21.07.2012 နေ့ဖတ်ရန်သတင်းများ

by Myanmar Journal on Friday, July 20, 2012 at 5:26pm ·

အမေရိကန်မှာ ပစ်ခတ်မှုအတွင်း လူ ၁၂ ယောက်သေ

ပစ်ခတ်မှု မြင်ကွင်းမှ လုံခြုံရေးများ

မနေ့ညက သေနတ်ပစ်ခတ်မှု ဖြစ်ခဲ့တဲ့ ဒန်ဗာမြို့ ဆင်ခြေဖုံး Aurora ရပ်ကွက်က ရုပ်ရှင်ရုံမှာ The Dark Knight rises နာမည်နဲ့ Batman ရုပ်ရှင်ကားသစ် အထူးပွဲကို ပြနေတာမို့ လူတွေရုံပြည့်အောင် လာကြည့်ခဲ့ကြ ပါတယ်။ ပစ်ခတ်မှုအတွင်း လူ၁၂ယောက်သေဆုံးပြီး ၅၀ကျော်ဒဏ်ရာ ရခဲ့ပါတယ်။

အဲဒီရုပ်ရှင်ကားကို ပြနေတဲ့အချိန်မှာတကိုယ်လုံး အမဲရောင်ဝတ်ထားပြီး မျက်နှာဖုံးတပ်ထားတဲ့ သေနတ်သမားက ပိတ်ကားရှေ့ကို ဝင်လာခဲ့တယ်လို့ မျက်မြင်သက်သေတွေက ပြောပါတယ်။ စစခြင်းမှာတော့ သေနတ်ပစ်သံတွေနဲ့ မီးခိုးဗုံး ဖောက်ခွဲ့သံတွေဟာ ရုပ်ရှင်ထဲက အထူးဖန်တီးထားတဲ့ special effect ပြကွက်တွေလို့တောင်တချို့က ထင်ခဲ့ကြ ပါတယ်။ နောက်တော့လူတွေဟာ ကြောက်လန့်တကြားနဲ့ ရုပ်ရှင်ရုံထဲက ထွက်ပြေးခဲ့ကြပါတယ်။

သေနတ်ပစ်ခံရလို့ သေဆုံးသူအများအပြားဟာ ဆယ်ကျော်သက်အရွယ် လူငယ်တွေဖြစ်ပြီး အသက်အငယ်ဆုံးက ၆ နှစ်အရွယ်ကလေး တဦးပါ။ အဲဒီပစ်ခတ်မှုဟာ အချိန်အတော်ကြာခဲ့ပြီး နောက်ပိုင်း ကားရပ်နားရာနေရာမှာ အသက် ၂၄ နှစ်အရွယ် မသင်္ကာသူ တဦးကိုရဲက ဖမ်းဆီးခဲ့တော့ သူကလုံးဝခုခံဆန့်ကျင်တာ မလုပ်ခဲ့ပါဘူး။ အခုတော့သူနေတဲ့ အိမ်ကိုပါရဲက ရှာဖွေနေပါတယ်။ အဲဒီအိမ်မှာ ဖောက်ခွဲရေးပစ္စည်းတွေ ရှိနိုင်တဲ့အတွက်၊ အိမ်နီးနားချင်းတွေကိုလည်း ဘေးလွတ်ရာကို ရွှေ့ပြောင်း ပေးထား ပါတယ်။

ဒီပစ်ခတ်မှုဟာ အကြမ်းဖက်အဖွဲ့အစည်းတွေနဲ့ ပတ်သက်တာမျိုးတော့ မတွေ့ရဘူးလို့ FBI ထောက်လှမ်းရေး အဖွဲ့ကဆိုပါတယ်။ အော်ရိုရာရပ်ကွက်ထဲမှာ ရှိတဲ့ဆေးရုံက သူတို့ဆီကိုသေနတ်ဒဏ်ရာနဲ့လူနာတွေ ရောက်လာကြောင်းနဲ့ နောက်ထပ် လည်းရောက်လာစရာ ရှိတယ်လို့ပြောပါတယ်။ ဒီအဖြစ်အပျက်နဲ့ပတ်သက်ပြီးအမေရိကန်သမ္မတ အိုဘားမားက ဝမ်းနည်း တုန်လှုပ်မိကြောင်း ပြောပါတယ်။ ဒီပြစ်မှုကိုကျူးလွန်တဲ့ ဘယ်သူဘဲဖြစ်ဖြစ် တရားဥပဒေ အတိုင်းအရေး ယူမှာ ဖြစ်တယ်၊ အများပြည်သူ လုံခြုံရေး အတွက်လည်း ဆောင်ရွက်သွားမှာဖြစ်ပြီး၊ဒဏ်ရာရသူတွေကိုလည်း ကူညီသွားမယ် လို့သမ္မတ အိုဘားမားက ပြောခဲ့ပါတယ်။

အမေရိကန် က မြန်မာ ဒုက္ခသည်တွေ အတွက် ဒေါ်လာ ၃ သန်းလှူ

ကချင်နဲ့ရှမ်းပြည်နယ် က ဒုက္ခသည် တွေ အတွက် အမေရိကန် လှူဒါန်း

ကချင်ပြည်နယ် နဲ့ ရှမ်းပြည်နယ် မြောက်ပိုင်းမှာ စစ်ပွဲတွေကြောင့် နေရပ်စွန့်ခွာ ထွက်ပြေး နေရသူတွေ အတွက် စားနပ်ရိက္ခာ ပံ့ပိုး ဖို့ ဒေါ်လာ ၃ သန်း အမေရိကန် ပြည်ထောင်စုက လှူဒါန်းမယ် လို့ မြန်မာနိုင်ငံ ဆိုင်ရာ အမေရိကန် သံအမတ်ကြီး ဒဲရက် မစ်ချဲလ် က သံအမတ်ကြီးအဖြစ် ရန်ကုန်မှာ ပထမဆုံး ပြုလုပ်တဲ့ သောကြာနေ့ က သတင်းစာ ရှင်းလင်းပွဲ မှာ ပြောကြားခဲ့ ပါတယ်။

အခုလို အမေရိကန် ပြည်ထောင်စုက လှူဒါန်းတဲ့ ဒေါ်လာ ၃ သန်းကို ကမ္ဘာ့စားနပ် ရိက္ခာ အစီအစဉ် WFP ကနေတဆင့် ကချင်ပြည်နယ်နဲ့ ရှမ်းပြည်နယ် မြောက်ပိုင်း က အိုးအိမ်စွန့် ထွက်ပြေးနေရတဲ့ သူတွေကို စားနပ်ရိက္ခာ ဖြန့်ဝေ ပေးမယ် လို့ အမေရိကန် သံအမတ်ကြီး က ပြောပါတယ်။

ဒီအလှူငွေကို USAID အမေရိကန်ထောက်ပံ့ရေးအဖွဲ့ရဲ့ Food for Peace လို့ ခေါ်တဲ့ ငြိမ်းချမ်းရေးအတွက် စားနပ်ရိက္ခာ ဆိုတဲ့ ရုံးကနေ တဆင့် လှူဒါန်းခဲ့တာလို့ ပြောပါတယ်။

WFP က ဒီငွေနဲ့ ခန့်မှန်းချေအားဖြင့် လူ ၅သောင်း၅ထောင် ကို ၆လ တာကာလ အတွက် ကျွေးမွေးဖို့ ဆန်တွေ ဝယ်ယူမှာဖြစ်ပါတယ်။

ဒီဆန်တွေကို ကချင်နဲ့ ရှမ်းပြည်မြောက်ပိုင်းက အစိုးရ ထိန်းချုပ်တဲ့ နယ်မြေရော၊ အစိုးရ မထိန်းချုပ်တဲ့ နယ်တွေမှာ ပါ ရှိတဲ့ အိုးအိမ်စွန့် ထွက်ပြေးလာသူတွေကို ဖြန့်ဝေမယ်လို့ မစ္စတာ ဒဲရက် မစ်ချဲလ် က ပြောပါတယ်။

သူတို့ရဲ့ မူ ကတော့ လိုအပ်တဲ့ နေရာတွေမှာ ဘယ် တိုင်းရင်းသားဖြစ်စေ၊ ဘယ်ဘာသာဝင် ဖြစ်စေ ထောက်ပံကူညီမယ် လို့ ဆိုပါတယ်။

USAID အစီအစဉ်ကို ပြန်စမယ် တိုးချဲ့မယ်လို့ ဧပြီလက ကြေညာခဲ့သလို ဇူလိုင်လ အတွင်းမှာ လည်း ရခိုင်ပြည်နယ် နဲ့ ကချင်ပြည်နယ် က အကူအညီ လိုအပ်နေတဲ့ သူတွေကို လူသားချင်းစာနာတဲ့ အကူအညီတွေပေးဖို့ နဲ့ နိုင်ငံတဝန်း ဘေးဆိုး လျော့ပါးရေး စီမံချက်တွေအတွက် ဒေါ်လာ ၃ သန်း ပံပိုး ခဲ့ပါတယ်လို့ အမေရိကန် သံအမတ် က ပြောပါတယ်။

အခု သူ့ရဲ့ သတင်းစာ ရှင်းလင်းပွဲမှာ ရင်းနှီးမြှုပ်နှံမှု နဲ့ ပတ်သက်ပြီးပြောရာမှာတော့ တာဝန်ခံတဲ့ တာဝန်ယူတဲ့ ရင်းနှီးမြှုပ်နှံမှုဟာ ၂ နိုင်ငံပြည်သူတွေ အတွက် ရေရှည် စီးပွားရေး အကျိုးစီးပွားကိုဖြစ်စေလိမ့်မယ်လို့ ယုံကြည်ကြောင်း ပြောခဲ့ပြီး အဓိက ကျတာကတော့ ပွင့်လင်းမြင်သာမှု ရှိဖို့ လို့ ဆိုပါတယ်။

အထူးသဖြင့် ငွေကြေး အမြောက်အများ ပါဝင် ပတ်သက်မှုရှိတဲ့ လုပ်ငန်းကြီးတွေ နိုင်ငံပိုင် မြန်မာရေနံ နဲ့ ဓါတ်ငွေ့လုပ်ငန်းကြီး မျိုးတွေမှာ ရင်းနှီးမြှုပ်နှံ လုပ်ကိုင်မယ် ဆိုရင် ပွင့်လင်းမြင်သာမှု ရှိဖို့ အလွန်လိုတယ် ၊ ဒါကြောင့် အဲဒီလိုလုပ်ငန်းကြီးတွေမှာ ရင်နှီးမြှုပ်နှံ မယ့် မေရိကန် ကုမ္ပဏီကြီးတွေမှာ ဒီကိစ္စကို အထူးလိုအပ်ချက်အဖြစ် ထည့်သွင်း ထားသလို သူတို့ရဲ့ လုပ်ငန်းဆောင်ရွက်ချက် တွေဟာ နိုင်ငံတကာ စီးပွားရေးလုပ်ငန်း အမြင့်ဆုံးစံနှုန်း တွေနဲ့ ညီ မညီ သိရအောင် အစီရင်ခံရမယ် လို့ ပြောကြားထားကြောင်း မစ္စတာ မစ်ချယ် က ပြောသွား ခဲ့ပါတယ်။

ဒတ်စကပ်မြို့ထဲ တိုက်ပွဲ ဆက်ပြင်းထန်

ဒမတ်စကပ်မြို့ထဲက အစိုးရတပ်တွေ

ဆီးရီးယားမြို့တော် ဒမတ်စကပ်မှာ တိုက်ပွဲတွေ အပြင်းအထန် ဆက်ဖြစ်နေပါတယ်၊ အစိုးရတပ်တွေက မီဒန်ရပ်ကွက်ကို ပြန်သိမ်းလိုက်နိုင်ပြီဆိုတဲ့ သတင်းတွေရပြီး မြို့တော် အရှေ့ပိုင်းက ဂျူဘာ ရပ်ကွက်ကိုလဲ မော်တာတွေနဲ့ အပြင်းအထန် တိုက်နေပါတယ်။

ကြာသပတေးနေ့ ညတုန်းကတော့ အတိုက်အခံတပ်တွေက ဆီးရီးယားရဲ့ အီရတ်နဲ့ နယ်စပ် ဖြတ်ကျော်ရေး လမ်းကြောင်းတွေ အားလုံးကို သိမ်းထားလိုက်ပြီး တူရကီဖက်ကို ဖြတ်တဲ့ အဓိက ကုန်သွယ်ရေး လမ်းကြောင်းတခုကိုလဲ သိမ်းထားလိုက်တယ်လို့ သိရပါတယ်။

အစိုးရဟာ နယ်စပ်တွေမှာ ချထားတဲ့ သူ့တပ်တွေကို ပြန်ခေါ်ပြီး မြို့တော်ကို ကာကွယ်ဖို့ လုပ်နေရတာနဲ့ နယ်ဖက်တွေမှာ သူ့ထိမ်းချုပ်နိုင်မှုတွေ လက်လွတ်ကုန်တော့မဲ့ အနေအထား တွေ့နေရတယ်လို့ အခြေအနေကို စောင့်ကြည့်နေတဲ့ ဘီဘီစီ သတင်းထောက်က ပြောပါတယ်၊

ကြာသပတေးနေ့ တနေ့ထဲမှာ ဆီးရီးယားနိုင်ငံအနှံ့ တိုက်ပွဲတွေ အတွင်း လူ ၃၀၀ ကျော် သေဆုံးခဲ့တယ်လို့ အတိုက်အခံတွေက ပြောပါတယ်၊ သမ္မတ အာဆတ်ကို ဆန့်ကျင်မှုတွေ စခဲ့ချိန်က စလို့ အသေအပျောက် အများဆုံး နေ့တနေ့ ဖြစ်ခဲ့ပါတယ်။

 နေရပ်က ထွက်ပြေးနေကြရပြီ

တိုက်ပွဲတွေ ပြင်းထန်နေချိန်မှာ မြို့ခံလူတွေလဲ မြို့တော် ဒမတ်စကပ်က ထွက်ပြေးနေကြပါတယ်။ လူ သုံးသောင်းလောက် အိမ်နီးချင်း လက်ဘနွန်နိုင်ငံထဲ ထွက်ပြေးခဲ့ကြတယ်လို့ တချို့ သတင်းတွေက ဆိုပါတယ်၊ ကုလသမဂ္ဂ ဒုက္ခသည်များဆိုင်ရာရုံး တာဝန်ခံကတော့ လူ ရှစ်ထောင်ကျော် ထွက်ပြေး လာကြတယ်လို့ ဆိုပါတယ်။ တခြား အီရတ်၊ ဂျော်ဒန်နဲ့ တူရကီ နိုင်ငံတွေကို ထွက်ပြေးကြသူတွေလဲ ရှိတယ်လို့ သိရပါတယ်။

တခါ ဗုဒ္ဓဟူးနေ့က အမျိုးသားလုံခြုံရေးဗျူရို ဗုံးခွဲတိုက်ခိုက်ခံရတုန်းက ဒဏ်ရာရသွားတဲ့ ထောက်လှမ်းရေးမှူးချုပ် ဟီရှမ် အိခ်တရာ သေဆုံးသွားပြီလို့ ဆီးရီးယား အစိုးရ ရုပ်သံက ကြေငြာခဲ့ပါတယ်။

