02.07.2012 နေ့ဖတ်ရန်သတင်းများ

by Myanmar Journal on Sunday, July 1, 2012 at 5:24pm 

ဆီးရီးယားမှာ ကြားဖြတ်အစိုးရဖွဲ့နိုင်ဖို့ စီစဉ်မယ်

ဂျနီဗာ အစည်းအဝေးကို တက်ရောက်လာတဲ့ ကိုဖီအာနန်

ဆီးရီးယား နိုင်ငံဆိုင်ရာ နိုင်ငံတကာ အထူးသံတမန် ကိုဖီအာနန်က ကမ္ဘာ့ အင်အားကြီး နိုင်ငံတွေက ဆီးရီးယား မှာ ကြားဖြတ် အစိုးရတခု ဖွဲ့ဖို့ အတွက် စီစဉ်ကြဖို့ သဘောတူ လိုက်ကြပြီလို့ ဆိုပါတယ်။

အဲဒီ အစိုးရ အဖွဲ့ထဲမှာ သမ္မတ အာဆတ်ဒ် ရဲ့ အခန်း ကဏ္ဍ ပါမလား ဆိုတာကိုတော့ မကွဲပြား သေးပါဘူး။ မစ္စတာ ကိုဖီအာနန်ကတော့ ဒီအတွက် ဆီးရီးယား ပြည်သူတွေက ဆုံးဖြတ် သွားရမှာ ဖြစ်တယ်လို့ ဆိုပါတယ်။

ဂျနီဗာ မြို့မှာ ပြုလုပ်ခဲ့တဲ့ ထိတ်သီး အစည်း အဝေး အပြီးမှာ မစ္စတာ အာနန်က ပြောကြား ရာမှာ နိုင်ငံတကာ အသိုင်းအဝိုင်း ဘက်က ဒီ အကြမ်းဖက် တိုက်ခိုက်မှုတွေကို ရပ်တန့်သွား စေဖို့ လက်တွဲ ဆောင်ရွက် သွားကြရမယ်လို့ ဆိုလိုက်ပါတယ်။

မစ္စတာ အာနန်က ဒီနေ့ ရရှိခဲ့တဲ့ အောင်မြင်မှုကနေ အစိုးရတွေကို လက်တွဲ ဆောင်ရွက် သွားကြဖို့ တိုက်တွန်း သွားမယ့် အကြောင်းနဲ့ ၊ နိုင်ငံတကာက တသံထဲထွက် လာတဲ့ အခါမျိုးမှာ ပိုမိုပြီး သြဇာ သက်ရောက် လာနိုင်မှာ ဖြစ်သလို ထိရောက်မှုလည်း ရှိမှာ ဖြစ်တယ်လို့ သူယုံကြည်ထားကြောင်း နဲ့ နိုင်ငံတကာရဲ့ ပူးပေါင်းဆောင်ရွက် မှုတွေကြောင့် တိုးတက်မှုတွေ ရလာနိုင်မှာ ဖြစ်ကြောင်း တွေကို ပြောကြား သွားခဲ့ ပါတယ်။

အဲဒီလို ကြားဖြတ် အစိုးရ ဖွဲ့စည်းရေး ကိစ္စနဲ့ ပတ်သက်လို့ အမေရိကန်တွေကတော့ ဒီလို ဖွဲ့စည်းကြတဲ့ အခါမှာ အဲဒီ အစိုးရထဲ သမ္မတ အာဆတ်ဒ် မပါဖို့ ရည်ရွယ်ထား တယ်လို့ ပြောပေမယ့် ရုရှားကတော့ အဲဒီ အဆိုကို ပယ်ချလိုက်ပြီး လောလောဆယ် မှာတော့ ကြားဖြတ်အစိုးရထဲ ဘယ်သူတွေသာ ပါဝင် ခွင့်ရမယ်လို့ ကန့်သတ်ထား တာမျိုးတွေ မရှိသေးကြောင်း ပြောပါတယ်။

