ဗားကလပ်ဟာဗဲရဲ့ အင်တာဗျူး
|
1:05 AM |
No မှတ်ချက် |
by မင်းခက်ရဲ (Min Khet Ye) on Monday, May 7, 2012 at 10:05pm ·
ဒီမိုကရေစီအကူးအပြောင်းကာလ တရားမျှတမှု
ချက်ကိုစလိုဗက်ကီးယားမှာ ကွန်မြူနစ်တွေက ညွန့်ပေါင်းအစိုးရကို ဖိအားပေးပြီး ၁၉၄၈ဖေဖော်ဝါရီမှာ အာဏာကို ရယူလိုက်တယ် ။ ဆိုဗီယက်ပုံစံကိုယူပြီး ပါတီက နိုင်ငံတော်ကို ထိန်းချုပ်တယ် ။ ကွန်မြူနစ်တွေအုပ်ချုပ်စဉ်မှာ အဓမ္မလုပ်အားပေးခိုင်းစေမှုဆိုတာ သာမန်ဖြစ်ရိုးဖြစ်စဉ်လိုဖြစ်လာတယ် ။ စီးပွားရေးနဲ့ စိုက်ပျိုးရေးလုပ်ငန်းတွေကို နိုင်ငံတော်ပိုင်သိမ်းလိုက်တယ် ။ သူတို့စကားနဲ့ပြောမယ်ဆိုရင်တော့ ပြည်သူပိုင်သိမ်းလိုက်တယ်လို့်ပဲဆိုရမယ်။ အက်စ်တီဘီ(StB)လို့ ခေါ်တဲ့ လျို့ဝှက်ရဲတွေက နိုင်ငံသားတွေကို သူတို့ရဲ့ အိမ်တွေကနေစပြီး အလုပ်တွေထဲအထိ ထိန်းချုပ်ထားတယ် ။ မတရားဖမ်းဆီမှုဆိုတာ အမြဲဖြစ်ပေါ်နေတာ။ ဘာသာေ၇း ၊ ယဉ်ကျေးမှု ၊ သတင်းမီဒီယာနဲ့ ၊နိုင်ငံခြားခရီးသွားမှုတွေကို တင်းတင်းကြပ်ကြပ်ထိန်းချုပ်ထားတယ်။ ၁၉၅၀ကာလလောက်မျာ ကွန်မြူနစ်ပါတီထဲမှာ သန့်စင်ေ၇းလုပ်တယ် ။ ဘူဇွာ အမျိုးသာရေးဝါဒီတွေကို သန့်စင်ခြင်းလို့ ဆိုကြတယ်။ ၁၉၄၈ကနေ ၅၆ ခုနှစ် ၈နှစ်တာအတွင်း နိုင်ငံရေးအကျဉ်းသားပေါင်း တစ်သိန်းကျော် ထောင်ချခံရတယ် ။
အလုပ်အကျဉ်းစခန်းတွေကို ပို့ခံရတယ် ။ အစိုးရတပ်တွေကြောင့် ထောင်ပေါင်းများစွာ အသတ်ခံ၇တယ် ။ ၁၉၅၀ခုနှစ်မှာတော့ ချက်ကိုစလိုဗက်ကီးယားကွန်မြူနစ်ပါတီကို ဆိုဗီယက်တွေက ဖိအားပေးလာတယ် ။ ဆိုဗီယက်ခရူးရှက်ရဲ့ အပြောင်းအလဲအတိုင်း ချက်ကိုစလိုဗက်ကီးယားကွန်မြူနစ်ပါတီကို ပြောင်းလဲဖို့ ဖိအားပေးမှုကို တန်ပြန်ခုခံကြတယ် ။ ၁၉၆၀မှာတော့ ပါတီတွင်းပြုပြင်ပြောင်းလဲရေးလှုပ်ရှားမှု နိုင်ငံအနှံ့ကျယ်ပြန့်လာတယ်။ စီးပွားရေးအခြေအနေယိုယွင်းလာတာရယ် ၊ နိုင်ငံပြင်ပက နိုင်ငံရေးလမ်းကြောင်းတွေရယ်ကြောင့်ဖြစ်လာတာပါပဲ ။ စီးပွားရေးပရိုဂရမ်အသစ်အကြောင်းဆွေးနွေးတယ် ။ယခင်ကသန့်စင်ခံလိုက်တဲ့ လူတွေပြန်လည် နိုးထလာတယ်။ ၁၉၆၈မှာ ကွန်မြူနစ်ပါတီ အကြီးအကဲ အမ်ထော်နီ နိုဗိုညီက ပြုပြင်ရေးလှုပ်ရှားမှုတွေရပ်တန့်အောင်ကြိုးစားပေမယ့် အောင်မြင်အောင်မရပ်တန့်နိုင်ဘူး။ အလဇန္ဒား ဒပ်ဆပ်ခ်က သူ့နေရာယူလိုက်တယ်။ ၁၉၆၈ ပြုပြင်ရေးလှုပ်ရှားမှုတွေဟာ ပ၇က်နွေဦးလှုပ်ရှားမှုလို့ အမည်တွင်တယ် ။ ဒပ်ဆပ်ခ်က စိစစ်ရေးကို ဖြုတ်လိုက်တယ် ။ တဖြည်းဖြည်းနဲ့ ဒီမိုကရေစီနဲ့ စီးပွားရေးပြုပြင်ပြောင်းလဲရေးတွေ လုပ်သွားမယ်လို့လည်း ကတိပေးတယ်။ ဒါပေမယ့် သြဂတစ် ၂၀ရက်မှာ ပရက်နွေဦး ပျက်စီးသွားတယ် ။ ဆိုဗီယက်၊ ဟန်ဂေရီ၊ ပိုးလစ်နဲ့ ဘူးဂေးရီယန်တပ်တွေ ကျူးကျော်လာပြီး ချက်ကိုစလိုဗက်ကီးယားကို သိမ်းပိုက်လိုက်တယ် ။ ၁၉၆၉ ဧပြီမှာ ဒပ်ဆပ်ခ်ကို ဖယ်ရှားလိုက်ပြီး သူ့နရာ ဂူးစတပ် ဟူးစတပ်ဝင်လာတယ် ။ ချက်ကိုစလို ဗက်ကီးယားကို မူလအခြေအနေကွန်မြူနစ်စနစ်ကို ပြန်ရောက်အောင်လုပ်လိုက်တယ်။ ၁၉၈၀ကာလအတွင်း ဆိုဗီယက်နိုင်ငံအတွင်း ဒီမိုကရေစီပြုပြင်ပြောင်းလဲေ၇းတွေ နဲ့ အရှေ့ဥရောပ အလယ်ပိုင်း နိုင်ငံရေးအခြေအနေတွေက ချက်ကိုစလိုဗက်ကီးယားကို နှိုးဆွတယ် ။ စီးပွားရေး ယိုယွင်းပျက်စီးမှုကလည်း ဒါကို ပြုပြင်ပြောင်းလဲရေးတွေလုပ်လာဖို့အတွက် အထောက်အပံ့ပေးတယ်ဆိုရမယ် ။လွတ်လပ်တဲ့ အုပ်စုတွေက ပြုပြင်ပြောင်းလဲမှုတွေအတွက် ဆန္ဒပြမှုတွေကို စီစဉ်တယ် ။ ၁၉၈၉ နိုဝင်ဘာ ၁၇ရက်နေ့မှာ ကျောင်းသားဆန္ဒပြမှုကို ရဲတွေက ရက်ရက်စက်စက်အကြမ်းဖက်နှိမ်နင်းတယ် ။ ပရက် ၀န်ဆက်စလာရင်ပြင်မှာ ၉ရက်တိတိငြိမ်းချမ်းစွာ ဆန္ဒပြမှုတွေ ယောက်ယက်ခေတ်သွားတယ် ။ လူထုကြားထဲမှာလည်း အတော်ကလေး လှုပ်ရှားသွားတယ် ။ နိုဝင်ဘာလ ၂၅ရက်နေ့မျာ လူဦးရေး ၇၅၀၀၀လောက်အထိတိုးပွားလာတယ် ။ နိုဝင်ဘာ၂၇ရက်နေ့မှာ အလုပ်သမားတွေ အထွေထွေ သပိတ်ဆင်နွှဲတယ် ။ ဒီဇင်ဘာလအကုန်မှာတော့ ကတ္တီပါတော်လှန်ရေးလို့နာမည်တွင်တဲ့ လှုပ်ရှားမှုက ဟူးဆက်ကို ရာထူးက နှုတ်ထွက်စေပြီး