16.07.2012 နေ့ဖတ်ရန်သတင်းများ

by Myanmar Journal on Sunday, July 15, 2012 at 4:57pm ·

လူမှုရေးသဟဇာတဖြစ်ဖို့ ခေါင်းအေးအေးနဲ့ရှင်းရမယ်

၈၈ မျိုးဆက် ကျောင်းသား ခေါင်းဆောင် ဦးကိုကိုကြီးက ရခိုင့်အရေးကို ရေရှည်မြော်မြင် စဉ်းစားဖို့ ပြောပါတယ်။

ရခိုင်သပ်သပ် မွတ်ဆလင်သပ်သပ် ခွဲခြားနေထိုင်ဖို့ ရေရှည်မှာ မဖြစ်နိုင်တာမို့ လူမှုရေး သဟဇာတဖြစ်ဖို့ ခေါင်းအေးအေးထား ဆုံးဖြတ်ကြဖို့ နှစ်ဘက်စလုံးကို တိုက်တွန်းခဲ့တယ်လို့ ရခိုင်ဒေသကို ဒီရက်ပိုင်း အတွင်းက သွားရောက်ခဲ့တဲ့ ၈၈ မျိုးဆက် ကျောင်းသား ခေါင်းဆောင် ဦးကိုကိုကြီးက ဘီဘီစီကို ပြောပါတယ်။

၈၈ မျိုးဆက် ကျောင်းသား ခေါင်းဆောင်တွေဟာ ရခိုင် ပဋိပက္ခတွေ ဖြစ်ပွားအပြီး တလကျော် အကြာမှာ ရခိုင်ဒေသကို ကိုယ်တိုင် ကွင်းဆင်း သွားရောက်ခဲ့ပြီး ဒုက္ခသည် စခန်းမှာ ဒုက္ခသည်တွေနဲ့ တွေ့ဆုံ အားပေး ခဲ့သလို လှူဒါန်းမှုတွေလည်း ပြုလုပ်ခဲ့ကြပါတယ်။

ရခိုင်ပြဿနာဟာ ကာလရှည်ကြာ ပြဿနာတခု ဖြစ်တယ်၊ တရားမဝင် ဝင်လာတဲ့ ဘင်္ဂါလီတွေထဲမှာ နိုင်ငံသား ဖြစ်နေတာတွေ ရှိတယ်၊ နိုင်ငံသား အထောက်အထား မရှိဘဲ နေနေတာတွေလည်း ရှိတယ်၊ ဘင်္ဂါလီ မွတ်ဆလင်တွေရဲ့ လူဦးရေ တိုးနှုန်းကလည်း မြင့်မားတာကြောင့် ဒေသခံ ရခိုင်တွေမှာ စိတ်ပိုင်းဆိုင်ရာ မလုံခြုံမှုတွေ ရှိနေတယ်လို့ သူ့အမြင်ကို ထောက်ပြပါတယ်။

ဒါကြောင့် မီးရှို့ဖျက်စီး ခံခဲ့ရတဲ့ နေအိမ်တွေကို ပြန်ဆောက်ပေးဦးတော့ ရခိုင်တွေမှာ စိတ်ပိုင်းဆိုင်ရာ မလုံခြုံမှုတွေ ရှိနေကြပြီ၊ ယောက်ျားရင့်မကြီးတွေ ဖြစ်ရက်နဲ့ မျက်ရည်ကျတာတွေကို မြင်ခဲ့ရတယ်လို့ ၈၈ မျိုးဆက် ကျောင်းသား ခေါင်းဆောင်က ပြောပါတယ်။

ကမ္ဘာမှာ ဘယ်ဒေသမှာပဲဖြစ်ဖြစ် ဒုက္ခရောက်သူကို ကူညီရမယ်၊ ဂရုဏာထားရမယ် လူသားဆန်တဲ့ စိတ်ဓာတ်မျိုး ရှိတတ်ပေမယ့် နိုင်ငံသား ဖြစ်မှုနဲ့ ပတ်သက်လို့ တိတိကျကျ ကိုင်တွယ်ဖို့ လိုတယ်လို့လည်း ဦးကိုကိုကြီးက ရခိုင့်အရေးနဲ့ ပတ်သက်ပြီး သေသေချာချာ ပြောပါတယ်။

နိုင်ငံသားဖြစ်ဖို့ ကြိုးစားသူတွေဟာ နိုင်ငံတော်ရဲ့ ကျေးဇူးသစ္စာကို စောင့်သိရမယ်၊ နိုင်ငံသား တာဝန်ကိုလည်း ထမ်းရွက်ရမယ်၊ တခါ ပြည်သူတွေအတွက် လုံခြုံ စိတ်ချရတဲ့ ပတ်ဝန်းကျင်ကို ဖန်တီးပေးဖို့ နိုင်ငံ့အရေးမှာ တာဝန်ရှိသူအားလုံးရဲ့ တာဝန်ဖြစ်တယ်၊ နိုင်ငံသားတွေနဲ့ နိုင်ငံတော်ရဲ့ လုံခြုံရေးအတွက် အစိုးရပဲဖြစ်ဖြစ် သူတို့လို နိုင်ငံရေး အင်အားစုပဲဖြစ်ဖြစ် တသဘောထဲ ရှိသင့်တယ်လို့လည်း ဦးကိုကိုကြီးက ပြောပါတယ်။

ရခိုင်ဒေသမှာ ကွင်းဆင်း ကြည့်ရှုလို့ သူတို့အနေနဲ့ စိတ်ခွန်အားပေးတာ၊ နှိုင်းဆ သုံးသပ်ပေးတာတွေကို ရခိုင်သားတွေဟာ လောလောဆယ် စိတ်ခံစားမှုတွေ ရှိနေပေမယ့်လည်း လေးလေးနက်နက်နဲ့ ရေရှည်ကို မြော်မြင်လို့ စဉ်းစားနိုင်လိမ့်မယ်လို့ သူထင်မြင်ကြောင်း ၈၈ မျိုးဆက် ကျောင်းသား ခေါင်းဆောင်က ထင်မြင် ယူဆပါတယ်။

ရခိုင်ပြည်နယ် မောင်တောမြို့မှာ ဇွန် ၈ က ဘင်္ဂါလီ မွတ်ဆလင်တွေက ရခိုင်တိုင်းရင်းသားတွေရဲ့ အိမ်တွေကို မီးရှို့တာ၊ လူတွေကို သတ်ဖြတ်တာတွေကို ပြုလုပ်ခဲ့ပါတယ်။ အဲဒီ အပျက်အစီးတွေကိုလည်း ကြည့်ရှုခဲ့တယ်လို့ ဦးကိုကိုကြီးက ပြောပါတယ်။ ဘူးသီးတောင်နဲ့ မောင်တောမြို့တွေမှာ ရခိုင်တွေ မရှိသလောက် ဖြစ်နေပြီလို့ သူက သတိပေး ပြောပြပါတယ်။

မြန်မာနိုင်ငံမှာ မျှော်လင့်တာထက် ပိုပွင့်လင်း

ဆွေးနွေးပွဲကို မြန်မာနိုင်ငံ ဆိုင်ရာ အမေရိကန် သံအမတ်ကြီး ဒဲရက်မစ်ချဲလ်လည်း တက်ရောက်ခဲ့

မြန်မာနိုင်ငံဟာ မျှော်လင့် ထားတာထက် ပိုပြီး ပွင့်လင်း လာတာကို တွေ့ရတဲ့ အတွက် ရင်းနှီးမြှုပ်နှံဖို့ စိတ်ဝင်စားတာ ဖြစ်တယ်လို့ အမေရိကန် စီးပွားရေး လုပ်ငန်းရှင်တွေက ပြောကြား လိုက်ပါတယ်။