အဲဒီ ကိစ္စတွေကို ဆွေးနွေးနေကြတဲ့ ဂျနီဗာ မြို့မှာ ရှိနေတဲ့ ဘီဘီစီ သတင်းထောက် ကလည်း အခုထက်ထိ ဆီးရီးယား ရဲ့ ရှေ့ရေး နဲ့ ပတ်သက်လို့ သဘောကွဲလွဲ မှုတွေ ရှိနေသေးတယ်လို့ ဆိုပါတယ်။ ဆက်လက်ပြီး ကုလသမဂ္ဂရဲ့ လုံခြုံရေးကောင်စီ အဖွဲ့ဝင် နိုင်ငံတွေဟာလည်း အရင်အတိုင်း ကွဲလွဲ နေကြဆဲ ဖြစ်ပြီး ဆီးရီးယားက အကြမ်းဖက် တိုက်ခိုက် နေကြတာတွေ ကို အဆုံးသတ်ပေးနိုင်မယ့် နိုင်ငံရေး သဘောတူညီမှု တခု ရဖို့ အတွက် ဘာမှ မမြင်ရသေးကြောင်း သတင်းပေးပို့ ထားပါတယ်။

ဟောင်ကောင်မှာ ဒီမိုကရေစီရေး တောင်းဆို ဆန္ဒပြ

ဟောင်ကောင်မှာ ပြည့်ဝတဲ့ ဒီမိုကရေစီ စနစ် တည်ဆောက်ရေး ဆန္ဒပြသူတွေ တောင်းဆို

ဗြိတိသျှ ကိုလိုနီ အဖြစ်ကနေ ပြီးခဲ့တဲ့ ၁၅ နှစ်က တရုတ် အုပ်ချုပ်မှု အောက်ကို ပြန်လည် လွှဲပြောင်း ခဲ့တဲ့ ဟောင်ကောင်မှာ အုပ်ချုပ်ရေး မှူးသစ် တဦးကို ခန့်အပ် ခဲ့ပြီးနောက် လူပေါင်း သောင်းနဲ့ ချီပြီး ဒီမိုကရေစီရေး တောင်းဆို ဆန္ဒပြ ခဲ့ကြပါတယ်။

ဟောင်ကောင်ဟာ ဒီမိုကရေစီ အခွင့်အရေးတွေ အပြည့်အဝ မရဘူးဆိုပြီး ကန့်ကွက် ကြသူတွေက အင်နဲ့ အားနဲ့ လမ်းပေါ်ထွက် ဆန္ဒပြနေကြတာ ဖြစ်ပါတယ်။ ဟောင်ကောင် အုပ်ချုပ်ရေးမှူးသစ် CY Leung ကို ဆန့်ကျင်သူတွေက သူဟာ ဘေကျင်း အစိုးရ အလိုကျ ရွေးချယ်ထားသူသာ ဖြစ်တယ်လို့ စွပ်စွဲနေပါတယ်။

ဟောင်ကောင်ရဲ့ အုပ်ချုပ်ရေးမှူး သစ်ကို ရွေးချယ်ရာမှာ ပြည်သူ တွေက တိုက်ရိုက်မဲပေးတဲ့ စံနစ်မျိုးနဲ့ မဟုတ်ဘဲ electoral college လို့ခေါ်တဲ့ မဲဆန္ဒရှင် ပြည်သူအများရဲ့ကိုယ်စားလှယ် ၁၂၀၀ က ရွေးချယ်ရတာပါ။

အဲဒီ ကိုယ်စားလှယ်တွေဟာ စီးပွားရေး ခေါင်းဆောင်တွေနဲ့ တခြား ထင်ရှားတဲ့ သူတွေ ဖြစ်ကြပါတယ်။ ဟောင်ကောင် ပြည်သူ အများ အပြား ကတော့ လူတိုင်းမဲထည့်ခွင့် အတွက် တောင်းဆိုနေကြ ပါတယ်။

ဒီကြားထဲ မှာဘဲ CY Leung ရဲ့ အိမ်မှာ တရားမဝင် အဆောက်အဦး တိုးချဲ့တာတွေ ဆောင်ရွက်ခဲ့တယ် ဆိုပြီး သူ့အတွက် အရှက်ရ စရာ ပြဿနာ ကလည်း ပေါ်ပေါက် လာပါတယ်။ သူ့ပြိုင်ဘက် Henry Tang အရေးနိမ့် ခဲ့ရတာဟာ အလားတူ ပြဿနာ မျိုးကြောင့်ပါ။