အဲဒီ ဗုံးခွဲတိုက်ခိုက်မှုကြောင့် ကာကွယ်ရေးဝန်ကြီး၊ သမ္မတ အာဆတ်ရဲ့ ယောက်ဖတော်သူ ဒုတိယကာကွယ်ရေးဝန်ကြီး နဲ့ နောက် ကာကွယ်ရေး ဝန်ကြီးဟောင်း၊ အခု နောက်ဆုံး ထောက်လှမ်းရေးမှူးချုပ် စုစုပေါင်း သမ္မတအာဆတ်ရဲ့ အနီးကပ် ထိပ်တန်း လုံခြုံရေး အရာရှိကြီး လေးဦး သေဆုံးခဲ့ရပြီ ဖြစ်ပါတယ်။

ဆီးရီးယား သူပုန်တွေ နယ်စပ် စခန်းတွေသိမ်း

အီရတ် ဆီးရီးယား နယ်စပ် စခန်း တခုကို သိမ်းပြီးနောက် သူပုန်တွေ အောင်ပွဲခံ

ဆီးရီးယား ပဋိပက္ခမှာ ခုနောက်ဆုံး သူပုန် တွေက တူရကီနဲ့ အီရတ် ဆီးရီးယား နယ်စပ်က စခန်းတွေကို သိမ်းပိုက် ခဲ့ပါတယ်။

ဆီးရီးယား အရှေ့ဘက်ခြမ်း နယ်စပ် တကြောလုံးကို သူပုန်တွေက သိမ်းထားနိုင်လိုက်ပြီလို့ အီရတ် ထိပ်တန်း တာဝန်ခံက ပြောပါတယ်။

တနေ့ကတော့ မြို့တော် ဒမတ်စကာဒ်မှာ ဗုံးခွဲ တိုက် ခိုက်မှု ဖြစ်ပြီး ထိပ်တန်း အစိုးရ ဝန်ကြီးတွေနဲ့ ကာကွယ်ရေး ဝန်ကြီးဌာနက အဆင့်မြင့် အရာရှိတွေ သေဆုံးခဲ့ပါတယ်။

မြို့တော် ဒမတ်စကာဒ်ကို အစိုးရ တပ်တွေ အာရုံ စိုက်နေတုန်း နိုင်ငံ အရှေ့ဘက်ခြမ်း ဆီးရီးယား အီရတ် နယ်နမိတ်က နယ်စပ် စခန်းတွေကို သူပုန်တွေက ဝင်သိမ်းခဲ့တာ ဖြစ်တယ်လို့ အီရတ် အစိုးရ တာဝန်ခံတွေက ပြောပါတယ်။

ဒမတ်စကာဒ်မြို့ကို သူပုန်တွေ စ လုပ်ကြံတာ လွန်ခဲ့တဲ့ လေးရက်က ဖြစ်ပြီး အစိုးရ အရာရှိတွေ လုပ်ကြံခံရတဲ့ အဖြစ်အပျက် အပြီးမှာ စစ်တပ်က ဒမတ်စကာဒ် တဝိုက်က သူပုန်တွေကို ရှင်းထုတ်ဖို့ လုပ်ဆောင် လာပါတယ်။

ဒမတ်စကာဒ်မြို့မှာ ပေါက်ကွဲသံတွေနဲ့ ပစ်ခတ်သံတွေကို မပြတ် ကြားလာနေရပြီး စစ်တလင်းလို ဖြစ်လာနေတယ်၊ မြို့လယ်ခေါင်မှာကို ဗုံးသံ၊ သေနတ်သံတွေ ကြား နေရတယ်လို့ မြို့ခံ တယောက်က ဘီဘီစီကို ပြောပြပါတယ်။

မြို့လယ်ခေါင်ကနေ တောင်ဘက်ကို အစိုးရ စစ်တပ်နဲ့ တင့်ကားတွေ ထွက်သွားတာ ကိုယ်တိုင် တွေ့လိုက်ရကြောင်းလည်း ပြောပါတယ်။

မြို့ထဲက လူတွေရဲ့ အခြေအနေကတော့ ကြောက်တဲ့လူတွေ ပိုများလာပြီး အပြင် မထွက်ရဲကြတော့ကြောင်း၊ အပြင်ထွက်ပြီး စားစရာ သောက်စရာတောင် ထွက်ဝယ်ကြတာ မတွေ့ရကြောင်း၊ စားစရာ သောက်စရာ ပြတ်လာနေကြောင်း၊ တချို့နေရာတွေမှာ ဆေးဝါး ပစ္စည်း မရှိတဲ့ အခြေအနေတွေနဲ့ ရင်ဆိုင်နေရပြီး မြို့ထဲမှာ တနေရာက တနေရာ သွားရင်တောင် မှတ်ပုံတင် စစ်နေကြောင်း ဒမတ်စကာဒ် မြို့ခံက ပြောပြပါတယ်။

မနေ့က တရက်ထဲမှာ သေဆုံးသူ နှစ်ရာကျော် ရှိနိုင်တယ်လို့ လန်ဒန် အခြေစိုက် ဆီးရီးယား လူ့အခွင့်အရေး လေ့လာ စောင့်ကြည့်ရေး အဖွဲ့က ပြောပါတယ်။

ဆီးရီးယားမှာ တရက်ပြီး တရက် အခြေအနေ ပိုဆိုးလာနေပေမယ့် နိုင်ငံတကာ အသိုင်းအဝိုင်းရဲ့ တုန့်ပြန် လုပ်ဆောင်ပုံကတော့ ဘာမှ တိုးတက်လာတာ မတွေ့ရပါဘူး။

မနေ့က ဆီးရီးယား အစိုးရကို ဒဏ်ခပ် ပိတ်ဆို့မှု တိုးလုပ်ဖို့ လုံခြုံရေး ကောင်စီရဲ့ ပြဌာန်း ဆုံးဖြတ်ချက်ကို ရုရှနဲ့ တရုတ်က ဗီတို သုံးခဲ့ပါတယ်။

ပြည်ပကနေ စစ်အင်အားသုံး စွက်ဖက်မှု လုပ်လာမှာကို အကြောင်းပြပြီး ရုရှက ဗီတို သုံးခဲ့ပြီး ဗြိတိသျှ နိုင်ငံခြားရေး ဝန်ကြီး ဝီလီယံဟိတ်က ရုရှနဲ့ တရုတ် ဆုံးဖြတ်ချက်ဟာ ဆင်ခြေ ပေးလို့ မရနိုင်တဲ့၊ ကာကွယ် ပြောဆိုလို့ မရနိုင်တဲ့ ဆုံးဖြတ်ချက်လို့ မှတ်ချက်ပေး ပြောဆိုခဲ့ပါတယ်။

အဲဒိအတွက်ကြောင့် ဒီကနေ့မှာ သက်တမ်း ကုန်ဆုံးမယ့် ကုလသမဂ္ဂရဲ့ လေ့လာ စောင့်ကြည့်ရေး အဖွဲ့ရဲ့ ကြိုးပမ်းမှုကို သက်တမ်းတိုးဖို့ ဆွေးနွေးနေပါတယ်။

င်ငံတကာ လွတ်ငြိမ်း ချမ်းသာခွင့် အဖွဲ့ က ရိုဟင်ဂျာ အရေး ဝေဖန်စစ်တွေ မှာ လုအုပ်စုလိုက် အကြမ်းဖက်မှု တွေ ကြောင့် အိမ်တွေ က နေတိမ်းရှောင် ရတဲ့ သူတွေ

ရခိုင်ပြည်နယ်မှာ အရေးပေါ်အခြေအနေ ကြေညာထားတာဟာ အာဏာပိုင်တွေကို လူ့အခွင့်အရေးချိုးဖောက်ဖို့ လိုင်စင် ပေးလိုက်သလိုပဲ လို့ Amnesty International နိုင်ငံတကာ လွတ်ငြိမ်း ချမ်းသာခွင့် အဖွဲ့ က မြန်မာနိုင်ငံ ဆိုင်ရာသုတေသီ ဘင်ဂျမင်ဇာဝါကီ က ပြင်းပြင်းထန်ထန် ဝေဖန်ခဲ့ပါတယ်။