ကွန်မြူနစ်စနစ်ပြိုကျသွားခဲ့တယ် ။ ပြဇာတ်ရေးဆရာ ၊ လူထုခေါင်းဆောင်၊ လူ့အခွင့်အရေး အုပ်စုတွေကို တွဲဖက်တည်ထောင်သူ ဗားကလက်ဟာဗဲလ်ဟာ သမ္မတအဖြစ်ခန့်အပ်ခြင်းခံရတယ် ။ မတရားရှာဖွေ ဖမ်းဆီးမှု ၊ သိမ်းပိုက်မှုမှန်သမျှ ရပ်ဆိုင်းသွားတယ် ။ ဥပဒေသစ်က မျှတတဲ့ ဥပဒေဖြစ်စဉ် ၊ လွတ်လပ်စွာပြောဆိုခွင် ၊ ထုတ်ဖော်ပိုင်ခွင့် ၊ အဖွဲ့အစည်း ဖွဲ့စည်းပိုင်ခွင့် ၊ ပုံနှိပ်ထုတ်ဝေပိုင်ခွင့် တွေကို ပေးလိုက်တယ် ။ နိုင်ငံရေးပြစ်မှုဆိုတာ မရှိအပ်တဲ့ အရာဖြစ်လာခဲ့ပြီ။ အစိုးရသစ်ဟာ ကွန်မြူနစ်တွေ မတရားလုပ်ခဲ့တာတွေနဲ့ ရင်ဆိုင်ရတယ် ။ သမ္မတဟာဗယ်က ကွန်မြူနစ်အစိုးရ မတရားအကျဉ်းချခဲ့တဲ့ အကျဉ်းသားပေါင်း နှစ်သောင်းကို လွှတ်ပေးခဲ့တယ် ။ လျို့ဝှက်ရဲStBတွေရဲ့ ဖိုင်မှာ ကွန်မြူနစ်အစိုးရ သတင်းပေးနဲ့ ပူးပေါင်းဆောင်ရွက်ခဲ့တဲ့ လူပေါင်း တစ်သိန်းလောက်ရှိတယ်ဆိုတာကို တွေ့ရတယ်။ ကွန်မြူနစ်အစိုးရ မတရားလုပ်ခဲ့သမျှကို တရားမျှတမှုပြန်လည်ရှာဖွေတဲ့သဘောနဲ့ “သန့်စင်ရေး ဥပဒေ (Law on Lustration)ကို ၁၉၉၁မှာ ပါလီမန်က ပြဌာန်းတယ် ။ဟာဗယ်က ဒီဥပဒေကို မကြိုက်ဘူး ။ ကန့်ကွက်နေတဲ့ကြားကနေ အတည်ဖြစ်သွားတယ်ဆိုရမယ် ။ သန့်စင်ရေးဥပဒေက ကွန်မြူနစ်အစိုးရ၀င်တွေ ၊ ကွန်မြူးနစ်အစိုရနဲ့ ပူးပေါင်းဆောင်ရွက် ခဲ့သူတွေကို ရွေးကောက်ပွဲဝင်ခွင့်နဲ့ နိုင်ငံတော်ရဲ့ အရေးပါတဲ့ နေရာတွေရယူမှုမှာ လုပ်ခွင့်မရှိကြောင်း တားမြစ်ပိတ်ပင်တဲ့ ဥပဒေပါပဲ ။ ဒီဥပဒေဟာ ၁၉၉၆ ဇန်န၀ါရီလအထိ အတည်ဖြစ်ခဲ့တယ် ။ ဥပဒေ စတင် အတည်ပြုတဲ့ အခါ နိုင်ငံတကာ အသိုင်းအ၀ိုင်းက အတော်ကလေးဝေဖန်ကြတယ် ။၁၉၉၂မှာ ဖွဲ့စည်းပုံအခြေခံဥပဒေဆိုင်ရာ တရားရုံးက ယခင် StBနဲ့ ပူးပေါင်းခဲ့တဲ့ သူတွေအားလုံးကို အစိုးရနေရာကနေဖယ်ရှားရေး စတင်ခဲ့တယ် ။ အာဏာရှင်စနစ်ကနေ ဒီမိုကရေစီ ပြောင်းလဲမှုမှာယခင်အစိုးရ လုပ်ခဲ့သမျှအတွက်တရားမျှတမှုကို ပြန်လည်ရှာဖွေတဲ့နေရာ ကြေးအေးခြင်းထက် လက်စားချေခြင်း ပမာဏဟာ လိုတာထက်ပိုများနေတယ်။ ၁၉၉၀မှာ ချက်ကိုစလိုဗက်ကီးယားဟာ ချက်နဲ့ စလိုဗက်နိုင်ငံ နှစ်နိုင်ငံအဖြစ်ပြောင်းလဲလိုက်တယ် ။ ၁၉၉၃မှာ စလိုဗက်ဟာ တရားသီးခြားနိုင်ငံတစ်နိုင်ငံအဖြစ်ရပ်တည်လာတယ် ။ သန့်စင်ရေးဥပဒေဟာ ချက်နိုင်ငံမှာ ဆက်လက်လုပ် ကိုင်ပေမယ့် စလိုဗက်နိုင်ငံမှာတော့မလုပ်ကိုင်တော့ဘူး ။ ၁၉၉၃ သြဂတ်စ်မှာလူပေါင်း နှစ်သိန်းတစ်သောင်းလောက်ကို စိစစ်ကြည့်တဲ့ အခါ တစ်သောင်လောက်က ကွန်မြူနစ်အစိုးရနဲ့ ပူးပေါင်းဆောင်ရွက်ခဲ့သူတွေ ဆိုတာတွေ့ရတယ် ။ တရားရုံးမှာ သူတို့တွေထဲက လူ၇၀လောက်က ဥပဒေနဲ့ ပြန်ရင်ဆိုင်တဲ့ အခါ ၆၅ယောက်က အောင်မြင်ခဲ့တယ် ။ စစ်တပ်ထဲမှာလည်း ယခင်ကွန်မြူနစ်အစိုးရနဲ့ နိုင်ငံရေးအရလုပ်ကိုင်ခဲ့ မခဲ့ကို စိစစ်တယ် ။ ၁၉၃ ဂျွန်လိုင် ၉ရက်နေ့မှာ ချက် က ကွန်မြူနစ်အုပ်ချုပ်ရေးကာလအတွင်း တရားမ၀င်မှုများ ဆိုတဲ့ ဥပဒေကို ထပ်ပြီးပြဌာန်းတယ် ၁၉၄၈ကနေ ၁၉၈၄အတွင်းမှာ နိုင်ငံရေးဆိုင်ရာ ရာဇ၀တ်ပြစ်မှုကျူးလွန်ခဲ့သူတွေကို အပြစ်ပေးဖို့ပဲ ။ စလိုဗက်ကီးယားမှာတော့ ချက်နဲ့မတူဘူး ။ သူတို့ရဲ့ ၀န်ကြီးချုပ်က ဗာလာဒီမာ မတ်စီးယေးပဲ ။ ဟာဗယ်လိုပဲ ။ သန့်စင်ရေးဥပဒေကို လက်မခံဘူး ။ ဒါပေမယ့် ချက်နဲ့ကွာတာက ပါလီမာန်ကလည်း ဒီဥပဒေကို အသက်မသွင်းဘူး ။ ဒါပေမယ့် မတ်စီယေးကို ဆက်ခံသူ ဂျိုဇက် မိုရက်ဗ်စစ်ကတော့ ကွန်မြူနစ်အစိုးရနဲ့ ပူးပေါင်းဆောင်ရွက်ခဲ့သူတွေကို ပြန်စစ်ထုတ်ဖို့ ကြိုးစားလာတယ် ။ ဒါပေမယ့် ချက်ချင်းမဟုတ်ဘဲ ၂၅နှစ်ရွေ့ဆိုင်းအဖြစ် ပြောင်းလဲလိုက်တယ်။ ချက်မှာ နောက်ထပ်လုပ်တဲ့ အလုပ်တစ်ခုက နိုင်ငံရေးအရနစ်နာခဲ့သူတွေကို လျော်ကြေးပေးတာပဲ ။ နစ်နာမှုတွေအတွက် လျောက်ထားသူပေါင်း ၂၁၈,၀၀၀ ရှိတယ် ။ လူပေါင်း ၇သောင်းလောက်ကို လျော်ကြေးပေးရာမှာ အမေရိကန် ဒေါ်လာ သန်း ၉၀ကုန်ကျတယ် ။ စလိုဗက်ကလည်း ၁၉၉၃မှာ ဘုရာရှစ်ခိုးကျောင်းတွေကို သိမ်းဆည်းခဲ့မှုအပေါ် လျော်ကြေး ပြန်ပေးတယ်။ ၁၉၉၄မှာ ချက်က နာဇီလက်ထပ် ဂျူးတွေထံက သိမ်းယူခဲ့မှုအပေါ်ကိုပါ ပြန်ပြီးလျော်ကြေးပေးခဲ့တယ် ။ ခု ဗားကလက်ဟာဗဲလ်နဲ့ အင်တာဗျူးဟာ ဒီမိုကရေစီအကူအပြောင်းကာလမှာ ယခင်ကွန်မြူနစ်အစိုးရလုပ်ခဲ့တဲ့ မတရားမှုတွေအပေါ် ဘယ်လိုကိုင်တွယ်မလဲဆိုတာကိုဆွေးနွေးထားတာဖြစ်တယ် ။ အထူးသဖြင့် ဒီမိုကရေစီ လူ့အဖွဲ့အစည်းတစ်ရပ်မှာ လူထုအနေနဲ့ ဒီလူ့အဖွဲ့အစည်းဟာ တရားမျှတမှုနဲ့စတင်လာတဲ့ လူ့အဖွဲ့အစည်းတစ်ရပ် ဒါမှမဟုတ် တရားမျှတမှုကို ပြန်လည်ရှာဖွေပေးတဲ့ လူ့အဖွဲ့အစည်းတစ်ရပ်ရယ်လို့ မြင်လာအောင် ဘယ်လိုလုပ်ကိုင်မလဲ ။ လူ့အဖွဲ့အစည်းရဲ့ စုစည်းညီညွတ်မှုကိုလည်း မပျက်ယွင်းအောင်ဘယ်လို ရှာဖွေမလဲဆိုတာကိုဆွေးနွေးထားတာဖြစ်တယ် ။ ဟာဗယ်ကို ဗျူးတဲ့ အဒမ်မစ်ရ်ှနစ်က ကွန်မြူနစ်အုပ်စိုးစဉ်းကာလက ပိုးလန်ခေါင်းဆောင်တစ်ဦးဖြစ်တယ် ။ စာရေးဆရာတစ်ဦးဖြစ်သလို နိုင်ငံရေးသမားတစ်ဦးလည်းဖြစ်တယ် ။ ၀ါဆော်နေ့စဉ်သတင်းစာ အယ်ဒီတာချုပ်အဖြစ်လုပ် ကိုင်တယ် ။ ဟာဗယ်ကတော့ ကျွန်တော်တို့ သိထားတဲ့အတိုင်းပဲ ပြဇာတ်ရေးဆရာ ချက်နိုင်ငံရဲ့ သမ္မတတစ်ဦးဖြစ်တယ် ၁၉၈၉ကနေ ၁၉၉၂အထိလုပ်ကိုင်ခဲ့တယ် ။ ခုအင်တာဗျူးဟာ ၁၉၉၁ နိုဝင်ဘာ ၃၀ရက်နေ့ ဂတ်စတာဝီဘော်ဇာ ၀ါဆောနေ့ စဉ်ထုတ်သတင်းစာမှာ အင်တာဗျူးခဲ့တာကို ပြန်လည်ဖော်ပြတယ် ။ မူရင်းက ပိုးလစ်ဘာသာနဲ့ဖြစ်ပြီး အင်္ဂလိပ်လိုကို ပိုတော့ကာကနေ ဘာသာပြန်ခဲ့တယ် ။
မစ်ရ်ှနစ်- ချက်မှာ ကွန်မြူနစ်အုပ်စိုးမှုကာလနဲ့ ပတ်သတ်ပြီး ဘာတွေဖြစ်နေလဲ ၊ ဘာတွေဖြစ်တော့မလဲဗျ။
ဟာဗဲလ်- ခု သန့်စင်ရေး ဥပဒေဟာ ကွန်မြူနစ်လွန်ကမ္ဘာအတွက် တကယ့်ပြဿနာကြီးလို့ ကျွန်တော်ထင်တယ် ။ ကွန်မြူနစ် အုပ်ချုပ်မှုကို ကျွန်တော်တို့အားလုံး တိုက်ရိုက်ဖြစ်စေ ၊ အနည်းနဲ့အများဆိုသလို အတူတကွဖန်တီးခဲ့ကြတယ် ။ ဒီစနစ်ကို နှုတ်ပိတ်ပြီးလက်ခံခဲ့ကြတယ် ။ ကျွန်တော်တို့ အများစုဟာ အာဏာရှင်အလေ့အကျင်တွေနဲ့ မသိစိတ်ကနေ အလေ့အကျင့်ဖြစ်နေခဲ့တာ။ ပြီးတော့ ခုလည်း ဗဟိုကနေ ကျယ်ကျယ်ပြန့်ပြန် လွှမ်းမိုးချုပ်ကိုင်ထားတဲ့ နိုင်ငံတော်အခြေပြု စီးပွားရေးလုပ်ငန်းတွေလည်းရှိနေသေးတယ် ။ နိုင်ငံတော်အတွင်းမှာ ယခင်က ၀န်ကြီးတွေနဲ့ ဗျူရိုကရက်တွေ ပြည့်နှက်နေ တယ် ။ ဒီအချက်ဟာ ကွန်မြူနစ်လွန်လောကအတွက် ရုန်းကန်ဖြေရှင်းရမယ့် ပြဿနာကြီးတစ်ခုပဲ ။ အင်း ပြဿာနာ ဖြစ်ရုံသာမကဘူး၊ အရေးတကြီး ဖြေရှင်းရမယ့်အရာတစ်ခုလည်းဖြစ်တယ် ။ ဒီနေရာမှာ ရုန်းကန်ဖြေရှင်းရမယ်ဆိုတာနဲ့ ပတ်သတ်ပြီး ကျွန်တော်ညွန်းချင်တာက ရုန်းကန်မှုဟာ အင်စတီကျူး ရှင်းအရလုပ်ရမှာသာမကဘူး ကွန်မြူနစ်အုပ်ချုပ်ရေးလက်အောက်မှာရှိခဲ့သမျှ လူတွေအာလုံးကလည်း လုပ်ရမှာဖြစ်တယ် ။ ဒါတွေအပြင် ကွန်မြူစနစ်အတွင် ကျွန်တော်တို့ရဲ့ သာမန်လိုဖြစ်နေတဲ့ အလေ့အကျင့်တွေကို နိုင်ငံသားတွေကြား ပြေပျောက်အောင်လုပ်ရမယ် ။ နိုင်ငံသားတွေအားလုံးက အကြွင်းမဲ့အာဏာပိုင်စနစ်အုပ်ချုပ်ရေး မုန်းကြတယ် ။ သူတို့ရဲ့ ဘ၀တွေအားလုံးကို အာဏာရှင်စနစ်အောက်မှာ ဖြတ်သန်းခဲ့ရတယ် ။ သူတို့ မသိစိတ်ထဲကကိုက အာဏာရှင်အလေ့ အကျင့်ကိုယဉ်ပါးခဲ့ရတာ။ သူတို့တွေက ဘာမှ စွမ်းဆောင်နိုင်စွမ်းမရှိတဲ့ နိုင်ငံတော်ဟာ သူတို့အထက်မှာရပ်တည်နေတာ ၊ ဘာမဆိုလုပ်သွား နိုင်တဲ့ နိုင်ငံတော်တစ်ခု ၊ အရာရာကို လိုက်ပြီး စွက်ဖက်နေတဲ့ နိုင်ငံတော်တစ်ခု ၊ အရာရာတိုင်းအတွက် တာဝန်ရှိတဲ့ နိုင်ငံတော်တစ်ခုသူတို့ထက်မှာရှိနေတယ်ဆိုတဲ့ အသိနဲ့ အလေ့အကျင့်ဖြစ်နေခဲ့ကြတာ။ နိုင်ငံတော်ကနေ ဖခင်သဖွယ်ပြုမှုနေတယ်ဆိုတဲ့ အချိုးတွေကို သူတို့ရခဲ့တယ် ။ အဲဒီလို အလေ့အကျင့်တွေကို တစ်နေ့ပြင်မယ်ဆိုတာမျိုး တောင် မဖြစ်နိုင်လောက်အောင်ပဲ ။ မကောင်းတဲ့ အကျင့်ဆိုးတွေဟာ ပြည်သူတွေကြားထဲမှာ နှစ်ပေါင်းများစွာ စနစ်တကျပျိုးထောင်ခံခဲ့ရတော့ကာ ရုတ်တစ်ရက်ပျောက်သွားဖို့ မဖြစ်နိုင်ဘူး ။ ဒီအလေ့အကျင်တွေဟာ တကယ့်ကို အင်အားကြီးမားပြီး ဒုက္ခပေးမယ့် အမွေဆိုးတွေပဲ ။ ကွန်မြူနစ်လွန်လောကမှာ ကိုင်တွင်ဖြေရှင်းရမယ့် ပြဿနာတွေရဲ့ အရင်းအမြစ်လည်းဖြစ်တယ် ။