ရန်ကုန်မြို့မှာ တနင်္ဂနွေနေ့က ကျင်းတဲ့ အာဆီယံ အမေရိကန် စီးပွားရေး ကောင်စီက ကိုယ်စားလှယ် တွေနဲ့ မြန်မာအစိုးရ အရာရှိကြီးတွေ တွေ့ဆုံပွဲမှာ အမေရိကန် လုပ်ငန်းရှင်တွေက အခုလို ပြောကြားလိုက်တာ ဖြစ်တယ်လို့ အဲဒီ အစည်းအဝေးကို တက်ရောက်ခဲ့တဲ့ မြန်မာအဖွဲ့ဝင် တဦးက ဘီဘီစီ ကိုပြောပါတယ်။

အဲဒီ ဆွေးနွေးပွဲကို မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဌ စက်မှုဝန်ကြီး ဦးစိုးသိန်းနဲ့ မြန်မာနိုင်ငံ ဆိုင်ရာ အမေရိကန်သံအမတ်ကြီး ဒဲရက်မစ်ချဲလ်တို့ တက်ရောက်ခဲ့ ပါတယ်။

အမေရိကန် လုပ်ငန်းရှင်ကြီးတွေဟာ တနင်္လာနေ့မှာတော့ မြန်မာနိုင်ငံ ကုန်သည်နဲ့ စက်မှုလုပ်ငန်းရှင်များ အသင်းဝင်တွေနဲ့ တွေ့ဆုံကြဖို့ ရှိပါတယ်။

လယ်သမား ဆန္ဒပြမှု နောက်ဆက်တွဲ

နယ်မြေအာဏာပိုင်တွေ လျော်ကြေးမပေးပဲ သိမ်းယူထားတဲ့ လယ်မြေတွေ ပြန်ရရှိရေး အတွက် မူလပိုင်ရှင် လယ်သမားတွေက ဇူလိုင်လ ၁၁ရက်နေ့ က စလို့ သူတို့ လယ်မြေထဲ ပြန်ဝင်ပြီး ထွန်တုံးတိုက်ပွဲ ဆင်နွှဲ လှုပ်ရှား ခဲ့တဲ့ မန္တလေးတိုင်း မိတ္ထီလာ ခရိုင်နဲ့ ပဲခူးတိုင်း ပန်းတောင်းမြို့နယ်က လယ်သမားတွေ ဟာ အဖမ်းခံရသူရှိသလို ညှိနှိုင်းမှု ရသူတွေလည်း ရှိခဲ့ပါတယ်။

ပဲခူးတိုင်း ပြည်ခရိုင် ပန်းတောင်းမြို့နယ် ရှိ ရွာသစ်ကုန်း နဲ့ ပုတီးတောရွာမှာ ၁၉၈၉ ခု နှစ်ကတည်း က အမှတ် ၃ ကာကွယ်ရေး ပစ္စည်းစက်ရုံ က သိမ်းထားတဲ့ လယ်ဧက ၇ဝ နီးပါး ပြန်ရရေး ထွန်တုံး တိုက်ပွဲ ဆင်ခဲ့တဲ့ တောင်သူ ၇ ဉီး ဟာ ပြီးခဲ့တဲ့ ရက်က အဖမ်းခံရပြီး ညပိုင်းမှာ ပြန်လွှတ်ပေးလိုက် ပါတယ်။ ခံဝန်ချုပ် တော့ ထိုးခဲ့ရပုံ ကို လယ်သမား က ဘီဘီစီ ကိုပြောပြပါတယ်။

နယ်မြေခံ ရဲ က ဖမ်းတာမဟုတ်ပဲ ကပစ အမှတ် ၃ က စစ်သားတွေ ဖမ်းကြောင်းလည်း ပြောပြပါတယ်။ ဒါပေမယ့် လယ်သမားတွေ ကတော့ သိမ်းဆည်း လယ်မြေ ပြန်ရရှိ ရေး ဆက်လက် လုပ်ကိုင်မယ်လို့ ဆိုပါတယ်။

အလားတူ ထွန်တုံး တိုက်ပွဲ ဆင်ခဲ့တဲ့ မိတ္ထီလာ ခရိုင်၊ မလှိုင်၊ဝမ်းတွင်း၊သာစည် နဲ့ မိတ္ထီလာ လေးမြို့နယ်က လယ်သမားတွေ ကတော့ သက်ဆိုင်ရာ အာဏာပိုင် တွေနဲ့ ညှိနှိုင်းမှု ရခဲ့ပြီး ပြေလည်မှု ရခဲ့ကြောင်း ဘီဘီစီ ကို ပြောပါတယ်။

လယ်ယာမြေ ပြဿနာ ဟာ ခိုင်မာတဲ့ လယ်ယာမြေ ဥပဒေ မရှိသေးတဲ့ အတွက် လယ်သမားတွေ ရဲ့ တောင်းဆိုမှု တွေ ပေါ်ပေါက်နိုင်သေးတဲ့ အကြောင်း၊ ကနေ့မှာဆိုရင် ရန်ကုန်ပတ်ဝန်းကျင်က လယ်သိမ်းခံ လယ်သမားတွေ ငြိမ်းချမ်းစွာ စီတန်းလှည့်လည် တောင်းဆိုမယ့် အစီအစဉ်ရှိကြောင်း လယ်သမားတွေ က ပြောပါတယ်။

ရန္ကုန္မွာ လယ်သမားတြေ ဆန္ဒပြ

လယ်သမား ၂၀ဝ နီးပါးလောက် ပြည်လမ်း အတိုင်း ချီတက်ပြီး ဆန္ဒပြခဲ့ကြပါတယ်

မြန်မာ အစိုးရသစ်ရဲ့ ငြိမ်းချမ်းစွာ စီတန်း လှည့်လည်ခွင့် ဥပဒေထွက် အပြီး တပတ်အတွင်း မှာပဲ ပထမဆုံး အကြိမ် ခွင့်ပြုချက်ရတဲ့ ဆန္ဒပြပွဲ တခု တနင်္ဂနွေနေ့ မနက်က ရန်ကုန်မြို့မှာ ပြုလုပ်ခဲ့ ပါတယ်။

ရန်ကုန်တိုင်း အတွင်းမှာ ရှိတဲ့ လယ်သိမ်းခံခဲ့ရတဲ့ လယ်သမားတွေက သူတို့ရဲ့ နစ်နာမှုတွေ အကြောင်း သက်ဆိုင်ရာကို တိုင်ကြားထား ပေမယ့် အရေးတယူ ဆောင်ရွက်မပေးလို့ ဆိုပြီး လယ်သမား ၂၀ဝ နီးပါးက ထောက်ကြံ့မှာ ရှိတဲ့ မတူကွဲပြားခြင်းနဲ့ ငြိမ်းချမ်းရေး ပါတီရုံး ကနေ ပြည်လမ်း အတိုင်း ချီတက်ပြီး ပဲခူးအ ထွက်လမ်းပေါ်က မြနန္ဒာ ပန်းခြံမှာ ဆန္ဒပြခဲ့ ကြပါတယ်။

ဆန္ဒပြရခြင်း အဓိက အကြောင်းရင်းကတော့ မင်္ဂလာဒုံမြို့နယ် အုပ်ချုပ်ရေးမှူးက ဒီအမှုနဲ့ ပတ်သက်တဲ့ အယူခံတွေကို လက်မခံတဲ့ အတွက် ဒါကို ဆန့်ကျင် ကန့်ကွက်တဲ့ အနေနဲ့ ဆန္ဒပြရာတာ ဖြစ်ကြောင်း ဒီဆန္ဒပြပွဲကို ဦးဆောင်တဲ့ မတူကွဲပြားခြင်းနဲ့ ငြိမ်းချမ်းရေး ပါတီ ဥက္ကဋ္ဌ ဦးနေမျိုးဝေက ဘီဘီစီကို ပြောပါတယ်။

