းဆောင်နှစ်ဦး ၂ နာရီကြာ ဆွေးနွေးခဲ့ အပြီး နှစ်နိုင်ငံ သဘောတူ စာချုပ် ၃ ခုကို လက်မှတ်ရေးထိုး နိုင်ခဲ့ပါတယ်။

ထားဝယ် ရေနက်ဆိပ်ကမ်းနဲ့ စက်မှုဇုန် ဖွံ့ဖြိုးရေး အတွက် နှစ်နိုင်ငံ ပူးပေါင်း ဆောင်ရွက်ရေး၊ နောက် စွမ်းအင် ဆိုင်ရာ ပူးပေါင်း ဆောင်ရွက်ရေး ဆွေးနွေးမှုတွေ ပြုလုပ်ရေး အပါအဝင် ထိုင်းနိုင်ငံ ကနေ အကူအညီ ပေးမယ့် တခြားလုပ်ငန်းတွေ အတွက် နားလည်မှု စာချွန်လွှာတွေမှာ လက်မှတ် ရေးထိုးခဲ့ကြတာ ဖြစ်ပါတယ်။

ထားဝယ်ရေနက် ဆိပ်ကမ်း ပူးတွဲ ဆောင်ရွက်ရေး အတွက် ဝန်ကြီးအဆင့် ပူးတွဲ ကော်မတီ ဖွဲ့ပြီး သြဂုတ်လမှာ စတင် ဆွေးနွေးဖို့ ရှိတယ်လို့လည်း ဝန်ကြီးချုပ် ယင့်လတ်က ပြောပါတယ်။

နယ်စပ်ဒေသ စီးပွားရေး ဖွံ့ဖြိုးရေး အတွက် တရားဝင် နယ်စပ်ဂိတ် ဖွင့်ဖို့ ကိုလည်း ခေါင်းဆောင်နှစ်ဦး ဆွေးနွေး သဘောတူခဲ့ကြပါတယ်။

ချင်းမိုင်ခရိုင် ခယူပါဝေါ့ နယ်စပ်ဂိတ်၊ မဲဟောင်ဆောင်ခရိုင် ဝေ့တွန့်နွန့် နယ်စပ်ဂိတ်၊ ကန်ချနာ့ဘူရီခရိုင် ဘန့်နမ့်ဖုရောန့် နယ်စပ်ဂိတ်တို့ ဖြစ်ကြပြီး ရတ်ချဘူရီခရိုင် တကိုးဘွန်း နယ်စပ်မှာ လည်း ယာယီ နယ်စပ်ဂိတ် ဖွင့်ဖို့ ထိုင်းဘက်က ပြင်ဆင် နေတယ်လို့ ထိုင်းဝန်ကြီးချုပ်က ပြောပါတယ်။

မြန်မာနိုင်ငံက ဆန်စပါး ဖွံ့ဖြိုးတိုးတက်ရေးကို ထိုင်းဘက်က ကူညီ ဆောင်ရွက် ဖို့ရှိတဲ့ အကြောင်းနဲ့ ထိုင်းနိုင်ငံမှာ အလုပ်လုပ် နေတဲ့ မြန်မာ အလုပ်သမားတွေကို ထိုင်းနိုင်ငံ ဥပဒေ အတိုင်း အခွင့်အရေးတွေ ရရှိအောင် စောင့်ရှောက်မယ်လို့ ဝန်ကြီးချုပ် ယင့်လတ်ခ်က သမ္မတဦးသိန်းစိန်ကို ကတိပေးခဲ့ပါတယ်။

မနက်ဖြန်မှာတော့ သမ္မတဦးသိန်းစိန်ဟာ မြန်မာနိုင်ငံကို ပြန်လည် ရောက်ရှိမှာ ဖြစ်ပါတယ်။

