17.07.2012 နေ့ဖတ်ရန်သတင်းများ

by Myanmar Journal on Monday, July 16, 2012 at 7:22pm 

မြောက်ကိုရီးယား ဗိုလ်ချုပ်ကြီး ရာထူးမှဖယ်ရှားခံရ

စစ်တပ်ဦးစီးချုပ်နဲ့ မြောက်ကိုရီးယား ခေါင်းဆောင်

မြောက်ကိုရီးယား အစိုးရမီဒီယာတွေထဲမှာ တိုင်းပြည်ရဲ့စစ်တပ်အကြီးအကဲ Ri Yong-hoကိုအာဏာရ အလုပ်သမားပါတီမှ ခေါင်းဆောင်ရာထူးတွေနဲ့ စစ်တပ်အကြီးအကဲ နေရာကနေ ဖယ်ရှား လိုက်တယ်လို့ ကြေညာသွားပါတယ်။

အခုလိုပုံမှန်မဟုတ်ဘဲကြေညာရာမှာ တနင်္ဂနွေနေ့တုန်းကပါတီအရာရှိ စည်းဝေးဆုံးဖြတ်ချက်ချခဲ့တာဖြစ်ပြီး အမည်မဖေါ်ပြတဲ့ ကျန်းမာရေးကို နှုတ်ထွက်မှုအတွက် အကြောင်းပြသွားပါတယ်။

Ri Yong-hoကိုလွန်ခဲ့တဲ့ သုံးနှစ်က အရင်မြောက်ကိုရီးယား ခေါင်းဆောင် Kim Jong-ilက ခန့်အပ်ခဲ့တာဖြစ်ပြီး လက်ရှိခေါင်းဆောင် Kim Jong-unကို အာဏာလွှဲဖို့ အသွင်ကူးပြောင်းရေး ကာလမှာ အဓိကကျတဲ့ပုဂ္ဂိုလ်ဖြစ်ပါတယ်။

အကဲခတ်သမား တွေကတော့ နိုင်ငံရေးအာဏာ အားစမ်းရာမှာ စစ်တပ်အကြီးအကဲကို ရာထူးကဖယ်ရှားခံရတာလို့ သုံးသပ်ပါတယ်။

အသက်၃၀သာရှိသေးတဲ့ Kim Jong-unဟာတိုင်းပြည်အာဏာကို ယူခဲ့တာ ၆လပဲရှိချိန်မှာ အခုလိုစစ်ဦးစီးချုပ်တဦးကို တပ်ကရောပါတီကပါ ဖယ်ရှားလိုက်တာဟာ သူ့သြဇာကိုတပ်ရောပါတီကပါ ချုပ်ကိုင်မှာကို လိုလားပုံမရဘူးလို့ ပူဆန်တက္ကသိုလ်မှ ပါမောက္ခ ရောဘတ်ကယ်လီကပြောသွားပါတယ်။

ဆီးရီးယားအရေး အနောက် နိုင်ငံတွေက ရုရှားကိုအကြပ်ကိုင်

ရုရှားနိုင်ငံခြားရေးဝန်ကြီးLavrov

ဆီးရီးနိုင်ငံအပေါ် ကုလသမဂ္ဂက ပိတ်ဆို့အရေးယူဖို့ ဆွေးနွေးရန်အတွက် ရုရှားနိုင်ငံက သဘောတူဖို့ ရုရှားအစိုးရကို အနောက်နိုင်ငံတွေက အကြပ်ကိုင်နေတယ်လို့ ရုရှားနိုင်ငံခြားရေးဝန်ကြီး Sergei Lavrovက သတင်းစာရှင်ပွဲမှာ ထုတ်ဖေါ်ပြောကြား လိုက်ပါတယ်။

အခုလိုအကြပ်ကိုင်မှုတွေကြောင့် အတော်စိတ်အနှောက်အယှက် ဖြစ်ရတယ်၊ တကယ်လို့ ကုလသမဂ္ဂ ပဋိဉာဉ်စာချုပ် အခန်း၇မှာဖေါ်ပြတဲအတိုင်း ဆုံးဖြတ်ချက်ချဖို့ ရုရှားကသဘောမတူရင် ကုလသမဂ္ဂ စောင့်ကြည့်ရေးမစ်ရှင် သက်တမ်းတိုးမှာ မဟုတ်ဘူးလို အနောက်ကပြောတာ ဟာ အန္တရာယ်ရှိတဲ့ချဉ်းကပ်မှုမျိုးဖြစ်ပြီး လေ့လာစောင့်ကြည့်တဲ့အဖွဲ့ကို အပေးအယူ သဘောလုပ်တာလက်မခံနိုင်ဘူးလို့ Lavrovက သတင်းထောက်တွေကို ပြောပါတယ်။ နောက်ပြီး ဆီးရီးယားသမ္မတ Bashar al-Assad ရာထူးက နှုတ်ထွက်ဖို့ ရုရှားနိုင်ငံက တိုက်တွန်းရေး အနောက်နိုင်ငံတွေက မျှော်လင့်နေတာလည်း လက်တွေ့မကျဘူးလို့ သူကဆိုပါတယ်။

ဆီးရီးနိုင်ငံဆိုင်ရာ ကုလသမဂ္ဂ အထူးသံတမန်Kofi Annan မော်စကိုမြို့တော်ကို မဆိုက်ရောက်မီ ရုရှား နိုင်ငံခြားရေးဝန်ကြီးက အခုလို ပြောလိုက်တာဖြစ်ပါတယ်။ဆီးရီးယားနိုင်ငံ ဒမတ်စ်ကတ်စ်မြို့ ဆင်ခြေဖုံးမှာတော့ အစိုးရတပ်တွေနဲ့ သူပုန်စစ်တပ်တွေ ဆက်တိုက်ပွဲဖြစ်နေကြပါတယ်။                      

လန်ဒန်အိုလံပစ် အားကစားသမားတွေ ရောက်ရှိ

အိုလံပစ်ပွဲတော် ကျင်းပမယ့် အဓိက အားကစားကွင်းကြီး

လန်ဒန်အိုလံပစ်ပွဲတော်ကြီးဖွင့်ပွဲ စတင်ဖို့၁၁ရက်အလိုမှာ အားကစားသမားတွေ အသင်းအုပ်ချုပ်သူတွေ လန်ဒန်မြို့တော်ကို တဖွဲဖွဲ ဆိုက်ရောက်လျက်ရှိပါတယ်။ တနင်္လာနေ့တရက်ထဲမှာဘဲ Heathrow လေဆိပ်က ခရီးသည် ၁သိန်း၂သောင်းကျော် လာရောက်ဖို့မျှော်လင့်ပြီး ကြိုတင် ပြင်ဆင်ထားပါတယ်။

လန်ဒန်မြို့တော်ဝန် Boris Johnsonကတော့ ရန်ကုန်မြို့တော်ဟာ အားလုံးအဆင်သင့်ဖြစ်နေပြီး နိုင်ငံတကာ အိုလံပစ်ကော်မတီကလည်း အားကစားကွင်းတွေ အချိန်မီပြီးအောင် အစွမ်းကုန်လုပ်နေတယ်လို့ ပြောပါတယ်။ အိုလံပစ်ပွဲတော် တက်ရောက်မယ့် ကိုယ်စားလှယ်တွေ အားကစားသမားတွေဟာ အိုလံပစ်အားကစားရွာကို သွားဖို့ အခြားယာဉ်တွေကို ပိတ်ထားတဲ့ အထူးလမ်းကနေ ပထမဆုံးအကြိမ် သွားရောက်ကြပါတယ်။ အခုလိုဆောင်ရွက်လို့ ယာဉ်ကြောပိတ်ဆို့မှုတွေ ဖြစ်လာနိုင်တယ်လို့ ဝေဖန်မှုတွေလည်း ထွက်ပေါ်နေပါတယ်။ အားကစား ပြိုင်ပွဲတွေမှာ ကန့်သတ်ထားတဲ့ ဆေးဝါးသုံးစွဲမှု ရှိမရှိစမ်းသပ်တဲ့ ဓါတ်ခွဲခန်း တွေလည်း ဒီကနေ့စတင် လည်ပတ်ပါတယ်။

