08.07.2012 နေ့ဖတ်ရန်သတင်းများ

by Myanmar Journal on Saturday, July 7, 2012 at 6:03pm ·

ခေါ်ယူ စစ်ဆေးခံရတဲ့ ဗကသ ကျောင်းသားတွေ ပြန်လွတ်လာ

ခေါ်ယူ စစ်ဆေးခံခဲ့ရသူ တဦးဖြစ်တဲ့ ဗကသ ကျောင်းသူ မဖြိုးဖြိုးအောင်

ရန်ကုန် တက္ကသိုလ် ကျောင်းဝင်းတွင်းက သမိုင်းဝင် ကျောင်သား သမဂ္ဂ အဆောက်အဦး ဖြိုခွဲ ဖျက်ဆီး ခံခဲ့ရတဲ့ 7 July အရေးအခင်း အနှစ် ၅၀ပြည့် ရွှေရတု အခမ်းအနားတွေ ကျင်းပဖို့ စီစဉ် လှုပ်ရှားခဲ့ကြသူ ဗမာနိုင်ငံလုံး ဆိုင်ရာ ကျောင်းသား သမဂ္ဂ အဖွဲ့ဝင် ကျောင်းသားတချို့ အာဏာပိုင်တွေရဲ့ ခေါ်ယူ စစ်ဆေး ခံနေရာကနေ ပြန်လွတ်လာပြီ ဖြစ်ပါတယ်။

ရန်ကုန်မြို့က ဗကသ ကျောင်းသားတွေ ဖြစ်တဲ့ ကိုဒီငြိမ်းလင်း၊ ကိုစည်သူမောင်၊ ကိုရဲမြတ်ဟိန်းနဲ့ မဖြိုးဖြိုးအောင်တို့ ပြန်လွတ်လာကြပြီလို့ မိသားစုဝင်တွေက အတည်ပြုပြောပါတယ်။

ရန်ကုန်မြို့နဲ့ မန္တလေး အပါအဝင် အထက်ဗမာပြည် မြို့တွေက ဗကသ ကျောင်းသား အနည်းဆုံး ၁၆ ဦးကို စစ်ဆေး မေးမြန်းစရာ ရှိတယ် ဆိုပြီး အခမ်းအနား မတိုင်ခင်တရက်မှာ အာဏာပိုင်တွေက ခေါ်ဆောင်သွားခဲ့ကြတာပါ။

သူတို့ကို ခေါ်ယူ စစ်ဆေးခဲ့စဉ်မှာ အာဏာပိုင်တွေက 7 July အခမ်းအနား မလုပ်ဖို့ သူတို့ကို ပြောခဲ့ကြောင်း၊ အခုလို အထိမ်းအမှတ် အခမ်းအနား ကျင်းပရာကနေ တခုခု ပြန်ဖြစ် လာမှာကို စိုးရိမ်မိတယ်၊ ပြုပြင်ပြောင်းလဲနေတဲ့ ကာလမှာ ဒါမျိုးတွေ မဖြစ်စေချင်ဘူးလို့ အာဏာပိုင်တွေက ပြောကြောင်း ပြန်လွတ်လာတဲ့ ဗကသ ကျောင်းသား ကိုရဲမြတ်ဟိန်းက ဘီဘီစီကို ပြန်လွတ်လာလာချင်း ပြောပြခဲ့ပါတယ်။

ပြန်လွတ်လာအပြီးမှာ ဗကသ ကျောင်းသားတွေဟာ ၈၈မျိုးဆက် ကျောင်းသားများရုံးခန်းမှာ သတင်းစာ ရှင်းလင်းပွဲ လုပ်ခဲ့ကြပါတယ်။

၁၉၆၂ ခုနှစ် ဇူလိုင်လ ၇ ရက်နေ့မှာ ဆန္ဒပြကျောင်းသားတွေကို စစ်တပ်နဲ့ လုံခြုံရေး တပ်ဖွဲ့တွေက တက္ကသိုလ် နယ်မြေထဲ အထိ ဝင်ရောက်ပစ်ခတ်နှိမ်နင်းခဲ့ရာမှာ ကျောင်းသားပေါင်း ရာနဲ့ချီ သေဆုံးခဲ့တယ်လို့ အဲဒီခေတ်က သတင်းစာတွေမှာ ရေးသား ဖော်ပြကြပြီး ဇူလိုင်လ ၈ ရက်နေ့မနက် အာရုဏ်တက်ချိန်မှာ သမိုင်းဝင် ကျောင်းသားသမဂ္ဂ အဆောက်အဦး ကိုလည်း ဖောက်ခွဲ ဖျက်ဆီးခဲ့တာ ဖြစ်ပါတယ်။