လုံခြုံရေးတပ်ဖွဲ့ဝင် တွေဟာ လူမျိုးရေး ဘာသာရေး မခွဲခြားဘဲ မတရားတိုက်ခိုက်ခံရတဲ့ ဘယ်သူ့ကို မဆို အကာအကွယ်ပေးရမှာဖြစ်ပြီး၊ သူတို့ကိုယ်တိုင်လည်း လူ့အခွင့်အရေးကို လေးစား လိုက်နာဖို့ လိုတယ်လို့ သူကပြောခဲ့ပါတယ်။

အာဏာပိုင်တွေဟာ အဲဒီလို အကာအကွယ်ပေးဖို့ ပျက်ကွက်ခဲ့တယ် လို့ သူက ဆိုပါတယ်။

တချို့ နေရာတွေမှာ လုံခြုံရေးတပ်ဖွဲ့တွေ က လူမျိုးစု အကြမ်းဖက်မှုတွေကို မသိချင်ယောင်ဆောင်ပြီး မျက်နှာလွှဲ နေတာတွေရှိတယ်၊ ကိစ္စအများစုမှာ ရိုဟင်ဂျာ တွေကို ပစ်မှတ်ထား တိုက်ခိုက် ခဲ့တာတွေ ဖြစ်တယ် လို့ သူ ကဆိုပါတယ်။

အထူးသဖြင့် အကြမ်းဖက်တိုက်ခိုက်မှုတွေ နဲနဲအေးသွားတဲ့ ကာလမှာ ရိုဟင်ဂျာ အမျိုးသားတွေ နဲ့လူငယ် ယောက်ျားလေးတွေ ကို အစုလိုက် အပြုံလိုက် ဖမ်းဆီးပြီး နောက်ပိုင်းမှာ သူတို့ကို ဆိုးဆိုးရွားရွား ပြုမူဆက်ဆံ ခဲ့တာတွေ ရှိပါတယ် လို့ ဘင်ဂျာမင်ဇာဝါကီ ကပြောသွားပါတယ်။

မြန်မာအစိုးရရဲ့ ကိန်းဂဏန်းတွေအရ လူ ၅ သောင်း လောက် အိုးအိမ်တွေ စွန့်ခွာ ထွက်ပြေးခဲ့ရပြီး၊ ကုလသမဂ္ဂအဖွဲ့ အစည်းတွေဖက်ကတော့ လူ ကိုးသောင်းလောက်အထိရှိတယ်လို့ ခန့်မှန်းချက် နှစ်ခု ကြား ကွာဟမှု ကြီးမား တာကို ထောက်ပြ ပြီးဒါဟာ မြန်မာအစိုးရက သီးခြား လွတ်လပ်တဲ့ လေ့လာသူတွေ နဲ့ နိုင်ငံတကာ သတင်းမီဒီယာတွေ ကို အဲဒီဒေသမှာ လွတ်လွတ်လပ်လပ် သတင်းယူခွင့် မပေးတာကြောင့် ဖြစ်တယ်လို့လည်း Amnesty International ရဲ့ကြေညာချက် မှာ ဆိုထားပါတယ်။

မြန်မာအစိုးရအနေ နဲ့ ရိုဟင်ဂျာတွေ နိုင်ငံမဲ့သူတွေ အဖြစ် ဆက်မဖြစ်နေအောင် ၁၉၈၂ ခုလူဝင်မှုကြီးကြပ်ရေး ဥပဒေကိုပြင်ဆင်သင့်တဲ့ အကြောင်းလည်း Amnesty Internation အဖွဲ့ က တိုက်တွန်းထားပါတယ်။

မြန်မာအစိုးရဖက် က အကြမ်းဖက်မှု ထိမ်းသိမ်းရေးအတွက် တာဝန်ရှိတဲ့ အရာရှိ တဉီး ဖြစ်သူ ဦးဝင်းမြိုင် ကတော့ Amnesty International အဖွဲ့ ရဲ့ စွပ်စွဲချက် တွေ ဟာ အခြေအမြစ် မရှိဘူး ဆိုပြီး ပယ်ချ ခဲ့ပါတယ်။

အခုလို ကာလ မှာပဲ စစ်တွေ မြို့ပြင်ပိုင်း မင်းဂံရ ပ်ကွက် အကွက် ၁၁ နဲ့ ၁၂ ကို သောကြာနေ့ ညနေပိုင်းက အရေအတွက် ရာချီတဲ့ မူဆလင် အုပ်စုကြီးတစု က ဝင်ရောက်ပြီး ရပ်ကွက်သားတွေ တိုက်ခိုက်ဖို့ ကြိုးပမ်းခဲ့လို့ လုံခြုံရေး တပ်ဖွဲ့ တွေ ရောက်လာပြီး သေနတ်ပစ်ဖောက် လူစုခွဲခဲ့ ရတယ်လို့ ဒေသခံတွေ နဲ့ ဆက်သွယ် မေးမြန်းခဲ့တဲ့ ဘီဘီစီ သတင်းထောက်က ပြောပါတယ်။

ထိခိုက် ဒဏ်ရာရမှု တချို့ ရှိခဲ့ပြီး အဖမ်းအဆီးတွေလည်း ရှိခဲ့တယ်လို့ သိရပေမယ့် အသေးစိတ် အချက်အလက်တွေတော့ မသိရသေးပါဘူး။

ပိတ်ဆို့မှု ရုပ်သိမ်းရေး ကွန်ဂရက်ပေါ်တည်

ပိတ်ဆို့မှုကြောင့် အထည်ချုပ် လုပ်ငန်းထိခိုက်

မြန်မာ ပို့ကုန် တင်ပို့မှုကို အမေရိကန်က သုံးနှစ် ဆက်ပိတ် တာဟာ မြန်မာ အစိုးရကို သံသယ ရှိတဲ့ လွှတ်တော် အမတ်တွေက အာမခံ ထားချင်လို့ ထင်ကြောင်း Asia Society အဖွဲ့က နိုင်ငံတကာ မူဝါဒ ရေးရာ ဒုတိယ ဥက္ကဋ္ဌ Suzanne DiMaggio က ဆိုပါတယ်။

အမေရိကန် အစိုးရဟာ တချို့ အရေးယူမှု တွေကို လျှော့ပေးပြီး တချို့ကိုတော့ ဆက်ထားတယ်။

တဘက်မှာလဲ အမေရိကန် ကွန်ဂရက်က ဘယ်လို ပိတ်ဆို့အရေးယူ မှုတွေကို ဆိုင်းငံ့သင့်လဲ အိုဘားမား အစိုးရကို အများကြီး ဆုံးဖြတ် ခွင့် ပေးထားပါတယ်။

ရေရှည် မှာတော့ နှစ်နိုင်ငံ ကြား တိုးတက်မှု တခုချင်း အလိုက် တုံ့ပြန် ဖြေလျှော့ ပေးမယ့် အပြောင်းအလဲ ဆက်ဆံရေးကို ကျော်လွန် ကြည့်ဖို့ လိုပါမယ်။

မြန်မာပြည် ပြောင်းလဲရေး ကို အားပေးဖို့ ပိတ်ဆို့မှုတွေ ရုပ်သင့်တယ် ဆိုသူတွေနဲ့ အမြင် မတူသူ တွေကြား သဘောတူမှု ရမှ ပိတ်ဆို့မှုတွေ ရုပ်ပေးမှာလို့ Suzanne DiMaggio က ဆိုပါတယ်။

