15.07.2012 နေ့ဖတ်ရန်သတင်းများ

by Myanmar Journal on Saturday, July 14, 2012 at 3:42pm ·

ချယ်ဆီးက ဒရော့ခ်ဘာ တရုတ်အသင်း ရောက်

ဒရော့ခ်ဘာကို တပတ် ဒေါ်လာ ၃ သိန်းကျော် ပေးရမှာ ဖြစ်တယ်လို့ သတင်းတွေက ဆိုပါတယ်

အင်္ဂလန် ပရီမီးယားလိဂ် ချယ်ဆီးအသင်း ကနေ တရုတ်နိုင်ငံ ရှန်ဟိုင်း ရှင်ဟွား အသင်းကို ပြောင်းရွှေ့ ကစားတော့မှာ ဖြစ်တဲ့ တိုက်စစ်မှူး ဒီဒိရာ ဒရော့ခ်ဘာ တယောက် ရှန်ဟိုင်း လေဆိပ်ကို အရောက်မှာ ရာနဲ့ချီတဲ့ ဘောလုံး ပရိသတ်တွေက သူ့ကို ကြိုဆိုခဲ့ ကြပါတယ်။

တရုတ်ဆူပါလိဂ် ဇယားမှာ တန်းဆင်းဇုန်နား ရောက်နေတဲ့ ရှန်ဟိုင်း ရှင်ဟွား အသင်း ကနေ အိုင်ဗရီကို့စ် နိုင်ငံ အသင်းရဲ့ တိုက်စစ်မှူးလည်း ဖြစ်တဲ့ ဒရော့ခ်ဘာ ကို အခုလို စာချုပ် ချုပ်ဆိုလိုက်တဲ့ အတွက် ဒရော့ခ်ဘာ ဟာ ကမ္ဘာ့ ဈေးအကြီးဆုံး ဘောလုံး ကစားသမား တဦး အဆင့်ကို ရောက်ရှိသွားပါတယ်။

သူ့ကို တပတ် ဒေါ်လာ ၃ သိန်းကျော် ပေးရမှာ ဖြစ်တယ်လို့ သတင်းတွေက ဆိုပါတယ်။ ဒီတပတ်စာ ပေးရမယ့် ငွေဟာ ဒီကလပ် အသင်းရဲ့ အရန်ထားရှိတဲ့ ငွေထက်ကို ပိုများ နေပါတယ်။

ဒီအသင်းဟာ ပြင်သစ် တိုက်စစ်မှူး နီကိုးလက်စ် အန်နက်အာ နဲ့လည်း စာချုပ် ချုပ်ဆို ပြီးသား ဖြစ်ပါတယ်။

မြန်မာနိုင်ငံမှာ ရင်းနှီး မြှုပ်နှံဖို့ အခွင့်အလမ်း ရှိပြီလား

အမေရိကန် General Electric GE ကုမ္ပဏီ ရန်ကုန်မြို့မှာ သဘောတူ လက်မှတ်ရေးထိုး

မြန်မာနိုင်ငံမှာ ရင်းနှီး မြှုပ်နှံမှုတွေ လုပ်နိုင်ဖို့ အမေရိကန် အစိုးရက လမ်းဖွင့် ပေးလိုက်ပြီး ရက်ပိုင်း အကြာမှာ အမေရိကန် စီးပွားရေး လုပ်ငန်းရှင်ကြီးတွေ မြန်မာနိုင်ငံကို ရောက်ရှိ နေကြပါပြီ။

ရန်ကုန်မြို့ အမေရိကန် သံရုံးမှာ စနေနေ့က ပြုလုပ်တဲ့ ဧည့်ခံပွဲကို တက်ရောက်ခဲ့တဲ့ McDermott Asia-Pacific ရေနံနဲ့ သဘာဝဓါတ်ငွေ့ ရှာဖွေရေး ကုမ္ပဏီ က ဗီယက်နမ် အခြေစိုက် စီပွားရေး ဖွံ့ဖြိုးမှု ဆိုင်ရာ ဒါရိုက်တာ Chris Rose ကို မြန်မာနိုင်ငံမှာ ရင်းနှီး မြှုပ်နှံဖို့ အခွင့်အလမ်း ရှိသလားလို့ ဆက်သွယ် မေးမြန်းရာမှာ ...

ဖြေ။ သေချာတာပေါ့။ ဒီနိုင်ငံမှာ တကယ့် စီးပွားရေး အခွင့် အလမ်းတွေ ဘယ်လို ရှိနေသလဲ ဆိုတာကို အရင် ဆန်းစစ် ရပါမယ်။ ဒီအခွင့် အလမ်းတွေနဲ့ ပတ်သက်ပြီး တကယ့် လက်တွေ့ ဖြစ်နိုင် မလား ဆိုတာကို စမ်းကြည့် ရမှာပေါ့။

မေး။ တချိန်ထဲမှာဘဲ မြန်မာနိုင်ငံမှာ ရင်းနှီးမြှုပ်နှံမယ် ဆိုရင် နိုင်ငံတကာ ကျင့်ဝတ် စည်းမျဉ်းတွေနဲ့ အညီ ဆောင်ရွက်ဖို့ လိုတယ် ဆိုတာကို လူ့အခွင့်အရေး အဖွဲ့တွေက ထောက်ပြ သတိပေး နေတာ ရှိပါတယ်။ ဒါနဲ့ ပတ်သက်လို့ ရော ဘယ်လို့ သဘောထား ပါသလဲ။

ဖြေ။ ဘယ်လို ရင်းနှီးမြှုပ်နှံမှုမျိုးကိုပဲ လုပ်လုပ် တာဝန်ရှိရှိနဲ့ ဆောင်ရွက် ကြဖို့လိုတယ်လို့ သမ္မတ အိုဘားမားကလည်း ပြော ထားတာရှိပါတယ်။ ဘယ်နိုင်ငံမှာဘဲ ဖြစ်ဖြစ် ဘယ်နေရာမှာဘဲ ဖြစ်ဖြစ် ဒီလိုဘဲ ဖြစ်သင့်ပါတယ်။ ဒီတော့ ကျွန်တော်တို့ကို အဲဒီလိုဘဲ ဆောင်ရွက်ကြဖို့ နောက်ထပ် သတိပေးတာတခု အနေနဲ့ဘဲ မှတ်ယူပါတယ်။

မေး။ နောက်တခုက မြန်မာနိုင်ငံရဲ့ရင်းနှီးမြှုပ်နှံမှု ဆိုင်ရာ ဥပဒေကို အခုမှ အတည်ပြုနိုင်ဖို့ ကြိုးစားနေတုန်းပါ။ ဒီဥပဒေ နဲ့ ပတ်သက်လို့ အများ ပြည်သူ ကလည်း ပွင့်ပွင့်လင်းလင်း သိပ်မသိရပါဘူး။ ဒီတော့ ရင်းနှီး မြှုပ်နှံမှုတွေကို ဘယ်လို လုပ်ကြ မှာလဲ။

ဖြေ။ ကျွန်တော့်အမြင် နေ့တိုင်းမှာ ဘာတွေ ဖြစ်နေတယ် ဆိုတာကို လူတိုင်း နားလည်ကြဖို့ လိုမယ်ထင်ပါတယ်။ ရင်းနှီး မြှုပ်နှံမှု ဥပဒေ ထွက်လာရင်ပဲ ဖြစ်ဖြစ်၊ ရေနံနဲ့ ဓါတ်ငွေ့ ရှာဖွေရေး လုပ်ကွက်တွေ ကြညာတာပဲ ဖြစ်ဖြစ် ဒါတွေဟာ တိုးတက်မှုတွေ ဖြစ်လာမှာပါ။ ဒါပေမယ့် ရမ်းပြီး အလွန်အကျွံ အကောင်းမြင် နေလို့တော့ မဖြစ်ပါဘူး။