လစ်ဗျားနိုင်ငံ ရွေးကောက်ပွဲ

ရွေးကောက်ပွဲ ဝင်ကြတဲ့ ကိုယ်စားလှယ်လောင်း အရေ အတွက် ၃၇၀၀ ရှိပါတယ်

လစ်ဗျားနိုင်ငံမှာ ကဒါဖီကို ဖြုတ်ချခဲ့ပြီး ကိုးလ အကြာမှာ နှစ်ငါးဆယ်နီးပါး အတွင်း ပထမဆုံး အကြိမ် ရွေးကောက်ပွဲမှာ ပြည်သူတွေ မဲထည့် နေကြပါပြီ။

လစ်ဗျားနိုင်ငံ အတွက် ဝန်ကြီးချုပ်နဲ့ အစိုးရ ဝန်ကြီးအဖွဲ့ကို တင်မြှောက်မယ့် အထွေထွေ အမျိုးသား ကွန်ဂရက် အဖွဲ့ဝင် ၂၀၀ ကို ရွေးချယ်ဖို့ အတွက် လစ်ဗျားနိုင်ငံ အနှံ့မှာ မနက် စောစောပိုင်း ကတည်းက လူတွေ တန်းစီပြီး မဲထည့်ခဲ့ကြပါတယ်။

ဒါပေမယ့် ဒီဆန္ဒခံယူ ပွဲမှာ အကြမ်းဖက်မှုတွေနဲ့ နယ်မြေဒေသကို လိုက်ပြီး သဘောထား ကွဲပြားမှုတွေ အများကြီး ရှိနေပါတယ်။ ရွေးကောက်ပွဲ ဝင်ကြတဲ့ ကိုယ်စားလှယ် အရေအတွက်က ၃၇၀၀ ရှိပြီး ပါတီတွေကလည်း မနည်း မနောပါဘဲ။

လူသိအများဆုံး ပါတီကတော့ မူဆလင် ညီနောင်များ အဖွဲ့ဝင်တွေ အများစုဖြစ်တဲ့ Justice and Construction ပါတီပါ။ ရွေးကောက်ပွဲ မတိုင်ခင် တရက်မှာပဲ ဘန်ဂါဇီမြို့နားက ရဟတ်ယာဉ် တစင်းကို သေနတ် သမားတွေက ဝိုင်းတိုက်ခိုက်လို့ မဲရုံလုပ်သား တဦး သေဆုံးခဲ့ပါတယ်။

ဒါ့အပြင် နိုင်ငံ အရှေ့ပိုင်း ဒေသက လူတွေ အနေနဲ့ အမျိုးသား ကွန်ဂရက်မှာ သူတို့ ဒေသရဲ့ ကိုယ်စားပြုမှုနည်း နေမှာကို စိုးရိမ် နေကြပါတယ်။ လက်ရှိ အာဏာ ချုပ်ကိုင်ထားတဲ့ NTC အမျိုးသား အသွင်ကူးပြောင်းရေး ကောင်စီရဲ့ အစီအစဉ် အရ၊ ကွန်ဂရက် အဖွဲ့ဝင်နေရာ ၂၀၀ ရှိတဲ့ အနက် ရေနံ ကြွယ်ဝတဲ့ အရှေ့ဖက်ဒေသအတွက် နေရာ ၆၀ သတ်မှတ်ထားပြီး၊ နိုင်ငံ အနောက်ပိုင်း အတွက်က ၁၀၀ နဲ့ တောင်ပိုင်း အတွက် ၄၀ ဆိုပြီး သတ်မှတ် ထားတာပါ။

ဒါကိုမကျေနပ်တဲ့ အရှေ့ပိုင်းက လူတွေက ဘင်ဂါဇီမှာ ရှိတဲ့ မဲရုံတခုကို တိုက်ခိုက်ခဲ့ကြပါတယ်။ ထရီပိုလီမြို့မှာလည်း နေရာတိုင်းမှာ မဲရုံတွေ ဖွင့်နိုင်ခဲ့ သလားဆိုတာ ရှင်းရှင်း လင်းလင်း မသိရဘူးလို့ အဲဒီမှာ ရှိနေတဲ့ ဘီဘီစီ သတင်းထောက်က ပြောပါတယ်။

နိုင်ငံ အရှေ့ပိုင်းမှာ ရှိတဲ့ သူပုန်ဟောင်း တွေက အဲဒီဒေသက ရေနံတွင်းတွေကို ပစ်မှတ်ထားပြီး ဆန္ဒပေးပွဲ ပျက်ပြားအောင် လုပ်မယ်လို့ ခြိမ်းချောက် နေပါတယ်။

ဒီလို ပြဿနာတွေကို တစုံတရာ ငြိမ်သက် သွားအောင် ရည်ရွယ်ပြီး NTC က ဒီရွေးကောက်ပွဲဟာ အစိုးရ သစ်ဖွဲ့နိုင်ဖို့သာ ရည်ရွယ်ပြီး ဖွဲ့စည်းပုံ အသစ်ရွေးဆွဲဖို့ အတွက် လူ ၆၀ ကို သီးခြား ရွေးကောက်ပွဲ ကျင်းပပြီး တင်မြှောက် မယ်လို့ ကြေညာခဲ့ပါတယ်။

