18.07.2012 နေ့ဖတ်ရန်သတင်းများ

by Myanmar Journal on Tuesday, July 17, 2012 at 3:49pm ·

HSBC အမှုဆောင် လူကြီးတွေကို ဆီးနိတ်မှာ ကြားနား စစ်ဆေးမယ်

HSBC အမှုဆောင် လူကြီးတွေဟာ ဘဏ်ရဲ့ အားနည်းချက်တွေ အတွက် တောင်းပန် လိမ့်မယ်လို့ မျှော်လင့်ရ

ကမ္ဘာ့အကြီးဆုံး ဘဏ်တခုဖြစ်တဲ့ HSBC ဘဏ်ကြီးရဲ့ ထိပ်တန်း အမှုဆောင် လူကြီးတွေဟာ အမေရိကန် ဆီးနိတ် အထက်လွှတ်တော် ကော်မတီ တခုရှေ့မှာ ကြားနား စစ်ဆေးခံရဖို့ ရှိပါတယ်။

ဗြိတိသျှပိုင် ဒီဘဏ်ကြီးကြောင့် အမေရိကန် ပြည်ထောင်စုဟာ မူးယစ်ဆေးဝါး ရောင်းဝယ်ရေး ဂိုဏ်းတွေ နဲ့ အကြမ်းဖက် သမားတွေရဲ့ အန္တရာယ် ရှိခဲ့ပြီး ဒါဟာ လက်ခံနိုင်စရာ မရှိဘူး လို့ ဆီးနိတ် လွှတ်တော်ရဲ့ အစီရင်ခံစာ တခုမှာ စွပ်စွဲထားပါတယ်။

မက္ကဆီကို ဘဏ်တွေကနေ ဒေါ်လာ ဘီလျံနဲ့ချီ ငွေ အလွှဲအပြောင်း လုပ်တာ အပါအဝင်၊ ငွေခဝါချမှုတွေကို HSBC အမေရိကန် ဘဏ်ခွဲ အနေနဲ့ မတားဆီး နိုင်ခဲ့ဘူးလို့ အစီရင်ခံစာက ဆိုပါတယ်။

HSBC အမှုဆောင် လူကြီးတွေဟာ အခုလို ဘဏ်ကြီးရဲ့ အားနည်းချက်တွေ အတွက် ဝန်ခံပြီး အပြည့်အဝ တောင်းပန်လိမ့်မယ်လို့ မျှော်လင့်ရပါတယ်။

စုံစမ်း စစ်ဆေးချက်တွေ အရ HSBC မက္ကဆီကို ဘဏ်ခွဲကနေ အမေရိကန်ကို ၂ နှစ် အတွင်း ဒေါ်လာ ၇ ဘီလျံ ဝင်ရောက်လာတယ်လို့ ဆိုပါတယ်။ အဲဒီထဲက တချို့ ငွေတွေဟာ မူးယစ် ဆေးဝါး မှောင်ခို ရောင်းဝယ်လို့ ရတဲ့ ငွေတွေ ဖြစ်တယ်လို့ ဆိုပါတယ်။

ထွန်တုံးတိုက်ပွဲဝင် လယ်သမားတချို့ တရားစွဲခံရ

တနင်္ဂနွေနေ့ မနက်ကလည်း ရန်ကုန်မြို့မှာ လယ်သမားတွေ ဆန္ဒပြခဲ့ ကြပါတယ်

မန္တလေးတိုင်း မိတ္ထိလာနဲ့ ပဲခူးတိုင်း ပန်းတောင်း မြို့နယ်မှာ ဇွန်လ ၁၁ရက်က စပြီး သိမ်းဆည်းခံ လယ်ယာမြေတွေ ပြန်ရရှိရေး ထွန်တုံး တိုက်ပွဲ လုပ်ခဲ့တဲ့ လယ်သမားတချို့ကို သက်ဆိုင်ရာ က တရာစွဲဆို လိုက်ပါတယ်။

လယ်သိမ်းခံ လယ်သမားတွေနဲ့ အာဏာပိုင်တွေ ညှိနိုင်းနေဆဲ ကာလမှာ မိတ္ထိလာမြို့နယ် ကံကောင်းရွာက လယ်သမား ၁၉ ယောက်ကို သက်ဆိုင်ရာက တရားစွဲ လိုက်တာ ဖြစ်ပါတယ်။

တရားစွဲဆိုခံထား ရတဲ့ လယ်သမားတွေ အတွက် မနက်ဖြန် ဗုဒ္ဓဟူးနေ့မှာ ရုံးချိန်းရှိပြီး၊ အဲဒီသူတွေ အတွက် အာမခံဖို့ လူတွေကိုပါ လာဖို့ တရားရုံးက မှာကြားထားတယ်လို့ ကြားဝင် ကူညီပေးနေတဲ့ မိတ္ထိလာ ပြည်သူ့ အကျိုးဆောင် ကွန်ယက် တာဝန်ခံ ဒေါ်မြင်မြင့်အေးက ပြောပါတယ်။

ဒီလို အလားတူဘဲ မိတ္ထိလာခရိုင် မလှိုင်နဲ့ဝမ်းတွင်း မြို့နယ် အတွင်း ရန်ကုန်မန္တလေး အမြန်လမ်းမကြီး ဘေးမှာ ကောင်းကင် ကုမ္ပဏီက သိမ်းယူထားတဲ့ လယ်မြေတွေပေါ် လယ်သမားတွေက ထွန်ယက် တုန်းကလည်း ကုမ္ပဏီဘက်က ပြေလည်အောင် ဖြေရှင်းပေးပါ့မယ် ပြောပြီး အခုအချိန် အထိ ပြေလည်မှု မရဘူးသေးဘူးလို့ ပြောပါတယ်။

မိတ္ထိလာဘက်က လယ်သမားတွေ တရားစွဲခံရသလိုဘဲ ပဲခူးတိုင်းအနောက်ခြမ်း ပြည်ခရိုင် ပန်းတောင်းမြို့နယ်မှာ ကာကွယ်ရေးပစ္စည်းစက်ရုံ ကပစ (၅) က သိမ်းထားတဲ့ လယ်တွေပေါ်မှာ ဝင်ရောက်ထွန်ယက်လို့ဆိုပြီး ပန်းတောင်းမြို့နယ် ဒေါင်းတိုက်နဲ့ ပဲကြီးရွာက လယ်သမား ၆ယောက်ကိုလည်း ကပစ ၅က တရားစွဲဆိုလိုက်ပါတယ်။

သက်ဆိုင်ရာဘက်က ပိုင်နက် ကျူးလွန်မှုနဲ့ တရားစွဲထား တာကြောင့် တောင်သူတွေဘက် ကလည်း ခုခံချေပပြီး တန်ပြန် တရားစွဲဆို သွားမယ်လို့ သိရပါတယ်။

အခု အငြင်းပွား စရာ ဖြစ်နေတဲ့ ပန်းတောင်းမြို့နယ်က လယ်မြေဧက ၇၀ ကျော်ဟာ ကာကွယ်ရေး ပစ္စည်းရုံ ကပစ(၃) နဲ့ ကပစ (၅)က ၁၉၈၉ ခု ကတည်းက လျော်ကြေး မပေးဘဲ သိမ်းယူထားခဲ့ပြီးတော့ မူလ လယ်ပိုင်ရှင်တွေကို သီးစားခ ယူပြီး ပြန်လည် လုပ်ကိုင်ခွင့် ပေးထားခဲ့တာ ဖြစ်ပါတယ်။

ခုလို လယ်သိမ်းခံနဲ့ လယ်သိမ်းသူတွေ အကြား ဖြစ်နေတဲ့ ပြဿနာတွေ အပေါ် လက်ရှိ လွှတ်တော်က ချမှတ်ထားတဲ့ လယ်ယာမြေ ဥပဒေက ဘယ်သူ့ ဘက်ကို အကာအကွယ် ပေးသွားမလဲ ဆိုတာ လယ်သမားတွေက စိတ်ဝင်တစား မျှော်လင့် နေကြောင်း သိရပါတယ်။