တရုတ်နိုင်ငံ စီးပွားရေး ရှေ့အလားအလာ

ကမ္ဘာတ၀ှမ်း စီးပွားရေး အကျပ်အတည်းတွေ ကြုံနေရချိန်မှာပဲ အာရှဒေသမှာတော့ တရုတ်နိုင်ငံက ဦးဆောင်ပြီး စီးပွားရေး အလားအလာတွေ ကောင်းနေပါတယ်။ ဒါပေမဲ့လည်း ဘဏ္ဍာရေး အကျပ်အတည်းတွေ ကြုံနေရတဲ့ ဥရောပနဲ့ စီးပွားရေး နာလန်ထူမှုတွေ နှေးကွေးနေတဲ့ အမေရိကန် ပြည်ထောင်စုတို့မှာ စီးပွားရေး ကျဆင်းမှုတွေရဲ့ ရိုက်ခတ်မှုတွေနဲ့အတူ တရုတ်နိုင်ငံမှာလည်း အရင်ထက် ဖွံ့ဖြိုးမှုတွေ အားနည်း လာနေတာပါ။ တရုတ်နိုင်ငံရဲ့ စီးပွားရေး အလားအလာနဲ့ အန္တာရာယ်တွေ ကိုတော့ ဒီသီတင်းပတ်ရဲ့ စီးပွားရေး ကဏ္ဍမှာ ကိုအောင်လွင်ဦး ကတင်ပြထားပါတယ်။

တရုတ်နိုင်ငံ စီးပွားရေးမှာ အားနည်းလာနေတဲ့ အခြေအနေတွေကြောင့် စိုးရိမ်မကင်း သံတွေနဲ့အတူ စိမ်ခေါ်မှုတွေကို ကျော်လွှားနိုင်မယ့် နည်းလမ်းတွေ ရှာဖွေဖို့ မူဝါဒသစ်တွေ ချမှတ်ရေး ၀န်ကြီးချုပ် ၀မ်ကျားဘောင် (Wen Jiabao) ကိုယ်တိုင် မကြာသေးခင်ကပဲ တိုက်တွန်းထားပါတယ်။ တရုတ်နိုင်ငံရဲ့ စီးပွားရေး ဖွံ့ဖြိုးမှု လျော့ကျလာမယ်လို့ ခန့်မှန်းနေချိန်မှာပဲ ၀န်ကြီးချုပ်ရဲ့ သတိပေးစကား ထွက်ပေါ်လာတာပါ။ မျှော်လင့်နေကြတဲ့အတိုင်း ဘဏ္ဍာရေး ဒုတိယ ၃ လပတ် ကာလမှာလည်း ကိန်းဂဏန်းတွေ ကျဆင်းလာတာကို တွေ့ကြရပါတယ်။“ဒီနှစ်ရဲ့ ပထမနှစ်ဝက်အတွင်း စီးပွားရေး ဖွံ့ဖြိုးမှုဟာ ၇.၈ ရာခိုင်နှုန်းသာ ရှိခဲ့သလို၊ တိုးတက်မှုနှုန်းဟာ ဘဏ္ဍာရေး ၃ လပတ်မှာ ၈.၁ ရာခိုင်နှုန်း ရှိနေရာက ဒုတိယပတ်မှာတော့ ၇.၆ ရာခိုင်နှုန်းအထိ ကျဆင်းသွားတဲ့အကြောင်း” အမျိုးသား စာရင်းအင်းဗျူရို ပြောခွင့်ရသူ ရှန် လိုင်ယွန်း (Sheng Laiyun) က တရုတ်ဘာသာနဲ့ ပြောသွားတာ ဖြစ်ပါတယ်။