လယ်သိမ်းခံခဲ့ရတဲ့ ရန်ကုန်တိုင်း တမြို့နယ်ချင်းစီက ကိစ္စတွေကို ဖေါ်ထုတ် ပြောကြားခဲ့တယ် လို့လည်း ဦးနေမျိုးဝေက ပြောပါတယ်။

ရဲ အယောက် ၂၀ လောက်က ဆန္ဒပြပွဲကို လုံခြုံရေး လိုက်ယူပေး ပေမယ့်လည်း၊ ဆန္ဒပြပွဲ အတွက် အချိန် ၂ နာရီပဲ ခွင့်ပြုချက် ရတာကြောင့် အပြေးအလွှား လုပ်ခဲ့ရတယ်လို့ သူက ပြောပါတယ်။

လက်နက်ကြီးတွေ မသုံးကြောင်း ဆီးရီးယား အစိုးရ ငြင်းဆို

ထရမ်ဆာ ရွာမှာ လူတွေ အစုလိုက် အပြုံလိုက် အသတ်ခံ ခဲ့ရတယ်လို့ အတိုက်အခံတွေက ပြောပါတယ်

ဆီးရီးယား နိုင်ငံ Tremseh ရွာမှာ ဖြစ်ခဲ့တဲ့ လူသေဆုံးမှုတွေဟာ အတိုက်အခံတွေ ပြောသလို တမင် အစုလိုက် အပြုံလိုက် သတ်ဖြတ်မှု မဟုတ်ဘဲ သူပုန်တွေကို နှိမ်နှင်း ရာမှာ ဖြစ်တဲ့ တိုက်ပွဲတွေကြောင့် သေဆုံးရ တာ တွေသာ ဖြစ်တယ်လို့ ဆီးရီးယား အစိုးရက ပြောနေပါတယ်။

ကမ္ဘာ့သတင်း မီဒီယာ အများစုကလည်း Tremseh ရွာမှာ ဖြစ်ခဲ့တဲ့ သေဆုံးမှုတွေဟာ လူအစုလိုက် အပြုံလိုက် သတ်ဖြတ်မှုတွေ ဖြစ်တယ်လို့တင်ပြခဲ့ကြပါတယ်။

မကြာသေးခင် သီတင်းပတ် အနည်းငယ်တုန်းက ဟူလာမြို့မှာ ဖြစ်ခဲ့တာနဲ့ နှိုင်းယှဉ် ပြီး အဲဒီလို ပြောခဲ့ကြတာပါ။ ဆီးရီးယား အစိုးရက ရွာထဲမှာ ရှိနေသူတွေ ပြန်မခုခံနိုင်အောင် အရင် လုပ်ပြီးတော့မှ အစိုးရကို ထောက်ခံတဲ့ လက်နက်ကိုင် အဖွဲ့တွေက ဝင်လာပြီးလူတွေကို အနီးကပ် သတ်ဖြတ်ခဲ့တာ ဖြစ်ကြောင်း မျက်မြင် သက်သေတွေက ပြောပြကြပါတယ်။

သူတို့ပြောတဲ့ အတိုင်း တကယ်ဖြစ်ခဲ့တာ ဖြစ်နိုင်ပေမယ့် ဟူလာမြို့မှာ တုန်းကလို သက်သေ အထောက်အထား အခိုင်အလုံ ပြနိုင် တာမျိုးတော့ မရှိသေးပါဘူး။

ဒါပေမယ့် ဆီးရီးယား အရေးအတွက်လုံခြုံရေး ကောင်စီ အစည်းဝေး ကျင်းပဖို့ ရှိနေချိန်မှာ ကနဦး ထွက်လာတဲ့ သတင်းတွေကြောင့် ကုလသမဂ္ဂ ထိပ်တန်း အရာရှိတွေနဲ့ နိုင်ငံ ခေါင်းဆောင်တွေကိုအကြီးအကျယ် ဒေါသ ဖြစ်စေခဲ့ပါတယ်။

ဆီးရီးယားအစိုးရကို ထောက်ခံတာ မဟုတ်ဘဲ နှစ်ဖက်လုံးရဲ့ ပြောဆိုချက်တွေ အပေါ် သံသယ ရှိနေသူတွေကတော့ အတိုက်အခံတွေဟာ လုံခြုံရေး ကောင်စီ အစည်းအဝေး နီးလာပြီ ဆိုရင် ဒီလိုပဲ တိုင်တန်း ပြောဆိုတာတွေ လုပ်တာ အလေ့အထ ဖြစ်နေပြီလို့ ပြောကြပါတယ်။

ဆီးရီးယားမှာ နေ့စဉ်နေ့တိုင်း လူ ၅၀၊ ၁၀၀ သေဆုံး နေကြရတဲ့ အဖြစ်တွေကလည်း သူတို့ရဲ့ ဝါဒဖြန့်မှုကို ပိုအောင်မြင်အောင် အားပေးသလို ဖြစ်စေပါတယ်။

ဒါပေမယ့် ဒီစွပ်စွဲချက်တွေကြောင့် လူတွေ သိပ်မပြောဖြစ်ကြတဲ့ အချက်က ဆီးရီးယား အစိုးရ ရဟတ်ယာဉ်တွေ အပါအဝင် စစ်လက်နက်တွေကို ပိုသုံးလာတယ် ဆိုတဲ့ကိစ္စပါ။ စနေနေ့တုန်းကလည်း နိုင်ငံတောင်ပိုင်းမှာ အဲဒီလို လက်နက်ကြီးတွေနဲ့ တိုက်ခိုက်မှုမျိုး ထပ်ဖြစ်ခဲ့ပါတယ်။

ဒီလိုဆက်ပြီး တိုက်နေမယ်ဆိုရင် ပစ်မှတ်ထားခံရတဲ့ ကျေးရွာ တွေမှာ နောက်ထပ် လူအများအပြား သေဆုံးတာတွေ ဖြစ်လာမှာကို မရှောင်လွဲနိုင်ပါဘူး။ ဒါဟာ သူပုန်တွေကို တိုက်တာလို့ အစိုးရဖက်က ပြောတာဟာ တစုံတရာတော့ သဘာဝကျတယ် ဆိုရင်တောင် ကုလသမဂ္ဂ ငြိမ်းချမ်းရေး သံတမန် ကိုဖီအာနန် က အဲဒီလို အင်အားအကြီးအကျယ် သုံးတာတွေ ရပ်ဖို့လိုတယ်ဆိုတာကို ရှင်းရှင်း လင်းလင်း ပြောထားတာက ရှိနေပါတယ်။

တကယ်လို့ ဆီးရီးယား အစိုးရဖက်က မရပ်ရင်၊ ဒီတိုက်ခိုက်မှုတွေကို ရပ်အောင် တားဆီးတာမျိုးတွေ တနည်းနည်းနဲ့ ပေါ်လာနိုင်တယ်လို့ ဘီဘီစီ အာရပ်ရေးရာ အယ်ဒီတာ Sebastian Usher က သုံးသပ်ထားပါတယ်။

