စာအုပ်ကြော်ငြာ ပါ။

 Yan Aung Kyaw


ဘားရက် အိုဘားမားရဲ့ ဆီနိတ်တာဘဝ က ရေးသားခဲ့တဲ့ စာအုပ်ကို မြန်မာဘာသာ ပြန်ဆိုထားတာပါ။ ဒီမိုကရက်ဆီနိတ်တာ အနေနဲ့ ရီပတ်ဘလီကန် အစိုးရ လက်ထက်မှာ ရေးထားတဲ့အမြင်ဖြစ်ပါတယ်။

ပွင့်လင်းပြီး တိုင်းပြည်တည်ဆောက်ရေး တိုးတက်ရေးအတွက် အမြင်တွေအပြင် အမေရိကန် လွှတ်တော်ထဲမှာ ဘယ်လို အလုပ်တွေလုပ်ကြသလဲ။ အမေရိကန် အထက်လွှတ်တော် အမတ်တစ်ယောက်အလုပ်ဘယ်လိုလုပ်ပြီး အမြင်ဘယ်လို ရှိတယ်ဆိုတာတွေပါ ဖတ်ခွင့်ရတဲ့ စာအုပ်ပါ။ 
စာအုပ်တန်ဖိုးက ၃၀၀၀ကျပ်တည်းနဲ့ အသိအမြင်များစွာရစေနိုင်မှာဖြစ်ပါတယ်။ 


အထူးသဖြင့် အစိုးရရာထူးတာဝန်ရယူဆောင်ရွက်နေသူများ၊ အများအကျိုးကိုသယ်ပိုးပေးလိုသူများ၊ နိုင်ငံရေးသမားများ၊ လသား တစ်နှစ်သား နှစ်နှစ်သား အမတ်မင်းအသစ်ကျပ်ချွတ်များ မဖြစ်မနေဖတ်သင့်တဲ့စာအုပ်လို့ မြင်မိပါတယ်။ ဒါ့အပြင် ရင့်ကျက်တဲ့ မဲဆန္ဒရှင်များလည်း ဖတ်သင့်ပါတယ်လို့ မြင်မိပါတယ်။