အုပ်ချုပ်ရေးမှူးသစ် ကျမ်းသစ္စာ ကျိန်ဆိုပွဲကို တက်ရောက်လာတဲ့ တရုတ်သမ္မတ ဟူကျင်းတောင် ကတော့ ဟောင်ကောင်ကျွန်းကို လွှဲပြောင်းယူခဲ့တဲ့ ၁၅ နှစ် မြောက် အခါသမယနဲ့ တိုက်ဆိုင် နေတာကြောင့် ပျော်ရွှင် ဝမ်းမြောက်စရာ ကောင်းတဲ့ အချိန်အခါ ဖြစ်တယ်လို့ ဆိုရင်း Mr Leung ကို ကြိုဆို ခဲ့ပါတယ်။

ဒါ့အပြင် တရုတ်ပြည်ရဲ့ တပြည်ထောင်၊ စံနစ် နှစ်မျိုးနဲ့ သွားနေတဲ့ ပုံစံဟာလည်း အောင်မြင်တယ်လို့ သူက ဆိုနေပါတယ်။ သူ့ခရီးစဉ် အတွင်း စနေနေ့တုန်းကတော့ တီယန်နမင် ရင်ပြင်မှာ သေဆုံး ခဲ့ရသူတွေ အတွက် စုံစမ်း စစ်ဆေးပေးဖို့ တောင်းဆို ဆန္ဒပြကြသူတွေကို ဟောင်ကောင် ရဲက မျက်ရည်ယို ဓါတ်ငွေ့ spray တွေ သုံးပြီး လူစုခွဲခဲ့ ရပါတယ်။

မစ္စတာ ဟူကျင်းတောင် ဟောင်ကောင်ကို ရောက်လာချိန်ဟာ တရုတ်အစိုးရ အပေါ် လူတွေရဲ့ ယုံကြည်မှု ကျဆင်းနေချိန် နဲ့လည်း တိုက်ဆိုင်နေပါတယ်။

လတ်တလော တရုတ်နိုင်ငံမှာ အိမ်မြေဈေးတွေ စံချိန်တင် မြင့်တက်နေတာ၊ ဆင်ရဲ ချမ်းသာ ကွာဟမှု ကြီးမားတာ၊ ဒီမိုကရေစီ မရှိတာနဲ့ နိုင်ငံရေး သမားတွေရဲ့ အရှက် ရစရာ အဖြစ်အပျက်တွေ လူသိရှင်ကြား ပေါ်ပေါက် လာတာတွေကြောင့် လူအတော်များများက မကျေနပ်မှုတွေ ရှိနေချိန်လည်း ဖြစ်ပါတယ်။

လွှတ်တော်နဲ့ ၈၈ တာဝန်ကိုယ်စီနဲ့ လုပ်ကိုင်

နောက်ဆုံး ရေးသားချိန် 1 ဇူလိုင်လ 2012 - 15:54 GMT

ပြည်သူ့လွှတ်တော် ဥက္ကဌ သူရ ဦးရွှေမန်းနဲ့ ရန်ကုန်မြို့မှာ ဇူလိုင် ၁ က တွေ့ဆုံ ဆွေးနွေးခဲ့တဲ့ ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်က သူတို့ ဆွေးနွေးမှုဟာ ရိုးသားမှုနဲ့ ပွင့်လင်းမှု ရှိတယ်လို့ ဘီဘီစီကို ထုတ်ဖော် ပြောဆို လိုက်ပါတယ်။

လွှတ်တော်တာဝန်ရှိသူတွေဟာ ဥပဒေပြု အာဏာပိုင်အဖွဲ့ ဖြစ်သလို သူတို့ကလည်း လူထုကြား ရှိနေတဲ့ သူတွေ ဖြစ်တာမို့ ပြည်သူ့ဆန္ဒတွေကို ပြောပြနိုင်သလို ပြည်သူတွေ မလိုလားတာတွေကိုလည်း ထောက်ပြ ပြောဆို နိုင်တယ်၊ သူတို့ လုပ်ဆောင် နေတာတွေကို ဦးရွှေမန်းတို့က နားလည်သလို လွှတ်တော်ရဲ့ ဆောင်ရွက်ချက်တွေကိုလည်း ပိုနားလည်အောင် ကြိုးစားသွားမယ်လို့ ကိုမင်းကိုနိုင်က ပြောပါတယ်။