တရုတ်အစိုးရရဲ့ နောက်ဆုံး ထုတ်ပြန်လိုက်တဲ့ ကိန်းဂဏန်းတွေအရ၊ စီးပွားရေးဟာ ၂၀၀၈ ခုနှစ်တုန်းက ကမ္ဘာတ၀ှမ်း ဘဏ္ဍာရေး အကျပ်အတည်းတွေ ကြုံခဲ့ရစဉ်ကစလို့ အနိမ့်ဆုံးကို ကျဆင်းသွားခဲ့ပေမဲ့လည်း နှစ်စဉ်ဖွံ့ဖြိုးမှု ပမာဏ အနေနဲ့ ၇.၅ ရာခိုင်နှုန်း ရှိမယ်လို့ ရည်မှန်းထားတာ ထက်တော့ မြင့်မားနေဆဲ ဖြစ်ပါတယ်။ ဒီအတွက်လည်း အမျိုးသား စာရင်းအင်းဗျူရို ပြောခွင့်ရသူက တရုတ်နိုင်ငံရဲ့ စီးပွားရေး ဖွံ့ဖြိုးမှုဟာ ၃ နှစ်အတွင်း ပထမဆုံးအကြိမ် ၈ ရာခိုင်နှုန်းအောက် ကျဆင်း သွားခဲ့တာကို အသိအမှတ်ပြု ပြောဆိုသွားခဲ့ပေမဲ့ အခြေအနေတွေဟာ ထင်သလောက်တော့ မဆိုးလှဘူးလို့ ပြောဆိုခဲ့တာပါ။ တရုတ်လူမှုသိပ္ပံ အကယ်ဒမီက ကုန်သွယ်ရေး ဆိုင်ရာ ကျွမ်းကျင်သူ ဆုံဟောင် (Song Hong) ကတော့ တရုတ်ဝန်ကြီးချုပ် ရင်ဆိုင်နေရတဲ့ ဖိအားတွေဟာ ကုန်သွယ်ရေးမှာ ကျဆင်းလာနေတဲ့ ကိန်းဂဏန်းတွေကြောင့် ဖြစ်ရတာလို့ ပြောပါတယ်။

ဒါဟာလည်း ဥရောပက ကြွေးမြီပြဿနာ၊ ၂၀၁၁ ခုနှစ် ဂျပန်ငလျင်ရဲ့ နောက်ဆက်တွဲ ပြဿနာတွေကြောင့် ဖြစ်ရတာလို့ ဆိုပါတယ်။  တချိန်တည်းမှာပဲ ပြည်တွင်း ၀ယ်လိုအားတွေ ဆက်လက် ကြီးထွားလာရာက တိုင်းပြည် စီးပွားရေး တခုလုံးမှာ တိုးတက်နိုင်တယ်လို့ ယူဆကြောင်း ပြောဆိုသွားပါတယ်။“လူတွေအနေနဲ့ ကိန်းဂဏန်းတွေ အပေါ်မှာပဲ အာရုံစိုက်နေဖို့ မသင့်ကြပဲ ပြည်တွင်း ပြည်ပက အတိအကျ မပြောနိုင်တဲ့ ရိုက်ခတ်မှုတွေကိုပါ ထည့်သွင်း စဉ်းစားဖို့ လိုလိမ့်မယ်၊ ဒီလိုရှုဒေါင့်က ကြည့်မယ် ဆိုရင်တော့ တရုတ်နိုင်ငံရဲ့ စီးပွားရေးဟာ မှန်မှန် တိုးတက်နေအောင် ထိန်းထားနိုင်တယ်”လို့ ပြောသွားတာ ဖြစ်ပါတယ်။

ရေနံနဲ့ မော်တော်ကားတွေ ၀ယ်ယူမှုတွေမှာ အလျှင်အမြန် ကြီးထွားနေဆဲ ဖြစ်သလို၊ တရုတ် စားသုံးသူတွေရဲ့ ၀ယ်လိုအားဟာ ဆိုရင်လည်း အားကောင်းနေဆဲဖြစ်ပြီး၊ ပြည်ပပို့ကုန်တွေ တိုးမြှင့်ဖို့ အစီအစဉ်တွေမှာ ဆိုရင်လည်း တခြားအစိုးရတွေထက် တရုတ်နိုင်ငံက ပိုပြီးကောင်းမွန်အောင် လုပ်နိုင်တယ်လို့လည်း ပြောဆိုသွားတာပါ။