မေး။ မြန်မာအစိုးရရဲ့ ရေနံနဲ့ သဘာဝ ဓါတ်ငွေ့ လုပ်ငန်း ကော်ပိုရေးရှင်းဟာ ပွင့်လင်း မြင်သာမှု မရှိဘူးလို့ ဝေဖန် ခံနေရပါတယ်။ ဒါကြောင့် အခု ရင်းနှီး မြှုပ်နှံချင်တဲ့ ကုမ္ပဏီတွေ အတွက် အခက်အခဲ ဖြစ်နိုင်ပါ သလား။

ဖြေ။ ဒါတော့ ကျွန်တော် မဖြေနိုင်ပါဘူး။ တကမ္ဘာလုံးမှာ ရှိတဲ့ ရင်းနှီးမြှုပ်နှံဘက် တွေနဲ့ အလုပ်လုပ်ကြတဲ့ အခါ အနည်းနဲ့ အများ ဆိုသလို ပွင့်လင်း မြင်သာမှု ရှိအောင် ကျွန်တော်တို့ ကြိုးစားကြ ပါတယ်။ တကယ်လို့ သယံဇာတ ပိုင်ဆိုင်မှု ရှိတဲ့ သူနဲ့ တွဲလုပ်ရမယ် ဆိုရင်လဲ ဒါသူ့နဂို သဘာဝ အတိုင်းဘဲလေ။ ကျွန်တော်တို့ဟာ ဘယ်သူနဲ့ တွဲပြီး စီးပွားရေး လုပ်နေသလဲ ဆိုတာ ကို နားလည် ရမှာပါ။ ဒါကို နားလည်အောင် အတတ်နိုင်ဆုံး လုပ်ရမှာပါ။ ပွင့်လင်းမြင်သာမှု ရှိတဲ့အခါ အချင်းချင်း နားလည်မှုလည်း ပိုရှိလာမှာပါ။                      

အာဖဂန် အေသခံ ဗုံးခြဲမှု စုံစမ်း စစ်ဆေးမယ်

တာလီဘန်တွေ ကတော့ ဒီတိုက်ခိုက်မှုကို သူတို့ လုပ်တာ မဟုတ်ဘူးကြောင်း ငြင်းဆို ထားပါတယ်

အာဖဂန်နစ္စတန် နိုင်ငံမှာ အထင်ကရ နိုင်ငံရေး သမား တဦး သေဆုံးသွားခဲ့ရတဲ့ အသေခံ ဗုံးခွဲ တိုက်ခိုက်မှုကို အဆင့်မြင့် စုံစမ်း စစ်ဆေးမှုတွေ လုပ်ဖို့ သမ္မတ ဟာမစ် ခါဇိုင်းက အမိန့် ထုတ်ပြန် လိုက် ပါတယ်။

သေဆုံးသွားသူဟာ စမန်ဂန် ပြည်နယ် ထောက်လှမ်းရေး အကြီးအကဲ ဖြစ်တဲ့ မစ္စတာ မိုဟာမတ် ခန်း စမန်ဂနီ ဖြစ်ပါတယ်။

သူ့သမီး လက်ထပ် ထိမ်းမြား ပွဲမှာ မစ္စတာ စမန်ဂနီ ဟာ ဧည့်သည်တွေကို လိုက်လံ နှုတ်ဆက် နေချိန်၊ အသေခံ ဗုံးသမားက သူ့ကို ဖက်ပြီးနှုတ်ဆက်ကာ ဗုံးကို စနတ်တန် ဖြုတ်လိုက်တာ ဖြစ်ပါတယ်။

အာဖဂန် တောင်ပိုင်း စစ်ရဲတပ်ဖွဲ့ ပြောခွင့်ရသူက မစ္စတာ စမန်ဂနီ သေဆုံး သွားတယ် ဆိုတာကို အာဖဂန် ရုပ်မြင်သံကြားကို အတည်ပြု ပြောကြား သွားပါတယ်။

တနယ်တည်းသား လူပေါင်း ၂၃ ယောက်လည်း သေဆုံးသွားကြောင်းလည်း သူက ရှင်းပြသွားပါတယ်။

မစ္စတာ စမန်ဂနီဟာ အုဇဘတ် လူမျိုး ဖြစ်ပြီး၊ အရင်တုန်းကတော့ သူဟာ ပြည်သူ့စစ် တပ်မှူးတဦး ဖြစ်ခဲ့ဘူးပါတယ်။ နောက်ပိုင်းမှာ နိုင်ငံရေး သမားတဦး အနေနဲ့ ရွေးကာက် တက်မြောက် ခံခဲ့ရတာပါ။

တာလီဘန်တွေ ကတော့ ဒီတိုက်ခိုက်မှုကို သူတို့ လုပ်မတာ မဟုတ်ဘူးလို့ ငြင်းဆို ထားပါတယ်။

အာရှဒေသမှာ ဝင်စွက်ဖက်တယ် ဆိုပြီး အမေရိကန်ကို တရုတ်စွပ်စွဲ

အာရှ ဒေသတွင်းက နိုင်ငံ ၆နိုင်ငံကို မစ္စစ် Clinton သွားရောက် လည်ပတ်ခဲ့

အာရှပစိဖိတ်ဒေသမှာ စစ်ရေး အာဏာ တိုးချဲ့ဖို့ လုပ်ခြင်းအားဖြင့် ထိပ်တိုက် ရင်ဆိုင်မှု ဖြစ်အောင် လှုံ့ဆော်တာတွေ မလုပ်ဖို့ အမေရိကန် အစိုးရကို တရုတ် အစိုးရ သတင်းမီဒီယာက သတိပေးလိုက်ပါတယ်။

အမေရိကန် နိုင်ငံခြားရေး ဝန်ကြီး Hillary Clinton ဟာ ပြီးခဲ့တဲ့ ရက်ပိုင်းအတွင်း မှာ တရုတ်ရဲ့ အိမ်နီးချင်း ၆နိုင်ငံကို သွားရောက် လည်ပတ်ခဲ့တာပါ။

ဒါ့အပြင် မစ္စစ် ကလင်တန်ဟာ တရုတ် အစိုးရအပေါ် မကြာခဏ ဝေဖန် ပြောဆိုတာတွေ လုပ်ခဲ့တယ်၊ အရှေ့နဲ့ တောင်တရုတ် ပင်လယ် ပိုင်နက် ကိစ္စ တွေ မှာ တရုတ်နဲ့ အငြင်းပွားနေတဲ့ အိမ်နီးချင်း နိုင်ငံတွေဘက်က ဗြောင် ထောက်ခံတာ မျိုးတွေ လုပ်ခဲ့တယ်လို့ ရှင်ဝါ သတင်းဌာနက စွပ်စွဲ ဖေါ်ပြထားပါတယ်။

အမေရိကန် အစိုးရကတော့ သူတို့အနေနဲ့ တရုတ်နိုင်ငံရဲ့ ကြီးပွားတိုးတက်လာမှုကို ကြိုဆိုကြောင်း အခိုင်အမာ ပြောနေပါတယ်။

ပိစိဖစ် ဒေသမှာ အမေရိကန် တပ်ဖွဲ့တွေ ထပ်ချဖို့ ဆုံးဖြတ်ခဲ့တာဟာ ဒေသတွင်းမှာ တည်ငြိမ် တဲ့ အင်အားစုတခု ဆက်ရှိနေတယ် ဆိုတာကို မိတ်ဆွေ နိုင်ငံတွေ စိတ်ချစေဖို့ လုပ်ခဲ့တာလို့ ဆိုပါတယ်။