မစ်ရ်ှနစ်- ကွန်မြူနစ်တွေ ဒါမှမဟုတ် ယခင်အစိုးရနဲ့ပတ်သတ်တဲ့လူတွေကို ဘယ်လို စိတ်မျိုးထားသင့်သလဲဆိုတာနဲ့ ပတ်သတ်ပြီး တွေးခေါ်ပုံနှစ်ခုရှိတယ် ။ တစ်ဖက်စွန်းတစ်ခုက ပိုလန်ရဲ့ “မျဉ်းကြောင်းထူထူဆွဲရေး ပေါ်လစီ”မှာတွေ့ရမယ် ။ ပိုလန်ဝန်ကြီးချုပ်ဟောင်းမာဇောဝစ်စကီးရဲ့ ပထမဆုံးမိန့်ခွန်းမှာပြောခဲ့တဲ့ စကားပဲ ။ သူဆိုလိုတာက အတိတ်နဲ့ပစ္စပ္ပာန် ကာလကြားမှာ မျဉ်းကြောင်းထူထူဆွဲရမယ်၊ အစိုးရသစ်အပေါ်ပေးအပ်မယ့် စွမ်းဆောင်ရည်နဲ့ သစ္စာတရား အစိုးရအရာရှိတွေကို တန်ဖိုးဖြတ်မယ့် တစ်ခုတည်းသော မှတ်ကျောက်စံပဲ ဆိုတယ်။ အတိတ်ကာလ ကွန်မြူနစ်တွေနဲ့ ပတ်သတ်လုိ့ လစ်လျူရှုလိုက်တဲ့ အတွက် သူတို့ ကွန်မြူနစ်တွေ၊ ရာဇ၀တ်ကောင်တွေ၊ သူခိုးတွေကို အကာအကွယ်ပေးသူ အဖြစ်စွပ်စွဲခံရတယ ။ နောက်ထပ် လမ်ကြောင်းတစ်ခုက ချက်မှာတွေ့ရမယ် ။ အထူးသဖြင့် သန့်စင်ရေဥပဒေမှာပဲ ။ ယခင်ကွန်မြူနစ်အစိုးရနဲ့ ပတ်သတ်သူမှန်သမျှကို သန့်စင်ပြစ်ရေးပဲ ။ ဒီတွေးခေါ်ပုံနှစ်နဲ့ ပတ်သတ်ပြီး ခင်ဗျားဘယ်လို ထင်သလဲ ။
ဟာဗဲလ်- ခင်ဗျားမေးတာဟာ ယနေ့မှာရော ၊ နောင်အနာဂတ်မှာပါ ကျွန်တော်တို့ ရင်ဆိုင်ရမယ့် ကြီးမားတဲ့ ပြဿနာ တစ်ခုပဲ ။ ကျွန်တော်တို့ဟာ ကြေအေးခြင်းနဲ့ အပြစ်ပေးခြင်းနှစ်ခုကြားမှာ ဟန်ချက်ညီ ထိန်းသိမ်းသင့်တယ် ။ ကျွန်တော့် အထင်နှစ်ခုစလုံး တစ်ခုခုကို အစွန်းရောက်သွားရင်မှားမှာပဲ ။ ကျွန်တော်တုို့ နိုင်ငံရဲ့သမိုင်းကနေ ပြနေတာက ကျွန်တော်တွေဟာ အတိတ်ကာလမှာ ဘာတွေပဲဖြစ်ခဲ့ဖြစ်ခဲ့ စိတ်မ၀င်စားသင့်ဘူးဆိုတဲ့ တွေးခေါ်ချည်းကပ်ပုံမျိုးကိုသာ အချိန်တိုင်းမှာ ယူခဲ့ကြတယ်ဆိုတာပဲ ။ အတိတ်ကာမှာဖြစ်ပျက်ခဲ့တာတွေဟာ အရေးမပါလှဘူး ဆိုတာပဲ ။ ဒီသဘောက စနစ်ကြီးတစ်ခုလုံးကို အဆိပ်ခတ်မယ့် အနာကို ကျွန်တော်တို့ မဖယ်ရှားခဲ့ဘူးဆိုတဲ့ သဘောပဲ ။ အနာက ဆက်ပြီး ကြီးထွားလာအောင်လုပ်ပြီး အဆိပ်အသစ်တွေထုတ်ပေးမှာ ။ အဲဒီအနာကို ဖြတ်တောက်ပြစ်ဖို့လိုမယ် ၊ တရားမျှတမှုကို ရှာဖွေဖို့လိုမယ်လို့ ကျွန်တော်ထင်တယ် ။ တစ်ချိန်တည်းမှာပဲ ကျွန်တော်အမြင်အရပြောရရင် ကျွန်တော်တို့ဟာ လူတွေကို အမဲလိုက်သလိုလိုက်မယ့် ၊ တရားဥပဒေမဲ့ လက်စားချေခွင့်ပေးမယ့် တံခါးမျိုးကို ဖွင့်ပေးမထားသင့်ဘူး ။ အဲဒီလို ဖွင့်ပေးထားတာကိုက ကျွန်တော်တို့ နောက်ထပ်သုတ်သင်ပြစ်ရမယ့် အနာအဆာတစ်ခုထပ်ဖြစ်လာနိုင်တဲ့ အတွက်ပဲ ။ လက်စားချေခွင့်ပေးထားချင်တဲ့ ချည်းကပ်ပုံမျိုးဟာ ခု ကျွန်တော်တို့ နိုင်ငံမှာ ကျယ်ပြန့်တဲ့ အစဉ်အလာတစ်ခုဖြစ်နေတယ် ။ဒုတိယကမ္ဘာစစ်အပြီးတုန်းက လက်စားချေသူတွေကို ကျွန်တော် မှတ်မိသေးတယ် ။ များသောအားဖြင့် အဲဒီကာလက အင်အားအကြီးမား ဆုံးလို့ဆိုရမယ့်သူတွေဟာ အပြစ်အရှိဆုံးသူတွေပဲ ။ တနည်းနည်းနဲ့ ရဲတွေနဲ့ အဆက်အသွယ်ရှိနေသူတွေ ရဲ့နာမည်ကိုဖော်ထုတ်ဖို့မယ်ဆိုရင် ဘာတွေပဲဖြစ်ဖြစ် ဒီကိစ္စဟာ အလွန်အန္တရာယ်ကြီးမားတဲ့ကိစ္စပဲ ။ ဘယ်အချိန်မဆို ထပြီးပေါက်ကွဲသွားမယ့် ဗုန်းတစ်လုံးပဲ ။ စိတ်ကူးယဉ်ဝါဒ၊ ဥပဒေကင်းမဲ့မှု နဲ့ မတရားမှုတွေကို ပြန်လည်ယူဆောင်လာနိုင် တယ် ။ အတိတ်ကာလက မတရားမှုတွေအတွက် လစ်လျူရှုမှုနဲ့ ပြန်လည်အပြစ်ပေးမှုနှစ်ခုကြားမှာ မှန်ကန်တဲ့ ဟန်ချက်ညီမှု ၊ မှန်ကန်တဲ့ ချည်းကပ်ပုံ ရှာဖွေဖို့ရာအရေးကြီးတယ် ။ လူသားဆန်မှုနဲ့ နိုင်ငံရေးအရ ယဉ်ကျေးမှုတစ်ခုခုကို လည်း ပေးအပ်ရမယ် ။ အတိတ်ကာလကနေ ထွက်ပြေးဖို့လည်း မကြိုးစားသင့်ဘူး ။ ကျွန်တော်တို့ဟာ ကျွန်တော်တို့ရဲ့ အတိတ်ကာလနဲ့ ရင်ဆိုင်နိုင်ဖို့ကြိုးစားရမယ် ။ အတိတ်ကို နာမည်ပေးရမယ်၊ အဲဒီကနေ နိဂုံးမှတ်ချက်တွေ ထုတ်ရမယ် ၊ပြီးတော့ တရားမျှတမှုရှေ့မှောက်ကို ယူဆောင်လာရမယ် ။ ဒါပေမယ့် ခင်ဗျားဒါတွေကို လုပ်တဲ့အခါ ရိုးရိုးသားလုပ်ရမယ် ။ သတိရှိရှိ ၊ရက်ရက်ရောရောနဲ့ စိတ်ကူးကွန့်မြူးမှုကောင်းကောင်းနဲ့လုပ်ရမယ် ။ အပြစ်ရှိတယ် ၊ နောင်တရခဲ့ပါတယ်လို့ ၀န်ခံမယ့်နေရာတိုင်းမှာ ခွင့်လွှတ်မှုဆိုတဲ့ နေရာတစ်နေရာတော့ဖြင့် ရှိသင့်တယ် ။ ဒါကြောင့် ကျွန်တော်လူသားဆန်တဲ့ ချည်းကပ်ပုံနဲ့ပဲ အလုပ်လုပ်ချင်တယ် ။ တရားစွဲပုံအသစ်တွေ ၊ ကြောက်ရွံ့ထိတ်လန့်နေတဲ့ ပတ်ဝန်းကျင်တွေကို မလိုချင်တော့ဘူး ။ လျို့ဝှက်ရဲတွေကို လူတွေ နှစ် ၄၀လောက် ကြောက်လာတာ လုံလောက်ပါပြီ။ လွန်ခဲ့တဲ့ ၁၅နှစ်လောက်က လုပ်ခဲ့တာတွေအတွက် တစ်ယောက်ယောက်က ပြန်ဖော်ထုတ်တော့မှာကို ကြောက်မနေသင့်တော့ဘူး ။ လူအများစုဟာ အဲဒီလိုကြောက်ရွံ့ထိတ်လန့်မှုကြောင့် တစ်ယောက်နဲ့တစ်ယောက်တောင်မှ မသိကြတော့ဘူး။ တခြားသောအရာတစ်ခုထဲကို ခြေလှမ်းမချချင်ကြတော့ဘူး ။ ဒါကြောင့် သန့်စင်ရေးဥပဒေကို လွှတ်တော်က ပြုပြင်သင့်တယ် ။ အချက်အလက်အပေါ်ကို အခြေခံပြီးတော့လည်း သန့်စင်ေ၇းဥပဒေကိစ္စကို မှတ်ချက်ချချင်တယ် ။ သန့်စင်ရေးဥပဒေရဲ့ နယ်ပယ်ကကျယ်ဝန်းလွန်းတယ် ၊သန့်စင်ရေးဥပဒေကိစ္စသက်သက်မဟုတ်တော့ဘဲ ၊ လျို့ဝှက် ဖိုင်တွဲတွေထဲမှာ ပါသည်ဖြစ်စေ မပါသည်ဖြစ်စေ ယခင်အစိုးရနဲ့ပူးပေါင်းဆောင်ရွက်ခဲ့သူမှန်သမျှကိုပါ လိုက်ပါစုံစမ်းစစ်ဆေး ရမယ့်သဘောရှိတယ် ။ ဒါ့အပြင် ဥပဒေက လွန်ခဲ့တဲ့ နှစ်ပေါင်းလေးဆယ်အတွင်း အလုပ်သမားစစ်တပ်မှာ ပါဝင်ခဲ့သူမှန်သမျှကို တားဆီးဖို့ ၊၁၉၄၈နဲ့ ၆၈က ကွန်မြူနစ်ကော်မတီဝင်တေ ဒါမှမဟုတ် ကွန်မြူနစ်ပါတီမှာ ငါးနှစ်လောက် ပဲ နေရာရခဲ့သူတွေကိုပါ ထည့်ရမယ့် သဘောရှိတယ် ။ ချွင်းချက်တစ်ခုရှိတာက ဥပဒေက ၁၉၆၈ဂျန်န၀ါရီလ ၁ရက်နေ့နဲ့ ၁၉၆၉မေလ ၁ရက်နေ့ ကြားက ပါတီအရာရှိတွေကို မရည်ညွန်ထားဘူး ။ တစ်ခုလုံးကိုခြုံကြည့်ရင် ဥပဒေဟာ အရမ်းပြင်းထန်ပြီး တရားမျှတမှုမရှိဘူး လို့ ကျွန်တော်ထင်တယ် ။ တကယ်လို့ တစ်ယောက်ယောက်ဟာ အလုပ်သမားစစ်တပ်မှာ လွန်ခဲ့တဲ့ နှစ်သုံးဆယ်အကြာလောက်က တစ်ရက်လောက်ပါဖူးရုံနဲ့ သူဟာ ယနေ့နေရာတစ်ချို့မှာ တာဝန်ယူနိုင်ခွင့်ကနေ တားဆီးခံရမယ့်သဘောပဲ ။ ဆိုဗီယက်ကျူးကျော်တာကို ဆန့်ကျင်တဲ့ ပါတီကွန်ဂရက်မှာ အဓိက ပါဝင်လုပ်ဆောင်ခဲ့တဲ့အလုပ်သမားစစ်တပ်အတွင်းက သူရဲကောင်းတွေရှိခဲ့ဖူးတယ် ။ သူတို့လိုလူမျိုးတွေဟာ အများကြီးတော့မဟုတ်ဘူး ၊ တကယ့်ကို ရှားရှားပါးပါးပဲ ။ ဒါပေမယ့် ကိုယ်ကျင့်တရားဆိုင်ရာ ရှုထောင့်ကနေကြည့်ရင် ဒီဥပေဒကြောင့် အပြစ်ကင်းစင်တဲ့လူတစ်ယောက်ဒုက္ခရောက်သွားရတာပဲ ။ ဒါဟာ အတော်ကလေးဆိုးဝါးတယ်လို့ ကျွန်တော်ထင်တယ် ။ ဒါကြောင့် သာမန်အားဖြင့်ကြည့်မယ်ဆိုရင် ဒီလိုစုပေါင်းခံစေဆိုတဲ့ အပြစ်မျိုး တာဝန်ယူရပုံမျိုးကို ဖော်ဆောင်အပြစ်မပေးသင့်ဘူး။ ဒါဟာ တစ်သီးပုဂ္ဂလူသားတစ်ဦချင်းစီနဲ့ ဆိုင်တဲ့ လုပ်ရပ်တွေသာဖြစ်တယ် ။ ဒါကြောင့် ကျွန်တော်ဥပဒေကို ပြုပြင်ပေးဖို့ တောင်းဆိုခဲ့တယ် ။ ယခင်အစိုးရနဲ့ ပူးပေါင်းဆောင်ရွက်ခဲ့သူမှန်သမျှ ဆိုတာထက် တစ်သီးပုဂ္ဂလချင်းရဲ့ သီးသန့်ပြဿနာတွေကို စိစစ်ပြီးသာလျင် တစ်ချို့သောနေရာတွေကို ရယူခွင့်မပေးသင့် တာမျိုးကိုလုပ်သင့်တယ်လို့ တောင်းဆိုခဲ့တာ ။ ဥပမာဆိုရရင် နောက်ပိုင်းမှာ အဲဒီလိုလူဟာ လူ့အခွင့်အရေးအတွက် တိုက်ပွဲဝင်ခဲ့တယ်ဆိုရင် အတိတ်ကာလ တစ်ချိန်ချိန်မှာလုပ်ခဲ့တာတွေထက် ဒီထည့်ဝင်မှုဟာ ပိုပြီး ကြီးမားတဲ့ ထည့်ဝင်မှုဖြစ်ကြောင်း တရားရုံးက ကြေငြာနိုင်ရမယ် ။ ဒီလိုဆိုရင် ယခင်အာဏာရှင်အစိုးရနဲ့ ပူးပေါင်းဆောင်ရွက်ဖို့ တစ်စုံတစ်ရာဖိအားပေးဆက်ဆံခံခဲ့ရတဲ့ လူမျိုးတွေအတွက် ကာမိမယ် ။
မစ်ရှိနစ်- ပြဿနာတစ်ခုရှိသေးတယ်ဗျ။ ဒလိုဗက်နိုင်ငံရေးခေါင်းဆောင်တစ်ဦးဖြစ်တဲ့ ယန်ကာနိုဂါစကီက ခုသမ္မတ မတ်စီယာဟာ လျို့ဝှက်ရေးတွေနဲ့ ပူပေါင်းဆောင်ရွက်ခဲ့ဖူးတယ်လို့ စွပ်စွဲပြီး မတ်စီယာကလည်း ဒီအတိုင်းပဲ ပြန်စွပ်စွဲတယ် ။ တကယ်တမ်းဟုတ်မဟုတ်ကတော့ သူတို့နဲ့ ဆက်ဆံခဲ့ကောင်းဆက်ဆံခဲ့မယ့် လျို့ဝှက်ရဲ့အရာရှိတစ်ဦး ကသာလျင်သိမယ်။ ဒါဆိုရင် လျို့ဝှက်ရဲတွေကပဲ ကိုယ်ကျင့်တရားဆိုင်ရာ ထောက်ခံချက်ကိုထုတ်ပေးမယ့်သူလို ကြောင်တောင်တောင်နိုင်တဲ့ ကိစ္စတွေဖြစ်လာမယ်။
ဟာဗဲလ်- မှန်တာပေါ့ဗျာ။ ကျွန်တော်လည်း လွှတ်တော်အဓိက အာရုံထားတာကို ထုတ်ပြချင်တယ် ။ ဒီမိုကရေစီ နိုင်ငံ လူတစ်ယောက်ဟာ တစ်ချို့သောနေရာတွေ တာဝန်ယူပိုင်ခွင့်နဲ့ ပတ်သတ်ပြီး အကြွင်းမဲ့ မှန်ကျောက်စံ လျို့ဝှက်ရဲ့တွေရဲ့ ဖိုင်တွဲတွေထဲကနေခလာတာမျိုးက တကယ့်ကို ကြောင်တောင်တောင်နိုင်တာအမှန်ပဲ ။