လတ်တလော မြန်မာ အစိုးရက တိုင်းရင်းသား လက်နက်ကိုင် တွေနဲ့ ငြိမ်းချမ်းရေး ရဖို့ ဆွေးနွေး နေပေမယ့် တဘက်မှာလဲ အပစ်ရပ် အပစ်မရပ် တိုင်းရင်းသား အဖွဲ့ တွေကို ထိုးစစ် ဆင်နေလို့ နိုင်ငံတကာ က မြန်မာ့ နိုင်ငံရေး ပြောင်းလဲမှုအပေါ် ယုံကြည် ကူညီ နေတာတွေ၊ စီးပွားရေး ပိတ်ဆို့မှု ရုပ်သိမ်း တာတွေ မလုပ်သင့် သေးဘူးလို့လဲ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ က ပြောပါတယ်။

ယုံကြည်မှု တည်ဆောက်ဖို့ အစိုးရက တိုင်းရင်းသား အားလုံး ပါတဲ့ နိုင်ငံရေး ဆွေးနွေးပွဲ လုပ်ပေးပြီး တမျိုးသားလုံး သဘော တူညီချက် ရဖို့လိုတယ်လို့ ကောင်စီ အတွင်းရေးမှူး နိုင်ဟံသာက ပြောပါတယ်။

သမ္မတ ဦးသိန်းစိန်ကို ထိုင်းသတင်းစာက ပြင်းထန်စွာ ဝေဖန်

မဇ္ဈိမသတင်းဌာန | သောကြာနေ့၊ ဇူလိုင်လ ၂၀ ရက် ၂၀၁၂ ခုနှစ် ၁၆ နာရီ ၀၈ မိနစ်

မဇ္ဈိမသတင်းဌာန ။         ။ မြန်မာသမ္မတ ဦးသိန်းစိန်သည် ဇွန်လ အတွင်းက သူ၏ ထိုင်းနိုင်ငံ ခရီးစဉ်ကို နှစ်ကြိမ် တိုင်တိုင် ရွှေ့ဆိုင်းခဲ့ရပြီးနောက် လာမည့် တနင်္ဂနွေနေ့တွင် သုံးရက်ကြာ ထိုင်းနိုင်ငံ ခရီးစဉ်ကို စတင်မည် ဖြစ်သည်။ ထိုစဉ်တွင် ရခိုင်ပြည်နယ်ရှိ ရိုဟင်ဂျာများနှင့် ပတ်သက်၍ သမ္မတ ဦးသိန်းစိန်၏ မကြာသေးခင်က မှတ်ချက်များကိုသောကြာနေ့ထုတ် ထိုင်းနိုင်ငံ အခြေစိုက် ဘန်ကောက်ပို့စ် သတင်းစာ၏ အယ်ဒီတာ့ အာဘော်က ပြင်းပြင်းထန်ထန်ဝေဖန်ခြင်းဖြင့် မြန်မာသမ္မတ ခရီးစဉ်အား ကြိုဆိုလိုက်သည်။

မူလက ဇွန်လ ၄ ရက်နေ့တွင် ဦးသိန်းစိန်၏ ထိုင်းနိုင်ငံ ခရီးစဉ် စတင်ရန် သတ်မှတ်ခဲ့ပြီး ထိုင်းနိုင်ငံ ဘန်ကောက်မြို့တွင် ကျင်းပခဲ့သည့် အရှေ့အာရှ ကမ္ဘာ့စီးပွါးရေးဖိုရမ် တွင်လည်း မိန့်ခွန်းပြောရန် စီစဉ်ခဲ့သေးသည်။ သို့ရာတွင် မြန်မာ့ အတိုက်အခံ ခေါင်းဆောင် ဒေါ်အောင်ဆန်းစုကြည်အား လာရောက်ရန်နှင့် ထိုကွန်ဖရင့်တွင် မိန့်ခွန်းပြောကြားရန် အားတက်သရော ဖိတ်ကြားခဲ့ကြပြီးသည့် နောက်တွင်မူ သမ္မတ ဦးသိန်းစိန်၏ ထိုင်းနိုင်ငံ ခရီးစဉ်ကို ဖျက်သိမ်းလိုက်ကြ ပြီး သမ္မတ ဦးသိန်းစိန်အနေဖြင့် ခရီးစဉ်အတွင်း ဒေါ်အောင်ဆန်းစုကြည်၏ အရှိန်အဝါအောက်တွင် လွှမ်းမိုးခံရမည်ကို မလိုလားသဖြင့် ခရီးစဉ် ဖျက်သိမ်းလိုက်ကြခြင်း ဖြစ်ကြောင်း ထင်ကြေးများလည်း ထွက်ပေါ်ခဲ့သည်။

မြန်မာသမ္မတ ဦးသိန်းစိန် ဇူလိုင်လအတွင်း ကမ္ဘောဒီးယား နိုင်ငံ Siem Reap တွင် ကျင်းပခဲ့သည့် အမေရိကန်-အာဆီယံ စီးပွားရေးဖိုရမ်တွင် မိန့်ခွန်း ပြောကြားနေစဉ်

မြန်မာအစိုးရကမူ နိုင်ငံအတွင်းတွင် ထမ်းဆောင်ရန် တာဝန်များ ရှိနေခြင်းကြောင့် ခရီးစဉ်ကို ဖျက်သိမ်းခဲ့ရခြင်းဖြစ်သည်ဟု ဆိုခဲ့သည်။ နောက်ပိုင်းတွင်လည်း နောက်ထပ် ခရီးစဉ် တခုကို ဖျက်သိမ်းခဲ့ပြန်သည်။

သမ္မတဦးသိန်းစိန် အနေဖြင့် ထိုင်းဝန်ကြီးချုပ် ယင်လပ် နှင့် တွေ့ဆုံဆွေးနွေးမည် ဖြစ်ကာ ခေါင်းဆောင်နှစ်ဦးသည် လူ့အရင်းအမြစ် ဖွံ့ဖြိုးရေးနှင့် ၂ဝ၁၄ ခုနှစ် အာဆီယံ ဥက္ကဋ္ဌ နေရာကို မြန်မာနိုင်ငံက လက်ခံဆောင်ရွက်မည် ဖြစ်သည့် အတွက် ကြိုတင် ပြင်ဆင်ရေးများ အပါအဝင် မြန်မာနိုင်ငံအတွင်း ဖွံ့ဖြိုးရေးများတွင် နှစ်နိုင်ငံ ပူးပေါင်း ဆောင်ရွက်မည့် နားလည်မှု စာချွန်လွှာတရပ် လက်မှတ်ရေးထိုးပွဲသို့လည်း တက်ရောက် ကြမည်ဖြစ်သည်ဟု ထိုင်းအရာရှိများက အစောပိုင်းက ပြောကြားခဲ့သည်။

ကုလသမဂ္ဂ အရာရှိတဦးသို့ ရိုဟင်ဂျာ အရေးနှင့် ပတ်သက်၍ သမ္မတ ဦးသိန်းစိန် မကြာသေးခင်က ပြောကြားခဲ့သည့် မှတ်ချက်ကို ဘန်ကောက်ပို့စ် သတင်းစာ၏ အယ်ဒီတာ့ အာဘော်က သောကြာနေ့တွင် ပြင်းပြင်းထန်ထန် စိန်ခေါ် ထားခြင်း ဖြစ်သည်။

သမ္မတ ဦးသိန်းစိန်၏ မှတ်ချက်မှာ မြန်မာနိုင်ငံအတွင်းရှိ သိန်းနှင့်ချီသည့် ရိုဟင်ဂျာများအား ကုလသမဂ္ဂက လက်ခံရန် အကြံပေးခြင်း ဖြစ်သည်။ ဇွန်လအတွင်းက ရခိုင်ပြည်နယ်တွင် ပဋိပက္ခများ ဖြစ်ပွါးကာ လူပေါင်း ၇ဝ ကျော် အသက် ဆုံးရှုံးခဲ့ရသည့် အပြင် အိုးအိမ်များနှင့် ပိုင်ဆိုင်မှုများ များစွာ ပျက်စီး ဆုံးရှုံးခဲ့ရပြီး နောက်တွင် သမ္မတက ကုလသမဂ္ဂ အရာရှိအား အကြံပေးခဲ့ခြင်း ဖြစ်သည်။