အများပြည်သူကို အကာအကွယ် ပေးနိုင်တဲ့ ဥပဒေသစ်တွေ ပြဌာန်းဖို့ရယ်၊ အများပြည်သူအတွက် ဝန်ထုပ်ဝန်ပိုး ဖြစ်နေတဲ့ ဥပဒေတွေကို ဖျက်သိမ်းဖို့ရယ် အဓိက နှစ်ချက်ကို ဆွေးနွေး ပြောဆို ဖြစ်ခဲ့တယ်လို့ သူက ဆိုပါတယ်။

လွှတ်တော်ကနေ ပြီးခဲ့တဲ့ နှစ်ကြိမ်အတွင်းမှာ ဥပဒေ ၂၆ ခု ပြဌာန်းနိုင်ခဲ့ပြီး၊ လွတ်လပ်စွာနဲ့ ငြိမ်းချမ်းစွာ ဆန္ဒထုတ်ဖော်တဲ့ ဥပဒေ အပါအဝင် တချို့ ဥပဒေတွေ ပြဌာန်း ပေးခဲ့တာဟာ နိုင်ငံတကာမှာတောင် မျက်နှာရစေခဲ့ ပေမယ်လို့ နောက်ဆက်တွဲ လိုအပ်တဲ့ နည်းဥပဒေတွေ သတ်မှတ် ကာလအတွင်း ဆက်လက် ပြဌာန်း သွားနိုင်ဖို့ အရေးတကြီး လိုအပ်တာမို့ အဲဒီလို ထိရောက်စွာ ဆောင်ရွက်နိုင်ဖို့ သီးခြား ဥပဒေ တခုတောင် လွှတ်တော် အနေနဲ့ ရေးဆွဲ ပြဌာန်းဖို့ လိုအပ်တဲ့ အကြောင်းတွေကိုပါ ထောက်ပြ ဝေဖန်နိုင်ခဲ့တယ်လို့လည်း ၈၈ မျိုးဆက် ကျောင်းသား ခေါင်းဆောင်က ဘီဘီစီကို ပြောပါတယ်။

လွှတ်တော် ဥက္ကဌ သူရ ဦးရွှေမန်းကလည်း သူတို့ဟာ ဥပဒေ ကျွမ်းကျင်သူတွေ မဟုတ်တဲ့ အကြောင်းနဲ့ တချို့ကိစ္စတွေမှာ စိတ်သွားတိုင်း ကိုယ်မပါနိုင်တဲ့ ဟာမျိုးတွေ ရှိနေတဲ့ အကြောင်း ရှင်းပြ ပြောဆိုတာမျိုး ရှိခဲ့ပေမယ့် ဘယ်လို အကြောင်းအရာတွေလဲ ဆိုတာကိုတော့ ကိုမင်းကိုနိုင်က အသေးစိတ် ရှင်းလင်း ပြောဆိုတာမျိုး မရှိခဲ့ပါဘူး။

လိုအပ်လာရင် လွှတ်တော် ဥက္ကဌ အပါအဝင် ဒီမိုကရေစီ ဘက်တော်သားတွေ၊ ပြုပြင်ပြောင်းလဲရေးသမားတွေ ဖြစ်ပါက ဘယ်သူ၊ ဘယ်အဖွဲ့အစည်းနဲ့မဆို စကားဝိုင်းဖွဲ့ ဆွေးနွေး ပြောဆိုသွားမှာပဲလို့ ကိုမင်းကိုနိုင်က ဘီဘီစီကို ပြောပါတယ်။

ကင်ညာမှာ ခရစ်ယာန် ဘုရားကျောင်း နှစ်ခု တိုက်ခိုက်ခံရ

ဘုရားကျောင်းစောင့် ရဲ ၂ ဦးလည်း သေဆုံးသွားခဲ့ ပါတယ်

ကင်ညာနိုင်ငံမှာ ခရစ်ယာန် ဘုရားကျောင်း ၂ ခု တိုက်ခိုက်ခံခဲ့ရပြီး၊ အနည်းဆုံး လူ ၁၇ ဦး သေဆုံးသွားတယ်လို့ ကင်ညာ အရာရှိတွေက ပြောကြား လိုက်ပါတယ်။