မျိုးဆက်သစ် မဲဆန္ဒရှင်တွေကတော့ ဒီရွေးကောက်ပွဲမှာ တက်တက်ကြွကြွ မဲပေးခဲ့ကြပါတယ်။

ဇူလိုင် ၇ ရက် အခမ်းအနား ၈၈ ကျောင်းသားတွေ ကျင်းပ

အခမ်းအနားမှာ ဦးဝင်းတင်၊ဦးလှရွှေ ၊ ကိုမင်းကိုနိုင်၊ ကိုကိုကြီးနှင့် ကျော်ကိုကို တို့က စကား ပြောခဲ့ကြ

၁၉၆၂ ခုနှစ် ဇူလိုင်လ ၇ ရက်နေ့မှာ ဆန္ဒပြ ကျောင်းသားတွေကို စစ်တပ်က ပစ်ခတ် နှိမ်နင်းခဲ့ပြီး၊ ဇူလိုင်လ ၈ ရက်နေ့ အာရုဏ် တက်ချိန်မှာ သမိုင်းဝင် ကျောင်းသား သမဂ္ဂ အဆောက် အဦးကို ဖောက်ခွဲ ဖျက်ဆီးခဲ့တဲ့ နှစ်ငါးဆယ်ပြည့် 7 July အခမ်း အနားကို ရန်ကုန်မြို့ သင်္ယန်းကျွန်းမြို့နယ် ဝေဇယန္တာ လမ်းမှာရှိ တဲ့ ၈၈ မျိုးဆက် ကျောင်းသားများ ရုံးမှာ စနေနေ့ မနက် ၉ နာရီက ကျင်းပ ဖြစ်ခဲ့ပါတယ်။

ဒီအခမ်းအနားကို ရန်ကုန်မြို့ တော်ဝင် နှင်းဆီ ခန်းမမှာ ကျင်းပဖို့ အတွက် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗကသ ကျောင်းသားတွေက ပထမ စီစဉ်ထားခဲ့တာ ဖြစ်ပါတယ်။

ဒါပေမယ့်လည်း အဲဒီခန်းမမှာ ပြုလုပ်ခွင့်မရတဲ့အတွက် အခုလို ၈၈ မျိုးဆက် ကျောင်းသားများ ရုံးမှာပဲ ကျင်းပ ပြုလုပ်ခဲ့တာ ဖြစ်ကြောင်း ၈၈ ကျောင်းသား ခေါင်းဆောင် တဦး ဖြစ်တဲ့ ကိုပြုံးချိုက ဘီဘီစီကို ပြောပါတယ်။

အခုလို တစုံတရာ နှောင့်ယှက်မှုတွေ လုပ်ခဲ့တဲ့ အတွက် အများ ပြည်သူက ပိုမို စာနာပြီး အခမ်းအနားကို စိတ်ဝင်တစား လာရောက် အားပေးခဲ့ကြတယ်လို့ လည်း သူကပြောပါတယ်။

ထောက်လှမ်းရေး အင်အား အတော်များများက အခမ်းအနားကို ပြီးဆုံးချိန်အထိ လာရောက် စောင့်ကြည့်နေခဲ့တယ်လို့ ကိုပြုံးချိုက ပြောပါတယ်။

သောကြာနေ့က ဖမ်းဆီး ထိန်းသိမ်းခြင်း မခံလိုက်ရတဲ့ ဗကသ ကျောင်းသား တွေကလည်း ဒီအခမ်းအနားမှာ ကိုယ်တိုင် ကိုယ်ကျ ပါဝင် ဆောင်ရွက်ခဲ့ ကြပါတယ်။

ဒီအခမ်း အနားမှာ ဟံသာဝတီ ဦးဝင်းတင်၊ တက္ကသိုလ် ကျောင်းသား ခေါင်းဆောင်ဟောင်း ဦးလှရွှေ ၊ ကိုမင်းကိုနိုင်၊ ကိုကိုကြီးနှင့် ကျော်ကိုကို တို့က စကား ပြောခဲ့ကြပါတယ်။

ဝင်ဘယ်လ်ဒန် တင်းနစ် Serena Williams ဗိုလ်စွဲ

Serena Williams ဟာ ဝင်ဘယ်လ်ဒန်မှာ ငါးကြိမ်မြောက် အဖြစ် ဗိုလ်စွဲ

လန်ဒန် ဝင်ဘယ်လ်ဒန် တင်းနစ်ပြိုင်ပွဲ အမျိုးသမီး တဦးချင်း နောက်ဆုံး ဗိုလ်လုပွဲမှာ အမေရိကန်က Serena Williams က ငါးကြိမ်မြောက် အဖြစ် ဗိုလ်စွဲသွားပါတယ်။