ဒါပေမယ့် မွန်ဂိုလီးယား၊ အာဖဂန်နစ္စတန်နဲ့ မြန်မာနိုင်ငံတို့လို တရုတ်နဲ့ နယ်မြေချင်း ထိစပ်နေတဲ့ အတိမ်းအစောင်း မခံတဲ့ နိုင်ငံမျိုးတွေနဲ့ အမေရိကန် အစိုးရက သံတမန်ရေး တွေ အစပျိုး ဆောင်ရွက်လာတာကြောင့် အမေရိကန်ရဲ့ လုပ်ရပ်တွေနဲ့ ပတ်သက်လို့ ဟိုးကတည်းက ရှိလာခဲ့တဲ့ တရုတ်ရဲ့ သံသယတွေ ပိုကြီးထွား လာခဲ့တာ ဖြစ်ပါတယ်။

အခုလိုအင်အားပြတာတွေ ၊ နှစ်နိုင်ငံ ဆက်ဆံရေးတွေ မှာ ဝင် စွက်လာတာတွေဟာ အမေရိကန် အစိုးရအနေနဲ့ အမြင်ကျဉ်းမြောင်းတာ ဖြစ်ပြီး ထိပ်တိုက်ရင်ဆိုင်မှုတွေ ဖြစ်လာစေဖို့ လုပ်နေတာလို့ ရှင်ဝါ သတင်းဌာနက ဆိုပါတယ်။

မြန်မာနိုင်ငံ ဒီမိုကရေစီထွန်းကားရေး အစွမ်းကုန် ကြိုးပမ်းမည်

By ဗွီအိုအေ (မြန်မာဌာန)

• နှစ်ပေါင်း ၆၀ လောက် အထီးကျန်ပြီး ဖွံ့ဖြိုးမှုနောက်ကျခဲ့တဲ့ မြန်မာနိုင်ငံကို အာရှမှာ အလေးထား အသိအမှတ်ပြုခံရတဲ့ ဒီမိုကရေစီနိုင်ငံတခု ဖြစ်အောင် အစွမ်းကုန် ကြိုးစားသွားမယ်လို့ သမ္မတ ဦးသိန်းစိန်က ပြောခဲ့ပါတယ်။ သောကြာနေ့က ကမ္ဘောဒီးယားနိုင်ငံ၊ Siam Reip မြို့မှာ ပြုလုပ်ခဲ့တဲ့ အမေရိကန်-အာဆီယံ စီးပွားရေး ဆွေးနွေးပွဲမှာ သမ္မတဦးသိန်းစိန်က မိန့်ခွန်း ပြောစဉ်မှာ ခုလို ပြောကြားသွားတာ ဖြစ်ပါတယ်။

ဒီမိုကရေစီ အလေ့အထ ပျောက်နေတာဟာ မြန်မာနိုင်ငံနဲ့ ပြည်သူတွေအတွက် အကြီးမားတဲ့ စိန်ခေါ်မှု ဖြစ်တယ်လို့ ထိုင်းနဲ့ ကမ္ဘောဒီးယား ဝန်ကြီးချုပ်တွေအပြင် အမေရိကန် နိုင်ငံခြားရေးဝန်ကြီး ဟီလာရီကလငတန်၊ အာဆီယံနဲ့ အမေရိကန် စီးပွားရေး လုပ်ငန်းရှင်ကြီးတွေ တက်ရောက်ကြတဲ့ ညစာစားပွဲမှာ သမ္မတ ဦးသိန်းစိန်က ပြောကြားခဲ့ပါတယ်။ ဒီမိန့်ခွန်းထဲမှာပဲ NLD ပါတီဥက္ကဋ္ဌ ဒေါ်အောင်ဆန်းစုကြည်နဲ့ မတူတာတွေဘေးဖယ်ပြီး တူတာတွေ လက်တွဲလုပ်ဖို့ ဖိတ်ခေါ်ခဲ့တဲ့ အကြောင်း၊ ဒါ့အပြင် တိုင်းရင်းသား ခေါင်းဆောင်တွေ၊ နိုင်ငံရေးပါတီ ခေါင်းဆောင်တွေ အပြင် ကဏ္ဍစုံက လူပေါင်းစုံနဲ့ တွေ့ဆုံညှိနှိုင်းမှုတွေ လုပ်ခဲ့တယ်ဆိုတာကိုလည်း သမ္မတက  မိန့်ခွန်းထဲမှာ ထည့်ပြောသွားပါတယ်။

သမ္မတ ဦးသိန်းစိန်နဲ့ တွေ့ဆုံခဲ့တဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန် ကလည်း မြန်မာနိုင်ငံက ပြုပြင်ပြောင်းလဲရေး လုပ်ငန်းတွေ ရှေ့ဆက်သွားနိုင်ရေးမှာ ကူညီလိုပါတယ်လို့ ပြောကြားခဲ့ပါတယ်။ အမေရိကန်စီးပွားရေး လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံနိုင်ဖို့ အမေရိကန်အစိုးရက အရေးယူဒဏ်ခတ်မှု တချို့ကို ဖယ်ရှားပေးခဲ့ပြီး နောက်တရက်မှာပဲ ဝန်ကြီး ကလင်တန်က သမ္မတဦးသိန်းစိန်ကို အမေရိကန် စီးပွားရေး လုပ်ငန်းရှင်ကြီးတွေနဲ့ မိတ်ဆက်ပေးခဲ့ပါတယ်။

ဒီကနေ့ပဲ မြန်မာနိုင်ငံကို ဒီနေ့ရောက်လာတဲ့ Chevron၊ Caterpillar၊ General Motors စတဲ့ အမေရိကန်စီးပွားရေး လုပ်ငန်းရှင်ကြီးတွေဟာ နက်ဖြန်ကျရင် မြန်မာနိုင်ငံတွင်း စီးပွားရေး လုပ်ကိုင်မယ့် အခွင့်အလမ်းတွေကို မြန်မာနိုင်ငံက ပုဂ္ဂလိက လုပ်ငန်းရှင်တွေ၊ အစိုးရ တာဝန်ရှိသူတွေနဲ့ ဆွေးနွေးကြမှာဖြစ်ပါတယ်။ ခုလို စက်မှုအင်အားကြီး နိုင်ငံတွေက စီးပွားရေးလုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်း ဥက္ကဋ္ဌ ဦးဝင်းအောင်က ဗွီအိုအေ မြန်မာပိုင်းကို ပြောပြပါတယ်။

အမေရိကန် စီးပွားရေးအဖွဲ့ ရန်ကုန်ရောက်

By မခင်ဖြူထွေး

အမေရိကန်နဲ့ အာဆီယံနိုင်ငံများရဲ့ စီးပွားရေး ညီလာခံ တက်ရောက်ရင်း မနေ့က အလွတ်သဘော တွေ့ဆုံခဲ့ကြတဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန် နဲ့ မြန်မာသမ္မတ ဦးသိန်းစိန်တို့ဟာ မြန်မာနိုင်ငံအပေါ် ထားရှိတဲ့ အမေရိကန်ရဲ့ ဒဏ်ခတ်အရေးယူမှုတွေ လျှော့ချခဲ့ပြီးနောက်ပိုင်း မြန်မာနိုင်ငံတွင်း ရင်းနှီးမြှုပ်နှံမှု လုပ်ငန်းသစ်တွေ လုပ်သွားဖို့ ကိစ္စ ပြောဆိုခဲ့ကြပါတယ်။ ခုလို အမေရိကန် နိုင်ငံခြားရေးဝန်ကြီး ကလင်တန်နဲ့ မြန်မာသမ္မတ ဦးသိန်းစိန်တို့ တွေ့ဆုံပြီးနောက်မှာပဲ အမေရိကန် စီးပွားရေး လုပ်ငန်းရှင်ကြီးတွေအဖွဲ့ဟာလည်း ဒီကနေ့ မြန်မာနိုင်ငံကို ဆိုက်ရောက်လာခဲ့ပါတယ်။ အပြည့်စုံကို ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။