တိုင်းရင်းသား ဝန်ကြီး နေရာ ဆွေးနွေး

တိုင်းရင်းသား အခွင့်အရေး လဲ ဆွေးနွေး ခဲ့

အမျိုးသား လွှတ်တော်မှာ ရခိုင်ပါတီက ဒေါက်တာ အေးမောင် တင်သွင်းတဲ့ တိုင်းရင်းသား ဝန်ကြီးတွေ တိုင်းနဲ့ ပြည်နယ် အစိုးရမှာ တာဝန်ပေးရေး အဆိုကို လွှတ်တော်မှာ မဲခွဲ ရာမှာ ၃၃ မဲ ၁၅ဝ နဲ့ ရှုံး နိမ့် ခဲ့ပါတယ်။

ဒါပေမယ့် ဝန်ကြီးတွေကို အစိုးရ တွေမှာ ထည့်သွင်း ပေးပြီး အမြဲတမ်းတော့ အစည်းအဝေး မတက်ရဘူးလို့ ရန်ကုန်တိုင်းက လွှတ်တော်အမတ် ဦးဖုန်းမြင့်အောင်က ဆိုပါတယ်။

တိုင်းရင်းသား ဝန်ကြီးတွေဟာ တိုင်းနဲ့ ပြည်နယ် တခုလုံးကို ကိုယ်စားမပြုဘဲ တိုင်းရင်းသား တမျိုးချင်းစီ နဲ့သာ သက်ဆိုင်တာမို့ တိုင်းနဲ့ ပြည်နယ် လုပ်ငန်း ဆောင်တာတွေ အားလုံးနဲ့ မသက်ဆိုင်တာမို့ မတက်ရတာလို့ သူက ယူဆပါတယ်။

မဲမခွဲခင် လွှတ်တော် အမတ် ၉ဦးက ဆွေးနွေး ခဲ့ကြပါတယ်။

ပြည်သူ့လွှတ်တော် မှာလဲ တိုင်းရင်းသား အခွင့်အရေး နဲ့ ပတ်သက်တဲ့ အဆိုကို မကြာခင်က တင် သွင်း ဆွေးနွေး ခဲ့ကြပါတယ်။ 

ဆီးရီးယား အစိုးရ ဓါတု လက်နက်သုံးနိုင်

ဒမားစကပ်စ် မြို့လယ်နေရာတွေမှာလည်း တိုက်ပွဲ တွေ ဖြစ်နေ

ဆီးရီးယားနိုင်ငံမှာ အကြမ်းဖက် တိုက်ခိုက်မှု တွေ တိုးပွား ပြင်းထန်လာနေချိန်မှာပဲ ပြီးခဲ့တဲ့ သီတင်းပတ်က အစိုးရကို ဆန့်ကျင်ပြီး ဘက်ပြောင်းခဲ့တဲ့ ဆီးရီးယား သံအမတ်ဟောင်း Nawaf Fares က သမ္မတ အားဆာ့တ် အနေနဲ့ ဆီးရီးယား ပြည်သူတွေကို တိုက်ခိုက်ရာမှာ ဓါတု လက်နက်သုံးဖို့ ဝန်လေးမှာ မဟုတ်ဘူး၊ တိုက်ခိုက်မှုတွေကို အယ်လ်ကိုင်ဒါတွေနဲ့ ပူးပေါင်း လုပ်နေတယ် လို့ ထုတ်ဖေါ် ပြောလိုက်ပါတယ်။

မစ္စတာ Fares ဟာ ပြီးခဲ့တဲ့ သီတင်းပတ်က အီရတ်နိုင်ငံ ဆိုင်ရာ ဆီးရီးယား သံအမတ်ကြီး အဖြစ် တာဝန်ထမ်းဆောင်ခဲ့သူ ဖြစ်ပြီး သမ္မတ အားဆာ့တ် အစိုးရ အဖွဲ့ကို ဆန့်ကျင်ပြီး လောလောဆယ် ဘက်ပြောင်းလာသူတွေထဲမှာ အဆင့်အမြင့်ဆုံး သံတမန် တဦး ဖြစ်ပါတယ်။

နှစ်ပေါင်း ၃၄ နှစ် လုံးလုံး တာဝန် ထမ်းဆောင်ခဲ့တဲ့ သူ့အစိုးရ အဖွဲ့အပေါ် စွပ်စွဲ ပြောဆိုတဲ့ စကားတွေ တခုပြီး တခု ပြောခဲ့ ပါတယ်။

ဘရှား အယ်လ် အားဆာ့တ် အစိုးရဟာ ချောင်ပိတ်ခံထားရပြီး ဒဏ်ရာ အနာတရ ရထားတဲ့ မြေခွေးတကောင်လို သွေးရူးသွေးတန်းနဲ့ လျှောက်လုပ်မှာပဲလို့ ဆိုပါတယ်။အတိုက် အခံ တွေကို ချေမှုန်း နိုင်ရေး အတွက် ဆီးရီးယား အစိုးရဟာ ပြည်သူတွေကို ဗုံးကြဲ တိုက်ခိုက်တာတွေ လုပ်ဖို့ အယ်လ်ကိုင်ဒါတွေနဲ့ ပူးပေါင်းနေတယ်လို့ သူက စွပ်စွဲပြောသွားပါတယ်။

အားဆာ့တ် အစိုးရဟာ နိုင်ငံရေး အရ စေ့စပ် ဖြေရှင်းတာမျိုးနဲ့ အာဏာ စွန့်ပေးမှာ မဟုတ်ပဲ အင်အားသုံး တိုက်ထုတ်တာမျိုး လုပ်မှ အာဏာ စွန့်မှာလို့လည်း ပြောပါတယ်။

အားဆာ့တ် အစိုးရ အနေနဲ့ နောက်ထပ် ချောင်ပိတ်ခံရမယ်ဆိုရင် ဓါတု လက်နက် သုံးဖို့ ဝန်လေးမှာ မဟုတ်ဘူး၊ Homs မြို့မှာ လုပ်ခဲ့တဲ့ တိုက်ခိုက်မှု တချို့မှာ ဓါတု လက်နက်တွေ သုံးကောင်း သုံးခဲ့ဖွယ် ရှိတယ်လို့ လည်း ဆိုပါတယ်။

အတွင်း သတင်းတွေ အတော်အတန် သိထားတဲ့ ဘက်ပြောင်းလာသူတဦးရဲ့ ဒီစွပ်စွဲမှုတွေ ဟာ အတော်လေး အလေးထားရမယ့် စွပ်စွဲချက်တွေလို့ ပြောရမှာပါ။ ဒါပမယ့် တကယ်တမ်း မှာ မစ္စတာ Fares ဟာ သိပ္ပံ ပညာရှင် တဦး မဟုတ်သလို စစ်တပ် တပ်ဖွဲ့ဝင် တဦးလည်း မဟုတ်ပါဘူး။

သူ့ရဲ့ စွပ်စွဲ ပြောဆိုချက်တွေဟာ ၂၀၀၃ခုနှစ် အီရတ်ကို ကျူးကျော်တိုက်ခိုက်မှုတွေ မလုပ်ခင် ဆဒမ် ဟူစိန်မှာ လူတွေကို အစုလိုက်အပြုံလိုက် သတ်ဖြတ်ချေမှုန်းနိုင်မယ့် အဖျက် လက်နက်တွေ ရှိနေတယ်ဆိုတဲ့ ကျယ်ကျယ် လောင်လောင် ပြောဆိုမှု မျိုးတွေနဲ့ အလားတူနေပါတယ်။