Serena Williams ဟာ ပိုလန်က Agnieszka Radwanska ကို ၂ ဆက် ၁ ဆက် နဲ့ အနိုင်ရ ဗိုလ်စွဲသွားတာ ဖြစ်ပါတယ်။

Agnieszka Radwanska ဟာ ဂရန်းဆလန်း အဆင့် ဗိုလ်လုပွဲကို ပိုလန်ကနေ ၇၃ ခုနှစ် အတွင်း ပထမဦးဆုံး အဖြစ် တက်လာခဲ့သူ ဖြစ်ပါတယ်။

ဒါပေမယ့်လည်း သူဟာ လည်ချောင်းနာ ရောဂါ ဖြစ်နေတာကြောင့် ဒီပွဲမှာ အနိုင်ရဖို့ အခွင့်အလမ်း နည်းနေခဲ့တယ်လို့ အစောပိုင်း ကတည်းက အကဲခတ်တွေက သုံးသပ်ထားခဲ့တာ ပါတယ်။

သောကြာနေ့ ကတောင် သူဟာ သတင်းစာ ရှင်းလင်းပွဲ မပြုလုပ် နိုင်ခဲ့ပါ။

Serena Williams ရဲ့ အမဖြစ်သူ Venus Williams ကတော့ ဒီနှစ် ဝင်ဘယ်လ်ဒန် ပြိုင်ပွဲမှာ ဗွေဆော်ဦးပွဲ ကတည်းက ထွက်သွားခဲ့ရတာ ဖြစ်ပါတယ်။

7 July အဖမ်းခံရသူတွေ ပြန်လွတ်

By မအေးအေးမာ

• ရန်ကုန်တက္ကသိုလ် ပင်မဝင်းထဲမှာ ဗုံးခွဲဖျက်ဆီးခံခဲ့ရတဲ့ သမဂ္ဂအဆောက်အဦး ပြန်လည် တည်ဆောက်ရေး ကြိုးပမ်းနေကြတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗကသ ကျောင်းသားခေါင်းဆောင်တွေ ဖြစ်ကြတဲ့ ကိုဒီငြိမ်းလင်း၊ မဖြိုးဖြိုးအောင်၊ ကိုရဲမြတ်ဟိန်း၊ ကိုစည်သူမောင်တို့ ဒီနေ့ ညပိုင်းကပဲ ပြန်လည် လွတ်မြောက်လာကြပါတယ်။ သူတို့ဟာ ဒီကနေ့ အနှစ် (၅၀) ပြည်တဲ့ 7 July အခမ်းအနားကို ရန်ကုန်မှာ လုပ်ဖို့ စီစဉ်နေရင်း မနေ့ညက အဖမ်းခံခဲ့ရတာ ဖြစ်ပါတယ်။ သူတို့ကို ဘာကြောင့်ဖမ်းခဲ့တာလဲ ဆိုတာနဲ့ ပတ်သက်လို့ ဒီနေ့ ညနေပိုင်းမှာ ပြန်လွတ်လာတဲ့ မဖြိုးဖြိုးအောင်နဲ့ ဆက်သွယ်ထားတဲ့ ထိုင်းအခြေစိုက်သတင်းထောက် မအေးအေးမာက တင်ပြထားပါတယ်။

ဗကသများအဖွဲ့ချုပ်ဟာ တရားမ၀င် အသင်းအဖွဲ့ ဖြစ်တဲ့အတွက် 7 July လုပ်မယ့်ပွဲနဲ့ ပတ်သက်ပြီး ကျင့်ထုံးဥပဒေ (၁၆၂) အရ ခေါ်ယူစစ်ဆေး မေးမြန်းရတာ ဖြစ်ကြောင်း အာဏာပိုင်တွေဘက်က ပြောဆိုခဲ့တယ်ဆိုပြီး ဇူလိုင်လ ၇ ရက်နေ့ညမှာ ပြန်လည် လွတ်မြောက်လာခဲ့တဲ့ ဗကသများ အဖွဲ့ချုပ်ရဲ့ အထွေထွေ အတွင်းရေးမှူး မဖြိုးဖြိုးအောင်က ပြောပါတယ်။

“သူတို့က ကျင့်ထုံးဥပဒေဆိုင်ရာ ပုဒ်မ (၁၆၂) အရ တရားမ၀င် အဖွဲ့အစည်း ဖြစ်တယ်၊ ဒီ တရားမ၀င် အသင်းကနေပြီးတော့ 7 July နှစ် (၅၀) အခမ်းအနားကို ကျင်းပတဲ့နေရာမှာ သူတို့က အဲဒါနဲ့ပတ်သက်ပြီးတော့ မေးမြန်းတာပါတဲ့။ အခုလို ခေါ်ရခြင်းအကြောင်းရင်းကလည်း ကျမတို့ရဲ့ ဂုဏ်သိက္ခာကို လေးစားသောအားဖြင့်ရော၊ နောက်ပြီးတော့ အများပြည်သူ ထိတ်လန့်မှုကို ဖြစ်တဲ့အတွက်ကြောင့်မိုလို့ ညဘက်ကို ခေါ်ယူရတာပါတဲ့။ တရက် ခေါ်ယူ မေးမြန်းရတာပါတဲ့။ 7 July နဲ့ ပတ်သက်တဲ့ အခမ်းအနားကိုပေါ့နော်။”