အရှေ့တောင်အာရှဒေသမှာ အမေရိကန်ရဲ့ ရင်းနှီးမြှုပ်နှံမှုတွေ တိုးမြင့် တည်ဆောက်သွားဖို့ ရည်ရွယ်ချက်နဲ့ ကမ္ဘောဒီးယားနိုင်ငံမှာ ကျင်းပနေတဲ့ စီးပွားရေး ညီလာခံမတိုင်ခင်မှာ အမေရိကန် နိုင်ငံခြားရေးဝန်ကြီး ကလင်တန်နဲ့ မြန်မာသမ္မတ ဦးသိန်းစိန်တို့ မနေ့က တွေ့ဆုံခဲ့ကြတာ ဖြစ်ပါတယ်။

“မြန်မာနိုင်ငံရဲ့ ပြုပြင် ပြောင်းလဲမှု လုပ်ငန်းတွေ ရှေ့ဆက်သွားနိုင်အောင် ကျမတို့ ကူညီချင်ပါတယ်။ ဒီကိစ္စကို ကျမတို့ဘက်က အခိုင်အမာ စိတ်ပိုင်းဖြတ်ထားပြီး ဖြစ်ပါတယ်။” - လို့ ၀န်ကြီးကလင်တန်က သမ္မတ ဦးသိန်းစိန်နဲ့ တွေ့ဆုံစဉ် ပြောသွားတာပါ။

မြန်မာနိုင်ငံရဲ့ လက်ရှိ နိုင်ငံရေး ပြုပြင်ပြောင်းလဲမှုတွေကို အသိအမှတ်ပြုတဲ့အနေနဲ့ မြန်မာနိုင်ငံအပေါ် ထားရှိတဲ့ အမေရိကန်ရဲ့ စီးပွားရေးအရ ဒဏ်ခတ် ပိဆ်ဆို့ အရေးယူမှု အတော်များများကို အမေရိကန်က မကြာသေးခင်ကပဲ လျှော့ပေါ့ပေးခဲ့ပြီးတဲ့နောက် အခုတခါ အမေရိကန်က စီးပွားရေး ခေါင်းဆောင်တွေကို မြန်မာနိုင်ငံကို စေလွှတ်မယ့် အကြောင်းလည်း ၀န်ကြီးကလင်တန်က ပြောသွားခဲ့သလို အခု ဒီကိုယ်စားလှယ်အဖွဲ့ဟာ ဒီကနေ့ ညနေပိုင်းမှာပဲ မြန်မာနိုင်ငံကို ဆိုက်ရောက်လာပြီ ဖြစ်ပါတယ်။ မြန်မာ ပုဂ္ဂလိက လုပ်ငန်းရှင်တွေနဲ့ရော၊ အစိုးရပိုင်း တာဝန်ရှိသူတွေနဲ့ပါ မနက်ဖြန်မှာ တွေ့ဆုံဖို့ ရှိပြီး မြန်မာနိုင်တွင်း စီးပွားရေး လုပ်ကိုင်နိုင်မယ့် အခွင့်အလမ်းတွေနဲ့ ပတ်သက်လို့ ဆွေးနွေးကြမှာ ဖြစ်တယ်လို့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်း ဥက္ကဋ္ဌ ဦးဝင်းအောင်က ဗွီအိုအေ မြန်မာပိုင်းကို ပြောပြပါတယ်။

“အခုအဖွဲ့တွေ လာမယ့်ဟာကတော့ ကျနော်တို့ ရန်ကုန်မှာကတော့ ဆီဒိုးနားမှာ မနက်ဖြန် မနက်ကို ရန်ကုန်မှာရှိတဲ့ လုပ်ငန်းရှင်တွေရော၊ ကျနော်တို့ရဲ့ ကုန်သွယ် စက်မှုအသင်းက တချို့ရော၊ အားလုံး မြန်မာနိုင်ငံမှာ ရှိတဲ့ စီးပွားရေး အခွင့်အလမ်းတွေ လုပ်ကိုင်နိုင်မယ့် အနေအထားတွေ၊ နောက် ဧည့်သည်တွေ သိချင်တဲ့ မြန်မာနိုင်ငံရဲ့ ရင်းနှီးမြှုပ်နှံမှုအတွက် လိုအပ်တဲ့ သိသင့်သိထိုက်တဲ့ ဥပဒေပိုင်းဆိုင်ရာတွေ၊ အားလုံး ဆွေးနွေးကြမှာပေါ့။ အန်ကယ်တို့တင် မဟုတ်ပါဘူး။ ဌာနဆိုင်ရာက အဖွဲ့တွေလည်း လာကြပါမယ်။ ဌာနဆိုင်ရာကလည်း ကဏ္ဍအလိုက်တွေ ရှင်းပြပါမယ်။ ရှင်းပြပြီးတော့ ဆွေးနွေးကြမှာပါ။ (အမေရိကန်ဘက်က) ပါလာမယ့် အဖွဲ့တွေထဲမှာ Chevron ရယ်၊ Caterpillar ရယ်က ဥက္ကဋ္ဌတွေလည်း ပါမယ်လို့ သိရပါတယ်။”

အမေရိကန် စီးပွားရေးလုပ်ငန်းရှင်များအဖွဲ့ဟာ မနက်ဖြန် မနက် ၉ နာရီမှာ စီးပွားရေးလုပ်ငန်းတွေနဲ့ သက်ဆိုင်တဲ့ အစိုးရပိုင်းက တာဝန်ရှိသူတွေနဲ့ တွေ့ဆုံမှာဖြစ်သလို နေ့လယ်ပိုင်းမှာတော့ ပုဂ္ဂလိက စီးပွားရေးလုပ်ငန်းရှင် အဖွဲ့တွေနဲ့ တွေ့ဆုံမှာ ဖြစ်တယ်လို့လည်း ဦးဝင်းအောင်က ပြောပြပါတယ်။ ခုလို စက်မှုအင်အားကြီး နိုင်ငံတွေက စီးပွားရေး လုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့လည်း ဦးဝင်းအောင်က ပြောပြပါတယ်။