တာဝန်သိ စီးပွားရေးဆောင်ရွက်မှု GE စလုပ်မည်

By မမိုးဖြူ

• အမေရိကန်နိုင်ငံက General Electric (GE) ကုမ္ပဏီက မြန်မာနိုင်ငံမှာ တာဝန်သိ လုပ်ငန်းဆောင်ရွက်မှုတွေ မကြာခင် စပြီး လုပ်ဆောင်တော့မယ်လို့ မြန်မာနိုင်ငံဆိုင်ရာ GE ကိုယ်စားလှယ်က ဗွီအိုအေကို ပြောပါတယ်။ မြန်မာနိုင်ငံအပေါ် ချမှတ်ထားတဲ့ စီးပွားရေး ပိတ်ဆို့ အရေးယူမှုတချို့ ဖြေလျှော့ပေးလိုက်ပြီးတဲ့ ရက်ပိုင်းအတွင်းမှာပဲ GE ကုမ္ပဏီက ခေတ်မီရောဂါ ရှာဖွေကုသရေး စက်တွေကို ဗဟိုစည် ဆေးရုံ နဲ့ ပန်းလှိုင် ဆေးရုံတွေဆီကို ရောင်းချခဲ့တာ ဖြစ်ပါတယ်။ အပြည့်စုံကိုတော့ ဆက်သွယ် မေးမြန်းထားတဲ့ မမိုးဖြူက တင်ပြထားပါတယ်။

မြန်မာနိုင်ငံအပေါ် ထားရှိတဲ့ အမေရိကန် နိုင်ငံရဲ့ စီးပွားရေး ပိတ်ဆို့မှု ဖြေလျှော့ပေးပြီးတဲ့နောက် ပထမဆုံးအနေနဲ့ မြန်မာနိုင်ငံက ဗဟိုစည် ဆေးရုံနဲ့ ပန်းလှိုင် ဆေးရုံတွေက အမေရိကန်အခြေစိုက် General Electric (GE) ကုမ္ပဏီကနေ အမေရိကန် ဒေါ်လာ ၂ သန်းလောက် တန်ဖိုးရှိတဲ့ ခေတ်မီရောဂါ ရှာဖွေရေးနဲ့ ကုသရေး စက်ပစ္စည်းတွေ ၀ယ်ယူခဲ့ပါတယ်။ အဲဒီလို ၀ယ်ယူခဲ့တဲ့ အရောင်းအ၀ယ် စာချုပ် လက်မှတ်ထိုးတဲ့ အခမ်းအနားကို ရန်ကုန် ဆီဒိုးနား ဟိုတယ်မှာ မနေ့က ကျင်းပခဲ့တာကို မြန်မာနိုင်ငံရဲ့ GE ကိုယ်စားလှယ် စင်ကာပူအခြေစိုက် Sea Lion ကုမ္ပဏီက ဒါရိုက်တာ ဒေါက်တာ ၀င်းဇော်အောင်က အခုလို ပြောပြပါတယ်။

“အမေရိကန်အစိုးရ နိုင်ငံခြားရေးဝန်ကြီးဌာနက လက်ထောက် နိုင်ငံခြားရေးဝန်ကြီး under secretary မစ္စတာ ရောဘတ်ဟောမတ်စ် (Robert Hormats) ရယ်၊ စီးပွားကူးသန်းဝန်ကြီးဌာနက under secretary မစ္စတာ ဖရန်ဆစ္စကို ဆန်းချက် (Francisco Sanchez) ရယ်၊ အမေရိကန် သံအမတ်ကြီး မစ္စတာ ဒဲရက်မစ်ချဲလ် (Derek Mitchell) ရယ်၊ တက်ရောက် ချီးမြှင့်တယ်။ ၃ ဦးစလုံးက ဒီစက်ပစ္စည်းတွေကို မြန်မာနိုင်ငံက ဆေးရုံတွေကို ရောင်းချနိုင်ခြင်း၊ ဒီဆေးရုံတွေကို မြန်မာလူမျိုးတွေ အသုံးပြုနိုင်ခွင့် ရရှိတာနဲ့ ပတ်သက်ပြီး အကျိုးကျေးဇူးတွေ၊ နှစ်နိုင်ငံ ဆက်ဆံရေး ပွင့်လင်းလာတဲ့ အခြေအနေတွေနဲ့ ပတ်သက်ပြီး မှတ်ချက်တွေ ပေးသွားပါတယ်ခင်ဗျ။”

ဗဟိုစည် နဲ့ ပန်းလှိုင် ဆေးရုံကြီးနှစ်ခုက ၀ယ်သွားခဲ့တဲ့ စက်တွေဟာ နောက်ဆုံးပေါ် နည်းပညာတွေကို သုံးထားတဲ့အတွက် မြန်မာလူထုအတွက် အဆင့်မြင့် ကျန်းမာရေး ၀န်ဆောင်မှုတွေ ပေးနိုင်လိမ့်မယ်လို့ မျှော်လင့်တဲ့အကြောင်းကို သူက တဆက်တည်း ပြောပါတယ်။

“ဗဟိုစည်ဆေးရုံက ၀ယ်သွားတဲ့ GE 128 အော်တီမာ စီတီ ၆၆၀ ဆိုတဲ့ စက်ကတော့ အသေးစား ဆိုတဲ့ နည်းပညာ ထည့်ထားပါတယ်။ အဲဒီနည်းပညာဟာ ဓာတ်မှန်ရိုက်တဲ့အခါ ဓာတ်ရောင်ခြည်သင်မှုက ၄၀% လျော့ချလို့ ရပါတယ်။ အဲဒီတော့ လူနာတွေကို အကျိုးအများကြီး ဖြစ်ထွန်းစေမှာပါ။ နောက် ပန်းလှိုင်ဆေးရုံကို ရောင်းလိုက်တဲ့ GE အန်နိုဗာ အိုင်ဂျီအယ် ၅၃၀ ဆိုတဲ့ စက်ကတော့ နှလုံးသွေးကြောတွေ ခန္ဓာကိုယ်အနှံ့အပြားက သွေးကြောတွေကို ကြည့်ဖို့အတွက် ပုံရိပ်ဖော်စက်တခု အနေနဲ့ နောက်ဆုံးထုတ်တဲ့ စက်တခု ဖြစ်ပါတယ်။ ဒီလိုမျိုး စက်အကောင်းစားတွေကို မြန်မာလူနာတွေအနေနဲ့ စတင်သုံးစွဲခွင့် ရလာမယ့်ကိစ္စဟာ ကျနော်တို့ မြန်မာနဲ့ အမေရိကန် နှစ်နိုင်ငံ ဆက်ဆံရေးတွေ ပြေလည်လာပြီးတော့၊ ဒီထုတ်ကုန် product တွေကို မြန်မာပြည်သူတွေကို မိတ်ဆက်ပေးခွင့် ရတဲ့အတွက် ကျနော်တို့ အများကြီး ၀မ်းမြောက်ဝမ်းသာ ဖြစ်ရပါတယ်။”

အခုလို မြန်မာနိုင်ငံအတွက် ပထမဆုံးအနေနဲ့ ကျန်းမာရေး ၀န်ဆောင်မှု ပစ္စည်းတွေ ရောင်းချခဲ့တဲ့ GE ကုမ္ပဏီက မြန်မာလူထုအတွက် တာဝန်သိ စီးပွားရေး လုပ်ဆောင်မှုတွေ ဖြစ်လာအောင် ဘယ်လို အစီအစဉ်မျိုးတွေ လုပ်ဖို့ရှိသလဲဆိုတဲ့ အမေးကိုတော့ သူက အခုလို ဖြေပါတယ်။