ဆီးရီးယား အစိုးရ အနေနဲ့ ဓါတု လက်နက်တွေ သုံးဖို့ ဆုံးဖြတ်ရင်တော့ ထုတ်ဖေါ် ဆွေးနွေးတာမျိုး လုပ်မှာ မဟုတ်ကြောင်းနဲ့ သူသိထား သမျှ ဆီးရီးယား အစိုးရရဲ့ စိတ်နေ သဘောထားတွေကို အခြေခံပြီး အခုလို ထုတ်ဖေါ်ပြောတာ ဖြစ်တယ်လို့ မစ္စတာ Fares က ဆိုပါတယ်။

ဆီးရီးယားမှာ ဖြစ်ခဲ့တဲ့ ဗုံးခွဲတိုက်ခိုက်မှုတွေ အားလုံး အထူးသဖြင့် အပြစ်မဲ့ ပြည်သူတွေ အများအပြား သေဆုံးခဲ့ရတဲ့ တိုက်ခိုက်မှုတွေ ဟာ အားဆာ့တ် အစိုးရရဲ့ လက်ချက် ဖြစ်တယ်လို့ သူက ဖြည့်စွက် ပြောသွားပါတယ်။

အခုအခါ ဆီးရီးယား အစိုးရဟာ ပြည်သူတွေကို တိုက်ခိုက် ချေမှုန်းဖို့ အယ်ကိုင်ဒါတွေနဲ့ ပေါင်းနေပြီးလို့လည်း ပြောပါတယ်။ ဒါပေမယ့် ဒါနဲ့ ပတ်သက်လို့ ဘာသက်သေ အထောက် အထားမှ သူ့အနေနဲ့ မပြနိုင်ခဲ့ပါဘူး။

တခါအယ်ကိုင်ဒါတွေ အနေနဲ့ သမ္မတ အားဆာ့တ် အစိုးရကို အမြဲ ဝေဖန် ပြောဆို နေခဲ့တာ ဖြစ်ပြီး သူ့ကို ဆန့်ကျင် တိုက်ခိုက်ဖို့ မွတ်ဆလင် ဘာသာရေး ဝါဒီတွေကို တိုက်တွန်း နေခဲ့တာကြောင့် ဒီ စွပ်စွဲချက်တွေဟာ သိပ်ယုတ္တိ မရှိဘူးလို့ ပြောရမှာပါ။

မစ္စတာ Fares ကတော့ အယ်ကိုင်ဒါတွေ အနေနဲ့ သူတို့ကို ထောက်ခံအားပေးမယ့် သူတွေကို ရှာနေသလို ဆီးရီးယား အစိုးရကလည်း ပြည်သူတွေကို ချေမှုန်းနိုင်မယ့် နည်းလမ်း တွေ ရှာနေတာမို့ တဖက်နဲ့ တဖက် အဆင်ပြေသလို ကြည့်ပေါင်းနေကြတာ ဖြစ်တယ်လို့ ပြန်ဖြေသွားပါတယ်။

မြန်မာပြည်မှာ ခရက်ဒစ် အကြွေးကဒ်သုံးဖို့ စတင် စီစဉ်

By ရဲကျော်အောင်

နိုင်ငံ တကာဧည့်သည်တွေ လာရောက်တဲ့ ပြည်တွင်းဘဏ်တွေမှာ အသုံးပြုနိုင်မဲ့ အကြွေးဝယ်ကတ် VISA နဲ့ MASTER ကတ်တွေကို အခု နှစ်ကုန်ပိုင်းမှာ စတင် သုံးနိုင်ဖို့ ပြည်တွင်းပုဂ္ဂလိက ဘဏ်တွေက နိုင်ငံတကာ ဘဏ်တွေနဲ့ ပူးပေါင်းပြီး  အကြွေးဝယ်ကတ် စနစ်တွေ အကောင်အထည် ဖော်ဖို့ ကြိုးစားနေကြပါတယ်။ ဘယ်လို အကြွေးကဒ်တွေကို စီစဉ် လုပ်ဆောင်ကြမယ်ဆိုတာနဲ့ ပတ်သက်လို့ ရန်ကုန်မြို့မှာ ရှိတဲ့ သတင်းထောက် ကိုရဲကျော်အောင်က တင်ပြပေးထားပါတယ်။

နိုင်ငံ တကာဧည့်သည်တွေ မြန်မာနိုင်ငံကို လာရောက်ကြတဲ့အခါ ပြည်တွင်းဘဏ်တွေမှာ အသုံးပြုဖို့ လွယ်ကူနိုင်အောင် စီစဉ်တဲ့အနေနဲ့ အကြွေး ၀ယ်ကတ် VISA နဲ့ MASTER ကဒ်တွေကို အခုနှစ်ကုန်ပိုင်းမှာ စတင် သုံးနိုင်ဖို့အတွက် ပြည်တွင်းမှာရှိတဲ့ ပုဂ္ဂလိက ဘဏ်တွေက စီစဉ်နေပြီ လို့ CB ဘဏ် ဒါရိုက်တာ ဦးဖေမြင့် က ပြောပါတယ်။ လက်ရှိ ပြည်တွင်းဘဏ် တွေအနေနဲ့ နိုင်ငံ တကာဘဏ် တွေနဲ့ ပူးပေါင်း စီစဉ်နေတာနဲ့ပတ်သက်လို့ CB ဘဏ် ဒါရိုက်တာ ဦးဖေမြင့်က VOA ကို အခုလို ရှင်းပြပါတယ်။

“Tourist တွေဘာတွေ လာတဲ့အခါမှာ ငွေသုံးတဲ့အခါမှာ အဆင်ပြေအောင်လို့ လုပ်ပေးတဲ့သဘောပေါ့၊ လူကြီးတွေလည်း အဲလို ဆန္ဒပဲ ရှိတာပဲလေ..၊ မကြာခင်မှာ Visa သုံးဖို့  Master သုံးဖို့ ဆန္ဒတော့ ရှိကြ တယ်လေ”

နိုင်ငံ တကာ အသုံးပြုနေ တဲ့ အကြွေးဝယ်ကတ် VISA နှင့် MASTER ကတ်တွေကို ပြည်တွင်းမှာသုံးဖို့ ကြိုးစားရင် ပြင်ဆင်ထားစရာတွေအများကြီး ရှိနေ သေးတယ်လို့ ပြည်တွင်း ဘဏ်လုပ်ငန်း အရေး လေ့လာစောင့်ကြည့်နေသူ မခင်သူဝင်း က အခုလို ထောက်ပြ ပြောဆိုပါတယ်။

“ ဒီစနစ်တွေ ဖွံ့ဖြိုးဖို့အတွက်ဆိုရင်တော့ Rules and Regulation တွေ သေချာ ချမှတ်ဖို့ လိုတယ်၊ ဒီစနစ် က ငွေကြေးလည်ပတ်စီးဆင်းမှုကို ပိုမို မြန်ဆန်လာစေမှာပေါ့နော်..။ ဒါပေမဲ့ ဒီစနစ်က မြန်မာပြည်သူတွေ အနေနဲ့ အသားကျ သုံးတတ်အောင်တော့ အသိပညာပေးတွေ အများကြီး လုပ်ဖို့ လိုတယ်၊ ဒါက Online Banking စနစ် ဖွံ့ဖြိုးလာဖို့အတွက် အကောင်းဆုံး နည်းလမ်းတရပ်လို့ ထင်ပါတယ်။”