မစ်ရ်ှနစ်- ကြေးအေးခြင်းနဲ့ အပြစ်ပေးခြင်းကြားထဲမှာ ဟန်ချက်ညီကိုင်တွယ်ဖို့ရာ နည်းလမ်းတစ်ခုတော့ ရှိသင့်တယ်လို့ ခင်ဗျားပြောတယ်နော် ။ တရားမျှတမှုရဲ့အဆုံးသတ်ကို ရှဖွေရမယ့်နေရာ လက်စားချေမှုကို စတင်တဲ့ နေရာဟာ ဘယ်နေရာမှာရှိတယ်လို့ ခင်ဗျားထင်သလဲ ။
ဟာဗဲလ်- လူသားရဲ့ ခံစားချက်တွေ ၊အာသီသတွေ ၊နာလည်းခြင်း ၊ အသိပညာ၊ စတဲ့ တရားဥပဒေစံတွေမှာ လွယ်လွယ်ကူ ကူဖော်မပြထားတဲ့ အရာတွေကြောင့် တရားမျှတမှုကိုဘယ်လောက် ၊ တရားမျှတမှုကိုပြီးမှပြန်ရှာဖွေပြရတဲ့ လက်စားချေခြင်းလိုအရာကိုဘယ်လောက်လုပ်မလဲဆိုတဲ့ အကန့်အသတ်ဟာ ဖမ်းဆုပ်ရခက်လွန်းတယ် ။ လူသားရဲ့ ဘက်ကိုလိုက်မယ်ဆိုရင် တရားမျှတမှုနဲ့ လက်စားချေမှုကြားကို ကျွန်တော်တို့ ရှာတွေ့ကောင်းရှာတွေ့နိုင်မယ် ။ ဒါပေမယ့် ရှာတွေ့ဖို့ရာခက်ခဲတယ် ။ ခက်ခဲတယ်ဆိုတာကို ကျွန်တော်တို့ရဲ့ သန့်စင်ရေးဥပဒေက ပြနေတာပဲလေ ။ နှစ်လောက် လေ့လာ ဆွေးနွေးပြီးမှ ထွက်လာတဲ့ ဒီဥပဒေမှာ အပြစ်အနာအဆာရှိနေတာကိုက ခက်ခဲ့တာကိုပြနေတာ။ ကြေးအေးခြင်း ၀ါ တရားမျှတမှုနဲ့ အပြစ်ပေးခြင်း ၀ါ လက်စာချေခြင်းနှစ်ခုကြားထဲက အရာကို အဓိပ္ပာယ်ဖွင့်ပြဖို့ရာ ခက်ခဲတယ် ။
မစ်ရ်ှနစ် - ခင်ဗျားရဲ့ အင်တာဗျူးတစ်ခုမှာ လူတွေဟာအတိတ်ကာလကို ကြောက်ရွံ့ကြပုံကို ခင်ဗျား သိရတယ်လို့ ဖြေခဲ့ဖူး တယ်နော်။ ကျွန်တော် ဂျာမနီမှာနေတုန်းက အဲဒီက သူငယ်ချင်းတွေနဲ့စကားပြောဖြစ်တာလေးရှိတယ် ။ သူတို့အားလုံးက ဂျာမန်လျို့ဝှက်ရဲတွေအကြောင်းပြောနေကြတယ် ။ သူတို့တွေ အဲဒီအကြောင်းအရာပဲရောက်ပြီး စိတ်ဖိစီးနေတယ်လို့ ထင်တယ် ။ သူတို့က ခုခေတ် ဂျာမန်လျို့ဝှက်ရဲတွေဟာ သြစ၀စ်ခ်ျရဲ့ ၀ိညဉ်တွေပဲလို့ နှိုင်းယှဉ်ပြောတယ် ။ ပြီးတော့ ပြဿနာတစ်ခုလုံးကို ခံရသူတွေဘက်နေသာလျင် စဉ်းစားသင့်တယ်လို့မြင်ကြတယ်။ လျို့ဝှက်ရဲတွေကြောင့် တစ်စုံတစ်ယောက်ဟာ နာကျင်မယ်ဆိုရင် အဲဒီသူမှာ တရားမျှတမှုကို ရှာဖွေပိုင်ခွင့်ရှိရမယ် ။ ပြီးရင် ဘယ်သူက သူ့ကို နာကျင်အောင်လုပ်သလဲဆိုတာသိပိုင်ခွင့်ရှိရမယ်လို့ ဆိုကြတယ် ။ ဒီသဘောက အဲဒီသူဟာ သူ့ရဲ့ ဖိုင်တွဲကိုကြည့်ခွင့် ရရမယ်ပြီးတော့ ဘယ်သူ သူကို ဒုက္ခပေးသလဲဆိုတာသိရမယ်ဆိုဆဲ့သဘောပဲ ။ တစ်ဖက်မှာလည်း ကျွန်တော် စပိန်စာရေးဆရာ ဂျော့ဆမ်ပရမ်နဲ့ ပြောတုန်းက သူကို ကျွန်တော် “ စပိန်မှာ အာဏာရှင်ခေတ်လွန်ပြီး အဲဒီလိုပြဿနာကို ဘယ်လိုကိုင်တွယ်သလဲ” လို့မေးကြည့်ဖူးတယ် ။သူက “ တကယ်လို့ ခင်ဗျာဟာ သာမန်ဘ၀တစ်ခုမှာနေချင်တယ်ဆိုရင်တော့ ခင်ဗျားမေ့ပြစ်ရမယ်။ တခြားတစ်ဖက်မှာလည်း ပခြုပ်ထဲက လွတ်လာတဲ့ မြွေဆိုးတွေဟာ လူထုရဲ့ဘ၀ကို နှစ်ပေါင်းများစွာ အဆိပ်ခေတ်ဖို့လာလိမ့်မယ်”လို့ ဆိုတယ် ။ ဂျာမန်စာရေးဆရာ ဂျာဂျန် ဖူးခ်ျကတော့ ဒါကိုပဲ” နားထောင်ဗျာ၊ ကျွန်တော်ဟာ သွေးဆာနေသူတစ်ယောက် မဟုတ်ဘူး ၊ ဒါပေမယ့် တရားမျှတမှုကို ပြန်လည်ရှာဖွေပေးတဲ့ အပြစ်ပေးမှုမရှိဘဲ ကျွန်တော် အသက်ရှင်ရတာ အခက်အခဲ ရှိတယ် ။ ဒီပြဿနာကို တိတိကျကျ မဖြေရှင်းဘူးဆိုရင နာဇီဝါဒက ကျွန်တော့်ကို ခြောက်လှန့်နေလိမ့်မယ် ။ ကျွန်တော်တို့ကိုယ်ထဲက နာဇီအရိပ်အမြွက်တွေကို လျော့မချနိုင်ဘူးဆိုရင် ကျွန်တော်တို့ရဲ့ ကိုယ်ထဲနှစ်ပေါင်းမြားစွာ လေးလံစွာနဲ့ တည်ရှိနေလိမ့်မယ် ။ ခု ချက်စာရေးဆရာလည်းဖြစ် သူ့နိုင်ငံရဲ့သမ္မတလည်းဖြစ်နေတဲ့ သူတစ်ယောက်ကရော ဒါနဲ့ ပတ်သတ်လို့ ဘယ်လိုတွေးမလဲ ။