မဲဆိုင်မှာ မူးယစ်နဲ့ တိုက်ပွဲဖြစ်

ယာဘ ဆေးပြား အလုံး ၇ သိန်းကျော်မိ

တနင်္လာနေ့ မနက်က ထိုင်း မြန်မာနယ်စပ် မယ်ဆိုင်မှာ မြန်မာ မူးယစ်ဆေး သယ်လာသူ အဖွဲ့တဖွဲ့နဲ့ ထိုင်းလုံခြုံရေး ရင်ဆိုင် တိုက်ပွဲ ဖြစ်ရာမှာ မူးယစ်ဆေး သယ်တဲ့သူ ၈ယောက် သေဆုံးပြီး သူတို့ သယ်လာတဲ့ လက်နက်နဲ့ ဘတ် သန်း ၁၀၀ ကျော်တန် မူးယစ်ဆေးတွေကို ထိုင်းရဲက သိမ်းဆည်းရမိ ခဲ့ပါတယ်။

ပစ်ခတ်မှု ဖြစ်ပွားခဲ့တဲ့ နေရာက မြန်မာနိုင်ငံ တာချီလိတ်မြို့ တဖက်ကမ်းက ချင်းရိုင်းခရိုင် မယ်ဆိုင်မြို့ ဆန်ပါစပ်ရွာ အနီးက ဖာမီတောင်ကုန်းမှာ လို့ မယ်ဆိုင် မြို့ခံ တဦးက ဘီဘီစီကို ပြောပါတယ်။

နှစ်ဦးနှစ်ဖက် မိနစ် ၂၀ နီးပါးလောက် အပြန်အလှန် ပစ်ခတ်ကြပြီး မူးယစ်ဆေးသယ်ဆောင်တဲ့အဖွဲ့က တချို့ မြန်မာဘက်ခြမ်းကို ထွက်ပြေးတိမ်းရှောင်သွားခဲ့တယ်လို့ သိရပါတယ်။

ပစ်ခတ်မှုဖြစ်ပွားပြီး နောက် နာရီဝက် အကြာ မှာ ထိုင်းရဲက အခင်းဖြစ်ပွားရာကို သွားရောက် ရှင်းလင်းရာမှာ မူးယစ်ဆေး သယ်တဲ့အဖွဲ့က လူ ၈ ဦး သေဆုံးနေတာ တွေ့ရပြီး သူတို့ သယ်လာတဲ့ ယာဘ လို့ခေါ်တဲ့ စိတ်ကြွဆေးပြား နဲ့ လက်နက်အချို့ သိမ်းဆည်း ရမိတယ် လို့ ထိုင်းလုံခြုံရေး အရာရှိတဦးက ဘီဘီစီကို ပြောပါတယ်။

ထိုင်း ရဲက မြန်မာဘက်ကနေ အကြီးစား မူးယစ်ဆေး ရောင်းဝယ်သူတွေ ထိုင်းနယ်မြေထဲ ၀င်လာမယ်လို့ သတင်းရရှိထားထိုင်း နယ်ခြားစောင့်တပ်၊ အထူး တပ်ဖွဲ့ဝင်တွေ ပူးပေါင်းပြီး စောင့်ဆိုင်းနေခဲ့တာဖြစ်တယ်။

ထိုင်းဘက်က မူးယစ်ဆေးသယ်လာသူ တွေကို ရပ်ခိုင်းတဲ့အချိန်မှာ မရပ်ပဲ ဗုံးနဲ့ပစ်ခွဲလို့ အပြန်အလှန် ပစ်ခတ်ခဲ့ပြီး မူးယစ်ဆေး အဖွဲ့မှာ လူ ၁၄-၁၅ ယောက်လောက် ရှိလောက်မယ်လို့ ပြောပါတယ်။

ဒီပစ်ခတ်မှုမှာ ထိုင်းလုံခြုံရေးတပ်ဖွဲ့ဝင်တွေဘက်က တပ်ဖွဲ့ဝင် ၅၀ ခန့်ရှိပြီး ထိခိုက်ဒဏ်ရာရရှိတာ မရှိဘူးလို့ သူကဆိုပါတယ်။

ဒီမူးယစ်ဆေး သယ်ဆောင်တဲ့အဖွဲ့ဟာ ဘယ်အဖွဲ့အစည်းက ဆိုတာကိုတော့ မှတ်ချက် မပေးနိုင်သေးဘူးလို့ ပြောပါတယ်။

ထိုင်းဘက်က သိမ်းဆည်းရမိတဲ့ မူးယစ်ဆေး တွေကတော့ ယာဘ ခေါ် စိတ်ကြွဆေးပြား အလုံးရေ ၇ သိန်းကျော် နဲ့ ကီလိုဂရမ် ၅၀ ကျော်ရှိတဲ့ အိုင်စ် လို့ခေါ်တဲ့ အခဲတွေ၊ နောက်ပြီး အေကေ ၄၇ မောင်းပြန်ရိုင်ဖယ် ၃ လက်၊ ၉ မမ ပစ္စတိုတစ်လက်၊ ပွိုင့် ၂၂ တလက် ကိုပါ တွေ့ရှိ သိမ်းဆည်းလိုက်တယ်လို့ သိရပါတယ်။

သိမ်းဆည်းရမိတဲ့ မူးယစ်ဆေး တန်ဖိုးဟာ ဘတ်ငွေ သန်း ၁၀၀ ကျော်လောက်ရှိတယ်လို့ ထိုင်းရဲက ဘန်ကောက်မှာ ကျင်းပတဲ့ သတင်းစာ ရှင်းလင်းပွဲမှာ ပြောသွားပါတယ်။

ဒါပေမယ့် ထိုင်းမီဒီယာတွေမှာတော့ တာချီလိတ်မြို့နယ်မှာ လှုပ်ရှားနေတဲ့ အစိုးရရဲ့ လက်အောက်ခံ နမ့်ပုံ ပြည်သူ့စစ် ခေါင်းဆောင် ယီဆေးရဲ့ အဆက်အနွယ်တွေထဲက ဖြစ်လောက်တယ်လို့ ရေးသား ကြပါတယ်။

ယီဆေးဟာ ပြီးခဲ့တဲ့ ဧပြီလ ၂၀ ရက် က ထိုင်းမူးယစ်ဆေး နှိမ်နှင်းရေးအဖွဲ့က ဖမ်းဝရမ်း ထုတ်ထားတဲ့ မူးယစ်ရာဇာ ၂၅ ဦးထဲက ၁ ဦးဖြစ်ပါတယ်။