နိုင်ငံ အရှေ့မြောက်ဘက် မြို့တော် နိုင်ရိုဘီကနေ ဆိုမာလီ နယ်ခြားကိုသွားတဲ့ လမ်းပေါ်မှာရှိတဲ့ ဂရစ်ဆာ ရပ်ကွက်က ချာ့စ်ကျောင်း ၂ ခုထဲကို လက်ပစ်ဗုံးတွေနဲ့ ပထမ ပစ်သွင်းပြီးနောက် သေနတ်သမားတွေက ပစ်ခတ်ခဲ့ကြတာ ဖြစ်ပါတယ်။

အဲဒီ ချာ့စ်ကျောင်းတွေကို စောင့်ကြပ်နေတဲ့ ရဲ နှစ်ဦးလည်း သေဆုံး သွားခဲ့ပါတယ်။

မျက်မြင် တွေ့ရှိသူ တဦး ပြောတာကတော့ လမ်းတွေပေါ်မှာ အခုဆိုရင် လုံခြုံရေးတွေက လွဲလို့ ခြောက်ကပ် တိတ်ဆိတ် နေတယ်လို့ ပြောပါတယ်။

ကင်ညာ နိုင်ငံဟာ ပြီးခဲ့နှစ်က စလို့ ဆိုမာလီ နိုင်ငံထဲမှာ ရှိတဲ့ အစ္စလာမ်မစ် အဲလ်ရှာဘတ် အဖွဲ့ကို စစ်ဆင်မှုတွေ ပြုလုပ်ခဲ့ပြီး နောက်ပိုင်း သူ့နိုင်ငံထဲမှာလည်း တိုက်ခိုက်မှု အတော်များများ ဖြစ်ပွား နေခဲ့တာ ဖြစ်ပါတယ်။

ဝန်ကြီးသုံးပါးရဲ့ နေပြည်တော် သတင်းစာ ရှင်းလင်းပွဲ

ဘင်္ဂါလီ မွတ်ဆလင်တွေကို နိုင်ငံသား အဖြစ်တော့ ပေးမှာ မဟုတ်ဘူးလို့ ဝန်ကြီးက ပြောပါတယ်

မြန်မာနိုင်ငံ ပြည်ထောင်စု ဝန်ကြီး သုံးပါး စုပေါင်းပြီး သတင်းစာ ရှင်းလင်းပွဲ တရပ်ကို နေပြည်တော်မှာ တနင်္ဂနွေနေ့က ပြုလုပ်ခဲ့ ပါတယ်။

စက်မှုဝန်ကြီး ဦးစိုးသိန်း၊ မီးရထားပို့ဆောင်ရေး ဝန်ကြီး ဦးအောင်မင်းနဲ့ လူဝန်မှုကြီးကြပ်ရေး ဝန်ကြီး ဦးခင်ရီ တို့က နေပြည်တော်မှာ သတင်းထောက်တွေနဲ့ တွေ့ဆုံပြီး၊ အစိုးရရဲ့ လုပ်ဆောင်ချက်တွေနဲ့ ပတ်သက်ပြီး၊ မေးသမျှ တွေကို ရှင်းပြ ဖြေကြားပေးခဲ့ တာဖြစ်ပါတယ်။

လဝက ဝန်ကြီး ဦးခင်ရီကတော့ ရခိုင်ပြည်နယ်က မွတ်ဆလင်တွေ အကြောင်းရှင်းပြရာမှာ၊ အဲဒီမှာ ဘင်္ဂါလီ မွတ်ဆလင်တွေ ၁၀ သိန်းလောက် ရှိကြောင်းနဲ့ နေထိုင်ခွင့် အဖြူရောင် ကဒ်တွေ ပေးထားတဲ့ မွတ်ဆလင်တွေက ၁ သိန်း ၂ သောင်းလောက် ရှိတယ်လို့ ဆိုပါတယ်။

အဲဒီသူတွေကို နိုင်ငံသား အဖြစ်တော့ ပေးမှာ မဟုတ်ကြောင်း၊ နောက်ပြီး အဲဒီက အခြေအနေတွေနဲ့ ပတ်သက်ပြီး ကွင်းဆင်း လေ့လာဦးမှာ ဖြစ်ကြောင်းကိုလည်း ဦးခင်ရီက ပြောကြားသွား တယ်လို့ အဲဒီမှာ သတင်းသွားယူခဲ့တဲ့ သတင်းထောက် တဦးက ဘီဘီစီကို ပြန်ရှင်းပြပါတယ်။