အောက်မှာ ဘာသာပြန်သူရဲ့ အမှာကို ပြန်ရိုက်တင်ပေးလိုက်ပါတယ်။


ဒီမိုကရေစီ ရဲ့ သဘောကတော့ နိုင်ငံသားများရဲ့လက်ထဲသို့ ရွေးချယ်ခွင့်ကို အပ်နှင်းပေးလိုက်တာပဲဖြစ်ပါတယ်။ ဒီလိုသဘောသဘာဝအရ ဒီမိုကရေစီ နိုင်ငံတစ်ခုမှာ အသိအမြင်များသော၊စဉ်းစားချင့်ချိန်နိုင်သော၊ဝေဖန်ပိုင်းခြားတတ်သော နိုင်ငံသားများကသာ တိုင်းပြည်ကို ကောင်းစွာဦးဆောင်နိုင်မယ့် ခေါင်းဆောင်ကို မှန်ကန်စွား ရွေးချယ်နိုင်မှာပါ။
ဒါ့အပြင် တိုင်းပြည်ဖွံ့ဖြိုးတိုးတက်မှုမှာ နိုင်ငံကို ဦးဆောင်မှုပြုသူက အရည်အချင်းရှိဖို့ လိုအပ်သလို နိုင်ငံသားတို့ရဲ့ အသိပညာမြင့်မားဖို့လည်း လိုအပ်ပါတယ်။ နိုင်ငံသားများ လက်ကိုင်ပြုရမယ့် တန်ဖိုးထားမှုတွေ၊ ကိုယ်ကျင့်သိက္ခာတွေ၊ ဓလေ့ထုံးတမ်း ယဉ်ကျေးမှုတွေ မြင့်မားလေလေ တိုင်းပြည်အတွက် အကျိုးရှိလေလေ ဖြစ်ပြီး အဆင့်အတန်းမြင့်တဲ့ လူမှု အဖွဲ့အစည်းကို ဖြစ်ပေါ်လာစေနိုင်မှာ မလွဲပါဘူး။ ဒါဟာ နိုင်ငံ နဲ့ နိုင်ငံသားများကို ပြောင်းလဲတိုးတက်စေမယ့် နည်းလမ်းပါပဲ။
ဒါကြောင့် ထိုထိုသော အသိအမြင်များ ရရှိနိုင်မယ်လို့ ထင်မြင်ယူဆတဲ့အတွက် စာရေးသူအနေနဲ့ ဒီစာအုပ်ကို ဘာသာပြန်ဆိုဖြစ်ခဲ့ပါတယ်။ Audicity of Hope ကို လက်ရှိသမ္မတ ဘားရက်အိုဘားမား က ဆီနိတ်တာအဖြစ်ရှိနေစဉ်မှာ ရေးသားခဲ့တာဖြစ်ပါတယ်။ ဒီစာအုပ်ဟာ အမေရိကန်ပြည်ထောင်စု ရဲ့ ဒီမိုကရေစီတည်ဆောက်ခဲ့ပုံ၊ နိုင်ငံရဲ့ နိုင်ငံရေး၊ လူမှုရေး၊ စီးပွားရေးအကြောင်းများ၊ နိုင်ငံသားများ ထားရှိသင့်တဲ့ အတွေးအခေါ် အယူအဆများ၊ လူမျိုးရေးပြဿနာများ၊ အမေရိကန်နိုင်ငံရဲ့ နိုင်ငံခြားရေးမူဝါဒ နဲ့ ကမ္ဘာကြီးနဲ့ ပတ်သက်တဲ့ ၄င်းတို့ရဲ့ ရပ်တည်ချက်တွေကို ပွင့်လင်းစွာ တင်ပြထားပါတယ်။
အမေရိကန်ပြည်ထောင်စုဟာ ကျွန်တော်တို့အနေနဲ့ လျစ်လျူရှုပြီးနေလို့ရတဲ့ တိုင်းပြည်တစ်ခုမဟုတ်ပါဘူး။ ၄င်းနိုင်ငံရဲ့ စီးပွားရေး၊လူမှုရေး ကိစ္စအဝဝဟာ အခြားတိုင်းပြည်များအပေါ်မှာ အနည်းနဲ့ အများဆိုသလို အကျိုးသက်ရောက်မှုရှိစေသော ကမ္ဘာထိပ်သီးနိုင်ငံကြီးဖြစ်ပါတယ်။ ဒီလို ကမ္ဘာ့ထိပ်သီး နိုင်ငံ တစ်ခုဟာ ရင့်ကျက်မှုရှိလာတဲ့ ဒီမိုကရေစီကို တိုင်းပြည်မှာ ဘယ်လိုတည်ဆောက်ယူခဲ့ရတယ် ဆိုတာကို ဒီစာအုပ်မှာ အသေးစိတ် ဖတ်ရှုနိုင်မှာလည်း ဖြစ်ပါတယ်။

****

စာအမြည်းအနေနဲ့ သမ္မတဖြစ်မယ်မှန်းမသိသေးခင်မှာ သမ္မတ ဖြစ်လာမယ့်သူက  အိမ်ဖြူတော်ကို သူစမြင်ဖူးတဲ့ အကြောင်းလေးရေးပြရင်း သူတွေးမိတာလေး 

****

ကျွန်တော်ပထမဦးဆုံး အိမ်ဖြူတော်ကို မြင်ဖူးတာ ၁၉၈၄ ခုနှစ်မှာပါ။ ဘွဲ့ရပြီးကာစ နယူးယောက်စီးတီးကောလိပ် ဟာလန်ကျောင်းမှ ထွက်ပြီး ရက်ကွက်စည်းရုံးရေးမှူးအဖြစ် အလုပ်လုပ်ခဲ့ပါတယ်။ သမ္မတ ရေဂင်က အဲဒီ့အချိန်မှာ ကျောင်းသားများထောက်ပံ့ငွေကို ဖြတ်တောက်ဖို့ အဆိုပြုလာတယ်။ ဒါကြောင့် ကျွန်တော်ဟာ ကျောင်းသားခေါင်းဆောင် အုပ်စု နဲ့ အတူဒီလိုဖြတ်တောက်မှုကို ဆန့်ကျင်ကြောင်း ပန်ကြားလွှာကို ကို ကောက်ခံဖို့ စုရုံးပြီး အလုပ်တွဲလုပ်ခဲ့တယ်။ သူတို့ထဲက အများစုက လူမည်း ဒါမှမဟုတ် ကာရစ်ဘီယံကျွန်းသားများ၊ အရှေ့ဥရောပ မိသားစုတွေ ကဆင်း သက်လာသူများ ဖြစ်ပါတယ်။ အများအားဖြင့် သူတို့ဟာ သူတို့ မိသားစုထဲ မှာ ပထမဆုံး တက္ကသိုလ် တက်နိုင်သူတွေဖြစ်ကြပါတယ်။ အဲဒီနောက် ကျွန်တော်တို့တွေဟာ နယူးယော့ခ် လွှတ်တော်ကိုယ်စားလှယ် ထံ ကို ပန်ကြားလွှာပို့ခဲ့ပါတယ်။