အကြွေးဝယ်ကတ်တွေဖြစ်တဲ့ VISA နဲ့ MASTER ကဒ်တွေ စတင်အသုံး မပြုသေးခင်မှာ ပြည်တွင်းကြွေး ၀ယ်ကတ်တစ်ခုဖြစ်တဲ့ မြန်မာပေးမင့် ယူနီယံ (Myanmar Payment Union) ကဒ်ကို စတင် အသုံးပြု ဖို့ ပြည်တွင်း ဘဏ် ၁၁ ခု က စတင် ဆောင်ရွက်နေပြီး အဲဒီ မြန်မာပေးမင့် ယူနီယံ (Myanmar Payment Union) ကဒ်အဆင်ပြေမှု တွေကို ကြည့် ပြီး VISA နဲ့ MASTER ကဒ်တွေက  သူတို့ရဲ့ ကဒ်တွေ ကို  ပြည်တွင်း မှာ သုံးဖို့ လိုင်စင် ချပေးမှာ ဖြစ်တယ်လို့ CB ဘဏ် ဒါရိုက်တာ ဦးဖေမြင့် က VOA ကို ပြောပါတယ်။

“ခုလောလောဆည်.. Visa , Master သုံးမှာက MPU ထဲမှာ Member ၁၁ ခု ပါတယ်လေ၊ အဲဒီ ၁၁ ခုက သူတို့ Visa ကနေ လိုင်စင်ပေးတော့မှာကိုး၊ လိုင်စင်က MPU အဖွဲ့ဝင်တွေကို သူတို့ သတ်မှတ်တဲ့ စည်းမျဉ်း စည်းကမ်းအတိုင်း ညီရအောင် သူတို့ စစ်ဆေးဦးမှာပေါ့၊ စစ်ဆေးပြီးမှ သူတို့ ပေးလိမ့်မယ် ထင်တယ်။

အကြွေးဝယ်ကဒ်တွေဖြစ်တဲ့ VISA နဲ့ MASTER ကဒ်တွေဟာ အမေရိကန် အခြေစိုက် အကြွေးဝယ်ကဒ် ကုမ္ပဏီတွေက ထုတ်လုပ်တာ ဖြစ်ပြီး မြန်မာ နိုင်ငံအပေါ် အမေရိကန်က စီးပွားရေးဖြေလျှော့မှုတွေ အပြီး မှာ ပြည်တွင်းဘဏ်တွေနဲ့ ချိတ်ဆက်ပြီး အလုပ်လုပ်ဖို့ စတင်ကြိုးပမ်းလာခဲ့တာ ဖြစ်ပါတယ်။

အငြင်းပွားရေပိုက်နက် တရုတ်သင်္ဘောတွေ ရောက်လာတာကြောင့် ဖိလစ်ပိုင် စိုးရိမ်

By VOA Burmese

• တောင်တရုတ် ပင်လယ်ပြင်တွင်း ပိုင်ဆိုင်မှုအတွက် အငြင်းပွားနေတဲ့ ကျွန်းတွေအနီး တရုတ်နိုင်ငံက သင်္ဘောအစင်း ၃၀ လောက် စေလွှတ်လိုက်တဲ့အတွက် ဖိလစ်ပိုင်နိုင်ငံက စိုးရိမ်မကင်း ဖြစ်နေပါတယ်။ Yongshu ကျောက်တန်းအနီး သွားရောက်တဲ့ ငါးဖမ်း သင်္ဘောတွေကို စောင့်ရှောက်ဖို့ တန်ချိန် ၃ ထောင် ရှိတဲ့ သင်္ဘောတစင်းနဲ့ အစိုးရရေယဉ်တွေ လိုက်ပါသွားခဲ့ကြောင်း တရုတ် အစိုးရက ကြေညာထားတာပါ။

ဖိလစ်ပိုင် နိုင်ငံခြားရေး ဌာနကတော့ တရုတ်သင်္ဘောတွေ ရောက်ရှိလာတဲ့အပေါ် စိုးရိမ်မကင်း ဖြစ်တဲ့ အကြောင်း ကြေညာချက် ထုတ်ပြန်ပါတယ်။ ဖိလစ်ပိုင်နိုင်ငံ ရေပိုင်နက်ထဲ ကျူးကျော် ၀င်ရောက်လာတာမျိုး မဖြစ်စေချင်ဘူး လို့လည်း နိုင်ငံခြားရေးဌာန ပြောခွင့်ရသူက ပြောဆိုခဲ့တာပါ။

တရုတ်ငါးဖမ်းသင်္ဘောတွေ ရောက်ရှိလာတဲ့ ကျောက်တန်းဟာ ဖိလစ်ပိုင်နိုင်ငံ Palawan ခရိုင် အနောက်ဘက် မိုင် ၃၁၀ အကွာမှာ တည်ရှိတာကြောင့် ကမ်းလွန် မိုင် ၂၃၀ ကျော်ရင် နိုင်ငံတကာ ရေပိုင်နက်အဖြစ် သတ်မှတ်လေ့ရှိတဲ့ နယ်မြေကို ကျော်လွန်တဲ့ နေရာမှာ ရှိနေတာဖြစ်ပါတယ်။

တောင်တရုတ် ပင်လယ်ပြင်တွင်း ပိုက်နက်နယ်မြေအတွက် တရုတ်နိုင်ငံနဲ့ အငြင်းပွားနေတဲ့ အထဲမှာ အရှေ့ တောင် အာရှ နိုင်ငံများအသင်း (အာဆီယံ) အဖွဲ့ဝင် ဖိလစ်ပိုင်သာမက၊ ဗီယက်နမ်၊ မလေးရှား၊ ဘရူနိုင်း စတဲ့ နိုင်ငံတွေလည်း ပါဝင်နေကြတာပါ။ ဒီအတွက်လည်း အာဆီယံ အစည်းအဝေးပွဲတွေ ပြီးခဲ့တဲ့ သီတင်းပတ် အတွင်း ကမ္ဘောဒီးယား နိုင်ငံမှာ ကျင်းပစဉ် ဒီကိစ္စကို ဆွေးနွေးခဲ့ကြပေမဲ့ တစုံတရာ သဘောတူညီချက် မရဘဲ အဆုံးသတ်ခဲ့တာလည်း ဖြစ်ပါတယ်။

ပြည်ပရောက် လူ့အခွင့်အရေးအဖွဲ့ မြန်မာပြည်မှာ အလုပ်လုပ်ဖို့ ဖိတ်ခေါ်

By ရဲကျော်အောင်

• ပြည်ပမှာ အခြေစိုက် လှုပ်ရှားနေတဲ့ လူ့အခွင့်အရေး လှုပ်ရှားမှုအဖွဲ့ကို မြန်မာနိုင်ငံမှာ တရားဝင် လုပ်ငန်းတွေ လုပ်ကိုင်ဖို့ လူ့အခွင့်အရေး ကော်မရှင်က ဖိတ်ခေါ်လိုက်ပါတယ်။ လူ့အခွင့်အရေး နှင့် ပညာရေး ဌာန မြန်မာနိုင်ငံ (HREIB) အနေနဲ့ မြန်မာ နိုင်ငံထဲမှာ လူ့အခွင့်အရေး လုပ်ငန်းတွေ လုပ်ကိုင်ဖို့ မှတ်ပုံ တင်နိုင်တဲ့အကြောင်း၊ မြန်မာနိုင်ငံ အမျိုးသား လူ့အခွင့်အရေး ကော်မရှင် က တိုက်တွန်းလိုက်တာ ပါ။ ပြည်ပရောက် လူ့အခွင့်အရေး လှုပ်ရှားမှု အဖွဲ့အဖြစ် ပြည်တွင်းမှာ ရပ်တည် လုပ်ဆောင်ဖို့ အလား အလာတွေ နဲ့ ပတ်သက်လို့တော့ ရန်ကုန်အခြေစိုက် VOA သတင်းထောက် ကို ရဲကျော်အောင် သတင်းပို့ ထားပါတယ်။