“သိတဲ့အတိုင်းပဲ အခုရက်တွေမှာ ပြင်သစ်က အဖွဲ့တွေလည်း လာတယ်။ ဗြိတိန်က အဖွဲ့တွေလည်း လာတယ်။ အခုတခါ ယူအက်စ်က အဖွဲ့တွေလည်း လာတယ်ဆိုတော့ အခွင့်အလမ်း ရင်းနှီးမြှုပ်နှံမှုတွေ လုပ်လာကြပြီဆိုရင် အန်ကယ်တို့ဆီက ဆိုရင်လည်း အလုပ်အကိုင် အခွင့်အလမ်းတွေ တိုးတက်လာမှာပေါ့နော်။ နောက်တခါ နည်းပညာ အားသာချက်ရှိတဲ့ နိုင်ငံတွေကနေ လာရောက် ရင်းနှီးမြှုပ်နှံကြမယ်ဆိုရင်တော့ အန်ကယ်တို့ဆီက ထွက်ကုန်တွေ၊ အခုလက်ရှိ လောလောဆယ်မှာ ကုန်ကြမ်းအနေနဲ့ပဲ ထုတ်နေရတဲ့ ပစ္စည်းတွေကို ကုန်ချောအနေနဲ့ ထုတ်လုပ်ပြီးတော့မှ၊ နောက်တခါ ဈေးကွက်ထဲ ခိုင်မာပြီးသား ပုဂ္ဂိုလ်တွေ ရောက်လာမှာဖြစ်တဲ့အတွက် ဈေးကွက်ကိုလည်း ပစ္စည်းတွေ ကျယ်ကျယ်ပြန့်ပြန့်နဲ့ ရောင်းချနိုင်မယ် ဆိုလို့ရှိရင် အန်ကယ်တို့ တိုင်းပြည်အတွက် စီးပွားရေး ၀င်ငွေရလမ်းရော၊ ခုနက အခြေခံ ပုဂ္ဂိုလ်များ လုပ်သားများရဲ့ အလုပ်အကိုင် အခွင့်အလမ်းတွေလည်း တိုးတက်လာမှာပေါ့လေ။”

မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်း ဥက္ကဋ္ဌ ဦးဝင်းအောင် ပြောပြခဲ့တာပါ။

၁၅ နှစ်နီးပါးအတွင်း အမေရိကန် စီးပွားရေး လုပ်ငန်းတွေ မြန်မာနိုင်ငံမှာ ပြန်ပြီး ရင်းနှီးမြှုပ်နှံနိုင်ဖို့ အမေရိကန်အစိုးရက ဗုဒ္ဓဟူးနေ့က ခွင့်ပြုလိုက်တာဖြစ်ပြီး မြန်မာနိုင်ငံမှာ အမေရိကန် ဘဏ္ဍာရေးလုပ်ငန်းတွေ ဝန်ဆောင်မှု ပေးနိုင်ဖို့အတွက်ကိုလည်း ခွင့်ပြုလိုက်တာ ဖြစ်ပါတယ်။ မြန်မာနိုင်ငံတွင်း လက်ရှိဖော်ဆောင်နေတဲ့ နိုင်ငံရေး ပြုပြင်ပြောင်းလဲမှုတွေကို အသိအမှတ်ပြု တုံ့ပြန်တဲ့အနေနဲ့ အမေရိကန်က အရေးယူ ဒဏ်ခတ်မှုတွေကို ထပ်ပြီး လျှော့ပေါ့ပေးခဲ့တာ ဖြစ်တယ်လို့လည်း မနေ့ကပဲ ဖနွမ်းပင်မြို့မှာ ၀န်ကြီးကလင်တန်က ပြောကြားခဲ့တာပါ။

အမေရိကန်-အာဆီယံ စီးပွားရေး ကောင်စီရဲ့ အစီအစဉ်နဲ့ ရောက်လာမယ့် အမေရိကန် စီးပွားရေး ကိုယ်စားလှယ် အဖွဲ့နဲ့အတူ အမေရိကန်ပြည်ထောင်စုရဲ့ စီးပွားရေး ဖွံ့ဖြိုးမှု၊ စွမ်းအင်နဲ့ သဘာဝပတ်ဝန်းကျင်ဆိုင်ရာ လက်ထောက် နိုင်ငံခြားရေး ၀န်ကြီး Robert Hormats၊ နိုင်ငံတကာ ကုန်သွယ်ရေးဆိုင်ရာ လက်ထောက် ၀န်ကြီး Francisco Sanchez နဲ့ နိုင်ငံခြားရေးဝန်ကြီးဌာနက အကြီးတန်း အရာရှိတွေလည်း ဒီကနေ့ မြန်မာနိုင်ငံကို ရောက်ရှိမှာဖြစ်တဲ့အကြောင်း အမေရိကန် နိုင်ငံခြားရေးဌာနရဲ့ ဇူလိုင်လ ၁၀ ရက်နေ့က ထုတ်ပြန် ကြေညာချက်မှာ ဖော်ပြထားပါတယ်။ မြန်မာအစိုးရ တာဝန်ရှိသူတွေနဲ့ စီးပွားရေးအရ ထိတွေ့ဆက်ဆံမှုတွေ တိုးမြင့်ဆောင်ရွက်ပြီး မြန်မာနိုင်ငံရဲ့ ပြုပြင် ပြောင်းလဲမှု လုပ်ငန်းစဉ်တွေကို အားပေး ကူညီဖို့အတွက် အခုလို သွားရောက်မှာဖြစ်တယ်လို့လည်း အမေရိကန် နိုင်ငံခြားရေးဌာနက ထုတ်ပြန် ကြေညာထားပါတယ်။

ဝန်ကြီးကလင်တန် အီဂျစ်ရောက်

By ဗွီအိုအေ (မြန်မာဌာန)

• အီဂျစ်နိုင်ငံက နိုင်ငံရေး အသွင်ကူးပြောင်းမှုတွေကို သမ္မတ မိုဟာမက် မော်စီအပြင် တခြားတာဝန်ရှိသူတွေနဲ့ ဆွေးနွေးဖို့ အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ဟာ အီဂျစ်မှာ ရောက်ရှိနေပါတယ်။

စနေနေ့မှာ ကိုရို (Cairo) မြို့တော်ကို ရောက်လာတဲ့ အမေရိကန် နိုင်ငံခြားရေးဝန်ကြီးရဲ့ ၂ ရက်ကြာ ခရီးစဉ်အတွင်းမှာ အလက်ဇန်းဒရီးယား (Alexandria) အမေရိကန် ကောင်စစ်ဝန်ရုံး တရုံးကို ဖွင့်လှစ်ပေးမှာ ဖြစ်တယ်လို့ ဝန်ကြီး ကလင်တန်နဲ့အတူ ခရီးစဉ်မှာ ပါသွားတဲ့ ဗွီအိုအေ သတင်းထောက်က ပြောပါတယ်။

အီဂျစ်နိုင်ငံရေး အသွင်ကူပြောင်းမှု အတွက် သမ္မတ မော်စီရဲ့ အစီအစဉ်တွေက ဘာတွေလဲ ဆိုတာနဲ့ အီဂျစ်အစိုးရသစ်ကို အမေရိကန်က ဘယ်လိုကူညီနိုင်မလဲ ဆိုတာကို ဝန်ကြီး ကလင်တန် သိဖို့ စိတ်အားထက်သန် နေတယ်လို့ နိုင်ငံခြားရေးရုံး အကြီးတန်း အရာရှိတယောက်က သတင်းထောက်တွေကို ပြောခဲ့ပါတယ်။

လန်ဒန်အိုလံပစ် လုံခြုံရေး စစ်သား ၁ သောင်းကျော် ထပ်တိုးမည်

By ဗွီအိုအေ (မြန်မာဌာန)

လန်ဒန် အိုလံပစ် (London Olympic) ပြိုင်ပွဲတွေမှာ လုံခြုံရေး တာဝန်ယူဖို့အတွက် ကွန်ထရက်စာချုပ် ယူထားတဲ့ ပုဂ္ဂလိက လုပ်ငန်းတခုက ကတိပေးထားတဲ့အတိုင်း အလုံအလောက် လူအင်အား မပေးနိုင်တဲ့အပေါ် အိုလံပစ် တာဝန်ရှိသူတွေကို တောင်းပန်လိုက်ပါတယ်။ လုံခြုံရေးတာဝန်တွေ အတွက် လျှောက်ထားကြတဲ့ သူတွေကို စိစစ်တဲ့နေရာမှာ အခက်အခဲတွေ ရှိတယ်လို့ G4S ကုမ္ပဏီက ဒီကနေ့ စနေနေ့မှာ ကြေညာချက် ထုတ်ပြန်ပြောခဲ့ပါတယ်။