သူ့ကို ဖမ်းဖို့ ဘတ် တသန်း ချီးမြှင့်မယ်လို့ ထိုင်းဘက်က ထုတ်ပြန်ထား ပါတယ်။

HIV ကူးစက်နှုန်း ကျတဲ့ ပထမဆုံး ဆေး

ဒီဆေးကြောင့် ရောဂါ ကူးစက်နှုန်း ၇၅ ရာနှုန်း ကျဆင်း

HIV ကူးစက်နှုန်း ကျဆင်းစေတဲ့ ပထမဆုံး ဆေးကို အမေရိကန်မှာ ခွင့်ပြု လိုက်ပါပြီ။

Truvada ဆိုတဲ့ ဆေးကို HIV ပိုးရှိသူနဲ့ ကိုယ်လက် နှီးနှောမှုလို ကူးစက် နိုင်ခြေ များတဲ့ အခါမျိုးမှာ သုံးသင့်ပါတယ်။

ဆေးသောက်တာ အပြင် ကွန်ဒုံး သုံးတာ၊ HIV ပိုး ရှိမရှိ မှန်မှန် စစ်တာတွေလဲ လုပ်မှ ရောဂါကို ထိရောက်အောင် ကာကွယ် နိုင်တယ် အမေရိကန် ဆေးဝါး အဖွဲ့က ထုတ်ပြန်ပါတယ်။

ဒီဆေးကြောင့် ရောဂါ ကူးစက်နှုန်း ၇၅ ရာနှုန်း ကျဆင်း စေတယ်လို့ သုတေသီ တွေက ဆိုပါတယ်။ 

ဆီးရီးယား တိုက်ပွဲတွေ မြို့တော်နား ရောက်လာ

ပြည်တွင်းစစ် စပြီး ပထမဆုံး အကြိမ်အဖြစ် မြို့တော်နား သူပုန်တွေ ရောက်လာပုံရ

ဆီးရီးယားမှာ အစိုးရတပ်တွေနဲ့ တိုက်ပွဲ ဖြစ် ပွားနေတဲ့ သူပုန်တွေဟာ မနေ့ကဆိုရင် မြို့တော် ဒမတ်စကာဒ်နားထိ ရောက်ရှိလာပုံရပြီး မြို့ထဲက မီဒန် ရပ်ကွက်မှာ လွန်ခဲ့တဲ့ ဆယ့်ခြောက်လက ပြည်တွင်းစစ် စပြီးနောက် ပထမဆုံး အကြိမ် အဖြစ် အစိုးရ တပ်ဖွဲ့တွေနဲ့ စစ်တပ်က ယာဉ် တွေကို ချထားလာရပါတယ်။

လေဆိပ်ကိုသွားတဲ့ လမ်းကိုလည်း ခဏ ပိတ်ထား ခဲ့ရတယ်လို့ သတင်း ရရှိပါတယ်။

မြို့စွန် ရပ်ကွက်တွေမှာ သေနတ်သံတွေ ကြားရပြီး လမ်းမတွေပေါ်ကနေ မီးခိုးတွေ အူပြီး ထွက်လာတာ တွေ့ရတယ်လို့ မြို့ခံတွေက ဘီဘီစီကို ပြောပြပါတယ်။

မနေ့ ညနေ ငါးနာရီလောက်က စပြီး အမြှောက်တွေနဲ့ စပစ်တာ ကြားရပြီးတော့ အခုဆိုရင် ဒီပစ်ခတ်မှုတွေရဲ့ အကျိုးဆက်တွေကို စတွေ့လာရပြီလို့ ပြောပါတယ်။

နောက်ထပ် စစ်ဆင်ရေးတွေ အချိန်မရွေး ထပ်ဖြစ်လာနိုင်တယ်၊ တင့်ကား ဆယ့်ငါးစီးနဲ့ စစ်သားတွေ အပြည့် တင်ထားတဲ့ ကားတွေ၊ စနိုက်ပါ လက်ဖြောင့် သေနတ်သမားတွေကို တွေ့ရတယ်လို့ သူ့ အတွေ့အကြုံကို ပြောပြပါတယ်။

ဘေရွတ်မှာ ရော်ကနေတဲ့ ဘီဘီစီ သတင်းထောက် ဂျင်မြူရာက အစိုးရ ဆန့် ကျင်ရေးသမားတွေနဲ့ အဆက် အသွယ်ရခဲ့ပြီး သူတို့ အပြောအရ အခုပြောနေတဲ့ နေရာ မြောက်ပိုင်း၊ မြို့လယ်ခေါင်နားထိ ပစ်ခတ် တိုက်ခိုက်မှုတွေ ကူးစက်လာ နေတယ်လို့ ပြောပါတယ်။

ဆီးရီးယား ရုပ်မြင်သံကြားက သတင်းတွေမှာတော့ မြို့တော် တဝိုက်မှာ တိုက်ပွဲ ဖြစ်ပွားနေတယ်လို့ မပြောဘဲ မြို့တဝိုက်က နေရာတွေကို ရုပ်သံကနေ ပြသခဲ့ ပါတယ်။

ဒါပေမယ့် လမ်းတွေမှာ လူတွေ မတွေ့ရဘဲ အခြေအနေဟာ ပုံမှန် အနေအထား မဟုတ်တာကို ရုပ်သံ ပြကွက်တွေမှာ တွေ့ခဲ့ရတယ်လို့ ဘီဘီစီ သတင်းထောက်က ပြောပါတယ်။

မြို့တော်နားထိ ပစ်ခတ်သံတွေ ကြားလာရပြီ ဆိုပေမယ့် ဒမတ်စကာဒ် မြို့ကို သိမ်း ပိုက်ဖို့ တိုက်ပွဲလို့ ကောက်ချက်ချလို့ မရသေးကြောင်း၊ နောက်ရက်ပိုင်းအတွင်းမှာ ကိစ္စပြတ်မယ်လို့ ပြောလို့ မရကြောင်း လက်ဘနွန်ကနေ သတင်းပေးပို့ထား ပါတယ်။

ဒီအတော အတွင်းမှာ ဆီးရီးယား နိုင်ငံဆိုင်ရာ ကုလသမဂ္ဂ အထူး ကိုယ်စားလှယ် ကိုဖီ အာနန်ဟာ ရုရှမှာ ရောက်ရှိနေပြီး ဆီးရီးယား အစိုးရကို ဒဏ်ခပ် ပိတ်ဆို့မှု တွေနဲ့ စစ်ရေးအရ အရေးယူတဲ့ထိ ဖြစ်လာနိုင်တဲ့ ပြဌာန်း ဆုံးဖြတ်ချက်ကို ရုရှဆီက သဘောတူညီမှု ရအောင် ကြိုးစားနေပါတယ်။

ရုရှ နိုင်ငံခြားရေး ဝန်ကြီး ဆာဂေ လက်ဗရော့ဗကတော့ အနောက် နိုင်ငံတွေဟာ အကျပ်ကိုင်တဲ့နည်းလမ်းတွေ သုံးနေပြီး ကုလသမဂ္ဂ ကြိုးပမ်းမှုတွေ ဒီလကုန် အဆုံးသတ်ရင် ဆက်သက်တမ်း မတိုးနိုင်အောင် ဗီတို သုံးမယ်လို့ ချိမ်းခြောက် နေပါတယ်။

ကုလ အတွင်းရေးမှုးချုပ်ရဲ့ ဆီးရီးယား အရေး ကြိုးပမ်းမှုကို လက်ရှိ အနေအထား အတိုင်း သက်တမ်း တိုးလို့ ရပါလျက်နဲ့ အနောက်နိုင်ငံတွေက နိုင်ငံရေး တောင်း ဆိုမှုတွေ လုပ်နေတယ်၊ ဒါဟာ စိတ်ပျက်စရာပဲလို့ ရုရှ သံအမတ်က ပြောသွား ပါတယ်။