သူတို့ကို ရန်ကင်းမြို့နယ်မှာရှိတဲ့ ပြည်ထဲရေးဌာန ရုံးချုပ်မှာ ခေါ်ယူစစ်ဆေးခဲ့တာ ဖြစ်ပြီး တဦးချင်းစီကို အခန်းခွဲပြီး စစ်ဆေးခဲ့တာလို့ ဆိုပါတယ်။ အခုအခါမှာတော့ မဖြိုးဖြိုးအောင် အပါအ၀င် ကျောင်းသားခေါင်းဆောင် လေးယောက်လုံးဟာ ပြန်လည် လွတ်မြောက်လာခဲ့ပြီ ဖြစ်ပါတယ်။ ဒီလို အခမ်းအနားကို ဖြစ်မြောက်ဖို့အတွက် စောင့်ဆိုင်းလာခဲ့တာဟာ နှစ် ၅၀ ရှိပြီဖြစ်တဲ့အတွက် ဒီပွဲကို မဖြစ်ဖြစ်အောင် လုပ်ဖို့အတွက် စီစဉ်ခဲ့တာလို့လည်း မဖြိုးဖြိုးအောင်က ပြောပါတယ်။ ဖမ်းဆီးခံရသူ လေးဦးထဲက မဖြိုးဖြိုးအောင်ဟာ 7 July ပွဲကို စီစဉ်တဲ့အထဲမှာ ပါဝင်သူဖြစ်ပြီး 7 July ပွဲဟာ အဲဒီနေ့မှာ ကျဆုံးခဲ့ရတဲ့ ကျောင်းသားတွေ အတွက် ဂုဏ်ပြုဖို့ ရည်ရွယ်ခဲ့တာဖြစ်ကြောင်း အာဏာပိုင်တွေကို ရှင်းပြခဲ့တယ်လို့ ဆိုပါတယ်။

ဒီကနေ့ အထိန်းအမှတ် ပွဲကိုတော့ ဗကသ ဥက္ကဋ္ဌ ကိုကျော်ကိုကို ဦးဆောင်ပြီး ကျင်းပခဲ့သလို စက်မှုတက္ကသိုလ်ကွန်ယက်နဲ့ ရန်ကုန် ၀ိဇ္ဇာ သိပ္ပံ ကျောင်းသားများ ကွန်ယက်ကလည်း ကျောင်းသား သမဂ္ဂ အဆောက်အဦး တည်ဆောက်ခွင့် ရရှိရေး၊ ကျောင်းသားသမဂ္ဂကို လွတ်လပ်စွာ ဖွဲ့စည်းခွင့်ပြုရေး၊ ဒီမိုကရေစီ ပညာရေးစနစ်ကို ဖော်ဆောင်ရေး တွေကို တောင်းဆိုခဲ့ပြီး မတ္ထီလာ တက္ကသိုလ်၊ မိတ္ထီလာ နည်းပညာတက္ကသိုလ်တွေမှာလည်း အထိန်းအမှတ် နံရံကပ် စာစောင်တွေ၊ အနက်ရောင် အလံတွေကို ကျောင်းတွေမှာ ချိတ်ဆွဲခဲ့ကြပြီး ကျဆုံးခဲ့ရတဲ့ ကျောင်းသားတွေအတွက် ဂုဏ်ပြုပွဲတွေကို ကိုယ့်အစီအစဉ်နဲ့ကိုယ် ကျင်းပခဲ့ကြပါတယ်။

ရန်ကုန် မိဘမဲ့ကလေးများနဲ့ Jakie Chan တွေ့ဆုံ

By မဆုမွန်

• ကလေးငယ်များ ရောင်းစားခံရမှု တိုက်ဖျက်ရေးအတွက် ကုလသမဂ္ဂရဲ့ ကလေးများအရေးအပေါ် ရန်ပုံငွေအဖွဲ့ UNICEF ရဲ့ အကျိုးဆောင် သံအမတ်ကြီးအဖြစ် ရောက်နေတဲ့ မင်းသား Jackie Chan ဟာ ဒီကနေ့ ရန်ကုန်မြို့က မိဘမဲ့ ကလေးငယ်တွေကို တွေ့ဆုံ အားပေးခဲ့ပါတယ်။ ဒါ့အပြင် သူ မြန်မာနိုင်ငံမှာ လေ့လာခဲ့ရတဲ့ ကလေးငယ်တွေရဲ့ အခြေအနေနဲ့ လိုအပ်ချက်တွေကို သတင်းစာရှင်းလင်းပွဲ လုပ်ပြီးလည်း ရှင်းပြခဲ့ပါတယ်။ အကြောင်းစုံကို မစုမွန်က ဆက်ပြီး ပြောပြပါမယ်။