“GE ကုမ္ပဏီမှာ GE foundation ဆိုတဲ့ Philanthropic wing (ကုသိုလ်ပြုတဲ့ဌာန) တခု ရှိပါတယ်။ မြန်မာနိုင်ငံ ဝေးလံခေါင်းပါးတဲ့နေရာတွေ၊ ကျန်းမာရေးစောင့်ရှောက်မှု ပြည့်ပြည့်၀၀ မရတဲ့နေရာတွေမှာ လိုအပ်နေတဲ့ မိခင်နဲ့ ကလေးစောင့်ရှောက်ရေး တွေမှာ လိုအပ်တဲ့ အကူအညီတွေကို သူတို့အနေနဲ့ လှူဒါန်း ၀န်ဆောင်မှုတွေ ပေးသွားဖို့အတွက်ကို ကမ်းလှမ်းထားတာ ရှိပါတယ်ခင်ဗျ။ မြန်မာပြည်ကို မကြာခင်ပြန်လာပြီး ကျန်းမာရေးဝန်ကြီးဌာနက အရာရှိတွေနဲ့ တွေ့ဆုံဆွေးနွေးပြီး သဘောတူစာချုပ်တွေ ချုပ်ဆိုဖို့ အစီအစဉ်တွေ ရှိတယ်လို့ ကြားသိရပါတယ်။”

မြန်မာနိုင်ငံအတွက် ပထမဆုံး ကျန်းမာရေး ၀န်ဆောင်မှုပစ္စည်းတွေ ရောင်းချခဲ့တဲ့ GE ကုမ္ပဏီရဲ့ မြန်မာနိုင်ငံ ကိုယ်စားလှယ်ဖြစ်တဲ့ Sea Lion ကလည်း မြန်မာနိုင်ငံရဲ့ ပြည်သူ့ကျန်းမာရေးကဏ္ဍ အတွက် ဘယ်လို ဆောင်ရွက်မှုတွေ လုပ်နေသလဲ ဆိုတာကို ဒေါက်တာ ၀င်းဇော်အောင်က တဆက်တည်း ရှင်းပြပါတယ်။

“ကျနော်တို့ Sea Lion ကုမ္ပဏီအနေနဲ့ ဆိုရင်လည်းပဲ မြန်မာနိုင်ငံရဲ့ ကျန်းမာရေး စောင့်ရှောက်မှု လုပ်ငန်းတွေ အဆင့်အတန်း မြင့်မားဖို့အတွက် အဓိကလိုအပ်နေတဲ့ ကျန်းမာရေးစောင့်ရှောက်မှု၊ ကျွမ်းကျင်ဝန်ထမ်းတွေ၊ ဆရာဝန်တွေကအစ အောက်ခြေ ကျန်းမာရေး နည်းပညာရှင်တွေ၊ ကျန်းမာရေး ၀န်ထမ်းတွေပေါ့နော်။ သူတို့ရဲ့ ပညာသင်ကြားရေးတွေ၊ နိုင်ငံခြားမှာ သွားပညာသင်ဖို့ ကိစ္စတွေမှာ တတ်နိုင်တဲ့ဘက်ကနေပြီး ပံ့ပိုးနေတာတွေ ရှိပါတယ်။ ကျနော်တို့က ဒီ ဒေါ်လာ ၁ သိန်းနဲ့ ညီမျှတဲ့ မြန်မာငွေကို သပ်သပ်ဖယ်ထားပြီး သင်ကြားရေး Training တွေမှာ အသုံးချသွားဖို့အတွက် လိုအပ်တဲ့ အကူအညီတွေ ပြန်ပေးသွားဖို့ အဓိကထားပြီး လုပ်နေတာတွေ ရှိပါတယ်။”

အခုလို အမေရိကန် မြန်မာ စီးပွားရေး ဆက်သွယ်မှုလမ်းကြောင်း စပြီးတော့ပွင်လာတာကြောင့် မြန်မာလူထု ကျန်းမာရေးအတွက် ပံ့ပိုးပေးနိုင်မယ့် အလုပ်တွေကို ဆက်ပြီး လုပ်ကိုင်သွားဖို့ မျှော်လင့်တယ်လို့လည်း GE ကုမ္ပဏီရဲ့ မြန်မာကိုယ်စားလှယ်က ဗွီအိုအေကို ပြောဆိုပါတယ်။

မြန်မာဆေးရုံနှစ်ခုအတွက် GE လျှပ်စစ်ကုမ္ပဏီ ဓာတ်မှန်စက်များ ရောင်း

By ဗွီအိုအေ (မြန်မာဌာန)

• မြန်မာနိုင်ငံအပေါ် စီးပွားရေးဆိုင်ရာ ဒဏ်ခတ်ပိတ်ဆို့မှုတွေကို အမေရိကန်အစိုးရက တရားဝင်ဖယ်ရှားပေးလိုက်ပြီး ရက်ပိုင်း အတွင်းမှာပဲ General Electric – GE ကုမ္ပဏီက ရန်ကုန်က ပုဂ္ဂလိက ဆေးရုံနှစ်ရုံကို ဓာတ်မှန်ရိုက်ကူးစက်တွေ ရောင်းချဖို့ လက်မှတ်ရေးထိုးလိုက်ပြီ ဖြစ်ပါတယ်။ Sea Lion ဆိုတဲ့ မြန်မာကုမ္ပဏီကတဆင့် ဒေါ်လာ ၂ သန်းဖိုး အဲဒီ စက်ကိရိယာတွေကို ရောင်းချမှာဖြစ်တယ်လို့ GE ကုမ္ပဏီက ပြောပါတယ်။ အခုဆို စီးပွားရေး ဒဏ်ခတ်ပိတ်ဆို့မှုလည်း မရှိတော့ဘူးဆိုတော့ တခြား စီးပွားရေးလုပ်ငန်းတွေ ဘက်ကိုလည်း ချဲ့ထွင်လုပ်ဆောင်သွားဖို့ ကြည့်နေတယ်လို့ GE ကုမ္ပဏီ အာရှဌာနခွဲရဲ့ အကြီးအကဲ Stuart Dean က ပြောပါတယ်။

အမေရိကန်အစိုးရဟာ မြန်မာနိုင်ငံအပေါ် စီးပွားရေးဆိုင်ရာ ဒဏ်ခတ်ပိတ်ဆို့မှုတွေကို ဗုဒ္ဓဟူးနေ့ကပဲ  တရားဝင် ရုတ်သိမ်း ပေးလိုက်တာ ဖြစ်ပါတယ်။ မြန်မာနိုင်ငံမှာ ရင်းနှီးမြှုပ်နှံမှုတွေ ထပ်ပြီး လုပ်ဆောင်နိုင်ရေးနဲ့ ပတ်သတ်ပြီး ဆွေးနွေးဖို့အတွက် အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ဟာ မြန်မာ သမ္မတဦးသိန်းစိန်နဲ့ ကမ္ဘောဒီးယားနိုင်ငံမှာ သောကြာနေ့က တွေ့ဆုံခဲ့ပါတယ်။ မြန်မာအရာရှိတွေဟာ ကုမ္ပဏီကြီးတွေက ကိုယ်စားလှယ် (၇၀) လောက်ကို ဖိတ်ကြားပြီး တွေ့ဆုံနေပေမဲ့ အရင်က စစ်အစိုးရကြောင့် ဒဏ်ခတ်ပိတ်ဆို့မှုတွေ ပြူလုပ်ခံရပြီး နှစ်ပေါင်းများစွာ အထီးကျန်ဖြစ်ခဲ့တာကြောင့် နိုင်ငံခြားက ရင်းနှီးမြှုပ်နှံသူတွေကို ဆွဲဆောင်တဲ့နေရာမှာ အခက်အခဲ အများကြီးနဲ့ ကြုံတွေ့နေရပါတယ်။

အခက်အခဲတွေထဲက အဆိုးဆုံးကတော့ ခေတ်မမှီတော့တဲ့ အခြေခံ အဆောက်အအုံတွေပဲ ဖြစ်ပြီး အဲဒီထဲမှာ လျှပ်စစ်ပေးဝေရေး စနစ်က အမြဲတမ်း ပြဿနာပေါ်နေတာ ဖြစ်ပါတယ်။ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်း ဥက္ကဋ္ဌ ဦးဝင်းအောင်ကတော့ ခုလို စက်မှုအင်အားကြီး နိုင်ငံတွေက စီးပွားရေးလုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့ ဗွီအိုအေ မြန်မာပိုင်းကို ပြောပြပါတယ်။