ဒီအတော အတွင်းမှာ ဆီးရီးယား အစိုးရဟာ သူ့ရဲ့ အတွင်းလူယုံတွေရဲ့ ဖွင့်ချမှုတွေနဲ့ ထပ်ပြီး ဖိအားပေး ခံလာရပါတယ်။

ပြီးခဲ့တဲ့ အပတ်က အီရတ်မှာ နိုင်ငံရေး ခိုလှုံခွင့် တောင်းခံခဲ့တဲ့ အီရတ်ဆိုင်ရာ ဆီးရီးယား သံအမတ်ကြီး နာဝါ ဖာရက်ဇက ဆီးရီးယားနိုင်ငံ မြို့ကြီးတွေမှာ ဖြစ်ခဲ့တဲ့ ဗုံးခွဲ တိုက်ခိုက်မှုတွေကို အယ်ခိုင်ဒါ စစ်သွေးကြွတွေက အစိုးရ ကိုယ်စား လုပ်ပေးခဲ့တာ ဖြစ်တယ်လို့ ပြောဆိုလိုက်ပါတယ်။

သူဟာ လောလောဆယ် ကာတာနိုင်ငံမှာ ရောက်ရှိနေပြီး ဘီဘီစီ လုံခြုံရေး ဆိုင်ရာ သတင်းထောက် ဖရန့် ဂါဒနာက သူနဲ့ တွေ့ဆုံ မေးမြန်းခဲ့ပါတယ်။

နိုင်ငံတကာက သံတမန် နည်းလမ်းတွေနဲ့ ကြိုးပမ်းမှုတွေကို သူက မျှော်လင့်ချက် မထားကြောင်း၊ ကိုဖီအာနန်ရဲ့ ခရီးစဉ်ကိုလည်း စကတည်းက ပျက်နေတယ်လို့ ဗွင်းဗွင်းပဲ ပြောခဲ့ပါတယ်။

အာဆတ် အစိုးရကို ဖယ်ရှားဖို့ တခုတည်းသော နည်းလမ်းက အတင်းအကြပ် အင်အားသုံး ဖယ်ရှားမှသာ ရမှာ ဖြစ်တယ်ဆိုပြီး ပြောသွားခဲ့ပါတယ်။

ဖမ်းဆီးခံ ၀န်ထမ်းများအရေး ကုလနဲ့ မြန်မာအစိုးရ ညိနှိုင်း

ရခိုင်ပြည်နယ်အတွင်း ပြီးခဲ့တဲ့လအတွင်းက ဖြစ်ခဲ့တဲ့ အကြမ်းဖက်မှုတွေနဲ့ ဆက်နွယ်ပြီး၊ ကုလသမဂ္ဂနဲ့ အန်ဂျီအိုဝန်ထမ်းအချို့ ဖမ်းဆီးထိမ်းသိမ်းခံနေရတဲ့အပေါ် ကုလသမဂ္ဂအနေနဲ့ အာဏာပိုင်တွေနဲ့ ညိနှိုင်းဆောင်ရွက်နေတယ်လို့ ကုလသမဂ္ဂ အတွင်းရေးမှုးချုပ်ရုံးက ပြောပါတယ်။ တချိန်တည်းမှာပဲ ရခိုင်ဒေသအတွက် အကူအညီတွေကို လူမျိုး ဘာသာ ခွဲခြားမှုမထားပဲ အကူအညီတွေ  ဆက်ပေးသွားမယ်လို့ လည်း ပြောပါတယ်။ ကိုသားညွန့်ဦးက တင်ဆက်ပေးမှာပါ။

ကုလသမဂ္ဂနဲ့ ဆက်နွယ်တဲ့ အကူအညီပေးရေးလုပ်သား ၁၀ ဦး လောက်ဟာ ပြီးခဲ့တဲ့လက ရခိုင်ပြည်နယ် အဓိကရုဏ်းတွေနဲ့ ဆက်နွယ်ပြီး အာဏာပိုင်တွေရဲ့ ထိမ်းသိမ်းခြင်းကို ခံခဲ့ရတာပါ။ အကြမ်းဖက်မှုတွေနဲ့ ဆက်နွယ်နေတယ်ဆိုပြီး၊ အချို့ကိုတော့ တရားရုံးထုတ် စစ်ဆေးနေပြီလို့ သိရပါတယ်။ ကုလသမဂ္ဂ ၀န်ထမ်းအချို့ကို ဖမ်းဆီးထားတယ်ဆိုတာကိုတော့ မြန်မာအစိုးရဖက်က တရားဝင်ထုတ်ဖော်မပြောသေးပါဘူး။

ဒါပေမယ့် ကုလသမဂ္ဂဖက်ကတော့ လူသားချင်းစာနာကူညီရေးလုပ်ငန်းမှာ လုပ်နေတဲ့ ၀န်ထမ်းတွေ ဖမ်းခံထားရတယ်လို့ အတည်ပြုထားပါတယ်။ ဒီလူတွေရဲ့ အခြေအနေ ပိုသိရအောင်လို့ မြန်မာအာဏာပိုင်တွေနဲ့ ညိနှိုင်းဆောင်ရွက်နေတယ်လို့ ကုလသမဂ္ဂအတွင်းရေးမှုးချုပ်ရုံး ပြောခွင့်ရသူMARTIN NESIRKY က မနေ့က ကုလသမဂ္ဂပုံမှန်သတင်းစာရှင်းလင်းပွဲမှာ ပြောသွားပါတယ်။ 

“လူသားချင်းစာနာကူညီရေးလုပ်ငန်းတွေမှာ လုပ်ကိုင်နေကြတဲ့ ၀န်ထမ်းအတော်များများကို မြန်မာအာဏာပိုင်တွေက ခေါ်ယူ ထိမ်းသိမ်းထားတာရှိပါတယ်။ မြန်မာနိုင်ငံမှာရှိတဲ့ လူသားချင်းစာနာကူညီမှုဆိုင်ရာ ညှိုနှိုင်းရေးမှုးအနေနဲ့ မြန်မာအာဏာပိုင်တွေနဲ့ ဆက်သွယ်ပြီးတော့၊ အဲဒီ ထိမ်းသိမ်းခံထားရတဲ့ ကူညီရေးဝန်ထမ်းတွေနဲ့ပတ်သက်လို့ အခြေအနေတွေ ပိုသိရဖို့ ကြိုးပမ်းနေပါတယ်။ တုန့်ပြန်ချက်ရဖို့ စောင့်နေတုန်းပါ။”

အမေရိကန်နိုင်ငံခြားရေးဝန်ကြီးကလင်တန်ကလည်း ပြီးခဲ့တဲ့ရက်ကပဲ မြန်မာသမတဦးသိန်းစိန်နဲ့ ကမ္ဘောဒီးယားမှာလုပ်တဲ့ စီးပွားရေးညီလာခံအတွင်းတွေ့ဆုံစဉ်မှာ၊ ဖမ်းဆီးခံရတဲ့ အကူအညီပေးရေးလုပ်သားတွေနဲ့ပတ်သက်လို့ စိုးရိမ်တဲ့အကြောင်း ပြောဆိုခဲ့ပါတယ်။