ဟာဗဲလ်- ဒီကိစ္စနဲ့ ပတ်သတ်ရင် ကျွန်တော်ရဲ့ ပုဂ္ဂလိကဘ၀နဲ့ သမ္မတအဖြစ်တာဝန်ယူပေးထားရတဲ့ အပိုင်းနှစ်ပိုင်းကနေပြောချင်တယ် ။ ကျွန်တော်ရဲ့ပုဂ္ဂလိကဘ၀ကိုပြောရရင် သမ္မတအဖြစ် ရွေးကောက်တင်မြှောက် ခံရပြီးမကြာခင်မှာပဲ ။ ကျွန်တော့်ကို ကျွန်တော့်အပေါ် စွပ်စွဲပြောဆိုခဲ့တဲ့ မိတ်ဆွေတွေရဲ့ စာရင်ကို ပေးအပ်လာတယ် ။ အဲဒီနေ့မှာပဲ ကျွန်တော်အဲဒီစာရင်းကို ဖျက်ဆီးခဲ့သလို ဘယ်သူတွေရဲ့နာမည်ပါသလဲဆိုတာကိုပါ မေ့လိုက်တယ် ။ သဘောကတော့ ဒီပြဿနာကို ကျွန်တော်ရဲ့ ပုဂ္ဂိုလ်ရေးကိစ္စတစ်ခုအနေနဲ့ပဲ ထားလိုက်ချင်တယ် ။ ကျွန်တော်ကိုယ်၌က ရဲတွေနဲ့ဖွဲ့စည်းထားတဲ့ ယန္တရားထဲမှာရှိနေသလို ၊ အဲဒီစာရင်းတွေက လူတွေကို ဘယ်လို ဖျက်ဆီးနိုင် သလဲဆိုတာ သိနေတယ် ။ ကျွန်တော် ဒါနဲ့ပတ်သတ်လို့ ခြေဖျောက်ချင်တဲ့အတွက် ပြဇာတ်နဲ့ အက်ဆေးတွေရေးပြီး ဖြေဖျောက်တယ် ။ ကျွန်တော်ရဲ့ ပြဿနာတွေကို ဘယ်လို ဖြေရှင်းမလဲဆိုတာကို စီမံခဲ့တယ် ။ ကျွန်တော်အပေါ် ဆိုးဆိုးဝါးဝါးပြုမူခဲ့သူ ဘယ်သူတစ်ဦးတစ်ယောက်ကိုမှ အပြစ်ပေးစရာမလိုဘူး ။ သမ္မတအနေနဲ့ပြောရရင် ကျွန်တော်စိတ်ထဲမှာ ရှိတာက လူ့အဖွဲ့အစည်းဟာ ကျွန်တော့်ရဲ့ပုဂ္ဂလိက သဘောအပေါ်ထားတဲ့အတိုင်းထားနိုင်ဖို့တော့လိုအပ် လိုအပ်မယ် လက်စားချေလိုမှုကိုသာဦးတည်နေမယ်ဆိုရင် နို့မဟုတ် ရင် လူထုရဲ့ စိတ်ထဲမှာ တော်လှန်ရေးဟာ မပြီးဆုံးသေးပါဘူးဆိုတဲ့ ခံစားချက်တွေတင်ကျန်ရစ်နေ မယ်။ဒါပေမယ့်လည်း ကွန်မြူနစ်အာဏာရှင်တွေကြောင့် ဘ၀ပျက်သွားသူတွေ၊ မိသားစုတစ်ခုလုံး ဖျက်ဆီးခံလိုက်ရ တဲ့သူတွေ ၊ သူတို့ရဲ့ လူငယ်ဘ၀တစ်ခုလုံးကို ညှင်းပန်းနှိပ်ရေးအကျဉ်းစခန်းတွေမှာ ကုန်လွန်ခဲ့ရသူတွေရှိမယ် ။ သူတို့အနေနဲ့က အလွယ်တကူ စေ့စပ်ကြေအေးနိုင်ဖို့မလွယ်လှဘူး။ သူတို့ခံစားရတာတွေက သူတို့ရဲ့ စိတ်လှုပ်ရှားမှုကို ပိုလှုံ့ဆော်ပေးတယ် ။ ကျွန်တော်တို့ရဲ့ လူ့အဖွဲ့အစည်းဟာ အတိတ်ကာလနဲ့ပတ်သတ်ပြီး ရင်ဆိုင်ဖို့ လိုအပ်တယ် ။ လူ့အခွင့်အရေးကို ချိုးဖောက်ခဲ့သူတွေ ၊ နိုင်ငံကို ကြောက်ရွံ့ထိတ်လန့်နေအောင်လုပ်ခဲ့သူတွေ အမြစ်ဖြတ်ပြစ်ဖို့လိုတယ် ။ သူတို့ထိုင်နေတဲ့ အစိုးရနေရာတွေကနေ ဖယ်ရှားပြစ်ဖို့လိုတယ်။ကျွန်တော်အထက်မှာဖော်ပြခဲ့သလို ခြုံငုံတဲ့ စုပေါင်းအပြစ်ထက် တိကျတဲ့ နာမည်တစ်ခုချင်ဆီနဲ့ တက်လာဖို့ အရေးကြီးတယ် ။ ကျွန်တော်တို့ဟာ လူတစ်ယောက်ရဲ့ အတိတ်ကာလကို မျက်တောင်မခတ်ကြည့်ဖို့ကတော့ သမိုင်းဆိုင်ရာ လိုအပ်မှုတစ်ခုပဲ ။ ဒီအတွက်လည်း ကျွန်တော့်ရဲ့ ကိုယ်ပိုင်သတင်းပေးတွေထံကနေ တက်လာမယ့် လူစာရင်းကို စောင့်နေတယ် ။
မစ်ရ်ှနစ်- ကျွန်တော်ထောင်ထဲမှာတုန်းက ကျွန်တော်ဘယ်တော့မှ မလုပ်မယ့် ကိစ္စနှစ်ခုကို ဆုံးဖြတ်ချက်ချခဲ့ဘူးတယ် ။ ပထမအချက်က ကျွန်တော်ဟာဘယ်တော့မှ အကြမ်းဖက်အဖွဲ့အစည်းတွေနဲ့ မပတ်သတ်တော့ဘူး။ ဒုတိယအချက်က ဘယ်သူတစ်ဦးတစ်ယောက်ကိုမှ လက်စားမချေတဲ့ဘူးဆိုတာပဲ။ တစ်ခြားတစ်ဖက်ကလည်း ကျွန်တော်ဟာ ကဗျာဆရာ ဇဘစ်နူးဟာဘတ်ရဲ့ ကဗျာစာသား“ ခွင့်မလွှတ်ပါနဲ့ ဘာဖြစ်လို့လဲဆိုတော့ အာရုံတက်ချိန်မှာ သစ္စာဖောက်ခံခဲ့ရသူတွေရဲ့ အမည်နာမရှေ့မှာ ခွင့်လွှတ်ပြဖို့ရာ ခင်ဗျားမှာ ပါဝါမရှိလို့ပါပဲ ” ဆိုတဲ့စာသားကို ကိုယ့်ဘာသာကိုယ် ထပ်တလဲလဲရွတ်ဆိုနေမိတယ် ။ ကျွန်တော်တို့ဟာ အဲဒီလို ဒိုင်ယာလက်တစ်သဘောမှာ ဒုက္ခရောက်နေတာ။ ကျွန်တော်တို့ကိုယ်တိုင်နဲ့ ပတ်သတ်လာရင်တော့ အကြွင်းမဲ့ အဖြေတစ်ခုကိုပေးအပ်နိုင်တယ် ။ ဒါပေမယ့် တခြားသူတွေကိုယ်စား အကြွင်းမဲ့ အဖြေတစ်ခုကိုပေးအပ်ဖို့ကတော့ ဒါဟာ ကျွန်တော်တို့ရဲ့ ပါဝါအတွင်းမှာ ရှိမနေဘူး ။ ကျွန်တော်တို့က လူတွေ ခွင့်လွှတ်ခြင်းကို ယုံကြည်လာအောင် ကြိုးစားနိုင်တယ် ၊ ဒါပေမယ့် သူတို့က တရားမျှတမှုကို လိုချင်လာရင်တော့ သူတို့မှာ အဲဒါကို တောင်းဆိုပိုင်ခွင့်ရှိတယ် ။
ဟာဗဲ- ဟုတ်တယ် ၊ ကျွန်တော်လည်း ပြောခဲ့ပြီးပြီ ။ ဒါဟာ တကယ့်ကိုသေချာတဲ့ အကြပ်အတည်းတစ်ခုပဲ ။ ကျွန်တော့်ရဲ့ တရားဝင်လုပ်ကိုင်နေရတဲ့ အလုပ်က ကျွန်တော့်ရဲ့ ပုဂ္ဂလိကလူသားတစ်ယောက်လိုပြုမူဖို့ ခွင့်မပြုထားဘူး ။ ကျွန်တော် အတွက် လက်စားချေဖို့ မလိုအပ်ဘူး ။ ဒါပေမယ့် နိုင်ငံတော်ကြီးအကဲတစ်ယောက်အနေနဲ့ လူတိုင်းလူတိုင်းဟာ ဂုဏ်သရေကြီးမားစွာ ပြုမူကြပါလို့ ကြေညာပိုင်ခွင့်တော့ မရှိဘူး ။
မစ်ရ်ှနစ် - ကျွန်တော်တို့ရဲ့ စကားဝိုင်းအစမှာ ခင်ဗျားသုံးနှုန်းခဲ့အသုံးတစ်ခုက ကျွန်တော်ကို နဲနဲ လှုံ့ဆော်ပေးလိုက်တယ် ။ အင်း တော်လှန်ရေးမပြီးသေးသလို သဘောသုံးခဲ့တယ်နော် ။ တော်လှန်မပြီးဘူးဆိုတဲ့ အဓိပ္ပာယ်ကဘာလဲ ။ ဘယ်လို အချိန်အခါမျိုးမှာမှ တော်လှန်ရေးတစ်ရပ်ပြီးဆုံးသွားမလဲ။