ဘန်ကောက်ပို့စ် အယ်ဒီတာ့ အာဘော်တွင် “မြန်မာနိုင်ငံနဲ့ သူတို့အစိုးရဟာ ၄၈ နှစ်လုံးလုံး ရက်စက် ကြမ်းတမ်းလှတဲ့ စစ်အာဏာရှင်စနစ် အပြီးမှာ ပြန်လည် အမီလိုက်ဖို့အတွက် သွားစရာခရီးတွေ အများကြီး ရှိနေသေးပါတယ်။ မကြာခင် က မြန်မာနိုင်ငံ အနောက်ပိုင်းမှာ ဖြစ်ပျက်ခဲ့တဲ့ လူမျိုးရေး ပဋိပက္ခတွေဟာ အပြင်ပန်း စည်းလုံးညီညွတ်မှု မျက်နှာစာကြီး ကို ပြိုကျစေခဲ့ပါတယ်” ဟု ဆိုထားသည်။  

“သမ္မတ ဦးသိန်းစိန်ရဲ့ မှတ်ချက်ဟာ ပြုပြင်ပြောင်းလဲရေး လုပ်နေတဲ့ အစိုးရ တရပ်ဆီက ကြားရတဲ့ ခုတလောအတွင်း စိတ်ပျက်စရာ အကောင်းဆုံး မှတ်ချက်ပါပဲ” ဟု အယ်ဒီတာ့ အာဘော်က ဆိုသည်။  

ဘန်ကောက်ပို့စ် အယ်ဒီတာ့ အာဘော်က ဆက်လက်၍ ဆိုထားသည်မှာ “သူ [သမ္မတ ဦးသိန်းစိန်] က ကုလသမဂ္ဂကို လွန်ခဲ့တဲ့ အပါတ်က ပြောခဲ့ရာမှာ ရခိုင်ပြည်နယ်မှာ ရှိတဲ့ တသန်းနီးပါးရှိတဲ့ ရိုဟင်ဂျာတွေကို မြန်မာနိုင်ငံက လက်ခံ ကြိုဆိုမှာ မဟုတ်ပါဘူးလို့ ဆိုပါတယ်။ သူတို့ကို ဒုက္ခသည် စခန်းတွေမှာ နေရာချထားဖို့နဲ့ ပိုကောင်းတာကတော့မြန်မာနိုင်ငံကနေ နှင်ထုတ်ဖို့ပါပဲလို့ ဆိုခဲ့ပါတယ်။ သူတို့ဟာ လူမျိုးအရလည်း အများစု ဗမာတွေနဲ့ ခြားနားနေပြီး ဘာသာရေးအရလည်း မူစလင်တွေ ဖြစ်ကြတယ်လို့ သမ္မတက ပြောခဲ့ပါတယ်။ တခုတည်းသော အဖြေကတော့ သူတို့ကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကို လွှဲပြောင်းပေးဖို့ ဒါမှမဟုတ် သူတို့ကို လက်ခံချင်တဲ့ တတိယ နိုင်ငံတွေမှာ သူတို့ကို အခြေချစေဖို့ပါပဲ လို့ သူက ဆိုပါတယ်” ဟု ရေးသားထားသည်။

ဘန်ကောက်ပို့စ် သတင်းစာက မြန်မာသမ္မတ ဦးသိန်းစိန်၏ အမြင်အား ထိုင်းအစိုးရက စောဒက တက်ပါရန် တိုက်တွန်း ထားသည်။  

“ရိုဟင်ဂျာတွေရဲ့ ဖြစ်တည်မှုနဲ့တကွ ပြဿနာတွေကို ဦးသိန်းစိန်ရဲ့ ခရီးစဉ်အတွင်းမှာ ဆွေးနွေးသင့်ပါတယ်။ ထိုင်းနိုင်ငံ နဲ့ တခြားအိမ်နီးချင်း နိုင်ငံတွေဟာ ဒီလူတွေရဲ့ အတိဒုက္ခတွေကို သေသေချာချာ သတိထားမိပါတယ်” ဟု သတင်းစာက ဆိုသည်။

“မြန်မာ သမ္မတရဲ့ အံ့သြထိတ်လန့်စရာ ကောင်းတဲ့ မှတ်ချက်ကို မြန်မာနိုင်ငံဟာ စစ်တပ်ရဲ့ သေနတ်အောက်မှာ တကယ့်ကမ္ဘာနဲ့ နှစ်ပေါင်းများစွာ အဆက်ပြတ် အထီးကျန်နေခဲ့ရတဲ့အတွက် ခုလို ပြောမိတာလို့ ဆင်ခြေပေးလို့တော့ ရနိုင်ပါတယ်” ဟု ဘန်ကောက်ပို့စ်က ရေးသားထားသည်။

သမ္မတ ဦးသိန်းစိန် အနေဖြင့် သူပြောခဲ့သည့် စကားအတိုင်း အကောင်အထည်ဖော် လုပ်ဆောင်လာခဲ့လျှင်လည်း လက်ခံနိုင်စရာမရှိဟု အယ်ဒီတာ့ အာဘော်က ဆိုထားသေးသည်။

“မြန်မာနိုင်ငံဟာ ရှည်လျားပြီး အမှောင်ဖုံးလွှမ်းနေတဲ့ အကြမ်းဖက်မှု သမိုင်းကြောင်းကနေ ရုန်းကန်ပေါ်ထွက်လာနေတာ ဖြစ်ပါတယ်။ လွန်ခဲ့တဲ့ နှစ် ၅ဝ က စံနှုန်းတွေနဲ့ အလွန် ကွဲပြားခြားနားတဲ့ စံနှုန်းတွေနဲ့ ကမ္ဘာသစ်ထဲကို ဝင်ရောက်နေ တာ ဖြစ်ပါတယ်။ ရိုဟင်ဂျာနဲ့ ပတ်သက်ပြီး ဦးသိန်းစိန်ရဲ့ မှတ်ချက်တွေကတော့ လူမျိုးရေးခွဲခြားမှု၊ မလိုမုန်းထားမှု၊ ခြိမ်းခြောက်မှု ဆန်နေပါတယ်။ သူတို့ကို စောဒကတက် ဝေဖန်မှုတွေ ရှိသင့်ပါတယ်” ဟု ထိုင်းနိုင်ငံထုတ်ဘန်ကောက်ပို့စ်သတင်းစာ အယ်ဒီတာ့အာဘော်က ရေးသားထားသည်။

ကချင်ပြည်နယ် ငြိမ်းချမ်းရေးရရှိရေး ဆန္ဒပြရန် စီစဉ်နေ

ဖနိဒါ | သောကြာနေ့၊ ဇူလိုင်လ ၂၀ ရက် ၂၀၁၂ ခုနှစ် ၁၇ နာရီ ၅၈ မိနစ်

ချင်းမိုင်(မဇ္စျိမ) ။       ။ ကချင်ပြည်နယ်တွင် ငြိမ်းချမ်းရေး လိုလားကြောင်း မြစ်ကြီးနားမြို့ခံ အမျိုးသမီးများ ဦးဆောင်၍ လူမျိုးဘာသာမရွေး ပါဝင်သော စီတန်းလှည့်လည် ဆန္ဒပြပွဲတရပ်ကို လာမည့်သီတင်းပါတ်တွင် ပြုလုပ်ရန် စီစဉ်နေသည် ဟု ဦးဆောင် စီစဉ်သူတဦးဖြစ်သည့် ဒေါ်ဂျာခေါန်က ပြောသည်။