ထွက်ပြေးနေကြရတဲ့ ထောင်နဲ့ချီတဲ့ ရိုဟင်ဂျာမွတ်ဆလင်တွေကို ဘင်္ဂလားဒေ့ရ်ှနိုင်ငံဖက်ကလည်း ဒုက္ခသည်အဖြစ် လက်မခံတာကြောင့် ရိုဟင်ဂျာတွေအပေါ် ဆက်ဆံမှုနဲ့ပတ်သက်လို့ နိုင်ငံတကာက မြန်မာရော ဘင်္ဂလားဒေ့ရ်ှကိုပါ ဝေဖန်နေတာပါ။ ဒုက္ခသည်များဆိုင်ရာ ကုလသမဂ္ဂမဟာမင်းကြီး Antonio Guterres ကိုယ်တိုင်လည်း မြန်မာနိုင်ငံမှာ သမတဦးသိန်းစိန်နဲ့ တွေ့ဆုံတော့၊ မွတ်ဆလင်တွေကို လက်ရှိ တည်ဆဲဥပဒေအတိုင်းပဲ နိုင်ငံသားဖြစ်ခွင့်ပေးဖို့ တိုက်တွန်းပြောခဲ့ပါတယ်။ ကျန်သူတွေကိုလည်း တိုင်းပြည်အတွင်း ပုံမှန်ဘ၀လို နေထိုင်ခွင့်ရဖို့ ဥပဒေအရ လိုအပ်သလို ဆောင်ရွက်ပေးသင့်တယ်လို့ တိုက်တွန်းသွားပါတယ်။

ရခိုင်ဒေသကိုလည်း ခွဲခြားမရှိပဲ အကူအညီတွေပေးသွားမှာ ဖြစ်တယ်လို့ UNHCR ဂျီနီဖာရုံး ပြောခွင့်ရသူ Melissa Fleming က ပြောခဲ့ပါတယ်။

“ကုလသမဂ္ဂအနေနဲ့ကတော့ ရခိုင်လူမျိုးတွေကိုရော မွတ်ဆလင်တွေကိုပါ ခွဲခြားမှုမရှိပဲ နှစ်ဖက်စလုံးကို လူသားချင်းစာနာမှုအကူအညီတွေ ဆက်ပေးသွားမှာပါ။ ဒါဟာ နှစ်ဖက်အသိုင်းအ၀ိုင်းအကြား ပြန်လည်သင့်မြတ်ရေးအတွက် အထောက်အကူဖြစ်မယ်လို့ ယူဆပါတယ်။ တရားဥပဒေစိုးမိုးမှုရှိပြီး လူ့အခွင့်အရေးအရ ချည်းကပ်ကိုင်တွယ်မယ့် အခြေအနေတွေကို မျှော်လင့်ထားပါတယ်။ ”

ဒုက္ခသည်များဆိုင်ရာ ကုလသမဂ္ဂမဟာမင်းကြီးအနေနဲ့ မြန်မာသမ္မတနဲ့ တွေ့စဉ်မှာ ဖမ်းဆီးခံထားရတဲ့ ကုလသမဂ္ဂ၀န်ထမ်းတွေ ကိစ္စကိုလည်း မေးမြန်းဆွေးနွေးခဲ့တယ်လို့ သိရပါတယ်။ ဖမ်းဆီးခံရသူ ၀န်ထမ်း ၁၀ဦးထဲမှာတော့ UNHCR ၀န်ထမ်းက သုံးဦးဖြစ်ပြီးတော့၊ ကျန်သူတွေကတော့ အခြားကုလသမဂ္ဂအေဂျင်စီနဲ့ အစိုးရမဟုတ်တဲ့အဖွဲ့အစည်းတခုက ကူညီရေးလုပ်သားတွေဖြစ်ကြပါတယ်။ သူတို့ကို တွေ့ဆုံခွင့်လည်း တောင်းထားပြီး၊ ဒီအပေါ်မှာ မြန်မာအာဏာပိုင်တွေဖက်က တုန့်ပြန်မှုကို ကုလသမဂ္ဂဖက်က စောင့်ဆိုင်းနေတုန်းပဲလို့ သိရပါတယ်။

အမေရိကန် အဆင့်အမြင့်ဆုံး စီးပွားရေးနဲ့ကုန်သွယ်ရေးကိုယ်စားလှယ်အဖွဲ့ မြန်မာနိုင်ငံရောက်

By ဗွီအိုအေ(မြန်မာဌာန)

• အမေရိကန်ပြည်ထောင်စုရဲ့ စီးပွားရေးဖွံ့ဖြိုးမှု၊ စွမ်းအင်နဲ့ သဘာဝပတ်ဝန်းကျင်ဆိုင်ရာ လက်ထောက်နိုင် ငံခြားရေးဝန်ကြီး ရောဘတ် ဟောမက်တ်စ် (Robert Hormats) ဟာ မြန်မာနိုင်ငံ၊ ရန်ကုန်မြို့နဲ့ နေပြည်တော် တို့ကို ဇူလိုင်လ (၁၄)နဲ့ (၁၅) ရက်နေ့တွေမှာ သွားရောက်ခဲ့တယ်လို့ အမေရိကန် နိုင်ငံခြားရေးဝန်ကြီး ဌာနက ဇူလိုင်လ(၁၆)ရက် နေ့က သတင်းထုတ်ပြန်ခဲ့ပါတယ်။

လက်ထောက်ဝန်ကြီး ဟောမက်တ်စ် ဟာ အမေရိကန်ပြည်ထောင်စုရဲ့ နိုင်ငံတကာ ကုန်သွယ်ရေးဆိုင်ရာ ဒုလက်ထောက်ဝန်ကြီး ဖရန်စစ္စကိုဆန်းချက်(ဇ်) (Francisco Sanchez) ၊ အရှေ့အာရှနဲ့ ပစိဖိတ်ဒေသ ဒုလက်ထောက်နိုင်ငံခြားရေးဝန်ကြီး ဂျိုးဇက် ယွန်း (Joseph Yun)၊ ဒီမိုကရေစီ၊ လူ့အခွင့်အရေးနဲ့ အလုပ် သမားရေး ဒုလက်ထောက်ဝန်ကြီး ဒယ်န်နီရယ်လ် ဘား (Daniel baer) နဲ့ မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက်ခ် မစ်ချယ်လ် (Derek Mitchell)တို့နဲ့ အတူ နေပြည်တော်မှာ မြန်မာခေါင်းဆောင်တွေ နဲ့ တွေ့ဆုံခဲ့ပါတယ်။

ဒါဟာ (၂၅) နှစ်ကျော်ကာလအတွင်း အမေရိကန်ရဲ့ အဆင့်အမြင့်ဆုံး စီးပွားရေးနဲ့ကူးသန်းရောင်းဝယ်ရေး ဆိုင်ရာ ကိုယ်စားလှယ်အဖွဲ့ မြန်မာနိုင်ငံကို သွားရောက်ခဲ့ တာဖြစ်တယ်လို့ အမေရိကန် နိုင်ငံခြားရေး ၀န်ကြီး ဌာနရဲ့ သတင်းမှာ ဖော်ပြထားပါတယ်။

