Nov 5' 1995 က သတင်းဖျောက် ပျောက်ကွယ်ခဲ့သော ဂုဏ်ပြုသင့်သူနှစ်ဦး

Kyaw Nyein Oo

DF 1235 တစ္ဆေ (သို့) ဘယ်လိုခေါ်ရမလဲ
၂၈-၄-၂၀၁၂ ကြေးမုံသတင်းစာ စာမျက်နှာ(၆) ကို ဖတ်မိရာ မဟောင်းသွားတဲ့သမိုင်းက အသစ်ဖြစ်လို့လာပြန်ပါတယ်။ မီးရထားသည် အခြားယာဉ်များကဲ့သို့ သွားလိုရာသ...ို့ စက်ခေါင်းမောင်းက မကွေ့နိုင်ပါ။ မြေပြင်ရှိ တာဝန်ရှိသူက လမ်းလွှဲပေး ရသည်။ အမြန်ရထားဆိုလျှင် သုံးဘူတာကြိုတင်၍ လမ်းရှင်းထားရသည်။ အလံချိုးရသည်။ စက်ပျက်နေပါက မီးနှင့်အချက်ပြ ရသည်။ မြန်မာ့မီးရထားက ကျင့်သုံးနေသောဥပဒေသည် မတော်တဆမှုကာကွယ်ရေးအတွက် စိတ်ချရအောင်ကာကွယ် ထားသည်။ ၀န်ထမ်းများက တိတိကျကျ ဆောင်ရွက်ရန်သာရှိသည်။ ၁၉၉၅ ခုနှစ် နိုဝင်ဘာလ ၅ ရက်၊ ည ၁၁ နာရီ ၃၅ မိနစ်တွင် ကျယ်လောင်စူးရှသော ဘရိတ်ဆွဲသံသည် ပြည်ဝင်ဘူတာနှင့် ပတ်ဝန်းကျင်ရှိလူသားများစွာကို အံ့သြတုန်လှုပ် စေခဲ့သည်။ အိပ်မောကျစွာ လိုက်ပါလာခဲ့သော ရထားစီးခရီးသွားများကို နိုးထစေခဲ့သည်။ DF 1235 အမှတ်(၁၆)အစုန် အမြန်ရထား(SE) နှင့် ရပ်ထားသော ကြံချောင်းများ ကုန်အပြည့်တင်ထားသည့် YB 547 တို့ ပြင်းထန်စွာ တိုက်မိကြခြင်း ဖြစ်သည်။ ဤသို့ တိုက်မိရခြင်းမှာ စက်ခေါင်းမှူးများ၏ အမှားမဟုတ်ပါ။ DF 1235 ၀င်လာရခြင်းသည် ရထားမိုင်နှုန်း အတိုး အလျော့ မှန်ကန်ခြင်း၊ အချက်ပြအလံ ၄၅ံ အထက်ချိုးထားခြင်း၊ လမ်းရှင်းလက်မှတ် အမှတ်(၅၂)ကို လက်ဝယ်ရရှိခြင်း တို့ကြောင့်ဖြစ်သည်။ လမ်းခွဲအမှားသွင်းခံရခြင်းသာ ဖြစ်သည်။ ဤသို့ လမ်းခွဲအမှားသွင်းခံရခြင်းကို ၁၉၉၅ ခု၊ နှစ်ဆန်းပိုင်းက ကြုံတွေ့ခဲ့သော်လည်း လမ်းအဖြောင့်ဖြစ်၍ ကြိုတင်သိရှိရပ်ဆိုင်းနိုင်ခဲ့သည်။ ယခု ပြည်ဝင်ဘူတာသည် လမ်းအကွေ့ဖြစ်၍ ကြိုတင်မမြင်ရခြင်း၊ သိသောအချိန်နှင့် တိုက်မိသောအချိန်သည် ၁၁ စက္ကန့်သာရှိခြင်းကြောင့် အချိန်မမှီနိုင်တော့ပေ။ လူသားမှန်သမျှ သေရမည်ကိုကြောက်ကြသည်။ မိမိတို့ အသက်တစ်ချောင်းအတွက် ကိုယ်လွတ်ရုန်းပြေးလျှင် လွတ်နိုင် သည့် အချိန်လုံလောက်သည့်ပမာဏ ဖြစ်သည်။ သို့သော်လည်း ခရီးသည်ပေါင်းများစွာ၏ အသက်၊ နိုင်ငံပိုင်ပစ္စည်းများ ဆုံးရှုံးမှုကို ကာကွယ်ရင်း လမ်းရှင်းလက်မှတ်ကို ယူပြီး ကြိမ်ကွင်းကိုတောင် ပြန်မပေးရသေးတဲ့ ဦးမောင်မောင်၊ လက်တစ် ဖက်က တွဲဆိုင်းဘရိတ်ကို ဖမ်းပြီး ကျန်လက်တစ်ဖက်က စက်ခေါင်းဘရိတ်ကို ဖမ်းလျှက်သား ဦးသန်းဦး နဲ့ ဦးမောင်မောင် တို့နှစ်ဦးဟာ အသက်နှစ်ချောင်းနဲ့လဲပြီး ရတဲ့အချိန်ကလေးမှာ အတတ်နိုင်ဆုံး ကြိုးစားသွားခဲ့ကြတယ်။ ဦးသန်းဦးက အသက် ၄၁ နှစ် အလယ်တန်းပညာမပြီးဆုံးသေးတဲ့ ကလေးနှစ်ဦး၊ ဦးမောင်မောင်က အသက် ၄၀ နှစ် မူလတန်း ပညာမပြီးဆုံး သေးတဲ့ ကလေးသုံးဦး ကို ချန်ထားခဲ့ကြတယ်။ အမှောင်ကြသွားတဲ့ မိသားစုတွေ တနှစ်တိတိ မီးရထားလိုင်းခန်းမှာ နေထိုင် ခွင့်ပေးပြီးနောက် လိုင်းခန်းကို ဖယ်ပေးခဲ့ရတယ်။ လိုင်းခန်းမှာ ဆက်နေချင်ရင် မီးရထားထဲကို အလုပ်ပြောင်းရမယ်တဲ့။ လူသားနှစ်ဦးရဲ့ အသက်ကိုကယ်တင်ခဲ့တဲ့ “ မမ ” သူရဲကောင်းတွေလို ခရီးသွားအားလုံး (နိုင်ငံခြားသားခရီးသည်များ) အပါအ၀င် အသက်ပေါင်းများစွာကို ကယ်တင်ခဲ့တဲ့ စွန့်လွှတ်စွန့်စားခဲ့တဲ့ သူရဲကောင်းနှစ်ဦး ကိုတော့… ဘယ်လိုခေါ်မလဲ ? ၁၇-၁၁-၁၉၉၅ မလွှကုန်းစက်ရုံမှာ လုပ်တဲ့တွေ့ဆုံပွဲတုံးကတော့ သူတို့အချင်းချင်း ပြောနေ တာက “ဒါမျိုးဆိုရင် တပ်မတော် ထဲမှာသာဆို သူရဘွဲ့ပေးမှာတဲ့… ခုတော့ ၀န်ထမ်းတွေဖြစ်လို့….” ကျန်ရစ်သူတွေခမျာ သတင်းစာမှာ နာရေးသတင်းထည့် တာတောင် “တာဝန်ထမ်းဆောင်ရင်း ရုတ်တရက်ကွယ်လွန်” ဆိုတဲ့ စာသားကို ဖြုတ်ပေးမှ ထည့်ပေးနိုင်မယ်ဆိုလို့ ရင်နင့်စွာနဲ့ပဲ ဖြုတ်ပေးလိုက်ရပါတယ် ခင်ဗျာ