မီးရထားဝန်ကြီး ဦးအောင်မင်းကတော့ ကေအိုင်အေ ကိစ္စနဲ့ ပတ်သက်ပြီး အခြေအနေ ကောင်းလာပြီး၊ အောင်မြင်ဖို့ ရှိကြောင်းနဲ့ သူ့အနေနဲ့ ထာဝရ ငြိမ်းချမ်းရေး အဆင့်အထိကို ရည်မှန်းထား ကြောင်း ပြောကြားသွားတယ်လို့ ဆိုပါတယ်။

မြန်မာနိုင်ငံမှာ ရင်းနှီးမြှုပ်နှံမှုတွေ လုပ်ရေးနဲ့ ပတ်သက်ပြီး၊ ဝန်ကြီးဦးစိုးသိန်းက ရင်းနှီးမြှုပ်နှံမှု နည်းဥပဒေတွေ ထွက်လာမယ့် အချိန်ကို စောင့်မနေဘဲ လာရောက် ရင်းနှီးကြ ဖို့ကို ပြောကြား သွားခဲ့ ပါတယ်။

ဟောင်ကောင် အုပ်ချုပ်ရေးမှူးသစ် ကျမ်းကျိန်

By ဗွီအိုအေ (မြန်မာဌာန)

• လူဦးရေ ၇ သန်းရှိတဲ့ ဟောင်ကောင်ရဲ့ အုပ်ချုပ်ရေးမှုအသစ် ဖြစ်လာသူဟာ ဒီကနေ့ ကျမ်းသစ္စာ ကျိန်ဆိုခဲ့ပါတယ်။ ဗြိတ်ိသျှပိုင် ကိုလိုနီကျွန်းနိုင်ငံအဖြစ်ကနေ တရုတ်နိုင်ငံကို ပြန်လည်လွှဲပြောင်း ပေးခဲ့အပြီး (၁၅) နှစ်ပြည့်မြောက်တဲ့ အချိန်မှာကျင်းပတဲ့ အဲဒီ ကျမ်းသစ္စာ ကျိန်ဆိုတဲ့အခမ်းအနားကို တရုတ်သမ္မတ ဟူကျင်းတောင် ကိုယ်တိုင်တက်ရောက်ခဲ့ပြီး လုံခြုံရေးတွေ တင်တင်းကျပ်ကျပ် ချထားတယ်လို့ သိရပါတယ်။

သမ္မတ ဟူကျင်းတောင် က တရုတ်အစိုးရအနေနဲ့ ဟောင်ကောင်ရဲ့ လွတ်လပ်တဲ့ လူမှုအဖွဲ့အစည်းကို ထောက်ခံသလို နိုင်ငံတခုအတွင်း စနစ် ၂ မျိုး ကျင့်သုံးတဲ့မူဝါဒကို ဆက်လက်ကျင့်သုံး အကောင်ထည် ဖော်သွားမယ်လို့ ပြောပါတယ်။

အုပ်ချုပ်ရေးမှူးအသစ် ဖြစ်တဲ့ မစ္စတာလီယောင်ချွန်ယင်း (Leung Chun-ying) ကလည်း သူ့အစိုးရဟာ ဟောင်ကောင် ပြည်သူတွေရဲ့ ဆန္ဒအတိုင်း အကောင်ထည်ဖော် လုပ်ဆောင်သွားမှာပါလို့ ပြောဆိုပါတယ်။

ဒီအတောအတွင်း တကိုယ်တော်ဆန္ဒပြသူတဦးက မတ်တက်ရပ်ပြီး တရုတ်နိုင်ငံမှာ တပါတီ အာဏာရှင်စနစ်ကို ဖျက်သိမ်း ပေးဖို့ဆိုပြီး သမ္မတ ဟူကျင်းတောင်ကို ကန့်ကွက် ဆန္ဒပြခဲ့ပါတယ်။ မကြာခင်မှာ သူ့ကို လုံခြုံရေး ရဲတွေက ခေါ်ဆောင်သွားတယ်လို့ သိရပါတယ်။