ကုလသမဂ္ဂ ကလေးများရန်ပုံငွေအဖွဲ့ (UNICEF) ရဲ့ အထူးသံတမန် ကမ္ဘာကျော် ရုပ်ရှင်မင်းသား ဂျက်ကီချန်းဟာ မြန်မာနိုင်ငံထဲက ကလေးသူငယ်အရေး ကူညီဆောင်ရွက်နိုင်ဖို့အတွက် မြန်မာနိုင်ငံကို ရောက်ရှိနေပါတယ်။ အခုဆိုရင် မန္တလေးမြို့ကနေ ရန်ကုန်မြို့ကို ခရီးဆက်ခဲ့ပါတယ်။ ဂျက်ကီချန်းဟာ စနေနေ့မှာ ရန်ကုန်ကို ရောက်ရှိခဲ့ပြီးနောက် ကုလသမဂ္ဂ ကလေးများ အရေးပေါ်ရန်ပုံငွေအဖွဲ့ ယူနီဆက်ဖ်က တာဝန်ရှိသူတွေနဲ့အတူ လိုက်ပါပြီးတော့ ရန်ကုန်မြို့ ရွှေတိဂုံဘုရား တောင်ဘက်မုခ်မှာရှိတဲ့ ရွှေကျင်မြို့နယ်အသင်း ဓမ္မာရုံမှာ ရတနာ့မေတ္တာအဖွဲ့က စောင့်ရှောက်ထားတဲ့ မိဘမဲ့ကလေးငယ်တွေနဲ့ ဇူလိုင်လ ၇ ရက်နေ့ မနက်ပိုင်းမှာ တွေ့ဆုံ အားပေးခဲ့ပါတယ်။

အခုလိုမျိုး ကမ္ဘာကျော်ပုဂ္ဂိုလ်ဖြစ်တဲ့ ဟောင်ကောင် အက်ရှင်မင်းသား ဂျက်ကီချန်း ကိုယ်တိုင် မြန်မာပြည် လမ်းတွေပေါ်က လေလွင့်ကလေးငယ်တွေ၊ မိဘမဲ့ကလေးတွေနဲ့ ရင်းရင်းနှီးနှီး တွေ့ဆုံအားပေးခဲ့တာဟာ မိဘမဲ့ကလေးတွေရဲ့ စိတ်ခွန်အားကို တကယ်ကို မြှင့်တင်ပေးရာ ရောက်တဲ့အကြောင်း ရတနာ့မေတ္တာအဖွဲ့ ဥက္ကဋ္ဌ ဦးမြင့်ဆွေက ဗွီအိုအေကို ပြောပါတယ်။

“အန်ကယ်လ်တို့ ၀မ်းသာတယ်။ ဒီလို ကမ္ဘာသိ အနုပညာရှင် တစ်ယောက်က ဒီကလေးတွေကို စိတ်ဝင်စားတယ်။ ဒီကလေးတွေနဲ့လည်း သူ အတော်ကြာကြာ နေသွားတယ်။ နောက်ပြီးတော့ ဒီကလေးတွေရဲ့ ဘ၀ကိုလည်း သူစာနာတယ်။ နောက်တခေါက် သူ အေးအေးဆေးဆေး သူ လာဦးမယ်ပြောတယ်။ ဒီတခေါက် မြန်မာပြည်မှာ သုံးရက် မနက်ဖြန် ပြန်မယ်ပြောတယ်။ အဲ့ဒီတော့ သူလာတာ အန်ကယ်လ်တို့ မြန်မာပြည်က ကလေးတွေအတွက် အများကြီး အကျိုးရှိပါတယ်။ အန်ကယ်လ်တို့ community မိဘတွေ လူထုအတွင်းမှာ တာဝန်ရှိတဲ့သူတွေ အတွင်းမှာ ဒီကလေးတွေရဲ့ ပြဿနာတွေကို တော်တော်များများ မသိတာတွေ ရှိနေသေးတယ်။ အဲ့လိုဟာကို သူရောက်လာပြီးတော့ တွေ့တယ်ဆုံတယ် ဆိုတဲ့အခါကျတော့ အားလုံးအမြင် ပွင့်လာတာပေါ့။ စိတ်ဝင်စားလာတာပေါ့၊ အထူးသဖြင့် မြန်မာနိုင်ငံကို စိတ်ဝင်စားတဲ့အချိန်မှာ ဒီကလေးသူငယ်တွေ မြန်မာနိုင်ငံမှာ ဒီပြဿနာတွေ ရှိတယ်ဆိုတာ ကျနော်တို့ ပြောလိုက်နိုင်တယ်။”