မစ်ရ်ှနစ်- နောက်ပိုင်းမှာ ကတ္တီပါတော်လှန်ရေးဟာ ဥပဒေစိုးမိုးတဲ့ နိုင်ငံတော်အဖြစ်သွားဖို့ ရာလမ်းကို ရွေးလိုက်တယ်နော်။ ကျွန်တော်တို့ တိုင်းပြည်တွေမှာ သီအိုရီတစ်ခုရှိတယ် ။ တော်လှန်ရေးနဲ့ ဥပဒေအခြေပြု နိုင်ငံတော် ဆိုတဲ့ ချည်းကပ်ပုံ ဟာ မှားနေသလိုပဲ ။ တော်လှန်ရေးလို့ ဆိုရင် ဥပဒေလမ်းကြောင်းကိုလျောက်ပြီးမရွေးသင့်ဘူး။ တော်လှန်ရေး လို့ပြောရင် သူ့ရဲ့ သဘောမှာက နိုင်ငံရေးရန်သူတွေကိုရော ယခင်အုပ်ချုပ်ရေးနယ်ပယ်ထဲကလူတွေကိုပါ ခွဲခြားဆက်ဆံတဲ့ သဘောပါဝင်ပြီးသားပဲ ။ ဥပဒေရဲ့ အဓိပ္ပာယ်မှာတော့ ညီညီမျှမျှဆက်ဆံပေးမယ်ဆိုတဲ့သဘောရှိတယ် လူအားလုံးကို ညီညီမျှမျှ ဆက်ဆံမှသာလျင် ဥပဒေဖြစ်ပြီး မဟုတ်ရင်တော့ ဥပဒေမရှိဘူးလို့တောင်ပြောနိုင်တယ် ။
ခင်ဗျားက မပြီးပြတ်သေးတဲ့ တော်လှန်ရေးလို့သုံးတဲ့အခါ လူတွေက “ဟေး ကြည့်ကြဦး လူသားဝါဒီ ၊ စာရေးဆရာ ၊ဒဿနဆရာ ၊ လူကောင်းတစ်ဦးဖြစ်တဲ့ ဟာဗဲလ်ကြီးတောင်မှ ဒီတော်လှန်ရေးကို ဆက်ရမယ်လို့ ပြောနေ တယ် ” လို့ ဆိုကြလိမ့်မယ် ။ ဒါကြောင့် ကျွန်တော်တို့ဟာ တော်လှန်ရေးကို ဆက်နေဦးမှာလား ။ တစ်ဖက်မှာလည်း ကွန်မြူနစ်တွေက ရှိနေသေးတယ် သူတို့ဟာ အခြားသူတွေလို တူညီတဲ့အခွင့်အရေးရပိုင်ခွင့်ရှိသလား ။ သူတို့တွေဟာ ရာဇ၀တ်ပြစ်မှုကို ကျူးလွန်ခဲ့ရင် ပြီးတော့ သူတို့ရဲ့ အပြစ်ကို သက်သေအထောက်အထားပြနိုင်ခဲ့ရင် သူတို့ကို ရာဇ၀တ်သားတွေ အဖြစ်အပြစ်ပေးရမယ် ။ ဒါပေမယ့် အဲလိုမှ မဟုတ်ရင်တော့ လွန်ခဲ့တဲ့ နှစ်တွေက သူတို့ဟာ ကွန်မြူနစ်ပါတီမှာ ပါဝင်ခဲ့တယ်ဆိုတဲ့အကြောင်းနဲ့ သူတို့ကို ခွဲခြားဆက်ဆံခွင့်မရှိတော့ဘူး ။
ဟာဗဲလ်- ဒီပြောင်းလဲမှုတွေရဲ့ အနှစ်သာရ အရ ကျွန်တော်တို့ဟာ တော်လှန်ရေးလို့ ခေါ်မှာမဟုတ်ဘူး ။ ဥပဒေကင်းမဲ့မှုအ စား ဥပဒေနဲ့ မိတ်ဆက်ပေးခြင်းအပေါ် တည်ထားတယ် ။ ဥပဒေမဲမှု ပုံစံအသစ်ကို ပေးအပ်တာမျိုးလည်း ရှိမှမရှိခဲ့ပဲ ။ အဓိက ပြဿနာက လူမှုရေးဖိအားတွေဟာ ယခင်အုပ်ချုပ်ရေးမှာ ဖြစ်ခဲ့တဲ့ ဥပဒေကင်းမဲ့မှုကနေ အကျိုးသက်ရောက်နေတဲ့ ပြဿနာပဲ ။ ဥပမာ ကျွန်တော့်မိတ်ဆွေတစ်ယောက်ရဲ့ ဖြစ်ရပ်ကိုပဲ ကြည့်ဗျာ ။ မီလိုတာဟာ နှစ်နှစ်ဆယ် ထောင်ချခံခဲ့ ရတယ် ။ သူအလုပ်မလုပ်နိုင်တော့ဘူး ။ ယနေ့မှာ ချက်ငွေ တစ်ထောင်လောက်ပဲ ပင်စင်အဖြစ်ရလိုက်တယ် ။ သူ အလုပ် မလုပ်နိုင်တော့တဲ့ အတွက်ရာထူးလည်း မတိုးတော့ဘူး ။ ဒါပေမယ့် သူကို တရားစွဲဆိုထောင်ချခဲ့တဲ့ သူကတော့ ပင်စင်လာစာ ငါးထောင်ရတယ် ။ အိမ်လည်ရှိတဲ့ တခြားသောပစ္စည်းတွေလည်းရှိတယ် ။ ဒီလို ဖြစ်ရပ်တွေကို လူတွေက ကြည့်ပြီး “ အပေါ်က အရာရှိတွေ ပြောင်းလဲခဲ့တာတော့ အမှန်ပဲ ၊ စိစစ်ရေးလည်း မရှိတော့ဘူး ၊သတင်းစာတွေလဲ ကြိုက်သလိုထုတ်နိုင်ပြီ ဒါပေမယ့် တကယ်အစစ်အမှန် တကယ့် ပစ္စည်းနဲ့ နေ့တိုင်း အမှားယွင်းတွေရှိနေသေးတယ် ။ ယခင် အုပ်ချုပ်ရေးနယ်ပယ်က ဥပဒေကင်းမဲ့မှုဟာ ယခုထက်ထိမပြောင်းလဲသေးပဲ တင်ကျန်နေသေးတယ် ”လို့ ပြောမှာ ။ ဒီလို အကြောင်းကြောင့်ပဲ လူတွေရဲ့ စိတ်ထဲမှာ ယခင်အုပ်ချုပ်ရေးနယ်ပယ်က မတရားမှုတွေအတွက်တရားမျှတ မှုကို ပြန်လည်ရှာဖွေလိုကြတာ ။ သူတို့က တစ်ချို့နိုင်ငံရေးအစွန်းရောက်သူတွေလို လက်စားချေစိတ်နဲ့ မောင်းနှင်နေ တာမဟုတ်ဘူး ။ တရားမျှတမှုကို ရှာဖွေချင်တာ။ ပြီးတော့ ကိုယ်ကျင့်တရားရယ် ၊ ရုပ်ဝတ္ထုဆိုင်ရာပိုင်ဆိုင်မှုတွေမှာ ကျေနပ်မှုကိုလိုချင်တာ ။ တော်လှန်ရေးကို အမြဲတမ်းဆင်နွှဲနေဖို့ အရေးမကြီးဘူး ။ လူထုပျက်စီး ဆုံရှုံးနစ်နာခဲ့တာတွေကို ပြန်လည်ကုစားတဲ့ ဖြစ်စဉ်ကို မြန်မြန်ပြီးအောင်လုပ်ပေးဖို့ အရေးကြီးတယ် ။ ဒီလိုသဘောထားမျိုးကို ကျွန်တော်လေးစား တယ် ။ တကယ်လို့ ကျွန်တော်က လက်စားချေမှုကို ကြားရမယ်ဆိုရင် ဘယ်လိုပဲဖြစ်နေဖြစ်နေ ကျွန်တော်တော့ ပြင်းပြင်း ထန်ထန် ဆန့်ကျင်တယ် ။
0 comments:
Post a Comment