ပြည်ပအခြေစိုက် လူ့အခွင့်အရေး နှင့် ပညာရေးဌာန မြန်မာနိုင်ငံ (HREIB) နဲ့  ပြည်တွင်း အခြေစိုက် လူ့အခွင့်ရေးကော်မရှင် တို့ ဒီနေ့ ပြည်တွင်းမှာ တွေ့ဆုံဆွေးနွေးမှု တစ်ရပ်ပြုလုပ်ပြီး ပြည်တွင်း အခြေစိုက် လူ့အခွင့်ရေးကော်မရှင် က ပြည်ပအခြေစိုက် လူ့ အခွင့်အရေး နှင့် ပညာရေးဌာန မြန်မာနိုင်ငံ (HREIB) ကို ပြည်တွင်းမှာ လာရောက် မှတ်ပုံတင်ပြီး လူ့အခွင့်အရေးဆိုင်ရာ ကိစ္စ တွေ လာရောက်လုပ်ဆောင် ဖို့ ဖိတ်ခေါ်ခဲ့ပါတယ်။ ပြည်ပအခြေစိုက် လူ့အခွင့်အရေး နှင့် ပညာရေးဌာန မြန်မာနိုင်ငံကလည်း ပြည်တွင်းမှာ လာရောက်ပြီး လုပ်ဆောင်ဖို့အတွက် သူတို့ မှာ အခက်အခဲ မရှိပေမဲ့ ပြည်တွင်းမှာ လာရောက် လုပ်ဆောင် တဲ့အခါ မှတ်ပုံတင်တဲ့ အဆင့်မှာပဲ အတားအဆီး အနှောက်အယှက်တွေ ရှိနေတယ် ဆိုပြီး  ပြည်တွင်း အခြေစိုက်လူ့အခွင့်ရေးကော်မရှင် က ပုဂ္ဂိုလ်တွေကို ပြောကြားခဲ့ပါတယ်။

ဒါနဲ့ပတ်သက်ပြီး ဒီကနေ့ တွေ့ဆုံမှုမှာ ပါဝင်ခဲ့တဲ့ ပြည်ပအခြေစိုက် လူ့အခွင့်အရေး နှင့် ပညာရေး ဌာန မြန်မာနိုင်ငံ က ဒါရိုက်တာ ဦးအောင်မျိုးမင်း က အခုလို ပြောပြပါတယ်။

“ကျနော်တို့က တရားဝင် Register လုပ်ရတဲ့ အဖွဲ့အစည်းမျိုး ဖြစ်မယ်ဆိုရင် သူတို့နဲ့ သေချာ လက်တွဲ လုပ်ဆောင်ဖို့ ပို အဆင် ပြေ နိုင်တယ်၊ ကျနော်တို့ရဲ့ လုပ်ငန်းတွေမှာလည်း သူတို့အနေနဲ့ ကော်မရှင်အနေနဲ့ ဒီလိုမျိုး ပူးပေါင်း လုပ်ဆောင်မယ့် အနေ အထားမျိုး ရှိတယ်လို့ ပြောပါတယ်။ ဒါကတော့ သူတို့ဘက်က အကြံပေးတဲ့သဘောပါ၊ ဒါပေမဲ့ ကျနော်တို့က ပြန်အကြောင်းပြတဲ့ နေရာမှာကတော့ ခုချိန်ထိ ကျနော်တို့ အဖွဲ့အစည်းတွေဆိုင်ရာ၊ NGO တွေဆိုင်ရာ မှတ်ပုံတင်ဖို့ လုပ်ငန်းအခြေအနေက တိတိ ကျကျ မရှိသေး ဘူး၊ နောက်တခါ ကျနော်တို့ ပြည်ပကနေ လုပ်ဆောင်နေတဲ့ အဖွဲ့အစည်းတွေကို အစိုးရပိုင်းမှာ လူ့အခွင့် အရေး ပညာပေးတယ်ဆိုရင် အကောင်းဘက်က မမြင်ဘဲနဲ့ အနှောက်အယှက်ပြုတဲ့သဘောမျိုး ရှိနေတဲ့ အတွက်၊ တကယ်လို့ မှတ်ပုံ တင် ရင်ရော ဒါတွေက လွယ်လွယ်ကူကူ ဖြစ်နိုင်သလား၊ အဆင်ပြေပြေဖြစ်နိုင် သလား၊ ကျနော်တို့က ပြန်ပြီးတော့ ထောက်ပြပါတယ်၊ ဒီကိစ္စတွေကတော့ ပြည်ထဲရေး ၀န်ကြီးဌာနနဲ့ သက်ဆိုင်တဲ့အတွက် အဲဒါတွေကို ဆက်သွယ်ပြီးတော့ လုပ်ဆောင်နိုင်မယ်ဆိုရင် ကောင်းတဲ့ အကြောင်း ပြောပါတယ်။ သူတို့ ပြောတဲ့အချက်ထဲမှာတော့ လူ့အခွင့်အရေးဆိုတာ၊ အားလုံးကလည်း အရေး ထားတဲ့ ကိစ္စဖြစ်တယ်၊ တချိန်တည်းမှာပဲ အစိုးရပိုင်းကလည်း လူ့အခွင့်အရေးနဲ့ ပတ်သက်လို့ လုပ်ဆောင်ဖို့ အတွက် လမ်းစဉ်တွေ ပေါ်လစီ တွေ၊ ဆွဲဆောင်နိုင်မယ့် ပုံစံတွေ ချမှတ်ထားတဲ့အတွက် တကယ်တမ်း လုပ်ဆောင်မယ်ဆိုရင် အခက်အခဲတွေ မရှိနိုင်ပါဘူး လို့ သူတို့ဘက်က ပြောကြားခဲ့ပါတယ်။”

ပြည်ပအခြေစိုက် လူ့အခွင့်အရေး နှင့် ပညာရေးဌာန မြန်မာနိုင်ငံ (HREIB) နဲ့ ပြည်တွင်း အခြေစိုက် လူ့အခွင့်ရေးကော်မရှင် တို့ ဒီနေ့  ပြည်တွင်းမှာ တွေ့ဆုံဆွေးနွေးမှု မှာ ပြည်တွင်းဘက်က လူအခွင့်အရေး နဲ့ ပညာပေးရေး အစီအစဉ်တွေမှာ အတူ တွဲ  လုပ်ဆောင်ဖို့ ကိစ္စတွေလည်း ဆွေးနွေး ဖြစ်ကြပါတယ်။

“ကျနော်တို့ဘက်ကတော့ နဂိုကတည်းက ပြည်တွင်းမှာ လုပ်ဆောင်ဖို့အတွက် ပြင်ဆင်ထားပါတယ်။ ဘာဖြစ်လို့လဲဆိုတော့ လူ့အခွင့်အရေး ပညာပေးတယ်ဆိုတာ တိုင်းတပါးကနေ ပြည်သူလူထုကြားထဲ ပေးဖို့ ဆိုတာ ကျနော်တို့ အချိန်တွေ ငွေတွေ အရင်းအမြစ်တွေ အများကြီး လိုအပ်ပါတယ်၊ တကယ်လို့ သာ ပြည်တွင်း မှာ ရှိတဲ့ ပြည်သူလူထု ကြားထဲမှာ လူ့အခွင့်အရေး ပညာပေးမှုကို စနစ်တကျ လုပ်နိုင်ရင် ပိုမိုထိရောက်နိုင်မယ်လို့ ယုံကြည်ထားတဲ့အတွက် ဒါကတော့ ကျနော်တို့ဘက်က အဆင်သင့် ဖြစ်ပါတယ်။”

ပြည်တွင်း အခြေစိုက် လူ့အခွင့်ရေးကော်မရှင်ဟာ လူ့အခွင့်ရေးဆိုင်ရာ ကိစ္စတွေ ဆောင်ရွက်နေတာကြောင့် အစိုးရ နဲ့ သီးခြား ကင်းလွတ်တဲ့ အဖွဲ့အစည်း တစ်ခု ဖြစ်သင့်တယ်လို့  ပြည်ပအခြေစိုက် လူ့အခွင့်အရေး နှင့် ပညာရေးဌာန မြန်မာနိုင်ငံ က ထောက်ပြ ခဲ့ပါတယ်။