မကြာသေးခင်က သမ္မတအိုဘားမား ထုတ်ပြန် ကြေညာခဲ့တဲ့ မြန်မာနိုင်ငံအပေါ် ချမှတ်ထားတဲ့ အရေးယူ ပိတ်ဆို့ဒဏ်ခတ်မှုတွေ လျှော့ချပြီး မြန်မာနိုင်ငံမှာ အမေရိကန်ကုမ္ပဏီတွေ သွားရောက် ရင်းနှီးမြှုပ်နှံခွင့်ပြု ခဲ့တာ၊ ဇူလိုင် လ (၁၃) ရက်နေ့က အမေရိကန်နိုင်ငံခြားရေးဝန်ကြီး ဟီလာရီကလင်တန် (Hilary Clinton) နဲ့ မြန်မာသမ္မတ ဦးသိန်းစိန်တို့ ကမ္ဘောဒီးယားနိုင်ငံ အာရှဒေသ ARF ညီလာခံအတွင်း သီးသန့်တွေ့ ဆုံဆွေးနွေးခဲ့တာနဲ့ မနှစ်က ၀န်ကြီး ကလင်တန် မြန်မာနိုင်ငံကို သွားရောက်ခဲ့စဉ်က မြန်မာခေါင်းဆောင်တွေ နဲ့ တွေ့ဆုံ ဆွေးနွေးခဲ့တာတွေကို အခြေခံပြီး အမေရိကန်နဲ့ မြန်မာ စီးပွားရေးနဲ့ ကူးသန်း ရောင်းဝယ်ရေးတို့ကို ချဲ့ထွင်နိုင်ရေး၊ လက်ထောက်ဝန်ကြီး ဟောမက်တ်စ်နဲ့အဖွဲ့က ဦးစားပေးဆွေးနွေးခဲ့တယ်လို့ အမေရိကန် နိုင်ငံခြားရေးဝန်ကြီးဌာနက ဆိုပါတယ်။

လက်ထောက်ဝန်ကြီး ဟောမက်တ်စ်နဲ့ အဖွဲ့ဟာ အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နဲ့ တွ့ဆုံခဲ့သလို  ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ စက်မှုဝန်ကြီး ဦးစိုးသိန်း၊ ဗဟိုဘဏ်ဥက္ကဋ္ဌ ဦးသန်းငြိမ်း၊ စီးပွားရေးနဲ့ ကူးသန်းရောင်းဝယ်ရေး ဒုတိယ၀န်ကြီးဦးပွင့်ဆန်းတို့နဲ့လည်း တွေ့ဆုံခဲ့တယ်လို့ အမေရိကန် နိုင်ငံခြားရေးဝန်ကြီးဌာနရဲ့ သတင်းမှာ ဖော်ပြထားပါတယ်။

အရှေ့အလယ်ပိုင်းအရေး ဆွေးနွေးဖို့ ဝန်ကြီးကလင်တန် အစ္စရေးရောက်

By ဗွီအိုအေ(မြန်မာဌာန)

• အရှေ့အလယ်ပိုင်းနဲ့ အာရပ်ဘ်ကမ္ဘာက အခြေအနေတွေဟာ တနင်္လာနေ့က အစ္စရေးလ်တာဝန်ရှိသူတွေ နဲ့ ဂျေရု စလင်မ် မြို့တော်မှာ တွေ့ဆုံဆွေးနွေးချိန်အတွင်း အဓိကအကြောင်းအရာတွေ ဖြစ်ခဲ့တယ်လို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က ပြောပါတယ်။

အစ္စရေးလ်သမ္မတ ရှီမွန် ပဲရက်စ်၊ ၀န်ကြီးချုပ် ဘန်ဂျမင်န် နေတန်ယာဟု၊ နိုင်ငံခြားရေးဝန်ကြီး Avigdor Lieberman အပါအ၀င် တခြား ထိပ်တန်းတာဝန်ရှိသူတွေနဲ့ တွေ့ဆုံ ဆွေးနွေးပြီးတဲ့နောက် ၀န်ကြီးကလင်တန်က သတင်းထောက်တွေကို ပြောခဲ့တာပါ။ တနင်္လာနေ့အစောပိုင်းတုန်းကတော့ မစ္စစ်ကလင်တန်ဟာ ပါလက်စတိုင်း ၀န်ကြီးချုပ် Salam Fayyad နဲ့ တွေ့ဆုံ ခဲ့ပါတယ်။

စေ့စပ် ဆွေးနွေး ညှိနှိုင်းတဲ့နည်းလမ်းကသာ အစ္စရေးလ်-ပါလက်စတိုင်း နှစ်ဘက်အကြား ငြိမ်းချမ်းရေးရစေမယ့် တခုတည်း သောနည်းလမ်းဖြစ်တယ်လို့ ၀န်ကြီးကလင်တန်က ပြောပါတယ်။ အရှေ့အလယ်ပိုင်းဒေသ ငြိမ်းချမ်းရေးဆိုင်ရာ သဘောတူညီ ချက်တခုရလာဖို့အတွက် အမေရိကန်ပြည်ထောင်စုနဲ့ နိုင်ငံတကာ အသိုင်းအ၀ိုင်းက အပြုသဘောဆောင်တဲ့ အခန်းကဏ္ဍကနေ ဆက်ပြီး ပါဝင်သွားမယ်လို့လည်း သူကပြောပါတယ်။

မြန်မာရေနံနဲ့သဘာဝဓါတ်ငွေ့လုပ်ငန်း IMF ကျင့်ဝတ်များ လိုက်နာဖို့လိုအပ်

By သားညွန့်ဦး

• အမေရိကန်ပြည်ထောင်စုရဲ့ မြန်မာနိုင်ငံအပေါ် ပိတ်ဆို့အရေးယူမှုအချို့ကို သမတလုပ်ပိုင်ခွင့်နဲ့ လျှော့ပေါ့ပေးခဲ့ရာမှာ၊ နိုင်ငံတကာရင်းနှီးမြုပ်နှံမှုနဲ့ပတ်သက်လို့ နိုင်ငံတကာက သတ်မှတ်ထားတဲ့ လုပ်ထုံးလုပ်နည်းတွေကို မြန်မာဖက်က လိုက်နာဖို့ ပိုပြီး အဓိကထား ဖိအားပေးရေး အမေရိကန်အစိုးရဖက်က ပျက်ကွက်ခဲ့တယ်လို့ ဝေဖန်မှုတွေရှိနေပါတယ်။ အထူးသဖြင့်တော့ ရေနံနဲ့သဘာဝဓါတ်ငွေ့လုပ်ငန်းဆိုင်ရာကိစ္စမှာပါ။ ဒီအကြောင်းကိုတော့ ကိုသားညွန့်ဦးက တင်ဆက်ပေးမှာပါ။

မြန်မာနိုင်ငံထဲ ရင်းနှီးမြုပ်နှံမှုသစ်တွေ လုပ်ခွင့်ပြုလိုက်တဲ့အပေါ် မြန်မာနဲ့ပတ်သက်လို့ မူဝါဒပြောင်းလဲမှုတွေ မြန်လွန်းတယ်ဆိုပြီး အမေရိကန်နိုင်ငံတွင်းမှာတင် ဝေဖန်မှုတွေရှိနေပါတယ်။ အထူးသဖြင့် မြန်မာနိုင်ငံထဲ ပြုပြင်ပြောင်းလဲမှုတွေဟာ အချိန်မရွေးနောက်ကြောင်းပြန်လှည့်သွားနိုင်တယ်ဆိုတဲ့ အခြေအနေကို သိနေတဲ့အပြင်၊ ဒေါ်အောင်ဆန်းစုကြည်ကိုယ်တိုင်က သတိပေးထားလျက်နဲ့ ပွင့်လင်းမြင်သာမှုမရှိသေးတဲ့ ရေနံနဲ့သဘာဝဓါတ်ငွေ့လုပ်ငန်းတွေမှာ ရင်းနှီးမြုပ်နှံခွင့်ပေးလိုက်တဲ့အပေါ် ဝေဖန်နေကြပါတယ်။