ပုဂ္ဂလိက ကုမ္ပဏီက မဖြည့်ဆည်းပေးနိုင်တဲ့ လုံခြုံရေး အင်အားအတွက် နောက်ထပ် စစ်သား ၁၃,၅၀၀ ကို ဖြန့်ချပေးမယ်လို့ ဗြိတိန်တာဝန်ရှိသူတွေက ပြောပါတယ်။ ခုလို လုံခြုံရေးအတွက် လူတွေကို အပြည့် မပေးနိုင်တဲ့အတွက် G4S အနေနဲ့ ဒေါ်လာ ၅၄ သန်းကနေ ၇၇ သန်းအထိ ဆုံးရှုံးမှာဖြစ်တယ်လို့ ဆိုပါတယ်။ ဖြစ်ခဲ့တဲ့ အခြေအနေတွေ အပေါ်မှာ စိတ်ပျက်ရတယ်လို့ G4S အမှုဆောင်အရာရှိချုပ် Nick Buckles က ပြောပြီး စစ်တပ်နဲ့ ပူးပေါင်းပြီး အောင်မြင် လုံခြုံတဲ့ အားကစားပွဲတွေဖြစ်အောင် လုပ်နိုင်မယ်လို့ မျှော်လင့်ကြောင်း ပြောပါတယ်။

ဒီလ ၂၇ ရက်နေ့ကနေ သြဂုတ်လ ၁၂ ရက်နေ့အထိ ကျင်းပမယ့် နွေရာသီ အိုလံပစ် အားကစား ပြိုင်ပွဲတွေရဲ့ လုံခြုံရေးအတွက် သိမ်းမြစ်ထဲမှာ  စစ်သင်္ဘော HMS Ocean က စောင့်ကြပ်နေမှာဖြစ်သလို၊ အိုလံပစ် အားကစားရွာနားက လူနေအဆောက်အဦးပေါ်မှာ မစ်ဇိုင်း ဒုံးလက်နက်ကို တပ်ဆင်ထားရှိဖို့လည်း စီစဉ်နေပါတယ်။

မြန်မာနိုင်ငံဆိုင်ရာ ကနေဒါသံရုံးဖွင့်မည်

By ဗွီအိုအေ(မြန်မာဌာန)

• မြန်မာနိုင်ငံဆိုင်ရာ ကနေဒါသံရုံးဖွင့်မယ့် အစီအစဉ်တရပ်ကို ကနေဒါနိုင်ငံခြားရေးဝန်ကြီး ဂျွန် ဘာ့ဒ် (John Baird) က ဇူလိုင် လ ၁၃ ရက်၊ သောကြာနေ့မှာ ကြေညာလိုက်ပါတယ်။

ကမ္ဘောဒီးယားနိုင်ငံမှာကျင်းပနေတဲ့ အရှေ့တောင်အာရှနိုင်ငံများအဖွဲ့ ASEAN ဒေသတွင်းအစည်းအဝေးနဲ့ ၀န်ကြီးအဆင့် အစည်းအဝေးတွေအတွင်း ကြေညာခဲ့တာပါ။ အဲဒီအစည်းအဝေးတွေ အတွင်းမှာ ကနေဒါနိုင်ငံခြားရေးဝန်ကြီးဟာ မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်နဲ့လည်း တွေ့ဆုံခဲ့ပါတယ်။

မြန်မာနိုင်ငံမှာဖြစ်ပေါ်နေတဲ့ အပြောင်းအလဲတွေကြောင့် ကနေဒါနိုင်ငံအနေနဲ့ ဆက်ပြီး အားတက်ရတဲ့အကြောင်း၊ မိမိတို့ရဲ့ ဆက်ဆံရေးကို မကြာသေးခင်က တိုးချဲ့ခဲ့တာနဲ့အမျှ မြန်မာနိုင်ငံမှာ သံရုံးတခုဖွင့်လှစ်ရေး ကနေဒါနိုင်ငံ က စီစဉ်နေတယ်ဆို တာကို မိမိ ၀မ်းမြောက်ဝမ်းသာ ကြေညာပါတယ်လို့ မစ္စတာ ဘာ့ဒ်က ပြောခဲ့ပါတယ်။

အဲဒီလိုဖွင့်လှစ်နိုင်ဖို့အတွက် လာမယ့်သီတင်းပတ်တွေ၊ လတွေအတွင်း မြန်မာအစိုးရနဲ့ အနီးကပ် ပူးပေါင်း လုပ်ဆောင်သွားမယ့် အကြောင်း၊ ဒီကြေညာချက်ဟာ မြန်မာနိုင်ငံနဲ့ မိမိတို့အကြားဆက်ဆံရေးမှာ အပြု သဘောဆောင်တဲ့ တခြားတိုးတက်မှုတွေကိုလည်း တည်ဆောက်နိုင်လိမ့်မယ်လို့ မျှော်လင့်တဲ့အကြောင်း ကနေဒါနိုင်ငံခြားရေးဝန်ကြီးက ထည့်ပြောသွားပါတယ်။

မစ္စတာဘာ့ဒ်ဟာ ဒီနှစ် မတ်လ ၈ ရက်နေ့က မြန်မာနိုင်ငံဆီ လာရောက်ခဲ့တာကြောင့် မြန်မာနိုင်ငံဆီ သမိုင်းဝင် လာရောက်တဲ့ ပထမဆုံး ကနေဒါနိုင်ငံခြားရေးဝန်ကြီး ဖြစ်ခဲ့ပါတယ်။

ရိုဟင်ဂျာတို့ တတိယနိုင်ငံသို့ ပို့ပေးရန် မဖြစ်နိုင်ဟု UNHCR အကြီးအကဲပြော

မျိုးသန့် | သောကြာနေ့၊ ဇူလိုင်လ ၁၃ ရက် ၂၀၁၂ ခုနှစ် ၁၄ နာရီ ၄၇ မိနစ်

ရန်ကုန်(မဇ္ဈိမ) ။        ။ ရခိုင်ရှိ ရိုဟင်ဂျာများသည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ သတ်မှတ်ထားသည့် ဒုက္ခသည် သတ်မှတ်ချက်နှင့် ကိုက်ညီမှု မရှိခြင်းကြောင့် ထိုသူများကို တတိယနိုင်ငံတွင် အခြေချနေထိုင်ရန် စီစဉ်ပေးနိုင်မည်မဟုတ်ဟု UNHCR ၏ မဟာမင်းကြီး Mr. Antonio Guterres က ပြောသည်။

"UNHCR က စီစဉ်ပေးတဲ့ တတိယနိုင်ငံ အခြေချတဲ့အစီအစဉ်ဟာ နိုင်ငံတနိုင်ငံကနေ တနိုင်ငံကို အခြေအနေ တခုခုကြောင့် ထွက်ပြေးလာတဲ့ ဒုက္ခသည်တွေအတွက် ဖြစ်ပါတယ်။ အခု ရခိုင်မှာရှိတဲ့ ဒုက္ခသည်တွေဟာ UNHCR က သတ်မှတ်တဲ့ ဒုက္ခသည်စာရင်းထဲမှာ မဝင်ပါဘူး။ UNHCR မှ ချမှတ်ထားသော ဒုက္ခသည် သတ်မှတ်ချက်နှင့် ညီမှ တတိယနိုင်ငံသို့ ပို့ပေးမှာဖြစ်ပါတယ်။" ဟု ကြာသပတေးနေ့ ညနေ ရန်ကုန်မြို့ ဆီဒိုးနား ဟိုတယ်တွင်ပြုလုပ်သည့် သတင်းစာရှင်းလင်းပွဲတွင် ပြောသွားသည်။