“သူတို့ကတော့ ပြောပါတယ်။ လူ့အခွင့်အရေး ကော်မရှင်တိုင်း ကော်မရှင်တိုင်းက စစချင်း ဖွဲ့စည်းမှုမှာ အားနည်းချက် ရှိတယ်၊ နိုင်ငံတိုင်းမှာ ကြုံတွေ့ရတာပဲ၊ သူတို့အနေနဲ့ သီးခြား လွတ်လပ်တဲ့ အဖွဲ့ အစည်း ဖြစ်ဖို့အတွက် အာသီသ ရှိတယ်၊ ဒါလည်း ဖြစ်အောင် ကြိုးပမ်းမယ်၊ ဒါလည်း တချို့နေရာမှာတော့ အခက်အခဲ ရှိနေတုန်းလို့ ကျနော်တို့ မြင်ပါတယ်။ အဲတော့ သီးခြား လွတ်လပ်ပြီးတော့ အစိုးရကို လိုအပ်တဲ့ လူ့အခွင့်အရေး ကာကွယ်မှုတွေ မြှင့်တင်ရေးလုပ်ငန်းနဲ့ ပတ်သက်တဲ့ အကြံဉာဏ် ပေးမှုတွေ ဒါတွေကို လုပ်ဆောင်နိုင်မယ်ဆိုရင် ကျနော်တို့ ဘက်က ပူးပေါင်းဆောင်ရွက်ဖို့ အမြဲတမ်း အဆင်သင့်ပါပဲ၊ ဒီလိုမျိုး ကိစ္စတွေ မရှိသေးဘူးဆိုရင်တော့ ကျနော်တို့မှာ ပူးပေါင်းဆောင်ရွက်မှု ရှိချင်တောင်မှ အများကြီး အခက်အခဲ ရှိနိုင်တဲ့ အခြေ အနေမျိုး ရှိနေဦးမှာပါပဲ”

ပြည်ပအခြေစိုက် လူ့အခွင့်အရေး နှင့် ပညာရေးဌာန မြန်မာနိုင်ငံ (HREIB) နဲ့ ပြည်တွင်း အခြေစိုက် လူ့အခွင့်ရေးကော်မရှင် တို့ ဆွေးနွေးမှုတွေ ပြုလုပ်တဲ့အခါ မှာ လူ့အခွင့်ရေးကော်မရှင်က မကြာမီ လွှတ်တော် မှာ တင်ပြဖို့ရှိ တဲ့ လူ့အခွင့်အရေး ဆိုင်ရာ လုပ်ထုံး လုပ်နည်း ဥပဒေတွေကို ချပြ ဆွေးနွေး ခဲ့တယ်လို့ ဦးအောင်မျိုးမင်းက ပြောပြ ပါတယ်။

“အထူး ဆွေးနွေးဖြစ်တဲ့ ကိစ္စကတော့ လူ့အခွင့်အရေး ကော်မရှင်က သူတို့ရဲ့ လုပ်ထုံး လုပ်နည်းဆိုင်ရာ ဥပဒေမူကြမ်း တရပ် အကြောင်း ကျနော်တို့ ဆွေးနွေး ဖြစ်ပါတယ်။ အဲဒီလို ဆွေးနွေးတဲ့နေရာမှာ ကျနော် တို့က ဒီ မူကြမ်းအဆင့်က ဘယ် ရောက် နေ ပြီဆိုတဲ့ဟာမှာ သူတို့အနေနဲ့ သမ္မတရုံးမှာ ရှိတဲ့ ဥပဒေပြင်ဆင်ရေး ဌာန အဲဒီအဖွဲ့ကို သူတို့ တင်ထားပြီးသွားပြီ။ အဲဒီအဖွဲ့ကနေ လို အပ်သလို စီစဉ်ဆောင်ရွက်မှုတွေ လုပ်မယ်၊ ပြီးရင်တော့ လွှတ်တော်ကို တင်နိုင်မယ့် အနေအထားမျိုး ရှိမယ် လို့ ပြောပါတယ်။ ဒါကတော့ လက်ရှိအားဖြင့်ကို သူတို့ ပြောတာဖြစ်ပါတယ်။ ဒါပေမဲ့ အဲဒီထဲမှာ ဘာတွေပါလဲ၊ ဘယ်လို မူကြမ်းတွေဖြစ်လဲ ဆိုတာ ကတော့ သူတို့အနေနဲ့ ပြည်သူလူထုကို ချပြဖို့ ဒါမှမဟုတ် လူထု အခြပြု အဖွဲ့အစည်းနဲ့ ညှိနှိုင်းတိုင်ပင်ဖို့ ကိစ္စမှာ သူတို့မှာ အစီ အစဉ် မရှိဘူး၊ ဒါတွေကတော့ အစိုးရတွေကနေ ဌာန ဆိုင်ရာအလိုက် ဆက်လက် လုပ်ဆောင်သွားမယ့် သဘောရှိတယ်လို့ သူတို့ တင်ပြချက် ရှိပါတယ်။

လူ့အခွင့်အရေး နှင့် ပညာရေးဌာန မြန်မာနိုင်ငံ နဲ့ လူ့အခွင့်ရေးကော်မရှင်တို့ တွေ့ဆုံ ဆွေးနွေးမှု ဟာ မြန်မာနိုင်ငံမှာတော့ လူ့ အခွင့်အရေး နဲ့ ပတ်သက်ပြီး ပြည်တွင်းက အဖွှဲ့အစည်း တစ်ခု နဲ့  ပြည်ပ အခြေစိုက် အဖွဲ့အစည်း တစ်ခုရဲ့  ပထမဆုံး အကြိမ် တွေ့ဆုံ ဆွေးနွေးမှု တစ်ရပ် ဖြစ်ပါတယ်။

၈၈၈၈ ငွေရတုအကြို လူထုအသွင်ဖြင့် မန္တလေးမှာ ကျင်းပမည်

နေမျိုး | အင်္ဂါနေ့၊ ဇူလိုင်လ ၁၇ ရက် ၂၀၁၂ ခုနှစ် ၂၀ နာရီ ၀၂ မိနစ်

နယူးဒေလီ (မဇ္ဈိမ) ။         ။ ၈၈၈၈ အရေးတော်ပုံတွင် ကျဆုံးခဲ့သည့် ရဟန်းရှင်လူ ကျောင်းသားပြည်သူများ၏ စွန့်လွှတ်အနစ်နာခံမှုကို ဂုဏ်ပြုချီးကျူးသွားရန် ရှစ်လေးလုံး အရေးတော်ပုံ ၂၄ နှစ်မြောက် နှစ်ပါတ်လည်နေ့ကို လူထုကိုယ်စားပြုပုံစံဖြင့် မန္တလေးမြို့တွင် ပူးပေါင်းကျင်းပသွားမည် ဖြစ်ကြောင်း သိရသည်။

၁၉၈၈ ခုနှစ် ဒီမိုကရေစီအရေးတော်ပုံကြီး၏ ငွေရတုအကြိုအဖြစ် နှစ်ပတ်လည် အခမ်းအနား ကျင်းပရေး အစည်းအဝေးကို ဇူလိုင် ၁၆ ရက်နေ့က မန္တလေးမြို့ ဘုရားကြီး ဒက္ခိဏရာမ (အလယ်တိုက်)တွင် ကျင်းပခဲ့ပြီး ၈၈ မျိုးဆက်ကျောင်းသားအဖွဲ့မှ ကိုမင်းကိုနိုင် တက်ရောက် ဦးဆောင်ဆွေးနွေးခဲ့သည်။