ဂျက်ကီချန်းဟာ မြန်မာပြည်နေရာအနှံ့အပြားက ကလေးငယ်တွေကို နောက်တကြိမ် လာရောက် တွေ့ဆုံဖို့ ကြိုးစားမယ့်အကြောင်းနဲ့ မြန်မာပြည်က ပရဟိတ မိဘမဲ့ ကလေးသူငယ် စောင့်ရှောက်ရေး လုပ်ငန်းတွေအတွက်လည်း တတ်နိုင်သလောက် ကူညီပံ့ပိုးသွားမယ်လို့ ကတိပေးသွားတဲ့အကြောင်းလည်း ဦးမြင့်ဆွေက ပြောပါတယ်။

“အန်ကယ်လ်တို့လုပ်နေတဲ့ လုပ်ငန်းတွေက အင်မတန် မွန်မြတ်တယ်၊ ကောင်းတယ်။ ပိုပြီးတော့ လုပ်နိုင်ဖို့အတွက်လည်း သူတတ်နိုင်တဲ့ဘက်က အားပေးမယ်။ ဆက်လက်ပြီးတော့ လုပ်ဆောင်မယ်လို့ သူပြောပါတယ်။”

မင်းသားဂျက်ကီချန်းဟာ ရတနာ့မေတ္တာ အဖွဲ့က စောင့်ရှောက်ထားတဲ့ မိဘမဲ့ကလေးအယောက် ၅၀ နဲ့ တွေ့ဆုံပြီး အမှတ်တရ ဓာတ်ပုံများ ရိုက်ကူးခဲ့ပြီး ကလေးငယ်တွေရဲ့ ဖျော်ဖြေရေးအစီအစဉ်တွေကို ကြည့်ရှု အားပေးပြီးတဲ့နောက်မှာ ရွှေကျင်မြို့နယ်အသင်း ဓမ္မာရုံကနေ ဂျက်ကီချန်းဟာ နေ့လည် ၁ နာရီမှာ ပြန်လည် ထွက်ခွာသွားခဲ့ပါတယ်။

ဇူလိုင်လ ၇ ရက်နေ့ နေ့လည် ၂ နာရီခွဲမှာတော့ ကုလသမဂ္ဂ ကလေးများ အရေးပေါ် ရန်ပုံငွေအဖွဲ့ ယူနီဆက်ဖ်ရဲ့ အထူးသံတမန် ဂျက်ကီချန်းဟာ မြန်မာပြည် ခရီးစဉ်နဲ့ ပတ်သတ်ပြီး ရန်ကုန်မြို့ဆီဒိုးနားဟိုတယ်မှာ ပြည်တွင်းပြည်ပ သတင်းစာဆရာများနဲ့ တွေ့ဆုံပြီး စာနယ်ဇင်း ရှင်းလင်းပွဲ တရပ် ပြုလုပ်ခဲ့ပါတယ်။ စနေနေ့ ညပိုင်းမှာတော့ မင်းသားဂျက်ကီချန်းကို ရန်ကုန် ကုလသမဂ္ဂ ကလေးများ အရေးပေါ်ရန်ပုံငွေအဖွဲ့ ယူနီဆက်ဖ်က ဆီဒိုနားဟိုတယ်မှာ ဂုဏ်ပြုညစာ စားပွဲနဲ့ တည်ခင်း ဧည့်ခံမှာ ဖြစ်ပါတယ်။

ဂျက်ကီချန်းဟာ မြန်မာပြည်ခရီးစဉ်အတွင်း ရန်ကုန်နဲ့ မန္တလေးမြို့က မိဘမဲ့ ကလေးဂေဟာတွေ၊ အသက်မွေးပညာ လူငယ်အတတ်သင်ကျောင်းတွေ၊ လူမှုဝန်ထမ်း ဦးစီးဌာနရဲ့ လူငယ်သင်တန်းကျောင်းတွေ၊ အမျိုးသမီးစောင့်ရှောက်ရေး ဂေဟာတွေ နဲ့ ဘုန်းတော်ကြီးကျောင်း ပညာသင်ကျောင်းတွေကို သွားရောက်လေ့လာခဲ့ပြီး မိဘမဲ့ကလေးတွေနဲ့ တွေ့ဆုံခဲ့ပါတယ်။ မြန်မာနိုင်ငံ လူကုန်ကူးမှု တိုက်ဖျက်ရေး တာဝန်ရှိသူတွေကိုလည်း တွေ့ဆုံပြီး ကလေးသူငယ် လူကုန်ကူးမူတွေနဲ့ ပတ်သတ်ပြီးတော့လည်း ဆွေးနွေးခဲ့ပါတယ်။

အာဖဂန်သည် အမေရိကန်အတွက် အရေးပါသော မဟာမိတ်

By ဗွီအိုအေ (မြန်မာဌာန)