ဂျော့တောင်းတက္ကသိုလ်က မြန်မာ့အရေးကျွမ်းကျင်သူ ဒေါက်တာမိုက်ကယ် ဂရင်းကလည်း ၀ါရှင်တန်ပိုစ်သတင်းစာမှာ သမတအိုဘားမားအစိုးရရဲ့ ဒီဆုံးဖြတ်ချက်ကို ဝေဖန်ရေးသားခဲ့ပါတယ်။ အဓိကအချက်ကတော့ မြန်မာရေနံနဲ့သဘာဝဓါတ်ငွေ့လုပ်ငန်း (MOGE) အနေနဲ့ IMF နိုင်ငံတကာငွေကြေးရံပုံငွေအဖွဲ့ရဲ့ ရင်းနှီးမြုပ်နှံမှုဆိုင်ရာကျင့်ဝတ်သဘောတူညီချက်ကို လိုက်နာပါမယ်ဆိုတာကို ဖိအားပေးတာမျိုးအရင်မလုပ်ပဲနဲ့ MOGE နဲ့ လုပ်ကိုင်ခွင့်ပေးလိုက်တဲ့ ဆုံးဖြတ်ချက်ဟာ စောလွန်းတယ် မြန်ဆန်လွန်းတယ်လို့ သမတအိုဘားမား အစိုးရကို ဝေဖန်ထားတာပါ။

နယူးယောက်အခြေစိုက် HRW လူ့အခွင့်အရေးစောင့်ကြည့်မှုအဖွဲ့ကလည်း ဒီအချက်ကို ထောက်ပြပါတယ်။ အခုလို အမေရိကန်အစိုးရရဲ့ အလျင်စလို ဆုံးဖြတ်ချက်ကြောင့် မြန်မာနိုင်ငံအပြောင်းအလဲဖြစ်စေဖို့ အရေးကြီးတဲ့ အခွင့်အလမ်းတရပ်ဆုံးရှုံးရတယ်လို့ HRW ရဲ့ စီးပွားရေးနဲ့လူ့အခွင့်အရေးဆိုင်ရာ ညွန်ကြားရေးမှုး Arvind Ganesan က ဝေဖန်ပါတယ်။

“ MOGE မြန်မာ့ရေနံနဲ့သဘာဝဓါတ်ငွေ့လုပ်ငန်းဟာ အများပြည်သူပိုင်ဘဏ္ဍာတွေ ဘယ်လိုသုံးစွဲနေတယ်ဆိုတာကို အပြည့်အ၀ ထုတ်ဖော် အသိပေးခြင်းမရှိပါဘူး။ ဒီနေရာမှာ သဘာဝဓါတ်ငွေ့ကရတဲ့ ၀င်ငွေတွေကို မြန်မာအစိုးရက ပြည်သူ့ဘဏ္ဍာထဲ မထည့်ခဲ့ပါဘူး။ ပြည်သူ့ဘဏ္ဍာထဲထည့်ဖို့က လုပ်ဆောင်ရမယ့် တာဝန်ပါ။ မလုပ်တဲ့အတွက် ပြည်သူတွေဖက်က ဒီ ၀င်ငွေတွေ ဘယ်လောက်ရှိမှန်းမသိရပါဘူး။ ဘယ်လို ခွဲဝေသုံးစွဲသလဲဆိုတာကို သက်ဆိုင်ရာကို မေးခွန်းမထုတ်နိုင်ကြပါဘူး။ ရှယ်ဗရွန်၊ တိုတယ် နဲ့ ထိုင်း PTTE တို့ဟာ ဒီစီမံကိန်းတွေမှာ မြန်မာအစိုးရနဲ့ ဖက်စပ်လုပ်ကိုင်ခဲ့တဲ့အတွက်၊ နောက်ပြီး MOGE လို ထင်သာမြင်သာမရှိတဲ့ လုပ်ငန်းနဲ့ တွဲဖက်လုပ်နေသရွှေ့ သိက္ခာကျတဲ့အခြေအနေဖြစ်နေပါတယ်။ နိုင်ငံပိုင်ငွေတွေကို MOGE အနေနဲ့ ထုတ်ပြန်ကြေညာပေးတာမလုပ်တော့ ဒီကုမ္ပဏီတွေလည်း ကြံရာပါ ဖြစ်နေပါတယ်။ ဒါကြောင့် MOGE အနေနဲ့ အခုအခါမှာ ထင်သာမြင်သာရှိဖို့လိုပါတယ်။ IMF ရဲ့ ကျင့်ဝတ်ဆိုင်တွေကို လိုက်နာဖို့ အရင် သဘောတူညီမှုကို ရယူသင့်ပါတယ်။ အမေရိကန်အစိုးရက ဒါကို အရင်မလုပ်တော့ အရေးကြီးတဲ့ အခွင့်အလမ်းတရပ် ဆုံးရှုံးသွားတယ်လို့ ကျနော်ပြောရမှာပါ။”

နိုင်ငံခြားရင်းနှီးမြုပ်နှံမှုတွေ မလုပ်ခင်မှာ မြန်မာအစိုးရအနေနဲ့ IMF ရဲ့ စီးပွားရေးလုပ်ငန်းဆိုင်ရာကျင့်ဝတ်တွေကို အရင်ဆုံး သဘောတူလက်ခံဖို့ အရေးကြီးတယ်လို့လည်း Arvind Ganesan က ဗွီအိုအေ မြန်မာပိုင်းကို ပြောပါတယ်။

“ IMF က လွန်ခဲ့တဲ့နှစ်အနည်းငယ်က ဘဏ္ဍာရေးနဲ့ပတ်သက်လို့ သဘာဝသယံဇာတ လုပ်ငန်းတွေ လုပ်ကိုင်ရာမှာ ထင်သာမြင်သာရှိဖို့ လိုက်နာရမယ့် ကျင့်ဝတ်စည်းကမ်းကို သတ်မှတ်ပေးခဲ့ပါတယ်။ အခြေခံအားဖြင့် MOGE လို နိုင်ငံပိုင်ကုမ္ပဏီတွေက သူတို့ဝင်ငွေဘယ်လောက်ရလဲ ထုတ်ပြန်ကြေညာပေးဖို့လိုသလို၊ ဘယ်လို သုံးစွဲသလဲ တာဝန်သိသိ သုံးမသုံး သိနိုင်ဖို့ စာရင်းစစ်တွေရဲ့ စစ်ဆေးမှုကို ခံရပါတယ်။ ဒါမှလည်း ၀င်ငွေကို မှန်မှန်ကန်ကန်သုံးစွဲတယ်ဆိုတာ အသေအချာ သိနိုင်မှာပါ။ ဒါဟာ ပြည်သူ့ဘဏ္ဍာငွေဖြစ်လို့ပါ။ ဒါကြောင့် မြန်မာအစိုးရက အခု IMF ကမ္ဘာဘဏ်အပြင် အခြားအစိုးရတွေနဲ့ လုပ်ကိုင်ရာမှာ ဒီ CODE OF CONDUCT ကို အရင် လိုက်နာဖို့လိုပါတယ်။ အခြားနိုင်ငံတွေက လာပြီး ရင်းနှီးမြုပ်နှံမှုမလုပ်ခင် ဒါကို အရင်လုပ်ဖို့လိုပါတယ်။ အကြောင်းကတော့ မြန်မာအစိုးရရဲ့ နောက်ကြောင်းရာဇ၀တ်က စိတ်မချရလို့ပါ။”