အုပ်ချုပ်ရေးမှူး အသစ်ဖြစ်တဲ့ လီယောင်ချွန်ယင်း ဟာ ချမ်းသာကြွယ်ဝတဲ့ စီးပွားပိုင်ဆိုင်မှုဆိုင်ရာ အတိုင်ပင်ခံ တဦးဖြစ်ပြီး သူဟာ အုပ်ချုပ်ရေးမှူးဟောင်း ဒေါ်နယ်လ်ဆန်း (Donald Tsang) ထံကနေ တာဝန်ကို လွှဲပြောင်းရယူ ရမှာဖြစ်ပါတယ်။

အုပ်ချုပ်ရေးမှူးအသစ်ဖြစ်သူ လီယောင်းဟာ ပြည်မကြီးက တရုတ် အစိုးရနဲ့ အလွန်နီးစပ်သူ ဖြစ်တယ်ဆိုပြီး ဝေဖန်တာကို ခံနေရသူဖြစ်ပါတယ်။

သောင်းပေါင်းများစွာရှိတဲ့ ဟောင်ကောင် ပြည်သူတွေဟာ ဇူလိုင်လ ၁ ရက်နေ့ နှောင်းပိုင်းမှာ လမ်းမတွေပေါ်ထွက်ပြီး ဆန္ဒပြကြဖို့ ရှိနေပါတယ်။ ဒါဟာ ပုံမှန်နှစ်စဉ် ဆန္ဒပြကြတဲ့အတိုင်း တရုတ်နိုင်ငံကနေ ဟောင်ကောင်ကို ပိုမိုလွတ်လပ်ခွင့် ပေးဖို့နဲ့ ဆင်းရဲ ချမ်းသာ ကွာဟမှု တိုးမြင့်လာတာကို မကျေနပ်ကြတဲ့အတွက် ဆန္ဒပြကြတာ ဖြစ်ပါတယ်။

အမေရိကန် အရှေ့ပိုင်း မုန်တိုင်း လူ ၁၂ ဦးသေ

By ဗွီအိုအေ (မြန်မာဌာန)

• အင်အားပြင်းတဲ့ မုန်တိုင်းတခု အမေရိကန်နိုင်ငံ အရှေ့ဘက်အခြမ်းကို သောကြာနေ့ညက ၀င်တိုက်သွားတာကြောင့် လူ ၁၂ ဦး သေဆုံးပြီး ၃ သန်းကျော် လျှပ်စစ်မီး ပြတ်တောက်မှုနဲ့ ကြုံနေရပါတယ်။

တိုင်းပြည် အရှေ့ဘက်ခြမ်းတလျှောက် မကြုံစဖူး ထူးကဲတဲ့ အပူဒဏ်ကို ခံရပြီးနောက် ညပိုင်းမှာ အဲဒီ အားပြင်းတဲ့ မုန်တိုင်း တိုက်ခတ်ခဲ့တာကြောင့် သစ်ပင်တွေကျိုးကျပြီး လျှပ်စစ်မီးတွေ ပြတ်တောက်ခဲ့တာပါ။ ဒေသခံ ပြည်သူတွေ အခက်အခဲနဲ့ ရင်ဆိုင်နေရတာကြောင့် မြို့တော် ၀ါရှင်တန် ဒီစီ အပါအ၀င် အနီးအနားမှာရှိတဲ့ မယ်ရီလန်း (Maryland)၊ ဗာဂျီးနီးယား (Virginia)၊ ၀က်စ်တ်ဗာဂျီးနီးယား (West Virginia) နဲ့ Ohio (အိုဟိုင်းအိုး) ပြည်နယ်တွေမှာ အာဏာပိုင်တွေက အရေးပေါ် အခြေအနေ ကြေညာခဲ့ပါတယ်။

အရေးပေါ် အခြေအနေ ကြေညာလိုက်ခြင်းအားဖြင့် ပြည်နယ်အုပ်ချုပ်ရေးမှူး အနေနဲ့ အစိုးရမှာရှိတဲ့ ထောက်ပံ့ရေးပစ္စည်းနဲ့ အကူအညီတွေကို ပြည်သူတွေထံ အလျင်အမြန် ပို့ပေးနိုင်အောင် လုပ်ဆောင်နိုင်မှာ ဖြစ်ပါတယ်။