• အမေရိကန်ပြည်ထောင်စုနဲ့အတူ စစ်ရေးနဲ့ လုံခြုံရေးဆိုင်ရာ ပူးပေါင်းဆောင်ရွက်မှုတွေ ရေရှည်တည်ဆောက်လာခဲ့တဲ့ စစ်ပွဲဒဏ်သင့်နေတဲ့ အာဖဂန်နစ္စတန်နိုင်ငံဟာ အမေရိကန်ရဲ့ အဓိက မဟာမိတ် နေတိုး အဖွဲ့ဝင်နိုင်ငံ မဟုတ်ပေမဲ့ အဲဒီလို အရေးပါတဲ့ မဟာမိတ် နိုင်ငံတခုပဲလို့ အမေရိကန် အစိုးရက ကြေညာလိုက်ပါတယ်။ အာဖဂန်နစ္စတန် သမ္မတ ဟာမစ်ခါဇိုင်းနဲ့ ကဘူးမြို့မှာ တွေ့ဆုံ ဆွေးနွေးမှုတွေ လုပ်ခဲ့ပြီးတဲ့နောက် ဒီကနေ့မှာပဲ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အာဖဂန်နစ္စတန်နဲ့ ပတ်သက်ပြီး အခုလို ကြေညာလိုက်တာပါ။

အာဖဂန်နိုင်ငံဟာ အမေရိကန်ပြည်ထောင်စု၊ ဒေသတွင်းနဲ့ ကမ္ဘာကြီးတခုလုံးကိုပါ ခြိမ်းခြောက်နေတဲ့ အယ်လ်ခိုင်းဒါးနဲ့ တခြား နိုင်ငံတကာ အကြမ်းဖက်အဖွဲ့တွေ ခိုအောင်း နေထိုင်နိုင်တဲ့ နေရာတခု မဟုတ်တော့ဘူးလို့လည်း ၀န်ကြီးကလင်တန်က မစ္စတာ ခါဇိုင်းနဲ့ တွေ့ဆုံအပြီးမှာ ပြောသွားပါတယ်။ အမေရိကန်အနေနဲ့ အာဖဂန်နိုင်ငံကို စွန့်ခွာသွားမှာ မဟုတ်ဘူးလို့ ဆိုပြီး ခုလို အာဖဂန်ကို အမေရိကန်က အဆင့်အတန်းသစ်တရပ်ထား သတ်မှတ်လိုက်တာဟာ အာဖဂန်ရဲ့ အနာဂတ်နဲ့ ပတ်သက်ပြီး အမေရိကန်က သန္နိဌာန် အခိုင်အမာထား ဆောင်ရွက်နေတယ်ဆိုတာကို ပြသတဲ့ အရေးပါတဲ့ သင်္ကေတ တခုပဲလို့လည်း မစ္စ ကလင်တန်က ပြောပါတယ်။ေ

နတိုး ညွှန့်ပေါင်းအဖွဲ့ဝင်တွေမဟုတ်တဲ့ အမေရိကန်ရဲ့ မဟာမိတ်နိုင်ငံတွေကို ကြေညာသွားတဲ့အထဲမှာ အာဖဂန်နိုင်ငံနဲ့အတူ အီဂျစ်၊ အစ္စရေး၊ ဂျပန်နဲ့ ပါကစ္စတန် နိုင်ငံတွေလည်း ပါဝင်ပါတယ်။ အမေရိကန် နိုင်ငံခြားရေးဝန်ကြီး ကလင်တန်ဟာ အာဖဂန်အရပ်သား ကူညီစောင့်ရှောက်ရေး နိုင်ငံတကာ ညီလာခံတခုကို တက်ရောက်ဖို့အတွက် ကဘူးမြို့ကနေ ဂျပန်နိုင်ငံကို သွားမှာဖြစ်ပါတယ်။ အဲဒီညီလာခံမှာ အရပ်သားတွေကို ရေရှည် ကူညီစောင့်ရှောက်ရေး လုပ်ငန်းတွေအတွက် အလှူရှင်တွေ အနေနဲ့ နှစ်စဉ် ဒေါ်လာ သန်းပေါင်း ၄ ထောင် ကူညီသွားဖို့ ကတိပြုကြလိမ့်မယ်လို့လည်း မျှော်လင့်ရပါတယ်။ ဆီးရီးယားအရေး နိုင်ငံတကာ ညီလာခံတရပ် တက်ရောက်ခဲ့တဲ့ ပြင်သစ်နိုင်ငံ ပဲရစ်မြို့ကနေ ထွက်ခွာလာခဲ့ပြီးတဲ့နောက် ကြိုတင်ကြေညာခြင်း မရှိဘဲ ကဘူးမြို့ကို စနေနေ့မှာ ၀န်ကြီး ကလင်တန် ရောက်လာခဲ့တာဖြစ်ပါတယ်။