မကြာခင်က မြန်မာနိုင်ငံကို သွားရောက်ခဲ့တဲ့ အမေရိကန်နိုင်ငံခြားရေးဌာန စီးပွားရေးဖွံဖြိုးမှု စွမ်းအင်နဲ့ ပတ်ဝန်းကျင်ရေးရာ လက်ထောက်နိုင်ငံခြားရေးဝန်ကြီး Hormats ကလည်း  မြန်မာအစိုးရအနေနဲ့ ထင်သာမြင်သာရှိမှု တိုးတက်လုပ်ဆောင်ဖို့ ၊ အဂတိလိုက်စားမှု တိုက်ဖျက်ရေးကို တိုးမြင့်လုပ်ဆောင်ဖို့ တိုက်တွန်းထားပါတယ်။ အထူးသဖြင့် နိုင်ငံပိုင် ကုမ္ပဏီဖြစ်တဲ့ MOGE လို လုပ်ငန်းတွေကို ဆိုလိုပါတယ်။

လူ့အခွင့်အရေးကို ရိုသေလေးစားလိုက်နာဖို့အပြင်၊ စီးပွားရေးမှာ ထင်သာမြင်သာရှိရေး အရေးယူဆောင်ရွက်မှုဖြစ်တဲ့ EILIT နိုင်ငံတကာသဘောတူညီမှုအဖွဲ့မှာ မြန်မာအစိုးရက ပါဝင်ဖို့ကိုလည်း အလေးပေးတိုက်တွန်းထားပါတယ်။

ဆက်သွယ်ရေးကဏ္ဍတွင်လည်း နိုင်ငံခြားကုမ္ပဏီများကို ခွင့်ပြုတော့မည်

မဇ္ဈိမသတင်းဌာန | တနင်္လာနေ့၊ ဇူလိုင်လ ၁၆ ရက် ၂၀၁၂ ခုနှစ် ၁၈ နာရီ ၅၂ မိနစ်

နယူးဒေလီ (မဇ္ဈိမ) ။       ။ မြန်မာအစိုးရအနေနှင့် ဆက်သွယ်ရေး (telecommunication) ကဏ္ဍတွင် နိုင်ငံခြား ရင်းနှီးမြှုပ်နှံမှု ကုမ္ပဏီများကို ခွင့်ပြုတော့မည်ဖြစ်ကြောင်း အစိုးရ အကြီးတန်းအရာရှိတဦးက ဖော်ထုတ် ပြောဆိုလိုက် သည်။

နိုင်ငံတကာ ကုမ္ပဏီများကို အစိုးရနှင့် ဖက်စပ်လုပ်ကိုင်စေကာ မြန်မာပြည်တွင်း အခြေခံ အဆောင်အအုံများ တည်ဆောက်ပြီး ဝန်ဆောင်မှုများ ပေးစေရန်ဖြစ်ကြောင်း ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနမှ အကြီးတန်းအရာရှိ ဦးကျော်စိုးက စင်္ကာပူနိုင်ငံတွင် တနင်္လာနေ့က ပြောဆိုလိုက်ခြင်း ဖြစ်သည်။

မြန်မာအစိုးရအနေနှင့် တိုင်းပြည်တွင်း ဝန်ဆောင်မှုများ ပေးရန်အတွက် နိုင်ငံခြားကုမ္ပဏီ သုံးခုအထိ ဖက်စပ် လုပ်ကိုင်ရန်နှင့် ရင်းနှီးမြှုပ်နှံရန် ခွင့်ပြုနိုင်သည်။

“ကျနော်တို့အနေနဲ့ နိုင်ငံသားတွေအတွက် ဆက်သွယ်ရေးနဲ့ အင်တာနက် ဝန်ဆောင်မှုတွေမှာ ပိုမိုများပြားတဲ့ ရွေးချယ် စရာတွေ ပေးလိုပါတယ်။ ဒါဟာ လူတိုင်းအတွက် လူမှုရေးနဲ့ စီးပွားရေးနယ်ပယ်တွေမှာ အကျိုးဖြစ်ထွန်းစေမှာပါ” ဟု ဦးကျော်စိုးက ဆိုသည်။

အစိုးရအနေနှင့် မကြာမီ လအနည်းငယ်အတွင်း အကြံပေးတယောက်ကို ခန့်အပ်မည်ဖြစ်ပြီး ၎င်းအကြံပေး အရာရှိ အနေနှင့် မြန်မာပြည်တွင်း ရင်းနှီးလုပ်ကိုင်မည့် နိုင်ငံခြားဆက်သွယ်ရေး ကုမ္ပဏီများအတွက် အဆိုပါ ကဏ္ဍ ဖွင့်လှစ်ရေးနှင့် ဘောင်စည်းမျဉ်းများအတွက် အကြံဉာဏ်များ ပေးအပ်သွားမည်ဖြစ်ကြောင်း ဆက်သွယ်ရေးနှင့် စာတိုက်သင်တန်းဌာနကြီးမှူး ဦးကျော်စိုးက ပြောဆိုသည်။

လူဦးရေ သန်း ၆၀ ခန့်ရှိသော မြန်မာနိုင်ငံတွင် လူ သုံးသန်းသာလျှင် တယ်လီဖုန်း တလုံး အသုံးပြုနိုင်သေးပြီး လာမည့် ၂၀၁၆ ခုနှစ် ဘဏ္ဍာနှစ်ကုန်တွင် ၇၅ ရာခိုင်နှုန်းထိ မြှင့်တင်ရန် ရည်ရွယ်ထားသည့်အတွက် လူဦးရေ သန်း ၄၀ မှာ ဖုန်းကိုင်ဆောင် အသုံးပြုလာနိုင်လိမ့်မည် ဖြစ်ကြောင်း ဦးကျော်စိုးက ပြောသည်။

ထိုသို့ နိုင်ငံခြား ပုဂ္ဂလိကကုမ္ပဏီများနှင့် ဖက်စပ် လုပ်ကိုင်သည့်အခါ အစိုးရအနေနှင့် ပိုင်ဆိုင်မှု ၅၁ ရာခိုင်နှုန်းထိ စွဲကိုင်ထားမည် ဖြစ်သည်။

နိုင်ငံပိုင် စီးပွားရေးလုပ်ငန်း ဥပဒေအရ ဆက်သွယ်ရေး လုပ်ငန်းမှာ အခြေခံအားဖြင့် နိုင်ငံပိုင်ဖြစ်ပြီး အစိုးရသာလျှင် ဝန်ဆောင်မှုပေးနိုင်သည့် တဦးတည်းသော အခွင့်အရေးပိုင်ရှင် ဖြစ်သည်။ သို့သော် ဆက်သွယ်ရေး ဥပဒေသစ်တခုကို မူကြမ်းရေးဆွဲနေရာ အချောကိုင်အဆင့်သို့ ရောက်ရှိနေပြီး ၎င်းဥပဒေသစ်အရ ပုဂ္ဂလိက အခန်းကဏ္ဍများလည်း ခွင့်ပြုလာလိမ့်မည်ဟု ဦကျော်စိုးက ပြောဆိုသွားသည်။

မြန်မာနိုင်ငံသည် နိုင်ငံအတွင်း မိုဘိုင်းဖုန်းနှင့် သတင်းအချက်အလက် ဝန်ဆောင်မှုများ တိုးတက်ရေးအတွက် အလင်း ဖန်မျှင် fibre-optic ကွန်ယက် ကို နိုင်ငံအနှံ့ တည်ဆောက်လျက် ရှိနေသည်။ လက်ရှိ Fibre-optic ကွန်ယက်၏ အရွယ်အစားမှာ ကီလိုမီတာ ၁၀၀၀ ခန့်ရှိကြောင်း ဦးကျော်စိုးက ပြောခဲ့သော်လည်း အသေးစိတ် အချက်အလက်များ ကို ပြောဆိုသွားခြင်း မရှိပေ။