မြန်မာနိုင်ငံ၏ တိုးတက်ဖြစ်ထွန်းမှုများအတွင်း ပေါ်ပေါက်လာနေသော လူလူချင်းစာနာထောက်ထားမှုဆိုင်ရာ စိန်ခေါ်မှုများ

Ashok Nigam | တနင်္ဂနွေနေ့၊ ဇူလိုင်လ ၁၅ ရက် ၂၀၁၂ ခုနှစ် ၁၂ နာရီ ၀၂ မိနစ်

မြန်မာနိုင်ငံသည် သသာဝကပ်ဘေးဒုက္ခများနှင့် လူလူချင်းစာနာထောက်ထားမှုဆိုင်ရာ အကျပ်အတည်းများနှင့် ပတ်သက်၍ ထိလွယ်ခိုက်လွယ်အခြေအနေရှိသော နိုင်ငံ ဖြစ်သည်။ ၂၀၀၈ ခုနှစ် မေလ ၂ရက်နေ့နှင့် ၂ ရက်နေ့များတွင် နာဂစ်တည်းဟူသော မုန်တိုင်းက မြန်မာနိုင်ငံကို ဝင်ရောက်မွှေနှောက်သွားခဲ့သည်။ ယင်းသည် မြန်မာနိုင်ငံအတွက် အဆိုးရွားဆုံး သဘာဝကပ်ဘေးဒုက္ခ ဖြစ်ခဲ့သည်။ နာဂစ်ကြောင့် လူပေါင်း ၁၄ဝဝဝဝ တို့ အသက်ဆုံးရှုံးခဲ့ရပြီး လူပေါင်း ၂.၄သန်းခန့် ပြင်းပြင်းထန်ထန် ထိခိုက်ခံစားခဲ့ရသည်။ ၂ဝ၁ဝပြည့်နှစ် အောက်တိုဘာလ ၂၂ရက်နေ့က ရခိုင်ပြည်နယ်အတွင်း ဝင်ရောက်ခဲ့သော ဂီရိမုန်တိုင်းကြောင့် လူ ၄၅ဦး သေဆုံးကာ လူပေါင်း ၂၆ဝဝဝဝ တို့၏ ဘဝများကို ဆိုးကျိုးများ သက်ရောက်ခဲ့သည်။ ၂ဝ၁၁ခုနှစ် မတ်လ ၂၄ရက်နေ့က မြန်မာ၊ ထိုင်းနှင့် လာအိုနိုင်ငံတို့အကြား နယ်စပ်များအနီးတွင်ရှိသော ရှမ်းပြည်နယ်(တောင်ပိုင်း)တွင် ၆.၈ ပြင်းအားရှိ ငလျင်ကြီး လှုပ်ခတ်ခဲ့သည်။ ယင်းသို့သော ကပ်ဘေးများနှင့် အခြားသော သဘာဝဘေးအန္တရာယ်များကြောင့်လည်း မြန်မာပြည်သူပြည်သားများမှာ မပြောပြနိုင်သော ဒုက္ခဆင်းရဲများကို ခံစားခဲ့ကြရပါသည်။ မြန်မာနိုင်ငံရှိ ပြည်သူပြည်သား အများအပြားမှာ သဘာဝကပ်ဘေး၏ ဒဏ်ရာဒဏ်ချက်များမှ သူတို့၏ဘဝများကို ပြန်လည် ထူထောင်ပြီးရင်း ထူထောင်နေခဲ့ရပါသည်။

သဘာဝဘေးအန္တရာယ်များအပြင် ကချင်ပြည်နယ်တွင် ဖြစ်ပွားနေသော ပဋိပက္ခနှင့် ရခိုင်ပြည်နယ်တွင်ဖြစ်ပွားခဲ့သော လူ့အသိုင်းအဝိုင်းဆိုင်ရာ တင်းမာမှုများကြောင့် လူဦးပမာဏအမြောက်အမြား အိုးမဲ့အိမ်မဲ့ဖြစ်ခဲ့ရခြင်းကလည်း လူလူချင်းစာနာထောက်ထားမှုဆိုင်ရာ တုံ့ပြန်ဆောင်ရွက်မှုများ အရေးတကြီး လိုအပ်လာခဲ့ပါသည်။

လူလူချင်းစာနာထောက်ထားမှုဆိုင်ရာ အခြေအနေများတွင် ပထမဦးဆုံး တုံ့ပြန်ဆောင်ရွက်မှုပြုခဲ့သူများမှာဒေသခံအဖွဲ့အစည်းများနှင့် နိုင်ငံတော်အာဏာပိုင်အဖွဲ့အစည်းများ ဖြစ်သည်။ ထိုဆောင်ရွက်မှုတွင် အိမ်နီးချင်းများ၊ ဘာသာရေးအသင်းအဖွဲ့များနှင့် ရပ်ရွာခေါင်းဆောင်များက ချက်ချင်း ဝိုင်းဝန်း၍ ကူညီမှုပြုခဲ့ကြပါသည်။ ထိုသူများသည် လူ့အသက်ပေါင်းများစွာကို ကယ်တင်ပေးခဲ့ကြသော ပထမဦးဆုံး သူရဲကောင်းများလည်း ဖြစ်သည်။ ထိုသို့သော သဘာဝကပ်ဘေးဒုက္ခများမှ သင်ခန်းစာများရယူကာမြန်မာ့လူ့အသိုင်းအဝန်း သည် ကပ်ဘေးဒုက္ခများကို ကြံကြံခံနိုင်လာခဲ့ပါသည်။ မည်သို့ဆိုစေ မြန်မာ့လူ့အသိုင်းအဝန်းအား ပိုမိုကြံ့ခိုင်သန်စွမ်းစေပြီး ကူညီပံ့ပိုးရမည် ဖြစ်သည်။ မြန်မာနိုင်ငံအစိုးရအနေဖြင့် နိုင်ငံတကာ အကူအညီများကြောင့် မိမိ၏ ကပ်ဘေးဆိုင်ရာကူညီမှုလုပ်ငန်းများ အရှိန်မြင့်စေနိုင်ကြောင်းကို အသိအမှတ်ပြု လျက်ရှိပါသည်။

အစိုးရအနေဖြင့် ၎င်း၏ ပြည်သူပြည်သားများအတွက် အဓိက တာဝန်ဆောင်ရွက်ရမည့်သူ ဖြစ်ပါသည်။ ကုလသမဂ္ဂနှင့် လူလူချင်း စာနာထောက်ထားမှုဆိုင်ရာအဖွဲ့အစည်းတို့က အစိုးရနှင့်အတူ မိတ်ဖက်အဖွဲ့များနှင့် မြေပြင်တွင် အတူတကွ လုပ်ဆောင်ကြပါသည်။ ဤကဲ့သို့ ကျွန်ုပ်တို့က ကမ္ဘာ့ မည်သည့်နေရာတွင်မဆို လုပ်ဆောင်နေပြီး မြန်မာနိုင်ငံတွင်လည်း ဤကဲ့သို့ လုပ်ဆောင်နေပါသည်။ တစ်ချိန်တည်းမှာပင် လူလူချင်းစာနာထောက်ထားမှုဆိုင်ရာ အကူအညီပေးရာတွင် မည်သူတွေက အကူအညီအလိုအပ်ဆုံး ဖြစ်သည်၊ မည်သည်တို့လိုအပ်သည်၊ မည်ကဲ့သို့ အကောင်ဆုံး ကူညီနိုင်သည်တို့ကို ပိုင်းခြားကာ အကူအညီပေးမှုကိုသေချာစေသော အခြေခံသဘာဝတရားများဖြင့် လမ်းညွှန်မှုပြုလျက်ရှိပါသည်။ ဆိုလိုသည်မှာ ကျွန်ုပ်တို့က လူမျိုး၊ ဘာသာ၊ ယုံကြည်ချက် စသည်ဖြင့် ဘက်လိုက်မှုမပြုဘဲ ကြားနေ အနေအထားအားဖြင့် လွတ်လပ်စွာ ကူညီပံ့ပိုးမှု ပြုနေသည့်သဘောပင် ဖြစ်ပါသည်။