UNHCR ၏ မဟာမင်းကြီး Mr. Antonio Guterres နှင့် သမ္မတ ဦးသိန်းစိန်တို့ တွေ့ဆုံ (ဓါတ်ပုံ :: President's Office)

Mr. Antonio Guterres နှင့် သမ္မတ ဦးသိန်းစိန်တို့ ဗုဒ္ဓဟူးနေ့တွေ့ဆုံမှုတွင် ရိုဟင်ဂျာများကို UNHCR သို့ အပ်နှံ၍ ဒုက္ခသည်စခန်းအဖြစ်ထားရှိရန်၊ UNHCR မှ ကျွေးမွေးစောင့်ရှောက်ထားရန်၊ တတိယနိုင်ငံက လက်ခံမည်ဆိုလျှင် လည်း ပို့ပေးမည်ဟု သမ္မတ၏ ဆွေးနွေးမှုနှင့် ပတ်သက်၍ သတင်းထောက်များ၏ မေးခွန်းကို Mr. Antonio Guterres က ပြန်လည်ဖြေကြားသွားခြင်းဖြစ်သည်။

UNHCR အနေဖြင့် "အမှန်တကယ် လိုအပ်နေသူများ၊ ဒုက္ခရောက်နေသူများကို ဘယ်အချိန် ဘယ်နေရာဘဲဖြစ်ဖြစ် အကူအညီပေးမယ်လို့ ဆုံးဖြတ်ထားပါတယ်။ ဒီလိုကူညီပေးတာဟာ မူဆလင် လူမျိုးများနှင့် ရခိုင်လူမျိုးတို့ သင့်မြတ်ရေးအတွက် အထောက်အကူပြုလိမ့်မယ်လို့ မျှော်လင့်ပါတယ်။ နှစ်ဦးနှစ်ဘက်လုံး တရားဥပဒေကို လိုက်နာပြီးပြန်လည်သင့်မြတ်ပြီး အတူနေထိုင်နိုင်လိမ့်မယ်လို့ မျှော်လင့်ပါတယ်။" ဟုလည်း ထည့်သွင်း ပြောသွားခဲ့သည်။

သို့သော် သမ္မတနှင့် Mr. Antonio Guterres တို့ တွေ့ဆုံဆွေးနွေးမှုတွင် ရိုဟင်ဂျာ ကိစ္စနှင့် ပတ်သက်၍ ထိုသူများသည် တိုင်းရင်းသားမဟုတ်ဘဲ ခိုးဝင်လာသည့်သူများဖြစ်ခြင်းကြောင့် လက်ခံနိုင်ရန် မဖြစ်နိုင်ဟု သမ္မတက ပြောသည်ကို သမ္မတရုံး အင်တာနက် စာမျက်နှာတွင် ရေးသားထားသည်။ ရခိုင်ပြည်ရောက် ရိုဟင်ဂျာ အရေအတွက် ရှစ်သိန်းကျော်ရှိမည်ဟု ခန့်မှန်းကြောင်းလည်း Mr. Antonio Guterres သတင်းစာရှင်းလင်းပွဲတွင် ပြောသည်။

သမ္မတက ဥပေဒအရ မြန်မာနိုင်ငံသို့ ၁၉၄၈ မတိုင်ခင် ရောက်ရှိသူ မိဘနှစ်ပါးက မွေးဖွားသူ တတိယမျိုးဆက်မြေးအဆင့်ကိုသာ နိုင်ငံသားအဖြစ် သတ်မှတ်သည်ဟုလည်း သမ္မတက ထည့်သွင်းဆွေးနွေးသည်ကို ရေးသားထား သည်။

ကြာသပတေးနေ့ Mr. Antonio Guterres ၏ သတင်းစာရှင်းလင်းမှုတွင် ထိုင်းနယ်စပ် မြန်မာဒုက္ခသည်များနှင့် ကချင်ဒုက္ခသည်များအရေးနှင့် ပတ်သက်၍လည်း ထိုဒုက္ခသည်များ နေရပ်ရင်း အေးချမ်းတည်ငြိမ်စွာ ပြန်လာနိုင်ရန် UNHCR နှင့် မြန်မာအစိုးရတို့ ပူးပေါင်းဆောင်ရွက်ရန် သဘောတူညီမှုရရှိသည်ဟုလည်း ပြောသည်။

Mr. Antonio Guterres သည် သူ၏ မြန်မာနိုင်ငံခရီးစဉ်အတွင်း သမ္မတ ဦးသိန်းစိန်အပြင်၊ ဒုသမ္မတ ဒေါက်တာ စိုင်းမောက်ခမ်း၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဒုတိယဥက္ကဋ္ဌ ဦးမြငြိမ်းတို့နှင့် လည်း တွေ့ဆုံခဲ့သည်။

ရန်ကုန်ရှိ တန်ဖိုးကြီး အိမ်ခြံမြေတို့ အရောင်းအဝယ် တုန့်ဆိုင်း

ညီသစ် | သောကြာနေ့၊ ဇူလိုင်လ ၁၃ ရက် ၂၀၁၂ ခုနှစ် ၁၇ နာရီ ၂၂ မိနစ်

ရန်ကုန် (မဇ္ဈိမ) ။       ။ ရန်ကုန်မြို့ ဗဟန်း၊ ရန်ကင်း၊ သင်္ကန်းကျွန်း၊ တောင်ဥက္ကလာ မြို့နယ်များရှိ ကျပ်သိန်း ၅၀၀၀နှင့်အထက် တန်ဖိုးကြီး အိမ်ခြံမြေများ အရောင်းအဝယ် တုန့်ဆိုင်းလျက်ရှိသည်ဟု ဝါရင့် အိမ်ခြံမြေ အကျိုးဆောင် တဦးက ပြောသည်။

ယခုနှစ်ဆန်းပိုင်းမှ မတ်လ ဒုတိယပတ်အထိ ထိုတန်ဖိုးကြီး အိမ်ယာများ အရောင်းအဝယ်ဖြစ်ခဲ့သော်လည်း ယခုအချိန် တွင် ရပ်တန့်လျက်ရှိသည်ဟု အထက်ပါ အိမ်ခြံမြေ အကျိုးဆောင်က ပြောသည်။

"အခု အိမ်ခြံမြေ အခွန်နှုန်းကို ၁၅ ရာခိုင်နှုန်းကနေ ၃ဝ ရာခိုင်နှုန်းအထိ တိုးမယ်လို့လည်း အသံကြားနေရပြန်တယ်။ အိမ်ခြံမြေ ကို ထိန်းမယ်ဆိုရင် ဒီလိုနည်းနဲ့ လုပ်ရင်လုပ်မှာ။ အခွန်များတိုးမလားဆိုပြီး စောင့်ကြည့်နေကြလို့ အရောင်းအဝယ်တွေလည်း တန့်နေတယ်။" ဟု မဇ္ဈိမကို ပြောသည်။

၂ဝဝ၇ ခုနှစ်မှစ၍ သက်တမ်းတိုးမြှင့်ကြရသည့် အိမ်ခြံမြေအခွန်နှုန်းထားများမှာ တန်ဖိုး၏ ၁၅ ရာခိုင်နှုန်းကို ဝယ်သူကပေးဆောင်ရပြီး သြဂုတ်လ ၁၂က်နေ့တွင် ပြည်တွင်းအခွန်များဦးစီးဌာနက သက်တမ်းထပ်မံ တိုးပေးရမည်ဖြစ်သည်။