“ကျမတို့ ဒီမှာက ငြိမ်းချမ်းရေးမရှိသေးလို့ ကျမတို့ မိခင်တွေရဲ့ ဆန္ဒဖော်ထုတ်ဖို့ အဓိကပဲ။ ကျမတို့ မိခင်တွေက တိုင်းရင်းသားတွေ၊ မြို့မိမြို့ဖတွေ အကုန်လုံးကို စုပေါင်းပြီးမှ ကျမတို့ရဲ့ ဆန္ဒကို ဖော်ထုတ်ဖို့ အစီအစဉ် ရှိပါတယ်။ ခု အကုန်လုံးနဲ့ ညှိနှိုင်းနေတုန်းပဲ ရှိပါတယ်။ အားလုံးဆန္ဒ ပါဝင်ရတယ်” ဟု မဇ္စျိမကို ပြောသည်။

သူက ဆက်ပြီး “ကျမတို့ ကချင်ပြည်နယ်မှာ သိတဲ့အတိုင်းပဲ နှစ်ဦးနှစ်ဖက် ငြိမ်းချမ်းသွားအောင်လို့ အေးအေးဆေးဆေး သွားလာနိုင်အောင်၊ ကျမတို့ မိခင်တွေရော အကုန်လုံး အေးအေးဆေးဆေး နေနိုင်ဖို့အတွက် ရည်ရွယ်ပြီးတော့မှ လုပ်ဆောင်ခြင်း ဖြစ်တယ်။ တခြားဘာမှ မတောင်းဆိုဘူး၊ ငြိမ်းချမ်းရေးတခုပဲ တောင်းဆိုမှာပါ” ဟု ပြောသည်။ 

မြစ်ကြီးနားမြို့ပေါ်တွင် စစ်ပြေးဒုက္ခသည်များ အများအပြားရှိနေသဖြင့် ထိုစစ်ပြေးဒုက္ခသည်များ မိမိတို့ ကျေးရွာ၊နေအိမ်များသို့ ငြိမ်းငြိမ်းချမ်းချမ်း ပြန်နိုင်ရေးအတွက် ရည်ရွယ်၍ လုပ်ဆောင်ရခြင်း ဖြစ်သည်ဟု သူက ဆိုသည်။ ငြိမ်းချမ်းစွာ ဆန္ဒဖော်ထုတ်ခွင့် ဥပဒေအရ သက်ဆိုင်ရာ မြို့နယ် ရဲစခန်းသို့ အကြောင်းကြား၍ လုပ်ဆောင်သွားမည်ဟု သိရသည်။

သို့သော် ထိုဆန္ဒဖော်ထုတ်ရန် စီစဉ်သူ ဒေါ်ဂျာခေါန်သည် ကြံ့ခိုင်ရေးပါတီမှ ဆွမ်ပရဘွမ်မြို့နယ် ပြည်သူ့လွှတ်တော် ကိုယ်စားလှယ် ဦးခမိုင်တန်၏ ဇနီး ဖြစ်နေသဖြင့် ပြည်သူလူထုအကြား သံသယ ရှိနေကြသည်ဟု မြစ်ကြီးနားမြို့ခံ တဦးက ပြောသည်။

“နှစ်ဘက်စလုံးကို ငြိမ်းချမ်းရေး အမြန်ရအောင် လုပ်ပေးဖို့ ထုတ်ဖော် ဆန္ဒပြမယ်။ ပြည်ခိုင်ဖြိုးလိုလို၊ ပြည်နယ် အစိုးရ ဘက်က ဆန္ဒဖော်ထုတ်ခိုင်းတယ်လိုလို ပြောနေကြတယ်။ သူတို့က ပြည်ခိုင်ဖြိုးက ဖြစ်နေတယ်။ အစိုးရက လုပ်ခိုင်းတယ် လို့ ကြားတယ်။ ပြည်ခိုင်ဖြိုးကဆိုတော့ လူတွေက သံသယဖြစ်နေကြတယ်”ဟု မဇ္စျိမကို ပြောသည်။ 

မြန်မာနိုင်ငံတွင် ပြောင်းလဲလာပြီဟု ဆိုသော်လည်း ကချင်ပြည်နယ်တွင် ဒီမိုကရေစီ၏ အနစ်သာရ မခံစားရသေးသဖြင့် ငြိမ်းချမ်းရေးကို လိုလာကြောင်း ဆန္ဒဖော်ထုတ်ရန် စီစဉ်နေကြသည်ဟု ဒေါက်တာတူးဂျာက ပြောသည်။ 

“အခုက ကချင်ပြည်နယ်မှာ ဒုက္ခရောက်နေတာတွေ အများကြီး ရှိတယ်။ အထူးသဖြင့် ရွာပုန်းရွာရှောင် ဒုက္ခသည်တွေ၊ တခြားပြည်သူတွေ အနေနဲ့လည်း ဒုက္ခဆင်းရဲခံရတာတွေ အများကြီး ရှိတယ်။ ဒါက ငြိမ်းချမ်းရေး မရရှိလို့ ဒီလို ဖြစ်နေ တာ။ သူတို့က ငြိမ်းချမ်းရေး ရစေချင်တဲ့ ရည်ရွယ်ချက်ရှိတယ်လို့ ကြားသိရပါတယ်”ဟု သူက ပြောသည်။

ထို့ပြင် အစိုးရဘက်မှ တပ်များ ဆုတ်ပေးခြင်း မရှိသဖြင့် ကချင်လွတ်လပ်ရေးအဖွဲ့ KIO နှင့် တိုက်ပွဲ ဆက်လက်ဖြစ်ပွားနေပြီး ယခုထိ ဆွေးနွေးပွဲများ အဆင်မပြေမှု ဖြစ်နေရခြင်း ဖြစ်သည်ဟု သူက ဆက်ပြောသည်။

၎င်းတို့နှစ်ဖက် ယခုတကြိမ် တွေ့ဆုံမှုတွင် အစိုးရဘက်၏ တပ်ရုပ်သိမ်းရေးကိစ္စ ဆွေးနွေးမည် ဖြစ်သော်လည်းဆွေးနွေးမည့် နေရာ ညှိနှိုင်း၍မရ ဖြစ်နေကြခြင်း ဖြစ်သည်။

ကချင်ပြည်နယ် ဗန်းမော်မြို့တွင် တွေ့ဆုံမှုကို KIO ဘက်က ပယ်ချခဲ့ပြီးနောက် ရှမ်းပြည်နယ် မူဆယ်မြို့တွင် တွေ့ဆုံရန် အစိုးရဘက်က ကမ်းလှမ်းမှုကိုလည်း KIO ဘက်မှ တိုက်ပွဲများ ဆက်လက် ဖြစ်ပွားနေသဖြင့် မဖြစ်နိုင်ကြောင်း ဇူလိုင်လ ၁၇ ရက်နေ့က KIO ဘက်မှ အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီသို့ စာပို့လိုက်ပြီး ဖြစ်ကြောင်း ငြိမ်းချမ်းရေး အကျိုးဆောင် ဦးဂွမ်ဂျာက ပြောသည်။

“နိုင်ငံရေးဆွေးနွေးမှု ရောက်ဖို့ ပစ်ခတ်တာ ရပ်ရမယ်။ နှစ်ဖက် ယုံကြည်မှု ရအောင်၊ ကျနော်တို့လည်း ဒု-သမ္မတကို အရဲစွန့်ပြီးတော့မှ တပ်တွေကို ရုပ်သိမ်းပေးပါလို့ သွားပြောထားတယ်။ ဒါပေမယ့် ရုပ်သိမ်းမယ်လို့ ပြောပြီး ခုထိ မရုပ်သိမ်းသေးဘူး။ ဒီထက်မကဘူး။ တိုက်ပွဲတွေ ဆက်ဖြစ်နေတော့ ဆွေးနွေးပွဲ ရောက်ဖို့ ခက်ခဲနေတယ်” ဟု မဇ္စျိမကို ပြောသည်။