မုန်တိုင်းကြောင့် ကျိုးကျတဲ့ သစ်ပင်တွေပိပြီး ဗာဂျီးနီးယားပြည်နယ်မှာ ၆ ယောက်၊ နယူးဂျာဆီ (New Jersey) နဲ့ မယ်ရီလန်း ပြည်နယ်တို့မှာ ၂ ယောက်စီနဲ့ အိုဟိုင်းအိုး နဲ့ ကင်န်တက်ကီ (Kentucky) ပြည်နယ်တို့မှာ တယောက်စီ အသီးသီး သေဆုံးခဲ့တာပါ။

ဒီပြည်နယ်တွေမှာ ပြတ်နေတဲ့ လျှပ်စစ်မီးဟာ ရက်အတော်ကြာနိုင်တယ်လို့ သက်ဆိုင်ရာ တာဝန်ရှိသူတွေက ပြောပါတယ်။

တရုတ်သမ္မတဟူကျင်းတောင် ဟောင်ကောင်အစိုးရသစ် ကျမ်းသစ္စာကျိန်ဆိုပွဲ တက်ရောက်မည်

By ဗွီအိုအေ (မြန်မာဌာန)

• တရုတ်သမ္မတ ဟူကျင်းတောင်ဟာ ဟောင်ကောင် အစိုးရသစ် ကျမ်းသစ္စာ ကျိန်ဆိုပွဲကို တက်ရောက်မှာဖြစ်ပြီး တရုတ်အုပ်ချုပ်မှု လက်အောက် ပြန်လည် ရောက်ရှိတာ (၁၅) နှစ်မြောက် အထိမ်းအမှတ်တွေ ကျင်းပနေတဲ့ ဟောင်ကောင်ကို သွားရောက်နေပါတယ်။

တရုတ်အစိုးရနဲ့ သဘောထားကွဲလွဲသူ လီဝမ်ယမ်း ဒီလမှာပဲ မသင်္ကာဖွယ် သေဆုံးသွားရမှုနဲ့ ပတ်သက်ပြီးတော့ အကြောင်းပြချက် ပေးဖို့ကို တောင်းဆို ဆန္ဒပြကြသူတွေကိုတော့ ရဲက လူစုခွဲခဲ့ပါတယ်။ သေဆုံးသူ လီ ဟာ အလုပ်သမားအခွင့်အရေး ကြိုးပမ်းသူ တဦးဖြစ်ပြီး ၁၉၈၉ ခုနှစ် တီယာနန်မင် (Tiananmen) ရင်ပြင် ဆန္ဒပြပွဲတွေကို ဦးဆောင်ခဲ့သူတဦးလည်း ဖြစ်ပါတယ်။

သတင်းထောက်တဦးကလည်း သမ္မတ ဟူ ကို တီယာနန်မင် ရင်ပြင် နှိမ်နင်းမှုနဲ့ ပတ်သက်ပြီး မေးခွန်းထုတ်ခဲ့လို့ ခဏ ထိန်းသိမ်းခံခဲ့ရပါတယ်။ စနေနေ့က ပြောကြားသွားတဲ့ သမ္မတရဲ့ မိန့်ခွန်းထဲမှာတော့ သမ္မတ ဟူက ဟောင်ကောင်က အစိုးရသစ်ကို ယုံကြည်အားထားပါကြောင်း ပြောသွားပါတယ်။ တရုတ်ပြည်မကြီးနဲ့ ဟောင်ကောင်ရဲ့ နီးကပ်တဲ့ ဆက်ဆံရေးကိုလည်း သမ္မတက ချီးကျူးသွားတာပါ။

မစ္စတာ ဟူဟာ ဟောင်ကောင်ကို သုံးရက်ခရီးစဉ်အဖြစ်နဲ့ သောကြာနေ့မှာ ရောက်လာတာ ဖြစ်ပြီးတော့ ဒီကနေ့ ကျင်းပမယ့် အစိုးရသစ်ရဲ့ ကျမ်းသစ္စာ ကျိန်ဆိုပွဲကို တက်ရောက်မှာဖြစ်ပါတယ်။