ကုလသမဂ္ဂသည် လူလူချင်းစာနာထောက်ထားမှုဆိုင်ရာ အကူအညီပေးခြင်းကို ပြည်တွင်းပြည်ပ အင်ဂျီအိုများနှင့် အရပ်ဖက်အဖွဲ့အစည်းများမှ လုပ်ဖော်ကိုင်ဖက်များနှင့်အတူ ဆောင်ရွက်နေခြင်း ဖြစ်သည်။ လူလူချင်းစာနာထောက်ထားမှုဆိုင်ရာ အကူအညီပေးမှုကို အစိုးရ၊ အလှူရှင်များနှင့် အကူအညီကို လက်ခံရရှိသူတို့မှ အသိအမှတ်ပြုသော လုပ်ထုံးလုပ်နည်းများမှတစ်ဆင့် တာဝန်ခံမှုနှင့်အတူ ထင်သာမြင်သာရှိစွာ ဆောင်ရွက်နေပါသည်။ ကုလသမဂ္ဂအနေဖြင့် ဖွံ့ဖြိုးတိုးတက်ရေးနှင့် လူလူချင်းစာနာထောက်ထားမှုဆိုင်ရာ အကူအညီပေးခြင်းကို မြန်မာနိုင်ငံတွင်သာမက ကမ္ဘာတစ်ဝန်းရှိ နိုင်ငံအများအပြား ယုံကြည်အားထားရသော လုပ်ဖော်ကိုင်ဖက်အဖြစ် နှစ်ကာလအတန်ကြာ ဆောင်ရွက်နေခြင်း ဖြစ်ပါသည်။ မြန်မာနိုင်ငံတွင် ကုလသမဂ္ဂ၏ လှုပ်ရှားဆောင်ရွက်မှုများမှာ နိုင်ငံအနှံ့တွင်ရှိပါသည်။ မြောက်ဘက် ကချင်ပြည်နယ်မှသည် အရှေ့တောင်ဘက်ရှိ တနင်္သာရီနှင့် မွန်ပြည်နယ်အထိ၊ အရှေ့ဘက် ကရင်ပြည်နယ်နှင့် ရှမ်းပြည်နယ်မှသည် အနောက်ဘက်ရှိ ချင်းပြည်နယ်နှင့် ရခိုင်ပြည်နယ်များအထိ ကုလသမဂ္ဂက လက်လှမ်းမီသ၍ တတ်နိုင်သမျှ ကူညီပံပိုးမှုပြုနေခြင်း ဖြစ်ပါသည်။ ကုလသမဂ္ဂနှင့်အတူ အစိုးရနှင့် အရပ်သားအဖွဲ့အစည်းများမှ မိတ်ဖက်အဖွဲ့အစည်းများ အထူးသဖြင့် လက်တွေ့မြေပြင်တွင် လူအများကို လိုအပ်သည်များ ကူညီရေး မရှိမဖြစ်ဖြစ်သော နိုင်ငံတကာနှင့် ပြည်တွင်းရှိအင်န်ဂျီအိုအဖွဲ့အစည်းများ ပါဝင်လုပ်ဆောင်လျက်ရှိပါသည်။ ယခုနှစ် ဇန်နဝါရီနှင့် မေလအတွင်း မြန်မာနိုင်ငံရှိ နိုင်ငံတစ်ဝန်းရှိ လူပေါင်း ၅၄၅ဝဝဝ တို့အတွက် ဆန်မက်ထရစ်တန် ၈၉၃ဝ သို့မဟုတ် ဆန်အိတ်ပေါင်း ၁၇၈ဝဝဝ အပါအဝင် စားနပ်ရိက္ခာပမာဏ ၁ဝ၂၅ဝ မက်ထရစ်တန်ကို ကူညီပံ့ပိုးပေးခဲ့ပါသည်။

လူသားချင်းစာနာထောက်ထားရေးဆိုင်ရာ မိတ်ဖက်အဖွဲ့အစည်းများက ကချင်ပဋိပက္ခ၏ သားကောင်ဖြစ်ခဲ့ရသူအားလုံးအား ကူညီပံ့ပိုးနိုင်ရေးအတွက် ကြိုးပမ်းဆောင်ရွက်လျက်ရှိပါသည်။ ထိုသို့ စုပေါင်းကြိုးပမ်းဆောင်ရွက်မှု၏ ရလဒ်အဖြစ် ယခုနှစ် တစ်နှစ်တည်းမှာပင် ကချင်ပြည်နယ်ရှိ ရွှေ့ပြောင်းဒုက္ခသည် ၄ဝဝဝဝ ခန့်အား ကုလသမဂ္ဂမှ တိုက်ရိုက်ကူည်ီပံ့ပိုးမှု ပြုခဲ့ပါသည်။ ယင်းတို့အထဲတွင် ပဋ္ဋိပက္ခဖြစ်ပွားနေသည့် နေရာ ၁၃ နေရာမှ ဒုက္ခသည်ပေါင်း ၁၅ဝဝဝ ခန့်အား ကုလသမဂ္ဂအထောက်အပံ့ပြု ယာဉ်တန်း ကိုးတန်းမှတစ်ဆင့် အစားအသောက်နှင့် အိမ်ထောင်ပစ္စည်းများကို ဖြန့်ဝေပေးနိုင်ခဲ့ခြင်းလည်း ပါဝင်ပါသည်။ ကချင်ဒုက္ခသည်များအား ကူညီပံ့ပိုးမှုပြုရာတွင် ပဋိပက္ခ အခြေအနေ၊ ရာသီဥတု၊ ပထဝီအနေအထားနှင့် အခြေံအဆောက်အအုံ စသည့် စိန်ခေါ်မှုများစွာကို ရင်ဆိုင်ခဲ့ရပါသည်။ ထိုစိန်ခေါ်မှုများကို ရင်ဆိုင်ရာတွင် ကုလသမဂ္ဂနှင့် ယင်း၏မိတ်ဖက်အဖွဲ့များ မရောက်နိုင်သည့် ထိုဒေသများသို့ တကယ်ရောက်နိုင်ကြသည့် ဒေသဆိုင်ရာအဖွဲ့အစည်းများနှင့် ယင်း၏ မိတ်ဖက်အဖွဲ့အစည်းများ၏ ကြိုးပမ်းအားထုတ်မှုများအပေါ်တွင် အားထားဆောင်ရွက်ခဲ့ရပါသည်။