နိုင်ငံတကာ ဘဏ္ဍာရေး လုပ်ငန်းကြီး တခုဖြစ်တဲ့ Standard Chartered ဘဏ်က ကျွမ်းကျင်သူ စတီဖင် ဂရင်း (Stephen Green) ကတော့ စီးပွားရေး ကျဆင်းမှုတွေ သိသိသာသာ မကြုံရလေအောင် တရုတ်အစိုးရက ရေတိုစီမံကိန်းတွေနဲ့ ကြိုးပမ်းနေတာ တွေ့ရတယ်လို့ ပြောပါတယ်။“အတိုးနှုန်းတွေ လျှော့ချတာ၊ အခြေခံ အဆောက်အအုံ လုပ်ငန်းတွေမှာ ငွေကြေး ပိုမိုစိုက်ထုတ် သုံးစွဲတာလို အစီအစဉ်တွေက စီးပွားရေး တည်ငြိမ်အောင် အထောက်အကူ ဖြစ်လာနိုင်ပါတယ်။ သြဂုတ်၊ စက်တင်ဘာလ တ၀ိုက်လောက် ကျရင်တော့ စီးပွားရေး တည်ငြိမ်လာပြီး၊ တိုးတက်မှုတွေ အရှိန်ရလာတဲ့ လက္ခဏာတွေကို ရှင်းရှင်းလင်းလင်း တွေ့လာရလိမ့်မယ်လို့ ယူဆပါတယ်။”

တရုတ်နိုင်ငံ စီးပွားရေး အားပျော့လာနေပေမဲ့ အကျနာလောက်တဲ့အထိ မဖြစ်နိုင်ဘူးလို့ ခန့်မှန်းနေကြတဲ့ အထဲမှာတော့ စီးပွားရေး လုပ်ငန်းတွေအတွက် အကြွေးယူနိုင်တဲ့ အဆင့်အတန်းကို အကဲဖြတ် သတ်မှတ်နေတဲ့ Fitch Ratings လည်း ပါဝင်ပါတယ်။ တရုတ်အစိုးရရဲ့ တရားဝင် ကိန်းဂဏန်းတွေအရ စီးပွားရေးဟာ ၃ နှစ်အတွင်း အနိမ့်ဆုံး အဆင့်ကို ကျဆင်းသွားတယ် ဆိုပေမဲ့ ရှေ့လာမယ့် ဘဏ္ဍာရေး ကာလမှာ သိသိသာသာ ထိုးကျသွားနိုင်တဲ့ အခြေအနေမျိုး မတွေ့ရဘူးလို့ နောက်ဆုံး ထုတ်ပြန်လိုက်တဲ့ အစီရင်ခံစာမှာ ဖော်ပြလိုက်တာပါ။

တရုတ်နိုင်ငံမှာ ရင်းနှီးမြုပ်နှံမှု အခြေအနေတွေက အားနည်းနေတဲ့အတွက် အနာဂတ်မှာ ပြဿနာတွေလည်း ပေါ်နိုင်ပါတယ်...

ဒါပေမဲ့လည်း တရုတ်နိုင်ငံက ရင်းနှီးမြုပ်နှံမှုတွေအပေါ် အားထားလာနေတဲ့ အစီအစဉ်တွေ ကတော့ ရေရှည်မခံနိုင်ဘူးလို့ Fitch Ratings ရဲ့ အာရှ-ပစိဖိတ် ဒေသဆိုင်ရာ အရာရှိ အင်ဒရူး ခါဟွန်း (Andrew Colquhoun) ကပြောပါတယ်။ တရုတ်နိုင်ငံက အခုအခါ ရင်းနှီးမြုပ်နှံမှုမှာ သုံးစွဲနေတဲ့ ပမာဏဟာ GDP ရဲ့ ထက်ဝက် နီးပါးအထိ ရှိနေတာကြောင့် ဒါဟာ ဖွံ့ဖြိုးတိုးတက်နေတဲ့ တိုင်းပြည်တွေမှာ ရှိသင့်ထက် နှုန်းထက် များနေတယ်လို့လည်း သူက ထောက်ပြသွားတာပါ။“ဖွံ့ဖြိုးမှုနဲ့ ပတ်သက်လို့ပဲ ဖြစ်ဖြစ် တိုင်းပြည်ရဲ့ GDP မှာ မကြုံစဖူး ကြီးထွားလာနေတဲ့ ရင်းနှီးမြုပ်နှံမှုတွေကို တွန်းအားပေး နေရတာတွေက အခြေခံအားဖြင့် ရေရှည်မခံနိုင်ဘူးလို့ ကျနော်ထင်ပါတယ်။ တခြားတိုင်းပြည်တွေမှာထက် တရုတ်နိုင်ငံမှာ ရင်းနှီးမြုပ်နှံမှု အခြေအနေတွေက အားနည်းနေတဲ့အတွက် အနာဂတ်မှာ ပြဿနာတွေလည်း ပေါ်နိုင်ပါတယ်။”

တရုတ်နိုင်ငံ အနေနဲ့ ရေရှည်ခံပြီး ခိုင်မာတဲ့ စီးပွားရေးကို တည်ဆောက်သွားဖို့ဆိုရင် ပြုပြင်ပြောင်းလဲရေး အစီအစဉ်တွေကို ကျယ်ကျယ်ပြန့်ပြန့် လုပ်ဖို့လိုမယ်လို့ Standard Chartered ဘဏ်က စီးပွားရေး ပညာရှင် ဂရင်း ကလည်း ထောက်ပြထားတာပါ။ အထူးသဖြင့်ကတော့ သယ်ယူပို့ဆောင်ရေး၊ ဘဏ္ဍာရေးနဲ့ ကျန်းမာရေး စောင့်ရှောက်မှု လုပ်ငန်းတွေ အပါအ၀င် အစိုးရပိုင် လုပ်ငန်းတွေမှာ လျှော့ချသွားဖို့ဟာ တရုတ်နိုင်ငံအတွက် အဓိက စိမ်ခေါ်မှုတခု ဖြစ်မယ်လို့ ပြောပါတယ်။“ဒါက ပုဂ္ဂလိက ကဏ္ဍက ပါဝင်လာအောင် ဖိတ်ခေါ်ပြီး အခန်းတံခါး တခုကို ဖွင့်ပေးလိုက်သလို ဖြစ်ပါလိမ့်မယ်။ ဆင်ကြီးတွေ အခန်းထဲ ၀င်ရသလို၊ အစိုးရပိုင် ကုမ္ပဏီတွေက ဒီကဏ္ဍတွေမှာ လွှမ်းမိုးနေတဲ့အတွက် တကယ်တမ်းမှာ ၀င်နိုင်တဲ့ နည်းလမ်းလည်း မရှိပါဘူး။ ဒါကြောင့်လည်း ကျနော်တို့ အနေနဲ့ အသည်းအသန် လုပ်ကိုင်တာမျိုး မြင်ချင်ပါတယ်။ ကျနော် တဦးချင်းအမြင် ပြောရမယ် ဆိုရင်လည်း ရထားလမ်း၊ ကားလမ်း ဒါမှမဟုတ်ရင်လည်း ဆေးရုံလို လုပ်ငန်းတွေမှာ ပုဂ္ဂလိက ကဏ္ဍက ပါဝင်လာဖို့ အလေးအနက် သဘောထားတယ်ဆိုရင်တော့ အစိုးရပိုင် ကဏ္ဍက ပိုင်ဆိုင်မှုတွေကို ထုတ်ရောင်းပြီး ပုဂ္ဂလိက ကဏ္ဍက ၀င်ရောက်လာနိုင်အောင် နေရာပေးလာတာမျိုး တွေ့ရဖို့လည်း လိုပါတယ်။”