ဇူလိုင်လ ၁ ရက်နေ့မှ ၁၆ ရက်နေ့ထိ တိုက်ပွဲပေါင်း ၁၆၁ ကြိမ် ဖြစ်ပွားခဲ့သည်။ ထိုအထဲမှ ၁၄၉ ကြိမ်သည် ထိပ်တိုက် ရင်ဆိုင်တိုက်ပွဲများ ဖြစ်ပြီး ၁၅ ကြိမ်မှာ အစိုးရဘက်မှ ထိုးစစ်ဆင်လာ၍ တိုက်ခိုက်ခြင်း ဖြစ်ကြောင်း၊ လက်ရှိ KIO တပ်မဟာ ၁၊ ၄၊ ၅ နယ်မြေများတွင် တိုက်ပွဲများ ဆက်လက် ဖြစ်ပွားနေသဖြင့် ၎င်းနေရာတွင် တွေ့ဆုံ မဖြစ်နိုင်ကြောင်း စာပေးပို့ထားသည်ဟု သိရသည်။ 

KIO ၏ တပ်မဟာ ၄ ကိုလည်း အစိုးရဘက်မှ ထိုးစစ်ဆင်နေ၍ တရုတ်နယ်စပ် မိုင်ဂျာယန်နှင် လွယ်ဂျယ်အကြားရှိ ပရန်ဝမ်ဒေသ သို့မဟုတ် ယခင် တွေ့ဆုံခဲ့သော ရွှေလီမြို့တွင် ထပ်မံတွေ့ဆုံလိုကြောင်း KIO က စာပေးပို့ထားမှုကို အစိုးရဘက်မှ ပြန်လည်တုံ့ပြန်မှု မရှိသေးကြောင်း သိရသည်။

ကျောက်မျက်ဥပဒေ အတွက် ကချင်ပြည်နယ် အစိုးရ ဆောင်ရွက်နေ

မဇ္ဈိမသတင်းဌာန | သောကြာနေ့၊ ဇူလိုင်လ ၂၀ ရက် ၂၀၁၂ ခုနှစ် ၁၉ နာရီ ၀၈ မိနစ်

မဇ္ဈိမ သတင်းဌာန ။         ။ ကချင်ပြည်နယ် အတွင်း ကျောက်မျက် ရတနာ ထုတ်လုပ် ရောင်းဝယ်မှုနှင့် ပတ်သက်၍ပြည်နယ်အဆင့် ပထမ အဆင့် ဥပဒေမူကြမ်းကို အတည်ပြုလိုက်သည့်အတွက် မြစ်ကြီးနား ကျောက်မျက်ရတနာ ကုန်သွယ်ရေး အသင်း (MGTA) အနေဖြင့် ရလဒ်များအပေါ် ကျေနပ်အားရမိကြောင်း ဆိုသည်။

“ကျနော်တို့ အနေနဲ့ ကိုယ်တိုင် တွေ့ဆုံဆွေးနွေးနိုင်ခဲ့ကြပြီး ဆွေးနွေးနိုင်၊ စကားအချေအတင် ပြောနိုင်ခဲ့ကြတဲ့အတွက်အောင်မြင်မှုတွေ အများကြီး ရရှိနေတာပါ” ဟု အရာရှိတဦးက ဆိုသည်။

“ကျနော်တို့ အားလုံး အတူတကွ အားတက်သရော အလုပ်လုပ်ခဲ့ကြတဲ့ အတွက် ပထမ ဥပဒေမူကြမ်းဟာ စင်းလုံးချောဖြစ်သွားပါတယ်” ဟု သူက ဆိုသည်။

နေပြည်တော် မဏိရတနာ ကျောက်စိမ်းခန်းမ၌ ၂၀၁၂ မတ်လ ၉ ရက်နေ့တွင် ကျောက်မျက်ပြပွဲ ကျင်းပနေသည်ကို တွေ့ရစဉ်(ဓါတ်ပုံ - မဇ္ဈိမ)

ကချင်ပြည်နယ် လွှတ်တော် ဥက္ကဋ္ဌ နှင့် မြစ်ကြီးနားတက္ကသိုလ်မှ ဥပဒေ ပါမောက္ခဖြစ်သူ ဒေါက်တာ ဒေါ်ရင်ရင်ဝင်း၊ ဥပဒေဌာန ကိုယ်စားလှယ်များ၊ ရှေ့နေချုပ်ရုံး၊ ကချင်ပြည်နယ် သတ္ထုတွင်း ဝန်ကြီးနှင့် မြစ်ကြီးနား ကျောက်မျက်ရတနာ ကုန်သွယ်ရေးအသင်းမှ ကိုယ်စားလှယ်များက ဇွန်နှင့် ဇူလိုင်လများတွင် ဥပဒေမူကြမ်း ပေါ်ပေါ်လာရေးအတွက်ဆောင်ရွက်ခဲ့ကြခြင်း ဖြစ်သည်။

ဥပဒေမူကြမ်း၏ သတ်မှတ်ချက်အရ ကချင်ပြည်နယ်အတွင်းရှိ ကျောက်မျက်ရတနာ လုပ်ငန်းအားလုံးသည် အသေးစိတ် မှတ်တမ်းတင်ရမည် ဖြစ်ပြီး သတ်မှတ်ထားသည့် အခွန်များ ပေးဆောင်ရမည်ဖြစ်ကာ အကြောင်းမကြားဘဲ ပြုလုပ်သည့် အလုပ်မှန်သမျှအား ဥပဒေချိုးဖောက်မှုအဖြစ် သတ်မှတ်မည် ဖြစ်ပြီး ထို ဥပဒေ ချိုးဖောက်မှုအတွက် တရားစွဲခြင်းလည်း ခံရမည် ဖြစ်သည်။ 

ဥပဒေမူကြမ်း အသစ်သည် ၂ဝဝ၈ ခုနှစ် အခြေခံဥပဒေ၏ ကျောက်မျက်ရတနာ အခန်းကဏ္ဍအား အခြေခံထားပြီးပြောင်းလွယ်ပြင်လွယ်ဖြစ်ရန် စီမံထားသည်ဟု အရာရှိများက ဆိုကြသည်။

ထိုဥပဒေမူကြမ်းကို ဥပဒေအဖြစ် အတည်ပြုရန်အတွက် ပထမဦးစွာ ပြည်နယ်အဆင့် အစိုးရအဖွဲ့ထံသို့ တင်သွင်းရမည်ဖြစ်ပြီး ထို့နောက်တွင် ပြည်ထောင်စု အစိုးရအဖွဲ့သို့ တင်သွင်းရမည် ဖြစ်သည်

မဇ္ဈိမ သတင်းဌာန၏ မတ်လအတွင်းက သတင်းတပုဒ်တွင် ကချင်ပြည်နယ်အတွင်း၌ပင် ကျောက်မျက်ရတနာဖြတ်တောက်ခြင်း၊ သွေးခြင်း ပြုလုပ်ခွင့်ရမည့် ဥပဒေမူကြမ်းကို ပြည်နယ် လွှတ်တော်အစည်းအဝေးမှ သဘောတူ ချမှတ်လိုက်ကြောင်း ဖော်ပြခဲ့သည်။ ထိုဥပဒေ အသက်ဝင်လာသည့် အချိန်တွင် ကချင်ပြည်နယ် အတွင်းတွင် အလုပ်အကိုင်သစ် အခွင့်အလမ်းများစွာ ပေါ်ပေါက်လာလိမ့်မည်ဟု လွှတ်တော် အမတ်များက ဆိုခဲ့ကြသည်။