အဲဒီခရီးကတိုတောင်းတဲ့ခရီးတစ်ခုပါပဲ။ ရေဘန်အဆောက်အအုံရဲ့ အဆုံးမရှိတဲ့ကော်ရစ်ဒါတွေမှာ လမ်းညွှန်အတိုင်း လျှောက်သွားနေတာ၊ အဲဒီတုန်းကကျွန်တော့်အသက်လောက်တောင်မှ မရှိသေးတဲ့ ယဉ်ကျေးပေ မယ့် ပြီးစလွယ်နိုင်တဲ့ လွှတ်တော်ဝန်ထမ်းများနဲ့တွေ့တာတွေပါပဲ။

နေ့ကုန်ခါနီးမှာတော့ ကျောင်းသားတွေနဲ့ ကျွန်တော် မောလ်နဲ့ ဝါရှင်တန် အထိန်းအမှတ် အဆောက်အအုံဆီကို သွားဖို့ အချိန်နည်းနည်းယူပြီး လျှောက်သွားခဲ့ကြတယ်။ အဲ့ဒီနောက် အိမ်ဖြူတော်ကို မိနစ်အနည်းငယ် ငေးကြည့်ကြတယ်။ မရိန်းအစောင့်စစ်သားတွေရဲ့နေရာရှိတဲ့ပင်မဝင်ပေါက် နဲ့ မလှမ်းမကမ်း ပင်ဆလ်ဗေးနီးယားရိပ်သာလမ်း ပေါ်မှာ ရပ်ပြီးကြည့်နေတုန်း လမ်းလျှောက်သွားသူတွေက ကျွန်တော်တို့ကို ရှောင်ကွင်းလို့ ကားတွေက ကျွန်တော်တို့နောက်မှာ တဝီဝီဖြတ်လို့ပေါ့လေ။ ကျွန်တော် အိမ်ဖြူတော်ရဲ့ ခမ်းနားသေသပ်မှုထက် မြို့တော်ရဲ့  ပျားပန်းခတ်ရှုပ်ထွေးနေမှုကြားမှာ ပေါ်လွင်လွန်းလှတာကို အံ့သြနေမိတာ ပါပဲ။ ကျွန်တော်တို့ ဟာ ဂိတ်ပေါက်တံခါး အထိကပ်သွားကြည့်ကြတယ်။ နောက်ပြီး ဘေးကနေ တစ်ပါတ်ပါတ်လို့ တစ်ဘက်ခြမ်းက နှင်းဆီဥယျာဉ် နဲ့ နေက်ဘက်ပိုင်း ကိုသွားကြည့်ခဲ့ကြတယ်။ ဒီလိုမျိုး အိမ်ဖြူတော်ကို အနားထိ လွပ်လပ်စွာအနီးကပ်ကြည့်ခွင့်ရှိခြင်းဟာ ဒီမိုကရေစီ နဲ့ ပါတ်သက်ပြီး ကျွန်တော်တို့ တိုင်းပြည်ရဲ့ ယုံကြည်မှုရှိခြင်းကို တစ်နည်းပြသနေတာပဲလို့ ထင်မိတယ်။ ကျွန်တော်တို့ ရဲ့ခေါင်းဆောင်များဟာ ကျွန်တော်တို့လိုပဲ ဥပဒေရဲ့လွှမ်းမိုးမှုအောက်မှာရှိပြီး အများရဲ့ဆန္ဒကို လေးစားလိုက်နာရမယ် ဆိုတဲ့ အယူအဆကို သိမြင်လာစေတယ်။

****