တိုင်းနှင့်ပြည်နယ်အားလုံးမှ ရဟန်းရှင်၊လူ၊ ကျောင်းသား၊ ပြည်သူများ ကျယ်ကျယ်ပြန့်ပြန့် ပါဝင်လာနိုင်ရေးအတွက် ဆက်သွယ်ရေး အလယ်ဗဟိုကျသည့် မန္တလေးမြို့တွင် ကျင်းပသွားရန် ဆုံးဖြတ်ရခြင်းဖြစ်ကြောင်း စီစဉ်သူတဦးဖြစ်သည့် ကိုရဲရင့်ကျော်က ပြောသည်။

“၈၈ က နောင်တော်ကြီးတွေက ဝိုင်းဝန်းစီစဉ်တာဖြစ်တယ်။ ပါဝင်ကူညီကြမယ့် မိဘပြည်သူတွေရော၊ ဒီပွဲကြီးဟာအေးချမ်းစွာ၊ ငြိမ်းချမ်းစွာ ဆောင်ရွက်မယ့်ပွဲဖြစ်တယ်။ သက်ဆိုင်ရာမှ အဲဒီအပေါ်မှာ ပဋိပက္ခဆန်တဲ့ တားဆီးမှုတွေ မဖြစ်စေချင်ဘူး။ တားဆီးခဲ့ရင်တော့ ငွေရတုမှာ ပေါက်ကွဲဖို့ မီးစထိုးလိုက်သလို ဖြစ်မှာပဲ။ ပြည်သူတွေက စည်းကမ်း ရှိစွာ ကျင်းပသွားမှာပါ။ ခွင့်ပြုပေးတဲ့ အစိုးရဟာလည်း နာမည်ကောင်း ရမှာပါ။ မန္တလေးမှာက အမြဲတမ်းလုပ်နေတဲ့ ၈၈ က လူတွေဟာ လူထုကိုယ်စားပြု လူထုအသွင်နဲ့ ကျင်းပမှာ ဖြစ်ပါတယ်” ဟု မဇ္ဈိမကို ပြောသည်။

အမိုးအကာအောက်မှာပင် ငြိမ်းချမ်းစွာ ကျင်းပသွားမည်ဖြစ်၍ အာဏာပိုင်များဘက်မှလည်း အစိုးရိမ်ကြီးစွာ တားမြစ်မည်ဟု မယူဆကြောင်း ၎င်းးက ဖြည့်စွက်ပြောဆိုသည်။

“အစိုးရချင်း ကွာတယ်။ ဖြေရှင်းရမယ့် ခေတ်အနေအထားချင်း ကွာတယ်။ ကျနော်တို့က အစည်းအဝေး လုပ်နေတယ်။ တံခါးရဲ့အပြင်မှာ လာနားထောင်နေတဲ့ နယ်မြေခံ အက်စ်ဘီ တွေ အကုန်လုံးရှိနေကြတယ်။ ကျနော်တို့ပြောတာတွေ အကုန်ကြားတယ်။ ပွဲနဲ့ ပါတ်သက်ပြီး အစိုးရကို အစိုးရိမ်မကြီးဖို့ ကျနော်တို့ ပြောမယ်” ဟု ကိုရဲရင့်ကျော် ကပြောသည်။

၁၉၉ဝ ပြည့်နှစ်က မန္တလေးမြို့၌ပင် ကျင်းပခဲ့သည့် ၈၈၈၈ နှစ်နှစ်မြောက် အထိမ်းအမှတ် ဆွမ်းလောင်းပွဲ လုပ်စဉ်က အာဏာပိုင်များ၏ အကြမ်းဖက်ြေိုခွင်းမှုကြောင့် သံဃာတော်များ၏ ပတ္တနိက္ကုဇ္ဇနကံ ဆောင်ရသည်အထိ ဖြစ်ခဲ့ရပုံ ကိုလည်း ဆက်လက် ရှင်းပြသည်။

“လူထုဒေါ်အမာရဲ့တိုက် လမ်းအနောက်ဘက်ခြမ်းမှာ ခုံတွေစီပြီး သံဃာတော်တွေကို ဆွမ်းလောင်းတယ်။ ဆွမ်းစလောင်းစဉ် အချိန်အခါမှာပဲ အဓိကရုဏ်း နှိမ်နင်းရေးတပ်က ညှိနှိုင်းခြင်းမရှိဘဲနဲ့ ရန်သူစခန်းသိမ်းသလို ဝင်ပြီး စီးလိုက်တယ်။ ရိုက်တာမျိုး၊ ထိုးတာမျိုး၊ ဒရွှတ်တိုက် ဆွဲခေါ်တာမျိုးနဲ့ ကျနော်တို့ကို ဖြိုခွဲပစ်လိုက်တယ်။ မျက်ရည်ယိုဗုံး လည်း ခွဲတယ်။ သမဂ္ဂအတွင်းရေးမှူး ကိုမိုးကျော်လေးကို အဓိကထား ဖမ်းတယ်။ သူက ပြန်ရုန်းတယ်။ ဆရာတော်က ဆွဲလုတယ်။ ဒါပေမယ့် လှဲချ ဒရွှတ်တိုက် ဆွဲခေါ်သွားတယ်” ဟု ဆိုသည်။  

ထို့ပြင် ဆွမ်းလောင်းပြည်သူများနှင့် ကျောင်းသားများကို ရိုက်နှက်ဖြိုခွဲခဲ့ကြပြီး စစ်တပ်က ပစ်ခတ်နှိမ်နင်းခဲ့ကြောင်း “ကျောင်းသား၊ သံဃာ၊ ပြည်သူရော အကုန်လုံး ရုန်းရင်းဆန်ခတ် ဖြစ်တယ်။ သပိတ်တွေ ကျကွဲတယ်။ သူတို့ လုပ်နေကျအတိုင်း မိုးပေါ် ထောင်ပစ်တာ မဟုတ်ဘူး။ ကံကောင်းလို့သာ မှန်တာ မရှိတာ။ ကျည်ဆံမှန်ထားတဲ့ သပိတ်ကို သိမ်းထားတယ်” ဟု ဆိုသည်။

ယင်းဖြစ်ရပ်များကြောင့် မစိုးရိမ်နှစ်တိုက်မှ သံဃာ့သမဂ္ဂီ သံဃာတော်များက မစိုးရိမ် တိုက်ဟောင်းမှ နာယက စာချဆရာတော် ဦးကောဝိဒါဘိဝံသထံ သြဝါဒခံယူရာ ဆရာတော်က ဝိနည်း ဓမ္မကံ လုပ်ထုံးလုပ်နည်းများနှင့်အညီ ပတ္တနိက္ကုဇ္ဇနကံ ဆောင်သင့်ကြောင်း မိန့်ကြားချက်အရ တနိုင်ငံလုံးရှိ သံဃာတော်များက အစိုးရ၏ လက်နက်ကိုင် တပ်ဖွဲ့ဝင်များအပေါ် (သာရေးနာရေး မကြွချီခြင်း၊ ဆွမ်းခံမကြွခြင်းများ အပါအဝင်) ပတ္တနိက္ကုဇန ကံဆောင်ခြင်းအမှုပြုခဲ့ကြသည်။

ဤကံဆောင်ပွဲတွင် ဦးစီးဆောင်ရွက်ခဲ့ကြသော မန္တလေး မစိုးရိမ်တိုက်ဟောင်းမှ ဆရာတော် ဦးကောဝိဒါဘိဝံသ၊ မစိုးရိမ်တိုက်သစ်မှ ဆရာတော် ဦးရာဇဓမ္မာဘိဝံသ၊ ရန်ကုန်မှ အင်းစိန်ရွာမ ဆရာတော် ဦးတိလောကာဘိဝံသ၊ တိပိဋက ဆရာတော် ဦးသုမင်္ဂလာ လင်္ကာရ၊ မေဒိနီဆရာတော်၊ မဂ္ဂင်ကျောင်းဆရာတော် အစရှိသော စာချအကျော် ဆရာတော်ကြီးများနှင့် သံဃာတော်များ ရာချီ၍ အဖမ်းခံ၊ အနှိပ်စက်ခံ၊ အလုပ်ကြမ်းနှင့် ထောင်ဒဏ်အကျခံရပြီး အချို့သံဃာတော်များ ရဲဘက်စခန်းတွင် ပျံလွန်တော်မူသွားခဲ့ရသည်အထိ ဖြစ်ခဲ့ရဖူးသည်။