အိမ်ခြံမြေ အရောင်းအဝယ် ရပ်နေရခြင်းနှင့် ပတ်သက်၍ အခြား အကျိုးဆောင်တဦးကလည်း “ရပ်တန့်တယ်ဆိုတာ ကားအရောင်းအဝယ်နဲ့လည်း ဆိုင်မယ်။ ကားပါမစ်ကို လွတ်လွတ်လပ်လပ် လုပ်လိုက်တော့ အဲဒီဘက်မှာ သုံးတဲ့သူတွေ များပြီး ဒီဘက်ကို ဝင်လာတဲ့သူနည်းသွားတယ်။ နောက်တခုက ကားလိုပဲ အိမ်ခြံမြေဈေးကွက် ကိုလည်း ဒီလိုလုပ်ရင် မလွယ်ဘူးဆိုပြီး ဈေးကွက်ထဲမှာ ရင်းနှီးဖို့လုပ်တဲ့သူတွေ စောင့်ကုန်တာ လည်းပါတယ်။”ဟု မင်္ဂလာတောင်ညွန့်မြို့နယ် မှ အိမ်ခြံမြေ အကျိုးဆောင်တဦးက ဆိုသည်။

ပြည်လမ်း၊ ကမ္ဘာအေးဘုရားလမ်း အစရှိသည့် လမ်းမတန်းနေရာများတွင် ရှိသည့် မြေဈေးနှုန်းသည် တစ်စတုရန်းပေ လျှင် ကျပ် ၁ဝ သိန်းကျော်ခန့်အထိ ပေါက်လျက်ရှိသည်။ လမ်းသွယ်များရောက်လျှင်မူ ဈေးနှုန်းမှာ ၇၅ ရာခိုင်နှုန်းမှ ၅ဝ ရာခိုင်နှုန်းကျော်အထိ လျော့ကျသွားလေ့ရှိသည်။

သို့ရာတွင် ထိုဈေးနှုန်းများသည် စီးပွားရေး ဧရိယာဖြစ်သော ရန်ကုန်မြို့တွင်း ခြောက်မြို့နယ်ရှိ ကျောက်တံတားမြို့နယ် အတွင်းမှ ဈေးနှုန်းကိုမူ မမီသေးပေ။ ကျောက်တံတားမြို့နယ်အတွင်းရှိ လမ်းမတန်း နေရာများဖြစ်သည့် အနော်ရထာ လမ်း၊ မဟာဗန္ဗုလလမ်း အစရှိသည့် လမ်းမကျယ်များ၏ မြေဈေးနှုန်းသည် တစ်စတုရန်းပေးလျှင် ကျပ် ၁၂သိန်းမှ ၁၅သိန်းခန့်အထိ ဈေးပေါက်ခဲ့သည်။

၂ဝ၁၁ခုနှစ်သည် ရန်ကုန်မြို့၏ အိမ်ခြံမြေဈေးကွက် အကောင်းဆုံးဖြစ်ခဲ့သော နှစ်တနှစ်ဖြစ်ခဲ့ပြီး အရောင်းအဝယ် ပမာဏ သာမက ဈေးနှုန်းများလည်း ထိပ်ဆုံး ရောက်ခဲ့သော ကာလလည်းဖြစ်သည်။ ယခုကာလတွင်မူ “ရောင်းမယ့် သူတွေကလည်း စောင့်ကြည့်နေသလို ဝယ်မယ့်သူတွေကလည်း အခြေအနေကို စောင့်တဲ့ကာလဖြစ်နေတယ်” ဟု အိမ်ခြံမြေ အကျိူးဆောင်က ပြောသည်။

နိုင်ငံခြား ရင်းနှီးမြှပ်နှံမှုများ ဝင်ရောက်လာမည့် မျှော်လင့်ချက်များဖြင့် စက်မှုဇုန်မြေကွက်များကို စိတ်ဝင်စားသူများမှာ လည်း ယခုတိုင် ထင်ရှားသည့် ပြည်ပ ရင်းနှီးမြှပ်နှံမှုများကို မတွေ့ရသေးသဖြင့် ထိုဈေးကွက်လည်း လတ်တလော အရောင်းအဝယ် အေးစက်နေသည်။

အစိုးရ၏ မူဝါဒများ အကြိမ်ကြိမ် ပြောင်းလဲမှုများကြောင့်လည်း အိမ်ခြံမြေဈေးကွက်ကို မည်သို့ ထိန်းချုပ်ဆောင်ရွက် မည်ကို စောင့်ကြည့်ရဦးမည်ဟုလည်း စီးပွားရေးလုပ်ငန်း အသိုင်းအဝိုင်းက သုံးသပ်သည်။

ပြည်သူ့စစ်အသွင်ပြောင်းရမည့် အစီအစဉ် လက်ခံရေး ဝ' တပ်ဖွဲ့ စဉ်းစား

မဇ္ဈိမသတင်းဌာန | သောကြာနေ့၊ ဇူလိုင်လ ၁၃ ရက် ၂၀၁၂ ခုနှစ် ၁၈ နာရီ ၂၂ မိနစ်

မဇ္ဈိမသတင်းဌာန ။        ။ မြန်မာနိုင်ငံတွင် အင်အားအတောင့်တင်းဆုံး တိုင်းရင်းသား လက်နက်ကိုင် တပ်ဖွဲ့ဖြစ်သည့် ဝပြည်သွေးစည်း ညီညွတ်ရေး တပ်မတော် (UWSA) အနေဖြင့် ၄င်း၏ လွတ်လပ်သည့် အနေအထားကို စွန့်လွှတ်ကာမြန်မာစစ်တပ်မှ ဦးဆောင်သည့် ပြည်သူ့စစ်တပ်ဖွဲ့ (PMF) အသွင်သို့ ပြောင်းလဲရေးကို လက်ခံစဉ်းစားဖွယ်ရာရှိသည်ဟု သတင်းများက ဆိုကြောင်း သျှမ်းသံတော်ဆင့် သတင်းအေဂျင်စီ၏ သောကြာနေ့ သတင်းဆောင်းပါး တပုဒ်တွင်ရေးသားထားသည်။

ဝပြည် သွေးစည်းညီညွတ်ရေးတပ်မတော် (UWSA) အနေဖြင့် ၂ဝဝ၉ခုနှစ်က နယ်ခြားစောင့်တပ် (BGF) အသွင်ပြောင်းလဲရေး အစိုးရ၏ ကမ်းလှမ်းချက်ကို ပယ်ချခဲ့ပြီး ဝပြည်သွေးစည်း ညီညွတ်ရေး တပ်မတော်ကဲ့သို့ပင် အခြား အဓိကတိုင်းရင်းသား လက်နက်ကိုင် အင်အားစုများကလည်း ပယ်ချခဲ့ကြသည်။

မြန်မာစစ်အရာရှိများ ဦးစီးသည့် နယ်ခြားစောင့်တပ်ဖွဲ့ (BGF) နှင့်  ပြည့်သူ့စစ်တပ်ဖွဲ့ (PMF) တို့ မတူညီသည့်အချက်မှာ (PMF) ကို ဒေသခံ အရာရှိများက ဦးစီးအမိန့်ပေးခြင်း ဖြစ်သည်။ နယ်ခြားစောင့်တပ်ဖွဲ့ (BGF) နှင့် ပြည့်သူ့စစ်တပ်ဖွဲ့ (PMF) အား မြန်မာစစ်တပ်၏ BGF နှင့် PMF ဦးစီးဌာနများက စီမံခန့်ခွဲ ညွှန်ကြားမည် ဖြစ်သည်။