ရခိုင်ပြည်နယ်တွင် ဖြစ်ပွားခဲ့သော လူ့အသိုင်းအဝိုင်းဆိုင်ရာ အကြမ်းဖက်မှုများကြောင့် အသက်အိုးအိမ်စည်းစိမ်များ ပျက်စီးဆုံးရှုံးမှု ဖြစ်ပေါ်စေခဲ့သကဲ့သို့ ဒေသခံပြည်သူလူထု၏ သက်မွေးမှုဘဝများကိုပါ ထိခိုက်ခံစားခဲ့ကြရပါသည်။ ရခိုင်ပြည်နယ်အစိုးရ၏ နောက်ဆုံးသတင်းဖော်ပြချက်အရ ရခိုင်ပြည်နယ်တစ်လွှားတွင် အိုးမဲ့အိမ်မဲ့ဒုက္ခသည်ပေါင်း ၆၃ဝဝဝခန့် ရှိသည်ဟု ဆိုသည်။ ထို့ထက်မကသောပြည်သူများသည် တစ်မျိုးမဟုတ်တစ်မျိုး ထိခိုက်ခံစားနေရပြီး အကူအညီလိုအပ်နေသည်။ ထပ်မံဆိုရလျှင် ဒေသ လူမှုအသိုက်အဝန်းသည် အိုးမဲ့အိမ်မဲ့ ဒုက္ခသည်များနှင့် စိတ်သောကရောက်နေသူတို့အား ကနဦး ကူညီစောင့်ရှောက်မှုများပေးပြီးဖြစ်သည်။ အရပ်သားအဖွဲ့အစည်းများနှင့် အလှူရှင်တစ်ဦးချင်းစီတို့မှ လှူဒါန်းမှုများနှင့် ကူညီထောက်ပံ့မှုများကိုလည်း ပြည်တွင်း သတင်းမီဒီယာတို့တွင် နေ့စဉ်နှင့်အမျှ ဖော်ပြလျက်ရှိပါသည်။ လူလူချင်းစာနာထောက်ထားသည့် မိတ်ဖက်အဖွဲ့အစည်းများအနေဖြင့် ထိခိုက်ခံစားရသော ဒုက္ခသည်များအတွက် လူလူချင်းစာနာထောက်ထားမှုဆိုင်ရာ ကူညီပံ့ပိုးမှုများပြုရေးကို တစ်ဖက်တစ်လမ်းက ကြိုးပမ်းဆောင်ရွက်လျက်ရှိပါသည်။

လူလူချင်းစာနာထောက်ထားမှုလုပ်ငန်းတွင် ဆောင်ရွက်နေသော လုပ်သားများမှာ လူ့အဖွဲ့အစည်းအတွင်း ယုံကြည်မှု တည်ဆောက်ခြင်းဖြင့် လုပ်ကိုင်ဆောက်ရွက်နေကြပါသည်။ သဘာဝကပ်ဘေးဒုက္ခများကို ထိခိုက်ခံစားရချိန်တွင် လူ့အဖွဲ့အစည်းအတွင်း ယုံကြည်မှု၊ နွေးထွေးမှုများက ကြံ့ကြံ့ခံစိတ်ကို တိုးပွားစေပါသည်။ ပဋိပက္ခနှင့် အကြမ်းဖက်တိုက်ခိုက်မှုတို့သည် တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့ မယုံကြည်မှုနှင့် သံသယမကင်းမှုများမှ နေ၍ လောက်မြိုက်ပေါက်ဖွားလာခဲ့ခြင်းလည်း ဖြစ်သည်။ သဘာဝကပ်ဘေးဒုက္ခက ရက်အနည်းငယ်သာကြာမည်။ ကြံ့ကြံ့ခံစိတ် တိုးပွားလာသည်နှင့်အမျှ သူတို့ဘဝများ တစ်ဖန်ရှင်သန်လာနိုင်ကြပေမည်။ ပဋ္ဋိပက္ခနှင့် သဘောထား ကွဲလွဲတင်းမာမှုကမူ အချိန်ကာလ ရှည်ကြာကောင်း ရှည်ကြာနိုင်မည် ဖြစ်သည်။ သတင်းမှားများနှင့် ကောလာဟာလတို့ကြောင့် မုန်းတီးမှုနှင့် သံသယမကင်းမှုများကို ပိုမို တိုးပွားစေမည်သာဖြစ်သည်။ မီဒီယာများအပါအဝင် လုပ်ဆောင်သည့် လုပ်ငန်းတိုင်းတွင် ထင်လင်းမြင်သာသော သတင်းအချက်အလက်များကို ကျွန်ုပ်တို့ပေးကြရမည် ဖြစ်သည်။ ယင်းသည် မှားယွင်းသော သတင်းများကြောင့် သံသယပွားမှုကို ရှောင်လွှဲစေနိုင်မည် ဖြစ်ပါသည်။ ဘေးဒုက္ခခံစားနေရသူများနှင့်အတူ အာဏာပိုင်များအပေါ် ယုံကြည်မှု တိုးပွားစေမည်လည်း ဖြစ်ပါသည်။

မြန်မာနိုင်ငံသည် အခြားကမ္ဘာ့နိုင်ငံများနှင့်အတူ ရင်ပေါင်တန်းနိုင်ရန် ကြိုးပမ်းဆောင်ရွက်နေသောနိုင်ငံဖြစ်သည်။ ယခုနှစ် ဇွန်လ ၂ဝရက်နေ့က ပြောကြားခဲ့သော ပြည်ထောင်စုသမ္မတ မြန်မာနိုင်ငံတော်နိုင်ငံတော်သမ္မတ ဦးသိန်းစိန်၏ မိန့်ခွန်းတွင် မြန်မာနိုင်ငံ၏ ဖွံ့ဖြိုးတိုးတက်ရေးနှင့်ပတ်သက်၍ ဆောင်ရွက်မည့် အစီအစဉ်များတွင် ကုလသမဂ္ဂ INGO နှင့် အရပ်ဘက်အဖွဲ့အစည်းများနှင့်အတူ လက်တွဲဆောင်ရွက်သွားမည် ဖြစ်ကြောင်း အထင်အရှား ပြောကြားခဲ့ပြီးဖြစ်ပါသည်။ ကုလသမဂ္ဂနှင့် လူလူချင်းစာနာထောက်ထားမှုဆိုင်ရာ မိတ်ဖက်အဖွဲ့အစည်းများကလည်း လူလူချင်းစာနာထောက်ထားမှုဆိုင်ရာ အခြေသဘောတရားများဖြစ်သော လွတ်လပ်မှု၊ ကြားနေမှု၊ ဘက်လိုက်ခြင်းကင်းမှုများဖြင့် အကူအညီလိုအပ်နေသူများအား ကူညီထောက်ပံ့မှုများကို ဆောင်ရွက်သွားရန် အသင့်ရှိနေပါသည်။

သဘာဝဘေးအန္တရာယ်ကြောင့်ဖြစ်သော ဘေးဒုက္ခကို ရှောင်လွှဲ၍ မရပါ။ သို့သော် မြန်မာနိုင်ငံ၏ ဖွံ့ဖြိုးတိုးတက်ရေးနှင့် ဒီမိုကရေစီရှေ့ရှုဖြစ်ပေါ်တိုးတက်မှု လမ်းကြောင်းတွင် လူကြောင့်ဖြစ်သော ဘေးဒုက္ခများက ပိတ်ဆို့မနေသင့်ပါ။ ကုလသမဂ္ဂနှင့် ယင်း၏ မိတ်ဖက်အဖွဲ့အစည်းများသည် မြန်မာပြည်သူများနှင့်အတူ လက်တွဲလုပ်ရန် ရှိနေကြပါသည်။ မြန်မာပြည်သူများ၏ စွမ်းဆောင်မှုများကို ကူညီပံ့ပိုးရန်ပြည်သူ့ထံမှပြည်သူ့ထံသို့ ပြည်သူများနှင့်အတူ ကျွန်ုပ်တို့အတူတကွ ရှိနေကြပြီဖြစ်ပါသည်။

(မြန်မာနိုင်ငံဆိုင်ရာ ကုလသမဂ္ဂဌါနေကိုယ်စားလှယ် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Ashok Nigam ရေးသားသည့် မူရင်းဆောင်းပါးအား ဘာသာပြန်ဆရာ မင်းဆက်မှ ဆီလျော်အောင်ပြန်ဆိုပါသည်။)