ယခုနှစ်တွင် ကျင်းပမည့် ၂၄ နှစ်မြောက် နှစ်ပတ်လည်ပွဲကိုမူ လက်ရှိ ကျောင်းသား မျိုးဆက်သစ်များအား အဓိက ဦးစားပေး ကျင်းပသွားမည်ဖြစ်ကာ အာဏာပိုင်များအနေနှင့် အကြောက်တရားဖြင့် ဖိနှိပ်ဖြိုခွင်းမှုများ မပြုကြရန် ကိုမင်းကိုနိုင် က အစည်းအဝေးတွင် ပြောဆိုခဲ့သည်။

“ဒေသဆိုင်ရာ အုပ်ချုပ်ရေးပိုင်းကို ပြောချင်တာက ကြောက်လန့်ပြီး မဖိနှိပ်ပါနဲ့ အစဉ်အလာကို ပြန်ကြည့်ပါ။ ဒီမိုကရေစီကို လက်တွေ့ကျင့်သုံးတာပါ။ တောက်လျှောက် လုပ်လာတာပါ။ ဒီမိုကရေစီဖြစ်တဲ့ အတွက်ကြောင့် ငြိမ်းချမ်းစွာ စုဝေးမယ်။ ငြိမ်းချမ်းစွာ ဟောပြောမယ်၊ ငြိမ်းချမ်းစွာ လူစုခွဲမယ်။ အမိုးအကာ တခုအောက်မှာ လုပ်နေတာ၊ လမ်းပေါ်ကို ခင်ဗျားတို့ ဆွဲခေါ်ရင်တောင် မလိုက်ဘူး။ နောက်ကြောင်း ပြန်လှည့်မယ့်ကိစ္စကို ကျနော်တို့က ပိုစိုးရိမ် တယ်။ ပေးဆပ်ပြီးမှရလာတဲ့ အဖူးအပွင့်ဗျ” ဟု ပြောကြားခဲ့သည်။

၁၃ဝဝ ပြည့် အရေးတော်ပုံကြီး၏ ရွှေရတု ဟုလည်း တင်စားခေါ်ဝေါ်ကြသည့် ၁၉၈၈ သြဂုတ် ၈ ရက်နေ့သည် မြန်မာ့ သမိုင်းတွင် ပြည်သူလူထု ပါဝင်သည့် အကြီးကျယ်ဆုံးသော အရေးတော်ပုံ တခုဖြစ်ခဲ့ပြီး ထိုစဉ်က မဆလ အစိုးရ၏ သမ္မတ ၃ ဦးဆက်တိုက် ပြုတ်ကျသွားစေနိုင်ခဲ့ပြီး ၂၆ နှစ်တာ အုပ်စိုးလာခဲ့သည့် မြန်မာ့ဆိုရှယ်လစ် လမ်းစဉ် ပါတီခေတ်ကို ဇာတ်သိမ်းပစ်နိုင်ခဲ့သည်။

ထိုအရေးအခင်းအတွင်း အစိုးရတပ်များ၏ ပစ်ခေတ်နှိမ်နင်းမှုကြောင့် ရဟန်းရှင်လူ၊ ကျောင်းသားပြည်သူ အများအပြားသေဆုံးခဲ့ရသော်လည်း ဦးနေဝင်း အစိုးရက သေဆုံးသူအရေအတွက် စာရင်းအင်းတိတိကျကျ ထုတ်ပြန်ခြင်း မရှိခဲ့ပေ။ သို့သော် လူ ၃,ဝဝဝ ကျော် သေဆုံးခဲ့ရသည်ဟု အများစုက ခန့်မှန်းထားသည်။

အစိုးရနှင့် တိုင်းရင်းသားအဖွဲ့များ မြေမြှုပ်မိုင်း အသုံးပြုနေဟု ဆို

မဇ္ဈိမသတင်းဌာန | အင်္ဂါနေ့၊ ဇူလိုင်လ ၁၇ ရက် ၂၀၁၂ ခုနှစ် ၁၈ နာရီ ၅၈ မိနစ်

မဇ္ဈိမသတင်းဌာန ။         ။ လက်နက်ကိုင် ပဋိပက္ခများအတွင်း မြန်မာစစ်တပ်နှင့် တိုင်းရင်းသား အုပ်စုများသည်မြေမြှုပ်မိုင်းများအား အသုံးပြုနေကြသည်ဟု ယုံကြည်ကြောင်း မြေမြှုပ်မိုင်း စောင့်ကြည့်ရေးအဖွဲ့ (the Landmine Monitor) က ကြေညာချက် တစောင် ထုတ်ပြန်လိုက်သည်။

ထိုအဖွဲ့မှာ မြေမြှုပ်မိုင်းနှင့် အတွဲလိုက် ပေါက်ကွဲစေနိုင်သောဗုံး (cluster bomb) များ အသုံးပြုမှုနှင့် ပတ်သက်၍လေ့လာ စောင့်ကြည့်နေသော သုတေသန အဖွဲ့တခုဖြစ်သည်။

လွန်ခဲ့သည့် အပတ်က ကမ္ဘောဒီးယားနိုင်ငံ ဖနွမ်းပင်မြို့တွင် ကျင်းပခဲ့သည့် အာဆီယံ နိုင်ငံခြားရေးဝန်ကြီးများ အစည်းအဝေးတွင် မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က မြန်မာနိုင်ငံသည် မိုင်းပိတ်ပင်ရေး စာချုပ် အပါအဝင် အခြားလက်နက် ရုပ်သိမ်းရေး စာချုပ်များကို လက်မှတ်ထိုးရန် အလေးအနက် စဉ်းစားနေသည်ဟုပြောကြားခဲ့သည်။ 

၂ဝ၁၁ ခုနှစ် နှောင်းပိုင်းမှ ၂ဝ၁၂ ခုနှစ် နှစ်ဦးပိုင်းအတွင်းတွင် မြန်မာစစ်တပ်သည် ကချင်လွတ်လပ်ရေး တပ်မတော် (KIA) နှင့် ဖြစ်ပွါးခဲ့သည့် စစ်ပွဲများအတွင်း မြေမြှုပ်မိုင်းများ အသုံးပြုခဲ့ကြောင်း စွပ်စွဲခံထားရသည်ဟု the Landmine Monitor ၏ ကြေညာချက်ထဲတွင် ဖော်ပြထားသည်။

သတင်းထုတ်ပြန်ချက် တခုထဲတွင် ဝန်ကြီး ဦးဝဏ္ဏမောင်လွင်၏ ပြောဆိုချက်ကို ကိုးကားရေးသားထားသည်မှာမြန်မာအစိုးရ အနေဖြင့် မြေမြှုပ်မိုင်းကို အသုံးပြုခြင်း မရှိတော့ကြောင်းနှင့် မိုင်းအသုံးပြုမှု ပိတ်ပင်ရေး အပါအဝင် တိုင်းရင်းသားလက်နက်ကိုင် အင်အားစုများနှင့် ငြိမ်းချမ်းရေး ကတိကဝတ် တခု ပြုလုပ်မည်ဖြစ်ကြောင်း ဆိုထားသည်။

လူ့အခွင့်အရေးစောင့်ကြည့်ရေးအဖွဲ့ (Human Rights Watch) ၏ အစီရင်ခံစာအရ မြေမြှုပ်မိုင်းများကို မြန်မာစစ်တပ်နှင့် KIA နှစ်ဖွဲ့စလုံးက အသုံးပြုခဲ့ကြသည်ဟု ဆိုထားသည်။