နိုင်ငံတကာ အသိုင်းအ၀ိုင်းက စိုးရိမ်မကင်း ဖြစ်နေကြပေမဲ့လည်း တရုတ်အစိုးရကတော့ စီးပွားရေး အားနည်းလာနေတဲ့ အခြေအနေတွေဟာ စိုးရိမ်လောက်စရာ အခြေအနေမှာ မရှိဘူးလို့ ပြောဆိုနေတာ ဖြစ်ပါတယ်။ တရုတ်နိုင်ငံခြားရေး ၀န်ကြီးဌာန ပြောခွင့်ရသူ လျူဝေမင်း (Liu Weimin) ကတော့ အဆိုးအကောင်း ခန့်မှန်းချက်တွေ ထွက်ပေါ်နေပေမဲ့ ဒါတွေဟာ တိကျခိုင်မာမှု မရှိဘူးလို့ ပြောလိုက်ပါတယ်။“တရုတ်အစိုးရ အနေနဲ့ တိုင်းပြည်က ပကတိ အခြေအနေတွေနဲ့အညီ နိုင်ငံတော်အဆင့် စီးပွားရေးဆိုင်ရာ မူဝါဒတွေ၊ လုပ်ထုံး လုပ်နည်းတွေကို ညှိနှိုင်းဆောင်ရွက်တာတွေ ရှိခဲ့တဲ့အကြောင်း” တရုတ်ဘာသာနဲ့ ပြောသွားတာပါ။ အစိုးရအနေနဲ့ အရေအတွက်ထက် အရည်အသွေးကို ပိုပြီး အာရုံစိုက် လုပ်ကိုင်သွားဖို့ ရည်ရွယ်ထားတာ ဖြစ်သလို၊ စီးပွားရေး တိုးတက်မှုနှုန်း နှေးကွေး လာနေတာဟာလည်း ရည်ရွယ်ချက်ရှိရှိ လုပ်ဆောင်နေတဲ့ သဘောထားမျိုးကို နိုင်ငံခြားရေး ၀န်ကြီးဌာန ပြောခွင့်ရသူက အရိပ်အမြွက် ပြောဆိုသွားပါတယ်။

ဝန်ကြီးချုပ် ၀န်ကျားဘောင် အပါအ၀င် တရုတ်အစိုးရ တာဝန်ရှိသူတွေကတော့ စီးပွားရေး ဖွံ့ဖြိုးမှုအတွက် အဓိက ဦးစားပေး အစီအစဉ်ဟာ ရင်းနှီးမြုပ်နှံမှုတွေ တိုးမြှင့်ဖို့ ဖြစ်တယ်လို့ မကြာသေးခင်ကပဲ ပြောဆိုထားတာပါ။ ဒီသဘောထားဟာ ရင်းနှီးမြုပ်နှံမှုတွေနဲ့ ပြည်ပတင်ပို့မှုတွေကို လျှော့ချပြီး ၀ယ်ယူစားသုံးမှုတွေအပေါ် မှီခိုအားထားသွားမယ့် စီးပွားရေး ပုံစံမျိုးဖြစ်ဖို့ မကြာသေးခင် နှစ်တွေတုန်းက ပြောဆိုထားတာတွေကနေ လမ်းခွဲထွက်လာတာလည်း ဖြစ်ပါတယ်။ ဒါပေမဲ့လည်း ရင်းနှီးမြုပ်နှံမှုတွေ တိုးမြှင့်ရုံ သက်သက်နဲ့ တရုတ်နိုင်ငံရဲ့ စီးပွားရေး ဖွံ့ဖြိုးမှု အရှိန်အဟုန်တွေ လျော့ကျမသွားအောင် ထိန်းထားဖို့က မလွယ်လှဘူး လို့လည်း ကျွမ်းကျင်သူတွေကတော့ သုံးသပ်နေကြတာ ဖြစ်တဲ့အကြောင်း တင်ပြရင်းနဲ့ပဲ ဒီသီတင်းပတ်ရဲ့ စီးပွားရေး ကဏ္ဍကို ရပ်နားပါရစေ။